BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

បែចិញ្ចឹមត្រី ផ្ទះបណ្តែតទឹក និងសំណង់មិនរៀបរយលើផ្ទៃទន្លេ នៅភ្នំពេញត្រូវរុះរើ ឬចល័តចេញជាបន្ទាន់

ភ្នំពេញ ៖ រដ្ឋបាលរាជធានីភ្នំពេញជូនដំណឹងឱ្យរុះរើ ឬចល័តចេញជាបន្ទាន់ចំពោះ បែចិញ្ចឹមត្រី ផ្ទះបណ្តែតទឹក ម្ចាស់ផ្ទះតូចៗ និងម្ចាស់សំណង់មិនរៀបរយនៅលើផ្ទៃទន្លេទាំងអស់ក្នុងភូមិសាស្ត្ររាជធានីភ្នំពេញ ដោយទុករយៈពេល ០១ សប្ដាហ៍។នៅថ្ងៃទី២ ខែមិថុនា ឆ្នាំ២០២១ រដ្ឋបាលរាជធានីភ្នំពេញ បានចេញសេចក្ដីជូនដំណឹង ដោយបញ្ជាក់ថា កន្លងមកមានជនឱកាសនិយមមួយចំនួនបានលបលួចធ្វើបែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ហើយកន្លែងខ្លះ បានប្រែក្លាយជាកន្លែងស្នាក់នៅដោយខុសច្បាប់ យ៉ាងអានាធិបតេយ្យ ដែលបង្កឱ្យបាត់បង់សណ្ដាប់ធ្នាប់ ប៉ះពាល់ដល់ផ្លូវនាវាចរ ប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាស វាលពាស កាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពនៃប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ។ចំពោះមុខ ដើម្បីរក្សាបរិស្ថាន ជីវៈចម្រុះ គុណភាពទឹក និងលុបបំបាត់បាតុភាពអសកម្មខាងលើ រដ្ឋបាលរាជធានីភ្នំពេញ តម្រូវឱ្យម្ចាស់បែចិញ្ចឹមត្រី ផ្ទះបណ្តែតទឹក ម្ចាស់ផ្ទះតូចៗ និងម្ចាស់សំណង់មិនរៀបរយនៅលើផ្ទៃទន្លេទាំងអស់ ត្រូវរុះរើ ឬចល័តចេញជាបន្ទាន់ ដោយទុករយៈពេល ០១ សប្ដាហ៍ គិតចាប់ពីកាលបរិច្ឆេទចេញសេចក្តីជូនដំណឹងនេះតទៅ។ ផុតរយៈពេលនេះ រដ្ឋបាលរាជធានីភ្នំពេញ នឹងចាត់វិធានការរដ្ឋបាលដោយពុំទទួលខុសត្រូវរាល់ការខូចខាត ឬការបាត់បង់ណាមួយឡើយ ហើយក្នុងករណីរឹងរូសអាជ្ញាធរមូលដ្ឋាន និងមន្ត្រីជំនាញនឹងកសាងសំណុំរឿងបញ្ជូនទៅតុលាការតាមផ្លូវច្បាប់។ ទន្ទឹមនឹងនេះ រដ្ឋបាលរាជធានីភ្នំពេញស្នើឱ្យប្រជាពលរដ្ឋប្តូរទម្លាប់ពីការចិញ្ចឹមត្រីតាមបែលើផ្ទៃទន្លេ នៅភូមិសាស្ត្ររាជធានីភ្នំពេញមកចិញ្ចឹមត្រីតាមស្រះវិញ៕អត្ថបទ ៖ វ៉ាន់ដា

សម្ដេចតេជោបញ្ជាក់ថា មន្ត្រីជាន់ខ្ពស់អាមេរិកពេញចិត្តនឹងទង្វើមនុស្សធម៌របស់កម្ពុជា ក្រោយអនុញ្ញាតឱ្យនាវា MS Westerdam ចូលចតកាលពីឆ្នាំមុន

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់លើទំព័រហ្វេសប៊ុករបស់សម្ដេចថា មន្ត្រីជាន់ខ្ពស់អាមេរិកបានបង្ហាញនូវការពេញចំពោះកិច្ចសហប្រតិបត្តិការទ្វេភាគីរវាងប្រទេសទាំងពីរ។សម្ដេចតេជោ ហ៊ុន សែន បានបញ្ជាក់បែបនេះ បន្ទាប់ពីជំនួបរវាងសម្ដេច និងអនុរដ្ឋមន្ត្រីការបរទេសអាមេរិក អ្នកស្រី Wendy R. Sherman នៅឯវិមានសន្តិភាពនៅរសៀលថ្ងៃនេះ។សម្ដេចតេជោ ហ៊ុន សែន បានឱ្យដឹងទៀតថា អនុរដ្ឋមន្ត្រីអាមេរិករូបនេះ ពេញចិត្តទៅនឹងការគាំទ្ររបស់កម្ពុជាចំពោះកិច្ចការស្វែងរកអដ្ឋិធាតុទាហានអាមេរិកដែលបានបាត់ខ្លួននៅក្នុងប្រទេសកម្ពុជា។ជាងនេះទៅទៀត ប្រមុខរាជរដ្ឋាភិបាលកម្ពុជាបញ្ជាក់ថា អ្នកស្រី Wendy R. Sherman ពេញចិត្តនឹងទឹកចិត្តមនុស្សធម៌របស់កម្ពុជា បន្ទាប់ពីកម្ពុជាបានអនុញ្ញាតឱ្យនាវាទេសចរណ៍អន្តរជាតិ MS Westerdam បានចូលចតនៅកំពង់ផែរបស់កម្ពុជាកាលពីឆ្នាំមុន។នាវាទេសចរណ៍អន្តរជាតិ MS Westerdam ដែលផ្ទុកទៅដោយមនុស្សរហូតដល់ ២ ២៥៧នាក់រួមទាំងបុគ្គលិក និងនាវិកផងនោះ ត្រូវបានប្រទេស និងដែនដីនានា មិនទទួលឱ្យចូលចតនោះឡើយកាលពីខែកុម្ភៈឆ្នាំមុន ដោយសារតែក្ដីបារម្ភអំពីករណីឆ្លងមេរោគកូវីដ-១៩នៅលើនាវានោះ។ប៉ុន្តែ នាវាទេសចរណ៍អន្តរជាតិមួយគ្រឿងនេះ ត្រូវបានរាជរដ្ឋាភិបាលកម្ពុជាអនុញ្ញាតឱ្យចូលចតនៅកំពង់ផែព្រះសីហនុកាលពីថ្ងៃទី១៣ ខែកុម្ភៈ ហើយមួយថ្ងៃបន្ទាប់ចំទិវានៃក្ដីស្រឡាញ់នោះ សម្ដេចតេជោ ហ៊ុន សែន និងថ្នាក់ដឹកនាំជាន់ខ្ពស់កម្ពុជាជាច្រើនរូប បានទៅទទួលស្វាគមន៍អ្នកដំណើរអន្តរជាតិដែលធ្វើដំណើរចុះពីនាវាទេសចរណ៍មួយគ្រឿងនោះ៕

ខេត្តបន្ទាយមានជ័យ រកឃើញពលរដ្ឋ៣៩នាក់ទៀតឆ្លងកូវីដ-១៩ ភាគច្រើនជាពលករខ្មែរទើបត្រឡប់ពីប្រទេសថៃ

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសនៅថ្ងៃនេះពីការរកឃើញប្រជាពលរដ្ឋ ៣៩នាក់ទៀតបានឆ្លងមេរោគកូវីដ-១៩ ដែលភាគច្រើនជាពលករខ្មែរទើបវិលត្រឡប់មកពីប្រទេសថៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើពលករខ្មែរចំនួន ៣០នាក់ បន្ទាប់ពីពួកគេវិលត្រឡប់មកពីប្រទេសថៃ។ចំណែកឯករណីឆ្លងថ្មី ០៨នាក់ទៀត រដ្ឋបាលខេត្តនេះបញ្ជាក់ថា បានរកឃើញលើពលរដ្ឋនៅក្នុងទីក្រុងប៉ោយប៉ែតទាំងអស់ ក្នុងនោះមានទាំងកុមារាម្នាក់អាយុ ៧ឆ្នាំ និងទារកអាយុ ២ខួបផងដែរ។រដ្ឋបាលខេត្តបន្ទាយមានជ័យ ក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ៦៦នាក់ទៀត នៅក្នុងខេត្តនេះ ត្រូវបានព្យាបាលជាសះស្បើយឡើងវិញ៕

ប្រមុខរាជរដ្ឋាភិបាលកម្ពុជា ស្នើដំណោះស្រាយ៣ចំណុច សម្រាប់បញ្ហាបំណុលដែលកម្ពុជាជំពាក់អាមេរិកតាំងពីទសវត្សរ៍១៩៧០

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានស្នើទៅអាមេរិកបង្វែរបំណុលដែលកម្ពុជាជំពាក់អាមេរិកជំនាន់ លន់ នល់ ឱ្យទៅជាជំនួយមនុស្សជួយដល់វិស័យ ៣សំខាន់ៗរបស់កម្ពុជា។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ពីការលើកឡើងនូវដំណោះស្រាយបំណុលចាស់បែបនេះនៅលើទំព័រហ្វេសប៊ុកផ្លូវការរបស់សម្ដេច បន្ទាប់ពីជំនួបរបស់សម្ដេចជាមួយអនុរដ្ឋមន្ត្រីការបរទេសអាមេរិក អ្នកស្រី Wendy R. Sherman នៅឯវិមានសន្តិភាពនៅរសៀលថ្ងៃនេះ។នៅលើទំព័រហ្វេសប៊ុក សម្ដេចតេជោ ហ៊ុន សែន បានបញ្ជាក់បន្ថែមថា រាជរដ្ឋាភិបាលកម្ពុជាបានស្នើទៅប្រធានាធិបតីអាមេរិក លោក ចូ បៃដិន (Joe Biden) ឱ្យពិចារណាដោះស្រាយបំណុលដែលកម្ពុជាជំពាក់អាមេរិកតាមវិធី៣។សម្ដេចតេជោ ហ៊ុន សែន បញ្ជាក់ថា កម្ពុជាស្នើទៅអាមេរិកឱ្យអនុញ្ញាតឱ្យកម្ពុជាសងបំណុលនេះឡើងវិញបន្តិចៗ ហើយកម្ពុជាក៏ស្នើសងបំណុលនេះជាមួយការប្រាក់មិនលើសពី ១ភាគរយ។សម្ដេចតេជោ ហ៊ុន សែន ក៏បានបញ្ជាក់ផងដែរថា កម្ពុជាស្នើទៅអាមេរិកឱ្យបង្វែរបំណុលនេះខ្ទង់ ៧០ភាគរយ មកជាជំនួយសម្រាប់ជួយដល់វិស័យអប់រំ វិស័យវប្បធម៌ និងសកម្មភាពដោះមីន និងយុទ្ធភណ្ឌមិនទាន់ផ្ទុះ។កម្ពុជាបានជំពាក់បំណុលអាមេរិកតាំងពីរបបសាធារណរដ្ឋខ្មែរដែលដឹកនាំដោយលោកសេនាប្រមុខ លន់ នល់ ដែលបំណុលនោះ ត្រូវបានកម្ពុជាចាត់ទុកជា«បំណុលកខ្វក់» ដែលត្រូវបានប្រើសម្រាប់ការធ្វើសង្គ្រាមនៅកម្ពុជា៕

យុទ្ធនាការចាក់វ៉ាក់សាំង ពលរដ្ឋកម្ពុជាជាង ២លាននាក់ហើយ ទទួលបានវ៉ាក់សាំងទាំងពីរដូសរួចរាល់

ភ្នំពេញ៖ គណៈកម្មការចំពោះកិច្ចការចាក់វ៉ាក់សាងបង្ការជំងឺកូវីដ-១៩ បានឱ្យដឹងថា ប្រជាពលរដ្ឋដល់ទៅជាង ២លាន ៦៤ម៉ឺននាក់ហើយ បានទទួលការចាក់វ៉ាក់សាំងនៅក្នុងយុទ្ធនាការចាក់វ៉ាក់សាំងទូទាំងប្រទេសជាង ៣ខែកន្លងមកនេះ។គណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ បានឱ្យដឹងបែបនេះនៅក្នុងរបាយការណ៍ប្រចាំថ្ងៃរបស់ខ្លួនទើបចេញនៅយប់នេះ។របាយការណ៍នោះ បានឱ្យដឹងថា ដំណើរការចាក់វ៉ាក់សាំងជូនប្រជាពលរដ្ឋទូទាំងប្រទេសម្រេចបាន ២៦.៤៩ភាគរយនៃចំនួនប្រជាពលរដ្ឋ ១០លាននាក់ដែលរាជរដ្ឋាភិបាលកំណត់ចាក់វ៉ាក់សាំងនៅឆ្នាំនេះ។បើតាមរបាយការណ៍ដដែលនេះ ប្រជាពលរដ្ឋជាង ២លាននាក់ហើយ បានទទួលវ៉ាក់សាំងទាំងពីរដូសរួចរាល់ហើយ។យុទ្ធនាការចាក់វ៉ាក់សាំងទូទាំងប្រទេសបានចាប់ផ្ដើមតាំងពីថ្ងៃទី១០ ខែកុម្ភៈ ហើយគិតមកដល់ថ្ងៃនេះ យុទ្ធនាការនេះបានដំណើរការអស់រយៈពេល ១១២ថ្ងៃហើយ។ក្នុងរយៈពេលនេះ យុទ្ធនាការចាក់វ៉ាក់សាំងទូទាំងប្រទេស បានទទួលពលរដ្ឋស្ម័គ្រចិត្តចាក់វ៉ាក់សាំងដល់ទៅជាង ២លាន ៧០ម៉ឺននាក់ ប៉ុន្តែ ប្រជាពលរដ្ឋជាង ៥ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងនោះឡើយដោយសារបញ្ហាសុខភាពរបស់ពួកគេ៕

លោកជំទាវ អនុរដ្ឋមន្ត្រីការបរទេសអាមេរិករីករាយដែលបានឃើញទំនាក់ទំនងកាន់តែល្អរវាងកម្ពុជា និងអាមេរិក ហើយសម្តេចតេជោ ក៏ស្នើឱ្យអាមេរិកពិចារណាបញ្ហាលុបបំបាត់បំណុលដែលកម្ពុជាជំពាក់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ស្នើឱ្យសហរដ្ឋអាមេរិក ជាពិសេសប្រធានាធិបតី ចូ បៃដិន ពិនិត្យពិចារណាទៅលើបញ្ហាបំណុលដែលកម្ពុជាជំពាក់អាមេរិកតាមវិធីទ្វេភាគី។ក្នុងឱកាសអនុញ្ញាតឱ្យលោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក ចូលជួបសំដែងការគួរសម និង ពិភាក្សាការងារ នៅវិមានសន្តិភាព ទីស្តីការនាយករដ្ឋមន្ត្រី នារសៀលថ្ងៃទី១មិថុនានេះ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់ប្រាប់ដល់ក្រុមអ្នកយកព័ត៌មានថា៖ នៅក្នុងជំនួបនេះសម្តេចតេជោ បានមានប្រសាសន៍ថា៖បញ្ហាបំណុលដែលកម្ពុជាជំពាក់អាមេរិក គឺសូមអនុញ្ញាតឱ្យកម្ពុជាអាចសង អាមេរិកបន្តិចម្តងៗឬបង្វែរការជំពាក់នេះមកជាជំនួយសម្រាប់ការអភិវឌ្ឍលើវិស័យផ្សេងៗដល់ប្រទេសកម្ពុជា។ សូមបញ្ជាក់ថា៖ លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក អញ្ជើញបំពេញ ទស្សនកិច្ចនៅកម្ពុជា រយៈពេល១ថ្ងៃ គឺនៅ ថ្ងៃទី០១ ខែមិថុនា ដោយកម្ពុជាស្ថិតក្នុងប្រទេសបី ក្នុងចំណោមប្រទេស១០របស់អាស៊ាន ដែលត្រូវបានលោកជំទាវជ្រើសរើសយកក្នុងដំណើរទស្សនកិច្ចរបស់ខ្លួន ១១ថ្ងៃ ទៅកាន់ប្រទេសចំនួន ៥ ចាប់ពីថ្ងៃទី ២៥ ខែឧសភា ដល់ ថ្ងៃទី ៤ ខែមិថុនា ឆ្នាំ ២០២១ ដោយទស្សនកិច្ចដំបូង លោកជំទាវ បានទៅកាន់ប្រទេសប្រទេសបែលហ្ស៊ិក ហើយបន្តទៅ តួកគី , ឥណ្ឌូនេស៊ី ,កម្ពុជា និងបន្តទៅប្រទេស ថៃ ផងដែរ៕ អត្ថបទ៖ មុត សុទ្ធ

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

បាត់ដំបង៖ ខណៈរដូវវស្សាបានឈានមកដល់ និងល្បាយទឹកភ្លៀងនាដើមឆ្នាំនេះ បានធ្លាក់រាយប៉ាយល្អនោះ ឯកឧត្តម ងួន រតនៈ អភិបាលខេត្តបាត់ដំបង បានជំរុញទៅប្រជាពលរដ្ឋ ត្រូវខិតខំបង្កបង្កើនការដាំដុះស្រូវ ដំណាំផ្សេងៗឲ្យបានទាន់ពេលវេលា និងត្រូវចេះតាមដានស្ថានភាពការប្រែប្រួលអាកាសធាតុ ពិសេសការព្យាករណ៍អាកាសធាតុ របស់ក្រសួងធនធានទឹក និងឧតុនិយម។ក្នុងឱកាសយកអំណោយសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់ប្រជាពលរដ្ឋមានជីវភាពខ្វះខាតចំនួន១៥០គ្រួសារ នៅស្រុកសង្កែ នាថ្ងៃទី០១ ខែមិថុនាឯកឧត្តម ងួន រតនៈ អភិបាលខេត្តបាត់ដំបង និងជាអនុប្រធានកិត្តិយសសាខាកាកបាទក្រហមខេត្ត មានប្រសាសន៍ថា បច្ចុប្បន្នវិស័យជាច្រើននៅលើពិភពលោកកំពុងមានការរីកចម្រើន ក្នុងនោះក៏មានវិស័យកសិកម្មមួយផងដែរ ដែលមានការភ្ជួររាស់ ការប្រើប្រាស់ថ្នាំ ការប្រើជី ការប្រមូលផល និងការដឹកជញ្ជូនជាដើម មានលក្ខណៈទំនើប និងាយស្រួលជាងមុន។ ឯកឧត្តមបន្តថា ស្របតាមការអភិវឌ្ឍជឿនលឿនទៅមុខរបស់ពិភពលោកកសិករគួរខិតខំរៀនបច្ចេកទេសការធ្វើកសិកម្ម ពិសេសការធ្វើដំណាំស្រូវ តាមរយៈការចេះជ្រើសរើសពូជឲ្យត្រូវតម្រូវការទីផ្សារ ការថែទាំជាដើម ដើម្បីទទួលបានទិន្នផលល្អ និងស្របតាមស្ដង់ដារ ហើយត្រូវចេះតាមដានការព្យាករណ៍របស់ក្រសួងធនធានទឹក ដើម្បីឲ្យការបង្កបង្កើនដំណាំស្រូវ ឲ្យបានទាន់ពេលវេលា។ ឯកឧត្ដម ក៏បានជំរុញកសិករទាំងអស់ ត្រូវចេះជ្រើសរើសពូជស្រូវឲ្យឆ្លើយតបនិងពេលវេលារដូវកាល ពិនិត្យលទ្ធភាពទឹកសម្រាប់ស្រោចស្រព ពិសេសប្រភពទឹក តើអាចបំពេញតាមតម្រូវការបានកម្រិតណា ចៀសវាងជួបបញ្ហាខ្វះខាតទឹកដាក់ស្រូវ ធ្វើឲ្យមានការខាតបង់ថវិកា និងពេលវេលា។ឯកឧត្តម ក៏បានក្រើនរំលឹកដល់អាជ្ញាធរនៅក្នុងមូលដ្ឋានទាំងអស់ រួមទាំងប្រជាពលរដ្ឋត្រូវបន្តទប់ស្កាត់ការឆ្លងរាលដាលនៃជំងឺកូវីដ១៩ តាមវិធានការនានា របស់រាជរដ្ឋាភិបាល ក្រសួងសុខាភិបាល និងសេចក្តីណែនាំផ្សេងៗរបស់រដ្ឋបាលខេត្តឲ្យខ្ជាប់ខ្ជួន និងម៉ឺងម៉ាត់បំផុត៕អត្ថបទ៖ បាន សុខរិទ្ធ

ជំនួបរវាងសម្តេចតេជោនាយករដ្ឋមន្ត្រីកម្ពុជា និងលោកជំទាវ អនុរដ្ឋមន្ត្រីការបរទេសអាមេរិកនឹងនាំមកនូវទំនាក់ទំនងកាន់តែល្អប្រសើរ

ភ្នំពេញ៖ ក្នុងឱកាសអញ្ជើញមកបំពេញទស្សនកិច្ចនៅកម្ពុជា លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យចូលជួបសំដែងការគួរសម និងពិភាក្សាការងារ នៅវិមានសន្តិភាព ទីស្តីការនាយករដ្ឋមន្ត្រី នារសៀលថ្ងៃទី០១មិថុនានេះ ដែលទស្សនកិច្ចនេះ នឹងនាំមកនូវទំនាក់ទំនង កិច្ចសហប្រតិបត្តិការកាន់តែល្អប្រសើរជាងមុនរវាងសហរដ្ឋអាមេរិក និងកម្ពុជា។បើតាមឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ដែលបាន ប្រាប់ដល់ប្រព័ន្ធសារព័ត៌មាន បានបញ្ជាក់ថា អំឡុងពេលបំពេញទស្សនកិច្ចនៅកម្ពុជា នៅថ្ងៃទី០១ មិថុនា គឺដើម្បីពិភាក្សាអំពីការពង្រឹងទំនាក់ទំនងទ្វេភាគី រវាងប្រទេសទាំងពីរកម្ពុជា អាមេរិក វាជា ទម្លាប់ការទូតមួយ ក្រោយមន្ត្រីការទូតថ្មី នៃរដ្ឋាភិបាលថ្មី របស់ប្រទេសមួយឡើងកាន់តំណែងនោះ អ្នកការទូត នៃរដ្ឋាភិបាលថ្មី នៃប្រទេសនោះ តែងទៅកាន់តំបន់សំខាន់ៗ ដែលត្រូវតែពង្រឹង ទំនាក់ទំនង ឬក៏ដើម្បីរក្សាផលប្រយោជន៍នៅក្នុងតំបន់នោះ។ដោយឡែកខាងភាគីសហរដ្ឋអាមេរិកវិញ បើតាមក្រសួងការបរទេសអាមេរិក ក៏បានឱ្យដឹងថា លោកជំទាវ Wendy Ruth Sherman និងពាំនាំការប្តេជា្ញចិត្តរបស់សហរដ្ឋអាមេរិក ចំពោះភាពចាំបាច់ នៅអាស៊ាន និងដំណោះស្រាយបញ្ហាកម្រិតទ្វេភាគី និងតំបន់ផងដែរ។ អាមេរិកក៏នឹងជំរុញប្រទេស មីយ៉ាន់ម៉ាឲ្យបញ្ឈប់អំពើហិង្សា ដោះលែងអ្នកជាប់ឃុំ ដែលខ្លួនថា ជាអំពើអយុត្តិធម៌ និងស្តារ ប្រទេសមីយ៉ាន់។សូមបញ្ជាក់ថា លោកជំទាវ Wendy Sherman អនុរដ្ឋមន្ត្រីការបរទេស សហរដ្ឋអាមេរិក អញ្ជើញ បំពេញទស្សនកិច្ចនៅកម្ពុជា រយៈពេល១ថ្ងៃ គឺនៅថ្ងៃទី០១ ខែមិថុនា ដោយកម្ពុជា ស្ថិតក្នុងប្រទេសបី ក្នុងចំណោមប្រទេស១០របស់អាស៊ាន ដែលត្រូវបានលោកជំទាវជ្រើសរើសយក ក្នុងដំណើរទស្សនកិច្ចរបស់ខ្លួន ១១ថ្ងៃ ទៅកាន់ប្រទេសចំនួន៥ ចាប់ពីថ្ងៃទី២៥ ខែឧសភា ដល់ថ្ងៃទី៤ ខែមិថុនា ឆ្នាំ២០២១ ដោយទស្សនកិច្ចដំបូង លោកជំទាវ បានទៅកាន់ប្រទេសប្រទេសបែលហ្ស៉ិក ហើយបន្តទៅតួកគី , ឥណ្ឌូនេស៊ី ,កម្ពុជា និងបន្តទៅប្រទេស ថៃ ផងដែរ៕ អត្ថបទ៖ មុត សុទ្ធ

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា

ភ្នំពេញ៖ នារសៀលថ្ងៃទី០១ ខែមិថុនា ឆ្នាំ២០២១នេះ នៅទីស្នាក់ការកណ្តាលកាកបាទក្រហមកម្ពុជា លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានជួបសំណេះសំណាល ជាមួយឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា តំណាងឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងក្រុមការងារ។ ដោយនៅក្នុងជំនួបនេះ បានពិភាក្សាអំពីវឌ្ឍនភាពការងារ របស់មូលនិធិគន្ធបុប្ផាកម្ពុជា មន្ទីរពេទ្យគន្ធបុប្ផា និងការងារសំខាន់ៗរបស់កាកបាទក្រហមកម្ពុជា ព្រមទាំងការផ្តល់វិភាគទានប្រចាំឆ្នាំនូវថវិកាចំនួន១លាន(១ ០០០ ០០០) ដុល្លារ ជូនមូលនិធិគន្ធបុប្ផាកម្ពុជាផងដែរ។តាមការផ្តល់ព័ត៌មានពីឯកឧត្តម តាំង សាមឿន លេខាធិការ សម្តេចកិត្តព្រឹទ្ធបណ្ឌិត ប៊ុន រ៉ានីហ៊ុនសែន បានអោយដឹងថា ក្នុងជំនួបនេះលោកជំទាវ ពុំ ចន្ទីនី បានសម្តែងនូវសេចក្តីសោមនស្សរីករាយ និងស្វាគមន៍យ៉ាងកក់ក្តៅចំពោះប្រតិភូនៃមូលនិធិគន្ធបុប្ផាកម្ពុជា។ ជាមួយគ្នានោះលោកជំទាវអគ្គលេខាធិការ ក៏បានពាំនាំនូវក្តីនឹករលឹក និងការសួរសុខទុក្ខពីសំណាក់ សម្តេចប្រធានកាកបាទក្រហមកម្ពុជា ដល់កុមារទាំងអស់ដែលកំពុងសម្រាកព្យាបាលជំងឺ នៅមន្ទីរពេទ្យគន្ធបុប្ផា ជាពិសេសក្នុងថ្ងៃនៃទិវាកុមារអន្តរជាតិ១ មិថុនានេះ សូមឱ្យបានឆាប់ជាសះស្បើយពីជំងឺទាំងឡាយ។ក្នុងឱកាសនេះដែរ លោកជំទាវ ពុំ ចន្ទីនី បានជម្រាបជូនអំពីសកម្មភាពកៀរគរ និងទទួលថវិកាសប្បុរស និង ការអនុវត្តសកម្មភាពសប្បុរសធម៌ របស់កាកបាទក្រហមកម្ពុជានាពេលកន្លងមក ដូចជាការចុះជួយដល់បណ្តាប្រជាជនរងគ្រោះ និងមានការលំបាកផ្នែកជីវភាព ជាពិសេសក្នុងខណៈពេលដែលជំងឺកូវី៨-១៩ បាននិងកំពុងរាតត្បាត ក៏ដូចជាសកម្មភាពសំខាន់ផ្សេងៗទៀត។ បន្ថែមលើសកម្មភាពមនុស្សធម៌សំខាន់ៗជាច្រើននោះ កាកបាទក្រហមកម្ពុជាបាននិងកំពុង អនុវត្តការបន្តជួយឧបត្ថម្ភថវិកាប្រចាំឆ្នាំ ជូនមូលនិធិគន្ធបុប្ផាកម្ពុជា ដើម្បីជួយសង្គ្រោះជីវិតកុមារនៅកម្ពុជា។ លោកជំទាវបានអោយដឹងទៀតថា នេះជាលើកទី១០ហើយ ដែលកាកបាទក្រហមកម្ពុជា បានផ្ដល់វិភាគទានប្រចាំឆ្នាំដល់មន្ទីរពេទ្យគន្ធបុប្ផា ដែលក្នុងមួយឆ្នាំៗនូវថវិកាចំនួន១លាន(១.០០០ ០០០)ដុល្លារអាមេរិក។ ចាប់តាំងពីឆ្នាំ២០១២មក ក្នុងគោលដៅជួយសង្គ្រោះកុមារនៅកម្ពុជា តាមរយៈមន្ទីរពេទ្យគន្ធបុប្ផាទាំងប្រាំទីតាំង។ឯកឧត្តម រស់ សីលវ៉ា ក៏បានជម្រាបជូនលោកជំទាវ ពុំ ចន្ទីនី អំពីវឌ្ឍនភាពការងាររបស់មូលនិធិគន្ធបុប្ផាកម្ពុជាផងដែរ ទាំងក្នុងទិដ្ឋភាពប្រតិបត្តិការ និងទិដ្ឋភាពហិរញ្ញវត្ថុ ជាពិសេសពាក់ព័ន្ធនឹងការកៀរគរមូលនិធិ ដែលបាននិងកំពុងរងផលប៉ះពាល់ពីការរីករាលដាលនៃជំងឺកូដ-១៩ ដែលធ្វើឱ្យមានការថយចុះ នៃទំហំថវិកាបរិច្ចាគពីសំណាក់សប្បុរសជននានា ដូចជាការថយចុះនៃថវិកា ដែលទទួលបានពីការកាត់កម្រៃសំបុត្រចូលទស្សនាតំបន់រមណីដ្ឋានអង្គរដើម ដោយសារការធ្លាក់ចុះនៃចំនួនទេសចរអន្តរជាតិ។ លោកជំទាវ ពុំ ចន្ទីនី បានថ្លែងអំណរគុណយ៉ាងជ្រាលជ្រៅជូន ចំពោះឯកឧត្តម រស់ សីលវ៉ា និងលេខាធិការដ្ឋានមូលនិធិគន្ធបុប្ផាកម្ពុជា ចំពោះកិច្ចខិតខំប្រឹងប្រែង និងការយកចិត្តទុកដាក់ខ្ពស់ ក្នុងការអនុវត្តការងារ និងកៀរគរមូលនិធិដើម្បីទ្រទ្រង់មន្ទីរពេទ្យគន្ធបុប្ផា ក្នុងការជួយសង្គ្រោះកុមារនៅកម្ពុជា។ និងជូនពរលោកគ្រូ-អ្នកគ្រូពេទ្យ និងបុគ្គលិកទាំងអស់របស់មន្ទីរពេទ្យ ដែលបាននិងកំពុងបំពេញបេសកកម្មពិនិត្យ និងព្យាបាលកុមារនៅកម្ពុជាយ៉ាងសស្រាក់សស្រាំ ប្រកបដោយគុណភាព និងក្រមសីលធម៌វិជ្ជាជីវៈខ្ពស់ និងជៀសផុតពីជំងឺចង្រៃទាំងឡាយ៕

ខេត្តកំពត រកឃើញពលរដ្ឋ ៥៧នាក់ទៀតឆ្លងកូវីដ-១៩ ភាគច្រើនពាក់ព័ន្ធនឹងកាស៊ីណូនៅច្រកទ្វារព្រំដែនតន់ហន់

កំពត៖ រដ្ឋបាលខេត្តកំពត ប្រកាសពីការរកឃើញប្រជាពលរដ្ឋ ៥៧នាក់ទៀតឆ្លងមេរោគកូវីដ-១៩នៅថ្ងៃនេះ ដែលភាគច្រើនជាបុគ្គលិកកាស៊ីណូ និងពលរដ្ឋរស់នៅក្នុងស្រុកកំពង់ត្រាចដែលបានពាក់ព័ន្ធនឹងកាស៊ីណូនៅច្រកតន់ហន់។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តកំពតបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើបុគ្គលិកកាស៊ីណូចំនួន ១៧នាក់ ដែលបម្រើការងារនៅកាស៊ីណូ សុខ គឹមម៉េង ស្ថិតនៅច្រកទ្វារភាគីតន់ហន់ នៅក្នុងស្រុកកំពង់ត្រាច។រដ្ឋបាលខេត្តនេះបានឱ្យដឹងទៀតថា ករណីឆ្លងថ្មីនេះ ក៏ត្រូវបានរកឃើញលើកសិករចំនួន ៣៤នាក់ផងដែរ ដែលជាពលរដ្ឋរស់នៅស្រុកនានារបស់ខេត្តមួយនេះ។ក្រៅពីនេះ ករណីឆ្លងថ្មីនេះ ក៏បានកើតឡើងផងដែរលើកុមារាម្នាក់អាយុ ៧ឆ្នាំ និងកុមារីម្នាក់អាយុ ៥ឆ្នាំ។រដ្ឋបាលខេត្តកំពតបញ្ជាក់ថា អ្នកជំងឺកូវីដ-១៩ទាំង ៥៧នាក់នេះ ត្រូវបានដាក់ឱ្យសម្រាកព្យាបាលនៅមណ្ឌលព្យាបាលកូវីដ-១៩ស្ថិតក្នុងបរិវេណវិទ្យាល័យព្រះបិតាជាតិ និងមណ្ឌលព្យាបាល សុខ គីមម៉េង៕

បណ្ដាញសង្គម

ព័ត៌មានថ្មីៗ

ក្រសួងអប់រំ៖ បេក្ខជនប្រឡងជាប់បាក់ឌុបឆ្នាំនេះសរុប ១២៥ ៩៧៥នាក់ ត្រូវជា ៨៤.០៦ភាគរយ ខណៈជាប់និទ្ទេស A ចំនួន ២ ០២២នាក់

ក្រុម AOT បន្តចុះសង្កេតការណ៍នៅច្រកទ្វារព្រំដែនអន្តរជាតិចាំយាម ដើម្បីធានាការអនុវត្តបទឈប់បាញ់រវាងកម្ពុជានិងថៃ និងលើកកម្ពស់តម្លាភាព ការជឿទុកចិត្តគ្នា និងឆ្ពោះទៅការធ្វើឱ្យប្រសើរឡើងវិញឆាប់រហ័ស

សហគ្រិនស្រ្ដី៖ ផលិតផលខ្មែរមានការគាំទ្រច្រើនពីពលរដ្ឋ និងកំពុងលក់ក្នុងទីផ្សារអន្ដរជាតិ

ពានសម្ដេចតេជោ ហ៊ុន សែន-ថ្នាក់ខេត្ត បន្ដវគ្គជម្រុះជុំទី២ ខណៈស្ទឹងត្រែង ត្រូវការ ៣ពិន្ទុទៀត ដើម្បីកក់កៅអីវគ្គ ១/៤ មុនគេ

ឱកាសការងារជាង៣ម៉ឺនកន្លែង ត្រៀមសម្រាប់យុវជននៅពិព័រណ៍ជាតិការងារ និងផលិតភាពការងារឆ្នាំនេះ

កម្ពុជាលាតត្រដាងអំពីសំណល់យុទ្ធភណ្ឌសង្គ្រាមដោយថៃឈ្លានពានដល់ក្រុម AOT និងអនុព័ន្ធយោធា

ពង្រីកទីផ្សារកាន់តែទូលំទូលាយ ផលិតផលខ្មែរមានវត្តមាននៅ ៧០០ទីតាំងផ្សារទំនើបទូទាំងប្រទេស

គ្រាប់បែកបំផ្ទុះរថយន្តនៅជិតស្ថានីយ៍នគរបាលម៉ិកស៊ិកបណ្តាលឱ្យមនុស្សជាង១០នាក់របួស និងបំផ្លាញលំនៅឋាន

រដ្ឋមន្រ្ដីធនធានទឹក ដឹកនាំកិច្ចប្រជុំចង្អៀត ដើម្បីរៀបចំផែនការយុទ្ធសាស្ត្រពង្រីកសក្តានុពលអាងទឹកតំបន់ប៉ូលទី៤ តាមបណ្តោយជួរព្រំដែនភាគខាងលិចប្រទេសកម្ពុជា

ក្រុម AOT ចុះសង្កេតការណ៍ នៅចំណុចបង្គោលព្រំដែនលេខ៧២ ស្ថិតក្នុងស្រុកមណ្ឌលសីមា ខេត្តកោះកុង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

បែចិញ្ចឹមត្រី ផ្ទះបណ្តែតទឹក និងសំណង់មិនរៀបរយលើផ្ទៃទន្លេ នៅភ្នំពេញត្រូវរុះរើ ឬចល័តចេញជាបន្ទាន់

ខេត្តបន្ទាយមានជ័យ រកឃើញពលរដ្ឋ៣៩នាក់ទៀតឆ្លងកូវីដ-១៩ ភាគច្រើនជាពលករខ្មែរទើបត្រឡប់ពីប្រទេសថៃ

យុទ្ធនាការចាក់វ៉ាក់សាំង ពលរដ្ឋកម្ពុជាជាង ២លាននាក់ហើយ ទទួលបានវ៉ាក់សាំងទាំងពីរដូសរួចរាល់

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា

ខេត្តកំពត រកឃើញពលរដ្ឋ ៥៧នាក់ទៀតឆ្លងកូវីដ-១៩ ភាគច្រើនពាក់ព័ន្ធនឹងកាស៊ីណូនៅច្រកទ្វារព្រំដែនតន់ហន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរខេត្តបាត់ដំបង ស្នើកសិករបង្កើនការយល់ដឹងលើការធ្វើកសិកម្មទំនើប និងតាមដានធាតុអាកាស

កាកបាទក្រហមកម្ពុជា​ ប្រគល់​ថវិកា ​១​លាន​ដុល្លារ​ជួយ​ទ្រទ្រង់​មន្ទីរពេទ្យ​គន្ធបុប្ផា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កាកបាទក្រហមកម្ពុជា ប្រគល់ថវិកា ១លានដុល្លារជួយទ្រទ្រង់មន្ទីរពេទ្យគន្ធបុប្ផា