នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ការដកខ្លួនចេញរបស់លោក Biden បង្កការព្រួយបារម្ភក្នុងចំណោមជនអន្តោប្រវេសន៍ និងវិស័យធុរកិច្ចម៉ិកស៊ិក

2024/07/23 11:01:57 am        60
Facebook Telegram Linkin
ជនអន្តោប្រវេសន៍ និងប្រជាជនក្នុងវិស័យធុរកិច្ចនៅប្រទេសម៉ិកស៊ិក បានសម្តែងការព្រួយបារម្ភរបស់ពួកគេ អំពីអនាគតនៃវិធានការអន្តោប្រវេសន៍ និងឧស្សាហកម្មធុរកិច្ច បន្ទាប់ពីការដកខ្លួនចេញរបស់ ប្រធានាធិបតី លោក Joe Biden ពីការប្រកួតប្រជែងតំណែងប្រធានាធិបតីសហរដ្ឋអាមេរិក។នៅទី ជម្រកមួយកន្លែង ក្នុងទីក្រុងជាប់ព្រំដែន Ciudad Juarez ជនអន្តោប្រវេសន៍ ព្រួយបារម្ភថា ការដកខ្លួនរបស់លោក Biden នឹងជំរុញឱ្យបេក្ខជនមកពីគណបក្សសាធារណរដ្ឋ លោក Donald Trump មានឱកាសទទួលជ័យជម្នះក្នុងការប្រកួតប្រជែងនេះ។ជនអន្តោប្រវេសន៍ ជឿថា ជ័យជម្នះរបស់លោក Trump នឹងបញ្ចប់ប្រព័ន្ធសម្រាប់ការទទួលបានសិទ្ធិជ្រកកោនតាមរយៈកម្មវិធី CBP One ជាកម្មវិធីមួយត្រូវបានប្រើប្រាស់ដោយអ្នកស្វែងរកសិទ្ធិជ្រកកោនដើម្បីចូលទៅកាន់សហរដ្ឋអាមេរិកដោយស្របច្បាប់ ដែលរដ្ឋបាលរបស់លោក Biden បានបង្កើតឡើងដើម្បីគ្រប់គ្រងលំហូរជនអន្តោប្រវេសន៍នៅក្នុងសហរដ្ឋអាមេរិក ដែលលោកTrump បាននិយាយថាលោកនឹងស្តារឡើងវិញកម្មវិធី «Remain in Mexico» ឆ្នាំ២០១៩ ហៅជាផ្លូវការថា ពិធីសារទប់ស្កាត់ជនអន្តោប្រវេសន៍ ដែលបានបង្ខំឲ្យអ្នកស្វែងរកសិទ្ធិជ្រកកោន មិនមែនជាជនជាតិម៉ិកស៊ិក ដែលប៉ុនប៉ងចូលសហរដ្ឋអាមេរិក នៅព្រំដែនភាគខាងត្បូង ត្រូវរង់ចាំនៅក្នុងប្រទេសម៉ិកស៊ិក សម្រាប់ការដោះស្រាយករណីរបស់ពួកគេ។ លោក Trump ក៏នឹងដាក់ឱ្យដំណើរការឡើងវិញនូវគោលនយោបាយមាត្រាទី៤២ នៅសម័យកាលកូវីដ-១៩ ដែលអនុញ្ញាតឱ្យអាជ្ញាធរព្រំដែនសហរដ្ឋអាមេរិក បណ្តេញជនអន្តោប្រវេសន៍ត្រឡប់ទៅប្រទេសម៉ិកស៊ិកវិញជាបន្ទាន់ ដោយពុំមានឱកាសទាមទារសិទ្ធិជ្រកកោនឡើយ។ អ្នកប្រកបអាជីវកម្មនៅព្រំដែនភាគខាងជើងប្រទេសម៉ិកស៊ិក បាននិយាយថា ការដកខ្លួនរបស់ លោក Biden ចេញពីបេក្ខភាពរបស់លោក បានមកដល់យឺតពេលហើយ។ ពួកគេបាននិយាយថា ចំណាត់ការនយោបាយរបស់គណបក្សប្រជាធិបតេយ្យ បង្កើតភាពមិនប្រាកដប្រជាខាងសេដ្ឋកិច្ចសម្រាប់តំបន់ព្រំដែន និងសេដ្ឋកិច្ចរបស់ប្រទេសម៉ិកស៊ិក។

ប្រទេសស្លូវ៉ាគី ទទួលបានយន្តហោះ F-16 ថ្មីដំបូង ដើម្បីបង្កើនការការពារដែនអាកាស

2024/07/23 10:58:50 am        84
Facebook Telegram Linkin
ប្រទេសស្លូវ៉ាគី បានទទួលយន្តហោះចម្បាំង F-16 ថ្មីពីរគ្រឿងដំបូងក្នុងចំណោម ១៤ គ្រឿង កាលពីថ្ងៃចន្ទ ក្នុងគោលបំណងជំនួសយន្តហោះផលិតដោយរុស្ស៊ី ដែលខ្លួនបានផ្តល់ទៅឲ្យប្រទេសអ៊ុយក្រែនរួចហើយ។ប្រទេសស្លូវ៉ាគី បានពឹងផ្អែកលើប្រទេសជិតខាងនៅអឺរ៉ុបកណ្តាល សម្រាប់ការល្បាតតាមអាកាស ចាប់តាំងពីឆ្នាំមុន នៅពេលដែលប្រទេសនេះ បានប្រគល់យន្តហោះចម្បាំង MiG-29 រាប់សិបគ្រឿង ដែល ត្រូវបានចតចោលដោយសារតែខ្វះគ្រឿងបន្លាស់ និងការថែទាំ ប៉ុន្តែទីក្រុងគីវ អាចប្រើប្រាស់បាន ក្នុងសង្គ្រាមជាមួយរុស្ស៊ី។ប្រទេសស្លូវ៉ាគី ជាសមាជិកសម្ព័ន្ធយោធាណាតូ ដែលស្ថិតនៅស្លាបខាងកើតនៃសម្ព័ន្ធមិត្តយោធានេះ មានផែនការទទួលយន្តហោះ F-16 ចំនួន ១២ គ្រឿងបន្ថែមទៀត នៅចុងឆ្នាំក្រោយ។ប្រទេសស្លូវ៉ាគី បានទទួលជាផ្លូវការនូវយន្តហោះដំបូងផលិតដោយក្រុមហ៊ុន Lockhead Martin កាលពីដើមឆ្នាំនេះ ប៉ុន្តែ បានទុកនៅសហរដ្ឋអាមេរិក សម្រាប់ការបណ្តុះបណ្តាលថែទាំ។ប្រទេសស្លូវ៉ាគី បានចុះហត្ថលេខាលើកិច្ចព្រមព្រៀងក្នុងឆ្នាំ២០១៨ សម្រាប់យន្តហោះចំនួន១៤គ្រឿង មានតម្លៃប្រហែល១,៦ពាន់លានដុល្លារ។ ការដឹកជញ្ជូនលើកដំបូង មានរយៈពេលយឺតជាងមួយឆ្នាំ បន្ទាប់ពីការពន្យារពេល អំឡុងជំងឺរាតត្បាតកូវីដ-19។ រដ្ឋាភិបាលថ្មីរបស់ប្រទេស ក្រោមការដឹកនាំរបស់នាយករដ្ឋមន្ត្រី លោក Robert Fico ដែលឡើងកាន់តំណែងតាំងពីចុងឆ្នាំមុន បានបញ្ចប់ការផ្តល់ជំនួយផ្នែកយោធារបស់រដ្ឋដល់ប្រទេសអ៊ុយក្រែន ហើយបានស្វែងរកការស៊ើបអង្កេត លើការផ្តល់ជំនួយរបស់រដ្ឋបាលមុនៗ ចំពោះយន្តហោះចម្បាំង MIG-29 ។

កោះតៃវ៉ាន់ កាត់បន្ថយទ្រង់ទ្រាយសមយុទ្ធ ខណៈព្យុះទីហ្វុង Gaemi កំពុងឆ្ពោះទៅកាន់កោះ

2024/07/23 10:48:35 am        62
Facebook Telegram Linkin
កោះតៃវ៉ាន់ បានកាត់បន្ថយទ្រង់ទ្រាយហ្គេមសង្រ្គាម (សមយុទ្ធ) ហានខ័ង (Han Kuang) ប្រចាំឆ្នាំរបស់ខ្លួននៅថ្ងៃអង្គារ (២៣ កក្កដា) នេះខណៈដែលព្យុះទីហ្វុង ហ្កែមី (Gaemi) បានបោកបក់ឆ្ពោះទៅកាន់កោះ ហើយត្រូវបានគេរំពឹងថានឹងនាំមកនូវខ្យល់កន្រ្តាក់ និងភ្លៀងធ្លាក់យ៉ាងខ្លាំង។ព្យុះ Gaemi ដែលជាព្យុះទីហ្វុងដំបូងនៃរដូវកាលនេះសម្រាប់កោះតៃវ៉ាន់ ត្រូវបានគេរំពឹងថានឹងបោកបក់ដល់ដីនៅតំបន់ឆ្នេរភាគឦសានចន្លោះពេលណាមួយនៅយប់ថ្ងៃពុធ (២៤ កក្កដា) និងព្រឹកថ្ងៃព្រហស្បតិ៍ (២៥ កក្កដា) នេះបើយោងតាមរដ្ឋបាលអាកាសធាតុកណ្តាលរបស់តៃវ៉ាន់។អាជ្ញាធរការពារជាតិបាននិយាយថា សមយុទ្ធយោធា ហានខ័ង ប្រចាំឆ្នាំរបស់តៃវ៉ាន់ដែលធ្វើឡើងក្នុងសប្តាហ៍នេះ ត្រូវបានកាត់បន្ថយ រួមទាំងការលុបចោលសមយុទ្ធយន្តហោះចម្បាំងនៅតំបន់ឆ្នេរភាគខាងកើត។ អ្នកនាំពាក្យ លោក ស៊ុន លីហ្វាង (Sun Li-fang) បានប្រាប់អ្នកយកព័ត៌មាននៅឯមូលដ្ឋានទ័ពអាកាស ហ័រលៀន (Hualien) ថា «ផលប៉ះពាល់ពីព្យុះទីហ្វុងនាពេលនេះនៅលើឆ្នេរភាគខាងកើតនាំឱ្យមានការកែសម្រួលសមយុទ្ធតាមអាកាស និងកងទ័ពជើងទឹកមួយចំនួន»។ខណៈពេលដែលព្យុះទីហ្វុងអាចបង្កការបំផ្លិចបំផ្លាញយ៉ាងខ្លាំង កោះតៃវ៉ាន់ក៏ពឹងផ្អែកលើព្យុះទាំងនោះដើម្បីបំពេញអាងស្តុកទឹកឡើងវិញបន្ទាប់ពីរដូវរដូវរងាដ៏ស្ងួតហួតហែងជាទម្លាប់របស់ខ្លួន ជាពិសេសសម្រាប់ផ្នែកភាគខាងត្បូងនៃកោះ៕

ប្រភព៖ លោកស្រី Harris ទទួលបានការគាំទ្រលើសពីចំនួនប្រតិភូដែលត្រូវការសម្រាប់ការតែងតាំង

2024/07/23 10:12:25 am        170
Facebook Telegram Linkin
ប្រភពយុទ្ធនាការបោះឆ្នោតបានប្រាប់សារព័ត៌មានរ៉យទ័រថា អនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ទទួលបានការគាំទ្រលើសពីចំនួនប្រតិភូដែលត្រូវការដើម្បីឈ្នះការតែងតាំងជាបេក្ខជនប្រធានាធិបតីនៃគណបក្សប្រជាធិបតេយ្យនៅយប់ថ្ងៃចន្ទ (២២ កក្កដា)។យោងតាមការបូកសរុបរបស់សារព័ត៌មាន AP បានឱ្យដឹងថា លោកស្រី Harris មានប្រតិភូចំនួន ២.២១៤នាក់ ដែលលើសពីចំនួនសំឡេងភាគច្រើនធម្មតាដែលត្រូវការដើម្បីឈ្នះការតែងតាំងពីបក្ស។ សារព័ត៌មាន AP បាននិយាយថា ការស្ទង់មតិនេះគឺមិនផ្លូវការទេ ដោយសារប្រតិភូបក្សប្រជាធិបតេយ្យមានសេរីភាពក្នុងការបោះឆ្នោតនៅពេលដែលគណបក្សជ្រើសរើសបេក្ខជនរបស់ខ្លួនជាផ្លូវការ។បក្សប្រជាធិបតេយ្យនឹងត្រូវប្រថុយប្រថានជាប្រវត្តិសាស្ត្រ បើពេលនេះខ្លួនងាកទៅជ្រើសរើសលោកស្រី Harris វ័យ ៥៩ឆ្នាំឱ្យក្លាយជាបេក្ខភាពប្រធានាធិបតី ដោយភ្នាល់ថាស្ត្រីស្បែកខ្មៅម្នាក់អាចយកឈ្នះលើប្រវត្តិការរើសអើងជាតិសាសន៍ និងការរើសអើងភេទ ដើម្បីយកឈ្នះលើបេក្ខភាពគណបក្សសាធារណរដ្ឋ លោក ដូណាល់ ត្រាំ (Donald Trump)។ទោះជាទទួលបានការសរសើរក្នុងពេលប៉ុន្មានសប្តាហ៍ចុងក្រោយនេះក្ដី ក៏អ្នកប្រជាធិបតេយ្យមួយចំនួននៅតែមានការព្រួយបារម្ភអំពីភាពរង្គោះរង្គើរបស់លោកស្រី Harris ក្នុងតំណែងរយៈពេលពីរឆ្នាំដំបូងរបស់ខ្លួន រយៈពេលខ្លីពេកសម្រាប់យុទ្ធនាការ ហើយភាគច្រើនគឺការបារម្ភជុំវិញប្រវត្តិដ៏យូរលង់នៃការរើសអើងនៅសហរដ្ឋអាមេរិក៕

ហ្វីលីពីន នឹងនៅតែបន្តអះអាងសិទ្ធិនៅសមុទ្រចិនខាងត្បូង បន្ទាប់ពីកិច្ចព្រមព្រៀងជាមួយចិន

2024/07/23 10:05:52 am        95
Facebook Telegram Linkin
ក្រសួងការបរទេសហ្វីលីពីន បាននិយាយកាលពីថ្ងៃចន្ទ (២២ កក្កដា) ថា ហ្វីលីពីននឹងបន្តអះអាងសិទ្ធិរបស់ខ្លួននៅក្នុងសមុទ្រចិនខាងត្បូង បន្ទាប់ពីបានឈានដល់ «កិច្ចព្រមព្រៀងបណ្តោះអាសន្ន» ជាមួយប្រទេសចិន អំពីបេសកកម្មផ្គត់ផ្គង់ឡើងវិញរបស់ខ្លួនដល់ថ្មប៉ប្រះទឹក សេខិន ថូម៉ាស ស្ហូល (Second Thomas Shoal) ដែលមានជម្លោះ។ខណៈដែលក្រសួងការបរទេសចិន និងក្រសួងការបរទេសហ្វីលីពីន (DFA) មិនបានផ្តល់ព័ត៌មានលម្អិតពីការរៀបចំនេះ ទីក្រុងម៉ានីលបាននិយាយថា វានឹងមិនធ្វើឱ្យខូចជំហរជាតិរៀងៗខ្លួនរបស់ភាគីទាំងពីរឡើយ។ ក្រសួងការបរទេសចិនបានបញ្ជាក់ពី «ការរៀបចំបណ្តោះអាសន្ននេះ» ដោយភាគីទាំងពីរបានព្រមព្រៀងគ្រប់គ្រងការខ្វែងគំនិតគ្នានៃដែនសមុទ្រ និងកាត់បន្ថយភាពតានតឹង។ចិនទាមទារស្ទើរតែទាំងមូលនៃសមុទ្រចិនខាងត្បូង រួមទាំងដែនទឹក សេខិន ថូម៉ាស ស្ហូល ជាទីដែលហ្វីលីពីន ចតនាវាកងទ័ពជើងទឹកដ៏ចំណាស់ដើម្បីពង្រឹងការទាមទារដែនសមុទ្ររបស់ខ្លួន។ ទីក្រុងម៉ានីល តែងតែបញ្ជូនបេសកកម្មផ្គត់ផ្គង់ដល់ទាហានដែលឈរជើងនៅដែនទឹកនោះ ដោយប្រែក្លាយវាទៅជាចំណុចប៉ះទង្គិចជាមួយទីក្រុងប៉េកាំង។ក្រសួងការបរទេសចិន បានរំលឹកឡើងវិញនូវការទាមទាររបស់ខ្លួនដែលឱ្យហ្វីលីពីនដកនាវាចម្បាំងនោះចេញ ហើយបាននិយាយថាខ្លួននឹងមិនព្រមឱ្យទីក្រុងម៉ានីល ដឹកជញ្ជូនសម្ភារសាងសង់ក្នុងចំនួនដ៏ច្រើនទៅកាន់ដែនទឹកនោះទេ៕

ប្រធានាធិបតីហ្វីលីពីន បញ្ជាឱ្យបិទទីតាំងល្បែងអនឡាញដំណើរការដោយជនជាតិចិន ដែលមានបុគ្គលិករាប់ពាន់នាក់

2024/07/23 10:03:05 am        181
Facebook Telegram Linkin
ប្រធានាធិបតី ប្រទេសហ្វីលីពីន លោក Ferdinand Marcos Jr កាលពីថ្ងៃចន្ទ បានបញ្ជាឱ្យហាមឃាត់ជាបន្ទាន់ លើប្រតិបត្តិការហ្គេមអនឡាញភាគច្រើនដំណើរការដោយជនជាតិចិន នៅក្នុងប្រទេសហ្វីលីពីន ដោយចោទប្រកាន់ពួកគេ ពីបទហានិភ័យក្នុងឧក្រិដ្ឋកម្ម រួមមានការបោកប្រាស់លុយ ការជួញដូរមនុស្ស ការធ្វើទារុណកម្ម ការចាប់ជំរិត និងអំពើឃាតកម្ម។លោក Marcos បាននិយាយនៅក្នុងសុន្ទរកថារដ្ឋរបស់លោកថា ហ្វីលីពីន នឹងជំរុញកិច្ចខិតខំប្រឹងប្រែងដើម្បីពង្រឹងសមត្ថភាពការពារ ដោយបង្កើតសម្ព័ន្ធភាពសន្តិសុខជាមួយប្រទេសជាមិត្ត ដើម្បីប្រយុទ្ធប្រឆាំងការគំរាមកំហែងដល់ផលប្រយោជន៍ទឹកដីរបស់ខ្លួននៅសមុទ្រចិនខាងត្បូង ហើយប្រទេសរបស់លោក គ្រាន់តែមានបំណងដោះស្រាយជម្លោះតែតាមរយៈការទូតប៉ុណ្ណោះ។ការសម្រេចចិត្តរបស់ លោក Marcos ក្នុងការដាក់បម្រាមការលេងល្បែងតាមប្រព័ន្ធអនឡាញ ដំណើរការដោយជនជាតិចិន ដែលតាមការប៉ាន់ប្រមាណមានចំនួនច្រើនជាង៤០០កន្លែង នៅទូទាំងប្រទេសហ្វីលីពីន និងបានជួលបុគ្គលិកជនជាតិចិន និងពលរដ្ឋនៅអាស៊ីអាគ្នេយ៍រាប់ម៉ឺននាក់ ដែលចំណាត់ការនេះ បានធ្វើឡើងក្នុងពេលមានការបង្ក្រាបរបស់រដ្ឋាភិបាល ដែលកំពុងបន្តគាំទ្រដោយទីក្រុងប៉េកាំង។បម្រាមនេះ បាននាំទៅដល់ការបិទអគារធំៗជាច្រើនកន្លែង ដែលអាជ្ញាធរសង្ស័យថា ជនជាតិចិន វៀតណាម និងជនជាតិផ្សេងទៀតរាប់ពាន់នាក់ ដែលភាគច្រើនមកពីប្រទេសអាស៊ីអាគ្នេយ៍ ត្រូវបានជ្រើសរើសដោយខុសច្បាប់ និងបង្ខំឱ្យធ្វើការក្នុងស្ថានភាពដ៏គួរឱ្យអាណិត។

លោក Netanyahu ប្រឈមនឹងសកម្មភាពថ្លឹងថ្លែងដ៏ជាក់លាក់នៅអាមេរិកបន្ទាប់ពីលោក Biden បោះបង់បេក្ខភាពប្រធានាធិបតី

2024/07/23 10:00:38 am        90
Facebook Telegram Linkin
លោកនាយករដ្ឋមន្ត្រីអ៊ីស្រាអែល Benjamin Netanyahu បានបំពេញទស្សនកិច្ចនៅសហរដ្ឋអាមេរិកក្នុងសប្តាហ៍នេះក្រោមសម្ពាធដើម្បីបញ្ចប់សង្រ្គាមនៅក្នុងដែនដីហ្កាហ្សា ដែលជាបំណងទាំងពីអ៊ីស្រាអែល ទាំងពីរដ្ឋបាលអាមេរិក។ តើភាពចលាចលខាងនយោបាយនៅក្រុងវ៉ាស៊ីនតោន អាចប៉ះពាល់ យ៉ាងណាខ្លះដល់ដំណើរទស្សនកិច្ច និងទំនាក់ទំនងនាពេលអនាគត?។ លោក Netanyahu គ្រោងជួបលោក Joe Biden ប្រសិនបើលោកប្រធានាធិបតីបានជាសះស្បើយពីជំងឺ Covid-19 ហើយថ្លែងសុន្ទរកថាក្នុងសម័យប្រជុំរួមនៃសភា ជាមេដឹកនាំបរទេសតែមួយគត់ដែលធ្វើដូច្នេះជាលើកទីបួន។ដំណើរនេះផ្តល់ឱ្យលោកនូវវេទិកាមួយសម្រាប់កំណត់ឡើងវិញជាមួយទីក្រុងវ៉ាស៊ីនតោន បន្ទាប់ពីភាពតានតឹងជាច្រើនខែជុំវិញវិធីសាស្រ្តរឹងរូសរបស់លោកចំពោះសង្រ្គាម និងជាឱកាសដើម្បីព្យាយាម បញ្ចុះបញ្ចូលប្រជាជនអ៊ីស្រាអែលថា រូបលោកពុំបានធ្វើឱ្យប្រេះស្រាំទំនាក់ទំនងជាមួយសម្ព័ន្ធមិត្តដ៏សំខាន់បំផុតរបស់ពួកគេនោះទេ។ ប៉ុន្តែដំណើរ និងបំណងរបស់លោក ត្រូវបានធ្វើឲ្យស្រអាប់ខ្លាំង ដោយការសម្រេចចិត្តរបស់ប្រធានាធិបតីលោក Biden មិនស្វែងរកការបោះឆ្នោតឡើងវិញ ដោយបង្ហាញពីភាពមិនច្បាស់លាស់ខាងនយោបាយអំពីដៃគូបន្ទាប់របស់អ៊ីស្រាអែលនៅក្នុងសេតវិមាន ។អំឡុងទស្សនកិច្ចរបស់លោក លោក Netanyahu ក៏បានស្នើសុំជួបលោក Trumpផងដែរ៕

លោកស្រី Harris បើកយុទ្ធនាការបោះឆ្នោតប្រធានាធិបតីលើកដំបូងចាប់តាំងពីលោក Biden រុញឲ្យទល់នឹងលោកTrump

2024/07/23 09:54:19 am        107
Facebook Telegram Linkin
លោកស្រីអនុប្រធានាធិបតីអាមេរិក Kamala Harris បានបង្ហាញខ្លួនជាសាធារណៈលើកដំបូងកាលពីថ្ងៃចន្ទសប្ដាហ៍នេះ ចាប់តាំងពីបានចូលប្រកួតប្រជែងតំណែងប្រធានាធិបតី បន្ទាប់ពីលោកប្រធានាធិបតី Joe Biden វ័យ៨១ឆ្នាំ បានបញ្ចប់យុទ្ធនាការបោះឆ្នោតឡើងវិញភ្លាមៗកាលពីថ្ងៃអាទិត្យ ហើយបានគាំទ្រលោកស្រីជាអ្នកស្នងតំណែងរបស់លោករុញឲ្យតតាំងជាមួយលោកTrump។ដោយលោកស្រីបានសរសើរសមិទ្ធផលរបស់លោកប្រធានាធិបតី Joe Biden ។ លោកស្រី Harris បាននិយាយនៅឯព្រឹត្តិការណ៍នៅសេតវិមានថា"កេរដំណែលរបស់លោកJoe Biden ក្នុងរយៈពេលបីឆ្នាំចុងក្រោយនេះគឺមិនអាចប្រៀបផ្ទឹមបាននៅក្នុងប្រវត្តិសាស្រ្តសម័យទំនើប"។ "ជារៀងរាល់ថ្ងៃ ប្រធានាធិបតីរបស់យើង លោក Joe Biden តស៊ូដើម្បីប្រជាជនអាមេរិក ហើយយើងមានការដឹងគុណយ៉ាងជ្រាលជ្រៅ ចំពោះការបម្រើរបស់លោកចំពោះជាតិរបស់យើង" ។ លោកស្រី Harris មិនបានសំដៅជាទៅលើឋានៈថ្មីរបស់លោកស្រីជាបេក្ខជននាំមុខនៃគណបក្សប្រជាធិបតេយ្យសម្រាប់បេក្ខជនប្រធានាធិបតីបន្ទាប់ពីលោក Biden ដែលបានប្រកាសកាលពីថ្ងៃអាទិត្យថាលោកកំពុងដើរចេញក្រោមសម្ពាធកាន់តែខ្លាំងពីសមាជិកគណបក្សប្រជាធិបតេយ្យ។ ការចាកចេញរបស់លោក Biden គឺជាការតក់ស្លុតចុងក្រោយបំផុតចំពោះការប្រកួតប្រជែងកៅអីនៅសេតវិមាន ដែលរាប់បញ្ចូលទាំងការលួចធ្វើឃាតអតីតប្រធានាធិបតី Trump មិនបានសម្រេច ដោយខ្មាន់កាំភ្លើងម្នាក់ ក្នុងអំឡុងពេលយុទ្ធនាការ និងការតែងតាំងសមាជិកព្រឹទ្ធសភាអាមេរិក លោក J.D. Vance ជាអនុប្រធានាធិបតីរបស់លោក Trump៕

យុទ្ធនាការរបស់លោកស្រី Harris រៃអង្គាសប្រាក់បាន៨១លានដុល្លារ ក្នុងរយៈពេល២៤ម៉ោងដំបូង

2024/07/23 09:51:33 am        130
Facebook Telegram Linkin
ម្ចាស់ជំនួយរបស់គណបក្សប្រជាធិបតេយ្យ បានដាក់បញ្ចូលចំនួនទឹកប្រាក់ដ៏ច្រើនសន្ធឹកសន្ធាប់ទៅក្នុងយុទ្ធនាការរបស់អនុប្រធានាធិបតីសហរដ្ឋអាមេរិក លោកស្រី Kamala Harris ក្នុងរយៈពេល២៤ ម៉ោង ចាប់តាំងពីលោក Joe Biden បានលាឈប់ពីការប្រកួតប្រជែងតំណែងនៅសេតវិមាន និងបានគាំទ្រដល់អ្នករួមដំណែងរបស់លោក។យុទ្ធនាការរបស់លោកស្រី បាននិយាយនៅក្នុងសេចក្តីថ្លែងការណ៍កាលពីថ្ងៃចន្ទថា ក្រុមរបស់លោកស្រី Harris រៃអង្គាសប្រាក់បានចំនួន៨១លានដុល្លារអាមេរិក ក្នុងរយៈពេល២៤ម៉ោងដំបូងរបស់ខ្លួន។ សេចក្តីថ្លែងការណ៍ បានអះអាងថា នេះគឺជាការកើនឡើងច្រើនបំផុតក្នុងរយៈពេល២៤ម៉ោង ក្នុងប្រវត្តិសាស្ត្រប្រធានាធិបតី។លោកស្រី Harris វ័យ៥៩ឆ្នាំ ទទួលបានការគាំទ្រយ៉ាងឆាប់រហ័សពីសំណាក់សមាជិកគណបក្សប្រជាធិបតេយ្យជាច្រើន បន្ទាប់ពីទទួលបានការគាំទ្រពីលោក Biden កាលពីថ្ងៃអាទិត្យ។នៅពេលនេះ យុទ្ធនាការរបស់លោកស្រី ទំនងជាបានផ្ដល់ថាមពលដល់ម្ចាស់ជំនួយទាំងធំតូច ដែលជាការផ្លាស់ប្តូរពីអំឡុងពេលមិនច្បាស់លាស់ បន្ទាប់ពីការអនុវត្តន៍ជជែកដេញដោល ពុំបានល្អរបស់លោក Biden ទល់នឹងលោក Trump ដែលតាមសេចក្តីរាយការណ៍ នៅពេលនោះម្ចាស់ជំនួយធំៗ បានបញ្ឈប់ការរៃអង្គាសថវិកា។

លោកស្រី Harris៖ ការពង្រឹងវណ្ណៈកណ្តាលនឹងក្លាយជាគោលដៅនៃតំណែងប្រធានាធិបតី

2024/07/23 09:12:38 am        104
Facebook Telegram Linkin
អនុប្រធានាធិបតីសហរដ្ឋអាមេរិក លោកស្រី កាម៉ាឡា ហារីស (Kamala Harris) បាននិយាយកាលពីថ្ងៃចន្ទ (២២ កក្កដា) ថា ការកសាងវណ្ណៈកណ្តាលនឹងស្ថិតនៅចំកណ្តាលនៃការប្រជែងតំណែងប្រធានាធិបតីរបស់ខ្លួន ជាមួយនឹងអាទិភាពផ្សេងទៀត រួមទាំងការគ្រប់គ្រងកាំភ្លើង និងសិទ្ធិបន្តពូជ។លោកស្រី Harris បាននិយាយទៅកាន់បុគ្គលិកយុទ្ធនាការមួយថ្ងៃបន្ទាប់ពីលោកប្រធានាធិបតី ចូ បៃដិន (Joe Biden) បានដកខ្លួនពីការប្រកួតប្រជែង ហើយបានគាំទ្រអនុប្រធានាធិបតីរូបនេះ សម្រាប់ការតែងតាំងពីគណបក្សប្រជាធិបតេយ្យ។ លោកស្រី Harris បាននិយាយថា៖ «យើងតស៊ូរួមគ្នាដើម្បីកសាងជាតិ ដែលមនុស្សគ្រប់រូបមានការថែទាំសុខភាពសមរម្យ កម្មករគ្រប់រូបទទួលបានប្រាក់កម្រៃល្អប្រសើរ និងមនុស្សចាស់អាចចូលនិវត្តន៍ប្រកបដោយសេចក្តីថ្លៃថ្នូរ។ នោះហើយជាគោលដៅនៃតំណែងប្រធានាធិបតីរបស់ខ្ញុំ»។លោក Biden ដែលបានដកខ្លួនពីការប្រជែងអាណត្តិថ្មី ស្របពេលមានការបារម្ភពីវ័យ និងសុខភាព បានហៅទូរសព្ទចូលទៅក្នុងព្រឹត្តិការណ៍យុទ្ធនាការរបស់លោកស្រី Harris ។ ក្នុងសំឡេងបែបស្អករបស់ខ្លួន លោក Biden បានកោតសរសើរអនុប្រធានាធិបតីរបស់ខ្លួនចំពោះការប្ដជ្ញាចិត្តរបស់លោកស្រី។លោកស្រី Harris វ័យ ៥៩ឆ្នាំបានគូសបញ្ជាក់អំពីគោលនយោបាយជាបន្តបន្ទាប់ ដែលខ្លួនសន្យាថានឹងបន្ត រួមទាំងការចុះហត្ថលេខាលើច្បាប់ដើម្បីការពារសិទ្ធិរំលូតកូន និងហាមប្រាមប្រភេទកាំភ្លើងវាយប្រហារ៕

បណ្ដាញសង្គម

ព័ត៌មានថ្មីៗ

ជំនួបកំពូលអារ៉ាប់-អ៊ិស្លាម នៅថ្ងៃចន្ទនេះ គ្រោងព្រមានអ៊ីស្រាអែល ជុំវិញការវាយប្រហារលើកាតា
09/15/2025 09:09 AM
Facebook Telegram Linkin
រុស្ស៊ី សម្ញែងសាច់ដុំយោធា ដោយប្រើមីស៊ីលល្បឿនលឿនជាងសំឡេង និងយន្តហោះទម្លាក់គ្រាប់បែកបំបាំងកាយ អំឡុងសមយុទ្ធ
09/15/2025 09:09 AM
Facebook Telegram Linkin
ប្រភព៖ លោក Trump នឹងបន្ថែមពេលលើកាលបរិច្ឆេទកំណត់លក់ TikTok ជាថ្មីម្ដងទៀត
09/15/2025 09:09 AM
Facebook Telegram Linkin
លោកជំទាវ ហ៊ុន ម៉ាលី និងលោកជំទាវ ឌី សុខីទីឃាយុកោ ប្រគេនទេយ្យទានចូលរួម​កាន់​វេន​បិណ្ឌ​៧​ ជាមួយបងប្អូន​ប្រជាពលរដ្ឋ និងពុទ្ធបរិស័នៅវត្តស្វាយរមៀត ក្នុងក្រុងសៀមរាប
09/15/2025 08:09 AM
Facebook Telegram Linkin
អ៊ីស្រាអែលបង្កើនការទម្លាក់គ្រាប់បែកលើទីក្រុងហ្កាហ្សា ខណៈប្រមុខការទូតអាមេរិក និងលោក Netanyahu ពិភាក្សាពីអនាគតនៃជម្លោះ
09/15/2025 08:09 AM
Facebook Telegram Linkin
ឯកឧត្តមរដ្ឋមន្ត្រី ជា វ៉ាន់ដេត៖ «ដើម្បីឱ្យពាណិជ្ជកម្មឌីជីថលរីកចម្រើនយើង​ត្រូវ​ការ​ធាតុ​ផ្សំ​ដ៏​សំខាន់​មួយដែល​​មិន​អាចខ្វះបាន គឺទំនុកចិត្ត»
09/15/2025 08:09 AM
Facebook Telegram Linkin
មន្ត្រីបរិស្ថានកំពុងកសាងសំណុំរឿងបទល្មើសធនធានធម្មជាតិទៅតុលាការ និងចុះរុះរើសំណង់ ដែលជនខិលខូច បានធ្វើការឈូសឆាយ ទន្ទ្រានដី និងសាងសង់ដោយខុសច្បាប់ ក្នុងឧទ្យានជាតិ«គិរីរម្យ»
09/15/2025 07:09 AM
Facebook Telegram Linkin
សម្តេចធិបតី ហ៊ុន ម៉ាណែត ផ្ញើសារលិខិតអបអរសាទរ​ជូនចំពោះ ឯកឧត្តម Sébastien LECORNU នាយករដ្ឋមន្ត្រីបារាំង
09/15/2025 07:09 AM
Facebook Telegram Linkin
កម្ពុជាប្រកាសបដិសេធទាំងស្រុងចំពោះការចោទប្រកាន់ដោយគ្មានមូលដ្ឋានរបស់ភាគីថៃថា កម្ពុជា​បានបង្ហោះដ្រូននៅតំបន់តាមបណ្តោយព្រំដែន នៃប្រទេសទាំងពីរ
09/15/2025 07:09 AM
Facebook Telegram Linkin
កម្ពុជា បន្តអំពាវនាវឱ្យភាគីថៃដោះលែងកងទ័ពកម្ពុជា១៨រូប ត្រឡប់​មក​វិញ​ឱ្យ​បាន​ឆាប់​រហ័ស និង​ប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ ខណៈរហូតដល់ពេលនេះ គឺមានរយៈពេល៤៨ថ្ងៃហើយ
09/15/2025 07:09 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.