BTV NEWS

ឯកឧត្តម ស៊ុន ចាន់ថុល អញ្ជើញបើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធីនៃការចុះបញ្ជីគម្រោងវិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់ហត្ថលេខា និងត្រាអេឡិចត្រូនិក (e-Signature & e-Stamp)

រយៈពេល៧ខែ, កម្ពុជានាំចេញទំនិញទៅសហរដ្ឋអាមេរិក មានទឹកប្រាក់ជិត ៧ពាន់លានដុល្លារ

ក្នុងរយៈពេល ៧ខែ, CDC អនុម័តគម្រោងវិនិយោគបានចំនួន ៤៤០គម្រោង មានទុន ៦,៧ ប៊ីលានដុល្លារ

វិស័យកសិកម្មមានកំណើន ១,២% គាំទ្រដោយកំណើនផលដំណាំ និងធនធានជលផល

សេដ្ឋកិច្ច និង កសិកម្ម

កម្ពុជានាំចេញគ្រឿងអេឡិចត្រូនិកមានទឹកប្រាក់ជាង ១,៤ពាន់លានដុល្លារ ក្នុងឆមាសទី១

ភ្នំពេញ៖ កម្ពុជាបាននាំចេញគ្រឿងអេឡិចត្រូនិក បានកើនឡើងគួរឱ្យសម្គាល់ ក្នុងឆមាសទី១ ឆ្នាំ២០២៣នេះ បើទោះបីជាការនាំចេញផលិតផលកាត់ដេរ សំលៀកបំពាក់ ស្បែកជើង និងផលិតផលធ្វើដំណើរ ដែលជាទំនិញនាំចេញសំខាន់របស់កម្ពុជា បានថយចុះ។របាយការណ៍ឆមាសទី១ និងទិសដៅការងារឆមាសទី២ ឆ្នាំ២០២៣ របស់ធនាគារជាតិនៃកម្ពុជា ចេញផ្សាយកាលពីពេលថ្មីៗនេះ បង្ហាញថា ការនាំចេញគ្រឿងអេឡិចត្រូនិក មានទឹកប្រាក់ប្រមាណ ១ ៤៤០ លានដុល្លារ ក្នុងរយៈពេល ៦ខែឆ្នាំ២០២៣នេះ កើនឡើង១.៣ដង ធៀបនឹងរយៈពេលដូចគ្នាកាលពីឆ្នាំមុន។របាយការណ៍លើកឡើងថា៖ ការនាំចេញបានថយចុះ ២,១ភាគរយ ជាចម្បងដោយសារការថយចុះការនាំចេញទោចក្រយាន ៣០,៥ភាគរយ ផលិតផលកាត់ដេរ ១៨,៤ភាគរយ និងកៅស៊ូ ៩,៨ភាគរយ ខណៈដែលមុខទំនិញផ្សេងទៀតបានកើនឡើងរួមមាន គ្រឿងអេឡិចត្រូនិក កើនឡើង១,៣ដង និងអង្ករ កើនឡើង ១២,៤ភាគរយ។ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា ការនាំចេញផលិតផលមិនមែនកាត់ដេរមានការកើនឡើងគួរឱ្យកត់សម្គាល់ក្នុងប៉ុន្មានឆ្នាំចុងក្រោយនេះ ឆ្លុះបញ្ជាំងពីប្រសិទ្ធិភាពនៃការអនុវត្តគោលនយោបាយអភិវឌ្ឍន៍វិស័យឧស្សាហកម្មនៅកម្ពុជា។ឯកឧត្តម បន្តថា គោលនយោបាយអភិវឌ្ឍន៍ឧស្សាហកម្មកម្ពុជា ២០១៥-២០២៥ បានជំរុញការវិនិយោគលើបច្ចេកវិទ្យាក្នុងសង្វាក់ផលិតកម្ម និងជំរុញការនាំចេញផលិតផលមិនមែនកាត់ដេរកើនឡើងខ្ពស់៕ អត្ថបទ៖ វណ្ណៈ

កម្ពុជារំពឹងថា នឹងទទួលបានភ្ញៀវទេសចរអន្តរជាតិ៥លាននាក់ នៅឆ្នាំនេះ

ភ្នំពេញ៖ នៅឆ្នាំនេះកម្ពុជារំពឹងថា នឹងទទួលបានភ្ញៀវទេសចរអន្តរជាតិ ប្រមាណ៥លាននាក់ និងឆ្នាំ២០២៦ នឹងមានការកើនឡើងដល់ប្រមាណ៧លាននាក់ ។ នេះបើតាមប្រសាសន៍ឯកឧត្តម ថោង ខុន រដ្ឋមន្រ្តីក្រ សួងទេសចរណ៍ ប្រាប់អ្នកសារព័ត៌មាន ក្នុងទិវារត់ប្រណាំងម៉ារ៉ាតុងអន្តរជាតិចក្រភពខ្មែរ លើកទី៨ ឆ្នាំ២០២៣ នៅខេត្តសៀមរាប នៅថ្ងៃទី៦ ខែសីហា នេះ ។ឯកឧត្តម ថោង ខុន បានមានប្រសាសន៍ថា ទិវារត់ប្រណាំងម៉ារ៉ាតុងអន្តរជាតិចក្រភពខ្មែរលើកទី៨ឆ្នាំ ២០២៣នេះ មានអ្នកចូលរួមសរុបជាង២ពាន់៥រយនាក់ ក្នុងនោះមានបរទេសជាង៥០០នាក់មកពី៤៥ប្រទេស ហើយចំនួននេះមានការ កើនឡើងច្រើនបើធៀបទៅនឹងការប្រកួតម៉ារ៉ាតុងអន្តរជាតិចក្រភពខ្មែរលើកទី៧ ដែលត្រូវបានរៀបចំជាថ្មី បន្ទាប់ពីវិបត្តិជំងឺកូវីដ- ១៩ កាលពីឆ្នាំ២០២២។ ការកើនឡើង នៃចំនួនអ្នកចូលរួមនៅក្នុងទិវានេះ ដោយសារភ្ញៀវទេសចរបានមើលឃើញថា កម្ពុជាមានសុខសន្តិភាពពេញបូរិបូណ៍ ហើយគណៈកម្មការ និងអ្នកពាក់ព័ន្ធផ្សេងៗ ទៀតបានរៀបចំតំបន់អង្គរបានល្អ។ក្នុងន័យនេះ ឯកឧត្តម រំពឹងថា នៅឆ្នាំនេះ កម្ពុជា នឹងទទួលបានភ្ញៀវទេសចអន្តរជាតិ៥លាននាក់ ក្នុងស្រុកប្រមាណ១៦លាននាក់ និងឆ្នាំ២០២៦ ទទួលបានភ្ញៀវទេសចរអន្តរជាតិកើនឡើងដល់ប្រមាណ ៧លាននាក់។ក្នុងរយៈពេល៧ខែ ក្នុងឆ្នាំ២០២៣ នៅទូទាំងប្រទេសកម្ពុជា ទទួលបានភ្ញៀវទេសចរផ្ទៃក្នុង ប្រមាណជាង១២លាននាក់ ។ នេះបើយោងតាមស្ថិតិរបស់ក្រសួងទេសចរណ៍ ។ជាធម្មតា ខែកក្កដា និងខែសីហា ជាខែដែលមានចរន្តភ្ញៀវទេសចរផ្ទៃក្នុងតិច ដោយសារជារដូវ ភ្លៀង អាចមានជំនន់ទឹកភ្លៀងដោយកន្លែង។ ម្យ៉ាងវិញទៀត ខែទាំង២នេះ មិនមានថ្ងៃឈប់សម្រាកជាតិ ទេ។ ប៉ុន្តែ ចរន្តភ្ញៀវ នឹងចាប់ផ្តើមមានសន្ទុះខ្លាំងចាប់ពីខែកញ្ញាវិញ ជាមួយការប្រារព្ធពិធីកាន់បិណ្ឌ និងភ្ជុំ បិណ្ឌ និងថ្ងៃ ឈប់សម្រាកនានា។ក្រសួងទេសចរណ៍រំពឹងថា នឹងទទួលបានភ្ញៀវទេសចរផ្ទៃក្នុង ប្រមាណ១៦លាននាក់ សម្រាប់ ឆ្នាំនេះ ក្រោមទម្រង់អក្សរ V ដូចដែលព្យាករក្នុងផែនទីចង្អុលផ្លូវ ស្តីពីការស្តារ និងលើកស្ទួយវិស័យទេស ចរណ៍ក្នុងនិងក្រោយដំណាក់កាលវិបត្តិជំងឺកូវីដ-១៩ ៕អត្ថបទ៖ ទូច សោភ័ណ

រដ្ឋមន្ត្រីក្រសួងទេសចរណ៍ ប្រកាសអនុវត្តផែនការមេអភិវឌ្ឍទេសចរណ៍ខេត្តកែប ឆ្នាំ២០២៣ -២០៣៥

កែប៖ នៅថ្ងៃទី៧ ខែសីហានេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានប្រកាសដាក់ឲ្យអនុវត្តផ្លូវការ ផែនការមេអភិវឌ្ឍវិស័យទេសចរណ៍ខេត្តកែប នៅសាលាខេត្តកែប ដើម្បីប្រែក្លាយខេត្ដកែបជាគោលដៅទេសចរណ៍ សម្រាកកម្សាន្ដប្រណិតកម្រិតខ្ពស់ ភាពទាក់ទាញ ធានាបានឧត្តមភាពប្រកួតប្រជែង នៅក្នុងតំបន់ និងពិភពលោក។ឯកឧត្តមរដ្ឋមន្ត្រី ថោង ខុន ថ្លែងថា ការរៀបចំផែនការមេអភិវឌ្ឍវិស័យទេសចរណ៍ខេត្តកែប គឺបានកំណត់ចក្ខុវិស័យប្រែក្លាយខេត្តកែបជា “គោលដៅទេសចរណ៍ធម្មជាតិសម្រាកកម្សាន្តបែបប្រណិតកម្រិតខ្ពស់” ដោយប្រកាន់យកគោលការណ៍នៃការអភិវឌ្ឍប្រកបដោយ ចីរភាព សុវត្ថិភាព គុណភាព ភាពប្រកួតប្រជែង និងទេសចរណ៍បែបឆ្លាតវៃ ហើយត្រូវបាន ហើយ ត្រូវបានទទួលបានការអនុម័តដ៏ខ្ពង់ខ្ពស់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី១៤ ខែកក្កដា ឆ្នាំ២០២៣ កន្លងមកនេះ។ឯកឧត្តម នី ផល្លី រដ្ឋលេខាធិការក្រសួងទេសចរណ៍ ថ្លែងថា នៅក្នុងផែនការមេអភិវឌ្ឍន៍វិស័យទេសចរណ៍ខេត្តកែបនេះ គឺបានកំណត់ប៉ូលអភិវឌ្ឍន៍សំខាន់ៗ និងជាយុទ្ធសាស្ត្រចំនួន៤ រួមមាន៖ ទី១ ប៉ូលទេសចរណ៍តំបន់ក្រុងកែបចាស់ ឲ្យក្លាយជាឧទ្យានប្រណិតកម្រិតពិភពលោក ទី២ ប៉ូលទេសចរណ៍តំបន់អង្កោល នឹងអភិវឌ្ឍន៍ឲ្យក្លាយជាតំបន់ទេសចរណ៍ឆ្នេរសមុទ្រធម្មជាតិទំនើប ទី៣ ប៉ូលទេសចរណ៍តំបន់ភ្នំវល្លិ៍ នឹងអភិវឌ្ឍន៍ឲ្យក្លាយជា តំបន់កសិទេសចរណ៍ និងទេសចរណ៍ធម្មជាតិប្រវត្តិសាស្ត្រ និងទី៤ ប៉ូលទេសចរណ៍តំបន់ប្រជុំកោះ នឹងអភិវឌ្ឍន៍ឲ្យក្លាយជា តំបន់ទេសចរណ៍កោះប្រណិត។ឯកឧត្តម នី ផល្លី ថ្លែងថា តាមរយៈការអនុវត្តផែនមេនេះ នឹងបង្កើនភាពទាក់ទាញ បណ្តាក្រុមហ៊ុនវិនិយោគជាតិអន្តរជាតិ និងអង្គការសមាគម ដៃគូរាជរដ្ឋាភិបាល នានាចូលរួមអភិវឌ្ឍន៍ និងរៀបចំកាយសម្បទាផ្តល់សេវាវិស័យទេសចរណ៍ប្រកបដោយភាពច្នៃប្រឌិត ឆ្លាតវៃ និងទាក់ទាញបំផុត។ឯកឧត្តម បន្តថា ទន្ទឹមនឹងនេះខេត្តកែប ក៏នឹងត្រូវបានទទួលបានអភិវឌ្ឍន៍ស្ថាបនាផ្លូវនៅក្នុងខេត្តចំនួន១៦ ខែ្សទៅកាន់បណ្តាតំបន់ប៉ូលទេសចរណ៍នានា រៀបចំបណ្តាញប្រព័ន្ធលូទឹកកខ្វក់ អាងទឹកគ្រប់គ្រងសំណល់រឹងរាវ ប្រឡាយទឹកបញ្ចៀសទឹកជំនន់ បណ្តាញផ្គត់ផ្គងអគ្គីសនី និងបណ្តាញប្រព័ន្ធប្រៃសណីយទូរគមនាគមន៍ជាដើម៕ អត្ថបទ ស៊ុម សុខជា

កម្ពុជានាំចេញអង្ករជាង៣៦ម៉ឺនតោន រកចំណូលបានជាង២៥០លានដុល្លារក្នុងរយៈពេល៧ខែ

ភ្នំពេញ៖ គិតក្នុងរយៈពេល ៧ខែ ឆ្នាំ២០២៣នេះ កម្ពុជាបានសម្រេចការនាំចេញអង្ករបានជិត ៥២% នៃផែនការ ៧០ម៉ឺនតោន គឺសម្រេចបានចំនួនជាង ៣៦ម៉ឺនតោន ដែលគិតជាទឹកប្រាក់មានចំនួនសរុបជាង ២៥៣លានដុល្លារសហរដ្ឋអាម៉េរិក។របាយការណ៍ សហព័ន្ធស្រូវអង្ករកម្ពុជា បានបញ្ជាក់ថា ក្រុមហ៊ុននាំចេញចំនួន ៥២ក្រុមហ៊ុន បាននាំចេញអង្ករទៅកាន់គោលដៅចំនួន៥២ ដែលក្នុងនោះ ប្រទេសចិន និងតំបន់ស្វយ័តបានចំនួនជាង ១៤ម៉ឺនតោន ដែលគិតជាទឹកប្រាក់បានចំនួន ៩០លានដុល្លារ។ចំណែកការនាំចេញអង្ករទៅទៅកាន់ប្រទេសនៅក្នុងទ្វីបអឺរ៉ុបចំនួន ២៥ប្រទេស បានចំនួនជាង ១៤ម៉ឺនតោន គិតជាទឹកប្រាក់ចំនួន ១០០ លានដុល្លារ, ទៅកាន់ ៤ប្រទេសសមាជិអាស៊ាន ចំនួនជាង ៣ម៉ឺនតោន គិតជាទឹកប្រាក់ចំនួន ២០លានដុល្លារ, ទៅកាន់ ២២ប្រទេសផ្សេងៗទៀត បានចំនួនជិត ៥ម៉ឺនតោន ដែលគិតជាទឹកប្រាក់បានចំនួន ៤២លានដុល្លារ។សហព័ន្ធស្រូវអង្ករកម្ពុជា បានឲ្យដឹងថា ចំពោះប្រភេទអង្ករក្រអូបគ្រប់ប្រភេទចំនួន ៨២.២៩% អង្ករសចំនួន ១២.៦៣% អង្ករចំហ៊ុយ ៣.៣៦ % អង្ករសរីរាង្គចំនួន ១.៧១% និង អង្ករសគ្រាប់ខ្លីចំនួន ០.០២%។ ប្រភពដដែលនេះ ឲ្យដឹងទៀតថា កម្ពុជាក៏បាននាំចេញស្រូវចំនួនជាង ២,៥លានតោន ដែលគិតជាទឹកប្រាក់បានចំនួនជាង ៦៦៣ លានដុល្លារសហរដ្ឋអាមេរិក ដែលក្នុងនោះ ៦០% បាននាំចេញដោយឆ្លងកាត់ការស្នើសុំការបញ្ជាក់ឯកសារនាំចេញ ពីអាជ្ញាធរមានសមត្ថកិច្ច៕អត្ថបទ៖ ឈិត បូរ៉ាវី

ពិព័រណ៍ពាណិជ្ជកម្ម និងទេសចរណ៍ឥណ្ឌូនេស៊ីលើកទី១៤ ប្រកាសបើកផ្លូវការថ្ងៃនេះ

ភ្នំពេញ៖ ស្ថានទូតនៃសាធារណរដ្ឋឥណ្ឌូនេស៊ីប្រចាំនៅកម្ពុជា បានប្រកាសបើកកម្មវិធីផ្សព្វផ្សាយពាណិជ្ជកម្ម និងទេសចរណ៍ឥណ្ឌូណេស៊ី លើកទី១៤ ក្រោមប្រធានបទ «ការពង្រឹងកិច្ចសហប្រតិបត្តិការ តាមរយៈកិច្ចសហប្រតិបត្តិការ» ចាប់ពីថ្ងៃទី៤ ដល់ទី៦ ខែសីហា ឆ្នាំ២០២៣ នៅអគារមជ្ឈមណ្ឌលពិព័រណ៍កោះពេជ្រ ដើម្បីជំរុញពាណិជ្ជកម្ម និងទេសចរណ៍រវាងកម្ពុជា និងឥណ្ឌូនេស៊ី។ពិធីបើកផ្លូវការនេះបានប្រព្រឹត្តទៅក្រោមអធិបតីភាព ឯកឧត្តម ឈួន ដារ៉ា រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងពាណិជ្ជកម្ម, ឯកឧត្តម ថោង រដ្ឋស័ក្តិ រដ្ឋលេខាធិការក្រសួងទេសចរណ៍, លោកជំទាវ Lauti Nia Astri ភារធារីស្តីទី អមស្ថានទូតសាធារណរដ្ឋឥណ្ឌូនេស៊ីប្រចាំនៅកម្ពុជា, ឯកអគ្គរាជទូត ឯកអគ្គរដ្ឋទូត នៃបណ្តាប្រទេសជាមិត្តប្រចាំនៅកម្ពុជា និងភ្ញៀវកិត្តិយសជាច្រើននាក់ផ្សេងទៀត។ឯកឧត្តម ឈួន ដារ៉ា ថ្លែងថា ទំនាក់ទំនងការទូតរវាងប្រទេស កម្ពុជា-ឥណ្ឌូនេស៊ី មានរយៈពេល ៦៤ ឆ្នាំហើយដោយបានបង្កើនចំណងមិត្តភាពទ្វេភាគីកាន់តែរឹងមាំ និងស៊ីជម្រៅពីមួយឆ្នាំ ទៅមួយឆ្នាំ និងបានក្លាយទៅជាមិត្តភាពមិនអាចកាត់ផ្តាច់បាន ក្នុងការរួមគ្នាកសាងវឌ្ឍនភាព វិបុលភាព និងការយល់ចិត្តថ្លើមគ្នា។ ឯកឧត្តមបន្តថា ការរៀបចំពិព័រណ៍ពាណិជ្ជកម្ម និងទេសចរណ៍ឥណ្ឌូនេស៊ី លើកទី១៤នេះ គឺមានសារៈសំខាន់ណាស់ក្នុងការជំរុញ និងលើកកម្ពស់គុណតម្លៃនៃទំនាក់ទំនងកិច្ចសហប្រតិបត្តិការគ្រប់ជ្រុងជ្រោយ រវាងកម្ពុជា-ឥណ្ឌូនេស៊ី ឱ្យក្លាយជាមិត្តភាពដ៏រឹងមាំ និងស៊ីជម្រៅជាងមុនជាលំដាប់។ លោកជំទាវ Lauti Nia Astri ភារធារីស្តីទី អមស្ថានទូតសាធារណរដ្ឋឥណ្ឌូនេស៊ីប្រចាំនៅកម្ពុជា មានប្រសាសន៍ថា ក្រុមហ៊ុនដែលចុះឈ្មោះចូលរួមបង្ហាញផលិតផលក្នុងកម្មវិធីពិព័រណ៍នេះមានចំនួនជិត ៥០ក្រុមហ៊ុន ក្នុងនោះមាន វិស័យម្ហូបអាហារ សម្លៀកបំពាក់ និងសេវាកម្មទេសចរណ៍ជាដើម។ លោកជំទាវ បានបន្តថា ព្រឹត្តិការណ៍នេះ នឹងបង្កើតឱកាសបណ្តាញសម្រាប់ភ្នាក់ងារទេសចរណ៍ក្នុងការកសាងទំនាក់ទំនងអាជីវកម្មរបស់ពួកគេក្នុងការលើកកម្ពស់វិស័យទេសចរណ៍នៃប្រទេសទាំងពីរផងដែរ។យោងតាមរបាយការណ៍របស់ក្រសួងពាណិជ្ជកម្ម គិតមកត្រឹមខែមេសា ដើមឆ្នាំ២០២៣ ទំហំពាណិជ្ជកម្មទ្វេភាគី រវាងកម្ពុជា និងឥណ្ឌូនេស៊ី មានចំនួនជិត ៤០០ លានដុល្លារ កើនឡើង ២៧% បើប្រៀបធៀបរយៈពេលដូចគ្នាក្នុងឆ្នាំ២០២២ ដែលក្នុងនោះឥណ្ឌូនេស៊ីនាំចេញកើនឡើង ៦១% និងកម្ពុជានាំចូលកើនឡើង ២៦%៕អត្ថបទ ឈិត បូរ៉ាវី

រដ្ឋមន្ត្រីក្រសួងពាណិជ្ជកម្ម ស្នើសហអាមេរិកពន្លឿននីតិវិធី លើការបន្តសុពលភាពប្រព័ន្ធអនុគ្រោះពន្ធ GSP

ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ជំរុញឱ្យសហរដ្ឋអាមេរិក បន្តឡើងវិញប្រព័ន្ធអនុគ្រោះ GSP ដើម្បីពង្រឹងកិច្ចសហប្រតិបត្តិការពាណិជ្ជកម្មរវាងប្រទេសទាំងពីរ ដោយផ្ដល់ផលចំណេញឱ្យគ្នាទៅវិញទៅមក។ឯកឧត្តម ប៉ាន សូរស័ក្តិ លើកឡើងបែបនេះ ក្នុងជំនួបជាមួយប្រតិភូ សភាអាមេរិក អមដោយឯកអគ្គរដ្ឋទូតអាមេរិកប្រចាំនៅកម្ពុជា កាលពីរសៀលថ្ងៃទី២ ខែសីហា ឆ្នាំ២០២៣ នៅទីស្តីការក្រសួងពាណិជ្ជកម្ម ដោយមានការចូលរួមពីគណៈប្រតិភូសភាអាមេរិក ដឹកនាំដោយ លោក Jason Smith ប្រធានគណៈកម្មាធិការ ស្តីពីរបៀប និងមធ្យោបាយនៃសភាអាមេរិក និងមានការចូលរួមពីសមាជិក សភា អាមេរិកន និងឯកឧត្តម W. Patrick Murphy អគ្គរដ្ឋទូតអាមេរិកប្រចាំនៅកម្ពុជា និងសហការីមួយចំនួនទៀតផងដែរ។ក្នុងជំនួបខាងលើនេះ ឯកឧត្តម ប៉ាន សូរស័ក្តិ បានអំពាវនាវទៅកាន់ភាគីសហរដ្ឋអាមេរិក ជួយជំរុញឱ្យក្រុមហ៊ុនអាមេរិក មកបណ្ដាក់ ទុនវិនិយោគនៅកម្ពុជាឱ្យបានកាន់តែច្រើនបន្ថែមទៀត ដើម្បីកាត់បន្ថយឱនភាព ពាណិជ្ជកម្មរវាងប្រទេសទាំងពីរ ក៏ដូចជាដើម្បីទាញយកផលចំណេញពីគ្នាទៅវិញទៅមក។ឯកឧត្តម ប៉ាន សូរស័ក្តិ ក៏បានលើកឡើងពីសក្តានុពល និងភាពអំណោយផលរបស់កម្ពុជា នៅក្រោមកិច្ចព្រមព្រៀងពាណិជ្ជកម្មសេរីតំបន់ និងទ្វេភាគី ក៏ដូចជាការរៀបចំបរិយាកាសធុរកិច្ច និងវិនិយោគឱ្យរឹតតែប្រសើរឡើង ដើម្បីទាក់ទាញការវិនិយោគឱ្យបានរឹតតែច្រើនមកកាន់កម្ពុជា។ឯកឧត្តម ប៉ាន សូរស័ក្តិ បានស្នើសុំឱ្យសភាអាមេរិកបន្តឡើងវិញនូវប្រព័ន្ធ GSP សម្រាប់កម្ពុជាផងដែរ ជាពិសេសសម្រាប់ទំនិញមួយចំនួន ដូចជា សំលៀកបំពាក់ ស្បែកជើង និងទំនិញធ្វើដំណើរជាដើម ដោយបញ្ជាក់ថា ការបន្តឡើងវិញនូវប្រព័ន្ធ GSP នេះ នឹងពង្រឹងកិច្ចសហប្រតិបត្តិការ ពាណិជ្ជកម្មរវាងប្រទេសទាំងពីរ ដោយផ្ដល់ផលចំណេញឱ្យគ្នាទៅវិញទៅមក។សូមបញ្ជាក់ថា ប្រព័ន្ធអនុគ្រោះពន្ធ GSP ផ្តល់ដល់កម្ពុជា លើផលិតផលធ្វើដំណើរ និងកាបូប បានអស់សុពលភាព នៅចុងឆ្នាំ២០២០ កន្លងទៅ។ក្នុងអំឡុងពេលនៃការរង់ចាំបន្តសុពលភាពនៃប្រព័ន្ធអនុគ្រោះពន្ធ GSP ការនាំចេញផលិតធ្វើដំណើរ និងកាបូប ទៅទីផ្សារសហរដ្ឋអាមេរិក ត្រូវបង់ពន្ធ ៕ អត្ថបទ៖ វណ្ណៈ

គ្រឹះស្ថានអង្គររកចំណូលបានជាង២០លានដុល្លារ ពីការលក់សំបុត្រចូលទស្សនាអង្គរ រយៈពេល៧ខែ

សៀមរាប៖ គ្រឹះស្ថានអង្គរ ទទួលបានចំណូលជាង២០,៣ លានដុល្លារ ពីការលក់សំបុត្រចូលទស្សនារមណីយដ្ឋានអង្គរ ក្នុងរយៈពេល៧ខែ នៃឆ្នាំ២០២៣។ ចំនួននេះ កើនឡើងជាង ៥០០ពាន់ភាគរយ ធៀបនឹងរយៈពេលដូចគ្នាក្នុងឆ្នាំ២០២២។បើតាមសេចក្ដីប្រកាសរបស់គ្រឹះស្ថានអង្គរ រយៈពេល ៧ខែនេះ មានទេសចរសរុប ៤៣៩ ៣៦៥នាក់ បានទិញសំបុត្រចូលរមណីយដ្ឋានអង្គរ ដែលកើនជាង ៤២៣ពាន់ភាគរយ ធៀបនឹងរយៈពេលដូចគ្នាក្នុងឆ្នាំ២០២២។ ដោយឡែក ក្នុងខែកក្កដា កន្លងទៅនេះ មានទេសចរ ជាង៥៣ពាន់នាក់ បានទិញបណ្ណចូលទស្សនារមណីយដ្ឋានអង្គរ ហើយចំណូលលក់សំបុត្រនោះមានជាង២,៤លានដុល្លារ។ក្រៅពីនេះ គ្រឹះស្ថានអង្គរ ក៏បានលក់សំបុត្រចូលទស្សនាតំបន់កោះកែរ បានចំនួន ១០,៦ម៉ឺនដុល្លារ ដល់ទេសចរអន្តរជាតិចំនួន ៧ពាន់នាក់ ។យោងតាមគ្រឹះស្ថានអង្គរ តម្លៃសំបុត្រចូលទស្សនារមណីយដ្ឋានអង្គរ ត្រូវបានចែកចេញជា ៣ប្រភេទ គឺសំបុត្រចូលទស្សនា ១ថ្ងៃមានតម្លៃ ៣៧ដុល្លារ, រយៈពេល ៣ថ្ងៃតម្លៃ ៦២ដុល្លារ និង ៧ថ្ងៃ មានតម្លៃ ៧២ដុល្លារ។ទិន្នន័យក្រសួងទេសចរណ៍ ឱ្យដឹងថា ក្នុងឆ្នាំ២០២២ កម្ពុជាទទួលបានទេសចរអន្តរជាតិប្រមាណជិត ២,២៨លាននាក់ កើនឡើង១ ០៥៩ភាគរយធៀបឆ្នាំ២០២១៕ អត្ថបទ៖ វណ្ណៈ

ធនាគារ SME បញ្ចេញហិរញ្ញប្បទានមានចំនួន ៥៤ លានដុល្លារ សម្រាប់គម្រោងស្តារវិស័យទេសចរណ៍

ភ្នំពេញ៖ គម្រោងសហហិរញ្ញប្បទានសម្រាប់ការស្តារ និងជំរុញកំណើនក្នុងវិស័យទេសចរណ៍ របស់ ធនាគារ SME បានបញ្ចេញហិរញ្ញប្បទាន មានចំនួន ៥៤ លានដុល្លារអាមេរិក ស្មើប្រមាណ ៣៦ ភាគរយនៃគម្រោងថវិកាសរុប គិតត្រឹមថ្ងៃទី ៣១ ខែ កក្កដា ឆ្នាំ ២០២៣ ។ធនាគារ SME បានបង្ហាញរបាយការណ៍ អំពីគម្រោងសហហិរញ្ញប្បទានសម្រាប់ការស្តារ និងជំរុញកំណើនក្នុងវិស័យទេសចរណ៍ឲ្យដឹងថា គិតត្រឹមថ្ងៃទី ៣១ ខែកក្កដា ឆ្នាំ ២០២៣ អាជីវកម្មស្ថិតក្នុងវិស័យទេសចរណ៍ចំនួន ៣៤៩ ក្រុមហ៊ុន/សហគ្រាស ទទួលបានហិរញ្ញប្បទាន ពីគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍ ។ជុំវិញការគាំទ្រ និងជួយជ្រោមជ្រែង កែលម្អអាជីវកម្ម ដែលទទួលរងផលប៉ះពាល់ ការរៀបចំដំណើរការអាជីវកម្មឡើងវិញ និងធ្វើទំនើបកម្ម ពិពិធកម្ម សេវាកម្ម និងផលិតផលនេះ បើគិតត្រឹមថ្ងៃទី ៣១ ខែកក្កដា នេះ បានផ្តល់ហិរញ្ញប្បទានទៅលើអាជីវកម្មសំខាន់រួមមាន អាជីវកម្មលើសណ្ឋាគារ មាន ២៩ ភាគរយ, អាជីវកម្មផ្ទះសំណាក់ ២៥ ភាគរយ, ភោជនីយដ្ឋាន ៣១ ភាគរយ និងអាជីវកម្មគាំទ្រវិស័យទេសចរណ៍ មាន ១៥ ភាគរយ ក្នុងនោះមានសហគ្រិនជាស្ត្រី ៤១ ភាគរយ ទទួលបានពីគម្រោងសហហិរញ្ញប្បទានសម្រាប់ការស្តារ និងជំរុញកំណើនក្នុងវិស័យទេសចរនេះផងដែរ ។ជុំវិញភ្ញៀវទេសចរណ៍នេះ បើយោងតាមផេកផ្លូវការរបស់ក្រសួងទេសចរណ៍បានបង្ហាញឲ្យដឹងថា ក្នុងឆមាសទី១ ឆ្នាំ ២០២៣ ចាប់គិតពីខែ មករា ដល់ ខែ មិថុនា កម្ពុជាទទួលបានភ្ញៀវទេសចរអន្តរជាតិប្រមាណ ២.៥៧ លាននាក់ កើនឡើងជាង ៤០០ ភាគរយ ធៀបនឹងរយៈពេលដូចគ្នា ឆ្នាំ២០២២ ។សូមបញ្ជាក់ថា រាជរដ្ឋាភិបាលតាមរយៈក្រសួងសេដ្ឋកិច្ច និងហិរញ្ញវត្ថុ សហការជាមួយធនាគារជាដៃគូរ បានបង្កើតគម្រោងសហហិរញ្ញប្បទានលើវិស័យទេសចរនេះ បានចាប់ផ្តើមឡើងក្នុងខែ កក្កដា ឆ្នាំ ២០២២ ដោយគម្រោងនេះផ្តល់ជូននូវអត្រាការប្រាក់ពិសេសជូនដល់សហគ្រាស ឬអាជីវកម្មដែលរងនូវផលប៉ះពាល់ ក្នុងអត្រាការប្រាក់អតិបរមា ៦.៥% ក្នុងមួយឆ្នាំ ក្នុងនោះម្ចាស់អាជីវកម្មអាចកម្ចីទំហំឥណទានត្រឹម ៤០ ម៉ឺនដុល្លារ សម្រាប់ជាទុកបង្វឹលក្នុងអាជីវកម្ម ។ ចំណែកការការសង់ត្រឡប់ឥណទានមកវិញ រាជរដ្ឋាភិវបាលបានកំណត់ការកម្ចីមានរយៈពេល ៧ឆ្នាំ ក្នុងនោះសម្រាប់ការសងត្រឡប់រយៈពេល ១២ ខែដំបូង ម្ចាស់អាជីវកម្មបង់តែការប្រាក់ប៉ុណ្ណោះ៕អត្ថបទ៖ សុន រ៉ាឌី

តម្លៃប្រេងកើនឡើងតិចតួច ខណៈដែលទីផ្សារថ្លឹងថ្លែងទិន្នន័យសន្និធិ ការវាយតម្លៃរបស់សហរដ្ឋអាមេរិកធ្លាក់ចុះ

អាមេរិក៖ តម្លៃប្រេង បានកើនឡើងបន្តិចនៅក្នុងការជួញដូរនៅអាស៊ីដំបូង នៅថ្ងៃព្រហស្បតិ៍នេះ ខណៈដែលទីផ្សារបានថ្លឹងថ្លែងនូវទិន្នន័យសន្និធិរបស់សហរដ្ឋអាមេរិក ដែលមានការកើនឡើងកាលពីថ្ងៃពុធ ហើយទំនងជាការបន្តកាត់បន្ថយទិន្នផលរបស់អង្គការ OPEC+ ( អូប៉ិចបូក) ទល់នឹងការធ្លាក់ចុះនៃការចំណាត់ការទាញទម្លាក់របស់ទីភ្នាក់ងារវាយតម្លៃFitchផ្នែកឥណទានដ៏ធំរបស់រដ្ឋាភិបាលសហរដ្ឋអាមេរិក។ភាគហ៊ុនប្រេងឆៅBrent បានកើនឡើង ២៧ សេន ឬ ០,៣២ ភាគរយដល់៨៣,៤៧ដុល្លារក្នុងមួយបារ៉ែលត្រឹមម៉ោង ០០០១ ម៉ោងសកល ខណៈប្រេងឆៅរបស់ក្រុមហ៊ុនប្រេង West Texas Intermediate របស់អាមេរិក បានកើនឡើង ២៩ សេន ឬ ០,៣៦ ភាគរយដល់ ៧៩,៧៨ ដុល្លារក្នុងមួយ បារ៉ែល។ស្តង់ដារទាំងពីរ ត្រូវបានជួញដូរនៅជិតកម្រិតខ្ពស់បំផុតរបស់ពួកគេ ចាប់តាំងពីខែមេសា កាលពីថ្ងៃពុធ ប៉ុន្តែបានបិទ ធ្លាក់ចុះ ២ភាគរយ ចំពេលមានការបារម្ភពីវិនិយោគិនចំពោះហានិភ័យ បន្ទាប់ពីការធ្លាក់ចំណាត់ថ្នាក់។កាលពីថ្ងៃអង្គារ ទីភ្នាក់ងារវាយតម្លៃ Fitch បានទម្លាក់ចំណាត់ថ្នាក់រូបិយប័ណ្ណបរទេសរយៈពេលវែងរបស់សហរដ្ឋអាមេរិកទៅជាAA+ ពី AAA ដោយឆ្លុះបញ្ចាំងពីការថមថយសារពើពន្ធដែលរំពឹងទុកក្នុងរយៈពេល ៣ ឆ្នាំខាងមុខ ក៏ដូចជាការព្រួយបារម្ភអំពីបន្ទុកបំណុលរដ្ឋាភិបាលទូទៅដែលកើនឡើងខ្ពស់ បែកបាកផ្នែកនយោបាយ និងស្ថានភាពអន្តរជាតិនៃប្រាក់ដុល្លារអាមេរិក៕

មជ្ឈមណ្ឌលពាណិជ្ជកម្មឥណ្ឌា Gurugram នៅតែមានភាពតានតឹង បន្ទាប់ពីការប៉ះទង្គិចគ្នារវាងអ្នកកាន់សាសនាហិណ្ឌូ និងពលរដ្ឋមូស្លីម

ឥណ្ឌា៖ ចរាចរណ៍មានភាពធូរស្រាលជាងធម្មតាកាលពីថ្ងៃពុធ (២ សីហា) ហើយផ្លូវមួយចំនួនមិនមានមនុស្សម្នា នៅក្នុងមជ្ឈមណ្ឌលពាណិជ្ជកម្ម Gurugram ភាគខាងត្បូងនៃរដ្ឋធានីញូវដែលី្លរបស់ឥណ្ឌា ខណៈដែលក្រុមអាជ្ញាធរបាននិយាយថា ចំនួនអ្នកស្លាប់ពីការប៉ះទង្គិចគ្នាពីរថ្ងៃនៃក្រុមអ្នកសាសនាហិណ្ឌូ-ពលរដ្ឋមូស្លីម នៅក្នុងតំបន់នេះ បានកើនឡើងដល់៧នាក់ហើយ។អំពើហឹង្សាបានផ្ទុះឡើងក្នុងអំឡុងពិធីដង្ហែសាសនាដោយពួកហិណ្ឌូនៅក្នុងសង្កាត់ Nuh ដែលគ្រប់គ្រងដោយពលរដ្ឋមូស្លីមកាលពីថ្ងៃចន្ទ ដែលបណ្តាលឱ្យមនុស្ស៦នាក់ស្លាប់ រួមទាំងបុគ្គលិកនគរបាលពីរនាក់ និងប្រហែល៦០នាក់ បានរងរបួស។ភាពចលាចលបានរាលដាលដល់មជ្ឈមណ្ឌលពាណិជ្ជកម្ម Gurugram ដែលនៅជិតខាងនោះកាលពីយប់ថ្ងៃច័ន្ទ និងបន្តរហូតដល់ថ្ងៃអង្គារ ដោយវិហារអ៊ីស្លាមមួយត្រូវបានដុត ហើយបព្វជិតរបស់វិហារម្នាក់បានស្លាប់ផងដែរ។ បណ្ដាហាង និងភោជនីយដ្ឋានជាច្រើនត្រូវបានកម្ទេច ឬដុតបំផ្លាញ។ អ្នកស្រុកមួយចំនួនក្នុងទីក្រុងបានភៀសខ្លួននិយាយថា ពួកគេបានប្រឈមមុខនឹងការគំរាមកំហែង៕

បណ្ដាញសង្គម

ព័ត៌មានថ្មីៗ

ព្រះសង្ឃ និងពុទ្ធបរិសទ្ធនៅសៀមរាប រួមគ្នាយកអំណោយចែកជូនវីរកងទ័ពនៅព្រំដែនកម្ពុជា-ថៃ

សម្ដេច ម៉ែន សំអន អញ្ជើញចូលថ្វាយបង្គំ ថ្វាយភួងផ្កា ថ្វាយរបាំ ដល់ព្រះប្រតិមាទើបប្រទះឃើញ នៅសារមន្ទីរខេត្តកំពង់ធំ

សម្តេច ម៉ែន សំអន អញ្ជើញបួងសួងសុំសេចក្តីសុខ សេចក្តីចម្រើនជូនជាតិ និងប្រជាពលរដ្ឋ នៅប្រាសាទសំបូរព្រៃគុក

លោក Trump នឹងជួបលោកZelensky នៅអាមេរិក បន្ទាប់ពីកិច្ចពិភាក្សាដោយជោគជ័យ ជាមួយលោក Putin

ចំនួនអ្នកស្លាប់កើនឡើង ខណៈចំហេះព្រៃនៅតែបន្តឆាបឆេះពាសពេញអឺរ៉ុបភាគខាងត្បូង

ទឹកជំនន់នៅភាគខាងជើងប្រទេសចិន សម្លាប់មនុស្ស៨នាក់ និងបាត់ខ្លួន៤នាក់

បណ្ដាប្រទេសអារ៉ាប់ និងឥស្លាម ថ្កោលទោសការលើកឡើងរបស់លោក Netanyahu ដែលចង់ពង្រីកអ៊ីស្រាអែលកាន់តែអស្ចារ្យ

BREAKING NEWS! រញ្ជួយដីដ៏ខ្លាំងក្លាវាយប្រហារឥណ្ឌូនេស៊ី បានបណ្តាលឲ្យមនុស្សរាប់សិបនាក់រងរបួស និងពីរនាក់របួសធ្ងន់

ពលរដ្ឋខ្មែរនិងព្រះសង្ឃ ជាង ១០០០អង្គ/នាក់ ជួបជុំគ្នាបាតុកម្ម សុំឱ្យសហគមន៍អន្តរជាតិ អន្តរាគមន៍ឱ្យប្រទេសថៃ គោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ

មន្ត្រីសង្ឃខេត្តសៀមរាប នាំយកជំនួយសប្បុរសជននៅអាមេរិក ជូនកងទ័ពជួរមុខ ក្នុងខេត្តឧត្តរមានជ័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877