BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

ឧត្តមសេនីយ៍ឯក ហ៊ុន ម៉ាណែត ស្វែងយល់បទពិសោធន៍នៅកន្លែងសំខាន់ៗនៃកងស្វ័យការពារជើងគោកជប៉ុន

(អ៊ីជីហ្គាយ៉ា និង ហ្វូជី) បន្ទាប់ពីចូលជួបសម្តែងការគួរសមជាមួយថ្នាក់ដឹកនាំរាជរដ្ឋាភិបាល និងកងកម្លាំងស្វ័យការពារជប៉ុនឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានបន្តដឹកនាំគណៈប្រតិភូទស្សនកិច្ច ដើម្បីស្វែងយល់បទពិសោធន៍ នៅកងពលតូចឆត្រយោងលេខ១ និងសាលាទ័ពជំនាញ FUJI នៃកងស្វ័យការពារជើងគោកជប៉ុន ក្នុងគោលបំណងបង្កើនលទ្ធភាព ក្នុងកិច្ចសហប្រតិបត្តិការវាងកងទ័ពកម្ពុជា និងកងទ័ពជប៉ុនឲ្យកាន់តែល្អប្រសើបន្ថែមទៀត មុនឈានដល់ប្រារព្ធខួបទី៣០ឆ្នាំ នៃប្រតិបត្តិការរក្សាសន្តិភាព (PKO) របស់ជប៉ុននៅកម្ពុជា។ក្នុងដំណើរទស្សនកិច្ចទៅកាន់កន្លែងសំខាន់ៗរបស់កងស្វ័យការពារជើងគោកជប៉ុននេះ គណៈប្រតិភូកម្ពុជា ស្តាប់បទបង្ហាញអំពីអង្គភាព និងទស្សនាការសម្តែង លោតឆត្រយោង ការហ្វឹកហ្វឺនបាញ់ គ្រាប់ពិតពីរថក្រោះ និង ការដាក់តាំង យុទ្ធោបករណ៍ ផ្សេងៗផងដែរពីសំណាក់កងទ័ពជប៉ុន។ដំណើរទស្សនកិច្ចជាផ្លូវការរបស់ឧត្តមសេនីយ៍ឯក ហ៊ុន ម៉ាណែត និងគណៈប្រតិភូជាន់ខ្ពស់កងទ័ពជើងគោកកម្ពុជានេះ គឺតបតាមការអញ្ជើញរបស់រាជរដ្ឋាភិបាលជប៉ុន តាមរយៈសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ខណៈដែលប្រមុខរាជរដ្ឋាភិបាល នៃប្រទេសទាំងពីរកម្ពុជា-ជប៉ុន បានឯកភាពគ្នាប្រារព្ធខួបទី៣០ ឆ្នាំ នៃប្រតិបត្តិការរក្សាសន្តិភាព (PKO) របស់ជប៉ុននៅកម្ពុជា ដោយប្រតិបត្តិការនេះ ជាប្រតិបត្តិការក្រៅប្រទេសលើកទី១ របស់កងកម្លាំងស្វ័យការពារជប៉ុន ក្នុងក្របខ័ណ្ឌអង្គការសហប្រជាជាតិ។ សូមបញ្ជាក់ថា ក្នុងដំណើរទស្សនកិច្ចរបស់ឧត្តមសេនីយ៍ឯក ហ៊ុន ម៉ាណែត នេះត្រូវបានរដ្ឋាភិបាល ជប៉ុនយកយន្តហោះពិសេសរបស់ខ្លួនមកដឹកដោយផ្ទាល់ពីកម្ពុជាទៅកាន់ប្រទេសជប៉ុន ដើម្បីបង្ការនៃការ ឆ្លងមេរោគកូវីដ១៩៕ អត្ថបទ៖ បាន ចក់

WHO ព្រមានបណ្ដាប្រទេសអឺរ៉ុបខាងកើតលើការបន្ធូរបន្ថយវិធានការវីរុស COVID-19

អឺរ៉ុប៖ មន្ត្រីអង្គការសុខភាពពិភពលោក (WHO) កាលពីថ្ងៃអង្គារបានជំរុញឱ្យរដ្ឋាភិបាលក្នុងបណ្តាប្រទេសនៅអឺរ៉ុបខាងកើត កុំបន្ធូរបន្ថយវិធានការរឹតត្បិតវីរុស COVID-19 ឆាប់រហ័សពេក ខណៈវីរុសបំប្លែងខ្លួនថ្មី Omicron នៅរាលដាល។ លោក Hans Kluge នាយកប្រចាំតំបន់នៃអង្គការសុខភាពពិភពលោកបាននិយាយថា ដោយប្រឈមមុខទៅនឹងរលកវីរុសបំប្លែងខ្លួន Omicron ហើយជាមួយនឹងវីរុសបំប្លែងខ្លួន Delta នៅតែរាលដាលខ្លាំងនៅភាគខាងកើត ស្ថានភាពដ៏គួរឱ្យព្រួយបារម្ភនេះមិនមែនជាពេលវេលា ដើម្បីដកចេញវិធានការដែលយើងដឹងថា មានប្រសិទ្ធភាពក្នុងការកាត់បន្ថយការរាលដាលវីរុស COVID-19។ដោយសារតែភាពខុសគ្នាជាក់ស្តែងនៃការចាក់វ៉ាក់សាំងនៅក្នុងតំបន់អឺរ៉ុប លោក Kluge បានជំរុញឱ្យរដ្ឋាភិបាលនៅភាគខាងកើត កុំប្រជែងតាមរដ្ឋាភិបាលប្រទេសលោកខាងលិច ដោយការបើកសង្គមរបស់ពួកគេឡើងវិញមុនពេលកំណត់។ ជំនួសមកវិញលោក Kluge បានអំពាវនាវឱ្យរដ្ឋាភិបាលបង្កើនការចាក់វ៉ាក់សាំង ជំរុញការធ្វើតេស្តដោយខ្លួនឯង និងការការពារខ្លួនបន្ថែមទៀតបង្កើនការព្យាបាល ដោយផ្អែកលើភស្តុតាងនៅក្នុងប្រទេសទាំងអស់ និងរៀបចំផែនការជាមុនសម្រាប់បន្ទុកដែលនឹងកើនឡើងវីរុស COVID-19។ លោក Kluge បាននិយាយថា នៅទូទាំងតំបន់អឺរ៉ុបរបស់អង្គការសុខភាពពិភពលោក មកដល់បច្ចុប្បន្ននេះយើងបានកត់ត្រាករណីឆ្លងវីរុស COVID-19 ច្រើនជាង ១៦៥លានករណី។ វានៅតែជាជំងឺដ៏កាចសាហាវ ខណៈប្រជាជន ១.៨លាននាក់បានបាត់បង់ជីវិត ហើយ ២៥.០០០នាក់បានស្លាប់កាលពីសប្តាហ៍មុន។លោក Kluge បាននិយាយថា រលកវីរុសបំប្លែងខ្លួន Omicron ដូចដែលបានរំពឹងទុកកំពុងរាលដាលទៅទិសខាងកើត នៅពេលដែលរដ្ឋសមាជិកភាគខាងកើតចំនួន ១០ បានរកឃើញវីរុសបំប្លែងខ្លួនថ្មីនេះ។ លោក Kluge បាននិយាយថា ការចាក់វ៉ាក់សាំងនៅតែជាការការពារល្អបំផុតរបស់យើងប្រឆាំងជំងឺធ្ងន់ធ្ងរ និងការស្លាប់ដោយសារវីរុសបំប្លែងខ្លួននៃវីរុស COVID-19 ដែលកំពុងរាលដាល។ ទោះជាយ៉ាងណាមនុស្សជាច្រើនដែលមានហានិភ័យខ្ពស់នៅតែមិនត្រូវបានការពារ៕អត្ថបទ៖ ប៊ុនថន

លោក Biden ព្រមានថា រុស្ស៊ីនៅតែអាចវាយប្រហារអ៊ុយក្រែន ខណៈស្វែងរកការផ្ទៀងផ្ទាត់ការដកទ័ពរបស់រុស្ស៊ី

សហរដ្ឋអាមេរិក៖ លោកប្រធានាធិបតីអាមេរិក Joe Biden បានថ្លែងនៅឯសេតវិមានអំពីស្ថានភាពក្នុងប្រទេសអ៊ុយក្រែន និងនិយាយថា ការវាយប្រហារពីសំណាក់រុស្ស៊ីលើប្រទេសអ៊ុយក្រែននៅតែពិតជាអាចទៅរួច ដោយលើកឡើងថា ការអះអាងរបស់រុស្ស៊ីដែលថា ខ្លួនកំពុងដកកងទ័ពមួយចំនួនចេញពីព្រំដែនអ៊ុយក្រែននៅតែត្រូវការផ្ទៀងផ្ទាត់ជាចាំបាច់។ យោងតាមការឲ្យដឹងពីលោក Biden រុស្ស៊ីមានកងទ័ពជាង ១៥០,០០០នាក់ដែលកំពុងស្ថិតនៅតាមព្រំដែនអ៊ុយក្រែន។រុស្ស៊ីអះអាងថា ខ្លួនចាប់ផ្ដើមដកកងកម្លាំងមួយផ្នែកចេញពីព្រំដែនជាប់ប្រទេសអ៊ុយក្រែន ប៉ុន្តែលោកប្រធានាធិបតីអ៊ុយក្រែន និងក្រុមមន្ត្រីលោកខាងលិចបានជំរុញឲ្យមានការប្រយ័ត្នប្រយែង ចំពោះការអះអាងរបស់រុស្ស៊ី។ លោក Biden និយាយថា សហរដ្ឋអាមេរិកចង់បន្តខាងច្រកការទូតគ្រប់ឱកាសទាំងអស់ ដើម្បីទប់ស្កាត់ការឈ្លានពានពីរុស្ស៊ី។ លោកថា អាមេរិកនៅតែចង់បានការដោះស្រាយតាមការទូត ហើយថា ទោះបីជាក្រុងវ៉ាស៊ីនតោនមិនបញ្ជូនកងទ័ពអាមេរិកចូលទៅអ៊ុយក្រែន ដែលមិនមែនជាសមាជិករបស់អង្គការ NATO ក៏ដោយក៏ខ្លួនបានផ្ដល់អាវុធទៅឲ្យប្រទេសនេះរួចទៅហើយ និងបញ្ជូនទាហានដើម្បីការពារសម្ព័ន្ធ NATO។លោក Biden បាននិយាយថា លោកក៏បានផ្ញើសារទៅកាន់ប្រជាជនរុស្ស៊ីផងដែរថា ជូនចំពោះពលរដ្ឋរុស្ស៊ី អ្នកមិនមែនជាសត្រូវរបស់យើងទេ ខ្ញុំមិនជឿថា អ្នកចង់បានសង្គ្រាមបង្ហូរឈាម និងការបំផ្លិចបំផ្លាញប្រឆាំងនឹងប្រទេសអ៊ុយក្រែនទេ។ ក្នុងការសន្ទនាតាមទូរស័ព្ទប្រហែលមួយម៉ោងរវាងលោកប្រធានាធិបតី Joe Biden និងលោកប្រធានាធិបតីបារាំង Emmanuel Macron មេដឹកនាំទាំង ២ បានព្រមព្រៀងគ្នាថា ចាំបាច់ត្រូវមានការផ្ទៀងផ្ទាត់លើការអះអាងរបស់រុស្ស៊ីដែលថា ខ្លួនចាប់ផ្ដើមដកកងកម្លាំងមួយចំនួនចេញពីជិតព្រំដែនអ៊ុយក្រែន៕អត្ថបទ៖ សុខមាន

អង្គការសហប្រជាជាតិប្រាប់រុស្ស៊ី និងអ៊ុយក្រែនថា ដល់ពេលដើម្បីបន្ថយភាពតានតឹង

UN៖ អគ្គលេខាធិការអង្គការសហប្រជាជាតិលោក Antonio Guterres បានថ្លែងទៅកាន់អ្នកសារព័ត៌មានថា លោកបាននិយាយទៅកាន់រដ្ឋមន្ត្រីការបរទេសសហព័ន្ធរុស្ស៊ី និងប្រទេសអ៊ុយក្រែនថា ពេលនេះដល់ពេលហើយដើម្បីបន្ធូរបន្ថយភាពតានតឹង និងសកម្មភាពនៅលើទឹកដីនេះ។ អគ្គលេខាធិការបាននិយាយថា លោកមានការព្រួយបារម្ភខ្លាំងចំពោះភាពតានតឹងដែលកើនឡើង និងការកើនឡើងការរំពឹងទុកអំពីជម្លោះយោធាដែលអាចកើតមាននៅអឺរ៉ុប ដែលយើងមិនអាចទទួលយកបាន ខណៈមានការប្រឈមមុខដាក់គ្នាដ៏មហន្តរាយបែបនេះ។លោកនិយាយថា ក្រុមការងារអង្គការសហប្រជាជាតិនៅតែធ្វើប្រតិបត្តិការពេញលេញ នៅក្នុងប្រទេសអ៊ុយក្រែន។ ដោយដកស្រង់ចេញពីធម្មនុញ្ញអង្គការសហប្រជាជាតិ លោក Guterres បាននិយាយថា សមាជិកទាំងអស់ត្រូវដោះស្រាយជម្លោះអន្តរជាតិរបស់ពួកគេ ដោយមធ្យោបាយសន្តិវិធីក្នុងលក្ខណៈសន្តិភាព និងសន្តិសុខអន្តរជាតិ និងយុត្តិធម៌មិនបង្កឲ្យមានគ្រោះថ្នាក់នោះទេ ហើយសមាជិកទាំងអស់ត្រូវទប់ស្កាត់ក្នុងទំនាក់ទំនងអន្តរជាតិ មិនគំរាមកំហែង ឬការប្រើប្រាស់កម្លាំងមកលើបូរណភាពទឹកដី ឬឯករាជ្យភាពនយោបាយនៃរដ្ឋណាមួយឡើយ ឬក្នុងលក្ខណៈផ្សេងទៀត ដែលមិនសមស្របទៅនឹងគោលបំណងរបស់អង្គការសហប្រជាជាតិ។ លោកអគ្គលេខាធិការបានស្វាគមន៍ចំពោះវិធានការទំនាក់ទំនងតាមផ្នែកការទូត និងការចូលរួមនាពេលថ្មីៗនេះរួមទាំងរវាងប្រមុខរដ្ឋ។ ប៉ុន្តែលោកបានជំរុញថា ត្រូវតែធ្វើបន្ថែមទៀត ហើយការបោះបង់ចោលផ្នែកការទូតសម្រាប់ការប្រឈមមុខដាក់គ្នា មិនមែនជាជំហានត្រូវរំលងនោះទេ៕អត្ថបទ៖ ប៊ុនថន

រុស្ស៊ីនិយាយថា ខ្លួនបានត្រៀមរួចជាស្រេចក្នុងការបន្តខាងច្រកការទូត ស្របពេលមានវិបត្តិអ៊ុយក្រែន

រុស្ស៊ី៖ ប្រទេសរុស្ស៊ីបានបញ្ជាក់ថា ខ្លួននឹងបន្តការពិភាក្សាច្រកការទូតជាមួយលោកខាងលិច ដើម្បីដោះស្រាយវិបត្តិសន្តិសុខពាក់ព័ន្ធនឹងអ្វីដែលខ្លួនបានដាក់ពង្រាយកងកម្លាំងយ៉ាងច្រើន ក្នុងការវាយប្រហារពីចម្ងាយក្បែរទឹកដីអ៊ុយក្រែន។ នៅក្នុងការជជែកផ្លាស់ប្ដូរយោបល់ ដែលបានចាក់ផ្សាយលើកញ្ចក់ទូរទស្សន៍រវាងលោកប្រធានាធិបតីរុស្ស៊ី Vladimir Putin និងរដ្ឋមន្ត្រីការបរទេសលោក Sergey Lavrov កាលពីថ្ងៃចន្ទបានលើកឡើងថា ឱកាសតែងតែមានជានិច្ចក្នុងការសម្រេចបានកិច្ចព្រមព្រៀង ជាមួយលោកខាងលិចជុំវិញបញ្ហាអ៊ុយក្រែន។លោក Lavrov បានប្រាប់លោក Putin ថា ការផ្លាស់ប្ដូរយោបល់ជាមួយបណ្ដាមេដឹកនាំសហភាពអឺរ៉ុប និងក្រុង Washington បានបង្ហាញពីភាពគ្រប់គ្រាន់ក្នុងការបើកផ្លូវ សម្រាប់ភាពរីកចម្រើនលើគោលដៅរបស់រុស្ស៊ីដែលកំពុងស្វែងរក។ លោក Lavrov បាននិយាយក្នុងការអត្ថាធិប្បាយនៅលើកញ្ចក់ទូរទស្សន៍ថា នៅពេលលោកលើកឡើងថា លោកចង់ឲ្យមានការបន្តខាងច្រកការទូត លោក Putin បានឆ្លើយថា ល្អណាស់។ លោក Lavrov បានប្រាប់លោក Putin ថា សហរដ្ឋអាមេរិកបានដាក់ចេញនូវសំណើជាក់លាក់ ស្តីពីការកាត់បន្ថយហានិភ័យផ្នែកយោធា ប៉ុន្តែខ្លួនមិនពេញចិត្តទេចំពោះការឆ្លើយតបរបស់អង្គការណាតូ និងសហភាពអឺរ៉ុបដែលមិនអនុញ្ញាតឱ្យទីក្រុងមូស្គូបំបែកបំបាក់សមាជិករបស់ខ្លួន។លោក State Antony Blinken ប្រមុខការទូតអាមេរិកនិយាយថា សហរដ្ឋអាមេរិកនឹងបន្តជំរុញឲ្យមានដំណោះស្រាយច្រកការទូត ដោះស្រាយវិបត្តិនេះ។ លោកប្រធានាធិបតីអាមេរិក Joe Biden ដែលបានសន្ទនាតាមទូរស័ព្ទជាមួយលោក Putin កាលពីចុងសប្ដាហ៍មុន ក៏បានសន្ទនាតាមទូរស័ព្ទរយៈពេល ៤០នាទីផងដែរជាមួយលោកនាយករដ្ឋមន្ត្រីអង់គ្លេស Boris Johnson កាលពីថ្ងៃចន្ទ។ មេដឹកនាំទាំង ២នៅតែរំពឹងថា នឹងមានកិច្ចព្រមព្រៀងតាមច្រកការទូតដោះស្រាយវិបត្តិអ៊ុយក្រែន៕អត្ថបទ៖ សុខមាន

ទីក្រុងក្នុងប្រទេសចិនអនុវត្តការធ្វើតេស្ដទ្រង់ទ្រាយធំជុំវិញការផ្ទុះឡើងវីរុស

ចិន៖ ទីក្រុងឆ្នេរសមុទ្រមួយក្នុងខេត្ត Liaoning ភាគឦសានប្រទេសចិន បានធ្វើតេស្ដរកមេរោគទ្រង់ទ្រាយធំកាលពីថ្ងៃអាទិត្យ និងបានដាក់វិធានការរឹតត្បិតចរាចរណ៍បន្ទាប់ពីការផ្ទុះឡើងវីរុស COVID-19។ ទីក្រុង Huludao ចម្ងាយ ៤៣០គីឡូម៉ែត្រពីទីក្រុងប៉េកាំង ជាកន្លែងកីឡាអូឡាំពិករដូវរងាកំពុងដំណើរការបានរកឃើញករណីឆ្លងវីរុស COVID-19 ក្នុងស្រុកចំនួន ៤៣ករណីក្នុងចំណោមប្រជាជនចំនួន ២.៧៥លាននាក់ក្នុងសប្ដាហ៍កន្លងទៅនេះ។យោងតាមប្រព័ន្ធផ្សព្វផ្សាយផ្លូវការបានឱ្យដឹងថា ប្រជាជនមិនត្រូវបានអនុញ្ញាតឱ្យចាកចេញពីទីក្រុង ដោយគ្មានលទ្ធផលតេស្តវីរុស COVID-19 អវិជ្ជមានក្នុងរយៈពេល ២៤ម៉ោងនោះទេ។ ប្រទេសចិនកំពុងអនុវត្តវិធីសាស្ត្រគ្មានវីរុសចំពោះជំងឺរាតត្បាត។ គោលការណ៍នេះតម្រូវឱ្យអនុវត្តវិធានការតឹងរ៉ឹង ទោះបីជាមានករណីក្នុងចំនួនតិចត្រូវបានរកឃើញក៏ដោយ។ គណៈកម្មការសុខាភិបាលជាតិបាននិយាយកាលពីថ្ងៃអាទិត្យថា ប្រទេសចិនដីគោកបានរាយការណ៍ករណីឆ្លងវីរុស COVID-19 ថ្មីចំនួន ៦៧ករណីកាលពីថ្ងៃសៅរ៍ដែលក្នុងនោះមាន ២៨ករណីឆ្លងក្នុងស្រុក និង ៣៩ករណីជាករណីនាំចូល៕អត្ថបទ៖ ប៊ុនថន

លោក Biden ប្រាប់លោក Putin ថា ការឈ្លានពានអ៊ុយក្រែននឹងនាំឲ្យមានការឆ្លើយតបវិញភ្លាមៗ

សហរដ្ឋអាមេរិក៖ លោកប្រធានាធិបតីអាមេរិក Joe Biden បានប្រាប់ប្រធានាធិបតីរុស្ស៊ីលោក Vladimir Putin អំឡុងការសន្ទនាតាមទូរស័ព្ទរយៈពេល ១ម៉ោងកាលពីថ្ងៃសៅរ៍ថា ការឈ្លានពានរបស់រុស្ស៊ីចូលអ៊ុយក្រែននឹងនាំឲ្យមានការឆ្លើយតបវិញយ៉ាងឆាប់រហ័ស និងភ្លាមៗពីលោកខាងលិច។លោក Biden ក៏បាននិយាយដែរថា ទង្វើបែបនេះនឹងបង្កឱ្យមានការរងទុក្ខរីករាលដាលកាន់តែខ្លាំង និងកាត់បន្ថយជំហររបស់រុស្ស៊ីក្នុងពិភពលោក។ វិមានក្រឹមឡាំងបាននិយាយថា មេដឹកនាំរុស្ស៊ីលោក Vladimir Putin បានប្រាប់ប្រធានាធិបតីអាមេរិកលោក Joe Biden ថា ទីក្រុងមូស្គូនឹងពិនិត្យមើលគំនិតដែលលោកបានដាក់ចេញ ដើម្បីដោះស្រាយការអំពាវនាវសន្តិសុខរបស់រុស្ស៊ីនៅក្នុងការសន្ទនាតាមទូរស័ព្ទកាលពីថ្ងៃសៅរ៍ ប៉ុន្តែទោះជាយ៉ាងណា គំនិតទាំងនោះមិនបានដោះស្រាយក្ដីកង្វល់សំខាន់ៗរបស់ទីក្រុងមូស្គូនោះទេ។ មេដឹកនាំទាំង ២ បានសន្ទនាតាមទូរស័ព្ទក្នុងកិច្ចខិតខំប្រឹងប្រែងចុងក្រោយ ដើម្បីបញ្ចៀសអរិភាពទាំងឡាយមួយថ្ងៃបន្ទាប់ពីក្រុង Washington និងសម្ព័ន្ធមិត្តរបស់ខ្លួនបានព្រមានថា ការឈ្លានពានរបស់រុស្ស៊ីចូលអ៊ុយក្រែនអាចកើតមាននៅថ្ងៃណាមួយ។សហរដ្ឋអាមេរិកបាននិយាយកាលពីថ្ងៃអាទិត្យម្សិលមិញ ខណៈខ្លួនបានបញ្ជាក់ជាថ្មីនូវការប្ដេជ្ញាចិត្តការពារដែនដីគ្រប់អ៊ីញរបស់អង្គការណាតូ (NATO) ថា រុស្ស៊ីអាចឈ្លានពានអ៊ុយក្រែនគ្រប់ពេលវេលា និងអាចបង្កើតជាលេសដ៏គួរឲ្យភ្ញាក់ផ្អើលមួយសម្រាប់ការវាយប្រហារនេះ។ មន្ត្រីជាន់ខ្ពស់ក្នុងរដ្ឋបាលលោក Biden បាននិយាយថា ការសន្ទនានេះគឺប្រកបដោយវិជ្ជាជីវ និងមានសារៈសំខាន់ក្នុងការវែកញែកគ្រប់បញ្ហាទាំងអស់ ដែលសហរដ្ឋអាមេរិកបានលើកឡើងជាសាធារណៈ ប៉ុន្តែបានបន្ថែមថា ពុំមានការផ្លាស់ប្ដូរជាមូលដ្ឋានទេ។ ប្រភពដដែលនោះបាននិយាយថា គេនៅតែមិនទាន់ច្បាស់ថា តើលោក Putin មានឆន្ទៈក្នុងការស្វែងរកផ្លូវការទូត ឬអត់៕អត្ថបទ៖ សុខមាន

សម្ដេចតេជោចែករំលែកទស្សនៈថា ដំណើរការផ្សះផ្សារបន្តិចម្តងៗ និងការអត់ធ្មត់ជាយុទ្ធសាស្ត្រសំខាន់ ដើម្បីបញ្ចប់សង្គ្រាមនៅឧបទ្វីបកូរ៉េ

សេអ៊ូល៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញថ្លែងសុន្ទរកថាគន្លឹះ ក្នុងមហាសន្និបាតនៃក្រុមប្រឹក្សាកិច្ចប្រជុំកំពូលពិភពលោកដើម្បីសន្តិភាព នៃសម័យកិច្ចប្រជុំកំពូលពិភពលោកឆ្នាំ២០២២ ស្តីពី"សន្តិភាពនៅឧបទ្វីបកូរ៉េ " ដែលប្រារព្ធធ្វើឡើងនៅសាធារណរដ្ឋកូរ៉េនាព្រឹកថ្ងៃទី១៣កុម្ភៈនេះ ។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News សម្ដេចបានចែករម្លែកនូវទស្សនទានដ៏មានតម្លៃទៅកាន់ពិភពលោកថា សង្គ្រាមកូរ៉េមានអាយុកាល៧៣ឆ្នាំហើយ ដែលមកដល់ពេលនេះមានតែបទឈប់បាញ់មានអាយុកាលជាង៦៩ឆ្នាំ គិតចាប់ពីថ្ងៃចុះហត្ថលេខាដែលជាច្រើនទសវត្សរ៍កន្លងមកនេះកិច្ចខិតខំប្រឹងប្រែងសន្តិភាពត្រូវបានធ្វើឡើងគ្រប់កម្រិត និងគ្រប់វេទិកាផ្សេងៗគ្នា ប៉ុន្តែជាអកុសលមិនទទួលបានលទ្ធផលអ្វីឡើយ។សន្តិភាព និងស្ថិរភាពនៅឧបទ្វីបកូរ៉េនៅតែមានភាពស្រពិចស្រពិល និងផុយស្រួយ ដែលវិធីសាស្រ្តមុនៗមិនទទួលបានជោគជ័យ។ នោះហើយដែលជាមូលហេតុយើងត្រូវមានភាពក្លាហាន ហ៊ាននិយាយ ហើយរិះរកវិធីប្រកបដោយភាពច្នៃប្រឌិត ដែលអាចផ្ដល់លទ្ធផលវិជ្ជមាន។សម្តេចបានបន្តថា ដើម្បីអាចសម្រេចទៅបានការទទួលខុសត្រូវ គឺស្ថិតនៅលើសហគមន៍អន្តរជាតិ ក្នុងការធ្វើការរួមគ្នា ដើម្បីយកកូរ៉េទាំងពីរចេញពីសំណល់ដោយសង្រ្គាមត្រជាក់។ យើងទាំងអស់គ្នាដឹងហើយថាឧបទ្វីបកូរ៉េដែលបែកបាក់គ្នាគឺជាកេរ្តិ៍ដំណែល នៃសង្រ្គាមត្រជាក់ហើយប្រជាជនកូរ៉េគឺជាជនរងគ្រោះនៃនយោបាយមហាអំណាច។ ជាអកុសល មហាអំណាចគិតតែពីប្រយោជន៍ផ្ទាល់ខ្លួន និងប្រើប្រាស់ឧបទ្វីបកូរ៉េជាតំបន់ទ្រនាប់ក្នុងការប្រកួតប្រជែងនិងការព្យាករណ៍អំណាចរបស់ពួកគេ។ ដើម្បីស្វែងរកសន្តិភាពនៅឧបទ្វីបកូរ៉េយើងត្រូវគិតពិចារណា ទីមួយ.ការយកឈ្នះលើភាពច្របូកច្របល់ និងការមិនទុកចិត្តគ្នាដែលអូសបន្លាយជាង៧០ឆ្នាំ មកនេះទាមទារឲ្យមានកិច្ចចរចាជាច្រើនឆ្នាំ និងវិធានការកសាងទំនុកចិត្តហើយជាការពិតណាស់ដំណើរការផ្សះផ្សាបន្តិចម្តងៗ។ ដូចគ្នានេះដែរ ដំណើរការរំសាយអាវុធនុយក្លេអ៊ែរនឹងត្រូវធ្វើឡើងជាដំណាក់កាល។ ដូច្នេះ ការអត់ធ្មត់ជាយុទ្ធសាស្ត្រគឺមានសារៈសំខាន់បំផុត។សម្ដេចតេជោមានប្រសាសន៍បន្តថា ដោយផ្អែកលើបទពិសោធន៍ និងមេរៀនដែលបានដោយលំបាករបស់យើងក្នុងការកសាងសន្តិភាព និងការបង្រួបបង្រួមជាតិ សម្ដេចបានស្នើគំនិតផ្ដួចផ្ដើមឆ្ពោះទៅជាតិតែមួយ ឧបទ្វីបតែមួយ វប្បធម៌តែមួយ សម្រាប់ការពិចារណារបស់អ្នកដែលប្រហែលជាមិនមែនជាទស្សនទានថ្មីទាំងស្រុងនោះទេ តែផ្អែកលើចក្ខុវិស័យ និងបេសកកម្មនៃសហព័ន្ធសន្តិភាពសកល។សម្ដេចបានដាក់ជាសំនួរថាហេតុអ្វីរដ្ឋពីរ? ប្រព័ន្ធនយោបាយ និងប្រព័ន្ធគ្រប់គ្រងនៅក្នុងប្រទេសកូរ៉េខាងជើងនិងកូរ៉េខាងត្បូង គឺខុសគ្នាទាំងស្រុង។ ការរួមបញ្ចូលប្រពន្ធនយោបាយទាំងពីរ នាពេលអនាគតដ៏ខ្លីខាងមុខមិនអាចទៅរួចទេ។ ដូច្នេះយើងត្រូវទទួលយកការពិតដែលប្រព័ន្ធនយោបាយទាំងពីរនឹងត្រូវបន្តរួមរស់ជាមួយគ្នា។ យើងត្រូវលើកទឹកចិត្ត និងលើកកម្ពស់ដល់ការរស់នៅជាមួយគ្នាដោយសន្តិភាពរវាងរបស់នយោបាយទាំងពីរ។ ហេតុអ្វីជាតិតែមួយ?កូរ៉េអាចត្រូវបានបែកចែកដោយទឹកដី តែមិនមែនប្រជាជន។ កូរ៉េមានឈាមជ័រជាប់ខ្សែស្រឡាយតែមួយ។ សុភាសិតខ្មែរមួយបានពោលថា"កាត់ទឹកមិនដាច់ កាត់សាច់មិនបាន"។ ប្រជាជនគឺប្រៀបបាទដូចជាទឹកដែលមិនអាចកាត់ផ្ដាច់បាន។ទន្ទឹមនេះដែរ វប្បធម៌គឺជាប្រភពដ៏សំខាន់សម្រាប់សន្តិភាព និងការបង្រួបបង្រួមជាតិ។ បំណងប្រាថ្នារបស់កូរ៉េសម្រាប់ការបង្រួបបង្រួមជាតិគឺផ្អែកលើប្រវត្តិសាស្ត្រ នៃការឯកភាពដ៏យូរលង់ និងប្រកបដោយមោទនៈដែលឆ្លុះបញ្ចាំងឲ្យឃើញនូវប្រទេសកូរ៉េអភិវឌ្ឍន៍ទៅជាប្រទេសជាតិមួយដែលមានវប្បធម៌ និងជាតិសាសន៍តែមួយដែលផ្សារភ្ជាប់នូវស្មារតីនៃអត្តសញ្ញាណ និងឯកភាពជាតិជ្រាលជ្រៅ។ សម្ដេចសង្ឃឹមជឿជាក់គំនិតផ្ដួចផ្ដើម"រដ្ឋពីរ ឆ្ពោះទៅជាតិតែមួយ :ឧបទ្វីបតែមួយ ប្រជាជនតែមួយ វប្បធម៌តែមួយ "គឺជាក់ស្ដែងនឹងអាចសម្រេចបានព្រោះជាគំនិតផ្ដួចផ្ដើមមានគោលបំណងលើកកំពស់ការផ្លាស់ប្ដូរវប្បធម៌ និងទំនាក់ទំនងរវាងប្រជាជន និងប្រជាជនរវាងកូរ៉េទាំងពីរ៕ អត្ថបទ៖ មុត សុទ្ធ

ប្រតិភូអមដំណើរ ច្រៀងចំរៀងជូនសម្តេចតេជោ ក្នុងឱកាសសម្ដេចទទួលពានរង្វាន់សន្តិភាពស៊ុនហាក់ ឆ្នាំ២០២២

នៅព្រឹកព្រលឹមថ្ងៃទី១៣ ខែកុម្ភៈ ២០២២នេះ មុនពេលនៃការអញ្ជើញចូលរួមសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) និងមហាសន្និបាត នៃក្តីសង្ឃឹមមួយលាននាក់ គណៈប្រតិភូជាន់ខ្ពស់ព្រះរាជាណាចក្រកម្ពុជា ដឹកនាំដោយ ឯកឧត្តម សួស យ៉ារ៉ា សមាជិករដ្ឋសភា នៃព្រះរាជាណាចក្រកម្ពុជា តំណាងឲ្យគណៈប្រតិភូអមដំណើរសម្តេចតេជោនាយករដ្ឋមន្រ្តី ចូលរួមកិច្ចប្រជុំកំពូលសន្តិភាពសកល ឆ្នាំ២០២២ ស្តីពីសន្តិភាពនៅឧបទ្វីបកូរ៉េ បានអញ្ជើញជូនពរ និងច្រៀងចំរៀងជូនសម្តេចតេជោនាយករដ្ឋមន្រ្តី ក្នុងឱកាសទទួលពានរង្វាន់សន្តិភាពស៊ុនហាក់ ឆ្នាំ២០២២ នៅរដ្ឋធានីសេអ៊ូល សាធារណរដ្ឋកូរ៉េ ។ ឯកឧត្តម សួស យ៉ារ៉ា មានប្រសាសន៍ថា សុន្ទរកថារបស់សម្តេច ថ្លែងក្នុងពិធីទទួលពានរង្វាន់ស៊ុនហាក់ឆ្នាំ២០២២ ដែលបានថ្លែងកាលពីថ្ងៃទី១២ កុម្ភៈ បានផ្តល់នូវការរំជួយចិត្តមិនត្រឹមតែប្រជាជនកម្ពុជាប៉ុណ្ណោះទេ តែបានផ្តល់នូវភាព រំជួយចិត្តដល់ពិភពលោកទាំងមូល តាមរយៈការផ្សាយបន្តផ្ទាល់ចេញពីសាធារណរដ្ឋកូរ៉េ។ ឯកឧត្តមក្នុងនាមគណៈប្រតិភូទាំងអស់ ឯកឧត្តមសូមប្រសិទ្ធពរ សម្តេចតេជោនាយករដ្ឋមន្រ្តី សូមមានសុខភាពល្អបរិបូរណ៍ ពូលានុភាពមាំមួន បញ្ញាញាណភ្លឺថ្លា ជន្មាយុយ៉ឺនយូរ ដើម្បីបន្តស្ថិតនៅក្នុងបេសកកម្ម ដឹកនាំព្រះរាជាណាចក្រកម្ពុជា ក្រោមម្លប់សន្តិភាពដ៏ត្រជាក់ត្រជុំបំផុតរបស់សម្តេច ឲ្យកាន់តែរឹងមាំរីកចំរើនសម្រាប់មនុស្សជាតិជំនាន់ក្រោយរស់នៅប្រកបដោយភាពថ្លៃថ្នូររឹងមាំជាយូរអង្វែងតរៀងទៅ។នៅកម្មវិធីដ៏កម្រនោះដែរ សម្តេចតេជោនាយករដ្ឋមន្រ្តី បានអនុញ្ញាតឲ្យគណៈប្រតិភូ និងក្រុមការងារទាំងអស់ បានថតរូបអនុស្សាវរីយ៍ជាមួយសម្តេចតេជោ នាយករដ្ឋមន្រ្តី ក្នុងទិដ្ឋភាពស្និទ្ធស្នាក់រ៉ាក់ទាក់ និងការគោរពស្រឡាញ់បំផុត ចំពោះសម្តេចតេជោនាយករដ្ឋមន្រ្តី ដូចជាឪពុកប្រកបដោយព្រហម្មវិហាធម៌ ជាមួយកូនចៅរួមការងារទាំងអស់៕

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ដែលរៀបចំឡើងដោយប្រធានរដ្ឋសភាជាតិកូរ៉េ

នៅរាត្រីថ្ងៃទី១២ ខែកុម្ភៈ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមក្នុងពិធីលៀងសាយភោជន៍ ដែលរៀបចំឡើងដោយឯកឧត្តម Park Byeong-Seung ប្រធានរដ្ឋសភាជាតិ នៃសាធារណរដ្ឋកូរ៉េ ក្នុងឱកាសដែលសម្ដេចតេជោ និងគណៈប្រតិភូ អញ្ជើញចូលរួមកិច្ចប្រជុំកំពូលសន្តិភាពពិភពលោកឆ្នាំ២០២២ ស្ដីពីសន្តិភាពនៅឧបទ្វីបកូរ៉េ នាទីក្រុងសេអ៊ូល សាធារណរដ្ឋកូរ៉េ។ពិធីលៀងសាយភោជន៍ដែលប្រារព្ធធ្វើឡើងនៅនិវេសនដ្ឋានរបស់ឯកឧត្តមប្រធានសភានេះ ឯកឧត្តម Park Byeong-Seung មានប្រសាសន៍ សម្ដែងការចូលរួមអបអរសាទរ ជូនចំពោះសម្តេចតេជោនាយករដ្ឋមន្ត្រីដែលទទួលបានពានរង្វាន់សន្តិភាពស៊ុនហាក់ដ៏មានកិត្យានុភាពបំផុត ពោលគឺស័ក្តិសមទៅនឹងគុណតម្លៃ និងមហាពលីកម្ម សាច់ស្រស់ឈាមស្រស់ របស់សម្តេចតេជោនាយករដ្ឋមន្ត្រី ក្នុងបុព្វហេតុសន្តិភាព និងការអភិវឌ្ឍប្រទេសកម្ពុជា។ នៅក្នុងពិធីលៀងសាយភោជន៍នោះដែរ ឯកឧត្តមប្រធានរដ្ឋសភា កូរ៉េ និងសម្តេចតេជោនាយករដ្ឋមន្ត្រី បានធ្វើការពិភាក្សាយ៉ាងយកចិត្តទុកដាក់ដល់ការពង្រឹងពង្រីកទំនាក់ទំនង និងកិច្ចសហប្រតិបត្តិការលើគ្រប់វិស័យ នៃប្រទេសទាំងពីរ កម្ពុជា-កូរ៉េ។ ជាមួយគ្នានេះ សម្តេចតេជោក៏បានថ្លែងអំណរគុណជូនចំពោះរដ្ឋសភាកូរ៉េដែលបានគាំទ្រនូវគម្រោងនានាដែលប្រធានាធិបតី នៃសាធារណរដ្ឋកូរ៉េបានស្នើឲ្យរដ្ឋសភាធ្វើការគាំទ្រ និងផ្តល់សច្ចាប័នលើកិច្ចព្រមព្រៀងពាណិជ្ជកម្មសេរីកម្ពុជា- កូរ៉េ ។ សម្ដេចតេជោ និងឯកឧត្តមប្រធានសភាកូរ៉េ ក៏បានពិភាក្សាលើបញ្ហាជាច្រើនទៀត ដែលនាំមកនូវផលប្រយោជន៍សម្រាប់ប្រទេស និងប្រជាជនទាំងពីរកម្ពុជា-សាធារណរដ្ឋកូរ៉េ ពិសេសការជួយគ្នាទៅវិញទៅមក ការផ្លាស់ប្តូររវាងប្រជាជន និងប្រជាជន រួមទាំងបញ្ហាជាច្រើនទៀតដែលបម្រើឲ្យតម្រូវការរបស់ប្រទេស និងប្រជាជននៃប្រទេសទាំងពីរ៕

បណ្ដាញសង្គម

ព័ត៌មានថ្មីៗ

ទឹកឡើងក្នុងបឹង Tanganyika បានជន់លិចផ្ទះសម្បែងប្រជាពលរដ្ឋនៅភាគខាងកើតកុងហ្គោ

ពលរដ្ឋព័រតូរីកូស្វែងរកទឹក ស្របពេលគ្រោះរាំងស្ងួត បង្កការរឹតត្បិតការបែងចែកទឹកប្រើប្រាស់ប្រចាំថ្ងៃ

អតីតប្រធានាធិបតីកូរ៉េខាងត្បូង លោក Yoon ត្រូវបានចោទប្រកាន់ផ្លូវការ ជុំវិញយុទ្ធនាការការពារច្បាប់អាជ្ញាសឹក

ដាណឺម៉ាកនឹងចាត់វិធានការតាមព្រំដែន បើលំហូរអន្តោប្រវេសន៍នៅតែបន្តមានពីដែនដី Ceuta របស់អេស្ប៉ាញ

ផេះពីបន្ទុះភ្នំភ្លើង Etna នាំឲ្យបិទអាកាសយានដ្ឋានអ៊ីតាលី និងបង្អាក់រដូវកាលដើរកម្សាន្ត

មេបញ្ជាការជាន់ខ្ពស់អ៊ីរ៉ង់ បំពេញទស្សនកិច្ចទៅកាន់អ៊ីរ៉ាក់ ដើម្បីពិភាក្សាលើផែនការរំសាយអាវុធក្រុមប្រដាប់អាវុធ

IEA កាត់បន្ថយការព្យាករតម្រូវការប្រេងឆ្នាំ ២០២៦ម្តងទៀត ស្របពេលច្រកសមុទ្រ Hormuz នៅតែបិទ

យន្តហោះ C919 របស់ចិន ធ្វើការហោះហើរពាណិជ្ជកម្មអន្តរជាតិជាលើកដំបូង

មន្ត្រីជាន់ខ្ពស់៖ អ៊ីរ៉ង់ និងសហរដ្ឋអាមេរិក មិនបានពិភាក្សាអំពីការបន្តបទឈប់បាញ់ទេ

ការវាយប្រហារយានដ្រូនអ៊ុយក្រែន បង្កការខូចខាត ស្លាប់មនុស្សនៅទីក្រុង Novorossiysk របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឧត្តមសេនីយ៍ឯក ហ៊ុន ម៉ាណែត ស្វែងយល់បទពិសោធន៍នៅកន្លែងសំខាន់ៗនៃកងស្វ័យការពារជើងគោកជប៉ុន

WHO ព្រមានបណ្ដាប្រទេសអឺរ៉ុបខាងកើតលើការបន្ធូរបន្ថយវិធានការវីរុស COVID-19

លោក Biden ព្រមានថា រុស្ស៊ីនៅតែអាចវាយប្រហារអ៊ុយក្រែន ខណៈស្វែងរកការផ្ទៀងផ្ទាត់ការដកទ័ពរបស់រុស្ស៊ី

អង្គការសហប្រជាជាតិប្រាប់រុស្ស៊ី និងអ៊ុយក្រែនថា ដល់ពេលដើម្បីបន្ថយភាពតានតឹង

រុស្ស៊ីនិយាយថា ខ្លួនបានត្រៀមរួចជាស្រេចក្នុងការបន្តខាងច្រកការទូត ស្របពេលមានវិបត្តិអ៊ុយក្រែន

ទីក្រុងក្នុងប្រទេសចិនអនុវត្តការធ្វើតេស្ដទ្រង់ទ្រាយធំជុំវិញការផ្ទុះឡើងវីរុស

លោក Biden ប្រាប់លោក Putin ថា ការឈ្លានពានអ៊ុយក្រែននឹងនាំឲ្យមានការឆ្លើយតបវិញភ្លាមៗ

ប្រតិភូអមដំណើរ ច្រៀងចំរៀងជូនសម្តេចតេជោ ក្នុងឱកាសសម្ដេចទទួលពានរង្វាន់សន្តិភាពស៊ុនហាក់ ឆ្នាំ២០២២

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ដែលរៀបចំឡើងដោយប្រធានរដ្ឋសភាជាតិកូរ៉េ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឧត្តមសេនីយ៍ឯក ហ៊ុន ម៉ាណែត ស្វែងយល់បទពិសោធន៍នៅកន្លែង​សំខាន់ៗ​នៃកងស្វ័យការពារជើងគោកជប៉ុន

WHO ព្រមាន​បណ្ដា​ប្រទេស​អឺរ៉ុប​ខាងកើត​លើ​ការ​បន្ធូរបន្ថយ​វិធានការ​វីរុស COVID-19

អង្គការសហប្រជាជាតិ​ប្រាប់​រុស្ស៊ី និង​អ៊ុយ​ក្រែ​ន​ថា ដល់ពេល​ដើម្បី​បន្ថយ​ភាព​តានតឹង

ទីក្រុង​ក្នុង​ប្រទេស​ចិន​អនុវត្ត​ការ​ធ្វើ​តេស្ដ​ទ្រង់ទ្រាយ​ធំ​ជុំវិញ​ការ​ផ្ទុះ​ឡើង​វីរុស​

លោក Biden ប្រាប់​លោក Putin​ ថា ការឈ្លានពាន​អ៊ុយ​ក្រែ​ន​នឹង​នាំ​ឲ្យ​មានការ​ឆ្លើយតប​វិញ​ភ្លាមៗ​

ប្រតិភូអមដំណើរ ច្រៀងចំរៀងជូនសម្តេចតេជោ ក្នុងឱកាសសម្ដេចទទួលពានរង្វាន់សន្តិភាពស៊ុនហាក់ ឆ្នាំ២០២២

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ដែលរៀបចំឡើងដោយប្រធានរដ្ឋសភាជាតិកូរ៉េ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឧត្តមសេនីយ៍ឯក ហ៊ុន ម៉ាណែត ស្វែងយល់បទពិសោធន៍នៅកន្លែងសំខាន់ៗនៃកងស្វ័យការពារជើងគោកជប៉ុន

WHO ព្រមានបណ្ដាប្រទេសអឺរ៉ុបខាងកើតលើការបន្ធូរបន្ថយវិធានការវីរុស COVID-19

អង្គការសហប្រជាជាតិប្រាប់រុស្ស៊ី និងអ៊ុយក្រែនថា ដល់ពេលដើម្បីបន្ថយភាពតានតឹង

ទីក្រុងក្នុងប្រទេសចិនអនុវត្តការធ្វើតេស្ដទ្រង់ទ្រាយធំជុំវិញការផ្ទុះឡើងវីរុស

លោក Biden ប្រាប់លោក Putin ថា ការឈ្លានពានអ៊ុយក្រែននឹងនាំឲ្យមានការឆ្លើយតបវិញភ្លាមៗ