លោក Donald Trump បានប្រកាសកាលពីថ្ងៃសៅរ៍២៨កុម្ភៈសប្ដាហ៍នេះ ថា មេដឹកនាំកំពូលរបស់អ៊ីរ៉ង់ គឺលោក Ayatollah Ali Khamenei ត្រូវបានសម្លាប់នៅក្នុងការវាយប្រហារដោយយោធារវាងសហរដ្ឋអាមេរិក និងអ៊ីស្រាអែល ដែលបណ្ដាលឲ្យមានការកើនឡើងយ៉ាងខ្លាំងនៃអរិភាពនៅមជ្ឈិមបូព៌ា។ 

នៅក្នុងការបង្ហោះមួយលើបណ្ដាញសង្គម Truth Social លោក Trump បានសរសេរថា លោក Khamenei គឺជា «មនុស្សអាក្រក់បំផុតម្នាក់ក្នុងប្រវត្តិសាស្ត្រ» ហើយបានចាត់ទុកការសម្លាប់នេះថាជាការសងសឹកចំពោះជនជាតិអាមេរិក និងអ្នកដទៃទៀតដែលរងគ្រោះថ្នាក់ដោយមេដឹកនាំអ៊ីរ៉ង់រូបនេះ។

លោក Trump បានសរសេរថា «នេះមិនត្រឹមតែជាយុត្តិធម៌សម្រាប់ប្រជាជនអ៊ីរ៉ង់ប៉ុណ្ណោះទេ ប៉ុន្តែសម្រាប់ជនជាតិអាមេរិកដ៏អស្ចារ្យទាំងអស់ និងប្រជាជនមកពីប្រទេសជាច្រើននៅទូទាំងពិភពលោក ដែលត្រូវបានសម្លាប់ ឬកាត់អវយវៈដោយលោក Khamenei និងក្រុមអន្ធពាលរបស់លោកដែលស្រេកឃ្លានឈាម។ 

លោក Trump បានបន្ថែមថា ការសម្លាប់លោក Khamenei បានផ្តល់ «ឱកាសដ៏អស្ចារ្យបំផុតតែមួយគត់សម្រាប់ប្រជាជនអ៊ីរ៉ង់ក្នុងការដណ្តើមយកប្រទេសរបស់ពួកគេមកវិញ៕