ប្រធានាធិបតីអាមេរិក លោក ដូណាល់ ត្រាំ (Donald Trump) បានព្រមានអ៊ីរ៉ង់ថា សហរដ្ឋអាមេរិកអាចបំផ្លាញប្រព័ន្ធអគ្គិសនីរបស់ប្រទេសនេះ ក្នុងរយៈពេលមួយម៉ោង ប្រសិនបើស្ថានការណ៍ កាន់តែធ្ងន់ធ្ងរឡើងនោះ។

លោកបានប្រាប់អ្នកយកព័ត៌មានថា៖«យើងអាចវាយប្រហារផ្នែកខ្លះនៃទីក្រុងតេអេរ៉ង់ និងកន្លែងផ្សេង   ទៀត។ ប្រសិនបើធ្វើឲ្យស្ថានការណ៍នេះកាន់តែធ្ងន់ធ្ងរនោះ វាស្ទើរតែមិនអាចទៅរួចទេសម្រាប់ពួកគេ ក្នុងការកសាងប្រទេសរបស់ពួកគេឡើងវិញ ហើយយើងមិនចង់ឲ្យរឿងនេះកើតឡើងទេ»។

យោងតាមលោកប្រធានាធិបតី សហរដ្ឋអាមេរិកអាចវាយប្រហារបណ្តាញអគ្គិសនីរបស់អ៊ីរ៉ង់។ លោកបាននិយាយថា៖«យើងអាចបំបែកសមត្ថភាពអគ្គិសនីរបស់ពួកគេ ក្នុងរយៈពេលមួយម៉ោង ហើយប្រទេសនេះ នឹងចំណាយពេល ២៥ឆ្នាំ ដើម្បីកសាងវាឡើងវិញ»។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់នៅថ្ងៃទី ២៨ ខែកុម្ភៈ។ ទីក្រុងធំៗរបស់អ៊ីរ៉ង់ រួមទាំងទីក្រុងតេអេរ៉ង់ ត្រូវបានវាយប្រហារ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍ឥស្លាម បានប្រកាសពីប្រតិបត្តិការសងសឹក ដោយកំណត់គោលដៅលើទីតាំងនានា នៅក្នុងប្រទេសអ៊ីស្រាអែល។ មូលដ្ឋានយោធាអាមេរិកនៅបារ៉ែន ហ្ស៊កដានី គូវ៉ែត កាតា អារ៉ាប៊ីសាអ៊ូឌីត និងអេមីរ៉ាតអារ៉ាប់រួម ក៏ត្រូវបានវាយប្រហារផងដែរ។ មេដឹកនាំកំពូល Ayatollah Ali Khamenei និងមេដឹកនាំសំខាន់ៗអ៊ីរ៉ង់មួយចំនួនទៀត ត្រូវបានសម្លាប់ នៅក្នុងការវាយប្រហាររួមគ្នារបស់សហរដ្ឋអាមេរិក និងអ៊ីស្រា អែល៕