BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

សម្តេចតេជោ ហ៊ុន សែន ទទួលជួបពិភាក្សាការងារជាមួយក្រុមហ៊ុនប្រឹក្សាយោបល់ និងបញ្ចុះបញ្ចូលផ្នែកច្បាប់

ភ្នំពេញ៖ នៅព្រឹកថ្ងៃទី១២ ខែ ឧសភា ឆ្នាំ២០២២(នៅរដ្ឋធានី វ៉ាស៊ីនតោនសហរដ្ឋអាមេរិក) សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោក ស្កុត ដេវីដ ផាវិន (Scott David Parven) តំណាងក្រុមហ៊ុនប្រឹក្សាយោបល់ និងបញ្ចុះបញ្ចូលផ្នែកច្បាប់របស់អាមេរិក ។ នៅក្នុងជំនួបនេះ លោក ស្កុត ដេវីដ ផាវិន បានជម្រាបសម្តេចតេជោនាយករដ្ឋមន្ត្រីថា កន្លងមកក្រុមការងាររបស់លោកបានធ្វើការងារជាច្រើនជាមួយស្ថានទូតកម្ពុជាប្រចាំនៅអាមេរិក ដើម្បីជំរុញឱ្យទំនាក់ទំនងរវាងកម្ពុជា និងអាមេរិក មានភាពល្អប្រសើរ។ បន្ថែមពីលើនោះ ក្រុមហ៊ុនរបស់លោក បានទាក់ទងជាមួយថ្នាក់ដឹកនាំរបស់អាមេរិក នៅស្ថាប័នសភា ក៏ដូចជារដ្ឋាភិបាល ធ្វើយ៉ាងណាឱ្យអាមេរិកយល់ពីជំហររបស់កម្ពុជាទាំងទំនាក់ទំនងទ្វេភាគី ការងារអាស៊ាន ការងារអន្តរជាតិ។ ជាពិសេសគោលជំហររបស់កម្ពុជាពាក់ព័ន្ធការឈ្លានពានរបស់រុស្ស៉ី លើអ៊ុយក្រែន ការបម្រែបម្រួលអាកាសធាតុ ពាណិជ្ជកម្ម និងការខិតខំរបស់កម្ពុជាខាងផ្នែកមនុស្សធម៌។ លោក ស្កុត បានឲ្យដឹងទៀតថា តាមរយៈជំនួបជាមួយថ្នាក់ដឹកនាំស្ថាប័នសភា និងរដ្ឋាភិបាលអាមេរិកនោះ លោកបានគូសរំលេចថា អ្វីដែលកម្ពុជាបានធ្វើនាពេលកន្លងមកនេះ ជារឿងដ៏ល្អ ដែលគួរតែអបអរសាទរ និងផ្តល់តម្លៃសម្រាប់កម្ពុជា។នៅចំពោះថ្នាក់ដឹកនាំ និងសហការីក្រុមហ៊ុនបញ្ចុះបញ្ចូលរបស់អាមេរិកនេះ សម្តេចតេជោ ហ៊ុន សែន បានគូសរំលេចថា ទំនាក់ទំនងរវាងកម្ពុជា និងអាមេរិក នាពេលបច្ចុប្បន្ន បានឈានដល់កម្រិតល្អប្រសើរមួយមិនធ្លាប់មានក្នុងប្រវត្តិសាស្ត្រនៃទំនាក់ទំនងរវាងប្រទេសទាំងពីរ។ សម្តេចតេជោ បានបញ្ជាក់ថា អ្វីដែលអាមេរិកមិនធ្លាប់មានពីមុនមកក្នុងទំនាក់ទំនងជាមួយកម្ពុជា គឺបានមានក្នុងពេលធ្វើទំនាក់ទំនងជាមួយរាជរដ្ឋាភិបាលកម្ពុជា ដែលដឹកនាំដោយសម្តេច ដូចជាការជួយឱ្យមានទីតាំងស្ថានទូតជាក់លាក់ ការរីកចម្រើនផ្នែកសេដ្ឋកិច្ច ពាណិជ្ជកម្ម និងការវិនិយោគរវាងប្រទេសទាំងពីរ។ កាន់តែកត់សម្គាល់ទៀតនោះ ក្នុងរយៈពេល ៤ខែឆ្នាំ២០២២ ទំហំ ពាណិជ្ជកម្មរវាងកម្ពុជា និងអាមេរិក មានកំណើនគួរឱ្យសម្គាល់ទោះបីស្ថិតក្នុងវិបត្តិជំងឺកូវីដ១៩។ ក្នុងនោះកម្ពុជា បាននាំទំនិញទៅកាន់សហរដ្ឋអាមេរិក កើនឡើងដល់ទៅ ៤៤ភាគរយ។សម្តេចតេជោ បានណែនាំទៅក្រុមហ៊ុនប្រឹក្សាយោបល់ និងបញ្ចុះបញ្ចូលរបស់អាមេរិកថា មានកិច្ចការមួយចំនួនទៀត ដែលត្រូវធ្វើបន្ត គឺធ្វើយ៉ាងណាកុំឱ្យមានការភ័ន្តច្រឡំលើទំនាក់ទំនងរវាងប្រទេសទាំងពីរ។ ដូចជាកន្លងមកអាមេរិក មានការចោទប្រកាន់លើកំពង់ផែរាមថា មានវត្តមានយោធាចិន ដែលជារឿងមិនត្រឹមត្រូវ និងមិនពិត ព្រោះកម្ពុជាមានគោលជំហរច្បាស់លាស់ ដោយប្រកាន់នយោបាយអព្យាក្រឹតអចិន្ត្រៃយ៍ មានចែងច្បាស់ក្នុងរដ្ឋធម្មនុញ្ញ ហើយកម្ពុជាគ្មាននយោបាយជ្រើសរើសរវាងចិន និងអាមេរិកនោះទេ។ សម្តេចតេជោ ក៏បានគូសបញ្ជាក់ពីគោលជំហរនយោបាយការបរទេសកម្ពុជាផងដែរ។ ឆ្លៀតក្នុងឱកាសនោះ សម្តេចតេជោ ហ៊ុន សែន បានបញ្ជាក់ពីការផ្អាកធ្វើសមយុទ្ធជាមួយអាមេរិកកាលពីឆ្នាំ២០១៧ផងដែរ។ ការផ្អាកនោះ គឺដោយសារកម្ពុជា ត្រូវរៀបចំការបោះឆ្នោតក្រុមប្រឹក្សាឃុំ-សង្កាត់ មិនមានបំណងបង្អាក់ទំនាក់ទំនងផ្នែកយោធាជាមួយអាមេរិកនោះឡើយ។ សម្តេចតេជោ ក៏បានបញ្ជាក់ពីការអនុញ្ញាតឱ្យនាវាប្រទេសនានាចូលចតនៅកំពង់ផែរបស់កម្ពុជា ដែលជាការបង្ហាញឱ្យឃើញនូវការធ្វើទំនាក់ទំនងដោយបើកចំហររបស់កម្ពុជាជាមួយបណ្តាប្រទេសជាមិត្ត។ សម្តេចតេជោ បានលើកឡើងដែរថា សហរដ្ឋអាមេរិក បានជួយការអភិវឌ្ឍជាច្រើននៅកម្ពុជា ដូចជាជំរុញពាណិជ្ជកម្ម វិនិយោគ ការដោះមីន ការបណ្តុះបណ្តាល និងការផ្តល់វ៉ាក់សាំងសម្រាប់ប្រយុទ្ធប្រឆាំងនឹងជំងឺកូដ១៩ជាដើម៕

ការតវ៉ា និងប្រតិកម្មជាច្រើនបានផ្ទុះឡើង បន្ទាប់ពីការស្លាប់អ្នកសារព័ត៌មានម្នាក់នៅតំបន់ West Bank

អ៊ីស្រាអែល៖ មនុស្សរាប់រយនាក់ប្រមូលផ្តុំគ្នានៅក្នុងទីក្រុងជាច្រើនរបស់អ៊ីស្រាអែល ដើម្បីតវ៉ាការស្លាប់អ្នករាយការណ៍ព័ត៌មាន Al Jazeera។ ពលរដ្ឋប៉ាឡេស្ទីន និងប្រជាជនអ៊ីស្រាអែលអារ៉ាប់បានតវ៉ាចំពោះការស្លាប់របស់អ្នកឆ្លើយឆ្លងព័ត៌មាន Al Jazeera លោកស្រី Shireen Abu Akleh កាលពីថ្ងៃពុធ ដែលការប្រមូលផ្តុំគ្នាបានធ្វើឡើងនៅទីក្រុងហ្សេរុយសាឡឹមខាងកើត, Haifa និង Nazareth រួមទាំងការតវ៉ាមួយដែលបានប្រែក្លាយទៅជាអំពើហិង្សានៅក្នុងរដ្ឋធានី។ នៅក្នុងហ្សេរុយសាឡឹមខាងកើត អ្នកកាន់ទុក្ខបានប្រមូលផ្តុំគ្នានៅលំនៅឋានលោកស្រី Abu Akleh ដើម្បីបង្ហាញសេចក្តីគោរព។ នគរបាលអ៊ីស្រាអែលបានមកដល់កន្លែងកើតហេតុ ក្នុងការឆ្លើយតបទៅនឹងរបាយការណ៍នៃការបង្ក ហេតុ ដែលទំនងជាយោងទៅរកទង់ជាតិប៉ាឡេស្ទីនក្រវីដោយអ្នកកាន់ទុក្ខ និងពាក្យផ្សេងៗដែលស្រែកដោយហ្វូងមនុស្ស។ នាយករដ្ឋមន្ត្រីប៉ាឡេស្ទីនលោក Mohammad Shtayyeh បាននិយាយថា លោកឲ្យប្រទេសអ៊ីស្រាអែលទទួលខុសត្រូវទាំងស្រុងចំពោះការសម្លាប់អ្នកសារព័ត៌មាន Al Jazeera ជើងចាស់ម្នាក់លោកស្រី Shireen Abu Akleh ដែលត្រូវបានបាញ់សម្លាប់ ខណៈកំពុងធ្វើសេចក្តីរាយការណ៍លើការវាយឆ្មក់ របស់យោធាអ៊ីស្រាអែលនៅក្នុងក្រុងJenin តំបន់ West Bank កាលពីថ្ងៃពុធ។ លោក Shtayyeh បាននិយាយនៅក្នុងបទសម្ភាសន៍ជាមួយទូរទស្សន៍ប៉ាឡេស្ទីនថា អ៊ីស្រាអែលមានបំណងបិទសេរីភាពនៃការនិយាយស្តី និងចង់បិទសំឡេងសារព័ត៌មាន។ កងទ័ពអ៊ីស្រាអែលដំបូងបានលើកឡើងពីលទ្ធភាពថា លោកស្រី Abu Akleh ទំនងជាត្រូវបានសម្លាប់ដោយការបាញ់ប្រហាររបស់ប៉ាឡេស្ទីនដោយនិយាយថា ក្រុមសកម្មប្រយុទ្ធក៏មានវត្តមាននៅក្នុងតំបន់នេះដែរ។ ទោះជាយ៉ាងណា មេបញ្ជាកាយោធាឧត្តមសេនីយ៍ឯក Aviv Kochavi ក្រោយមកបានដកខ្លួនចេញពីការអះអាងនេះ។លោកស្រី Abu Akleh អាយុ ៥១ឆ្នាំមានទឹកមុខរាក់ទាក់នៅក្នុងតំបន់មជ្ឈិមបូព៌ា ដែលត្រូវបានគេស្គាល់ដោយសារការរាយការណ៍របស់លោកស្រីអំពីការពិតដ៏អាក្រក់ នៃការកាន់កាប់របស់យោធាអ៊ីស្រាអែលអស់រយៈពេល ៣ទសវត្សរ៍កន្លងទៅនេះ។ ការស្លាប់របស់លោកស្រីបានធ្វើឲ្យរំជើបរំជួលពាសពេញតំបន់ និងបង្កឱ្យមានការភ្ញាក់ផ្អើលពេញបណ្តាញសង្គម។ លោកស្រីបានរាយការណ៍ឲ្យប៉ុស្តិ៍ទូរទស្សន៍ Al Jazeera ជាភាសាអារ៉ាប់ហើយក៏ជាពលរដ្ឋអាមេរិក។ ក្រសួងការបរទេសបានចាត់ទុកការស្លាប់របស់លោកស្រីថា ជាការគំរាមកំហែងដល់សេរីភាពសារព័ត៌មាន។ លោកស្រីត្រូវបានគេបាញ់ចំក្បាលស្លាប់កាលពីព្រឹកថ្ងៃពុធ នៅក្បែរជំរំជនភៀសខ្លួន Jenin នៅភាគខាងជើងតំបន់ West Bank។ ផលិតកររបស់នាងគឺជាអ្នកសារព័ត៌មានជនជាតិប៉ាឡេស្ទីន លោក Ali Samoudi ត្រូវបានបញ្ជូនទៅកាន់មន្ទីរពេទ្យក្នុងស្ថានភាពមានស្ថិរភាព បន្ទាប់ពីត្រូវបានបាញ់ចំខ្នង។ សារព័ត៌មាន Al Jazeera បានចោទប្រកាន់អ៊ីស្រាអែលថា មានចេតនាកំណត់គោលដៅ និងសម្លាប់សហសេវិករបស់យើង។ យោធាអ៊ីស្រាអែលបាននិយាយថា កងកម្លាំងរបស់ខ្លួនបានរងការវាយប្រហារដោយការបាញ់កាំភ្លើង និងគ្រឿងផ្ទុះយ៉ាងសន្ធឹកសន្ធាប់ ខណៈធ្វើប្រតិបត្តិការនៅក្រុង Jenin ហើយពួកគេបានបាញ់តបវិញ៕អត្ថបទ៖ ប៊ុនថន

សម្តេចវិបុលសេនាភក្តី សាយ ឈុំ ទទួលជួបគណៈប្រតិភូក្រុមមិត្តភាពព្រឹទ្ធសភាបារាំង-កម្ពុជា

ភ្នំពេញ៖ នាព្រឹកថ្ងៃទី១២ ខែឧសភា ឆ្នាំ២០២២ វេលាម៉ោង៩និង៣០នាទី សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានទទួលជួបគណៈប្រតិភូក្រុមមិត្តភាពព្រឹទ្ធសភាបារាំង-កម្ពុជា ដឹកនាំដោយឯកឧត្តម វ៉ាំងសង់ អេប្លេ (Vincent Eble) សមាជិកព្រឹទ្ធសភា និងជាប្រធានក្រុម នៅវិមានព្រឹទ្ធសភា ក្នុងឱកាសដែលឯកឧត្តម ដឹកនាំគណៈប្រតិភូ មកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ពីថ្ងៃទី០៦ ដល់ថ្ងៃទី១៥ ខែឧសភា ឆ្នាំ២០២២។ទស្សនកិច្ចរបស់គណៈប្រតិភូនាឱកាសនេះបានឆ្លុះបញ្ចាំងនូវទំនាក់ទំនង និងកិច្ចសហប្រតិបត្តិការដ៏ល្អលើគ្រប់វិស័យដែលមានស្រាប់ និងរួមចំណែកបន្តពង្រឹងពង្រីកឱ្យកាន់តែខ្លាំងក្លាថែមទៀតរវាងកម្ពុជា-បារាំង និងរវាងព្រឹទ្ធសភាទាំងពីរ ដើម្បីនាំមកនូវគុណប្រយោជន៍ដ៏ធំធេងទាំងពេលបច្ចុប្បន្ន និងពេលអនាគតសម្រាប់ប្រទេស និងប្រជាជនទាំងពីរ។

នាយករដ្ឋមន្ត្រីវៀតណាម សរសើរតួនាទីជាប្រធានអាស៊ានរបស់សម្តេចតេជោ ហ៊ុន សែន

ភ្នំពេញ៖ នៅព្រឹកថ្ងៃទី១១ ខែឧសភា ឆ្នាំ២០២២ នាទីក្រុងវ៉ាស៊ីនតោនសហរដ្ឋអាមេរិក សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានទទួលជួបសវនាការជាមួយឯកឧត្តម ផាម មិញជីញ នាយករដ្ឋមន្ត្រីវៀតណាម។សម្ដេចតេជោនាយករដ្ឋមន្ត្រីបានសំដែងការរីករាយដែលបានជួបនាយករដ្ឋមន្ត្រីវៀតណាម សារជាថ្មីម្តងទៀត និងបានថ្លែងអំណរគុណដែលកន្លងមកឯកឧត្តមនាយករដ្ឋមន្ត្រីវៀតណាមបានទូរស័ព្ទចូលរួមចែករំលែកទុក្ខចំពោះសម្តេចដែលបានបាត់បង់បងប្រុសបង្កើតទី២របស់សម្តេចគឺសម្តេចឧត្តមទេពញាណ ហ៊ុន ណេង និងបានបញ្ជូនអនុរដ្ឋមន្ត្រីនាំលិខិតមកដោយផ្ទាល់។សម្តេចក៏អរគុណចំពោះថ្នាក់ដឹកនាំវៀតណាមផ្សេងទៀតចូលរួមរម្លែកទុក្ខ ហើយឯឧបនាយករដ្ឋមន្ត្រីវៀតណាមក៏បានអរគុណផងដែរដែលបានជួបជាមួយសម្ដេចតេជោសារជាថ្មីម្តងទៀតនៅថ្ងៃនេះនិងបាននាំមកនូវការផ្តាំផ្ញើសួរសុខទុក្ខពីប្រធានសភាវៀតណាមក៏ដូចជាលេខាបក្សវៀតណាម ជាពិសេសការចួលរួមរម្លែកទុក្ខចំពោះមរណភាពបងប្រុសទី២របស់សម្ដេច។នៅក្នុងជំនួបនេះ ឯឧនាយករដ្ឋមន្ត្រីវៀតណាមក៏បានអរគុណដល់តួនាទីជាប្រធានអាស៊ានឆ្នាំ២០២២របស់សម្តេចតេជោ នាយករដ្ឋមន្ត្រី ជាពិសេសពាក់ព័ន្ធបញ្ហាតំបន់និង អន្តរជាតិ ។មួយវិញទៀតក៏បានអរគុណដល់តួនាទីសម្តេចដែលបានរួមចំណែកជួយដោះស្រាយបញ្ហាមីយ៉ាន់ម៉ា ហើយក៏បានកោតសរសើរនិងស្វាគមន៍ដំណើរទស្សនកិច្ចរបស់ប្រេសិតពិសេសរបស់ប្រធានអាស៊ានទៅមីយ៉ាន់ម៉ាកន្លងទៅនេះ។ជាមួយនឹងការសាទរចំពោះសមិទ្ធផលរបស់កម្ពុជា ជាពិសេសការគ្រប់គ្រងកូវីដ១៩ បានល្អនាយករដ្ឋមន្ត្រីវៀតណាម បានមានប្រសាសន៍ថាការគ្រប់គ្រងកូវីដ១៩បានល្អគឺល្អសម្រាប់ការលូតលាស់សេដ្ឋកិច្ចឡើងវិញ។សម្តេចតេជោនាយករដ្ឋមន្ត្រីក៏បានថ្លែងអំណរគុណចំពោះឯកឧត្តមនាយករដ្ឋមន្ត្រីវៀតណាមដែលបានសរសើរពីតួនាទីរបស់កម្ពុជាជាពិសេសក្នុងការសម្របសម្រួល កិច្ចប្រជុំកំពូលកំពូលពិសេសអាស៊ាន សហរដ្ឋអាមេរិក ហើយបានរំលេចពីតួនាទីរបស់ឥណ្ឌូនេស៊ីដែលជាប្រទេសសម្របសម្រួលរវាងអាស៊ាននិងសហរដ្ឋអាមេរិកផងដែរ។សម្ដេចក៏បានសម្ដែងនូវការសង្ឃឹមថាយើងពិតជាមានឱកាសក្នុងការពិនិត្យមើលបញ្ហាមួយចំនួនក្នុងសេចក្តីថ្លែងការណ៍រួមរវាងអាស៊ាននិងសហរដ្ឋអាមេរិកហើយសង្ឃឹមថាដំណោះស្រាយនឹងមានការពិភាក្សាទាំងក្នុងឧត្តមមន្ត្រីអាស៊ានជាមួយឧត្តមមន្ត្រីសហរដ្ឋអាមេរិក។សម្ដេចបានអរគុណដល់រដ្ឋាភិបាលវៀតណាមដែលបានគាំទ្រតួនាទីរបស់កម្ពុជាក្នុងការចូលរួមដោះស្រាយបញ្ហាមីយ៉ាន់ម៉ា និងបានជំរាបជូនពីលទ្ធផលនៃជំនួបរវាងសម្តេចនិងឯឧ មីន អោងឡាំង ដែលបានជួបកាលពីថ្ងៃទី២ឧសភាកន្លងទៅនេះ ជាពិសេសការពិគ្រោះយោបល់ស្តីពីជំនួយមនុស្សធម៌សម្រាប់មីយ៉ាន់ម៉ា និងចំណុចឯកភាពជាឯកច្ឆ័ន្ទរបស់អាស៊ានទាំង៥ចំណុច៕

សម្តេចតេជោ ហ៊ុន សែន៖ កម្ពុជាមិនជ្រើសរើសចិនប្រឆាំងអាមេរិក ឬជ្រើសអាមេរិកប្រឆាំងចិននោះឡើយ

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានបញ្ជាក់យ៉ាងច្បាស់ថា គោលនយោបាយរបស់កម្ពុជាមិនជ្រើសរើសចិន ប្រឆាំងអាមេរិក ឬជ្រើសអាមេរិក ប្រឆាំងចិននោះឡើយ ខណៈ គោលនយោបាយការបរទេសកម្ពុជា ចាត់ទុកប្រទេសនៅលើពិភពលោកជាមិត្តដ៏ល្អទាំងអស់ ដើម្បីគុណប្រយោជន៍របស់ប្រជាជន និងប្រទេសកម្ពុជាទាំងមូលនោះ។ថ្លែងនៅក្នុងពិធីជួបសំណេះសំណាលជាមួយបងប្អូនប្រជាពលរដ្ឋខ្មែររស់នៅសហរដ្ឋអាមេរិក និងកាណាដាប្រមាណជាង២ពាន់នាក់ នៅរដ្ឋធានីវ៉ាស៊ីនតោន សហរដ្ឋាអាមេរិក នាថ្ងៃទី១២ ខែឧសភា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា ក្នុងក្របខណ្ឌគោលការណ៍នយោបាយរបស់កម្ពុជា គឺធ្វើឡើងដើម្បីបំរើសន្តិភាព និងការអភិវឌ្ឍ មិនប្រឆាំងប្រទេសដទៃ និងគោរពឯករាជ្យភាពរបស់អាស៊ាន ជាដើម។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានបញ្ជាក់ប្រាប់ដល់បងប្អូនខ្មែរ ដែលរស់នៅអាមេរិក និងកាណាដាផងដែរថា ទំនាក់ទំនងកម្ពុជា និងអាមេរិក បានឈានដល់កម្រិតខ្ពស់ ដែលមិនធ្លាប់មានក្នុងប្រវត្តិសាស្ត្រកម្ពុជា តាមរយៈអាមេរិកបានសាងសង់ស្ថានទូតដ៏ធំ និងរឹងមាំ និងទំហំពាណិជ្ជដ៏សម្បើមរបស់អាមេរិកនៅប្រទេសកម្ពុជា ដោយទីតាំងស្ថានទូតអាមេរិក គឺជាទីតាំងល្អបំផុតនៅក្នុងទីក្រុងភ្នំពេញ ហើយបើមិនមែនអាមេរិក សម្តេចមិនផ្តល់ឱ្យទីតាំងនៅទីនោះឡើយ។ សម្តេចក៏បានបញ្ជាក់ផងដែរថា ទំហំពាណិជ្ជកម្មកម្ពុជា និងអាមេរិក មានទំហំធំបំផុត ក្នុងនោះការនាំចេញមកអាមេរិក មានរហូតដល់ជាង ៩ពាន់លានដុល្លារអាមេរិក ខណៈបច្ចុប្បន្នមានក្រុមហ៊ុនអាមេរិកជាច្រើនកំពុងតែវិនិយោគនៅក្នុងប្រទេសកម្ពុជា និងកំពុងធ្វើការទាក់ទាញការវិនិយោគថ្មីៗបន្ថែមទៀត៕ អត្ថបទ៖ បានចក់

សម្តេចតេជោ ហ៊ុន សែន ណែនាំឲ្យក្រសួងការបរទេសធ្វើអត្តសញ្ញាណបណ្ណជូនដល់ពលរដ្ឋខ្មែរនៅអាមេរិក និងកាណាដា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានណែនាំឲ្យក្រសួងការបរទេស និងសហប្រតិបត្តិការអន្តរជាតិ និងស្ថាប័នពាក់ព័ន្ធទៀត សិក្សាធ្វើអត្តសញ្ញាណបណ្ណ ជូនដល់បងប្អូនប្រជាពលរដ្ឋខ្មែរ ដែលកំពុងរស់នៅអាមេរិក និងកាណាដា ដើម្បីធ្វើយ៉ាងណាផ្តល់ភាពងាយស្រួលដល់ពួកគាត់ក្នុងការទិញដីធ្លី និងចូលរួមបោះឆ្នោតនៅកម្ពុជាជាដើមនោះ។ក្នុងឱកាសជួបសំណេះសំណាលជាមួយប្រជាពលរដ្ឋខ្មែររស់នៅអាមេរិក និងកាណាដា នាទីក្រុងវ៉ាស៊ីនតោន សហរដ្ឋអាមេរិក សម្ដេចតេជោ ហ៊ុន សែន បញ្ជាក់ថា ដើម្បីផ្ដល់ភាពងាយស្រួលដល់បងប្អូនខ្មែរនៅអាមេរិក និងកាណាដា ដែលចង់ទិញអចលនទ្រព្យ ឬធ្វើកិច្ចការងារផ្សេងៗនោះ គប្បីសម្រួល និងធ្វើអត្តសញ្ញាណ បណ្ណជូនដល់ពួកគាត់ ខណៈពលរដ្ឋខ្លះគាត់បាននៅ និងកើតនៅអាមេរិកតាំងពីតូចហើយគ្មានអត្តសញ្ញាណបណ្ណសញ្ជាតិខ្មែរ។ជាមួយគ្នានោះដែរ សម្តេចតេជោ នាយករដ្ឋមន្រ្តីក៏បានប្រាប់ដល់បងប្អូនប្រជាពលរដ្ឋខ្មែរនៅក្រៅប្រទេស នៅពេលទទួលបានអត្តសញ្ញាណសញ្ជាតិខ្មែរហើយនោះ ត្រូវទៅចុះឈ្មោះបោះឆ្នោត ហើយការបោះឆ្នោតនេះទៀតសោត ត្រូវទាមទារសិទ្ធិបោះឆ្នោតដោយផ្ទាល់ ខណៈកម្ពុជាមិនអាចបោះឆ្នោតតាមប្រៃសណីយនោះទេ ព្រោះជាច្បាប់បោះឆ្នោតរបស់កម្ពុជា គឺត្រូវបោះឆ្នោតផ្ទាល់៕

អង្គការសហប្រជាជាតិនិយាយថា ចំនួនជនស៊ីវិលអ៊ុយក្រែនស្លាប់ខ្ពស់ជាងទិន្នន័យផ្លូវការ

អ៊ុយក្រែន៖ ប្រធានបេសកកម្មតាមដានសិទ្ធិមនុស្ស របស់អង្គការសហប្រជាជាតិនៅក្នុងប្រទេសអ៊ុយក្រែនបាននិយាយថា ជនស៊ីវិលរាប់ពាន់នាក់បន្ថែមទៀតត្រូវបានសម្លាប់ក្នុងសង្គ្រាម នៅប្រទេសអ៊ុយក្រែនដែលនៅតែបន្តជាង ២ខែមកនេះ ច្រើនជាងចំនួនមនុស្សស្លាប់សរុបផ្លូវការរបស់អង្គការសហប្រជាជាតិដែលមានត្រឹម ៣,៣៨១នាក់។ លោកស្រី Matilda Bogner បានប្រាប់សន្និសីទសារព័ត៌មានក្នុងទីក្រុងហ្សឺណែវនៅសប្ដាហ៍នេះថា ជារួមគិតមកទល់ពេលនេះ យើងបានសរុបជនស៊ីវិលដែលរងគ្រោះចំនួន ៧,០៦១នាក់ក្នុងនោះ ៣,៣៨១នាក់បានស្លាប់ និង ៣,៦៨០នាក់រងរបួសទូទាំងប្រទេសអ៊ុយក្រែនចាប់តាំងពីរុស្ស៊ីចាប់ផ្ដើមបើកការវាយប្រហារ។ ទិន្នន័យពិតប្រាកដខ្ពស់ជាងនេះ ហើយយើងកំពុងធ្វើការដើម្បីបញ្ជាក់ពីគ្រប់ឧបទ្ទវហេតុទាំងអស់។លោកស្រីថា យើងបានកំពុងធ្វើការដើម្បីប៉ាន់ប្រមាណពីចំនួនពិតប្រាកដ ប៉ុន្តែនៅពេលនេះ ខ្ញុំអាចត្រឹមតែនិយាយថា មានមនុស្សរាប់ពាន់នាក់ស្លាប់ ខ្ពស់ជាងចំនួនដែលយើងបានផ្ដល់ឲ្យអ្នកទាំងអស់គ្នានៅពេលនេះ។ ក្រុមការងាររបស់អង្គការសហប្រជាជាតិនៅក្នុងប្រទេសអ៊ុយក្រែន រួមទាំងក្រុមអ្នកតាមដានស្ថានភាពសិទ្ធិមនុស្សចំនួន ៥៥នាក់បាននិយាយថា ភាគច្រើននៃអ្នកស្លាប់បណ្ដាលមកពីការប្រើគ្រឿងផ្ទុះ ដែលមានវិសាលភាពប៉ះពាល់ខ្លាំងដូចជាការវាយប្រហារដោយមីស៊ីល និងតាមអាកាសជាដើម៕អត្ថបទ៖ សុខមាន

ទំហំទឹកចិត្តក្តីស្រលាញ់របស់ពលរដ្ឋខ្មែរអាមេរិក-កាណាដា ចំពោះសម្តេចតេជោ ហ៊ុន សែន

ភ្នំពេញ៖ ប្រជាពលរដ្ឋអាមេរិកាំង និងកាណាដា ជាច្រើនពាន់នាក់បាននាំគ្នាធ្វើដំណើរដោយមធ្យោបាយ និងថវិកាផ្ទាល់ខ្លួន មកស្កាត់ជួបសម្តេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ានឆ្នាំ២០២២ ក្នុងពេលដែលសម្តេចទៅរួមកិច្ចប្រជុំកំពូលពិសេសអាស៊ាន-អាមេរិក នៅទីក្រុងវ៉ាស៊ីនតោន ចាប់ពីថ្ងៃទី១២-១៣ ខែឧសភា ឆ្នាំ២០២២ ។ ខាងក្រោមនេះ គឺរូបភាពដែលបង្កត់អត្ថន័យដ៏ជ្រៀលជ្រៅបំផុត៖

ប្រមុខអង្គការសហប្រជាជាតិបង្ហាញក្ដីបារម្ភខ្លាំងពីការប្រឈមការអត់ឃ្លានសកលដោយសារសង្គ្រាមអ៊ុយក្រែន

UN៖ ប្រមុខអង្គការសហប្រជាជាតិលោក Antonio Guterres បាននិយាយថា លោកមានក្ដីបារម្ភខ្លាំងណាស់អំពីភាពអត់ឃ្លានកំពុងរីករាលដាល ខណៈសង្គ្រាមក្នុងប្រទេសអ៊ុយក្រែនគំរាមកំហែងដល់សន្តិសុខស្បៀង នៅក្នុងតំបន់ផ្សេងៗជាច្រើននៃពិភពលោក។អំឡុងថ្លែងរួមគ្នាជាមួយអធិការបតី និងរដ្ឋមន្ត្រីការបរទេសអូទ្រីសក្នុងទីក្រុងវីយ៉ែនកាលពីថ្ងៃពុធ លោក Guterres ក៏បានលើកឡើងផងដែរថា ការចរចានានាកំពុងប្រព្រឹត្តទៅ ដើម្បីជម្លៀសជនស៊ីវិលបន្ថែមទៀតចេញពីតំបន់ជម្លោះទាំងឡាយក្នុងប្រទេសអ៊ុយក្រែន និងបានបង្ហាញជំនឿជាក់ថា នឹងមានការជម្លៀសមនុស្សបន្ថែមទៀតនាពេលខាងមុខជាមិនខាន។ ទោះយ៉ាងណាក៏ដោយលោកបាននិយាយសម្រាល ដោយលើកពីលទ្ធភាពនៃការចរចាសន្តិភាពជុំវិញសង្គ្រាមអ៊ុយក្រែនថា នឹងកើតឡើងនៅថ្ងៃណាមួយក្នុងពេលឆាប់ៗនេះ។សង្គ្រាមនៅក្នុងប្រទេសអ៊ុយក្រែនបានរុញដោលឲ្យតម្លៃទំនិញសកល ដូចគ្រាប់ធញ្ញជាតិ ប្រេងឆា ប្រេងឥន្ធនៈ និងជីកសិកម្មជាដើមហក់ឡើងខ្ពស់ ខណៈដែលបណ្ដាទីភ្នាក់ងារអង្គការសហប្រជាជាតិកំពុងព្រមានថា តម្លៃទំនិញហក់ឡើងខ្ពស់នឹងប៉ះពាល់ធ្ងន់ធ្ងរដល់វិបត្តិស្បៀងអាហារនៅក្នុងទ្វីបអាហ្វ្រិក៕ អត្ថបទ៖ សុខមាន

សម្តេចតេជោ ហ៊ុន សែន ស្នើដល់លោកជំទាវTammy Duckworth សមាជិកព្រឹទ្ធសភាអាមេរិក ជំរុញបន្ថែមនូវការវិនិយោគរបស់អាមេរិកនៅកម្ពុជា

ភ្នំពេញ៖ នៅព្រឹកថ្ងៃទី១១ ខែឧសភា ឆ្នាំ២០២២ (ម៉ោងនៅវ៉ាស៊ីនតោន សហរដ្ឋអាមេរិក) សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោកជំទាវ ថាមមី ដាកវើក (Tammy Duckworth) សមាជិកព្រឹទ្ធសភាសហរដ្ឋអាមេរិក។ នៅក្នុងជំនួបនេះ លោកជំទាវ សមាជិកព្រឹទ្ធសភាអាមេរិក បានឆ្លៀតចូលរួមរំលែកនូវមរណទុក្ខជាមួយសម្តេចតេជោនាយករដ្ឋមន្ត្រី ក៏ដូចជាក្រុមគ្រួសារ និងសាច់ញាតិ ចំពោះការទទួលមរណភាពរបស់សម្តេចឧត្តមទេពញាណ ហ៊ុន ណេង។ ក្នុងជំនួបនេះ សម្តេចតេជោ ហ៊ុន សែន បានលើកឡើងពីស្ថានភាពលំបាករបស់កម្ពុជាពីអតីតកាល និងភាពរីកចម្រើនរបស់កម្ពុជានាពេលបច្ចុប្បន្នក្រោយបិទបញ្ចប់ទាំងស្រុងនូវភ្លើងសង្គ្រាមនាឆ្នាំ១៩៩៨។សម្តេចតេជោ បានលើកឡើងថា ទំនាក់ទំនងរវាងកម្ពុជា និងអាមេរិក ក្រោមការដឹកនាំរាជរដ្ឋាភិបាលដោយសម្តេច គឺជាពេលដែលមានភាពល្អប្រសើរបំផុត បើធៀបនឹងអតីតកាល។ ជាពិសេសមុនទសវត្សរ៍ឆ្នាំ៧០ មានភាពរកាំរកូស រហូតដល់ការដុតស្ថានទូត កាត់ផ្តាច់ទំនាក់ទំនងការទូតមួយរយៈពេលខ្លី ហើយក៏ឈានដល់ការកាត់ផ្តាច់ទាំងស្រុងនៅក្នុងរបបកម្ពុជាប្រជាធិបតេយ្យ។សម្តេចតេជោបានរំលឹកពីការស្វែងស្វែង និងជួយជ្រោមជ្រែងរបស់សម្តេច ដើម្បីឱ្យស្ថានទូតអាមេរិកមានទីតាំងស្ថានទូតមួយច្បាស់លាស់នៅក្បែវត្តភ្នំ ភ្នំពេញ។ ចំណុចនេះ ជាការបង្ហាញឱ្យឃើញនូវកិច្ចប្រឹងប្រែងមួយរបស់សម្តេចក្នុងការធ្វើឱ្យប្រសើរឡើងនៃទំនាក់ទំនងរវាងកម្ពុជា និងអាមេរិក។សម្តេចតេជោ ហ៊ុន សែន ក៏បានគូសរំលេចផងដែរ ពីភាពល្អប្រសើរនៃទំនាក់ទំនងសេដ្ឋកិច្ច ពាណិជ្ជកម្ម និងការវិនិយោគរវាងកម្ពុជា និងអាមេរិក។ ក្នុងនៅឆ្នាំ២០២១ បើទោះបីពិភពលោកជួបវិបត្តិជំងឺកូវីដ១៩ តែទំហំពាណិជ្ជកម្មកម្ពុជា-អាមេរិក មានកំណើនប្រមាណ ៣០ភាគរយ ហើយត្រីមាសទី១ ឆ្នាំ២០២២ ទំហំពាណិជ្ជកម្មរវាងប្រទេសទាំងពីរ មានកំណើនរហូតដល់ប្រមាណ ៤០ភាគរយ។សម្តេចតេជោ ហ៊ុន សែន ក៏បានលើកឡើងផងដែរពីស្ថានបរិយាកាសវិនិយោគ ដែលកាន់តែមានភាពល្អប្រសើរនៅកម្ពុជា។ ភាពល្អប្រសើរនៃបរិយាកាសវិនិយោគនេះ បានធ្វើឱ្យក្រុមហ៊ុនរបស់អាមេរិកជាច្រើនកំពុងវិនិយោគនៅកម្ពុជា។ ពាក់ព័ន្ធការវិនិយោគនេះ សម្តេចតេជោ បានស្នើដល់លោកជំទាវសមាជិកព្រឹទ្ធសភាអាមេរិក ជួយជំរុញបន្ថែមនូវការវិនិយោគរបស់អាមេរិកទៅកាន់កម្ពុជា។ ជាមួយគ្នានេះ កម្ពុជា ក៏បានសហការយ៉ាងល្អជាមួយសហរដ្ឋអាមេរិក ក្នុងរុករកអដ្ឋិធាតុរបស់ទាហានអាមេរិក ដែលបានស្លាប់ក្នុងសម័យសង្គ្រាម ដែលមកដល់ពេលនេះនៅសល់សពប្រមាណ ៤៩ករណីទៀតប៉ុណ្ណោះ។ក្រៅតែពីលើនូវការវិវឌ្ឍន៍ល្អប្រសើរនៃទំនាក់ទំនងទ្វេភាគីហើយនោះ សម្តេចតេជោ ហ៊ុន សែន ក៏បានលើកឡើងផងដែរថា ពីការបោះឆ្នោតប្រឆាំងនឹងការឈ្លានពានរបស់រុស្ស៉ី ទៅលើប្រទេសអ៊ុយក្រែន នៅអង្គការសហប្រជាជាតិ។ ការលើកឡើងនូវបញ្ហាខាងលើនេះ សម្តេចតេជោចង់លើកបង្ហាញនូវភាពល្អប្រសើរនៃទំនាក់ទំនងរវាងកម្ពុជា និងអាមេរិក ដែលកើតចេញពីការយកចិត្តទុកដាក់របស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចផ្ទាល់។សម្តេចតេជោនាយករដ្ឋមន្ត្រីក៏បានលើកឡើងផងដែរនូវបញ្ហាមួយចំនួន ដែលនាំឱ្យរំខានដល់ការពង្រឹង និងពង្រីកទំនាក់ទំនងរវាងកម្ពុជា និងអាមេរិក។ បញ្ហាដែលសម្តេចចាត់ទុកថា ជាការខ្វែងគំនិតគ្នារវាងកម្ពុជា និងអាមេរិកនោះ មានដូចជាកិច្ចព្រមព្រៀងបញ្ជូនពលរដ្ឋខ្មែរត្រឡប់ចូលប្រទេសពេលបានប្រព្រឹត្តទោស, ការដាក់លក្ខខណ្ឌសម្រាប់ទិដ្ឋាការរបស់មន្ត្រីការទូតជាដើម។ សម្តេចតេជោ បានស្នើអោយលោកជំទាវសមាជិកព្រឹទ្ធសភាអាមេរិក ពិចារណាសម្របសម្រួលលើបញ្ហានេះ។ជាការឆ្លើយតប លោកជំទាវ ស្រីសមាជិកព្រឹទ្ធសភាអាមេរិក បានថ្លែងអំណរគុណសម្តេចតេជោ ហ៊ុន សែន ដែលបានបើកបង្ហាញនូវសមានចិត្តក្នុងការធ្វើទំនាក់ទំនងជាមួយនឹងសហរដ្ឋអាមេរិក។ លោកជំទាវ ក៏បានថ្លែងអំណរគុណកម្ពុជា ដែលបានចូលរួមបោះឆ្នោតប្រឆាំងការឈ្លានពានរបស់រុស្ស៉ី។លោកជំទាវ ក៏បានថ្លែងអំណរគុណសម្តេចតេជោ ហ៊ុន សែន ក្នុងនាមប្រធានអាស៊ាន បានប្រឹងប្រែងក្នុងការដោះស្រាយបញ្ហានៅក្នុងប្រទេសមីយ៉ាន់ម៉ា។លោកជំទាវ ក៏បានកត់សម្គាល់ដែរថា បច្ចុប្បន្នមានក្រុមហ៊ុនរបស់អាមេរិកជាច្រើនកំពុងវិនិយោគ និងដំណើរការអាជីវកម្មនៅកម្ពុជា។ លោកជំទាវ បានមើលឃើញថា កម្ពុជា និងអាមេរិក មានឱកាសពង្រឹងពង្រីកកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគកាន់តែប្រសើរថែមទៀត។ លោកជំទាវ ក៏បានសន្យាជួយជំរុញអ្នកវិនិយោគរបស់អាមេរិក មកកាន់កម្ពុជាថែមទៀតផងដែរ។នៅក្នុងជំនួបនេះសម្តេចតេជោ ហ៊ុន សែន ក៏បានអញ្ជើញលោកជំទាវសមាជិកព្រឹទ្ធសភាអាមេរិក មកទស្សនកិច្ចនៅកម្ពុជា ហើយសម្តេចទន្ទឹងរង់ចាំស្វាគមន៍វត្តមានរបស់លោកជំទាវនាពេលខាងមុខ។នៅក្នុងឱកាសនេះ សម្តេចតេជោប្រមុខរាជរដ្ឋាភិបាលកម្ពុជា ក៏បានឆ្លៀតបញ្ជាក់ពីបញ្ហាអភិវឌ្ឍន៍នៅមូលដ្ឋានទ័ពរាមផងដែរ។ សម្តេចតេជោ បានគូសបញ្ជាក់ថា កំពង់ផែរាម គឺជាអភិវឌ្ឍន៍ ដើម្បីពង្រឹងសមត្ថភាពវិស័យការពារជាតិរបស់កម្ពុជា មិនមែនបម្រើឱ្យទ័ពបរទេសណាមួយនោះឡើយ។ សម្តេចតេជោ បានលើកឡើងទៀតថា រដ្ឋធម្មនុញ្ញរបស់កម្ពុជា បានចែងយ៉ាងច្បាស់មិនឱ្យមានទ័ពបរទេសលើទឹកដីខ្លួន ហើយកងទ័ពកម្ពុជា ក៏មិនចេញប្រតិបត្តិការនៅប្រទេសដទៃនោះដែរ លើកលែងតែប្រតិបត្តិការរក្សាសន្តិភាពក្រោមឆ័ត្ររបស់អង្គការសហប្រជាជាតិប៉ុណ្ណោះ។សម្តេចតេជោបានបញ្ជាក់ថាប្រទេសយើងមិននៅក្រោមប្រទេសណាមួយទេ ប្រទេសយើងឯករាជ្យ មានអធិបតេយ្យភាព។ ដូច្នេះយើងមិនត្រូវការកងទ័ពបរទេសនៅលើទឹកដីកម្ពុជាឡើយ។ មិនថាកងទ័ពចិន ឬកងទ័ពប្រទេសណាក៏ដោយ។ សម្តេចតេជោ បានបញ្ជាក់ថា បច្ចុប្បន្នកំពង់ផែខេត្តព្រះសីហនុ បានស្វាគមន៍នាវាចិន អាមេរិក ជប៉ុន ឥណ្ឌា និងអូស្ត្រាលី ដែលចូលចតនៅផែរបស់កម្ពុជា ដោយមិនមានការរើសអើងនោះឡើយ។សម្តេចតេជោ បានបញ្ជាក់ថា កម្ពុជា នឹងរៀបចំយុទ្ធនាការឃោសនារកសំឡេងឆ្នោតនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃ២១ ខែឧសភា ហើយការបោះឆ្នោតនឹងធ្វើឡើងនៅថ្ងៃទី០៥ ខែមិថុនា ដោយមានគណបក្សចំនួន ១៧ចូលរួមប្រកួតប្រជែង។ សម្តេចតេជោ បានអះអាងថា នេះជាដំណើរការដ៏ល្អប្រសើរនៃលទ្ធិប្រជាធិបតេយ្យនៅកម្ពុជា៕

បណ្ដាញសង្គម

ព័ត៌មានថ្មីៗ

ប្រភព៖ ការបំផ្ទុះគ្រាប់បែកដាក់ក្នុងរថយន្ត បានសម្លាប់ប្រធានចារកម្មយោធាលីប៊ីភាគខាងកើត

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

ការវាយប្រហារដោយយានដ្រូនរបស់អ៊ុយក្រែនចូលជ្រៅក្នុងប្រទេសរុស្ស៊ី ជាការវាយប្រហារដ៏សាហាវបំផុត ក្នុងរយៈពេល ២ឆ្នាំ

លោកTrump ព្យាយាមបំបាត់ចោលសម្ពាធទីក្រុងតេអេរ៉ង់ដោយច្រានចោលការទាមទារសំណង

ក្រសួងពាណិជ្ជកម្ម និងក្រសួងបរិស្ថានពួតដៃគ្នាពង្រឹងការអនុវត្តច្បាប់ដើម្បីការពារអ្នកធុរកិច្ច និងការពារបរិស្ថានអនុលោមតាម GSP+

លោក Zelenskyy បញ្ជាក់ថា រុស្ស៊ីកំពុងត្រៀមពង្រាយកងទ័ព និងមីស៊ីលកូរ៉េខាងជើងបន្ថែមទៀត

កូឡុំប៊ីបង្កើនកិច្ចខិតខំជួយសង្រ្គោះក្រោយការរញ្ជួយដី ខណៈចំនួនមនុស្សស្លាប់កើនឡើងដល់ ១៦៤នាក់

ក្រសួងអប់រំ៖ រការប្រឡងបាក់ឌុបពីថ្ងៃបានប្រព្រឹត្តទៅដោយរលូនល្អមិនមានបាតុភាពមិនប្រក្រតីណាមួយគួរឲ្យកត់សម្គាល់ឡើយ

អូស្ត្រាលី និងវៀតណាម ធ្វើឱ្យភាពជាដៃគូយុទ្ធសាស្ត្រកាន់តែស៊ីជម្រៅ

ស៊ីរី៖ គណៈប្រតិភូ IAEA នឹងមកបំពេញទស្សនកិច្ចប្រទេសនេះ ដើម្បីប្រកាសពីវឌ្ឍនភាពដ៏សំខាន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ទទួលជួបពិភាក្សាការងារជាមួយក្រុមហ៊ុនប្រឹក្សាយោបល់ និងបញ្ចុះបញ្ចូលផ្នែកច្បាប់

ការតវ៉ា និងប្រតិកម្មជាច្រើនបានផ្ទុះឡើង បន្ទាប់ពីការស្លាប់អ្នកសារព័ត៌មានម្នាក់នៅតំបន់ West Bank

សម្តេចវិបុលសេនាភក្តី សាយ ឈុំ ទទួលជួបគណៈប្រតិភូក្រុមមិត្តភាពព្រឹទ្ធសភាបារាំង-កម្ពុជា

នាយករដ្ឋមន្ត្រីវៀតណាម សរសើរតួនាទីជាប្រធានអាស៊ានរបស់សម្តេចតេជោ ហ៊ុន សែន

សម្តេចតេជោ ហ៊ុន សែន៖ កម្ពុជាមិនជ្រើសរើសចិនប្រឆាំងអាមេរិក ឬជ្រើសអាមេរិកប្រឆាំងចិននោះឡើយ

សម្តេចតេជោ ហ៊ុន សែន ណែនាំឲ្យក្រសួងការបរទេសធ្វើអត្តសញ្ញាណបណ្ណជូនដល់ពលរដ្ឋខ្មែរនៅអាមេរិក និងកាណាដា

អង្គការសហប្រជាជាតិនិយាយថា ចំនួនជនស៊ីវិលអ៊ុយក្រែនស្លាប់ខ្ពស់ជាងទិន្នន័យផ្លូវការ

ទំហំទឹកចិត្តក្តីស្រលាញ់របស់ពលរដ្ឋខ្មែរអាមេរិក-កាណាដា ចំពោះសម្តេចតេជោ ហ៊ុន សែន

ប្រមុខអង្គការសហប្រជាជាតិបង្ហាញក្ដីបារម្ភខ្លាំងពីការប្រឈមការអត់ឃ្លានសកលដោយសារសង្គ្រាមអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ទទួលជួបពិភាក្សាការងារជាមួយក្រុមហ៊ុនប្រឹក្សាយោបល់ និងបញ្ចុះបញ្ចូលផ្នែកច្បាប់

សម្តេចវិបុលសេនាភក្តី សាយ ឈុំ ទទួលជួបគណៈប្រតិភូក្រុមមិត្តភាពព្រឹទ្ធសភាបារាំង-កម្ពុជា

នាយករដ្ឋមន្ត្រីវៀតណាម សរសើរតួនាទីជាប្រធានអាស៊ានរបស់សម្តេចតេជោ ហ៊ុន សែន

សម្តេចតេជោ ហ៊ុន សែន៖ កម្ពុជាមិនជ្រើសរើសចិនប្រឆាំងអាមេរិក ឬជ្រើសអាមេរិកប្រឆាំងចិននោះឡើយ

សម្តេចតេជោ ហ៊ុន សែន ណែនាំឲ្យក្រសួងការបរទេសធ្វើអត្តសញ្ញាណបណ្ណជូនដល់ពលរដ្ឋខ្មែរនៅអាមេរិក និងកាណាដា

អង្គការសហប្រជាជាតិ​និយាយ​ថា​ ចំនួន​ជន​ស៊ីវិល​អ៊ុយ​ក្រែ​ន​ស្លាប់​ខ្ពស់​ជាង​ទិន្នន័យ​ផ្លូវការ

ទំហំទឹកចិត្តក្តីស្រលាញ់របស់ពលរដ្ឋខ្មែរអាមេរិក-កាណាដា ចំពោះសម្តេចតេជោ ហ៊ុន សែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសហប្រជាជាតិនិយាយថា ចំនួនជនស៊ីវិលអ៊ុយក្រែនស្លាប់ខ្ពស់ជាងទិន្នន័យផ្លូវការ