BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

UN៖ អ្នករាយការណ៍ពិសេសរបស់អង្គការសហប្រជាជាតិ នៅដែនដីប៉ាឡេស្ទីនគ្រប់គ្រងដោយអ៊ីស្រាអែលនិយាយថា ការវាយឆ្មក់តាមអាកាសរបស់អ៊ីស្រាអែល ទៅលើតំបន់រងការឡោមព័ទ្ធមិនត្រឹមតែខុសច្បាប់ប៉ុណ្ណោះទេ ថែមទាំងគ្មានការទទួលខុសត្រូវទៀតផង ដោយអំពាវនាវឲ្យមានដំណោះស្រាយការទូត ដើម្បីបញ្ចប់អំពើហិង្សាដែលបានចាប់ផ្ដើមកាលពីថ្ងៃសុក្រ នៅពេលអ៊ីស្រាអែលបើកការវាយប្រហារតាមអាកាសលើទីក្រុង Gaza។ លោក Francesca Albanez បានប្រាប់សារព័ត៌មាន Al Jazeera ថា ស្ថានភាពនៅតំបន់ Gaza ស្ទើរតែបង្កឲ្យមានវិបត្តិមនុស្សធម៌។ មធ្យោបាយតែមួយគត់ដើម្បីធានាសុខុមាលភាពប្រជាជនជាតិប៉ាឡេស្ទីន គឺត្រូវដកការហ៊ុមព័ទ្ធគ្រប់ទីកន្លែង និងអនុញ្ញាតឲ្យដឹកជញ្ជូនជំនួយចូលទៅដល់ទីនោះ។ ឯកអគ្គរដ្ឋទូតសហរដ្ឋអាមេរិកប្រចាំនៅអ៊ីស្រាអែលលោក Tom Nides បានសរសេរនៅលើបណ្ដាញ Twitter កាលពីថ្ងៃសុក្រថា សហរដ្ឋអាមេរិកជឿជាក់យ៉ាងមុតមាំថា អ៊ីស្រាអែលមានសិទ្ធិការពារខ្លួន។ យើងកំពុងធ្វើការជាមួយភាគីផ្សេងៗ និងជំរុញឲ្យគ្រប់ភាគីទាំងអស់រក្សាភាពស្ងៀមស្ងាត់។ លោក Albanez បានរិះគន់សហរដ្ឋអាមេរិកដែលនិយាយថា ខ្លួនជឿថា អ៊ីស្រាអែលមានសិទ្ធិការពារខ្លួន។ លោកថា អ៊ីស្រាអែលមិនអាចអះអាងថា ខ្លួនកំពុងការពារខ្លួនឯងក្នុងជម្លោះនេះបានទេ៕អត្ថបទ៖ សុខមាន

សម្តេចតេជោ៖ អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ប៉ុន្តែអាស៊ាននឹងជម្នះរួមគ្នារាល់បញ្ហាទាំងនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២នេះ បានលើកឡើងថា អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ហើយបញ្ហាដែលសំខាន់ជាងគេនោះ គឺស្ថានភាពនៅក្នុងប្រទេសមីយ៉ាន់ម៉ា បញ្ហាសមុទ្រចិនខាងត្បូង បញ្ហាឧបទ្វីបកូរ៉េ និងសង្រ្គាមរុស្ស៊ី-អ៊ុយក្រែនជាដើម។ ប៉ុន្តែទោះជាយ៉ាងនេះក្តីអាស៊ាន អាចធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា។ថ្លែងនៅក្នុងឱកាសប្រារព្ធខួបលើកទី៥៥ឆ្នាំរបស់អាស៊ាន នាថ្ងៃទី៨ ខែសីហា ឆ្នាំ២០២២នេះ សម្តចតេជោ ហ៊ុន សែន ប្រធានអាស៊ានបានបញ្ជាក់ថា «សម្រាប់អនាគត អាស៊ាននឹងបន្តជួបប្រទះបញ្ហាប្រឈមផ្នែកសន្តិសុខធំៗជាច្រើន ហើយបញ្ហាដែលសំខាន់ជាងគេនោះ គឺស្ថានភាពនៅក្នុងប្រទេសមីយ៉ាន់ម៉ា បញ្ហាសមុទ្រចិនខាងត្បូង បញ្ហាឧបទ្វីបកូរ៉េ និងសង្រ្គាមរុស្ស៊ី-អ៊ុយក្រែន។ បញ្ហាទាំងអស់នេះអាចធ្វើបង្កអស្ថិរភាពដល់សន្តិភាព និងសន្តិសុខក្នុងតំបន់របស់យើង ប្រសិនបើយើងមិនបានគ្រប់គ្រងបញ្ហាទាំងនេះឱ្យបានល្អទេនោះ»។ទោះជាយ៉ាងនេះក្តី សម្តេចតេជោ ហ៊ុន សែន បានលើកឡើងថា អាស៊ានចាំបាច់ត្រូវតែឈរលើជំហរនៃការឯកភាពគ្នា សម្រាប់កិច្ចសហប្រតិបត្តិការ និងដើម្បីផលប្រយោជន៍ទៅវិញទៅមក។ យើងនឹងបន្តផ្តោតសំខាន់លើសកម្មភាពនានា ដែលចងភ្ជាប់យើងទាំងអស់គ្នា ដើម្បីវិបុលភាពកាន់តែប្រសើរឡើង សម្រាប់តំបន់យើង។ យើងនឹងលើកកម្ពស់ស្មារតីអាស៊ាននៃ “ការរួបរួមគ្នា” ដើម្បីប្រមូលផ្តុំនូវកិច្ចខិតខំប្រឹងប្រែងនានា ទាំងផ្ទៃក្នុងអាស៊ាន ទាំងជាមួយប្រទេសជាដៃគូខាងក្រៅ ដើម្បីលើកកម្ពស់នូវសាមគ្គីភាព និងភាពធន់របស់អាស៊ាន ដើម្បីសម្រេចបានគោលដៅនៃការកសាងទស្សនៈវិស័យសហគមន៍អាស៊ានឆ្នាំ២០២៥ ប្រកបដោយភាពធន់។ សរុបជារួមមក យើងជឿជាក់ថា អាស៊ាន អាចធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា ដែលកំពុងបង្កផលប៉ះពាល់ដល់ប្រយោជន៍រួមរបស់ប្រជាជន និងតំបន់របស់យើង ដោយអនុលោមទៅតាមស្មារតីអាស៊ាន៖ “ទស្សនៈវិស័យមួយ អត្តសញ្ញាណមួយសហគមន៍មួយ”។ សូមបញ្ជាក់ថាក្នុងរយៈពេល៥៥ឆ្នាំមកនេះអាស៊ាន បានផ្លាស់ប្តូរខ្លួន ពីអង្គការដែលមានក្របខ័ណ្ឌធូររលុង ទៅជាអង្គការដែលមានរចនាសម្ព័ន្ធរឹងមាំ និងផ្អែកលើវិធានច្បាប់។ អាស៊ាន បានធ្វើដំណើរឆ្លងកាត់ការផ្លាស់ប្តូរយ៉ាងខ្លាំង ទាំងក្នុងទិដ្ឋភាពនយោបាយសាកលលោក និងក្នុងកម្រិតតំបន់ និងបានលេចត្រដែតឡើងជាគ្រួសារមួយដ៏ខ្លាំងក្លា និងវាងវៃ។សម្តេចតេជោ ហ៊ុន សែន បានលើកឡើងទៀតថា ពិតណាស់ថា អាស៊ានមិនអាចធានាយ៉ាងដាច់ណាត់ថា ពុំមានទំនាស់ និងសង្រ្គាមនោះទេ ប៉ុន្តែយ៉ាងហោចណាស់អាស៊ានបានដើរតួនាទីជាអ្នកផ្តល់វេទិកាបើកចំហមួយ សម្រាប់កិច្ចសន្ទនា និងការពិគ្រោះយោបល់ប្រកបដោយភាពស្ថាបនា ដែលការណ៍នេះបានរួមចំណែកយ៉ាងសំខាន់ដល់ការលើកកម្ពស់សន្តិភាព និងស្ថិរភាពនៅក្នុងតំបន់។ សមិទ្ធផលដ៏ធំសម្បើមរហូតមកដល់បច្ចុប្បន្នបានគូសបញ្ជាក់អំពីការប្តេជ្ញាចិត្ត និងឆន្ទៈនយោបាយយ៉ាងខ្លាំងក្លារបស់ប្រមុខដឹកនាំអាស៊ាន ក្នុងការថែរក្សាសន្តិភាព និងស្ថិរភាព ក៏ដូចជាការនាំមកនូវវិបុលភាពសេដ្ឋកិច្ច ជូនសហគមន៍អាស៊ានមួយដែលប្រកបទៅដោយស្មារតីរួបរួមគ្នា និងសាមគ្គីភាព៕ អត្ថបទ៖ បាន ចក់

អ៊ីស្រាអែល និងក្រុមសកម្មប្រយុទ្ធប៉ាឡេស្ទីនប្រកាសបទឈប់បាញ់នៅតំបន់ Gaza ក្រោយផ្ទុះអំពើហិង្សា

អ៊ីស្រាអែល៖ បទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនបានចាប់ផ្ដើមកាលពីយប់ថ្ងៃអាទិត្យ ដើម្បីបញ្ចប់អំពើហិង្សាជិត ៣ថ្ងៃដែលបានសម្លាប់មនុស្សរាប់សិបនាក់នៅក្នុងតំបន់ Gaza។ កិច្ចព្រមព្រៀងក្រោមការសម្របសម្រួលដោយប្រទេសអេហ្ស៊ីប បានបង្កើនក្ដីសង្ឃឹមក្នុងការបញ្ចប់ការវាយប្រយុទ្ធគ្នាដ៏ខ្លាំងក្លាបំផុតនៅតាមព្រំដែនតំបន់ Gaza ជាង ១ឆ្នាំមកនេះ។ អ្នកនាំពាក្យក្រុមអ៊ីស្លាមជីហាដ (Islamic Jihad) លោក Tareq Selmi បាននិយាយថា យើងកោតសរសើរកិច្ចខិតខំប្រឹងប្រែងរបស់អេហ្ស៊ីប ដែលបានព្យាយាមក្នុងការបញ្ចប់ការឈ្លានពានរបស់អ៊ីស្រាអែល ប្រឆាំងនឹងប្រជាជនរបស់យើង។ ការប៉ះទង្គិចគ្នាលើកដំបូងបានផ្ទុះឡើងរវាងអ៊ីស្រាអែល និងក្រុមអ៊ីស្លាមជីហាដដែលបានវាយប្រយុទ្ធគ្នានៅក្នុងតំបន់ Gaza កាលពីសុក្រសប្ដាហ៍មុន។ ទោះបីជាមហាអំណាចពិភពលោកព្រួយបារម្ភក៏ដោយ ជម្លោះនេះត្រូវបានរារាំងដោយក្រុមហាម៉ាស (Hamas) ដែលជាក្រុមអ៊ីស្លាមនិយមគ្រប់គ្រងនៅតំបន់ Gaza និងជាកម្លាំងខ្លាំងជាងក្រុមជីហាដអ៊ីស្លាមគាំទ្រដោយអ៊ីរ៉ង់ បាននៅស្ងៀមរហូតមកដល់ពេលនេះ។ក្រុមមន្ត្រីតំបន់ Gaza បាននិយាយថា ជនជាតិប៉ាឡេស្ទីន ៣១នាក់យ៉ាងហោចណាស់ ១ភាគ៣ នៃពួកគេជាជនស៊ីវិលបានស្លាប់។ កាលពីថ្ងៃអាទិត្យ អ្នកកាន់ទុក្ខរាប់ពាន់នាក់បានចូលរួមពិធីបុណ្យសព មេបញ្ជាការជាន់ខ្ពស់របស់ក្រុមសកម្មប្រយុទ្ធអ៊ីស្លាមជីហាដប៉ាឡេស្ទីន និងមនុស្ស ៦នាក់ផ្សេងទៀតដែលបានស្លាប់ ក្នុងការវាយប្រហារតាមអាកាសដូចគ្នាលើទីក្រុង Rafah។ អ៊ីស្រាអែលនិយាយថា ប្រព័ន្ធការពារ Iron Dome របស់ខ្លួនបានចាប់ស្ទាក់ការវាយប្រហារដោយគ្រាប់រ៉ូកែតប្រហែល៩៧% ដោយជោគជ័យដែលតម្រង់មកលើទីក្រុងនានា ក្រោយការបាញ់ស្រោចកាលពីចុងសប្ដាហ៍ពីសំណាក់ក្រុមសកម្មប្រយុទ្ធប៉ាឡេស្ទីន ដែលបានបណ្ដាលឲ្យមនុស្ស ៣១នាក់ស្លាប់៕អត្ថបទ៖ សុខមាន

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥

ភ្នំពេញ៖ នៅព្រឹកថ្ងៃទី០៨ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញថ្លែងសារលិខិតអបអរសាទរទិវាអាស៊ាន ០៨សីហា លើកទី៥៥។ សារលិខិតសម្ដេចតេជោ ហ៊ុន សែន មានខ្លឹមសារដូចខាងក្រោម៖

គណនីFacebook តាទុំ បង្ហោះសារប្រដៅ និងខោកក្បាលទណ្ឌិត សម រង្ស៊ី

ភ្នំពេញ៖ គណនីហ្វេសប៊ុកមួយមាន ឈ្មោះ « តាទុំ» បានបង្ហោះសារក្នុងន័យប្រដៅទៅអ្នកនយោបាយចាស់វស្សា ដែលជាទណ្ឌិតរត់ចោលស្រុក សំដៅលើ សម រង្ស៊ី ជាមួយនឹងខ្លឹមសារដូចខាងក្រោមនេះ៖តើអាមួយនេះវាឡប់ឬអី?២ថ្ងៃមុនវាជេរហ៊ុន សែនផង ជេរហ៊ុន ម៉ាណែតផង តែថ្ងៃនេះវាបែរជាជូនពរហ៊ុន សែនទៅវិញ។ អ្វីដែលគួរឱ្យអស់សំណើចវាបែរជាបបួលហ៊ុន សែនធ្វើច្បាប់មានចរិតកាត់សិទ្ធិធ្វើនយោបាយសម្រាប់មនុស្សដែលមានអាយុលើសពី៧០ឆ្នាំដោយប្រើពាក្យចូលនិវត្តន៍។រង្សុីគិតស្មានថាហ៊ុន សែនល្ងង់មែនទេ? រង្សុីមិនត្រឹមតែអត់មានអំណាចទេថែមទាំងជាអ្នកទោសទៀតផងតែបែរជាមកបបួលហ៊ុន សែនធ្វើច្បាប់ដើម្បីបញ្ចប់អំណាចហ៊ុន សែនទៅវិញ។ វាមិនខុសការភ្នាល់មួយដែលមិនចាំចាច់ដាក់ដើមទុន។ រង្សុីប្រហែលជាគិតថាបើអញ់អត់មានអ្នកផ្សេងទៀតត្រូវតែអត់ដូចគ្នា។រង្សុីវាក្រឡាខុសនៅត្រង់ចង់យកចិត្តក្រុមយុវជនតែបែរជាកាត់សិទ្ធិនយោបាយមនុស្សចាស់ដែលជាឳពុកម្តាយយុវជនទៅវិញ។

អ្នកជំនាញ និងមន្ត្រីជុំវិញពិភពលោកបង្ហាញការគាំទ្រចំពោះគោលនយោបាយចិនតែមួយ

ពិភពលោក៖ អ្នកជំនាញ និងមន្ត្រីមកពីជុំវិញពិភពលោក បានបង្ហាញការគាំទ្រយ៉ាងម៉ឺងម៉ាត់ចំពោះគោលនយោបាយចិនតែមួយ និងប្រឆាំងចំពោះដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ក្នុងសប្ដាហ៍នេះមកកាន់កោះតៃវ៉ាន់របស់ប្រទេសចិន។ លោក Fabio Massimo Parenti អ្នកជំនាញផ្នែកទំនាក់ទំនងអន្តរជាតិនៅវិទ្យាស្ថាន Lorenzo de 'Medici បាននិយាយថា ដំណើរទស្សនកិច្ចរបស់លោកស្រី Pelosi មកកាន់កោះតៃវ៉ាន់គឺជាការបង្ករឿងចំពោះប្រទេសចិន ហើយមិនអើពើទៅនឹងគោលការណ៍ជាមូលដ្ឋានដែលមានយ៉ាងទូលំទូលាយ នៅក្នុងសហគមន៍អន្តរជាតិ។ ដំណើរទស្សនកិច្ចរបស់លោកស្រី Pelosi អាចនឹងបង្កផលវិបាកធ្ងន់ធ្ងរ និងជាការបង្ករឿងទាំងស្រុងចំពោះប្រទេសចិន។ វាគឺជាការឯកភាពរបស់សហគមន៍អន្តរជាតិដែលថា កោះតៃវ៉ាន់ជាផ្នែកមួយមិនអាចកាត់ផ្តាច់បាននៃទឹកដីរបស់ប្រទេសចិន។ លោក Chas W. Freeman Jr. អតីតឧបការីរដ្ឋមន្ត្រីការពារជាតិអាមេរិក ទទួលបន្ទុកកិច្ចការសន្តិសុខអន្តរជាតិបាននិយាយថា ដំណើរទស្សនកិច្ចដោយមិនទទួលខុសត្រូវរបស់លោកស្រី Pelosi ទៅកាន់កោះតៃវ៉ាន់គឺដើម្បីបម្រើរបៀបវារៈនយោបាយផ្ទាល់ខ្លួនរបស់លោកស្រី។ការស្វែងយល់ពីសារៈសំខាន់នៃគោលការណ៍ចិនតែមួយ គឺជាមូលដ្ឋានសម្រាប់ការធ្វើឱ្យមានប្រក្រតីភាពទំនាក់ទំនងចិន-អាមេរិក។ លោកស្រីបានប្រកាន់ខ្ជាប់ និងប្រើប្រាស់ប្រទេសចិនជាកូនអុកនយោបាយសម្រាប់អាជីពរបស់លោកស្រី។ លោក Carlos Alzugaray អ្នកការទូតជើងចាស់ និងជាអ្នកជំនាញផ្នែកកិច្ចការអន្តរជាតិបាននិយាយថា សហរដ្ឋអាមេរិកគួរតែស្វែងរកកិច្ចសហប្រតិបត្តិការ និងការសម្របសម្រួល ហើយបន្តស្វែងរកសន្តិភាព និងមិត្តភាព។ ជាក់ស្ដែងដំណើរទស្សនកិច្ចនេះផ្ទុយទៅនឹងការសម្រេចរបស់ពិភពលោក។ សេចក្តីសម្រេចរបស់អង្គការសហប្រជាជាតិទទួលស្គាល់ថា មានចិនតែមួយនៅលើពិភពលោក។ កោះតៃវ៉ាន់គឺជាផ្នែកមួយនៃទឹកដីរបស់ចិន ហើយបញ្ហាកោះតៃវ៉ាន់គឺជាកិច្ចការផ្ទៃក្នុងរបស់ចិន៕អត្ថបទ៖ ប៊ុនថន

លោកជំទាវ ឱ វណ្ណឌីន៖ ជនជាតិនីហ្សេរីយ៉ាដែលកើតជំងឺអុតស្វាសម្រាកព្យាបាលនៅមន្ទីពេទ្យមិត្តភាពខ្មែរ-សូវៀតនាពេលកន្លងមក បានជាពីជំងឺ និងបានអនុញ្ញាតឱ្យចេញពីមន្ទីរពេទ្យហើយ

ភ្នំពេញ៖ លោកជំទាវ ឱ វណ្ណឌីន អ្ននាំពាក្យក្រសួងសុខាភិបាលបញ្ជាក់ថា ជនជាតិនីហ្សេរីយ៉ាដែលកើតជំងឺអុតស្វាសម្រាកព្យាបាលនៅមន្ទីពេទ្យមិត្តភាពខ្មែរ-សូវៀតនាពេលកន្លងមក បានជាពីជំងឺ និងបានអនុញ្ញាតឱ្យចេញពីមន្ទីរពេទ្យហើយ នៅព្រឹកថ្ងៃទី៦ ខែសីហា ឆ្នាំ២០២២ ។លោកជំទាវបញ្ជាក់ថា ជនជាតិនីហ្សេរីយ៉ានោះបានទទួលលទ្ធផលតេស្ត អវិជ្ជមានវីរុសអុតស្វា បញ្ជាក់ពីមន្ទីរពិសោធ៍ប៉ាស្ទ័រកម្ពុជានាថ្ងៃទី៥ ខែសីហា ឆ្នាំ២០២២។លោកជំទាវបន្តថា បច្ចុប្បន្ន បុគ្គលរូបនេះ ត្រូវបានប្រគល់ជូនអាជ្ញាធរមានសមត្ថកិច្ចរួចហើយដែរ ដើម្បីបន្តនិតិវិធីតាមផ្លូវច្បាប់ទៅតាមការចាត់ចែងរបស់សមត្ថកិច្ច។លោកជំទាវអំពាវនាវសូមបងប្អូនសាធារណជនចូលរួមបន្តអនុវត្តវិធានការការពារខ្លួនពីការចម្លងជំងឺអុតស្វាតាមការណែនាំក្រើនរំលឹកបន្ថែមទៀតរបស់ក្រសូងសុខាភិបាល ដែលបានចេញផ្សាយពីថ្ងៃទី៥ ខែសីហា ឆ្នាំ២០២២ កន្លងមកនេះ។ សូមកុំភ្លេចបន្តអនុវត្តវិធានការ “៣ការពារ និង ៣កុំ និងចាក់វ៉ាក់សាំងកូវីដ-១៩” ជាពិសេសដូសជំរុញ (ទី៣, ទី៤, និងទី៥) ពេលដល់វេនលោកអ្នកឱ្យបានគ្រប់ៗគ្នា ដើម្បីសុខភាពផ្ទាល់ខ្លួនលោកអ្នក និងអ្នកជាទីស្រឡាញ់របស់លោកអ្នក៕

សម្តេចតេជោ ហ៊ុន សែន អញ្ជើញជាអធិបតីក្នុងពិធីចុះហត្ថលេខាលើលិខិតប្ដូរសារ និងឯកសារចំនួន២

នៅព្រឹកថ្ងៃទី០៦ ខែសីហា ឆ្នាំ ២០២២ បន្ទាប់ពីបានពិភាក្សាការងារជាមួយ ឯកឧត្តម ហាយ៉ាស៊ិ យ៉ុស៊ិម៉ាសា(HAYASHI Yoshimasa) រដ្ឋមន្ត្រីការបរទេសជប៉ុនរួចហើយ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏បានអញ្ជើញជាអធិបតីភាពក្នុងពិធីចុះហត្ថលេខាលើឯកសារសំខាន់ៗ រួមមាន ៖១- លិខិតប្ដូរសារ និងឯកសារពាក់ព័ន្ធ ស្តីពីការផ្តល់ឥណទានសម្បទានប្រាក់យ៉េនដែល មានទឹកប្រាក់ចំនួន៤១៣៨៨០០០០០០ យ៉េន សម្រាប់ការអនុវត្តគម្រោងអភិវឌ្ឍន៍ ចំណតផែកុងតឺន័រថ្មីនៅកំពង់ផែក្រុងព្រះសីហនុជំហានទី១ រវាងឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រ កម្ពុជា និងឯកឧត្តម ហាយ៉ាហ្ស៊ី យ៉ូហ៊ីម៉ាសា (HAYASHI Yoshimasa) រដ្ឋមន្ត្រីការបរទេស ជប៉ុន។២- កិច្ចព្រមព្រៀងឥណទានសម្បទានសម្រាប់គម្រោងខាងលើ រវាងឯកឧត្ដម ហែម វណ្ណឌី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងលោកស្រី កាមេ ហាវឺ ប្រធាន តំណាង JICA ប្រចាំកម្ពុជា។ឥណទានសម្បទាននេះ នឹងរួមចំណែកយ៉ាងសំខាន់ដល់ការពង្រីក និងធ្វើទំនើបកម្មកំពង់ផែស្វយ័តក្រុងព្រះសីហនុ និងដើម្បីប្រែក្លាយកំពង់ផែនេះទៅជាកំពង់ផែទឹកជ្រៅស្នូលសម្រាប់ប្រទេសកម្ពុជា និងក្នុងតំបន់ ស្របតាមការប្តេជ្ញាចិត្តរបស់នាយករដ្ឋមន្ត្រី នៃប្រទេសទាំងពីរកាលពីដើមឆ្នាំនេះ៕

មនុស្ស ១០នាក់ស្លាប់ដោយសារអគ្គិភ័យនៅរដ្ឋ Pennsylvania

សហរដ្ឋអាមេរិក៖ អាជ្ញាធររដ្ឋ Pennsylvania បាននិយាយថា អគ្គិភ័យបានឆាបឆេះលំនៅឋានមួយខ្នងកាលពីថ្ងៃសុក្រ បណ្តាលឲ្យមនុស្សធំ ៧នាក់ និងកុមារ ៣នាក់ស្លាប់ និងបានធ្វើឲ្យរន្ធត់ចិត្តយ៉ាងខ្លាំងដល់អ្នកពន្លត់អគ្គិភ័យស្ម័គ្រចិត្តម្នាក់ ដែលបានមកពន្លត់ភ្លើងដែលដឹងថា ជនរងគ្រោះជាគ្រួសាររបស់គាត់។ អាជ្ញាធរនិយាយថា ការស៊ើបអង្កេតជុំវិញអគ្គិភ័យកំពុងធ្វើឡើង។ នគរបាលរដ្ឋ Pennsylvania និយាយនៅក្នុងសេចក្តីប្រកាសព័ត៌មានថា កុមារដែលបានស្លាប់នៅក្នុងអគ្គិភ័យមានអាយុចន្លោះពី ៥, ៦ និង ៧ឆ្នាំ។ អ្នកពន្លត់អគ្គិភ័យបាននិយាយថា ជនរងគ្រោះទាំង ១០នាក់គឺជាក្រុមគ្រួសារតែមួយ ខណៈមានមនុស្ស ១៤នាក់នៅក្នុងលំនៅឋាននេះនៅពេលកើតមានអគ្គិភ័យ ដែលអាជ្ញាធរបាននិយាយថា មនុស្សមួយចំនួនអាចគេចចេញពីលំនៅឋានឆាបឆេះដោយសុវត្ថិភាព។ អ្នកជិតខាងបាននិយាយថា ពួកគេបានឮសំឡេងផ្ទុះខ្លាំង មុនពេលឃើញរានហាលខាងមុខផ្ទះមាន អណ្តាតភ្លើងឆាបឆេះយ៉ាងសន្ធោសន្ធៅ៕អត្ថបទ៖ ប៊ុនថន

លោក វ៉ាង យី៖ អាមេរិកត្រូវបញ្ឈប់ការជ្រៀតជ្រែកកិច្ចការផ្ទៃក្នុងរបស់ចិនលើបញ្ហាកោះតៃវ៉ាន់

ភ្នំពេញ៖ ក្នុងសន្និសីទសារព័ត៌មាន កាលពីថ្ងៃទី៥ ខែសីហា ម្សិលមិញនេះ រដ្ឋមន្រ្តីការបរទេសចិន លោក វ៉ាង យី បាននិយាយថា អាមេរិកត្រូវបញ្ឈប់ការជ្រៀតជ្រែកកិច្ចការផ្ទៃក្នុងរបស់ចិនក្នុងបញ្ហាកោះតៃវ៉ាន់។ លោកលើកឡើងថា គោលជំហររបស់ចិន គឺមានគោលដៅធានាការពារយ៉ាងម៉ឺងម៉ាត់ ចំពោះទង្វើទាំងឡាយដែលជាលេសរបស់អាមរិក។លោកបញ្ជាក់ថា ការណ៍ដែលអាមេរិកយកបញ្ហាកោះតៃវ៉ាន់មកប្រឆាំងនឹងចិន គឺគ្រាន់តែជាការស្រមើស្រម៉ៃតែប៉ុណ្ណោះ ហើយលោកបានចាត់ទុកថា នេះជាទង្វើកាន់តែរារាំងដល់ការស្តារភាពល្អប្រសើរឡើងវិញរបស់ចិនដូចគ្នា។ អាមេរិកមិនគួរបង្កើតកំហុសដូចមុនមកធ្វើជាលេសបានទេ ខណៈលោក វ៉ាង យី ថា អាមេរិកធ្លាប់ប្រព្រឹត្តកំហុសធ្ងន់ធ្ងរម្តងរួចទៅហើយ កាលពីទស្សនកិច្ចរបស់លោក Newt Gingrich ទៅកាន់កោះតៃវ៉ាន់។លោក វ៉ាង យី បាននិយាយទៀតថា អាមេរិកនៅអាចកែកំហុសរបស់ខ្លួន ដោយត្រូវគោពអធិបតេយ្យភាព និងបូរណភាពទឹកដីចិន ក៏ដូចជាការមិនជ្រៀតជ្រែកកិច្ចការផ្ទៃក្នុងប្រទេសចិនលើបញ្ហាតៃវ៉ាន់៕

បណ្ដាញសង្គម

ព័ត៌មានថ្មីៗ

អភិបាលខេត្តកំពង់ស្ពឺ អញ្ជើញកាត់វិញ្ញាសាប្រឡងមធ្យមទុតិយភូមិ ឆ្នាំសិក្សា២០២៥-២០២៦

ឆ្មាំអ៊ីរ៉ង់នឹងមិនបើកច្រកសមុទ្រ Hormuz ឡើងវិញទេ ប្រសិនបើអាមេរិកមិនបំពេញតាមការទាមទាររបស់ទីក្រុងតេអេរ៉ង់

នគរបាល៖ ជនជាប់ចោទបាញ់ប្រហារនៅសាលារៀនថៃបានមើលខ្លឹមសារអំពើហិង្សាតាមអ៊ីនធឺណិត

ក្រុមការងារចុះជួយមូលដ្ឋាន នំាយកអំណោយចែកជូនពលរដ្ឋមានជីវភាពខ្វះខាត២០គ្រួសារ រស់នៅក្នុងឃុំបាយដំរំា ខេត្តបាត់ដំបង

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

អ៊ីស្រាអែល និងក្រុមសកម្មប្រយុទ្ធប៉ាឡេស្ទីនប្រកាសបទឈប់បាញ់នៅតំបន់ Gaza ក្រោយផ្ទុះអំពើហិង្សា

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥

គណនីFacebook តាទុំ បង្ហោះសារប្រដៅ និងខោកក្បាលទណ្ឌិត សម រង្ស៊ី

អ្នកជំនាញ និងមន្ត្រីជុំវិញពិភពលោកបង្ហាញការគាំទ្រចំពោះគោលនយោបាយចិនតែមួយ

សម្តេចតេជោ ហ៊ុន សែន អញ្ជើញជាអធិបតីក្នុងពិធីចុះហត្ថលេខាលើលិខិតប្ដូរសារ និងឯកសារចំនួន២

មនុស្ស ១០នាក់ស្លាប់ដោយសារអគ្គិភ័យនៅរដ្ឋ Pennsylvania

លោក វ៉ាង យី៖ អាមេរិកត្រូវបញ្ឈប់ការជ្រៀតជ្រែកកិច្ចការផ្ទៃក្នុងរបស់ចិនលើបញ្ហាកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ្នករាយការណ៍​ពិសេស​របស់​ UN បាន​និយាយថា ការវាយប្រហារ​របស់​អ៊ីស្រាអែល​លើ​តំបន់ Gaza​ ជា​រឿង​ខុសច្បាប់​

សារលិខិតសម្ដេចតេជោ ហ៊ុន សែន​ ក្នុងឱកាសអបអរសាទរទិវាអាស៊ាន លើកទី៥៥

គណនីFacebook តាទុំ បង្ហោះសារប្រដៅ និងខោកក្បាលទណ្ឌិត សម រង្ស៊ី

អ្នក​ជំនាញ និង​មន្ត្រី​ជុំវិញ​ពិភពលោក​បង្ហាញ​ការ​គាំទ្រ​ចំពោះ​គោលនយោបាយ​ចិន​តែមួយ​

សម្តេចតេជោ ហ៊ុន សែន អញ្ជើញជាអធិបតីក្នុងពិធីចុះហត្ថលេខាលើលិខិតប្ដូរសារ និងឯកសារចំនួន២

មនុស្ស​ ១០​នាក់​ស្លាប់​ដោយសារ​អគ្គិភ័យ​នៅរដ្ឋ Pennsylvania

លោក វ៉ាង យី៖ អាមេរិកត្រូវបញ្ឈប់ការជ្រៀតជ្រែកកិច្ចការផ្ទៃក្នុងរបស់ចិនលើបញ្ហាកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នករាយការណ៍ពិសេសរបស់ UN បាននិយាយថា ការវាយប្រហាររបស់អ៊ីស្រាអែលលើតំបន់ Gaza ជារឿងខុសច្បាប់

សារលិខិតសម្ដេចតេជោ ហ៊ុន សែន ក្នុងឱកាសអបអរសាទរទិវាអាស៊ាន លើកទី៥៥

អ្នកជំនាញ និងមន្ត្រីជុំវិញពិភពលោកបង្ហាញការគាំទ្រចំពោះគោលនយោបាយចិនតែមួយ

មនុស្ស ១០នាក់ស្លាប់ដោយសារអគ្គិភ័យនៅរដ្ឋ Pennsylvania