នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី អំពាវនាវពលរដ្ឋរក្សាភាពស្ងៀមស្ងាត់ និងជឿទុកចិត្តលើរាជរដ្ឋាភិបាល និងកងទ័ព ក្នុង​ការការពារបូរណភាពទឹកដី និងឧត្តមប្រយោជន៍ជាតិ
ព្រះពុទ្ធបដិមា កសាងអំពីស្ពាន់ និងលោហៈ ទម្ងន់៩តោននឹងត្រូវដាក់តាំងបង្ហាញ​នៅព្រលាន​យន្ត​ហោះ​អន្តរជាតិ​តេជោ
សម្តេចធិបតី និងលោកជំទាវបណ្ឌិត អញ្ជើញដឹកនាំគណៈប្រតិភូដល់ប្រទេសបារាំង ប្រកបដោយសុខសុវត្ថិភាព ដើម្បីចូលរួមសន្និសីទ UNOC3 ស្តីពីមហាសមុទ្រ
ស្ពានអាកាសសម្តេចធិបតី ហ៊ុន ម៉ាណែត ត្រូវបានធ្វើពិធីតភ្ជាប់តួស្ពាន ខណៈការសាងសង់​សម្រេចបាន ៨៥ភាគរយហើយ

នយោបាយ​ និង ការអភិវឌ្ឍន៍

ប្រភព៖ លោក Biden បានអនុញ្ញាតដោយសម្ងាត់ក្នុងការឱ្យអ៊ុយក្រែន វាយប្រហារចូលក្នុងរុស្ស៊ី

2024/05/31 08:28:12 am        237
Facebook Telegram Linkin
សារព័ត៌មាន ផូលីធីកខូ (Politico) បានរាយការណ៍កាលពីថ្ងៃព្រហស្បតិ៍ (៣០ ឧសភា) ដោយដកស្រង់សម្តីមន្ត្រីអាមេរិកម្នាក់ និងប្រភពចំនួនពីរផ្សេងទៀត ដែលដឹងពីផែនការនេះថា ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានផ្តល់ឱ្យដោយសម្ងាត់នូវការអនុញ្ញាតឱ្យអ៊ុយក្រែន ធ្វើការវាយប្រហារនៅក្នុងប្រទេសរុស្ស៊ី នៅជិតតំបន់ ខាគីវ (Kharkiv) ដោយប្រើប្រាស់អាវុធរបស់សហរដ្ឋអាមេរិក។សារព័ត៌មាននេះបានរាយការណ៍ដោយដកស្រង់សម្តីមន្ត្រីអាមេរិកម្នាក់ថា «ថ្មីៗនេះលោកប្រធានាធិបតីបានបញ្ជាក្រុមរបស់លោកឱ្យធានាថា អ៊ុយក្រែន អាចប្រើប្រាស់អាវុធរបស់សហរដ្ឋអាមេរិក សម្រាប់គោលបំណងប្រឆាំងការបាញ់ប្រហារនៅទីក្រុង ខាគីវ ដូច្នេះអ៊ុយក្រែន អាចវាយបកវិញលើកងកម្លាំងរុស្ស៊ី ដែលវាយពួកគេ ឬត្រៀមខ្លួនវាយពួកគេ»។ ដោយបន្ថែមថា គោលនយោបាយនៃការអនុញ្ញាតឱ្យមានការវាយប្រហាររយៈចម្ងាយឆ្ងាយនៅក្នុងប្រទេសរុស្ស៊ី «មិនបានផ្លាស់ប្តូរទេ» ប៉ុន្តែសារព័ត៌មាននេះមិនបាននិយាយថាតើលោក បៃដិន ផ្តល់ការអនុញ្ញាតនោះនៅពេលណាទេ។ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បានព្រមានពីជម្លោះសកល បើសម្ព័ន្ធមិត្តលោកខាងលិចរបស់ទីក្រុងគីវ អនុញ្ញាតឱ្យប្រើប្រាស់អាវុធដែលពួកគេបានផ្គត់ផ្គង់ដើម្បីវាយប្រហារនៅក្នុងរុស្ស៊ី ដោយនោះជាអ្វីដែលរដ្ឋាភិបាលអ៊ុយក្រែន កំពុងជំរុញឱ្យដៃគូខ្លួនអនុញ្ញាត។អាមេរិក បាននិយាយថា ខ្លួនមិនបានលើកទឹកចិត្ត ឬបើកដៃឱ្យប្រើប្រាស់អាវុធរបស់អាមេរិក សម្រាប់ការវាយប្រហារដោយផ្ទាល់លើរុស្ស៊ីទេ ប៉ុន្តែរដ្ឋមន្ត្រីការបរទេស លោក អង់តូនី ប្លីងខិន (Antony Blinken) បាននិយាយនៅពេលត្រូវសាកសួរអំពីជំហរបច្ចុប្បន្នរបស់ទីក្រុងវ៉ាស៊ីនតោន លើបញ្ហានេះកាលពីថ្ងៃពុធថា គោលការណ៍នោះនឹងត្រូវ «កែសម្រួល និងសម្រប» តាមស្ថានភាពបច្ចុប្បន្ន៕

[UPDATE] លោក Donald Trump ត្រូវបានរកឃើញថា មានទោសគ្រប់ករណីទាំងអស់នៅឯសវនាការកាត់ក្តីករណីបង់ប្រាក់បំបិទមាត់

2024/05/31 08:10:20 am        270
Facebook Telegram Linkin
លោក Donald Trump បានក្លាយជាប្រធានាធិបតីសហរដ្ឋអាមេរិកដំបូងគេដែលត្រូវបានកាត់ទោសពីបទព្រហ្មទណ្ឌកាលពីថ្ងៃព្រហស្បតិ៍ ៣០ ឧសភា នៅពេលគណៈវិនិច្ឆ័យនៅទីក្រុងញូវយ៉កបានរកឃើញថារូបលោកមានទោសពីបទក្លែងបន្លំឯកសារដើម្បីបិទបាំងការបង់ប្រាក់បំបិទមាត់តារាអាសអាភាសម្នាក់ គឺនាង Stormy Daniels នៅមុនការបោះឆ្នោតឆ្នាំ ២០១៦។លោក Trump វ័យ ៧៧ ឆ្នាំបានបដិសេធ ថាលោកពុំបានធ្វើខុសទេ ហើយគេរំពឹងថា លោកនឹងប្តឹងទៅឧទ្ធរណ៍បន្ថែមទៀត។បន្ទាប់ពីការជំនុំជម្រះក្ដីរយៈពេលពីរថ្ងៃ គណៈវិនិច្ឆ័យដែលមានសមាជិក ១២ រូប បានប្រកាសថាលោក Trump មានទោសលើសំណុំរឿងចំនួន៣៤ករណី ដែលបានប្រឈម។លោក Trump បានចោលក្រសែភ្នែកមើលទៅក្រុមចៅក្រមទាំងមិនសប្បាយចិត្ត នៅពេលពួកគេគ្រោងមូលមតិគ្នាបញ្ជាក់ពីសាលក្រមជាឯកច្ឆ័ន្ទ។ចៅក្រម លោក ជូនអាន ម៊ើឈិន (Juan Merchan) បានកំណត់ការផ្ដន្ទាទោសនៅថ្ងៃទី១១ កក្កដា ប៉ុន្មានថ្ងៃមុនគណបក្សសាធារណរដ្ឋត្រូវគេរំពឹងថានឹងតែងតាំងលោក Trump ជាបេក្ខភាពប្រធានាធិបតី មុនការបោះឆ្នោតថ្ងៃទី ៥ ខែវិច្ឆិកាឆ្នាំ២០២៤ខាងមុខនេះ។ លោក Trump ប្រឈមការផ្ទន្ទាទោសជាប់ពន្ធនាគារអតិបរមាចំនួន ៤ ឆ្នាំ ទោះបីជាអ្នកផ្សេងទៀតដែលត្រូវបានកាត់ទោសពីបទព្រហ្មទណ្ឌនោះ ជារឿយៗបានទទួលទម្ងន់ទោសរយៈខ្លីជាងលោកTrump ការផាកពិន័យតិចជាង ឬការព្យួរទោសក៏ដោយ។ ការជាប់ឃុំនឹងមិនរារាំងរូបលោកពីការឃោសនាបោះឆ្នោត ឬចូលកាន់តំណែងនោះទេ ប្រសិនបើលោកឈ្នះឆ្នោត។ យ៉ាងណា អតីតប្រធានាធិបតីអាមេរិករូបនេះ នឹងមិនជាប់ពន្ធនាគារមុនការកាត់ទោសនោះទេ។លោកម៊ើឈិន បានថ្លែងអំណរគុណដល់គណៈវិនិច្ឆ័យសម្រាប់សេវាកម្មរបស់ពួកគេ ហើយប្រាប់ពួកគេថាពួកគេមានសេរីភាពក្នុងការនិយាយអំពីបទពិសោធន៍របស់ពួកគេនៅក្នុងគណៈវិនិច្ឆ័យ ប្រសិនបើពួកគេចង់បាន។ គ្មាននរណាម្នាក់អាចបញ្ជាឲ្យអ្នកធ្វើអ្វីដែលអ្នកមិនចង់ធ្វើនោះទេ។ ជម្រើសគឺជារបស់អ្នក។ សាលក្រមនេះបានទាញទម្លាក់សហរដ្ឋអាមេរិកចូលទៅក្នុងពិភពអាថ៌កំបាំងនៅមុនការបោះឆ្នោតប្រធានាធិបតីថ្ងៃទី ៥ ខែវិច្ឆិកា នៅពេល លោក Trump បេក្ខជនមកពីគណបក្សសាធារណរដ្ឋព្យាយាមដណ្ដើមកៅអីសេតវិមានមកវិញពីលោកប្រធានាធិបតីប្រជាធិបតេយ្យ Joe Biden៕

ក្រុមហ៊ុនអវកាសឥណ្ឌា Agnikul បាញ់បង្ហោះយានឯកជនទីពីរ ក្នុងការសាកល្បងម៉ាស៊ីនថ្មី

2024/05/30 02:07:27 pm        45
Facebook Telegram Linkin
ក្រុមហ៊ុនអវកាស អាំងនីគុល ខូស្មូ (Agnikul Cosmos) របស់ប្រទេសឥណ្ឌា បានបាញ់បង្ហោះយាន អាំងនីបាន (Agnibaan) របស់ខ្លួនជាលើកដំបូងនៅថ្ងៃព្រហស្បតិ៍ (៣០ ឧសភា) នេះ ដំណើរការដោយម៉ាស៊ីនយានចម្លងឥណ្ឌាតែមួយគត់ដែលប្រើប្រាស់ទាំងឧស្ម័ន និងឥន្ធនៈរាវ នៅក្នុងការហោះហើរលើកទីពីររបស់ប្រទេសនៃយានដែលសាងសង់ដោយក្រុមហ៊ុនឯកជន។ការហោះហើរលើកដំបូងរបស់យាន អាំងនីបាន ត្រូវបានផ្អាកចំនួន ៤ ដងក្នុងរយៈពេល ២ ខែចុងក្រោយនេះ ដោយសារតែបញ្ហាបច្ចេកទេស។ ការលុបចោលចុងក្រោយបំផុត គឺកាលពីថ្ងៃអង្គារ នៅពេលដែលការបាញ់បង្ហោះត្រូវបានបញ្ឈប់ ៥ វិនាទីមុនពេលការហោះឡើង។ ទីភ្នាក់ងារអវកាសរបស់ប្រទេសអាស៊ីខាងត្បូងមួយនេះ គឺអង្គការស្រាវជ្រាវអវកាសឥណ្ឌា (ISRO) មិនធ្លាប់បានបាញ់បង្ហោះដោយជោគជ័យនូវយានដើរដោយម៉ាស៊ីន «ប្រើអ៊ីដ្រូសែនរ៉ាវ» (Semi-cryogenic) បែបនេះទេ។យាន អាំងនីបាន គឺជាយានបាញ់បង្ហោះពីរដំណាក់កាល ដែលអាចផ្ទុកទម្ងន់រហូតដល់ ៣០០ គីឡូក្រាម ចូលទៅក្នុងគន្លងប្រហែល ៧០០ គីឡូម៉ែត្រ។ ការហោះហើរនៅថ្ងៃព្រហស្បតិ៍ នេះគឺដើម្បីសាកល្បងម៉ាស៊ីនថ្មី និងប្រព័ន្ធផ្នែក 3D ។ ក្រុមហ៊ុនណេះមិនបាននិយាយភ្លាមៗទេថា តើការសាកល្បងនេះមានរយៈពេលប៉ុន្មាន ឬរយៈកម្ពស់ប៉ុន្មានហើយដែលយាននេះឡើងដល់។សមាគមអវកាសឥណ្ឌា (ISpA) បាននិយាយថា ការបាញ់បង្ហោះនេះនឹង «ពង្រឹងទំនុកចិត្តជាសកល» នៅក្នុងឧស្សាហកម្មអវកាសឯកជនរបស់ប្រទេសឥណ្ឌា៕

រដ្ឋមន្ត្រីការបរទេសរុស្ស៊ី៖ ប្រទេសចិន អាចរៀបចំសន្និសីទសន្តិភាពរវាងរុស្ស៊ី-អ៊ុយក្រែន

2024/05/30 02:04:06 pm        123
Facebook Telegram Linkin
ទីភ្នាក់ងារសារព័ត៌មាន RIA បានដកស្រង់សម្តីរដ្ឋមន្ត្រីការបរទេសរុស្ស៊ី លោក សើហ្កេ ឡាវរ៉ូវ (Sergei Lavrov) នៅថ្ងៃព្រហស្បតិ៍ (៣០ ឧសភា) នេះថា ប្រទេសចិន អាចរៀបចំសន្និសីទសន្តិភាពមួយ ដែលរុស្ស៊ី និងអ៊ុយក្រែន នឹងចូលរួម ហើយថា ទង្វើបែបនេះនឹងជាការបន្តកិច្ចខិតខំប្រឹងប្រែងរបស់ទីក្រុងប៉េកាំង ដើម្បីដោះស្រាយវិបត្តិអ៊ុយក្រែន។លោក ឡាវរ៉ូវ បាននិយាយនៅក្នុងបទសម្ភាសន៍ជាមួយទីភ្នាក់ងារព័ត៌មាននេះថា «យើងចែករំលែកជំហររបស់ប្រទេសចិន ដែលថាមូលហេតុឫសគល់នៃជម្លោះចាំបាច់ត្រូវដោះស្រាយជាដំបូង ហើយផលប្រយោជន៍ផ្លូវច្បាប់របស់ភាគីទាំងអស់ត្រូវតែការពារ ជាមួយនឹងកិច្ចព្រមព្រៀងជាបន្តបន្ទាប់ដោយផ្អែកលើគោលការណ៍នៃសន្តិសុខស្មើគ្នា និងមិនអាចបំបែកបាន»។រុស្ស៊ី បានអំពាវនាវម្តងហើយម្តងទៀតឱ្យមានកិច្ចចរចាដោយមានលក្ខខណ្ឌជាមុនមួយ ដោយឱ្យទីក្រុងគីវ និងលោកខាងលិច ទទួលស្គាល់ទឹកដីដែលខ្លួនដណ្ដើមបាននៅអ៊ុយក្រែន ប៉ុន្តែទីក្រុងគីវ បានច្រានចោលសំណើទាំងនោះ។ លោក ឡាវរ៉ូវ បានរិះគន់សហរដ្ឋអាមេរិក ចំពោះការជួយអ៊ុយក្រែន ដោយនិយាយថាទីក្រុងវ៉ាស៊ីនតោន បានក្លាយជា «អ្នកសមគំនិតក្នុងឧក្រិដ្ឋកម្មនៃរបបទីក្រុងគីវ»។អ៊ុយក្រែន សង្ឃឹមថានឹងទទួលបណ្ដាប្រទេសឱ្យបានច្រើនតាមតែអាចធ្វើទៅបាននៅកិច្ចប្រជុំកំពូលសន្តិភាព ដែលរៀបចំដោយទីក្រុងគីវ ក្នុងប្រទេសស្វីស នៅខែក្រោយនេះ ក្នុងការប៉ុនប៉ងបង្រួបបង្រួមមតិស្តីពីវិធីបញ្ឈប់សង្រ្គាម និងដាក់សម្ពាធលើរុស្ស៊ី ដែលបានដណ្តើមកាន់កាប់ស្ទើរតែមួយភាគប្រាំនៃទឹកដីអ៊ុយក្រែន។ ទីក្រុងវ៉ាស៊ីនតោន បានផ្តល់សញ្ញាគាំទ្រ ប៉ុន្តែមិនបាននិយាយថាតើលោកប្រធានាធិបតី ចូ បៃដិន នឹងចូលរួម ឬយ៉ាងណានោះទេ៕

កោះតៃវ៉ាន់៖ ចិន កំពុងលុបបំបាត់ដែនអាកាសតៃវ៉ាន់ ខណៈព្យាយាមធ្វើឱ្យសមយុទ្ធក្លាយជារឿងធម្មតា

2024/05/30 01:57:49 pm        132
Facebook Telegram Linkin
ប្រមុខការបរទេសរបស់កោះតៃវ៉ាន់ លោក លីន ជែរឡុង (Lin Chia-lung) បាននិយាយនៅថ្ងៃព្រហស្បតិ៍ (៣០ ឧសភា) នេះថា ប្រទេសចិន កំពុងព្យាយាម «លុបបំបាត់ដោយសន្សឹមៗ» នូវដែនអាកាសរបស់កោះតៃវ៉ាន់ និងបង្កើតភាពធម្មតាថ្មីមួយជាមួយនឹងសមយុទ្ធយោធារបស់ខ្លួន និងសកម្មភាពផ្សេងទៀត ដើម្បីដាក់សម្ពាធលើកោះនេះ ដែលជាបញ្ហាសម្រាប់ការព្រួយបារម្ភជាសកល។ប្រទេសចិន ដែលចាត់ទុកកោះស្វ័យគ្រប់គ្រងតាមបែបប្រជាធិបតេយ្យ តៃវ៉ាន់ ថាជាទឹកដីរបស់ខ្លួន បានរៀបចំហ្គេមសង្រ្គាមរយៈពេលពីរថ្ងៃជុំវិញកោះនេះកាលពីសប្តាហ៍មុន ភ្លាមៗបន្ទាប់ពីការចូលកាន់តំណែងរបស់មេដឹកនាំតៃវ៉ាន់ថ្មី លោក ឡៃ ឆឹងទ័រ (Lai Ching-te) ដែលទីក្រុងប៉េកាំង ហៅថាជា «ជនផ្ដាច់ខ្លួនដ៏គ្រោះថ្នាក់»។ខណៈពេលដែលសមយុទ្ធទាំងនោះបានបញ្ចប់ជាផ្លូវការ សកម្មភាពយោធារបស់ចិនមិនបានបញ្ឈប់នោះទេ ដោយកោះតៃវ៉ាន់ បានរាយការណ៍ថាកាលពីថ្ងៃពុធថា យន្តហោះចម្បាំង និងនាវាចម្បាំងរបស់ចិនបានអនុវត្ត «ការល្បាតត្រៀមប្រយុទ្ធរួមគ្នា»។ ការិយាល័យកិច្ចការកោះតៃវ៉ាន់ របស់ប្រទេសចិន នៅក្នុងសន្និសីទសារព័ត៌មានប្រចាំថ្ងៃរបស់ខ្លួនកាលពីថ្ងៃពុធ បានរំលឹកឡើងវិញនូវការរិះគន់របស់ខ្លួនអំពីលោក ឡៃ ជាអ្នកគាំទ្រដ៏គ្រោះថ្នាក់នៃឯករាជ្យភាពផ្លូវការរបស់តៃវ៉ាន់ និងបានគំរាមកំហែងបន្តសកម្មភាពយោធា៕

លោក ប៊្លីនខិន អះអាងថា ការបញ្ជូនសព្វាវុធរបស់អាមេរិកទៅអ៊ុយក្រែន ជួយរក្សាស្ថិរភាព នៅជួរមុខ

2024/05/30 01:41:23 pm        130
Facebook Telegram Linkin
រដ្ឋមន្ត្រីការបរទេសអាមេរិកលោក អង់តូនី ប្ល៊ីនខិន (Antony Blinken) បាននិយាយកាលពីថ្ងៃពុធថា ការបញ្ជូនអាវុធរបស់សហរដ្ឋអាមេរិកទៅកាន់ប្រទេសអ៊ុយក្រែន កំពុងជួយឲ្យមានស្ថិរភាពនៅសមរភូមិជួរ មុខ ដោយបន្ថែមថា ទីក្រុងវ៉ាស៊ីនតោន កំពុងប្រឹងប្រែងធ្វើការយ៉ាងខ្លាំង ដើម្បីផ្តល់ការការពារដែនអាកាសបន្ថែមទៀត ដល់អ៊ុយក្រែន។ថ្លែងនៅក្នុងសន្និសីទសារព័ត៌មានមួយនៅរដ្ឋធានីឃីស៊ីណាវ ( Chisinau)របស់ប្រទេសម៉ុលដាវី លោក ប៊ីលនខិន បាននិយាយថា ការគាំទ្រសម្រាប់អ៊ុយក្រែន ប្រាប់ប្រធានាធិបតីរុស្ស៊ីលោក វ្ល៉ាឌីមៀ ពូទីន យ៉ាងច្បាស់ថា លោកមិនអាចយកឈ្នះអ៊ុយក្រែនបានទេ។ប្រមុខការទូតសហរដ្ឋអាមេរិករូបនេះ បានទៅដល់ទីក្រុងឃីស៊ីណាវ កាលពីព្រឹកថ្ងៃពុធ ជាទីដែលឈប់ដំបូងក្នុងដំណើររយៈពេលខ្លីនៅអឺរ៉ុប ក្នុងគោលបំណងពង្រឹងការគាំទ្ររបស់លោកខាងលិចសម្រាប់អ៊ុយក្រែន នៅទូទាំងសម្ព័ន្ធមិត្តណាតូ និងប្រទេសជិតខាង។ប្រទេសអ៊ុយក្រែន បាននិងកំពុងព្យាយាមទប់ទល់នឹងការវាយប្រហារកាន់តែខ្លាំងពីរុស្ស៊ី នៅភាគខាងកើត ហើយលោកប្រធានាធិបតី វ្ល៉ាឌីមៀ ពូទីន បានព្រមានថា ការអនុញ្ញាតឲ្យទីក្រុងគីវ ប្រើអាវុធរបស់លោកខាងលិច ដើម្បីវាយប្រហារនៅខាងក្នុងរុស្ស៊ី អាចបង្កឲ្យមានជម្លោះជាសកល។លោក ប្ល៊ីនខិន បាននិយាយថា រុស្ស៊ីបានទាញយកប្រយោជន៍ពីការពន្យារពេល ក្នុងការបញ្ជូនកញ្ចប់សព្វាវុធចំនួន ៦១ ពាន់លានដុល្លារអាមេរិកសម្រាប់អ៊ុយក្រែន ប៉ុន្តែបានបញ្ជាក់ថា សព្វាវុធឥឡូវនេះ កំពុងស្វែងរកផ្លូវរបស់ពួកវា ទៅកាន់សមរភូមិ និងធ្វើឲ្យមានការផ្លាស់ប្តូរជាក់ជាមិនខាន។

លោកស្រី Galvez សង្ឃឹមក្លាយជាប្រធានាធិបតីម៉ិកស៊ិក បញ្ចប់យុទ្ធនាការមុនការបោះឆ្នោតនៅថ្ងៃអាទិត្យ

2024/05/30 11:47:00 am        114
Facebook Telegram Linkin
បេក្ខជនប្រធានាធិបតីរបស់ប្រទេសម៉ិកស៊ិក សម្រាប់ក្រុមចម្រុះគណបក្សប្រឆាំងទាំងស្តាំនិងឆ្វេងនិយម លោកស្រី សូជីល ហ្គាលវ៉េស(Xochitl Galvez) បានបញ្ចប់យុទ្ធនាការរបស់លោកស្រី ជាផ្លូវការ កាលពីថ្ងៃពុធ ដោយប្តេជ្ញាប្រយុទ្ធប្រឆាំង ភាពអសន្តិសុខ នៅក្នុងប្រទេស។លោកស្រី Galvez បានបិទយុទ្ធនាការរបស់លោកស្រី នៅក្នុងទីក្រុង Monterrey ជាទីក្រុងមួយនៅក្នុងដែនដីបេះដូងនៃឧស្សាហកម្មភាគនៅខាងជើងប្រទេសម៉ិកស៊ិក ជាច្រើនថ្ងៃបន្ទាប់ពីលោកស្រី បានដឹកនាំការប្រមូលផ្តុំដ៏ធំ នៅក្នុងរដ្ឋធានី។អតីតសមាជិកព្រឹទ្ធសភា និងអ្នកជំនួញស្រ្តីវ័យ៦១ឆ្នាំរូបនេះ បានសន្យាថានឹងធ្វើឲ្យប្រសើរ និងពង្រីកកម្មវិធីសង្គម ព្រមទាំងការប្រយុទ្ធប្រឆាំងអំពើពុករលួយ និងអំពើហឹង្សារាលដាល ដោយបោសសម្អាតឧក្រិដ្ឋកម្មរៀបចំទុក នៅក្នុងប្រទេសមានមនុស្សឃាតច្រើនដែលបានឈានដល់កំណត់ត្រាខ្ពស់ ១៨៥.០០០ករណី នៅក្នុងអាណត្តិរបស់ប្រធានាធិបតី លោក Andres Manuel Lopez Obrador ។បេក្ខជនណាក៏ដោយ ដែលទទួលជ័យជម្នះ នឹងប្រឈមមុខទៅនឹងបញ្ហាជាច្រើន រួមមានទាំងនិទណ្ឌភាពដែលគ្រប់គ្រងមិនបាន ក្នុងពេលមានអត្រាឃាតកម្មខ្ពស់ និងការចាប់ជំរិត កំណើនសេដ្ឋកិច្ចទាប និងសំណួរជុំវិញគោលនយោបាយថាមពល នៅពេលអនាគត។

របាយការណ៍៖ មនុស្សជាង ៧៤ លាននាក់ ប្រឈមអសន្តិសុខស្បៀងនៅតំបន់ញកអាហ្រ្វិក

2024/05/30 11:43:25 am        70
Facebook Telegram Linkin
យោងតាមរបាយការណ៍ចេញផ្សាយកាលពីថ្ងៃពុធ (២៩ ឧសភា) ដោយអង្គការស្បៀងអាហារ និងកសិកម្មនៃអង្គការសហប្រជាជាតិ (FAO) និងអាជ្ញាធរអន្តររដ្ឋាភិបាលស្តីពីការអភិវឌ្ឍន៍ (IGAD) ដែលជាប្លុកនៅអាហ្វ្រិកខាងកើត បានឱ្យដឹងថា ប្រជាជនប្រហែល ៧៤,៩ លាននាក់នៅក្នុងតំបន់ញកអាហ្រ្វិកដ៏ធំល្វឹងល្វើយ កំពុងប្រឈមនឹងបញ្ហាអសន្តិសុខស្បៀងយ៉ាងខ្លាំង និងត្រូវការជំនួយមនុស្សធម៌ជាបន្ទាន់។ស្ថាប័នទាំងពីរនេះបាននិយាយថា ក្នុងចំណោមតួលេខនោះ មានមនុស្សចំនួន ៤៦,៨ លាននាក់មកពីប្រទេសចំនួនប្រាំពីរក្នុងចំណោមរដ្ឋសមាជិកនៃប្លុកអាជ្ញាធរអន្តររដ្ឋាភិបាល IGAD ដូចជា ជីប៊ូទី កេនយ៉ា សូម៉ាលី ស៊ូដង់ខាងត្បូង តង់ហ្សានី សូដង់ និងអ៊ូហ្កង់ដា។ ដែលនៅសល់គឺនៅប្រទេសប៊ូរុនឌី សាធារណរដ្ឋអាហ្វ្រិកកណ្តាល (CAR) និងសាធារណរដ្ឋប្រជាធិបតេយ្យកុងហ្គោ (DRC)។របាយការណ៍នេះបានសង្កេតឃើញថា ស្ថានភាពអាហារូបត្ថម្ភនៅទូទាំងតំបន់នៅតែគួរឱ្យព្រួយបារម្ភ ដែលភាគច្រើនបណ្តាលមកពីជម្លោះ ការផ្លាស់ទីលំនៅ អសន្តិសុខស្បៀង ជំងឺឆ្លង ទឹកមិនស្អាត និងលក្ខខណ្ឌអនាម័យមិនសមស្រប។របាយការណ៍នោះបានបន្ថែមថា ក្រៅពីវិបត្តិស្បៀងអាហារ តំបន់ញកអាហ្រ្វិកនេះក៏កំពុងប្រឈមមុខនឹងការផ្ទុះឡើងជំងឺជាច្រើនផងដែរ ដោយសារលក្ខខណ្ឌសើមជាងធម្មតា ដែលត្រូវបានសង្កេតឃើញលើផ្នែកភាគច្រើននៃតំបន់ ដោយបង្កើនហានិភ័យនៃជំងឺដែលឆ្លងតាមរយៈទឹក ដោយសារតែគ្រោះទឹកជំនន់៕

ប្រធានាធិបតី អ៊ុយក្រែន ធ្វើទស្សនកិច្ចទៅកាន់រដ្ឋសមាជិកអឺរ៉ុបចំនួនបី សម្រាប់កិច្ចព្រមព្រៀងសន្តិសុខ

2024/05/30 11:40:33 am        112
Facebook Telegram Linkin
ប្រទេសស៊ុយអែត បានប្រកាសផ្តល់ជំនួយយោធាបន្ថែមទៀតសម្រាប់ប្រទេសអ៊ុយក្រែន ខណៈប្រធានាធិបតី អ៊ុយក្រែន លោក Volodymyr Zelenskyy បានធ្វើដំណើរទៅកាន់ប្រទេសសមាជិកសហភាពអឺរ៉ុបចំនួនបី ដើម្បីបង្កើនការគាំទ្រសម្រាប់ការប្រយុទ្ធប្រឆាំងរុស្ស៊ី។ ប្រទេសស៊ុយអែត កាលពីថ្ងៃពុធ បានប្រកាសកញ្ចប់ថវិកាចំនួន ១,១៦ពាន់លានអឺរ៉ូ ឬប្រហែល ១,២៥ ពាន់លានដុល្លារ ដើម្បីជួយបង្កើនសមត្ថភាពការពារដែនអាកាសរបស់អ៊ុយក្រែន។ ចំនួនទឹកប្រាក់នេះ គឺជាការរួមចំណែកច្រើនបំផុត មិនធ្លាប់មានរបស់ប្រទេសស៊ុយអែត ដល់ប្រទេសអ៊ុយក្រែន។លោក Zelenskyy បានបញ្ជាក់ថា កញ្ចប់ជំនួយ ដែលរួមមានយន្តហោះឈ្លបយកការណ៍របស់កងទ័ពអាកាស និងយន្តយោះត្រួតពិនិត្យ នឹងមិនត្រឹមតែជួយសង្គ្រោះអាយុជីវិតរបស់អ៊ុយក្រែនប៉ុណ្ណោះទេ ប៉ុន្តែថែមទាំងជួយធានាបានសន្តិភាពនិងសន្តិសុខរយៈពេលវែង នៅទ្វីបអឺរ៉ុបផងដែរ។លោក Zelenskyy បានស្ថិតនៅក្នុងប្រទេសព័រទុយហ្គាល់ បន្ទាប់ពីដំណើរទស្សនកិច្ចទៅកាន់ប្រទេសអេស្ប៉ាញ និងបែលហ្ស៊ិក។ លោកបានបញ្ជាក់ពីភាពជោគជ័យនៃដំណើរទស្សនកិច្ចរបស់លោក ក្នុងអំឡុងពេលដែលលោក បានចុះហត្ថលេខាលើកិច្ចព្រមព្រៀងសន្តិសុខទ្វេភាគី។អ៊ុយក្រែន បាននឹងកំពុងបង្កើនកិច្ចខិតខំប្រឹងប្រែងផ្នែកការទូត នៅមុនកិច្ចប្រជុំកំពូលក្រុមប្រទេសG7នៅប្រទេសអ៊ីតាលី នៅពាក់កណ្តាលខែមិថុនា និងសន្និសីទអន្តរជាតិដើម្បីសន្តិភាពនៅអ៊ុយក្រែនដែលស្នើឡើងដោយលោក Zelenskyy ដែលគ្រោងនឹងធ្វើនៅប្រទេសស្វីស។ទន្ទឹមនឹងនេះ រុស្ស៊ីបានចាប់ផ្តើមសមយុទ្ធកាលពីសប្តាហ៍មុន ដោយក្លែងប្រដូចការពិតដោយប្រើប្រាស់អាវុធនុយក្លេអ៊ែរតាកទិក។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្រមានថា អ្នកតំណាងប្រទេសសមាជិកសម្ព័ន្ធយោធាណាតូ ជាពិសេសប្រទេសតូចៗនៅអឺរ៉ុប គួរតែដឹងពីអ្វីដែលពួកគេកំពុងលេងជាមួយ។

ការរាប់សន្លឹកឆ្នោតចាប់ផ្តើមនៅអាហ្រ្វិកខាងត្បូង ខណៈអ្នកបោះឆ្នោតស្វែងរកការផ្លាស់ប្តូរមេដឹកនាំ

2024/05/30 11:35:27 am        64
Facebook Telegram Linkin
ការិយាល័យបោះឆ្នោត បានបិទនៅទូទាំងប្រទេសអាហ្រ្វិកខាងត្បូង កាលពីថ្ងៃពុធ បន្ទាប់ពីរយៈពេលមួយថ្ងៃនៃការតម្រង់ជួរដ៏វែង ខណៈអ្នកបោះឆ្នោតសម្រាប់ការបោះឆ្នោតដ៏សំខាន់ អាចមើលឃើញគណបក្ស African National Congress (ANC) ចាញ់សំឡេងភាគច្រើន បន្ទាប់ពីកាន់អំណាចរយៈពេល៣០ឆ្នាំ។អ្នកបោះឆ្នោតចុងក្រោយ បានបោះឆ្នោតដែលនឹងកំណត់ផ្លូវសម្រាប់សេដ្ឋកិច្ចដែលមានឧស្សាហកម្មរីកលូតលាស់បំផុតនៅទ្វីបអាហ្រ្វិក បន្ទាប់ពីរយៈពេលមួយទសវត្សរ៍ នៃភាពមិនរីកចម្រើន និងរឿងអាស្រូវពុករលួយ ដែលបានធ្វើឱ្យខូចកេរ្តិ៍ឈ្មោះរបស់គណបក្ស African National Congress (ANC) ដែលកាលពីពេលមុនដឹកនាំ ដោយលោក Nelson Mandela។ ប្រសិនបើគណបក្ស African National Congress (ANC) បរាជ័យក្នុងការទទួលបានសំឡេងភាគច្រើននៅក្នុងការបោះឆ្នោតជាតិ វាទំនងជាត្រូវការបង្កើតរដ្ឋាភិបាលចម្រុះ។គណបក្ស African National Congress (ANC) បានប្រឈមមុខទៅនឹងការខឹងសម្បារ ចំពោះសេវាសាធារណៈដែលមិនល្អប្រសើរ ការដាច់ចរន្តអគ្គិសនី អំពើពុករលួយដ៏ច្រើនលើសលប់ និងអត្រាគ្មានការងារធ្វើលើសពី៣០ភាគរយ ដែលបានធ្វើឱ្យមនុស្សរាប់លាននាក់ជាប់ក្នុងភាពក្រីក្រ រយៈពេលជិតបីទសវត្សរ៍។ អ្នកបោះឆ្នោត បានអំពាវនាវឱ្យមានការផ្លាស់ប្តូរ ដោយលើកឡើងពីអត្រាខ្ពស់នៃភាពអត់ការងារធ្វើ និងឧក្រិដ្ឋកម្ម ការដាច់ចរន្តអគ្គិសនីញឹកញាប់ និងអំពើពុករលួយ ជាហេតុផលដែលពួកគេនឹងបោះឆ្នោតឱ្យគណបក្សប្រឆាំង។ខណៈអ្នកផ្សេងទៀត មិនទុកចិត្តចំពោះការផ្លាស់ប្តូរ ពួកគេនៅតែជឿជាក់ថាគណបក្ស African National Congress (ANC) ដែលកំពុងកាន់អំណាច នៅតែអាចបំពេញតាមការសន្យារបស់ខ្លួន។

បណ្ដាញសង្គម

ព័ត៌មានថ្មីៗ

ពលរដ្ឋឃុំស្វាយជ្រំ ខេត្តស្វាយរៀង រីករាយទទួលបានផ្លូវថ្មីសម្រាប់ធ្វើដំណើរ
06/09/2025 05:06 PM
Facebook Telegram Linkin
តំណាង CMA ក្រើនរំលឹកដល់សាធារណជន ចៀសវាងកម្ចីប្រាក់ក្រៅប្រព័ន្ធ (កម្ចីខុសច្បាប់)
06/09/2025 05:06 PM
Facebook Telegram Linkin
ការជួសជុលស្ពានហាលខាងកើតរបស់ប្រាសាទបេងមាលា នឹងបញ្ចប់នៅដំណាច់ខែកក្កដា ខាងមុខនេះ
06/09/2025 05:06 PM
Facebook Telegram Linkin
បទសម្ភាសន៍៖ ការកាត់បន្ថយកងកម្លាំងណាតូនៅអឺរ៉ុបភាគខាងកើត នឹងពង្រឹងសន្តិសុខរបស់ទ្វីបទាំងមូល
06/09/2025 04:06 PM
Facebook Telegram Linkin
សម្ដេចធីបតី ហ៊ុន ម៉ាណែត អញ្ជើញចូលរួមពិធីបើកសន្និសីទ UNOC3 ស្តីពីមហាសមុទ្រលើកទី៣ នៅប្រទេស​បារាំង​
06/09/2025 04:06 PM
Facebook Telegram Linkin
បេសកជន៖ សម្ពាធរបស់អាមេរិក ទំនងជាមិនអាចរារាំងដល់កំណើននៃទំនាក់ទំនងបច្ចេកទេសយោធា រុស្ស៊ីនិងឥណ្ឌាទេ
06/09/2025 04:06 PM
Facebook Telegram Linkin
តម្រូវការម៉ាស៊ីនត្រជាក់កើនឡើង ខណៈឥណ្ឌាត្រៀមប្រឈមរលកកម្ដៅច្រើនថ្ងៃជាងមុន នៅឆ្នាំ២០២៥
06/09/2025 04:06 PM
Facebook Telegram Linkin
អាជ្ញាធរអាមេរិក៖ យន្តហោះមានអ្នកជិះ ២០នាក់លើនោះ ធ្លាក់ក្នុងរដ្ឋ Tennessee តែគ្មានអ្នកស្លាប់ទេ
06/09/2025 04:06 PM
Facebook Telegram Linkin
លោក Trump ជំពប់ជើងរកដួល នៅលើជណ្តើរយន្តហោះ Air Force ក្រោយធ្លាប់ចំអកឲ្យលោក Biden
06/09/2025 04:06 PM
Facebook Telegram Linkin
ការិយាល័យប្រធានាធិបតីកូរ៉េខាងត្បូង៖ លោក Lee និងនាយករដ្ឋមន្ត្រីជប៉ុន យល់ព្រមពង្រឹងទំនាក់ទំនង
06/09/2025 04:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.