ទីផ្សារអាស៊ីបានធ្លាក់ចុះនៅថ្ងៃពុធ៤ មីនាសប្ដាហ៍នេះ ដោយក្រុមវិនិយោគិនបានកាត់បន្ថយបរិមាណ ការវិនិយោគលើមាស និងក្រុមហ៊ុនផលិតបន្ទះឈីប ដោយព្រួយបារម្ភថាសង្គ្រាមមជ្ឈិមបូព៌ាកាន់តែរាលដាលអាចនាំមកនូវវិបត្តិថាមពល ដែលបង្កើនអតិផរណា និងពន្យារពេលការកាត់បន្ថយអត្រាការប្រាក់។

នៅប្រទេសកូរ៉េខាងត្បូង សន្ទស្សន៍តម្លៃភាគហ៊ុនកូរ៉េ (KOSPI) បានបើកដោយធ្លាក់ចុះ១៩៩,៣២ ពិន្ទុ ឬ ៣,៤៤% នៅត្រឹម៥.៥៩២,៥៩ពិន្ទុនៅថ្ងៃពុធ ៤មីនា នេះ ។

មធ្យមភាគភាគហ៊ុន Nikkei របស់ជប៉ុនបានធ្លាក់ចុះយ៉ាងខ្លាំង ខណៈក្រុមវិនិយោគិនបានលក់ទ្រព្យសកម្មដែលប្រឈមហានិភ័យ ស្របពេលមានជម្លោះមជ្ឈិមបូព៌ាកាន់តែធ្ងន់ធ្ងរ។

ភាគហ៊ុន Nikkei បានធ្លាក់ចុះ២,៣% មកនៅត្រឹម ៥៤.៩៦៣,៣៥ គិតត្រឹមម៉ោង០០:៣២វិនាទីម៉ោងសកល ដោយឆ្ពោះទៅរកការធ្លាក់ចុះលើកទីបីជាប់ៗគ្នា។  

សន្ទស្សន៍ភាគហ៊ុន Hang Seng របស់ទីក្រុងហុងកុង បានបាត់បង់ ២៩៨,៧៤ ពិន្ទុ ឬ ១,១៦% ដោយបានបើកជួញដូរនៅត្រឹម២៥.៤៦៩,៣៤ពិន្ទុ។

ភាគហ៊ុនតៃវ៉ាន់បានបើកជួញដូរក្នុងតម្លៃទាបជាងគេនៅថ្ងៃនេះ ហើយបានធ្លាក់ចុះភ្លាមៗក្រោមកម្រិត ៣៤.០០០ ពិន្ទុនៅពេលបើកជួញដូរ ដោយក្រោយមកសន្ទស្សន៍នេះបានធ្លាក់ចុះដល់៣២.៩៥០ពិន្ទុជាការធ្លាក់ចុះ ចំនួន ១.៣៧៣ ពិន្ទុ៕