នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ក្រសួងទេសចរណ៍ ក្រើនរំលឹកភ្ញៀវទេសចរបង្កើនប្រុងប្រយ័ត្នពេលទៅកម្សាន្ត នារដូវមានជំនន់ទឹកភ្លៀង

2023/08/04 12:04:14 am        652
Facebook Telegram Linkin
ភ្នំពេញ៖ ក្រសួងទេសចរណ៍ បានប្រកាសក្រើនរំលឹកបណ្តាភ្ញៀវទេសចរជាតិ-អន្តរជាតិ ដែលដើរលេងកម្សាន្តទៅតាមគោលដៅទេសចរណ៍នានា ត្រូវបង្កើនការប្រុងប្រយ័ត្ន ពិនិត្យមើលព័ត៌មានការព្យាករណ៍អាកាសធាតុ ការណែនាំអាជ្ញាធរមូលដ្ឋាន និងអ្នកគ្រប់គ្រងគោលដៅទេសចរណ៍ ដើម្បីចៀសវាងគ្រោះថ្នាក់ដោយចៃដន្យនាអំឡុងរដូវភ្លៀងឈានចូលមកដល់នេះ។ឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ ថ្លែង BTV នៅថ្ងៃទី៣ ខែសីហានេះថា ដោយយោងទៅតាមការព្យាករអាកាសធាតុរបស់ក្រសួងធនធានទឹក និងឧតុនិយម ក្រសួងទេសចរណ៍បានជូនដំណឹងដល់បណ្តាភ្ញៀវទេសចរជាតិអន្តរជាតិទាំងអស់ដែលដើរកម្សាន្ត តាមគោលដៅទេសចរណ៍នានាក្នុងប្រទេសកម្ពុជា ជាពិសេសគោលដៅទេសចរណ៍ផ្សងព្រេង​តំបន់ព្រៃជ្រោះ ជ្រលងដងភ្នំនានាត្រូវបង្កើនប្រុងប្រយ័ត្ន និងត្រូវរាយការណ៍ឲ្យអាជ្ញាធរមូលដ្ឋាន ឬអ្នកគ្រប់គ្រង់គោលដៅទេសចរណ៍បានដឹងជាមុន។អ្នកគ្រប់គ្រងទូកទេសចរណ៍ឈ្មោះ រ៉ាវី នៅរាជធានីភ្នំពេញ បានថ្លែងថា នៅក្នុងអំឡុង​ពេលអាកាស​ធាតុមានការប្រែប្រួល ​មានខ្យល់ភ្លៀង គឺភ្នាក់ងារទេសចរណ៍តែងមានការប្រុងប្រយ័ត្នចំពោះ​សុវត្ថិភាពភ្ញៀវ ​ហើយតែងប្រាប់ភ្ញៀវ និងអ្នកគ្រប់ទូកទេសចរណ៍មិនអាចដឹកភ្ញៀវជិះទស្សនាកម្សាន្ត​នៅពេលអាកាសធាតុមិនល្អនោះទេ។សូមជម្រាបថា តាមតួលេខក្រសួងទេសចរណ៍ ក្រោយបរិបទកូវីដ១៩ បច្ចុប្បន្ននៅរៀងរាល់ចុងសប្តាហ៍ ភ្ញៀវទេសចរជាតិអន្តរជាតិបានចេញដើរកម្សាន្ត​ក្នុងចន្លោះពី២០ទៅ៣០ម៉ឺននាក់ ជាពិសេសគោលដៅទេសចរណ៍ទៅកាន់ខេត្តបាត់ដំបង ខេត្តព្រះសីហនុ សៀមរាប រាជធានីភ្នំពេញ និងកំពត កែបជាដើម៕អត្ថបទ ស៊ុម សុខជា

ក្រុមអ្នកជំនាញ៖ ការធ្វើទារុណកម្ម អំពើហិង្សាផ្លូវភេទជាទូទៅត្រូវបានប្រើប្រាស់ដោយកងកម្លាំងរុស្ស៊ីនៅក្នុងប្រទេសអ៊ុយក្រែន

2023/08/03 09:54:01 pm        301
Facebook Telegram Linkin
អ៊ុយក្រែន៖ ក្រុមអ្នកជំនាញអន្តរជាតិ បាននិយាយកាលពីថ្ងៃពុធ នៅក្នុងការសង្ខេបនៃការរកឃើញចុងក្រោយរបស់ពួកគេថា អ្នកទោសមួយចំនួនធំ ដែលត្រូវបានឃុំខ្លួននៅក្នុងមណ្ឌលឃុំឃាំងបណ្តោះអាសន្ននៅភាគខាងត្បូងដែលកាន់កាប់ដោយរុស្ស៊ីនៅអ៊ុយក្រែន ត្រូវបានគេធ្វើទារុណកម្ម និងរំលោភផ្លូវភេទ។ ក្រុមយុត្តិធម៌ចល័ត (Mobile Justice Team) ដែលបង្កើតឡើងដោយក្រុមហ៊ុនច្បាប់មនុស្សធម៌អន្តរជាតិ អនុលោមសិទ្ធិសកលឬGlobal Rights Compliance បានធ្វើការជាមួយរដ្ឋអាជ្ញាឧក្រិដ្ឋកម្មសង្គ្រាមនៅសង្គ្រាមអ៊ុយក្រែន នៅក្នុងតំបន់ឃើសុន ( Kherson) ចាប់តាំងពីវាត្រូវបានដណ្តើមយកមកវិញ ក្នុងខែវិច្ឆិកា បន្ទាប់ពីរយៈពេលជាង៨ខែ ក្រោមការគ្រប់គ្រងរបស់រុស្ស៊ី។អាជ្ញាធរអ៊ុយក្រែន កំពុងពិនិត្យមើលរបាយការណ៍ជាង ៩៧.000 នៃអំពើឧក្រិដ្ឋកម្មសង្រ្គាម ហើយបានចោទប្រកាន់ជនសង្ស័យចំនួន២២០នាក់នៅក្នុងតុលាការក្នុងស្រុក។ ជនល្មើសកម្រិតខ្ពស់ អាចត្រូវបានកាត់ទោសនៅតុលាការព្រហ្មទណ្ឌអន្តរជាតិ(ICC)នៅទីក្រុងឡាអេដែលបានស្វែងរកចាប់ខ្លួនប្រធានាធិបតីរុស្ស៊ី លោក វ្ល៉ាឌីមៀ ពូទីន រួចហើយ។វិមានក្រឹមឡាំង បានបដិសេធឥតឈប់ឈរចំពោះការចោទប្រកាន់ពីបទឧក្រិដ្ឋកម្មសង្រ្គាមនៅក្នុងប្រទេសអ៊ុយក្រែន ដោយកងកម្លាំងចូលរួមក្នុង«ប្រតិបត្តិការយោធាពិសេស»ដែលខ្លួននិយាយថា ត្រូវបានចាប់   ផ្តើម ដើម្បីលុបបំបាត់ណាហ្ស៊ីនិយមពីអ្នកជិតខាងរបស់ខ្លួន និងការពារប្រទេសរុស្ស៊ី៕

ប្រទេសសេណេហ្គាល់ បានបិទកម្មវិធីវីដេអូកម្សាន្ត TikTok ក្នុងការពង្រីកការបង្ក្រាបលើក្រុមប្រឆាំង

2023/08/03 09:51:23 pm        230
Facebook Telegram Linkin
សេណេហ្គាល់៖ កាលពីថ្ងៃពុធ (២ សីហា) ក្រុមអាជ្ញាធរសេណេហ្គាល់បានបិទការចូលប្រើកម្មវិធីប្រព័ន្ធផ្សព្វផ្សាយសង្គម TikTok ដោយពង្រីកការបង្ក្រាបលើក្រុមប្រឆាំងជាច្រើនថ្ងៃ បន្ទាប់ពីពួកគេបានរំលាយគណបក្សប្រឆាំងដ៏ធំរបស់ប្រទេស ហើយចាប់ឃុំខ្លួនមេដឹកនាំរបស់បក្សប្រឆាំងមួយនេះ។ការដណ្តើមអំណាចរវាងមេដឹកនាំគណបក្ស Pastef លោក Ousmane Sonko និងប្រធានាធិបតីសេណេហ្គាល់លោក Macky Sall បានបង្កឲ្យមានបាតុកម្មហិង្សាកាលពីថ្ងៃចន្ទ និងបានបំផ្លាញកេរ្តិ៍ឈ្មោះរបស់ប្រទេសសេណេហ្គាល់ ថាជាប្រទេសប្រជាធិបតេយ្យដែលមានស្ថិរភាពបំផុតនៅអាហ្វ្រិកខាងលិច។ តំបន់នេះបានឃើញរលកនៃរដ្ឋប្រហារយោធាក្នុងរយៈពេលបីឆ្នាំចុងក្រោយនេះ រួមទាំងមួយសប្តាហ៍មុនក្នុងប្រទេសនីហ្សេផងដែរ។ប្រទេសសេណេហ្គាល់បានរំលាយគណបក្ស Pastef និងរឹតបន្តឹងការចូលប្រើសេវាអ៊ីនធឺណិតកាលពីថ្ងៃចន្ទ ដោយលើកឡើងពីការគំរាមកំហែងដល់ស្ថិរភាពរបស់ប្រទេស។ រដ្ឋមន្ត្រីទំនាក់ទំនងរបស់ប្រទេសនេះ បានប្រើយុត្តិកម្មស្រដៀងគ្នាដើម្បីទប់ស្កាត់ទៅលើកម្មវិធីវីដេអូកម្សាន្ត TikTok ផងដែរ៕

មន្ត្រីអង្គការឧតុនិយមពិភពលោកព្រមានពីផលប៉ះពាល់លើបាតុភូតអែលនីញ៉ូ លើកសិកម្មសកល

2023/08/03 09:31:21 pm        260
Facebook Telegram Linkin
អាមេរិក៖ លោក Chris Hewitt ប្រធានការិយាល័យអាកាសធាតុអន្តរជាតិសម្រាប់អង្គការឧតុនិយមពិភពលោក (WMO) បាននិយាយថា បាតុភូតអែលនីញ៉ូ ដែលកំពុងវិវឌ្ឍ ត្រូវបានគេរំពឹងថានឹងធ្វើឲ្យមានផលប៉ះពាល់អវិជ្ជមានលើផលិតកម្មកសិកម្មសកលនៅឆ្នាំនេះ។ កាលពីដើមខែកក្កដា អង្គការឧតុនិយមពិភពលោក បានប្រកាសថា ស្ថានភាពបាតុភូតអែលនីញ៉ូ បានវិវឌ្ឍនៅក្នុងតំបន់ប៉ាស៊ីហ្វិកត្រូពិកជាលើកដំបូង ក្នុងរយៈពេល៧ឆ្នាំមកនេះ ដែលកំពុងកំណត់តំណាក់កាលសម្រាប់ការកើនឡើងសីតុណ្ហភាពសកលដែលកើតមាន អាកាសធាតុដែលបង្កការរំខាន និងគំរូអាកាសធាតុ។ ខណៈព្រឹត្តិការណ៍អាកាសធាតុដែលកំពុងកើតឡើងដោយធម្មជាតិ បាតុភូតអែលនីញ៉ូ បានទាក់ទងទៅនឹងការឡើងកម្តៅនៃសីតុណ្ហភាពផ្ទៃសមុទ្រ នៅតំបន់ប៉ាស៊ីហ្វិកត្រូពិកភាគខាងកើតនិងភាគកណ្តាល។ វាបានកើតឡើងជាមធ្យមរៀងរាល់២ឆ្នាំទៅ៧ឆ្នាំ ហើយជាធម្មតាមានរយៈពេល៩ទៅ១២ខែ ហើយអាចបង្កឲ្យមានបម្រែបម្រួលអាកាសធាតុដូចជា ទឹកជំនន់ នៅក្នុងតំបន់ស្ងួតហួតហែងធម្មតា ដោយមានភ្លៀងធ្លាក់តិចតួច និងមានគ្រោះរាំងស្ងួត នៅក្នុងតំបន់មានទឹកទឹកភ្លៀងធ្លាក់ច្រើន។ លោក Hewitt បានពន្យលនៅក្នុងបទសម្ភាសន៍មួយកាលពីពេលថ្មីៗ ជាមួយទូរទស្សន៍កណ្តាលរដ្ឋចិនថា វាប្រែប្រួលច្រើនចន្លោះពី១ឆ្នាំ ទៅ១ឆ្នាំ ហើយផលប៉ះពាល់វាមានទៅលើតំបន់ខុសៗគ្នានៃការប្រែប្រួលលើពិភពលោកផងដែរ។ ដូច្នេះយើងពុំអាចដឹងថាតើនៅឆ្នាំនេះវាមានផលប៉ះពាល់ខ្លាំងឬយ៉ាងណានោះទេ។ លោកនិយាយថា ផ្នែកមួយចំនួននៃពិភពលោក អាចមានគ្រោះរាំងស្អួតទាក់ទងនឹងបាតុភូតអែលនីញ៉ូ ដូច្នេះផលប៉ះពាល់នៃគ្រោះរាំងស្ងួត ច្បាស់ណាស់វាមិនល្អសម្រាប់វិស័យកសិកម្មនោះទេ ហើយសម្រាប់សហគមន៍នានា ពួកគេចាំបាច់ត្រូវពិចារណាពីការស្រោចស្រពដំណាំរបស់ពួកគេ។ នៅផ្នែកដ៏ទៃទៀតនៃពិភពលោក អាចជួបប្រទះទឹកជំនន់ ហើយដូច្នេះកំពុងពឹងផ្អែកលើកម្លាំងនៃទឹកជំនន់ដែលអាចប៉ះពាល់ដល់វិស័យកសិកម្ម ដែលវាអាចបំផ្លាញដំណាំ។ ការធ្វើបច្ចុប្បន្នភាពរបស់អង្គការឧតុនិយមពិភពលោក ដែលបានរួមបញ្ចូលការព្យាករណ៍ និងការណែនាំរបស់អ្នកជំនាញពីជុំវិញពិភពលោក និយាយថា អាចកើតមាន៩០ភាគរយនៃព្រឹត្តិការណ៍បាតុភូតអែលនីញ៉ូ ដែលនៅបន្តក្នុងអំឡុងឆមាសទី២ នៃឆ្នាំ២០២៣ ហើយវាត្រូវបានគេរំពឹងថាយ៉ាងហោចណាស់មានស្ថានភាពខ្លាំងកម្រិតមធ្យម។

ប្រទេសកេនយ៉ាផ្អាកគម្រោងវើលខ័ញរូប័ណ្ណគ្រីបតូ ជុំវិញកង្វល់សុវត្ថិភាព

2023/08/03 09:28:18 pm        274
Facebook Telegram Linkin
សម្រាប់សប្តាហ៍មុន ប្រជាជនកេនយ៉ារាប់រយនាក់បានតម្រង់ជួរយ៉ាងវែងនៅក្នុងផ្សារទំនើបជាច្រើន និងមជ្ឈមណ្ឌលសាធារណៈនានាទូទាំងរដ្ឋធានីណៃរ៉ូប៊ី ដោយនិយាយថា ពួកគេទៅទីនោះបន្ទាប់ពីបានឮអំពីគម្រោង វើលខ័ញ (Worldcoin) តាមអ៊ីនធឺណិត ដែលផ្ដល់ជូនប្រាក់ឥតគិតថ្លៃឱ្យប្រជាជន ជាថ្នូរនឹងការស្កេនភ្នែករបស់ពួកគេ។ទោះជាយ៉ាងណាក៏ដោយកាលពីថ្ងៃពុធ (២ សីហា) ក្រសួងមហាផ្ទៃកេនយ៉ាបាននិយាយថា ខ្លួនបានផ្អាកសកម្មភាពក្នុងតំបន់នៃគម្រោងរូបិយប័ណ្ណគ្រីបតូ ខណៈពេលដែលភ្នាក់ងាររដ្ឋាភិបាលវាយតម្លៃហានិភ័យដែលអាចកើតមានចំពោះសុវត្ថិភាពសាធារណៈ។ប្រព័ន្ធផ្សព្វផ្សាយក្នុងស្រុកបានរាយការណ៍ថាប្រជាជនកេនយ៉ាជាង ៣៥០.០០០នាក់បានចុះឈ្មោះក្នុងគម្រោង វើលខ័ញ នេះគិតត្រឹមថ្ងៃអង្គារ (១ សីហា) ជាថ្នូរនឹងនិមិត្តសញ្ញារូបិយប័ណ្ណគ្រីបតូឥតគិតថ្លៃដែលមានតម្លៃប្រហែល៧.០០០ស៊ីលីងកេនយ៉ា (៤៩,០៩ដុល្លារ) ពីគម្រោង វើលខ័ញ នេះ ដែលជាគម្រោងរូបិយប័ណ្ណជីវមាត្រដែលបង្កើតឡើងដោយ ក្រុមហ៊ុនឧបករណ៍សម្រាប់មនុស្សជាតិដែលមានមូលដ្ឋាននៅទីក្រុង សានហ្រ្វាន់ស៊ីស្កូនិងប៊ែកឡាំង។គម្រោងនេះត្រូវបានបង្កើតឡើងដោយនាយកប្រតិបត្តិក្រុមហ៊ុន OpenAI លោក Sam Altman ដែលតម្រូវឱ្យអ្នកប្រើប្រាស់ផ្តល់ការស្កែនក្រយ៉ៅភ្នែករបស់ពួកគេ ជាថ្នូរនឹងលេខសម្គាល់ឌីជីថល ហើយនៅក្នុងប្រទេសមួយចំនួនអ្នកប្រើប្រាស់ក៏ទទួលបានរូបិយប័ណ្ណគ្រីបតូដោយឥតគិតថ្លៃ ជាផ្នែកនៃគម្រោងបង្កើតអត្តសញ្ញាណ និងបណ្តាញហិរញ្ញវត្ថុថ្មីផងដែរ៕

មន្ទីរបញ្ចកោណ និងក្រសួងការបរទេសចិន ពិភាក្សាគ្នាអំពីទំនាក់ទំនង

2023/08/03 09:24:50 pm        269
Facebook Telegram Linkin
អាមេរិក៖ មន្ទីរបញ្ចកោណ បាននិយាយកាលពីថ្ងៃពុធ (ទី២ ខែសីហា) ថា មន្ត្រីជាន់ខ្ពស់របស់មន្ទីរបញ្ចកោណទទួលបន្ទុកតំបន់អាស៊ី បានពិភាក្សាជាមួយមន្ត្រីម្នាក់មកពីក្រសួងការបរទេសរបស់ប្រទេសចិន នៅក្នុងការសន្ទនាកម្រិតខ្ពស់ដ៏កម្រមួយរវាងមន្ត្រីសន្តិសុខជាតិជាន់ខ្ពស់អាមេរិក និងចិន។អ្នកនាំពាក្យមន្ទីរបញ្ចកោណ បាននិយាយនៅក្នុងសេចក្តីថ្លែងការណ៍មួយថា៖«ឧបការីរដ្ឋមន្ត្រីការពារជាតិលោក Ely Ratner និង លោកនាយក Yang Tao (យ៉ាង ថាវ) បានពិភាក្សាអំពីទំនាក់ទំនងការពារជាតិសហរដ្ឋអាមេរិក-សាធារណរដ្ឋប្រជាមានិតចិន (PRC)ក៏ដូចជាបញ្ហាសន្តិសុខក្នុងតំបន់។លោកបាននិយាយសំដៅទៅឧបការីរដ្ឋមន្ត្រីការពារជាតិទទួលបន្ទុកកិច្ចការសន្តិសុខឥណ្ឌូ-ប៉ាស៊ីហ្វិក លោក Ely Ratner និងអគ្គនាយកដ្ឋានកិច្ចការបរទេសនៃក្រសួងការបរទេសអាមេរិកខាងជើង និងមហាសមុទ្រលោក Yang Tao របស់សាធារណរដ្ឋប្រជាមានិតចិន។អ្នកនាំពាក្យរូបនេះ បានបន្ថែមថា៖«លោកឧបការីរូបនេះ ក៏បានសង្កត់ធ្ងន់លើការប្តេជ្ញាចិត្តជាបន្តរបស់ក្រសួងក្នុងការរក្សាបាននូវចក្របើកចំហនៃការប្រាស្រ័យទាក់ទងរវាងយោធានិងយោធារបស់សហរដ្ឋអាមេរិក និង សាធារណរដ្ឋប្រជាមានិតចិន៕

ទឹកស្ទឹងព្រែកត្នោតក្នុងភូមិសាស្រ្តខណ្ឌដង្កោ ស្រកចុះទៅវិញលែងជាក្ដីបារម្ភ

2023/08/03 09:21:51 pm        324
Facebook Telegram Linkin
ភ្នំពេញ៖ ស្ថានភាពទឹកស្ទឹងព្រែកត្នោត ក្នុងភូមិសាស្រ្តខណ្ឌដង្កោ ក្រោយពីមានការហក់ឡើងរយៈពេល ២ទៅ៣ថ្ងៃមកនេះ បានស្រកចុះទៅវិញលែងជាក្ដីបារម្ភហើយ ខណៈការស្រកចុះខ្លាំងនៅថ្ងៃទី ៣ ខែសីហានេះតែម្ដង។ នេះបើតាមការលើកឡើងរបស់មន្រ្តីមូលដ្ឋានដែលបន្តតាមដានស្ថានភាពទឹកជាប្រចាំថ្ងៃ។លោក លឹម សំបូរ ចៅសង្កាត់រងទី១ សង្កាត់ស្ពានថ្ម ថ្លែងពេល​កំពុងត្រួតពិនិត្យស្ថានភាព​ទឹកជា​មួយមន្រ្តីមកពីថ្នាក់ខណ្ឌថា ​ឈានមកដល់ថ្ងៃទី៣ខែសីហា ឆ្នាំ ២០២៣នេះ ស្ថានភាពកម្ពស់​ទឹកស្ទឹងព្រែកត្នោត ដែលហូរកាត់ក្នុងភូមិសាស្រ្តខណ្ឌដង្កោ ​រាជធានីភ្នំពេញ បានស្រកចុះទៅវិញ​លែង​បង្កជាក្ដីបារម្ភ។ លោកបន្តថា ទោះជាយ៉ាងណាមន្រ្តីមូលដ្ឋាន​នៅតែបន្តតាមដានស្ថានភាពទឹក​ទោះមានការស្រក​ចុះក្ដីពីព្រោះបញ្ហាគ្រោះធម្មជាតិ ​គឺមិនអាចឃើញ ​ដឹងមុនបានទេ ​ដូច្នេះត្រូវប្រុងប្រយ័ត្នជានិច្ច ជាពិសេស ចាប់ពីខែ វិច្ឆិកា ឬខែធ្នូ ទើបផុតក្ដីបារម្ភពីបញ្ហាទឹកជំនន់។លោក លឹម សំបូរ សង្ឃឹមថា ជំនន់ឆ្នាំនេះ ​មិនជន់លិចធ្ងន់ធ្ងរដូចប៉ុន្មានឆ្នាំមុនទៀតនោះទេ ខណៈអាជ្ញាធរ​បានជួសជុល ​និងសាងសង់ផ្លូវសងខាងស្ទឹង ​ខ្ពស់ជាងមុន ថែមទាំង​មានការបុកដែកចុះទៅក្រោមថែមទៀតផង។សូមជម្រាបថា រយៈពេលប៉ុន្មានថ្ងៃមកនេះ​ គឺមានការជន់លិចនៅតាមបណ្ដាខេត្តមួយចំនួន រួមមាន៖ ខេត្តកំពត ខេត្តកែប ​ខេត្តកំពង់ស្ពឺ ជាដើម។ ចំពោះទឹកស្ទឹងព្រែកត្នោត ដែលបានហក់ឡើង​កាលពីថ្ងៃទី ១ និងថ្ងៃទី ២ សីហាម្សិលម៉ិញ ខណៈជំនន់នេះមានប្រភពមកពីខាងលើដែល​សំដៅលើខេត្តកំពង់ស្ពឺ៕អត្ថបទ៖ គឹមហុក

អំពើហិង្សាសហគមន៍ដ៏គ្រោះថ្នាក់ បានផ្ទុះឡើងនៅឥណ្ឌា មួយខែ មុនកិច្ចប្រជុំមេដឹកនាំពិភពលោក

2023/08/03 09:21:18 pm        246
Facebook Telegram Linkin
ឥណ្ឌា៖ ការផ្ទុះឡើងនៃអំពើហិង្សានៅទីកន្លែងផ្សេងៗគ្នា ក្នុងសប្តាហ៍នេះ ក្នុងនោះរួមទាំងការចោទប្រកាន់ ជុំវិញការបាញ់សម្លាប់បុរសម៉ូស្លីម៣នាក់ដោយមន្រ្តីនគរបាល នៅលើរថភ្លើងមួយ បានបង្ហាញឲ្យឃើញពីការប្រេះឆាខ្លាំងឡើងៗ ក្នុងសហគមន៍ នៅប្រទេសឥណ្ឌា ដែលការទាស់ទែងនេះ កើតឡើងប៉ុន្មានសប្តាហ៍ មុនពេលកិច្ចស្វាគមន៍មេដឹកនាំក្រុមប្រទេសទាំង ២០ (G20) មាននៅរដ្ឋធានីរបស់ប្រទេស។អំពើហិង្សា បានផ្ទុះឡើងនៅភាគខាងជើងនៃរដ្ឋ Harayana កាលពីថ្ងៃចន្ទ (ទី៣១ ខែកក្កដា) បន្ទាប់ពីអង្គការហិណ្ឌូស្តាំនិយមមួយ ដែលបានដឹកនាំព្យុហយាត្រាសាសនា នៅតំបន់ Nuh ដែលភាគច្រើនសម្បូរអ្នកកាន់សាសនាម៉ូស្លីម។ការប៉ះទង្គិចគ្នានោះ បានរីករាលដាលដល់តំបន់មួយចំនួន ដែលជាមជ្ឈមណ្ឌលហិរញ្ញវត្ថុ និងបច្ចេកវិទ្យា ក្នុងទីក្រុង Gurugram ឬគេស្គាល់ឈ្មោះថា «Gurgaon»(ហ្គួហ្កោន) ជាទីដែលមនុស្សជាង១,៥លាននាក់ រស់នៅ និងជាទីតាំងរបស់ក្រុមហ៊ុនសកលរាប់រយ ដោយក្រុមមនុស្សបង្កហិង្សាទាំងនោះ ភាគច្រើនបានកំណត់គោលដៅលើទ្រព្យសម្បត្តិ ដែលជាកម្មសិទ្ធិរបស់ពួកម៉ូស្លីម ដោយដុតបំផ្លាញអគារ ព្រមទាំងវាយកម្ទេចហាង និងភោជនីយដ្ឋាននានា។អាជ្ញាធរបាននិយាយថា យ៉ាងហោចណាស់មនុស្ស ៦នាក់ បានស្លាប់ ក្នុងនោះរួមទាំងនគរបាល ២នាក់ និងបព្វជិតម្នាក់ នៅខាងក្នុងវិហារអ៊ីស្លាម ដែលត្រូវបានដុត ហើយមនុស្សជាង ១១០នាក់ ត្រូវបានចាប់ខ្លួន។ ទីប្រឹក្សាតំបន់របស់ទីក្រុង Gurugram បានជំរុញឲ្យអ្នកស្រុក ស្នាក់នៅតែក្នុងផ្ទះ និងបានបញ្ជាឲ្យបិទវិទ្យាស្ថានអប់រំឯកជន និងការិយាល័យរដ្ឋបាលមួយចំនួន៕

ទេសរដ្ឋមន្រ្តី លី ធុជ៖ ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្រ្តី​ ក្នុងអាណត្ដិថ្មី ពោរពេញដោយចំណេះដឹង សមត្ថភាព

2023/08/03 09:13:06 pm        276
Facebook Telegram Linkin
ឧត្តរមានជ័យ៖ ឯកឧត្តមបណ្ឌិត ហ៊ុន ម៉ាណែត ដែលនឹងក្លាយជានាយករដ្ឋមន្រ្តីនៃព្រះរាជាណាចក្រកម្ពុជា ចាប់ពីខែសីហា ឆ្នាំ២០២៣ ដ៏ខ្លីខាងមុខនេះ នឹងទទួលកេរមរតកជាប្រវត្តិសាស្រ្តពីសម្តេចតេជោ ហ៊ុន សែន ដើម្បីបន្តដឹកនាំការពារ កសាងជាតិមាតុភូមិ ក្នុងការធានាឲ្យបាននូវសុខសន្តិភាព និងនិរន្តរភាពនៃការអភិវឌ្ឍរយៈពេលវែង។ ការលើកឡើងបែបនេះ ក្នុងខណៈពេលដែល ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីនតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន នៅថ្ងៃទី០៣ ខែសីហា ឆ្នាំ២០២៣ អញ្ជើញបើកយុទ្ធនាការអប់រំអំពី​គ្រោះថ្នាក់​ដោយ​សារយុទ្ធភណ្ឌគ្រឿងផ្ទុះ នៅស្រុកអន្លង់វែង ​ខេត្តឧត្តរមានជ័យ ដែលជាតំបន់ប្រវត្តិសាស្ដ្រកាន់កាប់ចុងក្រោយ ​នៃចលនារបបខ្មែរក្រហម។ឯកឧត្តម ទេសរដ្ឋមន្រ្តី បានបន្តទៀតថា សន្តិភាពដែល សម្តេចតេជោ ហ៊ុន សែន បានស្វែងរកមកយ៉ាងលំបាក និងពលីគ្រប់បែបយ៉ាង បានរកឃើញអ្នកបន្តវេនហើយ គឺឯកឧត្តមបណ្ឌិត ហ៊ុន ម៉ាណែត ដែលជាឥស្សរជនជាតិដ៏ឆ្នើម និងជាបញ្ញាវ័ន្តខ្មែរ ពោរពេញដោយចំណេះដឹង សមត្ថភាព និងតែងតែគិតគូរពីឧត្តមប្រយោជន៍ជាតិ និងប្រជាជនកម្ពុជាជាធំ។ក្នុងនាមប្រជាជនកម្ពុជា ឯកឧត្តម ទេសរដ្ឋមន្រ្តី បានសម្តែងនូវការគោរពដឹងគុណ កត្តញ្ញូតាធម៌ និង​ចងចាំជានិច្ចចំពោះស្នាដៃជាប្រវត្តិសាស្រ្ត និងវីរភាព ​ដ៏ឧត្តុង្គឧត្តមរបស់​សម្តេចតេជោ នាយករដ្ឋមន្រ្តី ជារដ្ឋបុរស និងបិតាសន្តិភាព ដែលបានសង្រ្គោះជាតិ និងប្រជាជនពីរបបប្រល័យពូជសាសន៍ និងបានធ្វើឲ្យទឹកដីកម្ពុជាទាំងមូលបាន ​ឯកភាពជាតិ ប្រកបដោយសន្តិភាព ស្ថិរភាព។ សម្តេចតេជោ ហ៊ុន សែន ​បាននាំមកនូវជីវិតថ្មី និងអនាគតថ្មីសម្រាប់ប្រជាជនកម្ពុជាទូទាំងប្រទេស ជាមួយនឹងការតាំងចិត្តខ្ពស់ និងចក្ខុវិស័យដឹកនាំច្បាស់លាស់។ ឆ្លៀតយកឱកាសនោះ ឯកឧត្តម ទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះ​បងប្អូន​ប្រជាពលរដ្ឋស្រុកអន្លង់វែងទាំងអស់ ​ដែលបានចូលរួមជាមួយសម្តេចតេជោ ទម្លាក់អាវុធ​ដើម្បីជ្រើសរើសយកការរួបរួមជាតិខ្មែរតែមួយក្រោមម្លប់សន្តិភាព ​ព្រមទាំងបានផ្តល់នូវការគាំទ្រ និងការជឿទុកចិត្តជូនសម្តេចតេជោ តាមរយៈសន្លឹតឆ្នោតកន្លងទៅនេះ។ សន្លឹកឆ្នោតរបស់បងប្អូន ពិតជាមានតម្លៃណាស់ ​និងបានបង្ហាញពីការតាំងចិត្តខ្ពស់ដើម្បីគាំទ្រសន្តិភាព​ គាំទ្រសម្តេចតេជោ និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី។ ដោយឡែកពាក់ព័ន្ធនឹងសកម្មភាពមីនដែលជាកេរមរតកសង្រ្គាមនៅកម្ពុជា ​សម្តេចតេជោ ហ៊ុន សែន បានដាក់ចេញនូវចក្ខុវិស័យដឹកនាំច្បាស់លាស់ក្នុងការបញ្ចប់វត្តមានគ្រាប់មីននៅកម្ពុជា ព្រមទាំង បានថ្លែងបញ្ជាក់ថា ទោះបីស្ថិតក្នុងតម្លៃណាដោយ ត្រូវតែបោសសម្អាតមីនឲ្យអស់ពីទឹកដី​កម្ពុជា ដែលឯកឧត្តម បណ្ឌិត ហ៊ុន ម៉ាណែត បន្តគាំទ្រយ៉ាងពេញទំហឹងក្នុងការដោះស្រាយ​បញ្ហាមីន​ ដើម្បីផ្តល់សុខសុវត្ថិភាពដល់ប្រជាជនកម្ពុជាទូទាំងប្រទេស។ក្នុងពិធីបើកយុទ្ធនាការនេះផងដែរ ឯកឧត្តម ទេសរដ្ឋមន្រ្តី បានគូសបញ្ជាក់ថា ខេត្តឧត្តរមានជ័យ គឹជាខេត្តមួយដែលមានជនរងគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម​ច្រើន​លំដាប់ទី ៤ ក្នុងចំណោមខេត្តដែលមានជនរងគ្រោះច្រើនជាងគេ ​បន្ទាប់ពីខេត្តបន្ទាយមានជ័យ ខេត្តបាត់ដំបង ​និងខេត្តសៀមរាប។ ជាមួយគ្នានោះ ឯកឧត្តម ទេសរដ្ឋមន្រ្តី បានណែនាំឲ្យប្រតិបត្តិករជាតិ អន្តរជាតិទាំងអស់ ផ្តល់​នូវកិច្ចសហការជាមួយអាជ្ញាធរដែនដីគ្រប់លំដាប់ថ្នាក់ បង្កើនការចូលរួមឱ្យបានកាន់តែខ្លាំង​ក្លា​ថែមទៀត ក្នុងការអប់រំ និងផ្សព្វផ្សាយការយល់ដឹងអំពីគ្រោះថ្នាក់​ ដោយសារគ្រាប់មីន និង​សំណល់ជាតិផ្ទុះពីសង្គ្រាមដល់ប្រជាសហគមន៍ ​សិស្សានុសិស្ស និងកុមារា កុមារី ដែលរស់នៅ​ក្បែរតំបន់ដែលមានចម្ការមីន និងតំបន់ដែលមានបន្សល់នូវសំណល់ជាតិ​ផ្ទុះពីសង្គ្រាម៕

ក្រុងញូវយ៉ក ព្យាយាមស្វែងរកទីជម្រកសម្រាប់ជនអន្តោប្រវេសន៍

2023/08/03 09:11:55 pm        79
Facebook Telegram Linkin
អាមេរិក៖មន្ត្រីទីក្រុងញូវយ៉ក បានស្នើសុំរដ្ឋ និងរដ្ឋាភិបាលសហព័ន្ធ ឲ្យជួយគាំទ្រប្រព័ន្ធទីជម្រករបស់ខ្លួន ដែលកំពុងមានច្រើនលើសលប់នូវលំហូរជនអន្តោប្រវសេន៍ ដែលភាគច្រើនមកពីបណ្តាប្រទេសអាមេរិកឡាទីន។ រដ្ឋនានាដឹកនាំដោយគណបក្សសាធារណៈរដ្ឋ ដូចជារដ្ឋ តិចសាស់ និងអារីហ្សូណា កំពុងដឹកជញ្ជូនជនអន្តោប្រវេសន៍តាមរថយន្តក្រុងទៅកាន់ទីក្រុងញូវយ៉ង និងទីក្រុងដ៍ទៃទៀត ក្នុងការតវ៉ាចំពោះគោលនយោបាយអន្តោប្រវរេសន៍របស់រដ្ឋបាលប្រធានាធិបតីលោក Joe Biden។ ជនអន្តោប្រវេសន៍ជាង ១០០នាក់ កំពុងដេកនៅលើចិញ្ចើមផ្លូវក្នុងទីក្រុងញូវយ៉ក ដោយកំពុងរង់ចាំគេផ្តល់កន្លែងស្នាក់នៅ។ មន្ត្រីទីក្រុងម្នាក់ បានប្រាប់អ្នករាយការណ៍ព័ត៌មានកាលពីថ្ងៃពុធថា ពុំមានបន្ទប់នៅសល់នោះទេ។មន្ត្រីនិយាយថា អ្នកស្វែងរកសិទ្ធជ្រកកោនច្រើនជាង៩៥.០០០ នាក់ បានចូលមកទីក្រុងនេះ ចាប់តាំងពីនិទាឃរដូវឆ្នាំមុន ដោយ១៤.០០០នាក់ក្នុងចំណោមពួកគេ បានមកដល់កាលពីខែមុនតែមួយខែ។ ទីក្រុងញូវយ៉ក បានអំពាវដល់ទីក្រុងដែលផ្តល់ទីជម្រកសម្រាប់ចំណាត់ការរបស់ខ្លួនដែលធានាបានទីជម្រកដល់នណាម្នាក់ដែលត្រូវការវា៕

បណ្ដាញសង្គម

ព័ត៌មានថ្មីៗ

ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin
មនុស្សម្នាក់ស្លាប់ និងច្រើននាក់ទៀតជាប់ខ្លួន ក្រោយផ្ទះចាស់បាក់រលំនៅទីក្រុង Kolkata ប្រទេសឥណ្ឌា
08/18/2026 07:08 PM
Facebook Telegram Linkin
សាកសពជនអន្តោប្រវេសន៍ ៩នាក់ ត្រូវបានរកឃើញនៅជិតតំបន់ឆ្នេរភាគខាងកើតទីក្រុង Tripoli ប្រទេសលីប៊ី
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.