BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ឯកឧត្តម ហ៊ុន ម៉ានី សោកស្ដាយចំពោះជនអាក្រក់គ្មានសាសនានៅក្រៅប្រទេស ឆ្លៀតឱកាសគ្រួសារឯកឧត្តមកំពុងមានទុក្ខមកប្រមាថដើម្បីកេងចំណេញនយោបាយ

ភ្នំពេញ៖ ៖ឯកឧត្តម ហ៊ុន ម៉ានី បង្ហាញការហួសចិត្ត និងសោកស្ដាយ ចំពោះក្រុមជនអាក្រក់នៅក្រៅប្រទេស ដែលគ្មានសីលធម៌ វប្បធម៌ និងសាសនា នៅក្នុងខ្លួន ឆ្លៀតឱកាសដែលគ្រួសារឯកឧត្ដមកំពុងមានទុក្ខធ្វើពិធីបុណ្យសព មកធ្វើការប្រមាថ និងកេងចំណេញនយោបាយទៅវិញ។ ឯកឧត្ដម ហ៊ុន ម៉ានី បានសរសេរនៅលើបណ្ដាញសង្គមហ្វេសប៊ុកផ្លូវការនាថ្ងៃទី៩ ខែកុម្ភៈនេះថា កាលដែលគ្រួសាររបស់ជនអាក្រក់នៅក្រៅប្រទេសមានទុក្ខ ឯកឧត្ដម បានតំណងឱ្យក្រុមគ្រួសារ ទៅចូលរួមគោរពវិញ្ញាណខន្ធ និងរំលែកទុក្ខ។ ប៉ុន្ដែក្នុងអំឡុពេលគ្រួសារឯកឧត្ដមមានទុក្ខ បែរជាក្រុមជនអាក្រក់នៅក្រៅប្រទេសបានយកឱកាសនេះប្រមាថដើម្បីតែកេញចំណេញនយោបាយទៅវិញ។ ឯកឧត្ដមបានសរសេរថា៖«ពេលគ្រួសារគេមានទុក្ខ ខ្ញុំតំណាងអោយក្រុមគ្រួសារខ្ញុំ ចូលរួមគោរពវិញ្ញាណក្ខន្ធ និងរំលែកទុក្ខ។ តែពេលក្រុមគ្រួសារខ្ញុំមានទុក្ខ គេប្រមាថ និងយកចំណេញនយោបាយ។ វប្បធម៌ សីលធម៌ សាសនា និងទំនៀមទម្លាប់ប្រពៃណី ជាអ្វីដែលក្រុមគ្រួសារខ្ញុំប្រកាន់ខ្ជាប់ មិនមែនអ្វីៗសុទ្ធតែនយោបាយនោះទេ»។ទាក់ទងនឹងការប្រមាថ និងការឆ្លៀតឱកាសដោយគ្មានសីលធម៌របស់ជនអាក្រក់ នៅក្រៅប្រទេសនេះសម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ក៏បានសរសេរលើហ្វេសប៊ុក ប្រាប់ទៅក្រុមជនអាក្រក់ទាំងនោះឱ្យរក្សាខ្លួនជាមនុស្ស និងខិតខំរក្សាសុខភាពជាជាងមករករឿងគ្រួសាររបស់សម្ដេច។ សម្ដេចតេជោបានសរសេរថា៖ខ្ញុំចង់ប្រាប់ទៅជនអាក្រក់ថា បើមេរបស់អ្នកអាក្រក់សូមអ្នករក្សាខ្លួនជាមនុស្សនិង ខិតខំរក្សាសុខភាពរបស់អ្នកជាជាងមករករឿងគ្រួសារខ្ញុំ»។ សម្ដេចតេជោ ចាត់ទុកការប្រមាថ និងឆ្លៀតឱកាសរបស់ក្រុមជនអាក្រក់ក្រៅប្រទេសនេះ ពិតជាអាក្រក់កែមិនបានទាំងមេទាំងកូនដែលគ្មានសារជាតិជាមនុស្សសោះឡើយ៕

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

អាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken កាលពីថ្ងៃអង្គារបាននិយាយថា សហរដ្ឋអាមេរិកផ្តោតលើការផ្តល់ជំនួយ និងកិច្ចខិតខំប្រឹងប្រែងជួយសង្គ្រោះនៅក្នុងប្រទេសទួរគី បន្ទាប់ពីគ្រោះរញ្ជួយដីដ៏មានឥទ្ធិពលបណ្តាលឲ្យមនុស្សរាប់ពាន់នាក់ស្លាប់នៅទូទាំងតំបន់ប្រទេសទួរគី និងប្រទេសជិតខាងស៊ីរី។ លោក Blinken អ្នកការទូតកំពូលរបស់រដ្ឋបាលលោក Joe Biden បានសន្ទនាជាមួយរដ្ឋមន្ត្រីការបរទេសទួរគីលោក Mevlut Cavusoglu តាមទូរស័ព្ទដើម្បីផ្តល់ជំនួយក្នុងប្រតិបត្តិការសង្គ្រោះ និងសា្តរឡើងវិញ។ នៅពេលដែលទំហំនៃគ្រោះមហន្តរាយកាន់តែច្បាស់លាស់ ចំនួនអ្នកស្លាប់ទំនងជាកើនឡើង ខណៈមន្ត្រីអង្គការសហប្រជាជាតិម្នាក់បាននិយាយថា កុមាររាប់ពាន់នាក់អាចស្ថិតក្នុងចំណោមអ្នកស្លាប់។ ក្រុមឆ្លើយតបជំនួយគ្រោះមហន្តរាយរបស់ទីភ្នាក់ងារសម្រាប់ការអភិវឌ្ឍន៍អន្តរជាតិសហរដ្ឋអាមេរិក (USAID) បានឡើងលើយន្តហោះ C-17 Globemaster III ឆ្ពោះទៅកាន់ប្រទេសទួរគីដើម្បីជួយក្នុងកិច្ចខិតខំប្រឹងប្រែងសង្គ្រោះ បន្ទាប់ពីរញ្ជួយដីដ៏ខ្លាំងវាយប្រហារប្រទេសទួរគី និងស៊ីរី។ សមាជិកកងទ័ពអាកាសមកពីកងពលធំទី៤៣៦ បានជួយទុកដាក់គ្រឿងផ្គត់ផ្គង់ជាច្រើននៅលើយន្តហោះ របស់កងទ័ពអាកាសសហរដ្ឋអាមេរិកដើម្បីជួយក្នុងប្រតិបត្តិការសង្គ្រោះ។ អ្នកគ្រប់គ្រងទីភ្នាក់ងារអង្គការ USAID លោកស្រី Samantha Power បានចូលរួមរំលែកទុក្ខដល់ប្រជាជនស៊ីរី និងទួរគី និងបាននិយាយថា សហរដ្ឋអាមេរិកបានប្តេជ្ញាចិត្តគាំទ្រកិច្ចខិតខំប្រឹងប្រែងសង្គ្រោះពីការរញ្ជួយដីនេះក្នុងស្ថានភាពបន្ទាន់៕អត្ថបទ៖ ប៊ុនថន

អ៊ុយក្រែននិយាយថា រុស្ស៊ីស៊ូទ្រាំនឹងថ្ងៃមានមនុស្សស្លាប់ច្រើនបំផុត ខណៈការប្រយុទ្ធកាន់តែខ្លាំងឡើង

អ៊ុយក្រែន៖ យោធាអ៊ុយក្រែននិយាយថា រយៈពេល ២៤ម៉ោងមុនគឺជាសង្គ្រាមដែលមានមនុស្សស្លាប់ច្រើនបំផុតសម្រាប់កងទ័ពរុស្ស៊ី ចាប់តាំងពីទីក្រុងមូស្គូបានបើកការវាយលុករបស់ខ្លួន ដែលនឹងឈានចូលដល់ខួប ១ឆ្នាំនៅថ្ងៃទី២៤ ខែកុម្ភៈខាងមុខនេះ។ អ៊ុយក្រែនបានបង្កើនចំនួនទាហានរុស្ស៊ីដែលបានស្លាប់រហូតដល់ ១,០៣០នាក់ពេញមួយយប់។ សារព័ត៌មានរ៉យទ័រពុំអាចផ្ទៀងផ្ទាត់របាយការណ៍នោះបានទេ ហើយរុស្ស៊ីក៏បានអះអាងថាបានសម្លាប់ទាហានអ៊ុយក្រែនយ៉ាងច្រើនក្នុងប៉ុន្មានសប្តាហ៍ថ្មីៗនេះ។ ចំនួននៃការបាត់បង់ជីវិតពីភាគីណាមួយត្រូវបានគេមើលឃើញថា ជាការរាយការណ៍មិនគួរឱ្យទុកចិត្តបាន។ ប៉ុន្តែការអះអាងរបស់ក្រុងគីវដែលថា ការប្រយុទ្ធគ្នាមានមនុស្សស្លាប់ច្រើនបំផុតរហូតមកដល់ពេលនេះ គឺសមស្របទៅនឹងការរៀបរាប់ពីភាគីទាំងសងខាងនៃយុទ្ធនាការ ដែលកំពុងកើនឡើងសង្គ្រាមដ៏ខ្លាំង។ នៅទីនេះ ទាហានអ៊ុយក្រែននៅក្នុងតំបន់ Donetsk ត្រូវបានគេមើលឃើញថា កំពុងដំណើរការប្រព័ន្ធរ៉ុក្កែត Grad សម័យសូវៀត។ ការប្រយុទ្ធគ្នានៅភាគខាងកើតកើតមានឡើង ក្នុងពេលមានសេចក្តីរាយការណ៍ពីភាពគ្មានរបៀបរៀបរយក្នុងទីក្រុង Kyiv។ ប្រធានាធិបតីលោក Volodymyr Zelenskyy ក្នុងប៉ុន្មានសប្តាហ៍ថ្មីៗនេះបានបណ្តេញចេញមន្ត្រីជាន់ខ្ពស់មួយចំនួន នៅក្នុងវិធានការដែលត្រូវបានគេមើលឃើញថា ជាកិច្ចខិតខំប្រឹងប្រែងដើម្បីបង្ហាញសម្ព័ន្ធមិត្តប្រទេសលោកខាងលិចថា លោកនឹងបំបាត់អំពើពុករលួយ ហើយបង្ហាញខ្លួនឯងថា ជាអ្នកទទួលការងារដែលអាចទុកចិត្តបានសម្រាប់ជំនួយយោធាជាច្រើនពាន់លានដុល្លារ៕អត្ថបទ៖ ប៊ុនថន

កម្ពុជាផ្តល់ជំនួយមនុស្សធម៌មួយសែនដុល្លារអាមេរិកដល់តួកគី ដើម្បីប្រតិបត្តិការសង្គ្រោះករណីរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់

ភ្នំពេញ៖ កម្ពុជាប្រកាសផ្តល់ជំនួយមនុស្សធម៌ចំនួនមួយសែនដុល្លារអាមេរិក ដល់តួកគី បន្ទាប់ពីប្រទេសនេះរងនូវសោកនាថកម្មដោយគ្រោះរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់។

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស

បារាំង៖ បាតុកររាប់ពាន់នាក់បានចេញដើរធ្វើបាតុកម្ម ក្នុងទីក្រុងប៉ារីសប្រទេសបារាំងកាលពីថ្ងៃអង្គារ ដើម្បីអំពាវនាវឱ្យមានការដកចេញកំណែទម្រង់អាយុចូលនិវត្តន៍របស់រដ្ឋាភិបាល ដែលនឹងបង្កើនអាយុចូលនិវត្តន៍សម្រាប់បុគ្គលិកនៅប្រទេសបារាំង។ ការចេញដើរធ្វើបាតុកម្មពីពហុវិស័យកាលពីថ្ងៃអង្គារ បានកើតឡើងមួយថ្ងៃបន្ទាប់ពីច្បាប់កំណែទម្រង់អាយុចូលនិវត្តន៍ បានចាប់ផ្តើមការអនុម័តដ៏ចម្រូងចម្រាស់របស់ខ្លួនតាមរយៈសភា និងជាការសាកល្បងសមត្ថភាពរបស់លោក Macron ក្នុងការអនុម័តការផ្លាស់ប្តូរដោយគ្មានសំឡេងភាគច្រើននៅក្នុងរដ្ឋសភា។ នៅក្នុងទីក្រុងប៉ារីស សហជីព និងអ្នកគាំទ្រផ្សេងទៀតរាប់ម៉ឺននាក់បានមកប្រមូលផ្តុំគ្នា នៅមុខសាលល្ខោនអូប៉េរ៉ាដ៏ល្បីល្បាញក្នុងរដ្ឋធានី បន្ទាប់មកបានចេញដើរដង្ហែ និងស្រែកពាក្យផ្សេងៗ។ រដ្ឋាភិបាលនិយាយថា ពលរដ្ឋត្រូវតែធ្វើការរយៈពេលពីរឆ្នាំបន្ថែមទៀត ដែលមានន័យថាត្រូវធ្វើការរហូតដល់អាយុ ៦៤ឆ្នាំពីអាយុ ៦២ឆ្នាំនៃអាយុចូលនិវត្តន៍ពីពេលមុន ដើម្បីរក្សាថវិកានៃប្រព័ន្ធសោធននិវត្តន៍ដ៏សប្បុរសបំផុតរបស់ពិភពលោក។ ការស្ទង់មតិបង្ហាញថា ប្រជាជនបារាំងចំណាយពេលច្រើនឆ្នាំក្នុងការចូលនិវត្តន៍ ក្នុងចំណោមប្រទេសអង្គការកិច្ចសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ដែលជាអត្ថប្រយោជន៍ដ៏គួរឱ្យពេញចិត្តដែលភាគច្រើនស្ទាក់ស្ទើរក្នុងការបោះបង់។ ទិន្នន័យបានបង្ហាញថា ការចូលរួមធ្វើបាតុកម្មកាលពីថ្ងៃអង្គារបានថយចុះកាលពីមួយសប្តាហ៍មុន ប៉ុន្តែរដ្ឋាភិបាលនឹងបន្តឃ្លាំមើលការតវ៉ាតាមដងផ្លូវដើម្បីវាយតម្លៃថា តើការប្រឆាំងជាសាធារណៈនៅតែមានភាពខ្លាំងប៉ុណ្ណា។ នគរបាលបានបាញ់ឧស្ម័នបង្ហូរទឹកភ្នែក នៅក្នុងការប៉ះទង្គិចគ្នាមួយចំនួនរវាងក្រុមបាតុករ និងមន្ត្រីនៅក្នុងការតវ៉ាកំណែទម្រង់នៅទីក្រុងប៉ារីស៕អត្ថបទ៖ ប៊ុនថន

លោកតាអាយុជាង៨០ឆ្នាំ សម្រេចក្តីបំណងប្រាថ្នាចង់ជួបសម្តេច និងប្រគល់វត្ថុបុរាណអាយុជិត៣០០ឆ្នាំ ជូនសម្តេចតេជោ ហ៊ុន សែន ជាវត្ថុអនុស្សារវីយ៍

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី០៨ ខែកុម្ភៈ ឆ្នាំ២០២៣នេះ បានអញ្ញាតឱ្យកុងទ្រី និងក្រុមគ្រួសារជួបសម្តែងការគួរសម តាមបំណងប្រាថ្នារបស់លោកតា ដែលចង់ជួបសម្តេចដោយផ្ទាល់ និងប្រគល់វត្ថុបុរាណ(ប៉ាន់តែ)អាយុជិត៣០០ឆ្នាំ ជូនសម្តេចតេជោ ហ៊ុន សែន ជាវត្ថុអនុស្សាវរីយ៍។លោកតាកុងទ្រី ដែលមានអាយុ ៨២ឆ្នាំ រស់នៅសង្កាត់ចោមចៅ រាជធានីភ្នំពេញ ក៏មានបំណងអរគុណដល់សម្តេចតេជោ ហ៊ុន សែន ដែលបានលះបង់កម្លាំងកាយចិត្ត ដើម្បីបុព្វហេតុជាតិតាំងពីបាតដៃទទេ រហូតមានការរីកចម្រើន មានសុខសន្តិភាពក្នុងប្រទេសកន្លងជាង ៤០ឆ្នាំមកនេះ។សម្តេចតេជោ ហ៊ុន សែន បានថ្លែងអំណរគុណដល់លោកតា និងក្រុមគ្រួសារ ដែលបានជូនវត្ថុអនុស្សាវរីយ៍ដ៏មានតម្លៃមិនអាចកាត់ថ្លៃបានដល់សម្តេច។ សម្តេចតេជោបានប្រគល់វត្ថុបុរាណ(ប៉ាន់តែ) ដែលមានអាយុកាលជិត៣០០ឆ្នាំនោះ ជូនទៅក្រសួងវប្បធម៌ និងវិចិត្រសិល្បៈ ដើម្បីអភិរក្ស និងជាមូលដ្ឋានសម្រាប់សិក្សាស្រាវជ្រាវនាពេលក្រោយ៕

អ្នករស់រានមានជីវិតស្នាក់នៅក្នុងតង់មនុស្សធម៌ បន្ទាប់ពីរញ្ជួយដីនៅទួរគី

ទួរគី៖ អាជ្ញាធរគ្រប់គ្រងគ្រោះមហន្តរាយ និងគ្រាអាសន្នរបស់ប្រទេសទួរគី (AFAD) បានបង្កើតតង់មនុស្សធម៌នៅក្នុងខេត្ត Malatya ដើម្បីផ្តល់ទីជម្រកដល់អ្នកដែលបានបាត់បង់លំនៅឋានរបស់ពួកគេ បន្ទាប់ពីរញ្ជួយដីដ៏មានឥទ្ធិពលកាលពីថ្ងៃចន្ទ បណ្តាលឲ្យមនុស្សរាប់ពាន់នាក់ស្លាប់នៅភាគខាងត្បូងប្រទេសទួរគី និងប្រទេសជិតខាងស៊ីរី។ ភាពអស់សង្ឃឹម និងភាពត្រជាក់ដោយសារព្រិលធ្លាក់ក្រាស់នៅលើដី អ្នករស់រានមានជីវិតពីរញ្ជួយដីនៅខេត្ត Malatya ប្រទេសទួរគី បានបង្ហាញការខកចិត្តរបស់ពួកគេចំពោះអ្វីដែលពួកគេបាននិយាយថា កង្វះទីជម្រកគ្រប់គ្រាន់ និងជំនួយពីអាជ្ញាធរ។ វីដេអូបង្ហាញពីបុរស ស្ត្រី និងកុមាររាប់ពាន់នាក់កំពុងស្នាក់នៅបណ្តោះអាសន្នក្នុងតង់ពណ៌ស ខណៈអ្នកផ្សេងទៀតអង្គុយនៅជិតភ្នក់ភ្លើង ដើម្បីទទួលបានកម្តៅក្នុងអាកាសធាតុរដូវរងាត្រជាក់ខ្លាំង។ អាជ្ញាធរគ្រប់គ្រងគ្រោះមហន្តរាយ និងគ្រាអាសន្នរបស់ប្រទេសទួរគីនិយាយថា អគារចំនួន ៥,៧៧៥ខ្នងត្រូវបានបំផ្លាញនៅក្នុងការរញ្ជួយដីកាលពីថ្ងៃចន្ទ ហើយមនុស្ស ២០,៤២៦នាក់បានរងរបួស។ មួយថ្ងៃបន្ទាប់ពីការរញ្ជួយដីបានវាយប្រហារ ក្រុមអ្នកជួយសង្គ្រោះដែលកំពុងធ្វើការក្នុងស្ថានភាពលំបាក បានកំពុងតស៊ូដើម្បីជីកស្វែងរកមនុស្សចេញពីគំនរបាក់បែកនៃអគារដែលបាក់រលំ។ ខណៈទំហំនៃគ្រោះមហន្តរាយកាន់តែបង្ហាញច្បាស់ ចំនួនអ្នកស្លាប់មើលទៅទំនងជាកើនឡើងច្រើន។ ប្រធានាធិបតីទួរគីលោក Tayyip Erdogan កាលពីថ្ងៃអង្គារបានប្រកាសដាក់រដ្ឋក្នុងគ្រាអាសន្ននៅក្នុងខេត្តចំនួន ១០ ដែលត្រូវបានបំផ្លាញដោយការរញ្ជួយដី។ រញ្ជួយដីដែលបានកើតឡើងមានចំណុចកណ្តាលនៅក្នុងប្រទេសទួរគី និងបានកើតឡើងនៅក្នុងប្រទេសស៊ីរីបណ្តាលឲ្យមនុស្សជាង ៧,៨០០នាក់ស្លាប់ និងរាប់ពាន់នាក់រងរបួស ដែលទិន្នន័យចុងក្រោយបង្ហាញថា អ្នកស្លាប់សរុបនៅទួរគីឡើងដល់ ៥.៨៩៤នាក់ និងនៅស៊ីរីមានចំនួន ១.៩៣២នាក់៕អត្ថបទ៖ ប៊ុនថន

ជប៉ុនបន្តជួយជំរុញការវិនិយោគទេសចរណ៍ និងគាំទ្រកម្ពុជាដែលទទួលជាម្ចាស់ផ្ទះស៊ីហ្គេម ២០២៣

ភ្នំពេញ៖ ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតថ្មីរបស់ប្រទេសជប៉ុនប្រចាំកម្ពុជា បានបានអះអាងថា នឹងបន្តគាំទ្រជួយដល់កម្ពុជា ក្នុងការជំរុញវិនិយោគទេសចរណ៍ ជាពិសេសនៅក្នុងព្រឹត្តិការណ៍ដែលកម្ពុជាធ្វើជាម្ចាស់ផ្ទះនៃការប្រកួតស៊ីហ្គេមលើកទី៣២និងប៉ារ៉ាហ្គេមលើកទី១២ តាមរយៈការជួយឱ្យមានអ្នកទេសចរណ៍ជប៉ុនមកទស្សនានៅកម្ពុជា និងកិច្ចការចំពោះមុខមួយចំនួនទៀត។នៅក្នុងជំនួបសំដែងការគួរសម រវាងទូតថ្មីជប៉ុនប្រចាំកម្ពុជា និងសម្តេចតេជោ ហ៊ុន សែន នៅវិមានសន្តិភាព នាព្រឹកថ្ងៃទី៨កុម្ភៈនេះ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានបញ្ជាក់ឱ្យដឹងថា ជាមួយនឹងការចូលរួមសំដែងនូវការគោរពរំលែកមរណទុក្ខយ៉ាងក្រៀមក្រំជាទីបំផុត ចំពោះការបាត់បង់ប្អូនស្រីរបស់សម្ដេច និងសូមឱ្យវិញ្ញាណក្ខន្ធរបស់គាត់បានទៅកាន់សុគតិភព។ឯកឧត្តម អាត់ ស៊ូស៊ី បានគោរពជម្រាបជូនសម្ដេចតេជោថា ឯកឧត្តមបានមកកាន់កម្ពុជាកាលពីឆ្នាំ១៩៩២ហើយនៅពេលនេះកម្ពុជាមានការអភិវឌ្ឍយ៉ាងខ្លាំងមានស្ថិរភាព និងមានសន្តិភាព។ក្នុងន័យនេះ ឯកឧត្តមសូមសំដែងនូវការគោរពជូនចំពោះសម្ដេចតេជោចំពោះភាពដឹកនាំជាទីគោរព ហើយក៏បានសាទរចំពោះសម្ដេចដែលបានដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនានាក្នុងភាពជាប្រធានអាស៊ានទទួលបានជោគជ័យ។ជាការឆ្លើយតបសម្ដេចតេជោបានសំដែងនូវការស្វាគមន៍ និងអបអរសាទរជូនចំពោះឯកឧត្តមដែលត្រូវបានតែងតាំងជាឯកអគ្គរាជទូតវិសាមញ្ញ និងពេញសមត្ថភាពរបស់ជប៉ុនមកកាន់កម្ពុជា និងបានថ្លែងអំណរគុណជូនចំពោះឯកឧត្តម អាត់ស៊ូស៊ី ចំពោះការចូលរួមរំលែកមរណទុក្ខហើយសម្ដេចក៏បានថ្លែងអំណរគុណ និងយល់ស្របជាមួយការលើកឡើងរបស់ឯកឧត្តម អាត់ស៊ូស៊ីអំពីទំនាក់ទំនងរវាងប្រទេសទាំងពីរ ជាមួយនឹងការប្ដេជ្ញាចិត្តរបស់ឯកឧត្តមក្នុងការអំអាងជួយដល់កម្ពុជា។សម្ដេចតេជោបានមានប្រសាសន៍ថា ជប៉ុនអាចជួយគាំទ្រដំណើរការ sea games របស់កម្ពុជាតាមរយៈឲ្យមានអ្នកមកទស្សនានិងរៀបចំឲ្យមានការហោះហើរត្រង់មកកាន់កម្ពុជា ។ដោយឡែកលើវិស័យសេដ្ឋកិច្ចនិងវិនិយោគសម្ដេចបានសុំឲ្យឯកអគ្គរាជទូតជប៉ុនជួយជំរុញកំណើនទំហំពាណិជ្ជកម្មរវាងប្រទេសទាំងពីរ និងជួយជំរុញឲ្យអ្នកវិនិយោគមកកាន់កម្ពុជាកាន់តែច្រើនឡើងថែមទៀត៕(ដោយ៖ មុត សុទ្ធ)

ចំនួនអ្នកឆ្លងកាត់ព្រំដែនប្រចាំថ្ងៃនៅចិនកើនឡើងខ្ពស់បំផុត ចាប់តាំងពីការផ្ទុះជំងឺរាតត្បាតសកល

ចិន៖ យោងតាមទិន្នន័យបញ្ចេញដោយរដ្ឋបាលទេសន្តរប្រវេសន៍ ដែលបានបញ្ចេញកាលពីថ្ងៃអង្គារ ចំនួនអ្នកធ្វើដំណើរចេញ និងចូលប្រចាំថ្ងៃទាំងទៅ និងមកពីប្រទេសចិនបានឡើងដល់ ៦៧៦.០០០នាក់ដែលជាចំនួនខ្ពស់បំផុតនៃអ្នកធ្វើដំណើរ ចាប់តាំងពីមានការផ្ទុះរាលដាលវីរុស COVID-19។ ការកើនឡើងនៃចំនួនអ្នកធ្វើដំណើរឆ្លងកាត់ព្រំដែន មួយចំណែកធំដោយសារការអនុវត្តន៍គោលនយោបាយរដ្ឋបាលអន្តោប្រវេសន៍កាន់តែប្រសើរ ក្រោយការលុបចោលវិធានការឆ្លើយតបវីរុស COVID-19 និងការចាប់ផ្ដើមឡើងវិញទាំងស្រុងនៃការធ្វើដំណើរជាធម្មតារវាងចិនដីគោក និងទីក្រុងហុងកុង ព្រមទាំងតំបន់រដ្ឋបាលពិសេសម៉ាកាវកាលពីថ្ងៃចន្ទ។ ចំនួនអ្នកធ្វើដំណើរកាលពីថ្ងៃចន្ទស្មើនឹង ៣២.៨% ខ្ពស់ជាងកាលពីកន្លងទៅ។ ប្រទេសចិនបានទម្លាក់ការគ្រប់គ្រងនៃវីរុស COVID-19 ពីកម្រិត A ទៅកម្រិត B សម្រាប់ជំងឺឆ្លងនេះកាលពីថ្ងៃទី៨ ខែមករា ដោយបន្ធូរបន្ថយការរឹតត្បិតការធ្វើដំណើរ និងបោះបង់ចោលការតម្រូវឲ្យនៅដាច់ដោយឡែក សម្រាប់អ្នកដំណើរចូលទៅដល់ប្រទេសចិន៕ អត្ថបទ៖ សុខមាន

ចិនច្រានចោលការសន្ទនាតាមទូរស័ព្ទជាមួយប្រមុខការពារជាតិអាមេរិក ក្រោយការបាញ់ទម្លាក់បាឡុង

អាមេរិក៖ មន្ទីរបញ្ចកោណបាននិយាយនៅក្នុងសេចក្ដីថ្លែងការណ៍មួយកាលពីថ្ងៃអង្គារថា ប្រទេសចិនបានច្រានចោលការសន្ទនាតាមទូរស័ព្ទជាមួយរដ្ឋមន្ត្រីការពារជាតិអាមេរិកលោក Lloyd Austin ក្រោយការបាញ់ទម្លាក់បាឡុងរបស់ចិន ដែលទីក្រុងវ៉ាស៊ីនតោនសង្ស័យថាជាបាឡុងចារកម្ម។ យោងតាមមន្ទីរបញ្ចកោណ ក្រសួងការពារជាតិអាមេរិកបានដាក់សំណើ សម្រាប់ការសន្ទនាតាមទូរស័ព្ទរវាងលោក Austin និងប្រមុខការពារជាតិចិនលោក Wei Fenghe ភ្លាមៗ ក្រោយយន្តហោះចម្បាំងអាមេរិកបាញ់ទម្លាក់បាឡុងកាលពីរសៀលថ្ងៃសៅរ៍ចុងសប្ដាហ៍កន្លងទៅ។ ប៉ុន្តែចិនបានច្រានចោលសំណើនេះ។ ឧត្តមសេនីយ៍ទោ និងអ្នកនាំពាក្យមន្ទីរបញ្ចកោណលោក Pat Ryder បាននិយាយនៅក្នុងសេចក្ដីថ្លែងការណ៍ថា យើងជឿថា ការបើកចំហរខ្សែបន្ទាត់ទំនាក់ទំនងរវាងសហរដ្ឋអាមេរិក និងចិនមានសារៈសំខាន់ណាស់ក្នុងការគ្រប់គ្រងទំនាក់ទំនងប្រកបដោយការទទួលខុសត្រូវ។ ទីក្រុងប៉េកាំងបាននិយាយថា បាឡុងនេះគឺជាបាឡុងស៊ីវិលប្រើសម្រាប់ឧតុនិយម និងគោលបំណងវិទ្យាសាស្ត្រ ហើយថា ការសម្រេចចិត្តបាញ់ទម្លាក់នេះគឺជាការបញ្ចេញប្រតិកម្មហួសហេតុ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

ការស្វែងរកមនុស្សបាត់ខ្លួន ២៨នាក់នៅតែបន្ត បន្ទាប់ពីស្រឡាងបានកើតអគ្គិភ័យ នៅកោះ Madura របស់ឥណ្ឌូនេស៊ី

អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញផែនការតំបន់ហ្កាហ្សា

ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើតមាននៅភាគពាយ័ព្យ និងភាគនិរតីប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

អ៊ុយក្រែននិយាយថា រុស្ស៊ីស៊ូទ្រាំនឹងថ្ងៃមានមនុស្សស្លាប់ច្រើនបំផុត ខណៈការប្រយុទ្ធកាន់តែខ្លាំងឡើង

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស

អ្នករស់រានមានជីវិតស្នាក់នៅក្នុងតង់មនុស្សធម៌ បន្ទាប់ពីរញ្ជួយដីនៅទួរគី

ជប៉ុនបន្តជួយជំរុញការវិនិយោគទេសចរណ៍ និងគាំទ្រកម្ពុជាដែលទទួលជាម្ចាស់ផ្ទះស៊ីហ្គេម ២០២៣

ចំនួនអ្នកឆ្លងកាត់ព្រំដែនប្រចាំថ្ងៃនៅចិនកើនឡើងខ្ពស់បំផុត ចាប់តាំងពីការផ្ទុះជំងឺរាតត្បាតសកល

ចិនច្រានចោលការសន្ទនាតាមទូរស័ព្ទជាមួយប្រមុខការពារជាតិអាមេរិក ក្រោយការបាញ់ទម្លាក់បាឡុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​ផ្តោតលើ​ការផ្តល់​ជំនួយ​សង្គ្រោះ​គ្រោះ​រញ្ជួយ​ដី​នៅ​ទួរគី និង​ស៊ី​រី ខណៈ USAID កំពុង​ផ្គត់ផ្គង់​

នគរបាល​បាញ់​ឧស្ម័ន​បង្ហូរទឹកភ្នែក​លើ​ក្រុមអ្នកតវ៉ា​កំណែទម្រង់​អាយុ​ចូលនិវត្តន៍​នៅ​ក្រុងប៉ារីស

អ្នក​រស់រានមានជីវិត​ស្នាក់នៅ​ក្នុង​តង់​មនុស្សធម៌ បន្ទាប់ពី​រញ្ជួយ​ដី​នៅ​ទួរគី​

ជប៉ុនបន្តជួយជំរុញការវិនិយោគទេសចរណ៍ និងគាំទ្រកម្ពុជាដែលទទួលជាម្ចាស់ផ្ទះស៊ីហ្គេម ២០២៣

ចិនច្រានចោល​ការសន្ទនា​តាម​ទូរស័ព្ទ​ជាមួយ​ប្រមុខ​ការពារជាតិ​អាមេរិក ក្រោយ​ការបាញ់​ទម្លាក់​បា​ឡុង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស

អ្នករស់រានមានជីវិតស្នាក់នៅក្នុងតង់មនុស្សធម៌ បន្ទាប់ពីរញ្ជួយដីនៅទួរគី

ចិនច្រានចោលការសន្ទនាតាមទូរស័ព្ទជាមួយប្រមុខការពារជាតិអាមេរិក ក្រោយការបាញ់ទម្លាក់បាឡុង