BTV NEWS

ក្រុមហ៊ុន TH Automotive Manufacturing Co., Ltd នឹងសម្ពោធជាផ្លូវការ រោងចក្រផ្គុំ និងដំឡើងរថយន្តរបស់ខ្លួននៅកម្ពុជា ក្នុងឆ្នាំ២០២៦នេះ

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ និង ការអភិវឌ្ឍន៍

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ក្រោយចប់ពិធីសំណេះសំណាលជាមួយបងប្អូនប្រជាពលរដ្ឋចំនួន៣,២០០គ្រួសារ ដែលបានផ្លាស់ប្ដូរទីលំនៅពីតំបន់រមណីយដ្ឋានអង្គរ មកកាន់តំបន់ពាក់ស្នែង នៅព្រឹកមិញនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានជួយសម្រាលទុក្ខលំបាកក្នុងជីវភាពដល់ស្ត្រីម្នាក់ដែលមានកូនស្រីកើតជំងឺអូទីហ្សឹមកម្រិតធ្ងន់ធ្ងរ។ដោយក្តីអាណិតអាសូរជាពន់ពេក ខណៈដែលស្ត្រីជាម្ដាយបានពរកូនទាំងមានជំងឺនេះមកចូលរួមក្នុងកម្មវិធីនោះ សម្តេចតេជោនាយករដ្ឋមន្ត្រី ក៏បានឲ្យលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល ចាត់ចែងភ្លាមៗក្នុងការបញ្ជូនកុមារីមានជំងឺទៅព្យាបាលនៅមន្ទីរពេទ្យគន្ធបុប្ផា ព្រមទាំងបានផ្តល់ជាថវិកាមួយចំនួនធំ សម្រាប់ដោះស្រាយជីវភាពផងដែរ។កុមារី កើតជំងឺអូទីហ្សឹមកម្រិតធ្ងន់ធ្ងរនេះ មានឈ្មោះ ដន គ្រីស្ទីនរ៉ូសាណា អាយុ ៩ឆ្នាំ ។ ម្តាយកុមារីរូបនេះឱ្យដឹងថា កូនរបស់គាត់ ពេលមានអាយុ ១ខែ ៣ថ្ងៃ មានអាការៈមិនប្រក្រតី ហើយម្តាយបាននាំទៅទទួលសេវាព្យាបាលនៅមន្ទីរពេទ្យគន្ធបុប្ផាសៀមរាប តែមិនបានប្រសើរ ដល់កុមារអាយុរហូតដល់ ២ឆ្នាំ ទើបទៅទទួលសេវាព្យាបាលនៅកុមារអង្គរ។លោកជំទាវ យក់ សម្បត្តិ បានបញ្ជាក់ថា ក្រុមគ្រូពេទ្យនឹងខិតខំជួយសង្គ្រោះជីវិតកុមារីរូបនេះឱ្យអស់ពីលទ្ធភាព៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយប្រជាពលរដ្ឋ ដែលស្ម័គ្រចិត្តរើលំនៅឋានចេញពីរមណីយដ្ឋានអង្គរ

នៅព្រឹកថ្ងៃទី២២តុលានេះ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង ភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន មានប្រសាសន៍ថា ពីអតីតកាលតំបន់ពាក់ស្នែងសម្តេចធ្លាប់លឺឈ្មោះ និងល្បីរន្ទឺជាតំបន់អតីតសមរភូមិក្តៅ តែពេលនេះពាក់ស្នែងបានក្លាយជាតំបន់អភិវឌ្ឍន៍ និងជាអនាគតតំបន់រដ្ឋបាលស្រុកអង្គរធំ។- សម្តេចតេជោ ហ៊ុន សែន បានបញ្ជាក់ថា ការគិតគូររបស់រាជរដ្ឋាភិបាល លើប្រជាពលរដ្ឋនៅតំបន់អភិវឌ្ឍន៍ពាក់ស្នែង គឺទទួលបានដូចគ្នានឹងប្រជាពលរដ្ឋដែលតាំងលំនៅឋានថ្មីនៅតំបន់រុនតាឯកផងដែរ។- សម្តេចតេជោ ហ៊ុន សែន ជឿជាក់ថា ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង នឹងបោះឆ្នោតជូនគណបក្សប្រជាជនកម្ពុជា ដើម្បីរក្សាបាននូវសុខសន្តិភាព និងការអភិវឌ្ឍលើគ្រប់វិស័យ។ត្រង់ចំណុចនេះ សម្តេចបញ្ជាក់ថា «មិនមែនជាការឃោសនាមុនបោះឆ្នោតទេ វានេះជាសច្ចធម៌មួយ»។- សម្តេចតេជោ ហ៊ុន សែន បញ្ជាក់ថា ពាក់ស្នែងជាតំបន់ប្រវត្តិសាស្ត្រពាក់ព័ន្ធនឹងក្សត្រមួយអង្គព្រះនាម «តាត្រសក់ផ្អែម» ដែលជាក្សត្រកើតចេញពីសាមញ្ញជន។ សម្តេចបញ្ជាក់ថា «បើការស្រាវជ្រាវនោះពិត ដូចការអះអាងមែន តំបន់ពាក់ស្នែងនាពេលនេះ នឹងក្លាយជាតំបន់ដ៏ល្អប្រពៃមួយ អំណោយផលគ្រប់តម្រូវការ»។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង នឹងត្រូវត្រៀមបម្រុងទុកដីសម្រាប់ការកសាងទីអារាម ដូចនៅតំបន់អភិវឌ្ឍន៍រុនតាឯកផងដែរ ដើម្បីឱ្យប្រជាពលរដ្ឋបានធ្វើបុណ្យធ្វើទាន និងកម្មវិធីបែបសាសនានានាផងដែរ។- សម្តេចតេជោ ហ៊ុនសែន ប្រកាសថា ការចូលរួមរបស់សប្បុរសជនចូលរួមផ្តល់ថវិកាកសាងវត្ត និងសមិទ្ធផលនានាក្នុងទីអារាមវត្តនៅតំបន់អភិវឌ្ឍន៍រុនតាឯក បានច្រើនលើសការគ្រោងទុក ដែលផ្តល់ភាពងាយស្រួល សម្រាប់ការចំណាយតាមតម្រូវការជាក់ស្តែង។- សម្តេចតេជោ ហ៊ុន សែន ប្រកាសឯកភាពលើសំណើរកងវិស្វកម្មសម្តេចតេជោ ហ៊ុនសែន សៀមរាប ក្នុងការស្តារ -ស្ថាបនាផ្លូវប៉េតុងសសៃដែក ,ផ្លូវក្រាលក្រួសក្រហម, មណ្ឌលសុខភាព,របង,សាលាបឋមសិក្សា ,អនុវិទ្យាល័យ,វិទ្យាល័យ,ទីលានបាលទាត់ ,ផ្សារសហគមន៍ និងសមិទ្ធផលនានា បម្រើឱ្យសេចក្តីត្រូវការប្រជាពលរដ្ឋតំបន់អភិវឌ្ឍន៍ពាក់ស្នែង។- សម្តេចតេជោ ហ៊ុន សែន ប្រកាសបញ្ចេញអង្ករ ២០០តោន អំណោយអ្នកឧកញ៉ាទ្រីភាព និងថវិកាសប្បុរជននានាប្រមាណ ១៥ម៉ឺនដុល្លារអាមេរិក ផ្តល់ជូនប្រជាពលរដ្ឋរងគ្រោះដោយទឹកជំនន់នៅខេត្តកំពង់ធំ ហើយសម្តេចក៏គ្រោងជួបសំណេះសំណាល និងផ្តល់ស្រូវពូជដល់ប្រជាពលរដ្ឋនៅកំពង់ធំ បន្ទាប់ពីពីសម្តេចចប់បេសកកម្មការងារនៅកំពង់ឆ្នាំង។- សម្តេចតេជោ ហ៊ុន សែន ប្រកាសផ្តល់អង្ករ និងថវិកា ដល់ខេត្តបន្ទាយមានជ័យ ,ឧត្តរមានជ័យ និងប៉ៃលិន ដែលរងគ្រោះដោយជំនន់ និងប្រកាសឱ្យរដ្ឋបាលខេត្តទាំងនោះ ព្រមទាំងផ្នែកពាក់ព័ន្ធផ្តល់ជូនប្រជាពលរដ្ឋឱ្យបានឆាប់រហ័ស កុំចាំសម្តេចទៅដល់។- សម្តេចតេជោ ហ៊ុន សែន ប្រកាសជាថ្មីដល់ប្រជាពលរដ្ឋដែលយល់ព្រមរុះរើលំនៅឋានចេញពីតំបន់រមណីយដ្ឋានអង្គរ មកតំបន់អភិវឌ្ឍន៍ពាក់ស្នែង ត្រូវឈរលើគោលការណ៍នាយករដ្ឋមន្ត្រីចំនួន២ គឺ៖ ទីតាំងថ្មីត្រូវបានឈូសឆាយរួចរាល់ និងមានអ្នកដឹកជញ្ជូនមកកាន់កន្លែងថ្មីត្រឹមត្រូវ។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង មិនមែនជាដីសង្គមកិច្ចទេ។ សម្តេចប្រកាសផ្តល់ប័ណ្ណកម្មសិទ្ធិ(ប័ណ្ណរឹង)ដល់ប្រជាពលរដ្ឋទាំងអស់នៅតំបន់អភិវឌ្ឍន៍ពាក់ស្នែង ដើម្បីឱ្យប្រជាពលរដ្ឋយកទៅប្រើប្រាស់តាមលទ្ធភាពដែលអាចធ្វើទៅបានដូចជា៖ កម្ចីធនាគារជាដើម។- សម្តេចតេជោ ហ៊ុន សែន ប្រកាសផ្តល់ការតភ្ជាប់ចរន្តអគ្គិសនីដល់របងផ្ទះប្រជាពលរដ្ឋដោយឥតគិតថ្លៃ ដល់ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង(ទាំងអ្នកប្រើកម្លាំង-អំពែ តូច និងធំ) ។ ការផ្តល់ជូននេះ ធ្វើឱ្យប្រជាពលរដ្ឋចំណេញយ៉ាងច្រើន។- សម្តេចតេជោ ហ៊ុន សែន ប្រកាសថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ទោះមានកម្រិតជីវភាពបែបណាក៏ដោយ នឹងបានទទួលប័ណ្ណក្រីក្រប្រភេទ-១ ដែលត្រូវផ្តល់ជូនតាមអត្រាអ្នករស់នៅទីប្រជុំជនដូចៗគ្នា។- សម្តេចតេជោ ហ៊ុន សែន ប្រកាសថា សាលាស្រុកអង្គរធំ ដែលកំពុងស្ថិតនៅតំបន់១ នៃរមណីយដ្ឋានអង្គរ នឹងត្រូវរុះរើមកកាន់ទីតាំងថ្មី នៅតំបន់អភិវឌ្ឍន៍ពាក់ស្នែង ដោយរាជរដ្ឋាភិបាលបានផ្តល់ផ្ទៃដីបម្រុងទុកសម្រាប់សាងសង់អគាររដ្ឋបាលស្រុកថ្មីនេះ។- សម្តេចតេជោ ហ៊ុន សែន ប្រកាសថា ប្រជាពលរដ្ឋដែលរស់នៅតំបន់អភិវឌ្ឍន៍ពាក់ស្នែង នឹងទទួលបានចរន្តអគ្គិសនីគ្រប់គ្រាន់, ទឹកស្អាត,ប្រព័ន្ធទូរស័ព្ទ, Internet និងបណ្តាញតភ្ជាប់ផ្សេងៗទៀត ដើម្បីបំពេញតម្រូវការ នៃការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថា គ្មានគណបក្សនយោបាយណាមួយនៅកម្ពុជា ដែលរស់នៅជាមួយគ្នា យូរ និងស្រុះស្រួលគ្នាដូចគណបក្សប្រជាជននោះទេ។- សម្តេចតេជោ ហ៊ុន សែន ប្រកាសជាថ្មីថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ដែលទទួលបានប័ណ្ណក្រីក្រប្រភេទ-១ នឹងត្រូវគាំពារផ្តល់ជូនដោយរដ្ឋរយៈពេល ១០ឆ្នាំ នឹងបើកតាមប្រព័ន្ធធនាគារ(វីង)។- សម្តេចតេជោ ហ៊ុន សែន ប្រកាសដាក់កម្មវិធីចុះជួបសំណេះសំណាលជាមួយប្រជាពលរដ្ឋនៅតំបន់អភិវឌ្ឍន៍ពាក់ស្នែង និងរុនតាឯកអាចមួយឆ្នាំម្តង ទោះជាពេលក្រោយ សម្តេចស្ថិតនៅក្នុងតំណែងជានាយករដ្ឋ ឬអត់ក៏ដោយ និងបានផ្តាំផ្ញើដល់ប្រជាពលរដ្ឋពេលបានឃើញសម្តេចមកជួប សូមហៅសម្តេចចូលលេងផ្ទះផង។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៥នាទី

សម្ដេចតេជោ៖ សៀមរាបនឹងធ្វើផ្លូវ២ខ្សែទៀត គ្រោងចំណាយថវិកាជាង ១៣៧លានដុល្លារ

សៀមរាប៖ សម្ដេចតេជោ ហ៊ុន សែន នាយករដ្ឋមន្ត្រី បានថ្លែងថា នៅខេត្តសៀមរាបនឹងមានការធ្វើផ្លូវបន្ថែមទៀត នៅបែកខាងត្បូង និងខាងជើងក្រុងសៀមរាប សរុបប្រមាណជិត ១០០គីឡូម៉ែត្រ ហើយគ្រោងចំណាយថវិកាប្រមាណជាង ១៣៧លានដុល្លារ ។ក្នុងពិធីសំណេះសំណាលជាមួយប្រជាពលរដ្ឋប្រមាណ ៣ ២០០គ្រួសារ នៅតំបន់អភិវឌ្ឍន៍ពាក់ស្នែង ស្រុកអង្គរធំ ខេត្តសៀមរាប នាថ្ងៃទី២២ ខែតុលា ឆ្នាំ២០២២ សម្ដេចតេជោ នាយករដ្ឋមន្ត្រី មានប្រសាសន៍ថា ក្រសួងសាធាណការ និងដឹកជញ្ជូន កំពុងសិក្សាក្នុងការធ្វើផ្លូវវាងក្រុងសៀមរាបបែកខាងជើង ទៅហួសតំបន់រុនតាឯក និងពាក់ស្នែង ប្រវែងជាង ៥៥គីឡូម៉ែត្រ គ្រោងប្រើប្រាស់ថវិកាចំនួនប្រមាណ ៤៦លានដុល្លារអាមេរិក ជាថវិកាសំណើរខ្ចីពីធនាគារអភិវឌ្ឍន៍អាស៊ី គ្រោងអនុវត្តនៅឆ្នាំ២០២៤ ។សម្ដេចតេជោ បន្តថា ផ្លូវនេះនឹងសាងសង់ជាផ្លូវបេតុង ប្រភេទអេស៊ី (AC) ទទឹង១១ម៉ែត្រ បែងចែកជា ២កំណាត់ ដែលកំណត់ទី១. ប្រវែងជាង ៣៧គីឡូម៉ែត្រ ចាប់ពីផ្លូវជាតិលេខ៦ ទីប្រជុំជនស្រុកពួក ដល់ផ្លូវជាតិលេខ៦៧ ប្រើប្រាស់ថវិកាប្រមាណជាង ៣១លានដុល្លារ និងកំណាត់ទី២. ប្រវែង១៨គីឡូម៉ែត្រ ចាប់ពីផ្លូវជាតិលេខ៦៧ ដល់ផ្លូវជាតិលេខ៦៤ ប្រើប្រាស់ថវិកាប្រមាណជាង ១៤លានដុល្លារ ហើយផ្លូវនេះ នឹងមានឆ្លងកាត់តំបន់ពាក់ស្នែងផងដែរ ។សម្ដេចតេជោនាយករដ្ឋមន្ត្រី បន្ថែមថា គម្រោងផ្លូវមួយទៀត ស្ថាបនាវាងក្រុងសៀមរាប បែកខាងត្បូង មានប្រវែងជាង ៤៥គីឡូម៉ែត្រ បានបញ្ចប់ការសិក្សាហើយ គ្រោងប្រើប្រាស់ថវិកាចំនួនប្រមាណ ៩១លានដុល្លារអាមេរិក គម្រោងនេះ អាចនឹងត្រូវផ្ដល់ឥណទានដោយសាធារណរដ្ឋកូរ៉េ ។សម្ដេចតេជោ ហ៊ុន សែន បានបញ្ជាក់ថា សម្រាប់កសាងនូវហេដ្ឋារចនាសម្ព័ន្ធនៅតំបន់អភិវឌ្ឍន៍ពាក់ស្នែងនេះ ក៏មិនខុសពីតំបន់អភិវឌ្ឍន៍ធម្មជាតិរុនតាឯកនោះដែរ ដែលមានទាំងមន្ទីរពេទ្យ សាលរៀន វត្តអារាម ផ្សារ តបណ្ដាញអគ្គិសនី ទឹកស្អាតជាដើម ជាពិសេសនោះ គឺការទទួលបាននូវប័ណ្ណក្រីក្រ ។ក្នុងឱកាសនោះ សម្ដេចតេជោនាយករដ្ឋមន្ត្រី បានប្រកាសជាថ្មី ដល់ពលរដ្ឋដែលយល់ព្រមរុះរើលំនៅដ្ឋានចេញពីតំបន់រមនីយដ្ឋានអង្គរ ទៅតំបន់អភិវឌ្ឍន៍ពាក់ស្នែង ត្រូវឈរនៅលើគោលការណ៍នាយករដ្ឋមន្ត្រីចំនួន២ គឺទីតាំងថ្មីត្រូវបានឈូសឆាយរួចរាល់ និងមានអ្នកដឹកជញ្ជូនមកកាន់កន្លែងថ្មីត្រឹមត្រូវ ៕ អត្ថបទ បាន សុខរិទ្ធិ

សម្តេចតេជោ៖ គ្មានបក្សនយោបាយណាមួយ ដែលរស់នៅជាមួយគ្នាបានយូរ ដូចគណបក្សប្រជាជននោះឡើយ

សៀមរាប៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា គ្មានគណបក្សនយោបាយណាមួយដែលរួមរស់នៅជាមួយគ្នាបានយូរ ដូចគណបក្សប្រជាជនកម្ពុជានោះឡើយ ខណៈគណបក្សខ្លះបានពីរទៅបីឆ្នាំបានបែកបាកគ្នាដោយសារតែដណ្តើមគ្នាធំ និងបក្សពួកនិយមជាដើម។ថ្លែងក្នុងឱកាសអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារ ដែលបានស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង ភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប នាព្រឹកថ្ងៃទី២២ ខែតុលា ឆ្នាំ២០២២នេះ សម្តេចតេជោ ហ៊ុន សែន មន្រ្តីគណបក្សប្រជាជនកម្ពុជាគឺស្រលាញ់គ្នាណាស់ បានរស់នៅជាមួយគ្នាតាំងពីឆ្នាំ១៩៧៩ មករហូតដល់ សព្វថ្ងៃនេះ ដោយមិនដូចគណបក្សខ្លះរស់នៅជាមួយគ្នាមិនបានប៉ុន្មានផង ក៏ព្រាត់ប្រាស់គ្នាដោយសារតែដណ្តើមគ្នាធ្វើមេ។សូមបញ្ជាក់ថា រហូតមកដល់ពេលនេះ គណបក្សប្រជាជនកម្ពុជា គឺមានអាយុកាលចំនួន ៧១ឆ្នាំ ហើយ។ គណបក្សនេះដើមដំបូងមានឈ្មោះថា បក្សប្រជាជនបដិវត្តន៍កម្ពុជា ដែលបានបដិសន្ធិឡើងនៅថ្ងៃទី២៨ ខែមិថុនា ឆ្នាំ១៩៥១ ដោយមានប្រភពពីចលនាតស៊ូ របស់ប្រជាជនកម្ពុជា ប្រឆាំងពួកអាណានិគមនិយមដើម្បីឯករាជ្យជាតិ។ ៧១ឆ្នាំហើយដែលគណបក្សប្រជាជនកម្ពុជាបានប្រកាន់ខ្ជាប់ឥតប្រែប្រួលនូវសារជាតិរបស់ខ្លួន ជាគណបក្សរបស់ប្រជាជន អាស្រ័យដោយប្រជាជន និងដើម្បីប្រជាជន ហើយបានសម្រចសមិទ្ធផលធំៗជាច្រើនជូនជាតិ។គណបក្សប្រជាជនកម្ពុជា ចាប់តាំងពីថ្ងៃបដិសន្ធិមកគណបក្សកាន់អំណាចមួយនេះ បានប្រកាន់ខ្ជាប់ជានិច្ចនូវគោលបំណង និងឧត្តមគតិរបស់ខ្លួនគឺឈរនៅខាងប្រជាជនផ្សារភ្ជាប់រួមសុខទុក្ខជាមួយប្រជាជន ពុះពារជម្នះគ្រប់ឧបសគ្គ ហ៊ានធ្វើពលិកម្មឥតរុញរា ដើម្បីកម្ពុជា ឯករាជ្យ សន្ដិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គមជាដើម ដោយមិនដូចគណបក្សនយោបាយខ្លះបានតែសន្យា និងធ្វើការញុះញង់ឲ្យមានភាពវឹកវរដល់សង្គម ប្រទេសជាតិ និងបែកបាក់គ្នាដោយសារតែមិនចេះ សាមគ្គីគ្នា ដណ្តើមគ្នាធ្វើធំ ប្រកាន់បក្សពួកជាដើម៕អត្ថបទ៖ បាន ចក់

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

ភ្នំពេញ៖ ក្នុងបេសកកម្មស្នាក់នៅខេត្តសៀមរាប ព្រឹកថ្ងៃទី២២ តុលានេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញបន្តជួបសំណេះ សំណាលជាមួយប្រជាពលរដ្ឋចំនួន ៣២០០គ្រួសារដែលបានស្ម័គ្រចិត្តរើលំនៅដ្ឋានចេញពីតំបន់រមណីយដ្ឋានអង្គរមកនៅតំបន់ពាក់ស្នែង ក្នុងស្រុកអង្គរធំ។ក្នុងពិធីសំណេះសំណាលនេះ សម្តេចតេជោ បានរម្លឹកពីអតីតកាលដែលតំបន់ពាក់ស្នែងក៏ជាសមរភូមិដែរ ប៉ុន្តែឥឡូវនេះបានក្លាយទៅជាតំបន់អភិវឌ្ឍដោយបានស្នើឱ្យក្រុមការងារទាំងអស់ខិតខំរៀបចំឱ្យបានឆាប់រហ័ស ដើម្បីផ្តល់ជូនបងប្អូនបានមករស់នៅផ្លាស់ប្តូររើលំនៅដ្ឋានពីតំបន់រមណីយដ្ឋានអង្គរមកតំបន់អភិវឌ្ឍពាក់ស្នែងនេះ។សម្តេចបានហៅការចាកចេញរបស់បងប្អូនពីតំបន់អាទិភាពរមណីយដ្ឋានអង្គរទៅរស់នៅតំបន់អភិវឌ្ឍនេះ ជាការសម្រេចចិត្តដ៏វៃឆ្លាត ដើម្បីទទួលបាននូវកម្មសិទ្ធិដ៏ស្របច្បាប់។សម្តេចតេជោ នាយករដ្ឋមន្ត្រីបានអរគុណចំពោះការយោគយល់របស់ប្រជាពលរដ្ឋយើងដែលមានការយោគយល់ដល់រាជរដ្ឋាភិបាលលើគោលនយោបាយផ្លាស់ប្តូរទីលំនៅរបស់ប្រជាពលរដ្ឋពីតំបន់រមណីយដ្ឋានអង្គរ មករស់នៅតំបន់ពាក់ស្នែងនេះដែលនេះជាការយោគយល់ដល់ជាតិយើងទាំងមូល។សូមបញ្ជាក់ផងដែរថា ប្រជាពលរដ្ឋដែលស្ម័គ្រចិត្តរើលំនៅដ្ឋានចេញពីតំបន់រមណីយដ្ឋានអង្គរទៅរស់នៅតំបន់អភិវឌ្ឍន៍ពាក់ស្នែង ក៏ទទួលបានគោលនយោបាយឧបត្ថម្ភនានាដូចនឹងប្រជាពលរដ្ឋរស់នៅតំបន់អភិវឌ្ឍនរុនតាឯកផងដែរ។ គោលនយោបាយនោះ មានដូចជាការទទួលបានដីទំហំ ២០ម៉ែត្រ x៣០ម៉ែត្រ, ទទួលបានបណ្ណក្រីក្រកម្រិត១ រួមទាំងហេដ្ឋារចនាសម្ព័ន្ធនានា ឧបត្ថម្ភ គាំទ្ររយៈពេល១០ឆ្នាំ ការទទួលបានបណ្ណសមធម៌សម្រាប់ស្ត្រីចាប់ពីពេលមានផ្ទៃពោះ រហូតដល់កូនអាយុ២ឆ្នាំនិង បានផ្តល់អំណោយជាស្បៀងអាហារ សម្ភារៈប្រើប្រាស់ និងថវិកា ១លាន ៤០ម៉ឺនរៀល ព្រមទាំងសង្កសីចំនួន ៣០សន្លឹកសម្រាប់ធ្វើផ្ទះ។សម្តេចតេជោ ហ៊ុន សែន ក៏បានណែនាំឱ្យធ្វើបណ្ណកម្មសិទ្ធិដីធ្លីជូនពលរដ្ឋទាំងអស់នេះទាំងនៅតំបន់អភិវឌ្ឍន៍រុនតាឯក និងតំបន់អភិវឌ្ឍន៍ពាក់ស្នែងនេះ៕

សម្តេចតេជោ ហ៊ុន សែន បន្តជួបសំណេះសំណាល ជាមួយពលរដ្ឋស្ម័គ្រចិត្តរើចេញ ពីតំបន់រមណីយដ្ឋានអង្គរ ទៅរស់នៅតំបន់ពាក់ស្នែង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង នៅព្រឹកថ្ងៃទី២២ ខែតុលា ឆ្នាំ២០២២នេះ។តំបន់អភិវឌ្ឍន៍ពាក់ស្នែង ស្ថិតនៅក្នុងឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែង ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ។ រាជរដ្ឋាភិបាលនឹងកសាងហេដ្ឋារចនាសម្ព័ន្ធនានាមិនខុសពីតំបន់អភិវឌ្ឍន៍រុនតាឯកនោះឡើយ ដើម្បីគាំទ្រដល់ការរស់នៅរបស់ប្រជាពលរដ្ឋ៕

កម្ពុជាស្នើបារាំងបង្កើនជំនួយហ្វឹកហ្វឺនជំនាញដល់ទ័ពមួកខៀវចូលរួមប្រតិបត្តិការរក្សាសន្តិភាព

ភ្នំពេញ៖ ឯកឧត្តម អ៊ុច បូរិទ្ធ រដ្ឋមន្ត្រីអមនាយករដ្ឋមន្ត្រី និងលេខាទី១ អមស្ថានទូតបារាំង ប្រចាំនៅកម្ពុជា នៅថ្ងៃទី២១ ខែតុលា អញ្ជើញបិទវគ្គហ្វឹកហ្វឺនបំប៉នបន្ថែមជំនាញអាវុធហត្ថកម្ពុជា ត្រៀមប្តូរវេនទៅកាន់បេសកកម្មនៅស៊ូដង់ខាងត្បូង។ ក្នុងពិធីនេះឯកឧត្តម អ៊ុច បូរិទ្ធ បានស្នើរដ្ឋាភិបាលបារំាងបង្កើនផ្តល់ជំនួយហ្វឹកហ្វឺនទ័ពមួកខៀវកម្ពុជាលើជំនាញផ្សេងៗទៀត ដើម្បីត្រៀមចូលរួមប្រតិបត្តិការរក្សាសន្តិភាពUN។ឯកឧត្តម អ៊ុច បូរិទ្ធ ក្នុងនាមរដ្ឋលេខាធិការក្រសួងការបរទេស និងកិច្ចសហប្រតិបតិ្តការអន្តរជាតិ បានថ្លែងថា ក្នុងរយៈជាង៣ឆ្នាំមកហើយ ដែលបារាំងបានអាក់ខានផ្តល់ជំនួយហ្វឹកហ្វឺនជំនាញអាវុធហត្ថ និងជំនាញនានាជូនកងទ័ពមួកខៀវកម្ពុជា ដោយសារការរាតត្បាតនៃមេរោគកូវីដ១៩ ហើយនៅក្នុងឱកាសនៃចាប់ផ្តើមនៃការផ្តល់ជំនួយហ្វឹកហ្វឺនជំនាញអាវុធហត្ថឡើងវិញនេះ ឯកឧត្តម ក៏បានស្នើឲ្យរដ្ឋាភិបាលបារាំងបង្កើនការផ្តល់ហ្វឹកហ្វឺនកងកម្លាំងរក្សាសន្តិភាពកម្ពុជា និងស្នើផ្លាស់ប្តូរដំណើរទស្សនកិច្ចដកស្រង់បទពិសោធន៍ការងារថែរក្សាសន្តិភាពរវាងកងទ័ពមួកខៀវបារំាង និងកងទ័ពមួកខៀវកម្ពុជា។ឯកឧត្តម ហ្វាប្រីស អេជែន (Fabrice Etienne) លេខាទី១ អមស្ថានទូតបារាំង ប្រចាំនៅកម្ពុជា ថា បច្ចុប្បន្នបារាំងមានមោទនភាពដែលបានឃើញទ័ពមួកខៀវកម្ពុជាច្រើនលើសលប់ បាននិងកំពុងឈប់ជើងបំពេញបេសកកម្មរក្សាសន្តិភាពUN នៅតាមបណ្តាប្រទេសកំពុងមានជម្លោះសង្គ្រានានា។ឯកឧត្តម ហ្វាប្រីស អេជែន បន្តថា រដ្ឋាភិបាលបារាំង នឹងបន្តផ្តល់ជំនួយមកកម្ពុជា ពិសេសក្នុងវិស័យប្រតិបត្តិការថែរក្សាសន្តិភាព និងប្តេជ្ញាបន្តផ្តល់ជំនួយហិរញ្ញប្បទាន សំភារៈ ប្រតិបត្តិការវគ្គហ្វឹកហ្វឺកជំនាញអាវុធហត្ថ និងជំនាញនានាទៀត។ទន្ទឹមនឹងនេះ ឯកឧត្តម ហ្វាប្រីស អេជែន នឹងផ្តល់ជំនួយតាមចង់បានរបស់មជ្ឈមណ្ឌលជាតិរក្សាសន្តិភាពកម្ពុជា ដើម្បីឲ្យមជ្ឈមណ្ឌលជាតិឧត្តមភាពក្នុងវិស័យប្រតិបត្តិការរក្សាសន្តិភាពរបស់UN។ សូមបញ្ជាក់ថា តាមរយៈការបញ្ជូនគ្រូយោធាចារ្យមកពីប្រទេសបារំាងមកហ្វឹកហ្វឺនជំនាញអាវុធហត្ថនៅកម្ពុជាពេលនេះ គឺជាវគ្គហ្វឹកហ្វឺនទី៨០ ដែលមានសិក្ខាកាមសរុបសិក្ខាកាម ១៧៩៨នាក់ លើជំនាញបោសសំអាតមីន កម្ទេចយុទ្ធភ័ណ្ឌមិនទាន់ផ្ទុះ (EOD) ប្រឆាំងបន្សាបគ្រឿងផ្ទុះកែច្នៃ (IED) វគ្គនាយទាហានសេនាធិការ សង្កេតការណ៍យោធា វគ្គសង្គ្រោះបឋម អាវុធហត្ថ ដឹកជញ្ជូនគ្រឿងផ្ទុះ បំប៉នផ្នែកភាសាបារំាងជាដើម៕ អត្ថបទ ស៊ុម សុខជា

សម្តេចតេជោ ស្នើសុំពលរដ្ឋកុំខឹងបន្ទោសអ្នកណាអីចំពោះការតម្រូវឱ្យចាកចេញពីតំបន់រមណីយដ្ឋានអង្គរ

សៀមរាប៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានស្នើសុំដល់ប្រជាពលរដ្ឋ កុំឱ្យមានការខឹងសម្បា និងបន្ទោសអ្នកណាទាំងអស់ ចំពោះការតម្រូវឱ្យពួកគេចាកចេញពីតំបន់រមណីយដ្ឋានអង្គរ ទៅរស់នៅតំបន់រុនតាឯក និងពាក់ស្នែង ដែលនៅមិនឆ្ងាយពីក្រុងសៀមរាប ប៉ុន្មានដែរនោះ គឺដើម្បីលើកតម្លៃ សម្បត្តិវប្បធម៌ដ៏មានតម្លៃនៃដូនខ្មែរ ដែលបានបន្សល់ទុកមកនេះ។សម្ដេចតេជោ ហ៊ុន សែន ក្នុងពិធីសំណេះសំណាលជាមួយពលរដ្ឋ ដែលបានស្ម័គ្រចិត្តផ្លាស់ប្តូរទី លំនៅពីតំបន់រមណីយដ្ឋានអង្គរ ទៅរស់នៅក្នុងតំបន់អភិវឌ្ឍន៍រុនតាឯក ក្នុងស្រុកបន្ទាយស្រី ជាលើកទី៣ នៅព្រឹកថ្ងៃទី២១ ខែតុលា នេះ បានសំដែងនូវការកោតសរសើរចំពោះការស្ម័គ្រចិត្តរបស់ប្រជាពលរដ្ឋទៅ រស់នៅតំបន់រុនតាឯក ដោយបានហៅការស្ម័គ្រចិត្តនេះ ថាជាភាពឆ្លាតវៃ។សម្តេចតេជោ បានបញ្ជាក់ជាថ្មីប្រាប់ពលរដ្ឋថា មូលហេតុដែលតម្រូវឱ្យពលរដ្ឋចាកចេញពីតំបន់ អង្គរ ដោយសារតែរាជរដ្ឋាភិបាល ត្រូវតែឆ្លើយតបឱ្យបានតាមលក្ខខណ្ឌតម្រូវរបស់អង្គការយូណេស្កូ ដែល បានទទួលចុះបញ្ជីតំបន់រមណីយដ្ឋានអង្គរ ជាសម្បត្តិបេតិកភណ្ឌពិភពលោក តាំងពីឆ្នាំ១៩៩២មក ដើម្បីអភិរក្ស ថែរក្សាប្រាសាទអង្គរវត្តប្រាសាទ និងតំបន់រមណីយដ្ឋានអង្គរ ដែលជាមរតកសម្បត្តិវប្បធម៌ ដ៏មាន តម្លៃជាសកល ដែលបន្សល់ទុកដោយបុព្វបុរស ដូនតាខ្មែររាប់ពាន់ឆ្នាំមកហើយនោះឱ្យគង់វង្ស។ តាមការឱ្យដឹងពីឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយ កម្ម និងសំណង់ គិតចាប់ពីថ្ងៃចាប់ឆ្នោតដំបូង ថ្ងៃទី២៥ ខែសីហា រហូតមកដល់ថ្ងៃទី២០ ខែតុលា ឆ្នាំ២០២២ មានប្រជាពលរដ្ឋសរុបចំនួន ៩១៣៤គ្រួសារហើយ ដែលបានចាប់ឆ្នោតយកក្បាលដីសម្រាប់ ការរស់នៅក្នុងតំបន់រុនតាឯក និងពាក់ស្នែង៕អត្ថបទ៖ មុត សុទ្ធ

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី ប្រកាសថា សម្តេចនឹងចុះហត្ថលេខា លើកលែងទោសចំពោះបុគ្គលណាក៏ដោយ ដែលសម្រេចដកខ្លួនចេញពីជនក្បត់ជាតិ បីជំនាន់ ខណៈជនក្បត់ជាតិនេះ សម្តេចនឹងកំចាត់ចោលនូវមនោគមវិជ្ជាជ្រុលនិយមនេះឲ្យខាងតែបាន។ថ្លែងក្នុងឱកាសជួបសំណេះសំណាលជាមួយប្រជាពលរដ្ឋជាច្រើនគ្រួសារបន្ថែមទៀត ដែលស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា មករស់នៅតំបន់អភិវឌ្ឍន៍ថ្មីរុនតាឯក នាព្រឹកថ្ងៃទី២១ ខែតុលា ឆ្នាំ២០២២នេះ សម្តេចតេជោ ហ៊ុន សែន លើកឡើងថា ដោយសារតែជនរត់ចោលស្រុកមួយនេះ ម្តងហើយម្តងទៀតនៅតែចិញ្ចឹមចិត្តផ្តួលរំលំរាជរដ្ឋាភិបាលស្របច្បាប់ និងមានចេតនា បំផ្លិតបំផ្លាញសុខសន្តិភាព។សម្តេចបន្តថា ពេលនេះប្រទេសកម្ពុជា កំពុងមានសុខសន្តិភាពហើយនៅមានអ្នកអង្គុយចាំជេរ និងរិះគន់រហូតថា ការដឹកនាំរបស់សម្តេច អស់រយៈពេលជាង៤០ឆ្នាំមកនេះ ធ្វើឲ្យពលរដ្ឋក្រលំបាក គ្មានភាពរីកចម្រើន និងគ្មានអភិវឌ្ឍន៍អ្វីទាល់តែសោះ។ ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានព្រមានជាថ្មីម្តងទៀតផងដែរថា ប្រសិនបើគណបក្សនយោបាយណាក៏ដោយ ដែលហ៊ានភ្ជាប់ខ្លួននឹងទណ្ឌិតសម រង្ស៊ី ដែលជាជនក្បត់ជាតិ បីជំនាន់នេះ សម្តេចនឹងប្តឹងទៅតុលាការឲ្យរំលាយគណបក្សនោះចោលភ្លាម។សម្តេចតេជោ ហ៊ុន សែន បញ្ជាក់ថា ពេលនេះប្រទេសកម្ពុជាកំពុង មានសុខសន្តិភាព ហើយសេក្តីសុខរបស់ប្រជាពលរដ្ឋនេះគឺសំខាន់ខ្លាំងណាស់ ដូច្នេះមនុស្សម្នាក់ចង់មកបំផ្លាញ គឺមិនអាចទៅរួចនោះឡើយ ដូច្នេះត្រូវតែកំចាត់ចោលភ្លាមៗតែម្តង៕(ដោយ៖ បាន ចក់)

សម្តេចតេជោ ហ៊ុន សែន ៖ ពលរដ្ឋស្ម័គ្រចិត្តផ្លាស់ប្តូរទីលំនៅពីតំបន់រមណីយដ្ឋានអង្គរមករុនតាឯកមានជិត ៦ពាន់គ្រួសារហើយ

សៀមរាប៖ ក្នុងពិធីជួបសំណេះសំណាលជាមួយប្រជាពលរដ្ឋដែលបានស្ម័គ្រចិត្តផ្លាស់ប្តូរទីលំនៅពីតំបន់រមណីយដ្ឋានអង្គរ មករុនតាឯក ស្រុកបន្ទាយស្រី ជាលើកទី៣ នៅព្រឹកថ្ងៃទី២១តុលានេះ សម្តេចតេជោ បានសំដែងការរីករាយចំពោះការស្ម័គ្រចិត្តរបស់ប្រជាពលរដ្ឋដែលបានស្ម័គ្រចិត្តចេញពីតំបន់រមណីយដ្ឋានអង្គរទាំងអស់ដែលគិតមកដល់ថ្ងៃនេះមានអ្នកស្ម័គ្រចិត្តចេញមករស់នៅរុនតាឯកមានជិត ៦ពាន់គ្រួសារហើយ។សម្តេចតេជោ ប្រមុខរាជរដ្ឋាភិបាលនៅតែបញ្ជាក់រំលឹក ពីមូលហេតុដែលតម្រូវឱ្យមានការផ្លាស់ប្ដូរជាចាំបាច់នេះដោយសារតែរាជរដ្ឋាភិបាលត្រូវតែឆ្លើយតបឱ្យបានតាមលក្ខខណ្ឌតម្រូវរបស់អង្គការយូណេស្កូ ដែលកម្ពុជាយើងបានចុះប្រាសាទ និងតំបន់រមណីដ្ឋានអង្គរចូលក្នុងបញ្ជីបេតិកភណ្ឌពិភពលោកតាំងពីឆ្នាំ១៩៩២ មកដើម្បីអភិរក្សាថែរក្សាប្រាសាទអង្គរវត្តប្រាសាទ និងតំបន់រមណីយដ្ឋានអង្គរដែលជាមរតកសម្បត្តិវប្បធម៌ដ៏មានតម្លៃជាសកលដែលបន្សល់ទុកដោយបុព្វបុរស ដូនតាខ្មែរយើងរាប់ពាន់ឆ្នាំមកហើយនោះឱ្យគង់វង្ស។ សម្តេចបញ្ជាក់ថា គិតចាប់ពីថ្ងៃចាប់ឆ្នោតដំបូងរហូតមកដល់ពេលនេះមានអ្នកស្ម័គ្រចិត្តមករស់នៅរុនតាឯកជិត ៦ពាន់គ្រួសារហើយ។សូមបញ្ជាក់ថា គិតចាប់ពីថ្ងៃចាប់ឆ្នោតដំបូងនាថ្ងៃទី២៥ខែសីហា រហូតមកដល់ថ្ងៃទី២០តុលានេះ មានប្រជាពលរដ្ឋ៩.១៣៤គ្រួសារហើយដែលបានចាប់ឆ្នោតស្ម័គ្រចិត្តរុះរើចេញពីតំបន់រមណីដ្ឋានអង្គរមករស់នៅតំបន់អភិវឌ្ឍន៍ថ្មី៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

«សមាជិកថ្មី ប្រៀបបានជាកម្លាំងសាមគ្គីរួមគ្នា ដែលសមាជិកគណបក្ស ១នាក់ ជាសន្លឹកឆ្នោតគាំទ្រគណបក្សមួយសន្លឹក»

ហ្វីលីពីន បញ្ជាក់ថា កតិកាសញ្ញាភស្តុភារកម្មយោធាជាមួយជប៉ុន ចូលជាធរមាន

អ៊ីរ៉ង់អនុញ្ញាតឱ្យនាវាដឹកប្រេងអ៊ីរ៉ាក់មួយចំនួន ឆ្លងកាត់ច្រកសមុទ្រ Hormuz

នគរបាល៖ មនុស្សជាច្រើននាក់ បានបាត់បង់ជីវិត ក្រោយរថយន្តនគរបាល និងរថយន្ត ១គ្រឿងទៀត បុកគ្នា

នាវាកូរ៉េខាងត្បូង នឹងសាកល្បងផ្លូវពាណិជ្ជកម្មតំបន់អាក់ទិក ស្រពពេលមានក្ដីបារម្ភ នៅលោកខាងលិច

ប្រធានាធិបតីថ្មីរបស់បង់ក្លាដែស លោក Mirza Fakhrul ចាប់ផ្ដើមបំពេញតួនាទីផ្លូវការ

អ៊ុយក្រែន៖ អ្នកស្លាប់ពីការវាយប្រហារដោយយានដ្រូនរបស់រុស្ស៊ី នៅទីក្រុង Kryvyi Rih កើនឡើងដល់ ១៦នាក់

ប៉េរូបំផ្លាញគ្រឿងញៀនទម្ងន់ ៩,៣តោនដែលរឹបអូសបានអំឡុងប្រតិបត្តិការប្រឆាំងការជួញដូរខុសច្បាប់

លោក Trumpនិយាយថា អ៊ីរ៉ង់ពុំទាន់ត្រៀមខ្លួនរួចរាល់នោះទេ សម្រាប់កិច្ចព្រមព្រៀងដ៏ត្រឹមត្រូវ

UN ស្វែងរកថវិកា ១៤៨លានដុល្លារ ក្រោយការរញ្ជួយដីសម្លាប់មនុស្ស ៣១៩នាក់នៅកូឡុំប៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

សម្ដេចតេជោ៖ សៀមរាបនឹងធ្វើផ្លូវ២ខ្សែទៀត គ្រោងចំណាយថវិកាជាង ១៣៧លានដុល្លារ

សម្តេចតេជោ៖ គ្មានបក្សនយោបាយណាមួយ ដែលរស់នៅជាមួយគ្នាបានយូរ ដូចគណបក្សប្រជាជននោះឡើយ

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

កម្ពុជាស្នើបារាំងបង្កើនជំនួយហ្វឹកហ្វឺនជំនាញដល់ទ័ពមួកខៀវចូលរួមប្រតិបត្តិការរក្សាសន្តិភាព

សម្តេចតេជោ ស្នើសុំពលរដ្ឋកុំខឹងបន្ទោសអ្នកណាអីចំពោះការតម្រូវឱ្យចាកចេញពីតំបន់រមណីយដ្ឋានអង្គរ

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន​ ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

សម្ដេចតេជោ៖ សៀមរាបនឹងធ្វើផ្លូវ២ខ្សែទៀត គ្រោងចំណាយថវិកាជាង ១៣៧លានដុល្លារ

សម្តេចតេជោ៖ គ្មានបក្សនយោបាយណាមួយ ដែលរស់នៅជាមួយគ្នាបានយូរ ដូចគណបក្សប្រជាជននោះឡើយ

សម្តេចតេជោ ហ៊ុន សែន បានហៅការចាកចេញរបស់ពលរដ្ឋពីរមណីយដ្ឋានអង្គរជាការចាកចេញដ៏វៃឆ្លាត

កម្ពុជាស្នើបារាំងបង្កើនជំនួយហ្វឹកហ្វឺនជំនាញដល់ទ័ពមួកខៀវចូលរួមប្រតិបត្តិការរក្សាសន្តិភាព

សម្តេចតេជោ ស្នើសុំពលរដ្ឋកុំខឹងបន្ទោសអ្នកណាអីចំពោះការតម្រូវឱ្យចាកចេញពីតំបន់រមណីយដ្ឋានអង្គរ

សម្តេចតេជោ ហ៊ុន សែន ប្រកាសលើកលែងទោសដល់បុគ្គលណាដែលសម្រេចដកខ្លួនចេញពីជនក្បត់ជាតិបីជំនាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប