នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឆមាសទី១ឆ្នាំ២០២៦ កម្ពុជានាំចេញគ្រាប់ស្វាយចន្ទី មានទឹកប្រាក់ជាង ១,១ ពាន់លានដុល្លារអាមេរិក
មូលនិធិអភិវឌ្ឍន៍ EDFមើលឃើញថា ធុរកិច្ចបណ្តុះបណ្ដាលថ្មី និងSME ជាក្បា​ល​ម៉ាស៊ីន​ជំរុញ​កំណើន​សេដ្ឋកិច្ច​កម្ពុជា
លំហូរទឹកប្រាក់វិនិយោគចូលកម្ពុជានៅឆមាសទី១ ឆ្នាំ២០២៦ មាន ៤.៣ ប៊ីលានដុល្លារ កើនឡើង ៧ដង
កម្ពុជាមានរោងចក្រ-សហគ្រាសក្នុងវិស័យកម្មន្តសាលកំពុងដំណើរការ បានកើនដល់ ៤៧,៧ ពាន់

សេដ្ឋកិច្ច និង កសិកម្ម

ទិន្នផលស្រូវរបស់កសិករក្នុងស្រុកស្វាយជ្រំ បានបាត់បង់ដោយសារកត្តាធម្មជាតិ

2021/11/22 07:45:08 pm        496
Facebook Telegram Linkin
ស្វាយរៀង ៖ លោក ចាប ថុល ពលរដ្ឋរស់នៅភូមិតាស្អាង ឃុំកំពង់ចំឡង ស្រុកស្វាយជ្រំ ខេត្តស្វាយរៀង នៅថ្ងៃទី ២១ខែវិច្ឆិកាម្សិលមិញនេះ បានប្រាទូរទស្សន៍ប៊ីធីវីឲ្យដឹងថា ផលស្រូវឆ្នាំនេះ ទាំងគ្រួសារលោក និងគ្រួសារពលរដ្ឋឯទៀត នៅក្នុងស្រុកទាំងមូល មានការបាតបង់ផលស្រូវជាង ៥០ភាគរយ បន្ទាប់ពីធ្វើការ ប្រមូលផលរួច។លោកបានបញ្ជាក់ថា ឆ្នាំនេះ ស្រូវដែលក្រុមកសិករធ្វើពីដើមរដូវ មានការលូតលាស់ចេញ ផ្លែ ផ្កា ល្អ ណាស់ តែដល់ពេលធ្វើការប្រមូលផល ត្រូវបានភ្លៀងបង្អុរធ្វើឱ្យដើមស្រូវដួល ទឹកជន់លិច ពិបាក​ក្នុងការ ច្រូតកាត់ប្រមូលផល ហើយត្រូវបានបាត់បង់ច្រើនបើប្រៀបធៀបឆ្នាំមុន ឯតម្លៃស្រូវ ក៏មានការចុះថោកគួរ ឱ្យព្រួយបារម្ភក្នុងការទូទាត់ប្រាក់ថ្លៃឈ្នួលពលកម្ម។លោក សុខ សុទ្ធាវុធ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង បានបញ្ជាក់ថា ស្រូវនៅក្នុងស្រុកស្វាយជ្រុំ ក៏ដូចនៅស្រុកក្រុងទាំង៧ទៀត ​ពិតជាមានការខូចខាតច្រើនមែន ពីព្រោះ​ភ្លៀង បានបង្អុរច្រើននៅចុងរដូវឆ្នាំនេះ ហើយពិបាកក្នុងការប្រមូលផល ឯទិន្នផល មិនអាចឆ្លើយតបទៅនឹងការ ​ចំណាយដើមទុនក្នុងការផលិតស្រូវទេសម្រាប់ឆ្នាំនេះ៕អត្ថបទ៖ ភា សារិត

រដ្ឋាករទឹកស្វយ័តក្រុងភ្នំពេញ ប្រមូលចំណូលលើអាជីវកម្មលក់ទឹកស្អាតបានជាង ២៦៧ពាន់លានរៀល

2021/11/19 01:09:41 pm        596
Facebook Telegram Linkin
ភ្នំពេញ ៖ ក្នុងរយៈពេល៩ខែ ឆ្នាំ២០២១ រដ្ឋាករទឹកស្វយ័តក្រុងភ្នំពេញ ប្រមូលចំណូលលើអាជីវកម្ម លក់ទឹកស្អាតសរុបបានចំនួនជាង ២៧៦ ពាន់លានរៀល កើនឡើងជិត ៣៩ ពាន់លានរៀល ស្មើនឹង ១៦,៨២% បើធៀបទៅនឹងរយៈពេលដូចគ្នាឆ្នាំ ២០២០ ។រដ្ឋាករទឹកស្វយ័តក្រុងភ្នំពេញ បង្ហាញរបាយការណ៍ ត្រីមាសទី៣ ឆ្នាំ២០២១ ក្នុងនោះរដ្ឋាករទឹក​ស្វយ័ត​ក្រុងភ្នំពេញ ​ប្រមូលចំណូល លើអាជីវកម្មលក់ទឹកស្អាត ​សរុបមានចំនួនជាង ១១៥ ពាន់លាន​រៀល កើនឡើងជាងត្រីមាសទី ​៣ ឆ្នំ២០២០ ក្នុងចំនួន២៨ ពាន់លាន រៀល ត្រូវប្រមាណ​ជាង ៣៣ %។ ចំណែកការប្រមូលចំណូលរយៈពេល ៩ ខែ ក្នុងឆ្នាំ ២០២១ នេះវិញ រដ្ឋាករទឹកស្វយ័តក្រុងភ្នំពេញ ប្រមូល​ចំណូលសរុបមានចំនួន ជាង ២៧៦ ពាន់លានរៀល កើនឡើងជិត ៣៩ ពាន់លានរៀល ស្មើនឹង ១៦,៤២% ​និងចំណេញសុទ្ធ សរុបជាង ១០៧ ពាន់លានរៀល កើនឡើងជាង ៣៧ ពាន់លានរៀល ​ស្មើនឹង ៥៤,២៧% បើធៀប​នឹងរយៈពេល ​៩ខែ​ គិត​ត្រឹមថ្ងៃទី​ ៣០ ខែកញ្ញា ឆ្នំា២០២០។ដោយ​ឡែកទ្រព្យ​សកម្ម​សម្រាប់វិនិយោគ, ​គិតត្រឹមរយៈពេល ៩ ដែរនេះ ​ទ្រព្យសកម្មសរុប របស់​រដ្ឋាករ​ទឹក​ស្វយ័តក្រុងភ្នំពេញ​មាន ចំនួនជាង ​២ ២៣៧ ​ពាន់លានរៀល ​កើនឡើងជាង ៣៧២ ពាន់លានរៀល​ ឬស្មើ​ប្រមាណជិត ២០% និងមូលធនសរុបមានចំនួនជាង ​១ ១៤៤ ពាន់លានរៀល កើនឡើងជាង ១៦២ ពាន់លានរៀល ​ស្មើប្រមាណ ១៦,៥៦% ។សូមបញ្ជាក់ថា ពាក់ព័ន្ធប្រព្រឹត្តកម្មទឹកស្អាត ​នៅក្នុងត្រីមាសទី ៣ ឆ្នាំ ២០២១ ដែលគ្រប់គ្រង់​ដោយ​រដ្ឋាករ​ទឹកស្វយ័តក្រុងភ្នំពេញ​ ក្នុងនោះ ​រោងចក្រភូមិព្រែក ​និងរោងចក្រជ្រោយចង្វារ ​អនុវត្ត​ជាក់​ស្តែងបាន ​ជាង ១៥ លានម៉ែត្រគូប, ​រោងចក្រចម្ការមនជិត ​៥ លានម៉ែត្រគូប, រោងចក្រនិរោធ ជាង ២៤ លានម៉ែត្រគូប, ​រោងចក្រម្លេច ជិត ៩ ​ម៉ឺនម៉ែត្រគូប និងរោងចក្រនៅខេត្តត្បូងឃ្មុំ មានចំនួនជាង ៦ ម៉ឺន​ម៉ែត្រគូប៕អត្ថបទ៖ សុន រ៉ាឌី

ម្ចាស់អាជីវកម្មនៅក្រុងភ្នំពេញសង្ឃឹមថា នឹងអាចរកចំណូលបានច្រើនក្នុងឱកាសបុណ្យអុំទូក

2021/11/19 07:57:58 pm        619
Facebook Telegram Linkin
ភ្នំពេញ ៖ បើទោះបីជាព្រះរាជពិធីបុណ្យអុំទូក មិនត្រូវបានប្រារព្ធក្ដី ប៉ុន្តែនាតំបន់មាត់ទន្លេ និងមុខព្រះបរមរាជវាំង នៅតែមានពលរដ្ឋទៅលេងកម្សាន្ត ដែលនាំឱ្យម្ចាស់អាជីវកម្មជាច្រើន រំពឹងទុកថា​ នឹងអាចរកប្រាក់ចំណូលបានគួរសម។បុគ្គលិកហាងតែ Britea English House មានទីតាំងនៅក្បែរព្រះបរមរាជវាំង ​បានឱ្យដឹងថា កាល​ពីថ្ងៃទី១ នៃពិធីបុណ្យអុំទូក ហាងនេះទទួលបានភ្ញៀវច្រើនគួរសម ​ដោយលក់ដាច់បានចំនួនជាង ១០០កែវ ខណៈថ្ងៃធម្មតា​ លក់បានតែចំនួន៥០ទៅ៦០កែវប៉ុណ្ណោះ។ លោកសង្ឃឹមទៀតថា នៅថ្ងៃទី២និងទី៣ នៃពិធីបុណ្យនេះ ​នឹងទទួលបានភ្ញៀវច្រើនបន្ថែមទៀត។ម្ចាស់អាជីវកម្មដទៃទៀត បានឱ្យដឹងដែរថា អំឡុងពេលពិធីបុណ្យទូកនេះ​ នៅបន្តលក់ជាធម្មតា ដោយ​សារ​អាច​រកប្រាក់​ចំណូល​ច្រើន​ជាងថ្ងៃធម្មតា ព្រោះមានមនុស្សដើរកម្សាន្ត​​ច្រើន​នៅ​ទីសាធារណៈ។ ការលុបចោល នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មិនមែនទើប តែឆ្នាំនេះទេ ​គឺកាលពីឆ្នាំមុនផងដែរ មូលហេតុដោយសារក្តីបារម្ភពីការឆ្លងរាលដាលនៃជំងឺកូវីដ១៩ បើ ទោះជាអត្រាឆ្លងក្នុងប្រទេសកម្ពុជា​បានធ្លាក់ចុះខ្លាំង ​និងប្រទេសត្រូវ​បានបើកឡើងវិញក្ដី។បើទោះជាមិនមានប្រារព្ធពិធីបុណ្យអុំទូក ​តែប្រជាពលរដ្ឋ ​ត្រូវបាន​អនុញ្ញាត​ឱ្យដើរកម្សាន្តទៅកាន់ ទីជិតឆ្ងាយតាមចិត្តចង់​ តែកុំភ្លេចវិធានការសុខាភិបាល ដើម្បីការពារខ្លួនកុំឱ្យឆ្លងជំងឺកូវីដ-១៩៕អត្ថបទ៖ ឈិត បូរ៉ាវី 

វិស័យកសិកម្ម បន្តមានសក្តានុពលខ្ពស់ក្នុងការជួយទ្រទ្រង់សន្តិសុខស្បៀងនៅកម្ពុជា

2021/11/16 07:15:21 pm        361
Facebook Telegram Linkin
ភ្នំពេញ ៖ វិស័យកសិកម្ម និងកសិ-ឧស្សាហកម្ម នឹងនៅបន្តមានសក្តានុពលខ្ពស់ក្នុងការជួយទ្រទ្រង់សន្តិសុខស្បៀង ការនាំចេញ និងស្រូបយកកម្លាំងពលកម្មក្នុងស្រុក ជាពិសេសជាចលករជំរុញកំណើននៃសេដ្ឋកិច្ចជាតិ។ នេះជាការលើកឡើងរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងកិច្ចប្រជុំចង្អៀត តាមរយៈប្រព័ន្ធអនឡាញ ដើម្បីពិនិត្យ និង ពិភាក្សាលើការងាររៀបចំ​សេចក្តី​ព្រាង​ក្របខណ្ឌយុទ្ធសាស្រ្ត ​និងកម្មវិធីស្តារ ​និងជំរុញកំណើនសេដ្ឋកិច្ចកម្ពុជា ក្នុងការរស់នៅ​ជាមួយ​កូវីដ-១៩ តាមកន្លងប្រក្រតីភាពថ្មី ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការ​គោល​នយោបាយសេដ្ឋកិច្ច និងហិរញ្ញវត្ថុ។យោងតាមរបាយការណ៍ស្តីពីសេចក្តីព្រាងក្របខណ្ឌយុទ្ធសាស្រ្ត ​និងកម្មវិធីស្តារ និងជំរុញ​កំណើន​សេដ្ឋកិច្ចកម្ពុជា​ បាន​គូស​រំលេច​បញ្ជាក់​ថា វិស័យកសិកម្មនៅបន្តមានសក្តានុពលខ្ពស់​ក្នុងការ​ជួយ​ទ្រទ្រង់​សន្តិសុខស្បៀង ​ជាពិសេសការគាំទ្រកំណើន​ និងការស្រូបយកអ្នកអត់ការងារធ្វើ។ ជាមួយគ្នានេះ រាជរដ្ឋាភិបាលបានដាក់ចេញនូវវិធានការគាំទ្រនានា និងការលើកទឹកចិត្តទាំង​ផ្នែក​សារពើពន្ធ និងហិរញ្ញប្បទានសំដៅជំរុញការវិនិយោគក្នុងវិស័យកសិកម្ម ក៏ដូចជាវិស័យកែច្នៃ​កសិកម្ម​ឱ្យរីកចម្រើន។វិធានការណ៍នេះបានជួយឱ្យកម្ពុជាលើកកម្ពស់​ផលិតផល​កសិកម្មក្នុងស្រុក​ដើម្បី​បំពេញតម្រូវ​ការ​ប្រើប្រាស់ ​និង​បង្កើន​ការនាំចេញ ផលិតផលកសិកម្មបានកាន់តែច្រើន។ មួយវិញទៀតដើម្បីស្ដារ ​និងជំរុញកំណើនសេដ្ឋកិច្ច ​រាជរដ្ឋាភិបាល នឹងផ្ដោតជាចម្បងក្នុងការដោះ​ស្រាយ​បញ្ហា ប្រឈម​ជារចនាសម្ព័ន្ធ​ ក្នុងវិស័យដែលនៅមានសក្តានុពល ​និងជាចន្ទល់កំណើន​សេដ្ឋកិច្ច​ដែលអាចបង្កើតនូវតម្លៃបន្ថែម​ ក្នុងរយៈពេលខ្លី ​២០២១-២០២៣​ និងជំរុញការ ស្ទុះងើប​ឡើង​វិញ​សកម្មភាពសង្គម-សេដ្ឋកិច្ចជាតិ​ទៅ​រក​ប្រក្រតីភាព​ថ្មីឱ្យ​បាន​ឆាប់រហ័ស ​ជាពិសេស​ចំនួនបួន រួមមាន​វិស័យកសិកម្ម ​និងកសិ-ឧស្សាហកម្ម ​វិស័យទេសចរណ៍ ​វិស័យកាត់ដេរ និងវិស័យ​កម្មន្តសាល​មិន​មែន​កាត់ដេរ។ឯកឧត្តម វេង សាខុន លើកឡើងថា ​នៅក្នុងពេលមានវិបត្តិកូវីដ-១៩ វិស័យកសិកម្ម និងកសិ-ឧស្សាហកម្ម​ត្រូវបាន​ចាត់ទុកថា ជា​វិស័យដែល​មាន​សក្តានុពលខ្ពស់​ដោយ​សារ​តម្រូវ​ការ​ចំណី​អាហារ​មាន​ការកើនឡើង​។ វិស័យនេះ​មិនបាន​ទទួលរងផល​ប៉ះពាល់ តែជាវិស័យ​ជួយ​សម្រាល​បន្ទុក ​និង​ផលប៉ះពាល់ពីវិស័យផ្សេងទៀត​ តាមរយៈ​ការផ្តល់ការងារ​ និងចំណូល។ឯកឧត្តម វេង សាខុន ​បញ្ជាក់ថា ​ជាការវាយ​តម្លៃរួម ​វិស័យកសិកម្មនៅកម្ពុជា​មាន​ការរីកចម្រើន​គួរ​ឱ្យកត់​សម្គាល់​ក្នុងរយៈពេលប៉ុន្មានឆ្នាំ​ចុងក្រោយនេះ ដែល​ការណ៍​នេះ​ឆ្លុះ​បញ្ចាំង​តាម​រយៈកំណើន​ផលិតកម្ម ​និង​ការនាំចេញ​ ដែលបាន​រួមចំណែក​យ៉ាង​សំខាន់ ក្នុងការលើកកម្ពស់ជីវភាព​រស់នៅ​របស់​ប្រជាពលរដ្ឋ ​និង​ការគាំទ្រដល់ការអភិវឌ្ឍសេដ្ឋកិច្ចជាតិ៕អត្ថបទ៖ វណ្ណៈ

ទំហំជួញដូរមូលបត្រមានជាង២០ម៉ឺនដុល្លារ ក្នុងមួយថ្ងៃក្នុងឆ្នាំ២០២១

2021/11/15 06:56:40 pm        279
Facebook Telegram Linkin
ភ្នំពេញ ៖ ការជួញដូរមូលបត្រកម្មសិទ្ធ និងមូលបត្របំណុល នៅផ្សារមូលបត្រកម្ពុជា មានទំហំជាមធ្យមជាង២០ម៉ឺនដុល្លារ ក្នុងមួយថ្ងៃក្នុងឆ្នាំ២០២១ កើនឡើងពីទំហំជួញដូរជាមធ្យម កាលពីឆ្នាំ២០២០ កន្លងទៅ។ គិតត្រឹម១០ខែ ឆ្នាំ២០២១ ទំហំជួយដូរនៅផ្សារមូលបត្រកម្ពុជា បានកើនឡើង បើទោះជាឆ្នាំ​២០២១នេះ ​ផលប៉ះពាល់ដោយវិបត្តិកូវីដ១៩។យោងតាមរបាយការណ៍ពីផ្សារមូលបត្រកម្ពុជា ឆ្នាំ២០២១ ការជួយដូរជាមធ្យម មានជាង ២០ម៉ឺនដុល្លារ ក្នុងមួយថ្ងៃ ធៀបនឹងទំហំជួយដូរជាមធ្យមប្រចាំថ្ងៃ កាលពីឆ្នាំ២០២០ មានជាង១១ម៉ឺនដុល្លារ។ឯកឧត្តម ហុង សុហួរ អគ្គនាយកនៃផ្សារមូលបត្រកម្ពុជា បានឱ្យដឹងនៅថ្ងៃទី១៥ ខែវិច្ឆិកានេះថា ទំហំ​នៃការជួញដូរសរុប​ មានការកើនឡើងជាលំដាប់បន្ទាប់ពីធ្លាក់ចុះ​បន្តិចបន្តួច​នៅឆ្នាំ២០២០។ ក្នុងឆ្នាំ២០១៨ ទំហំ​ជួញ​ដូរសរុប​មានតែជាង ៦លានដុល្លារ ឆ្នាំ២០១៩ ​ឡើងដល់ ​៣៧លានដុល្លារ ឆ្នាំ២០២០ ធ្លាក់​ចុះមកត្រឹម ២៨លានដុល្លារ។​ ដោយឡែកក្នុងឆ្នាំ២០២១ គិតត្រឹម១០ខែដំបូង ការ​ជួញដូរ​សរុបបានកើនឡើងដល់ ជាង៣៣លានដុល្លារ។បើតាមឯកឧត្តម ហុង សុហួរ ​ចាប់តាំងពីដំណើរការផ្សារមូលបត្រ ​ក្រុមហ៊ុន​ចុះបញ្ជីទាំងភាគហ៊ុន និង​សញ្ញាប័ណ្ណបានប្រមូលទុនពីផ្សារមូលបត្រសរុបចំនួនជិត២៧៨លនដុល្លារ​ ។ ក្នុងនោះ ក្រុមហ៊ុនចុះបញ្ជីភាគហ៊ុន ប្រមូលទុនបានចំនួន ១១៥ដុល្លារ។ផ្សារមូលបត្រកម្ពុជា រំពឹងថា នឹងទទួលក្រុមហ៊ុនមកចុះបញ្ជី មួយ ឬពីរក្រុមហ៊ុនបន្ថែមទៀត និង​នៅឆ្នាំ២០២២ ​ផ្សារមូលបត្រកម្ពុជា ​រំពឹងថានឹងទទួលក្រុមហ៊ុនថ្មីចំនួន ៥ ឬ៦ ទៀត មកចុះបញ្ជីផ្សារមូលបត្រ។ឯកឧត្តម ហុង សុហួរ​ ពន្យល់ថា ការទទួលបានក្រុមហ៊ុនថ្មីៗចុះបញ្ជី បង្ហាញឱ្យឃើញថា វិស័យ​ឯកជន​ស្គាល់​អំពីទីផ្សារមូលបត្រកាន់តែច្រើន ស្គាល់អំពីផលប្រយោជន៍ដែលអាច​ទទួល​បាន​ពី​វិស័យ​មូលបត្រ​ ទាំងជាដើមទុន ​ទាំងកេរ្តិ៍ឈ្មោះ នៅពេលក្លាយជាក្រុមហ៊ុនចុះបញ្ជី​នៅ​លើ​ផ្សារហ៊ុន។បច្ចុប្បន្ននេះ ផ្សារមូលបត្រកម្ពុជា មានក្រុមងហ៊ុនចុះបញ្ជីចំនួន ១៣ក្រុមហ៊ុន ​ក្នុងនោះ ៧ក្រុមហ៊ុនជាក្រុមហ៊ុនចុះបញ្ជីភាគហ៊ុន ​និង៦ក្រុមហ៊ុន ​ជាក្រុមហ៊ុនចុះបញ្ជីសញ្ញាប័ណ្ណ (ឬមូលបត្របំណុល)៕ អត្ថបទ៖ វណ្ណៈ 

ក្រសួងពាណិជ្ជកម្ម ជំរុញលើកកម្ពស់ស្តង់ដារអនាម័យ ភូតគាមអនាម័យ ដើម្បីនាំចេញទំនិញក្រោម FTA

2021/11/15 06:32:27 pm        456
Facebook Telegram Linkin
ភ្នំពេញ ៖ ក្រសួងពាណិជ្ជកម្ម បានជំរុញលើកកម្ពស់ស្តង់ដាអនាម័យ ភូតគាមអនាម័៧ ដើម្បីឱ្យទំនិញរបស់ប្រទេសកម្ពុជា នាំចេញទៅកាន់ទីផ្សារ នៅក្រោមកិច្ចព្រមព្រៀងពាណិជ្ជកម្មសេរី ទ្វេភាគីនិងពហុភាគី។នៅក្នុងវគ្គបណ្តុះបណ្តាលស្តីពីការយល់ដឹងពីស្តង់ដារអនាម័យ ភូតគាមអនាម័យ និងរបាំង​បច្ចេកទេស​​ពាណិជ្ជកម្ម ​កាលពីសប្តាហ៍មុន ​លោកជំទាវ ចម និម្មល រដ្ឋលេខាធិការក្រសួង​ពាណិជ្ជកម្ម ​បាន​គូសបញ្ជាក់ថា វគ្គបណ្តុះបណ្តាលនេះ ផ្តោតសំខាន់លើការយល់​ដឹងពី​ស្តង់ដារ​អនាម័យ ភូតគាម​អនាម័យ​ និងស្តង់ដារ​បច្ចេកទេសពាណិជ្ជកម្ម ​ព្រោះវាជាចលករសំខាន់​សម្រាប់​ចូលរួមលើកកម្ពស់ខឿនសេដ្ឋកិច្ចជាតិ​ ដែលរាជរដ្ឋាភិបាលកំពុងតែយកចិត្តទុកដាក់ជាខ្លាំង ជាក់ស្តែង​ក្នុងយុទ្ធសាស្ត្រសមាហរណកម្មពាណិជ្ជកម្មកម្ពុជា​ ឆ្នាំ២០១៩-២០២៣​ ក្នុងជំពូកទី៧ ក៏បានលើកឡើងពីស្តង់ដារអនាម័យ​ និង​ភូតគាម​អនាម័យ​នេះផងដែរ។ ចំពោះការធ្វើពិពិធកម្មសេដ្ឋកិច្ច ​និងការបើកច្រកទីផ្សារថ្មី ក្រសួងពាណិជ្ជកម្ម បាន​ខិតខំ​ចរចា​ទ្វេភាគី​ជាមួយ​បណ្តាប្រទេសជាមិត្តមួយចំនួន រួមមាន ៖ កិច្ច​ព្រមព្រៀង​ពាណិជ្ជកម្មសេរីកម្ពុជា-ចិន និង​កិច្ច​ព្រមព្រៀង​ពាណិជ្ជកម្មសេរីកម្ពុជា-កូរ៉េ។លោកជំទាវរដ្ឋលេខាធិការ បន្តថា ក្រោមកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន​ (CCFTA) ទំនិញ​កសិកម្មកម្ពុជា​ អាចនាំចេញទៅកាន់ប្រទេសចិន ​ក្នុង​អត្រាពន្ធសូន្យភ្លាមស្មើនឹង ​៩៧.៤៤% នៃ​បន្ទាត់ពន្ធគយសរុប​ និងកិច្ចព្រមព្រៀង​ពាណិជ្ជកម្មសេរីទ្វេភាគីកម្ពុជា-កូរ៉េ​ (CKFTA) ភាគី​កូរ៉េ​ផ្តល់​ទីផ្សារឱ្យមកកម្ពុជា​មានចំនួន ៩៥,០៣% ដែលក្នុងនោះភាគីកូរ៉េត្រូវលុប​បំបាត់​ពន្ធគយ ​(០%) ចំនួន ៩២.៣៧% ​ភ្លាមនៅពេលកិច្ចព្រម​ព្រៀងចូលជាធរមាន។ មានន័យថា ការធ្វើពាណិជ្ជកម្ម​អន្តរជាតិ​របស់​កម្ពុជា​កាន់តែសេរីឡើងៗ ​ដែលតម្រូវឱ្យមានការយកចិត្តទុកដាក់លើ​ការ​ត្រួតពិនិត្យស្តង់ដារ​អនាម័យ ​ដើម្បី​ទប់ស្កាត់​ការរីករាលដាល​ឆ្លងនូវ​សមាសភាព​ចង្រៃ​ ភូតគាមអនាម័យ និង​សមាស​ភាព​ចង្រៃ​បង្កគ្រោះថ្នាក់​ពី​តំបន់មួយទៅតំបន់មួយទៀតទូទាំងប្រទេស ព្រមទាំងការនាំចេញ​នាំ​ចូលឆ្លង​កាត់​ប្រទេសកម្ពុជា​តាមគ្រប់មធ្យោបាយ ​ដើម្បីការពារផលិតផលកសិកម្ម និងជីវៈចំរុះ។ កត្តាទាំងនេះ ទាមទារ​ឱ្យភាគីពាក់ព័ន្ធ​ទាំងអស់​ត្រូវយក​ចិត្តទុកដាក់​បន្ថែម​ទៀត​លើការធ្វើទំនើប​កម្ម​កសិកម្ម ជាពិសេសការ​លើកកម្ពស់ ​ស្តង់ដារអនាម័យ ​ភូតគាមអនាម័យ អនុលោមភាព​បទបញ្ញត្តិ​បច្ចេកទេស ​ការអនុវត្ត GAP (Good Agriculture Practice), GMP (Good Manufacturing Practice), ISO, HACCP ជាដើម ឱ្យស្រប​តាមស្តង់ដារ​ បទដ្ឋានអន្តរជាតិ ​ដើម្បីការពារសុខភាព ​មនុស្ស សត្វ រុក្ខាជាតិ ​និងអាចធ្វើការប្រកួតប្រជែង​នៅលើទីផ្សារអន្តរជាតិបាន៕អត្ថបទ៖ វណ្ណៈ

ស្រូវវស្សាដើមរដូវនៅស្វាយរៀងជាង២ម៉ឺនហិកតា ត្រូវបានកសិករធ្វើការប្រមូលផល

2021/11/13 07:45:18 pm        602
Facebook Telegram Linkin
ស្វាយរៀង ៖ ស្រូវវស្សាដើមរដូវជាង២ម៉ឺនហិកតា ត្រូវបានកសិករនៅស្វាយរៀង ធ្វើការប្រមូលទុកដាក់ជាបណ្ដើរៗហើយ បន្ទាប់ពីក្រុមកសិករ នៅតំបន់ទំនាបមួយចំនួនក្នុងស្រុកកំពង់រោទ៍ ចន្ទ្រា និងស្រុកស្វាយជ្រំ បានចាប់ផ្តើមធ្វើស្រែប្រដេញទឹក និងស្រែប្រាំង ។លោកសុខ សុទ្ធាវុធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង នៅថ្ងៃទី១២ខែវិច្ឆិកាម្សិលមិញនេះ បានឲ្យដឹងថា គិតត្រឹមថ្ងៃទី១០ខែ ​វិច្ឆិកា ឆ្នាំនេះ ក្រុម​កសិករនៅក្នុងស្រុកមួយចំនួនរបស់ខេត្ត បានចាប់ផ្ដើមធ្វើការប្រមូលផលស្រូវដើមរដូវ បាន​ចំនួនជាង២ម៉ឺនហិកតា​ ក្នុងចំណោមស្រូវស្រាល ស្រូវកណ្តាល ​និងស្រូវធ្ងន់ចំនួន ១៦៧ពាន់៥០០ហិកតា ដោយទទួលបានទិន្នផលចន្លោះ២ទៅ៣តោនក្នុងមួយហិកតា ។លោកបន្តថា បើទោះជាព្រះរាជាណាចក្រកម្ពុជា បានរងឥទ្ធិពលនៃជំងឺកូវីដ១៩ បាន​ញាំញី​ទៅ​លើសុខភាពរបស់ពលរដ្ឋ រួមនឹងទីផ្សារស្រូវ បានធ្លាក់ចុះបន្តិចក្តី តែការងារ​បង្កបង្កើន​ផលស្រូវ​របស់​កសិករនៅស្វាយរៀង ​ឆ្នាំនេះសម្រេចបាន១០១ភាគរយ​ នៃផែនការផលិតស្រូវប្រចាំឆ្នាំ១៦៧ពាន់ ៥០០ហិកតា ខណៈទឹកភ្លៀងបានបង្ហុរ និងប្រព័ន្ធធារាសាស្ត្រស្រោចស្រព​ផ្ទៃដី​កសិកម្ម​មាន​នៅ​ពាសពេញខេត្ត។លោក សំ សុន កសិកររស់នៅភូមិប្រចន្រ្ទា ឃុំបន្ទាយក្រាំង ស្រុកស្រុកកំពង់រោទិ៍ បានបញ្ជាក់ថា​ការងារ​ប្រមូលផលស្រូវស្រាលរបស់គ្រួសារគាត់នៅដើមរដូវវឆ្នាំនេះ ទទួលបានទិន្និផលល្អប្រសើរ បើប្រៀបធៀបទៅនិងឆ្នាំមុន ឯទីផ្សាស្រូវនៅឆ្នាំនេះ ក៏មានភាពល្អប្រសើរណាស់ដែរ ដោយ​រាជរដ្ឋាភិបាល​បានសម្របសម្រួលឲ្យ​ឈ្មួញកម្ពុជា វៀតណាម ធ្វើការ​ផ្លាស់ប្តូរ​ទំនិញ​កសិផល​ទាន់ពេលវេលាដែរ ។តាមរបាយការណ៍របស់មន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង ដែល ទទួលបាន​តាម​សារតេឡេក្រាម​ បានបញ្ជាក់ថា ស្រូវប្រភេទអ៊ីអែរសើម កសិករដឹក​ទៅ​លក់​ដល់​តំបន់​ច្រកទ្វារព្រំដែន​អន្តរជាតិព្រៃវល្លិ៍ ក្នុងស្រុកកំពង់រោទ៍ ឈ្មួញវៀតណាម​ ឲ្យតម្លៃស្រូវ​ក្នុង​មួយ​គីឡូក្រាម​ចន្លោះពី ៧០០រៀលទៅ ៨០០ រៀលតាមស្រូវល្អ និងស្រូវមិនសូវល្អ និងប្រភេទ​ស្រូវ​ក្រអូបវិញ ឈ្មួញឲ្យ​តម្លៃចន្លោះពី១ពាន់១០០រៀល ទៅ១ពាន់ ៣០០រៀលក្នុង ១គីឡូក្រាម​បើប្រៀបធៀប​ទៅនឹងឆ្នាំមុន ឆ្នាំនេះស្រូវមានតម្លៃល្អជាងឆ្នាំមុនបន្តិច ៕អត្ថបទ ៖ សារិទ្ធ

ក្រុមប្រឹក្សាអភិវឌ្ឍន៍កម្ពុជា ផ្សព្វផ្សាយច្បាប់ស្តីពីវិនិយោគថ្មីទាក់ទាញវិនិយោគជប៉ុន

2021/11/12 08:25:01 pm        337
Facebook Telegram Linkin
ភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា ផ្សព្វផ្សាយច្បាប់ស្តីពីវិនិយោគថ្មី ទាក់ទាញវិនិយោគជប៉ុនចូលមកវិនិយោគនៅកម្ពុជា។ ឯកអគ្គរដ្ឋទូតជប៉ុនប្រចាំនៅកម្ពុជា បានបង្ហាញនូវជំនឿយ៉ាងមុតមាំថា ច្បាប់ស្តីពីវិនិយោគថ្មីនៃព្រះរាជាណាចក្រកម្ពុជា នឹងក្លាយយុទ្ធសាស្ត្រមួយដ៏មានប្រសិទ្ធភាព និងទាន់ពេលវេលា ក្នុងការស្តារឡើងវិញនូវសេដ្ឋកិច្ច-សង្គម ក្រោយវិបត្តិនៃជំងឺកូវី៥-១៩ ព្រមទាំងធ្វើឱ្យកម្ពុជាក្លាយជាទិសដៅដ៏ទាក់ទាញ និងប្រកួតប្រជែងខ្ពស់មួយ នៅក្នុងតំបន់ សម្រាប់ការវិនិយោគប្រកបដោយគុណភាព និងចីរភាព។ឯកឧត្តម ម៉ាសាហ៊ីរ៉ូ មីខាមី ឯកអគ្គរដ្ឋទូតជប៉ុនប្រចាំកម្ពុជា លើកឡើងនៅក្នុងសិក្ខាសាលា តាមប្រព័ន្ធវីដេអូ ស្តីពីច្បាប់ស្តីពីវិនិយោគថ្មីនៃព្រះរាជាណាចក្រកម្ពុជា ដែលរៀបចំ​ផ្សព្វផ្សាយ​ជូន​វិនិយោគិន និងធុរជនជប៉ុន នៅថ្ងៃទី ១១ខែវិច្ឆិកា ឆ្នាំ២០២១ នេះថា ច្បាប់ថ្មីស្តីពីវិនិយោគ​របស់​ព្រះរាជាណាចក្រកម្ពុជា ​គឺបានតាក់តែងរៀបចំឡើងអស់រយៈពេលជាច្រើនឆ្នាំ និងបាន​ទទួល​យកមតិ ព្រមទាំងសំណូមពរពីតំណាងផ្នែកឯកជន​ និងសហគមន៍ធុរកិច្ចជប៉ុននៅកម្ពុជាផងដែរ ដើម្បីជាប្រមូលធាតុចូលឱ្យបានគ្រប់ជ្រុងជ្រោយ​ យកទៅដាក់​បញ្ចូល​ក្នុងច្បាប់ថ្មីស្តីពីវិនិយោគនេះ។ចំណែក ឯកឧត្តម អ៊ុង រចនា ឯកអគ្គរាជទូត នៃព្រះរាជាណាចក្រកម្ពុជាប្រចាំប្រទេសជប៉ុន លើក​ឡើងថា​ ច្បាប់ស្តីពីវិនិយោគថ្មីនេះ​ នឹងដើរតួនាទីជាត្រីវិស័យ និងមូលដ្ឋានច្បាប់ដ៍រឹងមាំសម្រាប់​វិនិយោគិន ដើម្បីរួមចំណែកលើកកម្ពស់ការអភិវឌ្ឍសេដ្ឋកិច្ច-សង្គម និងស្របពេលដែលកម្ពុជាកំពុងស្តារសេដ្ឋកិច្ចឡើងវិញ បន្ទាប់ពីការរាតត្បាតនៃជំងឺកូវី៩-១៩។ឯកឧត្តម ឯកអគ្គរាជទូត ក៏បានសម្តែងនូវការគាំទ្រយ៉ាងពេញទំហឹង ក្នុងការផ្សព្វផ្សាយ និង​លើក​កម្ពស់ការយល់ដឹងពីច្បាប់ស្តីពីវិនិយោគ នៃព្រះរាជាណាចក្រកម្ពុជា​ ទៅកាន់សហគមន៍ធុរកិច្ច ដែល​ប្រការនេះ​ជា​ការ​បន្សំគ្នា ​ទៅនឹងការអនុវត្តយុទ្ធសាស្ត្រការទូតសេដ្ឋកិច្ចកម្ពុជា​ ២០២១-២០២៣។ដោយឡែក ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សា​អភិវឌ្ឍន៍កម្ពុជា បានវាយតម្លៃខ្ពស់ ចំពោះកិច្ចសហការជាប្រចាំរបស់អង្គការពាណិជ្ជកម្ម​ក្រៅ​ប្រទេស​ជប៉ុន និងធនាគារមីហ៊្សូហូ ​ដែលជានិច្ចកាលដើរតួនាទីជាដៃគូដ៏សំខាន់ សម្រាប់​ការ​ផ្សព្វផ្សាយ​ពីកាលានុវត្តភាព​ និងបរិស្ថានវិនិយោគនៅកម្ពុជា​ ជូនដល់វិនិយោគិនជប៉ុន ជា​ពិសេស​សកម្មភាពវិនិយោគ ​របស់អ្នកវិនិយោគជប៉ុននៅកម្ពុជា ជាក់ស្តែងការវិនិយោគក្នុងវិស័យ​កម្មន្តសាល​មិនមែនវាយនភណ្ឌ ដែលបាននិងកំពុងដើរតួនាទីយ៉ាងសំខាន់ ក្នុងការចូលរួមចំណែក​ដល់​ការ​ធ្វើ​ពិពិធកម្មមូលដ្ឋាន​សេដ្ឋកិច្ចកម្ពុជា ។សូមរំលឹកថា គិតត្រឹមដំណាច់ខែតុលា ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា ​បានទទួលស្វាគមន៍ និងចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់របស់ជប៉ុន ​បានចំនួន ១៤៦ គម្រោង ក្នុង​ទុនវិនិយោគសរុបប្រមាណ ២ ៨៥៣ លានដុល្លារអាមេរិក ​ក្នុងនោះមានគម្រោងវិនិយោគចំនួន ៦៦ បានបោះទីតាំងក្នុងតំបន់សេដ្ឋកិច្ចពិសេស ​ដែលមានទុនវិនិយោគសរុប ៣៤០ លានដុល្លារ៕អត្ថបទ៖ សុន រ៉ាឌី​​ 

រាជរដ្ឋាភិបាលប្រមូលចំណូលពន្ធបានជាង ២ ៣១៥ លានដុល្លារអាមេរិក ក្នុងរយៈពេល១០ខែឆ្នាំ២០២១

2021/11/12 07:54:30 pm        498
Facebook Telegram Linkin
ភ្នំពេញ ៖ អគ្គនាយកដ្ឋានពន្ធដារ ប្រមូលចំណូលពន្ធ-អាករគ្រប់ប្រភេទ សរុបបានប្រមាណជិត ៩ ៣៧៩ ប៊ីលានរៀល ត្រូវជាង ២ ៣១៥ លានដុល្លារអាមេរិក រយៈពេល១០ខែ ឆ្នាំ២០២១ បើធៀបនឹងចំណូលពន្ធ-អាករ ក្នុងរយៈពេលដូចគ្នាឆ្នាំ២០២០ ថយចុះចំនួនជាង ៤៩៩ប៊ីលានរៀល ត្រូវប្រមាណជាង ១២៣ លានដុល្លារអាមេរិក។អគ្គនាយកដ្ឋានពន្ធដារ បានបង្ហាញរបាយការណ៍ បូកសរុបលទ្ធផលប្រមូលចំណូលពន្ធ ប្រចាំខែ តុលា និងសម្រាប់រយៈពេល ១០ខែ ឆ្នាំ២០២១ នៅថ្ងៃទី១១ខែ វិច្ឆិកា ឆ្នាំ២០២១ អគ្គនាយកដ្ឋាន​ពន្ធដារ​ប្រមូលបាន តាមរយៈការអនុវត្តប្រព័ន្ធគ្រប់គ្រងទិន្នន័យ​ចំណូលអនឡាញ ​បានចំនួនជិត ៨៤៣ ប៊ីលានរៀល ​ត្រូវប្រមាណជាង ​២០៨ លានដុល្លារអាមេរិក​ ស្មើនឹង ៩,២៨% នៃផែនការ​ច្បាប់​ហិរញ្ញវត្ថុ សម្រាប់ការគ្រប់គ្រងឆ្នាំ២០២១​ បើប្រៀបធៀប​នឹងចំណូលពន្ធ-អាករប្រចាំ ​ខែតុលា ឆ្នាំ២០២០ ឃើញថា កើនឡើងជាង ៥០ ប៊ីលានរៀល ត្រូវជាង ១២លានដុល្លារអាមេរិក ឬស្មើជាង ៦%។ចំណែកសរុបការប្រមូលចំណូលរយៈពេល១០ខែវិញ អគ្គនាយកដ្ឋានពន្ធដារប្រមូលចំណូលពន្ធ-អាករ តាមប្រព័ន្ធគ្រប់គ្រងទិន្នន័យចំណូល​អនឡាញ សរុបបានមានចំនួនជិត​ ៩ ៣៧៨ ប៊ីលានរៀល​ បើគិតជាដុល្លារត្រូវប្រមាណជាង ២ ៣១៥ លាន​ដុល្លារអាមេរិក ​ស្មើជាង ១០៣% នៃ​ផែនការច្បាប់​ហិរញ្ញវត្ថុសម្រាប់ការគ្រប់គ្រង ​ឆ្នាំ២០២១​ ក្នុងនោះបើធៀបនឹងចំណូលពន្ធ-អាករ ក្នុងរយៈពេលដូចគ្នាឆ្នាំ២០២០​ គឺថយចុះជាង ​៤៩៩ ប៊ីលានរៀល ​ត្រូវជាង ១២៣ លានដុល្លារ​អាមេរិក​ ស្មើនឹង -៥,០៥%។ជុំវិញការប្រមូលចំណូលពន្ធនេះ ​តាម​ការបញ្ជាក់ពីអគ្គនាយកដ្ឋានពន្ធដារ ថា ការឆ្លងកាត់ស្ថានភាព​ដ៏លំបាកនៃការរីករាលដាលខ្លាំង​ នៃជំងឺកូវីដ-១៩ លទ្ធផលនៃការគ្រប់គ្រងប្រមូលចំណូលពន្ធ​សម្រាប់​រយៈពេល ១០ខែ ឆ្នាំ២០២១ ទោះបីជាមិនប្រសើរជាងរយៈពេលដូចគ្នា ​ឆ្នាំ២០២០​ ប៉ុន្តែអាចនៅ​មានស្ថានភាពល្អប្រសើរ ដោយសម្រេចបានលទ្ធផល​លើសការរំពឹងទុក និងផែនការហិរញ្ញវត្ថុ​សម្រាប់គ្រប់គ្រងឆ្នាំ២០២១។ លទ្ធផលជាទីមោទនៈនេះ គឺមិនអាចកាត់ផ្តាច់ចេញ​ពីការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្រ្តី ជាពិសេសការគ្រប់គ្រង​ស្ថានការណ៍​នៃជំងឺកូវីដ-១៩ បាន​ពេញលេញ និងមានប្រសិទ្ធិភាពខ្ពស់ តាមរយៈចាត់វិធានការជាយុទ្ធសាស្រ្ត​ក្នុងការចាក់វ៉ាក់សាំងជូន​ប្រជាពលរដ្ឋកម្ពុជា ប្រកបដោយស្មារតីបុរេសកម្ម​ និងទាន់ពេលវេលា ដែលអាចកសាងភាពធន់​របស់​សហគមន៍​ ទៅនឹងជំងឺរាតត្បាតនេះ ហើយជំរុញឱ្យប្រទេសជាតិអាចបើកដំណើរការ​សេដ្ឋកិច្ច​ឡើងវិញ​នៅក្នុងខែវិច្ឆិកានេះ​ ដែលនឹងអាចសង្ឃឹមថា ស្ថានភាពសេដ្ឋកិច្ចនឹងអាចងើបឡើងវិញ​តាមការ​រំពឹងទុក​របស់​រាជរដ្ឋាភិបាល៕អត្ថបទ៖ សុន រ៉ាឌី

អ្នក​ជំនាញ​អចលន​ទ្រព្យ ​រំពឹង​គម្រោង​វិនិយោគបរទេស ​នឹង​កើន​ឡើងវិញ ​ក្រោយចូលឆ្នាំចិន ឆ្នាំ២០២២

2021/11/12 07:05:00 pm        391
Facebook Telegram Linkin
ភ្នំពេញ ៖ វិស័យអចលនទ្រព្យ រំពឹងថានឹងងើបឡើងវិញ បន្ទាប់ពីកម្ពុជាប្រកាសបើកប្រទេសឡើងវិញ អនុញ្ញាតវិនិយោគិនបរទេស ធុរកិច្ចជន និងភ្ញៀវទេសចរបរទេសចូលមកកម្ពុជា ដោយរដ្ឋាភិបាលសម្រួលវិធានការសុខាភិបាល។ អ្នកជំនាញវិស័យអចលនទ្រព្យ ដាក់ក្តីរំពឹងថា គម្រោងវិនិយោគនានាពីបរទេស នឹងចាប់ងើបឡើងវិញចាប់ពីដើមឆ្នាំក្រោយទៅ។លោកឧកញ៉ាបណ្ឌិត គីម ហ៊ាង ប្រធានក្រុមហ៊ុន KW Cambodia បានដាក់ក្ដីរំពឹងថា អ្នក​វិនិយោគ​បរទេសជាច្រើន នឹងត្រឡប់មកកម្ពុជា នៅក្រោយបុណ្យចូលឆ្នាំចិន ​នាឆ្នាំ២០២២ បន្ទាប់​ពី​ប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានប្រកាសបើកដំណើរការប្រទេសឡើងវិញលើគ្រប់វិស័យ ​កាលពីដើមខែវិច្ឆិកន្លងទៅ ។ការលើកឡើងរបស់អ្នកជំនាញអចលនទ្រព្យរូបនេះ​ បន្ទាប់ពីក្រុមហ៊ុន​ KW Cambodia បាន​ចុះហត្ថលេខាលើកិច្ចព្រមព្រៀងបើកអនុសាខា​ KW-KRE ប្រចាំខេត្តកំពង់ចាម ​នៅព្រឹកថ្ងៃទី១១ ខែវិច្ឆិកា ឆ្នាំ២០២១ ដែលមានការចូលរួមពីលោកស្រី ក្រី ម៉ាយ៉ាន​ តំណាងអនុសាខា KW-KRE ប្រចាំខេត្តកំពង់ចាម ផងដែរ ។អ្នកជំនាញដដែលបន្ដថា ក្នុងនាមក្រុមហ៊ុនអន្ដរជាតិ ដែលមានក្រុមហ៊ុនដៃគូបរទេសជាច្រើន បាន​សហការវិនិយោគនៅកម្ពុជា ​តែក្រោយវត្តមានវិបត្តិកូវីដ បានធ្វើឲ្យវិនិយោគទុនបរទេស​ជា​ច្រើន​បានចាកចេញទៅវិញ ។ការប្រកាសបើកដំណើរការប្រទេសរបស់សម្ដេចតេជោនាយករដ្ឋមន្ដ្រី ​គឺជាការបើកភ្លើងខៀវ សម្រាប់វិនិយោគទុនបរទេស ​ដែលលោករំពឹងថា ​ក្រោយចូលឆ្នាំចិន ឆ្នាំ២០២២ អ្នកវិនិយោគ​ទាំងនោះ នឹងត្រឡប់មកកម្ពុជាច្រើន ពិសេសវិនិយោគទុនចិនតែម្ដង ។យ៉ាងណាមិញលោកបណ្ឌិត គីម ហ៊ាង បានសង្កត់ធ្ងន់ថា ដើម្បីទាក់ទាញ​អ្នកវិនិយោគបរទេស​មក​កម្ពុជាច្រើន ក៏អាស្រ័យលើអ្នកមានធនធានច្រើនក្នុងស្រុក បញ្ចេញលុយវិនិយោគឲ្យបានច្រើនដែរ ដើម្បីធ្វើឲ្យវិស័យអចលនទ្រព្យកម្ពុជាកម្រើខ្លាំងសិនដែរ ទើបអាចទាក់ទាញវិនិយោគទុនបរទេស​កាន់​តែ​ច្រើន​ត្រឡប់មកវិញ ក្រោយស្ថានភាពជំងឺកូវីដ-១៩ ធូស្រាល ៕អត្ថបទ ៖ លី ឈុនឡា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាប​ទីតាំង​សង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់
08/01/2026 08:08 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង
08/01/2026 06:08 PM
Facebook Telegram Linkin
ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ
08/01/2026 06:08 PM
Facebook Telegram Linkin
ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ
08/01/2026 05:08 PM
Facebook Telegram Linkin
ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ
08/01/2026 04:08 PM
Facebook Telegram Linkin
សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា
08/01/2026 04:08 PM
Facebook Telegram Linkin
រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ
08/01/2026 04:08 PM
Facebook Telegram Linkin
អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ
08/01/2026 04:08 PM
Facebook Telegram Linkin
នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា
08/01/2026 04:08 PM
Facebook Telegram Linkin
កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើ​សង្គ្រាម
08/01/2026 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.