នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤
ទូតចិនអបអរការដាក់ឱ្យពលរដ្ឋឆ្លងកាត់ស្ពានមិត្តភាពកម្ពុជា-ចិន មេគង្គក្រចេះនៅដើមខែក្រោយ ខណៈមិត្តចិនប្រកាសបន្តពង្រីកការសាងសង់ស្ពាន និងផ្លូវនៅកម្ពុជាឥតឈប់ឈរ

នយោបាយ​ និង ការអភិវឌ្ឍន៍

អតីតសមាជិកបក្សប្រឆាំង៖ ការដឹកនាំបែបប្រជាភិថុតរបស់ទណ្ឌិតក្បត់ជាតិបីជំនាន់ធ្វើឱ្យសមាជិកបន្តចាកចេញ

2024/07/03 12:28:41 pm        199
Facebook Telegram Linkin
ភ្នំពេញ ÷ អតីតសមាជិកជាន់ខ្ពស់របស់គណបក្សប្រឆាំងប្រចាំទ្វីបអឺរ៉ុប អះអាងថា ការដឹកនាំបែបប្រជាភិថុតរបស់មេបក្សប្រឆាំង ជាទណ្ឌិតក្បត់ជាតិបីជំនាន់នៅក្រៅស្រុក នឹងធ្វើឱ្យចរន្តនៃសមាជិករបស់ខ្លួនបន្តចាកចេញទៅចូលរួមជីវភាពនយោបាយជាមួយគណបក្សប្រជាជនកម្ពុជា។ថ្លែងប្រាប់ BTV ក្នុងកិច្ចសម្ភាសន៍ នៅថ្ងៃទី២ ខែកក្កដា ឆ្នាំ២០២៤ ម្សិលមិញនេះ លោក ខៃ រដ្ឋា អនុប្រធានចលនាយុវជនប្រចាំទ្វីបអាមេរិកខាងជើងរបស់អតីតគណបក្សសង្គ្រោះជាតិ និងក្រោយមកជាអគ្គលេខាធិការគណបក្សភ្លើងទៀនប្រចាំទ្វីបអាមេរិកខាងជើង បានបញ្ជាក់ថា ការសម្រេចចិត្តផ្តាច់ខ្លួនពីគណបក្សប្រឆាំងមកចូលរួមជីវភាពនយោបាយជាមួយគណបក្សប្រជាជនកម្ពុជាដោយសារមេដឹកនាំ ទណ្ឌិតក្បត់ជាតិ៣ជំនាន់មានចរិកបំពេញតែមហិច្ឆតាផលប្រយោជន៍របស់ខ្លួន ហើយចំណុចសំខាន់នៃការដឹកនាំជិតរយៈពេល៣០ឆ្នាំមានរបៀបប្រជាភិថុតតែប៉ុណ្ណោះ ដែលនេះជាកត្តាធ្វើឱ្យចរន្តនៃសមាជិកផ្សេងទៀតបន្តចាកចេញកាន់តែច្រើន។ ជាមួយគ្នា អតីតសមាជិកគណបក្សប្រឆាំងរូបនេះ អះអាងថា កត្តាធំបំផុតដែលនាំឱ្យរូបលោកសម្រេចចិត្តផ្តាច់ខ្លួនចេញពីគណបក្សប្រឆាំង គឺការប្រមាថ និងមិនឱ្យតម្លៃលើការពិត ជាក់ស្តែងដូចករណីសញ្ញាបត្រយោធារបស់សម្តេចមហាបវរធិបតី ហ៊ុន ម៉ាណែត ដែលនេះឆ្លុះបញ្ចាំងថាទណ្ឌិត សម រង្ស៉ី មិនផ្តល់តម្លៃដល់យុវជន និងបញ្ញវន្តដ៏ទៃទៀតនោះទេ។ សូមជម្រាបថា គិតមកទល់ពេលនេះ ថ្នាក់ដឹកនាំ សមាជិក និងសកម្មជនរបស់គណបក្សប្រឆាំងទាំងក្នុង និងក្រៅប្រទេសមិនតិចទេ បានបន្តនាំគ្នាចាកចេញពីគណបក្សប្រឆាំង ដោយសារមេដឹកនាំជាទណ្ឌិតក្បត់ជាតិ និងបានភូតកុហកជាបន្តបន្ទាប់ ដែលធ្វើឱ្យថ្នាក់ដឹកនាំ សមាជិក និងសកម្មជនរបស់ខ្លួនអស់ជំនឿចិត្ត និងងាកមករួមរស់ជាមួយគណបក្សប្រជាជនកម្ពុជា ដែលមានឆន្ទះ និងស្មោះស្ម័គ្របម្រើជាតិ និងប្រជាជនពិតប្រាកដ៕អត្ថបទ សេក ឧត្តម ថត ឡាយ សុភ័ណ រូបភាព បក្សប្រឆាំង ២ ៧ ២៤

តំបន់សហគមន៍ទេសចរណ៍ ថ្មដាអូរទឹកខៀវ កំពុងបង្ហាញសម្រស់ដ៏ទាក់ទាញនារដូវវស្សា

2024/07/03 12:07:51 pm        359
Facebook Telegram Linkin
ឧត្ដរមានជ័យ៖ តំបន់សហគមន៍ទេសចរណ៍ថ្មដាអូរទឹកខៀវមានទីតាំងស្ថិតនៅក្នុងតំបន់ជួរភ្នំដងរែក ជាប់ព្រំដែនថៃ ក្នុងភូមិសាស្ត្រឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។ បច្ចុប្បន្ន កំពុងតែបង្ហាញ សម្រស់ដ៏ស្រស់ខៀវស្ងាត់នារដូវវស្សា គួរជាទីសម្រាកកម្សាន្តដ៏ត្រជាក់ចិត្ត ។ថ្មដាអូរទឹកខៀវ ត្រូវបានបង្កើតជាតំបន់សហគមន៍ទេសចរណ៍ធម្មជាតិ ដើម្បីផ្ដល់ប្រយោជន៍ដល់ ប្រជាពលរដ្ឋតំបន់នេះ ៕

លោក Biden ប្រឈមការសង្ស័យពីសមាជិកបក្សប្រជាធិបតេយ្យ ក្នុងការបោះឆ្នោតឡើងវិញរបស់ខ្លួន

2024/07/03 10:26:44 am        97
Facebook Telegram Linkin
សមាជិកគណបក្សប្រជាធិបតេយ្យជាប់ឆ្នោតមួយចំនួនដែលស្មោះត្រង់នឹងលោកប្រធានាធិបតី ចូ បៃដិន (Joe Biden) បានលើកមន្ទិលសង្ស័យ និងសំណួរថ្មីៗកាលពីថ្ងៃអង្គារ (០២ កក្កដា) អំពីការបោះឆ្នោតឡើងវិញឆ្នាំ២០២៤ របស់លោក ដោយមានអ្នកខ្លះអំពាវនាវឱ្យលោកចុះចេញពីតំណែង ដែលជាការផ្លាស់ប្តូរមួយបន្ទាប់ពីមនុស្សជាច្រើនបានការពារលោក ក្រោយធ្វើមិនបានល្អក្នុងការជជែកដេញដោលកាលពីសប្តាហ៍មុន។សមាជិកបក្សប្រជាធិបតេយ្យ និងក្រុមអ្នកយុទ្ធសាស្រ្តនយោបាយបាននិយាយថា សំណួរដែលថាតើលោក បៃដិន បន្តកិច្ចប្រឹងប្រែងបោះឆ្នោតឆ្នាំ២០២៤ សម្រាប់តំណែងប្រធានាធិបតី បន្ទាប់ពីការជជែកដេញដោលដ៏រអាក់រអួលរបស់ខ្លួន ប្រឆាំងនឹងបេក្ខជនប្រធានាធិបតីនៃគណបក្សសាធារណរដ្ឋ គឺលោក ដូណាល់ ត្រាំ (Donald Trump) ឬយ៉ាងណានោះ វាគឺជាការសម្រេចចិត្តរបស់លោក។ប៉ុន្តែលោក បៃដិន កំពុងប្រឈមមុខនឹងសម្ពាធដ៏ធំ។ ម្ចាស់ជំនួយមួយចំនួនបានអំពាវនាវឱ្យលោកចុះចេញពីតំណែង ហើយសមាជិកបក្សប្រជាធិបតេយ្យផ្សេងទៀតកំពុងព្រួយបារម្ភដោយបើកចំហ ថាលោកមិនមានសមត្ថភាពផ្តួលលោក ត្រាំ នៅក្នុងខែវិច្ឆិកា។ មានសមាជិកសភាតំណាងរាស្ដ្រប្រជាធិបតេយ្យចំនួន ២៥ នាក់កំពុងរៀបចំអំពាវនាវឱ្យលោក បៃដិន លាលែងពីតំណែង នេះបើយោងតាមមន្រ្តីមួយរូប។យោងតាមការស្ទង់មតិរបស់ រ៉យទ័រ (Reuters) និងអ៊ីបសូស (Ipsos) កាលពីថ្ងៃអង្គារ (០២ កក្កដា) សមាជិកគណបក្សប្រជាធិបតេយ្យម្នាក់ ក្នុងចំណោមបីនាក់ គិតថាលោក បៃដិន គួរតែបញ្ចប់កិច្ចប្រឹងប្រែងបោះឆ្នោតឡើងវិញបន្ទាប់ពីការជជែកដេញដោលដ៏បរាជ័យកាលពីសប្តាហ៍ ប៉ុន្តែគ្មានសមាជិកបក្សប្រជាធិបតេយ្យដែលជាប់ឆ្នោតលេចធ្លោណាម្នាក់ធ្វើបានល្អជាងលោក បៃដិន ក្នុងការផ្គូផ្គងសម្មតិកម្មប្រឆាំងនឹងលោក ត្រាំ នោះទេ៕

ការកាត់ទោសក្នុងបណ្ដឹងប្រាក់បំបិទមាត់របស់លោក Donald Trump ត្រូវបានពន្យារពេល

2024/07/03 08:37:30 am        119
Facebook Telegram Linkin
ចៅក្រមនៅទីក្រុងញូវយ៉ក (New York) សហរដ្ឋអាមេរិក កាលពីថ្ងៃអង្គារ (០២ កក្កដា) បានពន្យារពេលការកាត់ទោសរបស់លោក ដូណាល់ ត្រាំ (Donald Trump) ទៅរហូតដល់ថ្ងៃទី១៨ ខែកញ្ញា សម្រាប់ការផ្តន្ទាទោសរបស់លោកលើការចោទប្រកាន់ពីបទព្រហ្មទណ្ឌ ដែលផ្តើមចេញពីការបង់ប្រាក់បំបិទមាត់ឱ្យតារាអាសអាភាស បន្ទាប់ពីអតីតប្រធានាធិបតីអាមេរិករូបនេះបានស្នើសុំឱកាសដើម្បីបង្ហាញអំណះអំណាងដែលថាលោកគួរតែមានអភ័យឯកសិទ្ធិរារាំងពីការកាត់ទោស។ការកាត់ទោសដើមឡើយត្រូវបានកំណត់សម្រាប់ថ្ងៃទី១១ ខែកក្កដា ខាងមុខនេះ ប៉ុន្មានថ្ងៃមុនពេលសន្និបាតជាតិរបស់គណបក្សសាធារណរដ្ឋ ចាប់ផ្តើមនៅទីក្រុង មីលវ៉ាវឃី (Milwaukee) នៅថ្ងៃទី១៥ ខែកក្កដា។ ការកំណត់ពេលវេលាថ្មីមានន័យថាលោក ត្រាំ ទំនងជាត្រូវបានតែងតាំងជាបេក្ខជនប្រធានាធិបតីដោយគណបក្សរបស់លោកដើម្បីប្រកួតប្រជែងជាមួយប្រធានាធិបតីបក្សប្រជាធិបតេយ្យ លោក ចូ បៃដិន (Joe Biden) មុនពេលត្រូវបានកាត់ទោស។ ពេលនេះ ចៅក្រម ហ័ន មើឆាន (Juan Merchan) នឹងត្រូវសម្រេចចិត្តលើការដាក់ទោសសម្រាប់លោក ត្រាំ រួមទាំងថាតើត្រូវឱ្យលោកជាប់ពន្ធនាគារដែរឬអត់ នៅក្នុងយុទ្ធនាការបោះឆ្នោតសកលនៅមុនការបោះឆ្នោតថ្ងៃទី០៥ ខែវិច្ឆិកា។ លោក ត្រាំ ប្រឈមមុខនឹងការប្រយុទ្ធផ្លូវច្បាប់ដ៏ខ្លាំងក្លាមួយដើម្បីលុបចោលសាលក្រមបណ្ដឹងប្រាក់បំបិទមាត់នេះ ព្រោះភ័ស្តុតាងជាច្រើននៅក្នុងសំណុំរឿងផ្អែកលើពេលវេលារបស់លោកក្នុងពេលកំពុងតំណែង។មេធាវីរបស់លោក ត្រាំ កាលពីថ្ងៃចន្ទ បានស្នើសុំឱ្យលោក មើឆាន អនុញ្ញាតឱ្យផ្ដល់អំណះអំណាងក្នុងសាលក្រមនោះនៅតុលាការរដ្ឋញូវយ៉ក ក្នុងទីក្រុង មែនហាតថាន (Manhattan) ថាគួរតែត្រូវបានលុបចោល ដោយសារតែសេចក្តីសម្រេចរបស់តុលាការកំពូលសហរដ្ឋអាមេរិក ក្នុងសប្តាហ៍នេះដែលថាប្រធានាធិបតីមានសិទ្ធិទទួលបានអភ័យឯកសិទ្ធិពីការកាត់ទោសព្រហ្មទណ្ឌសម្រាប់សកម្មភាពផ្លូវការ៕

ចិននិងហ្វីលីពីនរៀបចំការពិភាក្សាដ៏សំខាន់ក្រោយប្រឈមដាក់គ្នាយ៉ាងវឹកវរ ក្នុងជម្លោះសមុទ្រចិនខាងត្បូង

2024/07/03 08:18:29 am        194
Facebook Telegram Linkin
ប្រទេសចិន និងហ្វីលីពីនបានរៀបចំកិច្ចពិភាក្សាដ៏សំខាន់មួយកាលពីថ្ងៃទី ២ ខែកក្កដា សប្ដាហ៍នេះ ដើម្បីព្យាយាមបន្ធូរបន្ថយភាពតានតឹង បន្ទាប់ពីការប្រឈមដាក់គ្នាដ៏អាក្រក់បំផុតរវាងភាគីទាំង២ក្នុងជម្លោះសមុទ្រចិនខាងត្បូង បង្កឱ្យមានក្ដីបារម្ភនៃការផ្ទុះជម្លោះកាន់តែធំ ដែលអាចពាក់ព័ន្ធនឹងសម្ព័ន្ធមិត្តរបស់ទីក្រុងម៉ានីល នោះគឺសហរដ្ឋអាមេរិក។ ពុំមានការលើកឡើងពីកិច្ចព្រមព្រៀងសំខាន់ណាមួយ ដើម្បីព្យាយាមទប់ស្កាត់កុំឲ្យមានការប៉ះទង្គិចម្តងទៀតដូចកាលពីថ្ងៃទី ១៧ ខែមិថុនា នៅឯដែនទឹកមានជម្លោះ Second Thomas Shoal ដែលបណ្តាលឲ្យទាហានជើងទឹកហ្វីលីពីនរងរបួស និងខូចខាតទូកយោធាពីរគ្រឿងនោះឡើយ។ ក្រសួងការបរទេសក្នុងទីក្រុងម៉ានីលបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអង្គារថា គណៈប្រតិភូចិន និងហ្វីលីពីន បានបញ្ជាក់ពីការប្តេជ្ញាចិត្តរបស់ខ្លួន ក្នុងការបន្ថយភាពតានតឹងដោយពុំមានការរំខានគ្នាទៅវិញទៅមក។ មានការវិវឌ្ឍយ៉ាងសំខាន់លើការបង្កើតវិធានការដើម្បីគ្រប់គ្រងស្ថានការណ៍នៅដែនសមុទ្រ ប៉ុន្តែការខ្វែងគំនិតគ្នាសំខាន់ៗនៅតែមាន។ យោងតាមភាគីហ្វីលីពីន អនុរដ្ឋមន្ត្រីការបរទេសហ្វីលីពីន លោកស្រី ថេរ៉េសា ឡាហ្សារ៉ូ (Theresa Lazaro)បានប្រាប់សមភាគីចិនគឺអនុរដ្ឋមន្ត្រីការបរទេសចិនលោកជិន សៀវទុង(Chen Xiaodong)ថាហ្វីលីពីននឹងមានការអត់ធ្មត់ក្នុងការការពារផលប្រយោជន៍របស់ខ្លួន និងរក្សាអធិបតេយ្យភាព សិទ្ធិអធិបតេយ្យភាព និងយុត្តាធិការរបស់ខ្លួននៅក្នុងសមុទ្រចិនខាងត្បូង ៕

សម្តេចតេជោ ហ៊ុន សែន ផ្ញើសារអបអរសាទរខួបទី៧៣ឆ្នាំដែលកម្ពុជាចូលជាសមាជិកអង្គការ UNESCO

2024/07/03 07:36:06 am        99
Facebook Telegram Linkin
សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅព្រឹកថ្ងៃទី៣ ខែកក្កដា ឆ្នាំ២០២៤នេះ បានផ្ញើសារ អបអរសាទរខួបលើកទី៧៣ឆ្នាំ ដែលកម្ពុជាបានចូលជាសមាជិក អង្គការ UNESCO(៣ កក្កដា ១៩៥១-៣ កក្កដា ២០២៤)។ តាមរយៈឆាណែលតេលេក្រាមផ្ទាល់ សម្តេចតេជោ ហ៊ុន សែន បានលើកឡើងថា«អបអរសាទរខួប៧៣ឆ្នាំ ដែលកម្ពុជាចូលជាសមាជិករបស់អង្គការយូណេស្កូ (UNESCO)(៣ កក្កដា ១៩៥១-៣ កក្កដា ២០២៤)។ អង្គការយូណេស្កូ គឺជាផ្នែកមួយរបស់អង្គការសហប្រជាជាតិ ធ្វើការផ្តោតសំខាន់ទៅលើការអប់រំវិទ្យាសាស្ត្រ»។  សម្តេចបានបន្ថែមទៀតថាអង្គការនេះ ត្រូវបានបង្កើតឡើងនៅថ្ងៃទី១៦ ខែវិច្ឆិកា ឆ្នាំ១៩៤៥ ដែលមានបេសកកម្មពិសេសក្នុងការរក្សានូវសន្តិភាព និងសន្តិសុខនៅក្នុងពិភពលោក ដោយលើកកម្ពស់កិច្ចសហប្រតិបត្តិការក្នុងចំណោមប្រជាជាតិនានា តាមរយៈការអប់រំ វិទ្យាសាស្ត្រ វប្បធម៌ និងទំនាក់ទំនង៕

សម្តេចធិបតី ផ្ញើសារអបអរសាទរខួបលើកទី៧៣ឆ្នាំដែលកម្ពុជាចូលជាសមាជិកអង្គការ UNESCO

2024/07/03 07:27:00 am        305
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី៣ ខែកក្កដា ឆ្នាំ២០២៤នេះ បានផ្ញើសារអបអរសាទរខួបលើកទី៧៣ដែលព្រះរាជាណាចក្រកម្ពុជា បានចូលជាសមាជិកអង្គការយូណេស្កូ ( ៣ កក្កដា ១៩៥១ ~ ៣ កក្កដា ២០២៤ ។តាមរយៈបណ្តាញសង្គមតេលេក្រាម និងហ្វេសបុកផ្ទាល់របស់សម្តេចធិបតី នាយករដ្ឋមន្រ្តីបានលើកឡើងថា ចាប់តាំងពីកម្ពុជាបានចូលជាសមាជិករបស់អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន៤, សម្បតិ្តបេតិកភណ្ឌអរូបី ចំនួន ៦ និងបញ្ជីស្មារតីចងចាំនៃពិភពលោកចំនួន ៣ ដើម្បីថែរក្សានូវទម្រង់ដើមនៃវប្បធម៌ ក៏ដូចជាមរតកឥតកាត់ថ្លៃដែលបានបន្សល់ទុកដោយដូនតាខ្មែរ ព្រមទាំងជាការចងចាំនូវប្រវត្តិសាស្ត្ររបស់កម្ពុជាដោយក្នុងនោះរួមមាន៖១. បេតិកភណ្ឌរូបីនៃមនុស្សជាតិ៖- តំបន់រមណីយដ្ឋានអង្គរ ចុះបញ្ជីនាថ្ងៃទី១៤ ខែធ្នូ ឆ្នាំ១៩៩២ នៅទីក្រុងសាន់តាហ្វេ សហរដ្ឋអាមេរិក- ប្រាសាទព្រះវិហារ ចុះបញ្ជីនាថ្ងៃទី៧ ខែកក្កដា ឆ្នាំ២០០៨ នៅទីក្រុងកេបិក ប្រទេសកាណាដា- តំបន់ប្រាសាទសំបូរព្រៃគុក ចុះបញ្ជីនាថ្ងៃទី៨ ខែកក្កដា ឆ្នាំ២០១៧ នៅទីក្រុងក្រាកូវ ប្រទេសប៉ូឡូញ-រមណីយដ្ឋានប្រាសាទកោះកេរ ចុះបញ្ជីនាថ្ងៃ១៧ ខែកញ្ញា ឆ្នាំ២០២៣ នៅទីក្រុងរីយ៉ាដ ប្រទេសអារ៉ាប៊ីសាអូឌីត ។២. បេតិកភណ្ឌវប្បធម៌អរូបីនៃមនុស្សជាតិ៖- របាំព្រះរាជទ្រព្យ ចុះបញ្ជីនាថ្ងៃទី៧ ខែវិច្ឆិកា ឆ្នាំ២០០៣ នៅទីក្រុងអ៊ីស្ដន់ប៊ូល ប្រទេសតួកគី- ល្ខោនស្រមោលស្បែកធំ ចុះបញ្ជីនាថ្ងៃទី២៥ ខែវិច្ឆិកា ឆ្នាំ២០០៥ នៅទីក្រុងប៉ារីស ប្រទេសបារាំង- ល្បែងទាញព្រ័ត្រ ចុះបញ្ជីនាថ្ងៃទី២ ខែធ្នូ ឆ្នាំ២០១៥ នៅទីក្រុងវិនឌុក ប្រទេសណាមីប៊ី- ចាប៉ីដងវែង ចុះបញ្ជីនាថ្ងៃទី៣០ ខែវិច្ឆិកា ឆ្នាំ២០១៦ នៅទីក្រុងអេតឌីសអាបាបា ប្រទេសអេត្យូពី- ល្ខោនខោលវត្តស្វាយអណ្តែត ចុះបញ្ជីនាថ្ងៃទី២៨ ខែវិច្ឆិកា ឆ្នាំ២០១៨ នៅទីក្រុងព័រល្វី នៃសាធារណរដ្ឋម៉ូរីស- គុនល្បុក្កតោ ចុះបញ្ជីនាថ្ងៃទី២៩ ខែវិច្ឆិកា ឆ្នាំ២០២២ នៅទីក្រុងរ៉ាបាត ព្រះរាជាណាចក្រម៉ារ៉ុក ។៣. បញ្ជីស្មារតីចងចាំនៃពិភពលោក៖- បណ្ណាសារឧក្រិដ្ឋកម្ម ប្រល័យពូជសាសន៍ទួលស្លែង ចុះបញ្ជីនាថ្ងៃទី៣១ ខែកក្កដា ឆ្នាំ២០០៩ នៅទីក្រុងប្រ៊ីដថោន ប្រទេសបាបាដូស - ឯកសារសំឡេងនិទានរឿងរាមកេរ្ដិ៍ ដោយតាគ្រុឌ ចុះបញ្ជីនាថ្ងៃទី១៥ ខែឧសភា ឆ្នាំ២០១៤ នៅខេត្តខ្វាងចូវ ប្រទេសចិន -រឿងអ៉ីណាវ បុស្សិបា ចុះបញ្ជីនាថ្ងៃទី៣០ ខែតុលា ឆ្នាំ២០១៧ នៅទីក្រុងប៉ារីស ប្រទេសបារាំង។ សម្តេចធិបតី នាយករដ្ឋមន្រ្តីបានលើកឡើងទៀតថា ក្នុងនាមជាកូនខ្មែរត្រូវតែថែរក្សា និងការពារ នូវបេតិកភណ្ឌវប្បធម៌របស់ដូនតាខ្មែរ ដែលបានបន្សល់ទុកឲ្យកូនចៅជំនាន់ក្រោយ ដោយតាមសំណេរនៅក្នុងតេលេក្រាមនេះសម្តេចបាន បញ្ជាក់ថា«កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប»៕អត្ថបទបាន ចក់

កូរ៉េខាងត្បូង ចាប់ផ្តើមសមយុទ្ធកាំភ្លើងធំនៅតាមព្រំដែន ជាលើកដំបូង ក្នុងរយៈពេល ៦ឆ្នាំ

2024/07/02 02:45:11 pm        134
Facebook Telegram Linkin
ប្រទេសកូរ៉េខាងត្បូង បានបន្តធ្វើសមយុទ្ធកាំភ្លើងធំបាញ់គ្រាប់ពិត នៅក្បែរព្រំដែនជាមួយប្រទេសកូរ៉េខាងជើង នៅថ្ងៃអង្គារនេះ ជាលើកដំបូង ក្នុងរយៈពេល ៦ឆ្នាំ បន្ទាប់ពីការព្យួរកិច្ចព្រមព្រៀងកាត់បន្ថយភាពតានតឹងអន្តរកូរ៉េ ដែលបានដាក់កម្រិតសមយុទ្ធបែបនេះ។ទាហានបានបាញ់ប្រហែល ១៤០គ្រាប់ ដោយប្រើកាំភ្លើងបាញ់ផ្លោង K9 និង K105A1 ក្នុងអំឡុងពេលធ្វើសមយុទ្ធនៅជួរមុខ ក្នុងខេត្ត Gyeonggi និង Gangwon ដែលស្ថិតនៅចម្ងាយ ៥គីឡូម៉ែត្រពីខ្សែបន្ទាត់ព្រំដែនយោធា ក្នុងតំបន់គ្មានយោធា (DMZ) ដែលខណ្ឌចែកប្រទេសកូរ៉េទាំងពីរ។ នេះបើយោងតាមកងទ័ព។ កងទ័ព បាននិយាយថា៖«សមយុទ្ធបាញ់គ្រាប់កាំភ្លើងធំ ជាសមយុទ្ធលើកដំបូង ដែលត្រូវបានធ្វើឡើងនៅលើដី បន្ទាប់ពីសមយុទ្ធ ត្រូវបានធ្វើឡើងជាធម្មតា បន្ទាប់ពីការផ្អាកទាំងស្រុងរបស់រដ្ឋាភិបាលនៃកិច្ចព្រមព្រៀងយោធាថ្ងៃទី ១៩ ខែកញ្ញា ដែលផ្តោតលើការពង្រឹងការត្រៀមកាំភ្លើងធំ និងសមត្ថភាពឆ្លើយតប ក្នុងករណីមានការបង្កហេតុពីសត្រូវ»។កងទ័ព បានបន្ថែមថា៖«កងកម្លាំងយោធា នឹងធ្វើសមយុទ្ធកាំភ្លើងធំជាទៀងទាត់ និងការហ្វឹកហ្វឺនសម នៅតាមតំបន់ព្រំដែន ឆ្ពោះទៅមុខ»។ចំណាត់ការនេះ បានកើតឡើងរយៈពេលជិតមួយខែ បន្ទាប់ពីកូរ៉េខាងត្បូង បានផ្អាកទាំងស្រុងនូវកិច្ចព្រមព្រៀងយោធាអន្តរកូរ៉េឆ្នាំ ២០១៨ កាលពីថ្ងៃទី៤ ខែមិថុនា បន្ទាប់ពីយុទ្ធនាការរបស់កូរ៉េខាងជើង និងការប៉ុនប៉ង ដើម្បីរំខានដល់សញ្ញា GPS នៅជិតប្រជុំកោះព្រំដែន។ប្រទេសកូរ៉េខាងជើង បានបង្ហោះបាឡុងដែលផ្ទុកសំរាមជាង ២.០00 ឆ្លងកាត់ព្រំដែន ចាប់តាំងពីចុងខែឧសភា ជាសកម្មភាពប្រឆាំងនឹងខិត្តប័ណ្ណប្រឆាំងក្រុងព្យុងយ៉ាង ដែលបញ្ជូនដោយអ្នករត់ចោលស្រុក កូរ៉េខាងជើង និងសកម្មជន នៅភាគខាងត្បូង។

លោក Trump បន្តកិច្ចប្រឹងប្រែងបង្វែរសាលក្រមបណ្ដឹងប្រាក់បំបិទមាត់ ដោយអះអាងពីអភ័យឯកសិទ្ធិ

2024/07/02 01:53:37 pm        136
Facebook Telegram Linkin
យោងតាមប្រភពដែលដឹងអំពីបញ្ហានេះបានឱ្យដឹងថា អតីតប្រធានាធិបតីអាមេរិក លោក ដូណាល់ ត្រាំ (Donald Trump) បានចាប់ផ្តើមកិច្ចខិតខំប្រឹងប្រែងកាលពីថ្ងៃចន្ទ (០១ កក្កដា) ដើម្បីបង្វែរ ឬលុបចោលការកាត់ទោសព្រហ្មទណ្ឌនាពេលថ្មីៗនេះនៅទីក្រុងញូវយ៉ក (New York) និងពន្យារពេលការកាត់ទោស ដោយសម្អាងដល់សេចក្តីសម្រេចរបស់តុលាការកំពូល ដែលផ្តល់អភ័យឯកសិទ្ធិពីការកាត់ទោសចំពោះសកម្មភាពផ្លូវការដែលលោកបានធ្វើក្នុងនាមជាប្រធានាធិបតី។នៅក្នុងលិខិតមួយទៅកាន់ចៅក្រម មេធាវីរបស់លោក ត្រាំ បានស្វះស្វែងរកការអនុញ្ញាតឱ្យដាក់សំណើលុបសាលក្រម ត្រឹមតែប៉ុន្មានម៉ោងបន្ទាប់ពីតុលាការកំពូលចេញសេចក្តីសម្រេចពាក់ព័ន្ធនឹងសំណុំរឿងព្រហ្មទណ្ឌមួយផ្សេងទៀតរបស់លោក ត្រាំ។ លិខិតនេះនឹងមិនត្រូវបានផ្សព្វផ្សាយជាសាធារណៈទេរហូតដល់ថ្ងៃអង្គារ (០២ កក្កដា) នេះ បន្ទាប់ពីរដ្ឋអាជ្ញាឆ្លើយតប។វិធានការរបស់មេធាវីរបស់លោក ត្រាំ នេះបានកើតឡើង ១០ថ្ងៃមុនពេលចៅក្រមកាត់ទោសបទព្រហ្មទណ្ឌរបស់លោកនៅទីក្រុង មែនហាតថាន (Manhattan) ជាទីដែលគណៈវិនិច្ឆ័យបានផ្តន្ទាទោសបទព្រហ្មទណ្ឌចំនួន ៣៤ ករណីទាក់ទងនឹងការបិទបាំងរឿងអាស្រូវផ្លូវភេទរបស់លោកកាលឆ្នាំ ២០១៦។ មេធាវីរបស់លោក ត្រាំ បានស្នើឱ្យលោកចៅក្រម ហ័ន មើឆាន (Juan Merchan) ពន្យារពេលការកាត់ទោស ដែលនឹងធ្វើឡើងនៅថ្ងៃទី១១ ខែកក្កដា នោះ ខណៈចៅក្រមថ្លឹងថ្លែងថាតើសេចក្តីសម្រេចរបស់តុលាការកំពូលប៉ះពាល់ដល់ការកាត់ទោសដែរឬទេ។កិច្ចប្រឹងប្រែងលុបចោលសាលក្រមនេះអាចជាជំហានដ៏វែងឆ្ងាយ ព្រោះសំណុំរឿងប្រាក់បំបិទមាត់ ផ្តោតលើសកម្មភាពដែលលោក ត្រាំ បានធ្វើក្នុងនាមជាបេក្ខជន មិនមែនជាប្រធានាធិបតីទេ។ ប៉ុន្តែមេធាវីទំនងជាប្រកែកថា រដ្ឋអាជ្ញាបានកសាងសំណុំរឿងរបស់ពួកគេមួយផ្នែកផ្អែកលើភស្តុតាងក្នុងពេលវេលាកាន់តំណែងរបស់លោក ត្រាំ៕

ហ្វីលីពីន៖ ឧប្បត្តិហេតុថ្ងៃទី១៧ មិថុនា នៅសមុទ្រចិនខាងត្បូង ជាសកម្មភាពដ៏កម្រោលថ្មីៗរបស់ចិន

2024/07/02 01:48:07 pm        146
Facebook Telegram Linkin
មន្ត្រីកងទ័ពជើងទឹកហ្វីលីពីន បាននិយាយនៅថ្ងៃអង្គារ (០២ កក្កដា) នេះថា សកម្មភាពរបស់ឆ្មាំល្បាតឆ្នេរចិន ប្រឆាំងនឹងនាវាហ្វីលីពីន ដែលបំពេញបេសកកម្មផ្គត់ផ្គង់ឡើងវិញជាប្រចាំទៅកាន់តំបន់ថ្មប៉ប្រះទឹកក្នុងសមុទ្រចិនខាងត្បូង កាលពីខែមុន គឺជា «សកម្មភាពដ៏កម្រោលបំផុត» នៅក្នុងប្រវត្តិសាស្ត្រនៃភាពតានតឹងថ្មីៗនេះ។លោកឧត្តមនាវីឯក រ៉យ វិនស៊ិន ទ្រីនីដាត (Roy Vincent Trinidad) អ្នកនាំពាក្យកងទ័ពជើងទឹកអំពីបញ្ហាសមុទ្រចិនខាងត្បូង បានពណ៌នាសកម្មភាពឆ្មាំល្បាតឆ្នេរចិនថាជា «ចេតនា មានផែនការ និងការបង្កើនភាពតានតឹង»។ លោក ទ្រីនីដាត បានប្រាប់អ្នកយកព័ត៌មានថា «នោះគឺជាសកម្មភាពកម្រោលបំផុតដែលមិនធ្លាប់មាននាពេលថ្មីៗនេះដោយភ្នាក់ងារចិន នៅសមុទ្រចិនខាងត្បូង»។គួររំលឹកថា នាវិកហ្វីលីពីនម្នាក់បានរងរបួសធ្ងន់ធ្ងរ បន្ទាប់ពីយោធាបាននិយាយថាជា «ការវាយលុកក្នុងល្បឿនដ៏លឿនដោយចេតនា» ដោយឆ្មាំល្បាតឆ្នេរចិន កាលពីថ្ងៃទី១៧ ខែមិថុនា អំឡុងពេលបេសកកម្មផ្គត់ផ្គង់ឡើងវិញ។ប្រទេសចិន បានជំទាស់នឹងការអះអាងរបស់ហ្វីលីពីន ដោយនិយាយថាសកម្មភាពរបស់ឆ្មាំល្បាតឆ្នេររបស់ខ្លួនគឺមានភាពស្របច្បាប់ និងមិនគួរត្រូវបានបន្ទោសនោះទេ។ មិនមានការអត្ថាធិប្បាយភ្លាមៗពីស្ថានទូតចិន នៅទីក្រុងម៉ានីល ជុំវិញការលើកឡើងថ្មីនេះឡើយ៕

បណ្ដាញសង្គម

ព័ត៌មានថ្មីៗ

យើងរួមគ្នានាំយកក្ដីស្រឡាញ់ និងការនឹករឭក ជូនវីរកងទ័ពក្នុងឱកាសបុណ្យចូលឆ្នាំថ្មី!
04/16/2026 06:04 PM
Facebook Telegram Linkin
សម្ដេចតេជោ ចោទសួរថា តើក្រុមប្រឆាំងចង់ឱ្យយកជម្រើសច្បាំងជាមួយថៃ ឱ្យពលីកងទ័ព និងពលរដ្ឋមែនទេ?
04/16/2026 05:04 PM
Facebook Telegram Linkin
សម្ដេចតេជោ ហ៊ុន សែន ណែនាំដល់រដ្ឋាភិបាលឱ្យផ្ដល់ផ្ទះបណ្ដោះអាសន្ន ដល់ជនភៀសសឹកតែម្ដង ទោះបីជាយកដីពីថៃមកវិញបានក៏ដោយ
04/16/2026 04:04 PM
Facebook Telegram Linkin
អ្នកជំនាញ៖ អង់គ្លេសនិងបារាំង កំពុងស្វែងរកការបង្កើតសម្ព័ន្ធភាព ដើម្បីស្តារការដឹកជញ្ជូនតាមច្រកសមុទ្រហ័រមូស
04/16/2026 03:04 PM
Facebook Telegram Linkin
មនុស្សយ៉ាងតិច ៧នាក់ បានស្លាប់ និង ១១នាក់ រងរបួស ក្នុងការវាយប្រហាររបស់រុស្ស៊ីលើទីក្រុងOdesa របស់អ៊ុយក្រែន
04/16/2026 03:04 PM
Facebook Telegram Linkin
អូស្ត្រាលី និងម៉ាឡេស៊ី សន្យាពង្រឹងកិច្ចសហប្រតិបត្តិការផ្គត់ផ្គង់ថាមពល បន្ទាប់ពីសង្គ្រាមនៅមជ្ឈិមបូព៌ា
04/16/2026 03:04 PM
Facebook Telegram Linkin
រយៈពេល២ថ្ងៃភ្ញៀវទេសចរជាតិ និងអន្ដរជាតិជាង៥ម៉ឺន៦ពាន់នាក់ទស្សនាប្រាសាទអង្គរ ក្នុងពិធីចូលឆ្នាំថ្មី
04/16/2026 03:04 PM
Facebook Telegram Linkin
សន្តិសុខសណ្ដាប់ធ្នាប់នៅរាជធានីភ្នំពេញល្អប្រសើរ ក្នុងរយៈពេលពីរថ្ងៃ នៃពិធីបុណ្យចូលឆ្នាំថ្មី
04/16/2026 03:04 PM
Facebook Telegram Linkin
យោធាអាមេរិកអះអាងថា ការវាយប្រហាររបស់ខ្លួននៅភាគខាងកើតប៉ាស៊ីហ្វិក បានសម្លាប់មនុស្ស បីនាក់
04/16/2026 02:04 PM
Facebook Telegram Linkin
ឯកអគ្គរដ្ឋទូត៖ ហ្វាំងឡង់ត្រូវតែគោរពផលប្រយោជន៍របស់រុស្ស៊ី ប្រសិនបើចង់បន្តការសន្ទនាឡើងវិញ
04/16/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.