មន្ត្រីជាន់ខ្ពស់អ៊ីរ៉ង់ម្នាក់ បានព្រមានថា ប្រសិនបើអ៊ីស្រាអែលវាយប្រហារស្ថានទូតអ៊ីរ៉ង់នៅលីប្រទេសលីបង់ ស្ថានទូតទាំងអស់របស់ខ្លួន នឹងក្លាយជាគោលដៅស្របច្បាប់។ នេះបើយោងតាមទីភ្នាក់ងារសារព័ត៌មានពាក់កណ្តាលផ្លូវការ Tasnim។

លោក Abolfazl Shekarchi អ្នកនាំពាក្យកងកម្លាំងប្រដាប់អាវុធអ៊ីរ៉ង់ បានធ្វើការអត្ថាធិប្បាយនេះ ដើម្បីឆ្លើយតបទៅនឹងការគំរាមកំហែងថ្មីៗរបស់អ៊ីស្រាអែលប្រឆាំងនឹងស្ថានទូតអ៊ីរ៉ង់ នៅលីបង់។

លោក Shekarchi បានសង្កត់ធ្ងន់ថា៖«ប្រសិនបើអ៊ីស្រាអែលប្រព្រឹត្តបទឧក្រិដ្ឋបែបនេះ ហើយវាយប្រហារស្ថានទូតអ៊ីរ៉ង់នៅលីបង់ វានឹងបង្ខំយើងឲ្យចាត់ទុកស្ថានទូតអ៊ីស្រាអែលទាំងអស់ នៅទូទាំងពិភពលោកថាជាគោលដៅស្របច្បាប់ ហើយយើងពិតជានឹងចាត់វិធានការតបវិញ»។

លោក Shekarchi បាននិយាយថា លើកលែងតែសហរដ្ឋអាមេរិក និងអ៊ីស្រាអែល អ៊ីរ៉ង់មិនមានអរិភាពចំពោះប្រទេសដទៃទៀតទេ ហើយជំរុញទំនាក់ទំនងការបរទេសរបស់ខ្លួន ដោយផ្អែកលើការចូលរួមជាក់ស្តែង។

ការអត្ថាធិប្បាយនេះ បានធ្វើឡើង នៅពេលដែលប្រតិបត្តិការយោធារួមគ្នារវាងសហរដ្ឋអាមេរិក និង អ៊ីស្រាអែលប្រឆាំងនឹងអ៊ីរ៉ង់ បានចូលដល់ថ្ងៃទី៥របស់ខ្លួន។ ប្រតិបត្តិការនេះ បានបង្កឲ្យមានការកើនឡើងយ៉ាងខ្លាំងនៅទូទាំងមជ្ឈិមបូព៌ា ដោយបង្កឲ្យមានរលកនៃការវាយប្រហារដោយមីស៊ីលទៅវិញទៅមក

ការស្លាប់ និងរបួសកើនឡើង និងផលវិបាកខាងនយោបាយ សន្តិសុខ និងសេដ្ឋកិច្ចយ៉ាងធ្ងន់ធ្ងរ៕