នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

អ្នកគាំទ្ររដ្ឋប្រហារនីហ្សេ រាប់ពាន់នាក់សម្រុកទៅពហុកីឡដ្ឋានជាតិដើម្បីធ្វើបាតុកម្មយោធា

2023/08/07 04:58:47 pm        310
Facebook Telegram Linkin
និហ្សេ៖ អ្នកគាំទ្ររបស់មេដឹកនាំរដ្ឋប្រហារប្រទេសនីហ្សេ រាប់ពាន់នាក់ បានប្រមូលផ្តុំគ្នាទៅកាន់ពហុកីឡាដ្ឋានក្នុងរដ្ឋធានី ណៃអាម៉ី (Niamey) កាលពីថ្ងៃអាទិត្យ (៦ សីហា) ហាក់ដូចជាមិនភ័យខ្លាចចំពោះការគំរាមកំហែងនៃការធ្វើអន្តរាគមន៍ផ្នែកយោធាពីប្លុកក្នុងតំបន់របស់អាហ្រ្វិកខាងលិច ខណៈដែលឱសានវាទក្នុងការប្រគល់តំណែងឲ្យប្រធានាធិបតីប្រទេសនេះវិញ បានផុតកំណត់។នៅតាមដងផ្លូវនានារបស់រដ្ឋធានី ណៃអាម៉ី (Niamey) ក៏មានការបង្ហាញនូវការគាំទ្រជាបណ្តើរៗ ប៉ុន្តែមិនមានសញ្ញានៃការប្រឆាំងទៅនឹងរបបសឹក ដែលបាននិយាយថា ខ្លួននឹងមិនធ្វើឱ្យមានសម្ពាធពីខាងក្រៅដើម្បីឈរជើងបន្ទាប់ពីការដណ្តើមអំណាចកាលពីថ្ងៃទី២៦ ខែកក្កដានោះទេ។សំឡេងអបអរសាទរបានស្វាគមន៍រាល់ប្រយោគនៃសុន្ទរកថា ដែលបានធ្វើឡើងដោយអ្នកតំណាងនៃរដ្ឋបាលដឹកនាំដោយកងទ័ពថ្មីទៅកាន់ហ្វូងមនុស្សនៅពហុកីឡដ្ឋាន ដោយបានសង្កត់ធ្ងន់លើការប្តេជ្ញាចិត្តរបស់របបសឹកក្នុងការបន្តកាន់អំណាច។រដ្ឋប្រហារលើកទីប្រាំពីរនៅអាហ្រ្វិកខាងលិច និងកណ្តាលក្នុងរយៈពេលបីឆ្នាំ បានធ្វើឱ្យកក្រើកតំបន់ Sahel អាហ្រ្វិក ដែលជាតំបន់ក្រីក្របំផុតមួយក្នុងពិភពលោក។ ដោយសារតំបន់នោះសម្បូរទៅដោយសារធាតុអ៊ុយរ៉ាញ៉ូម និងប្រេង ព្រមទាំងមានតួនាទីសំខាន់ក្នុងសង្រ្គាមជាមួយក្រុមសកម្មប្រយុទ្ធអ៊ីស្លាម នីហ្សេមានសារៈសំខាន់សម្រាប់ អាមេរិក អឺរ៉ុប ចិន និងរុស្ស៊ីជាខ្លាំង៕

មេដឹកនាំរដ្ឋប្រហារនីហ្សេនិយាយថា ប្រទេសជិតខាងកំពុងរៀបចំធ្វើសង្រ្គាម

2023/08/07 04:53:53 pm        353
Facebook Telegram Linkin
នីហ្ស៖ នីហ្សេ បានបិទដែនអាកាសរបស់ខ្លួនកាលពីថ្ងៃអាទិត្យ (៦ សីហា) រហូតដល់មានការជូនដំណឹងបន្ថែម ដោយលើកឡើងពីការគំរាមកំហែងនៃអន្តរាគមន៍យោធាពីប្លុកតំបន់អាហ្វ្រិកខាងលិច បន្ទាប់ពីបណ្ដាមេដឹកនាំរដ្ឋប្រហារ បានច្រានចោលកាលបរិច្ឆេទកំណត់ ដើម្បីប្រគល់អំណាចឲ្យប្រធានាធិបតីដែលត្រូវបានបណ្តេញចេញពីអំណាចរបស់ប្រទេសនេះវិញ។ដោយធ្វើសេចក្តីថ្លែងការណ៍មួយនៅលើកញ្ចក់ទូរទស្សន៍ជាតិ អ្នកតំណាងរបបសឹកនោះបាននិយាយថា ខ្លួនមានព័ត៌មានថា “មហាអំណាចបរទេស” កំពុងរៀបចំវាយប្រហារប្រទេសនីហ្សេ ដោយមានការសម្របសម្រួលជាមួយបណ្តាប្រទេសនៃសហគមន៍សេដ្ឋកិច្ចនៃបណ្តារដ្ឋអាហ្វ្រិកខាងលិច (ECOWAS)។ប្រមុខការពារជាតិជាច្រើនរបស់សហគមន៍សេដ្ឋកិច្ច ECOWAS បានយល់ព្រមលើផែនការសកម្មភាពយោធាដែលអាចមាន រួមទាំងពេលវេលា និងទីកន្លែងដែលត្រូវធ្វើសកម្មភាព ប្រសិនបើប្រធានាធិបតីដែលត្រូវបានឃុំខ្លួន លោក Mohamed Bazoum មិនត្រូវបានដោះលែង និងប្រគល់អំណាចឲ្យវិញតាមកាលកំណត់នោះទេ។ប្លុកនេះមិនបានឆ្លើយតបទៅនឹងសំណើសុំការអត្ថាធិប្បាយអំពីជំហានបន្ទាប់របស់ខ្លួន ឬនៅម៉ោងណាពិតប្រាកដក្នុងថ្ងៃអាទិត្យដែលជាថ្ងៃផុតកំណត់ប្រគល់អំណាចនោះទេ។ អ្នកនាំពាក្យម្នាក់បាននិយាយមុននោះថា ខ្លួននឹងចេញសេចក្តីថ្លែងការណ៍មួយនៅចុងបញ្ចប់នៃថ្ងៃផុតកំណត់នោះ។ អតីតមហាអំណាចអាណានិគមបារាំងបាននិយាយកាលពីថ្ងៃសៅរ៍ (ទី 5 ខែសីហា) ថា ខ្លួននឹងគាំទ្រដល់កិច្ចខិតខំប្រឹងប្រែងក្នុងតំបន់ដើម្បីផ្តួលរំលំរដ្ឋប្រហារដោយមិនបានបញ្ជាក់ថាតើការលើកឡើងនោះរួមបញ្ចូលជំនួយយោធាដែរឬយ៉ាងណាទេ៕

ក្រុមបាតុករប្រឆាំងសង្រ្គាមប្រារព្ធខួបលើកទី៧៨ នៃការវាយប្រហារដោយគ្រាប់បែកបរមាណូលើទីក្រុងហ៊ីរ៉ូស៊ីម៉ា ប្រទេសជប៉ុន

2023/08/07 04:50:05 pm        309
Facebook Telegram Linkin
អាមេរិក៖ ក្រុមសកម្មជនប្រឆាំងសង្រ្គាមមួយក្រុមតូចបានធ្វើការតវ៉ានៅទីលានចតុរង្គ Times Square ទីក្រុងញូវយ៉ក សហរដ្ឋអាមេរិកកាលពីថ្ងៃអាទិត្យ (៦ សីហា) ដើម្បីប្រារព្ធខួបលើកទី៧៨ នៃការទម្លាក់គ្រាប់បែកបរមាណូរបស់សហរដ្ឋអាមេរិកទៅលើទីក្រុងហ៊ីរ៉ូស៊ីម៉ា ប្រទេសជប៉ុន។ ទិវាមួយនេះធ្វើឡើងដើម្បីរំលឹកដល់ជនរងគ្រោះក្នុងការវាយប្រហារនុយក្លេអ៊ែរលើកទីមួយរបស់ពិភពលោក ខណៈដែលរុស្ស៊ីបានលើកឡើងពីទិដ្ឋភាពនៃការប្រើប្រាស់អាវុធនុយក្លេអ៊ែរក្នុងសង្គ្រាមរបស់ខ្លួនជាមួយអ៊ុយក្រែន។សកម្មជនបានកាន់ផ្ទាំងរូបភាពទាមទារឱ្យអង្គការណាតូបញ្ឈប់ការគាំទ្ររបស់ខ្លួនចំពោះអ៊ុយក្រែន ហើយបានដើរដង្ហែទៅកាន់ទន្លេ Hudson ជាទីដែលពួកគេបានតវ៉ានៅមុខនាវាផ្ទុកយន្តហោះអាមេរិកឈ្មោះ Intrepid ប្រើក្នុងសង្គ្រាមលោកលើកទីពីរ ដែលបច្ចុប្បន្នបម្រើជាសារមន្ទីរ។គ្រាប់បែកដែលត្រូវបានទម្លាក់លើទីក្រុងហ៊ីរ៉ូស៊ីម៉ា កាលពីថ្ងៃទី៦ ខែសីហា ឆ្នាំ១៩៤៥ មានឈ្មោះថា "ក្មេងប្រុសតូច" បានសម្លាប់មនុស្សរាប់ពាន់នាក់ភ្លាមៗ និងប្រហែល១៤០.០០០នាក់នៅចុងឆ្នាំនៃការទម្លាក់នោះ។ ទីក្រុងណាហ្គាសាគី ទទួលរងការទម្លាក់គ្រាប់បែករយៈពេល៣ថ្ងៃក្រោយ គឺនៅថ្ងៃទី៩ ខែសីហា ឆ្នាំ១៩៤៥ ហើយជប៉ុនបានប្រកាសចុះចាញ់សង្គ្រាមនៅថ្ងៃទី១៥ ខែសីហា ឆ្នាំដដែលនោះ៕

ព្រះមហាក្សត្រចេញព្រះរាជក្រិត្យចាត់តាំង បណ្ឌិត ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជាសម្រាប់នីតិកាលទី ៧នៃរដ្ឋសភា

2023/08/07 04:35:22 pm        359
Facebook Telegram Linkin
ភ្នំពេញ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃទី៧ ខែសីហា ឆ្នាំ២០២៣នេះ បានចេញព្រះរាជក្រឹត្យចាត់តាំង ឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្ត្រីកម្ពុជា សម្រាប់នីតិកាលទី៧ នៃរដ្ឋសភា។

មនុស្សយ៉ាងហោចណាស់៣០នាក់ ស្លាប់ និង៨០នាក់ រងរបួសបន្ទាប់ពីរថភ្លើងធ្លាក់ផ្លូវនៅប៉ាគីស្ថាន

2023/08/07 03:27:55 pm        335
Facebook Telegram Linkin
ប៉ាគីស្ថាន៖ ស្ថានីយរថភ្លើងប៉ាគីស្ថាននិយាយថា មនុស្សយ៉ាងហោចណាស់៣០នាក់ បានស្លាប់ និង៨០នាក់រងរបួស បន្ទាប់ពីរថភ្លើងមួយគ្រឿង បានបើកធ្លាក់ផ្លូវ នៅក្នុងប្រទេសប៉ាគីស្ថានកាលពីថ្ងៃអាទិត្យ ។  អ្នកនាំពាក្យក្រុមហ៊ុន លោក Babar Raza បានប្រាប់សារព័ត៌មាន CNN កិច្ចខិតខំប្រឹងប្រែងផ្ដល់ជំនួយ និងសង្រ្គោះ កំពុងបន្ត បន្ទាប់ពីក្រុមហ៊ុនរថភ្លើងដឹកអ្នកដំណើរ Hazara Express បានធ្លាក់ផ្លូវជិតទីក្រុង ណាវ៉ាបសា( Nawabshah) នៅក្នុងភាគខាងត្បូងរបស់ខេត្តស៊ីន (Sindh) របស់ប្រទេសប៉ាគីស្ថានកាលពីថ្ងៃអាទិត្យ ។  រថភ្លើងនេះ បានធ្វើដំណើរពីទីក្រុងការ៉ាជី(Karachi) ទៅកាន់ទីក្រុងហាវ៉េលៀន(Havelian)។ យោងតាមលោក Raza មនុស្ស ជាច្រើនត្រូវបានយកចេញពីគំនរកម្ទេចកម្ទីបំណែករថភ្លើង ហើយរថភ្លើងសង្រ្គោះចំនួន២គ្រឿង បានធ្វើដំណើរទៅកាន់កន្លែងកើតហេតុ។  វិទ្យុរបស់ប៉ាគីស្ថាន បានរាយការណ៍ថា សហប្រតិបត្តិការកំពុងបន្ត ហើយអ្នករងរបួសត្រូវបានបញ្ជូនទៅកាន់មន្ទីរពេទ្យនានានៅក្បែរនោះ។ យោងតាមរដ្ឋមន្ត្រីក្រសួងផ្លូវដែកប៉ាគីស្ថាន លោក ខាវ៉ាចា សាដ រ៉ាហ្វីក(Khawaja Saad Rafique) មូលហេតុនាំឲ្យមានហេតុការណ៍រថភ្លើងធ្លាក់ផ្លូវនឹងនឹងត្រូវបានកំណត់ បន្ទាប់ពីការស៊ើបអង្កេតឲ្យបានម៉ត់ចត់។ ប្រព័ន្ធផ្លូវរថភ្លើងរបស់ប្រទេសប៉ាគីស្ថាន មានកំណត់ត្រាសុវត្ថិភាពទាប ខណៈដែលការកើតមានឧបទ្ទវហេតុធ្ងន់ធ្ងរជាបន្តបន្ទាប់ក្នុងពេលប៉ុន្មានឆ្នាំថ្មីៗនេះ ធ្វើឲ្យគេនឹកឃើញដល់សោកនាដកម្ម ហេដ្ឋារចនាសម្ព័ន្ធ និងស្ដង់ដារសុវត្ថិភាពរបស់ប្រទេសនេះ ៕

បក្សកម្មុយនីស្តវៀតណាម កោតសរសើរតួនាទីដឹកនាំរបស់គណបក្សប្រជាជនកម្ពុជា បង្ហាញពីការជឿជាក់ និងការគាំទ្រខ្លាំងក្លារបស់ប្រជាជនចំពោះគណបក្ស

2023/08/06 01:10:38 am        453
Facebook Telegram Linkin
ភ្នំពេញ៖ នៅរសៀលថ្ងៃទី៥ ខែសីហា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជាបានជួបពិភាក្សាការងារជាមួយ ឯកឧកុម ង្វៀន ហ្វូចុង អគ្គលេខាធិការនៃគណៈកម្មាធិការមជ្ឈិមបក្សកម្មុយនីស្តវៀតណាម តាមប្រព័ន្ធវីដេអូ។នៅក្នុងជំនួបនោះ លោកអគ្គលេខាធិការ ង្វៀន ហ្វូចុង បានអបអរសាទរយ៉ាងកក់ក្ដៅ ចំពោះជ័យជម្នះដ៏ធំធេងរបស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧នៃរដ្ឋសភានឹងបានកោតសរសើរអំពីតួនាទីដឹកនាំរបស់គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជាមគ្គុទេសក៍ដ៏ឆ្នើមដែលបង្ហាញពីការជឿជាក់ និងការគាំទ្រខ្លាំងក្លារបស់ប្រជាជនចំពោះគណបក្សប្រជាជនកម្ពុជា។លោកក៏បានវាយតម្លៃខ្ពស់ចំពោះសមិទ្ធផលដែលកម្ពុជាសម្រេចបានក្រោមការដឹកនាំរបស់ សម្ដេចតេជោ ហើយជឿ ជាក់ថាកម្ពុជានឹងបន្តទទួលបានជ័យជម្នះថ្មីៗថែមទៀត ក្រោមការដឹកនាំរបស់កណបក្សប្រជាជនកម្ពុជា និងរាជរដ្ឋាភិបាលថ្មីដែលនឹង នៅដោយឯកឧត្តមបណ្ឌិត ហ៊ុន ម៉ាណែត។លោកអគ្គលេខាធិការ ក៏បានសម្ដែងនូវការគាំទ្រយ៉ាងពេញទំហឹងនូវដំណើរការកសាង និងអភិវឌ្ឍន៍ ប្រទេសកម្ពុជា ព្រមទាំងប្តេជ្ញារួមគ្នារក្សា ពួនាជុំ និងបង្គន់ទាក់ទំនងដ៏ល្អប្រសើរ​ រវាងគណបក្ស រដ្ឋាភិបាល និងប្រជាជននៃប្រទេសទាំងពីរ។សម្ដេចតេជា ប្រធានគណបក្ស បានថ្លែងអំណរគុណយ៉ាងជ្រាលជ្រៅបំផុតចំពោះ លោក ង្វៀន ហ្វូចុង ដែលបានផ្ញើលិខិតអបអ្វីរសាទរ ​និងជូនពរតាមទូរស័ព្ទ ចំពោះសម្ដេចតេជោ និងគណបក្ស​ប្រជាជនកម្ពុជា ដែលបានទទួលជ័យជម្នះក្នុងការបោះឆ្នោតជ្រើសតាំងតំណាង​រាស្រ្តមកកាលទី៧ ឆ្នាំ២០២៣ ដែលជាសន្តិភាព នៃសាមគ្គីភាព និងការតភាពដ៏រឹងមាំ និងកិច្ចសហប្រតិបត្តិការប្រយ ជ្រុងជ្រោយ និងយូរអង្វែងរវាងប្រទេសទាំងពីរ។សម្ដេចតេជោ ​បានវាយតម្លៃខ្ពស់ចំពោះសមិទ្ធផលដ៏ធំធេង ដែលប្រជាជនវៀតណាមសម្រេច​បានជាបន្តបន្ទាប់ក្រោមការដឹកនាំរបស់គណបក្សកម្មុយនិស្តវៀតណាម ក្រោមការដឹកនាំ របស់លោក ង្វៀន ហ្វូចុង ជាអគ្គលេខាធិការ បាននាំមកនូវការរីកចម្រើនឥតឈប់ឈរក្នុងការ អភិវឌ្ឍសេដ្ឋកិច្ច-សង្គមព្រមទាំងបានលើកកម្ពស់កិត្យាខុភាព នឹងតួនាទីកាន់តែមានសារះសំខាន់​របស់​វៀតណាមក្នុងវេទិកាជាតិ និងអន្តរជាតិ។សម្ដេចតេជោ បានថ្លែងអំណរគុណយ៉ាងជ្រាលជ្រៅចំពោះលោកអគ្គលេខាធិការដែល​បានសម្តែង​អំពីការជឿជាក់ និងគាំទ្រយ៉ាងមុះមុតរបស់វៀតណាម ចំពោះគណបក្សប្រជាជនកម្ពុជា និង​រាជរដ្ឋាភិបាលថ្មីដែល​នឹង​ដឹកនាំដោយលោកបណ្ឌិត​ ហ៊ុន ម៉ាណែត បេក្ខភាពនាយករដ្ឋមន្ត្រីថ្មី​ដែលទទួលបានសំឡេង​ឆ្នោត​គាំទ្រយ៉ាងច្រើនលើសលុបពីប្រជាជនកម្ពុជា។ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការដ៏​ជិតស្និទ្ធ​ និងប្រកបដោយផ្លែ ផ្កា ទាំងនៅ​ក្រុងក្របខ័ណ្ឌបក្ស នឹងរដ្ឋាភិបាល ទោះបីស្ថិតក្នុងស្ថានការណ៍ពិភពលោកមានការប្រកួតប្រជែង​ភូមិសាស្ត្រ​នយោបាយដែលមានលក្ខណ:កាន់តែស្រួចស្រាល់ មិនប្រាកដប្រដា (ដូចជាការ​ទទួលរងនូវផលប៉ះពាល់យ៉ាងខ្លាំងនៃជំងឺកូវីដ-១៩ ​និងបានគូសបញ្ជាក់អំពីសារះសំខាននៃ ការបន្តកិច្ច​សហប្រតិបត្តិការឱ្យកាន់តែស៊ីជម្រៅ ដើម្បីផលប្រយោជន៍ទៅវិញទៅមករបស់​ប្រជាជនទាំងពីរ ដោយផ្អែកលើស្មារតីភាពជាអ្នកជិតខាងល្អមិត្តភាពជាប្រពៃណីកិច្ច​សហប្រតិបត្តិការ​គ្រប់ជ្រុងជ្រោយ និងស្ថិរភាពយូរអង្វែង។ថ្នាក់ដឹកនាំទាំងពីរបានផ្ដល់សារៈសំខាន់ចំពោះសាមគ្គីភាព និងការជួយគ្នាទៅវិញទៅមក​ដោយប្រពៃណី​ដែលជាកត្តាចាំបាច់បំផុត ក្នុងបុព្វហេតុនៃការបង្រួបបង្រួមជាតិ បូរណភាពទឹកដី និងការំដោះប្រជាជន ព្រមទាំងការកសាង និងអភិវឌ្ឍន៍​ប្រទេសទាំងពីរ។ទន្ទឹមនេះដែរថ្នាក់ដឹកនាំទាំងពីរ បានសង្កត់ធ្ងន់លើសារៈប្រយោជន៍ក្នុងការបណ្ដុះបណ្តាល​យុវជនបន្តវេន ​ដើម្បីវៀនសូត្រ និងដកស្រង់បទពិសោធន៍គ្នាទៅវិញទៅមក ជាពិសេសការបញ្ជ្រាប​ការយល់ដឹងអំពីសច្ចភាពប្រវត្តិសាស្រ្ត ដែលនឹងរួមចំណែកដល់ការបន្តពូនជ្រុំទំនាក់ទំនងមិត្តភាព​ដ៏រឹងមាំរវាងប្រទេសទាំងពីរ។ភាគីទាំងពីរក៏បានឯកភាពពង្រឹងកិច្ចសហប្រតិបត្តិការ ក្នុងក្របខណ្ឌពហុភាគីរួមមាន អ.ស.ប និងអាស៊ាន​ ព្រមទាំងបន្តលើកកម្ពស់កិច្ចសហការជិតស្និទ្ធជាមួយគ្នា​ ជាពិសេសក្របខណ្ឌបីប្រទេស កម្ពុជា-វៀតណាម-ឡាវ ​និងកិច្ចសហប្រតិបត្តិការអនុតំបន់មេគង្គ ដែលនឹងរួមចំណែកដល់សន្ដិភាព ស្ថិរភាព និងវិបុលភាព។នៅចុងបញ្ចប់សម្តេចតេជា ប្រធានគណបក្សប្រជាជនកម្ពុជា បានអញ្ជើញលោក ង្វៀន ហ្វូចុង អគ្គលេខាធិការ និងថ្នាក់ដឹកនាំ​ដទៃទៀត​នៃបក្សកម្មុយនិស្តវៀតណាម មកប់ពេញទស្សនកិច្ច​នៅកម្ពុជាតាមពេលវេលាសមស្រប ទន្ទឹមនោះដែរលោក ង្វៀន ហ្វូចុង បានទទួលយកការអញ្ជើញ និងបាន​អញ្ជើញសម្ដេចតេជោ នាយករដ្ឋមន្ត្រី ប្រធានគណបក្សប្រជាជនកម្ពុជា និងបណ្តាថ្នាក់ដឹកនាំ ​កម្ពុជាទៅបំពេញទស្សនកិច្ចនៅប្រទេសវៀតណាម តាមពេលវេលាសមស្របផងដែរ៕

អារ៉ាប៊ីសាអ៊ូឌីត ចាប់ផ្ដើមពិភាក្សាសង្គ្រាមអ៊ុយក្រែន ដោយគ្មានវត្តមានរបស់ប្រទេសរុស្ស៊ី

2023/08/05 11:47:25 pm        428
Facebook Telegram Linkin
ប្រទេសអារ៉ាប៊ីសាអ៊ូឌីត បានចាប់ផ្ដើមកិច្ចប្រជុំកំពូលចុងសប្ដាហ៍នេះក្នុងទីក្រុង ជេដា (Jeddah) ដែលមានការចូលរួមពីក្រុមមន្ត្រីជាន់ខ្ពស់មកពីប្រទេសចំនួន៤០ ប៉ុន្តែពុំមានរុស្ស៊ីទេ ក្នុងគោលបំណងពង្រាងគោលការណ៍សំខាន់ៗ ពីមធ្យោបាយ​ធ្វើយ៉ាងណាអាចបញ្ចប់ការវាយលុករបស់រុស្ស៊ី នៅក្នុងប្រទេសអ៊ុយក្រែនបាន។ លោកប្រធានាធិបតី Volodymyr Zelenskyy បានស្វាគមន៍កាលពីថ្ងៃសុក្រ ចំពោះជំហររបស់ប្រទេសជាច្រើន ដែលបានចូលរួមក្នុងការពិភាក្សា ដែលបានចាប់ផ្ដើមនៅថ្ងៃសៅរ៍នេះ រួមទាំងបណ្ដាប្រទេសកំពុងអភិវឌ្ឍន៍ ដែលត្រូវបានរងផលប៉ះពាល់ដោយការហក់ឡើងតម្លៃស្បៀងអាហារបង្កឡើងដោយសារសង្គ្រាមនេះ ។លោកថា កិច្ចប្រជុំនេះ ពិតជាមានសារៈសំខាន់ណាស់ព្រោះផ្ដោតលើបញ្ហាជាច្រើនដូចជា​សន្តិសុខ​ស្បៀង ជោគវាសនារបស់មនុស្សរាប់លាននាក់នៅអាហ្រ្វិក អាស៊ី និងបណ្ដាប្រទេសផ្សេងទៀត របស់ពិភពលោក ដែលបានពឹងផ្អែកដោយផ្ទាល់ ថាតើ ពិភពលោកនឹងអនុវត្តន៍រូបមន្តសន្តិភាព​បានឆាប់រហ័សប៉ុណ្ណា។ កាលពីខែមុន ប្រទេសរុស្ស៊ី បានបញ្ឈប់ការចូលរួមរបស់ខ្លួននៅក្នុងកិច្ចព្រមព្រៀង​ដែលត្រូវបាន​សម្របសម្រួលដោយអង្គការសហប្រជាជាតិ ​ដែលអាចដឹកជញ្ជូនផលិតផលរបស់អ៊ុយក្រែន ឆ្លងកាត់សមុទ្រខ្មៅ ​ទៅកាន់ប្រទេសនានា​ របស់ពិភពលោក ​ ដែលកំពុង ​ជួបប្រទះភាពអត់ឃ្លាន៕

រុស្ស៊ី បន្តឃុំខ្លួនមេដឹកនាំបក្សប្រឆាំងលោក Alexei Navalny ចំនួន១៩ឆ្នាំបន្ថែមទៀត

2023/08/05 10:41:43 pm        348
Facebook Telegram Linkin
មេដឹកនាំបក្សប្រឆាំងរុស្ស៊ី លោក អាឡិចស៊ី ណាវ៉ាលនី (Alexei Navalny) ដែលកំពុងជាប់ពន្ធនាគារ បានប្រាប់ក្រុមអ្នកគាំទ្រកុំឲ្យបាត់បង់ឆន្ទៈក្នុងការតស៊ូបន្ទាប់ពីការជាប់ពន្ធនាគាររបស់លោកត្រូវបានពន្យារដល់១៩ ឆ្នាំបន្ថែមទៀត ។លោក Navalny ត្រូវបានរកឃើញថាមានទោសក្នុងការបង្កើត និងផ្តល់មូលនិធិដល់អង្គការ​ជ្រុលនិយម ហើយ លោកបដិសេធការចោទប្រកាន់នោះ។ លោកបានជាប់ទោសចំនួន៩ឆ្នាំរួចទៅហើយចំពោះការបំពានច្បាប់ ការក្លែងបន្លំ និងការប្រមាថតុលាការ។ ការចោទប្រកាន់ត្រូវបានគេមើលឃើញយ៉ាងទូលំទូលាយថាមានហេតុផលនយោបាយ។ ការកាត់ទោសត្រូវបានធ្វើឡើងនៅក្នុងពន្ធនាគារព្រហ្មទណ្ឌដាច់ស្រយាលមួយ ជាទីដែលលោកបានជាប់ពន្ធនាគារចាប់តាំងពីឆ្នាំ ២០២១ មក ។ទោះមានការរឹតត្បិតជាងពន្ធនាគារឧក្រិដ្ឋដែលមានសន្តិសុខយាមកាមតឹងរ៉ឹង ពន្ធនាគារបែបនេះជាធម្មតាត្រូវបានបម្រុងទុកសម្រាប់ឧក្រិដ្ឋជនគ្រោះថ្នាក់ ជនល្មើសត្រូវបានផ្ដន្ទាទោសឡើងវិញ និងអ្នកទាំងឡាយដែលមានទោសជាប់ពន្ធនាគារអស់មួយជីវិត។ នៅទីនោះ លោកទំនងជាប្រឈមនឹងភាពឯកោកាន់តែខ្លាំង ដោយមានការរឹតត្បិតបន្ថែមទៀតលើទំនាក់ទំនងជាមួយពិភពខាងក្រៅ។លោកក៏អាចទទួលភ្ញៀវតិចជាងមុនដែរ រួមទាំងក្រុមគ្រួសារ និងក្រុមការពាររបស់លោក ហើយអាចប្រឈមនឹងការឃុំឃាំងនៅដាច់ដោយឡែកកាន់តែយូរថែមទៀត ៕

គណៈកម្មាធិការជាតិគ្រប់គ្រងគ្រោះមហន្តរាយ កំពុងតាមដានស្ថានភាពទឹកទន្លេមេគង្គ កំពុងហក់ឡើង

2023/08/05 07:41:40 pm        454
Facebook Telegram Linkin
ភ្នំពេញ៖ ឯកឧត្តម សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា គិតត្រឹមថ្ងៃទី៤ ខែសីហា ម្សិលមិញ ស្ថានភាពជំនន់ទឹកភ្លៀងនៅទូទាំងប្រទេសកម្ពុជា បានស្រកទៅវិញអស់ហើយ ​ដែលស្ថិតក្នុងសភាពមួយមិនបង្កជាផលប៉ះពាល់ធ្ងន់ធ្ងរនោះទេ ប៉ុន្តែស្ថានភាព​ទឹកទន្លេមេង្គ បែរជាកំពុងហក់ឡើងក្នុងរយៈពេលប៉ុន្មានថ្ងៃមកនេះ។ឯកឧត្តម មានប្រសាសន៍ប្រាប់BTV នៅថ្ងៃទី៥ ខែសីហា នេះថា បច្ចុប្បន្ន ទឹកនៅតាមទន្លេមេគង្គ មានដូចជា៖ ខេត្តកំពង់ចាម ស្ទឹងត្រែង ក្រចេះ និងខេត្តត្បូងឃ្មុំ កំពុងហក់ឡើង ប៉ុន្តែមិនទាន់ដល់ចំណុចត្រូវប្រកាសអាសន្ននោះទេ។ ហើយ គណៈកម្មាធិការជាតិគ្រប់គ្រងគ្រោះមហន្តរាយពីថ្នាក់ជាតិរហូតដល់ថ្នាក់ក្រោមជាតិ កំពុងតាមដានយ៉ាង យកចិត្តទុកដាក់ជាទីបំផុត ។ ក្រៅពីនេះ គណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់ អាជ្ញាធរ និងស្ថាប័ន​ពាក់ព័ន្ធ ត្រូវរៀបចំទីទួលសុវត្ថិភាពសម្រាប់ជម្លៀសប្រជាពលរដ្ឋ និងកម្លាំងត្រៀមជួយ​អន្តរាគមន៍ផងដែរ។ដើម្បីបង្ការគ្រោះមហន្តរាយដែលអាចកើតឡើងជាយថាហេតុ គណៈកម្មាធិការជាតិគ្រប់គ្រងគ្រោះ មហន្តរាយ បានរៀបចំផែនការដូចជា៖ ពង្រឹងយន្តការគ្រប់គ្រងគ្រោះមហន្តរាយពីថ្នាក់ជាតិ រហូតដល់ថ្នាក់ មូលដ្ឋាន មានកងកម្លាំងប្រតិបត្តិការរុករក និងសង្គ្រោះ ចំនួន១៦កង និងត្រៀមសម្ភារៈផ្សេងៗទៀត ៕អត្ថបទ៖ ទូច សោភ័ណ

ពលរដ្ឋគាំទ្រលទ្ធផលផ្លូវការនៃការបោះឆ្នោតជ្រើសតាំងតំណាងរាស្ត្រ នីតិកាលទី៧

2023/08/05 07:37:20 pm        155
Facebook Telegram Linkin
ភ្នំពេញ៖ ប្រជាពលរដ្ឋ នៅក្នុងមូលដ្ឋានរាជធានីភ្នំពេញ នៅថ្ងៃនេះ បានបង្ហាញនូវការគាំទ្រចំពោះលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ​ដែលគណៈកម្មាធិការជាតិរៀប​ ចំការបោះឆ្នោត (គ.ជ.ប) បានប្រកាស នៅព្រឹកថ្ងៃទី៥ ខែសីហា នេះ ។ពលដ្ឋថ្លែងថា យើងទាំងអស់គ្នាបានមើលឃើញថា នៅក្នុងដំណើរការរៀបចំការបោះឆ្នោត​ជ្រើសតាំង​តំណាងរាស្ត្រនីតិកាលទី៧ កាលពីថ្ងៃទី២៣ ខែកក្កដាកន្លងមកនេះ គឺមាន​ពលរដ្ឋនាំគ្នា​ទៅបោះឆ្នោតច្រើនលើសលុប ហើយ គ.ជ.ប រៀបចំបានល្អប្រសើរ ស្របតាមឆន្ទៈ និងការចង់​បានរបស់ពលរដ្ឋ ហើយដំណើការប្រកាសលទ្ធផលបណ្តោះអាសន្ននេះទៀត គ.ជ.ប ក៏បាន​ទុករយៈពេល ៧២ ម៉ោង ឲ្យបណ្តាគណៈបក្សនយោបាយដាក់ពាក្យបណ្តឹងជំទាស់​ទៅនឹង​លទ្ធផល​បណ្តោះអាសន្ននោះដែរ ប៉ុន្ដែក្រោយរយៈពេល ៧២ ម៉ោងមកនេះ មិនមានគណបក្ស​នយោបាយ​ណាបានដាក់ពាក្យបណ្តឹងជំទាស់នោះទេ ដូច្នេះ ​យើងសូមប្រកាសគាំទ្រ និងសូមឲ្យការ​បោះឆ្នោតលើកក្រោយៗ មានដំណើរការរលូនល្អ ដូចការបោះឆ្នោតអាណត្តិទី៧នេះទៀត។ សូមបញ្ជាក់ថា នៅក្នុងដំណើរការប្រកាសលទ្ធផលផ្លូវការ ការបោះឆ្នោតជ្រើសតាំងតំណាងរាស្ត្រ​នីតិកាលព្រឹកមិញនេះ គឺ គ.ជ.ប បានប្រកាសលទ្ធផលផ្លូវការ ​ការបែងចែកចំនួនអាសនៈ និងការកំណត់​បេក្ខជនជាប់ឆ្នោតនៅតាមមណ្ឌលរាជធានី-ខេត្តនានាទូទាំងប្រទេស ​ដោយក្នុងនោះ គណបក្សប្រជាជន​កម្ពុជា ​បានទទួលចំនួន១២០អាសនៈ ​និងគណបក្សហ៊ុនស៊ិនប៉ិច បាន​ទទួលមាន៥អាសនៈ នៅក្នុងចំណោមគណបក្សនយោបាយឈរឈ្មោះបោះឆ្នោត​ចំនួន១៨គណបក្ស៕ អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin
មនុស្សម្នាក់ស្លាប់ និងច្រើននាក់ទៀតជាប់ខ្លួន ក្រោយផ្ទះចាស់បាក់រលំនៅទីក្រុង Kolkata ប្រទេសឥណ្ឌា
08/18/2026 07:08 PM
Facebook Telegram Linkin
សាកសពជនអន្តោប្រវេសន៍ ៩នាក់ ត្រូវបានរកឃើញនៅជិតតំបន់ឆ្នេរភាគខាងកើតទីក្រុង Tripoli ប្រទេសលីប៊ី
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.