នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

អាមេរិក នឹងអនុវត្តន៍មាត្រាទី៨ ខណៈដកមាត្រាទី៤២សម័យវីរុស COVID-19 សម្រាប់ជនអន្តោប្រវេសន៍

2023/05/12 05:56:14 pm        105
Facebook Telegram Linkin
អាមេរិក៖មាត្រាទី៨ គឺជាច្បាប់របស់ប្រទេស នៅពេលគេប្រើសម្រាប់ការធ្វើអន្តោប្រវេសន៍។ មាត្រាទី៤២ គឺជាវិធានការគ្រាអាសន្នមួយដែលត្រូវបានគេប្រើអំឡុងជំងឺរាតត្បាតសកលដើម្បីបញ្ឈប់ការឆ្លងរាលដាលនៃវីរុស COVID-19។ ស្របពេលដែលមាត្រាទី៤២ត្រូវអស់សុពលភាពនៅត្រឹមម៉ោង១២រលំងអធា្រត្រយប់ថ្ងៃព្រហស្បតិ៍ពេលវេលានៅសហរដ្ឋអាមេរិក មាត្រាទី៨ នឹងត្រូវក្លាយជាច្បាប់ដ៏សំខាន់ជាថ្មី។ មាត្រាទី៨ គឺជាផ្នែកមួយនៃច្បាប់របស់សហរដ្ឋអាមេរិក ដែលបានទប់ស្កាត់ពលរដ្ឋមិនមែនជាជនជាតិអាមេរិក ដែលព្យាយាមឆ្លងព្រំដែនចូលដីអាមេរិកដោយខុសច្បាប់។ ច្បាប់នេះ នឹងអនុញ្ញាតឲ្យក្រុមមន្ត្រីអន្តោប្រវេសន៍ពន្លឿនការបញ្ជូនជនអន្តោប្រវេសន៍ដែលខ្វះឯកសារជាមូលដ្ឋាននៅក្នុងប្រទេសនេះត្រឡប់ទៅវិញ ។ មាត្រាទី៨ ក៏នឹងផ្ដល់ឲ្យជនអន្តោប្រវេសន៍ ដែលបានចូលក្នុងប្រទសនេះដោយខុសច្បាប់មានឱកាសដាក់លិខិតសុំជ្រកកោនផងដែរ ប្រសិនបើពួកគេអាចបង្ហាញពីភាពរងទុក្ខ ឬ គ្រោះថ្នាក់ជាក់លាក់ផ្សេងទៀត នៅក្នុងប្រទេសកំណើតរបស់ពួកគេ។ ក្រោមសម័យជំងឺរាតត្បាតសកល មាត្រាទី៤២ ជនអន្តោប្រវេសន៍មកពីប្រទេសគុយបា អេលសាវ៉ាឌ័រ ហ្គាតេម៉ាឡា ហៃទី ហុងឌុយរ៉ាស់ ម៉ិកស៊ិក នីហ្គារ៉ាហ្គ័រ ឬវ៉េណេហ្ស៊ុយអេឡា ដែលត្រូវបានរកឃើញថាប៉ុនប៉ងឆ្លងចូលក្នុងទឹកដីសហរដ្ឋអាមេរិក ដោយខុសច្បាប់ ត្រូវបានធ្វើតេស្តភ្លាមៗ និងអាចបណ្ដេញចេញពីសហរដ្ឋអាមេរិក និងម៉ិកស៊ិក ភ្លាមៗដែរ ដើម្បីទប់ស្កាត់ការឆ្លងរាដាលវីរុស COVID-19 ៕

ការឃុំឃាំងជនអន្តោប្រវេសន៍ នៅព្រំដែនអាមេរិក-ម៉ិកស៊ិក ឡើងដល់កំណត់ត្រាខ្ពស់បំផុត ខណៈដែលច្បាប់មាត្រាទី៤២ បញ្ចប់

2023/05/12 05:46:51 pm        109
Facebook Telegram Linkin
អាមេរិក៖ សហរដ្ឋអាមេរិក បានលុបចោលច្បាប់រឹតបន្តឹងតាមព្រំដែន ដើម្បីទប់ស្កាត់ COVID-19 ដែលគេស្គាល់ថា ច្បាប់សុខភាពមាត្រាទី៤២ កាលពីយប់ថ្ងៃព្រហស្បតិ៍ (ទី១១ ខែឧសភា) ដែលជាចំណុចផ្លាស់ប្តូរដ៏សំខាន់មួយ ក្នុងការទាក់ទាញបាននូវជនអន្តោប្រវេសរាប់ម៉ឺននាក់ឆ្លងកាត់ព្រំដែនសហរដ្ឋអាមេរិក និងម៉ិកស៊ិក ដែលធ្វើឲ្យសហគមន៍មូលដ្ឋានមានភាពតានតឹង និងការបែកបាក់ខាងនយោបាយកាន់តែខ្លាំងឡើង។ចំនួនជនអន្តោប្រវេសន៍ ដែលត្រូវបានចាប់ខ្លួន ពេលឆ្លងដែនខុសច្បាប់ បានកើនឡើងក្នុងប៉ុន្មានសប្តាហ៍ថ្មីៗនេះ ដោយការចាប់បានប្រចាំថ្ងៃលើសពី ១០.០០០នាក់ កាលពីថ្ងៃចន្ទ និងថ្ងៃអង្គារ។ ទីក្រុងជាប់ព្រំដែនរបស់សហរដ្ឋអាមេរិក បានប្រឹងប្រែងយ៉ាងខ្លាំង ដើម្បីផ្ដល់ជម្រកដល់ជនចំណូលថ្មី និងផ្តល់ការដឹកជញ្ជូនទៅកាន់គោលដៅបន្ត។នៅខាងក្រោយនៃទិដ្ឋភាពដ៏ច្របូកច្របល់នេះ រដ្ឋបាលរបស់លោកប្រធានាធិបតីអាមេរិក Joe Biden កំពុងបង្កើនបុគ្គលិក និងមូលនិធិទៅកាន់ព្រំដែន ខណៈពេលដែលកំពុងអនុវត្តបទប្បញ្ញត្តិថ្មី ដែលនឹងបដិសេធការផ្តល់សិទ្ធិជ្រកកោនដល់ជនអន្តោប្រវេសន៍ភាគច្រើន ដែលឆ្លងកាត់ព្រំដែនដោយខុសច្បាប់។ វិធានការថ្មីនេះ នឹងចូលជាធរមាននៅពេលដែលច្បាប់សុខភាពមាត្រាទី៤២ បញ្ចប់រួមជាមួយនឹងគ្រាអាសន្នផ្នែកសុខភាពសាធារណៈនៃវីរុស COVID-19។រដ្ឋមន្ត្រីសន្តិសុខមាតុភូមិ លោក Alejandro Mayorkas បាននិយាយថា ច្បាប់ថ្មីនេះនឹងមានន័យថា មានផលវិបាកកាន់តែខ្លាំងជាងមុន សម្រាប់ជនអន្តោប្រវេសន៍ខុសច្បាប់ ប្រសិនបើត្រូវបានចាប់ខ្លួន អាចត្រូវនិរទេស និងហាមឃាត់ ក្នុងការចូលមកកាន់ទឹកដីអាមេរិករយៈពេល ៥ឆ្នាំ ប្រសិនបើពួកគេមិនមានលក្ខណៈគ្រប់គ្រាន់ ក្នុងការទទួលបានសិទ្ធិជ្រកកោនទេនោះ៕

ក្នុងការបំផ្លាញនៅក្រុង Makhmut អ៊ុយក្រែននិយាយថាការវាយប្រហាររបស់ទាហានស៊ីឈ្មួល កំពុងកើនឡើង

2023/05/12 05:41:36 pm        66
Facebook Telegram Linkin
អ៊ុយក្រែន៖ មេបញ្ជាការកងពលតូចអ៊ុយក្រែន ដែលកំពុងប្រយុទ្ធក្នុងទីតាំងនៃការបំផ្លាញទីក្រុងBakhmut និយាយថា កងកម្លាំងទាហានស៊ីឈ្នួលរបស់រុស្ស៊ី បានបង្កើនការបាញ់ផ្លោង និងការវាយប្រហារដោយកាំភ្លើងធំក្នុងប៉ុន្មានថ្ងៃថ្មីៗនេះ ហើយពុំមានប្រឈមនឹងកង្វះគ្រាប់រំសេវនោះទេ។ ប្រធានទាហានស៊ីឈ្នួលរុស្ស៊ី លោក Yevgeny Prigozhin បានត្អូញត្អែរយៈពេលច្រើនសប្តាហ៍មកនេះថា ទាហានរុស្ស៊ីកំពុងប្រើប្រាស់អស់នូវគ្រាប់រំសេវដែលមានគ្រប់គ្រាន់របស់ទាហានស៊ីឈ្នួលក្រុមហ៊ុន Wagner របស់លោក ដើម្បី     ដណ្តើមយកទីក្រុងរបស់អ៊ុយក្រែនភាគខាងកើត ជាកន្លែងដែលមានការប្រយុទ្ធគ្នាខ្លាំងរយៈពេលជាច្រើនខែមកនេះ ដែលត្រូវបានចាត់ទុកតាមរបៀបមួយថាជា «អ្នកចិញ្រ្ចាំសាច់»។លោកវរសេនីយឯក Roman Hryshchenko របស់អ៊ុយក្រែន ជាមេបញ្ជាការកងពលតូចការពារដែនដី ទី១២៧ របស់អ៊ុយក្រែន និយាយថាកងកម្លាំងរុស្ស៊ីកំពុងធ្វើការវាយលុកឥតឈប់ឈរនៅក្នុងទីក្រុងនេះ ហើយកងទ័ពអ៊ុយក្រែនកំពុងវាយបកទៅលើពួកគេយ៉ាងសុំណំ។ លោកបានប្រាប់សារព័ត៌មានរ៉យទ័រ  ថា ស្ថានភាពមានការលំបាក។ សត្រូវកំពុងដាក់ពង្រាយកងកម្លាំងរបស់ខ្លួនយ៉ាងច្រើនមកលើពួកយើង ដែលកំពុងវាយប្រហារសន្ធាប់ឥតឈប់ឈរ។ លោកនិយាយថា លោកនិងទាហានកងពលតូចរបស់លោកទាំងអស់បានរស់នៅក្នុង ទីក្រុង Bakhmut ដែលត្រូវបានបំផ្លាញរយៈពេលជិត២ខែ។ កងកម្លាំងរុស្ស៊ីបានស្លាប់និងរងរបួសជាច្រើនលើក ដែលមានចំនួនច្រើនជាងអង្គភាពរបស់លោក ប៉ុន្តែពុំបានបញ្ជាក់ពីចំនួននោះទេ។ រុស្ស៊ីកំពុងបាត់បាត់ទាហានដ៏ច្រើនរបស់ខ្លួន ដែលទីក្រុង Bakhmut បានបំពេញភារកិច្ចដ៏សំខាន់របស់ខ្លួនហើយ និងបន្តបំពេញបន្ថែមទៀត៕

អតីតទាហានម៉ារីនអាមេរិកត្រូវចោទប្រកាន់ពីបទក្រៀកកដល់ថប់ដង្ហើមស្លាប់ លើរថភ្លើងក្រោមដី នាក្រុងញូវយ៉ក

2023/05/12 05:09:20 pm        170
Facebook Telegram Linkin
អាមេរិក៖មេធាវីតំបន់ Manhattan បាននិយាយកាលពីថ្ងៃព្រហស្បតិ៍ថា អតីតទាហានម៉ារីនអាមេរិកម្នាក់ ដែលបានសម្លាប់បុរសអនាថា ដោយការយកដៃរឹតកមនុស្សរហូតដល់ថប់ដង្ហើម នៅលើរថភ្លើងក្រោមដីនៃទីក្រុងញូវយ៉ក នឹងត្រូវចាប់ខ្លួននាថ្ងៃសុក្រនេះ ហើយនិងត្រូវកាត់ទោសពីបទមនុស្សឃាត។វីដេអូឃ្លីបដែលត្រូវផ្សព្វផ្សាយយ៉ាងទូលំទូលាយមួយ បានបង្ហាញឲ្យឃើញពីអតីតទាហានម៉ារីន ដែលគេស្គាល់ថា ឈ្មោះលោក Daniel Penny បានប្រើដៃក្រៀកករបស់លោក Jordan Neely វ័យ ៣០ឆ្នាំយ៉ាងតឹង កាលពីថ្ងៃទី១ ខែឧសភា ខណៈដែលពួកគេ ជិះលើរថភ្លើង F ក្នុងស្រុក Manhattan។ គ្រូពេទ្យបាននិយាយថា លោក Neely បានស្លាប់ដោយសារការរឹតក ប៉ុន្តែមេធាវីរបស់លោក Penny បាននិយាយថា គាត់មិនមានចេតនាសម្លាប់ជនរងគ្រោះឡើយ។យោងតាមសាក្សី ឲ្យដឹងថា លោក Neely ដែលត្រូវបានគេស្គាល់ថា អ្នកសម្តែងត្រាប់អតីតអ្នកចម្រៀង Michael Jackson នៅតាមប្រព័ន្ធរថភ្លើងក្រោមដី បាននិយាយខ្លាំងៗអំពីការហេវហត់ និងប្រាប់ថាខ្លួនគេបានត្រៀមខ្លួនស្លាប់ នៅពេលដែលលោក Penny បានងាកទៅឃើញជនរងគ្រោះនៅពីក្រោយ ហើយបានចាប់រឹតករបស់ជនរងគ្រោះ។ លោក Penny បានទប់ជនរងគ្រោះមិនឲ្យរើនៅលើផ្ទៃកម្រាលរបស់រថភ្លើងក្រោមដីរហូតដល់លែងកម្រើក ហើយក្រោយមក លោក Neely ត្រូវបានប្រកាសថាបានស្លាប់។មេធាវី នៅស្រុក Manhattan លោក Alvin Bragg បាននិយាយនៅក្នុងសេចក្តីថ្លែងការណ៍ថា៖ «យើងអាចបញ្ជាក់បានថា លោក Daniel Penny នឹងត្រូវបានចាប់ខ្លួនដោយចោទប្រកាន់ពីបទមនុស្សឃាតក្នុងកម្រិតទី២។ យើងមិនអាចផ្តល់ព័ត៌មានបន្ថែមណាមួយបានទេ រហូតដល់ជនល្មើសត្រូវបានកាត់ទោសនៅក្នុងតុលាការព្រហ្មទណ្ឌ Manhattan ដែលយើងរំពឹងថា នឹងប្រព្រឹត្តទៅនៅថ្ងៃស្អែក»។ការស្លាប់ និងការពន្យារពេលរបស់រដ្ឋអាជ្ញាក្នុងការចោទប្រកាន់លើលោក Penny បានបង្កឲ្យមានការតវ៉ា ដោយអ្នកខ្លះនិយាយថា ហេតុការណ៍នេះ មានន័យស្មើនឹងការកាត់ទោសដោយមិនវិនិច្ឆ័យ និងគំរូនៃប្រវត្តិសាស្ត្រប្រឆាំងនឹងពណ៌សម្បុរ។ លោក Neely ជាជនជាតិស្បែកខ្មៅ ហើយលោក Penny ជាជនជាតិស្បែកស៕

កងកម្លាំងគូជម្លោះនៅស៊ូដង់ ព្រមព្រៀងឲ្យមានការការពារជនស៊ីវិល ប៉ុន្តែពុំមានបទឈប់បាញ់ទេ

2023/05/12 05:06:22 pm        72
Facebook Telegram Linkin
ស៊ូដង់់៖ក្រុមមន្ត្រីសហរដ្ឋអាមេរិកបាននិយាយថា គូជម្លោះរបស់ប្រទេសស៊ូដង់ នៅព្រឹកថ្ងៃសុក្រសប្ដាហ៍នេះ បានប្ដេជ្ញាការពារជនស៊ីវិល និងចលនាផ្ដល់ជំនួយមនុស្សធម៌ ប៉ុន្តែពុំបានព្រមព្រៀងឲ្យមានបទឈប់បាញ់ទេនិងនៅតែបន្តស្ថិតឆ្ងាយពីគ្នា។ ពួកគេនិយាយថាបន្ទាប់ពីការចរចារយៈពេលមួយសប្ដាហ៍នៅក្នុងទីក្រុងកំពង់ផែ Jeddah របស់ប្រទេសអារ៉ាប៊ីសាអ៊ូឌីត កងទ័ពរបស់ស៊ូដង់ និងកងកម្លាំងគាំទ្ររហ័សប៉ារ៉ា ហៅកាត់ថា (RSF) បានចុះហត្ថលេខាលើសេចក្ដីប្រកាសមួយថា ពួកគេនឹងធ្វើការរួមគ្នាឈានទៅការសម្រេចបានបទឈប់បាញ់រយៈពេលខ្លីក្នុងការពិភាក្សានានាបន្ថែមទៀត។មន្ត្រីក្រសួងការបរទេសអាមេរិកម្នាក់ដែលសុំមិនបញ្ចេញឈ្មោះ បាននិយាយថា ភាគីទាំង២នៅមានការខ្វែងគំនិតគ្នាខ្លាំងណាស់។ ក្រសួងការបរទេសអាមេរិក បាននិយាយថា ភាគីទាំង២នឹងផ្ដោតលើការឈានដល់កិច្ចព្រមព្រៀងមួយសម្រាប់បទឈប់បាញ់ប្រកបដោយប្រសិទ្ធភាពរយៈប្រហែល១០ថ្ងៃ ។ មន្ត្រីអាមេរិកបាននិយាយថា អ្នកចរចាដែលធ្វើការជាមួយអារ៉ាប៊ីសាអ៊ូឌីត និងក្រុមអ្នកសម្រុះសម្រួលរបស់សហរដ្ឋអាមេរិកនឹងពិភាក្សាបន្ទាប់អំពីវិធានការសន្តិសុខជាក់លាក់សម្រាប់ការការពារការផ្គត់ផ្គង់ជំនួយ។ សេចក្តីថ្លែងការណ៍របស់ក្រសួងការបរទេសបាននិយាយថាវិធានការនានា នឹងរួមបញ្ចូលយន្តការត្រួតពិនិត្យបទឈប់បាញ់ដែលគាំទ្រដោយសហរដ្ឋអាមេរិក-អារ៉ាប៊ីសាអ៊ូឌីត និងអន្តរជាតិ។  អង្គការសុខភាពពិភពលោក បាននិយាយថា មនុស្សជាង៦០០នាក់ បានស្លាប់  និងជាង៥.០០០នាក់ បានរងរបួសក្នុងការប្រយុទ្ធគ្នានេះ ។ ចំណែកក្រសួងសុខាភិបាលរបស់ប្រទេសនៅតំបន់អាហ្វ្រិកមួយនេះវិញបាននិយាយថា យ៉ាងហោចណាស់៤៥០នាក់បានស្លាប់ នៅក្នុងតំបន់ Darfur ភាគខាងលិច។ យោងតាមទិន្នន័យពីអង្គការសហប្រជាជាតិ មនុស្សកាន់តែច្រើនបានរត់ភៀសខ្លួនចេញពីរដ្ឋធានីកាទូម (Khartoum)និងតំបន់ Darfur ដែលមានមនុស្ស៧សែននាក់ នៅក្នុងប្រទេសនេះ និងបង្ខំឲ្យមនុស្សចំនួន១៥០.០០០នាក់ ក្លាយជាជនភៀសខ្លួនចូលទៅកាន់រដ្ឋក្បែរខាងនានា៕

ក្រុមតំណាងរាស្ត្រអាមេរិក ដាក់ចេញសេចក្តីស្នើច្បាប់ដើម្បីរារាំងប្រទេសនានាកុំឲ្យធ្វើប្រក្រតីភាពទំនាក់ទំនងល្អជាមួយប្រធានាធិបតីស៊ីរី

2023/05/12 05:02:55 pm        79
Facebook Telegram Linkin
ស៊ីរី់៖ ក្រុមតំណាងរាស្ត្រមកពីគណបក្សទាំង២ បានដាក់ចេញសេចក្តីស្នើច្បាប់មួយកាលពីថ្ងៃព្រហស្បតិ៍ក្នុងចេតនារារាំងរដ្ឋាភិបាលសហរដ្ឋអាមេរិកកុំឲ្យទទួលស្គាល់ លោក Bashar al-Assad ជាប្រធានាធិបតីរបស់ប្រទេសស៊ីរី និងដើម្បីលើកកម្ពស់សមត្ថភាពរបស់ទីក្រុងវ៉ាស៊ីនតោន ក្នុងការដាក់ទណ្ឌកម្ម ជាការព្រមានមួយទៅដល់បណ្ដាប្រទេសផ្សេងទៀតដែលធ្វើប្រក្រតីភាពទំនាក់ទំនងជាធម្មតាជាមួយលោក Assad។ សេចក្តីស្នើច្បាប់ ដែលត្រូវបានរាយការណ៍លើកដំបូងដោយសារព័ត៌មាន Reuters នឹងហាមប្រាមរដ្ឋាភិបាលសហរដ្ឋអាមេរិក កុំឲ្យទទួលស្គាល់ឬ ធ្វើប្រក្រតីភាពទំនាក់ទំនងជាមួយរដ្ឋាភិបាលស៊ីរី ដឹកនាំដោយលោក Assad ដែលស្ថិតក្រោមទណ្ឌកម្មរបស់សហរដ្ឋអាមេរិក និងបានបន្ថែមលើច្បាប់ការពារជានស៊ីវិលCaesarរបស់ស៊ីរី ដែលបានដាក់ជុំទណ្ឌកម្មដ៏តឹងរ៉ឹងលើប្រទេសនេះ ក្នុងឆ្នាំ២០២០កន្លងទៅ។ ច្បាប់ដែលបានស្នើឡើងនេះ បានធ្វើឡើងបន្ទាប់ពីបណ្ដារដ្ឋនៅអារ៉ាប់ដូចជា អារ៉ាប៊ីសាអ៊ូឌីត កាតា និងប្រទេសជាច្រើនទៀត បានបិទចោលទំព័រប្រឈមដាក់គ្នាជាច្រើនឆ្នាំជាមួយលោក Assad កាលពីថ្ងៃអាទិត្យ ដោយអនុញ្ញាតឲ្យប្រទេសស៊ីរីត្រឡប់ចូលក្នុងក្រុមសម្ព័ន្ធអារ៉ាប់វិញ ជាប្រវត្តិសាស្ត្រមួយនៅក្នុងការស្តារនីតិសម្បទាតំបន់របស់លោក ទោះបីជាប្រទេសលោកខាងលិចនៅតែបន្តបដិសេធរូបលោក បន្ទាប់ពីសង្គ្រាមស៊ីវិលជាច្រើនឆ្នាំមកនេះក៏ដោយ។     ក្រសួងព័ត៌មានរបស់ប្រទេសស៊ីរី ពុំបានឆ្លើយតបចំពោះសំណើសុំសេចក្ដីអត្ថាធិប្បាយនេះទេ៕

មាត្រា៤២៖ តើច្បាប់អន្តោប្រវេសន៍ជាអ្វី ហើយហេតុអ្វីបានជាច្បាប់នេះបញ្ចប់?

2023/05/12 04:58:17 pm        66
Facebook Telegram Linkin
អាមេរិក៖ បន្ទាប់ពីរយៈពេលជាង៣ឆ្នាំ ច្បាប់សម័យលោក ដូ ណាល់ត្រាំ ដែលបានអនុញ្ញាតសម្រាប់ការបណ្តេញចេញភ្លាមៗចំពោះជនអន្តោប្រវេសន៍ខុសច្បាប់ជាច្រើន បានផុតកំណត់។ ប្រធានាធិបតីសហរដ្ឋអាមេរិក លោក Joe Biden បានទទួលស្គាល់ថា វានឹងមានភាពចលាចលមួយរយៈ នៅពេលដែលវិធានការនេះ ត្រូវបានដកចេញ១នាទីមុនពាក់កណ្តាលអាធ្រាតថ្ងៃទី១១ ខែ ឧសភា។    អ្វីទៅជាមាត្រា៤២? វាមានមកតាំងពីច្បាប់នៅក្នុងឆ្នាំ១៩៤៤ ដែលត្រូវបានគេស្គាល់ថា ច្បាប់សុខភាពសាធារណៈ ដែលបានផ្តល់ឲ្យអាជ្ញាធរអាមេរិកនូវអំណាចបន្ទាន់ដើម្បីការពារការរាលដាលជំងឺ។ នៅក្នុងខែមីនា ឆ្នាំ២០២០ រដ្ឋបាលរបស់លោក Trump បានយកច្បាប់នេះមកប្រើ ដោយលើកឡើងពីតម្រូវការដើម្បីបញ្ឈប់ការរាលដាលជំងឺ Covid-19 ឆ្លងកាត់ព្រំដែន។    ហេតុអ្វីបានជាមាត្រា៤២បញ្ចប់?បន្ទាប់ពីចូលកាន់តំណែង ក្នុងខែមករា ឆ្នាំ២០២១ លោក Joe Biden និងរដ្ឋបាលរបស់លោក បានរក្សាទុកគោលនយោបាយដែលមានស្រាប់នេះ និងបានបន្តការពារគោលនយោបាយនេះ ជាវិធានការសុខភាពសាធារណៈរយៈពេលជាង១ឆ្នាំ។ ដោយលើកឡើងពីហានីភ័យសុខភាពសាធារណៈដែលបានថយចុះ នៅខែមេសា ឆ្នាំ២០២២ មជ្ឈមណ្ឌលគ្រប់គ្រងនិងបង្ការជំងឺសហរដ្ឋអាមេរិក ដែលពិនិត្យមើលគោលនយោបាយសុខភាពសហរដ្ឋអាមេរិក បានបង្ហាញសញ្ញាថាមជ្ឈមណ្ឌលនឹងបញ្ចប់គោលនយោបាយនេះ។        តើមានអ្វីកើតឡើងបន្ទាប់ពីមាត្រា៤២?រដ្ឋបាលលោក Biden បានណែនាំច្បាប់ថ្មីនៅសប្តាហ៍នេះ ដែលនឹងបដិសេធការសុំសិទ្ធជ្រកកោន ចំពោះជនអន្តោប្រវេសន៍ស្ទើរតែទាំងអស់ដែលឆ្លងកាត់ព្រំដែនដោយខុសច្បាប់។ វិធានការដ៏ដឹងរ៉ឹង នឹងហាមប្រាមយ៉ាងទូលំទូលាយជនអន្តោប្រវេសន៍ដែលធ្វើដំណើរកាត់តាមប្រទេសផ្សេងៗតាមផ្លូវធ្វើដំណើររបស់ពួកគេទៅកាន់ព្រំដែនម៉ិកស៊ិក-អាមេរិក មិនឲ្យដាក់ពាក្យសុំសិទ្ធិជ្រកកោននៅក្នុងសហរដ្ឋអាមេរិក ឬអ្នកដែលមិនបានដាក់ពាក្យស្នើសុំជាមុនតាមប្រព័ន្ធអនឡាញ។

ភាពអស់សង្ឃឹមនិងការយល់ច្រឡំ ជនអន្តោប្រវេសន៍ជាច្រើនជាប់ខ្លួននៅច្រកទ្វារសហរដ្ឋអាមេរិក ខណៈមាត្រា៤២ត្រូវបញ្ចប់

2023/05/12 04:28:32 pm        59
Facebook Telegram Linkin
អាមេរិក៖ ជនអន្តោប្រវេសន៍រាប់រយនាក់មកពីជុំវិញពីភពលោក កំពុងស្វែងរកជីវិតប្រសើរជាងនេះនៅក្នុងសហរដ្ឋអាមេរិក ដែលជំនួសមកវិញបានរកឃើញថាបានជាប់ខ្លួនក្នុងស្ថានភាពដ៏ស្មុគស្មាញនៅជិតព្រំដែនប្រទេសម៉ិកស៊ិក នៅជិតគោលដៅរបស់ពួកគេ និងជួបភាពអស់សង្ឃឹម។សហរដ្ឋអាមេរិក នឹងដកចេញវិធានការរឹត្បិតជំងឺ Covid-19 នៅព្រំដែន ដែលត្រូវគេស្គាល់ថាមាត្រា៤២ នៅយប់ថ្ងៃព្រហស្បតិ៍ ថ្ងៃទី១១ ខែឧសភា ជាការផ្លាស់ប្តូរដ៍ធំ បាននាំមកនូវជនអន្តោប្រវេសន៍រាប់ម៉ឺននាក់មកកាន់ព្រំដែនប្រទេសម៉ិកស៊ិក-សហរដ្ឋអាមេរិក ដែលកំពុងធ្វើឲ្យមានតានតឹងដល់សហគមន៍ក្នុងតំបន់ និងកំពុងធ្វើឲ្យមានការបែកបាក់ខាងនយោបាយកាន់តែខ្លាំង។ ចំនួនជនអន្តោប្រវេសន៍ដែលត្រូវបានចាប់ខ្លួនពេលកំពុងឆ្លងកាត់ព្រំដែនខុសច្បាប់ បានកើនឡើងខ្លាំងក្នុងប៉ុន្មានសប្តាហ៍ថ្មីៗនេះ ដោយកើនលើស១ម៉ឺននាក់ជារៀងរាល់ថ្ងៃគួរឲ្យបារម្ភកាលពីថ្ងៃចន្ទនិងថ្ងៃអង្គារ។ ទីក្រុងនានានៅព្រំដែនសហរដ្ឋអាមេរិក បានព្យាយាមផ្តល់ទីជម្រកដល់អ្នកមកដល់ថ្មី និងផ្តល់ការដឹកជញ្ជូនទៅកាន់គោលដៅ។រូបភាពស្ថិតនៅពីក្រោយហេតុការណ៍នៃភាពចលាចល រដ្ឋបាលរបស់ប្រធានាធិបតីលោក Joe Biden កំពុងបង្កើនបុគ្គលិកនិងមូលនិធិទៅកាន់ព្រំដែន ខណៈកំពុងអនុវត្តច្បាប់ថ្មី ដែលនឹងច្រានចោលសិទ្ធិជ្រកកោនដល់ជនអន្តោនប្រវេសន៍ភាគច្រើន ដែលឆ្លងកាត់ព្រំដែនដោយខុសច្បាប់។ វិធានាករថ្មីនេះ នឹងចូលជាធរមាននៅពេលដែលមាត្រា៤២ បញ្ចប់ រួមជាមួយវិធានការគ្រាអាសន្នសុខភាពសាធារណៈជំងឺCovid-19 ដ៏ទូលំទូលាយ។ រដ្ឋមន្ត្រីសន្តិសុខក្រសួងសន្តិសុខមាតុភូមិ លោក Alejandro Mayorkas និយាយថា ច្បាប់ថ្មី នឹងមានន័យថា មានផលវិបាកកាន់ខ្លាំងសម្រាប់ជនអន្តោប្រវេសន៍ឆ្លងកាត់ព្រំដែនដោយខុសច្បាប់ សម្រាប់អ្នកទាំងនោះប្រសិនបើត្រូវបានចាប់ខ្លួន អាចត្រូវបាននិរទេស និងរារាំងមិនឲ្យចូលមកសហរដ្ឋអាមេរិករយៈពេល៥ឆ្នំា ប្រសិនបើពួកគេពុំមានការចាំបាច់សម្រាប់សុំសិទ្ធិជ្រកកោន៕

អ៊ីស្រាអែលសម្លាប់មេបញ្ជាការជាន់ខ្ពស់ជាច្រើននាក់នៅតំបន់ហ្គាហ្សា ខណៈគ្រាប់រ៉ូកែតបណ្ដាលឲ្យមានអ្នកស្លាប់ដំបូងនៅអ៊ីស្រាអែល

2023/05/12 04:09:27 pm        262
Facebook Telegram Linkin
អ៊ីស្រាអែល៖ យន្តហោះយោធារបស់អ៊ីស្រាអែលកាលពីថ្ងៃព្រហស្បតិ៍ បានទម្លាក់គ្រាប់បែកលើលំនៅឋានមួយកន្លែងក្នុងទីប្រជុំអគារលំនៅឋាន នៅក្នុងទីក្រុង Khan Yunis តំបន់ហ្កហ្សាភាគខាងត្បូង ដោយបានសម្លាប់ជនជាតិប៉ាឡេស្ទីន៣នាក់ និង៧នាក់របួស។  ក្រុមអ៊ីស្លាមជីហាត បានប្រកាសពីការស្លាប់របស់លោក Ali Hassan Ghali  ជាមេបញ្ជាការរបស់កម្មវិធីគ្រាប់រ៉ូកែត Saraya Al-Quds  ដែលជាអង្គភាពយោធាមួយរបស់កម្មវិធីនេះ អំឡុងការវាយប្រហារ ជាមួយបង ប្អូនប្រុសរបស់លោក ឈ្មោះ Mahmoud និង ក្មួយប្រុសរបស់លោកម្នាក់។  លោក Ghali គឺជាមេបញ្ជាការយោធាដ៏លេចធ្លោទី៤ ដែលត្រូវបានសម្លាប់ដោយអ៊ីស្រាអែល អំឡុងការវាយប្រយុទ្ធគ្នា ដែលបានចាប់ផ្ដើមនៅពេលព្រឹកព្រហាម កាលថ្ងៃអង្គារសប្ដាហ៍នេះ។ ចំណែកអាជ្ញាធរសុខាភិបាលប៉ាឡេស្ទីន បាននិយាយថា អ៊ីស្រាអែលបានសម្លាប់ជនជាតិប៉ាឡេស្ទីនចំនួន៣០នាក់ និងរបួសជាង៩០នាក់ ក្នុងការវាយប្រហារតាមអាកាសលើតំបន់ហ្គាហ្សា កាលពីថ្ងៃអង្គារ។ជនរងគ្រោះទាំងនោះរួមទាំងកុមារ៦នាក់ និងស្ត្រី៣នាក់ ព្រមទាំងប្រធានកងកម្លាំងរ៉ូកែតអ៊ីស្លាមជីហាតប៉ាឡេស្ទីន និងអនុប្រធានរបស់លោក។  ក្រុមអ្នកប្រយុទ្ធប៉ាឡេស្ទីន នៅក្នុងតំបន់ហ្គាហ្សា បានបន្តបាញ់គ្រាប់រ៉ូកែតសងសឹកចេញពីតំបន់ឆ្នេរសមុទ្ររងការឡោមព័ទ្ធចូលទៅអ៊ីស្រាអែល ដោយបានសម្លាប់មនុស្សម្នាក់កាលពីថ្ងៃព្រហស្បតិ៍សប្ដាហ៍នេះ៕

សម្ដេចតេជោ ជំរុញឱ្យអាស៊ានរកវិធីសាស្រ្តមានសក្តានុពល អាចជួយមីយ៉ាន់ម៉ាស្តារសន្តិភាព និងត្រឡប់ទៅរកប្រក្រតីភាពឡើងវិញ

2023/05/11 09:21:41 pm        199
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានគូសបញ្ជាក់នៅក្នុងកិច្ចប្រជុំកំពូលអាស៊ានលើកទី៤២ នៅទីក្រុងឡាប៊ូនបាចូ សាធារណរដ្ឋ​ឥណ្ឌូនេស៊ី ថ្ងៃទី១០-១១ ខែឧសភា ឆ្នាំ២០២៣ ដោយបាន ជំរុញឱ្យអាស៊ានរកវិធី​សាស្រ្ត​មានសក្តានុពល អាចជួយមីយ៉ាន់ម៉ាស្តារសន្តិភាព និងត្រឡប់ទៅរកប្រក្រតីភាពឡើងវិញ។សម្ដេចតេជោ នាយករដ្ឋមន្រ្ដី បានថ្លែងថា ចំពោះបញ្ហាមីយ៉ាន់ម៉ា វាមានសារៈសំខាន់ក្នុងការធានា​ឱ្យបាននូវការអនុវត្តកិច្ចព្រមព្រៀងជាឯកច្ឆន្ទ ៥ ចំណុច និងការពិនិត្យឡើងវិញ និងសេចក្តីសម្រេច​របស់ប្រមុខដឹកនាំអាស៊ាន ដែលបានអនុម័តនៅឆ្នំា២០២២ កន្លងមក ឱ្យបានពេញលេញ និងប្រកបដោយប្រសិទ្ធភាព។ សម្ដេចថ្លែងថា៖«លើសពីនេះ អាស៊ានគួរប្រកាន់ខ្ជាប់នូវភាពអត់ធ្មត់ ភាពបត់បែន និងការច្នៃប្រឌិត​ខ្ពស់ហើយស្វែងរកវិធីសាស្រ្តណាដែលមានសក្តានុពល ​អាចជួយមីយ៉ាន់ម៉ាស្តារសន្តិភាព និងត្រឡប់ទៅ​រកប្រក្រតីភាពឡើងវិញ»។សម្ដេចតេជោ បញ្ជាក់ថា នៅក្នុងបរិបទនៃការប្រកួតប្រជែងភូមិសាស្រ្តនយោបាយ ​និងសេដ្ឋកិច្ច អាស៊ានត្រូវលើកកម្ពស់ភាពពាក់ព័ន្ធរបស់ខ្លួន ហើយត្រូវពង្រឹងយន្តការទាំងឡាយ​ដែលដឹកនាំ​ដោយអាស៊ាន ដើម្បីធ្វើយ៉ាងណាឱ្យអាស៊ានបន្តដើរតួនាទីស្នូល ​និងនាំមុខ ក្នុងការដោះស្រាយការ​ប្រឈមនានា ក្នុងតំបន់ និងសកលលោក។ សម្ដេចថ្លែងថា កម្ពុជាក៏បានរំលេចផងដែរថា អាស៊ានគួរស្វាគមន៍​គំនិត​ផ្តួចផ្តើម​ទាំងឡាយ​ណា​របស់ដៃគូខ្លួន ដរាបណាគំនិតផ្តួចផ្តើមទាំងនោះស្របតាមធម្មនុញ្ញអាស៊ាន និងគោលការណ៍​នៃទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក (AOIP) និងរួមចំណែកដល់សន្តិភាព ស្ថិរភាព និងវិបុលភាព ​នៅក្នុងតំបន់ ហើយមិនត្រូវយកទៅប្រើប្រាស់ ដើម្បីប្រឆាំងនឹងភាគីដទៃទៀតឡើយ៕

បណ្ដាញសង្គម

ព័ត៌មានថ្មីៗ

មេដឹកនាំ EU បង្ហាញ​ការគាំទ្រ ចំពោះ ICC បន្ទាប់ពីមាន​ទណ្ឌកម្មថ្មីរបស់សហរដ្ឋអាមេរិក
08/19/2026 08:08 PM
Facebook Telegram Linkin
ណាតូបញ្ជាក់​ថា បាន​ត្រៀមសម្រាប់ការវាយប្រហារអាចកើតមានដោយអ៊ីរ៉ង់ លើគោលដៅយោធាអាមេរិក នៅអឺរ៉ុប
08/19/2026 08:08 PM
Facebook Telegram Linkin
មនុស្ស ៧នាក់ រួមទាំងអ្នកទេសចរ ៦នាក់ ស្លាប់នៅក្នុងគ្រោះថ្នាក់ធ្លាក់​ឧទ្ធម្ភាគចក្រ នៅកេនយ៉ា
08/19/2026 08:08 PM
Facebook Telegram Linkin
របាយការណ៍៖ អ៊ីរ៉ង់ពិចារណាវាយប្រហារគោលដៅយោធាអាមេរិក នៅអឺរ៉ុប បើលោក Trump បង្កើនជម្លោះ​
08/19/2026 08:08 PM
Facebook Telegram Linkin
អធិការបតី​អាល្លឺម៉ង់ ថ្កោលទោសការអំពាវនាវរបស់​​រដ្ឋមន្ត្រីអ៊ីស្រាអែល ឲ្យសម្លាប់មនុស្សរាល់ថ្ងៃ នៅតំបន់​ហ្កាហ្សា
08/19/2026 08:08 PM
Facebook Telegram Linkin
ក្រសួងមហាផ្ទៃផ្សព្វផ្សាយប្រកាសចំនួន៣ ស្តីពីការកំណត់ចំនួនមុខតំណែងរងក្នុងរចនាសម្ព័ន្ធអង្គភាពនគរបាលជាតិ និងពន្ធនាគារ
08/19/2026 07:08 PM
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសមជាមួយ ឯកអគ្គរដ្ឋទូតសិង្ហបុរីថ្មី ដើម្បីពង្រឹងកិច្ចសហប្រតិបត្តិការទ្វេភាគី
08/19/2026 07:08 PM
Facebook Telegram Linkin
ក្រសួងបរិស្ថាននៅក្នុងខែកក្កដាឆ្នាំ២០២៦ បន្តសហការជាមួយដៃគូពាក់ព័ន្ធ ចុះពិនិត្យនិងបង្រ្កាបបទល្មើសនៅតាមតំបន់ការពារធម្មជាតិ ដើម្បីបង្កើនភាពបៃតង ធានានិរន្តរភាពបរិស្ថាន និងលើកកម្ពស់ជីវភាពសហគមន៍មូលដ្ឋាន
08/19/2026 07:08 PM
Facebook Telegram Linkin
ក្រសួងអភិវឌ្ឍន៍ជនបទ ចាត់ទុកការស្ថាបនា និងការថែទំាផ្លូវ ជារឿងដ៏ចាំបាច់សម្រាប់ការរស់នៅក្នុងសង្គម
08/19/2026 07:08 PM
Facebook Telegram Linkin
រដ្ឋមន្ត្រីការបរទេសចិន ទៅដល់​​កូរ៉េខាងត្បូង ស្របពេល​លោក Trump ជំរុញការទូតជាមួយ​កូរ៉េខាងជើងឡើង​វិញ​
08/19/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.