នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​
សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

សម្ដេចព្រះមហាក្សត្រីកោតសរសើរចំពោះ ស.ស.យ.ក ដែលបានបំពេញការងារជាច្រើនជូនជាតិ

2023/06/13 02:49:20 am        281
Facebook Telegram Linkin
ភ្នំពេញ ៖ សហភាពសហព័ន្ធយុវជនកម្ពុជា នៅយប់ថ្ងៃទី១២ ខែមិថុនា ឆ្នាំ២០២៣ បានផ្សព្វផ្សាយឱ្យដឹងថា ដោ យទទួលបានព្រះបរមរាជានុញ្ញាតដ៏ខ្ពង់ខ្ពស់បំផុត ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានដឹកនាំគណៈប្រតិភូ ស.ស.យ.ក. ចូលក្រាបបង្គំគាល់ថា្វយព្រះពរចម្រើនព្រះជន្មថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈ​ដ៏​ខ្ពស់ខ្ពស់​បំផុត ក្នុងឱកាសនៃការឈានជិតមកដល់ព្រះរាជពិធីបុណ្យចម្រើនព្រះជន្មគម្រប់៨៧ ព្រះវស្សា យាងចូល៨៨ ព្រះវស្សា នៅព្រះបរមរាជវាំង នាព្រឹកថ្ងៃទី១២ ខែមិថុនា ឆ្នាំ២០២៣។ ប្រភពដដែលបន្តថា ក្នុងទិវាដ៏មហានក្ខត្តឫក្សវិសេសវិសាល និងជាមង្គលបវរមហាប្រសើរបំផុត ឯកឧ ត្តមប្រធាន ស.ស.យ.ក. បានក្រាបបង្គំទូលថ្វាយនូវសកម្មភាពមួយចំនួនដែល ស.ស.យ.ក. សម្រេចបានកន្លងមក ក្រោមម្លប់​ដ៏ត្រជាក់ត្រជុំរបស់សម្តេចព្រះមហាក្សត្រី ព្រះវររាជមាតាជាតិខ្មែរ និងស្របតាមគន្លងព្រះមហាករុណាទិគុណ និងព្រះរាជគុណូបការៈដ៏ឧត្តុង្គឧត្តមថ្លៃថ្លារបស់ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ។ បន្ទាប់ពីព្រះអង្គទ្រង់ព្រះសណ្តាប់របាយការណ៍សកម្មភាព សម្តេចព្រះមហាក្សត្រី ព្រះវររាជមាតាជាតិខ្មែរ ព្រះអង្គទ្រង់សព្វ​ព្រះរាជហឫទ័យ មានព្រះសុវណ្ណី កោតសរសើរចំពោះថ្នាក់ដឹកនាំ សមាជិក សមា ជិកា ស.ស.យ.ក. ទូទាំងប្រទេស ដែលបានផ្តួចផ្តើម និងអនុវត្តនូវកិច្ចការសំខាន់ៗជូនជាតិមាតុភូមិ។ ក្នុងនោះដែរ ដើម្បីជាការចូលរួម​ចំណែក និងលើកទឹកចិត្តដល់កូនចៅ ចៅទួត សម្តេចព្រះមហាក្សត្រី ព្រះអង្គទ្រង់​សព្វព្រះរាជ​ហឫទ័យប្រទាន​ព្រះរាជអំណោយជាថវិកាមួយម៉ឺនដុល្លារសហរដ្ឋអាម៉េរិក រួមជាមួយសារុងចំនួន ១០០ ដល់ ស.ស.យ.ក. សម្រាប់ការ​បំពេញបេសកកម្មស្របតាមបុព្វហេតុរួមរបស់ខ្លួន ដើម្បីប្រទេសជាតិ និងប្រជាជន៕ ដោយ៖ គង់ ឌិន​

រដ្ឋសភា បន្តសម័យប្រជុំរដ្ឋសភាលើកទី៩ នីតិកាលទី៦ ដើម្បីពិភាក្សា និងអនុម័ត​លើសេចក្តី​ព្រាង​​ច្បាប់​ចំនួនពីរ

2023/06/12 03:46:20 pm        159
Facebook Telegram Linkin
ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នាព្រឹកថ្ងៃទី១២ ខែមិថុនា ឆ្នាំ២០២៣ បានអញ្ជើញដឹកនាំសម័យប្រជុំរបៀបវារៈចំនួនពីរ គឺ៖ ១-ការពិភាក្សា និងអនុម័ត​សេចក្តី​ព្រាង​ច្បាប់ស្ដីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម និង ទី២ សេចក្ដី​ព្រាង​ច្បាប់ស្តីពី វិធានដើមកំណើតទំនិញ ដោយមានវត្តមានសមាជិក-សមាជិកា ចូល​រួម​ចំនួន ៩៩រូប។ ការរៀបចំសេចក្ដីព្រាងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មនេះ មាន​ទំនាក់ទំនងយ៉ាងជិតស្និតទៅនឹងការរស់នៅប្រចាំថ្ងៃរបស់ប្រជាពលរដ្ឋ ដូចជា លិខិត​ស្នាម​នានា ត្រូវធ្វើឡើងដើម្បីបង្រួម និងសង្ខេបព័ត៌មានអំពីការកើត ទិន្ន័យអត្តសញ្ញាណបុគ្គល បណ្តុំ​ទិន្នន័យជីវមាត្រ អាពាហ៍ពិពាហ៍ សុខាភិបាល និងលិខិតបញ្ជាក់មរណភាពជាដើម។ ដោយឡែក ចំពោះសេចក្តីព្រាងច្បាប់ស្តីពីវិធានដើមកំណើតទំនិញនេះ នឹងក្លាយជាកម្លាំងចលករ ក្នុងការជំរុញរំហូរពាណិជ្ជកម្ម ធានាដើមកំណើតទំនិញរបស់កម្ពុជា រក្សាផលប្រយោជន៍ និង​អភិវឌ្ឍ​សេដ្ឋកិច្ចជាតិ ព្រមទាំងលើកកម្ពស់ សុខុមាលភាព​សង្គម​ឱ្យ​កាន់​តែ​ប្រសើរ​ឡើង​បន្ថែម​ទៀត​៕

​សម្តេចតេជោ៖ កំណើនការរីកម្រើនរបស់កម្ពុជាមិនអាចខ្វះការចូលរួមបានឡើយពីអ្នកឧកញ៉ានិងឧកញ៉ា

2023/06/11 03:36:59 am        236
Facebook Telegram Linkin
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងនូវការកោតសរសើរ និងវាយតម្លៃខ្ពស់ ដល់កិច្ចខិតខំប្រឹងប្រែងរបស់អ្នកឧកញ៉ា និងឧកញ៉ា ដែលបានចូលរួម​ជាមួយរាជរដ្ឋាភិបាល ក្នុងការ កសាងអភិវឌ្ឍ ដែលកំណើនការរីកម្រើនរបស់កម្ពុជា មិនអាចខ្វះបានឡើយពីការចូលរួមពីអ្នកឧកញ៉ា និង ឧកញ៉ា ។សម្ដេចតេជោប្រមុខរាជរដ្ឋាភិបាលកម្ពុជា បានមានប្រសាសន៍បែបនេះ ខណៈសម្ដេចបានយល់ ព្រមធ្វើជាប្រធានកិត្តិយសសមាគមឧកញ៉ាកម្ពុជា និងអញ្ជើញជាអធិបតីដ៏​ខ្ពង់ខ្ពស់ក្នុងពិធីប្រកាសទទួល ស្គាល់សមាគមឧកញ៉ាកម្ពុជា នៅល្ងាចថ្ងៃទី១០ ខែមិថុនា នេះ ។សម្ដេចតេជោ បានគូសបញ្ជាក់ថា វិស័យឯកជនបានចូលរួមក្នុងការឧបត្ថម្ភគាំទ្រយ៉ាងច្រើនលើ គ្រប់ព្រឹត្តិការណ៍សំខាន់ៗរបស់រាជរដ្ឋាភិបាល ជាពិសេស ព្រឹត្តិការណ៍ស៊ីហ្គេម លើកទី៣២ និងអាស៊ានប៉ា រ៉ាហ្គេម លើកទី១២ ដែលបានបញ្ចប់ទៅយ៉ាងជោគជ័យ ។សម្ដេចតេជោ បានបញ្ជាក់ថា រាជរដ្ឋាភិបាល បានទទួលស្គាល់តួនាទីដ៏សំខាន់ នៃវិស័យឯកជន ជាពិសេស វិនិយោគិនក្នុងស្រុក ក្នុងការអភិវឌ្ឍន៍លើគ្រប់វិស័យទាំងអស់ និងតែងចាត់ទុក​វិស័យ​ឯកជន ជាក្បាលម៉ាស៊ីនក្នុងការរុញច្រានកំណើនសេដ្ឋកិច្ច ។ ជាក់ស្ដែង តាមរយៈទិន្នន័យកត់ត្រាដោយក្រុមប្រឹក្សា អភិវឌ្ឍន៍កម្ពុជា ក្នុងរយៈពេល៥ឆ្នាំចុងក្រោយនេះ គិតចាប់ពីឆ្នាំ២០១៨ដល់ឆ្នាំ ២០២២ ទុនវិនិយោគក្នុង ស្រុកប្រចាំឆ្នាំ តែងតែបានឈរនៅលំដាប់លេខរៀងទីមួយ ឬទីពីរ នៃទុនវិនិយោគសរុប។ ទិន្នន័យនេះ បាន សបញ្ជាក់ឲ្យឃើញថា ការវិនិយោគក្នុងស្រុក ពិតជាបានរួមចំណែកយ៉ាងធំធេងក្នុងការអភិវឌ្ឍន៍សង្គម សេដ្ឋកិច្ចកម្ពុជា និងបង្កើតការងារជាច្រើនជូនប្រជាពលរដ្ឋ ។ ការខិតខំប្រឹងប្រែងការចែករំលែក និងការ ចូលរួមទាំងអស់នេះ បានធ្វើឲ្យកម្ពុជាសម្រេចបាននូវការរីកចម្រើនផ្នែកសង្គមសេដ្ឋកិច្ច ពិសេសការងើប ឡើងវិញយ៉ាងឆាប់រហ័ស នៃសេដ្ឋកិច្ច បន្ទាប់ពីវិបត្តិនៃជំងឺកូវីដ-១៩ និងការវិលត្រឡប់ទៅរកប្រក្រតីភាព ឡើងវិញ បន្ទាប់ពីទទួលបានជោគជ័យគួរជាទីមោទនៈ ក្នុងការប្រយុទ្ធប្រឆាំងនឹងការរីករាលដាលជំងឺ កូវីដ-១៩ និងក្នុងការគ្រប់គ្រង​ផលប៉ះពាល់ពីវិបត្តិនៃជំងឺនេះបានយ៉ាងល្អប្រសើរ។ ជាលទ្ធផល សេដ្ឋកិច្ច កម្ពុជា ឆ្នាំ២០២២ ត្រូវបានប៉ាន់ស្មានថា បានបន្តការកើនឡើងក្នុងអត្រាប្រមាណ៥,៤ភាគរយ ដោយ ឡែក នៅឆ្នាំ២០២៣ សេដ្ឋកិច្ចកម្ពុជា ត្រូវបានព្យាករថា នឹងសម្រេចបានក្នុងកំណើនរង្វង់៦,៦ភាគរយ ទោះបីកម្ពុជា ត្រូវហ៊ុមព័ទ្ធដោយបញ្ហាមិនប្រាកដប្រជា និងកំពុងប្រឈមមួយចំនួនក៏ដោយ។ កំណើន ដែលពោរពេញដោយថាមវន្ត និងចីរភាពនេះ មិនអាចកាត់ផ្ដាច់ ចេញពីការចូលរួមចំណែករបស់អ្នកឧកញ៉ា និងឧកញ៉ា និងជនរួមជាតិទាំងអស់គ្នានោះឡើយ។ សម្ដេចតេជោ បានកោតសរសើរយ៉ាងស្មោះស្ម័គ្រ ព្រម ទាំងថ្លែងអំណរគុណនូវការចែករំលែកធនធាន និងទឹកចិត្តលះបង់ចូលរួមកន្លងមក និងបានលើកទឹកចិត្ត ឲ្យស្មារតីវិជ្ជមានទាំងនេះ នៅមានបន្តតទៅទៀត ៕

សម្ដេចតេជោ ហ៊ុន សែន ទម្លាយសារលោកស្រី ញ៉ែម សាវ៉ាត បកស្រាយអំពើអាក្រក់ របស់ក្រុមទណ្ឌិតត្រកូលក្បត់៣ជំនាន់មកលើលោកស្រី

2023/06/11 03:33:22 am        273
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី តាមរយៈសារតេឡេក្រាម នៅរាត្រីថ្ងៃទី១០ ខែមិថុនា ឆ្នាំ២០២៣នេះ បានទម្លាយសារលោកស្រី ញ៉ែម សាវ៉ាត បកស្រាយពីអំពើអាក្រក់ នៃក្រុមបោកប្រាស់មកលើលោកស្រី។សារសម្តេចសម្តេចតេជោ ហ៊ុន សែន បានបន្ថែមថា លោកស្រី នឹងបកស្រាយបន្ថែមទៀត នៅពេលលោកស្រីវិលត្រឡប់ពីប្រទេសបារាំងមកកម្ពុជាវិញ នាប៉ុន្មានថ្ងៃខាងមុខ ។សម្តេចតេជោ ស្នើឱ្យអ្នកច្បាប់សិក្សាអំពីផ្លូវច្បាប់នូវលិខិតរបស់គណបក្សភ្លើងទៀន ដែលចុះហត្ថលេខាដោយ ទាវ វណ្ណុល ជាមួយលិខិតរបស់ខ្មោចគណបក្សសង្រ្គោះជាតិ ដែលចុះហត្ថលេខាដោយទណ្ឌិតរត់ចោលគុក តើមានទំនាក់ទំនងយ៉ាងណាជាមួយគ្នា? ។សម្ដេចបានណែនាំឱ្យក្រសួងការបរទេសចាត់ចែងបំភ្លឺទៅរដ្ឋាភិបាលបារាំង លើករណីលិខិតទណ្ឌិតរត់ចោលគុក ដែលមានចរិតមួលបង្កាច់រាជរដ្ឋាភិបាលកម្ពុជាផង និងបោកប្រាស់រដ្ឋាភិបាលបារាំង ផង។ រឿងបោកប្រាស់បែបនេះ បានកើតឡើងច្រើនរួចមកហើយ ឯរដ្ឋាភិបាលបរទេស ក៏ចាញ់បោកក្រុម នេះច្រើនហើយដែរ ៕

សម្តេចតេជោផ្តាំផ្ញើសមាគមឧកញ៉ាកម្ពុជារក្សាសេចក្តីថ្លៃថ្នូរ ឧត្តមភាពរបស់ខ្លួន នៃគោរមងារជាឧកញ៉ា

2023/06/11 03:27:23 am        195
Facebook Telegram Linkin
ភ្នំពេញ ៖ ក្នុងពិធីប្រកាសទទួលស្គាល់សមាគមឧកញ៉ាកម្ពុជា នៅល្ងាចថ្ងៃទី១០ ខែមិថុនា នេះ សម្តេចតេជោ ហ៊ុន សែន ស្វាគមន៍ និងផ្ដាំផ្ញើឱ្យអ្នកឧកញ៉ាឧកញ៉ាកម្ពុជាទាំងអស់ ត្រូវរក្សាសេចក្តីថ្លៃថ្នូរ ស័ក្តិកសមនឹង គោរមងាររបស់ខ្លួន ។សម្ដេចតេជោ បានមានប្រសាសន៍ថា ក្នុងនាមប្រមុខរាជរដ្ឋាភិបាល និងជាប្រធានកិត្តិយស សម្តេច ស្វាគមន៍ចំពោះការបង្កើតឲ្យមានសមាគមឧកញ៉ានេះឡើង និងបានផ្ដាំផ្ញើទៅកាន់​សមាគមឧកញ៉ាកម្ពុជា និងបណ្ដាឧកញ៉ាទាំងអស់ គប្បីលៃលកយ៉ាងណាត្រូវអនុវត្តឲ្យបានល្អ និងខ្ជាប់ខ្ជួននូវប្រការមួយចំនួន៖១. បន្តរក្សាកិត្តិស័ព្ទ កិត្យានុភាព ឧត្តមភាព និងសេចក្តីថ្លៃថ្នូរ ដ៏ឧត្តុង្គឧត្តមរបស់ខ្លួន ក្នុងគោរមងារជាឧក ញ៉ា សក្តិសមដែលត្រូវបានព្រះមហាក្សត្រទុកព្រះទ័យ ត្រាស់បង្គាប់ និងផ្ដល់គោរមងារជាអ្នកឧកញ៉ា ឬឧក ញ៉ា ជាគំរូផ្ដល់សេចក្តីថ្លៃថ្នូរដល់ប្រជាជនខ្មែរគ្រប់ជំនាន់ ។២. ប្រកៀកស្មាគ្នាជាមួយរាជរដ្ឋាភិបាល ក្នុងការត្រួសត្រាយ និងកាច់ចង្កូតនាវាកម្ពុជាឈានឆ្ពោះទៅរក ភាពរុងរឿង ដោយចូលរួមឱ្យបានយ៉ាងសកម្មក្នុងការរួមចំណែកអភិវឌ្ឍសង្គមជាតិ តាមសកម្មភាពផ្សេងៗ ពិសេសក្នុងបេសកកម្មកាត់បន្ថយភាពក្រីក្រ និងជួយយកអាសារប្រជាជនទីទ័លលំបាក ដូចពាក្យចាស់បុ រាណពោលថា “អ្នកមានរក្សាក្សត់ ដូចសំពត់ព័ទ្ធពីក្រៅ អ្នកប្រាជ្ញរក្សាខ្លៅ ដូចសំពៅពឹងសំប៉ាន” ។៣. ចូលរួមទ្រទ្រង់សេដ្ឋកិច្ចវឌ្ឍនភាពជាតិ ឧត្តមភាពជាតិ និងការពារឲ្យបានដាច់ខាតនូវឧត្តមប្រយោជន៍ ជូនជាតិមាតុភូមិ ជាពិសេសជួយផ្គត់ផ្គង់អុកស៊ីសែនបន្ថែមដល់ប្រព័ន្ធ​អេកូឡូស៊ីសេដ្ឋកិច្ច ពាណិជ្ជកម្ម និង វិនិយោគនៅកម្ពុជា តាមរយៈបង្កើតធុរកិច្ចបន្ថែម ឬការចាប់ដៃគូធុរកិច្ច ឬការប្រាស្រ័យទាក់ទងធុរកិច្ច ឬ សមាគមវិនិយោគ​បរទេសធំៗឲ្យមកដាក់ទុនវិនិយោគនៅកម្ពុជា ឲ្យបានកាន់តែច្រើនថែមទៀត។ សម្ដេចក៏បានណែនាំឲ្យក្រុមប្រឹក្សាអភិវឌ្ឍន៍កម្ពុជា ធ្វើការឲ្យបានជិតស្និទ្ធជាមួយក្រសួងស្ថាប័ន ពាក់ព័ន្ធ ធ្វើជាដៃគូដ៏ល្អជាមួយសមាគមឧកញ៉ាកម្ពុជា ដើម្បីសម្រេចបាននូវផែនការសកម្មភាព​បីឆ្នាំរំកិល ដែលបានកំណត់ក្នុងអនុស្សារណៈនៃការយោគយល់គ្នា រវាងក្រុមប្រឹក្សាអភិវឌ្ឍន៍កម្ពុជា និងសមាគមឧក ញ៉ាកម្ពុជា ស្ដីពីភាពជាដៃគូក្នុងការជំរុញ និងលើកកម្ពស់​សកម្មភាពពាណិជ្ជកម្ម និងការវិនិយោគ នៅក្នុង ព្រះរាជាណាចក្រកម្ពុជា ៕

សម្ដេចតេជោ ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសជាផ្លូវការ សមាគមឧកញ៉ាកម្ពុជា និងពិសាអាហារសាមគ្គី

2023/06/10 11:22:02 pm        441
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រកាសជាផ្លូវការ សមាគមឧកញ៉ាកម្ពុជា និងពិសាអាហារសាមគ្គីនៅ The Premier Center Sen Sok ខណ្ឌសែនសុខ រាជធានីភ្នំពេញ នៅល្ងាចថ្ងៃទី១០ ខែមិថុនា ឆ្នាំ២០២៣នេះ។ក្រោយគំនិតផ្ដួចផ្ដើមរៀបចំរយៈពេលជាយូរមកនោះទីបំផុត សមាគមឧកញ៉ាកម្ពុជា(ស.ឧ.ក) ត្រូវបានបង្កើតឡើង​ជាផ្លូវការ ដោយបានចុះបញ្ជីជាសមាគមស្របច្បាប់នៅក្រសួងមហាផ្ទៃ កាលពីថ្ងៃទី២៥ ខែតុលា ឆ្នាំ២០២២។សម្តេចតេជោ ហ៊ុន សែន នាយករដ្ឋមន្ត្រី បានយល់ព្រមធ្វើជាប្រធានកិត្តិយសរបស់សមាគមឧកញ៉ាកម្ពុជាផងដែរ នេះបើយោងតាមសេចក្ដីប្រកាសព័ត៌មានរបស់មាគមកាលពីថ្ងៃទី ០៦ ខែមេសា ឆ្នាំ២០២៣។បច្ចុប្បន្ននេះ សមាគមឧកញ៉ាកម្ពុជាដឹកនាំ និងតម្រង់ទិសដោយសមាជិកក្រុមប្រឹក្សាភិបាលចំនួន ៣២រូប ដោយមានអ្នក​ឧកញ៉ា លី យ៉ុងផាត់ ជាប្រធានសមាគម ដែលមានអាណត្តិ ៥ឆ្នាំ ហើយការងារប្រចាំថ្ងៃ ត្រូវបានអនុវត្តដោយ​អគ្គលេខាធិការដ្ឋាន ក្រោមការដឹកនាំរបស់អគ្គលេខាធិការ ១រូប។គួរបញ្ជាក់ថា រចនាសម្ព័ន្ធគ្រប់គ្រងរបស់សមាគមឧកញ៉ាកម្ពុជា មានចែកចេញជាគណៈកម្មការជំនាញចំនួន៤ រួមមាន៖ គណៈកម្មការសមាជិកភាពវិន័យ និងក្រមសីលធម៌, គណៈកម្មការកិច្ចការច្បាប់, គណៈកម្មការរដ្ឋបាល និងហិរញ្ញវត្ថុ និងគណៈកម្មការទំនាក់ទំនងសាធារណៈ និងអន្តរជាតិ។ទស្សនៈវិស័យរបស់សមាគម គឺរក្សា និងលើកកម្ពស់ឧត្តមភាព នៃគោរមងារឧកញ៉ា ក្នុងការចូលរួមជាមួយ​រាជរដ្ឋាភិបាល ដើម្បីអភិវឌ្ឍន៍សង្គម និងសេដ្ឋកិច្ចកម្ពុជាឲ្យកាន់តែរីកចម្រើនបន្ថែមទៀត។ បេសកកម្មចម្បងៗរបស់សមាគមរួមមាន៖ ១/ តំណាងអោយសំឡេងរួម សកម្មភាពមនុស្សធម៌រួម និងការរក្សាការពារ​ឧត្តមភាពនៃគោរមងារឧកញ៉ា។ ២/ រួមគ្នាចូលរួមចំណែកក្នុងសកម្មភាពសង្គម និងសប្បុរសធម៌នានា ដើម្បីបង្កើនកិត្យានុភាព ឧត្តមភាព និងគុណធម៌របស់ឧកញ៉ាឱ្យកាន់តែខ្ពង់ខ្ពស់ថែមទៀត។ ៣/ លើកកម្ពស់ការគោរព​ច្បាប់ និងលិខិតបទដ្ឋានគតិយុត្តនានារបស់កម្ពុជា។ ៤/បង្កើតវេទិកា សិក្ខាសាលា និងកម្មវិធីផ្សេងៗដើម្បី​លើកកម្ពស់ភាពជាដៃគូរនៅក្នុងសកម្មភាពពាណិជ្ជកម្ម និងការរវិនិយោគនៅក្នុងព្រះរាជាណាចក្រកម្ពុជា។ដោយឡែកចំពោះសមាជិករបស់សមាគមឧកញ៉ាកម្ពុជា មានចែកចេញជា ៣ប្រភេទ គឺ សមាជិកស្ថាបនិក, សមាជិកសកម្ម និងសមាជិកទ្រទ្រង់៕

ល្ងាចនេះ សម្ដេចតេជោ ហ៊ុន សែន នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រកាសជាផ្លូវការ សមាគមឧកញ៉ាកម្ពុជា និងពិសាអាហារសាមគ្គី

2023/06/10 09:57:53 pm        278
Facebook Telegram Linkin
ភ្នំពេញ ÷ នៅល្ងាច ថ្ងៃសៅរ៍ ៧រោច ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១០ ខែមិថុនា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រកាសជាផ្លូវការ សមាគមឧកញ៉ាកម្ពុជា និងពិសាអាហារសាមគ្គី ដែលពិធីនេះធ្វើឡើងនៅ The Premier Center Sen Sok ។ ក្រោយពីបានផ្ដួចផ្ដើម រៀបចំមកអស់រយៈពេលជាយូរមកហើយនោះ នៅទីបំផុត សមាគមឧកញ៉ាកម្ពុជា (ស.ឧ.ក) ត្រូវបានបង្កើតឡើងជាផ្លូវការហើយ ដោយបានចុះបញ្ជីជាសមាគមស្របច្បាប់ ដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៧៥៩ ប្រ.ក. ចុះថ្ងៃទី២៥ ខែតុលា ឆ្នាំ២០២២។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក៏បានយល់ព្រមធ្វើជាប្រធានកិត្តិយសរបស់សមាគមឧកញ៉ាកម្ពុជាផងដែរ។ នេះបើយោងតាមសេចក្ដីប្រកាសព័ត៌មានរបស់មាគមឧកញ៉ាកម្ពុជាកាលពីថ្ងៃទី ០៦ ខែមេសា ឆ្នាំ២០២៣។បច្ចុប្បន្ន សមាគមឧកញ៉ាកម្ពុជា ត្រូវបានដឹកនាំ និងតម្រង់ទិសដោយសមាជិកក្រុមប្រឹក្សាភិបាលចំនួន៣២រូប ដោយមានអ្នកឧកញ៉ា លី យ៉ុងផាត់ ជាប្រធានសមាគម ដែលមានអាណត្តិ៥ឆ្នាំ ហើយការងារប្រចាំថ្ងៃត្រូវបានអនុវត្តដោយអគ្គលេខាធិការដ្ឋាន ក្រោមការដឹកនាំរបស់អគ្គលេខាធិការ១រូប។បើយើងមើលទៅលើរចនាសម្ព័ន្ធគ្រប់គ្រងរបស់សមាគមឧកញ៉ាកម្ពុជា គឺមានចែកចេញជាគណៈកម្មការជំនាញ ចំនួន៤ រួមមាន គណៈកម្មការសមាជិកភាព វិន័យ និងក្រមសីលធម៌, គណៈកម្មការកិច្ចការច្បាប់, គណៈកម្មការរដ្ឋបាល និងហិរញ្ញវត្ថុ និងគណៈកម្មការទំនាក់ទំនងសាធារណៈ និងអន្តរជាតិ។ទស្សនៈវិស័យ របស់សមាគមឧកញ៉ាកម្ពុជា គឺរក្សានិងលើកកម្ពស់ឧត្តមភាពនៃគោរមងារឧកញ៉ាក្នុងការចូលរួមជាមួយរាជរដ្ឋាភិបាល ដើម្បីអភិវឌ្ឍសង្គម និងសេដ្ឋកិច្ចកម្ពុជាឲ្យកាន់តែរីកចម្រើនថែមទៀត។ បេសកកម្មចម្បងៗរបស់សមាគមរួមមាន៖១-តំណាងអោយសម្លេងរួម សកម្មភាពមនុស្សធម៌រួម និងការរក្សាការពារឧត្តមភាពនៃគោរមងារឧកញ៉ា។២-រួមគ្នាចូលរួមចំណែកក្នុងសកម្មភាពសង្គម និងសប្បុរសធម៌នានា ដើម្បីបង្កើនកិត្យានុភាព ឧត្តមភាព និងគុណធម៌របស់ឧកញ៉ាឱ្យកាន់តែខ្ពង់ខ្ពស់ថែមទៀត។៣-លើកកម្ពស់ការគោរពច្បាប់ និងលិខិតបទដ្ឋានគតិយុត្តនានារបស់ព្រះរាជាណាចក្រកម្ពុជា។៤-បង្កើតវេទិកា សិក្ខាសាលា និងកម្មវិធីផ្សេងៗដើម្បីលើកកម្ពស់ភាពជាដៃគូរនៅក្នុងសកម្មភាពពាណិជ្ជកម្ម និងការរវិនិយោគនៅក្នុងព្រះរាជាណាចក្រកម្ពុជា។ ដោយឡែក ចំពោះសមាជិករបស់សមាគមឧកញ៉ាកម្ពុជាមានចែកចេញជា ៣ប្រភេទ គឺ សមាជិកស្ថាបនិក, សមាជិកសកម្ម និងសមាជិកទ្រទ្រង់។

ជាថ្មីម្តងទៀតសម្តេចតេជោថាសមិទ្ធផលស៊ីហ្គេមនិងអាស៊ានប៉ារ៉ាហ្គេមគឺជាមោទកភាពរបស់ពលរដ្ឋគ្រប់រូប

2023/06/10 06:44:47 pm        120
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងអះអាងជាថ្មីម្តងទៀតថា រាល់សមិទ្ធផល​ទាំងអស់​ដែលកម្ពុជាទទួលបានជោគជ័យយ៉ាងត្រចះត្រចង់ពីការធ្វើជាម្ចាស់ផ្ទះ នូវព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ឆ្នាំ២០២៣នេះ គឺជាមោទកភាពរបស់បងប្អូនប្រជា ពលរដ្ឋខ្មែរគ្រប់រូប ហើយក៏ជា​និមិត្តសញ្ញាទុករាប់រយឆ្នាំទៅមុខទៀតដល់កូនខ្មែរជំនាន់ក្រោយផងដែរ។ ក្នុងឱកាសបន្តអញ្ជើញចុះជួបសំណេះសំណាលជាមួយបងប្អូនកម្មករ-កម្មការិនីសរុប ១៦,២៧២នាក់មក​ពីរោង​ចក្រ​សហគ្រាសចំនួន១២ នៅស្រុកកណ្តាលស្ទឹង ខេត្តកណ្តាល នាព្រឹកថ្ងៃទី ១០ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម នៅឆ្នាំ២០២៣ដែល​កម្ពុជាធ្វើជាម្ចាស់​ផ្ទះនេះគឺ​ត្រូវបានពិភពលោកទទួលស្គាល់ និងបានកោតសរសើរ ស្ទើគ្រប់ៗគ្នា វាខុសអីតែពួកក្រុមអគតិ​ខ្មែរមួយក្តាប់​តូចវាយ​កមកវាយប្រហារម្តងហើយម្តងទៀត តែទោះ ជាយ៉ាងណាក៏ដោយវាជាជោគជ័យដ៏ធំសម្រាប់ប្រទេសជាតិទាំងមូល។​សម្តេចតេជោប្រមុខរាជរដ្ឋាភិបាលបានបញ្ជាក់បន្ថែមទៀតថា ជោគជ័យលើការរៀបចំព្រឹត្តិការណ៍ ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២នេះ គឺជាសមិទ្ធផល និងជាស្នាដៃរបស់ប្រជាពលរដ្ឋទាំងអស់ មិនមែនជាស្នាដៃ​សម្តេចតេជោ និងរាជរដ្ឋាភិបាលតែម្ខាងនោះទេ ដូច្នេះបងប្អូនប្រជាពលរដ្ឋខ្មែរ គប្បីមានមោទនភាពគ្រប់ៗគ្នា៕អត្ថបទ ៖ បាន ចក់​

សម្តេចតេជោព្រមានមន្រ្តីបក្សភ្លើងទៀនដែលយករឿងរដ្ឋាភិបាលមិនយកលុយពីបរទេសក្នុងព្រឹត្តិការណ៍ស៊ីហ្គេម

2023/06/10 05:40:59 pm        159
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន ប្រមុខរាជរដ្ឋាភិបាលបានព្រមានខ្លាំងៗទៅដល់មន្រ្តីរបស់គណបក្សភ្លើងទៀនមួយរូប ជាកូនចៅរបស់ទណ្ឌិតក្បត់ជាតិបីជំនាន់ ដែលបានយករឿងរាជរដ្ឋាភិបាលមិនយកលុយពីបរទេស​រឿងកម្ពុជាធ្វើជាម្ចាស់​ផ្ទះនូវព្រឹត្តិការណ៍កីឡាស៊ីហ្គេកលើកទី៣២ និងអាស៊ានប៉ារ៉ាហ្គេមលើកទី១២មកវាយប្រហារ និងលាបពណ៌ដល់​រាជរដ្ឋាភិបាលនោះ។ក្នុងឱកាសបន្តអញ្ជើញចុះជួបសំណេះសំណាលជាមួយបងប្អូនកម្មករ-កម្មការិនីសរុប ១៦,២៧២នាក់មកពីរោងចក្រ​សហគ្រាសចំនួន១២ នៅស្រុកកណ្តាលស្ទឹង ខេត្តកណ្តាល នាព្រឹកថ្ងៃទី ១០ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា សូមផ្តាំទៅបុគ្គល ស សាឡុងដេត សូមកុំធ្វើការវាយប្រហារ និងលាបពណ៌គ្មាន​សមហេតុ​សមផល មកលើការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមដែលរាជរដ្ឋាភិបាលមិនគិតថ្លៃដល់គណ:ប្រតិភូ និងអត្តពលិក​បរទេសមកប្រកួតនៅកម្ពុជា ខណៈព្រឹត្តិការណ៍នេះត្រូវបានបងប្អូន​ប្រជាពលរដ្ឋកម្ពុជា​មានមោទនភាព​យ៉ាងខ្លាំង ដែលកម្ពុជារៀបចំនូវព្រឹត្តិការណ៍កីឡាក្នុងតំបន់មួយនេះទទួលបានជោគជ័យយ៉ាងត្រចះប្រចង់នោះ។ ​សម្តេចតេជោ ហ៊ុន សែន នាយករដ្ឋមន្រ្តីក៏បានផ្តាំទៅក្រុមប្រឹក្សាឃុំ-សង្កាត់របស់​គណបក្សភ្លើងទៀន​ទាំងអស់ដែល​បានចូល​រួម​ប្រជុំកាលពីថ្ងៃទី៣ ខែមិនថុនា ឆ្នាំ២០២៣ជាមួយបុគ្គល ស សាឡុងដេត សូមកុំឲ្យធ្វើតាម និងអនុវត្តន៍តាម​បុគ្គល​រូបនេះឲ្យសោះ បើសិនហ៊ានធ្វើតាមបុគ្គលរូបនេះសម្តេច​នឹងមិនលើកលែងឲ្យ​នោះទេខ​ណៈ​ព្រឹត្តិការណ៍​កីឡាស៊ីហ្គេម និងអាស៊ានប៉ារ៉ាហ្គេមនេះមិនមែនជារឿងលាបពណ៌ និងយកមកវាយប្រហារ ខុសរឿងនោះទេ។ជាមួយគ្នានោះដែរសម្តេចតេជោ ហ៊ុន សែន ក៏បានប្រកាសជាថ្មីម្តងទៀតផងដែរថា សម្តេចនឹងមិនលើកលែងឲ្យទាំងអស់​ចំពោះអ្នកណាក៏ដោយ ដែលនៅជាប់ទំនាក់ទំនងជាមួយទណ្ឌិតក្បត់ជាតិបីជំនាន់ តែសម្តេចនៅតែប្រកាន់ជំហរដដែលថាំ នឹងមានការលើកលែងទោសប្រសិនបុគ្គលនោះផ្តាច់ខ្លួនចេញពីទណ្ឌិតក្បត់ជាតិបីជំនាន់បច្ចុប្បន្នកំពុងរត់ចោលស្រុករូបនេះ៕ អត្ថបទ ៖ បាន ចក់​

​​សម្តេចតេជោ ហ៊ុន សែន បន្តអញ្ជើញចុះជួបកម្មករកម្មការិនីជាង១ម៉ឺន៦ពាន់នាក់ នៅស្រុកកណ្តាលស្ទឹង ខេត្តកណ្ដាល

2023/06/10 02:26:17 pm        665
Facebook Telegram Linkin
កណ្តាល៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញ​ចុះជួបសំណេះសំណាលជាមួយកម្មករ កម្មការិនីសរុប ១៦,២៧២នាក់ មកពី​រោងចក្រសហគ្រាសចំនួន១២ នៅ​ស្រុកកណ្តាលស្ទឹង ខេត្តកណ្តាល នៅព្រឹកថ្ងៃទី១០ ខែមិថុនា ឆ្នាំ២០២៣នេះ។ឯកឧត្តម អ៉ិត សំហេង រដ្ឋមន្ត្រីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យ ដឹងថា រោងចក្រ សហគ្រាស​​ទាំង១២ ដែលអនុញ្ញាត ឱ្យ កម្មករ កម្មការិនីជួបសំណេះសំណាលនឹងសម្តេចតេជោនេះ ជាប្រភេទរោង ចក្រកាត់ ដេរ សម្លៀកបំពាក់ ចំនួន៧, ផលិតស្បែកជើងចំនួន២, ប៉ាក់ព្រីនសម្លៀកបំពាក់ចំនួន២ និងផលិតផល​ធ្វើដំណើរ និងកាបូបចំនួន១។ ផលិត ផលរបស់ រោងចក្រ ទាំង នេះ គឺនាំចេញទៅទីផ្សារអន្តរជាតិ ជាពិសេស​សហគមន៍ អឺរ៉ុប សហរដ្ឋអាមេរិក ប្រទេស កាណាដា ប្រទេសជប៉ុន។ល។ខេត្តកណ្តាល គឺជាខេត្តមួយ ដែលកំពុងទទួលនូវមនុញ្ញផលពីគោលនយោបាយ ពង្រាយរោងចក្រ សហគ្រាសតាម​បណ្តាខេត្តពីរាជរដ្ឋាភិបាល។ នៅឆ្នាំ២០២៣នេះ ខេត្តកណ្តាល មានរោងចក្រ សហគ្រាសចំនួន៤៨៣ មានកម្មករ និយោ ជិតជាង ១៥ម៉ឺន នាក់។ ក្នុងនោះរោងចក្រ សហគ្រាសវិស័យកាត់ ដេរ ចំនួន១៧១ មានកម្មករនិយោជិត សរុបជាង ១៣ម៉ឺន ២ពាន់នាក់។ ខេត្តកណ្តាល ជាខេត្តទី៣ ដែលមានការអភិវឌ្ឍរោងចក្រ សហគ្រាសច្រើន៕

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់
08/02/2026 03:08 PM
Facebook Telegram Linkin
សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង
08/02/2026 03:08 PM
Facebook Telegram Linkin
រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់
08/02/2026 03:08 PM
Facebook Telegram Linkin
មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈ​អ្នកឆ្លងកើនឡើង
08/02/2026 02:08 PM
Facebook Telegram Linkin
អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន
08/02/2026 02:08 PM
Facebook Telegram Linkin
មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់
08/02/2026 02:08 PM
Facebook Telegram Linkin
ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប
08/02/2026 02:08 PM
Facebook Telegram Linkin
តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និង​និវត្តជន​ក្នុង​ស្រុក​ពញាក្រែក
08/02/2026 02:08 PM
Facebook Telegram Linkin
មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦
08/02/2026 01:08 PM
Facebook Telegram Linkin
មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី
08/02/2026 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.