នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា
សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើង​ថា «ស្វាដោះសំណាញ់!»
បណ្ដាក្រុមហ៊ុនអាម៉េរិកនៃគណៈប្រតិភូ USABC ដែលកំពុងមានវត្តមាននៅកម្ពុជា ប្ដេជ្ញា​បន្តពង្រីក និង​ស្វែងរកនូវឱកាសក្នុងការវិនិយោគថ្មីៗបន្ថែមទៀត
សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ«បញ្ហាបញ្ច្រាសមកវិញ សង្គ្រាមក៏បានធ្វើឱ្យរបបដឹកនាំកម្ពុជា កាន់តែរឹងមាំឡើងផងដែរ»

នយោបាយ​ និង ការអភិវឌ្ឍន៍

លោកស្រី Kamala Harris ចាញ់ប្រៀបក្នុងការប្រកួតប្រជែងឆ្នាំ២០២៤ ទល់នឹងលោក Donald Trump

2024/07/23 03:43:31 pm        174
Facebook Telegram Linkin
ស្របពេលគណបក្សប្រជាធិបតេយ្យរួបរួមគ្នាជុំវិញខ្លួនអនុប្រធានាធិបតីលោកស្រី Kamala Harris ជាបេក្ខភាពថ្មីរបស់ពួកគេ អារម្មណ៍សាធារណៈរបស់ពួកគេពិតជារីករាយណាស់។ ឥឡូវនេះ ពួកគេសង្ឃឹមថា គណបក្សនេះមានបេក្ខភាពដែលអាចតតាំងគ្នាជាមួយលោកTrump និងអាចមានលទ្ធភាពយកឈ្នះបាន។ក្តីសង្ឃឹមទាំងនេះមិនទាន់ត្រូវបានគាំទ្រដោយទិន្នន័យការស្ទង់មតិនៅឡើយទេ ដែលបច្ចុប្បន្នបង្ហាញថា លោកស្រី Harris កំពុងតែចាញ់ប្រៀបលោកTrump ។  ការវាយតម្លៃការគាំទ្ររបស់ លោកស្រី Harris គឺមិនល្អទេ ពោលគឺ មានការគាំទ្រចំនួន៣៨ ភាគរយ ទល់នឹងការមិនគាំទ្រ៥០ភាគរយ នៅក្នុងការស្ទង់មតិរបស់គេហំព័រអាមេរិកFiveThirtyEight Interactives ។ លោកស្រីតាមពីក្រោយលោក Trump ប្រហែល ២ ពិន្ទុទូទាំងប្រទេស ជាមធ្យម ហើយការស្ទង់មតិជាសាធារណៈមួយចំនួនដែលដាក់លោកស្រីឲ្យទប់ទល់នឹងលោក Trump នៅក្នុងរដ្ឋប្រទាញប្រទង់គ្នាក្នុងការគាំទ្របក្សទាំង២ ស្ទើរតែទាំងអស់ បង្ហាញថាលោកស្រីតាមពីក្រោយ លោក Trump ជួនកាលមានសំឡេងគាំទ្រចាញ់ដាច់ទៀតផង។ ឥឡូវនេះ ប្រហែលជាការស្ទង់មតិទាំងនោះលែងមានប្រយោជន៍ច្រើនទៀតហើយ ដោយសារពេលនោះ អ្នកបោះឆ្នោតនៅមិនទាន់បានស្គាល់លោកស្រី Harris ច្បាស់។ ប្រហែលជាលោកស្រី នឹងធ្វើយុទ្ធនាការដ៏ឆ្លាតវៃ និងខ្លាំងក្លា ហើយអាចយកឈ្នះចិត្តអ្នកបោះឆ្នោត។ ភាពរីករាយ នឹងអាចត្រឡប់មកវិញ ក្រោយការជ្រើសរើសឈ្មោះរបស់លោកស្រីដាក់លើសន្លឹកឆ្នោត។ខណៈពេលនេះនយោបាយអាមេរិក មុនការបោះឆ្នោតពោពេញដោយការវាយប្រហារពាក្យសម្ដីដាក់គ្នារវាងលោក Trump និងលោកស្រីHarris ៕

គណបក្សនយោបាយ នឹងជួបជុំគ្នាអបអរថ្ងៃបើកការដ្ឋានគម្រោងព្រែកជីកហ្វូណនតេជោ

2024/07/22 10:28:32 pm        282
Facebook Telegram Linkin
គណបក្សនយោបាយ នឹងរៀបចំការជួបជុំគ្នាដើម្បីអបអរសាទរ​ថ្ងៃបើកការដ្ឋាន​គម្រោង​ព្រែកជីក​ហ្វូណន​តេជោ ដើម្បីប្រកាសពីការគាំទ្រនូវសមិទ្ធផលដែល​មាន​អត្ថប្រយោជន៍​យូរ​អង្វែង សម្រាប់​ជាតិ និងប្រជាពលរដ្ឋកម្ពុជា។ស្របពេលពិធីបើកការដ្ឋានគម្រោងព្រែកជីកហ្វូណនតេជោកាន់តែខិតជិតចូលមកដល់ មាន​គណបក្ស​នយោបាយមួយចំនួនក្នុងចំណោមគណបក្សនយោបាយនានាក្នុងកម្ពុជា បានប្រាប់ BTV ឱ្យដឹងនៅថ្ងៃទី២២ ខែកក្កដា ឆ្នាំ២០២៤ថា ក្នុង​នាម​គណបក្ស​នយោបាយ​ដែល​ជា​សម្ព័ន្ធ​ភាព​បាន​គ្រោងក្នុងការជួបជុំជាមួយមេដឹកនាំគណបក្សនយោបាយផ្សេងទៀត ដើម្បី​ពិភាក្សា​អំពី​ការ​ត្រៀមរៀបចំពិធីជួបជុំក្នុងថ្ងៃបើកការដ្ឋានគម្រោងព្រែកជីកហ្វូណនតេជោ ដែលជា​គម្រោង​ដ៏​មាន​សារៈ​សំខាន់ក្រោមគំនិតផ្តួចផ្តើមរបស់សម្តេចអគ្គមហាសេនាបតីតេជោ ហ៊ុន សែន អតីត​នាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា។ ពាក់​ព័ន្ធនឹងការរៀបចំជួបជុំអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោនេះ លោក កាន់ វីរៈ ប្រធានគណបក្សអំណាចប្រជាពលរដ្ឋ បានបញ្ជាក់ថា ក្នុងនាម​អ្នក​នយោបាយ​ត្រូវ​តែ​គាំទ្រនូវអ្វីដែលជាអត្ថប្រយោជន៍ និងមានលក្ខណៈជាប្រវត្តិសាស្រ្តសម្រាប់កម្ពុជា។ជាមួយគ្នានេះ លោក អ៊ិត សារម្យ ប្រធានគណបក្សបំណងពលរដ្ឋ បញ្ជាក់ថា ការចូលរួមអបអរ​សាទរ​ថ្ងៃ​បើកការដ្ឋានគម្រោងព្រែកជីកហ្វូណនតេជោនាពេលខាងមុខ គឺដើម្បីឆ្លុះ​បញ្ចាំង​ពី​ការ​គាំទ្រ​ចំពោះ​ផលប្រយោជន៍ជាតិ និងអនាគតសម្រាប់ប្រជាពលរដ្ឋកម្ពុជាដ៏យូរអង្វែង។សូមជម្រាបថា គម្រោងព្រែកជីកហ្វូណនតេជោ ត្រូវបានសម្តេចមហាបវរធិបតី ហ៊ុន ម៉ាណែត នាយករដ្ឋ​មន្រ្តីប្រកាសពិធីបើកការដ្ឋាននៅថ្ងៃទី៥ ខែសីហា ឆ្នាំ២០២៤ខាងមុខនេះ។ គម្រោង​នេះ​ត្រូវ​បានមជ្ឈដ្ឋានក្នុង និងក្រៅប្រទេសបន្តគាំទ្រយ៉ាងពេញទំហឹង ដើម្បី​ឱ្យ​គម្រោង​នេះ​ក្លាយ​ជា​ផ្លូវ​នាវា​ចរណ៍ និងប្រព័ន្ធភស្ដុភារកម្មទន្លេបាសាក់ ដោយតភ្ជាប់​ផ្លូវ​ទឹក​រវាង​ទន្លេ​ទៅ​កាន់​សមុទ្រ​កម្ពុជា ឆ្លងកាត់ខេត្តកណ្តាល តាកែវ កំពត និងខេត្តកែប និងមានប្រវែង១៨០គីឡូម៉ែត្រ ខណៈ​គម្រោង​គ្រោង​ចំណាយទុនសាងសង់ប្រមាណ ១,៧០០លានដុល្លារអាមេរិក៕ អត្ថបទ សេក ឧត្តម  

អគ្គលេខាធិការរងUN៖ សម្តេចតេជោមិនត្រឹមតែរកសន្តិភាពជូនកម្ពុជា​ប៉ុណ្ណោះទេថែមទាំង​ជួយ​ដល់បណ្តាប្រទេសនៅលើពិភពលោកថែមទៀត

2024/07/22 09:58:50 pm        278
Facebook Telegram Linkin
លោក Atul KHARE អគ្គលេខាធិការរង នៃអង្គការសហប្រជាជាតិ ទទួលបន្ទុក​ផ្នែកគាំទ្រ​ប្រតិបត្តិការបានអះអាងថា សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា និងជា​ប្រធាន​ព្រឹទ្ធសភា មិនត្រឹម តែខិតខំស្វែងរកសន្តិភាពជូនដល់ប្រទេស និងប្រជាជនកម្ពុជាប៉ុណ្ណោះទេ ថែម​ទាំងផ្តល់សន្តិភាពទៅដល់បណ្តាប្រទេសដទៃទៀតនៅលើពិភពលោក តាមរយៈ​ការ​បញ្ជូន​កម្លាំ​ងរក្សាសន្តិភាពរបស់កម្ពុជា(កងទ័ព មួកខៀវ)ផងដែរ។ការលើកឡើងរបស់អគ្គលេខាធិការរងរបស់អង្គការសហប្រជាជាតិរូបនេះ គឺបានធ្វើឡើងនៅក្នុង កិច្ច​ជំនួបពិភាក្សាទ្វេភាគីជាមួយសម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា នាព្រឹក​ថ្ងៃ​ទី​២២ ខែកក្កដា ឆ្នាំ២០២៤នេះ នៅវិមានព្រឹទ្ធសភា។លោក Atul KHARE បានលើកឡើងថា ប្រទេសកម្ពុជាបានឆ្លងកាត់ចម្ងាយផ្លូវ​ពោរពេញ​ដោយ​សង្រ្គាម​យូរណាស់ទម្រាំមានសន្តិភាពដូចសព្វថ្ងៃ។ លោក«ក៏សូមអបអរសាទរ និងសូម​កោត​សរសើរ​យ៉ាង​ស្មោះអស់ពីដួងចិត្ត ចំពោះសម្តេចតេជោ ដែលមិនមែនត្រឹម​ជា​មេដឹកនាំដែ​ល​នាំ​មក​នូវ​សន្តិភាពដល់ប្រទេសកម្ពុជាប៉ុណ្ណោះទេ ប៉ុន្តែបានក្លាយទៅជាមេដឹកនាំ ដែលផ្តល់​សន្តិភាព​ទៅ​ដល់​បណ្តាប្រ​ទេសដទៃទៀតនៅលើពិភពលោក តាមរយៈការបញ្ជូន​កម្លាំ​រក្សា​សន្តិភាព​របស់​កម្ពុជា​ទៅកា​ន់តំបន់ និងប្រទេសមួយចំនួននៅក្នុងពិភពលោក នាពេលកន្លងមកផងដែរ»។លោក Atul KHARE បានកោតសរសើរពីការប្តេជ្ញារបស់ប្រទេសកម្ពុជា ក្នុងការចូលរួម​ក្នុង​ប្រតិបត្តិការ​រក្សា​សន្តិភាពក្នុងពិភពលោក ជាពិសេសការធ្វើជា​ម្ចាស់​ផ្ទះរៀប​ចំ​វគ្គ​បណ្តុះ​បណ្តាល​ស្តីពី ​“កម្មវិធីភាពជាដៃគូត្រីភាគី របស់អ.ស.ប.” (អ.ស.ប. Triangular Partnership Program, TPP) ក្រោមកិច្ចសហប្រតិបត្តិការអ.ស.ប., សាធារណរដ្ឋកូរ៉េ និងកម្ពុជា នៅក្នុងខែវិច្ឆិកា ឆ្នាំ​២០២៤ និង ជាមួយប្រទេសជប៉ុនក្នុងឆ្នាំ២០២៥។ សកម្មភាពដ៏អស្ចារ្យនេះបង្ហាញឱ្យឃើញថា កម្ពុជា​ស្ថិតនៅលើគន្លងផ្លូវដ៏ប្រសើរ ដែលចាកចេញ​ពី​ប្រទេស​ធ្លាប់​ទទួល​បេសកកម្ម​រក្សា​សន្តិភាព​របស់​អ.ស.ប. មកជាប្រទេសផ្តល់កងកម្លាំងរក្សាសន្តិភាពផង និងបណ្តុះបណ្តាល​កង​ទ័ព​រក្សា​សន្តិភាព​ផង ដែលមានទាំងផ្នែកយោធាប្រយុទ្ធការពារ ផ្នែកពេទ្យ និងគិលានុបដ្ឋាយិកា និង​កង​ទ័ព​បោស​សម្អាតមីន ឱ្យកាន់តែមានសមត្ថភាព និងប្រសិទ្ធភាព ជាដើម។នៅក្នុង​កិច្ចជំនួបនោះដែរលោក អគ្គលេខាធិការរងអ.ស.ប. បានលើកឡើងផង​ដែរ​ថា​កង​ទ័ព​មួក​ខៀវ​កម្ពុជា ដែលបំពេញបេសកកម្មនៅបរទេស ទាំងប្រុស ទាំងស្រី សុទ្ធសឹងតែជានាយទាហាន​ប្រកប​ដោយ​ភាពក្លាហាន មានវិន័យ វិជ្ជាជីវៈ និងការទទួលខុសត្រូវខ្ពស់។ ហើយលោក​ក៏​បាន​សម្តែង​នូវ​សេចក្តីសោកស្តាយជាពន់ពេក និងចូលរួមរំលែកមរណទុក្ខជាមួយ សម្តេចតេជោ ចំពោះ​ការបាត់បង់អាយុជីវិតនាយទាហានមួកខៀវកម្ពុជាចំនួន១១នាក់ ក្នុងបេសក​កម្ម​រក្សា​សន្តិភាព​ក្រោម​ឆ័ត្រអ.ស.ប.នេះ។លោកបានបញ្ជាក់បន្ថែមថា បើទោះបីជា អ.ស.ប. បានផ្តល់​ប្រាក់​ធានា​រ៉ាប់រងអាយុជីវិត ជូនយុទ្ធជនដែលបានបូជាជីវិតនោះពិតមែន ប៉ុន្តែ អ.ស.ប. យ​ល់​ច្បាស់​ថា​មិនអាចធ្វើឱ្យពួកគេមានជីវិតឡើងវិញបាននោះទេ។ថ្លែងនៅក្នុងកិច្ចជំនួបនោះដែរ សម្តេចតេជោ ហ៊ុន សែន បានលើកឡើងថាសម្តេចពិតជារីក​រាយ​ណាស់​ដោយ​បាន​ដឹងថា លោក បានទៅទស្សនាខេត្តសៀមរាប និងព្រះវិហារ និង បាន​ឃើញ​ដោយ​​ផ្ទាល់​នូវការរីកចម្រើនរបស់កម្ពុជាលើគ្រប់វិស័យជាពិសេសការបោសសម្អាតមីននៅកម្ពុជា ដោយ​ឯកឧត្តមបានធ្វើដំណើរតាមផ្លូវដោយគ្មានការភ័យខ្លាច។ សម្តេច​តេជោ បានគូសបញ្ជាក់ថា ប្រទេសកម្ពុជា គឺជាដៃគូដ៏ល្អមួយរបស់ អ.ស.ប. ក្នុងកិច្ច​សហ​ប្រតិបត្តិការរក្សាសន្តិភាពក្នុងពិភពលោក។ កម្ពុជា​បាន​ប្រែក្លាយ​ពី​ប្រទេស​ដែល​ធ្លាប់​មាន​សង្រ្គាម​រ៉ាំរ៉ៃ មកប្រទេសដែលមានសុខសន្តិភាពចាប់តាំងពីឆ្នាំ១៩៩៨មក និងមានលទ្ធភាព​បញ្ជូន​កង​ទ័ព​មួក​ខៀវ ចូលរួមក្នុងប្រតិបត្តិការរក្សាសន្តិភាពនៅលើពិភពលោក ក្រោមឆ័ត្ររបស់អ.ស.ប.។សម្តេច​តេជោ ប្រធានព្រឹទ្ធសភាកម្ពុជាក៏បានសម្តែងនូវការពេញចិត្ត និងគាំទ្រយ៉ាងខ្លាំង ដែល​កម្ពុជា​ត្រូវ​បានជ្រើសរើសជាដៃគូ និងជាម្ចាស់ផ្ទះ​សម្រាប់​កម្ម​វិធី​ភាព​ជាដៃគូត្រី​ភាគី​រក្សា​សន្តិភាព​របស់​អ.ស.ប.ដោយសហការជាមួយសាធារណរដ្ឋកូរ៉េ និង​ប្រទេស​ជប៉ុន​។ កម្ពុជា​គឺ​ជា​ជម្រើស​ដ៏​ល្អ​បំ​ផុត សម្រាប់ភាពជាដៃគូត្រីភាគីនេះ អាស្រ័យដោយកត្តាសន្តិភាព មានជំនាញ​ក្នុង​ការ​បោស​សម្អា​ត​មីន ជាប្រទេសធ្លាប់ឆ្លងកាត់សង្រ្គាម និងមានការចំណាយតិច។ សម្តេចបានបន្តថាកម្ពុជា ក៏ជាម្ចាស់ផ្ទះនៃមជ្ឈមណ្ឌលសកម្មភាពមីនអាស៊ានផងដែរ។ ក្នុងន័យនេះ ក្រៅពីប្រទេស​ក្នុង​តំបន់​អាស៊ាន កម្ពុជាក៏បើកទ្វារស្វាគមន៍រាល់ប្រទេសទាំងអស់ ដែលចង់បញ្ជូន​មន្រ្តី​មក​រៀន​ជំនាញ​បោស​សម្អាតមីននៅកម្ពុជា ដែលកន្លងមកក៏មានប្រទេសអ៊ុយក្រែនផងដែរ។ កម្ពុជា​ចាំ​ច្បាស់​ណាស់​ថា ប្រទេសជាមិត្តបានពាក់មួកខៀវមកជួយកម្ពុជា ដូចនេះកម្ពុជា ក៏ត្រូវពាក់មួក​ខៀវ​ជួយ​ប្រទេស​ទាំងអស់ដែលជាមិត្តរបស់កម្ពុជាវិញដូចគ្នាផងដែរ៕ អត្ថបទ៖ បាន ចក់

មន្ត្រីប្រទេសវេណេស៊ុយអេឡា ជំរុញឲ្យប្រព័ន្ធផ្សព្វផ្សាយ គោរពដំណើរការបោះឆ្នោត

2024/07/22 09:14:50 pm        144
Facebook Telegram Linkin
លោក Jorge Rodriguez អ្នកគ្រប់គ្រងយុទ្ធនាការរបស់ប្រធានាធិបតី លោក Nicolas Maduro បាននិយាយកាលពីថ្ងៃអាទិត្យថា ប្រព័ន្ធផ្សព្វផ្សាយអន្តរជាតិ ដែលត្រូវបានទទួលស្គាល់នៅក្នុងប្រទេសវេណេស៊ុយអេឡា ត្រូវតែគោរពដំណើរការបោះឆ្នោតរបស់ប្រទេសនេះ ហើយ «និយាយតែការពិត» ក្នុងអំឡុងពេលការបោះឆ្នោតប្រធានាធិបតីនាពេលខាងមុខ ។លោក Rodriguez ក៏ជាប្រធានសភាផងដែរនោះ បានជំរុញឱ្យប្រព័ន្ធផ្សព្វផ្សាយកុំ «ចិញ្ចឹមគំនិតរវើរវាយ មានបំណងតែពីការមិនទទួលស្គាល់លទ្ធផលនៃការបោះឆ្នោត។ដោយបញ្ជាក់ឡើងវិញនូវការត្អូញត្អែរកាលពីមុនៗថា «សិទ្ធិជ្រុលនិយមរបស់វេណេស៊ុយអេឡា ត្រូវបានរៀបចំដើម្បីមិនទទួលស្គាល់ការពិត និងលទ្ធផលបោះឆ្នោត លោក Rodriguez បាននិយាយថា រដ្ឋាភិបាល តែងតែរិះគន់យុទ្ធសាស្ត្របែបនេះ ហើយបានជំរុញឱ្យសារព័ត៌មាន «និយាយតែការពិត និងគោរពការពិត»។ការនិយាយលើកឡើងរបស់លោក Rodriguez ដែលបាននិយាយទៅកាន់ទីភ្នាក់ងារសារព័ត៌មាន Telesur មានមូលដ្ឋាននៅទីក្រុង Caracas គឺឆ្លើយតបទៅនឹងសេចក្តីថ្លែងការណ៍ដែលបានចេញផ្សាយកាលពីថ្ងៃសៅរ៍ ដោយសមាគមសារព័ត៌មានបរទេសវ៉េណេស៊ុយអេឡា (Apex) ដែលទាមទារ «ការគោរពចំពោះការងាររបស់ប្រព័ន្ធផ្សព្វផ្សាយ និងទីភ្នាក់ងារអន្តរជាតិ» ដែលត្រូវបានទទួលស្គាល់នៅក្នុងប្រទេស និង បានអំពាវនាវឱ្យ «កុំឲ្យពាក់ព័ន្ធចំពោះសារព័ត៌មានអន្តរជាតិ ក្នុងការជជែកដេញដោលខាងនយោបាយ»។អ្នកបោះឆ្នោតដែលមានសិទ្ធិជាង២០លាននាក់ ត្រូវបានគេរំពឹងថានឹងទៅបោះឆ្នោតរបស់ពួកគេ នៅថ្ងៃទី ២៨ ខែកក្កដា ដើម្បីជ្រើសរើសប្រធានាធិបតី ក្នុងចំណោមបេក្ខជនប្រធានាធិបតីចំនួន១០រូប។

ប្រជាជនកូរ៉េខាងត្បូងបង្ហាញអារម្មណ៍ធូរស្រាលចំពោះការដកខ្លួនរបស់លោក Biden ប៉ុន្តែព្រួយបារម្ភចំពោះលោក Trump

2024/07/22 09:11:15 pm        93
Facebook Telegram Linkin
ប្រជាជនកូរ៉េខាងត្បូងមួយចំនួន បានសម្តែងអារម្មណ៍ធូរស្រាលនៅថ្ងៃចន្ទនេះ ដែលប្រធានាធិបតីសហរដ្ឋអាមេរិកលោក Joe Biden បានចាកចេញពីបំណងក្នុងការបោះឆ្នោតឡើងវិញសម្រាប់តំណែងប្រធានាធិបតី នៅខែវិច្ឆិកា ប៉ុន្តែក៏បានសម្តែងការព្រួយបារម្ភចំពោះបេក្ខជនប្រធានាធិបតី មកពីគណបក្សសាធារណរដ្ឋ លោក Donald Trump ។លោក Kim Jae-hyun អាយុ៦៤ឆ្នាំ បាននិយាយថា លោក មានការព្រួយបារម្ភអំពីសមត្ថភាពនៃការវិនិច្ឆ័យរបស់ លោក Biden ហើយលោកបានធូរស្រាល ដែល លោក Biden បានធ្វើការសម្រេចចិត្តសមហេតុផល។សម្រាប់លោក Lee Chae-hwan អាយុ២៤ឆ្នាំ និយាយថា ការចាកចេញរបស់លោក Biden បានផ្លាស់ប្តូរឲ្យមានការព្រួយបារម្ភចំពោះលោក Trump ដោយនិយាយថា គោលនយោបាយរបស់លោកគឺ «ជ្រុលហួស» និងមានផលប៉ះពាល់អវិជ្ជមានលើពិភពលោក ក្នុងអំឡុងពេលអាណត្តិប្រធានាធិបតីដំបូងរបស់លោក។លោក Biden បានប្រកាសពីការដកខ្លួនចេញពីបំណងបោះឆ្នោតថ្មី កាលពីថ្ងៃអាទិត្យ ទី២១ ខែកក្កដា នៅក្នុងលិខិតមួយដែលបានបង្ហោះនៅលើបណ្តាញផ្សព្វផ្សាយសង្គម ហើយនៅក្នុងការបង្ហោះជាបន្តបន្ទាប់ លោក គាំទ្រអនុប្រធានាធិបតី លោកស្រី Kamala Harris ជាបេក្ខជនរបស់គណបក្សប្រជាធិបតេយ្យ សម្រាប់ការបោះឆ្នោត ថ្ងៃទី៥ ខែវិច្ឆិកា ខាងមុខនេះ។

បក្សប្រជាធិបតេយ្យកំពុងភ្នាល់ប្រឆាំងនឹងប្រវត្តិរើសអើងភេទរបស់អាមេរិក បើផ្ដល់បេក្ខភាពទៅលោកស្រី Harris

2024/07/22 08:55:01 pm        99
Facebook Telegram Linkin
គណបក្សប្រជាធិបតេយ្យនឹងត្រូវធ្វើការប្រថុយប្រថានជាប្រវត្តិសាស្ត្រ ប្រសិនបើពេលនេះខ្លួនងាកទៅជ្រើសរើសអនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ឱ្យក្លាយជាបេក្ខភាពប្រធានាធិបតីរបស់បក្ស ដោយភ្នាល់ថាស្ត្រីស្បែកខ្មៅម្នាក់អាចយកឈ្នះលើការរើសអើងជាតិសាសន៍ ការរើសអើងភេទ និងកំហុសផ្ទាល់ខ្លួនក្នុងនាមជាអ្នកនយោបាយ ដើម្បីយកឈ្នះលើបេក្ខភាពគណបក្សសាធារណរដ្ឋ លោក ដូណាល់ ត្រាំ (Donald Trump)។លោកប្រធានាធិបតី ចូ បៃដិន (Joe Biden) បានប្រកាសថាលោកនឹងបញ្ចប់យុទ្ធនាការបោះឆ្នោតឡើងវិញ ហើយបានគាំទ្រលោកស្រី Harris។ ក្នុងពេលជាងពីរសតវត្សរ៍នៃលទ្ធិប្រជាធិបតេយ្យ អ្នកបោះឆ្នោតអាមេរិកបានជ្រើសរើសប្រធានាធិបតីស្បែកខ្មៅតែម្នាក់គត់ និងមិនធ្លាប់ជាស្ត្រីនោះទេ ដែលជាកំណត់ត្រាធ្វើឱ្យសូម្បីតែអ្នកបោះឆ្នោតស្បែកខ្មៅមួយចំនួនឆ្ងល់ថា តើលោកស្រី Harris អាចពុះពារឧបសគ្គដ៏លំបាកនេះបានដែរឬទេ។លោកស្រី Harris នឹងប្រឈមមុខនឹងបញ្ហាធំៗផ្សេងទៀតដូចជា ប្រសិនបើត្រូវបានជ្រើសរើសមែន លោកស្រីនឹងមានពេលត្រឹមតែ ៣ខែប៉ុណ្ណោះដើម្បីធ្វើយុទ្ធនាការ ព្រមទាំងបង្រួបបង្រួមបក្ស និងម្ចាស់ជំនួយឱ្យគាំទ្រ ប៉ុន្តែអ្នកប្រជាធិបតេយ្យជាច្រើននៅតែមានសង្ឃឹម។ លោកស្រី Harris មានវ័យ ៥៩ឆ្នាំ ពោលគឺក្មេងជាងលោក Trump ពីរទសវត្សរ៍ និងជាមេដឹកនាំនៅក្នុងបក្សស្តីពីសិទ្ធិរំលូតកូន ដែលជាបញ្ហាដែលទាក់ទងនឹងអ្នកបោះឆ្នោតវ័យក្មេង និងជាមូលដ្ឋានរីកចម្រើនរបស់បក្សប្រជាធិបតេយ្យ។ ប៉ុន្តែទោះជាទទួលបានការសរសើរក្នុងពេលប៉ុន្មានសប្តាហ៍ចុងក្រោយនេះក្ដី ក៏អ្នកប្រជាធិបតេយ្យមួយចំនួននៅតែមានការព្រួយបារម្ភអំពីភាពរង្គោះរង្គើរបស់លោកស្រី Harris ក្នុងតំណែងរយៈពេលពីរឆ្នាំដំបូងរបស់ខ្លួន ពេលខ្លីពេកសម្រាប់យុទ្ធនាការ ហើយភាគច្រើនគឺការបារម្ភជុំវិញប្រវត្តិដ៏យូរលង់នៃការរើសអើងជាតិសាសន៍ និងភេទនៅសហរដ្ឋអាមេរិក៕

យុទ្ធនាការលោក Trump ផ្លាស់ប្តូរការផ្ដោតរបស់ខ្លួនទៅវាយប្រហារលើលោកស្រី Harris

2024/07/22 08:42:54 pm        169
Facebook Telegram Linkin
បេក្ខជនប្រធានាធិបតីមកពីគណបក្សសាធារណរដ្ឋ លោក ដូណាល់ ត្រាំ (Donald Trump) នឹងព្យាយាមបង្ហាញអ្នកបោះឆ្នោតដែលមិនទាន់សម្រេចចិត្ត ថាអនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ដែលទំនងជាគូប្រជែងថ្មីរបស់ខ្លួន ជាប់ពាក់ព័ន្ធលើបញ្ហាពីរដែលលោកTrump កំពុងពឹងផ្អែកដើម្បីយកជ័យជម្នះក្នុងខែវិច្ឆិកា ទីមួយគឺបញ្ហាអន្តោប្រវេសន៍ និងទីពីរគឺបញ្ហាសេដ្ឋកិច្ច។ប្រភពនៅក្នុងយុទ្ធនាការលោក Trump បាននិយាយថា យុទ្ធនាការនេះនឹងវាយប្រហារលើលោកស្រី Harris ដែលទំនងជាបេក្ខភាពរបស់បក្សប្រជាធិបតេយ្យ បន្ទាប់ពីលោកប្រធានាធិបតី ចូ បៃដិន (Joe Biden) ដកខ្លួនកាលពីថ្ងៃអាទិត្យ ថាជា «អ្នកចូលដៃជើង» ជាមួយនគរបាលរដ្ឋបាលដែលនៅពីក្រោយប្រភពនៃការមិនសប្បាយចិត្តរបស់អ្នកបោះឆ្នោតទាំងពីរនេះ។ប្រភពបានប្រាប់សារព័ត៌មានរ៉យទ័រថា យុទ្ធនាការរបស់លោក Trump បានត្រៀមខ្លួនអស់ជាច្រើនសប្តាហ៍មកហើយសម្រាប់ទប់ទល់លោកស្រី Harris ប្រសិនបើលោក Biden ដកខ្លួន ហើយលោកស្រីទទួលបានការតែងតាំងពីបក្ស។ យុទ្ធនាការលោក Trump បានផ្តល់សញ្ញាថា ខ្លួននឹងចងភ្ជាប់លោកស្រី Harris ទៅនឹងគោលនយោបាយអន្តោប្រវេសន៍របស់លោក Biden ដែលពួកសាធារណរដ្ឋនិយាយថា ជាមូលហេតុត្រូវស្ដីបន្ទោសចំពោះកំណើនអ្នកឆ្លងកាត់ព្រំដែនដោយខុសច្បាប់ជាមួយម៉ិកស៊ិក។ខ្សែទីពីរនៃការវាយប្រហារនឹងវិលជុំវិញបញ្ហាសេដ្ឋកិច្ច។ ការស្ទង់មតិសាធារណៈបង្ហាញជាបន្តបន្ទាប់បង្ហាញថា ប្រជាជនអាមេរិកមិនសប្បាយចិត្តនឹងតម្លៃដ៏ខ្ពស់នៃម្ហូបអាហារ និងប្រេងឥន្ធនៈ ព្រមទាំងអត្រាការប្រាក់ដ៏ខ្ពស់កប់ពពកនៅក្នុងប្រទេស៕

ឯកអគ្គរដ្ឋទូតចិននៅកម្ពុជាប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ​និងប្រកបដោយ​ផ្លែផ្កា​បន្ថែមទៀត

2024/07/22 08:26:54 pm        158
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅថ្ងៃទី២២ ខែកក្កដា ឆ្នាំ ២០២៤​នេះ បានអនុញ្ញាតឱ្យ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនថ្មីប្រចាំព្រះរាជាណាចក្រកម្ពុជា ចូលជួប​សម្ដែង​ការ​គួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប សម្ដេចធិបតីបានសម្ដែងនូវការស្វាគមន៍ និងអបអរសាទរចំពោះឯកឧត្តម វ៉ាង វិនពីន ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញ​សមត្ថភាព​នៃ​សាធារណរដ្ឋ​ប្រជាមានិត​ចិន​ប្រចាំព្រះរាជាណាចក្រកម្ពុជា។ សម្ដេចធិបតីជឿជាក់ថា ក្នុងបេសកកម្ម​ការ​ទូតរបស់​ឯកឧត្តម ទំនាក់ទំនង និងកិច្ចសហប្រតិបត្តិការកម្ពុជា-ចិន នឹងកាន់តែត្រូវបានពង្រឹង និង​ពង្រីកបន្ថែមទៀត។ ឯកឧត្តម ឯកអគ្គរដ្ឋទូត បានសម្តែងនូវការកោតសរសើរ និង​វាយ​តម្លៃ​ខ្ពស់​ចំពោះ​ការខិតខំប្រឹងប្រែងរបស់រាជរដ្ឋាភិបាលកម្ពុជា​ក្នុង​ការសម្រេច​បាន​នូវ​សមិទ្ធផល​ថ្មី​ៗ​បន្ថែម​ទៀត​ជូនប្រជាជន និងប្រទេសកម្ពុជា។ ឯកឧត្តម ឯកអគ្គរដ្ឋទូត ក៏ជឿជាក់ថា ក្រោម​ការ​ដឹកនាំ​ប្រកប​ដោយភាពឈ្លាសវៃរបស់សម្ដេចធិបតី កម្ពុជានឹងមាន​ការអ​ភិវឌ្ឍ​​រីក​ចម្រើន​ខ្លាំង​ក្លា​បន្ថែម​ទៀត ហើយជីវភាពរបស់ប្រជាជនកម្ពុជានឹងត្រូវបានលើកកម្ពស់បន្ថែមទៀតផងដែរ។ ឯកឧត្តមប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ​ និងប្រកបដោយផ្លែផ្កាបន្ថែមទៀត។សម្ដេចធិបតី និងឯកឧត្តមឯកអគ្គរដ្ឋទូត ក៏បានសម្ដែងនូវការពេញចិត្ត និង​បាន​វាយ​តម្លៃ​ខ្ពស់​ចំពោះ​ទំនាក់ទំនងដ៏យូរលង់ និងរឹងមាំរវាងប្រទេសទាំងពីរ ព្រមទាំងបានផ្លាស់ប្ដូរយោបល់ និង​ពិភាក្សាអំពីការបន្តជំរុញការពង្រឹង និង​ពង្រីកកិច្ចសហប្រតិបត្តិការ​រវាង​ប្រទេស​ទាំងពីរ​ឱ្យ​កាន់​តែ​រឹងមាំ​លើ​គ្រប់វិស័យ ដែលរួមមាន ជាអាទិ៍៖ វិស័យការពារជាតិ និងសន្តិសុខ, វិស័យថាមពល, វិស័យ​ទេសចរណ៍, ការតភ្ជាប់រវាងប្រជាជន និងប្រជាជន, វិស័យសេដ្ឋកិច្ច និងពាណិជ្ជកម្ម, វិស័យ​កសិកម្ម, និងកិច្ចសហប្រតិបត្តិការច្រករបៀងឧស្សាហកម្ម និងបច្ចេកវិទ្យា និងច្រក​របៀង​មច្ឆា និងអង្ករ៕

មេដឹកនាំតៃវ៉ាន់៖ កោះនេះត្រូវតែការពារអធិបតេយ្យភាព និងដឹងពីវប្បធម៌ និងប្រវត្តិសាស្ត្ររបស់ខ្លួន

2024/07/22 07:59:55 pm        83
Facebook Telegram Linkin
មេដឹកនាំកោះតៃវ៉ាន់ លោក ឡៃ ឈឹង ទ័រ(Lai Ching-te)បាននិយាយកាលពីថ្ងៃអាទិត្យថា កោះនេះ ត្រូវតែការពារអធិបតេយ្យភាពរបស់ខ្លួន និងដឹងពីវប្បធម៌ និងប្រវត្តិសាស្ត្ររបស់ខ្លួន ដោយបដិសេធនូវអ្វីដែលលោកបាននិយាយថា ធ្លាប់ជាជំនឿខុសឆ្គងកាលពីមុន ដែលថាកោះនេះនឹងបម្រើជាមូលដ្ឋានដើម្បីចាប់យកប្រទេសចិនមកវិញ។លោក Lai ដែលចូលកាន់តំណែងកាលពីខែឧសភា និង គណបក្សកាន់អំណាចប្រជាធិបតេយ្យជឿនលឿន (DPP) របស់លោក តែងចង់ផ្ដាច់កោះតៃវ៉ាន់ពីប្រទេសចិន ជាជំហរមួយដែលធ្វើឱ្យទីក្រុងប៉េកាំងខឹងសម្បារជាញឹកញាប់ ដែលចាត់ទុកកោះនេះជាផ្នែកនៃទឹកដីចិនមិនអាចរំលោភបាន។ ថ្លែងទៅកាន់សន្និបាតប្រចាំឆ្នាំរបស់បក្ស DPP លោក Lai បាននិយាយថា អ្នកដែលបានប្រយុទ្ធដើម្បីនាំមកនូវលទ្ធិប្រជាធិបតេយ្យដល់កោះតៃវ៉ាន់ ច្បាប់អាជ្ញាសឹកបានបញ្ចប់ត្រឹមឆ្នាំ ១៩៨៧ មានការយល់ដឹងយ៉ាងច្បាស់អំពីកន្លែងរបស់កោះនេះនៅលើពិភពលោក។ លោក Lai ក៏បាននិយាយផងដែរថា ពួកគេ "មិនស្ទាក់ស្ទើរក្នុងការបង្ហូរឈាម និងប្រើជីវិតរបស់ពួកគេដើម្បីលុបបំបាត់គំនិតខុសឆ្គងដែលថា "តៃវ៉ាន់គឺជាមូលដ្ឋានដើម្បីដណ្ដើមយកដីគោកមកវិញ" នោះទេ ហើយបានបង្កើតគោលនយោបាយជាតិនៃការដាក់តៃវ៉ាន់ជាអាទិភាព ៕

ប្រធានាធិបតីអ៊ុយក្រែន សរសើរលោក Biden សម្រាប់ «ការសម្រេចចិត្តដ៏លំបាក ប៉ុន្តែរឹងមាំ»

2024/07/22 07:08:44 pm        129
Facebook Telegram Linkin
ប្រធានាធិបតីអ៊ុយក្រែនលោក Volodymyr Zelenskyy បានថ្លែងអំណរគុណដល់ប្រធានាធិបតីសហរដ្ឋអាមេរិក លោក Joe Biden សម្រាប់ការគាំទ្ររបស់លោកចំពោះប្រទេសអ៊ុយក្រែន បន្ទាប់ពីការប្រកាសរបស់លោក Biden ក្នុងការបោះបង់ការប្រកួតប្រជែងតំណែងប្រធានាធិបតី។លោក Zelenskyy បាននិយាយនៅក្នុងការបង្ហោះលើបណ្តាញផ្សព្វផ្សាយសង្គមថា «ការសម្រេចចិត្តដ៏រឹងមាំជាច្រើន ត្រូវបានធ្វើឡើងក្នុងរយៈពេលប៉ុន្មានឆ្នាំថ្មីៗនេះ ហើយត្រូវបានគេចងចាំថាជាជំហានដ៏មុះមុត ដែលបានធ្វើឡើងដោយប្រធានាធិបតី លោក Biden ក្នុងការឆ្លើយតបទៅនឹងពេលវេលាដ៏លំបាក។ លោកបាននិយាយបន្ថែមថា យើងគោរពការសម្រេចចិត្តដ៏លំបាក ប៉ុន្តែរឹងមាំនៅថ្ងៃនេះ។លោក Zelenskyy បាននិយាយថា អ៊ុយក្រែនអរគុណចំពោះលោក Biden សម្រាប់ «ការគាំទ្រឥតងាករេ របស់លោកសម្រាប់ការប្រយុទ្ធដើម្បីសេរីភាពរបស់អ៊ុយក្រែន» រួមជាមួយការគាំទ្រទ្វេបក្សដ៏រឹងមាំ នៅក្នុងសហរដ្ឋអាមេរិក។

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់
08/09/2026 06:08 PM
Facebook Telegram Linkin
ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា
08/09/2026 01:08 PM
Facebook Telegram Linkin
លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់
08/09/2026 01:08 PM
Facebook Telegram Linkin
ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង
08/09/2026 01:08 PM
Facebook Telegram Linkin
រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់
08/09/2026 01:08 PM
Facebook Telegram Linkin
ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង
08/09/2026 12:08 PM
Facebook Telegram Linkin
កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ
08/09/2026 12:08 PM
Facebook Telegram Linkin
បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន
08/09/2026 12:08 PM
Facebook Telegram Linkin
ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក
08/09/2026 12:08 PM
Facebook Telegram Linkin
មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា
08/09/2026 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.