លោក Ali Larijani ប្រធានក្រុមប្រឹក្សាសន្តិសុខជាតិជាន់ខ្ពស់ដ៏មានឥទ្ធិពលរបស់ទីក្រុងតេអេរ៉ង់ បាននិយាយនៅថ្ងៃចន្ទនេះថា អ៊ីរ៉ង់ «នឹងមិនចរចាជាមួយសហរដ្ឋអាមេរិកទេ»។ 

នៅក្នុងការបង្ហោះមួយនៅលើបណ្តាញសង្គម X លោក Larijani បានបដិសេធរបាយការណ៍ប្រព័ន្ធផ្សព្វផ្សាយថា មន្ត្រីអ៊ីរ៉ង់បានស្វែងរកការចាប់ផ្តើមការចរចាជាមួយរដ្ឋបាលលោក ត្រាំ បន្ទាប់ពីរលកនៃការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់កាលពីចុងសប្តាហ៍ ដែលបានកើតឡើង បន្ទាប់ពីទីក្រុងតេអេរ៉ង់ និងទីក្រុងវ៉ាស៊ីនតោន បានធ្វើកិច្ចចរចានុយក្លេអ៊ែរ។

លោក Larijani ក៏បាននិយាយផងដែរថា៖«ការស្រមើស្រមៃគ្មានមូលដ្ឋាន» របស់មេដឹកនាំសហរដ្ឋអាមេ    រិក លោក ដូណាល់ ត្រាំ បានធ្វើឲ្យមជ្ឈិមបូព៌ាធ្លាក់ចូលទៅក្នុងភាពវឹកវរ។

លោកបានសរសេរនៅលើប្រព័ន្ធផ្សព្វផ្សាយ X បន្ទាប់ពីរលកនៃការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ថា៖«លោក ត្រាំ បានធ្វើឲ្យតំបន់នេះធ្លាក់ចូលទៅក្នុងភាពចលាចលជាមួយនឹង «ការស្រមើស្រមៃគ្មានមូលដ្ឋាន» របស់ខ្លួន ហើយឥឡូវនេះ មានការភ័យខ្លាចថា កងទ័ពអាមេរិក នឹងស្លាប់បន្ថែមទៀត»៕