​បាល់ទាត់៖ ​ចក្រភព​អង់គ្លេស និង​សាធារណរដ្ឋ​អៀក​ឡង់​បាន​ដាក់​សំណើ​រួមគ្នា​ជា​ផ្លូវការ​ហើយ ក្នុងការ​ដេញថ្លៃ​ធ្វើជា​ម្ចាស់ផ្ទះ​ព្រឹត្តិការណ៍​បាល់ទាត់​ជើងឯក​ទ្វីប​អឺរ៉ុប Euro 2028​។

សមាគម​បាល់ទាត់​ចំនួន ៥ បានបង្ហាញ​ចំណាប់អារម្មណ៍​របស់ខ្លួន​តាំងពី​ខែកុម្ភៈ​ម្ល៉េះ បន្ទាប់ពី​បាន​ព្រមព្រៀង​នឹង​គ្នា​ប្រកាស​ដកខ្លួន​ពី​ការដេញថ្លៃ​ធ្វើ​ម្ចាស់ផ្ទះ ​រៀបចំការប្រកួតបាល់ទាត់​ពិភពលោក FIFA World Cup 2030 ដោយ​បង្វែរ​មក​ផ្តោតលើ​ការដេញថ្លៃ​លើ​ការរៀបចំ​ជើងឯក​ទ្វីបអឺរ៉ុប Euro 2028 វិញ​។ ​ការសំរេចចិត្ត​នេះ​ធ្វើឡើង​បន្ទាប់ពី​រដ្ឋាភិបាល​ចក្រ​ភព​អង់គ្លេស ក្រោម​ការសិក្សា​របស់​គណៈកម្មាធិការ​វប្បធម៌ និង​ប្រព័ន្ធ​ផ្សព្វផ្សាយ និង​កីឡា DCMS បាន​ពិពណ៌នា​ការដេញថ្លៃ World Cup នាពេលខាងមុខ​ដោយ​ត្រូវ​ចំណាយ​ថវិកា​យ៉ាងច្រើន​ស​ន្ថឹ​ក​សន្ធាប់ ដែល​អាច​ផ្តល់​ផលប៉ះពាល់​ដល់​សេដ្ឋកិច្ច​ផងដែរ​។

អង់គ្លេស​ក៏​ធ្លាប់​បរាជ័យ​ដែរ​ក្នុងការ​ដេញថ្លៃ​ធ្វើ​ម្ចាស់ផ្ទះ World Cup 2018 នៅ​រុស្ស៊ី​កន្លងមក ​ដោយ​កាលនោះ​ក្រោម​ការដឹកនាំ​ដេញថ្លៃ​ដោយ David Beckham ព្រះអង្គម្ចាស់ Williams និង​អតីត​នាយករដ្ឋមន្ត្រី​អង់គ្លេស​លោក David Cameron​។ ​​រំលឹកថា​ អង់គ្លេស​ធ្លាប់​ទទួល​រៀបចំ​ការប្រកួត​បាល់ទាត់​ពិភពលោក​ម្តង​តាំងពី​ឆ្នាំ១៩៦៦ ដែល​កាលនោះ​អង់គ្លេសគឺជា​ជើងឯក​តែម្តង​៕

​អត្ថបទ​៖​នាង សុភា​វុ​ធ