BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

សម្តេចតេជោសម្តែងការសោកស្តាយ និងអាឡោះអាល័យចំពោះប្អូនថ្លៃស្រីរបស់សម្តេចដែលទទួលមរណភាព

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្តែងការសោកស្តាយ និងអាឡោះអាល័យបំផុត ចំពោះលោកជំទាវ ប៊ុន សុថា ត្រូវជាប្អូនថ្លៃស្រីរបស់ម្តេច ដែលបានមរណភាពកាលពីថ្ងៃទី៣ ខែកុម្ភៈ ឆ្នាំ២០២៣កន្លងទៅនេះក្នុង ជន្មាយុ៦៧ឆ្នាំ ដោយរោគាពាធ។តាមរយៈផេកហ្វេសបុកផ្ទាល់របស់សម្តេច នាយប់ថ្ងៃទី៦ ខែកុម្ភៈ ឆ្នាំ២០២៣នេះសម្តេចបានសរ សេរថា« ប្អូនស្រីថ្ងៃស្អែកបែកគ្នា!» សល់តែមួយយប់ទៀតប៉ុណ្ណោះរូបកាយប្អូននឹងត្រូវបញ្ចុះទៅក្នុងព្រះធរណីដែលជាទីកន្លែងសម្រាកចុងក្រោយរបស់ប្អូន។បែកគ្នាដោយមិនបានលាគឺជារឿងមិនអស់ចិត្តសម្រាប់ក្រុមគ្រួសារតែនេះជាក្រិត្យក្រមធម្មជាតិដែលមិនអាចជៀសវាងបានគឺ កើត ចាស់ ឈឺ ស្លាប់តែអ្វីជាការសោកស្តាយគឺនៅត្រង់មនុស្សដែលមានអាយុច្រើនធ្វើបុណ្យសពឲ្យមនុស្សដែលមានអាយុតិចជាង។ ជាគ្រួសារមួយដែលមិនធ្លាប់មានទំនាស់ទោះតូចក្តីធំក្តីមិនដែលមានភាពរកាំរកូសសូម្បីពាក្យសំដីមួយម៉ាត់ ការបែកគ្នាដោយគ្មានពេលជួបវិញពិតជាបានធ្វើឲ្យក្រុមគ្រួសារកាន់តែអាឡោះអាល័យនឹកស្រណោះដល់ពេលដែលកន្លងហួសពិសេសកូន ចៅនិងក្មួយៗដែលម្តាយជីដូននិងម្តាយមីងបានមើលថែទាំដល់ពួកគេ»៕

អ៊ីស្រាអែលនិយាយថា «វិធានការត្រូវបានសម្រេច» បន្ទាប់ពីប៉ាឡេស្ទីនបាញ់សម្លាប់ប្រជាជនអ៊ីស្រាអែល ៧នាក់

អ៊ីស្រាអែល៖ នាយករដ្ឋមន្ត្រីអ៊ីស្រាអែលលោក Benjamin Netanyahu បានជំរុញប្រជាជនកុំធ្វើអ្វីឲ្យខុសច្បាប់ចំពោះអំពើហិង្សា និងបាននិយាយថា វិធានការត្រូវបានសម្រេច ហើយគណៈរដ្ឋមន្ត្រីរបស់លោកនឹងជួបប្រជុំគ្នា ដើម្បីបន្តការពិភាក្សាជុំវិញការឆ្លើយតប។ ខ្មាន់កាំភ្លើងប៉ាឡេស្ទីនម្នាក់បានបាញ់សម្លាប់មនុស្ស ៧នាក់ និងរងរបួស ៣នាក់នៅក្នុងវិហារមួយកន្លែងនៅជាយក្រុងហ្សេរុយសាឡឹមកាលពីថ្ងៃសុក្រ ទី២៧ ខែមករា ជាការវាយប្រហារដែលបង្កើនការភ័យខ្លាចនៃការបង្ហូរឈាម មួយថ្ងៃបន្ទាប់ពីការវាយឆ្មក់របស់អ៊ីស្រាអែលដែលបានសម្លាប់មនុស្សច្រើនបំផុតនៅតំបន់ West Bank ក្នុងរយៈពេលជាច្រើនឆ្នាំមកនេះ។ នគរបាលនិយាយនៅក្នុងសេចក្តីថ្លែងការណ៍ថា ខ្មាន់កាំភ្លើងគឺជាជនជាតិប៉ាឡេស្ទីនអាយុ ២១ឆ្នាំរស់នៅទីក្រុងហ្សេរុយសាឡឹមខាងកើត ដែលទំនងជាបានធ្វើសកម្មភាពតែម្នាក់ឯងក្នុងការវាយប្រហារនៅក្នុងតំបន់ ដែលអ៊ីស្រាអែលបានបញ្ចូលជាឧបសម្ព័ន្ធទៅក្នុងក្រុងហ្សេរុយសាឡឹម បន្ទាប់ពីសង្គ្រាមមជ្ឈិមបូព៌ាឆ្នាំ១៩៦៧។ ការវាយប្រហារដែលនគរបាលអ៊ីស្រាអែលបានចាត់ទុកថា ជាឧប្បត្តិហេតុភេរវកម្មបានបង្ហាញពីការព្រួយបារម្ភការកើនឡើងអំពើហិង្សា បន្ទាប់ពីមានការប៉ះទង្គិចនៅតំបន់ West Bank ដែលឈានដល់ការវាយឆ្មក់នៅក្រុង Jenin បណ្តាលឲ្យជនជាតិប៉ាឡេស្ទីនយ៉ាងតិច ៩នាក់ស្លាប់៕អត្ថបទ៖ ប៊ុនថន

គណបក្សសាធារណរដ្ឋរិះគន់លោក Biden ជុំវិញបាឡុងរបស់ចិន

អាមេរិក៖ មួយថ្ងៃបន្ទាប់ពីយន្តហោះចម្បាំងរបស់សហរដ្ឋអាមេរិក បានបាញ់ទម្លាក់បាឡុងស៊ើបការណ៍របស់ចិនដែលសង្ស័យ ខណៈការចោទប្រកាន់បានលេចចេញលើអ្វីដែលអូសបន្លាយពេលយូរ។ សមាជិកសភាមកពីគណបក្សសាធារណរដ្ឋ បានរិះគន់ប្រធានាធិបតីគណបក្សប្រជាធិបតេយ្យសហរដ្ឋអាមេរិកលោក Joe Biden សម្រាប់ការមិនបាញ់ទម្លាក់បាឡុងចារកម្ម។ ព្រឹទ្ធសមាជិកលោក Tom Cotton នៃរដ្ឋ Arkansas និយាយថា យើងគួរតែបាញ់ទម្លាក់បាឡុងនេះ ដែលយើងមិនគួរអនុញ្ញាតឱ្យវាឆ្លងកាត់ទ្វីបអាមេរិកទាំងមូលនោះទេ។ វត្ថុហោះដែលគួរឱ្យសង្ស័យនេះត្រូវបានគេប្រទះឃើញកាលពីជាងមួយសប្តាហ៍មុន ដោយចូលទៅក្នុងដែនអាកាសសហរដ្ឋអាមេរិកក្បែររដ្ឋអាឡាស្កា។ បាឡុងបានហោះអណ្តែតលើប្រទេសកាណាដា ហើយក្រោយមកត្រឡប់ទៅលើទឹកដីអាមេរិកនៅរដ្ឋម៉ុនតាណា បន្ទាប់មកបន្តឆ្ពោះទៅឆ្នេរសមុទ្រអាត្លង់ទិក ជាកន្លែងដែលបាឡុងត្រូវបានបាញ់ទម្លាក់ដោយយន្តហោះចម្បាំងបំបាំងកាយ F-22 នៅឆ្នេរសមុទ្រនៃរដ្ឋ South Carolina កាលពីថ្ងៃសៅរ៍។ លោក Biden បាននិយាយថា លោកបានចេញបញ្ជាកាលពីថ្ងៃពុធសប្តាហ៍កន្លងទៅនេះ ដើម្បីបាញ់ទម្លាក់បាឡុង បន្ទាប់ពីវាបានឆ្លងចូលទៅក្នុងរដ្ឋ Montana ប៉ុន្តែមន្ទីរបញ្ចកោណបានផ្តល់យោបល់ឱ្យរង់ចាំរហូតដល់វាអាចត្រូវបានបាញ់ទម្លាក់នៅលើទឹក ដើម្បីការពារជនស៊ីវិលពីការធ្លាក់កម្ទេចកម្ទីរមកដី។ រដ្ឋមន្ត្រីក្រសួងការពារជាតិលោក Lloyd Austin បាននិយាយថា យោធាអាមេរិកអាចប្រមូលការស៊ើបការណ៍សម្ងាត់ដ៏មានតម្លៃដោយសិក្សាពីបាឡុង។ លោកនិយាយថា បាឡុងស៊ើបការណ៍របស់ចិនចំនួន ៣ផ្សេងទៀតបានឆ្លងកាត់សហរដ្ឋអាមេរិក ក្នុងអំឡុងពេលរដ្ឋបាលរបស់ប្រធានាធិបតីសាធារណរដ្ឋលោក Donald Trump ដែលការអះអាងនេះបានជំរុញឱ្យមានការបដិសេធយ៉ាងខឹងសម្បាពីអតីតប្រធានាធិបតី។ លោក Trump បានសរសេរនៅលើប្រព័ន្ធផ្សព្វផ្សាយសង្គមថា ប្រទេសចិនមានការគោរពយ៉ាងខ្លាំងចំពោះលោក Trump សម្រាប់រឿងដែលបានកើតឡើងនេះ ហើយវាមិនដែលកើតឡើងនោះទេ។ ប្រទេសចិនអះអាងថា បាឡុងនេះគឺជានាវាអាកាសដែលប្រើប្រាស់សម្រាប់គោលបំណងឧតុនិយម និងវិទ្យាសាស្ត្រ ដែលបានរេចូលទៅក្នុងដែនអាកាសសហរដ្ឋអាមេរិកដោយចៃដន្យ។ កាលពីថ្ងៃអាទិត្យទីក្រុងប៉េកាំងបានថ្កោលទោសថា ជាការប្រតិកម្មហួសហេតុ ចំពោះប្រតិបត្តិការរបស់សហរដ្ឋអាមេរិកដែលបានបាញ់ទម្លាក់វាពីលើអាកាស៕អត្ថបទ៖ ប៊ុនថន

យ៉ាងហោចមនុស្ស ២៤នាក់ស្លាប់ក្នុងប្រទេសឈីលី ខណៈភ្លើងឆេះព្រៃបានរាលដាល

ឈីលី៖ ក្រុមអ្នកពន្លត់អគ្គីភ័យបានប្រយុទ្ធនឹងភ្លើងឆេះព្រៃដ៏សន្ធោសន្ធៅ នៅក្នុងប្រទេសឈីលីកាលពីថ្ងៃអាទិត្យ ដោយបានស្វែងរកការគ្រប់គ្រងគ្រោះមហន្តរាយធម្មជាតិដ៏អាក្រក់បំផុត របស់ប្រទេសក្នុងរយៈពេលជាច្រើនឆ្នាំមកនេះ ខណៈចំនួនអ្នកស្លាប់បានកើនឡើងដល់យ៉ាងហោចណាស់ ២៤នាក់ និងជិត ១,០០០នាក់ផ្សេងទៀតរងរបួស។ ជំនួយអន្តរជាតិត្រូវបានកំណត់ពេលមកដល់កាលពីថ្ងៃអាទិត្យ ពីប្រទេសមួយចំនួនដែលបានសន្យាថានឹងផ្តល់ធនធាន រួមទាំងយន្តហោះ និងក្រុមអ្នកពន្លត់អគ្គីភ័យជំនាញ ខណៈភ្លើងឆេះព្រៃខ្លាំងបំផុតបានឆេះបំផ្លាញព្រៃឈើ និងដីចំការដែលស្ថិតនៅជុំវិញតំបន់ចំនួនបី។ រដ្ឋាភិបាលរបស់ប្រធានាធិបតីលោក Gabriel Boric បានចេញសេចក្តីប្រកាសគ្រាអាសន្នសម្រាប់តំបន់ជនបទភាគខាងត្បូងភាគច្រើន ក្នុងកិច្ចខិតខំប្រឹងប្រែងដើម្បីពន្លឿនការសង្គ្រោះ។ ក្រុមមន្ត្រីបាននិយាយកាលពីថ្ងៃអាទិត្យថា អគ្គិភ័យបានឆាបឆេះលើផ្ទៃដីប្រមាណ ២៧០,០០០ហិកតា។ រលកកំដៅដែលបក់បោកនៅក្នុងរដូវក្តៅនៃអឌ្ឍគោលខាងត្បូង បានធ្វើឱ្យកិច្ចខិតខំប្រឹងប្រែងមានភាពស្មុគស្មាញក្នុងការពន្លត់អណ្តាតភ្លើង ដោយសារតែសីតុណ្ហភាពនៅក្នុងតំបន់មួយចំនួន ដែលរងផលប៉ះពាល់ខ្លាំងបំផុតមានលើសពី ៤០អង្សាសេ។ មន្ត្រីក្រសួងមហាផ្ទៃនិយាយថា អគ្គិភ័យប្រហែល ២៦០កន្លែងកំពុងមានសកម្មភាពនៅទូទាំងតំបន់ដែលស្ងួតហួតហែង ដោយ ២៨កន្លែងត្រូវបានចាត់ទុកថាមានគ្រោះថ្នាក់ខ្លាំង។ មនុស្សជិត ១,៥០០នាក់បានភៀសខ្លួនចេញទៅកាន់ទីជម្រកសុវត្ថិភាពក្នុងតំបន់ ហើយយ៉ាងហោចណាស់ ២៦នាក់ក្នុងចំណោមអ្នករងរបួស ៩៧០នាក់ត្រូវបានចុះបញ្ជីក្នុងស្ថានភាពធ្ងន់ធ្ងរនៅមន្ទីរពេទ្យក្នុងតំបន់។ អាជ្ញាធរកាលពីថ្ងៃសៅរ៍បាននិយាយថា ជំនួយនឹងមកដល់ក្នុងពេលឆាប់ៗនេះពីប្រទេសនានា រួមមានសហរដ្ឋអាមេរិក អាហ្សង់ទីន អេក្វាឌ័រ ប្រេស៊ីល និងវ៉េណេស៊ុយអេឡា ព្រមទាំងក្រុមបុគ្គលិកជំនាញមកពីប្រទេសអេស្ប៉ាញ៕អត្ថបទ៖ ប៊ុនថន

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និងស៊ីរី

ស៊ីរី៖ សារព័ត៌មានរដ្ឋ និងប្រភពពីក្រុមមន្ទីរវេជ្ជសាស្ត្របាននិយាយថា មនុស្សរាប់រយនាក់បានស្លាប់នៅក្នុងប្រទេសស៊ីរីនៅថ្ងៃចន្ទនេះ ខណៈអគារជាច្រើនបានដួលរលំ ក្រោយការរញ្ជួយដីកម្រិត ៧.៨រ៉ិចទ័រមានចំណុចកណ្ដាលនៃការរញ្ជួយនៅក្នុងប្រទេសក្បែរខាងគឺទួរគី។ ក្រសួងសុខភិបាលនិយាយថា មនុស្សរាប់រយនាក់បានស្លាប់ និងរាប់រយនាក់ផ្សេងទៀតរងរបួសនៅក្នុងតំបន់គ្រប់គ្រងដោយរដ្ឋាភិបាលនៃប្រទេសស៊ីរីហែកហួរដោយសង្រ្គាម ខណៈមន្ទីរពេទ្យមួយបានប្រាប់សារព័ត៌មាន AFP ថា មនុស្សជាច្រើននាក់បានស្លាប់នៅក្នុងភាគខាងជើងគ្រប់គ្រងដោយក្រុមគាំទ្រទួរគី។ លោកប្រធានាធិបតីទួរគី Recep Tayyip Erdogan បាននិយាយក្រុមស្វែងរក និងជួយសង្រ្គោះត្រូវបានបញ្ជូនភ្លាមៗ ទៅកាន់តំបន់ទាំងឡាយដែលរងការបំផ្លិចបំផ្លាញដោយការរញ្ជួយដី។ មជ្ឈមណ្ឌលស្រាវជ្រាវរបស់អាល្លឺម៉ង់សម្រាប់ការសិក្សាពីដែនដី (GFZ) បាននិយាយថា ការរញ្ជួយដីនេះបានអង្រួនជម្រៅ ១០គីឡូម៉ែត្រជិតទីក្រុង Kahramanmaras ក្នុងប្រទេសទួរគីភាគខាងត្បូង ខណៈក្រុមឃ្លាំមើលការរញ្ជួយដីបាននិយាយថា លទ្ធភាពនៃហានីភ័យរលកស៊ូណាមិកំពុងត្រូវបានវាយតម្លៃ។ យោងតាមសារព័ត៌មាន Reuters ការរញ្ជួយបានបន្តប្រហែលមួយនាទី ហើយបង្អួចអគារជាច្រើនត្រូវបានខូចខាតនៅក្នុងតំបន់ Diyarbakir ចម្ងាយ ៣៥០គីឡូម៉ែត្ររហូតដល់ភាគខាងកើត។ ទូរទស្សន៍ TRT និង Haberturk បានបង្ហាញពីមនុស្សកំពុងប្រមូលផ្ដុំគ្នា នៅជុំវិញអគារដែលរងការខូចខាតនៅក្នុងទីក្រុង Kahramanmaras កំពុងតាមស្វែងរកអ្នកនៅមានជីវិត។អភិបាលខេត្ត Sanliurfa ភាគអាគ្នេយ៍របស់ប្រទេសទួរគីលោក Salih Ayhan បាននិយាយនៅលើបណ្ដាញ Twitter ថា ការរញ្ជួយដីនេះបានបំផ្លិចបំផ្លាញអគារជាច្រើន ហើយយើងបានជំរុញឲ្យប្រជាពលរដ្ឋទៅកាន់កន្លែងមានសុវត្ថិភាព។ សារព័ត៌មានរដ្ឋរបស់ប្រទេសស៊ីរីបាននិយាយថា អគារមួយចំនួនបានដួលរលំនៅក្នុងខេត្ត Aleppo ខណៈដែលប្រភពមួយនៅក្នុងទីក្រុង Hama ប្រទេសស៊ីរីបាននិយាយថា នៅក្នុងទីក្រុងនេះក៏មានអគារមួយចំនួនបានបាក់រលំដែរ៕អត្ថបទ៖ សុខមាន

មេដឹកនាំកំពូលអ៊ីរ៉ង់លើកលែងទោសដល់អ្នកទោសរាប់ម៉ឺននាក់ ក្រោយការតវ៉ាដ៏រំជើបរំជួល

អ៊ីរ៉ង់៖ ទីភ្នាក់ងារសារព័ត៌មានរដ្ឋ IRNA បានរាយការណ៍កាលពីថ្ងៃអាទិត្យថា មេដឹកនាំកំពូលអ៊ីរ៉ង់បានផ្ដល់ការលើកលែងទោសដល់អ្នកទោសរាប់ម៉ឺននាក់ រួមទាំងអ្នកមួយចំនួនដែលបានចាប់ខ្លួនក្នុងការតវ៉ាប្រឆាំងរដ្ឋថ្មីៗនេះ ក្រោយការបង្ក្រាបដ៏សាហាវដែលផ្ទុះឡើងភាពរំជើបរំជួលពេញទូទាំងប្រទេស។ យោងតាមព័ត៌មានលម្អិតដែលបានប្រកាស នៅក្នុងសេចក្ដីរាយការណ៍របស់សារព័ត៌មានរដ្ឋ ទោះយ៉ាងណាក៏ដោយការលើកលែងទោសដែលត្រូវបានអនុម័តដោយលោក Ayatollah Ali Khamenei បានកើតមានឡើងដោយមានលក្ខខណ្ឌ ដែលនិយាយថា វិធានការនេះនឹងមិនអនុវត្តន៍ចំពោះជនជាតិផ្សេងៗ ដែលបានឃុំខ្លួននៅក្នុងប្រទេសអ៊ីរ៉ង់ទេ។ ទីភ្នាក់ងារសារព័ត៌មានរដ្ឋ IRNA បាននិយាយថា អុ្នកទោសទាំងឡាយដែលជាប់ចោទពីបទប្រព្រឹត្តអំពើពុករលួយ ជាការចោទប្រកាន់ពាក់ព័ន្ធនឹងការខាតបង់ទុនវិនិយោគ ដែលបានធ្វើឡើងប្រឆាំងទៅលើក្រុមអ្នកតវ៉ាមួយចំនួន ដែលមនុស្ស ៤នាក់មានទោសត្រូវប្រហារជីវិតក៏នឹងមិនត្រូវបានដោះលែងដែរ។ សារព័ត៌មានដដែលនេះបានរាយការណ៍ថា ហើយក៏មិនអនុវត្តន៍ចំពោះអ្នកទាំងឡាយដែលបានចោទប្រកាន់ ពីបទយកការណ៍ឲ្យទីភ្នាក់ងារបរទេស ឬអ្នកដែលជាប់ពាក់ព័ន្ធនឹងក្រុមប្រឆាំងសាធារណរដ្ឋអ៊ីស្លាមនេះដែរ។ ប្រទេសអ៊ីរ៉ង់ត្រូវបានជួបភាពវឹកវរដោយការតវ៉ា ក្រោយការស្លាប់ស្ត្រីវ័យក្មេងជនជាតិឃើដអ៊ីរ៉ង់ ក្នុងពេលឃាត់ខ្លួនសាកសួររបស់នគរបាលសីលធម៌កាលពីខែកញ្ញាឆ្នាំមុន។ យោងតាមក្រុមសកម្មជន HRANA មនុស្សប្រមាណ ២០.០០០នាក់ត្រូវបានចាប់ខ្លួនជាប់ពាក់ព័ន្ធនឹងការតវ៉ាជាបន្តបន្ទាប់៕អត្ថបទ៖ សុខមាន

ចិនមើលឃើញថា ជម្រើសរបស់ខ្លួនមានដែនកំណត់ ក្រោយអាមេរិកបាញ់ទម្លាក់បាឡុង

ចិន៖ បន្ទាប់ពីយន្តហោះចម្បាំងរបស់អាមេរិក បានបាញ់ទម្លាក់បាឡុងរបស់ចិនដែលអណ្តែតពាសពេញសហរដ្ឋអាមេរិក ប្រតិកម្មពីទីក្រុងប៉េកាំងមានទាំងការការពារ និងខឹងសម្បារ ប៉ុន្តែនៅតែការពារជម្រើសរបស់ខ្លួនដោយបានបង្ហាញពីការប្រឈមនានា ដែលប្រធានាធិបតីចិនលោក Xi Jinping បានកំពុងជួបប្រទះ ខណៈលោកព្យាយាមរក្សាស្ថិរភាពសម្រាប់ទំនាក់ទំនង ស្របពេលកំពុងរង់ចាំពេលវេលាប្រសិនបើអាចសម្របសម្រួលបាន។ ប៉ុន្មានម៉ោងក្រោយបាឡុងនោះត្រូវបានបាញ់ដោយមីស៊ីល Sidewinder និងធ្លាក់ចូលក្នុងសមុទ្រក្បែររដ្ឋ South Carolina ក្រសួងការបរទេសចិនបានប្រកាសពីការមិនសប្បាយចិត្ត និងការតវ៉ាយ៉ាងខ្លាំង និងបានប្រកាន់ជំហររបស់ខ្លួនថា បាឡុងនោះគឺជាការបង្ហោះសម្រាប់ការស្រាវជ្រាវផ្នែកស៊ីវិល ដែលបានរសាត់តាមកម្លាំងខ្យល់ខ្លាំងប៉ុណ្ណោះ។ ក្រសួងខាងលើនេះនិយាយថា គឺទីក្រុងវ៉ាស៊ីនតោន មិនមែនប៉េកាំងទេដែលបានបំផ្លិចបំផ្លាញគោលការណ៍នានា។ សេចក្ដីថ្លែងការណ៍ពីក្រសួងខាងលើកាលពីថ្ងៃអាទិត្យ ភាគីចិនបានស្នើចំៗថា សូមឲ្យសហរដ្ឋអាមេរិកដោះស្រាយបញ្ហាឲ្យបានត្រឹមត្រូវប្រកបដោយភាពស្ងៀមស្ងាត់ ជំនាញ និងឥរិយាបទល្អ។ ចំពោះសហរដ្ឋអាមេរិកដែលទទូចលើការប្រើប្រាស់កងកម្លាំងប្រដាប់អាវុធ កំពុងបង្ហាញពីការបញ្ចេញប្រតិកម្មហួសហេតុ។ ក្រសួងនេះបាននិយាយនៅក្នុងសេចក្ដីថ្លែងការណ៍ចំនួន២ របស់ខ្លួនថា យើងតវ៉ាយ៉ាងដាច់អហង្ការចំពោះប្រតិកម្មរបស់សហរដ្ឋអាមេរិក និងបន្តសិទ្ធិប្រើប្រាស់មធ្យោបាយចាំបាច់ ក្នុងការដោះស្រាយកាលៈទេសៈស្រដៀងគ្នា ហើយថាការបាញ់ទម្លាក់បាឡុងនោះគឺជាប្រតិកម្មខ្លាំងហួសហេតុ៕អត្ថបទ៖ សុខមាន

លោកស្រី តែ ចន្ទមនោ ចូលរួមគោរពវិញ្ញាណក្ខន្ធលោកជំទាវ ប៊ុន សុថា ប្អូនស្រីពៅសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

ភ្នំពេញ៖ លោកស្រី តែ ចន្ទមនោ ភរិយាលោក កឹម សុខា បានដឹកនាំក្រុមការងាររួមរំលែមរណកទុក្ខ និងគោរពវិញ្ញាណក្ខន្ធលោកជំទាវ ប៊ុន សុថាប្អូនស្រីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។តាមរយៈសារផ្ញើជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកស្រី តែ ចន្ទមនោ មានខ្លឹមសារថា៖ សូមគោរពជូន សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នាងខ្ញុំ តែ ចន្ទមនោ មានសេចក្តីរន្ធត់ និងសោកស្តាយក្រៃលែង ដោយបានទទួលដំណឹងថា លោកជំទាវ ប៊ុន សុថា ដែលជាប្អូនស្រីបង្កើត របស់សម្តេចកិត្តិព្រឹទ្ធបណ្ឌិត បានទទួលមរណភាពដោយរោគាពាធ នារសៀលថ្ងៃសុក្រទី៣ ខែកុម្ភៈ ឆ្នាំ២០២៣នេះ។ក្នុងឱកាសដ៏ក្រៀមក្រមបំផុតនេះ នាងខ្ញុំ និងស្វាមី សូមចូលរួមរំលែកទុក្ខសោកសង្រេង ជាមួយ សម្តេចកិត្តិព្រឹទ្ធបណ្ឌិតនិងសម្តេចតេជោ ព្រមទាំងក្រុមគ្រួសារ ទាំងអស់៕

អ៊ុយក្រែននឹងតែងតាំងរដ្ឋមន្ត្រីការពារជាតិថ្មីក្នុងការរុះរើមន្ត្រីកំពូលៗ ខណៈមានការប្រយុទ្ធគ្នាខ្លាំងនៅ Donetsk

អ៊ុយក្រែន៖ យោងតាមសម្ព័ន្ធមិត្តដ៏ជិតស្និទ្ធរបស់លោកប្រធានាធិបតី Volodymyr Zelenskyy អ៊ុយក្រែននឹងត្រូវតែងតាំងប្រធានទីភ្នាក់ងារចារកម្មយោធារបស់ខ្លួន ជំនួសរដ្ឋមន្ត្រីការពារជាតិលោក Oleksii Reznikov ក្នុងការរុះរើនៅសមរភូមិមុខនៃយុទ្ធនាការសង្គ្រាមរបស់អ៊ុយក្រែន។ លោក David Arakhamia ជាអ្នកនយោបាយជាន់ខ្ពស់ និងជាប្រធានសភាអ៊ុយក្រែនបាននិយាយថា លោក Reznikov នឹងត្រូវប្ដូរទៅកាន់ការងារថ្នាក់រដ្ឋមន្ត្រីផ្សេងទៀត និងត្រូវបានជំនួសដោយលោក Kyrylo Budanov ប្រធានទីភ្នាក់ងារចារកម្មយោធា។ លោក Arakhamia បាននិយាយនៅលើសារ Telegram ថា សង្គ្រាមតម្រូវឲ្យមានការផ្លាស់ប្ដូរនៅក្នុងគោលនយោបាយបុគ្គលិក។ លោក Reznikov វ័យ ៥៦ឆ្នាំដែលជាអតីតមេធាវីបានក្លាយជារដ្ឋមន្ត្រីការពារជាតិកាលពីខែវិច្ឆិកា ឆ្នាំ២០២១ ប៉ុន្មានខែប៉ុណ្ណោះមុនរុស្ស៊ីបើកប្រតិបត្តិការលុកលុយទ្រង់ទ្រាយធំរបស់ខ្លួន លើអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២។ ពុំមានការអត្ថាធិប្បាយភ្លាមៗទេពីលោក Reznikov ក្រោយការប្រកាសនេះ។ ការរុះរើមន្ត្រីជាន់ខ្ពស់នេះបានកើតឡើង ស្របពេលដែលអ៊ុយក្រែនបារម្ភថា រុស្ស៊ីកំពុងមានផែនការវាយប្រហារថ្មីដ៏ធំនៅខែនេះ។ អ៊ុយក្រែនកំពុងគ្រោងវាយទប់ទល់ ប៉ុន្តែកំពុងរង់ចាំការផ្គត់ផ្គង់រថក្រោះប្រយុទ្ធ និងយានប្រយុទ្ធពីលោកខាងលិច៕អត្ថបទ៖ សុខមាន

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

ភ្នំពេញ៖ លោក លឺ ឡាយស្រេង អតីតមន្រ្តីជាន់ខ្ពស់ នៃគណបក្សហ៊្វុនស៊ិនប៉ិច បានអញ្ជើញគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ៕

បណ្ដាញសង្គម

ព័ត៌មានថ្មីៗ

ឧបនាយករដ្ឋមន្ត្រី ហ៊ុន ម៉ានី អញ្ជើញជាអធិបតីបើកវេទិកាអភិបាលកិច្ចល្អដែលជាព្រឹត្តិការណ៍អម នៃ 23rd ACCSM

លោក Trump និយាយថា អ៊ីរ៉ង់កំពុងប្រឈមនឹង«ឱកាសចុងក្រោយមុនពេលដួលរលំ»

អឺរ៉ុបអំពាវនាវឲ្យរឹតបន្តឹងព្រំដែន និងចាត់វិធានការរួមគ្នាក្រោយការឆ្លងដែនជនអន្តោប្រវេសន៍រាប់ម៉ឺននាក់ពីម៉ារ៉ុកចូលអេស្ប៉ាញ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោសម្តែងការសោកស្តាយ និងអាឡោះអាល័យចំពោះប្អូនថ្លៃស្រីរបស់សម្តេចដែលទទួលមរណភាព

អ៊ីស្រាអែលនិយាយថា «វិធានការត្រូវបានសម្រេច» បន្ទាប់ពីប៉ាឡេស្ទីនបាញ់សម្លាប់ប្រជាជនអ៊ីស្រាអែល ៧នាក់

គណបក្សសាធារណរដ្ឋរិះគន់លោក Biden ជុំវិញបាឡុងរបស់ចិន

យ៉ាងហោចមនុស្ស ២៤នាក់ស្លាប់ក្នុងប្រទេសឈីលី ខណៈភ្លើងឆេះព្រៃបានរាលដាល

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និងស៊ីរី

មេដឹកនាំកំពូលអ៊ីរ៉ង់លើកលែងទោសដល់អ្នកទោសរាប់ម៉ឺននាក់ ក្រោយការតវ៉ាដ៏រំជើបរំជួល

ចិនមើលឃើញថា ជម្រើសរបស់ខ្លួនមានដែនកំណត់ ក្រោយអាមេរិកបាញ់ទម្លាក់បាឡុង

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោសម្តែងការសោកស្តាយ និងអាឡោះអាល័យចំពោះប្អូនថ្លៃស្រីរបស់សម្តេចដែលទទួលមរណភាព

គណបក្ស​សាធារណរដ្ឋ​រិះគន់​លោក Biden ជុំវិញ​បា​ឡុង​របស់​ចិន

យ៉ាងហោច​មនុស្ស ២៤នាក់​ស្លាប់​ក្នុងប្រទេស​ឈី​លី ខណៈ​ភ្លើង​ឆេះ​ព្រៃ​បាន​រាលដាល​

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និង​ស៊ីរី​

មេដឹកនាំ​កំពូល​អ៊ីរ៉ង់​លើកលែងទោស​ដល់​អ្នក​ទោស​រាប់ម៉ឺន​នាក់ ក្រោយ​ការតវ៉ា​ដ៏​រំជើបរំជួល​

ចិនមើលឃើញថា​ ជម្រើស​រប​ស់​ខ្លួន​មាន​ដែន​កំណត់ ក្រោយ​អាមេរិកបាញ់​ទម្លាក់​បា​ឡុង​

លោក​ លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គណបក្សសាធារណរដ្ឋរិះគន់លោក Biden ជុំវិញបាឡុងរបស់ចិន

យ៉ាងហោចមនុស្ស ២៤នាក់ស្លាប់ក្នុងប្រទេសឈីលី ខណៈភ្លើងឆេះព្រៃបានរាលដាល

មនុស្សរាប់រយនាក់បានស្លាប់ក្នុងគ្រោះរញ្ជួយដីកម្រិត ៧.៩រ៉ិចទ័រនៅប្រទេសទួរគី និងស៊ីរី

មេដឹកនាំកំពូលអ៊ីរ៉ង់លើកលែងទោសដល់អ្នកទោសរាប់ម៉ឺននាក់ ក្រោយការតវ៉ាដ៏រំជើបរំជួល

ចិនមើលឃើញថា ជម្រើសរបស់ខ្លួនមានដែនកំណត់ ក្រោយអាមេរិកបាញ់ទម្លាក់បាឡុង

លោក លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា