នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ផលិត​ផល​ក្នុង​ស្រុក​កាន់​តែ​រីក​ចម្រើន​ ពង្រីក​វត្ត​មាន​នៅ​ផ្សារ​ទំនើប​ ឆ្លើយ​តប​តម្រូវ​ការ​ទីផ្សារ​
ឧបនាយករដ្ឋមន្រ្ដី ស៊ុន ចាន់ថុល៖ កម្ពុជាមិនប្រើប្រាស់កម្លាំងពលកម្មដោយបង្ខំ ឬ​បញ្ជា​ទិញ​វត្ថុ​ធាតុ​ដើម​ពីប្រ​ទេសដែលអនុវត្តបែបនេះឡើយ
ក្រសួងក​សិកម្មលើកទឹកចិត្តអ្នកដាំដុះទុរេនឱ្យគោរពភាពស្មោះត្រង់ ខណៈ​តម្រូវ​ការ​នាំ​ចេ​ញ​ទៅ​ចិន​កើន​ឡើងជិត ៤០ដង
ទេសាភិបាលធនាគារជាតិ៖ ប្រព័ន្ធធនាគារកម្ពុជានៅតែបន្តមានសុខភាពរឹងមាំ ទោះ​ជួប​បញ្ហា​ប្រឈម​​​​កត្តាខាងក្រៅក្តី

សេដ្ឋកិច្ច និង កសិកម្ម

អូស្រ្តាលីគាំទ្រកម្ពុជា ក្នុងការសម្រេចបាននូវកំណើន និងការអភិវឌ្ឍសេដ្ឋកិច្ចជាតិ

2025/02/21 09:40:26 pm        210
Facebook Telegram Linkin
អូស្រ្តាលីបញ្ជាក់ពីការប្តេជ្ញាខ្ពស់ ដើម្បីបង្កើនកិច្ចសន្ទនាជាយុទ្ទសាស្រ្ត និងគាំទ្រ​កម្ពុជា​ឲ្យ​សម្រេច​បាន​នូវកំណើន និងការអភិវឌ្ឍ សេដ្ឋកិច្ចប្រកបដោយនិរន្តរភាព បរិយាបន្ន និងភាពធន់។ឯកឧត្តម ដេរីក យីប ឯកអគ្គរដ្ឋទូតអូស្ត្រាលីប្រចាំនៅកម្ពុជា លើកឡើង​នៅ​ក្នុង​សិក្ខា​សាលា​កម្រិត​ខ្ពស់​ស្តីពី “មាគ៌ាឆ្ពោះទៅការ បង្កើនពិពិធកម្មសេដ្ឋកិច្ចកម្ពុជា៖បទពិសោធអន្តរជាតិ” នៅថ្ងៃទី២០ ខែកុម្ភៈ ឆ្នាំ២០២៥ នេះថា អូស្រ្តាលីមានសេចក្តីរីករាយ ដែល បានសហការជាមួយកម្ពុជា ក្នុងការរៀបចំយុទ្ធសាស្រ្តកំណើនថ្មីមួយសម្រាប់កម្ពុជា ក្រោយពេល​ចាក​ចេញ​ពី​ប្រទេស​ដែល​មាន​ការអភិវឌ្ឍតិចតួច។ សិក្ខាសាលានេះគឺជាផ្នែកមួយដ៏សំខាន់ នៃកិច្ចសហការរបស់អូស្ត្រាលី ជាមួយ​ក្រសួងពាក់ព័ន្ធរបស់កម្ពុជា ដើម្បី សម្រេចបានគោល​ដៅ​អភិវឌ្ឍ​អនាគត​ជា​ចម្បង​របស់​កម្ពុជា​។ ឯកឧត្តមបានបន្ថែម ទៀតថា អូស្ត្រាលីប្តេជ្ញាគាំទ្រកម្ពុជា ក្នុងការសម្រេច បាននូវ​កំណើន​ប្រកប​ដោយ​ភាពធន់ បរិយាបន្ន និងនិរន្តរភាព។ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លើក​ឡើង​ផង​​ដែរ​ថា រាជរដ្ឋាភិបាល កម្ពុជាបាននិងកំពុងអនុវត្តវិធានការគោលដៅ ដើម្បីទាក់​ទាញ​ការ​វិនិយោគ​ផ្ទាល់​ពីបរទេស ដែលមានគុណភាពខ្ពស់ ក៏ដូចជាពង្រីក សមត្ថភាពឧស្សាហកម្ម​ក្នុង​ប្រទេស និងបង្កើនប្រសិទ្ធភាពនៃសមាហរណកម្មខ្សែច្រវាក់តម្លៃសកល។ រាជរដ្ឋាភិបាលមានការសម្រេច ចិត្តខ្ពស់ ក្នុងការបង្កើតបរិការណ៍សេដ្ឋកិច្ចមួយ ដែលជំរុញ​ភាព​ច្នៃ​ប្រឌិត គាំទ្រផ្នែកសហគ្រិនភាព និងជំរុញភាពធន់នៃសេដ្ឋកិច្ច រយៈពេលវែង។ចំណែក ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួល​បន្ទុក​ទីស្តី​ការ​គណៈ​រដ្ឋ​មន្រ្តី ​មានប្រសាសន៍ថា សិក្ខា សាលាជាន់ខ្ពស់នេះ ផ្ដល់ឱកាស​ដ៏​កម្រ​មួយ​សម្រាប់​អ្នក​រៀបចំ​គោល​នយោបាយ អ្នកជំនាញអន្តរជាតិ និងអ្នកអនុវត្ត ដៃគូអភិវឌ្ឍ អ្នក ស្រាវជ្រាវ និងភាគី​ពាក់​ព័ន្ធ​នានា ដើម្បីពិភាក្សាស៊ីជម្រៅលើសំណួរសំខាន់ៗ ដែលដឹកនាំអនាគតនៃការអភិវឌ្ឍ សេដ្ឋកិច្ច​របស់​កម្ពុជា សំណួរទីមួយ តើកម្ពុជាអាចចាប់យកសក្តានុពលនិងឱកាសរបស់ខ្លួន ដើម្បីរក្សា​កំណើន​​សេដ្ឋកិច្ចដោយរបៀបណា? សំណួរទីពីរ តើយើងដោះស្រាយបញ្ហាសេដ្ឋកិច្ចសង្គម ឧបសគ្គ​រាំង​ស្ទះចម្បងៗ ដើម្បីធ្វើពិពិធកម្មមូលដ្ឋានកំណើនរបស់យើង និងពង្រឹងការប្រកួត ប្រជែងរបស់យើង ដើម្បីធានាឱ្យមានកំណើនប្រកបដោយបរិយាបន្ន និរន្តរភាព និងភាពធន់​ដោយ​របៀបណា? ហើយសំខាន់បំផុត តើយើងនឹងឈានទៅទីណាបន្ទាប់ពីនេះ?សូមបញ្ជក់ថា សិក្ខាសាលាជាន់ខ្ពស់នេះ រៀបចំឡើងដោយកម្មវិធីភាពជាដៃគូកម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយ ភាពធន់ (CAPRED)។ កម្មវិធីនេះមានការចូលរួមពីសំណាក់ លោកសាស្រ្តាចារ្យ Hausmann ស្ថាបនិក និងជានាយកស្ថាប័នស្រាវ ជ្រាវ Growth Lab នៃសាកលវិទ្យាល័យ Harvard និងជាសាស្រ្តាចារ្យ Rafik Hariri បង្រៀនលើការអនុវត្តសេដ្ឋកិច្ច នយោបាយ អន្តរជាតិ នៅសាកលវិទ្យាល័យ Harvard Kennedy បានបញ្ជាក់ពីការប្តេជ្ញារបស់អូស្រ្តាលីដើម្បីបង្កើនកិច្ចសន្ទនាជាយុទ្ទសាស្រ្ត និង គាំទ្រកម្ពុជាឲ្យសម្រេចបាននូវកំណើន និងការអភិវឌ្ឍសេដ្ឋកិច្ចប្រកបដោយនិរន្តរភាព បរិយាបន្ន និងភាពធន់៕ អត្ថបទ៖ សុន រ៉ាឌី 

ក្រុមការងារក្រសួងធនធានទឹកចុះពិនិត្យការអនុវត្តគម្រោងស្តារអូរយាយហុក ក្នុងភូមិសាស្រ្តខេត្តពោធិ៍សាត់

2025/02/21 09:14:02 pm        101
Facebook Telegram Linkin
ពោធិ៍សាត់៖ នៅថ្ងៃទី២១ ខែកុម្ភៈ ឆ្នាំ២០២៥ នេះ លោក ថាំង វីយុទ្ធដា ប្រធាននាយកដ្ឋានវិស្វកម្ម ក្នុងនាមតំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសក្រសួង សហការជាមួយអជ្ញាធរមូលដ្ឋាន ចុះពិនិត្យការចាប់ផ្តើមអនុវត្តគម្រោងស្តារអូរយាយហុក ក្នុងឃុំតាលោ ស្រុកតាលោសែនជ័យ ខេត្តពោធិ៍សាត់។ប្រធាននាយកដ្ឋានវិស្វកម្ម លោក ថាំង វីយុទ្ធដា បានបញ្ជាក់ឱ្យដឹងថា ប្រឡាយអូរយាយហុកមានតួនាទីជាប្រឡាយរំដោះទឹកផង ជាប្រឡាយស្រោចស្រពផង ហើយការងារសំខាន់ៗរបស់គម្រោងមានដូចជា៖ ១)ស្តារអូរយាយហុកប្រវែង ៤០០០ម៉ែត្រ និង ២)សាងសង់សំណង់សិល្បការ្យចំនួន ១៥កន្លែង។លើសពីនេះ លោកប្រធាននាយកដ្ឋានវិស្វកម្មបានបញ្ជាក់ឱ្យដឹងថា គម្រោងនេះនឹងជួយបង្កើនសមត្ថភាពស្រោចស្រពបន្ថែមដល់ផ្ទៃដីបង្កបង្កើនផលរដូវវស្សាចំនួន ១០៣១ហិកតា រដូវប្រាំងចំនួន ៦០០ហិកតា និងដំណាំរួមផ្សំ ២៥ហិកតា ជូនដល់បងប្អូនប្រជាកសិករប្រមាណ ២០៤២គ្រួសារ ក្នុងភូមិចំនួន៦ នៃឃុំតាលោ ស្រុកតាលោសែនជ័យ ខេត្តពោធិ៍សាត់។ក្នុងឱកាសនោះដែរ លោកប្រធាននាយកដ្ឋានវិស្វកម្ម ក៏បានណែនាំដល់ក្រុមការងារសាងសង់ឱ្យអនុវត្តការងារទៅតាមបទដ្ឋានបច្ចេកទេសឱ្យបានម៉ត់ចត់ និងជំរុញអនុវត្តការងារឱ្យសម្រេចបានតាមផែនការគ្រោងទុក៕

ក្រុមការងារក្រសួងធនធានទឹកបន្តចុះពិនិត្យជាក់ស្តែងស្ថានភាពទឹកតាមអាងទឹក និងប្រឡាយក្នុងភូមិសាស្រ្តខេត្តស្វាយរៀង និងព្រៃវែង

2025/02/21 07:41:30 pm        160
Facebook Telegram Linkin
នៅថ្ងៃទី២០ ខែកុម្ភៈ ឆ្នាំ២០២៥ ឯកឧត្តម តន់ វ៉ាន់ថារ៉ា រដ្ឋលេខាធិការ និងជាប្រធានក្រុមសម្របសម្រួលការងារគ្រប់គ្រងធនធានទឹក និងឧតុនិយមខេត្តព្រៃវែង និងខេត្តស្វាយរៀង ក្នុងនាមតំណាងឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម អមដំណើរដោយមន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តស្វាយរៀង និងខេត្តព្រៃវែង ព្រមទាំងសហការី បានចុះពិនិត្យជាក់ស្តែងស្ថានភាពទឹកនៅតាមបណ្តាអាងទឹក និងប្រព័ន្ធប្រឡាយមួយចំនួន ព្រមទាំងសកម្មភាពអន្តរាគមន៍សង្រ្គោះស្រូវប្រាំងប្រជាកសិករ ក្នុងភូមិសាស្រ្តខេត្តស្វាយរៀង និងខេត្តព្រៃវែង។ក្នុងឱកាសនោះ ឯកឧត្តមរដ្ឋលេខាធិការ និងក្រុមការងារបានជួបសំណេះសំណាលប្រកបដោយភាពស្និទ្ធស្នាលជាមួយសហគមន៍កសិករប្រើប្រាស់ទឹក ប្រជាកសិករ និងបានចុះពិនិត្យអាងទឹកកំពង់ជ្រៃ ស្ថិតនៅឃុំស្វាយធំ ស្រុកស្វាយជ្រំ ខេត្តស្វាយរៀង។ឯកឧត្តមរដ្ឋលេខាធិការបានលើកឡើងថា ក្រោមការយកចិត្តទុកដាក់ខ្ពស់ពីឯកឧត្តមរដ្ឋមន្ត្រីក្នុងការកែសម្រួលជួសជុលប្រព័ន្ធធារាសាស្រ្តកំពង់ជ្រៃរួចមក បានធ្វើឱ្យអាងទឹកកំពង់ជ្រៃមានសមត្ថភាពស្តុកទឹកបានច្រើនជាងមុន អាចស្រោចស្រពស្រូវប្រាំងបានប្រមាណ ៥០០ហិកតា។ ជាមួយគ្នានេះ ឯកឧត្តមរដ្ឋលេខាធិការបានបញ្ជាក់ឱ្យដឹងថា ការងារបង្កបង្កើនផលស្រូវប្រាំងនៅក្នុងខេត្តស្វាយរៀង រហូតមកដល់បច្ចុប្បន្ននេះ អនុវត្តបាន ២៨ ១៣៧ ហិកតា ស្មើនឹង ១៣៧,២៥% នៃផែនការ ២០,៥ ០០ ហិកតា។ក្នុងថ្ងៃដដែល ឯកឧត្តមរដ្ឋលេខាធិការ បានបន្តដឹកនាំក្រុមការងារបច្ចេកទេសក្រសួង និងមន្ទីរធនធានទឹក និងឧតុនិយមខេត្តព្រៃវែង ព្រមទាំងសហការី ចុះពិនិត្យជាក់ស្តែងស្ថានភាពទឹក និងការងារបង្កបង្កើនផលស្រូវរដូវប្រាំង តាមប្រព័ន្ធស្រោចស្រពវ៉ៃគោជំហាន១ ស្ថិតក្នុងស្រុកចំនួន៥គឺ ស្រុកស៊ីធរកណ្ដាល កញ្ជ្រៀច កំចាយមារ ស្វាយអន្ទរ និងស្រុកមេសាង ខេត្តព្រៃវែង ដែលប្រជាកសិករធ្វើស្រែប្រាំងនៅលើដីស្រូវវស្សាប្រមាណជា ១៥ ០០០ហិកតា។សូមជម្រាបថា នៅទូទាំងខេត្តព្រៃវែង គិតមកដល់ពេលនេះ ការបង្កបង្កើនផលស្រូវប្រាំងរបស់ប្រជាកសិករមានប្រមាណ ១៥៧០៥៤ហិកតា ស្មើនឹង២០៨,០៧% នៃផែនការ ៧៥០០០ហិកតា។ឯកឧត្តមរដ្ឋលេខាធិការបានបញ្ជាក់ថា ដោយមានការយកចិត្តទុកដាក់ខ្ពស់របស់ប្រមុខរាជរដ្ឋាភិបាល ថ្នាក់ដឹកនាំក្រសួងធនធានទឹក និងឧតុនិយម ក្រសួងស្ថាប័នពាក់ព័ន្ធ និងអាជ្ញាធរមូលដ្ឋានគ្រប់លំដាប់ថា្នក់ បញ្ហាខ្វះខាតទឹកស្រោចស្រពត្រូវបានដោះស្រាយជាបន្តបន្ទាប់ ហើយស្រូវប្រាំងរបស់ប្រជាកសិករវគ្គ១ ក៏បានប្រមូលផលជាបណ្តើរៗ ជាមួយនឹងទិន្នផលល្អប្រសើរ។ឯកឧត្តមរដ្ឋលេខាធិការ ក៏បានផ្តាំផ្ញើដល់សហគមន៍កសិករប្រើប្រាស់ទឹក ក៏ដូចជាប្រជាកសិករ សូមធ្វើការដាំដុះស្រូវប្រាំងទៅតាមបរិមាណទឹកដែលមានជាក់ស្តែង និងស្តាប់តាមការជូនដំណឹងរបស់អាជ្ញាធរមូលដ្ឋានផ្ទាល់ ជៀសវាងមិនមានទឹកគ្រប់គ្រាន់សម្រាប់បង្កបង្កើនផលស្រូវប្រាំងវគ្គ២ធ្វើឱ្យមានការខាតបង់ផលប្រយោជន៍៕ 

ដំឡូងមី និងគ្រាប់ស្វាយចន្ទីរបស់កម្ពុជា នឹងត្រូវនាំចេញទៅទីផ្សារចិនក្នុងគ្រាបន្ទាប់

2025/02/21 06:06:54 pm        251
Facebook Telegram Linkin
តំណាងការិយាល័យសេដ្ឋកិច្ច និងពាណិជ្ជកម្មចិន ថា ប្រទេសចិនកំពុងក្លាយជាទីផ្សារដ៏សំខាន់មួយ សម្រាប់ផលិតផលកសិកម្ម របស់កម្ពុជា និងមានសក្តានុពលទូលំទូលាយ សម្រាប់កិច្ចសហប្រតិបត្តិការនៅលើដំឡូងមី និងគ្រាប់ស្វាយចន្ទី នាពេលអនាគត។លោក Zhang Yuntao លេខាទី២នៃការិយាល័យសេដ្ឋកិច្ចនិងពាណិជ្ជកម្ម នៃស្ថានទូតចិនប្រចាំកម្ពុជា លើកឡើងក្នុងសិក្ខាសាលា ស្តីពីលក្ខខណ្ឌតម្រូវនិងកិច្ចសម្រួលពាណិជ្ជកម្មនាំចេញទៅសាធារណរដ្ឋប្រជាមានិតចិន នៅថ្ងៃទី២០ ខែកុម្ភៈ ឆ្នាំ២០២៥ នេះ ថា នៅក្នុងប៉ុន្មានឆ្នាំថ្មីៗនេះ ទំហំនៃការនាំចេញកសិផលរបស់កម្ពុជាទៅកាន់ប្រទេសចិនបានពង្រីកជាលំដាប់ ដោយបានក្លាយជា ចំណុចលេចធ្លោ នៃកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងប្រទេសទាំងពីរ បច្ចុប្បន្នកសិផលកម្ពុជាដែលអនុញ្ញាតឱ្យនាំ ចេញទៅប្រទេសចិនរួមមាន៖ អង្ករ ចេក ស្វាយ មៀន ដូងជាដើម។លោក បន្តឱ្យដឹងថា ចំពោះការនាំចេញផ្លែដូងរបស់កម្ពុជា នៅក្នុងឆ្នាំ២០២៤ បានបញ្ចប់និតីវិធីទាំងស្រុងសម្រាប់នាំចេញទៅ កាន់ប្រទេសចិន ដោយក្លាយជាផ្លែឈើធំទី៤ សម្រាប់នាំចេញទៅប្រទេសចិនបន្ទាប់ពី ចេក ស្វាយ និងមៀន។ នេះបានបង្ហាញថា កិច្ចសហប្រតិបត្តិការកសិកម្មចិន-កម្ពុជាបានឈានដល់កម្រិតថ្មីមួយ។ ក្នុងឆ្នាំ២០២៤ ដែរ កម្ពុជាបាននាំចេញអង្ករមានចំនួន ១១៧ ពាន់តោនទៅប្រទេសចិន, ប្រទេសចិនបានក្លាយជាទីផ្សារដ៏សំខាន់មួយសម្រាប់ផលិតផលកសិកម្មកម្ពុជា ហើយមានសក្តានុពលទូលំ ទូលាយ សម្រាប់កិច្ចសហប្រតិបត្តិការលើដំឡូងមី និងគ្រាប់ស្វាយចន្ទីនាពេលអនាគត។លោក Zhang Yuntao បញ្ជាក់ថា ដើម្បីជំរុញនាំចេញផលិតផលកសិកម្មកម្ពុជាទៅចូលទីផ្សារចិន ត្រូវប្រតិបត្តិតាមនីតិវិធី ដូចជា៖ ជំហានទី១ ក្រុមហ៊ុននាំចេញត្រូវតែចុះបញ្ជីការ និងរោងចក្រវេចខ្ចប់របស់ខ្លួន នៅអគ្គនាយកដ្ឋានគយចិន ដើម្បីធានាថា ផលិតផលរបស់ខ្លួនសមស្របនឹងស្តង់ដារអធិការកិច្ចចិន។ ជំហានទី២ គឺការរៀបចំឯកសារ រួមទាំងវិញ្ញាបនបត្របញ្ជាក់ប្រភពដើម ទំនិញ ហើយត្រូវយកចិត្តទុកដាក់លើការគ្រប់គ្រងកូតា ផលិតផលមួយចំនួន និងវិញ្ញាបនបត្រអធិការកិច្ច (ដូចជាអង្ករ) ត្រូវដាក់ពាក្យ សុំវិញ្ញាបនបត្រកូតាពន្ធគយរបស់ប្រទេសចិន ហើយពន្ធគយក្នុងកូតាមានកម្រិតទាបរហូតដល់ ១ ភាគរយ។ ជំហានទី៣ គឺការបោស សំអាត ដើម្បីឆ្លងកាត់គយ បន្ទាប់ពីទំនិញមកដល់កំពង់ផែចិន ត្រូវដាក់ឯកសារដូចជា ទម្រង់បែបបទគយ វិក្កយបត្រ បញ្ជីវេចខ្ចប់។ក្រៅពីនេះសហគ្រាសទាំងអស់គួរយកចិត្តទុកដាក់នូវបញ្ជីចូលប្រើប្រាស់ក្នុងទីផ្សារ និងស្តង់ដារអធិការកិច្ចថ្មីៗ នៃអគ្គនាយក ដ្ឋានគយប្រទេសចិន ដោយត្រូវពង្រឹងការគ្រប់គ្រងគុណភាព យោងតាមពង្រឹងការបង្ការ និងកំចាត់សត្វល្អិតនិងជំងឺ និងការគ្រប់គ្រង សំណល់ថ្នាំសម្លាប់សត្វល្អិត ដើម្បីជៀសវាងកុំឱ្យមានការបដិសេធមិនឱ្យចូល។ ក្រៅពីនេះក្រុមហ៊ុននានាត្រូវពឹងផ្អែកលើភាគលាភ នៃ កិច្ចព្រមព្រៀងពាណិច្ចកម្មសេរីនានាដូចជា RCEP និងកិច្ចព្រមព្រៀងពាណិជ្ជកម្មសេរីកម្ពុជា-ចិន ដើម្បីកាត់បន្ថយថ្លៃដើមពន្ធគយ និង ពង្រីកសក្តានុពលទីផ្សារ។ ជាងនេះទៀត ម្ចាស់ក្រុមហ៊ុនត្រូវស្វែងរកវិធីអាជីវកម្មថ្មីៗដូចជា ដើម្បីលក់កសិផលខ្លួនដល់អតិថិជនចិន ដោយផ្ទាល់ តាមរយៈវេទិកាពាណិជ្ជកម្មអេឡិចត្រូនិកឆ្លងដែន ដើម្បីកាត់បន្ថយខ្សែច្រវាក់ផ្គត់ផ្គង់ឱ្យកាន់តែខ្លី និងបង្កើនប្រាក់ ចំណេញ៕ អត្ថបទ៖ សុន រ៉ាឌី

ការបង្កើនពិពិធកម្មសេដ្ឋកិច្ច គឺជារឿងចាំបាច់ ដើម្បីសម្រេចបានចក្ខុវិស័យកម្ពុជាឆ្នាំ២០៥០

2025/02/21 05:54:32 pm        351
Facebook Telegram Linkin
ការបង្កើនពិពិធកម្មសេដ្ឋកិច្ច គឺជាមូលដ្ឋាននៃការគាំទ្រដល់កំណើន តាមរយៈការពង្រីកមូលដ្ឋានផលិតកម្ម ការបង្កើនតម្លៃបន្ថែម ការតភ្ជាប់ខ្សែច្រវាក់ផលិតកម្ម និងជាការជំរុញវិនិយោគក្នុងឧស្សាហកម្មថ្មីៗ ដើម្បីកម្ពុជាឈានទៅសម្រេចនូវចក្ខុវិស័យឆ្នាំ២០៥០។ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លើកឡើងនៅក្នុងសិក្ខាសាលាកម្រិត ខ្ពស់ស្តីពី “មាគ៌ាឆ្ពោះទៅការបង្កើនពិពិធកម្មសេដ្ឋកិច្ចកម្ពុជា៖បទពិសោធអន្តរជាតិ” នៅថ្ងៃទី២០ ខែកុម្ភៈ ឆ្នាំ២០២៥ នេះថា ការបង្កើន ពិពិធកម្មសេដ្ឋកិច្ច គឺជារឿងដែលចាំបាច់ដើម្បីសម្រេចនូវចក្ខុវិស័យកម្ពុជាឆ្នាំ២០៥០, ឯកឧត្តមក៏បានរំលេចអំពី គោលនយោបាយ លើកកម្ពស់ ការវិនិយោគដោយផ្ទាល់ពីបរទេសរបស់កម្ពុជា ដែលបានវិវត្តគួរឱ្យកត់សម្គាល់ចាប់តាំងពីឆ្នាំ១៩៩៤ រហូតមកដល់ បច្ចុប្បន្ន, ការបង្កើតក្រុមប្រឹក្សាអភិវឌ្ឍន៍កម្ពុជា (CDC), ការតាក់តែងច្បាប់ស្តីពីវិនិយោគនៃព្រះរាជាណាចក្រកម្ពុជា និងការធ្វើវិសោធន កម្មឱ្យស្របតាមនិន្នាការវិនិយោគបច្ចុប្បន្ន, យុទ្ធសាស្ត្របញ្ចកោណ-ដំណាក់កាលទី១ ដែលបានលើកឡើងអំពី "ពិពិធកម្មសេដ្ឋកិច្ច និងការពង្រឹងសមត្ថភាពប្រកួតប្រជែង" ដោយបានកំណត់គោលដៅយុទ្ធសាស្ត្រច្បាស់លាស់ និងសង្កត់ធ្ងន់លើអាទិភាពដែលទាក់ទង នឹងការលើកកម្ពស់បរិយាកាសធុរកិច្ច និងការវិនិយោគផងដែរ។ឯកឧត្តមឧបនាយករដ្ឋមន្ត្រី ក៏បានលើកឡើងអំពីសក្តានុពលវិជ្ជមាននានារបស់កម្ពុជា មានជាអាទិ៍៖ កម្លាំងពលកម្មវ័យក្មេង ដែលពោរពេញដោយថាមវ័ន្ត, ការគាំទ្រពីសំណាក់រាជរដ្ឋាភិបាលដល់ការរីកលូតលាស់នៃវិស័យធុរកិច្ចឯកជន តាមរយៈវេទិការដ្ឋ និង វិស័យឯកជន, បែបបទនៃការវិនិយោគដែលមានភាពបត់បែន និងអនុគ្រោះ និងការធ្វើឌីជីថលូបនីយកម្ម នៅក្នុងការផ្តល់សេវា សាធារណៈ ជាក់ស្តែងការដាក់ឱ្យប្រើប្រាស់ប្រព័ន្ធគ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) សម្រួលដល់វិនិយោគិន ក្នុងការ ដាក់ពាក្យស្នើសុំវិនិយោគបានពីគ្រប់ទីកន្លែង និងគ្រប់ពេលវេលា តាមរយៈប្រព័ន្ធអ៊ីនធឺណេត។ចំណែកឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី បានចែករំលែកទស្សនៈ ចំនួន៥ ដើម្បីជាមាគ៌ាឆ្ពោះទៅការបង្កើនពិពិធកម្មសេដ្ឋកិច្ចកម្ពុជាជូនអង្គសិក្ខាសាលារួមមាន៖ ទី១. ការសម្របសម្រួលការប្រើប្រាស់ ធនធាន ទាំងមូលធនសង្គមនិងមូលធនមនុស្សនៅគ្រប់កម្រិត រវាងរដ្ឋាភិបាលនិងវិស័យឯកជន គឺជាកត្តាចាំបាច់ ដើម្បីធានាបានឧត្តម ភាពប្រៀបធៀបក្នុងសេដ្ឋកិច្ច, ទី២. ស្ថាប័នរដ្ឋវិស័យឯកជន និងប្រជាពលរដ្ឋគ្រប់រូប ត្រូវសហការដើម្បីកំណត់ បញ្ហារាំងស្ទះដល់ កំណើនសេដ្ឋកិច្ច និងការអភិវឌ្ឍ ព្រមទាំងស្វែងរកដំណោះស្រាយនៃបញ្ហាប្រឈមទាំងនោះ ដែលក្នុងនោះស្ថាប័នរដ្ឋ ត្រូវដើរតួនាទី ស្នូល ក្នុងការធានាបរិយាកាសអំណោយផលសម្រាប់ធុរកិច្ច និងទីផ្សារ, ទី៣. ស្ថាប័នរដ្ឋត្រូវពិភាក្សាជាមួយភាគីពាក់ព័ន្ធ ដើម្បីឱ្យមាន ការឯកភាពគ្នា និងយល់ឱ្យបានច្បាស់អំពីទិសដៅនៃការអភិវឌ្ឍសេដ្ឋកិច្ច សំដៅបង្កើនសហថាមភាព និងសម្របសម្រួលកិច្ចខិតខំប្រឹង ប្រែងរួមគ្នា, ទី៤. ដើម្បីប្រែក្លាយសេដ្ឋកិច្ចកម្ពុជា ពីសេដ្ឋកិច្ចដែលពឹងផ្អែកលើកម្រិតជំនាញទាប និងអតិពលកម្ម ទៅជាសេដ្ឋកិច្ចដែលពឹងផ្អែកលើចំណេះដឹងនិងតម្លៃខ្ពស់, និងទី៥. ការធ្វើពិពិធកម្មសេដ្ឋកិច្ចត្រូវធ្វើឡើងនៅគ្រប់កម្រិតទាំងក្នុងការជ្រើសរើសដៃគូពាណិជ្ជ កម្ម និងផលប័ត្រផលិតផល ដោយត្រូវគិតគូរជាយុទ្ធសាស្រ្ត និងមានតុល្យភាពរវាងសន្តិសុខជាតិ ភាពធន់សេដ្ឋកិច្ច ការគោរពយន្តការ ទីផ្សារ និងការកំណត់មាគ៌ាវែងឆ្ងាយ សម្រាប់កំណើន និងការអភិវឌ្ឍនាពេលអនាគត៕ អត្ថបទ៖ សុន រ៉ាឌី

សភាពាណិជ្ជកម្មកម្ពុជាផ្សព្វផ្សាយពីលក្ខខណ្ឌតម្រូវ លើកិច្ចសម្រួលពាណិជ្ជកម្មរវាងកម្ពុជា-ចិន

2025/02/21 05:45:52 pm        108
Facebook Telegram Linkin
សភាពាណិជ្ជកម្មកម្ពុជា ផ្សព្វផ្សាយពីលក្ខខណ្ឌតម្រូវ លើកិច្ចសម្រួលពាណិជ្ជកម្ម និងការ​បង្ហាញ​ពីវិធីសាស្ត្រ ដើម្បីជំរុញដល់ការ នាំចេញទៅកាន់ទីផ្សារចិនឱ្យបានច្រើន ដែលជាទីផ្សារ​ដ៏ធំមួយ​នៅក្នុងចំណោមទីផ្សារអន្តរជាតិ។ឧកញ៉ា គួច ផេង អនុប្រធានសភាពាណិជ្ជកម្មកម្ពុជា លើកឡើងនៅក្នុងសិក្ខាសាលា ស្តីពីលក្ខខណ្ឌតម្រូវនិងកិច្ចសម្រួលពាណិជ្ជកម្មនាំចេញទៅសាធារណរដ្ឋប្រជាមានិតចិន នៅថ្ងៃទី ២០ ខែ កុម្ភៈ ឆ្នាំ ២០២៥ នេះថា ចំពោះកិច្ចសហប្រតិបត្តិការ និង ទំនាក់ទំនងការទូតរវាងកម្ពុជានិងចិន បាននាំឱ្យមានការកើនឡើងគួរឱ្យកត់សម្គាល់ លើតម្លៃពាណិជ្ជកម្មរវាងប្រទេសទាំងពីរ ដោយ ឈានដល់កម្រិតខ្ពស់បំផុតរហូតដល់ជាង ១៥ ពាន់លានដុល្លារ ក្នុងឆ្នាំ២០២៤ ក្នុងនោះកម្ពុជាបាននាំចេញផលិតផលកសិកម្ម និង ផលិតផលផ្សេងទៀតទៅកាន់ចិនរួមមាន៖ ចេក, អង្ករ, ស្វាយ, ដំឡូងមី, ផលិតផលនេសាទ, សម្លៀកបំពាក់ និងគ្រឿងសង្ហារឹម ជាដើម។ឧកញ៉ា បន្ថែមថា ជុំវិញការធ្វើពាណិជ្ជកម្ម, កម្ពុជាបានចុះកិច្ចព្រមព្រៀងពាណិជ្ជកម្មសេរីជាមួយចិនជាយូរមកហើយ ដែលនេះ គឺជាឱកាសដ៏ពិសេសបំផុត សម្រាប់កម្ពុជានាំចូលផលិតផល ឬទំនិញយ៉ាងងាយស្រួល និងអំណោយផលផងដែរ, ជាក់ស្តែងតាមរយៈ សិក្ខាសាលានេះ គឺជាការផ្សព្វផ្សាយពីលក្ខខណ្ឌតម្រូវលើកិច្ចសម្រួលពាណិជ្ជកម្ម និងការបង្ហាញពីវិធីសាស្ត្រ ដើម្បីជំរុញដល់ការនាំ ចេញទៅកាន់ទីផ្សារចិន ដែលជាទីផ្សារដ៏ធំមួយនៅក្នុងចំណោមទីផ្សារអន្តរជាតិ ធ្វើយ៉ាងណាជំរុញទំនិញកម្ពុជាទៅកាន់ទីផ្សារមួយនេះ ឱ្យបានកាន់តែច្រើនថែមទៀត។លោក Zhang Yuntao លេខាទី២ នៃការិយាល័យសេដ្ឋកិច្ចនិងពាណិជ្ជកម្ម នៃស្ថានទូតចិនប្រចាំកម្ពុជា លើកឡើងថា ប្រទេសចិននិងកម្ពុជា គឺជាដៃគូដ៏សំខាន់ ក្នុងការរួមគ្នាកសាងគំនិតផ្តួចផ្តើមខ្សែក្រវ៉ាត់ និងផ្លូវ, ជាក់ស្តែងនៅក្នុងឆ្នាំថ្មីៗនេះ ទំហំនៃការ នាំចេញកសិផលរបស់កម្ពុជាទៅកាន់ប្រទេសចិន បានពង្រីកជាលំដាប់ ដែលបានក្លាយជាចំណុចលេចធ្លោ នៃកិច្ចសហប្រតិបត្តិការ សេដ្ឋកិច្ច និងពាណិជ្ជកម្មរវាងប្រទេសទាំងពីរ។ បច្ចុប្បន្នកសិផលកម្ពុជាដែលអនុញ្ញាតឱ្យនាំចេញទៅប្រទេសចិនរួមមាន៖ អង្ករ ចេក ស្វាយ មៀន ដូងជាដើម បច្ចុប្បន្នកិច្ចសហប្រតិបត្តិការសេដ្ឋកិច្ច និងពាណិជ្ជកម្មកម្ពុជា-ចិន កំពុងឈានចូលយុគសម័យមាស ដោយ ទីផ្សារដ៏ធំរបស់ប្រទេសចិន និងគោលនយោបាយបើកចំហររបស់ចិន នឹងផ្តល់សក្តានុពលកាន់តែទូលំទូលាយសម្រាប់កម្ពុជា។លោក សង្ឃឹមថា ប្រទេសចចិនចាប់ដៃជាមួយភាគីកម្ពុជា ដើម្បីផ្ដល់ផលិតផលកសិកម្មមានគុណភាពខ្ពស់កាន់តែច្រើនទៀត ឱ្យចូលទៅក្នុងទីផ្សារប្រទេសចិន និងទទួលបានផលប្រយោជន៍ទៅវិញទៅមក និងឈ្នះ-ឈ្នះទាំងអស់គ្នា៕ អត្ថបទ៖ សុន រ៉ាឌី

អភិបាលខេត្តត្បូងឃ្មុំ ចុះពិនិត្យអាងស្តុកទឹកចំនួន២កន្លែង នៅស្រុកក្រូចឆ្មារ

2025/02/20 11:09:20 pm        195
Facebook Telegram Linkin
ត្បូងឃ្មុំ ៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានចុះត្រួតពិនិត្យ ទំនប់​បឹងសេកយំ និងទំនប់ប៉ើស២ និងសំណេះ​សំណាល​ជាមួយ​បង​ប្អូន​ប្រជា​កសិករ​អាស្រ័យ​ផល ក្នុងស្រុកក្រូចឆ្មារ ។ ជាមួយការចុះពិនិត្យនេះឯកឧត្តមបាន នែនាំដល់​បងប្អូន​ប្រជា​ពលរដ្ឋ​មាន​ការ​ប្រុងប្រយ័ត្នខ្ពស់ចំពោះការប្រើប្រាសទឹកសម្រាប់ស្រោចស្រប់ដំណាំផ្សេងៗ ព្រោះ​ថា​ឆ្នាំ​នេះ​ទឹក​តាមប្រឡាយ ត្រពាំង និងបឹងមួយចំនួនបានរីង ដោយសារតែ​តម្រូវ​ការ​ប្រើ​ប្រាស់​ទឹក​ច្រើន​លើ​ការស្រោចស្រព។ឯកឧត្តម ប៉ែន កុសល្យ បានមានប្រសាសន៍ថា បងប្អូនប្រជាកសិករ ដែលដាំដុះដំណាំស្រូវ អាស្រ័យ​ផល ក្នុងទំនប់ បឹងសេកយំ និងទំនប់ប៉ើស២ នេះសូម​បងប្អូន​មាន​ការ​ប្រុង​ប្រយ័ត្ន​ក្នុង​រដូវ​ប្រាំង​នេះ ព្រោះអាចនិងមានបញ្ហាខ្វះខាតទឹកក្នុងការប្រើប្រាស់ លើដំណាំស្រូវ។ ហើយ​ឥឡូវ​នេះ​យើង​កំពុង​តែ​ធ្វើការស្តារ បឹងនេះបន្ថែមដើម្បី​មាន​ភាពងា​យ​ស្រួល​ក្នុង​ការ​ផ្ទុក​ទឹក​សម្រាប់​ប្រើ​ប្រាស់​ស្រោចស្រព​ដំណាំក្នុងរដូវប្រាំង ។ បងប្អូន​ប្រជា​ពលរដ្ឋ​កសិករ​ដែល​អាស្រ័យ​ផល​ដោយ​ប្រើ​ប្រាស់​ទឹក​បឹង​ទាំង២នេះ គឺបងប្អូនអាចអាស្រ័យផលបាន ប៉ុន្តែយើងនឹងទុកបឹង​នេះ​ជា​សម្បត្តិ​រដ្ឋ​ដើម្បី​ប្រើ​ប្រាស់ជាប្រយោជន៍រួមគ្នា និងមិនតម្រូវឱ្យពុះប្លង់កម្មសិទ្ធសម្រាប់បុគ្គលណាម្នាក់ឡើយ ដោយ​ដីផ្ទៃបឹងនេះគឺយើងនឹងធ្វើការស្តារបន្ថែមទៀតដើម្បីងាយស្រួលនៅរដូវរស្សា អាចផ្ទុក​ទឹក​ក្នុង​បឹង​បានច្រើនសម្រាប់បងប្អូនក្នុងស្រុកក្រូចឆ្មារ ប្រើប្រាស់ដាំដុះដំណាំកសិកម្មផ្សេងៗ ពិសេស​ដំណាំ​ស្រូវ ថ្នាំជក់ និងពោត ជាដើម ។ជាមួយគ្នានោះឯកឧត្តមអភិបាលខេត្ត ក៏បានណែនាំដល់អាជ្ញាធរមូលដ្ឋាន ត្រូវត្រួតពិនិត្យ និង​ធ្វើ​ការ​ណែនាំ​ដល់​ប្រជា​កសិករ​បង​ប្អូន​ពលរដ្ឋ​ដែល​អាស្រ័យ​ផល​កសិកម្ម​ក្នុង​រដូវ​ប្រាំង​នេះ​សូម​មាន​ការ​ប្រុង​ប្រយ័ត្នខ្ពស់ក្នុងការប្រើប្រាស់ទឹកដើម្បីរក្សាបានប្រាក់ចំណូលផ្គត់ផ្គង់គ្រួសារ និង​មិន​មាន​ការ​ខាត​បង់លើការដាំដុះក្នុងរដូវប្រាំងនេះ ។សូមជម្រាបថា ឆ្នាំ២០២៥ នារដូវប្រាំងនេះ ក្នុងខេត្តត្បូងឃ្មុំ​ទាំង​មូល​មាន​បញ្ហា​ប្រឈម​នឹង​ការ​ខ្វះ​ខាត​ទឹក​សម្រាប់ស្រោចស្រប់ដំណាំផ្សេងៗ ពិសេសដំណាំស្រូវ តែយ៉ាងណា​ភ្លាមៗ​អាជ្ញាធរ​ពាក់​ព័ន្ធ​មួយ​នេះក្រោមការដឹកនាំរបស់ឯកឧត្តម ប៉ែន កុសល្យ បានអន្តរាគមន៍ជួយបូមទឹក បុកអណ្តូង សង្រ្គោះ​ស្រូវប្រជាពលរដ្ឋបានទាន់ពេលវេលា រាប់រយហិកតា ដោយមិន​ទុក​ឲ្យស្រូ​វ​ប្រជា​ពលរដ្ឋ​រង​ការ​ខូចខាតនោះទេ៕ ដោយ៖ ជឹង សេងឡុង 

ខេត្តពោធិ៍សាត់ មានដំណាំសក្តានុពលជាច្រើនសម្រាប់ការរៀបចំចងក្រង​ទៅជាសហគមន៍កសិកម្មទំនើប

2025/02/20 09:56:25 pm        194
Facebook Telegram Linkin
ភ្នំពេញ៖ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា នៅថ្ងៃទី២០ ខែកុម្ភៈនេះ បានជួបផ្សព្វផ្សាយ និងសិក្សាពីលទ្ធភាពរៀបចំសហគមន៍កសិកម្មទំនើបសម្រាប់ដំណាំម្ទេស ជូនដល់បងប្អូនសម្បទានិក នៅភូមិប៊ុនរ៉ានីសែនជ័យ ដំណាក់ត្រយឹង ខេត្តពោធិ៍សាត់។ឯកឧត្តម បានលើកឡើងថា នៅទីនេះមានសក្តានុពលច្រើនសម្រាប់ការរៀបចំចងក្រងឱ្យទៅជាសហគមន៍កសិកម្មទំនើបតែម្តង ដោយហេតុថា បងប្អូនសម្បទានិកទាំងជាង៦០០គ្រួសារ សុទ្ធតែមានដីទំនេរស្រាប់ ស្ថិតនៅជាប់ៗគ្នា សម្បូរកម្លាំងពលកម្ម និងមានរចនាសម្ព័ន្ធចាំបាច់មួយចំនួនរួចជាស្រេច។ អ្វីដែលសំខាន់នោះ គឺត្រូវការតែបងប្អូនទាំងអស់ស្ម័គ្រចិត្តព្រមគ្នាក្នុងចំនួនច្រើនគ្រប់គ្រាន់ដើម្បីបង្កើតជាសហគមន៍តែប៉ុណ្ណោះ ព្រោះភាពសមស្របខាងផ្នែកបច្ចេកទេស ការត្រៀមដើមទុន និងការតភ្ជាប់ទីផ្សារសម្រាប់ដំណាំម្ទេស សុទ្ធសឹងតែត្រូវបានរៀបចំរួចរាល់ហើយ។ សូមបញ្ជាក់ថា សហគមន៍កសិកម្មទំនើប បង្កើតឡើងដោយក្រសួងកសិកម្ម រុក្ខាប្រមាញ់ និងនេសាទ ក្នុងគោលបំណង ដើម្បីប្រែក្លាយវិស័យកសិកម្មកម្ពុជា ពីលក្ខណៈគ្រួសារឱ្យទៅជាសហគ្រាស សេដ្ឋកិច្ចកសិកម្មដ៏រឹងមាំ មានសមាហរណកម្មខ្ពស់ មានសេដ្ឋកិច្ចមាត្រដ្ឋាន និងមានសមត្ថភាពប្រកួតប្រជែងទាំងបរិមាណ តម្លៃ និងគុណភាព។ ការចងក្រងសហគមន៍កសិកម្មទំនើប ជួយឱ្យកសិករទទួលបានផលចំណេញច្រើន តាមរយៈការកាត់បន្ថយថ្លៃដើមផលិត, ការទទួលបានទុនកម្ចីក្នុងអត្រាការប្រាក់ទាប, ការទទួលបានទីផ្សារ និងការគាំទ្រផ្នែកបច្ចេកទេសជាដើម៕

ជប៉ុនផ្តល់ថវិកាជាង ៤៦ម៉ឺនដុល្លារ សម្រាប់លទ្ធកម្មរថយន្តពន្លត់អគ្គិភ័យជប៉ុន និងការបំពាក់​បរិក្ខារពេទ្យ

2025/02/20 09:39:03 pm        144
Facebook Telegram Linkin
ភ្នំពេញ៖ រដ្ឋាភិបាលជប៉ុន នឹងផ្តល់ថវិកាសរុបចំនួន ៤៦២,០០៣ ដុល្លារអាមេរិក ដល់ស្ថាប័នទទួល ជំនួយចំនួនពីរ ក្រោមគ្រោងការណ៍ ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្ស ជាតិ (គូសាណូណ៌)។ កិច្ចសន្យាផ្តល់ជំនួយ ត្រូវបានចុះហត្ថលេខានៅថ្ងៃនេះ ដោយ ឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំ ព្រះរាជាណាចក្រកម្ពុជា និងតំណាងស្ថាប័នទទួលជំនួយទាំងពីរ ដើម្បីអនុវត្តគម្រោងខាងក្រោម៖១. “គម្រោងធ្វើលទ្ធកម្មរថយន្តបាញ់ខ្យល់របស់ជប៉ុន ក្នុងរាជធានីភ្នំពេញ (ថវិកាចំនួន ៨៣.៦៧២ ដុល្លារអាមេរិក)ស្ថាប័នទទួលជំនួយ៖ រដ្ឋបាលរាជធានីភ្នំពេញ ក្នុងគម្រោងនេះ រថយន្តបាញ់ខ្យល់ចំនួនមួយ ដែលនឹងក្លាយជាម៉ាស៊ីនពន្លត់អគ្គិភ័យប្រភេទ បាញ់ខ្យល់ដំបូងគេបង្អស់ដែលដាក់ឲ្យប្រើប្រាស់នៅក្នុងប្រទេសកម្ពុជា ដែលនឹងត្រូវបានដាក់ពង្រាយ ក្នុងរាជធានីភ្នំពេញ ដើម្បីធ្វើឱ្យប្រសើរឡើងនូវសមត្ថភាពពន្លត់អគ្គិភ័យ។ រថយន្តនេះនឹងជួយឱ្យក្រុម ពន្លត់អគ្គិភ័យឆ្លើយតបទៅនឹងស្ថានភាពអគ្គិភ័យនានា ដែលរួមទាំងករណីអគ្គិភ័យធំៗ កាន់តែរហ័សនិង មានប្រសិទ្ធភាព ដោយការអនុវត្តការបាញ់ខ្យល់ចេញពីរអាគារមានឧប្បត្តិហេតុអគ្គិភ័យ។ រថយន្តនេះរួម ចំណែកដល់ការការពាររអាយុជីវិត និងទ្រព្យសម្បត្តិរបស់ប្រជាជនជាង ២.៨លាននាក់ ក្នុងរាជធានី ភ្នំពេញពីឧប្បត្តិហេតុអគ្គិភ័យ។ រថយន្តនេះត្រូវបានផ្តល់ជូនដោយទីភ្នាក់ងារគ្រប់គ្រងអគ្គិភ័យ និងគ្រោះ មហន្តរាយ នៃក្រសួងកិច្ចការផ្ទៃក្នុង និងទូរគមនាគមន៍ជប៉ុន។២. “គម្រោងធ្វើលទ្ធកម្មរថយន្តពន្លត់អគ្គិភ័យ និងរថយន្តសង្គ្រោះបន្ទាន់ដែលប្រើប្រាស់រួច ក្នុងរាជ ធានីភ្នំពេញ (ថវិកាចំនួន ១៥៤.៣៧៦ ដុល្លារអាមេរិក) ស្ថាប័នទទួលជំនួយ៖ រដ្ឋបាលរាជធានីភ្នំពេញក្នុងគម្រោងនេះ រថយន្តសង្គ្រោះអគ្គីភ័យចំនួនមួយ ដែលនឹងក្លាយជារថយន្តសង្គ្រោះអគ្គិភ័យដំបូងគេបង្អស់ដែលដាក់ឲ្យប្រើប្រាស់នៅក្នុងរាជធានីភ្នំពេញ រួមជាមួយរថយន្តពន្លត់អគ្គិភ័យជណ្តើរយ ន្តដែលបំពាក់ដោយកាំជណ្តើរកម្ពស់៤០ម៉ែត្រចំនួនមួយ នឹងត្រូវបានដាក់ពង្រាយក្នុងរាជធានីភ្នំពេញ ដើម្បីធ្វើឱ្យប្រសើរឡើងនូវសមត្ថភាពសង្គ្រោះបន្ទាន់និងពន្លត់អគ្គីភ័យ។ រថយន្តសង្គ្រោះអគ្គីភ័យអាច ឱ្យក្រុមពន្លត់អគ្គិភ័យឆ្លើយតបទៅនឹងស្ថានភាពជាក់លាក់នានា រួមទាំងគ្រោះថ្នាក់ផ្សេងៗ ដែលធ្វើឱ្យ ការជួយសង្គ្រោះមានភាពលំបាក។ រថយន្តពន្លត់អគ្គីភ័យជណ្តើរយន្តនឹងជួយក្រុមពន្លត់អគ្គិភ័យក្នុងការ ពង្រឹងសមត្ថភាពពន្លត់អគ្គិភ័យ ដើម្បីទប់ទល់នឹងករណីផ្សេងៗ ដូចជានៅអាគារ ខ្ពស់ៗជាដើម។ គម្រោងនេះធ្វើឱ្យប្រសើរឡើងនូវសុវត្ថិភាពសម្រាប់ប្រជាជន និងជួយការពារទ្រព្យសម្បត្តិរបស់ប្រជា ជនប្រមាណ ២.៨លាននាក់ ក្នុងរាជធានីភ្នំពេញ ក៏ដូចជាសម្រាប់ភ្ញៀវទេសចរ និងពាណិជ្ជករអន្តរជាតិ ដែលមកពីជុំវិញពិភពលោក។៣. “គម្រោងបំពាក់បរិក្ខារពេទ្យនៅមន្ទីរពេទ្យព្រះអង្គឌួង ក្នុងរាជធានីភ្នំពេញ (ថវិកាចំនួន ២២៣.៩៥៥ ដុល្លារអាមេរិក)ស្ថាប័នទទួលជំនួយ៖ មន្ទីរពេទ្យព្រះអង្គឌួង ជំនួយនេះនឹងត្រូវប្រើប្រាស់សម្រាប់ធ្វើលទ្ធកម្មសម្ភារៈបរិក្ខារពេទ្យចំនួន ៣ប្រភេទ សម្រាប់ ការវះកាត់ផ្នែកត្រចៀក ច្រមុះ បំពងក (ហួកសិប៣ឈុត ម៉ាស៊ីនដៀលនិងម៉ាស៊ីនសេវវើ១ឈុត ស៊ីនវះអង់ដូស្កូប១ឈុត) ដើម្បីពង្រឹងគុណភាពនៃការវះកាត់ផ្នែកត្រចៀក ច្រមុះ បំពងក នៅមន្ទីរ ពេទ្យព្រះអង្គឌួង។ គម្រោងនេះនឹងលើកកម្ពស់ប្រសិទ្ធភាព និងផលិតភាពរបស់វេជ្ជបណ្ឌិត និងគិលានុ បដ្ឋាយិកា ដែលមើលថែទាំអ្នកជំងឺនៅក្នុងមន្ទីរពេទ្យនេះ។ តាមរយៈការពង្រឹងសេវាវេជ្ជសាស្ត្រ យើង រំពឹងថាគម្រោងនេះនឹងផ្តល់អត្ថប្រយោជន៍ដល់អ្នកជំងឺប្រមាណ ៣២,០០០នាក់ ដែលរួមទាំងអ្នកជំងឺ មានប្រាក់ចំណូលទាបចំនួន ១,៤០០នាក់។ជំនួយឥតសំណងគូសាណូជារបស់ជប៉ុន បានចាប់ផ្តើមនៅប្រទេសកម្ពុជាក្នុងឆ្នាំ១៩៩១ ដើម្បីគាំទ្រដល់កិច្ចខិតខំប្រឹងប្រែងរបស់កម្ពុជាក្នុងការអភិវឌ្ឍ និងស្ថាបនាប្រទេសឡើងវិញ នៅកម្រិត មូលដ្ឋាន។ ជំនួយឥតសំណងនេះ មានទិសដៅការពារជនងាយរងគ្រោះពីកត្តាមួយចំនួនដូចជា ភាព ក្រីក្រ និង/ឬ ភាពអកុសលនានា ដែលអាចគំរាមកំហែងដោយផ្ទាល់ដល់អាយុជីវិត ជីវភាពរស់នៅ និង សេចក្តីថ្លៃថ្នូររបស់ពួកគេ ក៏ដូចជាជួយជំរុញនូវភាពម្ចាស់ការលើខ្លួនឯងរបស់ប្រជាសហគមន៍។ ចាប់ តាំងពីឆ្នាំ១៩៩១ រដ្ឋាភិបាលជប៉ុនបានផ្តល់ថវិកា ជាង៧១លានដុល្លារអាមេរិក ដល់អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអនុវត្តគម្រោងគូសាណូជាចំនួន ៧០០គម្រោង នៅទូទាំងប្រទេស កម្ពុជា៕

ទ្រព្យសកម្មរបស់គ្រឹះស្ថានធនាគារបានហក់ឡើង ខណៈគ្រឹះស្ថានមីក្រូហិរញ្ញវត្ថុបានថយចុះ

2025/02/20 08:21:29 pm        262
Facebook Telegram Linkin
ទ្រព្យសកម្មរបស់គ្រឹះស្ថានធនាគារក្នុងឆ្នាំ ២០២៤ បានកើនឡើងជាង ៨ ភាគរយ ត្រូវប្រមាណជាង ៨៤ ប៊ីលានដុល្លារអាមេរិក ខណៈទ្រព្យសកម្មនៅក្នុងគ្រឹះស្ថានមីក្រូហិរញ្ញវត្ថុ បានថយចុះជិត ៤ ភាគរយ មកត្រូវប្រមាណជាង ៦,២ ប៊ីលានដុល្លារអាមេរិក។ធនាគារជាតិនៃកម្ពុជា បានបង្ហាញរបាយការណ៍ឆ្នាំ ២០២៤ ស្តីពីវឌ្ឍនភាពនៃការសម្រេចបាននៅក្នុងវិស័យធនាគារ និង ហិរញ្ញវត្ថុ ក្នុងនោះធនាគារបន្តរក្សាបានភាពធន់ទាំងផ្នែកដើមទុន និងសន្ទនីយភាព និងអនុវត្តប្រតិបត្តិការសេវាធនាគារ ប្រកបដោយ ភាពប្រុងប្រយ័ត្ន ខណៈដែលស្ថានភាពដើមទុនរបស់គ្រឹះស្ថានធនាគារ និងហិរញ្ញវត្ថុបន្តមានភាពគ្រប់គ្រាន់ អនុលោមតាមបទប្បញ្ញត្តិ (១៥%) ដោយអនុបាតភាពគ្រប់គ្រាន់នៃដើមទុនវិស័យធនាគារ មានកម្រិតជាមធ្យម ២២,៥% និងវិស័យមីក្រូហិរញ្ញវត្ថុមានកម្រិត ២៦,២%។ ចំពោះវិស័យធនាគារ, នៅក្នុងឆ្នាំ២០២៤ នេះ ទ្រព្យសកម្មរបស់គ្រឹះស្ថានធនាគារបានកើនឡើង ៨,២% ដល់ប្រមាណជាង ៣៤២ ទ្រីលានរៀល ត្រូវជាង ៨៤ ប៊ីលានដុល្លារអាមេរិក ដោយឥណទានបានកើនឡើង ៣,៣% ដល់ប្រមាណជាង ២២០ ទ្រីលាន រៀល ត្រូវជាង ៥៤ ប៊ីលានដុល្លារអាមេរិក និងមានចំនួន ២,៤ លានគណនី។ ឥណទានត្រូវបានផ្ដល់ទៅកាន់វិស័យសំខាន់ៗ ក្នុង សេដ្ឋកិច្ចដូចជា៖ ការជួញដូររាយ ១៦,៩%, ការទិញផ្ទះជាកម្មសិទ្ធិផ្ទាល់ខ្លួន ១២,៥%, ការជួញដូរអចលនទ្រព្យ ១១,៦%, ការឱ្យ ខ្ចីជាបុគ្គល ១០,១%, សំណង់ ៩,៧%, កសិកម្ម រុក្ខាប្រមាញ់ និងនេសាទ ៨,៩%, ការជួញដូរដុំ ៨,៨%, កម្មន្តសាល ៤,៣% សណ្ឋាគារនិងភោជនីយដ្ឋាន ៤,០%, និងផ្សេងៗ ១៣,២%។ដោយឡែកវិស័យមីក្រូហិរញ្ញវត្ថុក្នុងឆ្នាំ ២០២៤ នេះដែរ, ទ្រព្យសកម្មគ្រឹះស្ថានមីក្រូហិរញ្ញវត្ថុបានថយចុះជិត ៤% មកនូវជាង ២៥ ទ្រីលានរៀល ត្រូវប្រមាណ ៦,២ ប៊ីលានដុល្លារអាមេរិក ដែលក្នុងនោះឥណទានបានកើនឡើងជិត ២% ដល់ជាង ២១ ទ្រីលាន រៀល ត្រូវប្រមាណ ៥,៣ ប៊ីលានដុល្លារអាមេរិក ដោយមាន ១,៦ លានគណនី។ ឥណទានទាំងនេះបានផ្តល់ទៅកាន់វិស័យសំខាន់ៗ ក្នុងសេដ្ឋកិច្ចរួមមាន៖ អង្គភាពគ្រួសារ ៣២,៨%, កសិកម្ម ២០,៨%, ពាណិជ្ជកម្មនិងជំនួញ ២០,១%, សេវាកម្ម ១១,៨%, សំណង់ ៦,៧%, ដឹកជញ្ជូន ២,៧%, កម្មន្តសាល ២,៧% និងផ្សេងៗ ២,៤%៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅ​វាយប្រហារអ៊ីរ៉ង់
07/28/2026 08:07 PM
Facebook Telegram Linkin
អ៊ូហ្គង់ដាប្រកាសគ្មានជំងឺអេបូឡា បន្ទាប់ពី​អ្នក​ជំងឺ​ចុង​ក្រោយចេញពី​មន្ទីរពេទ្យ
07/28/2026 08:07 PM
Facebook Telegram Linkin
ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ ​«ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»
07/28/2026 08:07 PM
Facebook Telegram Linkin
កូរ៉េខាងត្បូងចេញការ​ជូនដំណឹងបន្ទាន់ អំពីការសង្ស័យ​លេចធ្លាយផូស្វ័រ នៅមូលដ្ឋានទ័ពអាកាសអាមេរិក
07/28/2026 07:07 PM
Facebook Telegram Linkin
វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់
07/28/2026 07:07 PM
Facebook Telegram Linkin
រញ្ជួយដីកម្រិត ៥,៧រ៉ិចទ័រ​ ធ្វើឱ្យញ័រ​​ខេត្ត​ Qinghai ​របស់​ប្រទេស​ចិន​
07/28/2026 07:07 PM
Facebook Telegram Linkin
របាយការណ៍៖ លោក Trump ហាក់​កាន់​តែ​ទោរទៅ​រក​លោក Zelenskyy ជាង​លោក Putin
07/28/2026 06:07 PM
Facebook Telegram Linkin
[UPDATE] ការផ្ទុះនៅផ្សារទំនើបក្នុង​ខេត្ត Kumamoto របស់​ជប៉ុន ធ្វើ​ឱ្យមនុស្សជាប់ក្នុង​នោះ​ ក្រោយ​មាន​រញ្ជួយដី​ខ្លាំង​
07/28/2026 06:07 PM
Facebook Telegram Linkin
ឯកអគ្គរដ្ឋទូត៖ រុស្ស៊ី និងឥណ្ឌូនេស៊ីពិចារណាឱកាសសហការលើវិស័យធនធានលោហៈកម្រ
07/28/2026 05:07 PM
Facebook Telegram Linkin
[BREAKING NEWS] មនុស្សជាប់នៅ​ក្នុងផ្សារទំនើប ក្នុង​ប្រទេស​ជប៉ុន បន្ទាប់ពីមាន​រញ្ជួយដី
07/28/2026 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.