នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

ភ្ញៀវទេសចរឥណ្ឌាសម្រុកទៅកាន់តំបន់អាស៊ីអាគ្នេយ៍ ខណៈការបើកឡើងវិញការធ្វើដំណើររបស់ចិន

2023/07/17 07:12:37 pm        114
Facebook Telegram Linkin
ឥណ្ឌា៖ ភ្ញៀវទេសចរឥណ្ឌា កំពុងសម្រុកចូលទៅកាន់ តំបន់អាស៊ីអាគ្នេយ៍ ដែលកំពុងចូលរួមក្នុងតំណែងប្រទេស ដែលមានប្រជាជនច្រើនបំផុតរបស់ពិភពលោក ខណៈទីផ្សារកំណើនដ៏សំខាន់សម្រាប់ការធ្វើដំណើរ និងវិស័យទេសចរណ៍កំពុងរំពឹងពីស្ថានភាពនៃការបើកឡើងវិញដែលរំពឹងទុកយឿតៗរបស់ប្រទេសចិន។ នាយកប្រតិបត្តិ និងអ្នកវិភាគ និយាយថា មានចាប់ពីក្រុមហ៊ុនអាកាសចរណ៍ដូចជា IndiGo និង Thai Airways នឹងផ្តល់ការស្វាគមន៍ជាបន្តបន្ទាប់ បានផ្តល់កន្លែងរាប់ពាន់ ដែលក្រុមហ៊ុនជាច្រើននឹងដំណើរការថ្នាក់កណ្តាលដែលកំពុងកើនឡើងរបស់ប្រទេសឥណ្ឌា និងការចំណាយដែលកំពុងកើនឡើង។អ្នកវិភាគមកពីក្រុមហ៊ុនអាកាសចរ លោក Brendan Sobie បាននិយាយទៅកាន់សន្និសីទឧស្សាហកម្មកាលពីខែមុនថា ជាការពិត តំបន់អាស៊ីអាគ្នេយ៍ មានទីតាំងដ៍ល្អសម្រាប់កំណើនជាច្រើន ដែលកំពុងកើនឡើងមកពីប្រទេសឥណ្ឌា។ យោងតាមអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍន៍ បានឲ្យដឹងថា ឧស្សាកម្មទេសចរណ៍ និងធ្វើដំណើរ គឺមានសារៈសំខាន់សម្រាប់សេដ្ឋកិច្ចនៅតំបន់អាស៊ីអាគ្នេយ៍ប្រមាណ១២ភាគរយនៃផលិតផលក្នុងស្រុកសរុបរបស់តំបន់ មុនការឆ្លងរាតត្បាតជំងឺ Covid-19។ វិស័យនេះ បានជួលមនុស្ស ជាង៤០លាននាក់នៅក្នុងតំបន់។ សម្រាប់រយៈពេល១ទសវត្សរ៍មកនេះ វិស័យទេសចរណ៍ត្រូវបានជំរុញដោយប្រទេសចិន ប៉ុន្តែទិន្នន័យផ្លូវការមកពីប្រទេសនៅអាស៊ីអាគ្នេយ៍ចំនួន៤ បានបង្ហាញពីការងើបឡើងវិញយឺតជាមួយចំនួនភ្ញៀវទេសចរចិននៅក្នុងខែឧសភា យ៉ាងហោចណាស់៦០ភាគរយ ទាបជាងខែដូចគ្នា កាលពីឆ្នាំ២០១៩។ យោងតាមសមាជិកឧស្សាហកម្ម បានឲ្យដឹងថា ការកើនឡើងរយៈពេលវែង ចំពោះភ្ញៀវទេសចរឥណ្ឌា នឹងនាំទៅរកស្តង់ដាជាថ្មីនៃសមត្ថភាពក្រុមហ៊ុនអាកាសចរណ៍ ការផ្តល់ការស្វាគមន៍ និងប្រតិបត្តិករវិស័យទេសចរណ៍ ជាសញ្ញាដំបូងដែលកំពុងដំណើរការ៕

មន្ត្រី៖ មនុស្ស ៥នាក់ បានស្លាប់ ក្នុងហេតុការណ៍ទឹកជំនន់នៅរដ្ឋ Pennsylvania ក្នុងនោះកុមារ ២នាក់ បានបាត់ខ្លួន

2023/07/17 07:09:41 pm        135
Facebook Telegram Linkin
អាមេរិក៖ មន្ត្រីនៅតំបន់ Bucks បាននិយាយកាលពីថ្ងៃអាទិត្យ (ទី១៦ ខែកក្កដា) ថា មនុស្ស ៥នាក់ បានស្លាប់ ហើយមនុស្ស ២នាក់ផ្សេងទៀត នៅតែរកមិនទាន់ឃើញ បន្ទាប់ពីភ្លៀងធ្លាក់យ៉ាងគំហុកបណ្តាលឲ្យមានទឹកជំនន់ភ្លាមៗ នៅក្នុងសង្កាត់ Upper Makefield ក្នុងរដ្ឋ Pennsylvania កាលពីថ្ងៃសៅរ៍ (ទី១៥ ខែកក្កដា)។សមត្ថកិច្ច នៅតែតាមរកក្មេង ដែលជាបងប្អូនបង្កើតនឹងគ្នា ២នាក់ ដោយក្មេងប្រុសអាយុ ៩ខែ និងក្មេងស្រីអាយុ២ឆ្នាំ។ ចៅសង្កាត់ Upper Makefield Fire លោក Tim Brewer បានប្រាប់អ្នកព័ត៌មាន ក្នុងសន្និសីទសារព័ត៌មានថា ចំណែកឯនារីពេញវ័យម្នាក់ដែលបាត់ខ្លួននៅមុននេះ ត្រូវបានរកឃើញ កាលពីរសៀលថ្ងៃអាទិត្យ។លោក Brewer បាននិយាយថា ជនរងគ្រោះជាច្រើន ជាសមាជិកគ្រួសារតែមួយ ដែលរស់នៅក្នុងក្រុង មកពីទីក្រុង Charleston រដ្ឋ South Carolina ធ្វើដំណើរទៅសួរសុខទុក្ខសាច់ញាតិ ហើយលោកបាននិយាយថា ពួកគេកំពុងបើកបរទៅហាងសាច់អាំងមួយ នៅពេលដែលពួកគេត្រូវបានទឹកហូរនាំទៅ។លោក Brewer បានបញ្ជាក់ថា ឪពុក និងកូនប្រុសអាយុ ៤ឆ្នាំ អាចគេចផុតពីគ្រោះថ្នាក់ ក្នុងទឹកជំនន់នេះ ប៉ុន្តែគួរឲ្យសោកស្ដាយ ម្តាយ ជីដូន និងកូន ២នាក់ទៀត មិនមានសំណាងល្អនោះទេ។នគរបាលបាននិយាយថា ទឹកជំនន់ដ៏អាក្រក់បំផុត បានកើតឡើងនៅតាមបណ្តោយផ្លូវលេខ ៥៣២ ចន្លោះផ្លូវ Aqueduct និងផ្លូវ Wrightstown។ យោងតាមនាយកដ្ឋាននគរបាលសង្កាត់ Upper Makefield បានឲ្យដឹងថា គ្រោះទឹកជំនន់បានធ្វើឲ្យមនុស្សជាច្រើននៅតាមដងផ្លូវស្រឡាំងកាំង ហើយមនុស្សជាច្រើននាក់ បានជាប់ក្នុងរថយន្តរបស់ពួកគេ៕

ឧត្តមមន្ត្រីអាស៊ាន៖ បញ្ហាមីយ៉ាន់ម៉ា នៅតែស្មុគស្មាញ ដែលទាមទារឱ្យប្រទេសសាមី ខិតខំដោះស្រាយ

2023/07/17 07:09:12 pm        152
Facebook Telegram Linkin
ភ្នំពេញ៖ ឯកឧត្ដម គង់ ភោគ រដ្ឋលេខាធិការក្រសួងការបរទេស ​និងសហប្រតិបត្តិការអន្តរជាតិ និងជា​ឧត្តមមន្រ្តីអាស៊ាន​របស់កម្ពុជា ​បានថ្លែងថា បញ្ហានៅក្នុងប្រទេសមីយ៉ាន់ម៉ា នៅតែមានភាព​ស្មុគស្មាញ សម្រាប់អាស៊ាន​ ហើយប្រទេសសមាជិកទាំងអស់ ​ក៏បានជំរុញ និងទាមទារ​ដល់​មីយ៉ាន់ម៉ាខ្លួនឯង​ ត្រូវខិតខំដោះ​ស្រាយ​បញ្ចប់​នូវជម្លោះនេះ ។ក្នុងសន្និសីទសារព័ត៌មាន ដើម្បីរាយការណ៍អំពីលទ្ធផល នៃការចូលរួម របស់​ឯកឧត្ដម​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៅក្នុងកិច្ចប្រជុំ​រដ្ឋ​មន្រ្តី​ការបរទេសអាស៊ានលើកទី៥៦ និងកិច្ចប្រជុំពាក់ព័ន្ធ នៅប្រទេសឥណ្ឌូនេស៊ី នៅថ្ងៃទី១៧ ខែកក្កដា ឆ្នាំ២០២៣នេះ ​ឯកឧត្តម គង់ ភោគ មានប្រសាសន៍ថា​ ពាក់ព័ន្ធបញ្ហាមីយ៉ាន់ម៉ា ត្រូវបាន​នាំយក​ទៅពិភាក្សាក្នុងកិច្ចប្រជុំចង្អៀត ​នៃកិច្ចប្រជុំរដ្ឋមន្ត្រីការបរទេសអាស៊ាន​ លើកទី៥៦ ដោយ​បញ្ហានៅ​ក្នុងប្រទេសមួយនេះ ​មានការលំបាក ​និងស្មុគស្មាញ ​ហើយភាគីទាំងអស់ បានធ្វើការពិភាក្សាច្រើន ។ឯកឧត្តម បានបន្តថា ​បច្ចុប្បន្នការប៉ះទង្គិចគ្នា ​រវាងរដ្ឋាភិបាលណៃពីដោ និង​កងកម្លាំង ​នៅតែ​បន្ត​កើត​មាន តែយ៉ាងណាប្រទេសជាសមាជិក​ និងប្រធានអាស៊ាន​ កំពុងខិតខំប្រឹងប្រែង និងធ្វើការ​សម្របសម្រួល ខណៈដែលភាគីកម្ពុជា នៅបន្តរក្សាជំហរដដែលខិតខំតាមលទ្ធភាពជួយ​ដល់​ភាគីពាក់ព័ន្ធទាំងអស់ ដើម្បីស្វែងរកដំណោះស្រាយមួយ ​ដែលអាចបញ្ចប់វិបត្តិនៅទីនោះ ហើយនាំ​មកវិញនូវប្រក្រតីភាព ។គួរបញ្ជាក់ថា វិបត្តិដែលកំពុងកើតឡើងនៅប្រទេសមីយ៉ាន់ម៉ា បានផ្ទុះឡើងជិត៣ឆ្នាំមកហើយ ប៉ុន្តែ​នៅមិនទាន់រកឃើញដំណោះស្រាយ ​ដើម្បីបញ្ចប់នៅឡើយនោះទេ ​ខណៈជម្លោះនេះ បានបណ្ដាល​ឲ្យមានជនស៊ីវិលជាច្រើននាក់​ បានស្លាប់បាត់បង់ជីវិត ​រួមទាំងផ្ទះសម្បែង និងហេដ្ឋារចនា​សម្ព័ន្ធ​ជាច្រើន ត្រូវបានបំផ្លាញជាបន្តបន្ទាប់ ៕អត្ថបទបាន សុខរិទ្ធិ

ឯកឧត្តម ម៉ម ប៊ុនហេង អំពាវនាវពលរដ្ឋបោះឆ្នោតជូនគណបក្សប្រជាជនកម្ពុជា ដើម្បីសន្តិភាព និងលើកកម្ពស់ជីវភាពកាន់តែល្អប្រសើរ

2023/07/17 06:46:51 pm        284
Facebook Telegram Linkin
ភ្នំពេញ៖ ឯកឧត្តម ម៉ម ប៊ុនហេង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា​ ចុះមូលដ្ឋានខណ្ឌសែនសុខ បានអំពាវនាវ​ប្រជាពលរដ្ឋ បោះឆ្នោតជូនគណបក្សប្រជាជនកម្ពុជា​ ដើម្បីសន្តិភាព និងលើកកម្ពស់ជីវភាព​កាន់តែល្អប្រសើរ។ការថ្លែងរបស់ឯកឧត្តម ម៉ម ប៊ុនហេង យ៉ាងដូច្នេះ នាឱកាសដឹកនាំសមាជិក សមាជិកាគណបក្ស​ប្រជាជន​កម្ពុជា ចុះផ្សព្វផ្សាយអំពីគោលនយោបាយ​ និងបង្រៀនគូសសន្លឹកឆ្នោត ដល់ប្រជាពលរដ្ឋ រស់នៅក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខ ​រាជធានីភ្នំពេញ, នៅព្រឹកថ្ងៃទី១៧ ខែកក្កដា ឆ្នាំ២០២៣នេះ។ឯកឧត្តម ម៉ម ប៊ុនហេង បានថ្លែងអំណរគុណជូនចំពោះថ្នាក់ដឹកនាំ សមាជិក សមាជិកាគណបក្ស​ប្រជាជនកម្ពុជា ជាពិសេសបងប្អូនប្រជាពលរដ្ឋ ​ដែល​មានវត្តមាននៅទីនេះផ្ទាល់ និងសូមពាំនាំ​នូវការ​ផ្តាំផ្ញើ​សាកសួរសុខទុកដ៏ខ្ពង់ខ្ពស់បំផុតរបស់​សម្តេចតេជោ ហ៊ុន សែន ប្រធានគណបក្ស​ប្រជាជនកម្ពុជា ​និងសូមអំពាវនាវដល់បងប្អូនប្រជាពលរដ្ឋទាំងអស់ អញ្ជើញទៅបោះឆ្នោត នាថ្ងៃទី២៣ ខែកក្កដា ឆ្នាំ២០២៣ នៅលេខរៀងទី១៨។ចំណែកបងប្អូនប្រជាពលរដ្ឋ រស់នៅក្នុងភូមិបុរីកម្មករ បានលើកឡើងរួមគ្នាថា ត្រូវការសម្តេចតេជោ ហ៊ុន សែន មានសម្តេចតេជោ គឺមានសន្តិភាព មួយសន្លឹកនៃការបោះឆ្នោត គឺជាក្តីសង្ឃឹមរបស់​បងប្អូន​ប្រជាពលរដ្ឋ​ និងប្រកាសគាំទ្រសម្តេចតេជោ ហ៊ុន សែន ជានាយករដ្ឋមន្រី្ត ដើម្បីបន្តដឹកនាំ​នាវា​កម្ពុជា ក្នុងសុខសន្តិភាព ស្ថិរភាព និងការអភិវឌ្ឍ៕អត្ថបទ រដ្ឋា

បេសកជនពិសេសរបស់សហរដ្ឋអាមេរិកទទួលបន្ទុកអាកាសធាតុទៅដល់ប្រទេសចិន ដើម្បីពិភាក្សាអំពីអាកាសធាតុឡើងវិញ

2023/07/17 06:35:50 pm        107
Facebook Telegram Linkin
អាមេរិក៖ លោកចន ឃើរី ( John Kerry) បេសកជនពិសេសរបស់សហរដ្ឋអាមេរិកទទួលបន្ទុកអាកាសធាតុ បានទៅដល់ប្រទេសចិន ដើម្បីស្តារឡើងវិញនូវកិច្ចខិតខំប្រឹងប្រែង ដើម្បីប្រយុទ្ធប្រឆាំងនឹងការឡើងកម្តៅផែនដី ចំពេលសប្តាហ៍នៃការកើនឡើងកម្តៅនៅអឌ្ឍគោលខាងជើង ដែលក្រុមអ្នកវិទ្យាសាស្ត្រនិយាយថា កំពុងធ្វើឱ្យកាន់តែធ្ងន់ធ្ងរឡើងដោយការប្រែប្រួលអាកាសធាតុ។ការធ្វើដំណើររយៈពេល៤ថ្ងៃរបស់លោកឃើរី ដែលបានចាប់ផ្តើមកាលពីថ្ងៃអាទិត្យ បន្ទាប់ពីដំណើរទស្សនកិច្ចកម្រិតខ្ពស់របស់សហរដ្ឋអាមេរិកចំនួនពីរផ្សេងទៀតទៅកាន់ប្រទេសចិននៅឆ្នាំនេះ ខណៈដែលប្រទេសដែលបញ្ចេញឧស្ម័នផ្ទះកញ្ចក់ដ៏ធំបំផុតរបស់ពិភពលោក ធ្វើការដើម្បីរក្សាស្ថិរភាពទំនាក់ទំនងដែលតានតឹងដោយជម្លោះពាណិជ្ជកម្ម ភាពតានតឹងផ្នែកយោធា និងការចោទប្រកាន់ពីបទចារកម្ម។ទូរទស្សន៍រដ្ឋ CCTV បាននិយាយអំពីការមកដល់របស់លោកឃើរី នៅទីក្រុងប៉េកាំង ដែលចាប់ពីថ្ងៃចន្ទនេះតទៅ «ចិននិងសហរដ្ឋអាមេរិក នឹងមានការផ្លាស់ប្តូរទស្សនៈស៊ីជម្រៅ» អំពីបញ្ហាអាកាសធាតុ។កិច្ចពិភាក្សាទ្វេភាគីរបស់បេសកជនជាមួយសមភាគីចិន លោក ស៊ី ចិនហួ ( Xie Zhenhua) នឹងផ្តោតលើបញ្ហារួមទាំងការកាត់បន្ថយការបំភាយឧស្ម័នមេតាន ការកំណត់ការប្រើប្រាស់ធ្យូងថ្ម ការទប់ស្កាត់ការកាប់បំផ្លាញព្រៃឈើ និងការជួយប្រទេសក្រីក្រដោះស្រាយការប្រែប្រួលអាកាសធតុ៕

ក្រុមវេជ្ជបណ្ឌិតជាន់ខ្ពស់នៅចក្រភពអង់គ្លេសប្រកាសរៀបចំកូដកម្មបន្ថែម និងច្រានចោលកិច្ចព្រមព្រៀងដំឡើងប្រាក់ឈ្នួល

2023/07/17 06:01:08 pm        241
Facebook Telegram Linkin
អង់គ្លេស៖ សហគមន៍វេជ្ជសាស្ត្រចក្រភពអង់គ្លេស (BMA) បាននិយាយនៅថ្ងៃចន្ទនេះថា ក្រុមវេជ្ជបណ្ឌិតជាន់ខ្ពស់នៅក្នុងចក្រភពអង់គ្លេស នឹងរៀបចំក្បួនកូដកម្មរយៈពេល២ថ្ងៃ នៅខែសីហា ដោយច្រានចោលកិច្ចព្រមព្រៀងដំឡើងប្រាក់ខែ៦% ដែលបានប្រកាសដោយរដ្ឋាភិបាលកាលពីសប្ដាហ៍មុន ថាជាការកាត់ប្រាក់ឈ្នួលតាមលក្ខខណ្ឌជាក់ស្តែងដោយខ្វះការពិចារណា។  ក្រុមវេជ្ជបណ្ឌិតកម្រិតពិគ្រោះយោបល់ នៅក្នុងសេវាសុខភាពជាតិដែលបានផ្ដល់មូលនិធិសាធារណៈរបស់ចក្រភពអង់គ្លេស នឹងរៀបចំកូដកម្មនៅថ្ងៃទី២៤និង២៥ខែសីហា ជាការបន្ថែមពីលើកូដកម្មនានាដែលធ្លាប់បានប្រកាសកាលពីកន្លងទៅនៅថ្ងៃទី២៩ និង២១ និងការគូសបញ្ជាក់ការបរាជ័យរបស់លោកនាយករដ្ឋមន្ត្រីរីស៊ីស៊ូណាក់(Rishi Sunak) ក្នុងការបញ្ចប់សកម្មភាពឧស្សាហកម្មជាច្រើនខែទូទាំងសេវាសាធារណៈ។ លោក Sunak កាលពីសប្ដាហ៍មុន បានហៅការដំឡើងប្រាក់ឈ្នួលវិស័យសាធារណៈនាពេលថ្មីៗនេះ ថាជាដំណោះស្រាយចុងក្រោយ ដោយព្រមានថា ពួកគេនឹងខាតបង់ប្រាក់រាប់លាន ការកាត់កញ្ចប់ថវិកាគ្រប់ទីកន្លែង និង ពុំមានការចរចាបន្ថែមទៀតនោះទេ។  ខណៈក្រុមសហជីពគ្រូបង្រៀន បានផ្អាកកូដកម្ម និងបានលើកឡើងពីការទទួលយកកិច្ចព្រមព្រៀងរបស់ពួកគេ ក្រុមសហជីពរបស់ក្រុមវេជ្ជបណ្ឌិត ពុំចាប់អារម្មណ៍ទេ  បន្ទាប់ពីអ្វីដែលពួកគេនិយាយថា មានការខាតបង់ជាច្រើនឆ្នាំសម្រាប់សមាជិករបស់ខ្លួន។  អត្រាអតិផរណារបស់ចក្រភពអង់គ្លេស បានហាក់ឡើងខ្ពស់ជាង១ឆ្នាំមកហើយ ដោយកើនឡើងជាង១១% កាលពីខែតុលា និង៨,៧%កាលពីខែឧសភា ជាកម្រិតខ្ពស់បំផុតក្នុងចំណោមប្រទេសអភិវឌ្ឍ ដែលមានសេដ្ឋកិច្ចធំៗ៕

គូវ៉ែត គ្រោងនឹងបង្កើតមូលនិធិអធិបតេយ្យភាពថ្មី ដើម្បីអភិវឌ្ឍន៍គម្រោងធំៗ និងសេដ្ឋកិច្ចក្នុងស្រុក

2023/07/17 05:30:05 pm        233
Facebook Telegram Linkin
គូវ៉ែត៖ ប្រទេសគូវ៉ែត គ្រោងនឹងបង្កើតមូលនិធិអធិបតេយ្យភាពថ្មី ដើម្បីអភិវឌ្ឍន៍សេដ្ឋកិច្ចក្នុងស្រុករបស់ខ្លួន គម្រោងធំៗសំខាន់ៗនិងទាក់ទាញមូលនិធិពីវិនិយោគិនបរទេស និងវិស័យឯកជន នេះបើយោងតាមផែនការរបស់រដ្ឋាភិបាលដែលសារព័ត៌មានReuters បានមើលឃើញ កាលពីថ្ងៃអាទិត្យ។ឯកសារនោះ បានឲ្យដឹងថា រដ្ឋាភិបាលបានប្រគល់ភារកិច្ចឱ្យក្រសួងហិរញ្ញវត្ថុ និងអាជ្ញាធរ វិនិយោគគូវ៉ែត (KIA) ក្នុងការសិក្សាផែនការសម្រាប់មូលនិធិដែលបានស្នើឡើង មានឈ្មោះថា Ciyada ជាភាសាអារ៉ាប់សម្រាប់អធិបតេយ្យភាព។ពុំមានការចង្អុលបង្ហាញអំពីតម្លៃនៃមូលនិធិដែលCiyada នឹងគ្រប់គ្រង ឬគម្រោងជាក់លាក់ណាមួយ ដែលវានឹងជួយផ្នែកហិរញ្ញវត្ថុនោះទេ។ឯកសារដដែល បានឲ្យដឹងទៀតថា មូលនិធិអភិវឌ្ឍន៍ Ciyada នឹងត្រូវបានប្រើ ដើម្បីដឹកនាំការវិនិយោគក្នុងស្រុក ដែលមានបំណងជំរុញការអភិវឌ្ឍសេដ្ឋកិច្ច និងពង្រីកសេដ្ឋកិច្ចរបស់ប្រទេសគូវ៉ែត។អាជ្ញាធរវិនិយោគគូវ៉ែត (KIA) ដែលមានទ្រព្យសកម្មជាង ៨០០ ពាន់លានដុល្លាររួចទៅហើយ នៅក្រោមការគ្រប់គ្រង យោងទៅតាមអ្នកតាមដានមូលនិធិទ្រព្យសម្បត្តិអធិបតេយ្យភាព Global SWF គ្រប់គ្រងការិយាល័យវិនិយោគកូវ៉ែត ដែលគ្រប់គ្រងមូលនិធិបម្រុងទូទៅ(GRF)និងមូលនិធិជំនាន់អនាគត(FGF)៕

ម៉ិកស៊ិក ចាប់បានជនអន្តោប្រវេសន៍ជាង ៥០០នាក់ ក្នុងរយៈពេល ២ថ្ងៃ

2023/07/17 05:25:19 pm        231
Facebook Telegram Linkin
ម៉ិកស៊ិក៖ អាជ្ញាធររបស់ប្រទេសម៉ិកស៊ិក កាលពីថ្ងៃអាទិត្យ (ទី១៦ ខែកក្កដា) បានឲ្យដឹងថា ពួកគេស្ទាក់ចាប់បានជនអន្តោប្រវេសន៍ជាង ៥០០នាក់ ក្នុងរយៈពេល ២ថ្ងៃ នៅភាគខាងកើតរដ្ឋ Veracruz ខណៈដែលអាជ្ញាធរ បង្ក្រាបលើការដឹកជញ្ជូនជនអន្តោប្រវេសន៍ទៅសហរដ្ឋអាមេរិក ដោយមិនមានស្ថានភាពសុវត្ថិភាព។ប្រភពពីវិទ្យាស្ថានជាតិ សម្រាប់ជនអន្តោប្រវេសន៍ (INM) បានប្រាប់ថា អាជ្ញាធរបានរកឃើញជនអន្តោប្រវេសន៍ចំនួន ២០៦នាក់ដែលត្រូវបានគេទុកចោលនៅក្នុងរថយន្តសណ្ដោងរ៉ឺម៉កមួយ កាលពីថ្ងៃសៅរ៍ (ទី១៥ ខែកក្កដា) នៅទីក្រុង Puente Nacional ក្នុងរដ្ឋ Veracruz។អភិបាលក្រុងលោក Roberto Montiel បានសរសេរនៅលើបណ្ដាញសង្គម Facebook ថា ជនអន្តប្រវេសន៍ជាង ១៨០នាក់ ត្រូវបានរកឃើញ ក្នុងនោះមានរួមទាំងស្ត្រី និងកុមារផងដែរ ដោយជនអន្តោប្រវេសន៍មួយចំនួន មានអាការខ្វះជាតិទឹក។ នៅព្រឹកថ្ងៃអាទិត្យ វិទ្យាស្ថានជាតិ សម្រាប់ជនអន្តោប្រវេសន៍ (INM) បានឲ្យដឹងក្នុងសេចក្តីថ្លែងការណ៍មួយថា អាជ្ញាធរស្ទាក់ចាប់បានជនអន្តោប្រវេសន៍ចំនួន ៣០៣នាក់នៅក្នុងប្រតិបត្តិការចំនួន២ កាលពីព្រឹកថ្ងៃសុក្រ (ទី១៤ ខេកក្កដា) ក្នុងរដ្ឋ Veracruz។កាលពីថ្ងៃសុក្រនោះដែរ អាជ្ញាធរបានរកឃើញជនអន្តោប្រវេសន៍ចំនួន ១៩៦នាក់ រួមទាំងអនីតិជនដែលមិនមានអ្នករួមដំណើរចំនួន ១៩នាក់ ត្រូវបានទុកក្នុងរថយន្ដសណ្ដោងរ៉ឺម៉កចតគ្មានសណ្ដាប់ធ្នាប់ ដែលត្រូវបានឃើញនៅលើផ្លូវមួយនៅជិតទីក្រុង Fortin de las Flores។ការរត់ពន្ធជនអន្តោរប្រវេសន៍ប្រកបដោយគ្រោះថ្នាក់ នៅលើផ្លូវឆ្ពោះទៅកាន់សហរដ្ឋអាមេរិក បានបញ្ចប់ទៅក្នុងទិដ្ឋភាពសោកនាដកម្មគួរឲ្យកត់សម្គាល់ នៅប៉ុន្មានឆ្នាំថ្មីៗនេះ។ក្នុងខែធ្នូ ឆ្នាំ២០២១ មនុស្ស ៥៥នាក់បានស្លាប់ បន្ទាប់ពីរថយន្តដឹកជនអន្តោប្រវេសន៍ប្រមាណ ១៦៦នាក់បានជួបឧបទ្ទវហេតុ នៅភាគខាងត្បូងរដ្ឋ Chiapas របស់ប្រទេសម៉ិកស៊ិក ហើយនៅខែមិថុនា ឆ្នាំ២០២២ ជនអន្តោប្រវេន៍ចំនួន ៥៣នាក់បានបាត់បង់ជីវិត ក្នុងរថយន្តសណ្ដោងរ៉ឺម៉កដែលកំពុងឆេះ នៅរដ្ឋតិចសាស់ ដែលនេះជាឧបទ្ទវហេតុជួញដូរជនអន្តោប្រវេសន៍ដ៏គួរឲ្យរន្ធត់បំផុត នៅសហរដ្ឋអាមេរិក៕

អ៊ុយក្រែន និងប៉ូឡូញ និយាយថា ក្រុមអ្នកប្រយុទ្ធវ៉េកណា បានទៅដល់ប្រទេសបេឡារុស ហើយ

2023/07/17 05:22:15 pm        278
Facebook Telegram Linkin
អ៊ុយក្រែន៖ ក្រុមមន្ត្រីអ៊ុយក្រែន និងប៉ូឡូញបាននិយាយកាលពីថ្ងៃសៅរ៍ថា ក្រុមអ្នកប្រយុទ្ធមកពីក្រុម វ៉េកណា (Wagner) បានទៅដល់ប្រទេសបេឡារុសពីប្រទេសរុស្ស៊ី មួយថ្ងៃបន្ទាប់ពីទីក្រុង មីនស៍ ( Minsk) បាននិយាយថាទាហានស៊ីឈ្នួលកំពុងហ្វឹកហាត់ទាហានរបស់ប្រទេសនេះ នៅភាគអាគ្នេយ៍នៃរដ្ឋធានី។លោក អានឌ្រី ឌីមឆិនកូ (Andriy Demchenko) អ្នកនាំពាក្យរបស់ទីភ្នាក់ងារព្រំដែនអ៊ុយក្រែនបាននិយាយនៅក្នុងសេចក្តីថ្លែងការណ៍មួយនៅលើកម្មវិធីផ្ញើសារ Telegram ថា ក្រុមអ្នកប្រយុទ្ធទាហានស៊ីឈ្នួល វេកណា (Wagner) កំពុងស្ថិតនៅក្នុងប្រទេសបេឡារុស ។ លោកបាននិយាយថាចលនារបស់ក្រុមផ្ដាច់ខ្លួន ពីប្រទេសរុស្ស៊ី ត្រូវបានគេសង្កេតឃើញនៅក្នុងប្រទេសបេឡារុស។ប្រភពចំនួនពីរដែលជិតស្និទ្ធនឹងក្រុមអ្នកប្រយុទ្ធបានប្រាប់សារព័ត៌មាន Reuters ថា ក្រុមអ្នកប្រយុទ្ធ Wagner មួយចំនួន បានស្ថិតនៅក្នុងប្រទេសបេឡារុស ចាប់តាំងពីថ្ងៃអង្គារមក។ក្រសួងការពារជាតិបេឡារុស បានចេញផ្សាយវីដេអូមួយកាលពីថ្ងៃសុក្រ ដោយបង្ហាញពីអ្វីដែលខ្លួនបាននិយាយថា ក្រុមយុទ្ធជនWagnerកំពុងបណ្តុះបណ្តាលទាហានបេឡារុសនៅជួរយោធាក្បែរទីក្រុងអូស៊ីផូវីជី (Osipovichi) ។លោកប្រធានាធិបតី Vladimir Putin បាននិយាយថា សកម្មភាពរបស់ ក្រុមទាហានស៊ីឈ្នួល ទៅកាន់ប្រទេសបេឡារុស គឺជាផ្នែកមួយនៃកិច្ចព្រមព្រៀងដែលបានបញ្ចប់ការប៉ុនប៉ងបះបោររបស់ក្រុមនេះកាលពីខែមិថុនា នៅពេលពួកគេបានកាន់កាប់ទីបញ្ជាការយោធារុស្ស៊ី ដោយបានដើរក្បួនទៅកាន់ទីក្រុងមូស្គូ និងបានគំរាមថានឹងបង្វែរប្រទេសរុស្ស៊ីចូលទៅក្នុងសង្រ្គាមស៊ីវិល ។ គេពុំបានមើលឃើញ ប្រធាន Wagner លោក យ៉េវហ្គេនី  ព្រីហ្គូស៊ីន (Yevgeny Prigozhin) បង្ហាញខ្លួនជាសាធារណៈទេ ចាប់តាំងពីលោកបានចាកចេញពីទីក្រុង រ៉ូស្តូវ អន ដុន ( Rostov-on-Don) ភាគខាងត្បូងប្រទេសរុស្ស៊ី កាលពីល្ងាចថ្ងៃទី ២៤ ខែមិថុនា។ លោក ស្តានីស្លាវ ហ្សារីន(Stanislaw Zaryn) អនុរដ្ឋមន្ត្រីសម្របសម្រួលសេវាកម្មពិសេសរបស់ប្រទេសប៉ូឡូញ បាននិយាយថាទីក្រុង               វ៉ាសូវី (Warsaw) ក៏មានការបញ្ជាក់ពីវត្តមានរបស់ក្រុមយុទ្ធជន Wagner នៅក្នុងប្រទេសបេឡារុសនោះផងដែរ៕

ឯកឧត្តម សុខ សូកេន ដឹកនាំក្រុមការងារចុះសំណេះសំណាលពលរដ្ឋតាមខ្នងផ្ទះ

2023/07/17 05:20:37 pm        208
Facebook Telegram Linkin
កណ្តាល៖ ឯកឧត្តម សុខ សូកេន អនុប្រធានក្រុមការងារគណបក្សប្រជាជនកម្ពុជា ចុះមូលដ្ឋានស្រុកស្អាង និងជាប្រធានក្រុមការងារគណបក្សចុះមូលដ្ឋានឃុំស្អាងភ្នំ បានអញ្ជើញដឹកនាំក្បួនដង្ហែរឃោសនាបោះឆ្នោតរបស់គណបក្សប្រជាជនកម្ពុជាឃុំស្អាងភ្នំលើកទី៣ ដែលមានការចូលរួមពីសំណាក់សមាជិកសមាជិកាគណបក្សប្រជាជានកម្ពុជាឃុំស្អាងភ្នំ ស្រុកស្អាង សរុបចំនួន៣០០នាក់ នៅថ្ងៃទី១៦ ខែកក្កដា ឆ្នាំ២០២៣។ ថ្លែងក្នុងពិធីសំណេះសំណាលមុន និងក្រោយការដង្ហែរក្បួន ឯកឧត្ដម សុខ សូកេន បានរំលេច​ពីសមិទ្ធផលធំៗដែលគណបក្សប្រជាជនកម្ពុជាសម្រេចបាន និងបានលើកឡើង ពី​គោលនយោបាយអាទិភាពចំនួន ៦ចំណុច និងកម្មវិធីនយោបាយសំខាន់ៗចំនួន ៦ចំណុចផ្សេងទៀត នៅក្នុងកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា ដើម្បីឱ្យសមាជិកសមាជិកាបានយល់ច្បាស់អំពីខ្លឹមសារ និងអត្ថប្រយោជន៍ នៃគោលនយោបាយ​ដ៏ត្រឹមត្រូវ និងមានភាពច្បាស់លាស់របស់គណបក្សប្រជាជនកម្ពុជា។ បន្ថែមពីនេះទៀត ឯកឧត្ដម សុខ សូកេន ក៏បានអំពាវនាវដល់សកម្មជន សមាជិកសមាជិកា​គណបក្ស ឱ្យទៅបោះឆ្នោតឱ្យបានគ្រប់ៗគ្នា ពិសេសគឺត្រូវបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» និងស្ថិតនៅលេខរៀងទី១៨ ដើម្បីបន្តគាំទ្រសម្តេចតេជោ ហ៊ុន សែន ជានាយករដ្ឋមន្ត្រី សម្រាប់អាណត្តិទី៧ និងគាំទ្រ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី នាពេលអនាគត។ ឯកឧត្តម សុខ សូកេន បានបន្តដឹកនាំក្រុមការងារចុះសំណេះសំណាលជាមួយសមាជិក​គណបក្ស​នៅតាមមណ្ឌលសកម្មភាពបក្ស ជួបកម្មករ កម្មការិនីរោងចក្រនិងចុះឃោសនា​តាមខ្នងផ្ទះរបស់​សមាជិកគណបក្ស ​ដើម្បីពិនិត្យឯកសារបោះឆ្នោត ​និងបង្ហាញលេខរៀងគណបក្សលើសន្លឹកឆ្នោត។ ក្រោយសកម្មភាពឃោសនា​បោះឆ្នោត ឯកឧត្តម សុខ សូកេន ក៏បានអញ្ជើញដឹកនាំក្រុមការងារ​ចុះត្រួត​ពិនិត្យសមិទ្ធផល​អភិវឌ្ឍន៍​មូលដ្ឋានឃុំស្អាងភ្នំដែលសម្រេចបាននាពេលកន្លងទៅរួមមាន៖ បង្គោល និងអំពូលសូឡាចំនួន ១៥០ ការជួសជុលផ្លូវនៅភូមិចំនួន០៨ក្នុងឃុំដែលរងការខូចខាត ការសាងសង់បង្គន់អនាម័យ ​ចំនួន ១៧បន្ទប់ កន្លែងលាងដៃនៅសាលារៀនចំនួន០១ និងការ​ជួសជុលអគារសិក្សាជាដើម៕ 

បណ្ដាញសង្គម

ព័ត៌មានថ្មីៗ

ជនជាតិអាមេរិកប៉ាឡេស្ទីចំណាយពេលពេញមួយយប់ជាមួយគ្រួសារក្នុងផ្ទះដែលឡោមព័ទ្ធដោយក្រុមតាំងលំនៅនិគមន៍អ៊ីស្រាអែល
08/18/2026 09:08 PM
Facebook Telegram Linkin
កាតានិយាយថា កិច្ចព្រមព្រៀងច្រកសមុទ្រ Hormuz អាចនឹងជួយឲ្យវិលត្រឡប់ទៅរកកិច្ចប្រជុំអាមេរិក-អ៊ីរ៉ង់
08/18/2026 08:08 PM
Facebook Telegram Linkin
ប្រធានាធិបតីចិន លោក Xi ជំរុញកុំ​ឱ្យ​ «បំផ្លាញ» ឋានៈជា «តំបន់សន្តិភាព» របស់អាមេរិកឡាទីន
08/18/2026 08:08 PM
Facebook Telegram Linkin
បេសកជន៖ អាមេរិក​បារម្ភយ៉ាងខ្លាំង ចំពោះការវាយប្រហារតាមអាកាសរបស់អ៊ីស្រាអែលលើមូលដ្ឋានទ័ពអាកាសស៊ីរី
08/18/2026 08:08 PM
Facebook Telegram Linkin
មនុស្សយ៉ាង​តចិច​ ២៥នាក់ ត្រូវបានសម្លាប់ អំឡុង​ការវាយប្រហារនៅរដ្ឋ​ Plateau របស់នីហ្សេរីយ៉ា
08/18/2026 07:08 PM
Facebook Telegram Linkin
មនុស្ស ៣នាក់ រងរបួស ហើយអគាររងការខូចខាតក្នុងការរញ្ជួយដីនៅភាគខាងត្បូងអេស្ប៉ាញ
08/18/2026 07:08 PM
Facebook Telegram Linkin
ពលរដ្ឋរស់នៅទីក្រុងម៉ានីល ដើរលុកទឹកតាមផ្លូវ ស្របពេលភ្លៀងវស្សាវាយប្រហារដ្ឋធានីហ្វីលីពីនមួយនេះ
08/18/2026 07:08 PM
Facebook Telegram Linkin
ទឹកជំនន់បង្ខំឲ្យមនុស្សរាប់ម៉ឺននាក់ជម្លៀសខ្លួននៅរដ្ឋ Odisha និងរដ្ឋ Assam ប្រទេសឥណ្ឌា
08/18/2026 07:08 PM
Facebook Telegram Linkin
មនុស្សម្នាក់ស្លាប់ និងច្រើននាក់ទៀតជាប់ខ្លួន ក្រោយផ្ទះចាស់បាក់រលំនៅទីក្រុង Kolkata ប្រទេសឥណ្ឌា
08/18/2026 07:08 PM
Facebook Telegram Linkin
សាកសពជនអន្តោប្រវេសន៍ ៩នាក់ ត្រូវបានរកឃើញនៅជិតតំបន់ឆ្នេរភាគខាងកើតទីក្រុង Tripoli ប្រទេសលីប៊ី
08/18/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.