ចិននិយាយនៅថ្ងៃសុក្រនេះថា ពួកគេនឹងផ្អាកការដំឡើងពន្ធមួយចំនួនលើផលិតផលកសិកម្មកាណាដា ដែលបានដាក់អំឡុងជម្លោះពាណិជ្ជកម្មរបស់ទីក្រុងប៉េកាំង និងទីក្រុងអូតាវ៉ា ក្រោយនាយករដ្ឋមន្រ្តីកាណាដា លោក Mark Carney បានឈានដល់កិច្ចព្រមព្រៀងដំបូងជាមួយទីក្រុងប៉េកាំង អំឡុងដំណើរទស្សនកិច្ចរបស់លោកកាលពីខែមករា ។

ក្រសួងហិរញ្ញវត្ថុចិននិយាយនៅក្នុងសេចក្តីថ្លែងការណ៍ថា ចិននឹងផ្អាកពន្ធ ១០០ភាគរយលើការនាំចូលអាហារកាណូឡាកាណាដា និងសណ្តែក ហើយនិងបញ្ឈប់ពន្ធ ២៥ ភាគរយលើការនាំចូលបង្កង និងក្តាម ចាប់ពីថ្ងៃទី ១ ខែមីនាតទៅ រហូតដល់ដំណាច់ឆ្នាំ ២០២៦ ។

លទ្ធផលនេះស្របគ្នាជាមួយនឹងការរំពឹងទុករបស់លោក Carney ប៉ុន្តែការប្រកាសរបស់ចិន ពុំបានអះអាងពីពន្ធគ្រាប់សណ្តែកកាណូឡានោះទេ ដែលលោក Carney ធ្លាប់និយាយកាលពីមុនថា ពន្ធនឹងចុះទាបនៅថ្ងៃទី ១ ខែមីនា ។

ទីក្រុងអូតាវ៉ា រំពឹងថា ទីក្រុងប៉េកាំង នឹងបន្ទាបពន្ធគ្រាប់សណ្តែកកាណូឡា មកនៅអត្រា ១៥ភាគរយ ពីអត្រាពន្ធបច្ចុប្បន្ន ៨៤ភាគរយ ។ ក្រសួងពាណិជ្ជកម្មចិន និយាយថា ការស៊ើបអង្កេតលើសណ្តែកកាណូឡាកាណាដា គ្រោងនឹងបញ្ចប់នៅថ្ងៃទី ៩ ខែមីនា ។

លោក Even Rogers Pay គឺជាប្រធានក្រុមហ៊ុនពិគ្រោះយោបល់ Trivium China មានមូលដ្ឋាននៅទីក្រុងប៉េកាំងនិយាយថា រឿងមួយដែលពួកយើងដឹងគឺថា អ្នកទិញចិន បានកក់ទុកទំនិញកាណូឡារបស់កាណាដា សម្រាប់ខែមីនា រួចទៅហើយ ។ វានឹងធ្វើរូបលោកមានជំនឿចិត្តខ្ពស់ថា ពួកគេនឹងអនុវត្តតាមអត្រាកាត់បន្ថយពន្ធ ៕