BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

សម្ដេចតេជោ ហ៊ុន សែន អំពាវនាវឲ្យចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឲ្យបានគង់វង្ស ដើម្បីកូនចៅខ្មែរគ្រប់ៗជំនាន់

ភ្នំពេញ ៖ សម្ដេចតេជោ ហ៊ុន សែន បានផ្ញើសារអបអរសាទរខួប ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក និងបានអំពាវនាវឲ្យគ្រប់គ្នាចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឲ្យបានគង់វង្ស ដើម្បីកូនចៅខ្មែរគ្រប់ៗជំនាន់។សម្រាប់អ្នកជំនាញអារ្យធម៌ខ្មែរអះអាងថា ការចូលរួមថែរក្សាប្រាសាទបុរាណ គឺមានសារៈសំខាន់ក្នុងការបង្ហាញពីអត្តសញ្ញាណជាតិ វប្បធម៌ជាតិ និងមរតកដ៏រុងរឿងរបស់ជាតិកម្ពុជា។សម្ដេចតេជោ ហ៊ុន សែន ប្រមុខដឹកនាំ រាជរដ្ឋាភិបាលកម្ពុជា បានផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក។ សម្ដេចបានបង្ហោះសំណេរថា ថ្ងៃនេះគឺជាខួបលើកទី១៤ឆ្នាំ នៃការចុះបញ្ជី “ប្រាសាទព្រះវិហារ” ជាបេតិកភណ្ឌពិភពលោក (០៧ កក្កដា ២០០៨-០៧ កក្កដា ២០២២)។ ព្រឹត្តិការណ៍ដែលកើតឡើងកាលពីថ្ងៃទី០៧ ខែកក្កដា ឆ្នាំ២០០៨ ត្រូវបានចាត់ទុកជាព្រឹត្តិការណ៍ប្រវត្តិសាស្ត្រថ្មីមួយ បើគិតចាប់តាំងពីកម្ពុជាទទួលបានប្រាសាទដ៏ពិសិដ្ឋមួយនេះ ក្រោយឈ្នះក្តីលើប្រទេសថៃនៅតុលាការអន្តរជាតិក្រុងឡាអេ នាថ្ងៃទី១៥ខែមិថុនា ឆ្នាំ១៩៦២។ សម្ដេចតេជោ ហ៊ុន សែន បន្ថែមថា ប្រាសាទព្រះវិហារ ជាប្រាសាទដ៏ពិសិដ្ឋរបស់កម្ពុជាដែលស្ថិតនៅលើភ្នំដងរែក ត្រូវបានចុះបញ្ជីជាសម្បត្តិបេតិកភណ្ឌពិភពលោកនាកិច្ចប្រជុំទី៣២ របស់គណៈកម្មាធិការ បេតិកភណ្ឌពិភពលោករបស់អង្គការយូណេស្កូ (UNESCO) កាលពីថ្ងៃទី០៧ ខែកក្កដា ឆ្នាំ២០០៨ នៅទីក្រុងកេបិច ប្រទេសកាណាដា។ ដូច្នេះសូមចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឱ្យបានគង់វង្ស ដើម្បីកូនចៅខ្មែរគ្រប់ៗជំនាន់។ជុំវិញរឿងនេះលោក រ័ត្ន សណ្ដាប់ អ្នកជំនាញអារ្យធម៌ខ្មែរ មានប្រសាសន៍ប្រាប់វិទ្យុបាយ័នថា ការចូលរួមថែរក្សាប្រាសាទបុរាណដែលបន្សល់ទុកពីបុព្វបុរសមក គឺជារឿងចាំបាច់បំផុត។ ចំាំបាច់ក៏ព្រោះថា ប្រាសាទបុរាណទាំងនោះគឺជាអត្តសញ្ញាណ វប្បធម៌ មរតកដ៏រ៉ុងរឿងរបស់កម្ពុជា។អ្នកជំនាញអារ្យធម៌ខ្មែររូបនេះ បន្ថែមទៀតថា បុព្វបុរសខ្មែរ បានចារលើសិលាចរឹកថា បើសិននណាថែរក្សាសម្បត្តិបុរាណនេះ ទាំងខ្លួនយើង និងសាច់ញាតិយើង នឹងបានឡើងឋានសួគ៌ តែបើសិនជាអ្នកណាបំផ្លាញសម្បត្តិបុរាណដែលជាស្នាដៃរបស់ជាតិនេះ ទាំងខ្លួនយើង និងសាច់ញាតិយើងផង នឹងធ្លាក់នរក រហូតដល់អស់ព្រះចន្ទ និងព្រះអាទិត្យ។ លោកអះអាងថា ឃ្លានេះគឺជាពរជ័យផង និងជាបណ្ដាសារផង ហើយឃ្លានេះក៏បានឆ្លុះបញ្ចាំងពីសាររបស់សម្ដេចតេជោ ហ៊ុន សែន ដែរ ដែលសម្ដេចផ្ញើសារជាពរជ័យដល់ប្រជាជនឲ្យចូលរួមថែរក្សាសម្បត្តិបុរាណ។សម្រាប់លោកអ្នកជំនាញអារ្យធម៌ខ្មែរ បង្ហាញទស្សនៈថា បច្ចុប្បន្ននេះប្រជាជនកម្ពុជាកាន់តែមានការយល់ដឹងច្រើន អំពីការចូលរួមថែរក្សាសម្បត្តិប្រាសាទបុរាណ ហើយលោកលើកទឹកចិត្តឲ្យប្រជាជនបន្តការចូលរួមនេះទៅមុខទៀត ដើម្បីថែរក្សា និងអភិរក្សប្រាសាទដ៏ច្រើនដែលបុព្វបុរសខ្មែរកសាងទុក។ តែយ៉ាងណារឿងដែលសំខាន់បំផុតក្នុងការការពារសម្បត្តិវប្បធម៌នេះ គឺ សន្ដិភាព លោកអះអាងថា មានសន្ដិភាពទើបអាចបើកឱកាសឲ្យគ្រប់គ្នាថែរក្សាគ្រប់ប្រាសាទបុរាណ៕

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី០៧ ខែកក្កដា ឆ្នាំ២០២២នេះ បានផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក។ថ្ងៃនេះគឺជាខួបលើកទី១៤ឆ្នាំ នៃការចុះបញ្ជី “ប្រាសាទព្រះវិហារ” ជាបេតិកភណ្ឌពិភពលោក (០៧ កក្កដា ២០០៨-០៧ កក្កដា ២០២២)។ ព្រឹត្តិការណ៍ដែលកើតឡើងកាលពីថ្ងៃទី០៧ ខែកក្កដា ឆ្នាំ២០០៨ ត្រូវបានចាត់ទុកជាព្រឹត្តិការណ៍ប្រវត្តិសាស្ត្រថ្មីមួយ បើគិតចាប់តាំងពីកម្ពុជាទទួលបានប្រាសាទដ៏ពិសិដ្ឋមួយនេះ ក្រោយឈ្នះក្តីលើប្រទេសថៃនៅតុលាការអន្តរជាតិក្រុងឡាអេ នាថ្ងៃទី១៥ ខែមិថុនា ឆ្នាំ១៩៦២។ ប្រាសាទព្រះវិហារ ជាប្រាសាទដ៏ពិសិដ្ឋរបស់កម្ពុជាដែលស្ថិតនៅលើភ្នំដងរែក ត្រូវបានចុះបញ្ជីជាសម្បត្តិបេតិកភណ្ឌពិភពលោកនាកិច្ចប្រជុំទី៣២ របស់គណៈកម្មាធិការ បេតិកភណ្ឌពិភពលោករបស់អង្គការយូណេស្កូ (UNESCO) កាលពីថ្ងៃទី០៧ ខែកក្កដា ឆ្នាំ២០០៨ នៅទីក្រុងកេបិច ប្រទេសកាណាដា។សម្តេចតេជោ ហ៊ុន សែន អំពាវនាវអោយប្រជាពលរដ្ឋចូលរួមថែរក្សាការពារប្រាសាទបុរាណទាំងអស់នៅទូទាំងប្រទេសឱ្យបានគង់វង្ស ដើម្បីកូនចៅខ្មែរគ្រប់ៗជំនាន់៕

លោក Zelenskyy ព្រមានថា រុស្ស៊ីអាចបង្កើតវិបត្តិមួយផ្សេងទៀតសម្រាប់អឺរ៉ុប

អ៊ុយក្រែន៖ ប្រធានាធិបតីអ៊ុយក្រែនបានអំពាវនាវកាលពីថ្ងៃអង្គារ សម្រាប់ការដាក់សម្ពាធបន្ថែមទៀតលើរុស្ស៊ី និងបានព្រមានថា រុស្ស៊ីអាចបង្កើតវិបត្តិមួយផ្សេងទៀតសម្រាប់អឺរ៉ុប។ លោក Zelenskyy បាននិយាយថា វាទំនងជាថា មេដឹកនាំប្រទេសរុស្ស៊ីកំពុងរៀបចំផែនការវាយលុកថ្មីលើទឹកដីប្រទេសជិតខាងផ្សេងទៀត។ លោកបានអំពាវនាវសុំប្រព័ន្ធថ្មីដែលនឹងធានាដល់សន្តិសុខអ៊ុយក្រែន ទោះបីជាមិនមែនជាសមាជិក NATO ក៏ដោយ ហើយលោកក៏បានអំពាវានាឲ្យមានសាមគ្គីភាពកាន់តែទូលំទូលាយថែមទៀត ដើម្បីបង្ខំឲ្យរុស្ស៊ីកែប្រែឈានទៅរកដំណោះស្រាយដោយសន្តិវិធី ចំពោះសង្គ្រាមដែលខ្លួនកំពុងធ្វើ។ លោក Zelenskyy បានថ្លែងដូច្នេះទៅកាន់វេទិកាតុមូលរបស់រដ្ឋាភិបាលសេដ្ឋកិច្ចប្រចាំឆ្នាំ ដែលកំពុងជួបប្រជុំក្រុមអ្នកជំនាញ និងមន្ត្រីនៅទីក្រុង Athens ប្រទេសក្រិក។ លោកនិយាយថា គ្មានសាមគ្គីភាពក្នុងការដាក់ទណ្ឌកម្មលើប្រទេសរុស្ស៊ីនោះទេ ហើយក្រុមហ៊ុនប្រទេសក្រិកជាច្រើនកំពុងផ្តល់នាវាដឹកប្រេងជាច្រើនគ្រឿង សម្រាប់ការដឹកជញ្ជូនប្រេងរុស្ស៊ី៕អត្ថបទ៖ ប៊ុនថន

អាជ្ញាធរមីន បែងចែកកម្លាំង និងប្រើប្រាស់ថវិកា លើគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

ពោធិ៍សាត់៖ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន នៅថ្ងៃទី០៦ ខែកក្កដា ឆ្នាំ២០២២នេះ បានលើកឡើងថា ស្របតាមការអំពាវនាវរបស់សម្តេចតេជោ ហ៊ុន សែន នាយករដ្ឋមន្រ្តី កាលពីថ្ងៃទី០១ ខែកក្កដា ឆ្នាំ២០២២ អាជ្ញាធរមីន បានដឹកនាំកិច្ចប្រជុំបន្ទាន់ដោយផ្ទាល់ និងដោយឡែកជាមួយប្រតិបត្តិករបោសសម្អាតមីន។ប្រតិបត្តិករបោសសម្អាតមីន បានធ្វើបែងចែក តាំងចិត្ត និងបោសសម្អាតដោយប្រើប្រាស់ថវិការជំនួយពីប្រទេសជាមិត្ត និងដៃគូអភិវឌ្ឍន៍ ដោយបញ្ចប់តាមអនុសាសន៍ណែនាំដ៏ខ្ពង់ខ្ពស់បំផុតរបស់សម្តេចតេជោ ឲ្យអស់ពីខេត្តមួយទៅខេត្ត ពីក្រុង/ស្រុកមួយទៅក្រុង/ស្រុក ពីឃុំមួយទៅមួយ និងពីភូមិមួយទៅភូមិមួយ ក្នុងនោះរាជធានី/ខេត្តចំនួន ០៨ នឹងត្រូវប្រើប្រាស់កញ្ចប់ថវិកាពីម្ចាស់ជំនួយ ៖ - រាជធានីភ្នំពេញ កណ្តាល និងខេត្តព្រះសីហនុ គ្រោងនឹងបញ្ចប់ក្នុងឆ្នាំ២០២២ បោសសម្អាតប្រតិបត្តិករ CMAC ។- ខេត្តរតនគិរី គ្រោងនឹងបញ្ចប់ក្នុងឆ្នាំ២០២២ គាំទ្របោសសម្អាតដោយប្រតិបត្តិករ NPA និងអង្គការ MAG- ខេត្តសៀមរាប ទទួលការបោសសម្អាតដោយអង្គការ HALO Trust- ខេត្តកំពង់ចាម ប្រតិបត្តិករ CMAC កំពុងពិភាក្សាជាមួយអង្គការ NPA- ខេត្តពោធិ៍សាត់ ប្រតិបត្តិករ CMAC កំពុងពិភាក្សាជាមួយប្រទេសជប៉ុន- ខេត្តបាត់ដំបង ប្រតិបត្តិករ CMAC កំពុងបោសសម្អាត និងប្រកាសជាខេត្តអស់មីនក្នុងឆ្នាំ២០២៥ ដោយប្រើប្រាស់ថវិការបស់ប្រទេសជប៉ុន។ឯកឧត្តមទេសរដ្ឋមន្រ្តី បានបញ្ជាក់ថា ខេត្តចំនួន ១៤ ទៀត នឹងត្រូវរៀបចំផែនការបោសសម្អាត និងពង្រាយកម្លាំងប្រតិបត្តិករជាតិ ដោយប្រើប្រាស់ថវិកាពីគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដែលការរៀបចំផែនការនេះ ផ្តោតលើទីប្រជុំជន ការអភិវឌ្ឍ វប្បធម៌ និងទេសចរណ៍។ ឯកឧត្តមបន្តទៀតថា ការអនុវត្តដំណាក់កាលដំបូង នៃគម្រោងសម្តេចតេជោសម្រាប់សកម្មភាពមីន នឹងត្រូវបោសសម្អាតគ្រាប់មីនឲ្យអស់ដែលយើងបានដឹងក្នុងរយៈពេល ០៦ ខែ ក្នុងខេត្តចំនួន ០៣ និងស្រុក/ក្រុងចំនួន ០៩ ទំហំផ្ទៃដីប្រមាណ ២០,៧ គីឡូម៉ែត្រក្រឡា រួមមនា៖ ខេត្តត្បូងឃ្មុំ ខេត្តកំពត ខេត្តតាកែវ និងក្រុង/ស្រុក ០៩ ស្រុកស្រែអំបិល (ខេត្តកោះកុង) ស្រុកឆ្លូង ស្រុកចិត្របុរី (ខេត្តក្រចេះ) ក្រុងព្រះវិហារ ស្រុកត្បែងមានជ័យ (ខេត្តព្រះវិហារ) ស្រុកឧត្តុង្គ (ខេត្តកំពង់ស្ពឺ) ក្រុងសេរីសោភ័ណ្ឌ ស្រុកមង្គលបុរី (ខេត្តបន្ទាយមានជ័យ) និងស្រុកចុងកាល់ (ខេត្តឧត្តរមានជ័យ។សូមបញ្ជាក់ថា កម្ពុជានៅសល់ ២២ រាជធានី-ខេត្ត (ខេត្តកែប ខេត្តព្រៃវែង និងខេត្តស្ទឹងត្រែង ជាខេត្តអស់មីន) បន្តរងផលប៉ះពាល់ដោយសារមីន (មិនរាប់បញ្ចូលគ្រាប់បែកចង្កោម និងសំណល់ជាតិផ្ទុះពីសង្រ្គាមផ្សេងទៀត) ក្នុងទំហំផ្ទៃដីសរុប ៧១៦.០៣៩.៧១២ ម៉ែត្រក្រឡា (៧១.៦០៣,៩ ហិកតា)៕

រដ្ឋអាជ្ញាអាមេរិក៖ ជនសង្ស័យបាញ់ប្រហារលើព្យុហយាត្រាទីក្រុង Highland Park ត្រូវបានជាប់ចោទឃាតកម្ម ៧ករណី

សហរដ្ឋអាមេរិក៖ រដ្ឋអាជ្ញា Illinois លោក Eric Rinehart បានប្រកាសអំឡុងសន្និសីទសារព័ត៌មានកាលពីល្ងាចថ្ងៃអង្គារថា ជនសង្ស័យក្នុងការបាញ់ប្រហារដ៏រង្គាលកាលពីថ្ងៃចន្ទទៅលើក្បួនព្យុហយាត្រា ៤កក្កដានៅក្នុងទីក្រុង Highland Park រដ្ឋ Illinois ដែលបានបណ្ដាលឲ្យមនុស្ស ៧នាក់ស្លាប់ និងជាង ២០នាក់រងរបួស ត្រូវបានចោទប្រកាន់ពីបទឃាតកម្មកម្រិតទី១ ចំនួន ៧ករណី។ លោក Rinehart បាននិយាយថា ប្រសិនបើជនល្មើសឈ្មោះ Robert E. Crimo III វ័យ ២១ឆ្នាំត្រូវបានកាត់ឲ្យជាប់ទោស ការចោទប្រកាន់នានាអាចឈានដល់ការកាត់ទោសជាប់ពន្ធនាគារអស់មួយជីវិត។ លោកថា គេរំពឹងថា បទចោទប្រកាន់បន្ថែមទៀតនឹងត្រូវធ្វើឡើងរួមទាំងករណីប៉ុនប៉ងមនុស្សឃាត ការចោទប្រកាន់ពីបទការប្រើប្រាស់អាវុធធ្វើឲ្យប៉ះពាល់ដល់សុវត្ថិភាពអ្នកដទៃ និងបទចោទប្រកាន់ពីបទបង្ករបួសស្នាមធ្ងន់ធ្ងរ។ លោក Rinehart បាននិយាយថា ខ្ញុំចង់បញ្ជាក់ឲ្យបានច្បាស់ថា ករណីទាំងនេះគ្រាន់តែជាការចោទប្រកាន់កម្រិតដំបូង ក្នុងចំណោមបទចោទប្រកាន់ជាច្រើនដែលនឹងត្រូវដាក់បទចោទលើរូបជនល្មើស Crimo ប៉ុណ្ណោះ ដោយបន្ថែមថា លោករំពឹងថា បទចោទប្រកាន់រាប់សិបករណីទៀតនឹងកើតមានចេញពីភាគីជនរងគ្រោះម្នាក់ៗ។ ជនសង្ស័យ Crimo ត្រូវបានឃុំខ្លួននៅប៉ុស្តិ៍នគរបាលចាប់តាំងពីល្ងាចថ្ងៃចន្ទមក។អង្គភាពអនុវត្តច្បាប់អាមេរិកជឿថា ជនល្មើស Robert Crimo III បានទិញកាំភ្លើងវែងបាញ់ស៊ីបដោយស្របច្បាប់ ដែលគេបានប្រើក្នុងការវាយប្រហារនេះ។ ជនល្មើសមានគម្រោងបើកការវាយប្រហាររយៈពេលជាច្រើនសប្ដាហ៍មកហើយ។ ជនល្មើសត្រូវគេជឿថា បានក្លែងខ្លួនដោយស្លៀកពាក់ជាមនុស្សស្រី ដើម្បីគេចខ្លួនចេញពីកន្លែងកើតហេតុ បន្លំខ្លួននៅក្នុងចំណោមមនុស្សដែលកំពុងរត់គេចទាំងភ័យស្លន់ស្លោ៕អត្ថបទ៖ សុខមាន

អភិបាលខេត្ត Donetsk បានជំរុញឲ្យពលរដ្ឋជាង ៣៥ម៉ឺននាក់ភៀសខ្លួនពីការវាយលុករបស់រុស្ស៊ី

អ៊ុយក្រែន៖ អភិបាលខេត្តភាគខាងកើតដែលនៅសល់ចុងក្រោយដោយផ្នែក ក្រោមការគ្រប់គ្រងរបស់កងកម្លាំងអ៊ុយក្រែនបានជំរុញឲ្យប្រជាពលរដ្ឋប្រមាណជាង ៣៥ម៉ឺននាក់របស់តំបន់នេះភៀសខ្លួនចេញពីការទម្លាក់គ្រាប់បែកកាន់តែសន្ធាប់ខ្លាំង។ ខណៈកងកម្លាំងរុស្ស៊ីបង្កើនការវាយវាយសន្ធាប់ទៅលើគោលដៅនានា ទូទាំងភាគខាងកើតអ៊ុយក្រែនកាលពីថ្ងៃអង្គារ អភិបាលខេត្ត Donetsk លោក Pavlo Kyrylenko បានជំរុញដល់ប្រជាពលរដ្ឋឲ្យជម្លៀសចេញពីខេត្តនេះដើម្បីរក្សាជីវិត និងផ្ដល់ភាពងាយស្រួលដល់ទាហានអ៊ុយក្រែនការពារទីក្រុងនានា ពីការវាយដណ្ដើមរបស់កងកម្លាំងរុស្ស៊ី។ ការអំពាវនាវរបស់អភិបាលខេត្តដល់ប្រជាពលរដ្ឋក្នុងតំបន់ Donetsk ឲ្យចាកចេញពីខេត្តនេះ ទំនងជាការស្នើសុំឲ្យមានការជម្លៀសមនុស្សដ៏ច្រើនបំផុតមួយ ក្នុងចំណោមការជម្លៀសដ៏ច្រើនបំផុតដោយសារសង្គ្រាម ដែលជនស៊ីវិលអ៊ុយក្រែនជាង ៧លាន ១សែននាក់បានភៀសខ្លួននៅក្នុងប្រទេស និងបណ្ដាលឲ្យមនុស្សជាង ៤លាន ៨សែននាក់បន្ថែមទៀតចាកចេញពីប្រទេស នេះបើយោងតាមអង្គការសហប្រជាជាតិ។លោក Kyrylenko បាននិយាយកាលពីថ្ងៃអង្គារថា ជោគវាសនារបស់ប្រទេសជាតិទាំងមូលនឹងត្រូវសម្រេចដោយតំបន់ Donetsk។ លោកបានហៅការបាញ់ផ្លោងថា ជាភាពច្របូកច្របល់ខ្លាំង និងគ្មានគោលដៅច្បាស់លាស់ ដោយបំផ្លិចបំផ្លាញតែហេដ្ឋារចនាសម្ព័ន្ធស៊ីវិល និងតំបន់លំនៅឋានប្រជាពលរដ្ឋតែប៉ុណ្ណោះ៕អត្ថបទ៖ សុខមាន

រុស្ស៊ីបានវាយសន្ធាប់លើតំបន់ Donetsk ក្រោយដណ្តើមបានតំបន់ Luhansk

រុស្ស៊ី៖ កងកម្លាំងរុស្ស៊ីបានវាយយ៉ាងសន្ធាប់ទៅលើគោលដៅជាច្រើននៅទូទាំងតំបន់ Donetsk ភាគខាងកើតរបស់ប្រទេសអ៊ុយក្រែនកាលពីថ្ងៃអង្គារ មួយថ្ងៃបន្ទាប់ពីលោកប្រធានាធិបតី Vladimir Putin បានប្រកាសជ័យជម្នះនៅក្នុងខេត្តជិតខាង Luhansk បន្ទាប់ពីការវាយប្រយុទ្ធគ្នាយ៉ាងខ្លាំងជាច្រើនខែ ដែលបានធ្វើឲ្យកងទ័ពទាំងសងខាងស្លាប់អស់ជាច្រើន។ ខេត្ត Donetsk និង Luhansk បង្កើតបានជាតំបន់ Donbas ជាតំបន់ឧស្សាហកម្មស្ថិតនៅភាគខាងកើតរបស់អ៊ុយក្រែន ដែលបានក្លាយជាសមរភូមិប្រយុទ្ធគ្នាដ៏ធំបំផុតនៅក្នុងតំបន់អឺរ៉ុប រយៈពេលជាច្រើនជំនាន់មកនេះ។ រុស្ស៊ីនិយាយថា ខ្លួនចង់គ្រប់គ្រងតំបន់ Donbas ទាំងមូលពីដៃអ៊ុយក្រែនជំនួសឲ្យក្រុមផ្ដាច់ខ្លួនគាំទ្រដោយក្រុង Moscow នៅក្នុងសាធារណរដ្ឋប្រជាមានិតស្វ័យប្រកាស។ បន្ទាប់ពីកងកម្លាំងរុស្ស៊ីវាយដណ្ដើមគ្រប់គ្រងបានទីក្រុង Lysychansk កាលពីថ្ងៃអាទិត្យ ដែលជាបន្ទាយចុងក្រោយរបស់ក្រុមអ្នកតស៊ូអ៊ុយក្រែននៅក្នុងតំបន់ Luhansk ក្រុមមន្ត្រីអ៊ុយក្រែននិយាយថា ពេលនេះពួកគេរំពឹងថាក្រុង Moscow នឹងផ្ដោតកិច្ចខិតខំប្រឹងប្រែងរបស់ខ្លួនជាពិសេសលើទីក្រុង Sloviansk និង Kramatorsk នៅក្នុងតំបន់ Donetsk។ក្រុមមន្ត្រីក្នុងតំបន់បាននិយាយថា កាលពីថ្ងៃអង្គារកងកម្លាំងរុស្ស៊ីបានវាយប្រហារលើផ្សារមួយកន្លែង និងសំណង់លំនៅឋានប្រជាពលរដ្ឋមួយនៅទីក្រុង Sloviansk បណ្ដាលឲ្យមនុស្សយ៉ាងហោចណាស់ ២នាក់ស្លាប់ និង ៧នាក់រងរបួស។ ក្រសួងការពារជាតិរុស្ស៊ីដែលបានអះអាងថា ខ្លួនគ្មានបំណងដាក់គោលដៅលើតំបន់លំនៅឋានប្រជាពលរដ្ឋបាននិយាយថា ខ្លួនបានប្រើអាវុធមានសមត្ថភាពបាញ់ស៊ីបចំគោលដៅ ដើម្បីកម្ទេចមជ្ឈមណ្ឌលទីបញ្ជាការកងទ័ព និងកងកាំភ្លើងធំនៅក្នុងតំបន់ Donetsk ជាទីដែលអ៊ុយក្រែននៅតែគ្រប់គ្រងទីក្រុងធំៗមួយចំនួននៅឡើយ៕អត្ថបទ៖ សុខមាន

សម្ដេចតេជោ ហ៊ុន សែន ក្រើនរំលឹកដល់ពលរដ្ឋបង្កើនការប្រុងប្រយ័ត្នពីការឆ្លងជំងឺកូវីដ-១៩ ខណៈនៅតំបន់អឺរ៉ុបកំពុងមានករណីឆ្លងរលកទី៧

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានក្រើនរំលឹកដល់ប្រជាពលរដ្ឋខ្មែរទូទាំងប្រទេស ឲ្យបន្តបង្កើនការប្រុងប្រយ័ត្នពីការឆ្លងរីករាលដាលជំងឺកូវីដ-១៩ ខណៈដែលនៅតំបន់អឺរ៉ុបរួមមាន៖ បារាំង ,អ៊ីតាលី និងអេស្ប៉ាញ កំពុងទទួលករណីឆ្លងរលកទី៧ នៃការឆ្លងរីករាលដាលជំងឺកូវីដ-១៩។ សម្តេចតេជោ អំពាវនាវដល់ប្រជាពលរដ្ឋទាំងអស់បន្តអនុវត្តន៍វិធានការសុខាភិបាល និងវិធានការ ៣កុំ ៣ការពារ ដើម្បីជៀសផុតពីការឆ្លងជំងឺកូវីដ-១៩សម្ដេចតេជោ បានមានប្រសាសន៍យ៉ាងដូច្នេះក្នុងឱកាសដែលសម្ដេចបានអញ្ជើញ ជួបសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម នៅព្រឹកថ្ងៃទី០៦ ខែកក្កដា ឆ្នាំ២០២២នេះ។សម្ដេចតេជោ បានបន្តអំពាវនាវដល់ប្រជាពលរដ្ឋនាំគ្នាទៅចាក់វ៉ាក់សាំងកូវីដ-១៩ ទាំងដូសមូលដ្ឋាន ដូសជំរុញទី៣,ទី៤ និងទី៥ ដោយសម្តេចបានសង្កត់ធ្ងន់ថា «គ្មានអ្វីប្រសើរជាងការចាក់វ៉ាក់សាំងកូវីដ-១៩នោះទេ ក្នុងកាលៈទេសៈនេះ»។ សម្ដេចតេជោបន្តទៀតថា បន្ទាប់ពីកម្ពុជាបានដំណើរការចាក់វ៉ាក់សាំងកូវីដ-១៩ បានគ្រប់គ្រាន់ ដូច្នេះគ្មានការចាំបាច់ណាមួយ ដើម្បីបិទប្រទេសជាថ្មី ដោយសារជំងឺកូវីដ-១៩ នោះទេ។

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

ភ្នំពេញ៖ នៅព្រឹកថ្ងៃទី០៦ ខែកក្កដា ឆ្នាំ២០២២នេះក្នុងពិធីជួបសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម សម្តេចតេជោ ហ៊ុន សែន នាយករដ្ឋមន្ត្រី បានប្រកាសឯកភាពតាមសំណើរបស់អ្នកប្រកបរបររកស៊ីរថយន្តដឹកដី និងរថយន្តធុនធំចង្កូតស្តាំ សូមមកបង់ពន្ធ ដោយមិនតម្រូវឱ្យកែចង្កូតមកឆ្វេងឡើយ។សម្តេចតេជោ ហ៊ុន សែន បានគូសបញ្ជាក់ថា ចាប់ពីថ្ងៃទី០៦ ខែកក្កដា ឆ្នាំ២០២២នេះតទៅ កម្ពុជាមិនអនុញ្ញាត ឱ្យមានការនាំចូលរថយន្តចង្កូតស្តាំចូលមកព្រះរាជាណាចក្រកម្ពុជាជាថ្មីឡើយ។ បើមានការនាំចូលល្មើស នឹងមានវិធានការ ដោយគ្មានការលើកលែងទៀតឡើយ។

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីអញ្ជើញជួបសំណេះសំណាល ក៏ដូចជាផ្តល់នូវដំបូន្មានមួយចំនួនជូនដល់ប្រតិភូកីឡាអាស៊ានប៉ារ៉ាហ្គេម មុនពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។ការប្រកួតកីឡាពិការអាស៊ាន ឬអាស៊ានប៉ារ៉ាហ្គេម ដែលជាការប្រកួតរវាងកីឡាករ កីឡាការិនី ជាជនពិការក្នុងចំណោមប្រទេសសមាជិកអាស៊ាន ត្រូវបានធ្វើឡើងជាទៀងទាត់រៀងរាល់២ឆ្នាំម្តង។ ការប្រកួតបានធ្វើចំនួន១០លើក រួចមកហើយ ប៉ុន្តែនៅឆ្នាំ២០១៩ ការប្រកួតដែលគ្រោងធ្វើឡើងនៅប្រទេសហ្វីលីពីន ត្រូវបានខកខានដោយសារតែវិបត្តិជំងឺកូវីដ១៩។ដោយឡែកការប្រកួតលើកទី១១ នេះ តាមពិតត្រូវធ្វើនៅប្រទេសវៀតណាម តែវៀតណាមសុំលើកពេលក្រោមហេតុផលវិបត្តិជំងឺកូវីដ១៩ ទើបលើកទៅរៀបចំនៅប្រទេសឥណ្ឌូនេស៊ីជំនួសវិញ។ក្នុងព្រឹត្តិការណ៍ប្រកួតអាស៊ានប៉ារ៉ាហ្គេម លើកទី១១នេះ កម្ពុជាបញ្ជូនប្រតិភូកីឡាចូលរួមសរុប ១១៦នាក់។ ក្នុងនោះមានអត្តពលិក ១១៥នាក់ និងប្រតិភូកីឡា គ្រូបង្វឹក គ្រូជំនួយចំនួន ៣៩នាក់ មន្ត្រីបច្ចេកទេសចំនួន ៧នាក់ និងប្រតិភូជាតិចំនួន ៥នាក់។ កម្ពុជាបញ្ជូនអត្តពលិកចូលរួមប្រកួតលើប្រភេទកីឡាចំនួន១១កីឡា រួមមាន៖ វាយកូនឃ្លីលើតុ លើកទម្ងន់ អត្តពលកម្ម ហែលទឹក បាល់ទះអង្គុយបុរសនារី បាល់បោះជនពិការភ្នែក បាល់ទាត់៧ម្ខាង បាល់បោះជិះរទេះបុរសនារី បូស្យា វាយសី និងអុក។គួរបញ្ជាក់ថា ក្រុមប្រតិភូកីឡាប៉ារ៉ាហ្គេមកម្ពុជា នឹងចេញដំណើរទៅប្រកួតនៅថ្ងៃទី២៤ ខែកក្កដា ឆ្នាំ២០២២ ខាងមុខនេះ៕

បណ្ដាញសង្គម

ព័ត៌មានថ្មីៗ

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

ប្រព័ន្ធផ្សព្វផ្សាយអ៊ីរ៉ង់៖ កិច្ចប្រជុំ ៧ម៉ោង រវាងមេដឹកនាំកំពូល និងប្រធានាធិបតី ពិភាក្សាពីបញ្ហាប្រឈមនានា

រញ្ជួយដី នៅឆ្នេរសមុទ្រប៉ាស៊ីហ្វិក ធ្វើឱ្យរដ្ឋធានីរបស់កូឡុំប៊ីមានរំញ័រ

ខ្លែងចម្រុះពណ៌បានហោះពេញមេឃ អំឡុងពិធីបុណ្យខ្លែងអន្តរជាតិនៅទីក្រុង Colombo ប្រទេសស្រីលង្កា

ក្រសួងមហាផ្ទៃស្នើទៅអភិបាលខេត្តកោះកុង ចាត់វិធានការចំពោះសកម្មភាពឈូសឆាយដីព្រៃក្នុងតំបន់ការពារធម្មជាតិ

ការព្រមាន អំពីកម្ដៅ ត្រូវបានដំឡើងទូទាំងអង់គ្លេស ខណៈសីតុណ្ហភាពនឹងឡើងដល់ ៣៦អង្សាសេ

ប៉ូឡូញ និងប្រទេសបាល់ទិកការពារហេដ្ឋារចនាសម្ព័ន្ធ ដោយបារម្ភពីវាយប្រហារក្លែងបន្លំរបស់រុស្ស៊ី

ក្រុមប្រឹក្សាសន្តិភាព រៀបចំមូលដ្ឋានសម្រាប់កងកម្លាំង ISF នៅហ្កាហ្សា បើទោះបីជាមានការបដិសេធន៍ពីអ៊ីស្រាអែលក៏ដោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

លោក Zelenskyy ព្រមានថា រុស្ស៊ីអាចបង្កើតវិបត្តិមួយផ្សេងទៀតសម្រាប់អឺរ៉ុប

រដ្ឋអាជ្ញាអាមេរិក៖ ជនសង្ស័យបាញ់ប្រហារលើព្យុហយាត្រាទីក្រុង Highland Park ត្រូវបានជាប់ចោទឃាតកម្ម ៧ករណី

អភិបាលខេត្ត Donetsk បានជំរុញឲ្យពលរដ្ឋជាង ៣៥ម៉ឺននាក់ភៀសខ្លួនពីការវាយលុករបស់រុស្ស៊ី

រុស្ស៊ីបានវាយសន្ធាប់លើតំបន់ Donetsk ក្រោយដណ្តើមបានតំបន់ Luhansk

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ​ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

លោក Zelenskyy ព្រមាន​ថា ​រុស្ស៊ី​អាចបង្កើត​វិបត្តិ​មួយ​ផ្សេងទៀត​សម្រាប់​អឺរ៉ុប

អភិបាលខេត្ត Donetsk បាន​ជំរុញ​ឲ្យ​ពលរដ្ឋ​ជាង ៣៥​ម៉ឺន​នាក់​ភៀសខ្លួន​ពី​ការវាយលុក​របស់​រុស្ស៊ី​

រុស្ស៊ី​បាន​វាយ​សន្ធាប់​លើ​តំបន់ Donetsk ក្រោយ​ដណ្តើមបាន​តំបន់ Luhansk

សម្ដេចតេជោ ហ៊ុន សែន ប្រកាសឯកភាពឲ្យរថយន្តចង្កូតស្ដាំទៅបង់ពន្ធដោយមិនចាំបាច់កែចង្កូត

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយប្រតិភូកីឡាអាស៊ានប៉ារ៉ាហ្គេម មុនចេញទៅប្រកួតនៅឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន ផ្ញើសារអបអរសាទរខួបគម្រប់ ១៤ឆ្នាំ នៃការដាក់បញ្ចូលប្រាសាទព្រះវិហារជាបេតិកភណ្ឌពិភពលោក

លោក Zelenskyy ព្រមានថា រុស្ស៊ីអាចបង្កើតវិបត្តិមួយផ្សេងទៀតសម្រាប់អឺរ៉ុប

អភិបាលខេត្ត Donetsk បានជំរុញឲ្យពលរដ្ឋជាង ៣៥ម៉ឺននាក់ភៀសខ្លួនពីការវាយលុករបស់រុស្ស៊ី

រុស្ស៊ីបានវាយសន្ធាប់លើតំបន់ Donetsk ក្រោយដណ្តើមបានតំបន់ Luhansk