នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើ​ការងារ​ស្ថាបនា​ផ្លូវ នៅ​ទីតាំង​ដីសម្បទានសង្គមកិច្ច ខេត្តឧត្តរមានជ័យ
គណបក្សនយោបាយសម្ព័ន្ធភាព បង្ហាញជំហររបស់ខ្លួនក្នុង​ការចូលរួ​ម​ដោះស្រាយ​បញ្ហារួម​សម្រាប់​ជាតិ
កម្ពុជានឹងមានវត្តមានរោងចក្រដំឡើងរថយន្តអគ្គិសនីថ្មីមួយទៀត នៅក្នុងតំបន់សេដ្ឋកិច្ចពិសេស ខេត្តពោធិ៍សាត់ ខណៈត្រឹមឆ្នាំ២០២៥ កំណើនរថយន្តអគ្គិសនីចុះបញ្ជីមានចំនួន ៦,១២៩គ្រឿង កើនឡើង ១៧២% បើធៀបឆ្នាំ២០២៤

នយោបាយ​ និង ការអភិវឌ្ឍន៍

អ៊ីស្រាអែល ស្វាគមន៍ការអនុម័តសេចក្តីស្នើច្បាប់ជំនួយនៅក្នុងសភាអាមេរិក

2024/04/22 01:35:19 pm        75
Facebook Telegram Linkin
រដ្ឋាភិបាលប្រទេសអ៊ីស្រាអែល បានស្វាគមន៍ការអនុម័តសេចក្តីស្នើច្បាប់ជំនួយបន្ទាន់របស់សភាសហរដ្ឋអាមេរិក សម្រាប់អ៊ីស្រាអែល។ សេចក្តីស្នើច្បាប់នេះ ត្រូវបានអនុម័តដោយមានការគាំទ្រទ្វេបក្សនៅក្នុងសភា កាលពីថ្ងៃសៅរ៍។ កញ្ចប់ជំនួយ មានតម្លៃប្រមាណ ២៦ ពាន់លានដុល្លារ រួមមានជំនួយសម្រាប់យោធា និងមនុស្សធម៌។ ប្រសិនបើសេចក្តីស្នើច្បាប់នេះឆ្លងផុតព្រឹទ្ធសភា ប្រធានាធិបតី លោក Joe Biden នឹងចុះហត្ថលេខាចូលជាច្បាប់។នាយករដ្ឋមន្ត្រី លោក Benjamin Netanyahu បានបង្ហោះសារនៅលើប្រព័ន្ធផ្សព្វផ្សាយសង្គម ដោយលោកបាននិយាយថា សភាសហរដ្ឋអាមេរិក បានអនុម័តយ៉ាងលើសលប់នូវសេចក្តីស្នើច្បាប់ជំនួយដ៏មានតម្លៃ ដែលបង្ហាញពីការគាំទ្រទ្វេបក្សដ៏រឹងមាំសម្រាប់អ៊ីស្រាអែល និងការពារអារ្យធម៌ប្រទេសលោកខាងលិច។ លោកបានបញ្ជាក់ថា យោធាអ៊ីស្រាអែល ចាំបាច់ត្រូវធានាបានគ្រាប់រំសេវ សម្រាប់ការប្រយុទ្ធរយៈពេលវែងជាមួយក្រុមហាម៉ាស នៅក្នុងតំបន់ហ្កាហ្សា និងការប្រយុទ្ធរបស់ខ្លួនជាមួយក្រុមដទៃទៀត ដូចជាក្រុមហេសបូឡាជាក្រុមមូស្លីមShia ក្នុងប្រទេសលីបង់។ ទន្ទឹមនឹងនេះ ចំនួនអ្នកស្លាប់ និងរងរបួសនៅក្នុងតំបន់ហ្កាហ្សាកំពុងកើនឡើង។អាជ្ញាធរសុខាភិបាលក្នុងតំបន់ បាននិយាយកាលពីថ្ងៃអាទិត្យថា ចំនួនអ្នកស្លាប់បានកើនឡើងដល់ ៣៤.០៩៧នាក់។ ចំនួននេះ កើនឡើងខណៈជម្លោះរវាងយោធាអ៊ីស្រាអែល និងក្រុមហាម៉ាស នៅតែបន្ត។ ប្រព័ន្ធផ្សព្វផ្សាយក្នុងស្រុក រាយការណ៍ថាមនុស្សយ៉ាងហោចណាស់ ១៦នាក់ រួមទាំងកុមារ ៩ នាក់ ត្រូវបានសម្លាប់នៅក្នុងការវាយប្រហាររបស់អ៊ីស្រាអែលនៅទីក្រុង Rafah ភាគខាងត្បូង កាលពីថ្ងៃអាទិត្យ។ រដ្ឋាភិបាលសហរដ្ឋអាមេរិក កំពុងគាំទ្រការចរចាដែលមានគោលបំណងនាំយកការផ្អាកការប្រយុទ្ធគ្នានៅតំបន់ហ្កាហ្សា និងការដោះលែងចំណាប់ថ្នូរដែលត្រូវបានចាប់ខ្លួនដោយក្រុមហាម៉ាស ប៉ុន្តែការចរចា បានជាប់គាំង។

មេដឹកនាំអ៊ីរ៉ង់ មិននិយាយសំដៅទៅលើការសងសឹករបស់អ៊ីស្រាអែលនោះទេ

2024/04/22 01:22:57 pm        147
Facebook Telegram Linkin
មេដឹកនាំកំពូលរបស់ប្រទេសអ៊ីរ៉ង់ លោក Ayatollah Ali Khamenei បានកោតសរសើរចំពោះការវាយប្រហារនាពេលថ្មីៗនេះរបស់ប្រទេសលោក លើអ៊ីស្រាអែល ខណៈ មិននិយាយសំដៅទៅលើការសងសឹករបស់អ៊ីស្រាអែលនោះទេ។ អ៊ីរ៉ង់ បានបើកការវាយប្រហារទ្រង់ទ្រាយធំលើអ៊ីស្រាអែល ចាប់ពីថ្ងៃទី ១៣ ខែមេសា។ កាលពីថ្ងៃសុក្រ ការផ្ទុះជាច្រើនបានកើតឡើងនៅប្រទេសអ៊ីរ៉ង់ភាគកណ្តាល ហើយប្រព័ន្ធផ្សព្វផ្សាយអាមេរិក បានរាយការណ៍ថា វាគឺជាការសងសឹករបស់អ៊ីស្រាអែល។ទូរទស្សន៍រដ្ឋអ៊ីរ៉ង់ បានរាយការណ៍ថា លោក Khamenei បាននិយាយទៅកាន់មេបញ្ជាការកងកម្លាំងប្រដាប់អាវុធរបស់ប្រទេស កាលពីថ្ងៃអាទិត្យ។ ក្នុងសុន្ទរកថា លោកបាននិយាយសំដៅទៅលើការវាយប្រហាររបស់អ៊ីរ៉ង់។ លោកនិយាយថា ភាគីម្ខាងទៀតខ្វល់ខ្វាយអំពីថាតើមីស៊ីលប៉ុន្មានគ្រាប់ដែលត្រូវបានបាញ់ ឬវាយប្រហារចំគោលដៅ ប៉ុន្តែវាជារឿងសំខាន់ដែលប្រជាជន និងយោធាអ៊ីរ៉ង់ បង្ហាញពីឆន្ទៈរបស់ពួកគេចំពោះពិភពលោក។ លោកពុំបាននិយាយប៉ះពាល់លើវិធានការឆ្លើយតបជាក់ស្តែងរបស់អ៊ីស្រាអែលនោះទេ។ក្រុមអ្នកសង្កេតការណ៍បាននិយាយថា មេដឹកនាំកំពូលរបស់អ៊ីរ៉ង់ បានបញ្ជាក់ថាប្រទេសនេះបច្ចុប្បន្នពុំមានបំណងបង្កើនភាពតានតឹង ដោយធ្វើការវាយប្រហារបន្ថែមទៀតនោះទេ។ កាលពីថ្ងៃសៅរ៍ ការបំផ្ទុះមួយផ្សេងទៀត ដែលពុំបានដឹងមូលហេតុត្រូវបានគេរាយការណ៍ថា បានកើតឡើងនៅមូលដ្ឋានរបស់ក្រុមជីវពលដែលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់។

សម្តេចធិបតី ហ៊ុន ម៉ាណែត ថ្លែងសុន្ទរកថាបើកសន្និបាតលើកទី៨០របស់ UN-ESCAP នៅទីក្រុងបាងកក

2024/04/22 12:06:18 pm        178
Facebook Telegram Linkin
នៅព្រឹកថ្ងៃទី២២ ខែមេសា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា បានអញ្ជើញថ្លែងសុន្ទរកថា​ពិសេសនៅ​ក្នុង​ពិធី​បើក​សន្និបាត​លើកទី៨០ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី-ប៉ាស៊ីហ្វិក (the Economic and Social Commission for Asia and the Pacific- ESCAP)។ក្នុងឱកាសថ្លែងសុន្ទរកថានោះ សម្ដេចធិបតី នាយករដ្ឋមន្រ្ដី បាន​សម្ដែង​ការ​អបអរ​សាទរ​ដល់​លោក​ស្រី​បណ្ឌិត អាមីដា សាលស៊ីអាហ៍ អាលីសចាបាណា អគ្គលេខាធិការ​រង​អង្គការ​សហ​ប្រជាជាតិ និងជាប្រធានគណៈកម្មការសេដ្ឋកិច្ច និងសង្គមកិច្ចសម្រាប់អាស៊ី-ប៉ាស៊ីហ្វិក ដែល​បាន​រៀប​ចំ​ពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី-ប៉ាស៊ីហ្វិក នៅទីក្រុងបាំងកក ប្រទេសថៃប្រកបដោយជោគជ័យ ជាពិសេស​សំដៅ​ធ្វើ​យ៉ាង​ណា​ឱ្យ​សម្រេច​គោល​ដៅរបស់ប្រទេសអាស៊ី-ប៉ាស៊ីហ្វិក ទាំងអស់គ្នា។សម្ដេចធិបតី បានថ្លែងថា សន្និបាតប្រចាំឆ្នាំលើកទី៨០ របស់ UN-ESCAP ក្រោមប្រធានបទ «ការប្រើប្រាស់នវានុវត្តន៍ឌីជីថលសម្រាប់ការអភិវឌ្ឍប្រកបដោយចីរភាពក្នុងតំបន់អាស៊ី-ប៉ាស៊ីហ្វិក» បានពិភាក្សាលម្អិតអំពីសក្តានុពលនៃបច្ចេកវិទ្យាឌីជីថល និង​វិធី​សាស្ត្រ​ពង្រឹង​កិច្ច​សហ​ប្រតិបត្តិការតំបន់ ក្នុងការដោះស្រាយបញ្ហាប្រឈមជាសកលដែលកំពុងកើតមាន និង​ការ​ពន្លឿន​ការ​សម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព។ក្នុងឱកាសនោះ​សម្ដេចធិបតីនាយករដ្ឋមន្រ្ដី បានសម្ដែងការអរគុណដល់ ឯកឧត្តម សេដ្ឋា ថាវីស៊ីន នាយករដ្ឋមន្រ្ដីថៃ រួមនឹងនិងប្រជាជនថៃដែលបានទទួលស្វាគមន៍សម្ដេច និង​គណៈ​ប្រតិភូកម្ពុជា ប្រកបដោយភាពកក់ក្ដៅបំផុតក្នុងដំណើរចូលរួមសន្និបាតនេះ។ សម្ដេច​ធិបតីនាយករដ្ឋមន្រ្ដី បានបញ្ជាក់ថា បរិវត្តន៍ឧស្សាហកម្មឌីជី កំពុងដើរ​តួនាទី​សំខាន់​ក្នុង​ការ​ផ្លាស់​ប្ដូរ​ការអភិវឌ្ឍ និងសេដ្ឋកិច្ចរបស់ប្រទេសទាំងអស់ក្នុងសកលលោក។ ជាពិសេស​នា​អំឡុង​ពេល​ជំងឺរាតត្បាតកូវីដ-១៩ បានបង្ហាញយ៉ាង​ច្បាស់​អំពី​តម្រូវ​ការ​ចាំបាច់​ក្នុង​ការ​ប្រើ​ប្រាស់​បច្ចេក​វិទ្យាឌីជីថលនៅក្នុងការរស់នៅប្រចាំថ្ងៃរបស់ប្រជាពលរដ្ឋ។ សម្ដេចធិបតីបញ្ជាក់ថា តាមរយៈបច្ចេកវិទ្យាឌីជីថល ទាំងអស់គ្នាអាចកាត់បន្ថយគម្លាត និង​ពេល​វេលា បានជាច្រើនក្នុងការធ្វើកិច្ចការងារ និងការផ្ដល់សេវាកម្មផ្សេងនៅក្នុងអាជីវកម្ម ពាណិជ្ជកម្ម និង​ការ​រស់នៅប្រចាំថ្ងៃរបស់ពួកគេ។ ហើយសម្រាប់ប្រទេសកម្ពុជា បានចាត់​ទុក​បច្ចេក​វិទ្យា​ឌីជីថល​ គឺជាគោលនយោបាយស្នូលមួយក្នុងការអភិវឌ្ឍសេដ្ឋកិច្ចជាតិផងដែរ៕ អត្ថបទ៖ វ៉ន ដារ៉ា

ពលរដ្ឋកាណាដា និងភ្លៀវទេសចរ សម្រុកទៅទស្សនាសម្រស់ផ្កាសាគូរ៉ារីក នៅក្នុងទីក្រុងតូរុនតូ

2024/04/22 11:13:46 am        103
Facebook Telegram Linkin
ផ្កាសាគូរ៉ារីស្គុសស្គាយ បានផ្ដល់ភាពសប្បាយរីករាយដល់ប្រជាពលរដ្ឋក្នុងទីក្រុង ត៉ូរុនតូ (Toronto)ប្រទេសកាណាដា ក៏ដូចជាភ្ញៀវទេសចរកាលពីថ្ងៃអាទិត្យទី២១មេសា។ វីដេអូបង្ហាញពីក្រុមអ្នកទេសចរ កំពុងថតរូបលេង និងដើរកម្សាន្តយ៉ាងសប្បាយរីករាយ ក្នុងឧស្យាន High Park ជាទីតាំងនៃដើមសាគូរ៉ាដែលកំពុងរីកបង្អួតសម្រស់។អ្នកស្រី Trang Pham ដែលបានទៅលេងកម្សាន្តទីនោះបាននិយាយថា រូបគាត់មានចិត្តរីករាយខ្លាំងណាស់ ព្រោះបាននាំកូនជាលើកដំបូងមកមើលផ្កាសាគូរ៉ារីក។ មកដល់ទីនេះមានអារម្មណ៍រីករាយណាស់ ព្រោះនៅជុំវិញខ្លួនពោពេញដោយធម្មជាតិ។ភាពល្បីល្បាញនៅក្នុងប្រទេសកាណាដា ក៏មិនខុសពីនៅក្នុងទីក្រុងវ៉ាស៊ីនតោនឌីស៊ី សហរដ្ឋអាមេរិក ដែរ ដើមសាគូរ៉ា ដែលមានផ្កាកំពុងរីកទាំងនោះ គឺជាអំណោយបានមកពីប្រទេសជប៉ុនដែលបានផ្ដល់ជាផ្ដល់ឲ្យទៅប្រទេសកាណាដា ។កាលពីឆ្នាំ១៩៥៩ រដ្ឋាភិបាលជប៉ុន បានដឹកជញ្ជូនដើមសាគូរ៉ា ប្រមាណ២.០០០ដើម ទៅកាន់ទីក្រុងតូរុនតូ ៕

ប្រធានាធិបតីទួរគីលោក អឺដូនហ្កាន់ បានពិភាក្សាអំពីបទឈប់បាញ់ ជាមួយមេដឹកនាំក្រុមហាម៉ាស

2024/04/22 10:54:09 am        131
Facebook Telegram Linkin
ទូរទស្សន៍រដ្ឋ TRT បានរាយការណ៍ថា ប្រធានាធិបតីទួរគី លោក រ៉េសិប តាយីប អឺដូហ្កាន់ ( Recep Tayyip Erdoğan) បានជួបជាមួយលោក អ៊ីស្មេល ហានីយ៉េ ( Ismail Haniyeh) ដែលជាប្រធានការិយាល័យនយោបាយរបស់អង្គការសកម្មប្រយុទ្ធហាម៉ាសរបស់ប៉ាឡេស្ទីន នៅក្នុងទីក្រុងអ៊ីស្តង់ប៊ុល កាលពីថ្ងៃសៅរ៍ ដើម្បីពិភាក្សាអំពីបទឈប់បាញ់ នៅក្នុងសង្រ្គាមហ្កាហ្សាដែលកំពុងបន្ត។ការិយាល័យទំនាក់ទំនងរបស់លោក អឺដូហ្កាន់ បានសរសេរនៅលើវេទិកាប្រព័ន្ធផ្សព្វផ្សាយសង្គម Xថា លោកទាំងពីរ បានពិភាក្សាអំពីការវាយប្រហាររបស់អ៊ីស្រាអែលលើដីប៉ាឡេស្ទីន ក៏ដូចជាជំហានសម្រាប់ការផ្គត់ផ្គង់ជំនួយ «គ្រប់គ្រាន់ និងគ្មានការរំខាន» ដល់តំបន់ហ្កាហ្សា និងសម្រាប់សន្តិភាព «យុត្តិធម៌ និងយូរអង្វែង» នៅក្នុងតំបន់។ ពុំមានការលើកឡើងអំពីចំណាប់ថ្នូរអ៊ីស្រាអែល នៅក្នុងសេចក្តីថ្លែងការណ៍ផ្លូវការរបស់ទួរគីទេ។សេចក្តីថ្លែងការណ៍នៅលើបណ្តាញសង្គម X បានឲ្យដឹងថា លោក អឺដូហ្កាន់ បានប្រាប់លោកហានីយ៉េ ថា ប្រទេសទួរគី បានប្តេជ្ញាចិត្តចំពោះកិច្ចខិតខំប្រឹងប្រែងការទូតសម្រាប់ «បទឈប់បាញ់ជាបន្ទាន់» និងការបញ្ចប់ «ការសម្លាប់រង្គាល» នៅក្នុងតំបន់ហ្កាហ្សា។លោក អឺដូហ្កាន់ បានជំរុញឲ្យមានសាមគ្គីភាពគ្នាក្នុងចំណោមក្រុមប្រឆាំងប៉ាឡេស្ទីនសម្រាប់ផ្លូវមួយ ដើម្បីបង្កើតរដ្ឋរបស់ខ្លួន។មេដឹកនាំទួរគីរូបនេះ ក៏បាននិយាយផងដែរថា ការកើនឡើងភាពតានតឹងនាពេលថ្មីៗនេះ រវាងអ៊ីរ៉ង់ និងអ៊ីស្រាអែល មិនគួរបង្វែរការយកចិត្តទុកដាក់ជាសកលចេញពីតំបន់ហ្កាហ្សានោះទេ។របាយការណ៍ បាននិយាយថា រដ្ឋមន្ត្រីការបរទេសទួរគី លោក ហាកាន ហ្វីដាន (Hakan Fidan) និងប្រធានចារកម្ម លោក អ៊ីប្រាហ៊ីម កាលីន ( Ibrahim Kalın) បានចូលរួមកិច្ចប្រជុំនេះដែរ។

កោះតៃវ៉ាន់នឹងពិភាក្សាការប្រើកញ្ចប់ជំនួយថ្មីរបស់អាមេរិក ខណៈយន្តហោះចម្បាំងចិនចូលកាន់តែជិតកោះនេះ

2024/04/22 09:59:46 am        127
Facebook Telegram Linkin
យោធារបស់កោះតៃវ៉ាន់ បាននិយាយកាលពីថ្ងៃអាទិត្យថា ខ្លួននឹងពិភាក្សាជាមួយសហរដ្ឋអាមេរិក ពីរបៀបប្រើប្រាស់កញ្ចប់ជំនួយសម្រាប់ក្រុងតៃប៉ិ រួមទាំងកញ្ចប់ជំនួយឆ្លងកាត់ការអនុម័តនៅសភា ចំនួន៩៥ពាន់លានដុល្លារ ដែលភាគច្រើនផ្ដល់ឲ្យអ៊ុយក្រែន និងអ៊ីស្រាអែល ខណៈយន្តហោះចម្បាំងចិនជាច្រើនគ្រឿងបានហោះចូលទៅកាន់តែជិតកោះនេះ ។ សហរដ្ឋអាមេរិក គឺជាអ្នកគាំទ្រពីអន្តជាតិដ៏សំខាន់បំផុតរបស់កោះតៃវ៉ាន់ និងជាអ្នកផ្គត់ផ្គង់អាវុធដ៏សំខាន់បំផុតមួយផងដែរ ទោះបីជាពុំមានទំនាក់ទំនងផ្នែកការទូតផ្លូវការក៏ដោយ។អាជ្ញាធរការពារជាតិកោះនេះ បានបង្ហាញការដឹងគុណចំពោះសភាអាមេរិក សម្រាប់ការអនុម័តកញ្ចប់ជំនួយកាលពីថ្ងៃសៅរ៍ ដោយនិយាយថា ខ្លួនបានបង្ហាញការគាំទ្ររឹងមាំដូចថ្មរបស់សហរដ្ឋអាមេរិក សម្រាប់កោះស្វ័យគ្រប់គ្រងមួយនេះ ដែលចិនអះអាងថាជាដែនដីរបស់ខ្លួន។ អាជ្ញាធរយោធាខាងលើនេះ បានបន្ថែមថា ខ្លួននឹងសម្របសម្រួលការប្រើប្រាស់មូលនិធិនេះជាមួយសហរដ្ឋអាមេរិក តាមរយៈការផ្លាស់ប្ដូរយន្តការដែលមានស្រាប់ និងប្រឹងប្រែងបន្ថែមទៀតរដើម្បីពង្រឹងសមត្ថភាពប្រយុទ្ធ ក្នុងការធានាឲ្យបាននូវសន្តិសុខរបស់កោះនេះ សន្តិភាព និងស្ថិរភាពនៅក្នុងច្រកសមុទ្រតៃវ៉ាន់។ ចាប់តាំងពីឆ្នាំ២០២២មក កោះតៃវ៉ាន់ បានត្អូញត្អែរពីការពន្យារពេលបញ្ជូនអាវុធរបស់សហរដ្ឋអាមេរិក ដូចជា មីស៊ីលប្រឆាំងយន្តហោះ Stinger ជាដើម ខណៈក្រុមហ៊ុនផលិតអាវុធអាមេរិក ផ្ដោតលើការផ្គត់ផ្គង់ឲ្យអ៊ុយក្រែន ជួយប្រយុទ្ធបណ្ដេញកងទ័ពរុស្ស៊ី។ ដោយបន្តគូសបញ្ជាក់ពីសម្ពាធរបស់ចិនលើកោះនេះ អាជ្ញាធរយោធាតៃវ៉ាន់ បាននិយាយកាលពីព្រឹកថ្ងៃអាទិត្យថា ក្នុងពេល២៤ម៉ោងកន្លងទៅនេះមានយន្តហោះចម្បាំងរបស់ចិន១៤ គ្រឿង បានឆ្លងកាត់បន្ទាត់មេដ្យានដ៏រសើបនៃច្រកសមុទ្រតៃវ៉ាន់៕

ក្រុមហ៊ុន TikTok លើកឡើងការព្រួយបារម្ភអំពីសេចក្តីស្នើច្បាប់អនុម័តដោយសភាអាមេរិក

2024/04/22 09:34:10 am        100
Facebook Telegram Linkin
ក្រុមហ៊ុន TikTok កាលពីថ្ងៃអាទិត្យ បាននិយាយឡើងវិញការព្រួយបារម្ភ អំពីសេចក្តីស្នើច្បាប់ ដែលត្រូវបានអនុម័តដោយសភាសហរដ្ឋអាមេរិកកាលពីថ្ងៃសៅរ៍។ វិធានការនេះ នឹងហាមឃាត់កម្មវិធីប្រព័ន្ធផ្សព្វផ្សាយសង្គមដ៏ពេញនិយមនៅសហរដ្ឋអាមេរិក ប្រសិនបើម្ចាស់ក្រុមហ៊ុន ByteDance របស់ប្រទេសចិន មិនលក់ភាគហ៊ុនរបស់ខ្លួនក្នុងរយៈពេលមួយឆ្នាំ។ សភាបានអនុម័តច្បាប់នេះដោយសំឡេង ៣៦០ទល់នឹង៥៨ សំឡេង ជាផ្នែកមួយនៃកញ្ចប់ជំនួយបរទេសកាន់តែទូលំទូលាយ។ព្រឹទ្ធសភា ត្រូវបានគេរំពឹងថានឹងបោះឆ្នោតលើច្បាប់នៅសប្តាហ៍នេះ ហើយ ប្រធានាធិបតី លោក Joe Biden បាននិយាយថា លោកនឹងចុះហត្ថលេខាលើច្បាប់នេះ។ នៅក្នុងសេចក្តីថ្លែងការណ៍មួយ ក្រុមហ៊ុន TikTok បាននិយាយថា វាគួឲ្យសោកស្តាយដែលសភាកំពុងប្រើប្រាស់របាំងជំនួយបរទេស និងមនុស្សធម៌សំខាន់ៗដើម្បីរារាំងម្តងទៀត តាមរយៈសេចក្តីស្នើច្បាប់ហាមឃាត់ ដែលនឹងជាន់ឈ្លីសិទ្ធិបញ្ចេញមតិដោយសេរីរបស់ប្រជាជនអាមេរិកចំនួន ១៧០ លាននាក់។សមាជិកសភាអាមេរិកជាច្រើននាក់ មកពីគណបក្សសាធារណៈរដ្ឋ និងគណបក្សប្រជាធិបតេយ្យ និងរដ្ឋបាលរបស់លោក Biden និយាយថាក្រុមហ៊ុន TikTok បង្កហានិភ័យសន្តិសុខជាតិ ព្រោះប្រទេសចិន អាចបង្ខំក្រុមហ៊ុនឱ្យចែករំលែកទិន្នន័យរបស់អ្នកប្រើប្រាស់អាមេរិកចំនួន ១៧០លាននាក់។ ក្រុមហ៊ុន TikTok ទទូចថា ខ្លួនពុំដែលបានចែករំលែកទិន្នន័យអាមេរិក និងពុំធ្វើបែបនោះឡើយ។សមាជិកព្រឹទ្ធសភាអាមេរិកគណបក្សប្រជាធិបតេយ្យ លោក Mark Warner ដែលជាប្រធានគណៈកម្មាធិការស៊ើបការណ៍ព្រឹទ្ធសភា កាលពីថ្ងៃអាទិត្យបានប្រាប់សារព័ត៌មាន CBS News ថា ក្រុមហ៊ុន TikTok អាចត្រូវបានប្រើប្រាស់ជាឧបករណ៍ឃោសនាដោយរដ្ឋាភិបាលប្រទេសចិន។ សភាបានបោះឆ្នោតកាលពីថ្ងៃទី១៣ ខែមីនា ដើម្បីផ្តល់ឱ្យក្រុមហ៊ុន ByteDance ប្រហែល៦ខែដើម្បីលក់ផ្តាច់ទ្រព្យសម្បត្តិឲ្យសហរដ្ឋអាមេរិកនៃកម្មវិធីវីដេអូខ្លី បើមិនដូច្នេះទេប្រឈមនឹងការហាមឃាត់។

រុស្ស៊ី៖ អាមេរិក ប្រឈមភាពអាម៉ាស់ ក្នុងសង្រ្គាមអ៊ុយក្រែន ដូចនៅវៀតណាម និងអាហ្វហ្គានីស្ថាន

2024/04/22 09:20:58 am        190
Facebook Telegram Linkin
រុស្ស៊ី បាននិយាយកាលពីថ្ងៃអាទិត្យថា ជំនួយចុងក្រោយបំផុតរបស់សហរដ្ឋអាមេរិកសម្រាប់អ៊ុយក្រែនបានបង្ហាញថា ទីក្រុងវ៉ាស៊ីនតោន កំពុងលូកដៃចូលកាន់តែជ្រៅទៅក្នុងសង្រ្គាមប្រឆាំងនឹងទីក្រុងមូស្គូ ដែលទីបំផុតនឹងជួបភាពអាម៉ាស់ ដូចទៅនឹងជម្លោះនៅក្នុងប្រទេសវៀតណាម និងអាហ្វហ្គានីស្ថាន។ ការលើកឡើងនេះ កើតឡើងបន្ទាប់ពីសភាសហរដ្ឋអាមេរិក កាលពីថ្ងៃសៅរ៍បានអនុម័តដោយមានការគាំទ្រពីគណបក្សទាំង២លើកញ្ចប់ជំនួយចំនួន៩៥ពាន់លានដុល្លារ ដែលផ្តល់ជំនួយសន្តិសុខដល់អ៊ុយក្រែន អ៊ីស្រាអែល និងកោះតៃវ៉ាន់។ អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ាណា ហ្សាខារ៉ូវ៉ា(Maria Zakharova)និយាយថា ច្បាស់ណាស់ថាអាមេរិកចង់ឱ្យអ៊ុយក្រែន ប្រយុទ្ធនៅក្នុងទឹកដីចុងក្រោយរបស់អ៊ុយក្រែន រួមទាំងការវាយប្រហារលើទឹកដីអធិបតេយ្យភាពរុស្ស៊ី និងជនស៊ីវិល។លោកស្រី បាននិយាយថា ការជ្រៀតជ្រែកកាន់តែខ្លាំង និងជ្រៅឡើង របស់ទីក្រុងវ៉ាស៊ីនតោន នៅក្នុងសង្រ្គាមកូនកាត់ប្រឆាំងនឹងរុស្ស៊ី នឹងក្លាយជាភាពអាម៉ាស់ខ្លាំងសម្រាប់សហរដ្ឋអាមេរិក នៅដូចជាសង្គ្រាមនៅវៀតណាម និងអាហ្វហ្គានីស្ថានដែរ។ លោកស្រីបន្តថា ប្រទេសរុស្ស៊ីនឹងផ្តល់ ការឆ្លើយតបដោយគ្មានលក្ខខណ្ឌ និងម៉ឺងម៉ាត់ ចំពោះចំណាត់ការរបស់សហរដ្ឋអាមេរិក ចូលរួមបន្ថែមទៀតនៅក្នុងសង្គ្រាមអ៊ុយក្រែន។ សហរដ្ឋអាមេរិកបានបាត់បង់បុគ្គលិកយោធាជាង៥៨.០០០នាក់ នៅក្នុងសង្គ្រាមវៀតណាមឆ្នាំ ១៩៥៥ ដល់១៩៧៥ ដែលបានបញ្ចប់ដោយជ័យជម្នះរបស់វៀតណាមខាងជើងកុម្មុយនិស្ត និងការកាន់កាប់ភាគខាងត្បូង ខណៈជនស៊ីវិលរាប់សែននាក់ត្រូវបានសម្លាប់។ នៅក្នុងសង្រ្គាមឆ្នាំ ២០០១ដល់ ២០២១ នៅប្រទេសអាហ្វហ្គានីស្ថាន សហរដ្ឋអាមេរិកបានរាយការណ៍ថាមនុស្ស ២.៤៥៩ នាក់ នាក់បានស្លាប់ និងជាង២០.០០០នាក់ បានរងរបួសនៅក្នុងជម្លោះដែលបានបញ្ចប់ដោយការដកកងកម្លាំងចម្រុះដឹកនាំដោយសហរដ្ឋអាមេរិក ហើយក្រុមតាលីបង់ បានវិលត្រលប់ទៅកាន់អំណាចឡើងវិញ។ សហភាពសូវៀតបានបាត់បង់កងទ័ពចំនួន ១៤.៤៥៣នាក់ នៅក្នុងសង្គ្រាមពីឆ្នាំ១៩៧៩ ដល់ ១៩៨៩ នៅប្រទេសអាហ្វហ្គានីស្ថាន៕

សម្តេចធិបតី អញ្ជើញចូលរួមពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ច សម្រាប់អាស៊ី~ប៉ាស៊ីហ្វិក នៅទីក្រុងបាងកក

2024/04/22 08:19:51 am        132
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃចន្ទ ទី២២ មេសា ២០២៤ ដឹកនាំគណៈប្រតិភូរាជរដ្ឋាភិបាលកម្ពុជា ចូលរួមពិធីបើកសន្និបាតលើកទី៨០ របស់គណៈកម្មការសេដ្ឋកិច្ច និងសង្គមកិច្ច សម្រាប់អាស៊ី~ប៉ាស៊ីហ្វិក នៅទីក្រុងបាងកក ព្រះរាជាណាចក្រថៃ ក្រោមប្រធានបទ «ការប្រើប្រាស់នវានុវត្តន៍ឌីជីថលសម្រាប់ការអភិវឌ្ឍប្រកបដោយចីរភាព ក្នុងតំបន់អាស៊ី-ប៉ាស៊ីហ្វិក» ។ សន្និបាតប្រចាំឆ្នាំនេះនឹងពិភាក្សាអំពីសក្តានុពលនៃបច្ចេកវិទ្យាឌីជីថល នឹងវិធីសាស្ត្រពង្រឹងកិច្ចសហប្រតិបត្តិការតំបន់ ក្នុងការដោះស្រាយបញ្ហាប្រឈមជាសកលដែលកំពុងកើតមាន និងការពន្លឿនការសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព ។គណៈប្រតិភូរាជរដ្ឋាភិបាលកម្ពុជាបាននឹងកំពុងបន្តបេសកកម្ម ការទូតក្រៅប្រទេស ជាលើកទី១៤ ក្នុងគោលបំណងដើម្បីបន្តពង្រឹង ចំណងមិត្តភាពជាមួយប្រទេសក្នុងតំបន់ និងសកល ដោយពង្រីកនូវកិច្ចសហប្រតិបត្តិការលើគ្រប់វិស័យ ដើម្បីឧត្តមប្រយោជន៍ជាតិ និងប្រជាជន។

នាយករដ្ឋមន្ត្រីអ៊ីស្រាអែល នឹងច្រានចោលការដាក់ទណ្ឌកម្មណាមួយលើអង្គភាពយោធា

2024/04/22 08:08:12 am        173
Facebook Telegram Linkin
លោកនាយករដ្ឋមន្ត្រីអ៊ីស្រាអែល Benjamin Netanyahu បានប្តេជ្ញាថានឹងបដិសេធរាល់ការដាក់ទណ្ឌកម្មលើយោធារបស់ប្រទេសនេះ បន្ទាប់ពីមានសេចក្តីរាយការណ៍ថាសហរដ្ឋអាមេរិកគ្រោងនឹងកាត់បន្ថយជំនួយដល់អង្គភាពមួយ។ នាយករដ្ឋមន្ត្រី បាននិយាយកាលពីថ្ងៃអាទិត្យថា លោកនឹងតតាំងឲ្យអស់ពីកម្លាំងរបស់លោក។ថ្មីៗនេះ គេហទំព័រព័ត៌មាន អាស៊ីអូស (Axios) បាននិយាយថា សហរដ្ឋអាមេរិកនឹងដាក់គោលដៅលើកងវរសេនាតូច ណេតហ្សា យ៉េហ៊ូដា (Netzah Yehuda)របស់អ៊ីស្រាអែល ជុំវិញការចោទប្រកាន់ថាមានការរំលោភសិទ្ធិមនុស្សនៅក្នុងតំបន់ West Bank ដែលខ្លួនកាន់កាប់។ទូរទស្សន៍ BBC យល់ថា រាល់ទង្វើនឹងកើតឡើងក្រោមបម្រាមរបស់សហរដ្ឋអាមេរិកលើជំនួយដល់អង្គភាពបរទេសដែលជាប់ពាក់ព័ន្ធនឹងការរំលោភបំពាននានា។នៅពេលត្រូវបានសួរកាលពីសប្តាហ៍មុនអំពីរបាយការណ៍ដែលថាជំនួយយោធារបស់សហរដ្ឋអាមេរិកដល់អង្គភាពរបស់កងកម្លាំងការពារអ៊ីស្រាអែល (IDF) អាចត្រូវបានកាត់បន្ថយ ជុំវិញការចោទប្រកាន់ពីបទរំលោភសិទ្ធិមនុស្សនៅក្នុងតំបន់ West Bank រដ្ឋមន្ត្រីការបរទេសអាមេរិកលោក Antony Blinken បាននិយាយថា លោកបានប្តេជ្ញារួចចិត្តហើយ អ្នកអាចរំពឹងថានឹងឃើញទណ្ឌកម្មនៅប៉ុន្មានថ្ងៃខាងមុខ។ទីក្រុង វ៉ាស៊ីនតោន ដែលជាសម្ព័ន្ធមិត្តដ៏សំខាន់របស់អ៊ីស្រាអែល មិនដែលផ្អាកជំនួយដល់អង្គភាព IDF កាលពីកន្លងទៅទេ។ យោធាអ៊ីស្រាអែលបាននិយាយថា កងវរសេនាតូច ណេតហ្សា យ៉េហ៊ូដា (Netzah Yehuda) កំពុងធ្វើប្រតិបត្តិការស្របតាមច្បាប់អន្តរជាតិ។រដ្ឋមន្ត្រីការពារជាតិអ៊ីស្រាអែល លោក Yoav Gallant បានអំពាវនាវឱ្យសហរដ្ឋអាមេរិកដកចេតនាដាក់ទណ្ឌកម្មលើកងវរសេនាតូចនេះ ដោយនិយាយថា ពេលនេះ ពិភពលោកកំពុងឃ្លាំមើលទំនាក់ទំនងរវាងសហរដ្ឋអាមេរិក និងអ៊ីស្រាអែល កាន់តែជិតស្និទ្ធជាងពេលណាៗទាំងអស់៕

បណ្ដាញសង្គម

ព័ត៌មានថ្មីៗ

ស្ថានទូតឥណ្ឌូនេស៊ី រំពឹងថា ពិធីបុណ្យផ្សាររាត្រី នឹងទាក់ទាញភ្ញៀវទេសចរកាន់តែច្រើន ឱ្យចូលរួមទស្សនាផ្លូវថ្មើរជើងចតុមុខ
04/26/2026 05:04 PM
Facebook Telegram Linkin
សកម្មជនមកពីគណបក្សប្រឆាំងចំនួន៧០នាក់ ស្រុកស្អាង ខេត្តកណ្តាល ចូលរួមជីវភាពនយោបាយជាមួយគណបក្សប្រជាជនកម្ពុជា
04/26/2026 04:04 PM
Facebook Telegram Linkin
ការងារជោគជ័យអាស្រ័យមន្រ្តីមាន «សុខភាពល្អ»
04/26/2026 04:04 PM
Facebook Telegram Linkin
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន
04/26/2026 04:04 PM
Facebook Telegram Linkin
ឯកឧត្តម ហ៊ុន ម៉ានី៖“សុខទុក្ខមន្ត្រី គឺជាស្នូលនៃការអនុវត្តការងារកែទម្រង់រដ្ឋបាលសាធារណៈ ស្របតាមចក្ខុវិស័យរបស់ សម្តេចមហាបវរធិបតីនាយករដ្ឋមន្ត្រី”
04/26/2026 04:04 PM
Facebook Telegram Linkin
ការនាំចេញប្រេងឆៅ និងផលិតផលប្រេងរបស់សហរដ្ឋអាមេរិកបានឈានដល់កម្រិតខ្ពស់បំផុតមិនធ្លាប់មាន
04/26/2026 03:04 PM
Facebook Telegram Linkin
អ៊ីរ៉ង់និយាយថាខ្លួន បានត្រៀមរួចរាល់ហើយដើម្បីទប់ទល់នឹងការគំរាមកំហែងគ្រប់បែបយ៉ាង
04/26/2026 03:04 PM
Facebook Telegram Linkin
មនុស្ស១៤ នាក់បានស្លាប់ក្នុងការបំផ្ទុះគ្រាប់បែកនៅភាគនិរតីរបស់ប្រទេសកូឡុំប៊ី
04/26/2026 02:04 PM
Facebook Telegram Linkin
អតីតសកម្មជនបក្សប្រឆាំងជាច្រើននាក់ទៀត នៅស្រុកត្រាំកក់ សម្រេចចូលរួមជីវភាពនយោបាយ ជាមួយគណប្រជាជនកម្ពុជា
04/26/2026 02:04 PM
Facebook Telegram Linkin
អាជ្ញាធរខេត្តប៉ៃលិន បន្តចុះត្រួតពិនិត្យជនបរទេសដែលលួចចូលមករស់នៅខុសច្បាប់ ក្នុងខេត្ត
04/26/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.