​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy កាលពី​ថ្ងៃ​ចន្ទ​បាន​សាទរ​ក្រុម​អ្នកតវ៉ា​នៅក្នុង​ទីក្រុង​ Kherson ​ត្រូវបាន​ចូលកាន់​កាប់​ក្នុង​ភាព​ក្លាហាន​របស់​ពួកគេ​ បន្ទាប់ពី​បាន​ប្រឈម​មុខ​ទៅ​នឹង​ទាហាន​រុស្ស៊ី​ដែល​បាន​ប្រើប្រាស់​កាំភ្លើង​ ដើម្បី​បំបែក​បាតុកម្ម​។​

​ក្នុង​ពេល​កើតហេតុកងកម្លាំង​រុស្ស៊ី​បាន​បាញ់​ឡើងលើ​អាកាស និង​បាន​បោក​គ្រាប់​បែកផ្សែង​ទៅលើ​ក្រុមបាតុករ​ដែល​កំពុងស្រែ​កថា ទៅ​ប្រទេស​អ្នក​វិញ​។​ ទីក្រុង Kherson កាលពី​ដើមខែ​នេះ​បានក្លាយ​ជាទី​ក្រុង​ធំ​ដំបូង​គេ ដែល​ធ្លាក់ចូល​ក្នុងការ​វាយលុករបស់​រុស្ស៊ី​។ ថ្លែង​នៅក្នុង​សន្ទរកថា​តាម​វីដេអូកាលពី​យប់​ថ្ងៃ​ចន្ទ លោក Zelenskyy និយាយថា យើង​បានឃើញ​ទាហាន​ស៊ីឈ្នួល​បាញ់សម្លាប់មនុស្ស​ដោយ​សេរី គឺជា​ទាសករ​នៃការឃោសនាដែលជំនួស​ឲ្យ​មនសិការរបស់​ពួកគេ​។​

​លោក Zelenskyy និយាយថា សង្គ្រាម​បានប្រែក្លាយ​ប្រជាជន​អ៊ុយ​ក្រែ​ន​ធម្មតា​ឲ្យ​ទៅជា​វីរបុរស ហើយ​សត្រូវ​មិន​ជឿ​ថា​វា​ជា​រឿង​ពិត​នោះទេ ខណៈ​មិនចាំបាច់​រៀបចំ​ការតស៊ូ​។ អង្គភាព​សេវា​ទំនាក់ទំនង និង​ព័ត៌មាន​ពិសេស​រដ្ឋ​អ៊ុយ​ក្រែ​នបានចេញ​ផ្សាយ​វីដេអូ​កាលពី​ថ្ងៃ​ចន្ទ បង្ហាញ​ពី​ប្រជាជន​កំពុង​រត់​ចេញពី​ទីលាន​សេរីភាព​ក្នុង​ទីក្រុង Kherson ក្នុងពេល​មាន​សំឡេងបំផ្ទុះគ្រាប់​បែកផ្សែង និង​ការបាញ់​កាំភ្លើង​៕

អត្ថបទ៖ ប៊ុនថន