BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

មេនគរបាលការពារព្រំដែនគោក ដាក់បទបញ្ជាម៉ឺងម៉ាត់ នៅតាមច្រកព្រំដែន ដោយមិនអនុញ្ញាតឲ្យពលរដ្ឋខ្មែរចេញ-ចូលដោយខុសច្បាប់

បាត់ដំបង ៖ ប្រធាននាយកដ្ឋាននគរបាលការពារព្រំដែនគោក ឧត្តមសេនីយ៍ឯក លៀង ភារម្យ បានដាក់បទបញ្ជាយ៉ាងម៉ឺងម៉ាត់ចំពោះមន្ត្រីនគរបាលការពារព្រំដែនគោកទាំងអស់ ជាពិសេសព្រំដែនកម្ពុជា-ថៃ ដោយមិនអនុញ្ញាតឲ្យពលរដ្ឋ ឬ ពលករខ្មែរចេញ-ចូលដោយខុសច្បាប់បន្តទៀតនោះឡើយ ។ ថ្លែងប្រាប់ទូរទស្សន៍ប៊ីធីវី តាមរយៈសាអេឡិចត្រូនិច (តេលេក្រាម) នាព្រឹកថ្ងៃទី២២ ខែមីនា ឆ្នាំ២០២១នេះ ឯកឧត្តមឧត្តមសេនីយ៍ឯក លៀង ភារម្យ បានបញ្ជាក់ថា ចាប់ពីខែមករា ដល់ពាក់កណ្តាលខែ មីនា ឆ្នាំ២០២១នេះ មានពលករ និងពលរដ្ឋខ្មែរបានវិលត្រឡប់មកពីប្រទេសថៃវិញតាមច្រកទ្វាអន្តរជាតិ មានចំនួន៥២.២៣៥នាក់ ក្នុងនោះ តាមច្រកទ្វាព្រំដែននៅយោធភូមិភាគទី៥ចំនួន៣៦.៣៤៧នាក់ តាមយោធភូមិភាគទី៤ចំនួន១៥.៨៨៨នាក់ ហើយពួកគាត់ត្រូវបានចាត់វិការស្របទៅតាមការណែនាំ របស់សម្តេចតេជោ ហ៊ុន សែន នាយករដ្ឋមន្ត្រី ក៏ដូចជាក្រសួងសុខាភិបាលទាំងអស់ផងដែរ។ឯកឧត្តមឧត្តមសេនីយ៍ឯក បានបញ្ជាក់បន្ថែមទៀតថា «នគរបាលការពារព្រំដែនគោកទាំងអស់ បានអនុវត្តយ៉ាងខ្ជាប់ខ្ជួន ចំពោះការណែនាំរបស់រាជរដ្ឋាភិបាល ដែលបានដាក់បទបញ្ជាដោយហាមដាច់ខាត មិនឲ្យមានការលួចឆ្លងដែនខុសច្បាប់ ចាប់តាំងពីខែមករាមក ហើយប្រសិនជាមានគឺដាច់ខាតមិនឲ្យចេញ ហើយមួយទៀត បើចូលគឺត្រូវតែឃាត់ពួកគាត់ដោយឲ្យធ្វើចត្តាឡីស័កគ្រប់ៗគ្នាទាំងអស់ ខណៈបទបញ្ជាថ្មីរបស់រាជរដ្ឋាភិបាល នៅក្នុងខែមីនានេះ បងប្អូនចូលពីថៃមកគឺត្រឹមតែពិនិត្យសុខភាព វាស់កម្តៅ ហើយបើគ្មានបញ្ហាអ្វីទេគឺតម្រូវឲ្យទៅធ្វើចត្តាឡីស័កក្នុងសហគមន៍»។ឯកឧត្តម លៀង ភារម្យ បានលើកឡើងផងដែរថា នគរបាលការពារព្រំដែនគោកទាំងអស់ បានអនុវត្តយ៉ាងម៉ឺងម៉ាត់ រាល់បទបញ្ជាប្រមុខរាជរដ្ឋាភិបាលក៏ដូចជា ក្រសួងសុខាភិបាល ដែលបានដាក់ចេញ រក្សាវិធានការ«៣ការពារ ៣កុំ»បើទោះបីជាពួកគាត់បានប្រឈមជាមួយបងប្អូនពលករផ្ទាល់ក៏ដោយនោះ៕អត្ថបទបាន ចក់

រាជរដ្ឋាភិបាលកម្ពុជា អនុញ្ញាតឲ្យឈប់សម្រាក៣ថ្ងៃ ក្នុងឱកាសបុណ្យចូលឆ្នាំខ្មែរ តែត្រូវអនុវត្តវិធានការសុខាភិបាល ដើម្បីការពារ និងទប់ស្កាត់ជំងឺកូវីដ-១៩

ភ្នំពេញ ៖ រដ្ឋាភិបាលកម្ពុជា បានសម្រេចឲ្យមន្ដ្រីរាជការ កម្មករនិយោជិត ឈប់សម្រាករយៈពេល៣ថ្ងៃ នៃពិធីបុណ្យចូលឆ្នាំខ្មែរ នៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២១ ខាងមុខនេះ តែត្រូវអនុវត្តវិធានសុខាភិបាល ដើម្បីការពារ និងទប់ស្កាត់ជំងឺកូវីដ-១៩។ បើតាមសារាចរណែនាំរបស់សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា ចេញផ្សាយនៅរសៀលថ្ងៃទី២១ ខែមីនានេះ បានថ្លែងថា ក្នុងបរិការណ៍នៃ «ព្រឹត្តិការណ៍សហគមន៍ ២០កុម្ភៈ ២០២១» ដែលប្រទេសជាតិបាន និងកំពុងបន្តជួបប្រឈមនឹងហានិភ័យខ្ពស់ នៃការឆ្លងរាលដាលជំងឺកូវីដ-១៩ និងក្នុងគោលបំណងធានាការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈ ព្រមទាំងកាត់បន្ថយឲ្យបានជាអតិបរមា នូវផលប៉ះពាល់ នៃការឆ្លងរាលដាលជំងឺនេះ ចំពោះវិស័យសង្គម និងសេដ្ឋកិច្ចនៅក្នុងកម្ពុជា រាជរដ្ឋាភិបាលសូមដាក់ចេញនូវវិធានការមួយចំនួន ពាក់ព័ន្ធនឹងការឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ពីថ្ងៃពុធ ៣កើត ខែពិសាខ ឆ្នាំឆ្លូវ ទោស័ក ព.ស ២៥៦៤ ដល់ថ្ងៃសុក្រ ៥កើត ខែពិសាខ ឆ្នាំឆ្លូវ ត្រីស័កព.ស ២៥៦៤ ត្រូវនឹងថ្ងៃទី ១៤ ដល់ថ្ងៃទី១៦ ខែមេសា ឆ្នាំ២០២១ អនុលោមតាមបទប្បញ្ញត្តិច្បាប់ និងលិខិតបទដ្ឋានជាធរមាន ៖ ទី១៖ អនុញ្ញាតឲ្យមន្ដ្រី បុគ្គលិក នៃស្ថាប័នរដ្ឋទាំងអស់ឈប់សម្រាករយៈពេល៣ថ្ងៃ តាមកាលបរិច្ឆេទដូចបញ្ជាក់ខាងលើ ស្របតាមអនុក្រឹត្យលេខ១៣១ អនក្រ.បក ចុះថ្ងៃទី២៦ ខែសីហា ឆ្នាំ២០២០ ស្ដីពីប្រតិទិនឈប់សម្រាកការងាររបស់មន្ដ្រីរាជការ និយោជិត កម្មករ ប្រចាំឆ្នាំ២០២១។ ទី២៖ ចំពោះបុគ្គលិក កម្មករ និយោជិត នៃវិស័យឯកជន ការឈប់សម្រាករយៈពេល៣ថ្ងៃនេះ អាចត្រូវធ្វើឡើងតាមជម្រើស២យ៉ាង អាស្រ័យទៅតាមការស្រុះស្រួលគ្នារវាងនិយោជក និងបុគ្គលិក កម្មករ និយោជិត នៃរោងចក្រ សហគ្រាសនីមួយៗ គឺ៖ ឈប់សម្រាកពីការងាររយៈពេល៣ថ្ងៃ នៅក្នុងឱកាសពិធីបុណ្យចូលឆ្នាំខ្មែរប្រពៃណីជាតិ តាមកាលបរិច្ឆេទដូចបានបញ្ជាក់ខាងលើ ស្របតាមអនុក្រឹត្យលេខ ១៣១ អនក្រ.បក ចុះថ្ងៃទី២៦ ខែសីហា ឆ្នាំ២០២០ ស្តីពីប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២១។ និយោជកត្រូវពិភាក្សាជាមួយកម្មករ និយោជិតបន្តធ្វើការជាធម្មតា ហើយលើកការឈប់សម្រាករយៈពេល៣ថ្ងៃនេះ ទៅអនុវត្តរួមជាមួយការឈប់សម្រាក ក្នុងពិធីបុណ្យភ្ជុំបិណ្ឌ ឬថ្ងៃឈប់សម្រាកណាមួយនាពេលខាងមុខវិញ តាមការព្រមព្រៀងគ្នាស្របទៅតាមច្បាប់ស្តីពីការងារ។ ក្រសួងការងារ និងបណ្តុះបណ្តាលវិជ្ជាជីវៈត្រូវចេញសេចក្តីណែនាំបន្ថែមលើការអនុវត្តនេះស្របទៅតាមច្បាប់ស្តីពីការងារ។ ទី៣៖ ក្រសួង-ស្ថាប័នមានសមត្ថកិច្ចពាក់ព័ន្ធ និងអាជ្ញាធនដែនដីគ្រប់លំដាប់ថ្នាក់ត្រូវចាត់វិធានការចាំបាច់នានាសំដៅគ្រប់គ្រង និងធានាសន្តិសុខ សុវត្ថិភាព និងសណ្តាប់ធ្នាប់សាធារណៈឲ្យបានល្អប្រសើរ ព្រមទាំងធានានូវការគោរព និងអនុវត្តវិធានការសុខាភិបាលបង្ការ និងទប់ស្កាត់ការឆ្លងរាលដាល នៃជំងឺកូវីដ-១៩ ដោយម៉ត់ចត់ និងខ្ជាប់ខ្លួននៅតាមទីតាំងសាធារណៈនានា ពិសេសនៅតាមវត្តអារាម រមណីយដ្ឋាន និងទីតាំងផ្សេងទៀត ដែលអាចមានសភាពអ៊ូអរ និងមានមនុស្សជួបជុំគ្នាក្នុងចំនួនច្រើន។ ទី៤៖ នៅក្នុងរយៈពេលឈប់សម្រាក៣ថ្ងៃ នាឱកាសពិធីបុណ្យចូលឆ្នាំខ្មែរប្រពៃណីជាតិខាងមុខនេះ រាជរដ្ឋាភិបាលសូមអំពាវនាវដល់ ប្រជាពលរដ្ឋគ្រប់រូបទាំងអស់ ចូលរួមអនុវត្តនូវវិធានការ ដូចខាងក្រោម ៖ ត្រូវចៀសវាងនូវការធ្វើដំណើរមិនចាំបាច់ទៅកាន់ ឬចេញ-ចូល តំបន់ ឬទីកន្លែង ដែលមានហានិភ័យខ្ពស់ នៃការឆ្លងរាលដាលជំងឺកូវីដ-១៩ កំណត់ដោយក្រសួងសុខាភិបាល និងអាជ្ញាធរមានសមត្ថកិច្ចពាក់ព័ន្ធ។ ត្រូវចៀសវាងនូវការរៀបចំពិធីផ្សេងៗ រួមទាំងពិធីសាសនាផង ឬ ការជួបជុំគ្នាទាំងឡាយណាដែលមានសភាពអ៊ូអរ និងមានមនុស្សចូលរួមច្រើន និង អនុវត្តវិធានការ «៣ការពារ» និង «៣កុំ» ព្រមជាមួយនឹងវិធានការសុខាភិបាលចាំបាច់ផ្សេងទៀតឲ្យបានខ្ជាប់ខ្លួន និងគ្រប់ៗគ្នា។បន្ថែមពីនេះ សម្ដេចតេជោហ៊ុន សែន ប្រមុខរាជរដ្ឋាភិបាល បាន សូមអំពាវនាវដល់ ក្រុមហ៊ុន និងអាជីវករដឹកជញ្ជូនអ្នកដំណើរគ្រប់ប្រភេទមិនត្រូវដំឡើងថ្លៃសេវាដឹកជញ្ជូនអ្នកដំណើរឡើយ និងត្រូវយកចិត្តទុកដាក់អនុវត្តវិធានការសុខាភិបាលបង្ការ និងទប់ស្កាត់ការឆ្លងរាលដាល នៃជំងឺកូវីដ-១៩ ដោយម៉ត់ចង់ និងខ្ជាប់ខ្ជួនចំពោះអ្នកដំណើរលើយានយន្ដរបស់ខ្លួន៕

អភិបាលខេត្តមណ្ឌលគិរី ចុះពិនិត្យមើលគោលដៅឆែកសុខភាពអ្នកដំណើរមកកាន់ខេត្ត

មណ្ឌលគិរី ៖ ខណៈពេលដែលព្រឹត្តិការណ៍សហគមន៍២០កុម្ភៈ កំពុងស្ថិតក្នុងស្ថានភាពប្រឈមធ្ងន់ធ្ងរគួរឲ្យព្រួយបារម្ភ ហើយចំនួនអ្នកឆ្លងកូវីដ១៩ នៅតែបន្តរកឃើញពីមួយថ្ងៃទៅមួយថ្ងៃ អភិបាលខេត្តមណ្ឌលគិរី បានចុះណែនាំដល់កងកម្លាំង និងគ្រូពេទ្យដោយផ្ទាល់ នៅចំណុចព្រំប្រទល់ខេត្តមណ្ឌលគិរី-ក្រចេះ ដើម្បីពង្រឹងការត្រួតពិនិត្យសុខភាពប្រជាពលរដ្ឋ ដែលធ្វើដំណើរមកពីបណ្តាខេត្ត មានហានិភ័យនៃជំងឺកូវីដ១៩ ចូលមកខេត្តមណ្ឌលគិរី ។ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានលើកឡើងនាថ្ងៃទី២១ ខែមីនា ឆ្នាំ២០២១ថា ថ្វីត្បិតតែខេត្តមណ្ឌលគិរី រហូតមកដល់ពេលនេះ មិនមានប្រជាពលរដ្ឋណាម្នាក់ឆ្លងជំងឺកូវីដ១៩ ក៏ដោយ តែយើងក៏មិនត្រូវភ្លេចខ្លួននោះដែរ គឺត្រូវអនុវត្តឲ្យបានតឹងរ៉ឹងតាមគោលការណ៍របស់រាជរដ្ឋាភិបាលកម្ពុជា និងក្រសួងសុខាភិបាល ក្នុងការទប់ស្កាត់ ការរីករាលដាលនៃជំងឺកូវីដ១៩ ចូលក្នុងសហគមន៍ ហើយអាជ្ញាធរខេត្ត បានផ្អាកជាបណ្តោះអាសន្ននូវកម្មវិធីផ្សេងៗ នៅទូទាំងខេត្ត លើកលែងតែពិធីបុណ្យសពតែប៉ុណ្ណោះ។ឯកឧត្តម បញ្ជាក់បន្ថែមថា សម្រាប់ប្រជាពលរដ្ឋ នៅតាមបណ្តាខេត្ត ដែលធ្វើដំណើរចូលមកខេត្តមណ្ឌលគិរី ត្រូវធ្វើការពិនិត្យសុខភាពជាបឋម ដូចជា វ៉ាស់កំដៅ លាងសម្អាតដៃជាមួយអាល់កុល ឫជេល និងសួរនាំប្រវត្តិ ហើយប្រសិនបើបុគ្គលនោះ មកពីបណ្តាខេត្ត ដែលមានហានិភ័យខ្ពស់ ត្រូវធ្វើចត្តាឡីស័ក រយៈពេល១៤ថ្ងៃ។ ឯកឧត្តម ស្វាយ សំអ៊ាង អភិបាលខេត្ត បានលើកទឹកចិត្តដល់កងកម្លាំង និងក្រុមគ្រូពេទ្យ រួមទាំងអាជ្ញាធរមូលដ្ឋាន ដែលបានរួមសហការគ្នា ដើម្បីចូលរួមប្រយុទ្ធប្រឆាំង នឹងជំងឺកូវីដ ១៩ និងណែនាំដល់បងប្អូនប្រជាពលរដ្ឋទាំងអស់ សូមមេត្តាបង្កើនការប្រុងប្រយ័ត្នឲ្យបានខ្ពស់បំផុតក្នុងការការពារ និងទប់ស្កាត់ឲ្យខាងតែបាននូវរោគរាតត្បាត នៃជំងឺកូវីដ-១៩នេះ ហើយចូលរួមធ្វើអនាម័យឲ្យបានគ្រប់ៗគ្នា ត្រូវចូលរួមអនុវត្តឲ្យបាន ៣ការពារ និង៣កុំ តាមអនុសាសន៍របស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏ដូចជាក្រសួងសុខាភិបាល។ នាឱកាសនោះ ឯកឧត្តម ស្វាយ សំអ៊ាង អភិបាលខេត្ត បាននាំយកនូវគ្រឿងឧបភោគបរិភោគមួយចំនួន រួមមាន ៖ អង្ករ គ្រឿងឧបភោគបរិភោគ ម៉ាស់ អាល់កុល និងថវិកា១លានរៀល ផ្តល់ជូនកងកម្លាំង ដោយឡែក ក្រុមគ្រូពេទ្យដែលប្រចាំការឧបត្ថម្ភថវិកាចំនួន ១០០ដុល្លារផងដែរ៕អត្ថបទ ៖ អ៊ិត ភីរុណ

រមណីយដ្ឋានទេសចរណ៍ធម្មជាតិ និស្ស័យស្នេហ៍សេសាន កសាងបានជាង២០ភាគរយ

ស្ទឹងត្រែង ៖ វិស័យឯកជនបានបង្កើត រមណីយដ្ឋានថ្មីមួយដាក់ឈ្មោះថា (និស្ស័យស្នេហ៍សេសាន) នៅភូមិ-ឃុំកំភុន ស្រុកសេសាន ខេត្តស្ទឹងត្រែង ដើម្បីបានថែរក្សាធនធានសម្បត្តិធម្មជាតិផង និងបានលើកស្ទួយវិស័យទេសចរណ៍នៅក្នុងស្រុក។ សកម្មភាពអភិវឌ្ឍន៍រមណីយដ្ឋានទេសចរណ៍ បែបធម្មជាតិនិងកែច្នៃ ត្រូវបានលោក កៃ តុលា បានដាក់ទន់ក្នុងការបង្កើតតំបន់រមណីយដ្ឋាននេះ បានបញ្ជា្កក់ថា ៖ សមិទ្ធផលនេះប្រជាពលរដ្ឋនៅក្នុងស្រុកសេសាន បានចូលរួមគាំទ្រ និងបានឯកភាពគ្នាដាក់ឈ្មោះថា (និស្ស័យស្នេហ៍សេសាន) ដែលបច្ចុប្បន្នកំពុងរៀបចំឡើងដើម្បីទទួលស្វាគមន៍ក្នុងពិធីបុណ្យចូលឆ្នាំថ្មីខាងមុខនេះ។ លោកបន្តថា ៖ នៅពេលមានរមណីយដ្ឋានមួយនេះ វាជាផ្នែកមួយ បានទាក់ទាញឲ្យកូនចៅ មានកន្លែងកម្សាន្ត ក្នុងស្រុកភូមិ ដោយមិនព្រួយបារម្ភ ពីបញ្ហាផ្សេងៗ ហើយក៏មិនបានចំណាយថវិកា និងពេលវេលាទៅឆ្ងាយ ជាពិសេសប្រជាពលរដ្ឋអាចអាចរកប្រាក់ចំណូលបានតាមរយះភ្ញៀវចូលមកទស្សនាផងដែរ។លោក អ៊ន់ ប៉ោសឿន ប្រធានមន្ទីរទេសចរណ៍ខេត្ត បាន គាំទ្រចំពោះការរៀបចំអភិវឌ្ឍរមណីយដ្ឋាននេះ ព្រោះនៅពេលមានភ្ញៀវទេសចរមកកម្សាន្តច្រើន អាចផ្តល់ផលប្រយោជន៍ដល់បងប្អូនប្រជាពលរដ្ឋនៅតំបន់នេះ បានលក់ដូរផលកសិកម្មរបស់ខ្លួនដែលផលិតបាន។លោកប្រធាន មន្ទីរស្នើឱ្យម្ចាស់រមណីយដ្ឋានធ្វើការអភិវឌ្ឍឱ្យដើរទន្ទឹមគ្នា ជាមួយនិងការអភិរក្សព្រោះពិនិត្យឃើញថា តំបន់នេះ មានសក្ដានុពលធម្មជាតិច្រើន រាប់ទាំងសម្បត្តិមរតកនៅសេសសល់ពីបុព្វបុរសខ្មែរយើងផងដែរ ។លោក សុ វណ្ណពិសេដ្ឋ អភិបាលស្រុក បានបញ្ជាក់ថា សក្តានុពលនៅទីនេះ មានតម្លៃសម្រាប់បំរើឲ្យវិស័យទេសចរណ៍មែន ហើយក្នុងនាមអាជ្ញាធរលោកបានតម្រូវឲ្យផ្នែកវិស័យឯកជន អនុវត្តឲ្យត្រឹមត្រូវតាមការណែនាំរបស់មន្ទីរទេសចរណ៍ ដើម្បីធ្វើឲ្យមានការទាក់ទាញផង នឹងការពារសន្តិសុខ សុវត្ថិភាពជូនភ្ញៀវផង- ហើយអាជ្ញាធរ និងសហការចូលរួមធ្វើឱ្យ ការអភិវឌ្ឍវិស័យទេសចរណ៍នេះ ដំណើរទៅមានភាពរលូន។លោកស្រី ស៊ឺម ចិន្តា ប្រជាពលរដ្ឋនៅភូមិឃុំកំភុន សង្ឃឹមថា នៅក្នុងពិធីបុណ្យចូលឆ្នាំប្រពៃណីជាតិខ្មែរយើងខាងមុខនេះ នឹងមានភ្ញៀវទេសចរមកលេងកម្សាន្ត ហើយអ្នកភូមិ នឹងទទួលបានប្រាក់ចំណូលពីការលក់កសិផលដោយ មិនចាច់នាំយកទៅទីផ្សារ ដែលត្រូវចំណាយលើ មធ្យោបាយដឹកជញ្ជូន៕មាស ផល

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី សាខាខេត្តកំពង់ស្ពឺ ចុះអប់រំពលរដ្ឋ ត្រូវអនុវត្តវិធានការ ៣ការពារ ៣កុំ ដើម្បីបញ្ចប់ជំងឺកូវីដ-១៩

ភ្នំពេញ ៖ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី សាខាខេត្តកំពង់ស្ពឺ ចំនួន១៨រូប បែងចែកជា២ក្រុម នៅថ្ងៃទី២០ មីនា ម្សិលមិញ បានចុះអប់រំប្រជាពលរដ្ឋ តាមខ្នងផ្ទះតំបន់ដាច់ស្រយាល នៅភូមិដីឆ្នាំង ឃុំហោងសំណំ ស្រុកឱរ៉ាល់ ត្រូវអនុវត្តនូវវិធានការ ៣ការពារ ៣កុំ ដើម្បីចូលរួមជាមួយរាជរដ្ឋាភិបាលក្នុងការបញ្ចប់ព្រឹត្តិការណ៍សហគមន៍ ២០កុម្ភៈ ក៏ដូចជាបញ្ចប់ជំងឺកូវីដ-១៩ ពីប្រទេសកម្ពុជា។សកម្មភាពចុះអប់រំ ផ្សព្វផ្សាយខាងលើនេះ ដឹកនាំដោយលោកវេជ្ជបណ្ឌិត សាយ ឫទ្ធី អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី តំណាងឯកឧត្តម លេង ផាលី រដ្ឋលេខាធិការក្រសួងផែនការ សហប្រធានអង្កេតប្រជាសាស្ត្រ និងសុខភាពជាមួយក្រសួងសុខាភិបាល និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី និងជាអនុប្រធានទី១ ក្រុមការងារថ្នាក់កណ្តាលចុះជួយស្រុកឱរ៉ាល់ ទទួលបន្ទុក៣ឃុំ សហការជាមួយឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ឆាយ ថន ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ មន្ទីរសុខាភិបាលខេត្ត ក្រុមការងារថ្នាក់កណ្តាលចុះជួយស្រុក សហភាពសហព័ន្ធយុវជនកម្ពុជាស្រុក និងអាជ្ញាធរមូលដ្ឋានស្រុកឱរ៉ាល់។លោកវេជ្ជបណ្ឌិត សាយ រិទ្ធី បានលើកឡើងថា ការងារមនុស្សធម៌ចុះជួយប្រជាពលរដ្ឋជារៀងរហូតមក គឺកើតចេញពីការឧបត្ថម្ភគាំទ្រ និងការចង្អុលបង្ហាញពីសំណាក់ឯកឧត្តម ប្រធាន ហ៊ុន ម៉ានី ដែលលោកតែងខ្វល់ខ្វាយគិតគូរ និងរួមសុខរួមទុក្ខជាមួយប្រជាពលរដ្ឋដែលជួបការលំបាកគ្រប់កាលៈទេសៈ។ទន្ទឹមនឹងនោះ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានបង្រៀនបងប្អូនប្រជាពលរដ្ឋឲ្យយល់ដឹងអំពីការរស់នៅស្អាតប្រកបដោយអនាម័យល្អ ដោយលាងសម្អាតដៃនឹងអាកុល ឬសាប៊ូ ពាក់ម៉ាស់ឲ្យបានត្រឹមត្រូវនៅពេលចាំបាច់។ ក្នុងនាម ឯកឧត្តម លេង ផាលី លោកវេជ្ជបណ្ឌិត សូមអនុវត្តតាមប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រី្ត ដែលបានជម្រាបជូនបងប្អូនជនរួមជាតិ និងអំពាវនាវឲ្យប្រកាន់ខ្ជាប់នូវវិធានការ ៣ការពារ ៣កុំ ក្នុងវិធានការ ការពារCovid-19៖ ៣ការពារ ៖១-ពាក់ម៉ាស់, ២-លាងដៃ, ៣-គម្លាតសង្គម គម្លាតបុគ្គល (ចាប់ពី ១,៥ម៉ែត្រឡើងទៅ) និង៣កុំ ៖ ១-កុំចូលទៅកន្លែងបិទជិត គ្មានខ្យល់ចេញចូល និងម៉ាស៊ីនត្រជាក់ច្រើនពេក, ២-កុំទៅកន្លែងមានមនុស្សច្រើន,៣-កុំប៉ះពាល់គ្នា កុំចាប់ដៃ កុំកៀកស្មា កុំឱបគ្នាជាដើម។ សម្រាប់អ្នកដែលពាក់ព័ន្ធ នឹងអ្នកជំងឺកូវីដ-១៩ ត្រូវធ្វើចត្តាឡីស័កចំនួន១៤ថ្ងៃ អោយខាងតែបាន ដើម្បីទប់ស្កាត់នឹងការរាតត្បាតនៃវីរុសកូវីដ-១៩ ក្នុងសហគមន៍។ ទន្ទឹមនឹងនោះចំនួនអ្នកឆ្លងសម្រាប់ព្រឹត្តិការណ៍សហគមន៍ ២០កុម្ភៈ មានចំនួនជាង១ពាន់នាក់ ត្រឹមរយៈពេល១ខែ ដែលច្រើនជាង ២ដងនៃចំនួនអ្នកឆ្លងជាងមួយឆ្នាំរាប់ពីដើមឆ្នាំ២០២០មក។ ក្រៅពីនោះដំណើរការនៃចាក់វ៉ាក់សាំងបង្ការជំងឺកូវីដ-១៩ ប្រទេសកម្ពុជា ចាប់ផ្តើមចាក់វ៉ាក់សាំងកូវីដ-១៩ ស៊ីណូហ្វាម ជាជំនួយសាធារណរដ្ឋប្រជាមានិត ចិន ជូនឥស្សរជនជាន់ខ្ពស់ មន្រី្តរាជការ ក្រុមគ្រូពេទ្យជួរមុខ ចាប់តាំងពីថ្ងៃទី១០ ខែកុម្ភះ ឆ្នាំ២០២១ ព្រមទាំងកម្មករប្រមូលសំរាម ដែលមានអាយុចាប់ពី១៨ឆ្នាំឡើង រហូតដល់អាយុ៥៩ឆ្នាំ។ ហើយចាប់ផ្តើមចាក់វ៉ាក់សាំង កូវីសែល ដែលទទួលអាជ្ញាប័ណ្ណផលិតដោយក្រុមហ៊ុន អាស្ត្រាហ្សេនីកា៖ ចាប់តាំងពីថ្ងៃទី៤ ខែមីនា ឆ្នាំ២០២១ អាទិភាពចាក់ជូនថ្នាក់ដឹកនាំកំពូល និងឥស្សរជនជាន់ខ្ពស់ និងប្រជាពលរដ្ឋ អាយុចាប់ពី ៦០ឆ្នាំឡើងទៅ។ ហើយវ៉ាក់សាំងកូវ៉ាក់ ដែលកម្ពុជា បញ្ជាទិញនឹងមកដល់ឆាប់ៗ ចំនួន១លាន ៥សែនដូស និងវ៉ាក់សាំងកូវីដ-១៩ ស៊ីណូហ្វាម ដែលជាជំនួយរបស់មិត្តចិន នឹងមកដល់សម្រាប់វគ្គទី២ (បង្គ្រប់១លានដូស)ផងដែរ៕ អត្ថបទ រដ្ឋា

ទីប្រជុំជនធំៗខេត្តកណ្តាល នៅតែបន្តស្ងប់ស្ងាត់ ស្របដែលមានរយៈពេល១ខែហើយ នៃព្រឹត្តិការណ៍២០កុម្ភៈ

កណ្ដាល ៖ មកដល់ថ្ងៃនេះ ព្រឹត្តិការណ៍២០ កុម្ភៈ បានបន្តអូសបន្លាយការរាតត្បាតមានរយៈពេល១ខែគត់ ហើយព្រឹត្តិការណ៍នេះ បានធ្វើអោយតំបន់ទីប្រជុំជនតូចធំ និង តំបន់ទេសចរណ៍កន្លែងដើរកម្សាន្តនានា នៅក្នុងខេត្តកណ្តាល បានបន្តភាពស្ងប់ស្ងាត់ខ្លាំងជាងមុន។ក្នុងអំឡុងពេលព្រឹត្តិការណ៍២០កុម្ភៈនៅមិនទាន់មានភាពថមថយ និងមានអ្នកជំងឺកូវីដ១៩ ចំនួន២នាក់បន្ថែម បានស្លាប់នៅថ្ងៃម្សិលមិញនេះទៀត ស្ថានភាពទីប្រជុំជនតូចធំនានានៅក្នុងខេត្តកណ្តាល ជាពិសេសចរាចរណ៍ការធ្វើដំណើររបស់ពលរដ្ឋនៅតាមដងផ្លូវមានការធ្លាក់ចុះ តាមទីផ្សារសាធារណៈមិនសូវមានមនុស្សច្រើន ហាងលក់ទំនិញនិងសេវាតូចធំមួយចំនួនបន្តផ្អាកជាធម្មតា បើទោះណានៅក្នុងខេត្តកណ្តាល មានសភាពស្ងប់ស្ងាត់ជាងមុន បើទោះណានៅថ្ងៃនេះផ្ទាល់ជាថ្ងៃចុងសប្តាហ៍ អ្នកបំរើការងារនៅតាមស្ថាប័នរដ្ឋ និងឯកជននានា មានការឈប់សំរាកក៏ច្រើនយ៉ាងណាក៏ដោយ។បើតាមពលរដ្ឋនៅខេត្តកណ្តាល បានថ្លែងប្រាប់ BTV នៅថ្ងៃទី២០ ខែមីនានេះ ថា ថ្ងៃឈប់សំរាកចុងសប្តាហ៍ ពលរដ្ឋខេត្តកណ្តាលភាគច្រើនមិនចេញក្រៅផ្ទះដោយសារខ្លាចឆ្លងកូវីដ១៩ ហើយអ្នកចេញក្រៅផ្ទះភាគច្រើនជាអ្នកមានភារកិច្ចចាំ ប្រកបរបរ និងទិញទំនិញប្រចាំថ្ងៃ តែគេមានការប្រុងប្រយ័ត្នខ្លាំងការពារពីជំងឺកូវីដ១៩។សូមបញ្ជាក់ថា នៅថ្ងៃទី២០ ខែមីនា ក្រសួងសុខាភិបាល បានប្រកាសរកឃើញវិជ្ជមានកូវីដ១៩សរុបចំនួន៥៤នាក់បន្ថែម ក្នុងនោះខេត្តកណ្តាល បានរកឃើញអ្នកកើតកូវីដ១៩ សរុបចំនួន២៣នាក់បន្ថែមទៀតផងដែរ ដែលចំនួននេះ បានធ្វើអោយទូទាំងខេត្តកណ្តាល បានរកឃើញអ្នកពាក់ព័ន្ធព្រឹត្តិការណ៍២០កុម្ភៈកើតកូវីដ១៩ សរុបកើតដល់ជាង២៥០នាក់។នៅពេលនេះអាជ្ញាធរខេត្តកណ្តាល បាននិងកំពុងស្រាវជ្រាវបន្តរកអ្នកពាក់ព័ន្ធព្រឹត្តិការណ៍២០កុម្ភៈ ដើម្បីអោយគេចូលធ្វើចត្តាឡីស័ក និងធានាបានការគ្រប់គ្រងកូវីដ១៩ បានល្អនៅទូទាំងខេត្តកណ្តាល ខណៈបច្ចុប្បន្នខេត្ត រកឃើញអ្នកពាក់ព័ន្ធព្រឹត្តិការណ៍២០ កុម្ភៈ បានប្រមាណជាង ១៤៥០០នាក់ បានយកសំណាកពិនិត្យកូវីដ១៩ បានចំនួនជាង១៤០០នាក់ តម្រូវអោយមនុស្សចូលធ្វើចត្តាឡីស័កមានចំនួនជិត ១៦៤០នាក់ ធ្វើចត្តាឡីស័ក តាមផ្ទះមានចំនួន១១00នាក់៕អត្ថបទ ៖ ស៊ុម សុខជា

TYDA ត្រៀមពេទ្យស្ម័គ្រចិត្ត៣៥០នាក់ បន្ថែមទៀត ចូលប្រយុទ្ធក្នុងសមរភូមិកូវីដ

ភ្នំពេញ ៖ លោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងជាប្រធានក្រុមដឹកនាំគ្រូពេទ្យសម្តេចតេជោ ប្រឆាំងកូវីដ១៩ បានឲ្យដឹងថា ខណៈដែលបច្ចុប្បន្ននេះ ការរាតត្បាតជំងឺកូវីដ១៩ នៅកម្ពុជា កំពុងស្ថិតក្នុងព្រឹត្តិការណ៍សហគមន៍២០កុម្ភៈ ហើយចំនួនឆ្លងថ្មីមានការកើនឡើងនោះ TYDA បានត្រៀមពេទ្យស្ម័គ្រចិត្តប្រមាណ៣៥០នាក់បន្ថែមទៀត ដើម្បីចូលរួមក្នុងប្រតិបត្តិការប្រយុទ្ធប្រឆាំងកូវីដ១៩ ជាមួយក្រសួងសុខាភិបាល និង រាជរដ្ឋាភិបាលកម្ពុជា។ថ្លែងប្រាប់អ្នកសារព័ត៌មាន នៅថ្ងៃទី១៩ ខែមីនា ម្សិលមិញនេះ អំឡុងពេលដែលសម្តេចតេជោ ហ៊ុន សែន អញ្ជើញពិនិត្យមើលពីដំណើរការរៀបចំមន្ទីរពេទ្យព្យាបាលអ្នកជំងឺកូវីដ១៩ នៅខណ្ឌដង្កោ រាជធានីភ្នំពេញ លោកជំទាវ ពេជ ចន្ទមុនី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ បានបញ្ជាក់ថា រយៈពេល១ឆ្នាំជាងមកនេះ TYDA មានក្រុមគ្រូពេទ្យស្ម័គ្រចិត្តប្រឆាំងកូវីដ១៩ ចំនួនប្រមាណ៤០០នាក់ បាននឹងកំពុងតែចូលរួមការងារជាមួយពេទ្យក្រសួងសុខាភិបាល ទាំងការងារយកសំណាក និងការព្យាបាល អ្នកជំងឺកូវីដ១៩ ហើយថ្មីៗនេះដោយមានការណែនាំដ៏ខ្ពង់ខ្ពស់ ពីសម្តេចតេជោ ប្រមុខរាជរដ្ឋាភិបាល TYDA បានបណ្តុះបណ្តាលពេទ្យស្ម័គ្រចិត្ត៣៥០នាក់ បន្ថែមទៀត ដើម្បីចូលប្រយុទ្ធក្នុងសមរភូមិកូ-វីដ នាពេលខាងមុខ។ ដើម្បីប្រយុទ្ធនឹងជំងឺកូវីដ១៩ ចាប់តាំងពីជំងឺនេះ បានរាតត្បាតនៅក្នុងប្រទេសកម្ពុជានាឆ្នាំ២០២០មក លោកជំទាវ ពេជ ចន្ទមុនី បានលើកឡើងថា គ្រូពេទ្យទាំងអស់បានបំពេញការងារ ដោយមានការទទួលខុសត្រូវខ្ពស់ ដោយមិនគិតការនឿយហត់ លះបង់ពេលវេលាផ្ទាល់ខ្លួន និងជាមួយគ្រួសារ ដើម្បីប្រជាពលរដ្ឋ និងប្រយុទ្ធជាមួយកូវីដ១៩ ហើយលោកជំទាវ ក៏អរគុណចំពោះក្រុមគ្រូពេទ្យទាំងអស់ និងប្រជាពលរដ្ឋដែលបានចូលរួមសហការកន្លងមក ហើយក៏បានអំពាវនាវដល់ពលរដ្ឋបន្តការសហការនេះ បន្តទៀត ដើម្បីអោយយើងអាចបិទបញ្ចប់ព្រឹត្តិការណ៍សហគមន៍២០កុម្ភៈ ក្នុងពេលឆាប់ៗនេះ។សូមបញ្ជាក់ថា បច្ចុប្បន្ននេះ ការប្រយុទ្ធក្នុងសមរភូមិកូវីដ ១៩ យើងមានទ័ពអាវស ជាគ្រូពេទ្យរបស់ក្រសួងសុខាភិបាល និង គ្រូពេទ្យស្ម័គ្រចិត្តសម្តេចតេជោ ប្រឆាំងកូវីដ១៩ កំពុងសស្រាក់សស្រាំ ហើយជាតំរូវការបន្ថែមក្រសួងការពារជាតិក៏បានរៀបចំកងទ័ពយោធាហ្វឹកហ្វឺនបន្ថែមចំនួន៣៥០នាក់ ស្មើនឹង៣០ក្រុមផងដែរ ដើម្បីចូលរួមជាមួយក្រសួងសុខាភិបាល៕

ក្មេងប្រុសអាយុ៦ឆ្នាំ វិជ្ជមានកូវីដ១៩ បង្ហាញពីភាពរឹងមាំ និងក្លាហាន បានរំជួលចិត្តដល់មហាជនតាមបណ្តាញសង្គម

ភ្នំពេញ ៖ ខណៈដែលកម្ពុជាកំពុងជួបប្រឈមព្រឹត្តិការណ៍សហគមន៍២០កុម្ភៈ ហើយមានករណីឆ្លងថ្មីកូវីដ១៩ រៀងរាល់ថ្ងៃនោះ ជំងឺនេះ ឆ្លងមិនរើសមុខ ក្មេង ចាស់ ប្រុសស្រី ឬ ជាតិសាសន៍ណានោះទេ ជាក់ស្តែងនៅយប់ថ្ងៃទី១៩ ខែមីនាម្សិលមិញ ក្រុមការងារសុខាភិបាល បានទៅទទួលកុមារាអាយុ៦ឆ្នាំ នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ បានឆ្លងមេរោគកូវីដ១៩ពីម្តាយ។តាមរយៈរូបភាព និង វីដេអូ ខ្លីប៉ុន្មានវិនាទី ដែលបង្ហាញពីភាពក្លាហាន និងរឹងមាំរបស់ក្មេងប្រុសតូច ស្ពាយកាតាបពីក្រោយ និង យួរថង់មួយនៅដៃ ដើរចូលរថយន្តពេទ្យ ដោយមិនមានយំ ឬ ប្រកែកនោះឡើយ ធ្វើអោយមហាជនរំជួលចិត្ត ខ្លះស្រក់ទឹកភ្នែក ចែករំលែករូបភាព និងវីដេអូ ភ្ជាប់ការសរសេរសារខ្លីៗជាច្រើន លើកទឹកចិត្តក្មេងតូចម្នាក់នេះ និង ជូរពរអោយឆាប់បានជាសះស្បើយ។ អ្នកលេងបណ្តាញសង្គម ជាពិសេសហ្វេសប៊ុកជាដើម មានខ្លះបានធ្វើជារូបភាពបែបគំនូរពីកុមារាអាយុ៦ឆ្នាំនេះ បង្ហាញពីការជំរុញទឹកចិត្ត ក្លាហាន ដើម្បីជំនះស្ថានភាពឆ្លងជំងឺកូវីដ១៩ នេះផងដែរ ។ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានលើកឡើងថា វីរុសកូវីដ-១៩ កំពុងតែវ៉ៃលុកយើងហើយ សូម្បីតែកុមារអាយុ ៦ឆ្នាំក៏វាមិនលើកលែងឱ្យដែរ។ បញ្ហាសំខាន់របស់បុគ្គលគ្រប់រូបដែលជាមនុស្សពេញវ័យនៅពេលនេះ គ្មានអ្វីដែលល្អប្រសើរជាងការនៅផ្ទះ កុំចេញក្រៅផ្ទះ បើមិនចាំបាច់ បើចាំបាច់ត្រូវចេញ សុំអនុវត្តន៍វិធានការ ៣ការពារ និង ៣កុំ ដែលបានដាក់ចេញដោយសម្តេចតេជោ នាយករដ្ឋមន្ត្រី ឱ្យអនុវត្តន៍ទាំងអស់គ្នា ឱ្យបានម៉ឺងម៉ាត់ជាទីបំផុត ។សូមបញ្ជាក់ថា កុមារា អាយុ ៦ឆ្នាំដែលទទួលលទ្ធផលតេស្តវិជ្ជមានកូវីដ-១៩ ឆ្លងពីម្តាយអាយុ ៣១ ឆ្នាំ ត្រូវបានរដ្ឋបាលរាជធានីភ្នំពេញ និងមន្ទីរសុខាភិបាលរាជធានីភ្នំពេញ បញ្ជូនដាក់អោយសម្រាកព្យាបាលនៅសណ្ឋាគារក្រេតឌុក និងបានជួបជុំជាមួយម្តាយដែលកំពុងសម្រាកព្យាបាលជំងឺកូវីដ-១៩ នៅទីនោះផងដែរ៕

កាកបាទក្រហមកម្ពុជា ចូលរួមរំលែកទុក្ខ គ្រឿងបរិភោគ និងបច្ច័យបុណ្យ មួយចំនួន ជូនគ្រួសារសពភរិយារបស់លោក ហួរ ឡាវី

ភ្នំពេញ ៖ នៅថ្ងៃសៅរ៍ ទី ២០ ខែមីនា ឆ្នាំ២០២១នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យមន្ត្រីនាំយកសារលិខិតចូលរួមរំលែកមរណទុក្ខដ៏ក្រៀមក្រំ ជាមួយក្រុមគ្រួសារសពរបស់លោក ហួរ ឡាវី ដែលបានទទួលមរណភាព ដោយជំងឺកូវីដ-១៩ កាលពីថ្ងៃទី ១៩ ខែមីនា ឆ្នាំ២០២១ ។ ស្ថិតក្នុងសមានទុក្ខដ៏ក្រៀមក្រំនេះ ឯកឧត្តម វេជ្ជ. អ៊ុយ សំអាត នាយកនាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា បានពាំនាំនូវការរំលែកទុក្ខយ៉ាងក្រៀមក្រំពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសូមបួងសួងដល់វិញ្ញាណក្ខន្ធសព បានទៅកាន់សុគតិភពកុំបីឃ្លៀងឃ្លាតឡើយ។ជាមួយគ្នានេះ ឯកឧត្តមវេជ្ជបណ្ឌិត បានពាំនាំសារ អំពាវនាវរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់បងប្អូនប្រជាពលរដ្ឋទាំងអស់ សូមចូលរួមប្រយុទ្ធប្រឆាំង និងទប់ស្កាត់ការឆ្លងរីករាលដាលជំងឺកូវីដ-១៩ ដោយអនុវត្តឱ្យបានខ្ជាប់ខ្ជួននូវវិធានសុខាភិបាល ជាពិសេសរួមអនុវត្ត «៣ការពារ និង៣កុំ» ដើម្បីការពារខ្លួនយើង គ្រួសារយើង សង្គមជាតិយើង និងប្រជាជនយើង ។ ទន្ទឹមនឹងនេះ សូមប្រជាពលរដ្ឋចូលរួមអនុវត្តវិធានការចត្តាឡីស័ក ឱ្យបានម៉ឺងម៉ាត់ ដែលជាវិធានការមុតស្រួចដើម្បីទប់ស្កាត់ និងផ្តាច់ចរន្តនៃការឆ្លងជំងឺកូវីដ-១៩ ចូលក្នុងសហគមន៍។ សូមបញ្ជាក់ថា ដើម្បីជួយសម្រាលដល់ជីវភាពរស់នៅ កាកបាទក្រហមកម្ពុជា បានឧបត្ថម្ភដល់គ្រួសារសពនូវ អង្ករ ១០០គីឡូក្រាម, មី ៥កេស, ត្រីខ ៥០កំប៉ុង , ទឹកក្រូច៥កេស និងថវិកាមួយចំនួន៕

អភិបាលខណ្ឌឫស្សីកែវ អំពាវនាវដល់ពលរដ្ឋឲ្យអនុវត្តឲ្យបានខ្ជាប់ខ្ជួន វិធាន៣ការពារ៣កុំ

ភ្នំពេញ ៖ លោក ជា ពិសី អភិបាលខណ្ឌឫស្សីកែវ បានធ្វើការអំពាវនាវដល់បងប្អូនប្រជាពលរដ្ឋ ដែលរស់នៅខណ្ឌនេះអនុវត្តឲ្យបានខ្ជាប់ខ្ជួនបន្ថែមទៀត ជាពិសេសគឺត្រូវចូលរួមវិធាន ៣ការពារ ៣កុំ ខណៈមេរោគកូវីដ-១៩ ដ៏កាចសាហាវមួយនេះ បានបន្តរីករាលដាលខ្លាំងនៅក្នុងរាជធានីភ្នំពេញ និងក្នុងទឹកដីខណ្ឌឫស្សីកែវ ជាបន្តបន្ទាប់ហើយនោះ។ក្នុងពិធីចុះចែកអំណោយ សម្ដេចតេជោ ហ៊ុន សែន នាយករដ្ឋមន្ត្រី នាថ្ងៃទី១៩ ខែមីនា ម្សិលមិញនេះ ជូនគ្រួសារពាក់ព័ន្ធផ្ទាល់ និងប្រយោល ជាមួយជនវិជ្ជមានកូវីត១៩ ចំនួន៤ គោលដៅនៅក្នុងទឹកដីខណ្ឌឫស្សីកែវនេះ លោក ជា ពិសី បានលើកឡើងថា បងប្អូនប្រជាពលរដ្ឋដែលកំពុងធ្វើចត្តាឡីស័ក នេះបានយល់ដឹងមកហើយ ចំពោះវិធានការ ការពារនូវមេរោគកូវីដ១៩នេះ ដោយរាជរដ្ឋាភិបាល និងក្រសួងសុខាភិបាល បានធ្វើការណែនាំជាបន្តបន្ទាប់នោះ។ ដូច្នេះដើម្បីឲ្យវិធានការនេះកាន់តែមានប្រសិទ្ធភាពបន្ថែមទៀតនោះ គឺត្រូវមានការចូលរួមពីសំណាក់បងប្អូនទាំងអស់ ទើបស្ថានការណ៍កូវីដ-១៩នេះ មិនបន្តរីករាលដាលទៅក្នុងសហគមន៍ទៀត។លោកអភិបាលខណ្ឌ បានលើកឡើងថា «ក្នុងនាមអាជ្ញាធរ សូមបងប្អូនទាំងអស់បន្តរួមគ្នាអនុវត្តឲ្យមានត្រឹមត្រូវ និងគ្រប់ពេលវេលាទាំងអស់នូវវិធាន «៣ការពារ និង៣កុំ» របស់សម្តេចតេជោ ហ៊ុន សែននាយករដ្ឋមន្ត្រី ដែលសម្តេច បានយកចិត្តទុកដាក់ខ្ពស់ចំពោះសុខុមាលភាពរបស់បងប្អូនប្រជាពលរដ្ឋទូទៅ ហើយសម្តេច និងក្រសួងសុខាភិបាល បានអំពាវនាវជាច្រើនលើកច្រើនសារមកហើយទាក់ទង នឹងវិធានការ ការពារ នៃមេរោគកូវីដ១៩នេះ»។លោក បន្តថា បច្ចុប្បន្នភាពនេះ ការរីករាលដាលនៃមេរោគកូវីដ១៩ បានបន្តផ្ទុះជារឿយនៅក្នុងរាជធានីភ្នំពេញ និងបណ្តាខេត្តមួយចំនួននៅប្រទេសកម្ពុជា ដែលរហូតមកដល់ពេលនេះ តាមការប្រកាសរបស់ក្រសួងសុខាភិបាល នៅប្រទេសកម្ពុជាយើងមានករណីឆ្លងមេរោគកូវីដ១៩នេះ គឺបានឡើងដល់១៦៣២នាក់ហើយ ដោយក្នុងនោះ បានធ្វើការព្យាបាលសះស្បើយចំនួន៦៩២នាក់ ខណៈអ្នកកំពុងបន្តសម្រាកព្យាបាលនៅតាមមន្ទីរពេទ្យ និងកន្លែងនានា ចំនួន៦៩២នាក់ ប៉ុន្តែអកុសល បានបណ្តាលឲ្យបាត់បង់ជីវិតចំនួន៣នាក់ ផងដែរ ដោយស្ថានភាពជំងឺរបស់ពួកគាត់បានវិវត្តន៍រកសភាពធ្ងន់ធ្ងរ ដែលយើងមិនអាច សង្គ្រោះពួកគាត់បាននោះ៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

សិស្សានុសិស្ស និងនិស្សិត មកពីសាលារដ្ឋនិងឯកជន ស្វែងយល់អំពីឱកាសសិក្សានៅប្រទេសអូស្ត្រាលី

ពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ

កងទ័ពអ៊ីរ៉ង់អះអាងពីការវាយប្រហារចុងក្រោយបង្អស់ លើមូលដ្ឋានទ័ពអាមេរិក នៅកូវ៉ែត និងអារ៉ាប់រួម

មនុស្ស ៥នាក់ស្លាប់ នៅពេលទូកដឹកជនអន្តោប្រវេសន៍ ត្រូវបានជួយសង្គ្រោះ នៅម្ដុំប្រជុំកោះ Canary របស់អេស្ប៉ាញ

របាយការណ៍៖ ប៉ូឡូញកោះអញ្ជើញឯកអគ្គរដ្ឋទូតរុស្ស៊ី ជុំវិញ «សកម្មភាពឈ្លានពាន»

WSJ៖ អឺរ៉ុបនៅសល់ជម្រើសតិចតួចដើម្បីដាក់សម្ពាធលើរុស្ស៊ី

ពលរដ្ឋប៉ាឡេស្ទីន៖ កងទ័ពអ៊ីស្រាអែលបានសម្លាប់យុវជនពីរនាក់នៅតំបន់វេសបែង

ប្រភព៖ អ៊ីរ៉ង់ប្រាប់អាមេរិកកុំឱ្យអ៊ីស្រាអែលធ្វើការវាយប្រហារ នៅតំបន់ជួរភ្នំភាគខាងត្បូងលីបង់

តៃវ៉ាន់ស្នើបន្ថែមថវិកាការពារដែនកោះ ៤,៦ពាន់លានដុល្លារ សម្រាប់ឆ្នាំ២០២៦

អាល្លឺម៉ង់បានកត់ត្រាអ្នកស្លាប់ខ្ពស់បំផុតចំនួន ១៦.៣០០ករណី ទាក់ទងនឹងកម្ដៅ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អភិបាលខេត្តមណ្ឌលគិរី ចុះពិនិត្យមើលគោលដៅឆែកសុខភាពអ្នកដំណើរមកកាន់ខេត្ត

រមណីយដ្ឋានទេសចរណ៍ធម្មជាតិ និស្ស័យស្នេហ៍សេសាន កសាងបានជាង២០ភាគរយ

ទីប្រជុំជនធំៗខេត្តកណ្តាល នៅតែបន្តស្ងប់ស្ងាត់ ស្របដែលមានរយៈពេល១ខែហើយ នៃព្រឹត្តិការណ៍២០កុម្ភៈ

TYDA ត្រៀមពេទ្យស្ម័គ្រចិត្ត៣៥០នាក់ បន្ថែមទៀត ចូលប្រយុទ្ធក្នុងសមរភូមិកូវីដ

ក្មេងប្រុសអាយុ៦ឆ្នាំ វិជ្ជមានកូវីដ១៩ បង្ហាញពីភាពរឹងមាំ និងក្លាហាន បានរំជួលចិត្តដល់មហាជនតាមបណ្តាញសង្គម

អភិបាលខណ្ឌឫស្សីកែវ អំពាវនាវដល់ពលរដ្ឋឲ្យអនុវត្តឲ្យបានខ្ជាប់ខ្ជួន វិធាន៣ការពារ៣កុំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អភិបាលខេត្ត​មណ្ឌលគិរី ​ចុះ​ពិនិត្យមើល​គោលដៅ​ឆែក​សុខភាព​អ្នកដំណើរ​មកកាន់​ខេត្ត​

រមណីយដ្ឋាន​ទេស​ចរណ៍​ធម្មជាតិ ​និស្ស័យ​ស្នេហ៍​សេ​សាន ​កសាង​បាន​ជាង​២០​ភាគរយ​

TYDA ត្រៀម​ពេទ្យ​ស្ម័គ្រចិត្ត​៣៥០​នាក់​ បន្ថែមទៀត ​ចូល​ប្រយុទ្ធ​ក្នុង​សមរភូមិ​កូ​វីដ

អភិបាលខណ្ឌ​ឫស្សីកែវ អំពាវនាវ​ដល់​ពលរដ្ឋ​ឲ្យ​អនុវត្ត​ឲ្យ​បាន​ខ្ជាប់ខ្ជួន​ វិធាន​៣​ការពារ​៣​កុំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អភិបាលខេត្តមណ្ឌលគិរី ចុះពិនិត្យមើលគោលដៅឆែកសុខភាពអ្នកដំណើរមកកាន់ខេត្ត

រមណីយដ្ឋានទេសចរណ៍ធម្មជាតិ និស្ស័យស្នេហ៍សេសាន កសាងបានជាង២០ភាគរយ

TYDA ត្រៀមពេទ្យស្ម័គ្រចិត្ត៣៥០នាក់ បន្ថែមទៀត ចូលប្រយុទ្ធក្នុងសមរភូមិកូវីដ

អភិបាលខណ្ឌឫស្សីកែវ អំពាវនាវដល់ពលរដ្ឋឲ្យអនុវត្តឲ្យបានខ្ជាប់ខ្ជួន វិធាន៣ការពារ៣កុំ