នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

បទវិចារណកថា៖ តើទង្វើររបស់ប្រធានសភាអាមេរិក លោកស្រី ណានស៊ី ផេឡូស៊ី ​នៅពេលនេះ វាអាចជំរុញចិត្តឱ្យចិន ចង់វាយសង្រ្តប់យកតៃវ៉ាន់កាន់តែខ្លាំងដែរ ឬយ៉ាងណា?

2022/08/03 10:35:26 pm        855
Facebook Telegram Linkin
បទវិចារណកថា៖ ខណៈភាពតានតឹងកំពុងឡើងដល់កម្រិតខ្ពស់មិនធ្លាប់មាន ក្នុងរយៈពេលរាប់ទសវត្សរ៍មកនេះ ខាងក្រោមនេះគឺជាព្រឹត្តិការណ៍សំខាន់ៗនៃការវិវត្តទំនាក់ទំនងរវាង សហរដ្ឋអាមេរិក ចិន និងតៃវ៉ាន់៖ ទីបំផុត យន្តហោះរបស់ប្រធានសភាអាមេរិក លោកស្រី ណានស៊ី ផេឡូស៊ី បានចុះចតដោយសុវត្ថិភាព នៅឯអាកាសយានដ្ឋាននៃទីក្រុងតៃប៉ិ លើកោះតៃវ៉ាន់ នៅយប់ថ្ងៃអង្គារ ទី២ សីហា។ខណៈ​ដែលមុនពេលលោកស្រីមកដល់កោះតៃវ៉ាន មានព្រឹត្តិការណ៍សំខាន់ជាច្រើន​បានកើតឡើង​ ដោយក្នុងនោះរួមមានដូចជា ​ចិនបានព្រមានម្ដងហើយម្ដងទៀតថា នឹងចាត់វិធានការ​ឆ្លើយតបយ៉ាងម៉ឺងម៉ាត់ រួមទាំងជម្រើសយោធាផង ប្រសិនបើ លោកស្រី ផេឡូស៊ី ពិតជាមកបំពេញ​ទស្សនកិច្ច​នៅតៃវ៉ាន់មែននោះ។ ចិនប្រកាសបិទដែនអាកាសក្នុងតំបន់សមុទ្រតៃវ៉ាន់​សម្រាប់យន្ដ​ហោះស៊ីវិល ​ខណៈលោកស្រី ផេឡូស៊ី ​កំពុងធ្វើដំណើរឆ្ពោះទៅកាន់កោះតៃវ៉ាន់។ គេហទំព័រផ្លូវការជាច្រើនរបស់រដ្ឋបាលតៃវ៉ាន់ ក៏លែងដំណើរការ ។ក្រសួងការបរទេសចិន បាន​និយាថា ដើម្បីឆ្លើយតបនឹងដំណើរទេស្សនកិច្ចរបស់លោកស្រី Pelosi នៅកោះតៃវ៉ាន់ ចិននឹងចាត់វិធានការចាំបាច់ទាំងអស់ដើម្បីការពារអធិបតេយ្យភាព និងបូរណភាពទឹកដី។ កងទ័ពអាកាសចិនបានចល័តក្រុមយន្តហោះចម្បាំង Su-35 របស់ខ្លួន ហោះហើរឆ្លងកាត់តំបន់ច្រកសមុទ្រតៃវ៉ាន់។ប៉ុន្តែអ្វីដែលជាការកត់សំគាត់ យន្តហោះរបស់ប្រធានសភាតំណាងរាស្រ្តអាមេរិករូបនេះ បានចុះចត​ដោយ​សុវត្ថិភាព ក្នុងអាកាសយានដ្ឋាននៃទីក្រុងតៃប៉ិ​ ដោយមានក្រុមមន្រ្តីជាន់ខ្ពស់​តៃវ៉ាន់ បានជួប​ជាមួយ​លោកស្រី នៅអាកាសយានដ្ឋាន ហើយក្បួនរថយន្តលោកស្រី Pelosi ចាកចេញពីព្រលាន​យន្ត​ហោះតៃប៉ិ ឆ្ពោះទៅកាន់សណ្ឋាគារ ជាទីដែលលោកស្រីស្នាក់នៅ ​ ពិសេសអគាររដ្ឋសភា Yuan របស់តៃវ៉ាន់ បានក្រាលព្រំក្រហមរង់ចាំទទួលលោកស្រី Pelosi ដោយគ្មានការបារម្ភ។ប្រធានសភាតំណាងរាស្ត្រអាមេរិក លោកស្រី ណាន់ស៊ី ផេឡូស៊ី បំពេញទស្សនកិច្ចនៅតៃវ៉ាន់ នៅយប់ថ្ងៃអង្គារនេះ បង្កឱ្យមានការខឹងសម្បារយ៉ាងខ្លាំងពីសំណាក់ចិន ជាមួយការព្រមាន​ចាត់វិធាន​ការឆ្លើយបតយ៉ាងធ្ងន់ធ្ងន់ទៅនឹងដំណើរទស្សនកិច្ចដែលទីក្រុងប៉េកាំង ចាត់ទុកថា ជា «ទង្វើបង្កហេតុ»។នៅជុំវិញព្រឹត្តិការណ៍ដ៏គួរអោយចាប់អារម្មណ៍នៅទូទាំងពិភពលោកនេះ គេសង្គេតឃើញថាចិនមិនទាន់បានធ្វើអ្វីមួយជាដុំកំភួនដូចអ្វីដែលខ្លួនបានលើកឡើងពីមុននោះទេ ប៉ុន្តែគេឃើញថា ចិនក៏បានបង្តើតព្រឹត្តិការណ៍សំខាន់មួយចំនួនផងដែរ ក្នុងនោះមានដូចជា ក្រសួងការបរទេសចិនបាននិយាថា ចិននឹងចាត់វិធានការចាំបាច់ទាំងអស់ដើម្បីការពារអធិបតេយ្យភាព និងបូរណភាពទឹកដី ដើម្បីឆ្លើយតបនឹងដំណើរទេស្សនកិច្ចរបស់លោកស្រី Pelosi នៅកោះតៃវ៉ាន់ និងបានសង្កត់ធ្ងន់ថា ផលវិបាកទាំងអស់សហរដ្ឋអាមេរិកជាអ្នកទទួលខុសត្រូវ ព្រោះអាមេរិកជាអ្នកបង្កហេតុ។ ចិនក៍បានប្រកាសថា ខ្លួននឹងធ្វើសមយុទ្ធយោធាពីថ្ងៃព្រហស្បតិ៍ ដល់ថ្ងៃអាទិត្យសប្តាហ៍នេះ ក្នុងដែនទឹកចំនួន៦ ជុំវិញកោះតៃវ៉ាន់។យោងតាមកាសែត Global Times ៖ ទីបញ្ជាការភូមិភាគបូព៌ារបស់ចិនបានប្រកាសថា ខ្លួនធ្វើប្រតិបត្តិការយោធាជាបន្តបន្ទាប់ ក្បែរកោះតៃវ៉ាន់ ដោយធ្វើការបាញ់តេស្តកាំភ្លើងធំ និងមីស៊ីលរយៈចម្ងាយឆ្ងាយនៅច្រកសមុទ្រតៃវ៉ាន់ នឹងចាប់ផ្តើមពីយប់ថ្ងៃអង្គារតទៅ។លោក Wu Qian អ្នកនាំពាក្យក្រសួងការពារជាតិចិន ថ្លែងសុន្ទរកថា ថ្ងៃទី២ ខែសីហា ថា លោកស្រី Pelosi ប្រធានសភាតំណាងរាស្ត្រអាមេរិក បានទៅបំពេញទស្សនកិច្ច នៅតំបន់តៃវ៉ាន់របស់ចិន ដោយមិនអើពើនឹងការប្រឆាំងយ៉ាងខ្លាំង និងការតវ៉ាយ៉ាងម៉ឺងម៉ាត់របស់ភាគីចិន ដែលបានល្មើសយ៉ាងធ្ងន់ធ្ងរនូវគោលការណ៍«ចិនតែមួយ» និងការកំណត់នៃសេចក្តីប្រកាសរួមចំនួន៣ រវាងចិន និងអាមេរិក បានវាយប្រហារយ៉ាងធ្ងន់ធ្ងរ ចំពោះមូលដ្ឋាននយោបាយនៃទំនាក់ទំនងចិន និងអាមេរិក ហើយបានបំពានលើអធិបតេយ្យភាពនិង បូរណភាពទឹកដីរបស់ចិន ពិសេសបានបំផ្លាញយ៉ាងធ្ងន់ធ្ងរនូវសន្តិភាព និង ស្ថិរភាពក្នុងតំបន់ច្រកសមុទ្រតៃវ៉ាន់ និងបានបញ្ចេញសញ្ញាខុសឆ្គងដ៏ធ្ងន់ធ្ងរដល់កម្លាំងអបគមន៍ ដែលប៉ុនប៉ងចង់ឱ្យតៃវ៉ាន់ឯករាជ្យ ដែលលោក Wu Qian ​បានហៅថា ជាការបង្កហេតុក្នុងចេតនាអាក្រក់ដើម្បីបង្កើតវិបត្តិ។កងទ័ពរំដោះប្រជាជនចិន បានប្រុងជើងការកម្រិតខ្ពស់ ហើយនឹងបើកប្រតិបត្តិការយោធា មានលក្ខណៈសំដៅមួយចំនួន ដើម្បីវាយបកទៅវិញក្នុងន័យគាំពារយ៉ាងមុតមាំ នូវអធិបតេយ្យភាពជាតិ និងបូរណភាពទឹកដី និងប្រឆាំងយ៉ាងដាច់ខាត នូវការជ្រៀតជ្រែកពីខាងក្រៅ និងការប៉ុនប៉ងបំបែកបំបាក់របស់កម្លាំងអបគមន៍ ដែលចង់ឱ្យតៃវ៉ាន់ឯករាជ្យ។តាមការចេញផ្សាយរបស់សារព័ត៌មានជាច្រើន មុនពេលដែលលោកស្រី ណានស៉ី ផេឡូស៉ី បំពេញទស្សនកិច្ចនៅតៃវ៉ាន់ សហរដ្ឋ​អាមេរិក​បាន​ដាក់​ពង្រាយ​រួច​ហើយ​នូវ​នាវា​ផ្ទុក​យន្តហោះ USS Ronald Regan ដែល​អម​ដោយ​នាវាចម្បាំង​ចំនួន ៦​គ្រឿង ​នៅ​សមុទ្រ​ចិន​ខាងត្បូង បន្ថែមដោយយន្តហោះចម្បាំងអាមេរិកចំនួន ០៣គ្រឿង និងយន្តហោះទម្លាក់គ្រាប់បែក B-52 ចំនួន ០២គ្រឿង បានហោះក្បែរៗកោះតៃវ៉ាន់ទៀតផង។ មន្ត្រី​អាមេរិក​ឱ្យ​ដឹង​ថា ការធ្វើបែបនេះគឺ​​ចាំបាច់​ត្រូវការ​សន្តិសុខ​រឹងមាំ​ក្នុង​ការ​ជួយ​ការពារ​សុវត្ថិភាព​សម្រាប់​ប្រធានសភារបស់ខ្លួន។គួររំលឹកថា ការពិត អ្នកស្រី Pelosi ធ្លាប់​ទៅ​ទស្សនកិច្ច​នៅ​តៃវ៉ាន់​ម្ដង​ហើយ ​កាលពី​ឆ្នាំ​១៩៩៧។ អ្នកស្រី​ក៏​ធ្លាប់​ទៅ​គោរព​វិញ្ញាណក្ខន្ឋ​ផ្ទាល់​នៅ​ទីលាន ទៀនអាមីន ក្នុង​ក្រុង​ប៉េកាំង ជា​ទី​ដែល​កងទ័ព​បក្ស​កុម្មុយនីស្ត​ចិន បើក​រថក្រោះ​កិន និង​បាញ់​សម្លាប់​បាតុករ​រាប់​ពាន់​នាក់ ​នៅ​ឆ្នាំ​១៩៨៩ ដែលធ្វើ​បាតុកម្ម​ដើម្បី​ឱ្យ​មាន​ការ​កែទម្រង់​ការ​ដឹកនាំ​ទៅ​រក​ប្រព័ន្ធ​ទីផ្សារ​សេរី តែ​បក្ស​កុម្មុយនីស្ត​ចាត់ទុក​ជា​ក្រុម​បដិវត្តន៍​ប្រឆាំង​រដ្ឋាភិបាល។តៃវ៉ាន់​ជា​ប្រធានបទ​នៃ​ភាព​តានតឹង​ក្នុង​ទំនាក់ទំនង​អាមេរិក និង​ចិន​ជា​យូរ​មក​ហើយ។ ចិន​ចាត់ទុក​ដែន​កោះ​មួយ​នេះ​ជា​ផ្នែក​មួយ​នៃ​ទឹកដី​របស់​ចិន។ សម្រាប់​សហរដ្ឋ​អាមេរិក ទោះ​ជា​មាន​គោល​នយោបាយ​ចិន​តែ​មួយ​ពិតមែន តែ​ក្រុង​វ៉ាស៊ីនតោន នៅតែ​ទទួលស្គាល់​តៃវ៉ាន់​ជា​ផ្នែក​មួយ​នៃ​ពិភពលោក និង​ជា​រដ្ឋ​អធិបតេយ្យ និង​ប្រជាធិបតេយ្យ​នៅ​អាស៊ី។សហរដ្ឋ​អាមេរិក​មាន​ទំនាក់ទំនង​ការទូត​ជា​ផ្លូវការ​ជាមួយ​ក្រុង​ប៉េកាំង តែ​សហរដ្ឋ​អាមេរិក​ក៏​បន្ត​រក្សា​ទំនាក់ទំនង​ជាមួយ​តៃវ៉ាន់​ដែរ តែ​ក្នុង​កម្រិត​ក្រៅ​ផ្លូវការ ដោយ​ការ​ពង្រឹង​វិស័យ​ពាណិជ្ជកម្ម ការ​ផ្គត់ផ្គង់​ជំនួយ​យោធា និង​សព្វាវុធ​ទៅ​ឱ្យ​ដែន​កោះ​នេះ។បើតាមក្រុមអ្នកនយោបាយអាមេរិក នៅ​ក្នុង​អំឡុង​ប៉ុន្មាន​ឆ្នាំ​ចុងក្រោយ​នេះ ចិន​បាន​បញ្ចេញ​យន្តហោះ​ចម្បាំង​លុកលុយ​ចូល​ដែន​អាកាស និង​នាវាចម្បាំង​ចូល​ដែនទឹក​របស់​តៃវ៉ាន់​កាន់តែ​ធ្ងន់​ឡើងៗ ដែល​ជា​ការ​បង្កើន​ការ​ព្រួយបារម្ភ​ថា ចិន​អាច​នឹង​លើក​ទ័ព​វាយ​កាន់កាប់​ដែន​កោះ​មួយនេះ​ក្នុង​កាលៈទេសៈ​ណា​មួយ​ដែល​ក្រុង​ប៉េកាំង​អស់​ភាព​អត់ធ្មត់​នឹង​ការ​ទុក​ឲ្យ​តៃវ៉ាន់​បន្ត​មាន​សេរីភាព ជាមួយ​នឹង​ដែនដី​នៅ​ក្រៅ​គោល​នយោបាយ​«ប្រទេស​មួយ​ប្រព័ន្ធ​ពីរ»។មកដល់ចំណុចនេះមានសំណួរមួយចោទសួរថា តើតៃវ៉ាន់ដឹងដែរឬទេថា វត្តមានរបស់ប្រធានសភាអាមេរិករូបនេះ អាចធ្វើឱ្យតៃវ៉ាន់មានគ្រោះថ្នាក់ធំ? នៅ​ក្នុង​សេចក្តី​ថ្លែងការណ៍​ទៅ​កាន់​សារព័ត៌មាន អ្នកស្រី Joanne Ou អ្នក​នាំពាក្យ​ក្រសួង​ការបរទេស​តៃវ៉ាន់ បាន​និយាយ​ថា​ សម្រាប់​តៃវ៉ាន់ ក៏​ដឹង​ថា ​គ្រប់​ទស្សនកិច្ច​របស់​ក្រុម​មេដឹកនាំ​ប្រទេស​គាំទ្រ​តៃវ៉ាន់ គឺ​ពិត​ណាស់​នឹង​រង​ប្រតិកម្ម​យ៉ាង​ខ្លាំង​ពី​ចិន។ តៃវ៉ាន់​តែងតែ​ទទួល​ស្វាគមន៍​ដំណើរ​ទស្សនកិច្ច​របស់​សមាជិក​សភា​អាមេរិកដោយគ្មានក្តីបារម្ភនោះទេ។សូមបញ្ចាក់ថា អ្នកស្រី Pelosi និង​គណៈប្រតិភូ​នៃ​សមាជិក​សភា​អាមេរិក ​ធ្វើ​ទស្សនកិច្ច​នៅ​ប្រទេស​ចំនួន​៥ នៅ​អាស៊ី គឺ​ប្រទេស​ជប៉ុន សិង្ហបុរី ម៉ាឡេស៊ី ឥណ្ឌូនេស៊ី និង​កោះ​តៃវ៉ាន់។នៅត្រង់ចំនុចនេះគេមានចម្ងល់ថា ហេតុអ្វីប្រធានសភាអាមេរិករូបនេះនៅតែធ្វើដំណើរទៅកាន់កោះតៃវ៉ាន់ ​បើដឹងមុនហើយថាធ្វើអោយចិនក្ដៅស្លឹកត្រចៀក?បើតាមរយៈអ្នកនាំពាក្យសេតវិមានលោក ចន ឃឺប៊ី បានបញ្ជាក់ថា លោកស្រី Pelosi​ មានសិទ្ធិបំពេញទស្សនកិច្ចនៅតៃវ៉ាន់ដោយការសម្រេចចិត្តផ្ទាល់ខ្លួនរបស់លោកស្រី ព្រោះសភាអាមេរិកគឺជាស្ថាប័ននិតិបញ្ញាត្តិមិនចំណុះឱ្យរដ្ឋាភិបាល ហើយដំណើរទស្សនកិច្ចទៅកាន់កោះតៃវ៉ាន់ គឺជាការសម្រេចចិត្តទាំងស្រុង របស់លោកស្រី ផេឡូស៉ី ផ្ទាល់។​ថ្លែងនៅក្នុងសុន្ទរកថាខ្លីមួយមុននឹងចាប់ផ្ដើមកិច្ចប្រជុំនៅឯសភាតៃវ៉ាន់ នៅព្រឹកថ្ងៃពុធ ទី៣ ខែសីហា ឆ្នាំ២០២២នេះ លោកស្រី ផេឡូស៊ី បានបញ្ជាក់ដូច្នេះថា «យើងមកដើម្បីមិត្តភាពចំពោះតៃវ៉ាន់ យើងមកដើម្បីសន្តិភាពនៅក្នុងតំបន់»។លោកស្រី បានគូសបញ្ជាក់ពីច្បាប់ទំនាក់ទំនងតៃវ៉ាន់ ដែលនៅក្រោមច្បាប់នេះសហរដ្ឋអាមេរិកបានប្ដេជ្ញាចិត្តជួយតៃវ៉ាន់ឱ្យមានសមត្ថភាពការពារខ្លួន។ «ថ្ងៃនេះ សហរដ្ឋអាមេរិកត្រូវតែចងចាំចំពោះការប្ដេជ្ញាចិត្តនេះ យើងត្រូវឈរនៅជាមួយតៃវ៉ាន់ដែលជាកោះមួយមានការតស៊ូបំផុត»។លោកស្រី ផេឡូស៊ី ក៏នឹងត្រូវជួបពិភាក្សាការងារជាមួយមេដឹកនាំតៃវ៉ាន់ លោកស្រី ត្សៃ អ៉ីងវិន ព្រមទាំងសកម្មជនប្រជាធិបតេយ្យហុងកុង និងតៃវ៉ាន់ផងដែរ។ នេះបើយោងតាមការចេញផ្សាយដោយកាសែត Washington Post។យ៉ាងណាក៏ដោយ ចិនបានចាត់ទុកដំណើរទស្សនកិច្ចរបស់លោកស្រី ផេឡូស៊ី មកកាន់កោះតៃវ៉ាន់ជាទង្វើបង្កហេតុដ៏អាក្រក់របស់រដ្ឋាភិបាលសហរដ្ឋអាមេរិក ដែលចូលចិត្តបញ្ឆេះឲ្យមានកំដៅគ្រប់ទីកន្លែង និងបង្កឲ្យកើតមានអសន្តិសុខ និងអស្ថិរភាពនៅក្នុងពិភពលោក។លោកស្រី ផេឡូស៊ី មានអាយុ៨២ឆ្នាំ គឺជាមនុស្សសំខាន់ទី២បន្ទាប់ពី អនុប្រធានាធិបតីអាមេរិក ដែលអាចស្នងតំណែងជាប្រធានាធិបតី ហើយដំណើរទស្សនកិច្ចនៅពេលនេះបានធ្វើឱ្យលោកស្រី ក្លាយជាប្រធានសភាតំណាងរាស្ត្រអាមេរិកដំបូងគេ ដែលបំពេញទស្សនកិច្ចនៅតៃវ៉ាន់ ក្នុងរយៈពេលជាង២៥ឆ្នាំមកនេះ។គួរបញ្ជាក់ថា បើតាមក្រុមអ្នកជំនាញនយោបាយ គ្មានអ្នកណាអាចដឹងច្បាស់ទេថា នៅពេលដែលលោកស្រី ផេឡូស៊ី​ ចាកចេញពីកោះតៃវ៉ាន់ តើតៃវ៉ាន់អាចនឹងត្រូវចិនវាយសង្រ្គប់ដែរ ឬយ៉ាងណា ហើយពេលខាងមុខវាអាចមានរឿងអ្វីកើតឡើងទៀត។ មានតែភាគគីចិន និងអាមេរិកតែប៉ុណ្ណោះដែលអាចដឹងមុនបាន៕

ភ្ញៀវចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ នៅកម្ពុជា ពេញចិត្តនឹងស្នើចម្អិនម្ហូបខ្មែរឱ្យបានច្រើន

2022/08/03 07:34:14 pm        1126
Facebook Telegram Linkin
ភ្នំពេញ៖ នៅក្នុងចំណោមតារាងមុខម្ហូបខ្មែរ ចិន អាស៊ាន និងអឺរ៉ុបនានា ដែលសណ្ឋាគារភ្នំពេញសុខាដាក់ជូនភ្ញៀវជាប្រតិភូអាស៊ានជ្រើសរើស គឺមានតែមុខម្ហូបអាហារបែបប្រពៃណីខ្មែរ ដែលប្រតិភូអាស៊ានស្នើចម្អិនឲ្យបានច្រើនដើម្បីពិសារ នៅក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជាពាក់ព័ន្ធដែលកម្ពុជាធ្វើជាម្ចាស់ផ្ទះ ។សណ្ឋាគារសុខាភ្នំពេញ ត្រូវបានជ្រើសរើសជាទីតាំងរៀបចំនៃកិច្ចប្រជុំរដ្ឋមន្ត្រីការបរទេសលើកទី៥៥ និងកិច្ចប្រជុំពាក់ព័ន្ធនានា ហើយក៏ជាទីន្លែងទទួលភ្ញៀវទាំងការស្នាក់នៅ និងអាហារទទួលផងដែរ។បើតាមលោក រស់ ង៉ែត ប្រធានចុងភៅនៅសណ្ឋាគារសុខាភ្នំពេញ បានថ្លែងប្រាប់BTV នៅថ្ងៃទី៣ ខែសីហានេះថា ឱកាសកម្ពុជាធ្វើម្ចាស់ផ្ទះរៀបចំកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំរដ្ឋមន្ត្រីការបរទេសអាស៊ានបូក និងកិច្ចប្រជុំពាក់ព័ន្ធ នៅក្នុងរយៈពេលប្រមាណជា​១សប្តាហ៍នេះ ​សំគាល់ឃើញថា មានមុខម្ហូបអាហារ ដែលភ្ញៀវស្នើចម្អិនច្រើននោះ គឺមានម្ហូបអាហារខ្មែរប្រមាណជា៧០% ហើយម្ហូបអាហារបែបអឺរ៉ុបមានប្រមាណ៣០% ហើយគ្រប់មុខម្ហូបទាំងអស់នោះ គឺប្រើប្រាស់បន្លែ បង្កង បង្គារ ត្រី សាច់នៅក្នុងប្រទេសទាំងអស់ ហើយមិនមានការនាំចូលនោះទេ។លោក រស់ ង៉ែត បន្តថា សម្រាប់ម្ហូបបែបប្រពៃណីខ្មែរ ភ្ញៀវស្នើសុំចំអិនច្រើននោះ គឺមានដូចជាអាម៉ុកត្រីទន្លេ សាច់មាន់ និងអាម៉ុកសាលម៉ុន ហើយផ្នែកសម្លរស៊ុប គឺមានសម្លរកកូរ សោ្ងរជ្រក់ក្រៅឆ្នាំងធ្វើពីសាច់ពងគ្រួច ត្រីងៀត សាច់គោ ត្រីសណ្តាយអាំងប្រឡាក់អំពិល និង បង្អែមបបរត្នោត នំផ្លែអាយជាដើម។លោក បន្តថា ក្រៅពីការរៀបចំម្ហូបអាហាបែបប្រពៃណីខ្មែរច្រើនមុខសំខាន់ៗ​ដើម្បីទទួល​ប្រតិភូ​រដ្ឋមន្ត្រីការបរទេសនោះ ក្រុមចុងភៅក៏បានរៀបចំម្ហូបអាហារបែបអាស៊ាន​ បែបវេស្ទើន និង​បែបអឺរ៉ុបនេះ ហើយក៏មានរៀបចំ​ភោជនីយដ្ឋាន​ចិន​ដែរ​ដើម្បីផ្តល់ជាជម្រើសឲ្យបានច្រើនមុខ និងមានភាពខុសប្លែកគ្នាទៅតាមថ្ងៃនីមួយៗជាបន្តបន្ទាប់​។ម្ហូបខ្មែរ តែងតែទទួលបានការពេញចិត្តនិងចាប់អារម្មណ៍ទទួលទានច្រើនពីសំណាក់ភ្ញៀវបរទេស ដែលបានមកទស្សនា ឬទស្សនកិច្ចនៅក្បងប្រទេសកម្ពុជា ជាក់ស្តែងបើយោងតាមសារ​នៅ​មុនរដ្ឋមន្ត្រីក្រសួងការបរទេសជប៉ុន ​ឯកឧត្តម ហាយ៉ាស៊ិ យ៉ុស៊ិម៉ាសា មកបំពេញ​ទស្សនកិច្ច​នៅកម្ពុជា នៅថ្ងៃទី៣ ខែសីហា ឆ្នាំ២០២២នេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ ​និងកិច្ចប្រជុំពាក់ព័ន្ធជាច្រើនទៀត រដ្ឋមន្ត្រីក្រសួងការបរទេសជប៉ុន ក៏បានសរសេរសារមួយថា ការមកបំពេញទស្សនកិច្ចនៅ​កម្ពុជា​លើកដំបូងនេះ ឯកឧត្តម មានប្រាថ្នាចង់ភ្លក់រសជាតិដើមហហ្មុក (អាម៉ុក) ដែលជាម្ហូបខ្មែរដ៏ល្បីផងដែរ។នៅក្នុងសារឯកឧត្តម ហាយ៉ាស៊ិ យ៉ុស៊ិម៉ាសា បានបញ្ជាក់ថា« លោក លោកស្រី ក្មួយៗជាទីមេត្រី តើជ្រាបទេថា ខ្ញុំបានចង់សាកល្បងអ្វី ក្នុងដំណើរទស្សនកិច្ចនេះ? ខ្ញុំជាអ្នកគាំទ្រម្ហូបខ្មែរ ដែលខ្ញុំបាន​ទៅភោជនីយដ្ឋានខ្មែរក្នុងទីក្រុងតូក្យូជាញឹកញាប់។ពេលនេះខ្ញុំទន្ទឹងរង់ចាំភ្លក់រសជាតិ​ដើម​កំណើតនៃម្ហូបខ្មែរដូចជាហហ្មុក(អាម៉ុក)៕ អត្ថបទ ស៊ុម សុខជា

កម្ពុជាចាប់ផ្តើមដឹកនាំកិច្ចប្រជុំរដ្ឋមន្រ្តីការបរទេសអាស៊ានលើកទី៥៥

2022/08/03 06:28:49 pm        627
Facebook Telegram Linkin
ភ្នំពេញ៖ ក្នុងនាមកម្ពុជាជាប្រធានអាស៊ាន នៅថ្ងៃទី៣ ខែសីហា ឆ្នាំ២០២២ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ចាប់ផ្តើមដឹកនាំកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ ដែលធ្វើឡើងនៅរាជធានីភ្នំពេញ ខណៈកិច្ចប្រជុំរដ្ឋមន្រ្តីការបរទេសអាស៊ានដំណើរការ ចាប់ពីថ្ងៃទី៣០ ដល់ថ្ងៃទី៦ ខែសីហា ឆ្នាំ២០២២។កិច្ចប្រជុំរដ្ឋមន្រ្តីការបរទេសអាស៊ាននាពេលនេះ ផ្តោតលើមូលបទធំរបស់កម្ពុជា ក្នុងនាម​កម្ពុជា​ជា​ប្រធានអាស៊ាន គឺការដោះស្រាយបញ្ហាប្រឈមរួមគ្នា​ រួមមាននយោបាយ សេដ្ឋកិច្ច ការអភិវឌ្ឍ​សង្គម ជាពិសេសការកសាងអាស៊ានក្លាយជាសហគមន៍មួយផ្តល់​ផលប្រយោជន៍​ដល់​ប្រជាជនអាស៊ាន៕ 

កិច្ចប្រជុំរដ្ឋមន្រ្តីការបរទេសអាស៊ាននៅថ្ងៃនេះ អាចនឹងយកបញ្ហានៅកោះតៃវ៉ាន់មកពិភាក្សា

2022/08/03 06:06:39 pm        681
Facebook Telegram Linkin
ភ្នំពេញ៖ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជា និង​ជា​អ្នក​នាំពាក្យ​ នៃ​កិច្ចប្រជុំរដ្ឋមន្រ្តីការបរទេសអាស៊ាន លោក គង់ ភោគ បានថ្លែងថា នៅក្នុង​កិច្ច​ប្រជុំ​រដ្ឋ​មន្ត្រី​ការ​បរទេសអាស៊ាននាថ្ងៃទី៣ ខែសីហានេះ អាចនឹងយកបញ្ហាតានតឹងនៅកោះតៃវ៉ាន់ មក​ពិភាក្សា​គ្នា​ផង​ដែរ ខណៈបញ្ហាដ៏ក្តៅគគុកមួយនេះបានកំពុងតែកើតមាននាពេលថ្មីៗនេះ។ថ្លែងនៅក្នុងសន្និសីទសារព័ត៌មានមុនបើកកិច្ចប្រជុំជាផ្លូវការ នៃ​កិច្ច​ប្រជុំ​រដ្ឋ​មន្ត្រី​ការ​បរទេស​អាស៊ាន​ លើកទី៥៥ និងកិច្ចប្រជុំពាក់ព័ន្ធ (55th AMM and Related Meetings) ដែល​កម្ពុជា​ធ្វើ​ជា​ម្ចាស់ផ្ទះ នៅថ្ងៃទី៣ ខែសីហា ឆ្នាំ២០២២នេះ ក្រោមអធិបតីភាពសម្ដេចតេជោ ហ៊ុន សែន នាយករដ្ឋ​មន្ត្រី​នៃកម្ពុជា និងជាប្រធានអាស៊ានឆ្នាំ២០២២ លោក គង់ ភោគ បានលើកឡើងថា នៅក្នុង​កិច្ចប្រជុំខាងលើនេះក្រៅពីប្រធានបទដែលបានគ្រោងទុក រដ្ឋមន្រ្តីការ​បរទេស​អាស៊ាន​អាច​យក​បញ្ហាថ្មី​ៗនេះ​ដែលកើតឡើងនៅកោះតៃវ៉ាន់មកនិយាយផងដែរ។ជាមួយគ្នានោះដែរលោក គង់ ភោគ ក៏បានលើកឡើងផងដែរថា ប្រទេស​កម្ពុជា​នៅ​តែ​ប្រកាន់​ខ្ជាប់​ជានិ​ច្ច​ចំពោះ​គោលនយោបាយចិនតែមួយ ហើយអំពាវនាវ​ដល់​ភាគី​ពាក់​ព័ន្ធ​ទាំង​អស់​ទាក់​ទង​នឹង​បញ្ហា​នៅកោះតៃវ៉ាន់នេះគប្បីត្រូវដោះស្រាយគ្នាដោយសន្តិវិធី៕ អត្ថបទ៖ បាន ចក់

ស្អែកនេះ ព្រឹទ្ធសភាជាតិ ប្រជុំពិនិត្យសម្រេចសេចក្តីព្រាងច្បាប់ធម្មនុញ្ញ ស្តីពី​វិសោធនកម្ម​លើ​មាត្រា​មួយចំនួន

2022/08/03 05:56:50 pm        749
Facebook Telegram Linkin
ភ្នំពេញ៖ ព្រឹទ្ធសភាជាតិ នៅថ្ងៃទី៤ ខែសីហា ឆ្នាំ២០២២ស្អែកនេះ នឹង​បើក​កិច្ច​ប្រជុំ​គណៈកម្មាធិការ​អចិន្ត្រៃយ៍ព្រឹទ្ធសភា ដើម្បីពិនិត្យ និង​សម្រេច​លើ​សំណើរ​របស់​គណៈកម្មាការ​នីតិកម្ម និងយុត្តិធម៌ សុំ​ដាក់សេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី (មួយ) មាត្រា៨៩ មាត្រា៩៨ថ្មី មាត្រា១០២ថ្មី មាត្រា១១៩ថ្មី (មួយ) និងមាត្រា១២៥ថ្មី នៃរដ្ឋធម្មនុញ្ញ​បន្ថែម សំដៅធា​នានូវដំណើរការជាប្រក្រតី នៃស្ថាប័នជាតិ ទៅក្នុ​ង​របៀប​វារៈ​សម័យ​ប្រជុំ​ព្រឹទ្ធសភា​ លើកទី៩ នីតិកាលទី៤ ។យោងតាមសេចក្តីជូនដំណឹង របស់ព្រឹទ្ធសភាជាតិ នៅថ្ងៃទី៣ ខែសីហា ឆ្នាំ២០២២ បាន​បញ្ជាក់ថា នៅថ្ងៃដដែលនេះ គណៈកម្មាធិការអចិន្ត្រៃយ៍ព្រឹទ្ធសភា នឹង​ពិនិត្យ​សម្រេច​លើ​របៀបវារៈ​មួយចំនួនទៀត៕

សម្ដេចតេជោ៖ ការប្រកួតប្រជែងកាន់តែគ្រោះថ្នាក់របស់មហាអំណាច កំពុងដាក់សម្ពាធ​មក​លើ​អាស៊ាន

2022/08/03 05:14:49 pm        594
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ាន ឆ្នាំ២០២២ បាន​ថ្លែងថា ការប្រកួតប្រជែងកាន់តែគ្រោះថ្នាក់រវាងមហាអំណាច បាន​និងកំ​ពុង​ដាក់​សម្ពាធ​កាន់​តែ​ខ្លាំង​ឡើង មកលើប្រទេសក្នុងតំបន់អាស៊ាន ក្នុងនោះមានបញ្ហាសេដ្ឋកិច្ចជាដើម ។ក្នុងពិធីបើកកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នៅថ្ងៃទី៣ ខែ​សីហា ឆ្នាំ២០២២ សម្ដេចតេជោនាយករដ្ឋមន្ត្រី មានប្រសាសន៍ថា បច្ចុប្បន្ន អាស៊ាន​បាន​ក្លាយ​ជា​តំបន់​មួយ​ដែលមានការរីកចម្រើន ដោយយើងបានរួមដៃគ្នា ប្រែក្លាយភាពមន្ទិលសង្ស័យ ឲ្យ​ទៅ​ជា​ការ​ជឿទុកចិត្តគ្នា និងផ្លាស់ប្តូរអរិភាព ក៏​ដូច​ជា​ការ​ប្រឈម​មុខ​ដាក់​គ្នា​ឲ្យ​ទៅ​ជា​កិច្ច​សហប្រតិបត្តិការ និងការអភិវឌ្ឍ ។ ជាមួយនឹងសន្តិភាព និងស្ថិរភាព ជាច្រើន​ទសវត្សរ៍​កន្លង​មក​នេះ​ អាស៊ានសម្រេចបាននូវវិបុលភាព លើសពីការរំពឹងទុក ជាមួយនឹងកំណើន និង​ការ​អភិវឌ្ឍ​ដ៏​ខ្ពស់​ និងការកែលម្អជាលំដាប់នៃសុខុមាលភាពរបស់ប្រជាជន ។សម្ដេចតេជោ បានបន្តថា នៅក្នុងដំណើរការរីកចម្រើន និងអភិវឌ្ឍនៃតំបន់អាស៊ាន បញ្ហា​ប្រឈម​ផ្សេង​ៗ បានកើតឡើងជាបន្តបន្ទាប់ ដោយរាប់ចាប់ពីបញ្ហាភូមិសាស្ត្រនយោបាយ រហូត​បញ្ហា​សង្គម-​សេដ្ឋកិច្ច ។ប្រធានអាស៊ានឆ្នាំ២០២២ បានបន្ថែមថា នៅខាងក្រៅតំបន់អាស៊ានវិញ សង្គ្រាមនៅអ៊ុយក្រែន ក៏បាន​និង​កំពុងបង្កឲ្យមានភាពស្មុគស្មាញ ដល់ទំនាក់ទំនងអឺរ៉ុប ក៏ដូចជាតំបន់របស់យើងផងដែរ ដោយសង្គ្រាមនេះ បានបង្កឲ្យមានការរំខានយ៉ាងធ្ងន់ធ្ងរ មកលើសេដ្ឋកិច្ច បង្ក​ជា​បញ្ហា​កាន់​តែ​ធ្ងន់ធ្ងរ​ដល់​សន្តិសុខស្បៀង និងថាមពល ហើយអាក្រក់ជាងនេះទៀតនោះ គឺ​ការ​គំរាម​កំហែង​ឲ្យ​ពិភព​លោក មានការបែកខ្ញែកជាថ្មីទៀត ៕ អត្ថបទ៖ បាន សុខរិទ្ធិ

ប្រធានអាស៊ាន៖ ស្ថានការណ៍នៅប្រទេសមីយ៉ាន់ម៉ា​កាន់តែអាក្រក់​ខ្លាំងជាងមុន​ មុនកិច្ចព្រមព្រៀង​៥ចំណុច​ទៅទៀត

2022/08/03 05:03:30 pm        677
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជា​ប្រធានអាស៊ាន​ឆ្នាំ​២០២២ បានសម្តែងការខកចិត្ត និង​មាន​កង្វល់​យ៉ាង​ខ្លាំង​ចំពោះ​ស្ថាន​ការណ៍​ដ៏​អាក្រក់​នៅ​ប្រទេសមីយ៉ាន់ម៉ា ខណៈបច្ចុប្បន្នប្រទេសជាសមាជិកអាស៊ានមួយនេះ បាន​ធ្លាក់​ដុនដាប់​ខ្លាំង​ជាង​មុន​កិច្ច​ព្រម​ព្រៀង​ ៥ចំណុច​ទៅទៀត​ បន្ទាប់​ពី​អនុវត្ត​ទោស​ប្រហារ​ជីវិត​សកម្ម​ជន​គណបក្ស​ប្រឆាំងចំនួន ៤រូប។ ថ្លែងក្នុងឱកាសអញ្ជើញជាអធិបតីបើកកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និង​កិច្ចប្រជុំពាក់ព័ន្ធនានា ដែលប្រារព្ធធ្វើឡើងនៅសណ្ឋាគារសុខា ភ្នំពេញ នាព្រឹកថ្ងៃទី៣ ខែសីហា ឆ្នាំ​២០២២នេះ សម្តេចតេជោ ហ៊ុន សែន បានលើកឡើងថា កម្ពុជា​ក៏​ដូច​ជា​រដ្ឋ​សមាជិក​អាស៊ាន​ទាំង​អស់​ខកចិត្ត និងរន្ធត់យ៉ាង​ក្រៃលែង​ចំពោះ​ការ​ប្រហារ​ជីវិត​សកម្មជន​បក្ស​ប្រឆាំង​ ៤រូប​នៅ​ប្រទេស​មីយ៉ាន់ម៉ា បើទោះ​បី​ជា​ថ្នាក់​ដឹក​នាំ​ប្រទេស​ដទៃ​ទៀត​មាន​ការ​អំពាវ​នាវ​យ៉ាង​ណាក៏​ដោយ​។សម្តេចតេជោ ក៏បានលើកឡើងផងដែរថា វិបត្តិនយោបាយ និងសន្តិសុខ បូករួមវិបត្តិសេដ្ឋកិច្ច និង​មនុស្ស​ធម៌ ដែលទើបកើតមានឡើងនៅមីយ៉ាន់ម៉ា ដែលជាសមាជិករបស់អាស៊ាននេះ បាន​ប​ង្ក​ជា​បញ្ហា​ប្រឈម​ដល់មជ្ឈភាព និង​ឯកភាព​អាស៊ាន​ព្រម​ទាំង​បាន​បង្ក​ឲ្យ​មាន​ការ​រង្គោះ​រង្គើ​ដល់​ស្ថិរភាព​តំបន់​ផងដែរ៕ អត្ថបទ៖ បាន ចក់ 

សម្ដេចតេជោ ហ៊ុន សែន​៖ ពេលនេះអាស៊ានបានក្លាយជាតំបន់សន្តិសុខ និងការអភិវឌ្ឍ

2022/08/03 04:11:21 pm        635
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន ឆ្នាំ២០២២ បានថ្លែងថា អាស៊ានធ្លាប់ជាតំបន់ប្រឈមនឹងបញ្ហាសន្តិសុខ ការអភិវឌ្ឍ តែពេលនេះអាស៊ានបានក្លាយទៅជាតំបន់សន្តិសុខ និង​ការ​អភិវឌ្ឍ​កើន​ឡើង​ជា​បន្ត​បន្ទាប់​។សម្ដេចតេជោ ហ៊ុន សែន បានថ្លែងយ៉ាងដូច្នេះ ក្នុងឱកាសដែលសម្ដេចបាន​អញ្ជើញ​ជា​អធិបតី​បើក​​កិច្ច​ប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធនានា ដែល​ប្រារព្ធ​ធ្វើ​ឡើង​នៅសណ្ឋាគារសុខា ភ្នំពេញ។ កិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធ គឺ​ជា​វេទិកា​ដ៏​មាន​សារៈ​សំខាន់​សម្រាប់​អាស៊ាន ក៏ដូចជាដៃគូសន្ទនា ដើម្បីពិនិត្យ និងពិភាក្សាលើបញ្ហាទាំងឡាយ ហើយ​ដាក់​ចេញ​ជា​សេចក្តី​សម្រេច​ចិត្ត​នានា​សម្រាប់មេដឹកនាំកំពូលរបស់អាស៊ាន និងប្រទេសដៃគូសន្ទនា សម្រេច​ក្នុង​កិច្ចប្រជុំកំពូលរបស់អាស៊ាន និងកិច្ចប្រជុំពាក់ព័ន្ធនានានោះ៕ 

សម្តេចតេជោ ហ៊ុន សែន៖ កម្ពុជាសន្តិភាព សូម​ស្វាគមន៍ដ៏កក់ក្តៅ​ដល់​រដ្ឋមន្រ្តីការបរទេស​ទាំងអស់ដែលបានអញ្ជើញមកដល់កម្ពុជា

2022/08/03 03:32:20 pm        926
Facebook Telegram Linkin
ភ្នំពេញ៖ តាមរយៈហ្វេសប៊ុក នៅថ្ងៃទី០៣ ខែសីហា ឆ្នាំ២០២២នេះ សម្ដេចតេជោ ហ៊ុន​ សែន​ នាយករដ្ឋមន្ត្រីកម្ពុជា បានបង្ហាញការស្វាគមន៍យ៉ាងកក់ក្ដៅបំផុតដល់រដ្ឋមន្ត្រីការបរទេសទាំង​អស់​ដែលបានអញ្ជើញមកដល់កម្ពុជា ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ ( 55th ASEAN Foreign Ministers’ Meeting- AMM) និង​កិច្ចប្រជុំ​ពាក់​ព័ន្ធ​នានា​នៅ​ព្រះរាជា​ណា​ចក្រកម្ពុជា។ ​រដ្ឋមន្រ្តីការបរទេសដែលបានមកដល់កម្ពុជា ដើម្បី​ចូល​រួម​កិច្ច​ប្រជុំ​រដ្ឋ​មន្ត្រី​ការ​បរទេស​អាស៊ាន​លើក​ទី​៥៥ និង​កិច្ច​ប្រជុំពាក់ព័ន្ធនានានោះ រួមមាន៖ ១- Dr. Adaljiza Albertina Xavier Reis Magno រដ្ឋមន្រ្តីក្រសួងការបរទេសទីម័រខាងកើត២- Nikos Dendias រដ្ឋមន្រ្តីក្រសួងការបរទេសនៃប្រទេសក្រិក៣- H.E Dato Lim Jock Hoi អគ្គលេខាធិការអាស៊ាន៤- H.E Erywan Yusof រដ្ឋមន្រ្តីក្រសួងការបរទេសទី២ នៃប្រទេសព្រុយណេ និងលោកជំទាវ៥- H.E Bui Thanh Son រដ្ឋមន្រ្តីការបរទេស សាធារណរដ្ឋសង្គមនិយមវៀតណាម៦- H.E Retno L.P. Marsudi រដ្ឋមន្រ្តីក្រសួងការបរទេសនៃសាធារណរដ្ឋ ឥណ្ឌូនេស៊ី៧- H.E Vivian Balakrishnan រដ្ឋមន្ត្រីការបរទេសសឹង្ហបូរី៨- H.E Don Pramudwinai ឧបនាយករដ្ឋមន្ត្រី រដ្ឋមន្ត្រីការបរទេស នៃរាជាណាចក្រថៃឡងដ៏ និងលោកជំទាវ៩-H.E Saleumxay Kommasith រដ្ឋមន្ត្រីការបរទេសឡាវ និងលោកជំទាវ១០-H.E Dato' Sri Saifuddin Abdullah រដ្ឋមន្ត្រីការបរទេសម៉ាឡេស៊ី១១- H.E Wang Yi រដ្ឋមន្រ្តីការបរទេសចិន សម្ដេចតេជោបានបញ្ជាក់ដែរថា នៅមាន​រដ្ឋ​មន្រ្តី​ការបរទេស​ នៃ​ប្រទេស​មួយ​ចំនួន​ទៀត​នឹង​មក​ដល់​កម្ពុជា​ជា​បន្ត​បន្ទាប់​។ សម្ដេចតេជោ​ ជូនពរ​ឯកឧត្តម​ លោកជំទាវ និង​គណៈ​ប្រតិភូ​ទាំង​អស់​បាន​សប្បាយ​រីក​រាយក្នុងការស្នាក់នៅ និងទទួលបានលទ្ធផលល្អនៅក្នុងកិច្ចប្រជុំ 55th AMM នៅ​កម្ពុជា​៕

ប្រមុខការទូតជប៉ុនមកកម្ពុជា ប្រាថ្នាចង់ភ្លក់រសជាតិហហ្មុក (អាម៉ុក) រសជាតិដើមកំណើតម្ហូបខ្មែរ

2022/08/02 09:08:35 pm        742
Facebook Telegram Linkin
ភ្នំពេញ៖ រដ្ឋមន្ត្រីក្រសួងការបរទេសជប៉ុនលោក ហាយ៉ាស៊ិ យ៉ុស៊ិម៉ាសា នឹងមកបំពេញទស្សនកិច្ច​នៅកម្ពុជា នាថ្ងៃទី៣ ខែសីហា ឆ្នាំ២០២២ស្អែកនេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ាន​លើកទី៥៥ និងកិច្ចប្រជុំពាក់ព័ន្ធជាច្រើនទៀត ។​ក្នុងអំឡុងពេល​​មកកម្ពុជា​ជាលើកដំបូងនេះ រដ្ឋមន្ត្រីក្រសួងការបរទេសជប៉ុនរូបនេះ ប្រាថ្នាចង់ភ្លក់រសជាតិដើមហហ្មុក(អាម៉ុក) ដែលជាម្ហូបខ្មែរដ៏ល្បីផងដែរ។យោងតាមសាររបស់លោក ដែលស្ថានទូតជប៉ុនប្រចាំនៅកម្ពុជា បានបង្ហោះលើផេក​ហ្វេសបុក​នាថ្ងៃនេះ​ លោកហាយ៉ាស៊ិ យ៉ុស៊ិម៉ាសា បានបញ្ជាក់ថា« លោក លោកស្រី ក្មួយៗជាទីមេត្រី តើជ្រាបទេថា ខ្ញុំបានចង់សាកល្បងអ្វី ក្នុងដំណើរទស្សនកិច្ចនេះ? ខ្ញុំជាអ្នកគាំទ្រម្ហូបខ្មែរ ដែលខ្ញុំបាន​ទៅ​ភោជនីយដ្ឋានខ្មែរក្នុងទីក្រុងតូក្យូជាញឹកញាប់។ពេលនេះ​ខ្ញុំ​ទន្ទឹងរង់ចាំភ្លក់រសជាតិដើម​កំណើត​នៃម្ហូបខ្មែរដូចជាហហ្មុក(អាម៉ុក)។ផេកហ្វេសបុកបានលើកថាលោក ហាយ៉ាស៊ិ យ៉ុស៊ិម៉ាសា ​បានថ្លែងអំណរគុណយ៉ាងជ្រាល​ជ្រៅ​ចំពោះ​រដ្ឋាភិបាលកម្ពុជា និងប្រជាជនកម្ពុជា​ដែលបានចូលរួមរំលែកទុក្ខចំពោះ​មរណភាព​របស់​អតីតនាយករដ្ឋមន្ត្រីអាបេ តាមរយៈការបង្ហូតទង់ជាតិពាក់កណ្តាលដងនៅក្នុងទូទាំង​ប្រទេសកម្ពុជា ហើយការ​ផ្ញើ​លិខិត និងសាររំលែកទុក្ខជាច្រើន។ ​កាយវិការដ៏កក់ក្ដៅទាំងនេះ បានលើកទឹកចិត្តដល់​លោកផ្ទាល់ ​ហើយធ្វើឲ្យលោករំភើបដោយដឹងថា​មានមិត្តជាច្រើននាក់នៅប្រទេសកម្ពុជា។ប្រមុខការទូតជប៉ុនរូបនេះ បានបញ្ជាក់បន្ថែមទៀតថា« ក្នុងទស្សនកិច្ចលើកនេះ ខ្ញុំមានបំណង​បញ្ជាក់​ឡើងវិញនូវទំនាក់ទំនង​ដ៏រឹងមាំរវាងប្រទេសកម្ពុជា​ និងជប៉ុន។ ​នាខែមីនាកន្លងទៅនេះ នាយករដ្ឋមន្ត្រី គិស៊ិដា បានធ្វើទស្សនកិច្ចនៅកម្ពុជា ​ហើយ​នាយករដ្ឋមន្ត្រី​នៃប្រទេសទាំងពីរ​បាន​ចេញសេចក្តីថ្លែងការណ៍រួមដោយបង្ហាញពីទិសដៅនៃកិច្ចសហប្រតិបត្តិការនាពេលអនាគត។ ប្រទេសជប៉ុន នឹងបន្តខិតខំធ្វើការ ​ដើម្បីអនុវត្តសេចក្តីថ្លែងការណ៍រួម​ឲ្យចេញជាសហប្រតិបត្តិការ​ជាក់ស្តែង​ជាមួយប្រជាជនកម្ពុជា។ លោក បានឲ្យដឹងទៀតថា ក្នុងដំណើរទស្សនកិច្ចលើកនេះ ​លោកនឹងជួបពិភាក្សាជាមួយឯកឧត្ដម ប្រាក់ សុខុន ​ឧបនាយករដ្ឋមន្ត្រី និងរដ្ឋមន្ត្រីក្រសួងការបរទេស ​និងសហប្រតិបត្តិការអន្តរជាតិ ដែលជា​សមភាគីរបស់លោក ជាពិសេសអំពីវិវត្តន៍នៃគម្រោងអភិវឌ្ឍន៍កំពង់ផែស្វយ័ត​ក្រុង​ព្រះសីហនុ ដែលជាកំពង់ផែស្នូលរបស់កម្ពុជា​ និងកិច្ចសហប្រតិបត្តិការលើវិស័យសន្តិសុខ។ ក្រៅពីនេះលោក ក៏នឹងចូលរួមកិច្ចប្រជុំរដ្ឋមន្ត្រីការបរទេសដែល​ពាក់ព័ន្ធ​ក្នុងក្របខណ្ឌ​អាស៊ាន​ផងដែរ។ជាមួយគ្នានេះលោក ហាយ៉ាស៊ិ យ៉ុស៊ិម៉ាសា ក៏បានសម្តែងនូវការគោរពចំពោះឯកឧត្តម ប្រាក់ សុខុន រួមទាំងមន្ត្រីក្រសួងការបរទេស ​និងសហប្រតិបត្តិការអន្តរជាតិនៃកម្ពុជា​ ដែលបានខិតខំប្រឹងប្រែង​រៀបចំ​និងសម្របសម្រួល​កិច្ចប្រជុំទាំងនេះ​ក្នុងនាមជាប្រធានអាស៊ាន​។ សហគមន៍​អន្តរជាតិកំពុង​ប្រឈមបញ្ហា​ស្មុគស្មាញ​ ដូចជា​បញ្ហា​នៅ​អ៊ុយក្រែន កូរ៉េខាងជើង​ មីយ៉ាន់ម៉ា និងសមុទ្រចិន​ខាងត្បូងជាដើម។កិច្ចប្រជុំនានាដែលធ្វើឡើងក្នុងស្ថានភាពបែបនេះ​មានសារសំខាន់ជាវេទិកាមួយដើម្បីបញ្ជាក់ និង​ផ្សព្វផ្សាយពីតម្លៃ​ និងគោលការណ៍ដែលសហគមន៍​អន្តរជាតិគួរតែប្រកាន់ខ្ជាប់»។ តាមរយៈសារនេះ លោករដ្ឋមន្រ្តី​ ក៏បានជូនពរឱ្យកិច្ចប្រជុំរដ្ឋមន្ត្រីការបរទេសអាស៊ាន និង​កិច្ចប្រជុំពាក់ព័ន្ធ​ទាំងអស់ប្រព្រឹត្តិទៅដោយជោគជ័យ​ និងចំណងមិត្តភាពរវាងប្រទេសជប៉ុន និង​កម្ពុជាកាន់តែរីកចម្រើនផងដែរ៕អត្ថបទ៖ បាន ចក់ 

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.