នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម
សម្ដេចតេជោ អំពាវនាវដល់រាជរដ្ឋាភិបាលយកចិត្តទុកដាក់សាងសង់កន្លែងស្នាក់នៅសម្រាប់សិស្សជាស្ត្រី

នយោបាយ​ និង ការអភិវឌ្ឍន៍

យានចម្លងត្រូវបានធ្វើឱ្យប្រសើរឡើង សម្រាប់បេសកកម្មបាញ់បង្ហោះយានអវកាស Shenzhou-17

2023/10/20 07:12:11 pm        189
Facebook Telegram Linkin
ក្រុមវិស្វករអវកាសចិនបាននិយាយថា យានចម្លងឈ្មោះ Long March-2F របស់ប្រទេសចិន បានឆ្លងកាត់ការធ្វើឱ្យប្រសើរឡើងនូវបច្ចេកទេសជាច្រើន ដើម្បីបង្កើនសុវត្ថិភាព និងភាពជឿជាក់របស់ខ្លួន នៅក្នុងបេសកកម្មបាញ់បង្ហោះយានអវកាស ស៊ិនចូវ-១៧ (Shenzhou-17)។ ទីភ្នាក់ងារអវកាសចិន (CMSA) បាននិយាយថា ការរួមបញ្ចូលគ្នានៃយានអវកាស ស៊ិនចូវ-១៧ និងយានចម្លង Long March-2F ត្រូវបានដឹកជញ្ជូនទៅកាន់មជ្ឈមណ្ឌលបាញ់បង្ហោះផ្កាយរណប ជីវឈាន (Jiuquan) នៅភាគពាយ័ព្យប្រទេសចិន កាលពីថ្ងៃព្រហស្បតិ៍ (១៩ តុលា) ហើយយានអវកាសនេះ នឹងត្រូវបានបាញ់បង្ហោះក្នុងពេលដ៏សមស្របមួយនៅពេលខាងមុខ។លោក ស៊ី យ៉ាវឈីញ (Shi Yaoqxin) វិស្វករនៃក្រុមបាញ់បង្ហោះរ៉ូកែត បាននិយាយថា ដោយផ្អែកលើបទពិសោធន៍នៃការបាញ់បង្ហោះមុនៗ រ៉ូកែត Long March-2F នេះ ត្រូវបានធ្វើឱ្យប្រសើរឡើង និងពិនិត្យបច្ចេកទេសយ៉ាងទូលំទូលាយសម្រាប់បេសកកម្មនេះ។ គ្រឿងបរិក្ខារ និងឧបករណ៍ នៅទីតាំងបាញ់បង្ហោះគឺស្ថិតក្នុងស្ថានភាពល្អប្រសើរ ហើយការត្រួតពិនិត្យមុខងារមុនការបាញ់បង្ហោះផ្សេងៗ និងការធ្វើតេស្តរួមគ្នា នឹងត្រូវបានអនុវត្តតាមការគ្រោងទុកផងដែរ៕

អ្នកគាំទ្រប៉ាឡេស្ទីននៅប្រទេសបារាំង និងអាល្លឺម៉ង់ និយាយថា ខ្លួនពិបាកក្នុងការបញ្ចេញមតិ

2023/10/20 06:55:43 pm        180
Facebook Telegram Linkin
ខណៈដែលមនុស្សរាប់ម៉ឺននាក់ បានចេញតវ៉ាជុំវិញពិភពលោក កាលពីថ្ងៃទី១៣ ខែតុលា ដើម្បីគាំទ្រប៉ាឡេស្ទីន ការតវ៉ាបែបនោះទាំងអស់នៅក្នុងប្រទេសអាល្លឺម៉ង់ និងបារាំង ត្រូវបានហាមឃាត់។ ប្រទេសទាំងពីរ ដែលមានសហគមន៍ជ្វីហ្វ និងមូស្លីមដ៏ធំបំផុតរបស់សហភាពអឺរ៉ុប បានបង្ក្រាបក្រុមគាំទ្រប៉ាឡេស្ទីន ចាប់តាំងពីក្រុមសកម្មប្រយុទ្ធហាម៉ាស បានវាយប្រហារនៅព្រំដែនពីតំបន់ហ្កាហ្សា និងបានសម្លាប់ជនជាតិអ៊ីស្រាអែលជាង ១.៤០០នាក់ កាលពីថ្ងៃទី៧ ខែតុលា មក។រដ្ឋាភិបាលប្រទេសទាំងពីរនិយាយថា ការទប់ស្កាត់នេះ គឺដើម្បីបញ្ឈប់បញ្ហាសណ្តាប់ធ្នាប់សាធារណៈ និងការពារការប្រឆាំងនឹងសាសនា ប៉ុន្តែក្រុមអ្នកគាំទ្រប៉ាឡេស្ទីននិយាយថា ពួកគេមានអារម្មណ៍ថាពិបាកក្នុងការបញ្ចេញមតិ ហើយត្រូវបានរារាំងពីការបង្ហាញជាសាធារណៈនូវការគាំទ្រ ឬការព្រួយបារម្ភ ចំពោះប្រជាជននៅក្នុងតំបន់ហ៊ុមព័ទ្ធ ហ្កាហ្សា ដែលក្រុមហាម៉ាស គ្រប់គ្រង ដោយមិនប្រថុយនឹងការចាប់ខ្លួន ការបណ្ដេញចេញពីការងារ ឬប៉ះពាល់ដល់ស្ថានភាពអន្តោប្រវេសន៍របស់ខ្លួននោះឡើយ។រដ្ឋាភិបាលបារាំង និងអាល្លឺម៉ង់ និយាយថា ពួកគេត្រូវការការពារសហគមន៍ជ្វីហ្វ ដោយសារមានកំណើនយ៉ាងខ្លាំងក្លានៃអំពើហឹង្សាប្រឆាំងសាសនា ចាប់តាំងពីការវាយប្រហារដោយក្រុមហាម៉ាស ដែលត្រូវបានចាត់ទុកថាជាក្រុមភេរវករ ដោយសហភាពអឺរ៉ុប និងប្រទេសមួយចំនួនមក។ ក្រុមសិទ្ធិមនុស្សនិយាយថា សហគមន៍ជ្វីហ្វ ត្រូវតែត្រូវបានការពារ ប៉ុន្តែពួកគេបារម្ភថា ការតវ៉ាស្របច្បាប់នានា ដែលពាក់ព័ន្ធនឹងបញ្ហាជម្លោះនេះ ត្រូវបានគេគាបសង្កត់៕

នាយករដ្ឋមន្រ្តីអ៊ីស្រាអែល៖ ការវាយប្រហាររបស់ក្រុមហាម៉ាស មានគោលបំណងបង្អាក់សន្តិភាពក្នុងមជ្ឈិមបូព៌ា

2023/10/20 06:38:39 pm        144
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បាននិយាយកាលពីថ្ងៃព្រហស្បតិ៍ (១៩ តុលា) ថា ការវាយប្រហាររបស់ក្រុមហាម៉ាស លើអ៊ីស្រាអែល គឺសំដៅលើការទប់ស្កាត់ការពង្រីកសន្តិភាពនៅមជ្ឈិមបូព៌ា ហើយបានអំពាវនាវឱ្យនាយករដ្ឋមន្ត្រីអង់គ្លេស លោក រីស៊ី ស៊ូណាក់ (Rishi Sunak) បន្តគាំទ្រការវាយលុកតំបន់ហ្កាហ្សា របស់អ៊ីស្រាអែល។លោក ស៊ូណាក់ គឺជាមេដឹកនាំលោកខាងលិចចុងក្រោយបំផុត ដែលបានទៅទស្សនកិច្ចទីក្រុងហ្សេរុយសាឡឹម ដើម្បីបង្ហាញការគាំទ្រដល់អ៊ីស្រាអែល និងព្យាយាមចរចាររកវិធីធានាការដោះលែងចំណាប់ថ្នូរ ដែលក្រុមហាម៉ាស បានចាប់ខ្លួន និងសម្រួលការផ្តល់ជំនួយមនុស្សធម៌ដល់ប្រជាជននៅតំបន់ហ្កាហ្សា។លោក ណេតាន់យ៉ាហ៊ូ បាននិយាយថា ការវាយប្រហារពីតំបន់ហ្កាហ្សា ដោយក្រុមអ៊ីស្លាមនិយមប៉ាឡេស្ទីន ហាម៉ាស ដែលបានសម្លាប់មនុស្ស ១.៤០០នាក់ ក្នុងប្រទេសអ៊ីស្រាអែល គឺដើម្បីបង្អាក់ការប៉ុនប៉ងបង្កើតសន្តិភាពកាន់តែទូលំទូលាយនៅក្នុងតំបន់។ លោក ណេតាន់យ៉ាហ៊ូ បានប្រាប់លោក ស៊ូណាក់ នៅឯកិច្ចប្រជុំរបស់ពួកគេក្នុងទីក្រុងហ្សេរុយសាឡឹម ថា «យើងកំពុងស្ថិតនៅលើចំណុចកំពូលនៃការពង្រីកសន្តិភាព ហើយការបំផ្លាញចោលនូវកិច្ចខិតខំប្រឹងប្រែងនោះ គឺជាហេតុផលមួយ ដែលធ្វើឱ្យមានសោកនាដកម្មសង្រ្គាមនេះកើតឡើង»៕

WHO៖ ជំនួយផ្នែកវេជ្ជសាស្រ្ដបានផ្ទុក និងត្រៀមរួចរាល់ហើយសម្រាប់ចូលទៅក្នុងតំបន់ហ្កាហ្សា

2023/10/20 06:34:53 pm        99
Facebook Telegram Linkin
អង្គការសុខភាពពិភពលោក WHO បាននិយាយកាលពីថ្ងៃព្រហស្បតិ៍ (១៩ តុលា) ថា រថយន្តដឹកទំនិញចំនួន ៥គ្រឿង បានត្រៀមរួចរាល់នៅព្រំដែនរវាងតំបន់ហ្កាហ្សា និងប្រទេសអេហ្ស៊ីប ដោយស្របតាមការប្រកាសរបស់អ៊ីស្រាអែលថា ខ្លួននឹងមិនរារាំងជំនួយចូលទៅក្នុងទឹកដីប៉ាឡេស្ទីនឡើយ។អគ្គនាយក WHO លោក Tedros Adhanom Ghebreyesus បានប្រាប់សន្និសីទសារព័ត៌មានមួយថា «រថយន្តដឹកទំនិញរបស់យើងត្រូវបានផ្ទុក និងត្រៀមរួចរាល់ហើយ» ដោយលោកសង្ឃឹមថា ការផ្គត់ផ្គង់នេះនឹងត្រូវបានបញ្ជូនឱ្យបានឆាប់ នៅពេលដែលការឆ្លងកាត់តាមច្រកព្រំដែនរ៉ាហ្វាហ្វ (Rafah) បានបើក ដែល «ច្រកនេះអាចនឹងបើកនៅថ្ងៃសុក្រ (២០ តុលា) នេះ ហើយរថយន្តជំនួយរាប់រយគ្រឿងទៀត នឹងទៅជាបន្តបន្ទាប់ទៀត»។ការដឹកជញ្ជូនជំនួយ ត្រូវបានកំណត់ថាជារឿងទីមួយដែលត្រូវធ្វើ បន្ទាប់ពីអ៊ីស្រាអែលបាននិយាយថា ខ្លួននឹងដាក់ «ការបិទផ្លូវទាំងស្រុង» លើតំបន់ហ្កាហ្សា ស្ទ្រីប ដ៏តូចចង្អៀត ដែលជាជម្រកសម្រាប់មនុស្ស ២,៣លាននាក់ ដោយកាត់ផ្តាច់ការផ្គត់ផ្គង់អគ្គិសនី ព្រមទាំងបញ្ឈប់លំហូរនៃអាហារ និងឥន្ធនៈ ជាការឆ្លើយតបទៅនឹងការវាយប្រហារដ៏បង្ហូរឈាមពីក្រុមហាម៉ាស លើទឹកដីអ៊ីស្រាអែល កាលពីថ្ងៃទី៧ ខែតុលា។ប្រធានផ្នែកសង្គ្រោះបន្ទាន់របស់ WHO លោក Mike Ryan បាននិយាយថា ទីភ្នាក់ងារអង្គការសហប្រជាជាតិ នឹងធ្វើគ្រប់យ៉ាងនៅក្នុងអំណាចរបស់ខ្លួន រួមជាមួយនឹងក្រុមសង្គមកិច្ចអេហ្ស៊ីប និងអឌ្ឍចន្ទក្រហមប៉ាឡេស្ទីន ដើម្បីធានាថា ជំនួយបញ្ជូនទៅដល់អ្នកដែលត្រូវការនៅក្នុងតំបន់ហ្កាហ្សា ជាជាងការបង្វែរទិសដៅ។ ការផ្គត់ផ្គង់របស់អង្គការសុខភាពពិភពលោកនេះ គឺជាផ្នែកមួយនៃក្បួនរថយន្តដែលរំពឹងទុក សម្រាប់រថយន្តដឹកទំនិញចំនួន ២០គ្រឿងចូលទៅក្នុងតំបន់ហ្កាហ្សា៕

កាណាដាដកមន្ត្រីការទូត៤១នាក់ ចេញពីប្រទេសឥណ្ឌា ខណៈជម្លោះកើនឡើង ជុំវិញការសម្លាប់អ្នកផ្តាច់ខ្លួន

2023/10/20 06:28:29 pm        174
Facebook Telegram Linkin
ប្រទេសកាណាដា បាននិយាយកាលពីថ្ងៃព្រហស្បតិ៍ថា ខ្លួនបានដកមន្ត្រីការទូតចំនួន ៤១នាក់ ចេញពីប្រទេសឥណ្ឌា ជាលទ្ធផលបណ្តាលមកពីជម្លោះដ៏ជូរចត់ជុំវិញការសម្លាប់អ្នកផ្តាច់ខ្លួនសាសនាស៊ីក(Sikh) នៅលើទឹកដីប្រទេសកាណាដា។ រដ្ឋមន្ត្រីការបរទេសកាណាដា លោកស្រី Melanie Joly បាននិយាយថា ទីក្រុងញូវដេលី មានផែនការដកអភ័យឯកសិទ្ធិការទូតសម្រាប់អ្នកការទូតទាំងអស់ លើកលែងតែអ្នកការទូតចំនួន ២១ នាក់ និងគ្រួសាររបស់ពួកគេនៅថ្ងៃសុក្រនេះ ដោយបង្ខំឱ្យទីក្រុង Ottawa ដកមន្ត្រីការទូតផ្សេងទៀតចេញ។ លោកស្រី Joly បាននិយាយបន្ថែមថា យើងបានសម្របសម្រួលការចាកចេញដោយសុវត្ថិភាពរបស់ពួកគេពីប្រទេសឥណ្ឌា។ នេះមានន័យថា មន្ត្រីការទូតរបស់យើង និងក្រុមគ្រួសាររបស់ពួកគេបានចាកចេញនៅពេលនេះ។ ទំនាក់ទំនងរវាងប្រទេសឥណ្ឌា និងកាណាដា បានធ្លាក់ចុះ ចាប់តាំងពីនាយករដ្ឋមន្ត្រីលោក Justin Trudeau កាលពីខែមុនបានដាក់ការជាប់ទាក់ទងជាសាធារណៈនូវចារកម្មរបស់ឥណ្ឌាចំពោះការសម្លាប់ពលរដ្ឋកាណាដា លោក Hardeep Singh Nijjar ដែលទីក្រុងញូវឌេលី បានបដិសេធ។ លោក Nijjar ជាអ្នកតស៊ូមតិសម្រាប់រដ្ឋកាន់សាសនាស៊ីក(Sikh) ដែលផ្តាច់ខ្លួន ចេញពីប្រទេសឥណ្ឌា ត្រូវបានអាជ្ញាធរប្រទេសឥណ្ឌាតាមចាប់ខ្លួន ដោយចោទប្រកាន់ពីបទភេរវកម្ម និងការសមគំនិតក្នុងអំពើឃាតកម្ម។លោកស្រី Joly បាននិយាយថា ការដកអភ័យឯកសិទ្ធិការទូតរបស់អ្នកការទូតចំនួន៤១ នាក់ មិនត្រឹមតែពុំធ្លាប់មានពីមុនមកប៉ុណ្ណោះទេ ប៉ុន្តែថែមទាំងផ្ទុយទៅនឹងច្បាប់អន្តរជាតិផងដែរ ហើយប្រទេសកាណាដា ពុំមានផែនការសងសឹកក្នុងករណីបែបនេះទេ ដើម្បីកុំឱ្យស្ថានការណ៍កាន់តែធ្ងន់ធ្ងរថែមទៀត។ លោកស្រី បាននិយាយថា ប្រទេសកាណាដា នឹងបន្តការពារច្បាប់អន្តរជាតិ ដែលអនុវត្តចំពោះប្រទេសទាំងអស់ នឹងបន្តមានទំនាក់ទំនងជាមួយប្រទេសឥណ្ឌា។

រោងចក្រសហគ្រាសចំនួន១៧ រងគ្រោះដោយជំនន់ទឹកភ្លៀង ក្នុងនោះ៤បានផ្អាកបណ្ដោះអាសន្ន

2023/10/20 06:14:19 pm        576
Facebook Telegram Linkin
ភ្នំពេញ៖ មន្រ្តីអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ដោយសារប៉ុន្មានថ្ងៃនេះមានភ្លៀងធ្លាក់ខ្លាំងធ្វើឲ្យតំបន់មួយចំនួន ​ជាពិសេសនៅរាជធានីភ្នំពេញ ខេត្តតាកែវ និងខេត្តកំពង់ស្ពឺ បានរងការជន់លិចដោយជំនន់ទឹកភ្លៀង ធ្វើឲ្យប៉ះពាល់ដល់រោងចក្រ សហគ្រាសចំនួន ១៧ បណ្តាលប៉ះពាល់កម្មករនិយជិតចំនួន ៧ ៧២០នាក់។យោងតាមរបាយការណ៍រោងចក្រ សហគ្រាសដែលរងផលប៉ះពាល់ដោយសារជំនន់ទឹកភ្លៀង​នៅ​តាមរាជធានី-ខេត្ត បានបង្ហាញឲ្យដឹងថា ​ជំនន់ទឹកភ្លៀង​បានបណ្តាលឲ្យរោងចក្រសហគ្រាស​ចំនួន១៧ រងការជន់លិច ក្នុងនរួមមាននៅរាជធានីភ្នំពេញ ​ប៉ះពាល់កម្មករចំនួន ​២ ២១២នាក់, ខេត្តកំពង់ស្ពឺ ប៉ះពាល់កម្មករចំនួន ៤ ៧៤៧នាក់, និងខេត្តតាកែវ ប៉ះពាល់កម្មករចំនួន ៧៦១នាក់។ឯកឧត្តម កត្តា អ៊ន ​រដ្ឋលេខាធិការ​ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ មាន​ប្រសាសន៍ប្រាប់ទូរទស្សន៍ប៊ីធីវីថា ក្នុងចំណោមរោងចក្រដែលរងផលប៉ះពាល់ទាំង ១៧ ខាងលើក្នុងនោះចំនួន ១៣ ជំនន់ទឹកភ្លៀងបានលិចផ្លូវបរិវេណជុំវិញរោងចក្រ ប៉ុន្តែមិន​ប៉ះពាល់ដល់អគារផលិតផ្សេងៗនោះទេដោយរោងចក្រទាំងនោះបើកដំណើរការជាធម្មតា។ ឯកឧត្តម បានបន្តថា ​ចំពោះរោងចក្រចំនួន ៤ផ្សេងទៀត គឺជំនន់ទឹកភ្លៀងបានហូរចូលទៅដល់​អគារផលិត ​ដែលធ្វើឲ្យម្ចាស់រោងចក្រ​ ធ្វើការផ្អាកដំណើរការការងារសិន ហើយប្រសិនបើប៉ុន្មាន​ថ្ងៃទៀតនេះ ភ្លៀងមិនបន្តទេ រោងចក្រទាំង៤នេះ​ នឹងត្រឡប់ចូលធ្វើការធម្មតាវិញ រវាងថ្ងៃទី២០ និង២៣ ខែតុលានេះ។ពាក់ព័ន្ធករណីខាងលើនេះ ឯកឧត្តមរដ្ឋលេខាធិការ ​បានបញ្ជាក់បន្ថែមថា ទាំងនិយោជក និងកម្មករនិយោជិតទាំងអស់ ក្នុងករណីមានការចាំបាច់​ ឬករណីមានអាសន្ន ត្រូវមានការទាក់ទង​តាមប្រព័ន្ធ Hotline លេខ ១២៩៧ ឬតាមរយៈតេឡេក្រាមសម្រាប់និយោជក និងតាមរយៈកម្មករ​និយោជិត ដើម្បីឲ្យអាជ្ញាពាក់ព័ន្ធ ​ក៏ដូចជាក្រសួង ​មានអន្តរាគមន៍ទាន់ពេលវេលា ដើម្បីធានា​សុវត្ថិភាព​ជូនកម្មករនិយោជិត ​និងនិយោជក ​ក្នុងអំឡុងពេលមានទឹកជំនន់ភ្លៀងនេះ៕អត្ថបទ៖​ឈិត បូរ៉ាវី 

រដ្ឋបាលខេត្តព្រះវិហារ បើកវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំ២០២៣

2023/10/20 05:57:35 pm        203
Facebook Telegram Linkin
ព្រះវិហារ៖ នាព្រឹកថ្ងៃទី ១៩ ខែតុលា ឆ្នាំ២០២៣ រដ្ឋបាលខេត្តព្រះវិហារ បានរៀបចំវេទិការផ្សព្វផ្សាយ និងពិគ្រោះ យោបល់របស់ក្រុមប្រឹក្សាខេត្តអាណត្តិទី៣ ប្រព្រឹត្តិទៅក្នុងបរិវេណវត្តប្រាសាទប្រលាន (ហៅវត្តក្រាំងដូង) ស្ថិត នៅក្នុងភូមិក្រាំងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ ។ពិធីនេះ ធ្វើឡើងក្រោមអធិបតីភាពឯកឧត្តម ប្រាក់ សុ វណ្ណ ប្រធានក្រុមប្រឹក្សាខេត្ត ឯកឧត្តម គីម រិទ្ធី អភិបាលនៃគណៈអភិបាលខេត្ត និងមានការអញ្ជើញចូលរួមពី ឯកឧត្តម លោកជំទាវ ជាសមាជិកក្រុមប្រឹក្សាខេត្ត អភិបាលរងខេត្ត កងកម្លាំងទាំងបី ថ្នាក់ដឹកនាំមន្ទីរអង្គភាពជុំ វិញខេត្ត អាជ្ញាធរមូលដ្ឋាន និងប្រជាពលរដ្ឋជាច្រើនរូប ។ថ្លែងក្នុងឱកាសនោះ ឯកឧត្តម ប្រាក់ សុវណ្ណ បានលើកឡើងថា វេទិការនាពេលនេះធ្វើឡើង​ក្នុងគោលបំណង ដើម្បីផ្ដល់ឱកាសជូនប្រជាពលរដ្ឋ និងអ្នកពាក់ព័ន្ធទាំងអស់ បានព្ចោញមតិ​របស់ខ្លួន ​ដែលពាក់ព័ន្ធនឹងក្ដីកង្វល់សំណូមពរ និងតំរូវការជាក់ស្ដែងក្នុងមូលដ្ឋាន ដើម្បីឲ្យ​អាជ្ញាធរមានសម្ថតកិច្ចដោះស្រាយ និងឆ្លើយតបរាល់តំរូវការ សំណូមពរ ដែលបានលើកឡើងចំ​គោលដៅទាន់ពេលវេលា​ ក្នុងការកែលំអរក្នុងសហគមន៍ របស់​ ពួកគាត់ឱ្យកាន់តែល្អប្រសើរ ជាពិសេសពង្រឹងការចូលរូមរបស់ប្រជាពលរដ្ឋ ​លើការអភិវឌ្ឍន៍នៅតាមមូលដ្ឋាន ឲ្យកាន់តែល្អប្រសើរឡើង ដើម្បីឆ្លើយតបទៅនឹងគោលការណ៍នៃការអភិវឌ្ឍន៍តាមបែប​ប្រជាធិបតេយ្យនៅថ្នាក់ ក្រោមជាតិ។ ឯកឧត្តម បានបន្ថែមថា វេទិការផ្សព្វផ្សាយ និងពិគ្រោះយោបល់នាថ្ងៃនេះ​ គឺពិភាក្សាទៅលើ ប្រធានបទមួយចំនួនដូចជា៖ សន្តិសុខសណ្តាប់ធ្នាប់សង្គម ​គោលនយោបាយភូមិ-ឃុំមានសុវត្ថិភាព ការអភិវឌ្ឍ តាមបែបប្រជាធិបតេយ្យនៅថ្នាក់ក្រោមជាតិ ការគ្រប់គ្រងធនធានធម្មជាតិ ការ​ប្រើប្រាស់ដីធ្លី ព្រៃឈើ កសិកម្ម និងជលផល ការងារអប់រំ យុវជន និងកីឡា និងបណ្តុះបណ្តាល​វិជ្ជាជីវៈ សុខភាពអនាម័យ សុខភាពមាតា និង ទារក កិច្ចគាំពាសង្គម ការទប់ស្កាត់ជំងឺឆ្លងកាច​សាហាវ និងបញ្ហាផ្សេងៗ។ក្នុងឱកាសនោះដែរ ឯកឧត្តម គីម រិទ្ធី បានជម្រាបជូនអំពីរបាយការណ៍សង្ខេប ស្តីពី​សមិទ្ធផលសំខាន់ៗ ដែលរដ្ឋបាលខេត្តព្រះវិហារសម្រេចបាននាពេលកន្លងមក ដែលមានដូចជា៖ ការងារសន្តិសុខ សណ្តាប់ធ្នាប់សា ធារណៈ និងវិស័យជាអាទិភាពនានា ។ បន្ថែមពីនេះ ឯកឧត្តម បានឲ្យដឹងថា ក្នុងរយៈពេល ៩ខែ ឆ្នាំ២០២៣ នេះ គ្រប់លទ្ធផលសកម្មភាពទាំងអស់ មានការវិវត្តន៍ និងរីកចម្រើនគួរឲ្យកត់សម្គាល់ ទាំងវិស័យសន្តិសុខ សណ្តាប់ធ្នាប់សាធារណៈ វិស័យសេដ្ឋកិច្ច សង្គមកិច្ច និងហេដ្ឋារចនាសម្ព័ន្ធផ្សេងៗ ដោយមានការចូលរួមពីគ្រប់ មជ្ឈដ្ឋានពាក់ព័ន្ធ អាជ្ញាធរក្រុង-ស្រុក និងមន្ទីរអង្គភាពជំនាញពាក់ព័ន្ធ ។ចូលរួមមតិក្នុងអង្គវេទិការផ្សព្វផ្សាយនាពេលនោះ អាជ្ញាធរភូមិ និងប្រជាពលរដ្ឋ បានលើកឡើងអំពី បញ្ហាមួយចំនួនដូចជា៖ បញ្ហាបណ្តាញអគ្គីសនី ស្ពាន ផ្លូវថ្នល់ ​ដែលរងការខូចខាត ដោយសារ​ជំនន់ទឹកភ្លៀង ការប្រើប្រាស់ដីធ្លី ព្រៃឈើ ​ការផ្តល់ សេវាសុខភាព ​អនាម័យនៅក្នុងមូលដ្ឋានជាដើម ។បញ្ហាទាំងអស់ ដែលបងប្អូនប្រជាពលរដ្ឋ ​បានលើកឡើង ត្រូវបានស្រាយបំភ្លឺ និងសម្រប​សម្រួល​ពីមន្ត្រី ជំនាញពាក់ព័ន្ធ ដើម្បីលើកកម្ពស់ការអភិវឌ្ឍមូលដ្ឋានឲ្យកាន់តែល្អប្រសើរឡើង បង្កើន​ប្រសិទ្ធភាព តម្លាភាព ​និងគណនេយ្យភាពជាមួយប្រជាពលរដ្ឋ ។

ឯកអគ្គរដ្ឋទូតអាល្លឺម៉ង់៖ ពុំមានការផ្គត់ផ្គង់មីស៊ីល Taurus ដល់ប្រទេសអ៊ុយក្រែន នៅពេលនេះទេ

2023/10/20 05:42:44 pm        157
Facebook Telegram Linkin
លោក Martin Jäger ឯកអគ្គរដ្ឋទូតអាល្លឺម៉ង់ប្រចាំនៅអ៊ុយក្រែន បាននិយាយថា រដ្ឋាភិបាលនៅទីក្រុងប៊ែរឡាំង នឹងមិនផ្គត់ផ្គង់ទីក្រុងគីវនូវមីស៊ីលTaurus រយៈចម្ងាយឆ្ងាយ នាពេលនេះទេ។លោក Jäger បានសង្កត់ធ្ងន់ថា បច្ចុប្បន្ននឹងមិនមានការបញ្ជូនមីស៊ីលTaurus ទៅអ៊ុយក្រែនទេ។ តាមគំនិតខ្ញុំ រដ្ឋាភិបាលសហព័ន្ធ និងអធិការបតីអាល្លឺម៉ង់ បានបញ្ជាក់យ៉ាងច្បាស់អំពីរឿងនេះ។ យើងក៏បានជូនដំណឹងដល់រដ្ឋាភិបាលអ៊ុយក្រែនអំពីការសម្រេចចិត្តនេះ និងលម្អិតផងដែរ ហើយសម្រាប់ពេលនេះ នេះជាអ្វីដែលខ្ញុំអាចនិយាយជាសាធារណៈអំពីឱកាសនេះ។នៅពេលជាមួយគ្នានេះ លោកបានបន្ថែមថា ក៏ដូចជាការសម្រេចចិត្តនាពេលថ្មីៗនេះលើមីស៊ីល Taurus ក៏មានព័ត៌មានអំពីការរៀបចំកញ្ចប់ជំនួយរបស់អាល្លឺម៉ង់សម្រាប់អ៊ុយក្រែនក្នុងចំនួនទឹកប្រាក់មួយពាន់លានអឺរ៉ូផងដែរ។ឯកអគ្គរដ្ឋទូតរូបនេះ បាននិយាយថា៖ «វាក៏នឹងរួមបញ្ចូលផងដែរនូវសមាសធាតុសំខាន់ៗ ដែលនឹងជួយពង្រឹងការការពារប្រឆាំងយន្តហោះរបស់អ្នក។ ដូច្នេះ ប្រទេសអាឡឺម៉ង់ ប្រហែលជាអាច ប្រសិនបើអ្នកមិនចាត់ទុកសហរដ្ឋអាមេរិកជាប្រទេសឈានមុខគេ ដែលវិនិយោគលើវិស័យការពារដែនអាកាសរបស់អ្នកនោះ»។

សហរដ្ឋអាមេរិក និយាយថា ចិនបានពង្រីកឃ្លាំងអាវុធនុយក្លេអ៊ែរយ៉ាងខ្លាំងសម្បើម

2023/10/20 05:39:13 pm        149
Facebook Telegram Linkin
សហរដ្ឋអាមេរិកបាននិយាយថា ប្រទេសចិនបានពង្រីកឃ្លាំងអាវុធនុយក្លេអ៊ែររបស់ខ្លួនយ៉ាងខ្លាំងសម្បើមកាលពីឆ្នាំមុន ហើយឥឡូវនេះមានក្បាលគ្រាប់ប្រតិបត្តិការប្រហែល៥០០ គ្រាប់ក្នុងដៃ។ របាយការណ៍ប្រចាំឆ្នាំដែលចេញផ្សាយដោយមន្ទីរបញ្ចកោន ក៏បាននិយាយផងដែរថាទីក្រុងប៉េកាំងសង្ឃឹមថានឹងបង្កើនឃ្លាំងអាវុធរបស់ខ្លួនទ្វេដងដល់ជាង ១.០០០ ក្បាលគ្រាប់នៅឆ្នាំ ២០៣០។ប៉ុន្តែបានបញ្ជាក់ថា ចិននៅតែប្តេជ្ញាចិត្តចំពោះគោលនយោបាយ មិនវាយប្រហារគេមុន ។ ខណៈការណ៍បាននិយាយថា កំណើនលើសពីការព្យាករណ៍ ឃ្លាំងអាវុធរបស់ចិននៅតែស្ថិតក្នុងកម្រិតទាបជាងប្រទេសរុស្ស៊ី និងសហរដ្ឋអាមេរិក។យោងតាមវិទ្យាស្ថានស្រាវជ្រាវសន្តិភាពអន្តរជាតិទីក្រុងស្តុកខំ(Stockholm)ប្រទេសរុស្ស៊ី មានក្បាលគ្រាប់នុយក្លេអ៊ែរចំនួន ៥. ៨៨៩ គ្រាប់ ចំណែកសហរដ្ឋអាមេរិកវិញ មានប្រហែល ៥.២៤៤ក្បាល។កាលពីឆ្នាំ២០២១ ក្រសួងការពារជាតិ អាមេរិក បានប៉ាន់ប្រមាណថាប្រទេសចិនមានក្បាលគ្រាប់ប្រហែល ៤០០ គ្រាប់ ប៉ុណ្ណោះ។មន្ត្រីការពារជាតិអាមេរិកជាន់ខ្ពស់ម្នាក់បានប្រាប់ក្រុមអ្នកយកព័ត៌មាន កាលពីថ្ងៃព្រហស្បតិ៍ថា យើងមិនព្យាយាមស្នើឱ្យមានការចាកចេញដ៏ធំបំផុតពីកន្លែងដែលប្រទេសចិនសម្លឹងឆ្ពោះទៅមុខនោះទេ ប៉ុន្តែយើងកំពុងបញ្ជាក់ថា ពួកគេកំពុងដំណើរការអភិវឌ្ឍន៍កាន់តែខ្លាំងខ្លាជាងមុន ដោយបានបន្ថែមថាបញ្ហានេះ បង្កការព្រួយបារម្ភយ៉ាងខ្លាំងសម្រាប់សហរដ្ឋអាមេរិក។ លោកប្រធានាធិបតី Xi Jinping បានប្រកាសថា ប្រទេសចិននឹងធ្វើជា បង្កើនសមត្ថភាពយោធាឲ្យដល់លំដាប់ពិភពលោក នៅឆ្នាំ២០៤៩ ។ ចាប់តាំងពីលោកឡើងកាន់អំណាចក្នុងឆ្នាំ២០១២ លោកបានព្យាយាមធ្វើទំនើបកម្មកងកម្លាំងប្រដាប់អាវុធរបស់ប្រទេសនេះ៕

វ៉េណេហ្ស៊ុយអេឡា ចាប់ផ្តើមដោះលែងអ្នកទោសនយោបាយ បន្ទាប់ពីឈានដល់កិច្ចព្រមព្រៀងបោះឆ្នោត

2023/10/20 05:30:40 pm        181
Facebook Telegram Linkin
អ្នកចរចាជាន់ខ្ពស់បក្សប្រឆាំង លោក Gerardo Blyde បាននិយាយថា បុរសខ្លាំងរបស់វ៉េណេស៊ុយអេឡា លោក នីកូឡាស ម៉ាឌូរ៉ូ (Nicolás Maduro) បានដោះលែងអ្នកទោសនយោបាយ៥នាក់ កាលពីយប់ថ្ងៃពុធ ប៉ុន្មានម៉ោងបន្ទាប់ពីរដ្ឋាភិបាលសហរដ្ឋអាមេរិក បានប្រកាសថា ខ្លួននឹងដកទណ្ឌកម្មមួយផ្នែកលើរបបសង្គមនិយមរបស់ប្រទេសនេះ។សំណើដែលមិនបានបញ្ជាក់ បានបង្ហាញថា គូប្រជែងទី៦ម្នាក់ទៀត ក៏ត្រូវបានដោះលែង នៅព្រឹកថ្ងៃព្រហស្បតិ៍ ហើយការដោះលែងថ្មី អាចកើតឡើង ក្នុងអំឡុងពេលថ្ងៃនោះដែរ។ក្នុងចំណោមអ្នកទោស ដែលត្រូវបានដោះលែងពីពន្ធនាគារវ៉េណេហ្ស៊ុយអេឡា កាលពីយប់ថ្ងៃពុធ មានសមាជិកសភាប្រឆាំងលោក Juan Requesens ( វ៉ាន់ រេក្វេសិន) ដែលឥឡូវនេះ នឹងត្រូវដាក់ឲ្យស្ថិតនៅក្រោមការឃុំខ្លួនក្នុងផ្ទះ និងអ្នកសារព័ត៌មាន លោក Roland Carreño ( រ៉ូណាល់ ការេញ៉ូ) ដែលជាអ្នកសហការជិតស្និទ្ធរបស់អតីតមេដឹកនាំបក្សប្រឆាំង លោក Juan Guaido( វ៉ាន ក្វាយដូ) ។លោក Marco Garcés ដែលត្រូវបានឃុំខ្លួនរួមជាមួយអតីតទាហានម៉ារីនអាមេរិក លោក Matthew Heath លោក Eurinel Rincón អតីតលេខាក្រសួងការពារជាតិ ដែលត្រូវបានចោទប្រកាន់ពីបទក្បត់ជាតិ និង លោក Mariana Barreto ជាប់ពន្ធនាគារពីបទតវ៉ាភាពមិនប្រក្រតីក្នុងការផ្គត់ផ្គង់ប្រេងសាំងនៅរដ្ឋTrujillo ក៏ត្រូវបានដោះលែងដែរ។

បណ្ដាញសង្គម

ព័ត៌មានថ្មីៗ

នាយករដ្ឋមន្រ្តីជប៉ុន សន្យាមិនឲ្យកើតមានម្តងទៀតជាដាច់ខាតសោកនាដកម្មសង្រ្គាម
08/16/2026 02:08 PM
Facebook Telegram Linkin
ប្រជាពលរដ្ឋមានបញ្ហាជំងឺភ្នែកមកពីខេត្តកំពង់ធំ ទទួលបានការពិនិត្យ និងព្យាបាលឥតគិតថ្លៃ នៅមន្ទីរពេទ្យរុស្ស៉ី
08/16/2026 02:08 PM
Facebook Telegram Linkin
គណៈប្រតិភូហាម៉ាសនឹងទៅកាន់អេហ្ស៊ីបដើម្បីពិភាក្សាពីបញ្ហាសំខាន់ៗក្នុងកិច្ចព្រមព្រៀងក្រុមប្រឹក្សាសន្តិភាពហ្កាហ្សា
08/16/2026 02:08 PM
Facebook Telegram Linkin
ប្រធានាធិបតីអ៊ីរ៉ង់ដាក់ការសម្តីបន្ទោសអតិផរណាខ្ពស់លើការបិទផ្លូវរបស់អាមេរិក និងទណ្ឌកម្មប្រេង
08/16/2026 02:08 PM
Facebook Telegram Linkin
[UPDATE] ក្ដីសង្ឃឹមនៅកូឡុំប៊ីររសាត់កាន់តែឆ្ងាយ ខណៈសាកសពជាច្រើនទៀតត្រូវ​បានរក​ឃើញ​ជាច្រើន​ថ្ងៃក្រោយរញ្ជួយដីដ៏ខ្លាំងក្លា
08/16/2026 02:08 PM
Facebook Telegram Linkin
កិច្ចខិតខំបោសសម្អាតចាប់ផ្តើមនៅតំបន់ភាគខាងត្បូងលីបង់ ក្រោយការវាយប្រហាររបស់អ៊ីស្រាអែលសម្លាប់មនុស្ស ៩នាក់
08/16/2026 01:08 PM
Facebook Telegram Linkin
នាយករដ្ឋមន្រ្តីអង់គ្លេសអនុញ្ញាតឲ្យមានការផ្តល់ហិរញ្ញប្បទានបន្ថែមទៀតសម្រាប់កសិកររងផលប៉ះពាល់ដោយសារគ្រោះរាំងស្ងួត
08/16/2026 01:08 PM
Facebook Telegram Linkin
ការរញ្ជួយដីបានអង្រួនទីក្រុងGranada របស់អេស្ប៉ាញ បង្កការខូចខាតអគារ និងរថយន្ត
08/16/2026 01:08 PM
Facebook Telegram Linkin
អ្នកតំណាងរាស្ត្រមណ្ឌលកំពតប្តេជ្ញាបន្តលើកកម្ពស់ធនធានមនុស្ស និងព្រះពុទ្ធសាសនា
08/16/2026 01:08 PM
Facebook Telegram Linkin
មន្ត្រីរាជការខេត្តកំពតជាង ១.៤ ពាន់នាក់ទទួលមេដាយការងារ ជាការទទួលស្គាល់ការលះបង់បម្រើជាតិ
08/16/2026 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.