BTV NEWS

សម្ដេចតេជោផ្ដល់អនុសាសន៍បីចំណុចដល់ទូតថ្មីអារ៉ាប៊ីសាអូឌីត ដើម្បីជំរុញទំនាក់ទំនង និងវិនិយោគប្រទេសទាំងពីរ

សម្តេចតេជោ ហ៊ុន សែន អនុញ្ញាតឱ្យឯកអគ្គរាជទូតអារ៉ាប៊ីសាអូឌីត ប្រចាំកម្ពុជា (ថ្មី) ចូលជួបសម្តែងការគួរសម

រដ្ឋមន្រ្តី៖ ផ្លូវ៣ខ្សែជិត ១០០គីឡូម៉ែត្រនៅខេត្តក្រចេះ បើកច្រកថ្មីសម្រាប់ការតភ្ជាប់ និងជំរុញសេដ្ឋកិច្ច-សង្គម

សម្តេចតេជោ ហ៊ុន សែន អនុញ្ញាតឱ្យ ឯកឧត្តម Andrey RUDENKO អនុរដ្ឋមន្ត្រីការបរទេស នៃសហព័ន្ធរុស្ស៊ី ចូលជួបសម្តែងការគួរសម

នយោបាយ និង ការអភិវឌ្ឍន៍

សម្ដេចតេជោ៖ ពលរដ្ឋមួយចំនួនចោលសំរាមពាសវាលពាសកាល តែបែរមកជេរអាជ្ញាធរទៅវិញ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានធ្វើការរិះគន់ចំពោះប្រជាពលរដ្ឋខ្មែរមួយចំនួន ដែលបានបោះចោលសំរាមពាសវាលពាសកាល ខណៈមានធុងសំរាមនៅក្បែរហើយ បង្កឱ្យមានក្លិនស្អុយ បែរមកជេរអាជ្ញាធរ និងថ្នាក់ដឹកនាំទៅវិញ។ក្នុងឱកាសអញ្ជើញជាអធិបតីភាព ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់ បឹង ជើងឯក ក្នុងភូមិសាស្ត្រខណ្ឌមានជ័យ រាជធានីភ្នំពេញ នាព្រឹកថ្ងៃទី២២ ខែកុម្ភៈនេះ សម្តេចតេជោ ហ៊ុន សែន បានលើកឡើងថា ប្រជាពលរដ្ឋខ្មែរមួយចំនួនតូច នៅតែខ្វះការយល់ដឹងអំពីបរិស្ថាន និងអនាម័យ ដោយពួកគេបានបរិភោគរួចហើយ ទុកសំរាមចោលដោយមិនបានយកទៅចោលនៅក្នុងធុងសំរាមនោះទេ ដូច្នេះហើយបានធ្វើឲ្យទីក្រុង ជាពិសេសរាជធានីភ្នំពេញនេះតែម្តង នៅតែមានសំរាម ឬកាកសំណល់ច្រើន នៅតាមកន្លែងទីសាធារណៈ ឬកន្លែងប្រជុំជនមួយចំនួនដដែលនោះ។យ៉ាងណាក៏ដោយ សម្តេចតេជោ ហ៊ុន សែន បានធ្វើការអំពាវនាវយ៉ាងទទួចដល់ប្រជាពលរដ្ឋទាំង អស់ គប្បីចូលរួមថែរក្សាអនាម័យ ដើម្បីបរិស្ថាន និងទីក្រុងស្អាតខណៈអាជ្ញាធរ ខិតខំយកធុងសំរាមដាក់ ស្ទើរគ្រប់ទីកន្លែង ហើយមិនព្រមកាន់យកទៅចោលក្នុងធុងសំរាមទៀត បែរជាមកជេរអាជ្ញាធរ និងថ្នាក់ដឹក នាំទៅវិញ ដោយសារតែបញ្ហាកើតចេញពីខ្លួនឯងនេះ៕អត្ថបទ៖ បាន ចក់

សម្តេចតេជោ ស្នើកុំឱ្យកន្លែងលក់ថ្នាំពេទ្យដំឡើងថ្លៃស្រេចតែចិត្ត និងកុំឱ្យមានការលក់ថ្នាំក្លែងក្លាយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានធ្វើការអំពាវនាវដល់ម្ចាស់ទីតាំងលក់ថ្នាំពេទ្យទាំងឡាយ ដែលទទួលបានការអនុញ្ញាតពីក្រសួងសុខាភិបាល កុំដំឡើងថ្លៃស្រេចតែចិត្ត ពិសេសថ្នាំព្យាបាលជំងឺកូវីដ-១៩ ហើយសម្តេច ក៏បានអំពាវនាវដល់ក្រសួងសុខាភិបាល ត្រូវចុះពិនិត្យកន្លែងលក់ថ្នាំពេទ្យ ដើម្បីកុំឱ្យមានការលក់ថ្នាំក្លែងក្លាយដល់ប្រជាពលរដ្ឋ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់ជើងឯក ដែលមានទីតាំងក្នុងភូមិសាស្ត្រខណ្ឌមានជ័យ រាជធានីភ្នំពេញ នៅព្រឹកថ្ងៃទី២២ ខែកុម្ភៈ នេះ សម្ដេចតេជោ ហ៊ុន សែន បានស្នើឱ្យមានស្នើសុំឱ្យមានការបង្កើនសមត្ថភាពផ្គត់ផ្គង់ថ្នាំពេទ្យ ខណៈពេលប្រជាពលរដ្ឋកំពុងមានតម្រូវការ ដើម្បីការពារខ្លួនទប់ទល់ នឹងជំងឺកូវីដ-១៩។សម្ដេចតេជោ ហ៊ុន សែន បានបន្តអំពាវនាវឱ្យប្រជាពលរដ្ឋចូលរួមប្រយុទ្ធប្រឆាំង នឹងជំងឺកូវីដ-១៩ ជាពិសេសអូក្រុង ដោយសម្ដេច បានថ្លែងថា ការការពារសុខភាពសាធារណៈ ការការពារបាន ឬមិនបាន វាមិនចំណុះទៅលើវិធានការរបស់រាជរដ្ឋាភិបាលតែឯងនោះទេ វាមិនចំណុះតែលើវិស័យសុខាភិបាលតែឯងនោះទេ គឺចំណុះទាំងស្រុងទៅលើបុគ្គលម្នាក់ៗ ធ្វើឬមិនធ្វើ ព្រោះគ្មានអ្នកណាឈឺ ជំនួសខ្លួនយើងឡើយ៕ អត្ថបទ៖ មុត សុទ្ធ

សម្ដេចតេជោ៖ គ្មានការបិទប្រទេសទៀតទេ បើទោះជាអូមីក្រុងកំពុងរាលដាល

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបញ្ជាក់ថា នឹងមិនមាន តម្រូវការក្នុងការបិទប្រទេស ក្រុង ឬទីតាំងណាមួយ ដោយសារការឆ្លងជំងឺកូវីដ-១៩ ដូចពីពេលមុននោះឡើយ ដោយសារបច្ចុប្បន្ន ប្រជាពលរដ្ឋភាគច្រើនបានចាក់វ៉ាក់សាំងរួចរាល់ហើយនោះ។ តែសម្ដេចតេជោ បានអំពាវនាវដល់ប្រជាពលរដ្ឋ កុំមានការប្រមាថចំពោះបញ្ហានេះ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់ជើងឯក ដែលមានទីតាំងនៅក្នុងភូមិសាស្ត្រខណ្ឌមានជ័យ រាជធានីភ្នំពេញ នាព្រឹកថ្ងៃទី២២ ខែកុម្ភៈ នេះសម្ដេចតេជោ ហ៊ុន សែន បានបញ្ជាក់ថា នឹងមិនមានការបិទប្រទេស ក្រុង ឬទីតាំង ដែលមានឆ្លងរាលដាល ជំងឺកូវីដ-១៩ដូចកាលឆ្នាំមុនឡើយ តែសម្ដេចតេជោ បានធ្វើការអំពាវនាវទៅកាន់ប្រជាពលរដ្ឋទាំងអស់ ជាពិសេសនៅរាជធានីភ្នំពេញ ត្រូវខិតខំប្រយុទ្ធប្រឆាំង នឹងមេរោគអូមីក្រុង ដែលចេះតែមានកំណើនជាលំដាប់ និងមានករណីស្លាប់ហើយ ក្នុងរយៈពេល២ថ្ងៃចុងក្រោយនេះ។ ក្រសួងសុខាភិបាល បានប្រកាសថា សម្រាប់ថ្ងៃទី២១ ខែកុម្ភៈ នេះ កម្ពុជា បានរកឃើញអ្នកឆ្លងថ្មី ចំនួន៤៤៨នាក់ទៀត ដែលសុទ្ធជាប្រភេទអូមីក្រុងទាំងអស់ និងស្លាប់៣នាក់។ គិតត្រឹមថ្ងៃទី២១ ខែកុម្ភៈ នេះ កម្ពុជា មានអ្នកឆ្លងសរុបជាង១២៦ពាន់ ៩៧៧នាក់ ជាសះស្បើយ១២០ពាន់ ៧៦៧នាក់ និងស្លាប់ ៣ពាន់ ២០នាក់ ៕អត្ថបទ៖ មុត សុទ្ធ

បញ្ជាការដ្ឋានកងទ័ពជើងអាកាសគាំទ្រដោយឥតងាករេចំពោះគោលនយោបាយរបស់រាជរដ្ឋាភិបាល

ភ្នំពេញ៖ មេបញ្ជាការកងទ័ពជើងអាកាស បានប្រកាសគាំទ្រដោយឥតងាករេ ចំពោះគោលនយោបាយរបស់រាជរដ្ឋាភិបាល ប្រឆាំងដាច់ខាតចំពោះក្រុមឱកាសនិយមទាំងឡាយណា ដែលនាំឲ្យប្រទេសជាតិធ្លាក់ក្នុងមហន្តរាយ បំផ្លាញសន្តិភាព ធ្វើឲ្យប៉ះពាល់ដល់ភាពសុខក្សេមក្សាន្តរបស់ប្រជាពលរដ្ឋ។ការប្រកាសប្តូរផ្តាច់របស់នាយឧត្តមសេនីយ៍ សឹង សំណាង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងអាកាស បែបនេះ គឺបានធ្វើឡើងនៅថ្ងៃទី ២១ខែកុម្ភៈ ឆ្នាំ២០២២នេះ ក្នុងពិធីប្រជុំបូកសរុបការងារកងទ័ពជើងអាកាសប្រចាំឆ្នាំ២០២១ និងទិសដៅអនុវត្តបន្តឆ្នាំ២០២២ ស្ថិតនៅបញ្ជាការដ្ឋានកងទ័ពជើងអាកាស។នាយឧត្តមសេនីយ៍ បានលើកឡើងថា តាំងនាមឲ្យកងកម្លាំងទាំងអស់នៃបញ្ជាការដ្ឋានកងទ័ពជើងអាកាសទាំងមូលសូមសន្យាថា នឹងការពារបូរណភាពទឹកដីឯករាជ្យ អធិបតេយ្យជាតិ ពង្រឹងសន្តិភាព ស្ថិរភាពនិងសន្តិសុខសណ្តាប់ធ្នាប់សង្គម ធានានូវភាពសុខសាន្តរបស់ប្រជាជន និងរួមចំណែកអភិវឌ្ឍន៍ប្រទេសជាតិ។ ការពារព្រះមហាក្សត្រ រាជរដ្ឋាភិបាល ស្របច្បាប់ដែលកើតចេញពីការបោះឆ្នោតរបស់ប្រជាពលរដ្ឋ។ឯកឧត្តមនាយឧត្តមសេនីយ៍ ក៏បានជំរុញដល់កងកម្លាំងយោធានៃកងទ័ព ជើងអាកាសទាំងអស់ត្រូវបន្តចូលរួមសហការជាមួយអាជ្ញាធរដែនដី និងកងកម្លាំងសមត្ថកិច្ចគ្រប់ជាន់ថ្នាក់ ក្នុងការរក្សាពង្រឹងសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមឲ្យបានរឹងមាំបន្ថែមទៀត។ ត្រូវពង្រឹងការអនុវត្តវិធានការច្បាប់ ដ៏ម៉ឺងម៉ាត់ចំពោះគ្រប់អង្គការចាត់តាំង ឬបុគ្គលដែលប្រព្រឹត្តបទល្មើសច្បាប់ និងប្រឆាំងដាច់ខាតមិនឲ្យមានចលនាបដិវត្តន៍ពណ៌កើតឡើងបានជាដាច់ខាត។ ក្នុងន័យនេះ កងទ័ពទាំងអស់ត្រូវយកចិត្តទុកដាក់អប់រំប្រជាពលរដ្ឋឲ្យយល់ច្បាស់បន្ថែមទៀតអំពីការប្រើប្រាស់សិទ្ធិសេរីភាព ស្របតាមច្បាប់រដ្ឋធម្មនុញ្ញ ព្រមទាំងអនុវត្តច្បាប់ជាធរមានឲ្យបានម៉ឺងម៉ាត់ផងដែរ។ក្នុងពិធីនេះ នាយឧត្តមសេនីយ៍ សឹម សំណាង ក៏បានក្រើនរំលឹកដល់កងកម្លាំងជើងអាកាសទាំងអស់ត្រូវបន្តលើកកម្ពស់ការតាំងចិត្តខាងនយោបាយចិត្តសាស្រ្តរបស់កងទ័ព ដើម្បីបន្តជំរុញអនុវត្តដោយឆន្ទៈមោះមុត ស្រុះដៃគ្នាក្នុងការកែទម្រង់លើគ្រប់វិស័យឲ្យកាន់តែស៊ីជម្រៅប្រកបដោយប្រសិទ្ធភាព តាមបាវចនា២«កែទម្រង់ខាងក្នុង និងបង្កើនមិត្តខាងក្រៅក្នុងស្មារតីឯករាជ្យ» និងអភិក្រមទាំង៥«ឆ្លុះកញ្ចក់ ងូតទឹក ដុះក្អែល ព្យាបាលនិងវះកាត់»ជាដើម។យ៉ាងណាក៏ដោយនាយឧត្តមសេនីយ៍ ក៏បានថ្លែងកោតសរសើរចំពោះកងទ័ពជើងអាកាសទាំងអស់ដែលបានខិតខំបំពេញការរបស់ខ្លួនបានល្អប្រសើផងដែរ ក្នុងការចូលរួមជាមួយភាគីពាក់ព័ន្ធក្នុងការដឹកជញ្ជូននូវវ៉ាក់សាំងប្រឆាំងកូវីដ១៩ ចាក់ជូនដល់បងប្អូនប្រជាពលរដ្ឋនៅតាមបណ្តាខេត្ត ៕អត្ថបទ៖ បាន ចក់

ក្រុមអ្នកផលិត ជំរុញការប្រើប្រាស់ និងការគាំទ្រពីប្រជាពលរដ្ឋលើផលិតផលក្នុងស្រុក

ភ្នំពេញ៖ ប្រធានសមាគមផលិតចំណីអាហារកម្ពុជា បានអំពាវនាវប្រជាពលរដ្ឋខ្មែរទាំងអស់ ឲ្យងាកមកប្រើប្រាស់ និងទទួលទានផលិតផលក្នុងស្រុកឲ្យច្រើនផុសផុល ដើម្បីលើកកម្ពស់កិត្យានុភាពជាតិ ក៏ដូចជាលើកទឹកចិត្តដល់អ្នកផលិត និងស្ទួយជីវភាពប្រជាកសិករ។លោក មៀវ សុខទ្រី ប្រធានសមាគមផលិតចំណីអាហារកម្ពុជា ក្រោយពិធីសម្ពោធជាផ្លូវការនូវផលិតផលរមៀតកែច្នៃរបស់សហគ្រាសរីងហ្គាខេម កាលពីព្រឹកថ្ងៃទី១៩ កុម្ភៈ ឆ្នាំ២០២២នេះ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវីថា គិតត្រឹមរយៈពេល ៥ឆ្នាំចុងក្រោយនេះ ទោះបីជាវិស័យចំណីម្ហូបអាហារមានភាពរីកចម្រើនក្តី ប៉ុន្តែការគាំទ្ររបស់អ្នកប្រើប្រាស់ ហាក់នៅមានកម្រិត ដែលបនេះទាមទារឲ្យរដ្ឋាភិបាល និងស្ថាបនពាក់ព័ន្ធត្រូវចូលរួមដោះស្រាយ ទាក់ទិននឹងការលើកកម្ពស់ការប្រើប្រាស់ផលិតផលក្នុងស្រុកឲ្យច្រើនជាងផលិតនាំចូល ជាពិសេសគឺការដោះស្រាយបញ្ហាប្រឈមទាំងឡាយរបស់សហគមន៍អ្នកផលិត។លោក បានសំណូមពរថែមទៀតទៅដល់ប្រជាពលរដ្ឋ លើផលិតផលខ្មែរដែលបានចុះបញ្ជី ព្រោះថាទាំងសមាគម និងវិទ្យាស្ថានជំនាញផ្សេងៗ បានខិតខំយកចិត្តទុកដាក់ក្នុងការសិក្សាស្រាវជ្រាវ ផ្តល់នូវបច្ចេកវិទ្យាថ្មីៗ ដើម្បីធ្វើឲ្យផលិតផលខ្មែរកាន់តែមានគុណភាព និងមានអាហារូបត្ថម្ភល្អៗ។ជាមួយគ្នានេះ លោក ហ៊ឺ វណ្ណៈ នាយកប្រតិបត្តិសហគ្រាស រីងហ្គាខេម ដែលជាក្រុមហ៊ុនឈានមុខ ក្នុងការផ្តត់ផ្គង់អាហារទ្រទ្រង់សុខភាពពីធម្មជាតិ ដូចជាម្សៅល្មៀត ម្សៅមើមខ្ញី ម្សៅចេក ទឹកញ៉ និងផ្សិតលីងជឺជាដើម បានអំពាវនាវ ប្រជាពលរដ្ឋខ្មែរ សូមងាកមកគាំទ្រឲ្យកាន់តែច្រើនបន្ថែមទៀត ដោយជួយជ្រោមជ្រែង និងលើកទឹកចិត្តដល់ផលិតផលខ្មែរ ដែលកំពុងតែផលិតនិងកែច្នៃយ៉ាងយកចិត្តទុកដាក់ ដើម្បីផលិតបានផលិតផលដែលមានគុណភាពខ្ពស់ និងមិនប៉ះពាល់សុខភាពដល់អ្នកប្រើប្រាស់ក្នុងស្រុក។តាមរយៈកញ្ចប់ថវិកាជំនួយឥតសំណងរបស់ USAID លើកគម្រោង កម្ពុជាហាវែស II លោក ហ៊ឺ វណ្ណៈ បានបញ្ជាក់ថា គម្រោងនេះផ្តល់ការបណ្តុះបណ្តាលអំពីការអនុវត្ត ការដាំដុះតាមគោលការណ៍កសិកម្មល្អ និងបានចុះកិច្ចសន្យាកសិកម្មជាមួយកសិករចំនួន ៦០គ្រួសារ ក្នុងការទិញលក់ផលិតកសិកម្មរបស់ប្រជាកសិករខ្មែរ ដែលបានដាំដុះតាមគោលការណ៍កសិកម្មល្អនេះ។ លោក បន្តថា គម្រោងនេះ មានសារៈសំខាន់ណាស់ ក្នុងការលើកកម្ពស់កម្រិតជីវភាពរបស់ប្រជាកសិករខ្មែរឲ្យប្រសើរល្អជាងមុន ជួយកាត់បន្ថយចំណាកស្រុក ជួយបង្កើតការងារសម្រាប់ប្រជាពលរដ្ឋកម្ពុជា ជួយជំរុញ និងលើកស្ទួយការអភិវឌ្ឍ និងអភិរក្សវិស័យកសិកម្មនៅកម្ពុជា ជាពិសេស បានលើកទឹកចិត្តផលិតករកែច្នៃក្នុងស្រុក មានលទ្ធភាពបន្តបេសកម្មក្នុងការអភិវឌ្ឍន៍ផលិតផលខ្មែរ ឲ្យមានស្តង់ដារគុណភាពអនាម័យ និងសុវត្ថិភាពខ្ពស់ សម្រាប់អ្នកប្រើប្រាស់ក្នុងស្រុក៕អត្ថបទ៖ ឈិត បូរ៉ាវី

អាជ្ញាធរ ជំរុញការចាក់វ៉ាក់សាំងដូសជំរុញជូនកម្មករ ខណៈតាមរោងចក្រពង្រឹងវិធានការបង្ការអូមីក្រុង

ភ្នំពេញ៖ ស្របពេលប៉ុន្មានថ្ងៃចុងក្រោយ មានការរកឃើញអ្នកវិជ្ជមានកូវីដ១៩ ប្រភេទអូមីក្រុងកើនឡើង អាជ្ញាធររាជធានីភ្នំពេញ បានជំរុញការចាក់វ៉ាក់សាំងជូនកម្មករ-កម្មការិនី ក្នុងវិស័យកាត់ដេរ ខណៈតាមបណ្តារោងចក្របន្តពង្រឹងវិធានការបង្ការការឆ្លងជំងឺកូវីដ១៩។បន្ទាប់ពីរាជរដ្ឋាភិបាលបានចេញសេចក្តីណែនាំស្តីពីការពង្រឹងការអនុវត្តន៍វិអានការប្រយុទ្ធ និងទប់ស្កាត់ការឆ្លងរាលដាលក្នុងសហគមន៍ ជាពិសេសវីរុសបំប្លែងថ្មីអូមីក្រុង អាជ្ញាធររាជធានីភ្នំពេញ ដោយបានសហការជាមួយក្រសួងការងារ និងបណ្តុះបណ្តាលវិជ្ជាជីវៈ បានបន្តដំណើរការចាក់វ៉ាក់សាំងបង្ការជំងឺកូវីដ១៩ ដូសជំរុញ ជូនកម្មករ-កម្មការិនី តាមរោងចក្រ សហគ្រាស សំដៅពង្រឹងភាពសាំក្នុងសហគមន៍ និងក្នុងរោងចក្រ ដើម្បីបញ្ចៀសហានិភ័យនៃការរីករាករាលដាលជំងឺកូវីដ១៩ ដោយត្រូវអនុវត្តម៉ឺងម៉ាត់នូវវិធានការសុខាភិបាល។ពាក់ព័ន្ធនឹងដំណើរការចាក់វ៉ាក់សាំងដូសជំរុញជូនកម្មករ-កម្មការិនី អាជ្ញាធររាជធានីភ្នំពេញ និងក្រសួងការងារ និងបណ្តុះបណ្តាលវិជ្ជាជីវៈ ក៏ដូចជានិយោជក បានរៀបចំ និងអនុញ្ញាតឲ្យកម្មករបានទៅចាក់វ៉ាក់សាំងតាមទីតាំង ដែលបានកំណត់ ខណៈរោងចក្រ សហគ្រាសមួយចំនួនមានការចុះចាក់វ៉ាក់សាំងជូនកម្មករដោយផ្ទាល់ផងដែរ។កម្មករ-កម្មការិនី ដែលបម្រើការនៅរោងចក្រ វ៉ាន់ហ៊ីដា បានលើកឡើងថា វ៉ាក់សាំងពិតមានសារៈសំខាន់ជួយសុខភាពពួកគាត់ ហើយធានាមិនបង្កការប៉ះពាល់ដល់ការងារប្រចាំថ្ងៃ។យ៉ាងណាក៏ដោយ កម្មករ-កម្មការិនី បានឲ្យដឹងថា ដើម្បីកាន់តែធានាដល់សង្វាក់ការងាររបស់ខ្លួន គឺពួកគាត់ចូលរួមអនុវត្តវិធានការសុខាភិបាលជាប់ជាប្រចាំ ដោយពាក់ម៉ាសឲ្យបានត្រឹមត្រូវ រក្សាគម្លាត ។គួរបញ្ជាក់ថា ដំណើរការចាក់វ៉ាក់សាំងបង្ការជំងឺកូវីដ១៩ ដូសទី៣ ជូនកម្មករ-កម្មការិនី នៅរាជធានីភ្នំពេញ អាចនឹងសម្រេចបាន ១០០ភាគរយ ក្នុងរយៈពេល២សប្តាហ៍ទៀត ខណៈកម្មករ-កម្មការិនី សេសសល់ប្រមាណជិត ៥ម៉ឺននាក់កំពុងទៅទទួលវ៉ាក់សាំងជាបន្តបន្ទាប់៕ អត្ថបទ សេក ឧត្តម

សម្តេចតេជោ កោតសរសើរការខិតខំរបស់ក្រុមប្រឹក្សាជាតិកម្ពុជា ដើម្បីស្ត្រីបើទោះបីស្ថិតក្នុងបរិបទកូវីដ-១៩

ភ្នំពេញ៖ នៅវិមានសន្តិភាព ព្រឹកថ្ងៃទី២១កុម្ភៈនេះ ក្រុមប្រឹក្សាជាតិកម្ពុជាដើម្បីស្ត្រី ដែលមានហ្លួងម៉ែជាព្រះប្រធានកិត្តិយស បានបើកកិច្ចប្រជុំបូកសរុបលទ្ធផលការងារឆ្នាំ២០២០-២០២១ និងលើកទិសដៅការងារសម្រាប់ឆ្នាំ២០២២ ក្រោមអធិបតីភាពដ៏ខ្ពង់ខ្ពស់សម្តេចតេជោនាយក រដ្ឋមន្ត្រី និងជាអនុប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី។សម្តេចតេជោ ហ៊ុន សែន បានថ្លែង នូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់ក្រុមប្រឹក្សាជាតិកម្ពុជាដើម្បីស្ត្រី ដែលបានរួមចំណែកយ៉ាងសកម្មក្នុងការកសាង និងអភិវឌ្ឍន៍សង្គមជាតិ។សម្តេច បានបន្តថា បច្ចុប្បន្ន ស្ត្រីបានចូលរួមចំណែកក្នុងកិច្ចការងារជាច្រើនក្នុងវិស័យផ្សេងៗ ដូចជាវិស័យសុខាភិបាល វិស័យសេវាកម្ម ដូចជាធនាគារ សណ្ឋាគារ ភោជនីយដ្ឋាន និងគ្រូបង្រៀន រួមទាំងវិស័យយោធាផងដែរ។ក្នុងកិច្ចប្រជុំ លោកជំទាវ ជូ ប៊ុនអេង តំណាងលោកជំទាវ អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងជាប្រធានក្រុមប្រឹក្សាជាតិកម្ពុជាដើម្បីស្រ្តី បានថ្លែងថា «ការអភិវឌ្ឍសមត្ថភាពស្ត្រីជាថ្នាក់ដឹកនាំនៅថ្នាក់ជាតិ និងថ្នាក់ក្រោមជាតិការអភិវឌ្ឍសមត្ថភាពដល់ស្ត្រីជាថ្នាក់ដឹកនាំ និងមន្ត្រីរាជការជានារី នៅថ្នាក់ជាតិ ត្រូវបានយកចិត្តទុកដាក់ខ្ពស់ដោយថ្នាក់ដឹកនាំស្ថាប័ន ។ ពីឆ្នាំ២០២០-២០២១ ស្ត្រីចំនួន ២.២៣៥ នាក់ នៃចំនួនអ្នកចូលរួមសរុប ៣.៨៧១នាក់ បានចូលរួមសិក្ខាសាលា វគ្គបណ្តុះបណ្តាល និងជំនាញនានាទាំងក្នុងប្រទេស និងក្រៅប្រទេស»។ក្នុងកិច្ចប្រជុំលោកជំទាវ ជូ ប៊ុនអេង បន្តថា «នៅរដ្ឋបាលថ្នាក់ក្រោមជាតិក្រសួងកិច្ចការនារី បានរៀបចំកម្មវិធីអភិវឌ្ឍន៍សមត្ថភាពមន្ត្រីកិច្ចការនារីក្នុងការអនុវត្តការងារ ការស្វែងរកការគាំទ្រមតិ ការបញ្ជ្រាបយេនឌ័រ និងបរិយាបន្ន សីលធម៌សង្គម និងភាពជាអ្នកដឹកនាំ និងដាក់បញ្ចូលទៅក្នុងកម្មវិធីវិនិយោគឃុំ សង្កាត់ និងសមាហរណកម្មផែនការឃុំ សង្កាត់ ថ្នាក់ ក្រុង ស្រុក ខណ្ឌ។ក្រសួងបានបើកវគ្គតាមប្រព័ន្ធអនឡាញ ដើម្បីពង្រឹងតួនាទីស្ត្រីក្នុងភាពជាអ្នកដឹកនាំ និងភារកិច្ចរបស់គណៈកម្មាធិការពិគ្រោះយោបល់កិច្ចការស្រ្តី និងកុមារ អ្នកចូលរួម ១ .១២៣ នាក់(ស្រ្តី៨៤០នាក់)»។ លោកជំទាវ បន្តថា «ដូចរៀងរាល់ឆ្នាំកន្លងមកដែរឆ្នាំ២០២២ នេះ ក្រុមប្រឹក្សាជាតិកម្ពុជាដើម្បីស្ត្រី បានសម្របសម្រួលរៀបចំរបាយការណ៍វឌ្ឍនភាពឆ្នាំ២០២០-២០២១ និងផែនការសកម្មភាពការងារឆ្នាំ២០២២ ដោយមានការចូលរួមផ្តល់ធាតុចូលរបាយការណ៍ពីក្រសួង ស្ថាប័ន អាជ្ញាធរមានសមត្ថកិច្ចគ្រប់លំដាប់ថ្នាក់ និងការផ្តល់យោបល់ពីក្រុមការងារបច្ចេកទេសយេនឌ័រ ព្រមទាំងការឯកភាពពីសមាជិក សមាជិកា នៃក្រុមប្រឹក្សាជាតិកម្ពុជាដើម្បីស្ត្រី ។ លោកជំទាវ បញ្ជាក់ថា «របាយការណ៍លទ្ធផលការងារឆ្នាំ២០២០-២០២១ បង្ហាញពីវឌ្ឍនភាពការប្រឈមថ្មីៗ និងចំណុចសេសសល់ទាំងឡាយ ដែលយើងទាំងអស់គ្នាចាំបាច់ត្រូវខិតខំបន្តការដោះស្រាយក្នុងបរិការណ៍នៃជំងឺកូវីដ ១៩ ដើម្បីស្តារ និងជំរុញការអភិវឌ្ឍគ្រប់វិស័យ តាមរយៈការបន្តអនុវត្តវិធានការផ្នែកគោលនយោបាយ កម្មវិធីនិងសកម្មភាពជាក់លាក់នានា ក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី ដើម្បីការអភិវឌ្ឍប្រកបដោយបរិយាប័ន្ន និងចីរភាព។លោកជំទាវ ជូ ប៊ុនអេង បានថ្លែង នូវអំណរគុណដ៏ជ្រាលជ្រៅជូនចំពោះ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាអនុប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី ដែលបានផ្តល់អាទិភាពខ្ពស់ក្នុងការជំរុញ និងលើកកម្ពស់សមភាពយេនឌ័រ និងស្ថានភាពស្រ្តីលើគ្រប់វិស័យ និងគ្រប់កម្រិត ក្នុងការអនុវត្តច្បាប់ គោលនយោបាយ និងវិធានការនានា តាមរយៈយន្តការថ្នាក់ជាតិ និងថ្នាក់ក្រោមជាតិ ជាពិសេស សម្តេចតេជោនាយករដ្ឋមន្ត្រី ដែលជានិច្ចកាលតែងផ្តល់នូវការគាំទ្រយ៉ាងពេញទំហឹងទាំងស្មារតី និងថវិកាដល់ដំណើរការសកម្មភាពរបស់ក្រុមប្រឹក្សាជាតិកម្ពុជា ដើម្បីស្ត្រី ឱ្យសម្រេចបាននូវវឌ្ឍនភាពជាទីមោទនៈ ក្រោមសុខសន្តិភាពជាតិ »។សូមជំរាបថា «ក្រុមប្រឹក្សាជាតិកម្ពុជា ដើម្បីស្ត្រី» មានហ្លួងម៉ែ ជាព្រះប្រធានកិត្តិយស និងសម្តេចតេជោ ហ៊ុន សែន ជាអនុប្រធានកិត្តិយស។ ចាប់តាំងពីឆ្នាំ២០០៦មក ថ្នាក់ដឹកនាំនៃ «ក្រុមប្រឹក្សាជាតិកម្ពុជា ដើម្បីស្រ្តី» តែងតែបើកកិច្ចប្រជុំជាទៀងទាត់រៀងរាល់មួយឆ្នាំម្តង ក្រោមអធិបតីភាពសម្តេចតេជោ ហ៊ុន សែន។ កិច្ចប្រជុំធ្វើឡើងដើម្បីតាមដាន និងត្រួតពិនិត្យរាល់សកម្មភាពការងារ និងការអនុវត្តរាល់អនុសាសន៍លើការងារមួយចំនួនរបស់ «ក្រុមប្រឹក្សាជាតិកម្ពុជា ដើម្បីស្ត្រី» ក្នុងការចូលរួមចំណែកជាមួយរាជរដ្ឋាភិបាល ដើម្បីលើកកម្ពស់សិទ្ធិសេរីភាពឋានៈតួនាទី ពិសេសការចូលរួមដោះស្រាយរាល់ការងារជាអាទិភាពនានារបស់ស្ត្រី៕អត្ថបទ មុត សុទ្ធ

ឧត្តមសេនីយ៍ឯក ហ៊ុន ម៉ាណែត ក្រើនរំលឹកដល់កងទ័ពទាំងអស់ ត្រូវស្តាប់ រាល់បទបញ្ជារបស់រាជរដ្ឋាភិបាល

ភ្នំពេញ៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានក្រើនរំលឹកដល់យោធា នៃកងពលតូចអន្តរាគមន៍លេខ៦ ទាំងអស់ ត្រូវមានភាពស្មោះត្រង់ជាដាច់ខាត ចំពោះជាតិសាសនា ព្រះមហាក្សត្រ និងគោរពឲ្យបានម៉ឺងម៉ាត់បំផុតចំពោះរាល់បទបញ្ជារបស់រាជរដ្ឋាភិបាលដែលបានប្រគល់ជូន។ថ្លែងនៅក្នុងពិធីសម្ពោធ ដាក់ឱ្យប្រើប្រាស់ជាផ្លូវការ អគារទីបញ្ជាការ និងសមិទ្ធផលនានារបស់កងពលតូចអន្តរាគមន៍លេខ៦ នៅឧត្តរមានជ័យ ថ្ងៃទី២០ ខែកុម្ភៈ ឆ្នាំ២០២២នេះ ឧត្តមសេនីយ៍ឯក ហ៊ុន ម៉ាណែត បានលើកឡើងថា ក្នុងនាមជាកងទ័ព«សូមរក្សាភាពស្មោះត្រង់ដាច់ខាតចំពោះ ជាតិ សាសនា ព្រះមហាក្សត្រ និងគោរពឱ្យបានម៉ឺងម៉ាត់នូវរាល់បទបញ្ជារបស់រាជរដ្ឋាភិបាល ក្រសួងការពារជាតិ និងអគ្គបញ្ជាការដ្ឋាន។ ព្រមទាំងបន្តយកចិត្តទុកដាក់ស្វែងយល់ អំពីសភាពការណ៍ថ្មីៗ ដើម្បីលើកកម្ពស់មនសិការស្នេហាជាតិ បង្កើនការយកចិត្តទុកដាក់ហ្វឹកហ្វឺនរៀនសូត្រ និងយកអស់កម្លាំងកាយចិត្តហ្វឹកហាត់គ្រប់ជំនាញជាដើម»។ជាមួយគ្នានោះលោកឧត្តមសេនីយ៍ឯក ក៏បានអំពាវនាវដល់កងទ័ពទាំងអស់សូមបន្តសហការល្អជាមួយអាជ្ញាធរដែនដីគ្រប់លំដាប់ថ្នាក់ ដើម្បីពង្រឹងសន្តិសុខ និងសណ្តាប់ធ្នាប់សាធារណៈ រួមចំណែកក្នុងការកសាងភូមិ-ឃុំ មានសុវត្ថិភាព ព្រមជាមួយនឹងការបន្តប្រសិទ្ធភាពនៃការអនុវត្ត តួនាទី និងភារកិច្ចរបស់កងទ័ពក្នុងការពង្រឹងខឿនការពារជាតិ ការពារឯករាជ្យ អធិបតេយ្យ បូរណភាពទឹកដី និងសន្តិភាព។លើសពីនេះទៀត កងទ័ពទាំងអស់សូមបន្តយកចិត្តទុកដាក់ត្រៀមកម្លាំង មធ្យោបាយ និងសម្ភារៈ ជួយសង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយនានា នៅក្នុងភូមិសាស្ត្រទទួលខុសត្រូវឱ្យបានរហ័សបំផុត ដើម្បីឱ្យស័ក្តិសមជាកូនចៅពិតប្រាកដរបស់ប្រជាជន ដែលហ៊ានធ្វើពលិកម្មគ្រប់យ៉ាងដើម្បីជាតិមាតុភូមិជាដើម។នៅក្នុងកម្មវិធីនោះដែរ ឧត្តមសេនីយ៍ឯក ហ៊ុន ម៉ាណែត ក៏បានចូលរួមអបអរសាទរចំពោះការរីកចម្រើនជាលំដាប់របស់កងពលតូចអន្តរាគមន៍លេខ៦ ដែលស្តែងឡើងតាមរយៈការសម្រេចបាននូវការកសាងសមិទ្ធផលជាច្រើន ដើម្បីធ្វើយ៉ាងណាឱ្យការបំពេញការងារប្រចាំថ្ងៃ ក៏ដូចជាការរស់នៅ និងហ្វឹកហ្វឺនរៀនសូត្ររបស់យោធិន អាចត្រូវបានលើកកម្ពស់កាន់តែប្រសើរឡើងថែមទៀត។ លោកឧត្តមសេនីយ៍ ក៏បានវាយតម្លៃខ្ពស់ចំពោះកងពលតូចអន្តរាគមន៍លេខ៦ ក៏ដូចជាកងពលធំអន្តរាគមន៍លេខ២ និងបណ្តាស្ថាប័ន- កងឯកភាពចំណុះផ្សេងទៀត ដែលកន្លងមក បានយកចិត្តទុកដាក់ប្រមូលផ្តុំអនុវត្តភារកិច្ចសម្រេច បានលទ្ធផល និងស្នាដៃការងារល្អប្រសើរជាច្រើនគួរជាទីមោទនៈ ដោយធានាបាននូវការពង្រឹង ប្រៀបការពារជាតិក្នុងភូមិសាស្ត្រទទួលខុសត្រូវឱ្យមានប្រសិទ្ធភាពជាប់ជាប្រចាំ និងការបំពេញកិច្ចសហការជាមួយអាជ្ញាធរដែនដី សមត្ថកិច្ចពាក់ព័ន្ធក្នុងការថែរក្សាការពារសន្តិសុខ របៀបរៀបរយ និងសណ្តាប់ធ្នាប់សាធារណៈ បានល្អប្រសើរជូន ប្រជាពលរដ្ឋ ក៏ដូចជាការជួយសង្គ្រោះប្រជាពលរដ្ឋក្នុងយថាហេតុផ្សេងៗ។ ជាពិសេសសកម្មភាពចូលរួមចំណែកនានានៅក្នុងយុទ្ធនាការទប់ស្កាត់ និងប្រយុទ្ធនឹងជំងឺកូវីដ-១៩ ក្នុងរយៈកាលកន្លងមកនេះផងដែរ៕ អត្ថបទ៖ បាន ចក់

ឯកឧត្តម វង សូត បានជំរុញបេក្ខជនឈរឈ្មោះអាណត្តិថ្មីត្រូវបំពេញតួនាទីបម្រើពលរដ្ឋឱ្យល្អ

ត្បូងឃ្មុំ៖ ឯកឧត្តម វង សូត បានជំរុញបេក្ខជនឈរឈ្មោះបោះឆ្នោតឃុំ-សង្កាត់ សម្រាប់អាណត្តិថ្មី ត្រូវបំពេញតួនាទីបម្រើប្រជាពលរដ្ឋនៅតាមមូលដ្ឋានឲ្យល្អ ដើម្បីដណ្តើមជ័យលាភី ក្នុងការបោះឆ្នោតខាងមុខនេះ។ឯកឧត្តម វង សូត ប្រធានក្រុមការងារថ្នាក់ជាតិ ចុះជួយស្រុកពញាក្រែក ខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង ក្នុងកិច្ចប្រជុំផ្សព្វផ្សាយរបាយការណ៍ ស្តីពីសភាពការណ៍ទូទៅ និងការងារគណបក្សឆ្នាំ២០២១ និងលើកទិសដៅភារកិច្ចឆ្នាំ២០២២ និងសេចក្តីជូនដំណឹង ស្តីពីលទ្ធផលនៃសន្និបាតគណៈកម្មាធិការកណ្តាលលើកទី៤៣ របស់ស្រុកពញាក្រែក ខេត្តត្បូងឃ្មុំ នៅថ្ងៃទី១៩ ខែកុម្ភៈនេះ បានលើកចិត្តដល់សមាជិកសមាជិកាគណបក្សទាំងអស់ ឱ្យខិតខំយកចិត្តទុកដាក់កែលម្អនូវចំណុចអវិជ្ជមាន និងត្រូវបំពេញតួនាទីជាថ្នាក់ដឹកនាំ បម្រើសេវាជូនប្រជាពលរដ្ឋឲ្យល្អប្រសើរ ពោលគឺបេក្ខជនទាំងពេញសិទ្ធ ទាំងបម្រុង ត្រូវពង្រីកសមាជិកថ្មីឲ្យបានច្រើន ហើយត្រូវផ្សព្វផ្សាយពីស្នាដៃ សមិទ្ធផល របស់គណបក្សប្រជាជនកម្ពុជា ដែលកំពុងដឹកនាំប្រទេសជាតិឈានទៅរកការអភិវឌ្ឍរីកចម្រើនជាបន្តបន្ទាប់ទៀត។ឯកឧត្ដម បានស្នើដល់បេក្ខជនឈរឈ្មោះត្រៀមបោះឆ្នោត ក្នុងអាណត្តិទី៥ (ឆ្នាំ២០២២-២០២៧) ត្រូវរៀបចំ ខ្លួនឲ្យស្របតាមបែបបទច្បាប់ត្រឹមត្រូវ ព្រោះនៅសល់រយៈពេលប្រមាណ៣ខែទៀត តែប៉ុណ្ណោះ ត្រូវបង្ហាញពីជំនឿជាក់ បង្កើនស្មារតីជួយអនុវត្តនយោបាយភូមិឃុំមានសុវត្ថិភាពជូនប្រជាពលរដ្ឋឲ្យបានល្អ។ឯកឧត្តម វង សូត បានអំពាវនាវដល់មន្ត្រីបក្សប្រជាជនកម្ពុជាទាំងអស់ ឱ្យយកចិត្តទុកដាក់លើការងារប្រយុទ្ធ ប្រឆាំងនឹងការឆ្លងរីករាលដាលជំងឺកូវីដ-១៩ ដោយត្រូវបន្តផ្សព្វផ្សាយរំលឹកពលរដ្ឋឱ្យបន្តអនុវត្តវិធានការសុខាភិបាល និងវិធានការ បីកុំ បីការពារ និងត្រូវរៀនរស់តាមគន្លងថ្មី ហើយជាពិសេសនោះ ត្រូវរួមគ្នាអនុវត្តគោលនយោបាយភូមិឃុំ មានសុវត្ថិភាពឲ្យបានល្អប្រសើរ៕អត្ថបទ៖ ថុង សីហា

អភិបាលខេត្តបាត់ដំបង ជំរុញពលរដ្ឋទៅចាក់វ៉ាក់សាំងឱ្យបានគ្រប់ៗគ្នា

បាត់ដំបង៖ អភិបាលខេត្តបាត់ដំបង ឯកឧត្តម សុខ លូ បានបង្ហាញពីការព្រួយបារម្ភចំពោះការរីករាល នៃជំងឺកូវីដ-១៩ បំប្លែងខ្លួនថ្មី (អូមីក្រុង) ស្របពេលដែលអត្រាឆ្លងក្នុងមួយរយៈពេលចុងក្រោយនេះ មានការហក់ឡើង។ជាមួយនឹងការព្រួយបារម្ភនេះ ឯកឧត្តម បានណែនាំដល់អាជ្ញាធរគ្រប់លំដាប់ថ្នាក់ ត្រូវជំរុញពលរដ្ឋ ឱ្យទៅទទួលការចាក់វ៉ាក់សាំងឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញ។ក្នុងពិធីបិទវគ្គបណ្ដុះបណ្ដាលគ្រូបង្គោលថ្នាក់ខេត្ត ក្រុង ស្រុក ជុំទី៣ ស្ដីពីកម្មវិធីការអប់រំភាពជា អ្នកដឹកនាំ កាលពីម្សិលមិញ ឯកឧត្តម សុខ លូ បានណែនាំដល់សិក្ខាកាមគ្រូបង្គោលទាំងអស់ ពេលត្រឡប់ទៅវិញ ត្រូវជួយជំរុញប្រជាពលរដ្ឋឱ្យទៅទទួលការចាក់វ៉ាក់សាំងគ្រប់ៗគ្នា ដើម្បីចូលរួមទប់ស្កាត់ជំងឺកូវីដ-១៩ ខណៈនៅក្នុងស្រុកសំឡូតកំពុងមានការឆ្លងរាលដាលអូមីក្រុង នៅក្នុងចំណោមគ្រូបង្រៀន។ឯកឧត្តម អភិបាលខេត្ត បានបញ្ជាក់ថា ប្រជាពលរដ្ឋ ដែលបានទៅចាក់វ៉ាក់សាំងដូសទី៣ មានប្រមាណជាង ៤០ភាគរយ នៃចំនួនប្រជាជនក្នុងខេត្តសរុប ដែលចំនួនអ្នកបានចាក់វ៉ាក់សាំងដូសជំរុញនេះ គឺតិចតួចបំផុត។គិតចាប់តាំងពីមានការរីករាលដាលជំងឺកូវីដ-១៩ រហូតមកដល់ពេលនេះ ខេត្តបាត់ដំបង មានអ្នកឆ្លងសរុបចំនួនជាង ១ម៉ឺន៤ពាន់នាក់ និងស្លាប់ចំនួន៣៦២នាក់៕អត្ថបទ៖ នឿត សុភក្ត្រ

បណ្ដាញសង្គម

ព័ត៌មានថ្មីៗ

ប្រជាជនអ៊ីរ៉ង់ គិតថាមានសម្ពាធខណៈទណ្ឌកម្មថ្មីរបស់សហរដ្ឋអាមេរិកកំពុងកើនឡើង

ឯកអគ្គរដ្ឋទូតអាមេរិកប្រចាំUN៖ កងទ័ពត្រូវបានកំណត់ពេលទៅដល់តំបន់ហ្កាហ្សាដើម្បីរក្សាសន្តិភាព

ព្រះមហាក្សត្រ៖ ការជ្រើសរើសព្រះរាជាណាចក្រកម្ពុជា និងរាជធានីភ្នំពេញ ជាទីតាំងសម្រាប់រៀបចំសន្និសីទ ISC មានអត្ថន័យពិសេសខ្លាំងណាស់

ព្រះមហាក្សត្រ៖ ការធ្វើជាម្ចាស់ផ្ទះសន្និសីទប្រធានសភាអន្តរសភា លើកទី២ គឺជាមោទនភាពដ៏ធំធេងសម្រាប់ប្រជាជាតិកម្ពុជា និងរួមចំណែកដ៏មានអត្ថន័យក្នុងការពង្រឹងកិច្ចសហប្រតិបត្តិការអន្តរសភា

កម្លាំងសមត្ថកិច្ចជិត ៧ពាន់ ការពារសន្តិសុខ សណ្តាប់ធ្នាប់ នៃសន្និសីទប្រធានសភានៃអន្តរសភា លើកទី២

អ្នកតំណាងក្រុមប្រឹក្សាសន្តិភាពរិះគន់គោលនយោបាយហ្កាហ្សារបស់អ៊ីស្រាអែល ខណៈផែនការរំសាយអាវុធជាប់គាំង

ព្យុះទីហ្វុងណារ៉ា(Narra)ឆក់យកជីវិតមនុស្ស២នាក់ និង៣នាក់រងរបួសក្នុងប្រទេសវៀតណាមភាគខាងជើង

សម្តេចតេជោ ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់បើកសន្និសីទប្រធានសភានៃអន្តរសភាលើកទី២ ដែលកម្ពុជាធ្វើជាម្ចាស់ផ្ទះ នៅរាជធានីភ្នំពេញ

សម្តេចតេជោ ហ៊ុន សែន អញ្ជើញទទួលស្វាគមន៍គណៈប្រតិភូ នៃសន្និសីទប្រធានសភា នៃអន្តរសភា លើកទី២

សម្តេចតេជោ ហ៊ុន សែន ទទួលជួបសម្តែងការគួរសមជាមួយប្រធានគណៈប្រតិភូ មុនពិធីបើក ISC-2

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ៖ ពលរដ្ឋមួយចំនួនចោលសំរាមពាសវាលពាសកាល តែបែរមកជេរអាជ្ញាធរទៅវិញ

សម្តេចតេជោ ស្នើកុំឱ្យកន្លែងលក់ថ្នាំពេទ្យដំឡើងថ្លៃស្រេចតែចិត្ត និងកុំឱ្យមានការលក់ថ្នាំក្លែងក្លាយ

សម្ដេចតេជោ៖ គ្មានការបិទប្រទេសទៀតទេ បើទោះជាអូមីក្រុងកំពុងរាលដាល

បញ្ជាការដ្ឋានកងទ័ពជើងអាកាសគាំទ្រដោយឥតងាករេចំពោះគោលនយោបាយរបស់រាជរដ្ឋាភិបាល

ក្រុមអ្នកផលិត ជំរុញការប្រើប្រាស់ និងការគាំទ្រពីប្រជាពលរដ្ឋលើផលិតផលក្នុងស្រុក

អាជ្ញាធរ ជំរុញការចាក់វ៉ាក់សាំងដូសជំរុញជូនកម្មករ ខណៈតាមរោងចក្រពង្រឹងវិធានការបង្ការអូមីក្រុង

សម្តេចតេជោ កោតសរសើរការខិតខំរបស់ក្រុមប្រឹក្សាជាតិកម្ពុជា ដើម្បីស្ត្រីបើទោះបីស្ថិតក្នុងបរិបទកូវីដ-១៩

ឧត្តមសេនីយ៍ឯក ហ៊ុន ម៉ាណែត ក្រើនរំលឹកដល់កងទ័ពទាំងអស់ ត្រូវស្តាប់ រាល់បទបញ្ជារបស់រាជរដ្ឋាភិបាល

ឯកឧត្តម វង សូត បានជំរុញបេក្ខជនឈរឈ្មោះអាណត្តិថ្មីត្រូវបំពេញតួនាទីបម្រើពលរដ្ឋឱ្យល្អ

អភិបាលខេត្តបាត់ដំបង ជំរុញពលរដ្ឋទៅចាក់វ៉ាក់សាំងឱ្យបានគ្រប់ៗគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចតេជោ៖ ពលរដ្ឋមួយចំនួនចោលសំរាមពាសវាលពាសកាល តែបែរមកជេរអាជ្ញាធរទៅវិញ

សម្តេចតេជោ ស្នើកុំឱ្យកន្លែងលក់ថ្នាំពេទ្យដំឡើងថ្លៃស្រេចតែចិត្ត និងកុំឱ្យមានការលក់ថ្នាំក្លែងក្លាយ

សម្ដេចតេជោ៖ គ្មានការបិទប្រទេសទៀតទេ បើទោះជាអូមីក្រុងកំពុងរាលដាល

បញ្ជាការដ្ឋានកងទ័ពជើងអាកាសគាំទ្រដោយឥត​ងាករេ​​ចំពោះ​គោល​នយោបាយ​របស់​រាជ​រដ្ឋាភិបាល

ក្រុមអ្នកផលិត ជំរុញការប្រើប្រាស់ និងការគាំទ្រពីប្រជាពលរដ្ឋលើផលិតផលក្នុងស្រុក

អាជ្ញាធរ ជំរុញការចាក់វ៉ាក់សាំង​ដូស​ជំរុញ​ជូន​កម្មករ ខណៈតាម​រោង​ចក្រ​ពង្រឹង​វិធាន​ការ​បង្ការ​អូមីក្រុង

សម្តេចតេជោ កោតសរសើរការខិតខំរបស់ក្រុមប្រឹក្សាជាតិកម្ពុជា ដើម្បីស្ត្រីបើទោះបីស្ថិតក្នុងបរិបទកូវីដ-១៩

ឧត្តមសេនីយ៍ឯក ហ៊ុន ម៉ាណែត ក្រើនរំលឹកដល់កងទ័ពទាំងអស់ ត្រូវស្តាប់ រាល់​បទបញ្ជា​របស់​រាជ​រដ្ឋាភិបាល

ឯកឧត្តម វង សូត បានជំរុញបេក្ខជនឈរឈ្មោះអាណត្តិថ្មីត្រូវបំពេញតួនាទីបម្រើពលរដ្ឋឱ្យល្អ

អភិបាលខេត្តបាត់ដំបង ជំរុញពលរដ្ឋទៅចាក់វ៉ាក់សាំងឱ្យបានគ្រប់ៗគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

បញ្ជាការដ្ឋានកងទ័ពជើងអាកាសគាំទ្រដោយឥតងាករេចំពោះគោលនយោបាយរបស់រាជរដ្ឋាភិបាល

អាជ្ញាធរ ជំរុញការចាក់វ៉ាក់សាំងដូសជំរុញជូនកម្មករ ខណៈតាមរោងចក្រពង្រឹងវិធានការបង្ការអូមីក្រុង

ឧត្តមសេនីយ៍ឯក ហ៊ុន ម៉ាណែត ក្រើនរំលឹកដល់កងទ័ពទាំងអស់ ត្រូវស្តាប់ រាល់បទបញ្ជារបស់រាជរដ្ឋាភិបាល