BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

ភ្នំពេញ៖ វ៉ូវីណាមកម្ពុជាឈ្នះមេដាយមាសវិញ្ញាសាសំដែងជាក្រុម នារីម្នាក់បុរសបីនាក់រួមមាន៖-កីឡាករិនី ប៉ាល់ ឆរស្មុី-កីឡាករ លី បូរ៉ាមី-កីឡាករ ជ្រិន ប៊ុនឡុង-កីឡាករ ប្រាក់ សុវណ្ណនីនេះជាមេដាយមាសទីបីហើយសម្រាប់កម្ពុជាបន្ទាប់ពីកីឡាប៉េតង់ និង ឃីគបុកស៊ីង។

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

កំពត៖ លោក ហ៊ុន ម៉ាណែត តំណាងសម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញសំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្ថិតក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត នៅព្រឹកថ្ងៃទី១៨ ខែឧសភា ឆ្នាំ២០២២។លោក ហ៊ុន ម៉ាណែត បានចូល ត្រេកអរចំពោះសំណង់ព្រះវិហារថ្មីដ៏ស្កឹមស្កៃ និងជាសមិទ្ធផលថ្មីមួយទៀតផ្នែកព្រះពុទ្ធសាសនា ដែលត្រូវបានសាងសង់នៅលើទីតាំងគួរជាទីមនោរម្យក្នុងវត្តគិរីឱសថទឹកជប់ ស្រុកទឹកឈូ ខេត្តកំពត និងសូមសម្តែងនូវមោទនភាពចំពោះការរីកចម្រើនជាលំដាប់របស់ទីអារាមនេះ។លោក ហ៊ុន ម៉ាណែត បានឱ្យដឹងថា ព្រះវិហារថ្មី នៅវត្តគិរីឱសថទឹកជប់នេះ បានកសាងនៅក្នុងឆ្នាំ១៩៦២ សម័យសង្គមរាស្រ្តនិយម ដោយមានអាយុកាលប្រមាណ ៦០ ឆ្នាំមកហើយ ប៉ុន្តែត្រូវបានបំផ្លិចបំផ្លាញស្ទើរខ្ទេចខ្ទីអស់ក្នុងរបបខ្មែរក្រហម។ ក្រោយការរស់រានឡើងវិញក្នុងឆ្នាំ១៩៧៩ សមិទ្ធផលជាច្រើន ត្រូវបានកសាងឡើងវិញសម្រេចបានសមិទ្ធផលជាច្រើនជាបន្តបន្ទាប់ទៅតាមដំណាក់កាល ដោយមានការចូលរួមចំណែកបំពេញកុសលពីសំណាក់ពុទ្ធបរិស័ទជិតឆ្ងាយ។លោកបន្តថា ពិធីបញ្ចុះខណ្ឌសីមានេះ ត្រូវបានគ្រោងទុកមកជាយូរមកហើយ ប៉ុន្តែត្រូវបានអាក់ខានដោយសារការរាតត្បាតនៃជំងឺកូវីដ-១៩។ មកដល់ថ្ងៃនេះ យើងអាចជួបជុំគ្នាធ្វើបុណ្យទាន ប្រកបដោយភាពសប្បាយរីករាយជ្រះថ្លា ស្របពេលដែលស្ថានភាពនៃជំងឺកូវីដ-១៩ មានការធូរស្រាលច្រើន និងអាចគ្រប់គ្រងបាន ទោះបីជាមិនទាន់ផុតរលត់ទាំងស្រុកក៏ដោយ។ លោក ហ៊ុន ម៉ាណែយ បានបញ្ជាក់ថា សាសនាពិតជាបានដើរតួនាទីសំខាន់ណាស់នៅក្នុងការអប់រំសីលធម៌សង្គម ពីព្រោះការរៀនសូត្រស្វាធ្យាយ និងគោរពបដិបត្តិធម៌នៅក្នុងវត្តអារាម ក៏បាននាំឱ្យមានការផ្សព្វផ្សាយបន្ត និងសាបព្រោះផលវិជ្ជមាននៅតាមខ្នងផ្ទះ និងភូមិស្រុករបស់ប្រជាពលរដ្ឋ ក្នុងរូបភាពជាការបន្តប្រពៃណីដ៏ល្អរបស់ចាស់ទុំព្រឹទ្ធាចារ្យដល់កូនចៅជំនាន់ក្រោយ។លោកបានបន្ថែមថា នេះគឺជាអ្វីដែលគណបក្សប្រជាជនកម្ពុជា បានធ្វើយ៉ាងជាក់ស្តែងរួចមកហើយនៅក្នុងការដឹកនាំប្រទេសជាង ៤០ ឆ្នាំកន្លងមកនេះ តាមរយៈការសង្គ្រោះអាយុជីវិតចេញពីសង្គ្រាម និងគ្រោះវិបត្តិ, ការលើកម្ពស់ជីវភាព និងសុខភាពរបស់ប្រជាពលរដ្ឋ, ការរួមគ្នាបំពេញបុណ្យកុសល, ការផ្តល់ការអប់រំ និងឱកាសការងារដល់កូនចៅប្រជាពលរដ្ឋ ។ល។ ហើយសម្រាប់ពេលបន្តទៅមុខ ក៏នៅតែលុះនៅក្នុងបុព្វហេតុដ៏ពិសិដ្ឋមួយនេះតរៀងទៅ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសាររំលែកមរណទុក្ខ និងចាក់តំណាងនាំយកបច្ច័យ និងគ្រឿងឧបភោគបរិភោគ ចូលរួមបុណ្យសពឪពុកម្តាយ កញ្ញា សុវត្ថិឌី ធារិកា

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាព្រឹកថ្ងៃទី១៨ ខែឧសភា ឆ្នាំ២០២២នេះ បានផ្ញើសារមួយច្បាប់ចូលរំលែកមរណទុក្ខ ដ៏ក្រៀមក្រំបំផុត និងបានចាត់តំណាង នាំយកបច្ច័យ និងគ្រឿងឧបភោគបរិភោគជាច្រើនមុខ ចូលរួមបុណ្យសពឪពុក-ម្តាយ កញ្ញា សុវត្ថិឌី ធារិកា ដែលបានទទួលមរណភាព ដោយករណីគ្រោះថ្នាក់ចរាចរណ៍ដ៏រន្ធត់តាមដងផ្លូវ នៅស្រុកឆែប ខេត្តព្រះវិហារ កាលពីថ្ងៃទី១៧ ខែឧសភា ឆ្នាំ២០២២។

វិមានក្រឹមឡាំងលើកឡើងថា គំនិតប្រើធនបម្រុងរបស់រុស្ស៊ីពីសំណាក់ប្រទេស G7 នឹងក្លាយជាចោរសុទ្ធសាធ

រុស្ស៊ី៖ វិមានក្រឹមឡាំងបាននិយាយកាលពីថ្ងៃអង្គារថា វានឹងក្លាយជាចោរសុទ្ធសាធសម្រាប់ក្រុមប្រទេសមានសេដ្ឋកិច្ចលូតលាស់ទាំង៧ ឬក្រុមប្រទេស G7 និងសហភាពអឺរ៉ុប ក្នុងការរឹបអូសយកធនបម្រុងរបស់រុស្ស៊ីដែលត្រូវបានបង្កក និងយកទៅចំណាយជំនួសអ៊ុយក្រែន។ រដ្ឋមន្ត្រីហិរញ្ញវត្ថុអាល្លឺម៉ង់លោក Christian Lindner បានប្រាប់កាសែតអឺរ៉ុបថា លោកបានបើកឲ្យមានការផ្ដួចផ្ដើមគំនិតរឹបអូសទ្រព្យសម្បត្តិរដ្ឋរបស់រុស្ស៊ី ក្នុងការផ្ដល់ហិរញ្ញវត្ថុលើការស្ថាបនាប្រទេសអ៊ុយក្រែនឡើងវិញ ហើយថាសំណើទាំងឡាយដែលបានលើកឡើងកំពុងត្រូវបានពិភាក្សារួចទៅហើយ ក្នុងចំណោមប្រទេសទាំង៧ និងនៅក្នុងសហភាពអឺរ៉ុប។ អ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកសារព័ត៌មានថា គ្មាននរណាម្នាក់ផ្ដល់ដំណឹងស្ដីពីការគំនិតផ្ដួចផ្ដើមបែបនេះមកកាន់រុស្ស៊ីទាល់តែសោះ ដែលលោកបាននិយាយថា ការធ្វើបែបនេះនឹងក្លាយជារឿងខុសច្បាប់ ការប្រមាថ និងទាមទារឲ្យមានការឆ្លើយតបសមហេតុផល បើធ្វើបែបនោះមែន នោះនឹងក្លាយជាចោរសុទ្ធសាធតែម្ដង។ក្រុមប្រទេស G7 ភាគច្រើនជាប្រទេសមហាអំណាចធំៗនៅលោកខាងលិច បានហាមប្រាមការធ្វើប្រតិបត្តិការចរន្តសាច់ប្រាក់ជាមួយធនាគារកណ្ដាល និងបង្កកទ្រព្យសម្បត្តិរបស់ខ្លួន ដែលបានបិទខ្ទប់ក្នុងយុត្តាធិការរបស់ប្រទេសទាំងនោះ ដោយមានទំហំទឹកប្រាក់ប្រមាណ ៣០០ពាន់លានដុល្លារអាមេរិក បន្ទាប់ពីរុស្ស៊ីបានបើកការវាយប្រហារនូវអ្វីដែលខ្លួនហៅថា ជាប្រតិបត្តិការសឹកពិសេសក្នុងប្រទេសអ៊ុយក្រែនកាលពីខែកុម្ភៈ៕អត្ថបទ៖ សុខមាន

រុស្ស៊ី និងអ៊ុយក្រែនចោទដាក់គ្នា ខណៈការចរចាសន្តិភាពជាប់គាំង

រុស្ស៊ី៖ ក្រុមមន្ត្រីបាននិយាយកាលពីថ្ងៃអង្គារថា ការចរចាសន្តិភាពរវាងរុស្ស៊ី និងអ៊ុយក្រែនបានជាប់គាំងដោយភាគីទាំង២ បានស្ដីបន្ទោសដាក់គ្នាហើយក្រុង Moscow កំពុងបង្ហាញតម្រុយថា ការវិលទៅរកការចរចាអាចនឹងលំបាក។ រុស្ស៊ីបានចោទអ៊ុយក្រែនពីបទប្រកានជំហររឹងត្អឹងរបស់ខ្លួន និងលោកខាងលិចចំពោះការជួយរដ្ឋាភិបាលក្រុង Kyiv ដោយលោក Sergei Lavrov រដ្ឋមន្ត្រីការបរទេសរុស្ស៊ីនិយាយថា ក្រុង Washington ក្រុង London និងក្រុង Brussels ចង់ប្រើអ៊ុយក្រែនដើម្បីកេងចំណេញខាងយុទ្ធសាស្ត្ររបស់ពួកគេ។ លោក Lavrov បាននិយាយថា លោកជឿថា គ្មានកិច្ចព្រមព្រៀងសន្តិភាពណាមួយអាចត្រូវបានបង្កើតឡើងនោះទេ បើក្រុមអ្នកចរចាព្យាយាមបញ្ជូនការសន្ទនាពឹងផ្អែក លើអ្វីដែលលោកខាងលិចត្រូវតែនិយាយជំនួសមកវិញ ដោយស្ថានភាពបន្ទាន់ក្នុងប្រទេសអ៊ុយក្រែន។ លោកបានបន្ថែមថា ដំណើរការនោះទាត់ចោលឱកាសសម្រាប់ភាពជឿនលឿនក្នុងដំណើរការចរចា។ប្រមុខការទូតរុស្ស៊ីរូបនោះតែងតែនិយាយថា យើងបានត្រៀមខ្លួនចរចាជានិច្ច ប៉ុន្តែយើងបានទទួលមកវិញត្រឹមតែពាក្យថា គ្មានជម្រើស។ សូមរម្លឹកថា ប្រមុខការទូតរុស្ស៊ីលោក Sergey Lavrov បាននិយាយកាលពីថ្ងៃសៅរ៍ចុងសប្ដាហ៍មុនថា បណ្ដាប្រទេសលោកខាងលិចបានរួមគ្នាប្រកាសសង្គ្រាមចម្រុះ ប្រឆាំងនឹងប្រទេសរុស្ស៊ី៕អត្ថបទ៖ សុខមាន

ជោគវាសនារបស់ក្រុមអ្នកប្រយុទ្ធអ៊ុយក្រែនរាប់រយនាក់មិនទាន់ច្បាស់លាស់ ក្រោយពេលប្រគល់ខ្លួន

អ៊ុយក្រែន៖ ក្រុមមន្ត្រីអ៊ុយក្រែននិយាយថា ទីក្រុង Kyiv កំពុងព្យាយាមស្វែងរកការដោះដូរអ្នកទោស ខណៈរោងចក្រដែកថែបរងការឡោមព័ទ្ធរបស់កងកម្លាំងរុស្ស៊ីជិតបញ្ចប់។ជោគវាសនារបស់ក្រុមអ្នកប្រយុទ្ធស្នេហាជាតិអ៊ុយក្រែននៅរោងចក្រដែកថែប Azovstal របស់ទីក្រុង Mariupol នៅតែមិនទាន់មានភាពច្បាស់លាស់នៅឡើយកាលពីថ្ងៃអង្គារ បន្ទាប់ពីក្រុមអ្នកប្រយុទ្ធរាប់រយនាក់បានប្រគល់ខ្លួន និងត្រូវបានបញ្ជូនទៅកាន់ដែនដីគ្រប់គ្រងដោយរុស្ស៊ី។ រុស្ស៊ីបាននិយាយកាលពីថ្ងៃអង្គារថា ក្រុមអ្នកប្រយុទ្ធអ៊ុយក្រែនចំនួន ២៦៥នាក់បានប្រគល់ខ្លួនពីមូលដ្ឋានចុងក្រោយរងការឡោមព័ទ្ធក្នុងរោងចក្រដែកថែប ប៉ុន្មានម៉ោងក្រោយប្រធានាធិបតីអ៊ុយក្រែនលោក Volodymyr Zelenskyy បាននិយាយថា បេសកកម្មដើម្បីការពាររោងចក្រនេះបានបញ្ចប់ហើយ ហើយក្រុមអ្នកប្រយុទ្ធមួយចំនួនត្រូវបានបញ្ជូនទៅកាន់ដែនដីគ្រប់គ្រងដោយរុស្ស៊ី។រដ្ឋមន្ត្រីការពារជាតិរុស្ស៊ីនិយាយថា អ្នកទាំងឡាយដែលបានប្រគល់ខ្លួនមាន ៥១នាក់របួសធ្ងន់ និងបានបញ្ជូនទៅកាន់មន្ទីរពេទ្យក្នុងទីក្រុង Novoazovsk ក្នុងតំបន់ Donetsk គ្រប់គ្រងដោយក្រុមផ្ដាច់ខ្លួនគាំទ្រដោយប្រទេសរុស្ស៊ី។ ជោគវាសនារបស់ពួកគេនៅតែមិនទាន់ច្បាស់លាស់នៅឡើយ៕អត្ថបទ៖ សុខមាន

លោក Putin និយាយថា ទណ្ឌកម្មរបស់សហភាពអឺរ៉ុបលើរុស្ស៊ីប្រៀបបាននឹងការធ្វើអត្តឃាតសេដ្ឋកិច្ច

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃអង្គារបាននិយាយថា វិស័យប្រេងកំពុងឆ្លងកាត់ដំណាក់កាលផ្លាស់ប្ដូរយ៉ាងខ្លាំង ប៉ុន្តែបានអះអាងថា អឺរ៉ុបនឹងធ្វើ "អត្តឃាតសេដ្ឋកិច្ច" ដោយសារតែការដាក់ទណ្ឌកម្មរបស់ខ្លួនលើទីក្រុង Moscow ព្រោះសង្គ្រាមនៅអ៊ុយក្រែន។ លោក Putin បាននិយាយថា តាមរយៈការស្វែងរកការបញ្ឈប់ការផ្គត់ផ្គង់ថាមពលរបស់រុស្ស៊ី អឺរ៉ុបនឹងធ្វើឲ្យខ្លួនឯងឈឺចាប់ដោយការជំរុញឲ្យក្រុមមន្ត្រីពីរដ្ឋនានាប្រើ "គំនិតគ្មានការពិចារណា" របស់លោកខាងលិចដើម្បីផលប្រយោជន៍របស់ប្រទេសខ្លួនឯង។ លោកបានប្រាប់កិច្ចប្រជុំថាមពលថា អឺរ៉ុបនឹងមើលឃើញការហក់ឡើងតម្លៃថាមពលខ្ពស់ និងអតិផរណាខ្ពស់ដោយសារតែសកម្មភាពរបស់ខ្លួន។ លោក Putin បាននិយាយថា ជាការពិតណាស់ ការធ្វើអត្តឃាតសេដ្ឋកិច្ចបែបនេះគឺជាកិច្ចការក្នុងស្រុករបស់ប្រទេសនៅអឺរ៉ុប។ បន្ទាប់ពីវិមានក្រឹមឡាំងបានបញ្ជូនទាហានចូលទៅអ៊ុយក្រែនកាលពីថ្ងៃទី២៤ ខែកុម្ភៈ បណ្ដាប្រទេសលោកខាងលិចបានដាក់ទណ្ឌកម្មដែលមិនធ្លាប់មាន ពីមុនមកប្រឆាំងនឹងរុស្ស៊ី។បណ្តាប្រទេសលោកខាងលិចបានបង្ហាញពីការសម្របសម្រួលយ៉ាងជិតស្និទ្ធ នៅក្នុងការប្រកាសអំពីការដាក់ទណ្ឌកម្មរបស់ខ្លួន ប៉ុន្តែមិនបានផ្លាស់ប្តូរក្នុងល្បឿនដូចគ្នានៅពេលនិយាយអំពីប្រេង និងឧស្ម័នរបស់រុស្ស៊ី។ លោក Putin បាននិយាយថា "សកម្មភាពវឹកវរ" របស់អឺរ៉ុបមិនត្រឹមតែធ្វើឲ្យប៉ះពាល់ដល់សេដ្ឋកិច្ចរបស់ខ្លួនប៉ុណ្ណោះទេ ថែមទាំងនាំទៅរកការកើនឡើងនៃប្រាក់ចំណូលពីប្រេង និងឧស្ម័នរបស់រុស្ស៊ីទៅវិញទេ៕អត្ថបទ៖ សុខមាន

ក្រុមពិធីការសម្តេចនាំយកថវិកា និងម៉ាសក្រណាត់អំណោយលោកយាយ ដោ ព្រឿង ផ្ញើតាមរយៈសម្តេចតេជោ ហ៊ុន សែន ជូនមន្ទីរពេទ្យគន្ធបុប្ផាហើយ

ភ្នំពេញ៖ លោកយាយ ដោ ព្រឿង និងកូនស្រី នៅទីក្រុងឡូវែល រដ្ឋម៉ាសាឈូសេត សហរដ្ឋអាមេរិក បានផ្ញើថវិកាចំនួន ២.០០០ដុល្លារអាមេរិក(ពីរពាន់ដុល្លារ) និងម៉ាសក្រណាត់ដែលលោកយាយដេរផ្ទាល់ដៃចំនួន ៥៦ម៉ាស តាមសម្តេចតេជោ ហ៊ុន សែន នាយករដ្ឋមន្ត្រី ជួយប្រគល់ជូនដល់មន្ទីរពេទ្យគន្ធបុប្ផាជំនួសលោកយាយផង ដើម្បីប្រើប្រាស់ក្នុងកម្មភាពព្យាបាលជំងឺដល់កុមារនៅកម្ពុជាដោយមិនគិតថ្លៃ។ជាក់ស្តែងនៅថ្ងៃទី១៧ ខែឧសភា ឆ្នាំ២០២២ ឯកឧត្តម ជា យុពា ក្រុមពិធីការសម្តេចតេជោ ហ៊ុន សែន នាយករដ្ឋមន្ត្រី បាននាំយកអំណោយលោកយាយ ដា ព្រឿង ទៅប្រគល់ជូនដល់មន្ទីរពេទ្យគន្ធបុប្ផាដោយផ្ទាល់ដៃ។តាមរយៈវីដេអូខ្លី លោកយាយ ដោ ព្រឿង បានគោរពថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រី ដែលបានជួយសង្គ្រោះអាយុជីវិតប្រជាពលរដ្ឋពីការកាប់សម្លាប់ និងអរគុណសម្តេចដែលធ្វើដំណើរទៅកាន់សហរដ្ឋអាមេរិក ហើយបានសំណេះសំណាល សាកសួរសុខទុក្ខ ដោយភាពស្និទ្ធស្នាលជាមួយបងប្អូនខ្មែររស់នៅអាមេរិក-កាណាដា ។ លោកយាយ ក៏បានអរគុណសម្តេចដែលបានដឹកនាំកម្ពុជាប្រកបដោយសន្តិភាព និងការអភិវឌ្ឍ ព្រមទាំងជូនពរសម្តេច និងក្រុមគ្រួសារ ឲ្យមានសុខភាពល្អ ឈ្នះអស់មារសត្រូវគ្រប់ទិសទី និងបន្តដឹកនាំកម្ពុជាបន្តទៅទៀត។គួរបញ្ជាក់ថា លោកយាយ ដោ ព្រឿង អាយុ ៨៤ ឆ្នាំ សព្វថ្ងៃរស់នៅទីក្រុងឡូវែល រដ្ឋម៉ាសាឈូសេត ជាមួយកូនស្រី ។ លោកយាយមានកូន៦នាក់ ប្រុស ០៣នាក់ ស្រី ០៣នាក់ មកដល់សហរដ្ឋអាមេរិក ខែកញ្ញា ឆ្នាំ ១៩៨០ ជាជនភៀសខ្លួន ឆ្លងកាត់ការរស់នៅក្នុងជំរំខៅអ៊ីដាង ប្រទេសថៃ។ ពេលមកដល់ អាមេរិក លោកយាយ រស់នៅរដ្ឋវីជីញ៉ា (Virginia) រួចផ្លាស់ទីមករស់នៅទីក្រុងឡូវែល ក្នុងឆ្នាំ ១៩៨៩ ។ លោកយាយពុំធ្លាប់ធ្វើការទេ ពេលមកដល់សហរដ្ឋអាមេរិក តែបានជួយមើលថែទាំកូនចៅរហូតមកដល់បច្ចុប្បន្ន ។ លោកយាយស្រលាញ់សម្តេចតេជោខ្លាំងណាស់។ គាត់ធ្លាប់ប្រាប់កូនចៅជាច្រើនលើកថា បំណងប្រាថ្នាចុងក្រោយរបស់គាត់គឺចង់ជួបសម្តេចតេជោដោយផ្ទាល់ ដើម្បី អរគុណសម្តេចដែលបានជួយជីវិតលោកយាយ និងក្រុមគ្រួសារពីរបបប្រល័យពូជសាសន៍ ប៉ុល ពត ដែលក្រុមគ្រួសារលោកយាយទាំងមូលស្ទើរតែត្រូវបានគេសំលាប់ផុតពូជ។ជាភ័ព្វសំណាង បន្ទាប់ពីធ្វើដំណើរជាង ១០ម៉ោងតាមរថយន្ត លោកយាយបានជួបសម្តេចតេជោដោយផ្ទាល់កាលពីថ្ងៃទី១១ ខែឧសភា ឆ្នាំ ២០២២ ធ្វើអោយបំណងប្រាថ្នាលោកយាយក្នុងដំណាក់កាលចុងក្រោយនៃជីវិតបានសំរេច។ លើសពីនេះទៅទៀត ដោយពុំអោយកូនចៅទាំងអស់ដឹង លោកយាយបានសន្សំប្រាក់ផ្ទាល់ខ្លួន លាក់ក្នុងស្រោមសំបុត្រចំនួន ២ពាន់ដុល្លារ ជូនសម្តេចតេជោដោយផ្ទាល់ដើម្បីឧបត្ថម្ភដល់មន្ទីរពេទ្យគន្ធបុប្ផា។លោយយាយក៏បានចំណាយពេលដេរម៉ាស់ពីក្រណាត់សូត្រ និងហូលផាមួងខ្មែរ ដោយផ្ទាល់ដៃបានចំនួន៥៦ម៉ាស់ ជូនសម្តេចតេជោដើម្បីរួមចំណែកក្នុងការទប់ស្កាត់ជំងឺកូវីត ១៩ នៅកម្ពុជា ។ នេះជាកាយវិការ និងទឹកចិត្ត មួយគួរអោយស្ងប់ស្ញែងណាស់ និងសូមអរគុណលោកយាយ ៕

សម្តេចតេជោ ហ៊ុន សែន ប្រកាសជំនះបង្កើតរោងចក្រផលិតវ៉ាក់សាំងកូវីដ-១៩ឱ្យទាល់តែចេញលទ្ធផល

ភ្នំពេញ៖ សម្តេចតេជោ ហ៊ុន សែន បានប្រកាសដល់ផ្នែកពាក់ព័ន្ធត្រូវពិភាក្សាគ្នាឡើងវិញ ពីដំណើរការបង្កើតរោងចក្រផលិតវ៉ាក់សាំងកូវីដ-១៩ឱ្យបានឆាប់រហ័សតាមដែលអាចធ្វើបាន ដែលកិច្ចការមួយនេះ សម្តេចជំនះធ្វើឱ្យទាល់តែបាន។ថ្លែងក្នុងពិធីជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ(TYDA) នៅព្រឹកថ្ងៃទី១៧ ខែឧសភា ឆ្នាំ២០២២ សម្តេចតេជោ ហ៊ុន សែន ប្រកាសស្តីសន្ទោសដល់ដំណើរការយឺតយ៉ាវក្នុងការសាងសង់ និងដំណើរការរោងចក្រផលិតវ៉ាក់សាំងកូវីដ-១៩នៅកម្ពុជា ដែលខាងភាគីចិនក៏បានស្តីបន្ទោស និងដាស់តឿនចំពោះករណីនេះដែរ។សម្តេចបញ្ជាក់ថា «មិនអាចយក លីសង់ទៅដេកឱបទុកនោះទេ បើឯកជនមិនធ្វើ រដ្ឋត្រូវបញ្ចេញលុយដើម្បីដំណើរការរោងចក្រផលិតវ៉ាក់សាំងកូវីដ-១៩នេះឱ្យបាន»។សម្តេចបន្តថា បើក្នុងករណីកូវីដ-១៩ រលាយរលយ់ពីផែនដីនេះ យើងក៏អាចយករោងចក្រនោះទៅផលិតវ៉ាក់សាំងផ្សេងៗទៀត ដើម្បីបំពេញតម្រូវសង្គមផងដែរ។ទន្ទឹុមនឹងនោះ សម្តេចតេជោ ហ៊ុន សែន បានប្រកាសឱ្យពិនិត្យឡើងវិញចំពោះមន្ទីរពេទ្យហ្លួងម៉ែ ដែលពេលនេះ មិនមានអ្នកជំងឺកូវីដ-១៩សម្រាកព្យាបាលទៀតនោះទេ ត្រូវប្រែងក្លាយមន្ទីពេទ្យហ្លួងម៉ែ ជាមន្ទីរពេទ្យឯកទេស«ជំងឺមហារីក» ដើម្បីសម្រួលដល់ការព្យាបាលប្រជាពលរដ្ឋ កាត់បន្ថយការចេញទៅរកសេវាព្យាបាលនៅក្រៅប្រទេស៕

សម្តេចតេជោ ហ៊ុន សែន ប្រកាសតម្រូវឱ្យជនបរទេសចូលមកកម្ពុជាមិនបានចាក់វ៉ាក់សាំង ធ្វើចត្តាឡីស័កតាមដានសុខភាព ៧ថ្ងៃជាកំហិត

ភ្នំពេញ៖ សម្តេចតេជោ ហ៊ុន សែន ប្រកាសដល់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ កុំយកវិធានការខ្លះពាក់ព័ន្ធបញ្ហាកូវីដ-១៩ នៅប្រទេសជិតខាងមកអនុវត្តន៍បន្តនៅប្រទេសកម្ពុជា។ថ្លែងក្នុងពិធីជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ(TYDA) នៅព្រឹកថ្ងៃទី១៧ ខែឧសភា ឆ្នាំ២០២២ សម្តេចតេជោ ហ៊ុន សែន បញ្ជាក់ថា «ជនបរទេសទាំងឡាយណាចូលមកកម្ពុជា ដែលមិនបានចាក់វ៉ាក់សាំងកូវីដ-១៩ ចាំបាច់ត្រូវតែឃាត់ទុករយៈពេល៧ថ្ងៃ ដើម្បីពិនិត្យ និងតាមដានសុខភាព»។ សម្តេចតេជោ ហ៊ុន សែន ប្រកាសថា បើជនបរទេសទាំងឡាយ ចង់ចូលកម្ពុជា តែមិនទាន់បានទទួលបានការចាក់វ៉ាក់សាំងកូវីដ-១៩ តាមថេរវេលាកំណត់ណាមួយ មិនគួរបោះទិដ្ឋាការឱ្យពួកគេទេ។សម្តេចបញ្ជាក់ថា «កុំស្រលាញ់លុយពីពួកគេទាំងនោះ ដោយមិនគិតគូរពីសុខុមាលភាព និងអាយុជីវិតប្រជាជនយើងឱ្យសោះ»៕

បណ្ដាញសង្គម

ព័ត៌មានថ្មីៗ

បេក្ខជនប្រឡងបាក់ឌុបមួយចំនួនពិចារណាងាកមករៀនជំនាញបច្ចេកទេស ក្រោយប្រកាសលទ្ធផលប្រឡង

សម្តេចធិបតី ដឹកនាំកិច្ចប្រជុំឧត្តមក្រុមប្រឹក្សា ដើម្បីវាយតម្លៃចំពោះការផ្តល់ទស្សនទានស្ថាបនារបស់គណបក្សនយោបាយ

បេក្ខជនប្រឡងបាក់ឌុប នៅតែមានភាពជឿជាក់សម្រាប់ការប្រឡងលើមុខវិជ្ជាគោលនៅថ្ងៃចុងក្រោយ

អ្នកនាំពាក្យក្រសួងបរិស្ថាន៖ អ្នកផលិតមាតិកា ជាអ្នកចេះដឹងគួរតែនិយាយ និងជំរុញការការពារសត្វព្រៃ ជាជាងលើកទឹកចិត្តឱ្យបរិភោគដែលផ្ទុយនឹងច្បាប់

កម្ពុជា ប្ដេជ្ញារួមគ្នាជាមួយសមាជិកអាស៊ី-ប៉ាស៊ីហ្វិក ឆ្ពោះទៅសម្រេចចក្ខុវិស័យលើកកម្ពស់សុខភាពសកល

គណៈប្រតិភូជាន់ខ្ពស់រដ្ឋសភា អញ្ជើញគោរពវិញ្ញាណក្ខន្ធសព ឯកឧត្តមបណ្ឌិត សាយសំផន ភូមវិហាន អតីតប្រធានរដ្ឋសភាឡាវ នៅទីក្រុងវៀងចន្ទន៍

សម្តេចប្រធានរដ្ឋសភា និងប្រធានរដ្ឋឡាវ បន្តលើកកម្ពស់ពង្រឹងកិច្ចសហប្រតិបត្តិការប្រទេសទាំងពីរ ដើម្បីនាំមកនូវឧត្តមប្រយោជន៍កាន់តែច្រើនសម្រាប់ប្រជាជនទាំងសងខាង

«ស្មារតីខ្មែរជួយខ្មែរ» ក្រុមការងារមន្ទីរកសិកម្មខេត្តឧត្តរមានជ័យប្រមូលផលសណ្ដែកកួរ ឪឡឹក ត្រីអណ្ដែង និងស៊ុតទា ជូនដល់កងកម្លាំងការពារព្រំដែនភូមិសាស្ត្រទិសខេត្តឧត្តរមានជ័យ

TVET៖ កុំឱ្យឱកាសកន្លងផុត! អាហារូបករណ៍ជាង ១ពាន់កន្លែងនៅ RPITSE កំពុងរង់ចាំយុវជន

ក្រុម AOT ចុះសង្កេតការណ៍នៅទីតាំងមណ្ឌលសុខភាពតេជោមរកត ស្ថិតក្នុងភូមិតេជោមរកត ខេត្តព្រះវិហារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

វិមានក្រឹមឡាំងលើកឡើងថា គំនិតប្រើធនបម្រុងរបស់រុស្ស៊ីពីសំណាក់ប្រទេស G7 នឹងក្លាយជាចោរសុទ្ធសាធ

រុស្ស៊ី និងអ៊ុយក្រែនចោទដាក់គ្នា ខណៈការចរចាសន្តិភាពជាប់គាំង

ជោគវាសនារបស់ក្រុមអ្នកប្រយុទ្ធអ៊ុយក្រែនរាប់រយនាក់មិនទាន់ច្បាស់លាស់ ក្រោយពេលប្រគល់ខ្លួន

លោក Putin និយាយថា ទណ្ឌកម្មរបស់សហភាពអឺរ៉ុបលើរុស្ស៊ីប្រៀបបាននឹងការធ្វើអត្តឃាតសេដ្ឋកិច្ច

សម្តេចតេជោ ហ៊ុន សែន ប្រកាសជំនះបង្កើតរោងចក្រផលិតវ៉ាក់សាំងកូវីដ-១៩ឱ្យទាល់តែចេញលទ្ធផល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អបអរសាទរ...! វ៉ូវីណាមកម្ពុជា ឈ្នះមេដាយមាសវិញ្ញាសាសំដែងជាក្រុម

លោក ហ៊ុន ម៉ាណែត សំណេះសំណាល និងបញ្ចុះខណ្ឌសីមាព្រះវិហារថ្មី វត្តគិរីឱសថទឹកជប់ ស្រុកទឹកឈូ ខេត្តកំពត

រុស្ស៊ី និង​អ៊ុយ​ក្រែ​ន​ចោទ​ដាក់គ្នា ខណៈ​ការចរចា​សន្តិភាព​ជាប់​គាំង​

ជោគវាសនា​របស់​ក្រុម​អ្នក​ប្រយុទ្ធ​អ៊ុយ​ក្រែ​ន​រាប់​រយ​នាក់​មិនទាន់​ច្បាស់លាស់ ក្រោយពេល​ប្រគល់​ខ្លួន​

លោក Putin និយាយ​ថា ទណ្ឌកម្ម​របស់​សហភាព​អឺរ៉ុប​លើ​រុស្ស៊ី​ប្រៀប​បាន​នឹង​ការ​ធ្វើ​អត្តឃាត​សេដ្ឋកិច្ច

សម្តេចតេជោ ហ៊ុន សែន ប្រកាសជំនះបង្កើតរោងចក្រផលិតវ៉ាក់សាំងកូវីដ-១៩ឱ្យទាល់តែចេញលទ្ធផល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ី និងអ៊ុយក្រែនចោទដាក់គ្នា ខណៈការចរចាសន្តិភាពជាប់គាំង

ជោគវាសនារបស់ក្រុមអ្នកប្រយុទ្ធអ៊ុយក្រែនរាប់រយនាក់មិនទាន់ច្បាស់លាស់ ក្រោយពេលប្រគល់ខ្លួន

លោក Putin និយាយថា ទណ្ឌកម្មរបស់សហភាពអឺរ៉ុបលើរុស្ស៊ីប្រៀបបាននឹងការធ្វើអត្តឃាតសេដ្ឋកិច្ច