នៅពាក់កណ្ដាលឆ្នាំ២០២៦នេះ ព្រះរាជាណាចក្រកម្ពុជា នឹងធ្វើជាម្ចាស់ផ្ទះការប្រកួតកីឡាបាល់ទាត់ហ្វ្រីស្តាយល៍ ប្រចាំតំបន់អាស៊ី ប៉ាស៊ីហ្វិក ដើម្បីរកកៅអីទៅកាន់ជើងឯកពិភពលោកឆ្នាំ២០២៦។ នេះបើយោងតាមការផ្សព្វតាមផេកហ្វេសប៊ុកផ្លូវការរបស់សមាគមបាល់ទាត់ហ្វ្រីស្តាយស៍ពិភពលោក (World of Freelstyle Football)។
ប្រភពដដែលបានបញ្ជាក់ថាអ្នកលេងបាល់ទាត់ហ្វ្រីស្តាយល៍ជាច្រើនរូបមកពីទូទាំងតំបន់អាស៊ី ប៉ាស៊ីហ្វិក នឹងមកកាន់ព្រះរាជជាណាចក្រកម្ពុជាដើម្បីប្រកួតប្រជែងបាល់ទាត់បែបសិល្បៈនេះ នៅថ្ងៃទី៦ និងទី៧ ខែមិថុនា ឆ្នាំ០២៦ នៅ King’s School, Vattanacville រាជធានីភ្នំពេញ។
ព្រឹត្តិការណ៍នេះ នឹងប្រកួតប្រជែងលើវិញ្ញាសា 1x1 Battle បុរស និងនារី ដោយបើកទូលាយសម្រាប់អ្នកលេងបាល់ទាត់ហ្វ្រីស្តាយល៍ទាំងអស់មកពីអាស៊ី ប៉ាស៊ីហ្វិក ហើយត្រូវជ្រើសយកកីឡាករ ៣រូប និងកីឡាការិនី២រូបល្អបំផុត តំណាងតំបន់ទៅចូលរួមប្រកួតជុំចុងក្រោយជើងឯកពិភពលោក។
ការចុះឈ្មោះចូលរួមប្រកួត បានចាប់ផ្ដើមដំណើរការតាំងពីថ្ងៃទី១១ ខែមីនា និងបញ្ចប់នៅថ្ងៃទី៣០ ខែឧសភា ឆ្នាំ២០២៦ខាងមុខនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
