BTV NEWS

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ និង ការអភិវឌ្ឍន៍

លោក Biden ព្រមានលោក Netanyahu ពីការប្រែប្រួលជំហរអាមេរិក និងជីវិតជនស៊ីវីលហ្កាហ្សា ខណៈសម្ពាធក្នុងប្រទេសកើនឡើង

លោកប្រធានាធិបតីអាមេរិក Joe Biden បានព្រមានអ៊ីស្រាអែល អំពីការភាពប្រែប្រួលយ៉ាងខ្លាំងក្នុងគោលនយោបាយរបស់លោកជុំវិញសង្រ្គាម នៅតំបន់ហ្កាហ្សា កាលពីថ្ងៃព្រហស្បតិ៍ ៤មេសា ខណៈមានការអន់ចិត្តកាន់តែខ្លាំងចំពោះលោកនាយករដ្ឋមន្ត្រីអ៊ីស្រាអែលBenjamin Netanya hu និងការកើនឡើងសម្ពាធនៅសហរដ្ឋអាមេរិក ក្នុងឆ្នាំបោះឆ្នោតជ្រើសរើសប្រធានាធិបតី។ លោក Biden បានឈជាខ្នងបង្អែកយ៉ាងរឹងមាំឲ្យអ៊ីស្រាអែល ចាប់តាំងពីការវាយប្រហារថ្ងៃទី ៧ ខែតុលា ឆ្នាំ២០២៣ ពីសំណាក់ក្រុមហាម៉ាស ហើយរហូតមកដល់ពេលនេះ មានត្រឹមតែការរិះគន់លើរូបលោក ចំពោះការស្លាប់ជនស៊ីវិលនៅក្នុងតំបន់ហ្កាហ្សា ពុំបានបញ្ឈប់ទីក្រុងវ៉ាស៊ីនតោន មិនឲ្យផ្គត់ផ្គង់ផ្នែករឹង ឬ hardware ខាងយោធាដល់សម្ព័ន្ធមិត្តដ៏សំខាន់របស់ខ្លួននៅមជ្ឈិមបូព៌ាមួយនេះបានទេ។ ប៉ុន្តែ បច្ចុប្បន្នគណបក្សប្រជាធិបតេយ្យរបស់លោកBiden ប្រឈមការខឹងសម្បារយ៉ាងខ្លាំងពីអ្នកបោះឆ្នោតមូស្លីម និងវ័យក្មេង ចំពោះការគាំទ្ររបស់លោកលើអ៊ីស្រាអែល ហើយសម្ព័ន្ធមិត្តនយោបាយនៅក្នុងសហរដ្ឋអាមេរិក បាននឹងកំពុងជំរុញឱ្យរូបលោកបង្កើតលក្ខខណ្ឌក្នុងការផ្ដល់ជំនួយលើអាកប្បកិរិយារឹងរុសរបស់អ៊ីស្រាអែលដែលបានផ្លាស់ប្តូរ។ នៅក្នុងការសន្ទនាតាមទូរស័ព្ទរយៈពេល ៣០ នាទីដ៏តានតឹងជាមួយលោក Netanyahu បន្ទាប់ពីការវាយប្រហាររបស់អ៊ីស្រាអែលបានសម្លាប់បុគ្គលិកជំនួយចំនួន ៧ នាក់នៅហ្កាហ្សា លោក Biden បានព្រមានថា ជំនួយអាមេរិកទៅឱ្យអ៊ីស្រាអែល ធ្វើទៅបានលុះត្រាតែជនស៊ីវិលមានសុវត្ថិភាពក្នុងតំបន់ហ្កាហ្សា។ សេតវិមានបាននិយាយថា នេះជាលើកដំបូងដែលលោក Biden បានបញ្ជាក់យ៉ាងច្បាស់ថាគោលនយោបាយរបស់សហរដ្ឋអាមេរិកទាក់ទងនឹងតំបន់ហ្កាហ្សា នឹងត្រូវបានកំណត់ដោយការវាយតម្លៃរបស់យើងអំពីសកម្មភាពភ្លាមៗរបស់អ៊ីស្រាអែល ដើម្បីបញ្ចប់ការកាប់សម្លាប់ និងស្ថានភាពមនុស្សធម៌ដ៏ធ្ងន់ធ្ងរនៅក្នុងដែនដីហែកហួរដោតសង្រ្គាមមួយនេះ។រដ្ឋបាលរបស់លោក Biden ប្រឈមទង្វើតុល្យភាពដ៏លំបាកមួយ ខណៈព្យាយាមកំណត់គោលនយោបាយស្ដីពីសង្រ្គាមនៅហ្កាហ្សា របស់ខ្លួនរវាងអ្វីដែលលោក John Kirby អ្នកនាំពាក្យសន្តិសុខជាតិសេតវិមាន ហៅថាការប្តេជ្ញាចិត្ត ដែកថែប ទាំងស្រុងរបស់ខ្លួនចំពោះអ៊ីស្រាអែល និងការបង្កើនការប្រឆាំងសម្ពាធនៅប្រទេសរបស់ខ្លួនចំពោះសង្រ្គាមនេះ៕

នៅមន្ទីរអភិវឌ្ឍន៍ជនបទខេត្តឧត្តរមានជ័យ បើកសន្និបាតបូកសរុបលទ្ធផលការងារឆ្នាំ២០២៣ លើកទិសដៅអនុវត្តការងារឆ្នាំ២០២៤

នៅមន្ទីរអភិវឌ្ឍន៍ជនបទខេត្តឧត្តរមានជ័យ មានបើកសន្និបាតបូកសរុបលទ្ធផលការងារឆ្នាំ២០២៣ លើកទិសដៅអនុវត្តការងារឆ្នាំ២០២៤របស់ក្រសួងអភិវឌ្ឍន៍ជនបទ ដែលបានប្រារព្ធធ្វើឡើងក្រោមអធិបតីភាពឯកឧត្តម យឹម ជុង រដ្ឋលេខាធិការក្រសួងអភិវឌ្ឍន៍ជនបទតំណាងឲ្យឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងមានការអញ្ជើញចូលរួមពីលោកស្រីអភិបាលរងខេត្តតំណាងឲ្យអភិបាលខេត្តរួមទាំងមន្រ្តីមកពីស្ថាប័នពាក់ព័ន្ធជាច្រើនរូបទៀត នាព្រឹកថ្ងៃទី ៤ ខែមេសា ឆ្នាំ២០២៤នេះ។ក្នុងអង្គសន្និបាតនោះដែរ ឯកឧត្តម យឹម ជុង រដ្ឋលេខាធិការក្រសួងអភិវឌ្ឍន៍ជនបទ បានថ្លែងថា ក្នុងយុទ្ធសាស្ត្របញ្ចកោណដំណាក់កាលទី១ នីតិកាលទី៧ ក្រោមការដឹកនាំប្រកបដោយបញ្ញាញាណរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជានិងគោលនយោបាយ ឈ្នះ ឈ្នះក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន បានធ្វើឲ្យសង្គមជាតិទាំងមូលមានការអភិវឌ្ឍរីកចម្រើនបានយ៉ាងឆាប់រហ័សលើគ្រប់វិស័យ។ឯកឧត្តម បានឲ្យដឹងទៀតថា រាជរដ្ឋាភិបាលបានដាក់ចេញនូវយុទ្ធសាស្រ្តបញ្ចកោណដំណាក់កាលទី១ ដោយផ្តោតទៅលើវិស័យអាទិភាពចំនួន៥ គឺ ផ្លូវមនុស្ស ផ្លូវទឹក ភ្លើង និងបច្ចេកវិឡាដើម្បីបន្តកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាឆ្នាំ២០៣០ ជាប្រទេសដែលមានចំណូលមធ្យម កម្រិតខ្ពស់ ឆ្នាំ២០៥០ ជាប្រទេសដែលមានចំណូលខ្ពស់។ឯកឧត្តមរដ្ឋលេខាធិការក្រសួងអភិវឌ្ឍន៍ជនបទ បានបន្តថា ការអនុវត្តតាមគោលការណ៍រក្សាចាស់ បង្កើនថ្មី របស់រាជរដ្ឋាភិបាលនីតិកាលទី៧ គឺមានឆន្ទៈយ៉ាងមោះមុតក្នុងការថែរក្សាសមិទ្ធផលដែលមានស្រាប់ ដែលកើតចេញពីការចូលរួមពលីកម្មគ្រប់បែបយ៉ាងរបស់មន្ត្រីរាជការទាំងអស់រាប់ទាំងមន្ត្រីដែលបានចូលនិវត្តន៍ ហើយយើងនឹងខិតខំបន្តចូលរួមអភិវឌ្ឍន៍ប្រទេសជាតិឱ្យកាន់តែរីកចម្រើនទៅមុខបន្ថែមទៀត ដើម្បីរក្សាបាននូវសុខសន្តិភាព ស្ថេរភាពសង្គម ព្រមទាំងឱកាសនៃការអភិវឌ្ឍប្រទេសជាតិផងដែរ៕

ជប៉ុន និងអាមេរិក ព្រមព្រៀងបង្កើនការអភិវឌ្ឍន៍យុទ្ធោបករណ៍ការពារជាតិ រួមគ្នា

អនុរដ្ឋមន្ត្រីការបរទេសសហរដ្ឋអាមេរិក លោក Kurt Campbell បាននិយាយថា មេដឹកនាំប្រទេសជប៉ុន និងសហរដ្ឋអាមេរិក ត្រូវបានគេរំពឹងថានឹងព្រមព្រៀងនៅសប្តាហ៍ក្រោយនេះ ដើម្បីជំរុញកិច្ចសហប្រតិបត្តិការលើការអភិវឌ្ឍន៍និងការផលិតយុទ្ធោករណ៍ការពារជាតិរួមគ្នា។ លោក Campbell បាននិយាយនៅឯវិស្ថានស្រាវជ្រាវពីសង្គ្រាម Think Tank នៅទីក្រុងវ៉ាស៊ីនតោនកាលពីថ្ងៃពុធ មួយសប្តាហ៍មុនជំនួបកំពូលរវាងនាយករដ្ឋមន្ត្រីជប៉ុន លោក Kishida Fumio និងប្រធានាធិបតីសហរដ្ឋអាមេរិក លោក Joe Biden នៅរដ្ឋធានី សហរដ្ឋអាមេរិក។លោកនិយាយថា ការវិវឌ្ឍន៍សំខាន់បំផុតនៅលើឆាកពិភពលោកនឹងបង្ហាញនៅសប្តាហ៍ក្រោយ នៅទីនេះ ក្នុងទីក្រុងវ៉ាស៊ីនតោន ខណៈយើងធ្វើទំនើបកម្មដ៏ធំនៃទំនាក់ទំនងអាមេរិក-ជប៉ុន។លោកនិយាយថា រឿងមួយដែលលោកគិត អ្នកនឹងមើលឃើញនៅសប្តាហ៍ក្រោយគឺជាជំហាន ជាលើកដំបូងដែលនឹងអនុញ្ញាតឱ្យសហរដ្ឋអាមេរិក និងជប៉ុន ធ្វើការសហការគ្នាបន្ថែមទៀតលើការអភិវឌ្ឍន៍រួមគ្នា និងសក្តានុពលនៃសហផលិតភាពផ្នែកយោធា និងយុទ្ធោបករណ៍រពារជាតិដ៏សំខាន់។ការរៀបចំ កំពុងត្រូវបានធ្វើឡើងសម្រាប់មេដឹកនាំទាំងពីរ ដើម្បីបញ្ជាក់ថាមេដឹកនាំនឹងពិនិត្យឡើងវិញនូវក្របខ័ណ្ឌបញ្ជាការ និងគ្រប់គ្រងសម្រាប់កងកម្លាំងស្វ័យការពាររបស់ប្រទេសជប៉ុន និងកងកម្លាំងសហរដ្ឋអាមេរិកនៅក្នុងប្រទេសជប៉ុនដើម្បីផ្តល់លទ្ធភាពកិច្ចសហប្រតិបត្តិការរបស់ពួកគេដោយរលូន។មេដឹកនាំទាំងពីរ ក៏ត្រូវបានគេរំពឹងថានឹងពិភាក្សាអំពីកិច្ចសហប្រតិបត្តិការលើសន្តិសុខសេដ្ឋកិច្ច និងមានបំណងជំរុញការទប់ស្កាត់ និងសមត្ថភាពឆ្លើយតបនៃសម្ព័ន្ធមិត្តជប៉ុន-អាមេរិក។

ប្រធានក្រុមយុវជនសង្គមស៊ីវិល៖សម្តេចតេជោនឹងបន្តដឹកនាំស្ថាប័ននីតិប្បញ្ញត្តិជាន់ខ្ពស់ចូលរួមកាន់ចង្កូតនាវាកម្ពុជាឱ្យស្ថិតស្ថេរគង់វង្សលើមាគ៌ាសន្តិភាព និងការអភិវឌ្ឍ

ភ្នំពេញ៖លោក ហេង សំណាង ប្រធានយុវជនសង្គមស៊ីវិល និងក្រុមសេដ្ឋកិច្ចក្រៅប្រព័ន្ធបានលើកឡើងថា តាមរយៈតំណែងថ្មីរបស់សម្ដេចអគ្គមហាសនាបតីតេជោ ហ៊ុន សែន ជាប្រធានព្រឹទ្ធសភា នៃព្រះរាជាណាចក្រកម្ពុជា សម្រាប់នីតិកាលទី៥នេះ នឹងសម្តេចនឹងបន្តដឹកនាំស្ថាប័ននីតិប្បញ្ញត្តិជាន់ខ្ពស់របស់កម្ពុជាមួយនេះ ចូលរួមកាន់ចង្កូតនាវាកម្ពុជាឱ្យស្ថិតស្ថេរគង់វង្សលើមាគ៌ាសន្តិភាព និងការអភិវឌ្ឍ។ លោកបានលើកឡើងពីវិរភាពរបស់សម្ដេចតេជោ ហ៊ុន សែន ដោយលោកបានមើលឃើញថាវត្តមានដ៏ខ្ពស់ខ្ពស់របស់សម្តេចដែលបានបូជាសាច់ស្រស់ឈាមស្រស់ដើម្បីបុព្វហេតុជាតិមាតុភូមិកន្លងមក បានកែប្រែមុខមាត់កម្ពុជាជាប្រវត្តិសាស្ត្រ ងើបមុខលើឆាកអន្តរជាតិ បង្ហាញពីភាពរីកចម្រើនលើគ្រប់វិស័យរក្សាបាននូវសុខសន្តិភាព ឯករាជ្យភាព អធិបតេយ្យ បូរណភាពទឹកដី យ៉ាងពេញលេញ។ ក្នុងនាមជាអ្នកជំនាន់ក្រោយលោក ហេង សំណាង និងក្រុមយុវជនសង្គមស៊ីវិលនៅទូទាំងប្រទេស បាន សម្តែងនូវក្តីកត្តញ្ញូកតវេទីដ៏ជ្រាលជ្រៅបំផុត ចំពោះការលះបង់កម្លាំងកាយ ចិត្ត ធ្វើពលិកម្មសព្វបែបយ៉ាងដើម្បីជាតិមាតុភូមិ និងប្រជាជនរបស់សម្តេចតេជោ។ បន្ទាប់ពីបេសសកម្មដឹកនាំជាតិរយៈពេលជាង ៤០ឆ្នាំក្នុងឋានៈជានាយករដ្ឋមន្ត្រី សម្តេចនឹងបន្តដឹកនាំស្ថាប័ននីតិប្បញ្ញត្តិជាន់ខ្ពស់ ដើម្បីចូលរួមចំណែកក្នុងការកាន់ចង្កូតនាវាកម្ពុជាឱ្យស្ថិតស្ថេរគង់វង្សលើមាគ៌ាសន្តិភាព និងការអភិវឌ្ឍ។ លោកបានបញ្ជាក់ថា ការបោះឆ្នោតផ្តល់សេចក្តីទុកចិត្តជូនសម្តេចតេជោ ហ៊ុន សែន ដើម្បីដឹកនាំស្ថាប័ននីតិប្បញ្ញត្តិកំពូលមួយនេះ គឺពិតជាបង្ហាញយ៉ាងជាក់ច្បាស់នូវតួនាទីដ៏ឧត្តុង្គឧត្តមរបស់សមេ្តចតេជោ ដែលប្រជារាស្ត្រខ្មែរច្រើនលើសលប់គោរព ស្រឡាញ់ដ៏ជ្រាលជ្រៅ និងតែងតែមានជំនឿចិត្តយ៉ាងមុតមាំលើគតិបណ្ឌិត និងភាពវៃឆ្លាតរបស់សម្តេចតេជោក្នុងការដឹកនាំប្រទេសជាតិ។ លោក ហេង សំណាង បន្តថាសម្តេចតេជោចូលកាន់តំណែងជាប្រធានព្រឹទ្ធសភា នីតិកាលទី៥ គឺពិតជាបានជួយសម្រួលឱ្យដំណើរការកំណែរទម្រង់នានា ជាពិសេសការកែទម្រង់ច្បាប់របស់កម្ពុជា ជំរុញកម្ពុជាឱ្យក្លាយជាប្រទេសមានចំណូលខ្ពស់ និងជឿនលឿនលើគ្រប់វិស័យយ៉ាងសុខសាន្ត៕

វ៉េណេហ្ស៊ុយអេឡា អះអាងថា អាមេរិកកំពុងសាងសង់មូលដ្ឋានទ័ពសម្ងាត់ នៅតំបន់Essequiboដែលមានជម្លោះ

ប្រធានាធិបតីវ៉េណេហ្ស៊ុយអេឡា លោក នីកូឡាស ម៉ាឌូរ៉ូ (Nicolas Maduro) កាលពីថ្ងៃពុធ បានចោទប្រកាន់សហរដ្ឋអាមេរិកថា បានសាងសង់ «មូលដ្ឋានយោធាសម្ងាត់» នៅក្នុងតំបន់ Essequibo ជាតំបន់សម្បូរប្រេងរបស់ប្រទេសហ្គឺយ៉ាន( Guyana) ដែលទីក្រុងការ៉ាកាសអះអាងថា ជាទឹកដីរបស់ខ្លួន។លោកម៉ាឌូរ៉ូ បាននិយាយថា៖«យើងមានព័ត៌មានដែលបង្ហាញថា នៅលើទឹកដីតំបន់Essequibo ដែលគ្រប់គ្រងជាបណ្តោះអាសន្នដោយប្រទេសហ្គីយ៉ាន មូលដ្ឋានយោធាសម្ងាត់នៃទីបញ្ជាការភាគខាងត្បូង (សហរដ្ឋអាមេរិក)... ដែលជាស្ថាប័នរបស់ទីភ្នាក់ងារចារកម្មCIA ត្រូវបានកសាងឡើង។លោកបានលើកឡើងថា មូលដ្ឋានទ័ពទាំងនេះ គឺជា «ការឈ្លានពាន» ប្រឆាំងនឹងប្រជាជននៅភាគខាងត្បូង និងខាងកើតនៃប្រទេសវ៉េណេហ្ស៊ុយអេឡា ហើយត្រូវបានសាងសង់ «ដើម្បីរៀបចំសម្រាប់ការបង្កើនការប្រឆាំងនឹងវ៉េណេហ្ស៊ុយអេឡា»។ការអត្ថាធិប្បាយបង្កហេតុរបស់លោកម៉ាឌូរ៉ូ បានកើតឡើង នៅពេលដែលសភា បានប្រារព្ធពិធីរំលឹកដល់ច្បាប់ថ្មីមួយដែលដាក់ចេញការការពារតំបន់ Essequiboនៃប្រទេសហ្គីយ៉ាន រយៈពេល៤ខែ បន្ទាប់ពីការបោះឆ្នោតប្រជាមតិដ៏ចម្រូងចម្រាស និងគ្មានចំណងផ្លូវច្បាប់ បានអនុម័តយ៉ាងលើសលប់លើការបង្កើតខេត្តវ៉េណេហ្ស៊ុយអេឡា នៅក្នុងតំបន់ជម្លោះ ដែលបង្កឲ្យមានការភ័យខ្លាចនៃជម្លោះយោធាកើតឡើង។ លោកក៏បានអះអាងដែរថា សមភាគីរបស់ខ្លួនគឺ លោកប្រធានាធិបតី Irfaan Ali «មិនគ្រប់គ្រងហ្គីយ៉ាន ហើយថា ប្រទេសហ្គីយ៉ាន ត្រូវបានគ្រប់គ្រងដោយទីបញ្ហាការភាគខាងត្បូង, CIAនិង ក្រុមហ៊ុនExxonMobil ។ទីបញ្ជាការភាគខាងត្បូង ដែលជាផ្នែកមួយនៃក្រសួងការពារជាតិ មានការិយាល័យសហប្រតិបត្តិការ សន្តិសុខរបស់សហរដ្ឋអាមេរិក នៅក្នុងប្រទេសហ្គីយ៉ាន។

រដ្ឋមន្ត្រីការពារជាតិបារាំង ពិភាក្សាជាមួយសមភាគីរុស្ស៊ី ជាលើកដំបូង ចាប់តាំងពីឆ្នាំ ២០២២

រដ្ឋមន្ត្រីការពារជាតិបារាំង បានចែករំលែកតាមរយៈការសន្ទនាតាមស័ព្ទលើកដំបូងរបស់ខ្លួន ក្នុងរយៈពេល ២២ខែ ជាមួយសមភាគីរុស្ស៊ីរបស់ខ្លួន ដើម្បីបង្ហាញពីឆន្ទៈរបស់ប្រទេសរបស់លោក ក្នុងការបង្កើនទំនាក់ទំនង ដើម្បីប្រយុទ្ធប្រឆាំងនឹង «អំពើភេរវកម្ម» បន្ទាប់ពីការវាយប្រហារនៅទីក្រុងមូស្គូ។ក្រសួងការពារជាតិបារាំង បាននិយាយថា លោកទាំងពីរ ក៏បានពិភាក្សាអំពីសង្គ្រាម នៅអ៊ុយក្រែនផងដែរ ដោយ Sebastien Lecornu បញ្ជាក់ជាថ្មីនូវការគាំទ្ររបស់បារាំងសម្រាប់ការប្រយុទ្ធរបស់អ៊ុយក្រែនប្រឆាំងនឹងរុស្ស៊ី។ទំនាក់ទំនងកម្រិតខ្ពស់បែបនេះរវាងមន្ត្រីជាន់ខ្ពស់រុស្ស៊ីស្និទ្ធនឹងលោកប្រធានាធិបតី វ្ល៉ាឌីមៀ ពូទីន និងប្រមុខការពារជាតិមកពីមហាអំណាចអឺរ៉ុប គឺកម្រមានណាស់ក្នុងរយៈពេលពីរឆ្នាំ ចាប់តាំងពីការឈ្លានពានរបស់រុស្ស៊ី។លោក Lecornu និង លោក Sergei Shoigu បានពិភាក្សាគ្នាតាមទូរស័ព្ទលើកចុងក្រោយ ក្នុងខែតុលា ឆ្នាំ ២០២២។ការពិភាក្សារយៈពេលមួយម៉ោង បានធ្វើឡើង នៅពេលដែលប្រទេសបារាំងបង្កើនការត្រៀមរៀបចំធ្វើជាម្ចាស់ផ្ទះកីឡាអូឡាំពិក នៅឆ្នាំនេះ។ ការវាយប្រហារកាលពីថ្ងៃទី២២ ខែមីនា លើសាលប្រគុំតន្ត្រី នៅទីក្រុងមូស្គូ បានធ្វើឲ្យមានការភ័យខ្លាចផ្នែកសន្តិសុខឡើងវិញសម្រាប់ការប្រកួតកីឡានៅទីក្រុងប៉ារីស ដែលនឹងចាប់ផ្តើម នៅថ្ងៃទី២៦ ខែកក្កដា។សេចក្តីថ្លែងការណ៍របស់ក្រសួងការពារជាតិបារាំង បានឲ្យដឹងថា លោក Lecornu បានប្រាប់លោក Shoiguថា ប្រទេសបារាំងតែងតែត្រៀមខ្លួនរួចជាស្រេច ដើម្បីប្រឈមមុខនឹង«អំពើភេរវកម្ម» ហើយត្រូវបានរៀបចំសម្រាប់«ការផ្លាស់ប្តូរកាន់តែច្រើនឡើងក្នុងគោលបំណងប្រយុទ្ធប្រឆាំងនឹងការគំរាមកំហែងនេះ ឲ្យមានប្រសិទ្ធភាពតាមដែលអាចធ្វើទៅបាន»។លោក ពូទីន បានទទួលស្គាល់ថា៖«ក្រុមឥស្លាមជ្រុលនិយម» បានធ្វើការវាយប្រហារនៅទីក្រុងមូស្គូ ដែលបានបណ្តាលឲ្យមនុស្សយ៉ាងតិច ១៤៤នាក់ស្លាប់ ប៉ុន្តែបានអះអាងថា ពួកគេមានទំនាក់ទំនងជាមួយអ៊ុយក្រែន។

ប្រជាជនកូរ៉េខាងត្បូង នឹងទៅបោះឆ្នោតសកល នៅថ្ងៃទី ១០ ខែមេសា

ក្នុងរយៈពេលមួយសប្តាហ៍ទៀត នៅមុនការបោះឆ្នោតសកលរបស់ប្រទេសកូរ៉េខាងត្បូង សារព័ត៌មានក្នុងស្រុកធំមួយ បានរាយការណ៍ថា គណបក្សប្រជាធិបតេយ្យជាគណបក្សប្រឆាំងធំ កំពុងនាំមុខ។ ប្រទេសកូរ៉េខាងត្បូង នឹងរៀបចំការបោះឆ្នោតសកលរៀងរាល់បួនឆ្នាំម្តង។ អ្នកបោះឆ្នោត នឹងបោះឆ្នោតរបស់ពួកគេនៅថ្ងៃពុធ សប្តាហ៍ក្រោយ។ ការបោះឆ្នោតនេះ ត្រូវបានគេមើលឃើញថា ជាការវាយតម្លៃពាក់កណ្តាលអាណត្តិនៃរដ្ឋបាលរបស់ប្រធានាធិបតី លោក Yoon Suk-yeol ដែលបានកាន់តំណែងរយៈពេលពីរឆ្នាំមកនេះ។មេដឹកនាំគណបក្សផ្សេងៗ ត្រូវបានគេមើលឃើញថាបានទៅពិនិត្យមណ្ឌលបោះឆ្នោតជាកន្លែងដែលការប្រកួតប្រជែងជិតខិតចូលមកដល់។លោក Han Dong-hoon មេដឹកនាំបណ្ដោះអាសន្នរបស់គណបក្សអំណាចប្រជាជនដែលកំពុងកាន់អំណាច បាននិយាយទៅកាន់អ្នកបោះឆ្នោតនៅទីក្រុង Chungju កាលពីថ្ងៃពុធ។ ទីភ្នាក់ងារព័ត៌មាន Yonhap បានដកស្រង់សម្តីលោកដោយបាននិយាយថា ស្ថានភាពបច្ចុប្បន្នគឺដូចជាការដើរលើទឹកកកដ៏ស្តើង។ លោកនិយាយថា ការធានាបានជ័យជម្នះនៅក្នុងតំបន់ប្រជែងគ្នាយ៉ាងប្រកៀកប្រកិត នឹងធ្វើឱ្យមានភាពខុសគ្នា សម្រាប់គណបក្សអំណាចប្រជាជន(PPP)។ ទន្ទឹមនឹងនោះ ប្រធានគណបក្សប្រជាធិបតេយ្យ ជាបក្សប្រឆាំងធំ លោក លី ចា មីយុង(Lee Jae-myung) បានចូលរួមក្នុងពិធីមួយ ដែលរំលឹកការបះបោរមានឈ្មោះថា Jeju ថ្ងៃទី ៣ ខែមេសា នៅលើកោះភាគខាងត្បូងក្នុងឆ្នាំ ១៩៤៨ ដែលពេលនោះ ប្រជាជនកោះត្រូវបានធ្វើទុក្ខបុកម្នេញដោយក្រុមអភិរក្សនិយម។បន្ទាប់ពីព្រឹត្តិការណ៍នេះ លោកបានចាត់ទុកគណបក្សកាន់អំណាចថាជា «អ្នកបន្តជំនាន់»" នៃឧបទ្ទវហេតុនេះ។ ការរាយការណ៍របស់ទីភ្នាក់ងារព័ត៌មាន Yonhap កាលពីថ្ងៃពុធ បានសម្ភាសជាមួយអ្នកជំនាញនយោបាយនិងអ្នកផ្សេងៗជាច្រើននាក់។ សារព័ត៌មាននេះរាយការណ៍ថា អ្នកជំនាញជាច្រើនបានដាក់គណបក្សប្រជាធិបតេយ្យ នាំមុខគណបក្សអំណាចប្រជាជន(PPP)។ ក្នុងពេលជាមួយគ្នានេះដែរ បេក្ខជនគណបក្សប្រជាធិបតេយ្យមួយចំនួនស្ថិតនៅក្រោមការពិនិត្យពិច័យពីប្រព័ន្ធផ្សព្វផ្សាយ។ បេក្ខជនម្នាក់ ត្រូវបានគេចោទប្រកាន់ពីបទរើសអើងលើពាក្យសម្តីរបស់ស្ត្រី ខណៈម្នាក់ទៀតត្រូវបានចោទប្រកាន់ថាបានទទួលយកប្រាក់កម្ចីឥណទានដោយខុសច្បាប់ដ៏ច្រើនលើសលប់។

WHO ព្រមានថាអ្នកជំងឺជាច្រើននៅមន្ទីរពេទ្យហ្កាហ្សានឹងស្លាប់ ប្រសិនបើមិនត្រូវបានជម្លៀសចេញ

ប្រធានអង្គការសុខភាពពិភពលោក (WHO) បាននិយាយកាលពីថ្ងៃពុធថា ការបំផ្លិចបំផ្លាញមន្ទីរពេទ្យ Al Shifa ក្នុងតំបន់ហ្កាហ្សា អាចមានន័យថាការជម្លៀសផ្នែកវេជ្ជសាស្រ្តបន្ថែមទៀតនឹងត្រូវការ។ អគ្គនាយកអង្គការសុខភាពពិភពលោក លោក តេដ្រូស អាដហាណុំ ហ្កេព្រីយេស៊ូស(Tedros Adhanom Ghebreyesus)បាននិយាយថាប្រសិនបើពុំមានការជម្លៀសអ្នកជំងឺចេញភ្លាមៗនោះទេ វាអាចនាំឲ្យមានអ្នកស្លាប់កាន់តែច្រើន។កងកម្លាំងអ៊ីស្រាអែល ដែលបានចាកចេញពីមន្ទីរពេទ្យក្នុងទីក្រុងហ្កាហ្សា កាលពីថ្ងៃចន្ទ បន្ទាប់ពីប្រតិបត្តិការរយៈពេលពីរសប្តាហ៍ បានចាប់ខ្លួនជនសកម្មប្រយុទ្ធប៉ាឡេស្ទីនរាប់រយនាក់ដែលសង្ស័យ និងបានបន្សល់ទុកនូវអគារដែលត្រូវបានបំផ្លាញជាច្រើនកន្លែង។ប្រធានអង្គការសុខភាពពិភពលោក បាននិយាយថា អ្នកដែលត្រូវការការជម្លៀសក្នុងផ្នែកវេជ្ជសាស្រ្តនឹងកើនឡើង ហើយការជម្លៀសផ្នែកវេជ្ជសាស្រ្តមានភាពយឺតយ៉ាវរួចទៅហើយ។ មនុស្សជាច្រើននឹងស្លាប់ដោយសារតែពួកគេពុំទទួលបានសេវា ឬដោយសារតែការជម្លៀសយឺត និងពុំអាចជម្លៀសបាន។ អ៊ីស្រាអែល និយាយថា ខ្លួនបានសម្លាប់អ្នកប្រយុទ្ធក្រុមហាម៉ាសរាប់រយនាក់ ដែលដាក់មូលដ្ឋាននៅទីនោះ ប៉ុន្តែក្រុមហាម៉ាសនិងបុគ្គលិកពេទ្យ បដិសេធចំពោះវត្តមានរបស់ក្រុមអ្នកប្រយុទ្ធនៅទីនោះ។ លោក រីឆាត ភីពភ័រកន(Richard Peeperkorn) អ្នកតំណាងអង្គការសុខភាពពិភពលោក(WHO) ប្រចាំតំបន់ West Bank និងហ្កាហ្សា បាននិយាយថា ការបំផ្លិចបំផ្លាញមន្ទីរពេទ្យ Al Shifa នឹងធ្វើឱ្យមនុស្សរាប់ពាន់នាក់គ្មានការថែទាំសុខភាព។ អ្នកជំងឺនឹងត្រូវផ្លាស់ទៅកន្លែងថែទាំសុខភាពផ្សេងទៀតនៅភាគខាងជើងតំបន់ហ៊ុមព័ទ្ធប៉ាឡេស្ទីនដែលហែកហួរដោយសង្រ្គាម ដែលកំពុងព្យាយាមដើម្បីបន្តដំណើការ។ លោកនិយាយថា អង្គការសុខភាពពិភពលោក កំពុងព្យាយាមពិនិត្យមើលទីកន្លែងនៅមន្ទីពេទ្យ Al Shifa និងបាននិយាយទៅកាន់បុគ្គលិក និងមើលអ្វីដែលអាចជួយសង្គ្រោះបាន ប៉ុន្តែស្ថានភាពស្ថិតនៅលើភាពមហន្តរាយ។

អង់គ្លេស ប្រឈមសម្ពាធឈប់លក់អាវុធឲ្យអ៊ីស្រាអែល ក្រោយបុគ្គលិកចែកចាយជំនួយស្លាប់នៅហ្កាហ្សា

រដ្ឋាភិបាលចក្រភពអង់គ្លេស កំពុងប្រឈមនឹងសម្ពាធនយោបាយកាន់តែខ្លាំងឡើង ឈប់លក់អាវុធឲ្យអ៊ីស្រាអែល បន្ទាប់ពីបុគ្គលិកចែកចាយជំនួយ៧នាក់រួមទាំងជនជាតិអង់គ្លេស៣នាក់ ត្រូវបានសម្លាប់ដោយសារការវាយប្រហារតាមអាកាសរបស់អ៊ីស្រាអែលនៅក្នុងតំបន់ហ្កាហ្សា។ គណបក្សប្រឆាំងសំខាន់ចំនួន៣របស់ចក្រភពអ់គ្លេស និងក្រុមតំណាងរាស្ត្រមួយចំនួននៅក្នុងគណបក្សកាន់អំណាច កាលពីថ្ងៃពុធ បាននិយាយថា លោកនាយករដ្ឋមន្ត្រី គួរតែពិចារណាលែងលក់អាវុធឲ្យប្រទេសអ៊ីស្រាអែលទៀត ។ គណបក្សស្កុតជាតិ (SNP) បានអំពាវនាវឲ្យបញ្ឈប់ការនាំចេញអាវុធ ទៅកាន់អ៊ីស្រាអែលនៅក្នុងលិខិតមួយច្បាប់បង្ហោះនៅលើបណ្ដាញផ្សព្វផ្សាយសង្គម ជាចលនាមួយទទួលបានការគាំទ្រដោយបក្សប្រជាធិបតេយ្យសេរីនិយម និង បាននិយាយថា សភា គួរតែពិភាក្សាបញ្ហានេះ។ មេដឹកនាំក្រុមប្រឆាំងមកពីគណបក្សពលករ ដែលបានការស្ទង់មតិលើកឡើងថា នឹងបង្កើតរដ្ឋាភិបាលបន្ទាប់នៅឆ្នាំនេះ បានលើកឡើងពីការខ្វែងគំនិតគ្នាដោយនិយាយថារដ្ឋាភិបាលគួរតែផ្អាកការលក់អាវុធ ប្រសិនបើក្រុមអ្នកច្បាប់ រកឃើញថា អ៊ីស្រាអែល បានបំពានច្បាប់អន្តរជាតិ ។ រដ្ឋាភិបាលចក្រភពអង់គ្លេស បានលក់អាវុធ និងគ្រឿងយុទ្ធោបករណ៍ផ្សេងៗក្នុងតម្លៃជាង ៥៧០ ផោន ឬស្មើ ៧១៩លានដុល្លារអាមេរិក ឲ្យទៅអ៊ីស្រាអែល ចាប់តាំងពីឆ្នាំ២០០៨មក៕

សម្ព័ន្ធយោធាណាតូ ស្វះស្វែងរកការផ្ដល់ជំនួយសម្រាប់អ៊ុយក្រែន ដោយគ្មានលោក Trump

ក្រុមរដ្ឋមន្ត្រីការបរទេសសម្ព័ន្ធយោធាណាតូបានជួបគ្នាកាលពីថ្ងៃពុធ ៣ មេសា ដើម្បីពិភាក្សាអំពីសំណើសម្រាប់មូលនិធិរយៈពេល៥ឆ្នាំ ក្នុងទំហំទឹកប្រាក់ចំនួន១០០ ពាន់លានអឺរ៉ូ ស្មើ ១០៧ ពាន់លានដុល្លារអាមេរិក។ នេះគឺជាផែនការមួយ ដែលគេមើលឃើញថាជាមធ្យោបាយក្នុងការប្រមូលប្រាក់ផ្ដល់ជំនួយដល់សម្រាប់អ៊ុយក្រែនដោយគ្មានវត្តមានលោកTrump។ ក្រុមអ្នកការទូតបាននិយាយថា សំណើនេះនឹងផ្តល់ឱ្យសម្ព័ន្ធភាពលោកខាងលិចនូវតួនាទីដោយផ្ទាល់បន្ថែមទៀតក្នុងការសម្របសម្រួលការផ្គត់ផ្គង់អាវុធ គ្រាប់រំសេវ និងគ្រឿងយុទ្ធោបករណ៍ដល់ទីក្រុង គីវ (Kyiv) ខណៈប្រឹងប្រែងប្រយុទ្ធទប់ទល់ការវាយលុករបស់រុស្ស៊ី។ ថ្លែងនៅមុនពេលកិច្ចប្រជុំកំពូលនេះ អគ្គលេខាធិការអង្គការណាតូ លោក Jens Stoltenberg និយាយថា សំណើនេះមានគោលបំណងផ្ញើសារទៅកាន់ប្រទេសរុស្ស៊ីថាលោកPutinមិនអាចឈ្នះសង្គ្រាមទេ។អ្វីដែលច្បាស់នោះគឺថា យើងត្រូវការប្រាក់ថ្មី និងច្រើនទៀតសម្រាប់អ៊ុយក្រែន។ ហើយយើងត្រូវការរយៈពេលជាច្រើនឆ្នាំ ។គំនិតទាំងមូលនៃការពិភាក្សាអំពីក្របខណ្ឌ ការប្តេជ្ញាចិត្ត និងស្ថាប័នសម្រាប់ការគាំទ្រ គឺដើម្បីធានាបាននូវការព្យាករណ៍ និងទំនុកចិត្តកាន់តែខ្ពស់ថា នឹងទទួលបានប្រាក់ជារៀងរាល់ខែ និងរាល់ឆ្នាំ សម្រាប់រយៈពេលយូរ។ នៅក្រោមផែនការនានា អង្គការណាតូ នឹងគ្រប់គ្រងការងារសម្របសម្រួលមួយចំនួនពីក្រុមចម្រុះដឹកនាំដោយសហរដ្ឋអាមេរិក ដែលត្រូវបានគេស្គាល់ថាជាក្រុមរ៉ាំស្តេន(Ramstein) ។ ក្រុមអ្នកការទូតបាននិយាយថា វិធានការមួយដែលត្រូវបានបង្កើតឡើងជាផ្នែកមួយដើម្បីទប់ស្កាត់ការកាត់បន្ថយការគាំទ្ររបស់សហរដ្ឋអាមេរិក ប្រសិនបើលោក Donald Trump ត្រឡប់ទៅកាន់កាប់សេតវិមានវិញនោះ ។ប៉ុន្តែពួកគេបាននិយាយថា គេមិនច្បាស់ថាតើកញ្ចប់ថវិកាចំនួន១០០ ពាន់លានអឺរ៉ូនោះ នឹងត្រូវបានទទួលបានដោយវិធីណា ឬ ថានឹងត្រូវបានផ្តល់ហិរញ្ញប្បទានដោយរបៀបណា។ គួររម្លឹកថាកន្លងមកលោក Trump ធ្លាប់បាននិយាយថា លោកនឹងមិនផ្ដល់ជំនួយដល់អ៊ុយក្រែនទេ បើលោកជាប់ឆ្នោត៕

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា ខ្លួនបានបាញ់ទម្លាក់យានដ្រូន MQ-9 ផលិតនៅអាមេរិក នៅខេត្ត Hormozgan

សមាជិកសភាកោះតៃវ៉ាន់ អនុម័តថវិកាឆ្នាំ២០២៦ ក្រោយពន្យារពេលយ៉ាងយូរបំផុត

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

អ្នកបើកបាត់បង់ជីវិត បន្ទាប់ពីឧទ្ធម្ភាគចក្រធ្លាក់នៅភាគខាងកើតអាល្លឺម៉ង់

មន្ត្រី៖ អាមេរិកចង់ឱ្យលោក Netanyahu ថ្កោលទោសការឡោមព័ទ្ធរបស់អ្នកតាំងលំនៅ ក្នុងភូមិប៉ាឡេស្ទីន

ការលេចធ្លាយឧស្ម័នពុល បណ្ដាលឱ្យកម្មករយ៉ាងតិច ៨នាក់ស្លាប់ នៅរោងចក្ររុះរើនាវារបស់បង់ក្លាដែស

រុស្ស៊ីច្រានចោលគំនិតឱ្យមានបទឈប់បាញ់ នៅសមុទ្រខ្មៅ ក្រោយអ៊ុយក្រែនលើកឡើង

លោក Marcos មើលឃើញលទ្ធភាពមានកិច្ចព្រមព្រៀងប្រេង និងឧស្ម័នរួមជាមួយចិន តែមិនផ្តល់ពេលវេលាជាក់លាក់

រយៈពេល២ឆ្នាំ បទល្មើសឆ្លងដែនពីវៀតណាម ឡាវ មកកម្ពុជាមាន ១៣៥៥ករណី និងឃាត់ខ្លួនជនល្មើសជាង ២ពាន់នាក់

មជ្ឈមណ្ឌលបណ្តុះធុរកិច្ចថ្មីតេជោ ដាក់ឱ្យដំណើរការកម្មវិធីរដូវកាលទី៦ ដើម្បីប្រកួតប្រជែងប្រាក់លាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោក Biden ព្រមានលោក Netanyahu ពីការប្រែប្រួលជំហរអាមេរិក និងជីវិតជនស៊ីវីលហ្កាហ្សា ខណៈសម្ពាធក្នុងប្រទេសកើនឡើង

ជប៉ុន និងអាមេរិក ព្រមព្រៀងបង្កើនការអភិវឌ្ឍន៍យុទ្ធោបករណ៍ការពារជាតិ រួមគ្នា

វ៉េណេហ្ស៊ុយអេឡា អះអាងថា អាមេរិកកំពុងសាងសង់មូលដ្ឋានទ័ពសម្ងាត់ នៅតំបន់Essequiboដែលមានជម្លោះ

រដ្ឋមន្ត្រីការពារជាតិបារាំង ពិភាក្សាជាមួយសមភាគីរុស្ស៊ី ជាលើកដំបូង ចាប់តាំងពីឆ្នាំ ២០២២

ប្រជាជនកូរ៉េខាងត្បូង នឹងទៅបោះឆ្នោតសកល នៅថ្ងៃទី ១០ ខែមេសា

WHO ព្រមានថាអ្នកជំងឺជាច្រើននៅមន្ទីរពេទ្យហ្កាហ្សានឹងស្លាប់ ប្រសិនបើមិនត្រូវបានជម្លៀសចេញ

អង់គ្លេស ប្រឈមសម្ពាធឈប់លក់អាវុធឲ្យអ៊ីស្រាអែល ក្រោយបុគ្គលិកចែកចាយជំនួយស្លាប់នៅហ្កាហ្សា

សម្ព័ន្ធយោធាណាតូ ស្វះស្វែងរកការផ្ដល់ជំនួយសម្រាប់អ៊ុយក្រែន ដោយគ្មានលោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក Biden ព្រមានលោក Netanyahu ពីការប្រែប្រួលជំហរអាមេរិក និងជីវិតជនស៊ីវីលហ្កាហ្សា ខណៈសម្ពាធក្នុងប្រទេសកើនឡើង

ជប៉ុន និងអាមេរិក ព្រមព្រៀងបង្កើនការអភិវឌ្ឍន៍យុទ្ធោបករណ៍ការពារជាតិ រួមគ្នា

វ៉េណេហ្ស៊ុយអេឡា អះអាងថា អាមេរិកកំពុងសាងសង់មូលដ្ឋានទ័ពសម្ងាត់ នៅតំបន់Essequiboដែលមានជម្លោះ

រដ្ឋមន្ត្រីការពារជាតិបារាំង ពិភាក្សាជាមួយសមភាគីរុស្ស៊ី ជាលើកដំបូង ចាប់តាំងពីឆ្នាំ ២០២២

ប្រជាជនកូរ៉េខាងត្បូង នឹងទៅបោះឆ្នោតសកល នៅថ្ងៃទី ១០ ខែមេសា

WHO ព្រមានថាអ្នកជំងឺជាច្រើននៅមន្ទីរពេទ្យហ្កាហ្សានឹងស្លាប់ ប្រសិនបើមិនត្រូវបានជម្លៀសចេញ

អង់គ្លេស ប្រឈមសម្ពាធឈប់លក់អាវុធឲ្យអ៊ីស្រាអែល ក្រោយបុគ្គលិកចែកចាយជំនួយស្លាប់នៅហ្កាហ្សា

សម្ព័ន្ធយោធាណាតូ ស្វះស្វែងរកការផ្ដល់ជំនួយសម្រាប់អ៊ុយក្រែន ដោយគ្មានលោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍