នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋសភាបានអនុម័តជាឯកច្ឆន្ទលើសេចក្តីព្រាងច្បាប់ស្តីពីកាតព្វកិច្ចយោធា និងការធានាទូទាត់ថាមពលអគ្គិសនី ដើម្បីពង្រឹងសន្តិសុខជាតិ និងសេដ្ឋកិច្ច
សម្ដេចធិបតី៖«ការស្វែងរកសន្ដិភាព និងថែរក្សាសន្ដិភាពមិនអាចសុំអ្នកណាក្រៅពីយើងខ្លាំងខ្លួនឯងទេ»
សម្ដេចធិបតី៖កម្ពុជារៀបចំច្បាប់ស្ដីពីកាតព្វកិច្ចយោធាដោយផ្អែកលើភាពចាំបាច់នៃបរិការណ៍ជាក់ស្ដែងថ្មី
សម្ដេចធិបតី៖ការអនុវត្តច្បាប់កាតព្វកិច្ចយោធាបានផ្ដល់អត្ថប្រយោជន៍លើវិស័យការពារជាតិ, ចំពោះយុវជនខ្មែរ និងគ្រួសារ និងសម្រាប់សង្គមជាតិទាំងមូល

នយោបាយ​ និង ការអភិវឌ្ឍន៍

សម្ដេចធិបតី៖ យុវជនដែលប្រឡងជាប់ជាមន្ត្រីកសិកម្មចុះជួយកសិករត្រូវធ្វើការងារដោយបេះដូង

2023/11/20 10:28:28 am        159
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវដល់ យុវជនដែលប្រឡងជាប់ជាមន្ត្រីកសិកម្មចុះជួយកសិករត្រូវធ្វើការងារដោយបេះដូង ខណៈកម្មវិធីគោលនយោបាយការដាក់ពង្រាយមន្ត្រីកសិកម្មនៅតាមឃុំ-សង្កាត់ គឺជាកិច្ចខិតខំប្រឹងប្រែងមួយទៀតរបស់រាជរដ្ឋាភិបាល ក្នុងការបង្ខិតសេវាឱ្យបានទៅជិតប្រជាពលរដ្ឋនៅមូលដ្ឋាននៅគ្រប់ឃុំទាំងអស់នៅជនបទទូទាំងប្រទេស ដើម្បីជួយដល់គ្រួសារកសិករក្នុងការលើកស្ទួយផលិតភាពកសិកម្ម និងប្រាក់ចំណូល។សម្ដេចធិបតីនាយករដ្ឋមន្រ្ដី មានប្រសាសន៍ក្នុងឱកាសអញ្ជើញប្រកាសដាក់ឱ្យអនុវត្តជាផ្លូវការនូវកម្មវិធីនយោបាយចំនួន ៣ ទៀត ពាក់ព័ន្ធនឹងវិស័យកសិកម្ម នាព្រឹកថ្ងៃទី២០ ខែវិច្ឆិកា ឆ្នាំ២០២៣នេះថា មន្រ្តីកសិកម្ម​ដែល​ជ្រើសរើសនេះ គឺជាភ្នាក់ងារដល់មានប្រសិទ្ធភាពមួយរបស់ក្រសួង ក្នុងការផ្ដល់ព័ត៌មាន ឬបញ្ហាកសិកម្មរបស់ប្រជាពលរដ្ឋមកកាន់ក្រសួង និងរាជរដ្ឋាភិបាល។ ដូច្នេះសម្ដេចធិបតី អំពាវនាវដល់និស្សិតដែលបានដាក់ពាក់ប្រឡងជាប់ហើយក្នុងការជ្រើរើសមន្រ្ដីកសិកម្ម ដើម្បីដាក់ពង្រាយទៅតាម ឃុំ-សង្កាត់ចំនួន ២៥០ នាក់ សូមបំពេញភារកិច្ចដោយយកបេះដូងមក​ធ្វើការងារ ដើម្បីធ្វើការរួមគ្នាបម្រើដល់ប្រជាពលរដ្ឋ។សម្ដេចធិបតីថ្លែងថា៖«សូមយុវជនដែលប្រលងទៅធ្វើជាមន្ត្រីបច្ចេកទេសចុះជួយកសិករ ត្រូវធ្វើការងារដោយបេះដូងមកធ្វើការងារនៅពេលបានប្រឡងជាប់ហើយ»។សូមជម្រាបថា កម្មវិធីគោលនយោបាយការដាក់ពង្រាយមន្ត្រីកសិកម្មនៅតាមឃុំ-សង្កាត់ គឺជាកិច្ចខិតខំប្រឹងប្រែងមួយទៀតរបស់រាជរដ្ឋាភិបាល ក្នុងការបង្ខិតសេវាឱ្យបានទៅជិត​ប្រជាពលរដ្ឋ​នៅមូលដ្ឋាននៅគ្រប់ឃុំទាំងអស់នៅជនបទទូទាំងប្រទេស ដើម្បីជួយដល់គ្រួសារកសិករក្នុង​ការលើកស្ទួយផលិតភាពកសិកម្ម និងប្រាក់ចំណូល។នៅកម្ពុជា មានឃុំដែលមានសកម្មភាពកសិកម្មចំនួន ១,៥៥០។ ក្នុងនោះឃុំភាគច្រើន ជាឃុំសម្បូរផលិតកម្មស្រូវ (១,០០០ឃុំ) ហើយមានគ្រួសារជាកសិករប្រមាណ ២ លានគ្រួសារ។ ដើម្បីឱ្យកសិករនៅគ្រប់ឃុំ-សង្កាត់ ទទួលបានសេវាកម្មកសិកម្ម ក្រសួងកសិកម្ម រុក្ខាប្រមាញ់ និងនេសាទ គ្រោងដាក់ពង្រាយមន្ត្រីកសិកម្មឃុំ-សង្កាត់ចំនួន ១,៦០០នាក់នៅទូទាំងប្រទេស។តាមការណែនាំរបស់សម្តេចតេជោ ហ៊ុន សែន ពេលសម្តេចនៅជានាយករដ្ឋមន្ត្រីនោះ នៅដើមឆ្នាំ២០២៣ ក្រសួងបានសាកល្បងដាក់ពង្រាយមន្ត្រីកសិកម្មឃុំ-សង្កាត់ចំនួន ១០នាក់ នៅ១០ឃុំ ក្នុងស្រុកជើងព្រៃ ខេត្តកំពង់ចាម។ ដើម្បីពន្លឿនសេវាកសិកម្មដល់កសិករ សម្តេចធិបតី ហ៊ុន ម៉ាណែត បានណែនាំឱ្យក្រសួង ដាក់ពង្រាយមន្ត្រីកសិកម្មឃុំ-សង្កាត់ចំនួន ២៥០នាក់នៅឆ្នាំ២០២៣ និងចំនួន ៨០០នាក់ នៅឆ្នាំ២០២៤ និង៥៥០នាក់ នៅឆ្នាំ២០២៥។ការពង្រាយមន្ត្រីកសិកម្មឃុំ-សង្កាត់ ត្រូវបានរំពឹងថា នឹងជួយបំពេញបន្ថែមនូវកង្វះខាតធនធានមនុស្សផ្នែកកសិកម្មនៅមូលដ្ឋាន។ កម្មវិធីគោលនយោបាយនេះ ក៏ នឹងជួយជំរុញការអនុវត្តការងាររបស់រាជរដ្ឋាភិបាលទាក់ទងនឹងវិស័យកសិកម្ម ឱ្យកាន់តែមានប្រសិទ្ធភាព និងបង្ខិតការផ្តល់សេវាកសិកម្មឱ្យដល់កសិករនៅ តាមមូលដ្ឋានតែម្តង។ លើសពីនេះមន្ត្រីកសិកម្មឃុំ-សង្កាត់ នឹងជួយទៅដល់ អាជ្ញាធរមូលដ្ឋាន ជាពិសេសថ្នាក់ឃុំ ក្នុងការអនុវត្តសកម្មភាពចាំបាច់ក្នុងការ ជួយដល់កសិករ និងសហគមន៍កសិករ ដោយផ្សារភ្ជាប់នឹងបណ្តាញខ្សែច្រវាក់ ផលិតកម្ម ដើម្បីបង្កើនប្រសិទ្ធភាពសេដ្ឋកិច្ចនៃផលិតកម្មកសិកម្ម កាត់បន្ថយ ថ្លៃដើមផលិតកម្ម និងមានភាពប្រកួតប្រជែងខ្ពស់ សំដៅលើកកម្ពស់ជីវភាព និងប្រាក់ចំណូលរបស់កសិករ៕

កូនប្រុសសម្ដេចធិបតី ហ៊ុន ម៉ាណែត ប្រឡងគណិតវិទ្យាជាប់លេខ១ ក្នុងកម្មវិធីលំដាប់ពិភពលោកជាមួយអ្នកចូលរួមជាង ២ពាន់នាក់

2023/11/20 10:16:03 am        333
Facebook Telegram Linkin
ភ្នំពេញ៖ កូនប្រុសសម្ដេចធិបតី ហ៊ុន ម៉ាណែត រិទ្ធិសិទ្ធិ បានប្រឡង ប្រឡងគណិតវិទ្យាជាប់លេខ១ ក្នុងកម្មលំដាប់ពិភពលោកជាមួយអ្នកចូលរួមជាង២ពាន់នាក់ ក្នុងកម្មវិធី CARIBOU MATHEMATICS CONTEST។ យោងតាមតេឡេក្រាមរបស់សម្ដេចធិបតី បានសរសេរថា៖«កូនប្រុស រិទ្ធិសិទ្ធិ បានផ្តល់កាដូធំមួយសម្រាប់ខ្ញុំ និងភរិយា នោះគឺលទ្ធផលប្រលងគណិតវិទ្យារបស់គាត់ក្នុងកម្មវិធី CARIBOU MATHEMATICS CONTEST ដែលគាត់បានទទួលចំណាត់ថ្នាក់លេខ១ ក្នុងចំណោមអ្នកចូលរួមប្រឡង ២,៣៥៨នាក់ ពីបណ្តាប្រទេសផ្សេងៗក្នុងពិភពលោក»៕

ប្រសាសន៍សំខាន់របស់សម្ដេចធិបតី ក្នុងឱកាសប្រកាសដាក់ឱ្យអនុវត្តជាផ្លូវការនូវកម្មវិធីគោល​នយោបាយអាទិភាពទី៥ និងទី៦របស់រាជរដ្ឋាភិបាល

2023/11/20 09:56:20 am        169
Facebook Telegram Linkin
ភ្នំពេញ៖ នៅព្រឹកថ្ងៃទី២០ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា បានអញ្ជើញជាអធិបតី ក្នុងពិធី «ប្រកាសដាក់ឱ្យអនុវត្តជាផ្លូវការ នូវកម្មវិធីគោល​នយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា»។ *ប្រសាសន៍សំខាន់របស់សម្ដេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិតបី បានបញ្ជាក់ថា គោលនយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧នៃរដ្ឋសភា ដែលដាក់ឲ្យប្រើប្រាស់នាពេលនេះ គឺមានសារៈ សំខាន់យ៉ាងខ្លាំង ខណៈគោលនយោបាយទាំងពីរនេះ គឺជាការទាក់ទាញ និងបង្កើននូវសក្តានុពលកម្ពុជា ឲ្យកាន់តែល្អប្រសើរបន្ថែមទៀត ដើម្បីផលប្រយោជន៍ប្រជាជន និងប្រទេសជាតិទាំងមូល។-សម្ដេចធិបតីនាយករដ្ឋមន្ត្រី៖ កម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាលអា ណត្តិទី៧ បញ្ជាក់ឱ្យឃើញថា យើងមិនដើរចេញពីវិស័យកសិកម្មនោះទេ តែយើងពង្រឹងបន្ថែម និង ជួយបន្ថែមទៀតទៅដល់កសិករ។-សម្តេចធិបតី ហ៊ុន ម៉ាណែត មានប្រសាសន៍ថា តម្លៃស្រូវឆ្នាំនេះមានតម្លៃល្អ បើប្រៀបធៀបជាមួយឆ្នាំមុន ដែលមានតម្លៃចាប់ពី ១០០០ រៀល ទៅ ១៣០០ រៀល ខណៈតម្លៃជី និងសម្ភារៈកសិកម្មមួយចំនួនមានការធ្លាក់ចុះ។-សម្តេចធិបតី បានថ្លែងថាក្នុងរយៈពេល១០ឆ្នាំ ដែលកម្ពុជាបានចូលរួមប្រកួតប្រជែង​គុណភាព​អង្ករល្អលើពិភពលោកនោះ ​គឺអង្កររបស់កម្ពុជា បានទទួលចំណាប់ថ្នាក់ជាអង្ករល្អបំផុត​លើពិភពលោកចំនួន៥លើកជាប់ៗគ្នា ហើយសម្តេចសូមសម្តែងនូវការអប់អរសាទរចំពោះ លទ្ធផលដ៏ល្អនេះជាមួយជនរួមជាតិខ្មែរទាំងមូលផងដែរ។-សម្តេចធិបតី ហ៊ុន ម៉ាណែត ថ្លែងអំណរគុណដល់មន្រ្ដីពាក់ព័ន្ធ ជាពិសេស គណៈកម្មាធិការជាតិ​គ្រប់គ្រង​គ្រោះមហន្តរាយ ដែលបានជួយផ្ដល់ពូជស្រូវដល់ប្រជាពលរដ្ឋបានទាន់ពេលវេលា ក្រោយពីទឹកជំនន់បានស្រកចុះ ធ្វើឱ្យប្រជាពលរដ្ឋរងគ្រោះអាចបង្កង្កើតផលស្រូវ​បាន​ទាន់ពេលវេលា។-សម្តេចធិបតី ហ៊ុន ម៉ាណែត ជំរុញឱ្យផ្នែកពាក់ព័ន្ធសហការគ្នាចូលរួមអភិវឌ្ឍន៍ និងលើកកម្ពស់លើវិស័យកសិកម្មផ្ទៃក្នុងកម្ពុជា ដើម្បីឈានទៅប្រកួតប្រជែងនៅកម្រិតតំបន់ និងពិភពលោក។-សម្ដេចធិបតីនាយករដ្ឋមន្ត្រី៖ កម្ពុជាសុខចិត្តស្ថិតនៅក្នុងចំណោមលេខ១០ នៃក្រុមជើងខ្លាំង ប្រទេស ខ្លាំង ដែលឈរនៅលំដាប់លេខ១។ កម្ពុជាមិនចង់ឈរលេខ១ នៅក្នុងក្រុមដែលឈរនៅលំដាប់ទី១០ នោះទេ។-សម្ដេចធិបតីនាយករដ្ឋមន្ត្រី៖ អំឡុងខ្ញុំបំពេញទស្សនកិច្ចនៅចិន រាជរដ្ឋាភិបាលបានចុះកិច្ចព្រមព្រៀង ជាមួយក្រុមហ៊ុន Alibaba ដែលជាក្រុមហ៊ុនយក្ខលំដាប់ពិភពលោក និងមានអតិថិជនរាប់រយលាននាក់ ដើម្បីដាក់លក់ផលិតផលកម្ពុជានៅទីនោះ។-សម្តេចធិបតី ហ៊ុន ម៉ាណែត មានប្រសាសន៍ថា បច្ចុប្បន្នប្រជាពលរដ្ឋកម្ពុជានៅរាជធានីភ្នំពេញ និងតាមទីក្រុងភាគច្រើននាំគ្នាទិញផលិតផល ចំណីអាហារ តាមប្រព័ន្ធឌីជីថល អនឡាញ ដែលនេះជាមូលហេតុពលរដ្ឋមិនសូវទៅផ្សារដោយផ្ទាល់ដូចមុន។-សម្ដេចធិបតីនាយករដ្ឋមន្ត្រី រម្លឹកឱ្យដឹងថា នៅក្នុងការធ្វើពាណិជ្ជកម្មក្នុងពិភពលោកបច្ចុប្បន្ន ត្រូវ គោរពតាមច្បាប់ស្ដីពីការប្រកួតប្រជែងក្នុងទីផ្សារសេរី ហេតុនេះត្រូវធ្វើយ៉ាងណាកុំឱ្យប៉ះពាល់ដល់ ស្មារតីប្រកួតប្រជែងក្នុងទីផ្សារសេរី ដែលនាំឱ្យបាត់ទីផ្សារ។ សម្ដេចធិបតីបញ្ជាក់បន្ថែមថា រដ្ឋាភិបាល មិនមែនចេះតែអន្តរាគមន៍គ្រប់រឿងបាននោះទេ ព្រោះវាប៉ះពាល់ដល់ច្បាប់ នៃការប្រកួតប្រជែងក្នុងទី ផ្សារសេរី។-សម្ដេចធិបតីនាយករដ្ឋមន្ត្រី ស្នើឱ្យបង្កើនការផលិត និងពង្រឹងច្រវាក់ផលិតកម្មក្នុងប្រទេសឱ្យបានកាន់ តែច្រើនឡើងថែមទៀត ដើម្បីបញ្ជៀសការនាំចេញវត្ថុធាតុដើម ដែលបម្រើឱ្យការផលិតនៅក្រៅប្រ ទេស។-សម្ដេចធិបតីនាយករដ្ឋមន្ត្រី៖ គោលដៅរបស់រដ្ឋាភិបាល កសិកម្មមិនមែនផ្ដោតតែទៅលើការដាំដុះ ដំណាំ និងចិញ្ចឹមសត្វប៉ុណ្ណោះនោះទេ ប៉ុន្តែផ្ដោតសំខាន់លើការដាំដុះដំណាំ និងចិញ្ចឹមសត្វបានផល កាន់តែច្រើនស្របតាមទីតាំងភូមិសាស្ត្រ និងតម្រូវការទីផ្សារ។-សម្ដេចធិបតីនាយករដ្ឋមន្ត្រី អំពាវនាវដល់ពលរដ្ឋទាំងអស់ សូមបង្កើនការចូលរួមគាំទ្រផលិតផលកសិ កម្ម និងផលិតផលក្នុងប្រទេស។-សម្ដេចធិបតីនាយករដ្ឋមន្ត្រី ស្នើដល់ក្រុមអ្នកផលិតទាំងអស់ សូមផលិតនូវផលិតផលដែលប្រកប ដោយគុណភាព និងមិនក្លែងបន្លំ។-សម្ដេចធិបតីនាយករដ្ឋមន្ត្រី៖ រដ្ឋាភិបាលប្រកាសជ្រើសរើសអ្នកស្ម័គ្រចិត្តកសិកម្មបម្រើការងារនៅតាម ឃុំ សង្កាត់ ចំនួន ២៥០ នាក់ក្នុងជំហានដំបូង មានអ្នកដាក់ពាក្យរហូតដល់ប្រមាណ ១០០០០ នាក់។-សម្ដេចធិបតីនាយករដ្ឋមន្ត្រី បញ្ជាក់ថា នៅក្នុងការប្រឡងជ្រើសរើសមន្ត្រីឱ្យចូលបម្រើការងារនៅក្នុង ក្របខណ្ឌរាជការនៅក្នុងរដ្ឋាភិបាលអាណត្តិទី៧ នេះ ត្រូវប្រកបដោយគុណភាព គឺប្រឡងជាប់ដោយ មោទនៈ និងធ្លាក់ឱ្យអស់ចិត្ត។-សម្ដេចធិបតី ហ៊ុន ម៉ាណែត អំពាវនាវដល់និស្សិតដែលបានដាក់ពាក្យប្រឡងជាប់ហើយក្នុងការជ្រើរើសមន្រ្ដីកសិកម្ម ដើម្បីដាក់ពង្រាយទៅតាម ឃុំ-សង្កាត់ចំនួន ២៥០ នាក់ សូមបំពេញភារកិច្ចដោយយកបេះដូងមកធ្វើការងារ ដើម្បីធ្វើការរួមគ្នាបម្រើដល់ប្រជាពលរដ្ឋ។-សម្ដេចធិបតីនាយករដ្ឋមន្ត្រី ស្នើដល់មន្ត្រីកសិកម្មស្ម័គ្រចិត្តទាំងអស់ សូមបំពេញការងារឱ្យ អស់ពីចិត្ត ចេញពីបេះដូង ដើម្បីបម្រើពលរដ្ឋ។ ការបំពេញការងារចេញពីបេះដូងជូនពលរដ្ឋនេះ ប្រៀបដូចជា ការ សាងបុណ្យកុសលមួយដែរ។-សម្ដេចធិបតីនាយករដ្ឋមន្ត្រី បញ្ជាក់ថា កម្មវិធីគោលនយោបាយអាទិភាពទី៥ និងទី៦ របស់រាជរដ្ឋាភិបាល ដែលប្រកាសដាក់ឱ្យប្រើប្រាស់ជាផ្លូវការនៅថ្ងៃទី២០ វិច្ឆិកា ឆ្នាំ២០២៣ នេះ គឺជាកម្មវិធីចុងក្រោយ នៃគោលនយោបាយរបស់រាជរដ្ឋាភិបាលដែលបានដាក់ចេញមិនទាន់គ្រប់ ៩០ ថ្ងៃនៃការចូលកាន់តំ ណែងរបស់រដ្ឋាភិបាលនៅអាណត្តិទី៧ នេះនៅឡើយទេ។

កូរ៉េខាងជើង រិះគន់ ការលក់មីស៊ីលយ៉ាងច្រើនរបស់អាមេរិក ឲ្យប្រទេសជប៉ុន និងកូរ៉េខាងត្បូង

2023/11/20 09:40:46 am        153
Facebook Telegram Linkin
ប្រព័ន្ធផ្សព្វផ្សាយរដ្ឋបានរាយការណ៍ថា ប្រទេសកូរ៉េខាងជើងកាលពីថ្ងៃចន្ទបានរិះគន់ចំពោះការលក់អាវុធទំនើបៗក្នុងចំនួនដ៏ច្រើនរបស់សហរដ្ឋអាមេរិកទៅឱ្យប្រទេសជប៉ុន និងកូរ៉េខាងត្បូង ដោយហៅទង្វើនេះថាជាសកម្មភាពដ៏គ្រោះថ្នាក់ដែលបង្កើនភាពតានតឹងនៅក្នុងតំបន់ និងនាំមកនូវការរត់ប្រណាំងអាវុធថ្មី។នៅក្នុងសេចក្តីថ្លែងការណ៍មួយ ដែលធ្វើឡើងដោយទីភ្នាក់ងារសារព័ត៌មាន KCNA ក្រសួងការពារជាតិកូរ៉េខាងជើង បាននិយាយថា ទីក្រុងព្យុងយ៉ាង នឹងបង្កើនវិធានការ ដើម្បីបង្កើតការរារាំងសង្គ្រាម ដើម្បីឆ្លើយតបទៅនឹងអស្ថិរភាពនៅក្នុងតំបន់ ដែលខ្លួនបាននិយាយថា បណ្តាលមកពីសហរដ្ឋអាមេរិក និងសម្ព័ន្ធមិត្តរបស់ខ្លួន។ ប្រទេសជប៉ុនគ្រោងទិញមីស៊ីល តូម៉ាហាក(Tomahawk) ចំនួន ៤០០ គ្រាប់ពីសហរដ្ឋអាមេរិក ដែលជាផ្នែកមួយនៃការពង្រឹងវិស័យយោធាដ៏ធំបំផុតរបស់ខ្លួនចាប់តាំងពីសង្គ្រាមលោកលើកទីពីរ។ មន្ទីរបញ្ចកោណបាននិយាយកាលពីថ្ងៃសុក្រថា ក្រសួងការបរទេសសហរដ្ឋអាមេរិកបានអនុម័តការលក់ក្នុងចំនួនដ៏ច្រើន នៅក្នុងកិច្ចព្រមព្រៀងដែលមានតម្លៃ ២,៣៥ ពាន់លានដុល្លារ។ នៅពេលថ្មីៗនេះ សហរដ្ឋអាមេរិកក៏បានប្រកាសពីការយល់ព្រមលើការលក់មីស៊ីល សាយវីនឌ័រ (Sidewinder) និង Standard Missile 6 Block I ទៅកាន់កូរ៉េខាងត្បូងផងដែរ។ សេចក្តីថ្លែងការណ៍របស់កូរ៉េខាងជើងបាននិយាយថា យើងព្រមានថា សហរដ្ឋអាមេរិកចំណេញកាន់តែច្រើនពីការលក់អាវុធដោយមិនសេរី ដែលនឹងត្រូវចំណាយកាន់តែច្រើនសម្រាប់វិបត្តិសន្តិសុខ៕

សម្តេចធិបតី៖ ការប្រឡងចូលក្របខណ្ឌធ្វើម៉េចឲ្យអ្នកជាប់ប្រកបដោយមោទនៈ ខណៈអ្នកធ្លាក់ឲ្យគេអស់ចិត្ត

2023/11/20 09:37:48 am        180
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា គោលការណ៍រដ្ឋ​ប្រកាស​ប្រឡងជ្រើសរើសឲ្យបម្រើការនៅតាមឃុំ-សង្កាត់ លើជំនាញកសិកម្មត្រឹមចំនួន ២៥០នាក់ តែបេក្ខជនបានដាក់ឈ្មោះប្រឡងរហូតដល់ជិតមួយម៉ឺននាក់ ​ប៉ុន្តែទោះជាយ៉ាងណា​ការប្រឡងនេះ​ត្រូវប្រកាន់ជំហរនូវ តម្លាភាព យុត្តិធម៌ និង​សុក្រឹត្យភាព ​ពោលគឺអ្នកជាប់ប្រកបដោយមោទនៈ ដោយ​អ្នកធ្លាក់ឲ្យគេអស់ចិត្ត។សម្តេចធិបតី នាយករដ្ឋមន្រ្តីបានបន្ថែមថា ​ការប្រឡងជ្រើសរើសន្ត្រីជំនាញកសិកម្មនៅតាមឃុំ-សង្កាត់នាពេលខាងមុខនេះ ត្រូវតែប្រព្រឹត្តទៅប្រកបដោយគុណភាព​ខ្ពស់ត្រូវផ្ដល់លទ្ធភាព​ដល់​អ្នកដែលមានឆន្ទៈខ្ពស់ពិតប្រាកដលើកិច្ចការនេះ ដោយការធ្វើការមិនត្រឹមតែចង់បាន​ប្រាក់​ខែនោះទេ គឺត្រូវបម្រើ ​ដល់ប្រជាកសិករប្រកបដោយឆន្ទៈ​មុះមុត និងមានការជឿជាក់​ពីប្រជាកសិករ។ការថ្លែងរបស់សម្តេចនាយករដ្ឋមន្រ្តី គឺបានធ្វើឡើង នៅក្នុងឱកាសអញ្ជើញ​ជា​អធិបតីក្នុង​ពិធីប្រកាស​ដាក់ឲ្យប្រើប្រាស់ជាផ្លូវការ ​នូវគោលនយោបាយអាទិភាពទី៥ ​និងទី៦របស់រាជ​រដ្ឋាភិបាល នីតិកាលទី៧ នៃរដ្ឋសភានាថ្ងៃទី២០ ខែវិច្ឆិកា ឆ្នាំ២០២៣នេះ នៅទីស្តីការក្រសួង​កសិកម្ម រុក្ខាប្រមាញ់ និងនេសាទ៕អត្ថបទ បាន ចក់

សម្តេចធិបតី៖ រាជរដ្ឋាភិបាល​បន្តខិតខំពង្រីកកសិកម្ម​ជាលក្ខណៈគ្រួសារឲ្យទៅជា​កសិឧស្សាហកម្ម

2023/11/20 09:01:26 am        336
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានអះអាងថា រាជរដ្ឋាភិបាល​នឹងបន្តខិតខំពង្រីកពីកសិកម្មជាលក្ខណៈគ្រួសារឲ្យក្លាយទៅជាកសិកម្មទំនើប និង​កសិ-ឧស្សាហកម្ម​​នៅក្នុ​ងប្រទេស​ដើម្បី​លើក​កម្ពស់​ជីវិភាព​របស់​កសិករ​ឲ្យ​កាន់​តែរី​ក​ចម្រើន​បន្ថែម​ទៀត​។ ថ្លែងនៅក្នុងឱកាសអញ្ជើញជាអធិបតីក្នុងពិធីប្រកាសដាក់ឲ្យប្រើប្រាស់ជាផ្លូវការ នូវគោល​នយោបាយ​អាទិភាពទី៥ និងទី៦ របស់រាជរដ្ឋាភិបាល នីតិកាលទី៧នៃរដ្ឋសភា នាថ្ងៃទី២០ ខែ​វិច្ឆិកា ឆ្នាំ២០២៣នេះ សម្តេចធិបតី ហ៊ុន ម៉ាណែត បានលើកឡើងថា រាជរដ្ឋាភិបាល​បាន​ដាក់​ចេញ​នូវ​គោលនយោបាយជា ច្រើនទាក់ទង​នឹង​ការ​លើក​កម្ពស់​វិស័យ​កសិកម្ម​នៅ​កម្ពុជា​ឲ្យ​កាន់​តែល្អ និងគ្រប់ស្តង់ដារ ខណៈគោលនយោបាយអាទិភាពទី៥ និងទី៦ ដែលដាក់​ឲ្យ​ប្រើប្រាស់នា​ពេល​នេះ​គឺ​មានសារៈសំខាន់យ៉ាងខ្លាំង ដោយគោល​នយោបាយ​ទាំង​ពីរ​នេះ​គឺ​ធ្វើ​យ៉ាង​ណា​បង្កើន​នូវ​សក្តានុពល​ផ្នែកសិកម្មរបស់កម្ពុជា ឲ្យកាន់តែល្អប្រសើរ​បន្ថែម​ទៀត​ ដើម្បី​ផល​ប្រយោជន៍​ប្រជាជន និងប្រទេសជាតិទាំងមូល។ក្នុងពិធីប្រកាសដាក់ឲ្យប្រើប្រាស់ជាផ្លូវការនូវគោលនយោបាយអាទិភាពទី៥ និងទី៦ របស់​រាជរដ្ឋាភិបាល នីតិកាលទី៧នៃរដ្ឋសភានេះដែរ សម្តេចធិបតីនាយករដ្ឋមន្រ្តី ក៏បានប្រកាស​អបអរសាទ​​រចំពោះ កម្ពុជាក្នុងរយៈពេល១០ឆ្នាំមកនេះ ក្រោយបាន​ចូល​រួម​ប្រកួត​ប្រជែង​គុណភាព​អង្ករ​ល្អលើ​ពិភពលោកនោះ គឺអង្កររបស់កម្ពុជាបាន​ទទួល​ចំណាប់​ថ្នាក់​ជា​អង្ករ​ល្អ​បំផុត​នៅ​លើពិ​ភពលោកចំនួន៥លើកជាប់ៗគ្នា ហើយសម្តេចជំរុញឲ្យមន្រ្តីពាក់ព័ន្ធរក្សាការពារ និង​ខិត​ខំ​ពង្រីកនូវកេរ្តិ៍ឈ្មោះ អង្ករកម្ពុជានេះឲ្យកាន់តែល្អជាងមុនបន្ថែមទៀតផងដែរ៕ អត្ថបទ៖ បាន ចក់

សម្ដេចធិបតី ហ៊ុន ម៉ាណែត អញ្ជើញប្រកាសដាក់ឱ្យអនុវត្តជាផ្លូវការនូវកម្មវិធីគោល​នយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា

2023/11/20 07:52:25 am        199
Facebook Telegram Linkin
នៅព្រឹកថ្ងៃទី២០ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា បានអញ្ជើញជាអធិបតី ក្នុងពិធី «ប្រកាសដាក់ឱ្យអនុវត្តជាផ្លូវការ នូវកម្មវិធីគោល​នយោបាយអាទិភាពទី៥ និងទី៦ របស់រាជរដ្ឋាភិបាល នីតិកាលទី៧ នៃរដ្ឋសភា»។

សម្ដេចធិបតី ហ៊ុន ម៉ាណែត៖ សង្គមកម្ពុជាកាន់តែអភិវឌ្ឍន៍ និងកាន់តែទំនើប ការលើកកម្ពស់រស់នៅស្របតាមដំបូន្មាននៃសាសនា ពិតជាសំខាន់ និងចាំបាច់

2023/11/17 01:58:07 pm        143
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាមានប្រសាន៍ថា ក្នុងបរិបទដែលសង្គម​កម្ពុជា​កាន់តែអភិវឌ្ឍន៍ និងកាន់តែទំនើប, ការលើកកម្ពស់វិធាននៃការរស់នៅស្របតាមដំបូន្មាន នៃសាសនា គឺពិតជាសំខាន់ និងចាំបាច់ ហើយគុណតម្លៃនៃការទូន្មានរបស់ព្រះសង្ឃ នឹងរួមចំណែកដ៏សំខាន់ចំពោះការសម្រេចវត្ថុបំណងនេះ។នាថ្ងៃទី១៧ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ​កម្ពុជា បានអញ្ជើញក្នុងពិធីស្រោចស្រពព្រះសុគន្ធវារីប្រគេនព្រះមន្រ្តី​សង្ឃជាន់ខ្ពស់ គណៈមហានិកាយ នៃព្រះរាជាណាចក្រកម្ពុជា នៅវត្តមុនីសុវណ្ណ (ហៅវត្តចំពុះក្អែក) ក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។នៅក្នុងពិធីស្រោចស្រពព្រះសុគន្ធវារីប្រគេនព្រះមន្រ្តីសង្ឃជាន់ខ្ពស់ គណៈមហានិកាយចំនួន ១១ អង្គ ដ៏អធិកអធមនេះ សម្តេចមហាបវធិបតី បានលើកទ្បើងនូវ​ទឡ្ហីករណ៍ ៣ ចំណុច ដែល​ឆ្លុះបញ្ចាំង​ឱ្យឃើញអំពីការរីកចម្រើន ក៏ដូចជា​ការយកចិត្តទុកដាក់របស់រាជរដ្ឋាភិបាលចំពោះ​ព្រះពុទ្ធសាសនា ​និងភាពសុដុមរមនាជាមួយនឹងសាសនាដទៃទៀត ​ដែលមានដូចជា៖(ទី១) យុទ្ធសាស្រ្តបញ្ចកោណ-ដំណាក់កាលទី ១ របស់រាជរដ្ឋាភិបាល នីតិកាលទី៧ នៃរដ្ឋសភា បានផ្តោតសំខាន់ទៅលើមនុស្ស ជាមុំមួយក្នុងចំណោមមុំនៃបញ្ចកោណទាំង៥ គឺការពង្រឹងភាពជា​ពលរដ្ឋក្នុងសង្គម ដែលមានអារ្យធម៌ខ្ពស់ប្រកបដោយសីលធម៌, សមធម៌ និងបរិយាបន្ន ព្រមទាំងការទទួលខុសត្រូវខ្ពស់ប្រកបដោយមនសិការស្នេហាជាតិ និងភក្តីភាពចំពោះអត្តសញ្ញាណនៃភាពជាខ្មែរ ។ កិច្ចការដ៏សំខាន់នេះអាចសម្រេចទៅបាន លុះត្រាតែមានការអប់រំទូន្មានតាមបែបសាសនា ជាពិសេស ការជំរុញការរស់នៅតាមពុទ្ធោវាទនៃព្រះពុទ្ធសាសនា។ នៅក្នុងបរិបទដែលសង្គមកម្ពុជាកាន់តែអភិវឌ្ឍ និងកាន់តែទំនើប, ការលើកកម្ពស់វិធាននៃការរស់នៅស្របតាមដំបូន្មាន នៃសាសនា គឺពិតជាសំខាន់ និងចាំបាច់ ហើយគុណតម្លៃនៃការទូន្មានរបស់ព្រះសង្ឃ នឹងរួមចំណែកដ៏សំខាន់ចំពោះការសម្រេចវត្ថុបំណងនេះ ។(ទី២) ការចូលរួមយ៉ាងកុះកររបស់ប្រជាជនកម្ពុជា ក្នុងការលើកស្ទួយព្រះពុទ្ធសាសនា និងសាសនាដទៃទៀត ជាតឹកតាងមិនអាចខ្វះបាននៃការបន្តគោរពជំនឿសាសនាយ៉ាងមោះមុតរបស់ប្រជាជនកម្ពុជា បើទោះជាសាសនាធ្លាប់ត្រូវបានលុបបំបាត់ ក្នុងរបបប្រល័យពូជសាសន៍ប៉ុលពតក៏ដោយ ។ ជាក់ស្តែង, បើប្រៀបធៀបជាមួយនឹងពេលរបបប៉ុលពត ដែលពេលនោះវត្តអារាមត្រូវបានបិទទាំងស្រុងនៅទូទាំងប្រទេស, បច្ចុប្បន្ន យើងមានវត្តអារាមសរុបចំនួន ៥១៣៣ វត្ត, មានព្រះសង្ឃចំនួន ៦៨ ៩៦៧ អង្គ, និងថែមទាំងមានវិហារនៃសាសនាឥស្លាម និងសាសនាគ្រិស្ត ជាច្រើនទៀត នៅទូទាំងព្រះរាជាណាចក្រកម្ពុជា ។ សមិទ្ធផលទាំងនេះ ដែលភាគច្រើនបានមកពីការរួមជាវិភាគទាន របស់ប្រជាជនកម្ពុជាផ្ទាល់ ហើយទាំងនេះ គឺបានបង្ហាញយ៉ាងច្បាស់អំពីទំនាក់ទំនងមិនអាចកាត់ផ្តាច់បានរវាងផ្នែកអាណាចក្រ និងសាសនាចក្រ ។(ទី៣) ទោះបីជាព្រះពុទ្ធសាសនា ជាសាសនារបស់រដ្ឋ, សិទ្ធិសេរីភាពនៃការគោរពជំនឿសាសនាត្រូវបានធានាដោយរដ្ឋធម្មនុញ្ញ ហើយប្រជាពលរដ្ឋគ្រប់រូបមានសិទ្ធិពេញលេញ ក្នុងការគោរពប្រតិបត្តិសាសនាផ្សេងៗ ដោយគ្មានការរើសអើងឡើយ ។ រហូតមកដល់ពេលនេះ, នៅក្នុងប្រទេសកម្ពុជាយើង គ្មានប្រជាពលរដ្ឋណាម្នាក់ ត្រូវបានធ្វើទុក្ខបុកម្នេញដោយសារតែការគោរពជំនឿសាសនារបស់ពួកគេនោះទេ ។ ផ្ទុយទៅវិញ, ការគោរព និងការប្រតិបត្តិជំនឿសាសនាផ្សេងៗគ្នារបស់ប្រជាពលរដ្ឋកម្ពុជាគ្រប់ៗរូប ត្រូវបានធានាការពារនៅក្នុងលក្ខខណ្ឌដែលមិនធ្វើឱ្យប៉ះពាល់ដល់ជំនឿ ឬសាសនាដទៃ ក៏ដូចជាដល់សណ្តាប់ធ្នាប់សង្គម និងសន្តិសុខសាធារណៈ ។ យើងអាចនិយាយបានថា មិនមានជម្លោះសាសនានៅកម្ពុជាទេ ។ នេះជាតថភាពមួយដែលយើងគួរមានមោទនភាព ព្រោះមានប្រទេសជាច្រើន ដែលមិនអាចធានាបាននូវសុខដុមនីយកម្មសាសនាបាន ដែលពេលខ្លះបានបង្កជាជម្លោះបែកបាក់រវាងប្រជាជន នៅក្នុងសហគមន៍សាសនាខុសៗគ្នាទៀតផង ៕

ឯកឧត្តមទេសរដ្ឋមន្រ្តី គន់ គីម ចូលរួមកិច្ចប្រជុំវេទិកាខ្សែក្រវ៉ាត់ និងផ្លូវសម្រាប់កិច្ចសហការគ្រោះមហន្តរាយ

2023/11/17 01:50:01 pm        153
Facebook Telegram Linkin
ភ្នំពេញ៖ តបតាមការអញ្ជើញរបស់ក្រសួងគ្រប់គ្រងគ្រោះអាសន្នចិន នៅថ្ងៃទី១៦ ខែវិច្ឆិកា ម្សិលមិញ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចូលរួមក្នុងវេទិកា ខ្សែក្រវាត់ និងផ្លូវ​ថ្នាក់រដ្ឋមន្ត្រី សម្រាប់កិច្ចសហប្រតិបត្តិការអន្តរជាតិ ​ក្នុងការ​កាត់​បន្ថយ​ហានិភ័យ​គ្រោះមហន្តរាយ និង​ការគ្រប់គ្រងគ្រោះអាសន្ន ​ឆ្នាំ២០២៣​ ក្រោមប្រធានបទ​ «ការគ្រប់គ្រងគ្រោះអាសន្ន៖ សុវត្ថិភាព និង​ការត្រៀមបង្ការជាមុន» តាមប្រព័ន្ធវីដេអូ ។កិច្ចប្រជុំនេះ ប្រព្រឹត្តក្រោមអធិបតីភាពឯកឧត្ដម លីវ គួរជុង ឧបនាយករដ្ឋមន្រ្តី នៃសាធារណរដ្ឋ​ប្រជាមានិតចិន ​ដោយអញ្ជើញ​មានការចូលរួមវេទិកានេះ ​តាមប្រព័ន្ធវីដេអូ រួមមាន​ឥស្សរជន​សំខាន់ៗ ​ទទួល​បន្ទុកអាជ្ញាធររដ្ឋាភិបាល ​សម្រាប់​ការកាត់បន្ថយហានិភ័យ​គ្រោះមហន្តរាយ សុវត្ថិភាព​នៅកន្លែងធ្វើការ ​និងការសង្គ្រោះបន្ទាន់ ​នៃប្រទេសជាសមាជិក​ នៃគំនិត​ផ្តួចផ្តើម ខ្សែក្រវ៉ាត់ ​និងផ្លូវ ​ទីភ្នាក់ងារសហប្រជាជាតិ អង្គការ អន្តរជាតិ​ ឯកអគ្គរដ្ឋទូត នៃបណ្តាប្រទេស ជាសមាជិកនៃ​គំនិតផ្តួច​ផ្តើម​ខ្សែក្រវ៉ាត់​ និងផ្លូវ ប្រចាំប្រទេសចិន ​និងអ្នកតំណាងមកពីការិយាល័យ​អង្គការ​អន្តរជាតិនានារបស់ប្រទេសចិន។នាឱកាសនោះ​ឯកឧត្តមកិត្តិសង្គហបណ្ឌិត ​បានសម្តែងនូវក្តីអំណរសាទរ និងកោតសរសើរយ៉ាង​ជ្រាលជ្រៅ ​ចំពោះ រដ្ឋាភិបាលនៃសាធារណរដ្ឋប្រជាមានិតចិន និងបណ្តាប្រទេសចូលរួម​ក្នុង​គំនិត​ផ្តួចផ្តើម​ខ្សែក្រវាត់ និងផ្លូវ ​នៅក្នុងឱកាសនៃការរំលឹកខួបគម្រប់១០ឆ្នាំ ​នៃ​គំនិត​ផ្តួចផ្តើម​ដ៏សំខាន់នេះ និង​បានរៀបចំវេទិកាខ្សែក្រវាត់និងផ្លូវ ​សម្រាប់កិច្ចសហប្រតិបត្តិការអន្តរជាតិលើកទី៣ ប្រកប​ដោយជោគជ័យ ​ដើម្បីពិភពលោកវិបុលភាព ​តាមរយៈការតភ្ជាប់ដ៏រឹងមាំ​ ទាំងផែ្នកទន់ និងផ្នែករឹង។ ឯកឧត្តមកិត្តិសង្គហបណ្ឌិត បានគូសបញ្ជាក់ផងដែរអំពីសារៈសំខាន់នៃគំនិតផ្តួចផ្តើម ខ្សែក្រវាត់ និង​ផ្លូវនេះ ​បានផ្តល់ ​អត្ថប្រយោជន៍ជាច្រើន ដល់ប្រទេសកំពុងអភិវឌ្ឍន៍ រួមទាំងកម្ពុជា​ ក្នុងនោះរួមមាន ការអភិវឌ្ឍ​ហេដ្ឋារចនាសម្ព័ន្ធ ​ការវិនិយោគផ្ទាល់ពីបរទេស កំណើនសេដ្ឋកិច្ច ការធ្វើ​សមាហរណកម្មក្នុងតំបន់ និងសកលលោក និងការផ្លាស់ប្តូរប្រជាជន និងប្រជាជន។ ឯកឧត្តមកិត្តិសង្គហបណ្ឌិត មានប្រសាសន៍ថា កម្ពុជាសូមបញ្ជាក់ពីការគាំទ្រពេញទំហឹង និងការត្រៀមខ្លួនរួចជាស្រេច របស់ខ្លួន ដើម្បីរួមគ្នាអនុវត្តសកម្មភាពសំខាន់ៗ នៃការកសាង​បណ្តាញតភ្ជាប់ពហុវិស័យ ខ្សែក្រវាត់ និងផ្លូវ, អនុវត្តកិច្ចសហប្រតិបត្តិការជាក់ស្តែង, ការជំរុញការអភិវឌ្ឍបៃតង, ការជំរុញនវានុវត្តន៍ផ្នែកវិទ្យាសាស្ត្រ ​និងបច្ចេកវិទ្យា, ការគាំទ្រការ​ផ្លាស់ប្តូរ​ប្រជាជន និងប្រជាជន, លើកកម្ពស់កិច្ចសហប្រតិបត្តិការខ្សែក្រវាត់ ​និងផ្លូវ ដែលឈរលើ​មូលដ្ឋាននៃ សុចរិតភាព​ និងការអភិវឌ្ឍស្ថាប័ន ​តាមរយៈការបង្កើតមជ្ឈមណ្ឌលអាស៊ាន-ចិន សម្រាប់​ កិច្ចសហប្រតិបត្តិការគ្រប់គ្រងគ្រោះអាសន្ន ​ដើម្បីរួមចំណែកកាន់តែច្រើនទៀត ក្នុងការ ការពារអាយុជីវិត និងទ្រព្យសម្បត្តិរបស់ប្រជាជន ​និងការកសាងសហគមន៍វាសនា​រួម​សម្រាប់​មនុស្សជាតិ៕ 

នាយឧត្តមសេនីយ៍ សៅ សុខា៖ កងរាជអាវុធហត្ថត្រៀមខ្លួនជានិច្ច ក្នុងការចុះបង្ក្រាបបទល្មើសធនធានធម្មជាតិ

2023/11/17 01:39:04 pm        162
Facebook Telegram Linkin
ភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានប្រកាសថា កងរាជអាវុធហត្ថគាំទ្រពេញទំហឹង​ ក្នុងកិច្ចសហការជាមួយក្រសួងបរិស្ថាន ដើម្បីទប់ស្កាត់ និងបង្ក្រាបបទល្មើស រក្សាធនធានធម្មជាតិ និងចូលរួមការដាំកូនឈើ ។ការលើកឡើងរបស់នាយឧត្តមសេនីយ៍ សៅ សុខានេះ គឺបានធ្វើឡើងនៅក្នុងប្រជុំពិភាក្សាការងារ ឯកឧត្តមបណ្ឌិត អ៊ាង សុផល្លែត ​រដ្ឋមន្ត្រីក្រសួងបរិស្ថាន នៅព្រឹកថ្ងៃទី១៧ ខែវិច្ឆិកា ឆ្នាំ២០២៣នេះ នៅបញ្ជាការដ្ឋានកងរាជអាវុធហត្ថលើផ្ទៃប្រទេស។បើតាមយោងឆាណែលតេលេក្រាមព័ត៌មានរបស់នាយឧត្តមសេនីយ៍ សៅ សុខា បានបញ្ជាក់ថា កិច្ចប្រជុំនេះ ​បានពិភាក្សាអំពី​សភាពការណ៍​នៃបទល្មើស ​វិធានការអនុវត្ត ​ដើម្បីប្រសិទ្ធភាពការងារ ក្រសួងបរិស្ថានជាមួយកងរាជអាវុធហត្ថ ​បានឯកភាពធ្វើការរៀបចំនីតិវិធីប្រតិបត្តិស្ដង់ដា “SOP” សម្រាប់ទប់ស្កាត់ ​និងបង្ក្រាបបទល្មើសធនធានធម្មជាតិ រក្សាគង់វង្សនូវព្រៃឈើសត្វព្រៃជាដើម។នៅក្នុងកិច្ចប្រជុំនោះ ​នាយឧត្តមសេនីយ៍ សៅ សុខា ​បានលើកឡើងថា ​ក្រោមការដឹកនាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេច​ជាគោលការណ៍ ​គឺចំពោះមុខ​រក្សាគ្រប់​យន្តការ​ដែលមានស្រាប់ ​និងពង្រឹងការអនុវត្តរាល់សារាចរ​ណែនាំ​របស់​រាជរដ្ឋាភិបាលជាធរមាន​ ក្នុងការទប់ស្កាត់​ និងបង្ក្រាបបទល្មើសធនធានធម្មជាតិ។នាយឧត្តមសេនីយ៍ ​បានថ្លែងបញ្ជាក់ទៀតថា «កងរាជអាវុធហត្ថបានត្រៀមកម្លាំង មធ្យោបាយ សម្រាប់​អន្តរាគមន៍តាមការស្នើសុំពីក្រសួង​មានសមត្ថកិច្ច ​និងអាជ្ញាធររាជធានី-ខេត្តក្នុង​ករណី​បទល្មើសនោះ ​មានការលំបាកដែលក្រសួងជំនាញ ​ឬអាជ្ញាធរដែនដីមិនអាចធ្វើកិច្ច​ប្រតិបត្តិការបាន ដោយសារខ្វះកម្លាំង ឬមធ្យោបាយ ។ល។»បន្ទាប់ពីកិច្ចពិភាក្សា ​និងមានការឯកភាពនូវគោលគំនិត គោលជំហររឹងមាំ ក្នុងកិច្ចសហប្រតិបត្តិការ​ទប់ស្កាត់ និងបង្ក្រាបបទល្មើសធនធានធម្មជាតិរួចមក ​ឯកឧត្តម អ៊ាង សុផល្លែត អមដំណើរដោយ នាយឧត្តមសេនីយ៍ សៅ សុខា និងសហការី ​បានធ្វើការត្រួតពិនិត្យកម្លាំងកងរាជអាវុធហត្ថ និង​គ្រឿងបំពាក់មធ្យោបាយ ​ដែលត្រៀមសម្រាប់កិច្ចអន្តរាគមន៍​ទូទាំងប្រទេសផងដែរ៕អត្ថបទ៖ បាន ចក់ 

បណ្ដាញសង្គម

ព័ត៌មានថ្មីៗ

ចិនចេញការព្រមាន ជុំវិញការលក់អាវុធរបស់អាមេរិកទៅកោះតៃវ៉ាន់ មុនជំនួបកំពូល រវាង​លោក Trump និង​លោក ស៊ី
05/13/2026 03:05 PM
Facebook Telegram Linkin
ប្រព័ន្ធផ្សព្វផ្សាយ៖ អ៊ីរ៉ង់ដាក់ពាក្យប្តឹងអាមេរិកពីបទវាយប្រហាររោងចក្រនុយក្លេអ៊ែរ និងដាក់ទណ្ឌកម្ម
05/13/2026 03:05 PM
Facebook Telegram Linkin
Jose Mourinho ស្ថិតក្នុងដំណាក់កាលចរចាចុងក្រោយជាមួយ Real Madrid
05/13/2026 03:05 PM
Facebook Telegram Linkin
សម្ព័ន្ធអារ៉ាប់ថ្កោលទោសការជ្រៀតចូលរបស់អ៊ីរ៉ង់ទៅក្នុងប្រទេសកូវ៉ែតថា ជា «គំរូដ៏គ្រោះថ្នាក់»
05/13/2026 03:05 PM
Facebook Telegram Linkin
ទូតសិង្ហបុរីថ្មីប្រចាំកម្ពុជា ប្ដេជ្ញាពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរីកចម្រើនរឹងមាំ
05/13/2026 02:05 PM
Facebook Telegram Linkin
អ្នកនយោបាយ គាំទ្រការរៀបចំដាក់ឱ្យអនុវត្ត​ច្បាប់កាតព្វកិច្ចយោធាជា ដើម្បីជាខឿន​ការពារជាតិ​ដ៏រឹងមាំ
05/13/2026 02:05 PM
Facebook Telegram Linkin
លោក ប៉ាល់ ជីវ័ន៖ អត្តពលិកតេក្វាន់ដូ ITF កម្ពុជាត្រៀមប្រជែង​មេដាយ​ជូនជាតិ​ការ​ប្រកួត​ជើង​ឯក​អាស៊ី ​នៅម៉ុងហ្គោលី
05/13/2026 02:05 PM
Facebook Telegram Linkin
ឯកអគ្គរាជទូតកម្ពុជាប្រចាំប្រទេសជប៉ុន ពិភាក្សាអំពីកិច្ចសហប្រតិបត្តិការជាមួយប្រធានសមាគមមិត្តភាព ហ្វុគុស៊ីម៉ា-កម្ពុជា
05/13/2026 02:05 PM
Facebook Telegram Linkin
ទេសាភិបាលធនាគារជាតិ៖ ប្រព័ន្ធបាគងគាំទ្រដល់បរិយាបន្នហិរញ្ញវត្ថុ និងជំរុញ​ការ​ប្រើ​ប្រាស់​ប្រាក់​រៀល
05/13/2026 02:05 PM
Facebook Telegram Linkin
ឯកឧត្តម ហ៊ុន ម៉ានី៖ ជាង២ឆ្នាំមកនេះការប្រឡងជ្រើសរើស​តាមនិយាមថ្មី​ដំណើរការ​បាន ៥៣លើក សម្រាប់១០ក្រសួង-ស្ថាប័ន, មានបេក្ខជនដាក់ពាក្យប្រមាណ ២៩ម៉ឺននាក់ និងជ្រើស​រើស​បានមន្ត្រីលេចធ្លោ និងពូកែជិត ៨ពាន់នាក់
05/13/2026 02:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.