BTV NEWS

សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ

TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ

រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពានតេជោសន្តិភាពឫស្សីជ្រុំ»

សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា

នយោបាយ និង ការអភិវឌ្ឍន៍

មន្ត្រីសេតវិមាន គ្រោងទៅទស្សនកិច្ចនៅទីក្រុងបេរូត ដើម្បីស្វែងរកការបន្ធូរបន្ថយភាពតានតឹងរវាងអ៊ីស្រាអែល និងលីបង់

ទីប្រឹក្សាជាន់ខ្ពស់សេតវិមានលោក Amos Hochstein ត្រូវបានគេរំពឹងថា នឹងធ្វើទស្សនកិច្ចនៅទីក្រុង បេរូត (Beirut) នៅថ្ងៃព្រហស្បតិ៍នេះ ដែលជាផ្នែកនៃកិច្ចខិតខំប្រឹងប្រែងរបស់សហរដ្ឋអាមេរិក ដើម្បីបន្ធូរបន្ថយភាពតានតឹង នៅតាមព្រំដែនអ៊ីស្រាអែល-លីបង់។ទីក្រុងវ៉ាស៊ីនតោន ព្រួយបារម្ភថា សង្រ្គាមរបស់អ៊ីស្រាអែល នៅតំបន់ហ្កាហ្សា អាចរីករាលដាលនូវអំពើហិង្សាពាសពេញតំបន់ ដោយក្រុមប្រដាប់អាវុធដែលគាំទ្រដោយប្រទេសអ៊ីរ៉ង់ដែលជាគូប្រជែងរបស់អ៊ីស្រាអែល បានបើកការវាយប្រហារសាមគ្គី នៅក្នុងប្រទេសលីបង់ ស៊ីរី អ៊ីរ៉ាក់ និងប្រទេសយេម៉ែន។ក្រុមប្រដាប់អាវុធលីបង់ហេសបូឡា( Hezbollah) បាននិងកំពុងវាយប្រហារជាមួយយោធាអ៊ីស្រាអែលឆ្លងកាត់ព្រំដែននៃប្រទេសលីបង់ភាគខាងត្បូង ចាប់តាំងពីក្រុមអ៊ីស្លាមប៉ាឡេស្ទីនហាម៉ាស (Hamas) បានវាយប្រហារលើអ៊ីស្រាអែលពីតំបន់ហ្កាហ្សា កាលពីបីខែមុន ដោយជំរុញឲ្យមានការវាយលុកយ៉ាងធ្ងន់ធ្ងររបស់អ៊ីស្រាអែលលើដែនដីប៉ាឡេស្ទីននេះ។អំពើហិង្សាកាន់តែធំនៅតាមព្រំដែន បានបង្ខំឲ្យមនុស្សរាប់ម៉ឺននាក់ទាំងសងខាង ត្រូវភៀសខ្លួន និងបង្កើនការភ័យខ្លាចថា ជម្លោះនៅតំបន់ហ្កាហ្សាអាចរាលដាលក្នុងតំបន់នេះទាំងមូល។នាយករដ្ឋមន្ត្រីចាំផ្ទះរបស់ប្រទេសលីបង់ លោក ណាជីប មីកាទី (Najib Mikati) បានប្រាប់មន្ត្រីជាន់ខ្ពស់អង្គការសហប្រជាជាតិកាលពីថ្ងៃអង្គារថា ប្រទេសរបស់លោក បានត្រៀមខ្លួនរួចជាស្រេចសម្រាប់កិច្ចពិភាក្សាស្តីពីស្ថិរភាពរយៈពេលវែងនៅព្រំដែនភាគខាងត្បូងរបស់ខ្លួនជាមួយប្រទេសអ៊ីស្រាអែល។លោក Hochstein ដែលជាបេសកជនថាមពលរបស់សហរដ្ឋអាមេរិកកាលពីឆ្នាំមុន បានបង្ហាញពីលទ្ធភាពនៃកិច្ចពិភាក្សាស្តីពីការគូសព្រំដែនដីរវាងអ៊ីស្រាអែល និងលីបង់ បន្ទាប់ពីបានសម្រុះសម្រួលកិច្ចព្រមព្រៀងឆ្នាំ ២០២២កំណត់ព្រំដែនសមុទ្ររវាងប្រទេសទាំងពីរ។

ក្រុមប្រឹក្សាកោតសរសើររដ្ឋបាលរាជធានីដែលខែធ្នូកន្លងទៅសម្រេចកិច្ចការសំខាន់ៗជាច្រើន

ភ្នំពេញ៖ ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញបានកោតសរសើរចំពោះមន្ត្រីរាជការរដ្ឋបាលរាជធានី កម្លាំងប្រដាប់អាវុធគ្រប់លំដាប់ថ្នាក់ ព្រមទាំងប្រជាជនរាជធានីភ្នំពេញ ដែលបានខិតខំយ៉ាងសកម្ម ប្រកបដោយស្មារតីទទួលខុសត្រូវចូលរួមអភិវឌ្ឍន៍រាជធានីភ្នំពេញក្រោមការដឹកនាំរបស់គណៈអភិបាលរាជធានីភ្នំពេញ រហូតសម្រេចបានលទ្ធផលរីកចម្រើនលើគ្រប់វិស័យក្នុងខែធ្នូ ឆ្នាំ២០២៣កន្លងមកនេះ ដែលការកោតសរសើរនេះបានធ្វើឡើងក្នុងកិច្ចប្រជុំសាមញ្ញាលើកទី៥៦ របស់ក្រុមប្រឹក្សារាជធានីភ្នំពេញ អាណត្តិទី៣ នាព្រឹកថ្ងៃទី១១ ខែមករា ឆ្នាំ២០២៤ ក្រោមអធិបតីភាព ឯកឧត្តម ម៉ប់ សារិន ប្រធានក្រុមប្រឹក្សារាជធានី និងឯកឧត្ដម ឃួង ស្រេង អភិបាលរាជធានីភ្នំពេញ។ឯកឧត្តម ម៉ប់ សារិន មានប្រសាសន៍ថា តាមរយៈសមិទ្ធផលទាំងនេះ ពិតជាបានរួមចំណែកអនុវត្តនូវយុទ្ធសាស្ត្រ បញ្ចកោណ ដំណាក់កាលទី១ របស់រាជរដ្ឋាភិបាលដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី។ ជាមួយគ្នានេះសមត្ថកិច្ចពាក់ព័ន្ធបានខិតខំបង្ក្រាបបទល្មើសព្រហ្មទណ្ឌបានប្រមាណ ៩៧% នៃបទល្មើសដែលបានកើតឡើងក្នុងខែធ្នូ។ បានបង្ក្រាបក្មេងទំនើង និងបទល្មើសគ្រឿងញៀនបានជាច្រើនករណី។ជាក់ស្ដែងនៅក្នុងឆ្នាំ២០២៣នេះបទល្មើសព្រហ្មទណ្ឌមានការថយចុះ ៣២លើក បង្ក្រាបបទល្មើសព្រហ្មទណ្ឌបាន ៨៦,៤៤% ដោយរក្សាបាននូវសុខសន្តិភាព សន្តិសុខ សណ្តាប់ធ្នាប់ និងអនុវត្តបានយ៉ាងជោគជ័យនូវរាល់ព្រឹត្តិការណ៍ធំៗ ដែលធ្វើឱ្យរាជធានីភ្នំពេញទទួលបាននូវការកោតស្ញប់ស្ញែងទាំងជាតិ និងអន្តរជាតិ។ឯកឧត្តម ម៉ប់ សារិន ក៏បានកោតសរសើរមន្ទីរសុខាភិបាលរាជធានីភ្នំពេញ ដែលបានខិតខំពិនិត្យព្យាបាលជំងឺ ជូនប្រជាពលរដ្ឋក្រីក្រតាមរយៈគម្រោងមូលនិធិសមធម៌បានចំនួន ៤៧៨១នាក់ និងតាមរយៈគម្រោងបេឡាជាតិរបបសន្តិសុខសង្គមបានចំនួន ៧០៥៤១នាក់ ឆ្លើយតបកម្មវិធីទី១ នៃកម្មវិធីគោលនយោបាយអាទិភាពរបស់រាជរដ្ឋាភិបាល។ ឯកឧត្តម ឃួង ស្រេង មានប្រសាសន៍ថា ឆ្នាំថ្មី២០២៤នេះ មន្ត្រីរដ្ឋបាលរាជធានីត្រូវតែបំរើសេវាសាធារណៈជូនប្រជាពលរដ្ឋឱ្យកាន់តែល្អប្រសើរជាងមុនថែមទៀត ពិសេសគឺដាច់ខាតមិនឱ្យមានការយកតម្លៃក្រៅសេវាដែលបានកំណត់ឡើយ។ ចំពោះការសំណូមពរពីក្រុមប្រឹក្សារាជធានីភ្នំពេញ លើការកាត់បន្ថយឯកសារមួយចំនួនពាក់ព័ន្ធការផ្តល់សេវាដីធ្លី អភិបាលរាជធានីនឹងធ្វើការស្នើទៅក្រសួងរៀបចំដែនដី នគរូបនីយកម្ម និងសំណង់។ ការងារសន្តិសុខ សណ្តាប់ អាជ្ញាធរ និងកងកម្លាំងចំណុះឱ្យគណៈបញ្ជាការឯកភាពរដ្ឋបាលរាជធានីភ្នំពេញ បេ្តជ្ញាចិត្តអនុវត្តឱ្យបានល្អបំផុតទៅតាមការណែនាំរបស់រាជរដ្ឋាភិបាលថ្មី ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដើម្បីឱ្យកម្ពុជាសម្រេចបាននូវចក្ខុវិស័យជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសមានចំណូលខ្ពស់នៅឆ្នាំ២០៥០៕ អត្ថបទ ៖ប្រាក់ វ៉ាន់ដា

កិច្ចប្រជុំបូកសរុបលទ្ធផលការងារសម្រេចបានឆ្នាំ២០២៣ និងលើកទិសដៅអនុវត្តឆ្នាំ២០២៤ របស់សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ

ព្រះវិហារ៖ នៅរសៀលថ្ងៃទី១០ ខែមករា ម្សិលមិញនេះ សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តព្រះវិហារ បានបើកកិច្ចប្រជុំបូកសរុបលទ្ធផលការងារសម្រេចបានឆ្នាំ២០២៣ និងលើកទិសដៅអនុវត្តឆ្នាំ២០២៤ ក្រោមអធិបតីភាពលោកជំទាវ សុខា គងពិសី ប្រធានកិត្តិយសសាខាសមាគមនារីខេត្ត និងមានការចូលរួមពីសំណាក់ លោកជំទាវ ប្រធាន អនុប្រធានសាខា លោកស្រី ជាសមាជិកនៃសមាគមនារីកម្ពុជាខេត្ត ជាច្រើនរូបផងដែរ។បន្ទាប់ពីបានស្តាប់នូវ លទ្ធផលរបាយការណ៍ និងបញ្ហាប្រឈម ដែលក្រុមការងារ របស់សាខាសមាគមនារី កម្ពុជា ដើម្បីសន្តិភាពនិងអភិវឌ្ឍន៍ខេត្តរួចមក លោកជំទាវ សុខា គងពិសី បានលើកឡើងថា កិច្ចប្រជុំនាថ្ងៃនេះពិតជាបានឆ្លុះបញ្ចាំង អំពីលទ្ធផលការងារដែលបាន អនុវត្តរយៈពេល១ឆ្នាំ និងបានយល់ដឹងនូវបញ្ហាប្រឈមខ្លះៗក៏ ដូចជាចំនុចខ្វះខាត ដែលយើង ត្រូវដោះស្រាយបន្ត។ ជាមួយគ្នានេះផងដែរលោកជំទាវក៏បានថ្លែងកោតសរសើរនិងវាយតម្លៃ ខ្ពស់ ចំពោះលទ្ធផលការងារដែលថ្នាក់ដឹកនាំ និងសមាជិកប្រតិបត្តិខេត្ត ក្រុង/ស្រុក របស់សាខា សមាគមនារីខេត្តដែលបានខិតខំប្រឹងប្រែងអនុវត្ត កន្លងមកទទួលបានលទ្ធផលល្អប្រសើរ ទាំងនេះបានបញ្ជាក់អោយឃើញពីការយកចិត្តទុកដាក់ ខ្ពស់ដោយស្មារតីទទួលខុសត្រូវ ជួយ ដល់បងប្អូននារី ដែលមានជីវភាពក្រីក្រនិងជួបការលំបាកអោយមានជីវភាពកាន់តែប្រសើរឡើង ។ក្នុងឱកាសនោះផងដែរលោកជំទាវក៏បាន ផ្តាំផ្ញើនិងជម្រុញបន្ថែមសុំអោយបន្ត នូវ បេសកកម្មលើការងារមនុស្សធម៌ កាងារសង្គម និងការងារអភិវឌ្ឍន៍ ដោយសហការជាមួយ សប្បុរសជន ដៃគូអភិវឌ្ឍន៍ជាតិ អន្តរជាតិ និងអាជ្ញាធរមានសមត្ថកិច្ច គ្រប់លំដាប់ថ្នាក់ ក្នុងការបន្តបេសកកម្មផ្សព្វផ្សាយអប់រំ ក៏ដូចជាការជួយដោះស្រាយ នូវការលំបាក ដោយផ្តោត សំខាន់ទៅលើបងប្អូននារី ដែលមានជីវភាពក្រីក្រ ខ្វះខាត ស្រ្តីមេម៉ាយ ចាស់ជរា កុមាកំព្រា ជាដើម៕

មន្ដ្រីរាជការ បុគ្គលិកខេត្តព្រះវិហារ ចូលរួមដោយស្ម័គ្របរិច្ចាគឈាម ដើម្បីអបអរខួបជ័យជម្នះ៧មករា (១៩៧៩-២០២៤)

ព្រះវិហារ៖ ដើម្បីអបអរសាទរខួបអនុស្សារីយ៍លើកទី៤៥នៃទិវាជ័យជម្នះ៧មករា(១៩៧៩-២០២៤) បានប្រព្រឹត្តទៅ នាព្រឹកថ្ងៃទី ១០ ខែមករា ឆ្នាំ ២០២៤ អាជ្ញាធរខេត្តព្រះវិហារ ចូលរួមដោយស្ម័គ្របរិច្ចាគឈាម ក្រោមវត្តមានឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ ដោយមានការចូលរួមពី ឯកឧត្តមអភិបាល រងខេត្ត ថ្នាក់ដឹកនាំមន្ទីរអង្គភាព ជុំវិញខេត្ត អាជ្ញាធរដែនដីគ្រប់លំដាប់ថ្នាក់ កងកម្លាំងទាំង៣ ព្រមទាំងសហភាពសហព័ន្ធ យុវជនកម្ពុជាផងដែល ។ នាឱកាសនោះឯកឧត្ដម គីម រិទ្ធី បានសម្តែងនូវការ រីករាយសប្បាយចិត្តនឹងថ្លែងអំណរ គុណចំពោះ វត្តមានរបស់ បងប្អូន ប្រជាពលរដ្ឋទាំងអស់ ដែលបានចូលរួមដោយស្ម័គ្រចិត្តក្នុងការបរិច្ចាគឈាមនាពេលនេះ ដែលនេះគឺជា ផ្នែកមួយនៃការលើកកម្ពស់វិស័យមនុស្សធម៌ ក្រោមពាក្យស្លោក ផ្តល់ឈាម គឺផ្តល់ក្តីស្រលាញ់។ ឯកឧត្តមក៏បានបន្តទៀតថា ការផ្តល់ឈាមដោយស្ម័គ្រចិត្ត ជាប្រភព ឈាម តែមួយគត់ដែលអាច ផ្តល់ឈាមប្រកបដោយ ចីរភាព ដើម្បីផ្គត់ផ្គង់ដល់ មន្ទីរពេទ្យ ខេត្តព្រះវិហារយើង ក្នុងការយកទៅជួយសង្គ្រោះអាយុជីវិត ជនរងគ្រោះទូទៅដែល បណ្តាលមកពីកត្តាផ្សេងៗ ជាច្រើន ដែលពួកគាត់មានតម្រូវការឈាម ។ ឯកឧត្តមក៏បានលើកឡើងអំពីអត្ថប្រយោជន៍របស់បងប្អូនដែលជាអ្នកបរិច្ចាគឈាម ផងដែរ ដែលអាចជួយកាត់បន្ថយហានិភ័យនៃជម្ងឺបេះដូង និងជម្ងឺ ផ្សេងៗ ជាច្រើនទៀត ហើយក៏ទទួល បាននូវការសរសើរ និងមានឈ្មោះថាជាអ្នក ជួយសង្គ្រោះជីវិត មនុស្សជា ពិសេស ទៅទៀតនោះគឺអ្នកដែលបានផ្ដល់ឈាម និងមានការងាយស្រួលនៅពេលខ្លួន ឬក្រុម គ្រួសារខ្លួនត្រូវការឈាមបន្ទាន់ ។សូមបញ្ជាក់ថា មានអ្នកចូលរួមបរិច្ចាគឈាមដោយស្ម័គ្រចិត្តចំនួន ៩៣នាក់ អ្នកមិនមានលក្ខខ័ណ្ឌគ្រប់គ្រាន់ក្នុងការបរិច្ចាកឈាមចំនួន ៣០នាក់ ឈាមដែលបូមបាន ចំនួន ៦៣នាក់ ក្រុមឈាម O+ ២៤សាក់, AB+ ៣សាក់, A+ ១២សាក់, B+ ២៤សាក់៕

បង់ក្លាដែស តែងតាំងលោកស្រី Sheikh Hasina ជានាយករដ្ឋមន្ត្រីថ្មី និងបានអញ្ជើញលោកស្រីឱ្យបង្កើតរដ្ឋាភិបាលថ្មី

ប្រធានាធិបតីបង់ក្លាដែស លោក ម៉ូហាម៉េដ ស្សាហាប៊ូឌីន(Mohammed Shahabuddin) កាលពីថ្ងៃពុធ បានតែងតាំងមេដឹកនាំគណបក្សសម្ព័ន្ធ អាវ៉ាមី លីគ (Awami League) របស់ប្រទេសបង់ក្លាដែស ដែលកំពុងកាន់អំណាច ជានាយករដ្ឋមន្ត្រីថ្មីរបស់ប្រទេសនៅអាស៊ីខាងត្បូងមួយនេះ។ នេះគឺជាអាណត្តិទីបួនជាប់ៗគ្នារបស់លោកស្រី Hasina ជានាយករដ្ឋមន្ត្រីរបស់ប្រទេស។គណៈរដ្ឋមន្ត្រីរបស់ប្រទេស បាននិយាយនៅក្នុងសេចក្តីជូនដំណឹងថា ប្រធានាធិបតី ក៏បានអញ្ជើញលោកស្រី ឱ្យបង្កើតរដ្ឋាភិបាលថ្មីផងដែរខណៈគណបក្សរបស់លោកស្រី ទទួលបានទំនុកចិត្តពីសមាជិកសភាភាគច្រើន។ លោកស្រី Hasina រួមជាមួយសមាជិកសភាផ្សេងទៀតមកពីគណបក្សរបស់លោកស្រី បានស្បថចូលកាន់តំណែងជាសមាជិកសភាកាលពីថ្ងៃពុធ បន្ទាប់ពីជ័យជម្នះរបស់គណបក្សលោកស្រី ក្នុងការបោះឆ្នោតសកលកាលពីថ្ងៃអាទិត្យ។យោងតាមការជូនដំណឹងរបស់សារព័ត៌មាន Gazette ចេញផ្សាយដោយគណៈកម្មាធិការរៀបចំការបោះឆ្នោតកាលពីរសៀលថ្ងៃអង្គារបានឲ្យដឹងថា គណបក្សសម្ព័ន្ធ អាវ៉ាមី លីគ (Awami League) ដឹកនាំដោយលោកស្រី Hasina បានទទួលអាសនៈចំនួន ២២២ ក្នុងចំណោមអាសនៈចំនួន ២៩៨ របស់សភា។ សម្ព័ន្ធដឹកនាំដោយគណបក្សសម្ព័ន្ធ អាវ៉ាមី លីគ (Awami League) បានទទួលជ័យជម្នះភ្លូកទឹកភ្លូកដី ដោយទទួលបានអាសនៈចំនួន២២៥អសនៈ។

រាជរដ្ឋាភិបាល កែសម្រួលថវិកាឧបត្ថម្ភប្រចាំខែជូនគ្រួសារក្រីក្រ និងងាយរងគ្រោះ

រាជរដ្ឋាភិបាលកម្ពុជា បានសម្រេចកែសម្រួលថវិកាឧបត្ថម្ភជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងកូវីដ-១៩។ នេះបើយោងតាមអនុក្រឹត្យ ដែលបានចុះកាលពីថ្ងៃទី ២៩ ខែធ្នូ ឆ្នាំ២០២៣។ ការកែប្រែនេះ គឺចាប់ផ្ដើមអនុវត្តនៅខែ មករា ខែកុម្ភៈ និងខែ មីនា ឆ្នាំ ២០២៤។រាជរដ្ឋាភិបាលកម្ពុជា បានសម្រេចកែសម្រួលថវិកា ឧបត្ថម្ភជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងកូវីដ-១៩ ដែលបានអនុវត្តតាំងពីឆ្នាំ ២០២០មកម្លេះ។ ការកែសម្រួល គឺអនុវត្តរយៈពេល ៣ ខែ ដោយចាប់ផ្ដើមពីខែ មករា ដល់ខែ មីនា ឆ្នាំ ២០២៤ ដើម្បីឈានទៅអនុវត្តកម្មវិធីជំនួយសង្គមក្នុងក្របខណ្ឌកញ្ចប់គ្រួសារ ចាប់ពីខែមេសា ខាងមុខតទៅ។ ការកែសម្រួលថវិកាឧបត្ថម្ភនេះ បែងចែកជា ៣ផ្នែកធំៗ ដោយផ្អែកលើទីតំបន់ដែល គ្រួសារក្រីក្រគោលដៅរស់នៅ។ ផ្នែកទី ១ គឺសំដៅលើគ្រួសារក្រីក្រ និងងាយរងគ្រោះរស់នៅទីប្រជុំជនក្នុងរាជធានីភ្នំពេញ។ ក្នុងចំណុចនេះ បានកំណត់ថា គ្រួសារមានបណ្ណក្រីក្រ ប្រភេទ១ និងប្រភេទ ២ ទទួលបាន ១២ម៉ឺនរៀលដូចគ្នា។ ចំពោះកុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍ ទទួលបាន ៤ម៉ឺនរៀលក្នុងមួយនាក់ សម្រាប់ក្រីក្រ ១។ រីឯ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍ ដែលរស់នៅក្នុងគ្រួសារក្រីក្រ ២វិញ ទទួលបាន ២៨ ០០០រៀល ក្នុងមួយនាក់។ផ្នែកទី ២ គឺសំដៅលើគ្រួសារក្រីក្រ និងងាយរងគ្រោះរស់នៅទីប្រជុំជនក្រៅរាជធានីភ្នំពេញ។ សម្រាប់គ្រួសារមានបណ្ណសមធម៌ ទាំងកម្រិត ១ និងកម្រិត ២ទទួលបាន ១២ម៉ឺនរៀលដូចគ្នា។ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍ ដែលរស់នៅក្នុងគ្រួសារក្រីក្រកម្រិត ១ ទទួលបាន ៤ម៉ឺនរៀលក្នុង ១នាក់។ រីឯ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍ ដែលរស់នៅក្នុងគ្រួសារក្រីក្រកម្រិត ២ ទទួលបាន ២៨ ០០០រៀលក្នុង១នាក់។ផ្នែកទី ៣សំដៅលលើគ្រួសារក្រីក្រ និងងាយរងគ្រោះនៅជនបទ។ គ្រួសារក្រីក្រ ដែលមានបណ្ណសមធម៌ ទាំងកម្រិត ១ និងកម្រិត ២ ទទួលបាន ៨ម៉ឺនរៀលដូចគ្នា។ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍ ទទួលបាន ២៤ ០០០រៀលក្នុង ១នាក់ សម្រាប់គ្រួសារក្រីក្រកម្រិត ១។ ចំពោះកុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិកដែលមានផ្ទុកមេរោគអេដស៍រស់នៅក្នុងគ្រួសារកម្រិត ២វិញ ទទួលបាន ១៦ ០០០រៀលក្នុង១នាក់៕ អត្ថបទ៖ គឹម ហុក

តម្រូវការជ្រើសរើសកម្លាំងពលកម្មនៅតែបន្តមាន ខណៈអ្នកដាក់ពាក្យធ្វើការងារនៅមានកម្រិត

បច្ចុប្បន្ន ទីផ្សារការងារក្នុងប្រទេសកម្ពុជា ត្រូវបានមើលឃើញថា នៅតែមានតម្រូវការជាច្រើនមុខតំណែង និងគ្រប់វិស័យ ខណៈអ្នកដាក់ពាក្យស្វែងរកការងារធ្វើ ហាក់នៅមានកម្រិត និងមិនទាន់ស៊ីចង្វាក់គ្នាច្រើននៅឡើយ រវាងអ្នកដាក់ពាក្យ និងក្រុមហ៊ុនជ្រើសរើសកម្លាំងពលកម្ម។នៅក្នុងកិច្ចសម្ភាសន៍ រវាងទូរទស្សន៍ព័ត៌មាន ប៊ីធីវី នៅមជ្ឈមណ្ឌលការងាររាជធានីភ្នំពេញ នៅព្រឹកថ្ងៃទី១១ ខែមករា ឆ្នាំ២០២៤នេះ កញ្ញា តាំង សុខឡេង បុគ្គលិកផ្នែកធនធានមនុស្សក្រុមហ៊ុន មេគង្គណេត បានប្រាប់ឲ្យដឹងថា រហូតមកដល់ពេលនេះ ក្រុមហ៊ុនបានសហការជាមួយភ្នាក់ងារជាតិមុខរបរ និងការងារ ដើម្បីជ្រើសរើសកម្លាំងពលកម្មមានចំនួនច្រើនលើកមកហើយ និងកត់សម្គាល់ឃើញថា ចំនួនអ្នកចូលរួមដាក់ពាក្យសម្ភាសន៍ការងារ ហាក់មិនទាន់ឆ្លើយតបគ្នាបានល្អនៅឡើយ ដោយសារខុសមុខជំនាញ និងខ្វះបទពិសោធន៍ការងារជាដើម។ កញ្ញាបានឲ្យដឹងទៀតថា គិតក្នុងរយៈប៉ុន្មានខែក្រោយនេះ អ្នកមកដាក់ពាក្យ មានការយល់ដឹងច្រើន អំពីរបៀបរបបដាក់ពាក្យឲ្យត្រូវនឹងជំនាញ និងការចង់បានរបស់ពួកគេ។ជាមួយគ្នានេះ លោក អាត ផល្លា មន្រ្តីផ្នែកកម្មវិធី នៃវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា (CGTI) បានចូលរួមចែករំលែកនូវគន្លឹះសំខាន់ៗមួយចំនួនជូនដល់អ្នកស្វែងរកការងារ ថា ការងារដែលមិនត្រូវរូវគ្នា រវាងក្រុមហ៊ុន និងអ្នកដាក់ពាក្យ ដោយមូលហេតុថា ការដាក់ពាក្យរបស់អ្នកស្វែងរកការងារធ្វើ អត់ត្រូវនឹងទីផ្សារចង់បាន ឬក៏មិនត្រូវនឹងចំណង់ចំណូលចិត្តរបស់អ្នកដាក់ពាក្យ។ លោកបានបន្តថា មូលហេតុផ្សេងទៀត គឺខុសជំនាញ និងខ្វះសមត្ថភាព ដោយសារការសិក្សាមុខវិជ្ជា ខុសគ្នាទៅនិងទីផ្សារចង់បាន។សូមជម្រាបជូនថា នៅថ្ងៃទី១១ ខែមករានេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយ ស.ស.យ.ក វិស័យការងារ និងបណ្តុះបណ្តាលវិជ្ជាជីវៈ បានរៀបចំវេទិកាការងារ និងកម្មសិក្សាការងារ ដោយនាំយកឱកាសការងារចំនួន ៩៩កន្លែង ពីក្រុមហ៊ុនធំៗចំនួន៣ រួមមាន៖ ក្រុមហ៊ុន CBS , ក្រុមហ៊ុន មេគង្គណេត (MEKONGNET) និងវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា(CGTI) ចាប់ពីម៉ោង ៨ព្រឹក ដល់ម៉ោង ៥ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ៕ អត្ថបទ៖ ឈិត បូរ៉ាវី

លោក Trump បានប្រាប់សហភាពអឺរ៉ុប ថាអាមេរិក នឹងមិនជួយអឺរ៉ុបទេបើប្លុកនេះស្ថិតក្រោមការវាយប្រហារ

លោក ដូណាល់ ត្រាំ (Donald Trump) បានប្រាប់ក្រុមមន្ត្រីជាន់ខ្ពស់របស់អឺរ៉ុប ក្នុងពេលដែលលោកធ្វើជាប្រធានាធិបតីអាមេរិក ថាសហរដ្ឋអាមេរិកនឹងមិនជួយអឺរ៉ុបឡើយ ប្រសិនបើប្លុកនេះរងការវាយប្រហារ នេះបើយោងតាមមន្ត្រីជាន់ខ្ពស់សហភាពអឺរ៉ុបមួយរូប។លោក ធើរី ប្រេតុន (Thierry Breton) ស្នងការបារាំងដែលទទួលខុសត្រូវលើទីផ្សារផ្ទៃក្នុងរបស់សហភាពអឺរ៉ុបបាននិយាយថា លោក ត្រាំ បានធ្វើការលើកឡើងបែបនេះទៅកាន់ប្រធានគណៈកម្មការអឺរ៉ុប លោកស្រី អឺសុឡា វ៉ុនដឺ ឡេយ៉េន (Ursula von der Leyen) ក្នុងវេទិកាសេដ្ឋកិច្ចពិភពលោកនៅទីក្រុង ដេវ៉ូស (Davos) ក្នុងខែមករា ឆ្នាំ២០២០។លោក ប្រេតុន បានរំលឹកឡើងវិញនូវការចងចាំរបស់ខ្លួនអំពីកិច្ចប្រជុំដែលលោកបានចូលរួមផងដែរនៅក្នុងកិច្ចពិភាក្សាជាក្រុមនៅទីក្រុងព្រុចសែល កាលពីថ្ងៃអង្គារ (០៩ មករា)។ ការអត្ថាធិប្បាយរបស់លោកប្រេតុន បានជំរុញឱ្យមានការរិះគន់យ៉ាងខ្លាំងលើលោក ត្រាំ កាលពីថ្ងៃពុធ (១០ មករា) ពីយុទ្ធនាការរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) សម្រាប់ការបោះឆ្នោតឡើងវិញ។នៅពេលត្រូវសាកសួរថាតើការរំលឹករបស់លោកស្រី អឺសុឡា វ៉ុនដឺ ឡេយ៉េន ចំពោះការលើកឡើងរបស់លោក ត្រាំ ត្រូវគ្នានឹងលោក ប្រេតុន និយាយដែរឬទេ អ្នកនាំពាក្យរបស់ប្រធានគណៈកម្មការអឺរ៉ុបបានបដិសេធមិនធ្វើអត្ថាធិប្បាយឡើយ៕

ប្រទេសចិន ព្រមានថាបេក្ខជនមេដឹកនាំបក្សកាន់អំណាចកោះតៃវ៉ាន់ ជាមនុស្សគ្រោះថ្នាក់ណាស់

ប្រទេសចិនបាននិយាយនៅថ្ងៃព្រហស្បតិ៍ (១១ មករា) នេះថា ខ្លួនសង្ឃឹមថាប្រជាជនតៃវ៉ាន់ភាគច្រើន «ជ្រើសយកជម្រើសត្រឹមត្រូវ» នៅមុនការបោះឆ្នោតដ៏សំខាន់ ដោយព្រមានថាបេក្ខជនមេដឹកនាំនៃគណបក្សកាន់អំណាចរបស់កោះតៃវ៉ាន់ លោក ឡៃ ឈីងតឺ (Lai Ching-te) ជាមនុស្សមាន «គ្រោះថ្នាក់ខ្លាំងណាស់» ក្នុងការបង្កឱ្យមានជម្លោះឆ្លងច្រកសមុទ្រ។កោះតៃវ៉ាន់កំពុងរៀបចំការបោះឆ្នោតមេដឹកនាំ និងសភាសំខាន់មួយនៅថ្ងៃសៅរ៍ (១៣ មករា) ខាងមុខនេះដែលត្រូវបានអន្តរជាតិឃ្លាំមើលយ៉ាងជិតស្និទ្ធស្របពេលមានភាពតានតឹងផ្នែកភូមិសាស្ត្រនយោបាយ។ ប្រទេសចិនមិនបានដាក់ឈ្មោះបេក្ខជនដែលខ្លួនពេញចិត្តឬបញ្ជាក់ពីអ្វីដែលជាជម្រើសត្រឹមត្រូវជាសាធារណៈនោះទេ។លោក ឈិន ពីនហួរ (Chen Binhua) អ្នកនាំពាក្យការិយាល័យកិច្ចការកោះតៃវ៉ាន់របស់ប្រទេសចិន ក្រោមក្រុមប្រឹក្សារដ្ឋ បាននិយាយនៅក្នុងសេចក្តីថ្លែងការណ៍មួយថា លោក ឡៃ ដែលជាបេក្ខជនមេដឹកនាំរបស់គណបក្សជឿនលឿនប្រជាធិបតេយ្យ (DPP) ដែលកំពុងកាន់អំណាច គឺជា «អ្នកទាមទារឯករាជ្យរបស់តៃវ៉ាន់» ហើយថា ប្រសិនបើលោកឡើងកាន់អំណាច បេក្ខជនមេដឹកនាំរូបនេះនឹងជំរុញសកម្មភាពផ្ដាច់ខ្លួនបន្ថែមទៀត។ទីក្រុងប៉េកាំង បានអះអាងសិទ្ធលើកោះតៃវ៉ាន់ថាជាទឹកដីរបស់ខ្លួន ហើយបានបញ្ជាក់ថាការបោះឆ្នោតជ្រើសរើសមេដឹកនាំ និងសភារបស់កោះនេះនៅថ្ងៃសៅរ៍ ខាងមុខគឺជាជម្រើសរវាងសន្តិភាព និងសង្រ្គាមនៅទូទាំងច្រកសមុទ្រតៃវ៉ាន់។ ទីក្រុងប៉េកាំង បានព្រមានម្តងហើយម្តងទៀតថារាល់ការប៉ុនប៉ងដើម្បីជំរុញឱ្យមានឯករាជ្យភាពជាផ្លូវការរបស់កោះតៃវ៉ាន់ គឺមានន័យថាជម្លោះនឹងកើតឡើង ប៉ុន្តែរដ្ឋាភិបាលតៃវ៉ាន់ ច្រានចោលការអះអាងអធិបតេយ្យភាពរបស់ចិន៕

អង្គការណាតូ សន្យាផ្តល់ជំនួយផ្នែកយោធា និងសេដ្ឋកិច្ចសំខាន់បន្ថែមទៀតដល់អ៊ុយក្រែន

អង្គការណាតូ (NATO) បាននិយាយកាលពីថ្ងៃពុធ (១០ មករា) ថាសម្ព័ន្ធមិត្តរបស់អង្គការណាតូ នៅក្នុងកិច្ចប្រជុំជាមួយអ៊ុយក្រែន បានបញ្ជាក់យ៉ាងច្បាស់ថាពួកគេនឹងបន្តផ្តល់ឱ្យប្រទេសនូវជំនួយផ្នែកយោធា សេដ្ឋកិច្ច និងមនុស្សធម៌ដ៏សំខាន់ក្នុងការប្រឈមមុខនឹងការឈ្លានពានជិតពីរឆ្នាំរបស់រុស្ស៊ី។អគ្គលេខាធិការអង្គការណាតូ លោក ចេនស៍ ស្តុលថេនប៊ឺក (Jens Stoltenberg) បាននិយាយថា «អង្គការណាតូ ថ្កោលទោសយ៉ាងខ្លាំងចំពោះការវាយប្រហារដោយមីស៊ីល និងយានដ្រូនរបស់រុស្ស៊ី ទៅលើជនស៊ីវិលអ៊ុយក្រែន រួមទាំងអាវុធពីកូរ៉េខាងជើង និងអ៊ីរ៉ង់។ នៅពេលដែលទីក្រុងមូស្គូ បង្កើនការវាយប្រហាររបស់ខ្លួនទៅលើទីក្រុងនានា និងជនស៊ីវិលរបស់អ៊ុយក្រែន សម្ព័ន្ធមិត្តណាតូ កំពុងបង្កើនការការពារដែនអាកាសរបស់អ៊ុយក្រែន»។នៅក្នុងសេចក្តីថ្លែងការណ៍មួយបន្ទាប់ពីសន្និសីទតាមវីដេអូ អង្គការណាតូបានបន្ថែមថា រដ្ឋជាសមាជិកបានគូសបញ្ជាក់ពីផែនការក្នុងការផ្តល់ «សមត្ថភាពបន្ថែមរាប់ពាន់លានអឺរ៉ូ» នៅឆ្នាំ២០២៤ ដល់អ៊ុយក្រែន។ រុស្ស៊ីបានបង្កើនការវាយប្រហារកាន់តែខ្លាំងក្នុងអំឡុងពេលចូលឆ្នាំថ្មី ហើយបានវាយលុកទីក្រុងធំជាងគេចំនួនពីររបស់អ៊ុយក្រែន គឺទីក្រុងគីវ និងទីក្រុងខាគីវ (Kharkiv) កាលពីដើមខែនេះក្នុងការវាយប្រហារផ្លូវអាកាសយ៉ាងខ្លាំងក្លាជាថ្មី៕

បណ្ដាញសង្គម

ព័ត៌មានថ្មីៗ

ពលករខ្មែរមកពីថៃថ្លែងអំណរគុណអភិបាលខេត្តប៉ៃលិនចំពោះការយកចិត្តទុកដាក់លើសុខភាពពួកគេ

កម្ពុជា ចូលរួមកិច្ចប្រជុំក្រុមប្រឹក្សាសម្របសម្រួលកម្មវិធីអង្គកា UNAIDS លើកទី៥៦ នៅ ហ្សឺណែវ

មនុស្ស ៣នាក់ស្លាប់ ក្រោយអគ្គិភ័យឆាបឆេះរោងចក្រថង់ប្លាស្ទិកនៅរដ្ឋធានីញូវដែល្លី ប្រទេសឥណ្ឌា

ប្រព័ន្ធផ្សព្វផ្សាយ៖ អឺរ៉ុបគ្រោងនឹងដាក់ពង្រាយគ្រាប់មីនរាប់លានគ្រាប់ នៅតាមបណ្តោយព្រំដែនរុស្ស៊ី

បារាំងព្រមានអ៊ីរ៉ង់ថា ទណ្ឌកម្មនៅតែអាចកើតមាន ប្រសិនបើគ្មានកិច្ចព្រមព្រៀងនុយក្លេអ៊ែរ

អ៊ីស្រាអែល បានសម្លាប់អ្នកវិទ្យាសាស្ត្រយ៉ាងតិច ១៤នាក់ ក្នុងការវាយប្រហារទៅលើទីតាំងនុយក្លេអ៊ែររបស់អ៊ីរ៉ង់

អ៊ីរ៉ាក់ និងអារ៉ាប៊ីសាអ៊ូឌីត សង្កត់ធ្ងន់ពីតម្រូវការទប់ស្កាត់កុំឲ្យមានការកើនឡើងនៃជម្លោះនិងសកម្មភាពយោធា

លោក Rutte ជឿថា ណាតូនឹងឯកភាពគ្នាលើគោលដៅចំណាយខ្ពស់ជាងមុន អំឡុងកិច្ចប្រជុំកំពូលក្រុងឡាអេ

មន្ត្រីអ៊ីស្រាអែល៖ អ៊ីរ៉ង់បានបាញ់មីស៊ីលជាង ៥០០គ្រាប់ ទៅលើអ៊ីស្រាអែល ក្នុងអំឡុងពេលភាពតានតឹង កើនឡើង

ការស្តារប្រទេសលីបង់ឡើងវិញ ស្ថិតក្នុងស្ថានភាពមិនប្រាកដប្រជា ខណៈជម្លោះរវាងអ៊ីស្រាអែលនិងអ៊ីរ៉ង់នៅបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមប្រឹក្សាកោតសរសើររដ្ឋបាលរាជធានីដែលខែធ្នូកន្លងទៅសម្រេចកិច្ចការសំខាន់ៗជាច្រើន

មន្ដ្រីរាជការ បុគ្គលិកខេត្តព្រះវិហារ ចូលរួមដោយស្ម័គ្របរិច្ចាគឈាម ដើម្បីអបអរខួបជ័យជម្នះ៧មករា (១៩៧៩-២០២៤)

បង់ក្លាដែស តែងតាំងលោកស្រី Sheikh Hasina ជានាយករដ្ឋមន្ត្រីថ្មី និងបានអញ្ជើញលោកស្រីឱ្យបង្កើតរដ្ឋាភិបាលថ្មី

រាជរដ្ឋាភិបាល កែសម្រួលថវិកាឧបត្ថម្ភប្រចាំខែជូនគ្រួសារក្រីក្រ និងងាយរងគ្រោះ

តម្រូវការជ្រើសរើសកម្លាំងពលកម្មនៅតែបន្តមាន ខណៈអ្នកដាក់ពាក្យធ្វើការងារនៅមានកម្រិត

លោក Trump បានប្រាប់សហភាពអឺរ៉ុប ថាអាមេរិក នឹងមិនជួយអឺរ៉ុបទេបើប្លុកនេះស្ថិតក្រោមការវាយប្រហារ

ប្រទេសចិន ព្រមានថាបេក្ខជនមេដឹកនាំបក្សកាន់អំណាចកោះតៃវ៉ាន់ ជាមនុស្សគ្រោះថ្នាក់ណាស់

អង្គការណាតូ សន្យាផ្តល់ជំនួយផ្នែកយោធា និងសេដ្ឋកិច្ចសំខាន់បន្ថែមទៀតដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមប្រឹក្សាកោត​សរសើររដ្ឋបាលរាជធានីដែលខែធ្នូកន្លងទៅសម្រេចកិច្ចការសំខាន់ៗជាច្រើន

មន្ដ្រីរាជការ បុគ្គលិកខេត្តព្រះវិហារ ចូលរួមដោយស្ម័គ្របរិច្ចាគឈាម ដើម្បីអបអរខួបជ័យជម្នះ៧មករា (១៩៧៩-២០២៤)

បង់ក្លាដែស តែងតាំងលោកស្រី Sheikh Hasina ជានាយករដ្ឋមន្ត្រីថ្មី និងបានអញ្ជើញលោកស្រីឱ្យបង្កើតរដ្ឋាភិបាលថ្មី

រាជរដ្ឋាភិបាល កែសម្រួលថវិកាឧបត្ថម្ភប្រចាំខែជូនគ្រួសារក្រីក្រ និងងាយរងគ្រោះ

តម្រូវការជ្រើសរើសកម្លាំងពលកម្មនៅតែបន្តមាន ខណៈអ្នកដាក់ពាក្យធ្វើការងារនៅមានកម្រិត

លោក Trump បានប្រាប់សហភាពអឺរ៉ុប ថាអាមេរិក នឹងមិនជួយអឺរ៉ុបទេបើប្លុកនេះស្ថិតក្រោមការវាយប្រហារ

ប្រទេសចិន ព្រមានថាបេក្ខជនមេដឹកនាំបក្សកាន់អំណាចកោះតៃវ៉ាន់ ជាមនុស្សគ្រោះថ្នាក់ណាស់

អង្គការណាតូ សន្យាផ្តល់ជំនួយផ្នែកយោធា និងសេដ្ឋកិច្ចសំខាន់បន្ថែមទៀតដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រុមប្រឹក្សាកោតសរសើររដ្ឋបាលរាជធានីដែលខែធ្នូកន្លងទៅសម្រេចកិច្ចការសំខាន់ៗជាច្រើន