BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

អ៊ុយក្រែនស្ថិតនៅមាត់ជ្រោះមហន្តរាយ ខណៈការបាញ់ផ្លោងនៅតែបន្តជុំវិញរោងចក្រថាមពលនុយក្លេអ៊ែរ Zaporizhzhia

អ៊ុយក្រែន៖ ការបាញ់ផ្លោងដែលនៅតែបន្តទៅលើរោងចក្រថាមពលនុយក្លេអ៊ែរ Zaporizhzhia គ្រប់គ្រងដោយរុស្ស៊ីនៅក្នុងប្រទេសអ៊ុយក្រែន បានបង្កឲ្យមានក្ដីបារម្ភពីគ្រោះមហន្តរាយធ្ងន់ធ្ងរ ខណៈភាគីទាំង២ នៅតែបន្តចោទប្រកាន់ដាក់គ្នា ស្របពេលកងកម្លាំងរុស្ស៊ីបានដាក់គោលដៅលើទីប្រជុំជននានា នៅម្ខាងនៃទន្លេពីរោងចក្រថាមពលអាតូមិកធំបំផុតរបស់អឺរ៉ុប។ ទោះស្ថិតក្នុងគ្រោះថ្នាក់ ក្រុមមន្ត្រីមកពីទីភ្នាក់ងារឃ្លាំមើលនុយក្លេអ៊ែររបស់អង្គការសហប្រជាជាតិ នៅតែកំពុងរង់ចាំការអនុញ្ញាតផ្លូវការចូលទៅកាន់រោងចក្រនៅសមរភូមិជួរមុខភាគខាងត្បូងនៃសង្គ្រាម។ អភិបាលតំបន់ Zaporizhzhia លោក Oleksandr Starukh បានប្រាប់ទូរទស្សន៍អ៊ុយក្រែនថា ប្រជាពលរដ្ឋត្រូវបានជូនដំណឹងពីរបៀបប្រើប្រាស់សារធាតុគីមីអ៊ីយ៉ូដ ក្នុងករណីលេចធ្លាយសារធាតុវិទ្យុសកម្ម។ កងកម្លាំងរុស្ស៊ីបានដណ្ដើមរឹបអូសរោងចក្រនេះចាប់តាំងពីដើមខែមីនាភ្លាមៗ ក្រោយការវាយលុកចូលអ៊ុយក្រែន ស្របពេលដែលបុគ្គលិកអ៊ុយក្រែននៅតែបន្តប្រតិបត្តិការក្នុងរោងចក្រនេះ។ ក្នុងរយៈពេលប៉ុន្មានសប្ដាហ៍ថ្មីៗនេះ ប្រទេសទាំង២ បានចោទប្រកាន់ដាក់គ្នាចំពោះការបាញ់ផ្លោងជិតរោងចក្រនេះ៕អត្ថបទ៖ សុខមាន

ទេសរដ្ឋមន្រ្តី លី ធុជ ៖ ខេត្តកំពត នឹងត្រូវប្រកាសជាខេត្តអស់មីនក្នុងឆ្នាំ២០២៣ ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

កំពត៖ នៅព្រឹកថ្ងៃទី២៩ ខែសីហា ឆ្នាំ២០២២ នៅរដ្ឋបាលខេត្តកំពត ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញដឹកនាំកិច្ចប្រជុំផ្សព្វផ្សាយស្តីពីវិស័យសកម្មភាពមីននៅកម្ពុជា និងការអនុវត្តគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដើម្បីខេត្តកំពតអស់មីន។កិច្ចប្រជុំនេះ មានការអញ្ជើញចូលរួមពី លោក នៃ គង់ អភិបាលរងខេត្ត តំណាង លោក ម៉ៅ ធនិន អភិបាលខេត្តកំពត លោក អ៊ុ ភូមិរ៉ូ អគ្គនាយករងនៃមជ្ឈមណ្ឌលសកម្មភាពកំចាត់មីកម្ពុជា (CMAC) មន្ទីរជុំវិញខេត្ត កងកម្លាំងប្រដាប់អាវុធ រដ្ឋបាលស្រុក/ក្រុង និងក្រុមការងាររៀបចំផែនការសកម្មភាពមីន។ ឯកឧត្តមទេសរដ្ឋមន្រ្តី បានមានប្រសាសន៍ថា បន្ទាប់ពីទទួលបានការអនុញ្ញាតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី អាជ្ញាធរមីន បានដាក់ពង្រាយកម្លាំងនៃមជ្ឈមណ្ឌលសកម្មភាពកំចាត់មីកម្ពុជា (ស៊ីម៉ាក់) ក្នុងខេត្តចំនួន៥ ដើម្បីប្រកាសជាខេត្តអស់មីន រួមមាន៖ ខេត្តកំពង់ចាម កំពង់ឆ្នាំង តាកែវ កំពត និងខេត្តស្វាយរៀង ក្នុងទំហំផ្ទៃដីមានមីនប្រមាណ ៣១គីឡូម៉ែត្រក្រឡា។ ដោយឡែក ដើម្បីប្រកាសខេត្តកំពតអស់មីន នឹងត្រូវបោសសម្អាតមីន ក្នុងទំហំផ្ទៃដីមានមីន ១០.៩៩៧.២១៤ ម៉ែត្រក្រឡា (ប្រមាណជា ១១ គីឡូម៉ែត្រក្រឡា) ស្មើនឹង ១២១ ចម្ការមីន ក្នុងរយៈពេល ១១ខែ ចាប់ពីខែសីហា ឆ្នាំ២០២២ ដល់ខែមិថុនា ឆ្នាំ២០២៣ ។ឯកឧត្តមទេសរដ្ឋមន្រ្តី បានលើកឡើងអំពីចក្ខុវិស័យ និងការបង្កើតចលនាជាតិរបស់សម្តេចតេជោ ក្នុងការដោះស្រាយបញ្ហាគ្រាប់មីន និងការបោសសម្អាតមីនឲ្យអស់ពីទឹកដីកម្ពុជា ទោះបីស្ថិតក្នុងតម្លៃណាក៏ដោយ ដើម្បីឲ្យប្រជាពលរដ្ឋមានសុខសុវត្ថិភាព និងទទួលបានស្នាមញញឹមគ្រប់ៗគ្នា។ ជាមួយគ្នានេះ ឯកឧត្តមទេសរដ្ឋមន្រ្តី បានអំពាវនាវឲ្យប្រជាពលរដ្ឋគ្រប់ជាន់ថ្នាក់ ត្រូវបន្តការគាំទ្រសម្តេចតេជោនាយករដ្ឋមន្រ្តី និងរាជរដ្ឋាភិបាលកម្ពុជា ដើម្បីបញ្ចប់ការងារបោសសម្អាតមីន និងកំទេចគ្រាប់មីនចុងក្រោយនៅកម្ពុជា។ឯកឧត្តមបន្តលើកឡើងថា ការងារបោសសម្អាតមីន គឹជាការងារត្រូវការពេលវេលាច្រើន និងកិច្ចសហប្រតិបត្តិការពីគ្រប់ភាគីពាក់ព័ន្ធ ជាពិសេសពីរដ្ឋបាលថ្នាក់ក្រោមជាតិ ដើម្បីជម្រុញឲ្យដំណើរការនៃការបោសសម្អាតមីន ទទួលបានជោគជ័យ និងមានប្រសិទ្ធភាពខ្ពស់ ដែលក្នុងនោះ អាជ្ញាធរមីន ជាសេនាធិការឲ្យរាជរដ្ឋាភិបាលកម្ពុជា ធ្វើការសម្របសម្រួលជាមួយសហគមន៍ផ្តល់ជំនួយ និងប្រទេសជាមិត្ត ដើម្បីជម្រុញឲ្យមានការចូលរួមជាមួយរាជរដ្ឋាភិបាលក្នុងការងារបោសសម្អាតមីននៅកម្ពុជា និងមានភារកិច្ចរៀបចំគោលនយោបាយ និងផែនការអាទិភាព ឆ្ពោះទៅរកកម្ពុជាអស់មីននៅឆ្នាំ២០២៥ ហើយដើម្បីឲ្យកម្ពុជាអស់មីន កម្ពុជាត្រូវការជាចាំបាច់នូវថវិកាគាំទ្រ សម្ភារៈ និងធនធានមនុស្សដែលទទួលបានការបណ្តុះបណ្តាលត្រឹមត្រូវ។ក្នុងឱកាសនោះ ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះអង្គភាពស៊ីម៉ាក់ ដែលជាប្រតិបត្តិករដោះមីនជាតិដ៏ឆ្នើម ចូលរួមផ្តល់សុខសុវត្ថិភាព និងការអភិវឌ្ឍប្រទេសជាតិ តាមរយៈការងារបោសម្អាតមីន រយៈពេល៣០ឆ្នាំមកនេះ៕

ទីក្រុងតៃប៉ិនិយាយថា ចិនដាក់ពង្រាយនាវា និងយន្តហោះចម្បាំងរាប់សិបគ្រឿងជិតកោះតៃវ៉ាន់

កោះតៃវ៉ាន់៖ ក្រុមអាជ្ញាធរការពារជាតិរបស់កោះស្វ័យគ្រប់គ្រងតៃវ៉ាន់ បានអះអាងកាលពីថ្ងៃអាទិត្យថា ក្រុមនាវាយោធា និងយន្តហោះចម្បាំងរបស់ចិនត្រូវបានរកឃើញនៅជុំវិញកោះតៃវ៉ាន់ ស្របពេលភាពតានតឹងកើនឡើងខ្លាំងនៅក្នុងតំបន់នេះ។ យោងតាមក្រុមអាជ្ញាធរខាងលើ នាវាជើងទឹកចិនចំនួន ៨គ្រឿង និងយន្តហោះ ២៣គ្រឿងត្រូវបានរកឃើញនៅក្នុងតំបន់ជុំវិញកោះតៃវ៉ាន់។ ប្រភពខាងលើបានបញ្ជាក់ថា យន្តហោះ ១០គ្រឿងបានហោះនៅលើតំបន់ភាគខាងកើតនៃខ្សែបន្ទាត់មេដ្យាននៃច្រកសមុទ្រតៃវ៉ាន់ ដែលមានតួនាទីជារបាំងក្រៅផ្លូវការរវាងចិនដីគោក និងកោះនេះ។ អ្វីដែលទំនងជាការដាក់ពង្រាយរបស់យោធាចិននេះ មានឡើងមួយថ្ងៃក្រោយសហរដ្ឋអាមេរិកបានបញ្ជូននាវាចម្បាំង ២គ្រឿងចូលក្នុងច្រកសមុទ្រតៃវ៉ាន់ ជាអ្វីដែលអង្គភាពកងទ័ពជើងទឹកនេះនិយាយថា ជាបេសកកម្មឆ្លងកាត់តាមទម្លាប់ ដែលមានន័យថា បង្ហាញពីការប្ដេជ្ញាចិត្តរបស់សហរដ្ឋអាមេរិកចំពោះចក្ខុវិស័យឥណ្ឌូប៉ាស៊ីហ្វិក សេរី និងបើកចំហ។ទីក្រុងប៉េកាំងបានឆ្លើយតបដោយការដាក់យោធារបស់ខ្លួនស្ថិតក្នុងការប្រុងប្រយ័ត្នខ្ពស់ និងបង្ហាញសញ្ញាការត្រៀមរបស់ខ្លួន ដើម្បីបញ្ឈប់សកម្មភាពបង្ករឿងណាមួយជាយថាហេតុ។ កាលពីពេលថ្មីៗនេះចិនក៏បានចាត់ថ្នាក់សហរដ្ឋអាមេរិក ដោយហៅថាជាអ្នកបំផ្លាញសន្តិភាព និងស្ថិរភាពក្នុងច្រកសមុទ្រតៃវ៉ាន់ផងដែរ៕អត្ថបទ៖ សុខមាន

អ្នកការទូតជាន់ខ្ពស់អឺរ៉ុប៖ សហភាពអឺរ៉ុបប្រឈមបញ្ហាធំៗដោយសារទណ្ឌកម្មប្រឆាំងរុស្ស៊ី

សហភាពអឺរ៉ុប៖ លោក Josep Borrell ប្រមុខការទូតរបស់សហភាពអឺរ៉ុបនិយាយថា ប្លុកនេះនឹងពើបប្រទះបញ្ហាប្រឈមធំៗជាច្រើន ដោយសារតែទណ្ឌកម្មដែលខ្លួនបានដាក់លើប្រទេសរុស្ស៊ី ជុំវិញជម្លោះក្នុងប្រទេសអ៊ុយក្រែន។ បញ្ហានេះត្រូវបានលើកឡើងអំឡុងបទសម្ភាសន៍របស់លោក Borrell ជាមួយកាសែត Kronen Zeitung របស់អូទ្រីស ដោយក្រុមអ្នកសារព័ត៌មានចង្អុលបង្ហាញថា មនុស្សភាគច្រើននៅក្នុងប្រទេសរបស់ពួកគេ មានមន្ទិលអំពីវិធានការនានាប្រឆាំងនឹងប្រទេសរុស្ស៊ី។ អ្នកការទូតរូបនេះបានអះអាងថា ទណ្ឌកម្មនានាកំពុងដំណើរការ ហើយថារុស្ស៊ីកំពុងធ្លាក់ក្នុងបញ្ហា។លោកថា ទាំងនេះគឺជាវិធានការរឹតត្បិត។ យើងបានរឹតបន្តឹងសមត្ថភាពសេដ្ឋកិច្ចរបស់រុស្ស៊ី។ ឲ្យតែសេដ្ឋកិច្ចរបស់រុស្ស៊ីពឹងផ្អែកលើប្រេង និងឧស្ម័ន ពួកគេនឹងត្រូវការបច្ចេកវិទ្យារបស់យើង។ យ៉ាងណាក៏ដោយលោក Borrell បានទទួលស្គាល់ថា ពិតណាស់យើងកំពុងប្រឈមនឹងបញ្ហាធំៗជាច្រើន ក្នុងរយៈពេលដ៏ខ្លីដោយសារតែទណ្ឌកម្មទាំងនោះ ហើយការពិតមិនអាចប្រកែកបានគឺថា តម្លៃឧស្ម័នកំពុងហក់ឡើងខ្លាំង៕អត្ថបទ៖ សុខមាន

ប្រមុខរាជរដ្ឋាភិបាលនឹងបើកការដ្ឋានសាងសង់ស្ពានអាកាសនៅត្រង់ច្រមុះជ្រូកក្បាលថ្នល់ និងសាងសង់ស្ពានអាកាសមហាវិថីសហព័ន្ធរុស្ស៊ីកែងផ្លូវ២០០៤

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីភាពដ៏ខ្ពង់ខ្ពស់បំផុតសម្ពោធបើកការដ្ឋានសាងសង់ស្ពានអាកាសនៅត្រង់ច្រមុះជ្រូកក្បាលថ្នល់រាជធានីភ្នំពេញ(ប្រសព្វមហាវិថីសម្តេចតេជោ-៦០ម៉ែត្រ,មហាវិថីព្រះមុនីវង្ស និងវិថីខេមរភូមិន្ទ-២៧១) និងសាងសង់ស្ពានអាកាសមហាវិថីសហព័ន្ធរុស្ស៊ីកែងផ្លូវ២០០៤ នៅព្រឹកថ្ងៃទី៣១ ខែសីហា ឆ្នាំ២០២២។

សៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន នឹងចែកជូនដោយឥតគិតថ្លៃ

ភ្នំពេញ៖ លោក ហ៊ុន ម៉ាណែត នាព្រឹកថ្ងៃទី២៩ ខែសីហា ឆ្នាំ២០២២នេះ តាមរយៈ Facebook Page ផ្លូវការផ្ទាល់ បានប្រកាសចែកជូនសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន » ដោយឥតគិតថ្លៃ ដល់អ្នកដែលមានបំណងចង់អានសៀវភៅនេះ ។ដោយសៀវភៅនេះ និពន្ធដោយ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន និងអ្នកសារព័ត៌មានជើងចាស់។ការប្រកាសផ្តល់ជូនសៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន»ដោយឥតគិតថ្លៃនេះ ធ្វើឡើងបន្ទាប់ពីមានការសំណូមពរជាច្រើន ពីបងប្អូនប្រជាពលរដ្ឋ សិស្សនិស្សិត ដែលចង់អាននូវសៀវភៅនេះ។លោក ហ៊ុន ម៉ាណែត បានបញ្ជាក់ថា «ដោយមានសំណូមពរច្រើនពីបងប្អូន លើសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន » លោកបានប្រគល់ភារកិច្ចអោយ ក្រុមការងាររបស់លោក ត្រៀមទទួលរៀបចំចាត់ចែងសៀវភៅ ជូនដល់បងប្អូនដែលមានបំណងចង់បានសៀវភៅនេះទៅអាន»។ដើម្បីទទួលបានសៀវភៅដោយឥតគិតថ្លៃ សូមបងប្អូនទំនាក់ទំនងទៅក្រុមការងារតាមរយៈ៖ទូរស័ព្ទលេខ ០១០ ៤០០ ១៣៦ និង ០៨៥ ៥២២ ១៤០ ឬ តាមហ្វេសប៊ុក ផេក Hun Manet - C.O.Army (Page Link: https://m.facebook.com/hunmanetcoarmycambodia/)ជាដើម។ ឯកឧត្តម ឆាយ សុផល បានថ្លែងប្រាប់ទូរទស្សន៍BTV នាព្រឹកថ្ងៃទី២៩ ខែសីហា ឆ្នាំ២០២២នេះថា សៀវភៅថ្មីនេះ ផ្តោតលើប្រវត្តិជីវិត និងការងាររបស់លោក ហ៊ុន ម៉ាណែត ជាបេក្ខជននាយករដ្ឋមន្រ្តី ត្រូវបានបោះពុម្ពចំនួន២ម៉ឺនច្បាប់រួចរាល់នៅពាក់កណ្តាលខែសីហានេះ។ឯកឧត្តម បន្តថាសៀវភៅថ្មី «កូនប្រុសច្បងនាយករដ្ឋមន្រ្តី - ដំណើរឆ្ពោះទៅបន្តវេន- ហ៊ុន ម៉ាណែត» មិនត្រឹមតែផ្តោតលើប្រវត្តិសកម្មភាពរបស់លោក ហ៊ុន ម៉ាណែត បេក្ខជននាយករដ្ឋមន្រ្តីប៉ុណ្ណោះទេ ប៉ុន្តែក៏បានឆ្លុះបញ្ចាំពីទិដ្ឋភាពនយោបាយ សេដ្ឋកិច្ច សង្គមផងដែរ ។ក្រោយបោះពុម្ពរួច ឯកឧត្តម ឆាយ សុផល នៅរសៀលថ្ងៃទី១៨ ខែសីហា ឆ្នាំ២០២២ នេះ បានគោរពជូន សម្តេចតេជោ ហ៊ុន សែន នាយករដ្ឋមន្រ្តី នូវសៀវភៅដែលមានចំណងជើងថា «កូនប្រុសច្បងនាយករដ្ឋមន្រ្តី - ដំណើរឆ្ពោះទៅបន្តវេន - ហ៊ុន ម៉ាណែត» ចំនួន១.០០០ច្បាប់ សម្រាប់សម្តេច ទុកចែក តាមតម្រូវការ។ ឆ្លៀតឱកាសនោះដែរ ឯកឧត្តម ឆាយ សុផល ក៏បានគោរពថ្លែងអំណរគុណចំពោះ សម្តេចតេជោ និង សម្តេចកិត្តិព្រឹទ្ធបណ្ឌិត ដែលបានផ្តល់ឱកាសឱ្យលោកបានចងក្រងសៀវភៅនេះឡើង ហើយថា បើទោះជា សម្តេចតេជោ និង សម្តេចកិត្តិព្រឹទ្ធបណ្ឌិត មមាញឹកយ៉ាងណាក៏ដោយនាពេលកន្លងមក ក៏សម្តេចបានឆ្លៀតពេលវេលាដ៏មានតម្លៃផ្តល់ព័ត៌មានផ្សេងៗទាក់ទិននឹងលោក ហ៊ុន ម៉ាណែត ដើម្បីធ្វើឱ្យសៀវភៅនេះមានខ្លឹមសារកាន់តែរស់រវើក និងមានលក្ខណៈជាប្រវត្តិសាស្រ្តនៃមនុស្សជាតិ។ទន្ទឹមនឹងនោះ អ្នកនិពន្ធ ឆាយ សុផល ក៏បានថ្លែងអំណរគុណចំពោះលោក ហ៊ុន ម៉ាណែត ផងដែរ ដែលបានចំណាយពេលដ៏មានតម្លៃឆ្លៀតប្រាប់ព័ត៌មានមួយចំនួនទាក់ទិននឹងលោកផ្ទាល់ក៏ដូចជាទស្សនវិស័យនាពេលអនាគត៕(ដោយ៖ បាន ចក់)

សម្ព័ន្ធមិត្តលោក Putin និយាយថា រុស្ស៊ីមិនអាចបញ្ឈប់សង្គ្រាមបានទេ ទោះបីអ៊ុយក្រែនបោះបង់ក្តីសង្ឃឹមនៅអង្គការណាតូ

រុស្ស៊ី៖ សម្ព័ន្ធមិត្តម្នាក់របស់ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃសុក្រថា ទីក្រុងមូស្គូនឹងមិនបញ្ឈប់យុទ្ធនាការយោធារបស់ខ្លួនក្នុងប្រទេសអ៊ុយក្រែននោះទេ ទោះបីជាទីក្រុង Kyiv បោះបង់បំណងជាផ្លូវការរបស់ខ្លួនដើម្បីចូលជាសមាជិកអង្គការណាតូក៏ដោយ។ អតីតប្រធានាធិបតីលោក Dmitry Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខរបស់រុស្ស៊ី បាននិយាយនៅក្នុងបទសម្ភាសន៍តាមទូរទស្សន៍បារាំងថា រុស្ស៊ីបានត្រៀមខ្លួនដើម្បីជួបចរចាជាមួយប្រធានាធិបតីអ៊ុយក្រែនលោក Volodymyr Zelenskyy ក្រោមលក្ខខណ្ឌមួយចំនួន។ សូម្បីតែមុនការវាយលុកកាលខែកុម្ភៈ ទីក្រុងមូស្គូបានបញ្ជាក់យ៉ាងច្បាស់ថា ការចូលជាសមាជិកអង្គការណាតូរបស់អ៊ុយក្រែន មិនអាចទទួលយកបានឡើយ។ លោក Medvedev បានថ្លែងប្រាប់ទូរទស្សន៍ LCI នៅក្នុងសម្រង់សម្តីដែលរាយការណ៍ដោយទីភ្នាក់ងារព័ត៌មានរុស្ស៊ីថា ប្រទេសរុស្ស៊ីនឹងបន្តយុទ្ធនាការនេះរហូតដល់សម្រេចបានគោលដៅរបស់ខ្លួន។រុស្ស៊ី និងអ៊ុយក្រែនបានបើកការចរចាជាច្រើនជុំបន្ទាប់ពីការវាយលុកចាប់ផ្តើម ប៉ុន្តែពុំមានការរីកចម្រើននោះទេ ហើយមានការរំពឹងទុកតិចតួចសម្រាប់ការចាប់ផ្តើមជាថ្មី។ លោក Medvedev និយាយថា ការចរចានឹងអាស្រ័យលើរបៀបដែលព្រឹត្តិការណ៍កើតឡើង។ យើងបានត្រៀមខ្លួនជាស្រេចមុនពេលជួបលោក Zelenskiy។ នៅក្នុងការអត្ថាធិប្បាយ លោក Medvedev និយាយថា សព្វាវុធរបស់សហរដ្ឋអាមេរិកដែលបានផ្គត់ផ្គង់ដល់អ៊ុយក្រែនរួចហើយ ដូចជាប្រព័ន្ធអាវុធ HIMARS នៅមិនទាន់បង្កការគំរាមខ្លាំងនៅឡើយ។ ប៉ុន្តែលោកបាននិយាយថា វាអាចនឹងផ្លាស់ប្តូរ ប្រសិនបើអាវុធដែលបញ្ជូនដោយសហរដ្ឋអាមេរិក អាចវាយប្រហារគោលដៅនៅចម្ងាយឆ្ងាយ។ វាមានន័យថា នៅពេលដែលមីស៊ីលប្រភេទនេះបាញ់បានចម្ងាយ ៧០គីឡូម៉ែត្រនោះគឺជារឿងមួយ ប៉ុន្តែនៅពេលដែលវាបាញ់ដល់ចម្ងាយ ៣០០គីឡូម៉ែត្រ ឬ ៤០០គីឡូម៉ែត្រនោះគឺជារឿងមួយទៀត ដែលវានឹងក្លាយជាការគំរាមដោយផ្ទាល់ដល់ទឹកដីសហព័ន្ធរុស្ស៊ី៕អត្ថបទ៖ ប៊ុនថន

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ហ្វីលីពីន៖ សាឡាងមួយគ្រឿងនៅប្រទេសហ្វីលីពីនដែលកំពុងដឹកអ្នកដំណើរ និងនាវិក ៨២នាក់បានឆាបឆេះ ខណៈកំពុងទៅជិតដល់កំពង់ផែមួយនៅភាគខាងត្បូងទីក្រុងម៉ានីលកាលពីថ្ងៃសុក្រ ហើយយ៉ាងហោចណាស់មនុស្ស ៧៣នាក់ត្រូវបានជួយសង្គ្រោះ។ មន្ត្រីនិយាយថា កិច្ចខិតខំស្វែងរក និងជួយសង្គ្រោះនៅបន្ត បន្ទាប់ពីយប់ជ្រៅដើម្បីស្វែងរកអ្នកដំណើរ និងនាវិកដែលបាត់ខ្លួននៃនាវាចម្លង M/V Asia Philippines ជានាវាដឹកទំនិញ និងអ្នកដំណើរដែលមកពីក្រុង Calapan ក្នុងខេត្ត Oriental Mindoro។ វីដេអូចេញផ្សាយដោយឆ្មាំសមុទ្របានបង្ហាញឲ្យឃើញអណ្តាតភ្លើង និងផ្សែងហុយចេញពីសាឡាងនៅជិតនាវាជាច្រើនគ្រឿងចម្ងាយជាង ១គីឡូម៉ែត្រពីកំពង់ផែ Batangas។ មូលហេតុនៃការឆេះសាឡាងនេះនៅមិនទាន់ដឹងច្បាស់ពីមូលហេតុនៅឡើយ។ឆ្មាំសមុទ្របាននិយាយថា សាឡាងនេះអាចផ្ទុកអ្នកដំណើរបានប្រហែល ៤០០នាក់។ កន្លងមកមានករណីសាឡាងដឹកអ្នកដំណើរមិនបានចុះឈ្មោះដោយមិនគោរពតាមច្បាប់។ ឧបទ្ទវហេតុនៅតាមសមុទ្រជារឿងធម្មតានៅប្រជុំកោះប្រទេសហ្វីលីពីនដោយសារតែព្យុះញឹកញាប់ និងទូកដែលមិនបានពិនិត្យត្រឹមត្រូវ ផ្ទុកអ្នកដំណើរលើសចំណុះ និងការអនុវត្តច្បាប់សុវត្ថិភាពមិនច្បាស់លាស់ ជាពិសេសនៅក្នុងខេត្តដាច់ស្រយាល៕អត្ថបទ៖ ប៊ុនថន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19

សហរដ្ឋអាមេរិក៖ ក្រុមហ៊ុន Moderna ផលិតវ៉ាក់សាំង COVID-19 កំពុងប្តឹងគូប្រជែងធំរបស់ខ្លួនគឺក្រុមហ៊ុន Pfizer និងក្រុមហ៊ុនផលិតឱសថអាល្លឺម៉ង់ BioNTech ដោយចោទប្រកាន់គូប្រជែងទាំងនេះថា បានចម្លងបច្ចេកវិទ្យារបស់ក្រុមហ៊ុន Moderna ដើម្បីផលិតវ៉ាក់សាំងផ្ទាល់ខ្លួន។ ក្រុមហ៊ុន Moderna បាននិយាយកាលពីថ្ងៃសុក្រថា វ៉ាក់សាំង Comirnaty របស់ក្រុមហ៊ុន Pfizer និង BioNTech បានរំលោភលើប័ណ្ណប៉ាតង់ដែលក្រុមហ៊ុន Moderna បានដាក់ជាច្រើនឆ្នាំមកហើយ ដើម្បីការពារបច្ចេកវិទ្យានៅពីក្រោយវ៉ាក់សាំងបង្ការរបស់ខ្លួន Spikevax។ ក្រុមហ៊ុនបានដាក់ពាក្យបណ្ដឹងការរំលោភលើប័ណ្ណប៉ាតង់ទាំងនៅតុលាការសហព័ន្ធអាមេរិក និងតុលាការអាល្លឺម៉ង់។នាយកប្រតិបត្តិក្រុមហ៊ុន Moderna លោក Stephane Bancel និយាយនៅក្នុងសេចក្តីថ្លែងការណ៍ថា ក្រុមហ៊ុនផលិតបានរកឃើញបច្ចេកវិទ្យានេះ ហើយបានវិនិយោគទឹកប្រាក់រាប់ពាន់លានដុល្លារដើម្បីផលិតវ៉ាក់សាំង។ ក្រុមហ៊ុននិយាយថា វ៉ាក់សាំងរបស់គូប្រជែងរបស់ខ្លួនរំលោភលើប័ណ្ណប៉ាតង់ក្រុមហ៊ុន Moderna ដែលបានដាក់នៅចន្លោះឆ្នាំ2010 និង 2016៕អត្ថបទ៖ ប៊ុនថន

ប៉ាគីស្ថានប្រកាសរដ្ឋក្នុងគ្រាអាសន្ន ខណៈអ្នកស្លាប់កើនដល់ ៩៣៧នាក់ និងជាង ៤០,០០០នាក់ជម្លៀសខ្លួន

ប៉ាគីស្ថាន៖ ទីក្រុងអ៊ីស្លាម៉ាបាដប្រកាសរដ្ឋក្នុងគ្រាអាសន្ន បន្ទាប់ពីការបំផ្លាញដោយទឹកជំនន់។ នាយករដ្ឋមន្ត្រីប៉ាគីស្ថានលោក Shahbaz Sharif បានស្នើសុំជំនួយអន្តរជាតិកាលពីថ្ងៃសុក្រ ដើម្បីស្តារឡើងវិញការខូចខាតដោយទឹកជំនន់យ៉ាងធ្ងន់ធ្ងរនៅក្នុងប្រទេសអ៊ីស្លាមក្រីក្រមួយនេះ ខណៈក្រុមអ្នកជួយសង្គ្រោះបានព្យាយាមជម្លៀសពលរដ្ឋរាប់ពាន់នាក់ ដែលជាប់គាំងចេញពីតំបន់រងគ្រោះដោយទឹកជំនន់។ ការអំពាវនាវរបស់លោក Sharif នៅលើបណ្តាញសង្គម Twitter បានធ្វើឡើងនៅពេលដែលភ្លៀងធ្លាក់ខ្លាំងបានបន្តវាយប្រហារប្រទេសប៉ាគីស្ថាន ហើយចំនួនអ្នកស្លាប់បានកើនឡើងដល់ ៩៣៧នាក់ចាប់តាំងពីពាក់កណ្តាលខែមិថុនា។ វិបត្តិនេះបានបង្ខំឱ្យរដ្ឋាភិបាលប្រកាសដាក់ប្រទេសក្នុងគ្រាអាសន្ន។ សេចក្តីថ្លែងការណ៍របស់រដ្ឋាភិបាលបានដកស្រង់សម្តីលោក Sharif ដែលបាននិយាយថា កុមារ ៣០០នាក់ស្ថិតក្នុងចំណោមអ្នកស្លាប់។ លោក Sharif បានចុះពិនិត្យតំបន់រងគ្រោះដោយទឹកជំនន់ក្នុងខេត្ត Sindh កាលពីថ្ងៃសុក្រ ដោយធានាដល់ជនរងគ្រោះដោយទឹកជំនន់នូវការគាំទ្ររបស់រដ្ឋាភិបាល។ ទាហានប៉ាគីស្ថានប្រមាណ ៦,៥០០នាក់បានចូលរួមក្នុងប្រតិបត្តិការស្វែងរក និងជួយ សង្គ្រោះ ហើយរហូតមកដល់ពេលនេះបានជម្លៀសពលរដ្ឋជាង ៤០,០០០នាក់។លោកនាយករដ្ឋមន្ត្រីបាននិយាយថា ទំហំនៃការបំផ្លាញដែលបណ្តាលមកពីភ្លៀង និងទឹកជំនន់នៅពេលនេះគឺធ្ងន់ធ្ងរជាងកាលពីឆ្នាំ2010 ដែលទឹកជំនន់បណ្តាលឲ្យមនុស្ស ១,៧០០នាក់ស្លាប់។ យោងតាមអាជ្ញាធរជាតិគ្រប់គ្រងគ្រោះមហន្តរាយបានឱ្យដឹងថា ទឹកជំនន់បានបណ្តាលឱ្យខូចខាតលំនៅឋានចំនួន ១៧០,០០០ខ្នង បំផ្លាញផ្លូវថ្នល់ និងបំផ្លាញស្ពានជិត ១៥០កន្លែង។ ទោះបីជាទឹកជំនន់បានស្រកចុះនៅតំបន់មួយចំនួនក៏ដោយ ស្ថានភាពកាន់តែធ្ងន់ធ្ងរទៅៗនៅក្នុងខេត្ត Sindh ដែលក្រុមអ្នកជួយសង្គ្រោះកំពុងប្រើប្រាស់ទូកដើម្បីជម្លៀសប្រជាជន។ ប្រជាជនដែលរងគ្រោះដោយទឹកជំនន់រាប់ពាន់នាក់កំពុងរស់នៅក្នុងផ្ទះ និងតង់ចល័ត។ ភ្លៀងមូសុងនៅប្រទេសប៉ាគីស្ថានជាធម្មតាចាប់ផ្តើមនៅខែកក្កដា ប៉ុន្តែឆ្នាំនេះភ្លៀងធ្លាក់ខ្លាំងបានចាប់ផ្តើមក្នុងខែមិថុនាដែលបានបង្កជាទឹកជំនន់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ៊ុយក្រែនស្ថិតនៅមាត់ជ្រោះមហន្តរាយ ខណៈការបាញ់ផ្លោងនៅតែបន្តជុំវិញរោងចក្រថាមពលនុយក្លេអ៊ែរ Zaporizhzhia

ទីក្រុងតៃប៉ិនិយាយថា ចិនដាក់ពង្រាយនាវា និងយន្តហោះចម្បាំងរាប់សិបគ្រឿងជិតកោះតៃវ៉ាន់

អ្នកការទូតជាន់ខ្ពស់អឺរ៉ុប៖ សហភាពអឺរ៉ុបប្រឈមបញ្ហាធំៗដោយសារទណ្ឌកម្មប្រឆាំងរុស្ស៊ី

សៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន នឹងចែកជូនដោយឥតគិតថ្លៃ

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19

ប៉ាគីស្ថានប្រកាសរដ្ឋក្នុងគ្រាអាសន្ន ខណៈអ្នកស្លាប់កើនដល់ ៩៣៧នាក់ និងជាង ៤០,០០០នាក់ជម្លៀសខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទីក្រុង​តៃប៉ិ​និយាយថា ​ចិន​ដាក់ពង្រាយ​នាវា និង​យន្តហោះ​ចម្បាំង​រាប់​សិប​គ្រឿង​ជិត​កោះ​តៃវ៉ាន់​

អ្នកការទូត​ជាន់ខ្ពស់​អឺរ៉ុប​៖​ សហភាព​អឺរ៉ុប​ប្រឈម​បញ្ហា​ធំ​ៗ​ដោយសារ​ទណ្ឌកម្ម​ប្រឆាំង​រុស្ស៊ី​

សៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន នឹងចែកជូនដោយឥតគិតថ្លៃ

មនុស្ស​ច្រើន​នាក់​ត្រូវបាន​ជួយសង្គ្រោះ ខណៈ​ឆេះ​សាឡាង​នៅ​ហ្វីលីពីន​

ក្រុមហ៊ុន Moderna ប្តឹង​ក្រុមហ៊ុន Pfizer ជុំវិញ​ប៉ាតង់​នៅ​ពីក្រោយ​ការផលិត​វ៉ាក់សាំង Covid-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុងតៃប៉ិនិយាយថា ចិនដាក់ពង្រាយនាវា និងយន្តហោះចម្បាំងរាប់សិបគ្រឿងជិតកោះតៃវ៉ាន់

អ្នកការទូតជាន់ខ្ពស់អឺរ៉ុប៖ សហភាពអឺរ៉ុបប្រឈមបញ្ហាធំៗដោយសារទណ្ឌកម្មប្រឆាំងរុស្ស៊ី

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19