នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សហភាពអឺរ៉ុប ប្រឈមមុខនឹងហានិភ័យនៃលំហូរជនអន្តោប្រវេសន៍ថ្មី ស្របពេលមានជម្លោះនៅអ៊ីស្រាអែល

2023/10/24 11:27:39 am        91
Facebook Telegram Linkin
រដ្ឋមន្ត្រីអន្តោប្រវេសន៍របស់ប្រទេសក្រិក លោក Dimitris Kairidis បាននិយាយកាលពីថ្ងៃចន្ទ (២៣ តុលា) ថា សហភាពអឺរ៉ុប ប្រឈមនឹងហានិភ័យនៃលំហូរចូលភ្លាមៗនៃជនជនអន្តោប្រវេសន៍ ដែលភៀសខ្លួនចេញពីសង្រ្គាមអ៊ីស្រាអែល និងក្រុមហាម៉ាស ខណៈលោក Kairidis បានអំពាវនាវឱ្យមានការប្រុងប្រយ័ត្ន និងសាមគ្គីភាពបន្ថែមទៀតក្នុងចំណោមបណ្ដារដ្ឋជាសមាជិក។ក្នុងអំឡុងពេលវិបត្តិជនជនអន្តោប្រវេសន៍របស់អឺរ៉ុប ឆ្នាំ២០១៥ រដ្ឋាភិបាលសហភាពអឺរ៉ុប បានជួបការលំបាកក្នុងការទប់ទល់នឹងលំហូរចូលនៃមនុស្សជាង ១លាននាក់ ដែលភាគច្រើនជាជនភៀសខ្លួនស៊ីរីដែលបានឆ្លងពីប្រទេសទួរគី ទៅកាន់ប្រទេសក្រិក ដែលបណ្ដាលឲ្យមានវបត្តិសន្តិសុខ និងបណ្តាញសុខុមាលភាពដ៏លើសលប់ ព្រមទាំងការជំរុញឱ្យមានមនោសញ្ចេតនាទៅរកបក្សស្តាំនិយមជ្រុលរបស់ក្រិកផងដែរ។បច្ចុប្បន្ន ប្លុកនេះកំពុងចាត់វិធានការដើម្បីកែសម្រួលច្បាប់អន្តោប្រវេសន៍ មុនការបោះឆ្នោតនៅអឺរ៉ុបនៅឆ្នាំក្រោយ បន្ទាប់ពីបានចុះហត្ថលេខាលើកិច្ចព្រមព្រៀងមួយក្នុងខែនេះ ស្តីពីមធ្យោបាយដោះស្រាយបញ្ហាអន្តោប្រវេសន៍មិនទៀងទាត់ នៅពេលមានការមកដល់យ៉ាងច្រើនពីជនអន្តោប្រវេសន៍ ជាពិសេសតម្រូវការសំខាន់របស់បណ្ដាប្រទេសជួរមុខភាគខាងត្បូង រួមទាំងប្រទេសក្រិកផងដែរ៕

សម្ដេចធិបតី ជំរុញឱ្យផ្នែកពាក់ព័ន្ធទាំងអស់រួមគ្នាគិតគូរខ្ពស់ ចំពោះសុវត្ថិភាពចំណីអាហារ

2023/10/24 11:09:12 am        111
Facebook Telegram Linkin
ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បាន​ជំរុញ​ទៅ​គ្រប់​ផ្នែកទាំងអស់ ត្រូវរួមគ្នាគិតគូរឲ្យបានខ្ពស់ ចំពោះសុវត្ថិភាពចំណីអាហារ លុបបំបាត់​ការ​ផលិត នាំចូល និងចែកចាយផលិតផលក្លែងក្លាយ និងខូចគុណភាព ។ក្នុងឱកាសសម្ពោធដាក់ឲ្យប្រើប្រាស់ជាផ្លូវការ “មន្ទីរពេទ្យជាតិ តេជោសន្តិភាព” នៅថ្ងៃទី២៤ ខែ​តុលា ឆ្នាំ២០២៣ សម្ដេចធិបតីនាយករដ្ឋមន្ត្រី មានប្រសាសន៍ថា ត្រូវយកចិត្តទុកដាក់ ចំពោះ​សុវត្ថិភាព​ចំណី​អាហារ និងថ្នាំសង្កូវដែលជាចំណុចសំខាន់ណាស់ ព្រោះគ្មាន​នរណា​ម្នាក់​សុទ្ធ​តែ​ជា​អ្នក​ផ្គត់ផ្គង់ទាំងអស់ ដោយអ្នកផ្គត់ផ្គង់ក៏ជាអ្នកប្រើប្រាស់ ហើយពលរដ្ឋទាំងអស់ គឺសុ​ទ្ធតែ​ជា​អ្នក​ប្រើ​ប្រាស់ បរិភោគអាហារ និងលេបថ្នាំ ។សម្ដេចធិបតី បានបន្តថា ការចង់ឲ្យម្ហូបអាហារ ថ្នាំ មានសុវត្ថិភាព គឺជា​គោ​ល​ដៅ​គ្រប់​ភាគី​ទាំងអស់ ទាំងប្រជាពលរដ្ឋ អ្នកផ្គត់ផ្គង់ និងរាជរដ្ឋាភិបាលចង់បាន ប៉ុន្តែចំពោះការងារនេះ នៅ​មាន​ភាព​ចន្លោះ​ប្រហោង ដែលត្រូវនាំគ្នាពិនិត្យឡើងវិញ ។សម្ដេចធិបតី ហ៊ុន ម៉ាណែត បានបន្ថែមថា ពាក់ព័ន្ធនឹងការងារសុវត្ថិភាពម្ហូបអាហារនេះ គឺត្រូវ​មាន​ការ​អប់​រំ​បណ្ដុះបណ្ដាល សម្រាប់វិស័យឯកជន ដែលពេលខ្លះពួកគេ ក៏ត្រូវកាជួយ​ពី​ខាង​វិស័យ​រដ្ឋ លើជំនួយបច្ចេកទេស ឬជំនួយផ្សេងៗ ដូចនេះក្រសួងសុខាភិបាល ត្រូវ​ធ្វើ​ការ​ជា​មួយ​គណៈសហគមន៍ និងជាមួយសមាគមទាំងនោះ ដើម្បីជួយដល់ពួកគេ ។នាយករដ្ឋ​មន្ត្រី​នៃកម្ពុជា បានគូសបញ្ជាក់ថា អ្នកលក់ផលិតផលអនឡាញភាគច្រើន គឺនៅក្រៅ​ប្រព័ន្ធ ដែលកន្លងមកសម្ដេចប្រកាសគោលនយោយបាយជួយអ្នកក្រៅប្រព័ន្ធ ឲ្យចូលក្នុងប្រព័ន្ធ ក៏​មាន​អ្នកលក់អាហារបំប៉ន និងលក់ទំនិញផ្សេងៗផងដែរ គឺពួកគេក៏ត្រូវការជួយ និងការតម្រង​ទិស ព្រោះរាជរដ្ឋាភិបាលត្រូវការវិស័យឯកជន ជួយស្រាវជ្រាវ និង​ផលិត​នូវ​ផលិត​ផល​ដែល​សម្បូរ​បែប​ មានគុណភាព និងមានតម្លៃសមរម្យ ។ពាក់ព័ន្ធចំណីអាហារសុវត្ថិភាព និងថ្នាំសង្កូវនេះ សម្ដេចធិបតី បានណែនាំទៅក្រសួងមហាផ្ទៃ ក្រសួង​ពាណិជ្ជកម្ម ក្រសួងសុខាភិបាល អគ្គនាយកដ្ឋានគយ និងរដ្ឋាករ ពិនិត្យ និងវាយតម្លៃ​ឡើង​វិញ​ពីយន្តការដែលមានស្រាប ហើយគិតគូរក្នុងក្របខណ្ឌ ក្នុងការ​ដាក់​ចេញ​នូវ​គោល​នយោបាយ​មួយ​ មានប្រសិទ្ធភាព រួមគ្នាកុំឲ្យធ្វើដាច់ដោយដុំ ហើយជួយគ្នា និងត្រូវការចូលរួមពីវិស័យឯកជន ដោយ​រដ្ឋ​មិនមែនចាប់អាជីវករនោះទេ តែត្រូវជួយពង្រឹងវិស័យសុខាភិបាលទាំងអស់គ្នា៕  អត្ថបទ បាន សុខរិទ្ធិ

រដ្ឋមន្ត្រីការពារជាតិ និយាយថា អ៊ីស្រាអែលកំពុងត្រៀមខ្លួនយ៉ាងរឹងមាំសម្រាប់ជំហានបន្ទាប់

2023/10/24 11:04:40 am        83
Facebook Telegram Linkin
រដ្ឋមន្ត្រីការពារជាតិប្រទេសអ៊ីស្រាអែល បាននិយាយកាលពីថ្ងៃចន្ទថា ប្រទេសរបស់លោក កំពុងត្រៀមយ៉ាងរឹងមាំសម្រាប់ជំហានបន្ទាប់ ខណៈកងទ័ព បានប្រមូលផ្តុំនៅព្រំដែនតំបន់ហ្កាហ្សា សម្រាប់ការវាយលុកតាមផែនការ។លោក Yoav Gallant បានធ្វើដំណើរទស្សនកិច្ចទៅកាន់ឆ្នេរសមុទ្រនៅព្រំដែនភាគខាត្បូងប្រទេសអ៊ីស្រាអែល និងបានធ្វើទស្សនកិច្ចនៅមូលដ្ឋានកងទ័ពជើងទឹក Ashdod ជាកន្លែងដែលលោកពិនិត្យឡើងវិញប្រតិបត្តិការរបស់កងទ័ពជើងទឹក។ អ៊ីស្រាអែល បានបាញ់ផ្លោងទៅលើគោលដៅរាប់រយកន្លែងក្នុងតំបន់ហ្កាហ្សាពីលើអាកាស កាលពីថ្ងៃចន្ទខណៈទាហានរបស់ខ្លួនប្រយុទ្ធប្រឆាំងក្រុមសកម្មប្រយុទ្ធហាម៉ាស់អំឡុងការវាយឆ្មក់ចូលទៅក្នុងតំបន់ប៉ាឡេស្ទីនដែលត្រូវបានហ៊ុមព័ទ្ធ ជាកន្លែងអ្នកស្លាប់កំពុងកើនឡើង ហើយជនស៊ីវិលបានជាប់នៅក្នុងស្ថានភាពព្រួយបារម្ភខ្លាំង។ ការទម្លាក់គ្រាប់បែករបស់អ៊ីស្រាអែល បង្កឡើងដោយការវាយប្រហារឆ្លងកាត់ព្រំដែន កាលពីថ្ងៃទី៧ ខែតុលាទៅលើសហគមន៍របស់អ៊ីស្រាអែលធ្វើ់ឡើងដោយក្រុមសកម្មប្រយុទ្ធហាម៉ាស់ ដែលបានសម្លាប់មនុស្ស១.៤០០នាក់ និងបានចាប់ជាចំណាប់ថ្នូរជាង២០០នាក់ ជាការវាយប្រហារដ៏ឃោឃៅបំផុតតែមួយថ្ងៃ ចាប់តាំងពីរដ្ឋអ៊ីស្រាអែល ត្រូវបានបង្កើតឡើង៧៥ឆ្នាំមកនេះ។ ក្រសួងសុខាភិបាល បាននិយាយថា ពលរដ្ឋប៉ាឡេស្ទីន យ៉ាងហោចណាស់ ៥.០៨៧នាក់ បានស្លាប់ ក្នុងរយៈពេល២សប្តាហ៍នៃការវាយប្រហារ ដោយរួមមានទាំងកុមារចំនួន ២.០៥៥នាក់។

ក្រសួងការបរទេសរុស្ស៊ី៖ រុស្ស៊ីនិងអ៊ីរ៉ង់ពង្រឹងទំនាក់ទំនងក្នុងបរិយាកាសគួរឲ្យជឿទុកចិត្ត

2023/10/24 10:49:11 am        56
Facebook Telegram Linkin
ក្រសួងការបរទេសរុស្ស៊ី បាននិយាយនៅព្រឹកថ្ងៃអង្គារនេះថា រុស្ស៊ី និងអ៊ីរ៉ង់ កំពុងពង្រឹងទំនាក់ទំនងទ្វេភាគីក្នុងបរិយាកាស «គួរឲ្យជឿទុកចិត្ត» បន្ទាប់ពីប្រមុខរបស់ខ្លួនគឺលោក សឺហ្គេ ឡាវរ៉ូវ( Sergei Lavrov) ត្រូវបានទទួលដោយប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី ( Ebrahim Raisi) ក្នុងអំឡុងពេលដំណើរទស្សនកិច្ចទៅកាន់ទីក្រុងតេអេរ៉ង់។ក្រសួងការបរទេស បាននិយាយនៅក្នុងសេចក្តីថ្លែងការណ៍មួយនៅលើកម្មវិធីផ្ញើសារ Telegram ថា៖«នៅក្នុងបរិយាកាសគួរឲ្យទុកចិត្តជាប្រពៃណី បញ្ហាបច្ចុប្បន្ននៃរបៀបវារៈទ្វេភាគី ត្រូវបានពិភាក្សាយ៉ាងសំខាន់ជាមួយនឹងការសង្កត់ធ្ងន់បន្ថែមទៀតលើការកសាងភាពត្រឹមត្រូវទាំងស្រុងនៃភាពជាដៃគូពហុភាគីរុស្ស៊ី-អ៊ី រ៉ង់»។លោកឡាវរ៉ូវ ដែលបានធ្វើដំណើរទៅទីក្រុងតេអេរ៉ង់ភ្លាមៗ បន្ទាប់ពីដំណើរទស្សនកិច្ចនៅអាស៊ីទៅកាន់ប្រទេសចិន និងកូរ៉េខាងជើង បានពិភាក្សាអំពីគម្រោងថាមពល និងភ័ស្តុភារជាមួយរដ្ឋមន្ត្រីការបរទេសអ៊ីរ៉ង់ លោក ហ៊ូសេន អាមីរ៉ាប់ឌូឡាហៀន (Hossein Amirabdollahian) ។ដូចដែលធ្លាប់ជាបទដ្ឋានរបស់រុស្ស៊ី ព័ត៌មានលម្អិតមួយចំនួននៃកិច្ចពិភាក្សា ដែលបានធ្វើឡើង ចំពេលមានភាពតានតឹង កើនឡើងនៅមជ្ឈិមបូព៌ា ត្រូវបានបង្ហាញឲ្យដឹង។

សម្តេចធិបតី៖ កុំខ្លាចមកទទួលសេវា ពេទ្យធំខ្នាតអន្តរជាតិ គឺសម្រាប់ពលរដ្ឋទាំងអស់

2023/10/24 10:48:05 am        165
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត បានលើក​ទឹកចិត្ត​ឱ្យ​ប្រជាពលរដ្ឋ​ប្រើប្រាស់​សេវា​កម្ម​នៅ​មន្ទីរពេទ្យជាតិតេជោសន្តិភាព ដែលបានបើកសម្ពោធដាក់​ឱ្យប្រើប្រាស់​ជាផ្លូវការ​នៅ​ព្រឹក​ថ្ងៃ​អង្គារ ទី២៤ ខែតុលា ឆ្នាំ២០២៣ នេះ។ ក្នុងន័យនេះ សម្តេចធិបតី ហ៊ុន ម៉ាណែត អះអាងថា សម្តេច​ចង់តែឃើញពលរដ្ឋសុខភាពល្អ ប៉ុន្តែបើពលរដ្ឋត្រូវការប្រើប្រាស់សេវា ពួកគាត់​អាច​ទៅ​កាន់​មន្ទីរពេទ្យតេជោសន្តិភាព។សម្តេចធិបតី៖ «បើត្រូវការ មកប្រើប្រាស់សេវានៅទីនេះ កុំខ្លាច គឺធ្វើសម្រាប់បងប្អូនហើយ ពេទ្យ​ធំ​ខ្នាត​អន្តរជាតិ មិនមែនធ្វើឱ្យអ្នកណាទេ គឺសម្រាប់ប្រជាពលរដ្ឋទាំងអស់គ្នា ដែល​នឹង​ទទួល​ផល»​។ការសម្ពោធដាក់ឱ្យប្រើប្រាស់ជាផ្លូវការនូវ «មន្ទីរពេទ្យជាតិ តេជោសន្តិភាព» គឺជាការ​អនុវត្ត​ជា​ផ្លូវ​ការ​នូវ​កម្មវិធីគោលនយោបាយអាទិភាពទី១ នៃគោលនយោបាយជាអាទិភាពទាំង ៦ របស់​រដ្ឋាភិបាល​អាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត ពោលគឺ «ការ​ពង្រីក​វិសាល​ភាព​មូលនិធិសមធម៌ដល់គ្រួសារងាយរងហានិភ័យ»។សូមជម្រាបជូនថា «មន្ទីរពេទ្យជាតិ តេជោសន្តិភាព» គឺជាមន្ទីពេទ្យដ៏ធំ​ជាង​គេ​បំផុត​នៅ​ក្នុង​ប្រទេស​កម្ពុជា ដែលបានចាប់ផ្តើមសាងសង់ កាលពីថ្ងៃទី២៨ ខែមីនា ឆ្នាំ២០២២ ដោយ​ក្រុមហ៊ុន​ ស៊ីជេអ៊ីស៊ី CJEC co,Ltd សហការជាមួយសាលារាជធានីភ្នំពេញ នៅលើផ្ទៃដីប្រមាណ ៧.៥៨ហិកតា ស្ថិតក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។ មន្ទីរពេទ្យជាតិនេះ មានគ្រែ​សរុបទាំងអស់ចំនួន ៩,៤៩៦គ្រែ ក្នុងនោះ​គ្រែ​សម្រាក​ព្យាបាល​សម្រាប់​អ្នក​ជំងឺ​មាន​ចំនួន​សរុប ៩,២៤៤គ្រែ គ្រែសម្រាប់គ្រូពេទ្យប្រចាំការចំនួន ៤៦គ្រែ និងគ្រែ​សម្រាប់​បុគ្គលិក​ស្នាក់​នៅ​ចំនួន​២០៦​គ្រែ។មន្ទីរពេទ្យជាតិតេជោសន្ដិភាព មានចំនួន១១អគារ ដែលមានអគារព្យាបាល និងសង្គ្រោះបន្ទាន់ (E) មានទំហំ ៧,៤៨០ ម៉ែត្រការ៉េ, អគារព្យាបាលកម្រិតធ្ងន់ (H1 និង H2) មានគ្រែសរុប​ចំនួន​៥២៧​គ្រែ,​ អគារព្យាបាលកម្រិតស្រាល (H3,H4,H5, H6 និង H7), អគារបច្ចេកទេស(T1), អគារ​បច្ចេកទេស (T2), អគារផ្គត់ផ្គង់ និងព័ត៌មាន (A) មានទំហំ២,៨៣៥ ម៉ែត្រការ៉េ, អគារ​ស្នាក់​នៅ​សម្រាប់បុគ្គលិក (S) មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួន​ច្បារ​ពណ៌​បៃតង​ទំហំ ៤,៤៩០ ម៉ែត្រការ៉េផងដែរ៕

តើកម្មវិធីគោលនយោបាយអាទិភាព ៦ចំណុច នៃយុទ្ធសាស្ត្របញ្ចកោណរបស់រដ្ឋាភិបាលកម្ពុជា អាណត្តិទី៧ មានអ្វីខ្លះ?

2023/10/24 10:42:37 am        426
Facebook Telegram Linkin
កម្មវិធីគោលនយោបាយអាទិភាព ៦ ចំណុចរបស់រាជរដ្ឋាភិបាល សម្រាប់ចាប់ផ្តើមអនុវត្តភ្លាម​ក្នុងឆ្នាំ២០២៣​នេះ រួមមាន៖កម្មវិធីទី១. ការផ្តល់ការថែទាំសុខភាពឆ្ពោះទៅកម្មវិធីគ្របដណ្តប់សុខភាពជាសកល ដោយចាប់​ផ្តើម​ពី (១). ការផ្តល់សេវាថែទាំសុខភាពជូនគ្រួសារងាយរងហានិភ័យប្រមាណជាង ៤៥ម៉ឺន​គ្រួសារ​ ស្មើនឹងសមាជិកសរុបជាង ១.៥ លាននាក់ តាមរយៈ​ការ​ប្រើប្រាស់​មូល​និធិ​សមធម៌​សុខាភិបាល​ (២). ការពង្រីករបបថែទាំសុខភាពរបស់ ប.ស.ស ទាំងសម្រាប់កម្មករ-និយោជិត និង​សម្រាប់​មន្ត្រីសាធារណៈដែលគ្របដណ្តប់បន្ថែមដល់សមាជិកគ្រួសារ និងអ្នក​នៅ​ក្នុង​បន្ទុក​ប្រមាណ​ជាង ៣លាននាក់ តាមគោលការណ៍ស្ម័គ្រចិត្ត។ ជាសរុប គម្រោងទាំងពីរនេះ នឹងធ្វើ​ឱ្យ​ប្រជាជន​ប្រមាណ ៧,៤ លាននាក់ មានលទ្ធភាពទទួល​បាន​នូវ​របប​សន្តិសុខ​សង្គម​ផ្នែក​សេវា​ថែទាំង​សុខភាព។កម្មវិធីទី២. ការបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេស ដែលមានចំនួនប្រមាណជាង ១,៥ លាននាក់ នៅតាមគ្រឹះស្ថានបណ្តុះបណ្តាលវិជ្ជាជីវៈនានារបស់រដ្ឋ ក្នុងកម្រិតសញ្ញាបត្របច្ចេកទេស និង​វិជ្ជាជីវៈកម្រិត១ ដោយមិនបង់ថ្លៃសិក្សា និងទទួលបាននូវប្រាក់ឧបត្ថម្ភប្រចាំខែ។ កម្មវិធីទី៣. ការធ្វើស្ថាបនូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ ក្រុមជន​ងាយ​រង​គ្រោះ នៅក្នុងគ្រួសារក្រីក្រ និងគ្រួសារងាយរងហានិភ័យ នៅក្នុងគ្រាមានវិបត្តិសេដ្ឋកិច្ច និងគ្រា​មាន​​គ្រោះអាសន្ន ដើម្បីជួយទ្រទ្រង់ និងផ្តល់ការគាំពារទាន់ពេល និងក្នុង​លក្ខណៈ​ជា​ប្រព័ន្ធ​ជូន​ប្រជាពលរដ្ឋ ជាពិសេសគ្រួសារក្រីក្រ និងងាយរងគ្រោះ និងគ្រួសារងាយរងហានិភ័យ ទៅតាម​ស្ថានភាព​ជាក់ស្តែងនៃវិបត្តិ ឬគ្រោះអាសន្ន នៅតាមគ្រប់ទីតាំងភូមិសាស្ត្រទូទាំងប្រទេស ដែល​នឹង​គ្រប​ដណ្តប់លើប្រជាជនសរុបប្រមាណ ៤,៣ លាននាក់។ កម្មវិធីទី៤. ការដាក់ចេញនិងការជំរុញអនុវត្តយុទ្ធសាស្ត្រអភិវឌ្ឍសេដ្ឋកិច្ចក្រៅប្រព័ន្ធ ឱ្យមាន​លទ្ធភាព​ចូលរួមក្នុងសេដ្ឋកិច្ចក្នុងប្រព័ន្ធ និងអាច​ទទួល​បាន​ផល​ប្រយោជន៍​ពី​ប្រព័ន្ធ​គាំពារ​សង្គម​ផ្លូវ​ការ​តាមរយៈ (១). ការផ្តល់នូវការគាំពារ និងការបង្កើតនូវបរិយាកាសអំណោយផល សម្រាប់​ធុរកិច្ច និងពាណិជ្ជកម្ម ព្រម​ជាមួយនឹ​ង​ការ​ផ្តល់​នូវ​ការ​បណ្តុះ​បណ្តាល​ជំនាញ​បច្ចេកទេស និង​វិជ្ជា​ជីវៈ​ដល់​ក្រុមហ៊ុន សហគ្រាសធុនមីក្រូ តូច និងមធ្យម និង(២). ការផ្តល់ការ​គាំពារ​សង្គម​ដល់​បុគ្គល​ស្វ័យ​និយោជន៍ ក្នុងសេដ្ឋកិច្ច​ក្រៅប្រ​ព័ន្ធ​ដោយ​ផ្តោត​ការ​យក​ចិត្ត​ទុក​ដាក់​ជា​បឋម​លើ​ការ​ផ្តល់​សេវា​ថែទាំសុខភាពនៅក្រោមមូលនិធិសមធម៌សុខាភិបាល។ កម្មវិធីទី៥. ការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើក​ស្ទួយ​ផលិត​កម្ម​ រកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ តាមរយៈ​ការ​ដាក់​ចេញ​កញ្ចប់​ថវិកាជាក់លាក់ ដោយចាប់ផ្តើមពីចំនួន ១០០ លានដុល្លារអាមេរិក និងអាចវិភា​ជ​ថវិកា​បន្ថែម ប្រសិនបើមានតម្រូវការចាំបាច់ ដើម្បីធ្វើ​អន្តរាគមន៍​ឱ្យ​បាន​ទាន់​ពេល​ក្នុង​ការ​ទិញ​កសិផល​ពី​ប្រជាកសិករជាមួយនឹងគោលដៅរក្សាស្ថិរភាពថ្លៃនៅរាល់រដូវប្រមូលផល ជាពិសេស លើផលិតផលកសិកម្មមួយចំនួន ជាអាទិ៍ ស្រូវ ស្វាយកែវរមៀត មៀនប៉ៃលិន ស្វាយចន្ទី ដំឡូង ពោត និងផលិតផលផ្សេងទៀតតាមការចាំបាច់។ កម្មវិធីទី៦. ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំសង្កាត់ ដែលមាន​សកម្មភាព​កសិកម្ម​នៅ​ទូទាំងប្រទេស ដើម្បីជំរុញការលើកកម្ពស់ផលិតភាពកសិកម្ម និងជួយដល់គ្រួសារ​កសិក​រ ក្នុងការលើកស្ទួយផលិតផលកសិកម្មរបស់ខ្លួន។ រាជរដ្ឋាភិបាល នីតិកាលទី៧ នឹង​យក​ចិត្តទុកដាក់ផងដែរ ទៅលើការរៀបចំឱ្យមានសមាគមកសិករនៅតាមទីជនបទ ដើម្បី​រក្សា​កម្លាំង​រប​ស់​កសិករក្នុងការផលិត ក៏ដូចជា ការតថ្លៃជាមួយអ្នកទទួលទិញ៕

កាកបាទក្រហមកម្ពុជាចូលរួមគោរពវិញ្ញាណក្ខន្ធឯកឧត្តមនាយឧត្តមសេនីយ៍ ប្រាក់ វណ្ណឌី

2023/10/24 10:37:12 am        1062
Facebook Telegram Linkin
ភ្នំពេញ៖ នៅថ្ងៃទី ២៤ ខែតុលា ឆ្នាំ២០២៣នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា ដឹកនាំគណៈប្រតិភូញ្ជើញចូលរួមគោរពវិញ្ញាណក្ខន្ធ ឯកឧត្តម នាយឧត្តមសេនីយ៍ ប្រាក់ វណ្ណឌី នាយករងខុទ្ទកាល័យសម្តេចមហាបវរធិបតី នាយករដ្ឋមន្ត្រី ដែលទទួលទទួលមរណៈភាពកាលពីថ្ងៃទី២២ ខែតុលា ឆ្នាំ២០២៣ វេលាម៉ោង ១០ម៉១០នាទី ក្នុងជន្មាយុ ៦៤ឆ្នាំ ដោយរោគាពាធ។ស្ថិតក្នុងសមានទុក្ខដ៏ក្រៀមក្រំនោះ លោកជំទាវអគ្គលេខាធិការរងទី១ បានប្រគល់ជូន លោកជំទាវ ជឹម ម៉ានី ព្រមទាំងក្រុមគ្រួសារ នូវសារលិខិតរំលែកមរណទុក្ខរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលក្នុងសារលិខិតនោះ សម្តេចកិត្តិព្រឹទ្ធបណ្ឌិត បានបញ្ជាក់ថា «ក្នុងវេលាប្រកបដោយសមានទុក្ខដ៏​ក្ដុកក្ដួល​នេះ ខ្ញុំ និងសហការី​នៃកាកបាទ​ក្រហមកម្ពុជា ​សូមចូលរួមសោកស្តាយយ៉ាង​ក្រៃលែង ប្រកបដោយក្តីអាឡោះអាល័យ​បំផុតចំពោះសពឯកឧត្តម នាយឧត្តមសេនីយ៍ ប្រាក់ វណ្ណឌី ​នាយករងខុទ្ទកាល័យ សម្តេចមហាបវរធិបតី នាយករដ្ឋមន្ត្រី ​ដែលក្នុងមួយជីវិតរបស់ឯកឧត្តមបានរួមចំណែកយ៉ាង​សកម្មជាមួយរាជរដ្ឋាភិបាល ​បម្រើប្រជាពលរដ្ឋ ​ពោរពេញដោយឆន្ទៈ ​មនសិការ ក្នុងបុព្វហេតុ ជាតិ សាសនា ព្រះមហាក្សត្រ។លើសពីនេះទៅទៀត ឯកឧត្តម នាយឧត្តមសេនីយ៍ ​គឺជាឧត្តមស្វាមី និងជាបិតា ប្រកបដោយ​ព្រហ្មវិហារធម៌ តស៊ូប្រឹង ប្រែង ចិញ្ចឹមបីបាច់ថែរក្សា អប់រំ ផ្តល់នូវដំបូន្មានល្អៗ ​ដល់កូន និង​ក្រុមគ្រួសារ ឱ្យក្លាយជាមូលធនមនុស្សដ៏មានតម្លៃសម្រាប់សង្គមជាតិ។ ​ទោះបីរូបកាយរបស់ ឯកឧត្តម នាយឧត្តមសេនីយ៍ ប្រាក់ វណ្ណឌី ​បានបាត់បង់ទៅមែនពិត ​ប៉ុន្តែអំពើជាកុសល សេចក្តីថ្លៃថ្នូរ ​គុណធម៌ នឹងស្ថិតនៅក្នុងក្តីចងចាំរបស់ ​លោកជំទាវជាភរិយា កូនៗ ព្រមទាំងមិត្តភក្តិ ញាតិសន្ដាន​ទាំងអស់ និងថ្នាក់ដឹកនាំ មន្ត្រី បុគ្គលិក​ យុវជនកាកបាទក្រហមកម្ពុជា ជានិច្ចនិរន្តរ៍។»សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​និងសហការីនៃកាកបាទក្រហមកម្ពុជា សូម​ឧទ្ទិស​បួងសួងសុំដួងវិញ្ញាណក្ខន្ធ ឯកឧត្តម នាយឧត្តមសេនីយ៍ ប្រាក់ វណ្ណឌី បានទៅកាន់សុគតិភព កុំបីឃ្លៀងឃ្លាតឡើយ៕អត្ថបទ៖ សំ ងីម

សម្ដេចធិបតី ចាត់ទុកវិសាលភាពទូទាំងប្រទេស នៃមូលនិធិសមធម៌សុខាភិបាលថា ជាការបែងចែកផលលាភដល់ដៃពលរដ្ឋ

2023/10/24 10:03:35 am        38
Facebook Telegram Linkin
ភ្នំពេញ៖ ពីវេទិកាអធីបតី នៃពិធីសម្ពោធដាក់ឱ្យប្រើប្រាស់ជាផ្លូវការ មន្ទីរពេទ្យជាតិតេជោសន្តិភាព និង​ប្រកាសដាក់ឱ្យអនុវត្តជាផ្លូវការនូវកម្មវិធីទី១ នៃគោលនយោបាយជាអាទិភាពទាំង៦ គឺ​ការ​ពង្រីក​វិសាល​ភាពមូលនិធិសមធម៌ ដល់គ្រួសារងាយរងហានិភ័យ នាថ្ងៃទី២៤ ខែតុលា ឆ្នាំ​២០២៣​នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានបង្ហាញ​ក្ដីរីក​រាយ​ចំពោះ​វិសាលភាព នៃការអនុវត្តបានទូទាំងប្រទេស នូវ មូលនិធិសមធម៌​សម្រាប់​គ្រួសារ​ក្រីក្រ​។សម្ដេចបានរម្លឹកដោយទាញការកត់សម្គាល់ជូនអង្គពិធីថា«គ្រាន់តែក្នុងឆ្នាំ២០១៨ ដល់​ឆ្នាំ​២០២២ ប្រជាពលរដ្ឋដែលទទួលការគាំពារដោយមូលនិធិសមធម៌ និងបានប្រើប្រាស់សេវានេះ មាន​ជាង១៤លានករណី ក្នុងនោះមានសំរាកពេទ្យមានជា៨១ម៉ឺនករណី។ ខ្ញុំ​បាន​ចុះ​ទៅ​តាម​បណ្ដា​រាជធានី ខេត្តជាច្រើន ខ្ញុំជួបជាមួយលោកតា លោកយាយ អ៊ំ ពូមីង តាមខេត្ត កន្លែងខ្លះ ខ្ញុំ​សួរ​ទៅ គាត់ថាពេលឈឺ គាត់ទៅពេទ្យ គាត់មានបណ្ណសមធ៌ អត់ចេញលុយទេ ព្រោះ​មាន​បណ្ណ​សមធម៌ ឬបណ្ណក្រីក្រ»។ គួរកត់សម្គាល់ថានិធិសមធម៌សម្រាប់គ្រួសារក្រីក្រ បានចាប់ផ្ដើមអនុវត្តដំបូងនៅឆ្នាំ២០០០ ហើយ​បន្ត​ពង្រីកជាបន្តបន្ទាប់ដល់គ្រប់មណ្ឌលសុខភាព និងមន្ទីរ​ពេទ្យ​បង្អែក​ទូទាំង​ប្រទេស​នា​ឆ្នាំ​២០១៥​។ ឯកឧត្តម ឈាង រ៉ា រដ្ឋមន្រ្តីក្រសួងសុខាភិបាល បានថ្លែងឱ្យដឹងនៅថ្ងៃទី២៤ ខែតុលា ឆ្នាំ​២០២៣​នេះ ថាមូលនិធិនេះ បានពង្រីកការគ្រប់ដណ្ដប់លើគោលដៅប្រជាជន ដោយ​កំណត់​តាមប្រព័ន្ធកំណត់អត្តសញ្ញាណកម្មគ្រួសារក្រីក្រទុកជាមុនរបស់ក្រសួងផែនការ រួមមាន គ្រួសារក្រីក្រ ចំនួន៧៧៩ ៥១៤គ្រួសារ ស្មើនឹងជាង ៣លាន ២សែននាក់។សម្ដេចធិបតី បានចាត់ទុកវិសាលភាព នៃការ​អនុវត្ត​យន្តការ​នេះ​ថា​ជាផ្នែ​ក​មួយ​នៃ​ការ​បែង​ចែក​ផល​លាភ​ជូនដល់ដៃប្រជាពលរដ្ឋ និងចាត់​ទុកការងារ​នេះ​ជា​ការ​អាទិភាព​ដែល​ត្រូវ​ពង្រីក​បន្ត​ទៀត​៕

សម្តេចធិបតី៖ កត្តាជីវភាព និងសុខុមាលភាព​ប្រជាជនគឺជាកិច្ចការដ៏ធំក្នុងការយកចិត្តទុកដាក់ពីរាជរដ្ឋាភិបាល

2023/10/24 09:42:40 am        105
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា កត្តាជីវភាព​រស់នៅ និងសុខុមាលភាពរបស់ប្រជាជនគឺជាកិច្ចការដ៏សំខាន់ និងធំបំផុត​ដែលរាជរដ្ឋាភិបាល​អាណត្តិទី៧នេះ ត្រូវយកចិត្តទុកដាក់​ ខណៈការកសាងមន្ទីរពេទ្យ គឺជាចក្ខុវិស័យប្រកបដោយ​យុទ្ធសាស្ត្រ​វែងឆ្ងាយរបស់រាជរដ្ឋាភិបាល ដើម្បីជាការឆ្លើយតបទាន់សភាពការណ៍នូវតម្រូវការ​ចាំបាច់​របស់ប្រជាជនមិនថា នៅរាជធានីភ្នំពេញ​ ឬនៅតាមបណ្តាខេត្តនានានោះឡើយ។ការបញ្ជាក់បែបនេះ របស់សម្តេចធិបតី គឺបានធ្វើឡើងក្នុងគ្រាដែលសម្ដេចអញ្ជើញជាធិបតីក្នុង​ពិធី​សម្ពោធ​ដាក់ឱ្យប្រើប្រាស់ជាផ្លូវការ «មន្ទីរពេទ្យជាតិតេជោសន្តិភាព» និងប្រកាសដាក់ឱ្យ អនុវត្ត​ជាផ្លូវការ​នូវកម្មវិធីទី១ នៃគោលនយោបាយជាអាទិភាព​ទាំង៦គឺ«ការពង្រីកវិសាលភាពមូលនិធិសមធម៌​ដល់គ្រួសារងាយរងហានិភ័យ» ​នាព្រឹកថ្ងៃទី២៤ ខែតុលា ឆ្នាំ២០២៣នេះ នៅខណ្ឌព្រែកព្នៅ ​រាជធានីភ្នំពេញ។សម្តេចធិបតីនាយករដ្ឋមន្រ្តី បានបញ្ជាក់ថា ​វិស័យសុខាភិបាល និងវិស័យអប់រំ គឺនៅតែជាវិស័យ អាទិភាពធំបំផុតក្នុងការយកចិត្តទុកដាក់ពីរាជរដ្ឋាភិបាលនៅអាណត្តិថ្មីនេះ ដោយកត្តាទាំងពីរនេះ​ហើយ ​គឺជាការជំរុញជីវភាពរស់នៅរបស់ប្អូនប្រជាពលរដ្ឋគ្រប់រូប​ឲ្យកាន់​តែល្អប្រសើរបន្ថែមទៀត ស្របទៅតាមយុទ្ធសាស្រ្តទី១ ក្នុងចំណោមទាំង៦ ដែលរាជរដ្ឋាភិបាលប្រកាសដាក់ឲ្យអនុវត្ត​នាពេលនេះ។សម្តេចធិបតី ហ៊ុន ម៉ាណែត នាយករដ្ឋមន្រ្តី ​ក៏បានបញ្ជាក់ផងដែរថា ការដាក់ឲ្យប្រើប្រាស់​នូវ«មន្ទីរពេទ្យជាតិតេជោសន្តិភាព» នាពេលនេះគឺជាការដោះស្រាយសេវាសុខាភិបាល​ជូន​ដល់បងប្អូន​ប្រជាពលរដ្ឋ គ្រប់ពហុព្យាបាល ហើយមន្ទីរពេទ្យនេះ​ក៏ជាការជួយរែកពុន​ដល់​មន្ទីរពេទ្យផ្សេងៗផងដែរ ​ហើយមួយវិញទៀត«មន្ទីរពេទ្យជាតិ តេជោសន្តិភាព»​ដែលជា​មន្ទីរពេទ្យដ៏ធំ​ហើយអាចដាក់គ្រែអ្នកជំងឺបានជិតមួយម៉ឺននាក់នេះ ​ក៏មិនមែន​សម្រាប់តែបម្រើ​ដល់​បងប្អូនប្រជានពលរដ្ឋនៅក្នុងរាជធានីភ្នំពេញប៉ុណ្ណោះទេ គឺនឹងបម្រើដល់ប្រជាពលរដ្ឋ​គ្រប់រូបទាំង​អស់នៅទូទាំងប្រទេស​ រួមទាំងជនជាតិបរទេស​ដែល​កំពុងរស់នៅ​កម្ពុជាផងដែរ៕អត្ថបទ៖ បាន ចក់

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ «មន្ទីរពេទ្យជាតិ តេជោសន្តិភាព»

2023/10/24 09:01:26 am        234
Facebook Telegram Linkin
ភ្នំពេញ៖ នៅព្រឹកថ្ងៃទី២៤ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការ “មន្ទីរពេទ្យជាតិ តេជោសន្តិភាព” និងប្រកាសដាក់ឱ្យអនុវត្តជាផ្លូវការនូវការពង្រីក វិសាលភាពមូលនិធិសមធម៌ដល់គ្រួសារងាយរងហានិភ័យ ដែលនេះជាកម្មវិធីទី១ នៃគោលនយោបាយជាអាទិភាពទាំង៦ នៃយុទ្ធសាស្ត្របញ្ចកោណ របស់រាជរដ្ឋាភិបាលកម្ពុជា អាណត្តិទី៧។*ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសង្ឃឹមថា«មន្ទីរពេទ្យជាតិ តេជោសន្តិភាព» នឹងទទួលបាននូវសេវាសុខាភិបាលប្រកបដោយគុណភាព ខណៈមន្ទីរពេទ្យដ៏ធំជាងគេនៅកម្ពុជា អាចដាក់គ្រែអ្នកជំងឺបានរហូតដល់ជិត១ម៉ឺនគ្រែ។-សម្តេចធិបតី ហ៊ុន ម៉ាណែត បានបញ្ជាក់ថា ការដាក់ឲ្យប្រើប្រាស់នូវ«មន្ទីរពេទ្យជាតិ តេជោសន្តិភាព»នាពេលនេះ គឺជាការដោះស្រាយសេវាសុខាភិបាលជូនដល់បងប្អូនប្រជាពលរដ្ឋ គ្រប់ពហុព្យាបាល ហើយមន្ទីរពេទ្យនេះ ក៏ជាការជួយរែកពុនដល់មន្ទីរពេទ្យផ្សេងៗផងដែរ។-សម្ដេចធិបតី ហ៊ុន ម៉ាណែត បញ្ជាក់ថា ការរៀបចំ «មន្ទីរពេទ្យជាតិតេជោសន្តិភាព» នាពេលនេះ គឺជាយុទ្ធសាស្រ្ដយូរអង្វែងរបស់រាជរដ្ឋាភិបាល និងជាកន្លែងជួយរែកពុននូវការចាំបាច់ណាមួយដែលកម្ពុជាជួបប្រទះ ដូចជាករណីជំងឺកូវីដ-១៩ជាដើម ក្រោមចក្ខុវិស័យដ៏វែងឆ្ងាយរបស់សម្ដេចតេជោ ហ៊ុន សែន។-សម្តេចធិបតី ហ៊ុន ម៉ាណែត នាយករដ្ឋមន្រ្តី បានបញ្ជាក់ថា ការសម្ពោធនូវ«មន្ទីរពេទ្យជាតិ តេជោសន្តិភាព»នាពេលនេះ គឺមិនមែនសម្រាប់តែបម្រើដល់បងប្អូនប្រជាពលរដ្ឋនៅក្នុងរាជធានីភ្នំពេញប៉ុណ្ណោះទេ គឺនឹងបម្រើដល់ប្រជាពលរដ្ឋគ្រប់រូបទាំងអស់នៅទូទាំងប្រទេស រួមទាំងជនជាតិបរទេសដែលកំពុងរស់នៅកម្ពុជាផងដែរ។-សម្ដេចធិបតី ហ៊ុន ម៉ាណែត បញ្ជាក់ថា ការវិនិយោគទៅលើការអប់រំ និងសុខាភិបាលនូវតែជាវិស័យអាទិភាពដែលរាជរដ្ឋាភិបាលត្រូវយកចិត្តទុកដាក់ ពីព្រោះប្រទេសជាតិមានការអភិវឌ្ឍរីកចម្រើនគឺអាស្រ័យលើធនធានមនុស្ស ហើយធនធានមនុស្សមានគុណភាព មានផលិតភាព គឺជាធនធានមនុស្សដែលមានសុខភាពល្អ។-សម្ដេចធិបតី នាយករដ្ឋមន្ត្រី៖ ពលរដ្ឋដែលបានប្រើប្រាស់មូលនិធិសមធម៌កន្លងមក មានជាងដប់បួនលានករណី ដែលបានប្រើប្រាស់បណ្ណសមធម៌ ឬបណ្ណក្រីក្រ ដើម្បីទទួលបានសេវាព្យាបាលនៅតាម គ្រឹះស្ថានសុខាភិបាលនានា ដោយមិនចាំបាច់បង់ប្រាក់។-សម្ដេចធិបតីនាយករដ្ឋមន្ត្រី៖ ខ្ញុំចង់ឱ្យពលរដ្ឋកម្ពុជា មានកូនឱ្យបានច្រើនជាងពេលបច្ចុប្បន្ន។-សម្ដេចធិបតីនាយករដ្ឋមន្ត្រី ជូនពរពលរដ្ឋកម្ពុជាទាំងអស់ សូមមានសុខភាពល្អគ្រប់ៗគ្នា តែបើមាន អាការមិនស្រួល ឬ មានជំងឺណាមួយ សូមរួសរាន់មកកាន់មន្ទីរពេទ្យដែលមានគ្រូពេទ្យជំនាញរង់ចាំពិនិត្យ និងព្យាបាលជំងឺ។-សម្ដេចធិបតីនាយករដ្ឋមន្ត្រី៖ រាជរដ្ឋាភិបាលនៅអាណត្តិទី៧ នេះ នឹងពង្រឹងវិស័យសុខាភិបាលឱ្យកាន់ តែប្រសើរឡើងថែមទៀត តាមរយៈការពង្រឹងសមត្ថភាពគ្រូពេទ្យ ពង្រាយបុគ្គលិកពេទ្យដែលមានសមត្ថភាព និងក្រមសីលធម៌វិជ្ជាជីវៈ ទៅដល់គ្រប់មូលដ្ឋានភូមិ ឃុំ។-សម្ដេចធិបតីនាយករដ្ឋមន្ត្រី ស្នើដល់គ្រូពេទ្យនៅតាមតំបន់នានា ត្រូវបង្កើនសមត្ថភាពនៅក្នុងការព្យាបាលជំងឺជូនពលរដ្ឋ ដើម្បីកុំឱ្យពិបាកដឹកមកភ្នំពេញ ជាពិសេសករណីជំងឺធ្ងន់ធ្ងរដែលទាមទារការសង្គ្រោះបន្ទាន់។-សម្ដេចធិបតីនាយករដ្ឋមន្ត្រី ស្នើឱ្យបង្កើនការយកចិត្តទុកដាក់ទៅលើសុវត្ថិភាពអាហារចំណី និងឱសថសម្រាប់ព្យាបាលជំងឺ។-សម្ដេចធិបតីនាយករដ្ឋមន្ត្រី ស្នើដល់គ្រប់ស្ថាប័នពាក់ព័ន្ធរួមគ្នា ពិនិត្យលើសុវត្ថិភាពអាហារចំណី និងឱសថសម្រាប់ព្យាបាលជំងឺ។-សម្ដេចធិបតី ហ៊ុន ម៉ាណែត បន្តអំពាវនាវដល់អ្នកលក់ផលិតផលផ្សេងៗ ជាពិសេសផលិតផលពីក្រៅប្រទេស ត្រូវសហការជាមួយក្រសួងសុខាភិបាល ដើម្បីពិនិត្យលើផលិតផលទាំងនោះឱ្យបានច្បាស់លាស់ និងធានាដល់សុខសុវត្ថិភាពរបស់ប្រជាជនដែលជាអ្នកប្រើប្រាស់។-សម្ដេចធិបតីនាយករដ្ឋមន្ត្រី ស្នើគ្រប់គ្រូពេទ្យទាំងអស់គោរពក្រមសីលធម៌វិជ្ជាជីវៈ និងយកចិត្តទុកដាក់ព្យាបាលជំងឺជូនពលរដ្ឋនានា ឱ្យដូចការព្យាបាលជូនសមាជិកក្រុមគ្រួសារខ្លួន៕

បណ្ដាញសង្គម

ព័ត៌មានថ្មីៗ

សាស្ត្រាចារ្យ៥៩រូប កំពុងរៀបចំតាក់តែងវិញ្ញាសា សម្រាប់ការប្រឡងប្រជែងជ្រើសរើសមន្ត្រីការទូតជាន់ខ្ពស់ និងមន្ត្រីវិជ្ជាជីវៈសុខាភិបាល
08/03/2025 08:08 AM
Facebook Telegram Linkin
កម្ពុជាស្នើឱ្យអាស៊ានត្រួតពិនិត្យលើការចោទប្រកាន់ច្រំដែលរបស់ថៃថាកម្ពុជាបំពាទបទឈប់បាញ់
08/02/2025 08:08 PM
Facebook Telegram Linkin
ក្រសួងការងារ បើកយុទ្ធនា​ការជា​ទ្រង់ទ្រា​យធំ​ជំហានទី២ ដើម្បីនាំឱកា​សការងា​រជូនពលក​រខ្មែរដែ​លទើប​ត្រឡប់​ពីថៃ
08/02/2025 07:08 PM
Facebook Telegram Linkin
ឯកឧត្តម ទេសរដ្ឋមន្ត្រី គន់ គីម នាំយកថវិការបស់សម្តេចធិបតី ហ៊ុន ម៉ាណែត ប្រគល់​ជូន​វីរភាព​កងទ័ព​ពលី ចំនួន៤រូប នៅខេត្តឧត្តរមានជ័យ
08/02/2025 07:08 PM
Facebook Telegram Linkin
គណៈប្រតិភូជាន់ខ្ពស់សភាកម្ពុជា អញ្ជើញនិវត្តន៍មកដល់មាតុ​ប្រទេស​វិញ​ដោយ​សុវត្ថិភាព និង​ជោគជ័យ ក្រោយបញ្ចប់បេសកកម្មការទូតសភា នៅទីក្រុងហ្សឺណែវ ប្រទេសស្វីស
08/02/2025 06:08 PM
Facebook Telegram Linkin
សេចក្ដីរាយការណ៍៖ ឥណ្ឌានឹងបន្តទិញប្រេងពីរុស្ស៊ី ទោះមានការគំរាមកំហែងពីលោក Trump
08/02/2025 05:08 PM
Facebook Telegram Linkin
អាមេនី និងសហរដ្ឋអាមេរិក នឹងធ្វើសមយុទ្ធយោធារួមគ្នា ពីថ្ងៃទី ១២ ដល់ទី២០ ខែសីហា
08/02/2025 05:08 PM
Facebook Telegram Linkin
មនុស្សយ៉ាងតិច ៦នាក់ស្លាប់ ខណៈព្យុះត្រូពិក Wipha បង្កឲ្យមានទឹកជំនន់ នៅថៃ
08/02/2025 05:08 PM
Facebook Telegram Linkin
ចិនចោទអាមេរិកថា បានឆ្លៀតយកចន្លោះប្រហោងរបស់ Microsoft ដើម្បីវាយប្រហារតាមប្រព័ន្ធអ៊ីនធឺណិត
08/02/2025 05:08 PM
Facebook Telegram Linkin
នាយឧត្តមសេនីយ៍ វង្ស ពិសេន អញ្ជើញចុះសួរសុខទុក្ខយុទ្ធជនរបួស កំពុង​សម្រាក​ព្យាបាល​នៅ​មន្ទីរ​ពេទ្យព្រះកេតុមាលា
08/02/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.