នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី
សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

នយោបាយ​ និង ការអភិវឌ្ឍន៍

លោក Biden ប្រាប់ប្រធានាធិបតីអ៊ុយក្រែន កុំឲ្យបោះបង់ក្តីសង្ឃឹមឲ្យសោះ

2023/12/13 06:27:57 pm        427
Facebook Telegram Linkin
ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានប្រាប់ប្រធានាធិបតីអ៊ុយក្រែន លោក វ្ល៉ូឌីមី ហ្ស៊េលែនស្គី (Volodymyr Zelenskiy) កុំឱ្យបោះបង់ក្តីសង្ឃឹមក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ី ខណៈដែលមេដឹកនាំទាំងពីររូបបានជួបប្រជុំគ្នានៅទីក្រុងវ៉ាស៊ីនតោន ដើម្បីពិភាក្សាអំពីការគាំទ្រសម្រាប់ទីក្រុងគីវ។លោក បៃដិន បានប្រាប់លោក ហ្ស៊េលែនស្គី ថា «យើងនឹងនៅខាងអ្នក»។ កាលពីព្រឹកថ្ងៃអង្គារ លោក បៃដិន បានជំរុញឱ្យសភាសហរដ្ឋអាមេរិកផ្តល់ជំនួយបន្ថែម មុនពេលចាកចេញសម្រាប់ថ្ងៃឈប់សម្រាករបស់ខ្លួន ហើយថែមទាំងបានប្រកាសផ្តល់ជំនួយផ្នែកយោធាដាច់ដោយឡែកចំនួន ២០០លានដុល្លារសម្រាប់អ៊ុយក្រែនផងដែរ។លោក ហ្ស៊េលែនស្គី បានប្រាប់លោក បៃដិន ថាប្រទេសរបស់លោកកាន់តែមិនសូវពឹងផ្អែកលើជំនួយ ហើយបានកោតសរសើរចំពោះជំនួយរបស់សហរដ្ឋអាមេរិក ក្នុងការជំរុញការការពារដែនអាកាសរបស់ខ្លួន ដោយបន្ថែមថាទីក្រុងគីវ មានកម្លាំងគ្រប់គ្រាន់ដើម្បីឈ្នះសង្រ្គាមប្រឆាំងនឹងទីក្រុងមូស្គូ។ លោកក៏បាននិយាយថាលោកចង់ពិភាក្សាអំពីសមាហរណកម្មអ៊ុយក្រែនជាមួយសហភាពអឺរ៉ុបជាមួយលោក បៃដិន។មេដឹកនាំទាំងពីរត្រូវបានគេគ្រោងនឹងធ្វើសន្និសីទសារព័ត៌មានរួមគ្នាមួយបន្ទាប់ពីកិច្ចប្រជុំរបស់ពួកគេ ដែលបន្ទាប់ពីដំណើរទស្សនកិច្ចរបស់លោក ហ្ស៊េលែនស្គី ទៅកាន់សមាជិកសភាសហរដ្ឋអាមេរិកនៅវិមានកាពីតូល ហីល (Capitol Hill)៕

ប្រទេសនានាជំរុញឱ្យមានកិច្ចព្រមព្រៀង COP28 លើឥន្ធនៈហ្វូស៊ីល ខណៈកិច្ចពិភាក្សាបានបន្ថែមម៉ោង

2023/12/13 06:24:12 pm        406
Facebook Telegram Linkin
ការចរចាសម្រាប់កិច្ចព្រមព្រៀងអាកាសធាតុបានឈានចូលម៉ោងបន្ថែមនៅក្នុងកិច្ចប្រជុំកំពូល COP28 នៅទីក្រុងឌុយបៃ នៅថ្ងៃពុធ (១៣ ធ្នូ) ខណៈដែលប្រទេសជិត២០០ បានស្វែងរកការបង្រួបបង្រួមការខ្វែងគំនិតលើតួនាទីនាពេលអនាគតនៃឥន្ធនៈហ្វូស៊ីល ដែលជាបញ្ហាដ៏ចម្រូងចម្រាសបំផុត។លទ្ធផលដែលសម្រេចបានក្នុងសន្និសីទរយៈពេលពីរសប្តាហ៍លើបញ្ហានេះ នឹងផ្ញើសារដ៏មានឥទ្ធិពលមួយទៅកាន់អ្នកវិនិយោគ និងទីផ្សារពិភពលោកអំពីមហិច្ឆិតារបស់បណ្ដារដ្ឋាភិបាលជុំវិញពិភពលោកក្នុងការបញ្ចប់ការប្រើប្រាស់ប្រេង ឧស្ម័ន និងធ្យូងថ្ម ឬបញ្ឃប់កំណើនរបស់វា។ប្រទេសជាច្រើនបានរិះគន់សេចក្តីព្រាងកិច្ចព្រមព្រៀងមួយដែលបានចេញផ្សាយកាលពីថ្ងៃច័ន្ទចំពោះការបរាជ័យក្នុងការអំពាវនាវឱ្យមាន «ការឈប់ប្រើប្រាស់» នៃឥន្ធនៈហ្វូស៊ីល ដែលក្រុមអ្នកវិទ្យាសាស្ត្រនិយាយថារហូតមកដល់ពេលនេះគឺជាប្រភពដ៏ធំបំផុតនៃការបំភាយឧស្ម័នផ្ទះកញ្ចក់ដែលជំរុញឱ្យមានការឡើងកម្ដៅផែនដី។ប្រទេសជាង១០០ រាប់ចាប់ពីសហរដ្ឋអាមេរិក និងសហភាពអឺរ៉ុប រហូតដល់ប្រទេសកោះតូចៗដូចជាប្រជុំកោះសាម័រ បានជំរុញឱ្យមានការសម្រេចចុងក្រោយ ប៉ុន្តែប្រឈមមុខនឹងការតស៊ូពីសមាជិកនៃក្រុមអ្នកផលិតប្រេង OPEC និងសម្ព័ន្ធមិត្តរបស់ខ្លួន។កាលពីល្ងាចថ្ងៃអង្គារ និងដល់ព្រឹកព្រលឹមថ្ងៃពុធនេះ គណៈប្រតិភូប្រទេសបានជួបគ្នាទៅវិញទៅមក និងជាមួយម្ចាស់ផ្ទះ COP28 របស់ប្រទេសអារ៉ាប់រួម ដែលទទួលខុសត្រូវក្នុងការសរសេរសេចក្តីព្រាងថ្មីនៃកិច្ចព្រមព្រៀងចុងក្រោយ ដើម្បីបញ្ជាក់ច្បាស់ពីការទាមទាររបស់ពួកគេក្នុងភាពច្របូកច្របល់ពាក់កណ្តាលអធ្រាត្រនៃភាពតានតឹងការទូត៕

ប្រមុខការពារជាតិជប៉ុន និងអាមេរិក ព្រមព្រៀងលើសុវត្ថិភាពហោះហើររបស់យន្តហោះ Ospreys ថាជាអាទិភាពកំពូល

2023/12/13 05:59:26 pm        434
Facebook Telegram Linkin
ប្រមុខការពារជាតិរបស់ប្រទេសជប៉ុន និងសហរដ្ឋអាមេរិក បានព្រមព្រៀងគ្នាថា សុវត្ថិភាពហោះហើរនៃយន្តហោះដឹកជញ្ជូន Osprey គឺជាអាទិភាពកំពូលរបស់ប្រទេសទាំងពីរ។រដ្ឋមន្ត្រីការពារជាតិជប៉ុន លោក Kihara Minoru និងរដ្ឋមន្ត្រីការពារជាតិអាមេរិក លោក Lloyd Austin បានសន្ទនាគ្នាតាមទូរស័ព្ទកាលពីថ្ងៃអង្គារ។ការសន្ទនារបស់រដ្ឋមន្ត្រីទាំងពីរ គឺជាលើកដំបូងចាប់តាំងពីយន្តហោះដឹកជញ្ចូនរបស់កងទ័ពអាកាសសហរដ្ឋអាមេរិក បានធ្លាក់ក្នុងដែនទឹកនៅភាគនិរតីប្រទេសជប៉ុន កាលពីខែមុន។ យោធាអាមេរិក បានដាក់ឲ្យលែងដំណើរការយន្តហោះ Ospreys ទាំងអស់របស់ខ្លួន ដែលត្រូវបានដាក់ពង្រាយនៅជុំវិញពិភពលោក បន្ទាប់ពីគ្រោះថ្នាក់បណ្តាលឲ្យមានអ្នកស្លាប់។លោក Kihara បានស្នើឱ្យលោក Austin ចែករំលែកព័ត៌មានអំពីការធ្លាក់ និងវិធានការសុវត្ថិភាព។ លោកក៏បានស្នើសុំឱ្យសហរដ្ឋអាមេរិកបន្តការហោះហើរយន្តហោះ Ospreys ដែលមានមូលដ្ឋាននៅក្នុងប្រទេសជប៉ុន បន្ទាប់ពីសុវត្ថិភាពរបស់យន្តហោះត្រូវបានបញ្ជាក់។ លោក Austin បានបញ្ជាក់សារជាថ្មីថា ក្រសួងការពារជាតិ ចាត់ទុកសុវត្ថិភាពរបស់សមាជិកអង្គភាពសេវាកម្មអាមេរិក និងសហគមន៍ជប៉ុនជាអាទិភាពកំពូលរបស់ខ្លួន។

រដ្ឋបាលខេត្តព្រះសីហនុប្រជុំត្រៀមទទួលនាវាទេសចរណ៍ WESTERDAM នឹងដឹកអ្នកដំណើរប្រមាណ ៣៥០០នាក់ មកដល់នាថ្ងៃទី ២៨ ខែធ្នូនេះ

2023/12/12 08:55:49 pm        238
Facebook Telegram Linkin
ព្រះសីហនុ៖ នាថ្ងៃទី១១ ខែធ្នូ ឆ្នាំ២០២៣ មន្ទីរទេសចរណ៍ខេត្តព្រះសីហនុ បានចូលរួមកិច្ចប្រជុំ ក្រោមអធិបតីភាពលោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ និងមានការ​ចូលរួមពីអាជ្ញាធរ សមត្ថកិច្ច កំពង់ផែស្វយ័ត និងផ្នែកពាក់ព័ន្ធ ​ស្តីពីការ​ត្រៀម​រៀបចំ​ទទួល​ការមកដល់របស់នាវាទេសចរណ៍ WESTERDAM ដែល នឹងមកដល់​ខេត្តព្រះសីហនុ នាថ្ងៃទី២៨ ខែធ្នូ ឆ្នាំ២០២៣ និងមានអ្នកដំណើរសរុបប្រមាណ ៣៥០០នាក់។

ជម្លោះផ្ទុះបន្ទាប់ អាចនៅក្នុងសមុទ្រចិនខាងត្បូង

2023/12/12 08:43:50 pm        103
Facebook Telegram Linkin
មេបញ្ជាការយោធាប្រទេសហ្វីលីពីនម្នាក់ បានឡើងជិះនៅលើនាវាដែលត្រូវបានបុកដោយនាវារបស់យោធាចិន កាលពីចុងសប្តាហ៍កន្លងទៅនេះ ជំរុញឱ្យទីក្រុងម៉ានីលហៅសកម្មភាពនេះថាជា «ការកើនឡើងជម្លោះធ្ងន់ធ្ងរ»។ យោងតាមក្រុមប្រឹក្សាសន្តិសុខជាតិរបស់ប្រទេសហ្វីលីពីនបាននិយាយថា នាវាចិន តាមសេចក្តីរាយការណ៍ថា បានកំណត់គោលដៅលើនាវាផ្គត់ផ្គង់របស់ហ្វីលីពីន ដែលកំពុងធ្វើដំណើរទៅកាន់មូលដ្ឋានកងទ័ពជើងទឹក ដោយបានបាញ់កាណុងបាញ់ទឹក បំផ្លាញយ៉ាងធ្ងន់ធ្ងរនាវាមួយគ្រឿង ហើយក្រោយមកបានបុកដោយចេតនាទៅលើនាវាមួយគ្រឿងផ្សេងទៀត ។ការឈ្លានពានរបស់ចិន មកលើហ្វីលីពីន កើតឡើងប៉ុន្មានសប្តាហ៍បន្ទាប់ពីមន្ត្រីប្រទេសទាំងពីរបានជួបប្រជុំគ្នានៅក្នុងកិច្ចប្រជុំកំពូល APEC នៅទីក្រុងសាន់ហ្វ្រាន់ស៊ីស្កូ (San Francisco) ដើម្បីពិភាក្សាអំពីវិធីឆ្ពោះទៅមុខដោយសន្តិវិធីនៅសមុទ្រចិនខាងត្បូង ជាតំបន់មានភាពចម្រូងចម្រាស់ខ្លាំង ដែលប្រទេសចិនកំពុងពង្រីកវត្តមានយោធារបស់ខ្លួន។ លោក ទីម៉ូធី មឺឡាហ្វលីន(Timothy McLaughlin) សរសេរអត្ថបទសម្រាប់មហាសមុទ្រអាត្លង់ទិកថា ការឈ្លានពានជាប្រចាំរបស់ចិនមកលើនាវាហ្វីលីពីន ក្នុងរយៈពេលជាច្រើនឆ្នាំមកនេះ បច្ចុប្បន្នបានវិវត្តទៅជាជម្លោះដែលអាចផ្ទុះខ្លាំងបំផុត ខណៈគ្មាននរណាម្នាក់កំពុងនិយាយអំពីបញ្ហានេះ។ មជ្ឈមណ្ឌលទំនាក់ទំនងអរិភាពរវាងអាមេរិកនិងចិន ដែលភាគច្រើននិយាយជុំវិញបញ្ហាកោះតៃវ៉ាន់ អតីតមន្ត្រីជាន់ខ្ពស់ចិនម្នាក់ បាននិយាយថា សមុទ្រចិនខាងត្បូងទំនងជាជំរុញឱ្យមានជម្លោះរវាងប្រទេសមហាអំណាចទាំងពីរ។ នាយកវិទ្យាស្ថានសិក្សាពីសង្គ្រាម Think Tank បានប្រាប់លោក McLaughlin ថា មានតំបន់ដ៏មានសក្តានុពលមួយ ដែលរឿងរ៉ាវអាចចូលទៅក្នុងជម្លោះ ខណៈប្រទេសចិន រំលោភលើព្រំដែនសមុទ្រជាមួយប្រទេសនានា ដូចជាហ្វីលីពីនជាដើម។ ផ្លូវទឹកនេះ កំពុងទាក់ទាញខាងសេដ្ឋកិច្ចសម្រាប់តួអង្គទាំងអស់នៅក្នុងតំបន់ ដែលផ្តល់ដំណើរការចូលទៅកាន់ទីតាំងនេសាទធំៗ កាន់កាប់ធនធានថាមពលដ៏សម្បូរបែប និងទទួលបានពាណិជ្ជកម្មប្រចាំឆ្នាំចំនួន៣ សែនកោដិ៍ដុល្លារ ជាផ្លូវដឹកជញ្ជូនដ៏មមាញឹកបំផុតមួយរបស់ពិភពលោក។

លោកហ្សេឡិនស្គី៖ ការពន្យារពេលរបស់អាមេរិកក្នុងការផ្តល់ជំនួយដល់អ៊ុយក្រែន បំពេញ «ក្តីសុបិន្ត» របស់លោកពូទីន

2023/12/12 08:34:55 pm        127
Facebook Telegram Linkin
ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelensky) បានធ្វើការអង្វរដោយការចង់បានបំផុតសម្រាប់ការបន្តការគាំទ្រយោធាអាមេរិក កាលពីថ្ងៃចន្ទ នៅក្នុងសុន្ទរកថា នៅទីក្រុងវ៉ាស៊ីនតោន ដោយព្រមានថា ការបរាជ័យក្នុងការជួយប្រទេសរបស់ខ្លួន ដើម្បីយកឈ្នះការឈ្លានពានរបស់រុស្ស៊ី កំពុងបំពេញ «ក្តីសុបិន»របស់វិមានក្រឹមឡាំង ក្នុងការបំផ្លាញលទ្ធិប្រជាធិបតេយ្យ នៅអឺរ៉ុប។ថ្លែងទៅកាន់ជំនួបនៃក្រុមមន្ត្រីអាមេរិក នៅសាកលវិទ្យាល័យការពារជាតិ លោក ហ្សេឡិនស្គី បាននិយាយថា អ៊ុយក្រែន កំពុងប្រយុទ្ធមិនត្រឹមតែ ដើម្បីការបន្តជីវិតរបស់ខ្លួនប៉ុណ្ណោះទេ ថែមទាំងដើម្បីការពារសេរីភាពដែលបានបើកនៅទូទាំងទ្វីបអឺរ៉ុប បន្ទាប់ពីការដួលរលំនៃសហភាពសូវៀត។នៅក្នុងការរិះគន់ចំពោះគណបក្សសាធារណរដ្ឋ នៅក្នុងសភា ដែលបានប្រឆាំងនឹងការផ្តល់មូលនិធិរបស់សហរដ្ឋអាមេរិកសម្រាប់កិច្ចខិតខំប្រឹងប្រែងសង្រ្គាមអ៊ុយក្រែន លោកហ្សេឡិនស្គី បានថ្លែងថា អ្នកនយោបាយ មិនគួរ «ក្បត់ទាហាន» ហើយលោក បាននិយាយទៀតថា ការថយចុះនៃជំនួយរបស់សហរដ្ឋអាមេរិក កំពុងត្រូវបានអបអរដោយប្រធានាធិបតីរុស្ស៊ីលោក វ៉្លាឌីមៀ ពូទីន (Vladimir Putin)។លោកបាននិយាយថា៖«ប្រសិនបើមាននរណាម្នាក់ ត្រូវជំរុញដោយបញ្ហាដែលមិនអាចដោះស្រាយបាន ទៅលើវិមាន Capitol Hillនោះ គឺមានតែលោកពូទីន និងក្រុមរបស់ខ្លួនទេ។ «ពួកគេមើលឃើញសុបិនរបស់ពួកគេ ក្លាយជាការពិត នៅពេលដែលពួកគេឃើញការពន្យារពេលក្នុងការផ្តល់ជំនួយដល់អ៊ុយ ក្រែននោះ»។

វេជ្ជបណ្ឌិតអ៊ីស្រាអែល៖ ចំណាប់ថ្នូរ ត្រូវបានគេឲ្យប្រើប្រាស់គ្រឿងញៀន និងធ្វើបាប នៅតំបន់ហ្កាហ្សា

2023/12/12 08:30:09 pm        133
Facebook Telegram Linkin
អ្នកជំនាញម្នាក់បាននិយាយកាលពីថ្ងៃចន្ទថា ចំណាប់ថ្នូរដែលត្រូវបានចាប់ខ្លួនចូលទៅក្នុងតំបន់ហ្កាហ្សាក្នុងអំឡុងពេលការវាយប្រហារថ្ងៃទី៧ ខែតុលារបស់ក្រុមហាម៉ាសលើប្រទេសអ៊ីស្រាអែល ត្រូវបានគេឲ្យប្រើប្រាស់គ្រឿងញៀន ដើម្បីឲ្យពួកគេនៅស្ងៀមក្នុងការជាប់ឃុំឃាំង និងទទួលរងការរំលោភបំពានផ្លូវចិត្ត និងផ្លូវភេទ។លោកស្រី Renana Eitan ប្រធានផ្នែកចិត្តសាស្រ្តនៃមជ្ឈមណ្ឌលវេជ្ជសាស្ត្រ Tel Aviv Sourasky-Ichilov បាននិយាយថា៖«ខ្ញុំមិនដែលឃើញអ្វីដូចនេះទេ ក្នុងរយៈពេល២០ឆ្នាំនៃការព្យាបាលជនរងគ្រោះដែលរបួសធ្ងន់ធ្ងរ»។លោកស្រី បានបន្ថែមថា៖ «រំលោភបំពានផ្លូវកាយ ផ្លូវចិត្ត ផ្លូវភេទលើចំណាប់ថ្នូរទាំងនេះ ដែលបានកើតឡើងនេះ គឺគួរឲ្យខ្លាចណាស់»។ «យើងត្រូវសរសេរសៀវភៅសិក្សាឡើងវិញ»។មជ្ឈមណ្ឌលនេះ បានទទួលអតីតចំណាប់ថ្នូរចំនួន ១៤នាក់ដែលត្រូវបានដោះលែងដោយក្រុមហាម៉ាស ដែលមួយចំនួន បានរាយការណ៍ថា ត្រូវបានគេឲ្យប្រើប្រាស់គ្រឿងញៀន រួមទាំងអ្វីដែលគ្រូពេទ្យជឿថាជាថ្នាំជួយឲ្យដេកលក់ (benzodiazapines) ដែលជាប្រភេទថ្នាំជំនួយដល់ការធ្លាក់ទឹកចិត្ត ដែលរួមមានដូចជាថ្នាំសណ្តំ(Valium)ជាដើម។លោកស្រី បានបន្ថែមថា៖«ពួកគេចង់គ្រប់គ្រងកុមារ ហើយជួនកាលវាពិបាកក្នុងការគ្រប់គ្រងកុមារតូចៗ ក្មេងជំទង់ ហើយពួកគេដឹងថា ប្រសិនបើឲ្យពួកគេប្រើប្រាស់គ្រឿងញៀន ពួកគេ នឹងត្រូវ​ស្ងប់ស្ងៀម​។

កម្ពុជាប្តេជ្ញាចិត្តមុតមាំអំពីការពង្រឹងប្រព័ន្ធគាំពារសង្គមក្នុងព្រឹត្តិការណ៍របស់ UN

2023/12/12 07:45:03 pm        110
Facebook Telegram Linkin
ភ្នំពេញ៖ ឯកឧត្តម ប៉ា ប៉ុណ្ណារ៉ាដា អ្នកនាំពាក្យគណៈកម្មាធិការសិទ្ធិមនុស្សកម្ពុជា ឲ្យដឹងថា ក្នុងព្រឹត្តិការណ៍កម្រិតខ្ពស់របស់អង្គការសហប្រជាជាតិកម្ពុជា ប្តេជ្ញាចិត្តមុតមាំអំពីការពង្រឹងប្រព័ន្ធគាំពារសង្គមសម្រាប់ជាប្រយោជន៍ជូនប្រជាពលរដ្ឋ។ក្នុងឱកាសឯកឧត្តមទេសរដ្ឋមន្រ្តី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជាអញ្ជើញចូលរួម​ព្រឹត្តិការណ៍​កម្រិតខ្ពស់នៃកម្មវិធីគំនិតផ្តួចផ្តើម «សិទ្ធិមនុស្ស៧៥» នៃសេចក្ដីប្រកាសជាសកល ស្ដីពីសិទ្ធិមនុស្ស ដែលរៀបចំដោយការិយាល័យឧត្តមស្នងការអង្គការសហប្រជាជាតិ ទទួល​បន្ទុកសិទ្ធិមនុស្ស ចាប់ពីថ្ងៃទី១១-១២ ខែធ្នូ ឆ្នាំ២០២៣ នៅទីក្រុងហ្សឺណែវ ប្រទេសស្វីស ឯកឧត្តម ប៉ា ប៉ុណ្ណារ៉ាដា អ្នកនាំពាក្យគណៈកម្មាធិការសិទ្ធិមនុស្សកម្ពុជា ​បានប្រាប់BTV News ឲ្យដឹងថា ព្រឹត្តិការណ៍កម្រិតខ្ពស់របស់អង្គការសហប្រជាជាតិមានការចូលរួមពីប្រមុខរដ្ឋ/ប្រមុខរដ្ឋាភិបាល មកពីចំនួនជាង១៤០ប្រទេស ដើម្បីថ្លែងសន្ទរកថា បង្ហាការប្តេជ្ញាចិត្តរបស់ខ្លួនក្នងនាមជា​សមាជិករបស់​អង្គការសហប្រជាជាតិ។ ឯកឧត្តម បន្តថា ក្នុងនាមតំណាងសម្តេចធិបតី ហ៊ុន ម៉ាណែត នាយករដ្ឋមន្រ្តី ឯកឧត្តម កែវ រ៉េមី បង្ហាញការប្ដេជ្ញាចិត្តលើការពង្រឹងជាអាទិភាពនៃប្រព័ន្ធគាំពារសង្គម។ទន្ទឹមគ្នា អ្នកនាំពាក្យគណៈកម្មាធិការសិទ្ធិមនុស្សកម្ពុជា អះអាងថា រាជរដ្ឋាភិបាលក្រោមការដឹកនាំ​លើគោលនយោបាយរបស់សម្ដេចតេជោ ហ៊ុន សែន អតីតនាយករដ្ឋមន្រ្តី កម្ពុជាទទួល​បានសេរីភាពដែលធ្វើឲ្យមានកំណើនសេដ្ឋកិច្ច ​និងការវិវត្តជាលំដាប់។ ជាក់ស្ដែង​ក្នុងអាណត្តិថ្មីក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត បានលើកកម្ពស់ និងយកចិត្តទុកដាក់ទៅលើការការពារសិទ្ធិមនុស្ស។សូមជម្រាបថា ខួបលើកទី៧៥នៃការប្រារព្ធទិវាសិទ្ធិមនុស្សអន្តរជាតិ គឺជាទិវាសិទ្ធិមនុស្សអន្តរជាតិ ១០ ធ្នូ ដើម្បីថ្ងៃរំលឹកព្រឹត្តិការប្រវត្តិសាស្ត្រ ​ដែលមហាសន្និបាតរបស់អង្គការសហប្រជាជាតិ (UN) បានអនុម័តសេចក្តីប្រកាសជាសាកលស្តីពីសិទ្ធិមនុស្ស (Universal Declaration of Human Rights) នៅថ្ងៃទី១០ ខែធ្នូ ឆ្នាំ១៩៤៨។មហាសន្និបាតនេះ បានធ្វើសេចក្ដីប្រកាសជាសកលស្ដីពីសិទ្ធិមនុស្សនេះ ជាឧត្ដមគតិរួមដែល​ប្រជាពលរដ្ឋ​គ្រប់ៗប្រទេស និងប្រជាជាតិទាំងអស់ត្រូវធ្វើឱ្យបានសម្រេចដើម្បីឱ្យបុគ្គលគ្រប់ៗរូប និងអង្គការសង្គមទាំងអស់ ដោយរក្សាខ្ជាប់ខ្ជួនជានិច្ចក្នុងស្មារតីរបស់ខ្លួននូវសេចក្ដីប្រកាសនេះ ខិតខំប្រឹងប្រែងបណ្ដុះបណ្ដាលការគោរពសិទ្ធិ និងសេរីភាពទាំងនេះតាមរយៈការបង្រៀន និងការអប់រំហើយ ​និងខំប្រឹងប្រែងធានាឱ្យមានការទទួលស្គាល់ និងការអនុវត្តជាសកល និងច្បាស់​លាស់នូវសិទ្ធិ និងសេរីភាព ដោយវិធានការជាតិ និងអន្ដរជាតិ ដែលមាន​លក្ខណៈរីកចម្រើន​ជាលំដាប់ ​ទាំងក្នុងចំណោមប្រជាពលរដ្ឋនៃរដ្ឋសមាជិកទាំងក្នុងចំណោមប្រជាពលរដ្ឋដែនដី ដែលស្ថិតនៅក្រោមដែនសមត្ថកិច្ចនៃរដ្ឋទាំងនោះ៕ អត្ថបទ សេក ឧត្តម 

ការរុះរើគណៈរដ្ឋមន្ត្រីដំបូងរបស់នាយករដ្ឋមន្ត្រីម៉ាឡេស៊ី អ្នកថ្មីត្រូវបានតែងតាំងជាអនុរដ្ឋមន្ត្រីក្រសួងហិរញ្ញវត្ថុ

2023/12/12 07:10:56 pm        127
Facebook Telegram Linkin
ការរុះរើគណៈរដ្ឋមន្ត្រីរបស់នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម(Anwar Ibrahim) នៅថ្ងៃអង្គារទី១២ ខែធ្នូនេះ បានឃើញការណែនាំមុខមាត់ថ្មី ដើម្បីជួយដឹកនាំក្រសួងហិរញ្ញវត្ថុ ទោះបីជាអ្នកស្និតស្នាលមួយចំនួនផ្សេងទៀត បានវិលត្រឡប់មកក្នុងក្រុមវិញ ហើយអ្នកផ្សេងទៀត ត្រូវបានទម្លាក់តំណែង ឬតំណែងរបស់ពួកគេត្រូវបានផ្លាស់ប្តូរក៏ដោយ។ក្នុងចំណោមការផ្លាស់ប្តូរគួរឱ្យកត់សម្គាល់ នាយកប្រតិបត្តិនៃមូលនិធីបម្រុងបុគ្គលិក (EPF) លោក Amir Hamzah Azizan ត្រូវបានតែងតាំងជាអនុរដ្ឋមន្ត្រីក្រសួងហិរញ្ញវត្ថុ ដោយបានបញ្ចេញឈ្មោះអ្នកផ្សេងទៀតដូចជាអ្នកជើងចាស់លោក Johari Abdul Ghani នៅអង្គការជាតិម៉ាឡេស៊ីរួបរួម (UMNO) ដែលត្រូវបានគេសរសើរសម្រាប់តួនាទីនេះ ហើយ លោក Anwar បច្ចុប្បន្នកាន់តំណែងជារដ្ឋមន្ត្រីក្រសួងហិរញ្ញវត្ថុ។លោក Amir ដែលជាកូនប្រុសច្បងរបស់អតីតប្រធានក្រុមហ៊ុន Petronas និង ប្រធានក្រុមហ៊ុនលោក Azizan Zainul Abidin គឺជាអ្នកចំណូលថ្មីខាងនយោបាយ។ លោក Amir បានស្បថចូលកាន់តំណែងជាសមាជិកព្រឹទ្ធសភា នៅព្រឹកថ្ងៃអង្គារនេះ ដូច្នេះលោកអាចចូលកាន់តំណែងនៅក្រសួងហិរញ្ញវត្ថុ។ការផ្លាស់ប្តូរ ដែលជាការរុះរើថ្នាក់ដឹកនាំលើកដំបូងរបស់លោក Anwar ចាប់តាំងពីឡើងកាន់តំណែង រយៈពេល១ឆ្នាំមកនេះ ត្រូវបានប្រកាសដោយនាយករដ្ឋមន្ត្រី នៅថ្ងៃអង្គារនេះ។

មូលនិធិរូបិយវត្ថុអន្តរជាតិ (IMF) ផ្តល់ថវិកាបន្ថែមចំនួន ៩០០លានដុល្លារ ដល់អ៊ុយក្រែន

2023/12/12 07:07:57 pm        184
Facebook Telegram Linkin
ប្រធានមូលនិធិរូបិយវត្ថុអន្តរជាតិ (IMF) លោកស្រី គ្រីស្តាលីណា ចជៀវ៉ា(Kristalina Georgieva) បានជួបជាមួយប្រធានាធិបតីអ៊ុយក្រែន លោក Volodymyr Zelenskiy នៅទីក្រុងវ៉ាស៊ីនតោន កាលពីថ្ងៃចន្ទ ខណៈគណៈកម្មការប្រតិបត្តិរបស់មូលនិធិ បានអនុម័តលើការផ្តល់ថវិកាចំនួន ៩០០ លានដុល្លារ ពីកម្មវិធីប្រាក់កម្ចីចំនួន ១៥,៦ ពាន់លានដុល្លាររបស់ប្រទេស។លោកស្រី ចជៀវ៉ា បានសាទរ លោក Zelenskiy ចំពោះកំណើនសេដ្ឋកិច្ចវិជ្ជមានក្នុងពេលមានសង្រ្គាម និងបានសន្យាបន្តគាំទ្រដល់អ៊ុយក្រែន។ លោក Zelenskiy បានថ្លែងអំណរគុណដល់មូលនិធិរូបិយវត្ថុអន្តរជាតិ (IMF) និងសម្ព័ន្ធមិត្តអន្តរជាតិ សម្រាប់ការគាំទ្រជាបន្តបន្ទាប់របស់ពួកគេ និងបានកោតសរសើរចំពោះភាពធន់របស់ប្រជាជនក្នុងអំឡុងពេលសង្រ្គាមដែលនៅបន្ត។ មូលនិធិរូបិយវត្ថុអន្តរជាតិ (IMF) បាននិយាយថា សេដ្ឋកិច្ចរបស់អ៊ុយក្រែន បានបន្តបង្ហាញ «ភាពធន់គួរឱ្យកត់សម្គាល់» ទោះបីជាមានការវាយលុករបស់រុស្ស៊ីនៅក្នុងខែកុម្ភៈឆ្នាំ ២០២២ ដោយមានការវិវឌ្ឍន៍ថ្មីៗ ចង្អុលបង្ហាញពីការស្ទុះងើបសេដ្ឋកិច្ចឡើងវិញ ខ្លាំងជាងការរំពឹងទុកនៅឆ្នាំ ២០២៣ និងបន្តកំណើននៅឆ្នាំ ២០២៤ ។លោក Zelenskiy នឹងជួបជាមួយប្រធានាធិបតីអាមេរិក លោក Joe Biden និងមន្ត្រីសភាជាន់ខ្ពស់ក្នុងទីក្រុងវ៉ាស៊ីនតោន ខណៈលោកស្វែងរកគៀងគរការគាំទ្រសម្រាប់ការបន្តជំនួយផ្នែកសន្តិសុខរបស់សហរដ្ឋអាមេរិក ដើម្បីជួយទីក្រុងគីវ បន្តការប្រយុទ្ធប្រឆាំងការឈ្លានពានរបស់រុស្ស៊ី។ទិន្នន័យរបស់ក្រសួងហិរញ្ញវត្ថុបានបង្ហាញថា ប្រទេសអ៊ុយក្រែន បានទទួលជំនួយជាង ៦៨,៥ ពាន់លានដុល្លារចាប់តាំងពីសង្គ្រាមផ្ទុះឡើង។ រដ្ឋាភិបាលរបស់ប្រទេសនេះ រំពឹងថានឹងមានឱនភាពជំនួយប្រហែល ៤៣ពាន់លានដុល្លារក្នុងឆ្នាំ២០២៤ ហើយមានផែនការគ្រប់គ្រងដោយការខ្ចីក្នុងស្រុក និងជំនួយហិរញ្ញវត្ថុ ពីដៃគូប្រទេសលោកខាងលិចរបស់ខ្លួន។ ប៉ុន្តែមន្ត្រីអ៊ុយក្រែន មានការព្រួយបារម្ភកាន់តែខ្លាំងឡើង អំពីភាពជាក់លាក់នៃការផ្តល់ហិរញ្ញប្បទាន ហើយអ្នកវិភាគមួយចំនួនបានព្យាករណ៍ថា ជំនួយរបស់ប្រទេសលោកខាងលិច អាចចាប់ផ្តើមធ្លាក់ចុះនៅឆ្នាំក្រោយ។

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី អញ្ជើញបិទវគ្គបណ្ដុះបណ្ដាល «ជនបង្គោលលើការងារមហាជនក្រុង-ស្រុក-ឃុំ-សង្កាត់» ខេត្តកំពង់ស្ពឺ
08/15/2026 08:08 PM
Facebook Telegram Linkin
តុលាការកំពូលកម្ពុជាបង្ហាញលទ្ធផលនៃសន្និសីទតុលាការនៃបណ្តាខេត្តជាប់ព្រំដែន
08/15/2026 07:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី អញ្ជើញប្រគល់ផ្ទះថ្មីចំនួន ៧ខ្នង ជា​អំណោយ​ដ៏​ថ្លៃ​ថ្លា​របស់​សម្តេចធិបតី និងលោកជំទាវផ្ទាល់ ជូន​ដល់​ក្រុម​គ្រួសារ​នៃ​វីរកងទ័ពពលី រស់នៅ​ខេត្តព្រៃវែង និង​ខេត្តស្វាយរៀង​
08/15/2026 07:08 PM
Facebook Telegram Linkin
អ្នកជំនាញ៖ ប្រសិនបើការដឹកជញ្ជូនតាមសមុទ្រខ្មៅ ត្រូវបានផ្អាកយូរ សេដ្ឋកិច្ចអ៊ុយក្រែននឹងរងផលប៉ះពាល់ធ្ងន់ធ្ងរ
08/15/2026 07:08 PM
Facebook Telegram Linkin
លោក TRUMP៖ ប្រសិនបើអ៊ីរ៉ង់វាយប្រហារ ការឆ្លើយតបរបស់សហរដ្ឋអាមេរិក នឹងខ្លាំងជាង១០០ដង
08/15/2026 07:08 PM
Facebook Telegram Linkin
ប្រភព៖ មនុស្សយ៉ាងតិច ១៤ នាក់ បានស្លាប់ នៅក្នុងការវាយប្រហារនៅជិតរដ្ឋធានី El Obeid នៅកណ្តាលប្រទេសស៊ូដង់
08/15/2026 07:08 PM
Facebook Telegram Linkin
នាយករដ្ឋមន្ត្រីលីបង់ជំរុញឲ្យមានពេលវេលាច្បាស់លាស់សម្រាប់អ៊ីស្រាអែលដកកងទ័ពចេញពីភាគខាងត្បូង
08/15/2026 07:08 PM
Facebook Telegram Linkin
គេចវេសពីបាតុភូតអែល នីញ៉ូ បក្សីសមុទ្រអាមេរិកខាងត្បូង ផ្លាស់ទីជម្រកទៅកាន់ប៉ាណាម៉ា
08/15/2026 07:08 PM
Facebook Telegram Linkin
អេស្ប៉ាញបង្កើនវិធានការសន្តិសុខនៅតំបន់ Ceuta ខណៈមានការអំពាវនាវឲ្យជនអន្តោប្រវេសន៍ឆ្លងកាត់ព្រំដែនទ្រង់ទ្រាយធំជាថ្មី
08/15/2026 07:08 PM
Facebook Telegram Linkin
រដ្ឋមន្ត្រីការបរទេសប៉ាគីស្ថាន ជំរុញឲ្យប្រើការសន្ទនា ដើម្បីសន្តិភាពក្នុងតំបន់ ខណៈការចរចារវាងអាមេរិក និងអ៊ីរ៉ង់ នៅបន្តជាប់គាំង
08/15/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.