BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

ទេសរដ្ឋមន្ត្រី លី ធុជ ប្រាប់ឲ្យអាជ្ញាធរមូលដ្ឋាន ត្រូវយកចិត្តទុកដាក់ក្នុងការផ្តល់សេវាសាធារណៈឲ្យកាន់តែប្រសើរឡើងជូនពលរដ្ឋ

ស្វាយរៀង ៖ ឯកឧត្តម ទេសរដ្ឋមន្ត្រី លី ធុជ បានជំរុញឲ្យអាជ្ញាធរមូលដ្ឋានគ្រប់លំដាប់ថ្នាក់ ត្រូវបន្តយកចិត្តទុកដាក់បន្ថែមក្នុងការផ្តល់សេវាសាធារណៈឲ្យកាន់តែប្រសើរឡើង និងចូលរួមជួយសម្រាលបន្ទុកដល់ការលំបាករបស់បងប្អូនប្រជាពលរដ្ឋមូលដ្ឋាន ដោយត្រូវបង្កើនធ្វើសកម្មភាពជាមួយប្រជាពលរដ្ឋ បង្កភាពស្និតស្នាល ផ្សារភ្ជាប់គ្នាដូចជា ៖ មានបុណ្យទាន មានជំងឺ ការសួរសុខទុក្ខ ឬការឧបត្ថម្ភ ជាដើម ជាពិសេសត្រូវបន្តលើកកម្ពស់អនុវត្តគោលនយោបាយរបស់រាជរដ្ឋាភិបាល។ឯកឧត្តម ទេសរដ្ឋមន្ត្រី លី ធុជ លី ធុជ ប្រធានក្រុមការងាររាជរដ្ឋាភិបាលចុះមូលដ្ឋានក្រុងបាវិត ថ្លែងបែបនេះ ក្នុងពិធីប្រកាសទទួលស្គាល់ក្រុមការងាររាជរដ្ឋាភិបាលចុះមូលដ្ឋាននៅក្រុងបាវិត ខេត្តស្វាយរៀង ទទួលបន្ទុកតាមសង្កាត់ទាំង៥ នៅព្រឹកថ្ងៃទី១២ ខែមិថុនា ឆ្នាំ២០២១។ ក្នុងនាមលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ឯកឧត្តម ទេសរដ្ឋមន្ត្រី បានលើកឡើងអំពីតួនាទីភារកិច្ចមួយចំនួនរបស់ក្រុមការងាររាជរដ្ឋាភិបាល ក្នុងការពង្រឹងទំនាក់ទំនងផ្សារភ្ជាប់រវាងរដ្ឋាភិបាលជាមួយប្រជាពលរដ្ឋគ្រប់មជ្ឈដ្ឋាន នៅតាមមូលដ្ឋាន ព្រមទាំងបានជំរុញលើកទឹកចិត្តឲ្យក្រុមការងារ បន្តបង្កើនសកម្មភាពចុះមូលដ្ឋាន ដើម្បីស្វែងយល់សុខទុក្ខជុំវិញជីវភាពប្រចាំថ្ងៃរបស់ប្រជាពលរដ្ឋតាមមូលដ្ឋាននានា សំដៅចូលរួមដោះស្រាយបញ្ហាប្រឈម សំណើសំណូមពរនានារបស់ប្រជាពលរដ្ឋ ឲ្យបានសមស្រប និងទាន់ពេលវេលាផងដែរ។ឯកឧត្តម ទេសរដ្ឋមន្ត្រី លី ធុជ បានបន្តលើកឡើងថា ចាប់ពីពេលរាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់បំផុតរបស់ សម្តេចតេជោ នាយករដ្ឋមន្ត្រី បានបង្កើតឲ្យមានក្រុមការងារថ្នាក់ជាតិចុះជួយរាជធានីខេត្ត និងក្រុមការងារថ្នាក់ខេត្តចុះជួយក្រុង ស្រុក ឃុំ សង្កាត់មក គឺបានដំណើរការធ្វើវេទិកាសាធារណៈនៅគ្រប់មូលដ្ឋានភូមិ ឃុំ សង្កាត់ ដើម្បីក្តាប់ស្ថានភាព បញ្ហាប្រឈមរបស់ប្រជាពលរដ្ឋ ដើម្បីដោះស្រាយនូវបញ្ហាមិនពេញចិត្ត និងការឆ្លើយតបតាមតម្រូវការជាក់ស្តែងរបស់ប្រជាពលរដ្ឋមូលដ្ឋានបានទាន់ពេលវេលា ជាពិសេសទៅទៀតបានធ្វើការផ្សព្វផ្សាយយ៉ាងទូលំទូលាយអំពីកម្មវិធីនយោបាយ និងយុទ្ធសាស្ត្រចតុកោណដំណាក់កាលទី០៤ របស់រាជរដ្ឋាភិបាលដល់គ្រប់មជ្ឈដ្ឋានដូចជា៖ ប្រជាពលរដ្ឋ មន្ត្រីរាជការ គ្រូបង្រៀន អង្គការមិនមែនរដ្ឋាភិបាល និងសង្គមស៊ីវិល បានយល់ដឹងស៊ីជម្រៅកាន់តែច្បាស់ថែមទៀត។ក្នុងឱកាសនោះ ឯកឧត្តម ទេសរដ្ឋមន្ត្រី លី ធុជ បានថ្លែងអំណរគុណ និងវាយតម្លៃខ្ពស់ចំពោះសមាជិក សមាជិកា ក្រុមការងារ នាពេលកន្លងមក ដែលតែងតែយកចិត្តទុកដាក់ គាំទ្រ និងជំរុញលើកទឹកចិត្តដល់មន្ត្រីរាជការ និងកងកម្លាំងប្រដាប់អាវុធ ក្នុងការបំពេញភារកិច្ចបម្រើប្រជាពលរដ្ឋមូលដ្ឋាន ឆ្លើយតបនឹងគុណបំណាច់ដែលពួកគាត់បានផ្តល់សេចក្តីទុកចិត្ត តាមរយៈការបោះឆ្នោតនាពេលកន្លងមកនេះ ក៏ដូចជាឆ្លើយតបទៅនឹងគោលនយោបាយយុទ្ធសាស្ត្រចតុកោណដំណាក់កាលទី៤ និងការសម្រេចបានតាមកម្មវិធីនយោបាយរបស់រាជរដ្ឋាភិបាលដំណាក់កាលទី៦ នៃរដ្ឋសភា៕

ការចាក់វ៉ាក់សាំងនៅស្រុកកណ្ដាលស្ទឹង ផ្ដល់ភាពកក់ក្ដៅកាន់តែខ្ពស់សម្រាប់គ្រួសារនីមួយៗ

កណ្ដាល ៖ ស្រុកកណ្ដាលស្ទឹង ជាស្រុកមួយនៃខេត្តកណ្ដាល បានបើកយុទ្ធនាការចាក់វ៉ាក់សាំង ជូនប្រជាពលរដ្ឋចាប់ពីអាយុ១៨ឆ្នាំឡើងទៅ ចាប់ពីថ្ងៃទី ១០ខែមិថុនា ឆ្នាំ២០២១។ សម្រាប់អ្នកមកទទួលការចាក់វ៉ាក់សាំងនាថ្ងៃនេះ លើកឡើងថា ពួកគាត់មានភាពកក់ក្ដៅកាន់តែខ្ពស់ និងសប្បាយចិត្តក្រោយពេលដែលសមាជិកគ្រួសាររបស់គាត់គ្រប់រូបបានចាក់សាំងកូវីដ-១៩។សម្រាប់ដំណើរការចាក់វ៉ាក់សាំងនៅព្រឹកនេះ ភាគច្រើននៃអ្នកមកទទួលការចាក់ គឺជាក្រុមមនុស្សស្ថិតក្នុងវ័យចំណាស់ ដែលប្រកបរបរចិញ្ចឹមជីវិតនៅផ្ទះ។ ការទទួលបានការចាក់វ៉ាក់សាំងនាពេលនេះ គឺជាក្ដីរីករាយសម្រាប់គ្រួសារពួកគាត់ទាំងមូល ព្រោះកន្លងមកពួកគាត់តែងមានការព្រួយបារម្ភពីការឆ្លង ដោយសារពួកគាត់មានសមាជិកគ្រួសារ ចេញទៅធ្វើការនៅរាជធានីភ្នំពេញ និងធ្វើការជាកម្មករកម្មការិនីនៅរោងចក្រ ទៅមកផ្ទះជាប្រចាំ។ពួកគាត់ បន្តថា នៅពេលសមាជិកគ្រួសារបានចាក់វ៉ាក់សាំងរួចរាល់ទាំងអស់គ្នា គឺមានភាពកក់ក្ដៅ មានទំនុកចិត្តថា មានសុវត្ថិភាពជាងមុន។ ពួកគាត់ក៏នៅតែបន្តអនុវត្ត វិធានការ ៣ការពារ ៣កុំ តាមការណែនាំរបស់រាជរដ្ឋាភិបាល ជានិច្ចផងដែរ។សម្រាប់ដំណើរការចាក់វ៉ាក់សាំងនៅទីតាំង ស្រុកកណ្ដាលស្ទឹង តាមសេចក្ដីជូនដំណឹងរបស់ រដ្ឋបាលស្រុក បញ្ជាក់ថា យុទ្ធនាការចាក់វ៉ាក់សាំងគឺចាប់ពីថ្ងៃទី ១០ខែមិថុនា ដោយទីតាំងចាក់ធ្វើឡើងលើ ២០ទីតាំង បែងចែកទៅតាមឃុំ នីមួយៗ។ ជាការសម្រួលនិងពន្លឿនការចាក់វ៉ាក់សាំងឱ្យបានលឿន គឺឃុំខ្លះមានទីតាំងចាក់រហូតដល់ពីរកន្លែង។គិតមកត្រឹមថ្ងៃទី ១១ ខែមិថុនា ឆ្នាំ២០២១ម្សិលម៉ិញនេះ ការចាក់វ៉ាក់សាំងបង្ការជំងឺកូវីដ-១៩ ទូទាំងប្រទេស គឺមានប្រជាពលរដ្ឋដែលបានចាក់រួចរាល់ចំនួនជាង ២លាន ៨សែន នាក់ គិតជាភាគរយគឺ ២៨,៣៦% នៃចំនួនប្រជាពលរដ្ឋគោលដៅចំនួន ១០លាននាក់។ ចំពោះករណីឆ្លងវិញ កម្ពុជាមានករណីឆ្លងសរុបចំនួន ៣៧ ៩៥៩ករណី និងមានការស្លាប់បាត់បង់ជីវិតចំនួន ៣២០ករណី៕អត្ថបទ៖គឹមហុក

មន្ត្រីជំនាញខេត្តឧត្ដរមានជ័យ ជូនដំណឹងឲ្យពលរដ្ឋប្រុងប្រយ័ត្នចំពោះបាតុភូតប្រែប្រួលអាកាសធាតុ

ឧត្ដរមានជ័យ ៖ មន្ត្រីមន្ទីរធនធានទឹក និងឧតុនិយម ខេត្តឧត្ដរមានជ័យ បានជូនដំណឹងឱ្យប្រជាពលរដ្ឋក្នុងខេត្តជួរភ្នំ ដងរ៉ែកនេះ មានការប្រុងប្រយ័ត្នចំពោះបាតុភូតបម្រែបម្រួលអាកាសធាតុ ដែលបណ្ដាលមកពីឥទ្ធិពល សម្ពាធទាបខ្យល់មូសុងនិរតីខ្លាំង។លោក ញឺន កួន ប្រធានមន្ទីរធនធានទឹក និងឧតុនិយម ខេត្តឧត្តរមានជ័យ បានឱ្យដឹងថា ចន្លោះ ចាប់ពីថ្ងៃទី៩ ដល់ថ្ងៃទី១៥ ខែមិថុនានេះ ជ្រលងប្រព័ន្ធសម្ពាធទាបខ្យល់មូលសុងនិរតីខ្លាំង នឹងបង្កើនឥទ្ធិពលដោយកូនព្យុះឈ្មោះ កូហ្គូម៉ា លើកទី៤ បោកបក់មកលើប្រទេសកម្ពុជា ស្ថានបែបនេះនៅតាមបណ្តា ខេត្ត ដែលជាប់ព្រំដែនតំបន់ជួរភ្នំដងរ៉ែក នឹងមានភ្លៀងធ្លាក់រាយប៉ាយ ចាប់ពីកម្រិតមធ្យមទៅបង្គួរ លាយ ឡំដោយខ្យល់កន្ត្រាក់ផង។លោក បានអំពាវនាវដល់ប្រជាពលរដ្ឋទាំងអស់ ដែលរស់នៅតាមតំបន់ជួរភ្នំដងរ៉ែក ក្នុងភូមិសាស្ត្រ ខេត្តឧត្តរមានជ័យ ត្រូវបង្កើនការប្រុងប្រយ័ត្នឲ្យខ្ពស់ចំពោះបញ្ហាការបម្រែបម្រួលអាកាសធាតុ ក្នុងរយៈពេល ប៉ុន្មានថ្ងៃនេះ។ ប្រជាពលរដ្ឋ ត្រូវរក្សាការពារសុខភាព និងផ្ទះសម្បែង ទ្រព្យសម្បត្តិ ឲ្យបានល្អប្រសើរ ចៀសវាងការបាត់បង់ ឬខូចខាត ដោយប្រការណាមួយ។លោក ញឺន កួន បានបញ្ជាក់ថា ជាមួយគ្នានោះដែរ ប្រសិនជាមានករណីនេះកើតឡើង នៅតាម មូលដ្ឋានណាមួយ ចំពោះប្រជាពលរដ្ឋ អាជ្ញាធរខេត្ត ក៏បានត្រៀមលក្ខណៈរួចជាស្រេចក្នុងការជួយអន្តរាគមន៍សង្គ្រោះភ្លាមៗ៕អត្ថបទ ៖ ឃិន សារិទ្ធ

ក្រសួងសុខាភិបាល ប្រកាសចាត់វិធានការតាមច្បាប់ចំពោះការចាក់វ៉ាក់សាំងកូវីដ-១៩ មានទារប្រាក់ពីពលរដ្ឋ

ភ្នំពេញ ៖ ការចាក់វ៉ាក់សាំងការពារកូវីដ-១៩ ត្រូវបានប្រមុខថ្នាក់ដឹកនាំរាជរដ្ឋាភិបាល ប្រកាសថា ពលរដ្ឋមកពីគ្រប់ជាតិសាសន៍គឺមានការចាក់ដោយមិនមានការកំណត់យកប្រាក់សេវាណានោះទេ ហើយប្រសិនបើការចាក់វ៉ាក់សាំងនោះ មានការទារប្រាក់ នៅតាមមូលដ្ឋានសុខាភិបាល ឬនៅតាមមណ្ឌលចាក់វ៉ាក់សាំង ឬមានបាតុភាពណាដែលកើតឡើងទាក់ទងនឹងការចាក់វ៉ាក់សាំងទាមទារការដោះស្រាយ សូមពលរដ្ឋទូរស័ព្ទទៅលេខ ០១២ ៧៧៧ ៧៦០ និងលេខ ០១២ ៩១៦ ០៩៩ ដើម្បីជំរុញការដោះស្រាយទៅតាមផ្លូវច្បាប់ និងបច្ចេកទេសសុខាភិបាល។បើតាមការបញ្ជាក់ពីលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំង បានថ្លែងថា កន្លងមក ក្រសួងសុខាភិបាលបានទទួលបានពាក្យចចាមអារ៉ាម ជាច្រើនថា ការចាក់វ៉ាក់សាំងនៅតាមទីតាំងចាក់វ៉ាក់សាំងមួយចំនួន គឺមានការចំណាយប្រាក់ ហើយតាមរយៈពាក្យចចាមអារ៉ាមនេះ ក្រសួងក៏កំពុងធ្វើតាមដានដែរ ដើម្បីវែកមុខជនខិលខូចនោះដើម្បីចាត់វិធានការទៅតាមផ្លូវច្បាប់។នៅក្នុងដំណើរចុះត្រួតពិនិត្យសកម្មភាពអនុវត្តយុទ្ធនាការចាក់វ៉ាក់សាំងដូសទី១ ជូនពលរដ្ឋទូទៅចាប់ពី១៨ឆ្នាំឡើងទៅ នៅក្នុងរាជធានីភ្នំពេញ និងខេត្តកណ្តាល កន្លងទៅនេះ លោកជំទាវ ឱ វណ្ណឌីន ជារឿយៗ តែងតែថ្លែងប្រាប់បណ្តាអ្នកសារព័ត៌មានថា នៅគ្រប់មូលដ្ឋានសុខាភិបាល និងទីតាំងនានាដែលបានបង្កើតដោយក្រុមពេទ្យ ដើម្បីចាក់វ៉ាក់សាំងការពារកូវីដ-១៩ គឺត្រូវចាក់ដោយមិនមានការគិតថ្លៃសេវាណានោះទេ ហើយការចាក់នោះមិនត្រូវដណ្តើមគ្នាទេ ពោលគឺត្រូវចាប់លេខរៀងចូលចាក់បន្តបន្ទាប់គ្នា អ្នកមកក្រោយត្រូវរង់ចាំ ប៉ុន្តែសម្រាប់ពលរដ្ឋជាជនពិការ មនុស្សចាស់ជរា និង ស្ត្រីកំពុងបំបៅដោះកូនជាដើម គឺសូមផ្តល់អាទិភាពអោយគាត់ចូលចាក់មុន។សូមបញ្ជាក់ថា នៅដំណើរការពន្លឿនការចាក់វ៉ាក់សាំងជូនពលរដ្ឋនេះ រាជរដ្ឋាភិបាលកម្ពុជា បានប្រើប្រាស់កំលាំងសរុបដែលមានក្រុមពេទ្យមួយចំនួនធំមកពីក្រសួងសុខាភិបាល ក្រុមពេទ្យស្ម័គ្រចិត្តសម្តេចតេជោ ឬហៅក្រុមពេទ្យធីតា ក្រុមពេទ្យស្ម័គ្រចិត្តមកពីសហភាពសហព័ន្ធយុវជនកម្ពុជា ក្រុមពេទ្យស្ម័គ្រចិត្តសម្តេចពិជ័យសេនា ទៀ បាញ់ ក្រុមពេទ្យស្ម័គ្រចិត្តសម្តេច សាយ ឈុំ និងមានការចូលរួមពីក្រុមពេទ្យកងទ័ពដែលបើកចាក់នៅក្នុងតំបន់ក្រហម និងក្រុមពេទ្យក្រសួងមហាផ្ទៃ និងក្រុមពេទ្យនានាទៀតជាច្រើន៕អត្ថបទ ស៊ុម សុខជា

ពលរដ្ឋបង្ហាញក្តីរីករាយ ក្រោយទទួលបានថវិកាពីកម្មវិធីជំនួយសង្គមក្រោយបញ្ចប់ការបិទខ្ទប់ពីរាជរដ្ឋាភិបាល

ភ្នំពេញ ៖ ប្រជាពលរដ្ឋជាគ្រួសារទទួលផលដែលបានជាប់ក្នុងការសម្ភាសន៍ សម្រាប់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់ នៅថ្ងៃនេះ បានទៅបើកថវិកានៅតាមភ្នាក់ងារ វីង ដែលនៅជិតគេហដ្ឋានរបស់ពួកគាត់។ បន្ទាប់ពីទទួលបានថវិការួចរាល់ ពួកគាត់បង្ហាញភាពត្រេកអរ និងថ្លែងអំណរគុណដល់រាជរដ្ឋាភិបាលកម្ពុជា ដែលតែងយកចិត្តទុកដាក់ គិតគូរដល់ប្រជាពលរដ្ឋគ្រប់កាលទេសៈ។កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់ ជាកម្មវិធីជំនួយសង្គមអនុវត្តតែមួយដង សម្រាប់គ្រួសារមានជីវភាពខ្វះខាតក្នុងកំឡុងពេលបិទខ្ទប់ ក្នុងទីតាំងរាជធានីភ្នំពេញ ក្រុងតាខ្មៅ ក្រុងព្រះសីហនុ និងសម្រាប់គ្រួសារដែលមានសមាជិកឆ្លងជំងឺកូវីដ ដែលមានជីវភាពខ្វះខាត និងសម្រាប់គ្រួសារដែលសមាជិកស្លាប់ដោយសារជំងឺកូវីដ ក្នុងក្របខណ្ឌទូទាំងប្រទេស។ សម្រាប់ជំហ៊ានដំបូងនេះ គឺមានគ្រួសារទទួលផលសរុបចំនួន ៦១៦៧៨ គ្រួសារ ដែលរាជរដ្ឋាភិបាលកម្ពុជា គ្រោងចំណាយថវិកាជាង ៤លានដុល្លារអាមេរិក។សម្រាប់គ្រួសារទទួលផល នាព្រឹកនេះ បានអញ្ជើញទៅតាមភ្នាក់ងារ វីង ដោយភ្ជាប់ជាមួយ អត្តសញ្ញាណប័ណ្ណ និងលេខទូរស័ព្ទដែលផ្ដល់ជូនក្នុងការសម្ភាសន៍ដើម្បីបើកសាច់ប្រាក់ដែលជាការឧបត្ថម្ភរបស់រដ្ឋាភិបាល។ ក្រោយទទួលបានសាច់ប្រាក់រួចរាល់នាពេលនេះ ពួកគាត់ បានបង្ហាញការត្រេកអរ និងថ្លែងអំណរគុណដល់រាជរដ្ឋាភិបាលកម្ពុជា ដែលតែងគិតគូរ ជួយសម្រួលជីវភាពដល់ប្រជាពលរដ្ឋ គ្រប់កាលទេសៈ។ ពួកគាត់បញ្ជាក់ថា ថវិកាទាំងនេះ នឹងជួយសម្រួលភាពលំបាកមួយចំនួន ក្រោយពេលពួកគាត់បាត់បង់ចំណូលដោយសារការបិទខ្ទប់កន្លងមក។សម្រាប់កម្មវិធីជំនួយសង្គមក្រោយពេលបិទខ្ទប់នេះ រដ្ឋាភិបាលកម្ពុជានៅតែអនុញ្ញាតនិងទុកពេលវេលាឱ្យ គ្រួសារមានជីវភាពលំបាកកំឡុងពេលបិទខ្ទប់ដទៃទៀត អាចមកដាក់ពាក្យទៅសង្កាត់ដើម្បីស្នើសុំការសម្ភាសន៍។ រយៈពេលដែលអាចបន្តដាក់ពាក្យស្នើសុំនេះ គឺមានរយៈពេលមួយសប្ដាហ៍ ចាប់ពីថ្ងៃទី ១០ ដល់ថ្ងៃទី ១៧ខែមិថុនា ខាងមុខ។ក្នុងនាមជាអាជ្ញាធរ លោកស្រី សឿង សេរី ជាចៅសង្កាត់ដង្កោ លើកឡើងថា មន្ត្រីសង្កាត់គឺនៅតែទទួលការស្នើសុំរបស់គ្រួសារមានជីវភាពខ្វះខាត និងជំរុញឱ្យមន្ត្រីចុះសម្ភាសន៍ឱ្យបានលឿន ដើម្បីប្រជាពលរដ្ឋទទួលបានអត្ថប្រយោជន៍ពីកម្មវិធីជំនួយសង្គមនេះ។គួរបញ្ជាក់ថា សម្រាប់កម្មវិធីជំនួយសង្គមក្រោយបញ្ចប់ការបិទខ្ទប់នេះ គឺមានផ្ដោតលើចំណុចសំខាន់ចំនួន ៣ រួមមានថ្លៃស្បៀងអាហារ ថ្លៃទឹកស្អាត និងថ្លៃអគ្គិសនី ដោយគ្រួសារទទួលផល អាចទទួលបានសាច់ប្រាក់ខុសគ្នា ទៅតាមចំនួនសមាជិកនៃគ្រួសារនីមួយៗ៕អត្ថបទ៖ គឹមហុក

ពលរដ្ឋ៩ស្រុក ក្នុងខេត្តកណ្ដាល នឹងទទួលបានអាទិភាពចាក់វ៉ាក់សាំងសម្រាប់ជំហានបន្ទាប់

កណ្ដាល ៖ លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ ក្របខណ្ឌទូទាំងប្រទេស បានឱ្យដឹងថា ពលរដ្ឋ៩ស្រុក ក្នុងខេត្តកណ្ដាល ដែលព័ទ្ធជុំវិញរាជធានីភ្នំពេញ នឹងទទួលបានអាទិភាពចាក់វ៉ាក់សាំង សម្រាប់ជំហានបន្ទាប់ពីរាជធានីភ្នំពេញ។លោកជំទាវ ឱ វណ្ណឌីន បានបញ្ជាក់ថា ស្របតាមយុទ្ធសាស្ត្រផ្ការីករបស់ប្រមុខរាជរដ្ឋាភិបាល គោលដៅជាបន្តបន្ទាប់នៅក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩នេះ គឺនឹងបន្តផ្តល់ជូនពលរដ្ឋនៅតាមបណ្តាស្រុកមួយចំនួន នៃខេត្តកណ្តាល ខេត្តព្រះសីហនុ ខេត្តតាកែវ ខេត្តស្វាយរៀង ខេត្តកំពង់ចាម ខេត្តកំពង់ឆ្នាំង និងខេត្តកំពង់ស្ពឺ។ការបញ្ជាក់របស់លោកជំទាវ ឱ វណ្ណឌីន គឺនៅព្រឹកថ្ងៃទី១១ ខែមិថុនានេះ ខណៈពេលលោកជំទាវបាននាំយកអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី ប្រគល់ជូនក្រុមគ្រូពេទ្យចាក់វ៉ាក់សាំង នៃក្រសួងការពារជាតិ តាមរយៈនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិយុទ្ធនាការជាតិចាក់វ៉ាក់សាំងកូវីដ-១៩។នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងជាប្រធានប្រតិបត្តិយុទ្ធនាការជាតិចាក់វ៉ាក់សាំងកូវីដ-១៩ បានធ្វើការតាំងចិត្តខ្ពស់ក្នុងនាមកងកម្លាំង នឹងគោរពអនុវត្តបទបញ្ជាពីរាជរដ្ឋាភិបាល ក៏ដូចជាគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ ក្នុងការសហការចាក់វ៉ាក់សាំងជូនដល់ប្រជាពលរដ្ឋ ក្នុងយុទ្ធនាការជាបន្តបន្ទាប់ទៀត ។របាយការណ៍របស់អនុគណៈកម្មការតាមដាន និងវាយតម្លៃ នៃគណៈកម្មការចំពោះកិច្ចចាក់វ៉ាក់សាំងបង្ការកូវីដ-១៩ក្របខណ្ឌទូទាំងប្រទេស បានបង្ហាញថា ចាប់តាំងពីថ្ងៃទី១០ ខែកុម្ភៈ ឆ្នាំ២០២១ រហូតមកដល់ថ្ងៃទី៧ ខែមិថុនា ឆ្នាំ២០២១ ទាំងក្របខណ្ឌក្រសួងសុខាភិបាល និងក្រសួងការពារជាតិ បានចាក់វ៉ាក់សាំងជូនដល់ប្រជាពលរដ្ឋ ដែលមានអាយុចាប់ពី១៨ឆ្នាំឡើងទៅ បានចំនួនជាង២លាន៨សែននាក់ ស្មើហ្នឹងប្រមាណជាង២៧ភាគរយ បើធៀបនឹងគោលដៅ១០លាននាក់៕អត្ថបទ៖ ជៀប សម្បត្តិ

WHO និង UNICEF ជំរុញឲ្យមានការចិត្តទុកដាក់ការពារកូវីដ-១៩ដល់កុមារ ខណៈកម្ពុជាមិនទាន់មានវ៉ាក់សាំងសម្រាប់កុមារ

ភ្នំពេញ ៖ អង្គការធំៗចំនួន២ របស់អង្គការសហប្រជាជាតិ រួមមាន ៖ អង្គការសុខភាពពិភពលោក WHO និងអង្គការ UNICEF ដែលធ្វើការងារដើម្បីកុមារប្រចាំនៅកម្ពុជា បានជំរុញអោយគ្រប់អាណាព្យាបាលកុមារទាំងអស់ ត្រូវពង្រឹងការពារឆ្លងមេរោគកូវីដ-១៩ លើកុមារ ខណៈ ដែលកម្ពុជា មិនទាន់មានវ៉ាក់សាំងចាក់ការពារកូវីដ-១៩លើកុមារ។នៅក្នុងដំណើរទស្សនកិច្ចយុទ្ធនាការចាក់វ៉ាក់សាំងការពារកូវីដ-១៩ ទ្រង់ទ្រាយធំនៅទូទាំងខេត្តកណ្តាល នាថ្ងៃទី១០មិថុនា ម្សិលមិញនេះ លោកស្រី វេជ្ជបណ្ឌិត Foroogh Foyouzat តំណាងអង្គការUNICEF ប្រចាំនៅកម្ពុជា បានថ្លែងថា បច្ចុប្បន្នមានកុមារនៅកម្ពុជាមួយចំនួន ក៏មានការឆ្លងមេរោគកូវីដ-១៩ដែរ ជាពិសេសកុមារតូចៗភាគច្រើន គឺងាយប្រឈមនឹងក្នុងការឆ្លងខ្លាំង ហើយកុមារដែលអាចពាក់ម៉ាស់បាន គឺត្រូវតែជំរុញឲ្យគេពាក់ម៉ាស់ ជាពិសេសពេលធ្វើដំណើរ និងនៅតំបន់ដែលមានហានិភ័យខ្លាំង។ការថ្លែងរបស់លោកស្រី បានធ្វើឡើង បន្ទាប់ពីគេមើលឃើញថា បច្ចុប្បន្ន មានអាណាព្យាបាលកុមារមួយចំនួន នៅពេលយកកុមារ ឬកូនតូចៗរបស់ខ្លួនចេញដើរកម្សាន្ត ឬធ្វើដំណើរទៅតាមទីសាធារណៈផ្សេងៗ គឺភាគច្រើនអាណាព្យាបាលមានការពាក់ម៉ាស់ការពារត្រឹមត្រូវ ប៉ុន្តែកុមារ ឬកូនតូចៗ របស់ខ្លួននោះ មិនមានពាក់ម៉ាស់ការពារកូវីដ-១៩ ជូននោះទេ ហើយបើពាក់គឺភាគច្រើនមិនបានត្រឹមត្រូវនោះទេ ដែលបញ្ហានោះ បង្កការងាយឆ្លងកូវីដ-១៩ខ្លាំងផងដែរ។ពាក់ព័ន្ធនឹងបញ្ហាកុមារនេះដែរ លោកស្រី លី អាយឡែន តំណាងអង្គការសុខភាពពិភពលោក WHO ប្រចាំនៅកម្ពុជា បានថ្លែងថា បច្ចុប្បន្នមានបណ្តាប្រទេសរីកចម្រើនមួយចំនួន គឺគេមានវ៉ាក់សាំងការពារកូវីដ-១៩ សម្រាប់ចាក់ជូនកុមារតូច រហូតដល់កុមារធំវ័យក្រោម១៧ឆ្នាំ ប៉ុន្តែកម្ពុជា នៅមិនទាន់មានវ៉ាក់សាំងសម្រាប់កុមារនោះទេ ខណៈដែលបច្ចុប្បន្ន WHO មិនទាន់មានផែនការផ្តល់ជំនួយវ៉ាក់សាំងសម្រាប់កុមារនោះទេ។ទោះយ៉ាងក៏ដោយតំណាងអង្គការធំៗទាំងពីររបស់អង្គការសហប្រជាជាតិនេះ គឺបានអបអរសាទរចំពោះពលរដ្ឋខ្មែរ ដែលមានសំណាងជាងបណ្តាប្រទេសនានា ដែលទទួលបានការចាក់វ៉ាក់សាំងការពារកូវីដ-១៩ ដោយមិនមានការគិតថ្លៃ ហើយនៅក្នុងរយៈពេលប៉ុន្មានខែចុងក្រោយនេះ ពលរដ្ឋខ្មែរគ្រប់រូបគឺមានចិត្តចង់ចាក់វ៉ាក់សាំងការពារកូវីដ-១៩ទាំងអស់គ្នា ខណៈកាលពីដំបូងពលរដ្ឋខ្មែរមានចិត្តមិនចង់ចាក់ ដោយសារ គេជឿតាមពាក្យញុះញង់ ថាចាក់វ៉ាក់សាំងប៉ះពាល់នេះ ប៉ះពាល់នោះទៅតាមការលើកឡើងពាក្យមិនមានមូលហេតុ៕អត្ថបទ ស៊ុម សុខជា

នៅថ្ងៃនេះ ខេត្តកណ្តាលចាប់ផ្តើមចាក់សាំងការពារកូវីដ-១៩ ជូនអ្នកជាប់ឃុំនៅក្នុងពន្ធនាគារខេត្ត

កណ្ដាល ៖ បើតាមឯកឧត្តម គង់ សោភ័ណ្ឌ អភិបាលខេត្តកណ្តាល បានថ្លែងថា នៅព្រឹកថ្ងៃទី១១ ខែមិថុនានេះ ខេត្តកណ្តាល គឺបានចាប់ផ្តើមបើកដំណើរការចាក់វ៉ាក់សាំងការពារកូវីដ-១៩ ជូនចំពោះបណ្តាអ្នកជាប់ឃុំ នៅក្នុងពន្ធនាគារខេត្តកណ្តាល ដូចបណ្តាពលរដ្ឋទូទៅនៅក្នុងទឹកដីនៃខេត្តកណ្តាលផងដែរ។ឯកឧត្តម គង់ សោភ័ណ្ឌ បានថ្លែងថា នៅក្នុងយុទ្ធនាការចាក់សាំងការពារកូវីដ-១៩ ជូនបណ្តាពលរដ្ឋទូទៅ នៅក្នុងខេត្ដកណ្តាល ដែលបានចាប់ផ្តើមដំណើរការនៅថ្ងៃម្សិលមិញនេះ គឺខេត្តកណ្តាលបានទទួលវ៉ាក់សាំង ពីរាជរដ្ឋាភិបាលចំនួនជិត៦០ម៉ឺនដូស ក្នុងនោះ មានមួយចំណែកខេត្តក៏ទទួលបានពីក្រសួងមហាផ្ទៃ ដើម្បីផ្តល់ជូនខេត្តកណ្តាល ចាក់ជូនបណ្តាអ្នកជាប់ឃុំនៅក្នុងពន្ធនាគារខេត្តកណ្តាលដែរ។ឯកឧត្តម គង់ សោភ័ណ្ឌ បន្តថា សម្រាប់វ៉ាក់សាំងការពារកូវីដ-១៩ ដែលត្រូវចាក់ជូនបណ្តាអ្នកជាប់ឃុំនៅក្នុងពេលពន្ធនាគារខេត្តនៅថ្ងៃទី១១ មិថុនានេះ គឺបាននឹងកំពុងចាក់ជូនដោយក្រុមគ្រូពេទ្យមកពីមន្ទីរពេទ្យ១៦ ឧសភា របស់ក្រសួងមហាផ្ទៃ។បើតាមការអោយដឹងពីលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងការពារកូវីដ-១៩ បានថ្លែងថា នៅក្នុងចំណោមវ៉ាក់សាំង ដែលទើបមកដល់កាលពីពេលថ្មីៗនេះ គឺមានវ៉ាក់សាំងប្រមាណ៦០០០ដូស ត្រូវបានក្រសួងសុខាភិបាលបែងជូនដល់ក្រសួងមហាផ្ទៃ ដើម្បីចាក់ជូនបណ្តាអ្នកជាប់ឃុំនៅក្នុងពន្ធនាគារផងដែរ។បើតាមប្រភពពីក្រុមពេទ្យនៃមន្ទីរពេទ្យ ១៦ ឧសភា របស់ក្រសួងមហាផ្ទៃ បានឲ្យដឹងថា នៅថ្ងៃទី១១ ខែមិថុនានេះ ក្រុមគ្រូពេទ្យ បានបែងចែងក្រុមគ្រូពេទ្យចំនួន២ក្រុម ៖ ១ក្រុមមានគ្រូពេទ្យប្រមាណជាង១០រូបបានបែងចែកទៅចាក់វ៉ាក់សាំងជូនបណ្តាអ្នកជាប់ឃុំនៅក្នុងពន្ធនាគារខេត្តកណ្តាល ហើយ១ក្រុមទៀតមានគ្រូពេទ្យប្រមាណជាង១០នាក់ទៀត ត្រូវទៅចាក់ជូនបណ្តាអ្នកជាប់ឃុំនៅក្នុងពន្ធនាគារខេត្តកំពង់ស្ពឺ ហើយនៅពេលដែលមានវ៉ាក់សាំងថ្មីមកដល់បន្ថែមទៀត ក្រុមពេទ្យនឹងបន្តទៅចាក់ជូនបណ្តាអ្នកជាប់ឃុំ នៅក្នុងពន្ធនាគារខេត្តកំពត ខេត្តស្វាយរៀង ខេត្តត្បូងឃ្មុំ និងបន្តទៅខេត្តនានាទៀត។ប្រភពដដែលក៏បាន បញ្ជាក់ថា មកដល់ថ្ងៃនេះ មានអ្នកជាប់ឃុំនៅក្នុងពន្ធនាគារនៅក្នុងរាជធានីភ្នំពេញ និងខេត្តព្រះសីហនុ គឺបានចាក់វ៉ាក់សាំងការពារកូវីដ-១៩ ទាំងដូសទី១ និងដូសទី២ ហើយរួចរាល់។អត្ថបទ ៖ ស៊ុម សុខជា

អូស្ត្រាលីផ្តល់ជំនួយចូលរួមជាមួយរដ្ឋាភិបាលកម្ពុជា ជំរុញការតបណ្តាញអគ្គិសនីតាមជនបទ

ភ្នំពេញ ៖ រដ្ឋាភិបាលប្រទេសអូស្ត្រាលីបានចូលរួមចំណែកជាមួយរាជរដ្ឋាភិបាលកម្ពុជា ក្នុងការជំរុញផែនការតភ្ជាប់បណ្តាញអគ្គិសនីតាមភូមិទាំងអស់នៅក្នុងប្រទេស។រដ្ឋាភិបាលអូស្ត្រាលី សម្រេចផ្តល់ហិរញ្ញប្បទានឥតសំណងដល់កម្ពុជា សម្រាប់គម្រោងអភិវឌ្ឍន៍អគ្គិសនីនៅតាមភូមិជនបទ ដែលមិនទាន់មានការផ្គត់ផ្គង់ទៅដល់។ នេះជាការរួមចំណែកយ៉ាងសំខាន់ ក្នុងការជំរុញការតភ្ជាប់បណ្តាញអគ្គិសនីសម្រាប់ប្រជាពលរដ្ឋ នៅតាមតំបន់ដែលដាច់ស្រយោល ដែលមិនទាន់មានអគ្គិសនីប្រើប្រាស់។កិច្ចព្រមព្រៀងនៃការផ្តល់ហិរញ្ញប្បទាននេះធ្វើឡើងកាលពីថ្ងៃទី៩ ខែមិថុនា ដោយមានចូលរួមដោយ ឯកឧត្តមបណ្ឌិត ទី នរិន្ទ រដ្ឋលេខាធិការក្រសួងរ៉ែ និងថាមពល និងឯកឧត្តម Luke Arnold ភារៈធារី នៃស្ថានទូតអូស្ត្រាលីប្រចាំកម្ពុជា។ ហិរញ្ញប្បទានឥតសំណងរបស់របស់អូស្ត្រាលីមានទឹកប្រាក់ ១,២ លានដុល្លារ អូស្ត្រាលី ឬស្នើនឹង ៩២ម៉ឺនដុល្លារអាមេរិក។ ការអនុវត្តគម្រោងមានរយៈពេលពីរឆ្នាំ គិតចាប់ពីថ្ងៃចុះហត្ថលេខានេះតទៅ។ឯកឧត្តមបណ្ឌិត ទី នរិន្ទ មានប្រសាសន៍ឱ្យដឹង នៅថ្ងៃទី១០នេះថា គម្រោងនេះពិតជាមានសារសំខាន់ ចូលរួមជាមួយរដ្ឋាភិបាលក្នុងការតភ្ជាប់បណ្តាញអគ្គិសនីទៅកាន់គ្រប់ភូមិទាំងអស់នៅកម្ពុជា។ គម្រោងអភិវឌ្ឍអគ្គិសនីភាវូបនីយកម្មជនបទនៅភូមិដែលមិនទាន់មានការផ្គត់ផ្គង់ គឺផ្តោតលើការបំពាក់ផ្ទាំងសូឡា ដើម្បីផលិតថាមពលប្រើប្រាស់តាមខ្នងផ្ទះតាមទីជនបទ។គិតមកពេលបច្ចុប្បន្ន ការតភ្ជាប់អគ្គិសនីទៅកាន់ភូមិទូទាំងប្រទេសសម្រេចបានជាង ៩៧ភាគរយនៃភូមិសរុប ប្រមាណ ១៤ ១៦៨ភូមិ។ ផ្អែកតាមតួលេខនេះ កម្ពុជានឹងសម្រេចបានគោលដៅ ក្នុងការតភ្ជាប់បណ្តាញអគ្គិសនីនៅភូមិទាំងអស់ទូទាំងប្រទេសនៅឆ្នាំ២០២១នេះ៕អត្ថបទ វណ្ណៈ

តំណាងអង្គការសុខភាពពិភពលោកប្រចាំកម្ពុជា ព្រមានថា អ្នកជក់បារី ងាយនឹងឆ្លងជំងឺកូវីដ-១៩

ភ្នំពេញ ៖ លោកស្រី លី អាយឡែន តំណាងអង្គការសុខភាពពិភពលោកប្រចាំកម្ពុជា បញ្ជាក់ថា អ្នកជក់បារី ងាយនឹងឆ្លងជំងឺកូវីដ-១៩ ដោយសារការជក់បារី មានន័យថាម្រាមដៃ (និងបារីដែលមានជាតិកខ្វក់) មានទំនាក់ទំនងជាមួយបបូរមាត់ដែលបង្កើនលទ្ធភាពឆ្លងវីរុសពីដៃទៅមាត់។លោកស្រី លី អាយឡែន ថ្លែងក្នុងឱកាសដែលព្រះរាជាណាចក្រកម្ពុជា ទទួលបានពានរង្វាន់ទិវាពិភពលោកគ្មានថ្នាំជក់ ឆ្នាំ២០២១ នាទីសី្តការក្រសួង ព្រឹកថ្ងៃទី១១ ខែមិថុនា ឆ្នាំ២០២១នេះ។លោកស្រី បានបន្តថា អ្នកជក់បារីក៏អាចមានជំងឺសួតរួចទៅហើយ ឬបន្ថយសមត្ថភាពសួតដែលអាចបង្កើនហានិភ័យនៃជំងឺធ្ងន់ធ្ងរ។ ហើយការប្រើប្រាស់ផលិតថ្នាំជក់ដូចជាជក់តាមបំពង់បឺតមានទឹក ជាញឹកញាប់អ្នកប្រើប្រាស់មានចែករំលែកទុយោបឺត ពីមាត់មួយទៅមាត់មួយទៀត ដែលជាភ្នាក់ងារចម្លងជំងឺកូវីដ-១៩ ចូលទៅក្នុងសហគមន៍ និងបរិយាកាសសង្គម។ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានថ្លែងថា ក្នុងឆ្នាំ២០២០កន្លងមក ក្នុងអំឡុងពេលមានការរាតត្បាតនៃជំងឺកូវីដ-១៩ ក្រសួងសុខាភិបាល កាន់តែយកចិត្តទុកដាក់បន្ថែមទៀតក្នុងការពារប្រជាជនអំពីហានិភ័យនៃផ្សែងបារីផលិតផលថ្នាំជក់ ដោយបានតាមដានជាប្រចាំការអនុវត្តច្បាប់ និងបានចាត់វិធានការច្បាប់ជាមួយក្រុមហ៊ុនថ្នាំជក់មួយចំនួនដែលល្មើសនឹងច្បាប់នៃការបោះពុម្ពសារព្រមានសុខភាពលើកញ្ចប់ផលិតផលថ្នាំជក់ វិធានការចំពោះការផ្សាយពាណិជ្ជកម្ម ការផ្សព្វផ្សាយលក់ និងការឧបត្ថម្ភកម្មវិធីដោយឧស្សាហកម្មថ្នាំជក់ ព្រមទាំងជំរុញការអនុវត្តទីកន្លែងគ្មានផ្សែងបារី ឲ្យមានប្រសិទ្ធភាព និងជាពិសេសពង្រឹងការលះបង់ទម្លាប់ប្រើប្រាស់ផលិតផលថ្នាំជក់ ដោយបានបណ្ដុះបណ្ដាលមន្រី្តសុខាភិបាលតាមមណ្ឌលសុខភាពចំនួន៥៨១រូប និងធ្វើយុទ្ធនាការជំរុញការលះបង់ទម្លាប់ប្រើប្រាស់ផលិតផលថ្នាំជក់ ក្នុងដំណាក់កាលរាតត្បាតនៃជំងឺកូវីដ-១៩៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

ចាប់ពីពេលនេះតទៅ អ្នកល្មើសច្បាប់ចរាចរណ៍តម្រូវឱ្យបង់ប្រាក់ពិន័យតាមរយៈធនាគារ កាណាឌីយ៉ា

រដ្ឋមន្រ្តីក្រសួងវប្បធម៌ ជួបពិភាក្សាការងារជាមួយអនុប្រធានបេសកកម្មស្ថានទូតសាធារណរដ្ឋកូរ៉េប្រចាំកម្ពុជា

អង្គភាពប្រឆាំងអំពើពុករលួយធ្វើការសម្រេចលើពាក្យបណ្តឹងចំនួន៣៣ ក្នុងខែសីហា ឆ្នាំ២០២៦

លោក Trump៖ អ៊ីរ៉ង់បច្ចុប្បន្នគឺជាប្រទេសបរាជ័យ ហើយការបិទច្រក គឺជារឿងមិនគួរឲ្យជឿទាល់តែសោះ

នាយករដ្ឋមន្ត្រីបែលហ្ស៊ិក៖ អឺរ៉ុបកំពុងដើរយឺតជាងអាមេរិក និងចិន ក្នុងវិស័យនវានុវត្តន៍ និងផលិតភាព

ការវាយប្រហាររបស់អ៊ីរ៉ង់លើអេមីរ៉ាតអារ៉ាប់រួម និងហ្ស៊កដានី ត្រូវបានថ្កោលទោសយ៉ាងដាច់អហង្ការ

ក្រុមគ្រូពេទ្យនិយាយថា ការវាយប្រហាររបស់អ៊ីស្រាអែល បានសម្លាប់មនុស្ស ២នាក់ នៅតំបន់ហ្កាហ្សា

ប្រធានាធិបតីលីបង់ ជំរុញឱ្យអនុវត្តកិច្ចព្រមព្រៀងក្របខ័ណ្ឌយ៉ាងពេញលេញ និងមិនលម្អៀង ជាមួយអ៊ីស្រាអែល

ទួរគី អារ៉ាប៊ីសាអ៊ូឌីត និងប៉ាគីស្ថាន រៀបចំជំនួបគណៈកម្មាធិការកិច្ចព្រមព្រៀងការពារជាតិលើកដំបូង

យានដ្រូនរបស់រុស្ស៊ី ស្រោចសន្ធាប់លើទីក្រុងគីវ ជាថ្ងៃទី៥ ដោយរំខានដល់ជីវិតប្រចាំថ្ងៃ នៅទូទាំងរដ្ឋធានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ការចាក់វ៉ាក់សាំងនៅស្រុកកណ្ដាលស្ទឹង ផ្ដល់ភាពកក់ក្ដៅកាន់តែខ្ពស់សម្រាប់គ្រួសារនីមួយៗ

មន្ត្រីជំនាញខេត្តឧត្ដរមានជ័យ ជូនដំណឹងឲ្យពលរដ្ឋប្រុងប្រយ័ត្នចំពោះបាតុភូតប្រែប្រួលអាកាសធាតុ

ក្រសួងសុខាភិបាល ប្រកាសចាត់វិធានការតាមច្បាប់ចំពោះការចាក់វ៉ាក់សាំងកូវីដ-១៩ មានទារប្រាក់ពីពលរដ្ឋ

ពលរដ្ឋបង្ហាញក្តីរីករាយ ក្រោយទទួលបានថវិកាពីកម្មវិធីជំនួយសង្គមក្រោយបញ្ចប់ការបិទខ្ទប់ពីរាជរដ្ឋាភិបាល

ពលរដ្ឋ៩ស្រុក ក្នុងខេត្តកណ្ដាល នឹងទទួលបានអាទិភាពចាក់វ៉ាក់សាំងសម្រាប់ជំហានបន្ទាប់

WHO និង UNICEF ជំរុញឲ្យមានការចិត្តទុកដាក់ការពារកូវីដ-១៩ដល់កុមារ ខណៈកម្ពុជាមិនទាន់មានវ៉ាក់សាំងសម្រាប់កុមារ

នៅថ្ងៃនេះ ខេត្តកណ្តាលចាប់ផ្តើមចាក់សាំងការពារកូវីដ-១៩ ជូនអ្នកជាប់ឃុំនៅក្នុងពន្ធនាគារខេត្ត

អូស្ត្រាលីផ្តល់ជំនួយចូលរួមជាមួយរដ្ឋាភិបាលកម្ពុជា ជំរុញការតបណ្តាញអគ្គិសនីតាមជនបទ

តំណាងអង្គការសុខភាពពិភពលោកប្រចាំកម្ពុជា ព្រមានថា អ្នកជក់បារី ងាយនឹងឆ្លងជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ការចាក់​វ៉ាក់សាំង​នៅ​ស្រុកកណ្ដាលស្ទឹង ផ្ដល់​ភាព​កក់ក្ដៅ​កាន់តែ​ខ្ពស់​សម្រាប់​គ្រួសារ​នីមួយៗ​

មន្ត្រី​ជំនាញ​ខេត្តឧត្ដរមានជ័យ​ ជូនដំណឹង​ឲ្យ​ពលរដ្ឋ​ប្រុងប្រយ័ត្ន​ចំពោះ​បាតុភូត​ប្រែប្រួល​អាកាសធាតុ

ពលរដ្ឋ​៩​ស្រុក ក្នុង​ខេត្តកណ្ដាល​ នឹង​ទទួល​បាន​អាទិភាព​ចាក់​វ៉ាក់សាំង​សម្រាប់​ជំហាន​បន្ទាប់​

អូស្ត្រាលី​ផ្តល់​ជំនួយ​ចូលរួម​ជាមួយ​រដ្ឋាភិបាល​កម្ពុជា​ ជំរុញ​កា​រត​បណ្តាញ​អគ្គិសនី​តាម​ជនបទ

តំណាង​អង្គការ​សុខភាព​ពិភព​លោក​ប្រចាំ​កម្ពុជា ព្រមាន​ថា អ្នក​ជក់បារី​ ងាយ​នឹង​ឆ្លង​ជំងឺ​កូ​វីដ​-១៩​ ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ការចាក់វ៉ាក់សាំងនៅស្រុកកណ្ដាលស្ទឹង ផ្ដល់ភាពកក់ក្ដៅកាន់តែខ្ពស់សម្រាប់គ្រួសារនីមួយៗ

មន្ត្រីជំនាញខេត្តឧត្ដរមានជ័យ ជូនដំណឹងឲ្យពលរដ្ឋប្រុងប្រយ័ត្នចំពោះបាតុភូតប្រែប្រួលអាកាសធាតុ

ពលរដ្ឋ៩ស្រុក ក្នុងខេត្តកណ្ដាល នឹងទទួលបានអាទិភាពចាក់វ៉ាក់សាំងសម្រាប់ជំហានបន្ទាប់

អូស្ត្រាលីផ្តល់ជំនួយចូលរួមជាមួយរដ្ឋាភិបាលកម្ពុជា ជំរុញការតបណ្តាញអគ្គិសនីតាមជនបទ

តំណាងអង្គការសុខភាពពិភពលោកប្រចាំកម្ពុជា ព្រមានថា អ្នកជក់បារី ងាយនឹងឆ្លងជំងឺកូវីដ-១៩