នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

អ្នកស្លាប់ក្នុងអំពើហិង្សានៅពន្ធនាគារសម្រាប់ស្ត្រីប្រទេសហុងឌុយរ៉ាសកើនដល់៤៦នាក់

2023/06/22 05:10:13 pm        163
Facebook Telegram Linkin
ហុងឌុយរ៉ាស៖ ចំនួនអ្នកស្លាប់អំឡុងកុបកម្មនិងអគ្គិភ័យនៅពន្ធនាគារសម្រាប់ស្ត្រីប្រទេសហុងឌុយរ៉ាសនៅសប្តាហ៍នេះ បានកើនឡើងដល់៤៦នាក់ ដោយក្រុមគ្រួសាររាប់សិបគ្រួសារកំពុងរងចាំសាកសពមនុស្សជាទីស្រលាញ់ របស់ពួកគេដែលត្រូវបញ្ចេញមក។ អ្នកនាំពាក្យរដ្ឋាភិបាល និយាយកាលពីថ្ងៃពុធថា ចំនួនអ្នកស្លាប់ បានកើនឡើងពី៤១នាក់ដល់៤៦នាក់។វានៅពុំទាន់ប្រាកដនៅឡើយនោះទេថាតើជនរងគ្រោះទាំងអស់គឺជាអ្នកទោសឬយ៉ាងណា។តាមដែលចោទប្រកាន់ អំពើហិង្សាបានផ្ទុះឡើងនៅពេលសមាជិកជនអន្ធពាលមួយក្រុម បានចូលមកផ្នែកមួយនៃពន្ធនាគារ ដែលគ្រប់គ្រងដោយក្រុមគូប្រជែង ដោយបានបាញ់រះលើមនុស្សជាច្រើន និងបានបង្កឲ្យមានអគ្គិភ័យ។ ពន្ធនាគារ ដែលមានឈ្មោះថា Centro Femenino de Adaptacion Social អាចឃុំខ្លួនស្ត្រីរហូតដល់៩០០នាក់។ ការបាញ់ប្រហារនិងការដុតមនុស្សរាប់សិបនាក់ គឺជាហេតុការមួយដែលមានមនុស្សស្លាប់ច្រើនបំផុតនៃអំពើហិង្សានៅពន្ធនាគារក្នុងប្រវត្តិសាស្ត្រប្រទេសហុងឌុយរ៉ាសដ៏ទំនើប ដែលបានបង្ហាញពីឥទ្ធិពលដ៏រឹងមាំគ្រប់គ្រងដោយជនអន្ធពាល និងបានលើកឡើងជាសំនួរទាក់ទងទៅនឹងអំពើពុករលួយនៅក្នុងប្រពន្ធពន្ធនាគារ និងការអនុវត្តន៍ច្បាប់។អ្នកនាំពាក្យបានប្រាប់សារព័ត៌មានរ៉យទ័រថា អាជ្ញាធរកំពុងធ្វើការដើម្បីកំណត់អត្តសញ្ញាណសាកសពនៅមជ្ឈមណ្ឌលពន្ធនាគារសម្រាប់ស្ត្រី មានចម្ងាយប្រហែល ២០ គីឡូម៉ែត្រ ពីរដ្ឋធានី តេហ្គូស៊ីហ្គាល់ប៉ា(Tegucigalpa) ដែលស្ត្រីមួយចំនួនបានស្លាប់ដោយសារការរលាកភ្លើង ខណៈអ្នកផ្សេងទៀតត្រូវបានគេបាញ់។ មានប្រវតិ្តនៃឧបទ្ទវហេតុពន្ធនាគារដ៏ឃោរឃៅនៅក្នុងប្រទេសហុងឌុយរ៉ាស ដោយមានអ្នកទោសចំនួន១៨ នាក់ត្រូវបានគេរាយការណ៍ថាបានស្លាប់នៅក្នុងការប្រយុទ្ធរបស់ក្រុមទំនើងនៅក្នុងពន្ធនាគារក្នុងឆ្នាំ ២០១៩ និងជាង៣៥០នាក់ស្លាប់ដោយអគ្គិភ័យក្នុងឆ្នាំ២០១២៕

ការបន្តសុពលភាពអត្តសញ្ញាណប័ណ្ណផុតសុពលភាព អាចបោះឆ្នោតជួយដោះស្រាយបញ្ហាពលរដ្ឋ

2023/06/21 09:54:05 pm        321
Facebook Telegram Linkin
ភ្នំពេញ៖ ឯកឧត្ដម ហង្ស ពុទ្ធា អ្នកនាំពាក្យ គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ថា ​អនុក្រឹត្យស្តីពីការបន្តសុពលភាពអត្តសញ្ញាណប័ណ្ណសញ្ជាតិខ្មែរគំរូថ្មី ដែល​ផុត​សុពលភាព អាចប្រើប្រាស់ជាឯកសារសម្រាប់បោះឆ្នោតជ្រើសតាំងតំណាងរាស្ត្រ​នីតិកាលទី៧ នាថ្ងៃ២៣ កក្កដាខាងមុខនេះ បានជួយបង្កលក្ខណៈងាយស្រួលដល់ប្រជាពលរដ្ឋ​ដែលមាន​អត្តសញ្ញាណប័ណ្ណអស់សុពលភាព ឬមិនទាន់ទទួលបាន​អត្តសញ្ញាណប័ណ្ណថ្មី ដែលមាន​សុពលភាព​នៅឡើយសម្រាប់ចូលរួមបោះឆ្នោត។សម្តេចតេជោ ហ៊ុន សែន នាយករដ្ឋមន្ត្រី នាថ្ងៃទី២១ ខែមិថុនា ឆ្នាំ២០២៣នេះ បានចេញ​អនុក្រឹត្យថ្មីមួយ ស្តីពីការបន្តសុពលភាពអត្តសញ្ញាណប័ណ្ណសញ្ជាតិខ្មែរគំរូថ្មី ដែលផុតសុពលភាព​អាចប្រើប្រាស់ជាឯកសារសម្រាប់បោះឆ្នោតជ្រើស ​តាំងតំណាងរាស្ត្រនីតិកាលទី៧ នាថ្ងៃ២៣ កក្កដាខាងមុខបាន។ ឯកឧត្ដម ហង្ស ពុទ្ធា បាន​ថ្លែងអំណរគុណ​ដល់រាជរដ្ឋាភិបាល​ដែលបាន​ចេញ​អនុក្រឹត្យថ្មីមួយនេះ គឺបាន​ជួយដោះស្រាយបញ្ហា​នៃដំណើការបោះឆ្នោតជ្រើសតាំងតំណាង​រាស្រ្ដក្នុង​អាណត្តិនេះ ខណៈបញ្ហានេះ គឺជាការលំបាករបស់ គ.ជ.ប ​នាពេលកន្លងមក។ ឯកឧត្ដមថ្លែងថា ៖«ជាមួយនឹងការចាត់ចែងរៀបចំការបោះឆ្នោតរបស់ គ.ជ.ប ដែលច្បាប់តម្រូវ​ឱ្យប្រើប្រាស់​អត្តសញ្ញាណប័ណ្ណដែលមានសុពលភាពគឺបញ្ហាត្រូវបាន​ដោះស្រាយដោយការយកចិត្ត​ទុកដាក់ របស់រាជរដ្ឋភិបាលតាមរយៈការចេញអនុក្រឹត្យនេះ»។សេចក្ដីក្នុងអនុក្រឹត្យបានបញ្ជាក់ថា អនុក្រឹត្យនេះ​មានគោលបំណងកំណត់អំពីការបន្ត​សុពលភាព​អត្តសញ្ញាណសញ្ជាតិខ្មែរគំរូថ្មីដែលបានអស់សុពលភាពប្រើប្រាស់ក្នុងឆ្នាំ ​២០២២ និងឆ្នាំ២០២៣ សម្រាប់បម្រើឱ្យការបោះឆ្នោតជ្រើសតាំងតំណាងរាស្រ្ដ ​នីតិកាលទី៧ ​ដែលប្រព្រឹត្តិទៅនាថ្ងៃទី ២៣ ខែកក្កដា ខាងមុខនេះ៕

នាយកប្រតិបត្តិក្រុមហ៊ុនតេស្លាលោក Musk ជួបជាមួយនាយករដ្ឋមន្ត្រីឥណ្ឌាលោក Modi នៅទីក្រុងញូវយ៉ក

2023/06/21 09:19:24 pm        146
Facebook Telegram Linkin
អាមេរិក៖ នាយកប្រតិបត្តិរបស់ក្រុមហ៊ុនផលិតរថយន្ត តេស្លា លោក Elon Musk បាននិយាយថា នាយករដ្ឋមន្ត្រីឥណ្ឌាលោក Narendra Modi កំពុងជំរុញក្រុមហ៊ុនផលិតរថយន្តឱ្យធ្វើ "ការវិនិយោគដ៏ធំ" នៅក្នុងប្រទេសឥណ្ឌា នេះជាការអត្ថាធិប្បាយមួយដែលបានធ្វើឡើងបន្ទាប់ពីភាគីទាំងពីរបានជួបគ្នាកាលពីថ្ងៃអង្គារ (២០ មិថុនា) នៅទីក្រុងញូវយ៉ក សហរដ្ឋអាមេរិក។មេដឹកនាំឥណ្ឌាកំពុងបំពេញទស្សនកិច្ចផ្លូវរដ្ឋនៅសហរដ្ឋអាមេរិកដើម្បីជំរុញទំនាក់ទំនងរវាងប្រទេសទាំងពីរ។ការិយាល័យនាយករដ្ឋមន្ត្រីឥណ្ឌាបាននិយាយនៅក្នុងបណ្ដាញសង្គម Tweeter ថា "ការពិភាក្សាបានផ្តោតសំខាន់ជុំវិញប្រធានបទការអនុវត្តកំណែទម្រង់សេដ្ឋកិច្ចក្នុងគោលបំណងធ្វើឱ្យប្រសើរឡើងនូវបរិយាកាសធុរកិច្ច និងលើកកម្ពស់ការរំពឹងទុកនៃការវិនិយោគនៅក្នុងប្រទេសឥណ្ឌា" ។ក្រុមនាយកប្រតិបត្តិរបស់ក្រុមហ៊ុនតេស្លា បានទៅទស្សនកិច្ចនៅប្រទេសឥណ្ឌា ហើយបានពិភាក្សាជាមួយក្រុមការងារផ្នែកការិយាល័យធិបតេយ្យ និងរដ្ឋមន្ត្រីឥណ្ឌាកាលពីខែមុនស្តីពីការបង្កើតមូលដ្ឋានផលិតកម្មសម្រាប់រថយន្ត និងកន្លែងសាកថ្មរថយន្តអគ្គិសនីនៅក្នុងប្រទេសឥណ្ឌា៕

សារព័ត៌មាន WSJ រាយការណ៍ថា ចិនកំពុងចរចាលើទីតាំងបណ្តុះបណ្តាលយោធារួមគ្នានៅគុយបា

2023/06/21 09:14:15 pm        168
Facebook Telegram Linkin
អាមេរិក៖ សារព័ត៌មាន Wall Street Journal រាយការណ៍ថា ចិនកំពុងចរចាជាមួយប្រទេសគុយបា ដើម្បីសាងសង់ទីតាំងបណ្តុះបណ្តាលយោធារួមគ្នាក្នុងប្រទេសសមុទ្រការ៉ាអ៊ីបមួយនេះ។ ដោយដកស្រង់សម្តីមន្ត្រីសហរដ្ឋអាមេរិកបច្ចុប្បន្ន និងអតីត សារព័ត៌មានដ៏មានឥទ្ធិពលរបស់សហរដ្ឋអាមេរិកមួយនេះ បានរាយការណ៍កាលពីថ្ងៃអង្គារថា ការចរចាកំពុងធ្វើឡើងរវាងប្រទេសចិន និងគុយបា ដើម្បីបង្កើតទីតាំងនៅឆ្នេរសមុទ្រភាគខាងជើងនៃប្រទេសកោះនេះ។ការរាយការណ៍បាននិយាយថា រដ្ឋបាលសហរដ្ឋអាមេរិករបស់លោក Joe Biden មានការព្រួយបារម្ភថាការចំណាត់ការនេះអាចនាំទៅដល់ការដាក់ទីតាំងរបស់កងទ័ពចិន និងប្រតិបត្តិការសន្តិសុខ និងការស៊ើបការណ៍ផ្សេងទៀត ដែលមានចម្ងាយត្រឹមតែ ១០០ ម៉ាយពីឆ្នេរសមុទ្រ រដ្ឋ Florida។ អ្នកនាំពាក្យរង របស់មន្ទីរបញ្ចកោណលោកស្រី Sabrina Singh បានបញ្ចៀសការអត្ថាធិប្បាយដោយផ្ទាល់លើរបាយការណ៍នៅពេលលោកស្រីនិយាយទៅកាន់អ្នកសារព័ត៌មានកាលពីថ្ងៃអង្គារ។ ប៉ុន្តែលោកស្រី បាននិយាយថា រដ្ឋាភិបាលសហរដ្ឋអាមេរិកបានដឹងថា ប្រទេសចិនកំពុងបន្តបង្ហាញចំណាប់អារម្មណ៍នៅអឌ្ឍគោលខាងលិច និងមានបំណងពង្រីកវត្តមានយោធារបស់ខ្លួន។ លោកស្រីបាននិយាយថា យើងនឹងបន្តតាមដានបញ្ហានេះ។ នៅក្នុងសន្និសីទសារព័ត៌មាននៅទីក្រុងឡុងដ៍្រ រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយថា លោកបានផ្តល់ដំណឹងថា ប្រទេសរបស់លោកមានការព្រួយបារម្ភយ៉ាងខ្លាំងអំពីសកម្មភាពស៊ើបការណ៍សម្ងាត់របស់ចិន ឬសកម្មភាពយោធានៅក្នុងប្រទេសគុយបា នៅពេលដែលលោកបានជួបជាមួយប្រធានាធិបតីចិនលោក Xi Jinping ក្នុងទីក្រុងប៉េកាំងកាលពីថ្ងៃចន្ទ។ រដ្ឋាភិបាលសហរដ្ឋអាមេរិក បានប្រកាសកាលពីសប្តាហ៍មុនថា ប្រទេសចិនមានទីតាំងប្រមូលព័ត៌មានសម្ងាត់នៅក្នុងប្រទេសគុយបា និងបានបង្កើនចំនួនទីតាំងបែបនេះ នៅឆ្នាំ ២០១៩។ ទីក្រុងវ៉ាស៊ីនតោនមានការព្រួយបារម្ភកាន់តែខ្លាំងអំពីបំណងរបស់ទីក្រុងប៉េកាំង ក្នុងការបង្កើនសកម្មភាពយោធារបស់ខ្លួននៅជិតដីគោករបស់សហរដ្ឋអាមេរិក៕

អេស្តូនីក្លាយជាប្រទេសលើកដំបូងគេនៅអឺរ៉ុបកណ្តាល អនុញ្ញាតឲ្យអាពាហ៍ពិពាហ៍ភេទដូចគ្នា

2023/06/21 09:10:03 pm        395
Facebook Telegram Linkin
អេស្តូនី៖ កាលពីថ្ងៃអង្គារម្សិលមិញ សភាអេស្តូនី បានអនុម័តច្បាប់ឲ្យស្របច្បាប់អាពាហ៍ពិពាហ៍ភេទដូចគ្នា ធ្វើឲ្យប្រទេសនេះ ក្លាយជាប្រទេសលើកដំបូងគេនៅអឺរ៉ុបកណ្តាល ធ្វើបែបនេះ ។  គួរឲ្យដឹងថា អាពាហ៍ពិពាហ៍ភេទដូចគ្នា ស្របច្បាប់នៅតាមតំបន់ជាច្រើននៅអឺរ៉ុបខាងលិច ប៉ុន្តែមិនមែននៅតាមបណ្តាប្រទេសអឺរ៉ុបកណ្តាលនោះទេ ដែលធ្លាប់ស្ថិតក្រោមការគ្រប់គ្រងរបស់របបកុំម្មុយនិស្ត និងសមាជិកសម្ព័ន្ធកិច្ចព្រមព្រៀងវ៉ាសូវី ដឹកនាំដោយទីក្រុងម៉ូស្គូ តែបច្ចុប្បន្នជាសមាជិកអង្គការណាតូ ហើយនិងតាមបណ្តាប្រទេសជាច្រើននៅសហភាពអឺរ៉ុប ។  អ្នកស្រី Annely Lepamaa ដែលជាស្រ្តីស្រលាញ់ភេទដូចគ្នាវ័យ ៤៦ឆ្នាំ និយាយថា វាដូចជារដ្ឋទទួលយកខ្ញុំអញ្ចឹង ។  សេចក្តីស្នើច្បាប់ទទួលបានការគាំទ្រ ៥៥សំឡេងនៅក្នុងសភាមាន ១០១អាសនៈ មកពីរដ្ឋាភិបាលចម្រុះដឹកនាំដោយគណបក្សសេរីនិយម និងសង្គមប្រជាធិបតេយ្យដែលលោកស្រីនាយករដ្ឋមន្រ្តី Kaja Kallas បានកោះប្រជុំ បន្ទាប់ពីការឈ្នះឆ្នោតឆ្នាំ ២០២៣របស់លោកស្រី ។  លោកស្រី Kallas និយាយប្រាប់ទីភ្នាក់ងារព័ត៌មានរ៉យទ័រក្រោយការបោះឆ្នោតថា សាររបស់ខ្ញុំទៅកាន់អឺរ៉ុបកណ្តាល គឺថាវាគឺជាការតស៊ូដ៏លំបាក ប៉ុន្តែអាពាហ៍ពិពាហ៍ និងសេចក្តីស្រលាញ់ គឺជាអ្វីមួយដែលអ្នកត្រូវតែលើកកម្ពស់ ។ " លោកស្រីបន្តថា ពួកយើងបានអភិវឌ្ឍច្រើនណាស់ក្នុងរយៈពេល ៣០ឆ្នាំកន្លងមកនេះ ចាប់តាំងពីពួកយើងរំដោះខ្លួនឯងពីការកាន់កាប់របស់សហភាពសូវៀត ។ ពួកយើងស្មើភាពគ្នានៅក្នុងចំណោមប្រទេសដែលមានតម្លៃដូចគ្នា ។សូមបញ្ជាក់ថា ច្បាប់មួយនេះ នឹងចូលជាធរមាន ចាប់ពីឆ្នាំ ២០២៤តទៅ ៕

ប្រទេសជិត៤០នៅ UN គាំទ្រគ្រួសារអ្នកស្រលាញ់ភេទដូចគ្នា

2023/06/21 09:06:01 pm        188
Facebook Telegram Linkin
UN៖ ប្រទេសជិត៤០ នៅអង្គការសហប្រជាជាតិបានគាំទ្រគ្រួសារអ្នកស្រលាញ់ភេទដូចគ្នា កាលពីថ្ងៃអង្គារ ទី២០ ខែមិថុនា នៅពេលដែលប្រទេសមូស្លីម និងអាហ្វ្រិកមួយចំនួនកំពុងប្រជែងការចង្អុលបង្ហាញពីភេទ និងភាសាអត្តសញ្ញាណភេទ នៅក្នុងវេទិការបស់អង្គការសហប្រជាជាតិ។ ប្រទេសចំនួន ៣៧ បាននិយាយនៅក្នុងសេចក្តីថ្លែងការណ៍នៅក្រុមប្រឹក្សាសិទ្ធិមនុស្សអង្គការសហប្រជាជាតិថា «គ្រួសារជាច្រើនដើរតួនាទីជាមូលដ្ឋាននៅក្នុងសង្គម។ ការគាំទ្រគ្រួសារទាំងនេះគឺជាធាតុសំខាន់មួយក្នុងការជួយជំរុញ និងការពារសិទ្ធិមនុស្ស។អ្នកតំណាងរបស់ប្រទេសអូស្ត្រាលីបាននិយាយក្នុងនាមប្រទេសមួយចំនួនថា «ការគាំទ្រនេះត្រូវតែរួមបញ្ចូលនូវសមាសភាពគ្រួសារទាំងអស់ រួមទាំងគ្រួសារពហុជំនាន់ និងគ្រួសារដែលពង្រីកបន្ថែម គ្រួសារមេទោល គ្រួសារអ្នកស្រលាញ់ភេទដូចគ្នា និងក្រុមសាច់ញាតជនជាតិដើមភាគតិច។ ពួកគេភាគច្រើនមកពីអឺរ៉ុប និងទ្វីបអាមេរិក បូករួមទាំងប្រទេសអ៊ីស្រាអែល នូវ៉ែលហ្សេឡង់ និងទីម័រខាងកើត។ពួកគេបានអំពាវនាវឱ្យបណ្តាប្រទេស និងស្ថាប័នអង្គការសហប្រជាជាតិ បន្តអនុវត្តរួមមួយចំពោះគ្រួសារនានា និងដើម្បីធានាបានថាសមភាព ការមិនរើសអើង និងភាពសកលនៃសិទ្ធិមនុស្ស នៅតែជាចំណុចកណ្តាលនៃការចូលរួមក្នុងការគាំទ្រគ្រួសារ។ប្រទេសអាហ្សង់ទីន ប្រេស៊ីល អង់គ្លេស កាណាដា អាល្លឺម៉ង់ ម៉ិកស៊ិក អេស្ប៉ាញ និងសហរដ្ឋអាមេរិក ស្ថិតក្នុងចំណោមប្រទេសហត្ថលេខី៕

ប្រធាន UNHCRអំពាវនាវឲ្យស្វែងរកសន្តិភាពដើម្បីទប់ស្កាត់លំហូរជនភៀសខ្លួន

2023/06/21 08:53:07 pm        126
Facebook Telegram Linkin
UNHCR៖  ប្រធានទីភ្នាក់ងារជនភៀសខ្លួនអង្គការសហប្រជាជាតិ(UNHCR) បាននិយាយកាលពីថ្ងៃអង្គារថា ពិភពលោកត្រូវការស្វែងរកសមត្ថភាពខ្លួនឯងឡើងវិញ ដើម្បីនាំសន្តិភាពដល់ប្រទេសជួបបញ្ហាជាច្រើន ក៏ដូចជាទប់ស្កាត់លំហូរកើនឡើងនៃជនភៀសខ្លួន ។  មាននូវជនភៀសខ្លួន ១១០លាននាក់នៅជុំវិញពិភពលោក ពោលគឺកើនឡើងពីចំនួន ១០៣លាននាក់កាលពីឆ្នាំទៅ និងពាក់កណ្តាលនៃចំនួននេះ កាលពីរយៈពេល ១ទសវត្សរ៍មុន ។   លោក Filippo Grandi គឺជាឧត្តមស្នងការជនភៀសខ្លួន UN បាននិយាយប្រាប់ទីភ្នាក់ងារព័ត៌មានរ៉យទ័រ នៅក្នុងរដ្ឋធានីប្រទេសកេនយ៉ាថា ក្រុមប្រឹក្សាសន្តិសុខ UN ដែលជាស្ថាប័នអន្តរជាតិកំពូលសម្រាប់ដោះស្រាយបញ្ហាសន្តិភាព និងសន្តិសុខ ធ្វើការលែងកើតហើយ ។ ពួកគេពុំអាចយល់ព្រមលើអ្វីៗទាំងអស់ ។  លោកបន្ត ដូច្នេះហើយ ពួកយើងត្រូវការស្តាសមត្ថភាពឡើងវិញ ដើម្បីដឹកនាំបង្កើតសន្តិភាព ពីព្រោះថា នោះគឺជាវិថីតែមួយគត់ដែលពួកយើងអាចដោះស្រាយលំហូរជនភៀសខ្លួនទាំងនេះ ។  លោក Grandi និយាយថា នៅថ្ងៃនេះដែលជាទិវាជនភៀសខ្លួនពិភពលោក ពួកយើងបានមើលឃើញជនភៀសខ្លួន ៥០ម៉ឺននាក់មកពីប្រទេសស៊ូដង់ ។ " គួរឲ្យដឹងថា កាលពីដើមឆ្នាំនេះ ក្រុមមន្រ្តីការទូត អតីតរដ្ឋបុរស និងក្រុមមន្រ្តី UN បានចាប់ផ្តើមស្វែងរកការគាំទ្រផ្នែកនយោបាយ សម្រាប់ផែនការបង្កើតសន្តិភាព បង្កើតស្តង់ដាថ្មីសម្រាប់សោះស្រាយជម្លោះ ៕

អំពើហិង្សាផ្ទុះឡើងនៅភាគឦសានអាហ្សង់ទីនប្រឆាំងនឹងកំណែទម្រង់រដ្ឋធម្មនុញ្ញថ្នាក់ខេត្ត

2023/06/21 08:49:42 pm        121
Facebook Telegram Linkin
អាហ្សង់ទីន៖ អំពើហិង្សា បានផ្ទុះឡើងនៅតំបន់ភាគឦសានប្រទេសអាហ្សង់ទីន អំឡុងបាតុកម្មប្រឆាំងនឹងការអនុម័តកំណែទម្រង់រដ្ឋធម្មនុញ្ញថ្នាក់ខេត្ត ស្របពេលដែលសមាជិកសភាស្បថគោរពតាមរដ្ឋធម្ននុញ្ញថ្មី ។  ក្រុមនគរបាលបង្ក្រាបកុបកម្ម បានធ្វើដំណើរទៅកាន់កន្លែងកើតហេតុ ក្រោយបាតុកម្មហិង្សានៅទីក្រុង San Salvador ក្នុងនោះក្រុមបាតុករ នាំគ្នាចោលវត្ថុរឹង ដុតកម្ទេចរថយន្ត និងសម្រុកចូលអគារនីតិបញ្ញត្តិដោយហិង្សា ខណៈពេលដែលក្រុមនគរបាល ព្យាយាមបំបែកហ្វូងបាតុករដោយបាញ់ឧស្ម័នបង្ហូរទឹកភ្នែក ។   គួរឲ្យដឹងថា សមាជិកសភាក្នុងស្រុក បានអនុម័តកំណែទម្រង់រដ្ឋធម្មនុញ្ញថ្នាក់ខេត្ត ដែលហាមឃាត់ការបិទផ្លូវ ក៏ដូចជាការកាន់កាប់អគាររដ្ឋ ។  ការជជែកដេញដោលលើកំណែទម្រង់នេះ ត្រូវបានធ្វើឡើងក្នុងបរិបទបាតុកម្មដោយអង្គភាពជាច្រើន ជាពិសេសក្រុមគ្រូបង្រៀន និងក្រុមជនជាតិដើមភាគតិច ៕

លោក Ebrahim Raisi៖ អ៊ីរ៉ង់នឹងមិនឱនក្បាលអង្វរសុំកិច្ចព្រមព្រៀងនុយក្លេអ៊ែរនោះទេ

2023/06/21 08:34:37 pm        115
Facebook Telegram Linkin
អ៊ីរ៉ង់៖ ប្រធានាធិបតីអ៊ីរ៉ង់លោក Ebrahim Raisi បាននិយាយកាលពីថ្ងៃអង្គារថា ប្រទេសរបស់លោកនឹងមិនឱនក្បាលអង្វរសុំកិច្ចប្រជុំកិច្ចព្រមព្រៀងនុយក្លេអ៊ែរនោះទេ ។  ថ្លែងនៅក្នុងបទសម្ភាសន៍ជាមួយទូរទស្សន៍អ៊ីរ៉ង់ Channel 1 លោក Raisi និយាយថា ប្រទេសរបស់លោកស្វែងរកការពិភាក្សាកិច្ចប្រជុំដោយកិត្តិយស គតិបណ្ឌិត និងបំណងល្អ ។  មេដឹកនាំអ៊ីរ៉ង់រូបនេះ បន្តចាត់ទុកសហរដ្ឋអាមេរិក និងអ៊ីស្រាអែលថាជាសត្រូវរបស់ខ្លួន ប៉ុន្តែលោកពុំបានមើលឃើញថា អារ៉ាប៊ីសាអូឌីតជាសត្រូវនោះទេ ។  យោងតាមការអះអាងរបស់ក្រុមមន្រ្តីអ៊ីរ៉ង់ និងលោកខាងលិច បានឲ្យដឹងថា បច្ចុប្បន្នសហរដ្ឋអាមេរិក កំពុងជជែកជាមួយអ៊ីរ៉ង់ ដើម្បីគូសវាសជំហាននានានៃកម្មវិធីនុយក្លេអ៊ែរអ៊ីរ៉ង់ ដោះលែងពលរដ្ឋសហរដ្ឋអាមេរិកដែលត្រូវបានឃាត់ខ្លួន និងលែងបង្កកទ្រព្យសកម្មអ៊ីរ៉ង់នៅបរទេស ៕

ព្រឹទ្ធសភាបញ្ចប់ការពិនិត្យឲ្យយោបល់ លើច្បាប់អត្រានុកូលដ្ឋាន និងច្បាប់ស្តីពីវិធានការដើមកំណើតទំនិញ

2023/06/21 07:13:15 pm        190
Facebook Telegram Linkin
ភ្នំពេញ៖ ព្រឹទ្ធសភាជាតិបញ្ចប់ការពិនិត្យ ហើយឲ្យយោបល់ទៅលើច្បាប់ចំនួន២ ក្នុងនោះមានសេចក្តីព្រាងច្បាប់ស្តីពី អត្រានុកូលដ្ឋាន ស្ថិតិ អត្រានុកូលដ្ឋាន និងអត្តសញ្ញាណកម្ម និងសេចក្តីព្រាងច្បាប់ស្តីពី វិធានការដើមកំណើតទំនិញ ដោយបានឯកភាពទាំងស្រុង លើ​សេចក្តីព្រាងច្បាប់ទាំងមូលដោយឥតកែប្រែចំនួន៦០សំឡេង នៃចំនួនសមាជិកព្រឹទ្ធសភាទាំងមូល ។បន្ទាប់ពីសម័យប្រជុំលើកទី១០ នីតិកាលទី៤ ក្រោមអធិបតីភាពសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៅថ្ងៃទី២១ ខែមិថុនា ឆ្នាំ២០២៣ ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភា មានប្រសាសន៍ថា ច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម មាន១២ជំពូក និង១៨២មាត្រា ​ជួយធានាឱ្យមានវិធាន ​និងនីតិវិធីច្បាស់លាស់ ទាក់ទងទៅនឹងការ​ចុះបញ្ជីអត្រានុកូលដ្ឋាន ​ការចុះបញ្ជីអត្តសញ្ញាណបុគ្គល ​ការចុះបញ្ជីស្នាក់នៅ ដើម្បីពង្រឹង​បន្ថែមទៀត​នូវកិច្ចការពារសិទ្ធិ និងការលើកកម្ពស់គុណភាព នៃការផ្តល់សេវាគ្រប់ប្រភេទជូន​ប្រជាពលរដ្ឋឱ្យកាន់តែទូលំទូលាយ ។ឯកឧត្តមបន្តថា ធានាឱ្យបុគ្គលគ្រប់រូបមានអត្តសញ្ញាណតាមផ្លូវច្បាប់ និងជាមូលដ្ឋានសម្រាប់រៀបចំ​គ្រប់គ្រងស្ថិតិអត្រានុកូលដ្ឋាន ​បញ្ជីប្រជាជន ​និងរៀបចំផែនការអភិវឌ្ឍផងដែរ ។ ច្បាប់នេះជាសមិទ្ធផលថ្មីមួយទៀត រៀបចំឡើងមិនត្រឹមតែអាចឆ្លើយតប ក្នុងការដោះស្រាយបញ្ហា បានជួបប្រទះក្នុងពេលអនុវត្តជាក់ស្តែងកន្លងមកប៉ុណ្ណោះទេ គឺធានាបាននូវតម្លាភាពក្នុងការ​ផ្តល់​សេវា និងបានរៀបចំបទប្បញ្ញតិ្តមានលក្ខណៈទំនើបកម្ម​ ស្របតាមការរីកចម្រើននៅក្នុងសង្គម ព្រមទាំង​បានរៀបចំដោយព្យាករទុកជាមុនរួចស្រេច​ ទាក់ទងនឹងការបន្តរីកចម្រើនផ្នែកបច្ចេកវិទ្យា​ឌីជីថល នាថ្ងៃអនាគត ។ឯកឧត្តម ម៉ម ប៊ុននាង បានបន្ថែមថា ចំណែកច្បាប់ស្តីពី ​វិធានដើមកំណើតទំនិញមានចំនួន៩ជំពូក និង៣៥មាត្រា ​នឹងជួយកំណត់គោលការណ៍​នៃវិធានដើមកំណើតទំនិញក្រោម និងក្រៅប្រព័ន្ធ​អនុគ្រោះពាណិជ្ជកម្ម ​ដើម្បីបំពេញតាមការសន្យារបស់កម្ពុជា ជាមួយអង្គការពាណិជ្ជកម្ម​ពិភពលោក ​និងដោយអនុលោមជាមួយកិច្ចព្រមព្រៀងពាណិជ្ជកម្មអន្តរជាតិនានា ។អ្នកនាំពាក្យព្រឹទ្ធសភា បន្តថា ​ច្បាប់នេះ​នឹងជួយជំរុញ ​និងសម្រួលពាណិជ្ជកម្ម, ទប់ស្កាត់ការ​ក្លែងបន្លំ​ដើមកំណើតទំនិញ ​ពិសេសដើមកំណើតទំនិញកម្ពុជា,​ ជាឧបករណ៍គតិយុត្ត មានលក្ខណៈពេញលេញ ​និងគ្រប់ជ្រុងជ្រោយ​ ដែលជាចំណែកមួយដ៏សំខាន់ ក្នុងការកំណត់អំពី​គោលការណ៍ និងវិធានដើមកំណើតទំនិញ​ ទាំងវិធានដើមកំណើតទំនិញស្ថិតក្រោមប្រព័ន្ធ​អនុគ្រោះ​ពាណិជ្ជកម្ម និងក្រៅប្រព័ន្ធអនុគ្រោះពាណិជ្ជកម្ម ​ខណៈបច្ចុប្បន្ននេះ កម្ពុជាពុំទាន់មាន​ច្បាប់ចែង​ដោយឡែក អំពីវិធានដើមកំណើតទំនិញ ​ក្រោមប្រព័ន្ធអនុគ្រោះពាណិជ្ជកម្ម ​និងក្រៅប្រព័ន្ធនៅ​ឡើយទេ ​ក្រៅពីការអនុវត្តផ្នែកនេះតាមរយៈកិច្ចព្រមព្រៀងពាណិជ្ជកម្មសេរីនានា ដែលកម្ពុជាជាសមាជិក។ឯកឧត្តម បានបញ្ជាក់ថា ច្បាប់នេះ នឹងផ្ដល់ជាមូលដ្ឋានច្បាប់ច្បាស់លាស់​ ដល់អាជ្ញាធរ មាន​សមត្ថកិច្ចជាពិសេសក្រសួងពាណិជ្ជកម្ម ​ដែលទទួលបន្ទុក ចេញវិញ្ញាបនបត្របញ្ជាក់​ដើម​កំណើត​ទំនិញ ​និងក្រសួងសេដ្ឋកិច្ច និងហិរញ្ញវត្ថុ ​ក្នុងការ​អនុវត្ត​ការងារ​ទាក់ទង​នឹងវិធាន​ដើម​កំណើតទំនិញ... ៕ អត្ថបទ បាន សុខរិទ្ធិ

បណ្ដាញសង្គម

ព័ត៌មានថ្មីៗ

សាលា NPIC លើកទឹកចិត្តសិស្ស​ទើបចប់​ថ្នាក់​ទី១២ ចាប់យកជំនាញអគ្គិសនី​ ខណៈ​តម្រូវការទីផ្សារ​​​​កើនឡើង
08/19/2026 01:08 PM
Facebook Telegram Linkin
អ្នកនយោបាយមើលឃើញថា កូនស្រីអតីតប្រធានគណអតីតបក្សប្រឆាំងចូលរួមក្នុងជួររាជរដ្ឋាភិបាល គឺជាស្មារតីរួបរួមខ្មែរតែមួយ
08/19/2026 01:08 PM
Facebook Telegram Linkin
ដំណើរឆ្ពោះទៅធ្វើម្ចាស់ផ្ទះកីឡាវ៉ូវីណាមជើងឯកអាស៊ី នៅកម្ពុជា ទទួលបានការគាំទ្រផុលផុសពីវិស័យឯកជន
08/19/2026 01:08 PM
Facebook Telegram Linkin
សម្តេចធិបតី៖ ការតែងតាំងលោកស្រី កឹម មនោវិទ្យា ព្រោះគាត់មានសមត្ថភាព និងមាន​ទំនាក់ទំនងក្រៅប្រទេស
08/19/2026 01:08 PM
Facebook Telegram Linkin
សម្តេចធិបតី ប្រកាសស្វាគមន៍រាល់អ្នកមានបំណងចូលរួមជួយជាតិទោះបីមិនចូលបក្សប្រជាជនកម្ពុជាក៏ដោយ
08/19/2026 01:08 PM
Facebook Telegram Linkin
កសិករខេត្តកំពង់ចាម អំពាវនាវអ្នកប្រើប្រាស់ជួយគាំទ្រផលិតកសិផលខ្មែរឱ្យកាន់តែទូលំទូលាយថែមទៀត
08/19/2026 12:08 PM
Facebook Telegram Linkin
អ្នកនាំពាក្យក្រសួងព័ត៌មាន៖ ៣ខែនៃយុទ្ធនាការជំហានទី២ ក្រសួងព័ត៌មានបញ្រ្ជាបអក្ខរកម្មព័ត៌មាន និងប្រព័ន្ធផ្សព្វផ្សាយដល់សិស្សនៅជាង ៤០សាលាក្នុង១៤រាជធានី-ខេត្ត
08/19/2026 12:08 PM
Facebook Telegram Linkin
កូរ៉េខាងត្បូង៖ ការកាត់បន្ថយសមយុទ្ធរបស់លោក Trump ទំនងជាមានគោលបំណងជំរុញទីក្រុងសេអ៊ូលឱ្យចូលក្នុងសង្គ្រាមអ៊ីរ៉ង់
08/19/2026 12:08 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់៖ ទីក្រុងតេអេរ៉ង់ស្វះស្វែងរកការបញ្ចប់សង្គ្រាម ពុំមែនបទឈប់បាញ់បណ្ដោះអាសន្នទេ
08/19/2026 12:08 PM
Facebook Telegram Linkin
WHO៖ ការផ្ទុះឡើងជំងឺអេបូឡានៅកុងហ្គោ គឺជាគ្រាអាសន្នសកលខណៈករណីរឆ្លងបានលើសពី ៥.០០០ ករណី
08/19/2026 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.