BTV NEWS

សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់

គណៈប្រតិភូនៃសន្និសីទប្រធានសភានៃអន្តរសភា វាយតម្លៃខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២» នៅកម្ពុជា

ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ

ព្រីតថេន នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

អាជ្ញាធរខេត្តបាត់ដំបង កំពុងពន្លឿនការជួសជុលតូបដែលឆេះ ដើម្បីពលរដ្ឋឆាប់បានចូលលក់ដូរឡើងវិញ

បាត់ដំបង ៖ ដើម្បីឆ្លើយតបនឹងតម្រូវការចាំបាច់របស់ក្រុមអាជីវករនៅក្នុងផ្សារធំបាត់ដំបង ឬហៅថាផ្សារណាត់ ដែលត្រូវអគ្គិភ័យឆាប់ឆេះតូបរបស់ពួកគាត់ កាលពីចុងខែសីហា ឆ្នាំ២០២០កន្លងទៅ រដ្ឋបាលខេត្តបាត់ដំបង កំពុងពន្លឿនឲ្យក្រុមជាង ខិតខំធ្វើតូបឲ្យបានឆាប់រួចរាល់ ដើម្បីឲ្យអាជីវករឆាប់បានចូលលក់ដូរឡើងវិញ ក្នុងការដោះស្រាយជីវភាពប្រចាំថ្ងៃ ។ក្នុងជំនួបជាមួយក្រុមអាជីវករផ្សារណាត់ ដើម្បីរកដំណោះស្រាយជូនពួកគាត់ នៅរសៀលថ្ងៃទី៥ ខែតុលា ម្សិលមិញនេះ ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា បន្ទាប់ពីជួបបញ្ហាអគ្គិភ័យឆេះតូប ក្រុមអាជីវកររងគ្រោះបានស្នើដល់រដ្ឋបាលខេត្តបាត់ដំបង តាមរយៈអភិបាលក្រុង ជួយដោះស្រាយនូវសំណើធំៗចំនួន៣ ទី១. ជួយធ្វើតូបឡើងវិញ, ទី២. ជួយទូទាត់សំណង់រងការខូចខាត និងទី៣. គឺកុំយកថ្លៃតូបរយៈពេល ៥ឆ្នាំ ។ឯកឧត្តម បន្តថា បច្ចុប្បន្នក្នុងចំណោមសំណើទាំង៣ រដ្ឋបាលខេត្តបាននិងកំពុងដោះស្រាយសំណើបានមួយ គឺការធ្វើតូប ដើម្បីឲ្យអាជីវករបានចូលលក់ដូរឡើងវិញ ប៉ុន្តែនៅបំណែកខ្លះ ដូចជាសសរផ្សារជាដើម ដែលត្រូវភ្លើងឆេះនោះ គឺត្រូវចាំការវាយតម្លៃពីក្រសួងជំនាញសិន ចំពោះសំណើ២ទៀត ខេត្តក៏បានបញ្ជូនទៅក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ រួចរាល់ហើយដែរ ដោយកំពុងរងចាំការឆ្លើយតបពីក្រសួងទាំងពីរ ។នៅក្នុងជំនួបនោះ ក្រៅពីសំណើធំៗទាំង៣ ក្រុមអាជីវករក៏បានស្នើនូវសំណើមួយចំនួនទៀត មានសុំកុំយកថ្លៃភាស៊ី ៥ឆ្នាំ, កុំយកថ្លៃភ្លើងអគ្គិសនី ៥ឆ្នាំ, កុំយកថ្លៃសន្តិសុខ ៥ឆ្នាំ, ជួយរៀបចំសណ្ដាប់ថ្នាក់ មានការតបណ្ដាញអគ្គិសនីឲ្យល្អ និងមានសុវត្ថិភាពជាងមុន តបណ្ដាញទឹក ការដាក់ឧបករណ៍ពន្លត់អគ្គិភ័យ និងការដាក់ឧបករណ៍បំពងសំឡេង ដើម្បីខ្លាចមានបញ្ហាអ្វីកើតឡើងជាយថាហេតុ អាចប្រើប្រាស់ឧបករណ៍បំពងសំឡេង នោះ ផ្សព្វផ្សាយបានទាន់ពេលវេលា ។ពាក់ព័ន្ធនឹងសំណើបន្ថែមនេះ ឯកឧត្តម ងួន រតនៈ ក៏បានយល់ស្របនូវសំណើមួយចំនួន ប៉ុន្តែសំណើខ្លះ ត្រូវបានឯកឧត្តមអភិបាលខេត្ត ស្នើឲ្យក្រុមអាជីវករដោះស្រាយខ្លួនឯង ដូចជាបញ្ហាបង់ប្រាក់ឲ្យសន្តិសុខ ការបង់ថ្លៃភ្លើង និងបញ្ហាភាស៊ី ។កាលពីល្ងាចថ្ងៃទី៣០ ខែសីហា ឆ្នាំ២០២០ អគ្គិភ័យបានឆាប់ឆេះផ្សារណាត់ នៅក្នុងក្រុងបាត់ដំបង បណ្ដាលឲ្យតូបលក់គ្រឿងទេស សំលៀកបំពាក់ និងលក់ចានឆ្នាំងជាដើម ចំនួន៣៣តូប ខូចខាតទាំងស្រុង និង៤០តូបទៀត រងការខូចខាតមួយចំនួន ដោយបញ្ហាអគ្គិភ័យនេះ ធ្វើឲ្យខាតបង់ទ្រព្យសម្បត្តិអស់ជាង ៨០ម៉ឺនដុល្លារ៕អត្ថបទ ៖ បាន សុខរិទ្ធ

ការហ្វឹកហ្វឺនបំប៉នគឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាពការងារ និងការអភិវឌ្ឍអង្គភាព

ព្រះសីហនុ ៖ អភិបាលខេត្តព្រះសីហនុ បានថ្លែងថា ការហ្វឹកហ្វឺនបំប៉ន គឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាព ការងារ និងការអភិវឌ្ឍអង្គភាព។ក្នុងពិធីបើកវគ្គហ្វឹកហ្វឺនបំប៉នពង្រឹងសមត្ថភាពយោធារបស់តំបន់ប្រតិបត្តិការសឹករងព្រះសីហនុ ប្រចាំឆ្នាំ២០២០ កាលពីថ្ងៃទី០៥ ខែតុលា ម្សិលមិញ ឯកឧត្ដម គួច ចំរើន អភិបាលខេត្តព្រះសីហនុ បានថ្លែងថា សន្ដិភាព មានតម្លៃណាស់សម្រាប់មនុស្សជាតិ និងការអភិវឌ្ឍ ពិសេស ប្រទេសកម្ពុជា។ សន្ដិភាព គឺត្រូវបានប្រមុខដឹកនាំខិតខំស្វះស្វែងរកដោយលំបាកបំផុត ដោយត្រូវយក សាច់ឈាមអាយុជីវិតទៅដូរ ដើម្បីប្រជាជន និងប្រទេសជាតិ។ សម័យសង្គ្រាម ទាំងប្រជាពលរដ្ឋ ទាំងកងកម្លាំង គឺគ្មានពេល វេលាណាសមស្របសម្រាប់ការរៀនសូត្រ ហ្វឹកហ្វឺននោះទេ ដូច្នេះត្រូវដឹងពីតម្លៃនៃសន្ដិភាពនេះ ហើយរួមគ្នាថែរក្សា ឱ្យបាន ដាច់ខាត ដើម្បីរួមគ្នាអភិវឌ្ឍប្រទេសឱ្យរីកចម្រើនថែមទៀត។ឧត្ដមសេនីយ៍ឯក យឿង សុខុន មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ បានបញ្ជាក់ថា ការហ្វឹកហ្វឺនបំប៉នដល់កងទ័ព មានសារសំខាន់ណាស់សម្រាប់ពង្រឹង និងបង្កើនសមត្ថភាពដល់កងកម្លាំង ក្នុងការអភិវឌ្ឍសមត្ថ ភាពខ្លួនឯង ប្រសិទ្ធភាពការងារជូនអង្គភាព ពិសេសពង្រឹងកិច្ចការពារបូរណភាពទឹកដីការពារជាតិមាតុភូមិ រក្សាសន្ដិសុខ សុវត្ថិ ភាពជូនប្រជាពលរដ្ឋ។ឧត្ដមសេនីយ៍ឯក បានស្នើឱ្យកងកម្លាំងតំបន់ប្រតិបត្ដិការសឹករងខេត្ដព្រះសីហនុ ត្រូវបន្ដចូលរួមសហការជាមួយអាជ្ញា ធរ និងសមត្ថកិច្ចពាក់ព័ន្ធ រួមគ្នាថែរក្សាសុខសន្ដិភាពបច្ចុប្បន្នឱ្យបានគង់វង្ស ប្រឆាំងដាច់ខាត និងវាយបកចំពោះជនអគតិណា ឬក្រុម ដែលចង់បំផ្លាញសន្ដិភាព។ឧត្ដមសេនីយ៍ត្រី នូវ សំអុល មេបញ្ជាការតំបន់ប្រតិបត្ដិការសឹករងខេត្ដព្រះសីហនុ បានឱ្យដឹងថា សម្រាប់តំបន់ប្រតិបត្ដិ ការសឹករងខេត្ដព្រះសីហនុ បានរៀបចំវគ្គហ្វឹកហ្វឺនបំប៉នពង្រឹងសមត្ថភាពយោធា ជាបន្ដបន្ទាប់ ស្របតាមការណែនាំពីថ្នាក់ដឹក នាំគ្រប់លំដាប់ថ្នាក់។ ការហ្វឹកហ្វឺនបំប៉នជាជំនួយ ផ្នែកធនធានមនុស្សក្នុងការអភិវឌ្ឍខ្លួន អង្គភាព និងអភិវឌ្ឍសង្គមជាតិ ឱ្យ កាន់តែល្អប្រសើរឡើង ស្របតាមសម័យវិទ្យាសាស្ត្រទំនើប៕អត្ថបទ៖ គង់ ប៊ុនថា

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ

កំពត ៖ ប្រជាពលរដ្ឋ៧០គ្រួសារ នៅក្នុងខេត្តកំពត កំពុងអត់ផ្លូវប្រើប្រាស់ ដោយសារតែបុគ្គលម្នាក់ បានរំលោភយកដីប្រឡាយ ឬផ្លូវភ្លោះ ដែលពួកគេធ្លាប់ធ្វើដំណើរចេញចូលពីថ្នល់ជាតិទៅស្រែ និងទៅផ្ទះ។ ពលរដ្ឋ បានឱ្យដឹងថា អាជ្ញាធរភូមិឃុំ បានចុះទៅហាមឃាត់បុគ្គលនោះដែរ ប៉ុន្តែគេមិនស្តាប់ ខណៈដែលអាជ្ញាធរស្រុកវិញ បានត្រឹមតែមកសន្យាហើយ សន្យាទៀត អូសបន្លាយរាប់ខែ គ្មានដំណោះស្រាយ។ប្រជាពលរដ្ឋ ជាម្ចាស់ស្រែ ជាប់មាត់ប្រឡាយ ដែលគេរំលោភយក នៅក្នុងឃុំសម្រោងក្រោម ស្រុក បន្ទាយមាស បានលើកឡើងថា នៅឃុំនេះ មានប្រឡាយទឹកបន្សល់ទុកពីសម័យ ប៉ុលពត ជាច្រើនខ្សែ ដែលបច្ចុប្បន្ន ប្រឡាយទឹកនេះ បានក្លាយជាផ្លូវសម្រាប់ចេញចូលផ្ទះរបស់អ្នកភូមិ។ កន្លងមក មិនមាន ពលរដ្ឋណាម្នាក់ហ៊ានចាក់ដីលុប ឬធ្វើរបងបិទផ្លូវប្រឡាយនោះទេ តែម្ចាស់ទីតាំងដីជាប់ផ្លូវជាតិម្នាក់ ពិតជាំមានឥទ្ធិពលខ្លាំងណាស់ ព្រោះអាជ្ញាធរភូមិឃុំ បានចុះហាមឃាត់ច្រើនដង ប៉ុន្តែគេនៅតែមិនស្តាប់ រហូតដល់ពលរដ្ឋ បានដាក់ពាក្យស្នើសុំបើកផ្លូវដល់រដ្ឋបាលខេត្ត ហើយរដ្ឋបាលខេត្ត បានចុះមកពិនិត្យ និង ឱ្យរក្សាប្រឡាយទុកដូចដើម។ ប៉ុន្តែអ្វីដែលគួរឱ្យឆ្ងល់នោះ គឺអាជ្ញាធរស្រុកបន្ទាយមាស ដែលបានសន្យាថា ជួយដោះស្រាយម្តងហើយម្តងទៀត រាប់ខែទៅហើយ នៅតែគ្មានលទ្ធផលបន្តិចសោះ។ប្រជាពលរដ្ឋ បានបញ្ជាក់ថា ការបិទផ្លូវប្រឡាយនេះ គឺជាបិទផ្លូវធ្វើដំណើររបស់ពួកគេ ពីផ្ទះទៅផ្លូវ ជាតិ។ ប្រជាពលរដ្ឋ នឹងវាយជញ្ជាំងរបងបិទផ្លូវប្រឡាយនេះចេញ ក្នុងពេលឆាប់ៗ ប្រសិនបើអាជ្ញាធរស្រុក គ្មានដំណោះឱ្យពួកគេ។ ប្រជាពលរដ្ឋទាំង៧០គ្រួសារ ស្នើឱ្យអាជ្ញាធរ និងជំនាញពាក់ព័ន្ធ ជាពិសេសឯកឧត្តមអភិបាលខេត្ត ជួយពន្លឿនដោះស្រាយបើកផ្លូវជូនពួកគេប្រើប្រាស់ដូចដើមវិញ ឱ្យបានឆាប់រហ័ស៕អត្ថបទ៖ អន សារឹម

ឯកឧត្តម ប្រាក់ សុវណ្ណ ៖ ក្រោមការដឹកនាំដ៏ឈ្លាសវៃរបស់សម្ដេចតេជោ ធ្វើការទប់ស្កាត់ការរីករាលដាលជំងឺកូវីដ-១៩ ប្រកបដោយប្រសិទ្ធភាព

ព្រះវិហារ ៖ អភិបាលខេត្តព្រះវិហារ មានប្រសាសន៍ថា កម្ពុជាក្រោមការដឹកនាំដ៏ឈ្លាសវៃរបស់ សម្ដេចតេជោ ហ៊ុន សែន ជាប្រមុខដឹកនាំរាជរដ្ឋាភិបាល បានសហការជាមួយអង្គការសុខភាពពិភពលោក និងភាគីពាក់ព័ន្ធផ្សេងៗ ធ្វើការទប់ស្កាត់ការឆ្លងរីករាលដាលនៃជំងឺកូវីដ–១៩ ប្រកបដោយប្រសិទ្ធភាព ដោយគ្មានការឆ្លងរីករាលដាលនៅក្នុងសហគមន៍ គ្មានករណីស្លាប់។ថ្លែងក្នុងពិធីបើកកិច្ចប្រជុំក្រុមការងារជំរុញ ណែនាំ និងតាមដានការអនុវត្តវិធានសុវត្ថិភាពទេសចរណ៍ខេត្ត នៅព្រឹកថ្ងៃទី០៦ ខែតុលា ឆ្នាំ២០២០ ឯកឧត្តម ប្រាក់ សុវណ្ណ អភិបាលខេត្តព្រះវិហារ បានបញ្ជាក់ទៀតថា បច្ចុប្បន្ន កម្ពុជាក៏ដូចជា បណ្ដាប្រទេសនៅក្នុងពិភពលោក បានទទួលរងនូវផលប៉ះពាល់យ៉ាងធ្ងន់ធ្ងរពីជំងឺកូវីដ–១៩ ដ៏កាចសាហាវនេះ ដែលបានឆ្លងដល់មនុស្សជាង ៣៥ លាននាក់ និងបានសម្លាប់មនុស្សអស់ជាង ១.០៤៥.០០០នាក់ ផងដែរ។ឯកឧត្តម ប្រាក់ សុវណ្ណ បានបន្ថែមថា សម្រាប់កម្ពុជា សម្ដេចតេជោ ហ៊ុន សែន នាយករដ្ឋមន្ត្រីក៏បានដាក់ចេញនូវវិធានការនានា ដើម្បីជួយសង្គ្រោះអាជីវកម្ម សេវាកម្ម បុគ្គលិកបម្រើការងារ និងប្រជាពលរដ្ឋក្រីក្រ ដែលរងផលប៉ះពាល់ដោយជំងឺកូវីដ–១៩ ជាបន្តបន្ទាប់ផងដែរ។ មានតែករណីវិជ្ជមាននាំចូលតិចតួច ហើយដែលបានទទួលការត្រួតពិនិត្យព្យាបាលថែទាំដោយគ្រូពេទ្យជំនាញកម្ពុជា គ្រូពេទ្យស្ម័គ្រចិត្ត ក៏ដូចជាអាជ្ញាធរពាក់ព័ន្ធ ប្រកបដោយភាពហ្មត់ចត់។ក្នុងឱកាសនោះ ឯកឧត្តម អភិបាលខេត្តព្រះវិហារ ឯកឧត្តម ប្រាក់ សុវណ្ណ បានណែនាំ ដល់ស្ថាប័នពាក់ព័ន្ធ ត្រូវអនុវន្ដបន្ដវិធានការ ៖ ១.ឯកភាពតាមទិសដៅដែលបានលើកឡើង និងសូមលេខាធិការដ្ឋានក្រុមការងារសហការជាមួយមន្ទីរ-អង្គភាពពាក់ព័ន្ធ អាជ្ញាធរដែនដី ដើម្បីបន្តចុះផ្សព្វផ្សាយវិធានសុវត្ថិភាពទេសចរណ៍ និងត្រួតពិនិត្យពីការអនុវត្តរបស់ប្រតិបត្តិករទេសចរណ៍បន្ថែមទៀត ស្របតាមគោលការណែនាំ។ ២. ក្នុងដំណាក់កាលចំពោះមុខ ត្រូវធានាឱ្យបាននូវការមិនឆ្លងកូវីដ–១៩ នៅក្នុងសហគមន៍ ដោយត្រូវគោរពឱ្យបាននូវការប្រតិបត្តិតាមវិធានសុវត្ថិភាព និងអនាម័យ ដែលជាមូលដ្ឋាននៃការកសាងទំនុកចិត្ត និងភាពជឿជាក់ដល់ភ្ញៀវទេសចរជាតិ និងអន្តរជាតិ ដែលជាកត្តាចាំបាច់មិនអាចខ្វះបាន នៃការចាប់ផ្ដើមឡើងវិញនៃវិស័យទេសចរណ៍នៅក្នុងខេត្ត និងក្នុងប្រទេសទាំងមូល។ ៣.ទន្ទឹមនឹងការទប់ស្កាត់ការឆ្លងរីករាលដាលនៃជំងឺកូវីដ១៩ ក្រោមយន្តការនៃគណៈកម្មការអភិវឌ្ឍទេសចរណ៍ខេត្ត ខ្ញុំសូមមន្ទីរទេសចរណ៍ បន្តយកចិត្តទុកដាក់បន្ថែមទៀតក្នុងការសហការជាមួយមន្ទីរ-អង្គភាពពាក់ព័ន្ធ រដ្ឋបាលក្រុង-ស្រុក ដើម្បីពង្រឹងបន្ថែមនូវការគ្រប់គ្រងគោលដៅទេសចរណ៍ដែលមានស្រាប់ ដូចជា សហគមន៍ទេសចរណ៍ សហគមន៍គោលដៅទេសចរណ៍ និងអភិវឌ្ឍពង្រីកបន្ថែមទៀត នូវគោលដៅទេសចរណ៍ថ្មីៗ ដោយផ្សារភ្ជាប់នូវមូលដ្ឋានជនបទដើម្បីទាក់ទាញភ្ញៀវទេសចរបន្ថែមទៀត។ ៤.មន្ទីរទេសចរណ៍ ត្រូវសហការជាមួយ មន្ទីរបរិស្ថាន មន្ទីរកសិកម្ម និងសមត្ថកិច្ចពាក់ព័ន្ធផ្សេងទៀត ដើម្បីរៀបចំយន្តការគ្រប់គ្រងគោលដៅទេសចរណ៍នៅភ្នំត្បែងឱ្យបានត្រឹមត្រូវ និងធានាបាននូវប្រសិទ្ធភាព និរន្តរភាពបរិស្ថាន។តាមរយៈសកម្មភាព និងលទ្ធផលការងារសម្រេចបាន ឯកឧត្តម ប្រាក់ សុវណ្ណ អភិបាលខេត្តព្រះវិហារ ថ្លែងអំណរគុណចំពោះការចូលរួមសហការ គាំទ្រ ពីអាជ្ញាធរដែនដី មន្ទីរ–អង្គភាព ពាក់ព័ន្ធ ក្នុងនោះ មាន មន្ទីរ សុខាភិបាល ផងដែរ ចូលរួមផ្សព្វផ្សាយពីបញ្ហាការឆ្លងជំងឺកូវីដ–១៩ ៕

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

កំពត ៖ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត បានក្រើនរំលឹកដល់ក្រុមការងារ ឱ្យបន្តពង្រឹង សកម្មភាពការងារ បំពេញចំណុចខ្វះខាតរបស់ខ្លួនបន្ថែមទៀត ដើម្បីបន្តដោះស្រាយបញ្ហា សំណូមពរ និង ទំនាស់នានា នៅមូលដ្ឋាន ក្នុងគោលបំណងបញ្ចៀសភាពអសកម្ម ដែលអាចបង្កឱ្យមានភាពថ្នាំងថ្នាក់ពីសំណាក់ប្រជាពលរដ្ឋ ហើយជះឥទ្ធិពលអវិជ្ជមានដល់ការគាំទ្ររាជរដ្ឋាភិបាល។ក្នុងកិច្ចប្រជុំបូកសរុបលទ្ធផលសកម្មភាពការងារវេទិកាសាធារណៈ ត្រីមាសទី៣ និងលើកទិសដៅ អនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋាន ក្រុង ស្រុក ក្នុងខេត្តកំពត កាលពីថ្ងៃទី០៥ តុលា ម្សិលមិញ ឯកឧត្តម ទេសរដ្ឋមន្ត្រី ចម ប្រសិទ្ធ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត បានលើកឡើងថា គោលនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា គឺពិតជា បានដើរតួនាទីយ៉ាងសំខាន់ ក្នុងការបម្រើសេវាជូនប្រជាពលរដ្ឋនៅមូលដ្ឋានទាន់ពេលវេលា និងប្រកប ដោយប្រសិទ្ធភាពខ្ពស់។ឯកឧត្ដម បានបញ្ជាក់ថា ជាក់ស្តែង នៅក្នុងដំណាក់កាលប្រទេសជួបវិបត្តិកូវីដ១៩ ក្រុមការងារ រាជរដ្ឋាភិបាល បានធ្វើសកម្មភាពយ៉ាងផុលផុស ក្នុងការអប់រំផ្សព្វផ្សាយ ដល់ខ្នងផ្ទះប្រជាពលរដ្ឋ ដើម្បី គ្រប់គ្រងទិន្នន័យ និងចូលរួមបរិច្ចាគ តាមគ្រប់រូបភាពផ្សេងៗ សម្រួលដល់ការដោះស្រាយជីវភាពប្រជា ពលរដ្ឋខ្វះខាត និងបង្ការទប់ស្កាត់មិនឱ្យជំងឺកូវីដ១៩ ឆ្លងដល់សហគមន៍។ឯកឧត្តម ជាវ តាយ អភិបាលខេត្តកំពត បានធ្វើរបាយការណ៍ថា ក្នុងត្រីមាសទី៣ ឆ្នាំនេះ ក្រុមការ ងារ បានចុះធ្វើវេទិកាសាធារណៈ ចំនួន២១៦លើក លើ៩៣ឃុំ-សង្កាត់ មានការចូលរួមពីក្រុមការងារចំនួន ជាង២ពាន់៥រយនាក់ និងប្រជាពលរដ្ឋ ចំនួនជាង១ម៉ឺននាក់ ដោយប្រមូលបានបញ្ហា និងសំណូមពរ ចំនួន ជិត៧ពាន់ករណី ដែលក្នុងករណីទាំងនេះ មួយចំនួនត្រូវបានដោះស្រាយរួច និងមួយចំនួនបាននឹងកំពុង ដោះស្រាយ៕អត្ថបទ៖ អន សារឹម

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

ស្វាយរៀង ៖ យុវជនជាទំពាំងដែលត្រូវស្នងឫស្សី គប្បីបង្កើនការសិក្សារៀនសូត្រ មុខជំនាញវិជ្ជាជីវៈ ពិសេសស្វែង យល់ពីរបកគំហើញថ្មី នៃការដឹកនាំរបស់គណបក្សប្រជាជនកម្ពុជា ដើម្បីក្លាយខ្លួនជាអ្នកបន្តវេនពីមនុស្ស ចាស់ ខណៈដែលសង្គមជាតិ ពឹងផ្អែកមកលើយុវជនៗពីពេលនេះ និងទៅអនាគត។ឯកឧត្តម ង៉ូយ ហាក់ ប្រធានក្រុមការងារគណបក្សប្រជាជនកម្ពុជា ចុះជួយឃុំកំពង់ត្រាច ស្រុក រមាសហែក ខេត្តស្វាយរៀង ក្នុងពិធីប្រកាសបញ្ចូលសមាជិក សមាជិកា គណបក្សប្រជាជនកម្ពុជាថ្មី ចំនួន ជាង៩០នាក់ កាលពីថ្ងៃទី០៥ ខែតុលា ម្សិលមិញ បានជំរុញយុវជនវ័យក្មេង ឱ្យបន្តសិក្សារៀនសូត្រ និងវិជ្ជាជីវៈផងនោះឱ្យ បានគ្រប់ៗគ្នា ពិសេសសិក្សាស្វែងយល់ពីប្រវត្តិ នៃការដឹកនាំគណបក្សប្រជាជនឱ្យបានស៊ីជម្រៅ សំដៅ បង្កើនសមត្ថភាពខ្លួនឯង ត្រៀមទទួលរ៉ាប់រងការងារពីមនុស្សចាស់ពីពេលនេះ និងទៅអនាគត ខណៈ ដែលប្រទេសជាតិ បាននឹងកំពុងតែពឹងផ្អែកមកលើយុវជន។ឯកឧត្តម បានបញ្ជាក់ថា ប្រទេសជាតិ មានការរីកចម្រើន ឯកភាពជាតិ និងអភិវឌ្ឍបាន អាស្រ័យ ទៅលើពលរដ្ឋ ពិសេសយុវជន ដែលមានសមត្ថភាព និងចំណេះដឹងខ្ពស់ ចំណេះធ្វើ ពិសេសការដឹកនាំ ជាមូលដ្ឋាន។ ដើម្បីធ្វើឱ្យប្រទេសរីកលូតលាស់នៅក្នុងតំបន់ យុវជន ទោះបានបញ្ចប់ការសិក្សា ឬមិនទាន់ បានបញ្ចប់ ក៏ត្រូវតែបន្តសិក្សាស្វែងយល់ ដើម្បីបង្កើនសមត្ថភាពក្នុងការដឹកនាំ និងធ្វើការផលិត ផលិត ផលបម្រើជីវភាព និងនាំទៅកាន់ទីផ្សារ ក្នុង និងក្រៅប្រទេស បង្កើនប្រាក់ចំណូលគ្រួសារ និងឆ្លើយតបទៅ នឹងតម្រូវការប្រើប្រាស់ ក្នុងពេលប្រទេស ក៏ដូចពិភពលោកប្រឈមនឹងបញ្ហាកូវីដ–១៩។ទាក់ទងទៅនឹងសភាពការណ៍ប្រទេសជាតិ ក៏ដូចពិភពលោក ក្នុងអន្តរកាលនៃវិបត្តិកូវីដ–១៩នេះ ឯកឧត្តម ប្រធានក្រុមការងារចុះជួយឃុំ បានជំរុញដល់យុវជន ត្រូវបន្តចលនា រក្សាការពារ សន្តិសុខ មូលដ្ឋាន តាមរយៈវាយបករាល់សកម្មភាពដែលជនអគតិមួយចំនួន បំពុលសភាពការណ៍ បង្កចលាចល ឱ្យ ទាន់ពេលដែលអាចធ្វើបាន ពីព្រោះយុវជន ជាជនម្នាក់ ដែលគណបក្សផ្តល់សេចក្តីទុកចិត្ត ឱ្យចូលរួមអនុ វត្តគោលនយោបាយភូមិឃុំមានសុវត្ថិភាព និងបន្តចលនាពលរដ្ឋ ធ្វើអនាម័យភូមិស្ថាន បញ្ចៀសជំងឺ តម្កាត់ ពិសេស កូវីដ១៩៕អត្ថបទ៖ ភា សារិត

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

មណ្ឌលគិរី៖ មន្ត្រីឧទ្យានុរក្ស នៃក្រសួងបរិស្ថានចំនួន ១២០០ នាក់បាននឹងកំពុងបំពេញតួនាទីជាឆ្នាំព្រៃ ការពារ និងអភរិក្សធនធានធម្មជាតិ ដោយបានចុះទប់ស្កាត់ និងបង្ក្រាបបទល្មើសធនធានធម្មជាតិ ប្រកបដោយការទទួលខុសត្រូវខ្ពស់ នៅតាមបណ្តាតំបន់ការពារធម្មជាតិនានាក្នុងប្រទេសកម្ពុជា។ តាមរយៈការខិតខំប្រឹងប្រែងរបស់មន្ត្រីឧទ្យានុរក្សជាច្រើនឆ្នាំកន្លងទៅនេះ បទល្មើសធនធានធម្មជាតិ ទ្រុងទ្រាយធំ លែងមានទៀតហើយ។ បច្ចុប្បន្ននេះ កម្ពុជាយើងមានតំបន់ការពារធម្មជាតិ និងរបៀងអភិរក្សជីវៈចម្រុះសរុបចំនួន ៦៦កន្លែង ដែលក្នុងនោះ មានឧទ្យានជាតិ ដែនជម្រកសត្វព្រៃ តំបន់ប្រើប្រាស់ច្រើនយ៉ាង តំបន់ការពារទេសភាព និងតំបន់រ៉ាមសារដែលមានផ្ទៃដីសរុប ៧,៣ លានហិតាស្មើប្រមាណ ៤១%នៃផ្ទៃដីសរុបរបស់ប្រទេស កម្ពុជាដែលត្រូវគ្រប់គ្រងដោយក្រសួងបរិស្ថាន។ចំពោះតំបន់ការពារធម្មជាតិនៅក្នុងខេត្តមណ្ឌលគិរី មានចំនួន ៦កន្លែង មានផ្ទៃដីសរុបប្រមាណ ១លានហិតា ដែលក្នុងនោះ រួមមានដែនជម្រកសត្វព្រៃកែវសីមា ដែនជម្រកសត្វព្រៃស្រែពក ដែនជម្រកសត្វ ព្រៃណាមលៀរ ដែនជម្រកសត្វព្រៃលំផាត់ ដែនជម្រកសត្វព្រៃភ្នំព្រេច និងរបៀងអភិរក្សជីវចម្រុះ ឦសាន។ នៅក្នុងការគ្រប់គ្រងអភិរក្សតំបន់ការពារធម្មជាតិទាំងនេះ មន្ទីរបរិស្ថានមានមន្ត្រី ឧទ្យានុរក្ស សរុបចំនួន ១០៤នាក់ ដែលចំនួននេះនៅមិនទាន់ ឆ្លើយតបនៅឡើយជាមួយទំហំដីដែលត្រូវអភិរក្ស និងការពារ។ ជុំវិញបញ្ហានេះក្រសួងបរិស្ថាន បានអំពាវនាវ ឲ្យមានការរួមគ្នាពីប្រជាពលរដ្ឋ អាជ្ញាធរមូលដ្ឋាន ដើម្បីរក្សាធនធានធម្មជាតិ សម្រាប់មនុស្ស ជំនាន់ ក្រោយ។ក្នុងការងារអភិរក្សធនធានធម្មជាតិនៅក្នុងខេត្តមណ្ឌលគិរីនេះដែរ ក៏មានការគាំទ្រផ្នែកបច្ចេកទេស ពីអង្គការដៃគូនានាដូចជាអង្គការសមាគមអភិរក្សសត្វព្រៃ WCS ជាដើម។នៅក្នុងរយៈពេល ៩ខែឆ្នាំ២០២០ នេះមន្ត្រីឧទ្យានុរក្ស នៃមន្ទីរបរិស្ថានខេត្តមណ្ឌលគិរី បានចុះល្បាត ក្នុងតំបន់ការពារធម្មជាតិចំនួន២៩៩៥ លើកដោយបានបង្ក្រាបបទល្មើសធនធានធម្មជាតិបានចំនួន ១៥២៨ករណី ដែលក្នុងនោះ បានបញ្ជូនសំណុំរឿងទៅតុលាការចំនួន ៨៤ករណី ពិន័យអន្តរការណ៍ ចំនួន ២៦ករណី រឹបអូសរណាយន្តបានចំនួន ៣៦៤គ្រឿង ចាប់ឃាត់រថយនកតចំនួន ៣៤គ្រឿង ដោះអន្ទាក់ចម្រុះ សរុបចំនួន ២៩៥៧ខ្សែ។ នេះបើយោងតាមរបាយការណ៍របស់ មន្ទីរបរិស្ថានខេត្ត មណ្ឌលគិរី។ រដ្ឋលេខាធិការក្រសួងបរិស្ថានរូបនេះ បានគូសបញ្ជាក់ថា តាមរយៈការខិតខំ ប្រឹងប្រែងរបស់មន្ត្រី ឧទ្យានុរក្សនៅក្នុងរយៈពេល ជាច្រើនឆ្នាំមកនេះ បទល្មើសធនធានធម្មជាតិទ្រុងទ្រាយធំលែងកើត មានទៀតហើយ តែនៅសល់បទល្មើសទ្រុងទ្រាយតូចដែលចាំបាច់សមត្ថកិច្ចជំនាញត្រូវបន្តខិតខំ បន្ថែមទៀត ដើម្បីទប់ស្កាត់និងបង្ក្រាបដើម្បីថែរក្សាធនធានធម្មជាតិ ព្រៃឈើ សត្វព្រៃដែលកម្ពុជា មាន៕ អត្ថបទ៖ ជាតា

អគ្គនាយកដ្ឋានអន្តោប្រវេសន៍ បន្តណែនាំមន្ត្រីតាមច្រកព្រំដែនទាំងអស់ ត្រូវបង្កើនការគ្រប់គ្រង់ពលរដ្ឋលួចឆ្លងដែន

ភ្នំពេញ៖ អគ្គនាយកដ្ឋានអន្តោប្រវេសន៍ នាយឧត្តមសេនីយ៍ គៀត ច័ន្ទថារិទ្ធ បានណែនាំទៅដល់មន្ត្រីនៅតាមច្រកព្រំដែនទាំងអស់ ត្រូវបង្កើនការគ្រប់គ្រង់ពលរដ្ឋឆ្លងដែនដោយខុសច្បាប់ ដើម្បីធានាឲ្យបាននូវសន្តិសុខ សណ្ដាប់ធ្នាប់សាធារណៈ នៅតាមច្រកទ្វាព្រំដែន និងទប់ស្កាត់ការចំណាកស្រុកដោយខុសច្បាប់ ដើម្បីបង្ការការរីករាលដាលនូវជំងឺឆ្លងកូវីដ១៩ ខណៈមេរោគនេះនៅតែបន្តផ្ទុះឡើងនោះ។ការណែនាំបែបនេះ គឺបន្ទាប់ពីពិនិត្យឃើញថា បើទោះបីជាជំងឺកូវីដ១៩ នៅតែបន្តរាតត្បាតជាសកល ប៉ុន្តែ ពលករខ្មែរនៅតែព្យាយាមឆ្លងដែនខុសច្បាប់តាមខ្សែបន្ទាត់ព្រំដែនកម្ពុជា–ថៃ កើតមានជារៀងរាល់ថ្ងៃ ដោយសារតែកត្តាជីវភាព និងតាមការអូសទាញពីសំណាកមេខ្យល់ ដើម្បីចេញទៅធ្វើការងារ ខណៈក្នុងខែកញ្ញាកន្លងទៅនេះ ភាគីថៃ បានចាប់បញ្ជូនត្រឡប់មកវិញ ចំនួន ៣៦លើក ស្មើនឹង ៩៩៥ នាក់ ក្នុងនោះ ស្រី ១៦៩ នាក់ និងកុមារ ៦០ នាក់។ថ្លែងនៅក្នុងកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅការងារបន្តខែតុលា ឆ្នាំ២០២០ របស់អគ្គនាយកដ្ឋានអន្តោប្រវេសន៍ នាព្រឹកថ្ងៃទី០៦ តុលានេះ នៅអគ្គនាយករដ្ឋានអន្តោប្រវេសន៍ ឯកឧត្ដម នាយឧត្តមសេនីយ៍ បានលើកឡើងថា «មន្ត្រីនគរបាលអន្តោប្រវេសន៍ ទាំងអស់ ត្រូវបង្កើនកិច្ចសហការជាមួយ មន្ត្រីពាក់ព័ន្ធទាំងអស់ ដើម្បីបម្រើសេវាសាធារណៈជូនភ្ញៀវជាតិ និងអន្តរជាតិ ឲ្យកាន់តែមានប្រសិទ្ធភាពខ្ពស់បន្ថែមទៀត ជាពិសេសត្រូវបង្កើនកិច្ចការងារគ្រប់ ជនអន្តោប្រវេសន៍ឆ្លងដែនដោយខុសច្បាប់ និងពលរដ្ឋខ្មែរ លួចឆ្លងដោយសុខច្បាប់ ជាពិសេសប្រទេសថៃ ខណៈរាជរដ្ឋាភិបាលថៃ បានប្រកាសដាក់ប្រទេសស្ថិតនៅក្នុងគ្រាអាសន្នមួយខែបន្ថែមទៀតនោះ»។ឯកឧត្ដមបន្តថា ក្នុងនាមជាមន្ត្រីនគរបាលអន្តោប្រវេសន៍ ទាំងអស់ត្រូវមានស្មារតីទទួលខុសត្រូវខ្ពស់ មានវិន័យ សេចក្ដីថ្លៃថ្នូរ ចេះគោរព និងឲ្យតម្លៃគ្នាទៅវិញទៅមក ដើម្បីប្រយោជន៍ជាតិ និងប្រជាជន និងជៀសវាងដាច់ខាតនូវការប្រើប្រាស់មុខងារ និងសិទ្ធិអំណាចរបស់ខ្លួន ដើម្បីប្រព្រឹត្តអំពើមិនគប្បី ការប្រព្រឹត្តអំពើពុករលួយ ការប្រកាន់បក្សពួក និងត្រូវប្រកាន់ខ្ជាប់នូវគុណសម្បត្តិ ៤យ៉ាង គឺ ឆន្ទៈម្ចាស់ការ មនសិការវិជ្ជាជីវៈ ភក្ដីភាព និងវប្បធម៌សេវាសាធារណៈ។បើតាមរបាយការណ៍របស់អគ្គនាយកដ្ឋានគរបាលអន្តោប្រវេសន៍បានឲ្យដឹងថា គិតចាប់ពីថ្ងៃទី២៣ សីហា ដល់ថ្ងៃទី២២ កញ្ញាឆ្នាំ២០២០ មានពលរដ្ឋខ្មែរ ចេញទៅក្រៅប្រទេស មានចំនួនជិត ១ម៉ឺននាក់ ក្នុងនោះ ចេញជាលក្ខណៈអន្តរជាតិ ៧,១៩៤នាក់ និងជាជលក្ខណៈតំបន់ព្រំដែនចំនួន ២,៦១៧នាក់ ខណៈពលរដ្ឋខ្មែរដែលធ្វើដំណើរមកកាន់ប្រទេសកម្ពុជា មានចំនួន ជិត ៨ ពាន់នាក់ ក្នុងនោះ ពលរដ្ឋខ្មែរ ដែលត្រូវបានអាជ្ញាធរបរទេសបញ្ជូនត្រឡប់មកវិញមានចំនួន ៣៩ លើក ស្មើនឹង ៥៤៥នាក់ ស្រី ១៨៣នាក់ និងកុមារ ៤០ នាក់៕ អត្ថបទ៖ បាន ចក់

អាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា-ថៃ រួមគ្នាបើកវគ្គបណ្តុះបណ្តាលជំនាញទប់ស្កាត់គ្រឿងញៀននៅកម្ពុជា

ភ្នំពេញ៖ អាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា និងក្រុមប្រឹក្សាត្រួតពិនិត្យគ្រឿងញៀនថៃ បានធ្វើការសហការគ្នារៀបចំវគ្គបណ្តុះបណ្តាល ស្តីពីការគ្រប់គ្រងត្រួតពិនិត្យសារធាតុគីមីផ្សំស្ថិតក្រោមបញ្ញត្តិ នៃច្បាប់ ស្តីពីការត្រួតពិនិត្យគ្រឿងញៀន សម្រាប់ក្រុមហ៊ុន និងរោងចក្រនានា ដែលកំពុងប្រតិបត្តិការនៅប្រទេសកម្ពុជា ដើម្បីជំរុញឲ្យមានការចូលរួមចំណែកក្នុងការទប់ស្កាត់នៃការសំយោគគ្រឿងញៀននៅកម្ពុជា។ថ្លែងនៅក្នុងវគ្គបណ្តុះបណ្តាលនោះ ឯកឧត្តម មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន បានលើកឡើងថា ក្រុមឧក្រិដ្ឋជនអន្តរជាតិ ដែលមានអង្គការចាត់តាំងច្បាស់លាស់ មានមហិច្ឆតាចិញ្ចឹមចិត្តឃុបឃិតជាមួយក្រុមឧក្រិដ្ឋជននៅក្នុងស្រុក ធ្វើសកម្មភាពល្មើសច្បាប់ជាច្រើនរូបភាព ដើម្បីរកផលចំណេញឲ្យក្រុមបក្សពួករបស់ពួកគេ ស្របពេលដែលយើងទាំងអស់គ្នាមានការខ្វះចន្លោះ ក្នុងការអនុវត្តច្បាប់នោះ។ឯកឧត្តម បានបន្តថា ការចរាចរគ្រឿងញៀនខុសច្បាប់នៅក្នុងតំបន់ក៏ដូចជាសកលលោកពុំមាន សញ្ញាថមថយនៅឡើយនោះទេ ខណៈការដាំដុះអាភៀន និងកញ្ឆាមានការថយចុះ ប៉ុន្តែ ផ្ទុយទៅវិញគ្រឿង ញៀនសំយោគមានការកើនឡើងគួរឲ្យកត់សម្គាល់ ក្នុងខណៈគ្រឿងញៀនសំយោគនេះ កើតចេញពីការយកសារធាតុគីមីផ្សំជាច្រើនប្រភេទគ្រឿងញៀនមកសំយោគនោះ។បញ្ហាខាងលើនេះហើយ ដែលទាមទារឲ្យភាគីជាប់ពាក់ព័ន្ធទាំងអស់ត្រូវមានវិធានការគ្រប់គ្រងការប្រើប្រាស់សារធាតុគីមីផ្សំស្ថិតក្រោមបញ្ញាត្តិនៃ ច្បាប់ស្តីពីការត្រួតពិនិត្យគ្រឿងញៀនឲ្យបានច្បាស់លាស់ ដើម្បីទប់ស្កាត់ការបង្វែរខុសច្បាប់យកទៅសំយោគកែច្នៃផលិតគ្រឿងញៀនខុសច្បាប់នៅក្នុងប្រទេសកម្ពុជានោះ។ឯកឧត្ដមបានបន្តទៀតថា ក្រុមហ៊ុន និងរោងចក្រទាំងអស់ ដែលបានស្នើសុំនាំចូលចែកចាយ និងប្រើប្រាស់សារធាតុគីមិផ្សំស្ថិតក្រោមបញ្ញត្តិ នៃច្បាប់ស្តីពីការត្រួតពិនិត្យគ្រឿងញៀន ត្រូវគ្រប់គ្រង និងរក្សាទុកសារធាតុគីមីទាំងនោះ ឲ្យបានត្រឹមត្រូវតាមលក្ខណៈបច្ចេកទេស និងគោលការណ៍ណែនាំរបស់ក្រសួងស្ថាប័នមានសមត្ថកិច្ចពាក់ព័ន្ធទាំងអស់។ជាមួយគ្នានោះដែរ ឯកឧត្តមមាស វិរិទ្ធ ក៏បានអំពាវនាវដល់សិក្ខាកាម ដែលជាតំណាងឲ្យក្រុមហ៊ុន និងរោងចក្រទាំងអស់ត្រូវខិតខំក្រេបចំណេះដឹង និងជំនាញទាំងនេះពីគ្រូ ដែលបានធ្វើការបណ្ដុះបណ្ដាល ដើម្បីធ្វើយ៉ាងណារួមគ្នាលុបបំបាត់គ្រឿងញៀននៅក្នុងប្រទេសកម្ពុជា ជាពិសេសរួមគ្នាឲ្យប្រទេសកម្ពុជាយើងមានសុខសន្តិភាព ប្រជាជនមានសុខុមាលភាពល្អ ជីវភាពរស់នៅថ្កុំថ្កើង និងសង្គមជាតិមានការអភិវឌ្ឍ បន្ថែមទៀត៕ អត្ថបទ៖ បាន ចក់

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ

ភ្នំពេញ៖ ឯកឧត្ដម អ៊ូក សោភ័ណ ឯកអគ្គរាជទូតកម្ពុជាប្រចាំទីក្រុងបាងកក ប្រទេសថៃ បានឲ្យដឹងថា ថៃស្នើឲ្យកម្ពុជាពន្លឿនការបញ្ជូនពលករ១ពាន់នាក់ទៅធ្វើការនៅប្រទេសថៃ ក្នុងនោះភាគីនឹងទទួលបន្ទុកលើការចំណាយធ្វើចត្តាឡីស័ក រួមទាំងផ្តល់ការតាមដានសុខភាពជាប្រចាំជូនពលករ។ថ្លែងក្នុងសម្ភាសន៍ជាមួយ BTV នៅថ្ងៃទី៦ ខែតុលា ឆ្នាំ២០២០នេះ ឯកឧត្តម អ៊ូក សោភ័ណ ឯកអគ្គរាជទូតកម្ពុជា ប្រចាំទីក្រុងបាងកក បានមានប្រសាសន៍ថា កាលពីពេលកន្លងទៅ ក្នុងជំនួបពិភាក្សារវាងអាជ្ញាខេត្តបាត់ដំបង និងខេត្តចាន់ថាក់បុរី ភាគីថៃ បានស្នើឲ្យកម្ពុជាបញ្ជូនពលករចំនួន៥០០នាក់ ដើម្បីទៅបន្តការងារនៅប្រទេសពាក់ព័ន្ធនឹងវិស័យកសិកម្ម ប៉ុន្តែ ទន្ទឹមនឹងការស្នើពីភាគីថៃ កម្ពុជាបានសម្រេចបន្ថែមចំនួនពលករដែលនឹងត្រូវនៅធ្វើការប្រទេសថៃចំនួន១ពាន់នាក់ ខណៈភាគីថៃ និងសមាគមអ្នកវិនិយោគចម្ការមៀនថៃឯកភាពនឹងចំណាយការធ្វើចត្តាឡីស័កជូនបងប្អូនពលករ។ឯកឧត្ដម អ៊ូក សោភ័ណ បានគូសបញ្ជាក់ទៀតថា ដើម្បីចូលរួមទប់ស្កាត់ការឆ្លងរាតត្បាតនៃជំងឺកូវីដ១៩ ភាគីកម្ពុជា-ថៃនឹងសម្របសម្រួលការចេញចូល និងអនុវត្តយ៉ាងតឹងរឹងចំពោះវិធានសុខាភិបាល ដូចជាការពិនិត្យសុខភាពជាប្រចាំពីអាជ្ញាធរថៃផងដែរ។ដោយឡែក អំឡុងកិច្ចប្រជុំរវាងឯកឧត្ដម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ ជាមួយឯកឧត្ដម សុឆាត ឈុំគ្លិន រដ្ឋមន្ត្រីក្រសួងការងារថៃ កាលពីដើមខែតុលានេះ ភាគីថៃបានឯកភាពជួយសម្រួលដល់ពលករកម្ពុជាដែលបានដំណើរការចូលមកធ្វើការក្នុងប្រទេសថៃតាមប្រព័ន្ធMoU ដើម្បីអាចធ្វើការបានដោយបណ្ដោះអាសន្ននៅប្រទេសថៃ, បញ្ចុះតម្លៃទិដ្ឋាការស្នាក់នៅ ពី១, ៩០០បាត ក្នុង១ឆ្នាំ ទៅតម្លៃ ៥០០បាត សម្រាប់រយៈពេល២ឆ្នាំ ដល់ពលករខ្មែរ, សម្រួលបើកឱ្យនាំចូលពលករបរទេសចូលមកធ្វើការក្នុងប្រទេសថៃតាមប្រព័ន្ធ MOU ដោយបន្ធូរបន្ថយការចំណាយលើថ្លៃចត្តាឡីស័កចំនួន ១៤ថ្ងៃផងដែរ៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងការពារជាតិកម្ពុជា ដឹកនាំគណៈប្រតិភូទៅអូស្ត្រាលីដែលជាធ្វើទស្សនកិច្ចផ្លូវការ និងជាលើកដំបូងក្នុងប្រវត្តិសាស្ត្រ

ប្រទេសអឺរ៉ុបចំនួនប្រាំស្វែងរកកិច្ចព្រមព្រៀងដើម្បីបញ្ជូនជនអន្តោប្រវេសន៍ចេញពីសហភាពអឺរ៉ុប

ជនជាតិចិនម្នាក់ត្រូវបានជួយសង្គ្រោះទាំងនៅមានជីវិតពីផ្លូវរូងក្រោមដីវារីអគ្គិសនីនេប៉ាល់ខណៈអ្នកស្លាប់ឡើងដល់ ១.៣៤២នាក់

ទីក្រុងស៊ីដនី របស់អូស្ត្រាលីញាំញីដោយរលកកម្ដៅខ្លាំងក្នុងនិទាឃរដូវ ខណៈប្រឈមនឹងហានិភ័យភ្លើងឆេះព្រៃធ្ងន់ធ្ងរ

វិមានក្រឹមឡាំង ទាត់ចោលការព្រមានរបស់អ៊ុយក្រែនលើសុវត្ថិភាពដែនអាកាសរុស្ស៊ី

ប្រព័ន្ធផ្សព្វផ្សាយរុស្ស៊ី៖បេសកជនលោក Trump គឺលោក Witkoff និងលោក Kushner បានទៅដល់ទីក្រុងមូស្គូហើយ

មនុស្សជិត៦០ម៉ឺននាក់ ត្រូវបានជម្លៀសដោយសារភ្លៀងធ្លាក់ខ្លាំងពីព្យុះទីហ្វុង Saudel នៅចិនភាគខាងកើត

ប្រទេសម៉ាឡេស៊ីប្រកាសស្ថានភាពគ្រាអាសន្ននៅរដ្ឋសារ៉ាវ៉ាក់ ខណៈផ្សែងអ័ព្ទពីឥណ្ឌូនេស៊ីកាន់តែធ្ងន់ធ្ងរ

រយៈពេលជាង ៥ខែ កម្ពុជាបណ្តេញជនបរទេសចេញជិត ៣ម៉ឺននាក់ និងជិត ២ពាន់នាក់ទៀតត្រៀមបណ្តេញចេញ ពាក់ព័ន្ធករណី Online Scams និងការប្រព្រឹត្តបទល្មើសផ្សេងៗ

ប្រភព៖ប្រធានាធិបតីចិនសម្លឹងរកការនាំក្រុមគណៈប្រតិភូដ៏ច្រើនអមដំណើរលោកទៅទស្សនកិច្ចអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជ្ញាធរខេត្តបាត់ដំបង កំពុងពន្លឿនការជួសជុលតូបដែលឆេះ ដើម្បីពលរដ្ឋឆាប់បានចូលលក់ដូរឡើងវិញ

ការហ្វឹកហ្វឺនបំប៉នគឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាពការងារ និងការអភិវឌ្ឍអង្គភាព

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋ​៧០​គ្រួសារ​កំពុង​អត់​ផ្លូវ​ប្រើប្រាស់ ​ដោយសារ​បុគ្គល​ម្នាក់ ​រំលោភ​យក​ដី​ប្រឡាយ​របស់​រដ្ឋ​

ប្រធាន​ក្រុមការងារ​រាជរដ្ឋាភិបាល ​ចុះ​មូលដ្ឋាន​ខេត្តកំពត​ ប្រាប់​មន្ត្រី​ឱ្យ​កែ​លម្អ​ចំណុច​ខ្វះខាត

យុវជន​ជា​ទំ​ពាង​ស្នង​ឫស្សី​ ត្រូវ​បង្កើន​ការសិក្សា​រៀន​សូត្រ​ ដើម្បី​អនាគត​ខ្លួន​

តាមរយៈ​ការខិតខំ ​របស់​មន្ត្រី​ឧ​ទ្យា​នុ​រក្ស បទល្មើស​ធនធានធម្មជាតិ​ទ្រុងទ្រាយ​ធំ លែងមានទៀតហើយ​

ថៃ​ស្នើ​ឲ្យ​កម្ពុ​ជា ​ពន្លឿន​ការ​បញ្ជូន​ពលករ​ ១​ពាន់​នាក់ ​ទៅ​ធ្វើ​ការ​នៅ​ប្រទេស​ថៃ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ