ទីភ្នាក់ងារថាមពលបរមាណូអន្តរជាតិ (IAEA) បាននិយាយកាលពីថ្ងៃពុធថា ដោយផ្អែកលើការវិភាគរូបភាពផ្កាយរណបចុងក្រោយបំផុតដែលមាន ពុំមានការខូចខាតណាមួយ ត្រូវបានរកឃើញចំពោះកន្លែងដែលមានសម្ភារៈនុយក្លេអ៊ែរ នៅក្នុងប្រទេសអ៊ីរ៉ង់នោះទេ។

ដូច្នេះ រូបភាពនេះបានបង្ហាញថា មិនមានហានិភ័យនៃការបញ្ចេញវិទ្យុសកម្ម នៅពេលនោះទេ។ នេះបើយោងតាមការបង្ហោះនៅលើប្រព័ន្ធផ្សព្វផ្សាយសង្គមរបស់ IAEA។

នៅជិតទីតាំងនុយក្លេអ៊ែរ Isfahan ការខូចខាតអាចមើលឃើញនៅអគារពីរ។ នៅរោងចក្រនុយក្លេអ៊ែរ Natanz មិនមានផលប៉ះពាល់បន្ថែម ត្រូវបានរកឃើញទេ បន្ទាប់ពីការខូចខាតដែលបានរាយការណ៍ពីមុននៅច្រកចូលរបស់វា ខណៈពេលដែលមិនមានផលប៉ះពាល់នៅរោងចក្រនុយក្លេអ៊ែរផ្សេងទៀត រួមទាំងរោងចក្រថាមពលនុយក្លេអ៊ែរ Bushehr។

IAEA បាននិយាយថា ខ្លួននៅតែមានទំនាក់ទំនងជាប់លាប់ជាមួយនិយតករសុវត្ថិភាពនុយក្លេអ៊ែរជាតិ នៅមជ្ឈិមបូព៌ា។ រហូតមកដល់ពេលនេះ មិនមានការកើនឡើងនៃវិទ្យុសកម្ម ត្រូវបានរកឃើញទេ» ដោយបន្ថែមថា រោងចក្រថាមពលនុយក្លេអ៊ែរនៅអេមីរ៉ាតអារ៉ាប់រួម និងរ៉េអាក់ទ័រនុយក្លេអ៊ែរនៅហ្ស៊កដានី និងស៊ីរី នៅតែបន្តដំណើរការធម្មតា។

នៅក្នុងការបង្ហោះនៅលើប្រព័ន្ធផ្សព្វផ្សាយសង្គម អគ្គនាយក IAEA លោក Rafael Grossi បានសង្កត់ធ្ងន់លើ «សារៈសំខាន់បំផុត» នៃការរក្សាសុវត្ថិភាព និងសន្តិសុខនុយក្លេអ៊ែរក្នុងតំបន់ ក្នុងអំឡុងពេលជម្លោះយោធានេះ។

សហរដ្ឋអាមេរិក និងអ៊ីស្រាអែល កាលពីថ្ងៃសៅរ៍ បានចាប់ផ្តើម «ប្រតិបត្តិការប្រយុទ្ធទ្រង់ទ្រាយធំ» ប្រឆាំងនឹងអ៊ីរ៉ង់។ នៅថ្ងៃអង្គារ IAEA បាននិយាយថា ការខូចខាតមួយចំនួនថ្មីៗនេះ ត្រូវបានបញ្ជាក់ចំពោះរោងចក្រចម្រាញ់ប្រេងឥន្ធនៈ Natanz របស់អ៊ីរ៉ង់៕