នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

បឹងជ្រៅបំផុតក្នុងពិភពលោករបស់អាមេរិកខាងត្បូង កំពុងរីងស្ងួត

2023/09/04 11:42:07 am        246
Facebook Telegram Linkin
អាមេរិកខាងត្បូង៖ នីវ៉ូទឹកនៅបឹង Titicaca ដែលជាបឹងដែលអាចវាស់វែងបានថាជ្រៅបំផុតក្នុងពិភពលោក និងធំជាងគេនៅអាមេរិកខាងត្បូង កំពុងធ្លាក់ចុះយ៉ាងគំហុក បន្ទាប់ពីរលកកម្ដៅរដូវរងាដែលមិនធ្លាប់មានពីមុនមក។ការធ្លាក់ចុះនៃកម្រិតទឹកបឹងគួរឱ្យភ្ញាក់ផ្អើលនោះ កំពុងប៉ះពាល់ដល់វិស័យទេសចរណ៍ នេសាទ និងកសិកម្ម ដែលជាការពឹងពាក់អាស្រ័យអ្នកស្រុក ក្នុងការប្រកបរបរចិញ្ចឹមជីវិត។ អ្នកទេសចរណ៍ជាច្រើនត្រូវបានទាក់ទាញដោយសារទឹកពណ៌ខៀវ និងផ្ទៃមេឃដ៏ធំល្វឹងល្វើយនៃបឹងដ៏ធំបំផុតរបស់អាមេរិកខាងត្បូង ដែលលាតសន្ធឹងលើផ្ទៃដីជាង៨.២០០ម៉ែត្រក្រាឡា ឆ្លងកាត់ព្រំដែននៃប្រទេសប៉េរូ និងបូលីវីមួយនេះ។ប្រជាជនជាងបីលាននាក់រស់នៅជុំវិញបឹងនេះ ដោយពឹងផ្អែកលើទឹករបស់វាដើម្បីនេសាទ ធ្វើស្រែចម្ការ និងទាក់ទាញភ្ញៀវទេសចរ ដែលជំរុញដល់សេដ្ឋកិច្ចនៃតំបន់ដែលនៅមានការខ្វះខាតនេះ។ ឥឡូវនេះ បឹងនោះមានហានិភ័យក្នុងការបាត់បង់ភាពទាក់ទាញរបស់វា។ខណៈពេលដែលនីវ៉ូទឹក ត្រូវបានគេដឹងថាប្រែប្រួលជារៀងរាល់ឆ្នាំ ការផ្លាស់ប្តូរទាំងនេះកាន់តែធ្ងន់ធ្ងរទៅ ដោយសារវិបត្តិអាកាសធាតុ។ យោងតាមអ្នកឧតុនិយមរបស់សារព័ត៌មាន CNN លោក Taylor Ward បានឱ្យដឹងថា រលកកម្ដៅរដូវរងាដ៏ខ្លាំងក្លា បាននាំឱ្យមានកំណើននៃការហួតហែង និងការថយចុះកម្រិតទឹកក្នុងបឹង ដែលបណ្ដាលឲ្យស្ថានភាពនីវ៉ូទឹកកាន់តែអាក្រក់ឡើងមកពីគ្រោះរាំងស្ងួត៕

សភាអាហ្រ្វិកខាងត្បូង នឹងបើកការស៊ើបអង្កេតលើអគ្គិភ័យដែលបានសម្លាប់មនុស្ស៧៧នាក់ នៅទីក្រុងចូហានណេសប៊ឺក

2023/09/04 11:38:53 am        88
Facebook Telegram Linkin
អាហ្វ្រិកខាងត្បូង៖សភាអាហ្វ្រិកខាងត្បូងបាននិយាយថា ខ្លួននឹងបើកការស៊ើបអង្កេតលើអគ្គិភ័យដ៏មហន្តរាយនៅទីក្រុងចូហានណេសប៊ឺក (Johannesburg) ។ អគ្គិភ័យដែលបានលេបត្របាក់អគារកម្ពស់ប្រាំជាន់នៅទីក្រុងចូហានណេសប៊ឺក កាលពីព្រឹកថ្ងៃព្រហស្បតិ៍នោះ បានបណ្តាលឲ្យមនុស្សយ៉ាងហោចណាស់៧៧នាក់ស្លាប់ និងមនុស្សរាប់សិបនាក់ទៀតរងរបួស។សេចក្តីថ្លែងការណ៍ដែលបានចេញផ្សាយដោយសភាអាហ្រ្វិកខាងត្បូងកាលពីថ្ងៃសៅរ៍ (២កញ្ញា) បាននិយាយថា គណៈកម្មាធិការត្រួតពិនិត្យពាក់ព័ន្ធនៃសភា នឹងត្រូវបានចាត់តាំងភ្លាមៗដើម្បី «ត្រួតពិនិត្យទាំងកិច្ចខិតខំប្រឹងប្រែងភ្លាមៗ និងរយៈពេលវែងក្នុងសាខាផ្សេងៗនៃរដ្ឋាភិបាល ក្នុងការឆ្លើយតបទៅនឹងគ្រោះមហន្តរាយនេះ»។លើសពីនេះទៅទៀត សេចក្តីថ្លែងការណ៍នោះបានបន្ថែមថា «គណៈកម្មាធិការដែលត្រូវបានចាត់តាំងក៏នឹងស៊ើបអង្កេតលក្ខខណ្ឌនៃអគារឯកជន និងរបស់រដ្ឋាភិបាលផងដែរ ដោយផ្តោតលើការអនុលោមតាមបទប្បញ្ញត្តិសុវត្ថិភាពរបស់ពួកគេ»។ ជាថ្មីម្តងទៀត សភាអាហ្រ្វិកខាងត្បូងបានចូលរួមរំលែកទុក្ខដ៏ក្រៀមក្រំបំផុតរបស់ខ្លួនចំពោះគ្រួសារដែលបានបាត់បង់មនុស្សជាទីស្រឡាញ់របស់ពួកគេនៅក្នុងសោកនាដកម្មនោះផងដែរ៕

រន្ទះបាញ់បានសម្លាប់មនុស្ស១០នាក់នៅរដ្ឋ Odisha ប្រទេសឥណ្ឌា

2023/09/04 11:35:16 am        123
Facebook Telegram Linkin
ឥណ្ឌា៖ មន្ត្រីជាន់ខ្ពស់ក្នុងរដ្ឋាភិបាលរដ្ឋរបស់ប្រទេសឥណ្ឌាម្នាក់ បាននិយាយកាលពីថ្ងៃអាទិត្យ(៣កញ្ញា) ថា មនុស្សយ៉ាងហោចណាស់១០នាក់ បានស្លាប់ និង៣នាក់ទៀត បានរងរបួសធ្ងន់នៅក្នុងរដ្ឋ Odisha ភាគខាងកើតនៃប្រទេសឥណ្ឌា ដោយសារតែការវាយប្រហារដោយរន្ទះ ពេលកំពុងមានភ្លៀងធ្លាក់ខ្លាំងក្នុងរយៈពេល២៤ម៉ោងកន្លងមកនេះ។យោងតាមមន្ត្រីជាន់ខ្ពស់រូបនោះបានឲ្យដឹងថា ការវាយប្រហារដោយរន្ទះបានសម្លាប់មនុស្ស៤នាក់នៅក្នុងស្រុក Khurda និងសម្លាប់មនុស្ស២នាក់នៅស្រុក Bolangir មនុស្ស៤នាក់ទៀតបានស្លាប់នៅក្នុងស្រុកផ្សេងៗទៀតរបស់រដ្ឋនេះ។ លោកបានបន្ថែមថា មនុស្សបីនាក់នៅទីក្រុង Khurda ក៏បានរងរបួសក្នុងការវាយប្រហារដោយរន្ទះផងដែរ។ តំបន់ឆ្នេរនៃរដ្ឋ Odisha រួមទាំងទីក្រុងភ្លោះ Bhubaneswar និងទីក្រុង Cuttack ក៏មានភ្លៀងធ្លាក់ខ្លាំងកាលពីថ្ងៃសៅរ៍ផងដែរ។នាយកដ្ឋានឧតុនិយមឥណ្ឌា (IMD) បានព្យាករណ៍ថា ស្ថានភាពស្រដៀងគ្នានឹងបន្តនៅក្នុងផ្នែកខ្លះនៃរដ្ឋក្នុងរយៈពេល៥ថ្ងៃខាងមុខទៀត។ ទីភ្នាក់ងារ IMD ក៏បានណែនាំប្រជាជនឱ្យជ្រកនៅកន្លែងមានសុវត្ថិភាពក្នុងពេលមានព្យុះផ្គររន្ទះផងដែរ៕

អាមេរិក រំពឹងថានឹងជំរុញទំនាក់ទំនងជាមួយវៀតណាម ខណៈប្រឈមនឹងការផ្ទុះកំហឹងពីប្រទេសចិន

2023/09/04 11:18:00 am        132
Facebook Telegram Linkin
អាមេរិក៖ សហរដ្ឋអាមេរិក រំពឹងថានឹងជំរុញកាន់តែប្រសើរនូវទំនាក់ទំនងការទូតរបស់ខ្លួនជាមួយអតីតសត្រូវ វៀតណាមឲ្យឈានដល់កម្រិតខ្ពស់ ខណៈប្រធានាធិបតីលោក Joe Biden ធ្វើដំណើរទស្សនកិច្ចទៅកាន់ទីក្រុងហាណូយក្នុងសប្តាហ៍នេះ ជាចំណាត់ការមួយដែលអាចធ្វើឲ្យប្រទេសចិនមានកំហឹង និងជាមួយការអនុវត្តន៍ពាណិជ្ជកម្មមិនច្បាស់លាស់។ ដោយមានការព្រួយបារម្ភពីប្រតិកម្មដ៏ខ្លាំងក្លាពីប្រទេសជិតខាងធំមួយរបស់ខ្លួន ប្រទេសវៀតណាមបានបង្ហាញការប្រុងប្រយ័ត្នជាចម្បងអំពីការជំរុញទំនាក់ទំនងនេះ។ បញ្ហានេះបាននាំឲ្យរដ្ឋបាលរបស់លោក Biden បង្កើនកិច្ចប្រឹងប្រែងដើម្បីបញ្ចុះបញ្ចូលប្រទេសអាស៊ីអាគ្នេយ៍មួយនេះ រួមទាំងតាមរយៈដំណើរទស្សនកិច្ចច្រើនលើកពីសំណាក់សមាជិកជាន់ខ្ពស់របស់រដ្ឋាភិបាលអាមេរិក ក្នុងរយៈពេលប៉ុន្មានខែថ្មីៗនេះ។ លោក Biden បាននិយាយជាសាធារណៈកាលពីខែកក្កដា ហើយមន្ត្រីនៅក្នុងប្រទេសទាំងពីរ បានសម្តែងសុទិដ្ឋិនិយមមិនផ្លូវការអំពីការជំរុញជំហាននេះ ទោះបីជាគ្មានសេចក្តីថ្លែងការណ៍ផ្លូវការ ត្រូវបានចេញផ្សាយពីរដ្ឋាភិបាលទាំងពីរក៏ដោយ។ ប្រហែលជាការព្យាយាមដើម្បីធ្វើឲ្យទីក្រុងប៉េកាំងមានភាពធូស្រាល ប្រទេសវៀតណាមកំពុងពិភាក្សាអំពីដំណើរទស្សនកិច្ចកម្រិតខ្ពស់មកកាន់ទីក្រុងហាណូយ ភ្លាមៗមុនពេលការមកដល់របស់លោក Biden នៅថ្ងៃទី១០ ខែកញ្ញា ដោយមន្ត្រីជាច្រើន និយាយថា ប្រធានាធិបតីចិន លោក Xi Jinping និងនាយករដ្ឋមន្ត្រីលោក Li Qiang អាចជួបមេដឹកនាំវៀតណាមនៅក្នុងប៉ុន្មាថ្ងៃឬសប្តាហ៍ខាងមុខនេះ។ក្រសួងការបរទេសចិន ពុំបានឆ្លើយតបភ្លាមៗចំពោះសំណើសុំការអត្ថាធិបាយនោះទេនៅថ្ងៃចន្ទនេះ។ លោក Le Hong Hiep មន្ត្រីជាន់ខ្ពស់នៅវិទ្យាស្ថាន Iseas–Yusof Ishak របស់ប្រទេសសឹង្ហបុរី បាននិយាយថា ហានីភ័យដែលការជំរុញទ្វេដងថាទីក្រុងវ៉ាស៊ីនតោន មិនអាចធ្លាក់ចុះនោះទេនៅក្នុងទីក្រុងប៉េកាំង ដែលនៅតែមានខ្ពស់ប៉ុន្តែមេដឹកនាំកុម្មុយន្នីសវៀតណាមអាចប៉ាន់ប្រមាណពីពេលវេលាដ៏ល្អបំផុតសម្រាប់សកម្មភាពនាពេលបច្ចុប្បន្ន ខណៈទំនាក់ទំនងសហរដ្ឋអាមេរិកជាមួយប្រទេសចិនទំនងជាយ៉ាប់យ៉ឺនខ្លាំងនៅពេលអនាគត៕

នាយករដ្ឋមន្ត្រីអាមេនី៖ការពឹងផ្អែកលើរុស្ស៊ីតែមួយគត់សម្រាប់សន្តិសុខ គឺជាកំហុសយុទ្ធសាស្ត្រ

2023/09/04 11:12:20 am        94
Facebook Telegram Linkin
អាមេនី៖នាយករដ្ឋមន្ត្រីអាមេនី បានថ្លែងថា គោលនយោបាយរបស់ប្រទេសខ្លួនដែលពឹងផ្អែកតែលើរុស្ស៊ី ដើម្បីធានាសន្តិសុខរបស់ខ្លួន គឺជាកំហុសយុទ្ធសាស្ត្រមួយ ដោយសារទីក្រុងមូស្គូ មិនអាចផ្តល់ឲ្យបាន ហើយកំពុងស្ថិតក្នុងដំណើរការកាត់បន្ថយតួនាទីរបស់ខ្លួន នៅក្នុងតំបន់ទូលំទូលាយនេះ។នៅក្នុងបទសម្ភាសន៍ជាមួយសារព័ត៌មានអ៊ីតាលី La Repubblica ដែលបានចេញផ្សាយកាលពីថ្ងៃអាទិត្យ លោក នីកូល ប៉ាស៊ីនយ៉ាន (Nikol Pashinyan) បានចោទរុស្ស៊ីថា បានខកខានក្នុងការធានាសន្តិសុខរបស់ប្រទេសអាមេនីចំពោះមុខអ្វីដែលលោកបាននិយាយថា ជាការឈ្លានពានពីប្រទេសជិតខាង អាស៊ែបៃហ្សង់ជុំវិញតំបន់បែងចែកគ្នាណាហ្គ័រណូ-ការ៉ាបាក់ ( Nagorno-Karabakh)។លោកប៉ាស៊ីនយ៉ាន បានបញ្ជាក់ថា ទីក្រុងមូស្គូដែលមានកតិកាសញ្ញាការពារជាតិជាមួយអាមេនី និងមូលដ្ឋានទ័ពនៅទីនោះ មិនបានចាត់ទុកប្រទេសរបស់លោកថា ជាប្រទេសគាំទ្ររុស្ស៊ីគ្រប់គ្រាន់ទេ ហើយបាននិយាយថា លោកជឿថា រុស្ស៊ីកំពុងស្ថិតក្នុងដំណើរការចាកចេញពីតំបន់កូកាស (Caucasus) ខាងត្បូងដ៏ធំនោះ។លោកបាននិយាយថា ដូច្នេះទីក្រុងយ៉េរ៉េវ៉ាន់ ( Yerevan) កំពុងព្យាយាមពង្រីករៀបចំសន្តិសុខរបស់ខ្លួន ដែលជាការយោងជាក់ស្តែងចំពោះទំនាក់ទំនងរបស់ខ្លួនជាមួយសហភាពអឺរ៉ុប និងសហរដ្ឋអាមេរិក និងកិច្ចខិតខំប្រឹងប្រែង ដើម្បីបង្កើតទំនាក់ទំនងជិតស្និទ្ធជាមួយប្រទេសដទៃទៀតនៅក្នុងតំបន់។

ប្រធានរដ្ឋសភានៃសាធារណរដ្ឋកូរ៉េ នឹងដឹកនាំគណៈប្រតិភូជាន់ខ្ពស់មកបំពេញទស្សនកិច្ចជាផ្លូវការ នៅកម្ពុជាចាប់ពីថ្ងៃទី៦ ដល់ថ្ងៃទី៩ ខែកញ្ញានេះ

2023/09/04 10:55:44 am        71
Facebook Telegram Linkin
ភ្នំពេញ៖ អគ្គលេខាធិការដ្ឋានរដ្ឋសភា បានឱ្យដឹងថា តបតាមការអញ្ជើញរបស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ឯកឧត្តម គឹម ជីន លូ (Kim Jin Pyo) ប្រធានរដ្ឋសភា នៃសាធារណរដ្ឋកូរ៉េ នឹងដឹកនាំគណៈប្រតិភូ ជាន់ខ្ពស់រដ្ឋសភា នៃសាធារណរដ្ឋកូរ៉េ មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា ​ចាប់ពីថ្ងៃទី៦ ដល់ថ្ងៃទី៩ ខែកញ្ញា ឆ្នាំ២០២៣។នៅក្នុងកំឡុងពេលនៃដំណើរទស្សនកិច្ចនេះ ​គណៈប្រតិភូជាន់ខ្ពស់រដ្ឋសភានៃសាធារណរដ្ឋកូរ៉េ គ្រោង នឹងមានកម្មវិធីជួបជាមួយថ្នាក់ដឹកនាំជាន់ខ្ពស់ ​នៃព្រះរាជាណាចក្រកម្ពុជា ជាអាទិ៍៖ ចូលជួប​សម្តែងការគួរសមជាមួយ សម្តេចវិបុលសេនាភក្តី ​សាយ ឈុំ ប្រមុខរដ្ឋស្តីទី។ចូលជួបសម្តែងការគួរសមជាមួយ​សម្តេចអគ្គមហាសេនាបតីតេជោ ហ៊ុន សែន ប្រធានក្រុមផ្ទាល់ព្រះមហាក្សត្រ។ ចូលជួបសម្តែងការគួរសមជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឧត្ដមប្រឹក្សា និងចូលជួបសម្តែងការគួរសម និងពិភាក្សាការងារទ្វេភាគីជាមួយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ដើម្បី​ពង្រឹងពង្រីកចំណងមិត្តភាព និងកិច្ចសហប្រតិបត្តិការ រវាងស្ថាប័ននីតិប្បញ្ញត្តិ នៃប្រទេសទាំងពីរ៕

ព្យុះភ្លៀងនៅសហរដ្ឋអាមេរិក បានប៉ះពាល់ដល់មនុស្សរាប់ម៉ឺននាក់នៅក្នុងពិធីបុណ្យ Burning Man

2023/09/04 10:53:41 am        103
Facebook Telegram Linkin
អាមេរិក៖ មនុស្សរាប់ម៉ឺននាក់ដែលចូលរួមពិធីបុណ្យ Burning Man ប្រចាំឆ្នាំ ត្រូវបានរងផលប៉ះពាល់ បន្ទាប់ពីមានព្យុះភ្លៀងយ៉ាងខ្លាំងនៅក្នុងសហរដ្ឋអាមេរិក។ ជាមួយនឹងទីតាំងនៃពិធីបុណ្យត្រូវបានបិទ អ្នកចូលរួមជាច្រើនត្រូវបានស្នើសុំឱ្យជ្រកកោននៅនឹងកន្លែង ព្រមទាំងផ្ដល់ជូនអាហារ និងទឹកផងដែរ។ កាលពីថ្ងៃអាទិត្យ (៣ កញ្ញា) ក្រុមអាជ្ញាធររដ្ឋ Nevada បាននិយាយថាពួកគេកំពុងស៊ើបអង្កេតការស្លាប់មួយករណី។ នៅក្នុងសេចក្តីថ្លែងការណ៍មួយ ការិយាល័យតម្រួតក្នុងតំបន់បាននិយាយថា ការស្លាប់នោះបានកើតឡើងក្នុងអំឡុងពេលព្យុះភ្លៀងកាលពីថ្ងៃសៅរ៍ ហើយពួកគេមិនបានផ្តល់ព័ត៌មានលម្អិតបន្ថែមអំពីការស្លាប់ ឬបញ្ចេញអត្តសញ្ញាណរបស់អ្នកស្លាប់នោះទេ។ យោងតាមការបង្ហោះប្រព័ន្ធផ្សព្វផ្សាយសង្គមបានឲ្យដឹងថា ការចូលទៅកាន់ និងចាកចេញពីទីក្រុង Black Rock ដែលជាទីតាំងព្រឹត្តិការណ៍នៃពិធីបុណ្យ Burning Man នោះត្រូវបានបិទ។យោងតាមគេហទំព័ររបស់ព្រឹត្តិការណ៍នេះបានឲ្យដឹងថា ជារៀងរាល់ឆ្នាំ អ្នកចូលរួមជាង៦០.០០០នាក់ធ្វើដំណើរទៅ និងមកពីតំបន់ដាច់ស្រយាលនៅភាគពាយព្យនៃរដ្ឋ Nevada មួយនេះ។ អ្នកចូលរួមប្រមូលផ្តុំនៅក្នុងទីក្រុងបណ្តោះអាសន្ននោះដើម្បីធ្វើសិល្បៈ រាំ និងរីករាយជាមួយសហគមន៍ ដោយចំណាយអស់៥៧៥ដុល្លារក្នុងមនុស្សម្នាក់ សម្រាប់តម្លៃសំបុត្រធម្មតា៕

ការអង្គុយតវ៉ារបស់ពលរដ្ឋនីហ្សេ នៅមូលដ្ឋានទ័ពបារាំង ទាមទារឲ្យដកកងទ័ពចេញឈានចូលដល់យប់ទី២

2023/09/04 10:25:04 am        254
Facebook Telegram Linkin
នីហ្សេ៖ ពលរដ្ឋនីហ្សេរាប់រយនាក់ បានច្រៀង និងរាំ ខណៈពួកគេបានបន្តអង្គុយតវ៉ាចូលដល់យប់ទី២ កាលពីថ្ងៃអាទិត្យទី៣ខែកញ្ញា នៅមូលដ្ឋានទ័ពបារាំងនៅក្នុងរដ្ឋធានីញ៉ាម៉េ (Niamey)។  ការអង្គុយតវ៉ានេះ កើតឡើងបន្ទាប់ពីការតវ៉ាដ៏ធំទាមទារឱ្យមានការដកកងទ័ពបារាំង ជាលទ្ធផលនៃរដ្ឋប្រហារយោធាដ៏ពេញនិយមដែលទីក្រុងប៉ារីសបដិសេធមិនទទួលស្គាល់។ រដ្ឋប្រហារថ្ងៃទី២៦ ខែកក្កដា ដែលជារដ្ឋប្រហារមួយក្នុងចំណោមរដ្ឋប្រហារចំនួន៨ នៅអាហ្វ្រិកខាងលិច និងកណ្តាលចាប់តាំងពីឆ្នាំ ២០២០ បានធ្វើឲ្យមហាអំណាចពិភពលោកព្រួយបារម្ភអំពីការផ្លាស់ប្តូរទៅជាការគ្រប់គ្រងដោយយោធានៅទូទាំងតំបន់។ការប៉ះពាល់ធ្ងន់ធ្ងរបំផុតគឺប្រទេសបារាំងដែលឥទ្ធិពលលើអតីតអាណានិគមរបស់ខ្លួនបានធ្លាក់ចុះនៅអាហ្វ្រិកខាងលិចក្នុងប៉ុន្មានឆ្នាំថ្មីៗនេះ។ កងកម្លាំងរបស់ខ្លួនត្រូវបានបណ្តេញចេញពីប្រទេសជិតខាងរបស់ម៉ាលី និងបួគីណាហ្វាសូ ចាប់តាំងពីមានរដ្ឋប្រហារនៅក្នុងប្រទេសទាំងនោះ ដោយកាត់បន្ថយការត្រួតពិនិត្យរបស់ខ្លួនលើការប្រយុទ្ធទូទាំងតំបន់ ដើម្បីយកឈ្នះលើក្រុមបះបោរអ៊ីស្លាមនិយម។សកម្មភាពប្រឆាំងប្រទេសបារាំង បានកើនឡើង ចាប់តាំងពីរដ្ឋប្រហារមក ប៉ុន្តែ បានរំជួបរំជួបបន្ថែមទៀត កាលពីសប្ដាហ៍មុន នៅពេលប្រទេសបារាំងមិនអើពើទៅនឹងបញ្ជារបស់របបសឹក តម្រូវឲ្យឯកអគ្គរដ្ឋទូតចាកចេញពីប្រទេសនវ ។ នីហ្សេ ក៏បានកាត់ផ្ដាច់ការសម្របសម្រួលខាងយោធាជាមួយកងកម្លាំងរបស់ប្រទេសបារាំង៕

នាយករដ្ឋមន្ត្រីម៉ាឡេស៊ី សាទរប្រធានាធិបតីជាប់ឆ្នោតប្រទេសសឹង្ហបុរី

2023/09/04 10:21:50 am        252
Facebook Telegram Linkin
ម៉ាឡេស៊ី៖ នាយករដ្ឋមន្ត្រីប្រទេសម៉ាឡេស៊ី លោក Anwar Ibrahim បានសាទរអតីតរដ្ឋមន្ត្រីជាន់ខ្ពស់លោកTharman Shanmugaratnam បន្ទាប់ពីជ័យជម្នះរបស់លោកក្នុងការបោះឆ្នោតប្រធានាធិបតីសឹង្ហបុរី កាលពីថ្ងៃសុក្រទី១ ខែកញ្ញា។ លោក Anwar បាននិយាយនៅលើការបង្ហោះតាមបណ្តាញសង្គម facebook កាលពីថ្ងៃអាទិត្យថា «សូមអបអរសាទរចំពោះលោក Tharman Shanmugaratnam ជាប្រធានាធិបតីថ្មីរបស់សាធារណៈរដ្ឋសឹង្ហបុរី»។លោកបានសម្តែងពីបំណងរបស់លោកថាទំនាក់ទំនងនិងកិច្ចសហប្រតិបត្តិការទ្វេភាគី រវាងប្រទេសម៉ាឡេស៊ីនិងសឹង្ហបុរី នឹងបន្តក្នុងស្មារតីជាគ្រួសារមួយ ដែលនឹងផ្តល់ផលប្រយោជន៍ដល់ប្រជាជនរបស់ប្រទេសទាំងពីរ។ លោក Anwar សង្ឃឹមថាសឹង្ហបុរី នឹងបន្តទទួលបានជោគជ័យក្រោមការដឹកនាំរបស់លោក Tharman។ការបោះឆ្នោតប្រធានាធិបតីកាលពីថ្ងៃសុក្រ លោក Tharman ទទួលបានសំឡេងឆ្នោត៧០,៤ភាគរយ បន្ទាប់មក លោក Ng Kok Song អតីតប្រធានការិយាល័យវិនិយោគក្រុមហ៊ុន GIC ទទួលបានសំឡេងឆ្នោត១៥.៧២ភាគរយ និងអតីតប្រធានក្រុមហ៊ុនធានារ៉ាប់រង NTUC លោក Tan Kin Lian ទទួលបានសំឡេងឆ្នោត១៣.៨៨ ភាគរយ៕

អ្នករាយការណ៍ពិសេសរបស់UNទទួលបន្ទុកសិទ្ធិមនុស្សកូរ៉េខាងជើងនឹងធ្វើទស្សនកិច្ចនៅទីក្រុងសេអ៊ូលក្នុងសប្តាហ៍នេះ

2023/09/04 10:18:05 am        246
Facebook Telegram Linkin
កូរ៉េខាងជើង៖ អ្នករាយការណ៍ពិសេសរបស់UNទទួលបន្ទុកសិទ្ធិមនុស្សរបស់ប្រទេសកូរ៉េខាងជើង គ្រោងនឹងធ្វើទស្សនកិច្ចនៅកូរ៉េខាងត្បូងក្នុងសប្តាហ៍នេះ ដើម្បីជួបជាមួយមន្ត្រីក្រុងសេអ៊ូល និងអ្នករត់ចោលស្រុកពីរបបផ្តាច់ការនេះ។អ្នកស្រី Elizabeth Salmon ត្រូវបានគេរំពឹងថា នឹងមកដល់ទីក្រុងសេអ៊ូលនៅថ្ងៃចន្ទសម្រាប់ការស្នាក់នៅរយៈពេល៩ថ្ងៃ ដើម្បីជួបជាមួយមន្ត្រីបរទេស បង្រួបបង្រួម និងយុត្តិធម៌ ក៏ដូចជាអ្នករត់ចោលស្រុកកូរ៉េខាងជើង និងក្រុមសិទ្ធិមនុស្ស នេះបើយោងតាមក្រសួងការបរទេស។អ្នកស្រី ក៏គ្រោងនឹងធ្វើសន្និសីទសារព័ត៌មានក្នុងទីក្រុងសេអ៊ូល នៅថ្ងៃទី១២ ខែកញ្ញាដែរ។អ្នករាយការណ៍ពិសេសរូបនេះ នឹងបញ្ជូនរបាយការណ៍ស្តីពីបញ្ហាសិទ្ធិមនុស្សរបស់កូរ៉េខាងជើងទៅកាន់អង្គការសហប្រជាជាតិ ដោយផ្អែកលើលទ្ធផលនៃដំណើរទស្សនកិច្ច នៅសប្តាហ៍នេះ។មុខតំណែងអ្នករាយការណ៍ពិសេសនេះ ត្រូវបានបង្កើតឡើងដំបូងក្នុងឆ្នាំ២០០៤ ដើម្បីស៊ើបអង្កេត និងរាយការណ៍ទៅក្រុមប្រឹក្សាសិទ្ធិមនុស្ស និងមហាសន្និបាតអង្គការសហប្រជាជាតិស្តីពីស្ថានភាពសិទ្ធិមនុស្ស នៅក្នុងរបបផ្តាច់ការនេះ ដោយយោងលើច្បាប់សិទ្ធិមនុស្សអន្តរជាតិ៕

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលត្រូវបានថ្វាយ «ពានសមាជិកភាពជើងឯក» ពី OB-PS
06/18/2026 10:06 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society
06/18/2026 09:06 PM
Facebook Telegram Linkin
អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ​ តាំងពីមាន​បទឈប់បាញ់
06/18/2026 08:06 PM
Facebook Telegram Linkin
សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)
06/18/2026 08:06 PM
Facebook Telegram Linkin
ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម
06/18/2026 08:06 PM
Facebook Telegram Linkin
អ្នកស្លាប់ដោយសាររញ្ជួយដី កើនឡើងដល់ ៧៨​​នាក់ ខណៈមនុស្ស​ ១,៥លាននាក់ រង​ប៉ះពាល់ នៅភាគខាងត្បូងហ្វីលីពីន
06/18/2026 08:06 PM
Facebook Telegram Linkin
លោក Zelensky៖ «ទីក្រុងមូស្គូនឹងឆេះ​សន្ធោសន្ធៅ​» ប្រសិនបើរុស្ស៊ីនៅតែបន្តការវាយប្រហារ
06/18/2026 07:06 PM
Facebook Telegram Linkin
លោក Hegseth៖ អាមេរិកនឹងធ្វើ​ការវាយប្រហារ និងបិទផ្លូវទឹក​ឡើងវិញ បើអ៊ីរ៉ង់មិនបំពេញការប្តេជ្ញាចិត្ត
06/18/2026 07:06 PM
Facebook Telegram Linkin
ប្រធានាធិបតីអ៊ីរ៉ង់បង្ហាញ​មោទនភាព​ ក្នុង​ការមាន​​កិច្ចព្រមព្រៀងជា​ប្រវត្តិសាស្ត្រ ជាមួយអាមេរិក
06/18/2026 07:06 PM
Facebook Telegram Linkin
ស្វីសសាទរផែនការសន្តិភាពអាមេរិក-អ៊ីរ៉ង់ ខណៈ​ត្រៀម​ខ្លួន​ធ្វើ​ម្ចាស់ផ្ទះការ​​ចរចា​ដំបូង​
06/18/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.