BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

ករណីវីរុស COVID-19 ថ្មីនៅអាហ្វ្រិកខាងត្បូងបន្តកើនឡើង

អាហ្វ្រិកខាងត្បូង៖ ករណីឆ្លងវីរុស COVID-19 ថ្មីនៅប្រទេសអាហ្វ្រិកខាងត្បូងបន្តកើនឡើង ខណៈដែលប្រទេសនេះស្វែងរកការគ្រប់គ្រងការកើនឡើងករណីឆ្លងជំរុញដោយវីរុសបម្លែងខ្លួនថ្មី omicron។ អាជ្ញាធរនិយតកម្មរបស់អាហ្វ្រិកខាងត្បូងបានអនុម័តវ៉ាក់សាំង Pfizer-BioNTech ជាវ៉ាក់សាំងដូសជំរុញ ដោយបើកផ្លូវសម្រាប់ការចាក់វ៉ាក់សាំងលើកទីបី ដើម្បីទប់ស្កាត់ទៅនឹងការកើនឡើងករណីឆ្លងនាពេលបច្ចុប្បន្ន ដែលជំរុញដោយវីរុសបម្លែងខ្លួនថ្មី omicron។ការអនុម័តនេះបានធ្វើឡើងកាលពីថ្ងៃពុធ បន្ទាប់ពីក្រុមហ៊ុន Pfizer បានប្រកាសថា ការសិក្សានៅមន្ទីរពិសោធន៍បង្ហាញពីវ៉ាក់សាំងវីរុស COVID-19 ពីរកម្រិតចំនួន ២ដូសរបស់ខ្លួនបានថយចុះប្រសិទ្ធភាពក្នុងការទប់ស្កាត់វីរុសបម្លែងខ្លួនថ្មី omicron ប៉ុន្តែបាននិយាយថា ការចាក់វាក់សាំងដូសជំរុញនៅតែមានប្រសិទ្ធភាពទប់ស្កាត់វីរុសបម្លែងខ្លួនថ្មី omicron។ ប្រធានាធិបតីអាហ្វ្រិកខាងត្បូងលោក Cyril Ramaphosa បានជួបជាមួយគណៈកម្មការធិការប្រឹក្សាថ្នាក់រដ្ឋមន្ត្រីនៃវីរុស COVID-19 ដើម្បីពិភាក្សាអំពីការកើនឡើងនៃករណីឆ្លង និងផលប៉ះពាល់នៃការរាលដាលវីរុសបម្លែងខ្លួនថ្មី omicron។ លោក Ramaphosa និងទីប្រឹក្សាអ្នកជំនាញរបស់លោកត្រូវបានគេរំពឹងថា នឹងពិភាក្សាអំពីបញ្ហាថា តើរដ្ឋាភិបាលគួរតែបង្កើតវ៉ាក់សាំងកាតព្វកិច្ចដែរឬទេ។ ក្រុមហ៊ុនឯកជន និងសាកលវិទ្យាល័យមួយចំនួនបានប្រកាសរួចហើយថា ពួកគេនឹងអនុវត្តកាតព្វកិច្ចវ៉ាក់សាំង។ទោះបីជាមានការផ្គត់ផ្គង់គ្រប់គ្រាន់នៃវ៉ាក់សាំងជាង ១៩លានដូសក៏ដោយ យុទ្ធនាការចាក់វ៉ាក់សាំងនៅប្រទសអាហ្វ្រិកខាងត្បូងមានភាពយឺតយ៉ាវ។ ប្រជាជនអាហ្វ្រិកខាងត្បូងជាង ១៤លាននាក់បានចាក់វ៉ាក់សាំងពេញលេញដែលបានបង្ហាញថា មានត្រឹមតែ ៣៦% នៃចំនួនប្រជាជនពេញវ័យ និងប្រមាណ ២៤% នៃចំនួនប្រជាជនសរុបជាង ៦០លាននាក់បានចាក់វ៉ាក់សាំង។ អត្រានៃការចាក់វ៉ាក់សាំងយឺតធ្វើឱ្យគោលដៅរបស់រដ្ឋាភិបាលក្នុងការចាក់វ៉ាក់សាំង ៦៧% នៃចំនួនប្រជាជននៅខែកុម្ភៈទំនងជាមិនប្រាកដប្រជា។ រហូតមកដល់ពេលនេះ ប្រទេសអាហ្វ្រិកខាងត្បូងមានករណីឆ្លងវីរុសកូវីត-១៩ សរុប ៣.១១២.៤៦៩ករណី និងមានអ្នកស្លាប់ ៩០,080នាក់៕អត្ថបទ៖ ប៊ុនថន

ជនអន្តោប្រវេសន៍ ៥៣នាក់ស្លាប់ និង ៥៤នាក់រងរបួសក្នុងគ្រោះថ្នាក់ចរាចរណ៍នៅម៉ិកស៊ិក

ម៉ិកស៊ិក៖ ក្រុមអាជ្ញាធរបានរាយការណ៍ថា មនុស្សយ៉ាងហោចណាស់ ៥៣នាក់ភាគច្រើនជាជនអន្តោប្រវេសន៍អាមេរិកកណ្ដាលបានស្លាប់ និង ៥៤នាក់ទៀតរងរបួសនៅពេលរថយន្តដឹកទំនិញដែលកំពុងដឹកពួកគេបានក្រឡាប់ និងបុកស្ពានថ្មើរជើងនៅលើផ្លូវហាយវ៉េ ក្នុងប្រទេសម៉ិកស៊ិកភាគខាងត្បូងកាលពីថ្ងៃព្រហស្បតិ៍ ក្នុងឧបទ្ទវហេតុមួយក្នុងចំណោមឧបទ្ទវហេតុដ៏ធ្ងន់ធ្ងរបំផុតជាច្រើន ដែលកើតលើមនុស្សដែលប្រថុយជីវិតដ៏គ្រោះថ្នាក់ឆ្លងចូលទៅឲ្យដល់ព្រំដែនសហរដ្ឋអាមេរិក។ការិយាល័យរដ្ឋអាជ្ញាសហព័ន្ធបាននិយាយថា ការប៉ាន់ប្រមាណបឋមបានរាយបញ្ជីមនុស្សស្លាប់ចំនួន ៥៣នាក់ដោយក្នុងនោះ ៣នាក់បានរងរបួសស្ថិតក្នុងស្ថានភាពធ្ងន់ធ្ងរ។ ហេតុការណ៍នេះបានកើតឡើងនៅលើផ្លូវហាយវ៉េមួយ ឆ្ពោះទៅកាន់រដ្ឋធានីរដ្ឋ Chiapas។ ចំណែកប្រធានទីភ្នាក់ងារការពារជនស៊ីវិលក្រុង Chiapas លោក Luis Manuel Garcia បាននិយាយថា មនុស្សយ៉ាងហោចណាស់ ៥៨នាក់បានរងរបួសក្នុងនោះមានមនុស្សមួយចំនួនរងរបួសធ្ងន់។ លោកថា ជនរងគ្រោះរួមមានបុរស ស្ត្រី និងកុមារ។ ចំណែកសញ្ជាតិរបស់ពួកគេនៅមិនទាន់មានការបញ្ជាក់ទេ ប៉ុន្តែក្រុមមន្ត្រីក្នុងស្រុកបាននិយាយថា ភាគច្រើននៃពួកគេដែលនៅក្នុងរថយន្តនោះគឺជាជនអន្តោប្រវេសន៍មកពីប្រទេសហុងឌូរ៉ាស់ និងហ្គាតេម៉ាឡា។ រថយន្តនេះត្រូវគេរាយការណ៍ថា បានកំពុងបើកបរក្នុងល្បឿនលឿននៅពេលជួបឧបទ្ទវហេតុនោះ៕អត្ថបទ៖ សុខមាន

ប្រមុខយោធាមីយ៉ាន់ម៉ាលោក Min Aung Hlaing ត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ

មីយ៉ាន់ម៉ា៖ មេដឹកនាំយោធាមីយ៉ាន់ម៉ាលោក Min Aung Hlaing ត្រូវបានចោទប្រកាន់នៅចំពោះមុខតុលាការឧក្រិដ្ឋកម្មអន្តរជាតិ (ICC) ពីបទប្រព្រឹត្តឧក្រិដ្ឋកម្មប្រឆាំងមនុស្សជាតិ ក្នុងនាមជាមេទ័ពការបង្ក្រាបដ៏សាហាវទៅក្រុមលើបាតុករ និងសកម្មជនប្រឆាំងនឹងរដ្ឋប្រហារថ្ងៃទី១ ខែកុម្ភៈ។នៅក្នុងការដាក់សំណើនៅថ្ងៃសុក្រនេះ ផែនការទទួលខុសត្រូវរបស់សហភាពមីយ៉ាន់ម៉ា (MAP) បានជំរុញឲ្យតុលាការក្រុងឡាអេបើកការស៊ើបអង្កេតឧក្រិដ្ឋកម្ម “លើការប្រើប្រាស់ទារុណកម្មយ៉ាងធ្ងន់ធ្ងរ និងជាប្រព័ន្ធដែលជាផ្នែកមួយនៃការបង្ក្រាបដោយហិង្សា ប្រឆាំងនឹងចលនាតវ៉ានៅក្នុងប្រទេសអាស៊ីអាគ្នេយ៍មួយនេះ។ អ្នករាយការណ៍អង្គការសហប្រជាជាតិកាលពីខែកក្កដា បានកំណត់លក្ខណៈនៃយុទ្ធសាស្ត្ររបស់រដ្ឋាភិបាលយោធាប្រឆាំងនឹងអ្នកប្រឆាំងថា ជាយុទ្ធនាការភេរវកម្មដ៏ហិង្សា។លោក Chris Gunness នាយកផែនការទទួលខុសត្រូវរបស់សហភាពមីយ៉ាន់ម៉ា បាននិយាយនៅក្នុងសេចក្តីថ្លែងការណ៍មួយថា មេដឹកនាំនៃរដ្ឋប្រហារខុសច្បាប់ត្រូវទទួលខុសត្រូវទោសព្រហ្មទណ្ឌ ចំពោះការប្រើកងកម្លាំងសន្តិសុខក្រោមការបញ្ជារបស់លោក ដែលបានប្រព្រឹត្តបទឧក្រិដ្ឋកម្មដ៏ឃោរឃៅ។ នេះបើយោងតាមសមាគមជួយអ្នកទោសនយោបាយ (AAPP) ជាក្រុមសិទ្ធិមនុស្សដែលតាមដានការស្លាប់ និងការឃុំខ្លួន ចាប់តាំងពីការធ្វើរដ្ឋប្រហារមកមនុស្សយ៉ាងហោចណាស់ ១,៣០៥នាក់រួមទាំងកុមារ ៧៥នាក់ត្រូវបានសម្លាប់ ដោយសារតែការបង្ក្រាបដោយយោធាលើការតវ៉ាប្រឆាំងរដ្ឋប្រហារ គិតត្រឹមថ្ងៃពុធសប្ដាហ៍នេះ។ មនុស្សយ៉ាងហោចណាស់ ១០,៧៥៦នាក់ត្រូវបានចាប់ខ្លួន៕អត្ថបទ៖ សុខមាន

WHO ព្រមានទល់នឹងការស្តុកទុកវ៉ាក់សាំងបង្ការវីរុស Covid-19 ខណៈប្រទេសក្រីក្រកំពុងត្រូវការ

WHO៖ ខណៈការផ្គត់ផ្គង់វ៉ាក់សាំងដល់ប្រទេសមានប្រាក់ចំណូលទាប បានចាប់ផ្តើមកើនឡើងដោយសារតែការបរិច្ចាគពីប្រទេសអ្នកមាន អង្គការសុខភាពពិភពលោក (WHO) បានព្រមានថា ការផ្ទុះឡើងនៃវីរុសបម្លែងខ្លួនថ្មី Omicron អាចបណ្តាលឱ្យមានការស្តុកទុកវ៉ាក់សាំងបង្ការវីរុស COVID-19។អង្គការសុខភាពពិភពលោកបានដាក់សម្ពាធយ៉ាងធ្ងន់លើប្រទេសអ្នកមាន ក្នុងអំឡុងមានជំងឺរាតត្បាតសកលដើម្បីផ្តល់អាទិភាពក្នុងការទទួលដល់ប្រទេសក្រីក្រ។ កាលពីខែមុន ប្រមុខអង្គការសុខភាពពិភពលោកគឺលោក Tedros Adhanom Ghebreyesus បានហៅវិសមភាព ឬភាពមិនស្មើគ្នារវាងការចែកចាយជាសកល នៃកម្មវិធីផ្ដល់ដូសជំរុញបង្ការវីរុស COVID-19 និងការចាក់ដូសដំបូងទៅកាន់ប្រជាជនក្នុងប្រទេសកំពុងអភិវឌ្ឍន៍ថាជា “រឿងអាស្រូវ” ដោយកត់សម្គាល់ថា ដូសជំរុញមានល្បឿនលឿនដល់ទៅ ៦ដងត្រូវបានចាក់ទូទាំងពិភពលោក លឿនជាងដូសដំបូងនៅក្នុងប្រទេសដែលមានចំណូលទាប។ហើយឥឡូវនេះ ខណៈដែលពិភពលោកកំពុងរង់ចាំដើម្បីសិក្សាថា តើវ៉ាក់សាំងបច្ចុប្បន្ន និងការដូសជំរុញនឹងផ្តល់ការការពារគ្រប់គ្រាន់ប្រឆាំងនឹងវ៉ាវីរុសបម្លែងខ្លួនថ្មី Omicron ឬយ៉ាងណានោះ ក្រុមមន្ត្រីអង្គការសុខភាពពិភពលោកមានការព្រួយបារម្ភថា ប្រទេសអ្នកមាននឹងចាប់ផ្តើមស្តុកទុកវ៉ាក់សាំងដើម្បីប្រយុទ្ធប្រឆាំងនឹងវីរុសនេះ ដែលគំរាមកំហែងការផ្គត់ផ្គង់ដល់ប្រទេសដែលមានអត្រាចាក់វ៉ាក់សាំងទាប។ កាលពីថ្ងៃព្រហស្បតិ៍ ក្រុមប្រឹក្សាវ៉ាក់សាំងរបស់អង្គការពិភពលោកមួយនេះ បានណែនាំអ្នកដែលមានភាពស៊ាំនឹងវីរុស ឬបានទទួលវ៉ាក់សាំងអសកម្ម គួរតែទទួលបានដូសជំរុញ៕អត្ថបទ៖ សុខមាន

អង្គការសុខភាពពិភពលោកនិយាយថា វីរុស Omicron ត្រូវបានរាយការណ៍ក្នុង ៥៧ប្រទេស

WHO៖ អគ្គនាយកអង្គការសុខភាពពិភពលោក (WHO) លោកវេជ្ជបណ្ឌិត Tedros Adhanom Ghebreyesus បាននិយាយថា វីរុសបម្លែងខ្លួនថ្មី Omicron បច្ចុប្បន្ននេះត្រូវបានរាយការណ៍នៅក្នុង ៥៧ប្រទេស ហើយយើងរំពឹងថាចំនួននេះនឹងបន្តកើនឡើង។ លក្ខណៈពិសេសមួយចំនួនរបស់វីរុសថ្មី Omicron រួមទាំងការរាលដាលជាសកលរបស់វា និងចំនួននៃការប្រែប្រួលបង្ហាញថា វីរុសនេះអាចមានឥទ្ធិពលទៅលើដំណើរនៃការឆ្លងរាតត្បាត។ថ្លែងនៅក្នុងទីក្រុងហ្សឺណែវ លោក Tedros បាននិយាយថា ប្រទេសអាហ្វ្រិកខាងត្បូងចំនួនករណីឆ្លងវីរុសបម្លែងខ្លួនថ្មី Omicron កំពុងកើនឡើងយ៉ាងឆាប់រហ័ស។ ទោះយ៉ាងណាវីរុសថ្មី Omicron ត្រូវបានគេរកឃើញនៅពេលដែលការចម្លងវីរុសបម្លែងខ្លួន Delta ធ្លាក់ចុះ។ ដូច្នេះវាមានសារៈសំខាន់ក្នុងការពិនិត្យដោយប្រុងប្រយ័ត្ន នូវអ្វីដែលកើតឡើងនៅជុំវិញពិភពលោកដើម្បីស្វែងយល់ថា តើវីរុសបម្លែងខ្លួនថ្មី Omicron អាចមានការប្រឈមលើសពីវីរុសបម្លែងខ្លួន Delta ឬយ៉ាងណា។ សម្រាប់ហេតុផលនេះប្រធានអង្គការសុខភាពពិភពលោកបាននិយាយថា យើងសូមអំពាវនាវឱ្យប្រទេសទាំងអស់បង្កើនការតាមដាន ការធ្វើតេស្ត និងវិធានការតាមលំដាប់លំដោយ។ លោកបាននិយាយថា ទិន្នន័យដែលកំពុងលេចចេញមកពីប្រទេសអាហ្វ្រិកខាងត្បូង បង្ហាញពីការកើនឡើងហានិភ័យនៃការឆ្លងម្តងទៀត ជាមួយវីរុសបម្លែងខ្លួនថ្មី Omicron ប៉ុន្តែទិន្នន័យបន្ថែមទៀតគឺត្រូវការជាចាំបាច់ ដើម្បីធ្វើការសន្និដ្ឋានឱ្យកាន់តែប្រាកដ។វាមានភស្តុតាងមួយចំនួនដែលថា វីរុស Omicron បង្កឱ្យមានជំងឺស្រាលជាងវីរុសបម្លែងខ្លួន Delta ប៉ុន្តែវាឆ្លងលឿនជាងការកំណត់ច្បាស់លាស់។ លោក Tedros បាននិយាយថា ជំហានដែលប្រទេសនានាត្រូវធ្វើនៅថ្ងៃនេះ និងពេលខាងមុខនឹងត្រូវកំណត់ពីរបៀបដែលវីរុសបម្លែងខ្លួន Omicron បង្ហាញ។ យើងកំពុងអស់វិធីដើម្បីនិយាយពីរឿងនេះ ប៉ុន្តែយើងនឹងបន្តនិយាយវា យើងទាំងអស់គ្នា គ្រប់រដ្ឋាភិបាល និងបុគ្គលគ្រប់រូបត្រូវតែប្រើឧបករណ៍ទាំងអស់ដែលយើងមាននាពេលនេះ។ ដូច្នេះវាពិតជាមានសារៈសំខាន់សម្រាប់មនុស្សគ្រប់គ្នាក្នុងការយល់ ដូចដែលយើងកំពុងនិយាយអំពីវីរុសបម្លែងខ្លួនថ្មី Omicron និងវ៉ាក់សាំង៕អត្ថបទ៖ ប៊ុនថន

អាហ្វ្រិកខាងត្បូងរាយការណ៍ករណីឆ្លងថ្មីនៃវីរុស COVID-19 ជិត ២០.០០០នាក់

អាហ្វ្រិកខាងត្បូង៖ ប្រទេសអាហ្វ្រិកខាងត្បូងរាយការណ៍ករណីឆ្លងថ្មីនៃវីរុស COVID-19 ជិត ២០.០០០នាក់កាលពីថ្ងៃពុធ ជាចំនួនខ្ពស់បំផុតចាប់តាំងពីវីរុសបម្លែងខ្លួនថ្មី Omicron ត្រូវបានរកឃើញ និងមនុស្សស្លាប់ថ្មីទាក់ទងនឹងវីរុស COVID-19 ចំនួន ៣៦នាក់។ គេមិនច្បាស់ភ្លាមៗទេថា តើមានការឆ្លងប៉ុន្មាននាក់បណ្ដាលមកពីវីរុសបម្លែងខ្លួនថ្មី Omicron ដោយផ្ដល់ត្រឹមសំណាកប៉ុណ្ណោះ ប៉ុន្តែក្រុមអ្នកជំនាញជឿថា វីរុសនេះកំពុងបង្កឲ្យមានការឆ្លងរលកទី៤ នៅក្នុងប្រទេសអាហ្វ្រិកខាងត្បូង។ស្ថិតិបានមកពីវិទ្យាស្ថានជាតិសម្រាប់ជំងឺឆ្លងដែលអាចតាមដានបានបញ្ជាក់ថា មានការណីឆ្លងសរុបចំនួន ៣,០៧១,០៦៤នាក់ និងស្លាប់សរុបទាក់ទងនឹងវីរុស COVID-19 ចំនួន ៩០,០៣៨នាក់ចាប់តាំងពីជំងឺរាតត្បាតសកលចាប់ផ្ដើមផ្ទុះឡើង។ អង្គការសុខភាពពិភពលោកបាននិយាយថា ករណីឆ្លងថ្មីនៃវីរុស Covid-19 នៅអាហ្វ្រិកខាងត្បូងមានចំនួនកើនឡើងទ្វេដងកាលសប្ដាហ៍កន្លងទៅ ខណៈវីរុសបម្លែងខ្លួនថ្មី Omicron កំពុងរាតត្បាត។ កាលពីថ្ងៃពុធ ប្រធានក្រុមបច្ចេកទេសជាន់ខ្ពស់ របស់អង្គការសុខភាពពិភពលោកគឺលោកស្រី Maria Van Kerkhove បាននិយាយថា ភស្តុតាំងបឋមពីអាហ្វ្រិកខាងត្បូងបង្ហាញថា វីរុសបម្លែងខ្លួនថ្មីនេះមានរោគសញ្ញាស្រាលជាងវីរុសបម្លែងខ្លួនថ្មីប្រភេទ Delta ប៉ុន្តែលោកស្រីនិយាយថា វាដូចជាឆាប់ពេកក្នុងការសន្និដ្ឋានបែបនេះ៕អត្ថបទ៖ សុខមាន

WHO ប្រាប់ពិភពលោកឲ្យចាត់វិធានការពីពេលនេះ ដើម្បីទប់ស្កាត់ការឆ្លងរាលដាលវីរុសបម្លែងថ្មី Omicron

WHO៖ អង្គការសុខភាពពិភពលោកបាននិយាយកាលពីថ្ងៃពុធថា រដ្ឋាភិបាលនានាត្រូវវាយតម្លៃឡើងវិញរាល់ការឆ្លើយតបថ្នាក់ជាតិចំពោះវីរុស COVID-19 និងបង្កើនល្បឿនកម្មវិធីចាក់វ៉ាក់សាំង ដើម្បីទប់ទល់ការឆ្លងរាលដាលវីរុសបម្លែងខ្លួនថ្មី Omicron ទោះបីជាវាលឿនពេកក្នុងការនិយាយថា តើវ៉ាក់សាំងដែលមានស្រាប់នឹងការពារបានល្អយ៉ាងណា ប្រឆាំងនឹងវីរុសបម្លែងថ្មី Omicron នេះ។ប្រមុខអង្គការសុខភាពពិភពលោកគឺលោក Tedros Adhanom Ghebreyesus បាននិយាយថា ការឆ្លងរាលដាលជាសកលនៃវីរុសបម្លែងថ្មី Omicron នេះបង្ហាញថា វាអាចមានផលប៉ះពាល់ធ្ងន់ធ្ងរលើជំងឺរាតត្បាតសកល COVID-19 ឥឡូវនេះវាដល់ពេលវេលាត្រូវចាត់វិធានការទប់ស្កាត់វីរុសនេះហើយ មុនពេលមានអ្នកជំងឺឆ្លងវីរុសបម្លែងថ្មី Omicron កាន់តែច្រើនបន្ថែមទៀតត្រូវចូលសម្រាកព្យាបាលនៅមន្ទីរពេទ្យ។ លោកបានប្រាប់សន្និសីទសារព័ត៌មានថា យើងអំពាវនាវឲ្យប្រទេសទាំងអស់បង្កើនការឃ្លាំមើល ការធ្វើតេស្ត និងលំដាប់លំ ដោយ។ ការសប្បាយភ្លេចខ្លួនណាមួយឥឡូវនេះនឹងធ្វើឱ្យបាត់បង់ជីវិត។ប្រធានគ្រាអាសន្នសុខភាពសាធារណៈ របស់អង្គការសុខភាពពិភពលោកគឺលោក Mike Ryan បាននិយាយថា ខណៈវីរុសបម្លែងខ្លួនថ្មីទំនងជាឆ្លងរាលដាលកាន់តែងាយស្រួល កិច្ចខិតខំប្រឹងប្រែងទាំងឡាយត្រូវតែបង្កើនកម្រិតទ្វេដងដើម្បីកាត់ផ្ដាច់ខ្សែឆ្លង។ ដោយព្រមានទល់នឹងការឆាប់សន្និដ្ឋានពីការធ្វើតេស្តនេះ អ្នកវិទ្យាសាស្ត្រជាន់ខ្ពស់របស់អង្គការសុខភាពពិភពលោកបាននិយាយថា វាឆាប់ពេកក្នុងការនិយាយថា វ៉ាក់សាំងមានប្រសិទ្ធភាពតិចតួចក្នុងការទប់ស្កាត់ការឆ្លងវីរុសនេះ៕ អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងឱកាសអញ្ជើញចុះត្រួតពិនិត្យការដ្ឋានសាងសង់ព្រលានយន្តហោះអន្តរជាតិភ្នំពេញថ្មី

កណ្ដាល៖ នៅព្រឹកថ្ងៃទី៩ ខែធ្នូ ឆ្នាំ២០២១ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចុះត្រួតពិនិត្យការដ្ឋានសាងសង់ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ដើម្បីបានទទួលព័ត៌មានថ្មីៗ លឿន សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- អាកាសយានដ្ឋានអន្តរជាតិភ្នំពេញថ្មី ស្ថិតនៅក្នុងខេត្តកណ្ដាល ត្រូវបានប្រសិទ្ធនាមថា «អាកាសយានដ្ឋានអន្តរជាតិតេជោក្រុងតាខ្មៅ» ។- សម្ដេចតេជោថ្លែងការកោតសរសើរចំពោះក្រុមការងារជំនាញ ក្រុមហ៊ុន កម្មករកម្មការិនី បានប្រឹងប្រែងលើកិច្ចការងារសាងសង់អាកាសយានដ្ឋានអន្តរជាតិភ្នំពេញថ្មី ដែលសម្ដេចបានបញ្ជាក់ថានេះគឺ «ខ្មែរធ្វើបាន» ហើយបន្តធ្វើបន្តទៀតអោយកូនចៅជំនាន់ក្រោយ។- សម្តេចតេជោ ប្រកាសថា ខ្មែរធ្វើបាន គឺធ្វើពេលនេះ សម្រាប់បច្ចុប្បន្នភាព និងមនុស្សជំនាន់ក្រោយ ដែលមិនមែនជាពាក្យលេងសើចនោះទេ។ «ខ្មែរធ្វើបាន» គឺធ្វើដើម្បីវឌ្ឍនភាពសង្គម និងប្រជាជាតិកម្ពុជា។- សម្តេចតេជោ ប្រកាសថា អាកាសយានដ្ឋានអន្តរជាតិតេជោក្រុងតាខ្មៅ គឺជាសមិទ្ធផលថ្មី ដែលបូករួមនិងអាកាសយានដ្ឋានអន្តរជាតិថ្មីនៅខេត្តសៀមរាប ដែលជាកិច្ចខិតខំប្រឹងប្រែងដើម្បីធានាការចុះចតយន្តហោះគ្រប់ប្រភេទនៅកម្ពុជាបាន។- សម្តេចតេជោ ប្រកាសថា កម្ពុជាមិនត្រឹមតែចង់បានភ្ញៀវទេសចរក្នុងរង្វង់ជាង៦លាននាក់នោះទេ កម្ពុជាត្រូវការភ្ញៀវទេសចរពី ១៥-២០លាននាក់ ដែលជាផ្នែកមួយដ៏ចម្បងជំរុញឲ្យយើងត្រូវតែសាងសង់ព្រលានយន្តហោះថ្មីៗ និងជាច្រើនបន្ថែមទៀត។- សម្តេចតេជោ ប្រកាសថា អ្វីដែលយើងចង់បានបំផុតនោះ គឺជាសមិទ្ធផលជាតិ ដែលកើតចេញពីស្នាដៃកូនខ្មែរយើងពិតៗ។ យើងក៏ចង់ពង្រឹងសមត្ថភាពអ្នកមានស្រុកខ្មែរ ព្រោះវិនិយោគិនអន្តរជាតិ ទឹកចិត្តរបស់គេមិននៅជាមួយយើងនោះទេ មានការអ្វីគេចាកចេញចោលយើងហើយ។ - សម្តេចតេជោ ប្រកាសអំពាវនាវ និងលើកទឹកចិត្តឲ្យរឹបអូសទ្រព្យសម្បត្តិមន្ត្រីខ្មែរណា ដែលមានផ្ទះ ទ្រព្យសម្បត្តិ និងផ្ញើលុយខុសច្បាប់នៅក្រៅប្រទេស។ សម្តេចតេជោបញ្ជាក់ថា« …បើភ្លើណាស់ ឲ្យគេយកឲ្យអស់ទៅ…»- សម្តេចតេជោ ប្រកាសផ្តាំទៅប្រទេសណាក៏ដោយ ជាពិសេសអាមេរិក បើឃើញទ្រព្យសម្បត្តិ ហ៊ុន សែន នៅទីនោះ សូមដកយកចុះ ដកយកឲ្យឆាប់ តែប្រយ័ត្នដកហូតត្រូវប្រជាពលរដ្ឋខ្លួនឯង ព្រោះមន្ត្រីខ្មែរខ្លះក៏មានសញ្ជាតិអាមេរិកដែរ។- សម្តេចតេជោ ប្រកាសថា ជារឿងឆោតល្ងង់ណាស់ ដែលចោទសម្តេចមានសញ្ជាតិបរទេស(សាយប្រឺស) ។ សម្តេចបានរុញទូកបណ្តោយទឹក ដោយដាក់បញ្ហានេះក្នុងរដ្ឋធម្មនុញ្ញតែម្តង ដោយតម្រូវមានសញ្ជាតិតែមួយសម្រាប់ស្ថាប័នជាតិកំពូលចំនួន៤។- សម្តេចតេជោ ប្រកាសអំពាវនាវកុំឲ្យប្រជាពលរដ្ឋយល់ច្រលំថា ក្រុមហ៊ុនព្រីន( Prince)ជាក្រុមហ៊ុនចិន ។ អគ្គនាយកក្រុមហ៊ុនព្រីន ជាសញ្ជាតិកម្ពុជា មករស់នៅកម្ពុជាតាំងពីអាយុ២២ឆ្នាំមកម្ល៉េះ។- សម្តេចតេជោ ប្រកាសថា សម្តេច និងលោក ចូ បៃដិន ប្រធានាធិបតីអាមេរិក នឹងធ្វើជាសហប្រធាន បើកកិច្ចប្រជុំកំពូលអាស៊ាន-អាមេរិក នៅពេលខាងមុខឆាប់ៗនេះ នៅលើទឹកដីអាមេរិកតែម្តង។- សម្តេចតេជោ បានផ្ញើសារនយោបាយទៅអ្នកវិភាគទាំងឡាយដែលចោទថា «….កម្ពុជាដើរខុសរឿងជួបរដ្ឋមន្ត្រីការបរទេសមីយ៉ាន់ម៉ា។ សម្តេចបញ្ជាក់ដោយចោទជាសំនួរថា យើងប្រឹងប្រែងសម្របសម្រួលពីអាស៊ាន ដែលមកនៅ៩ ឲ្យទៅជា១០វិញ តើខុសត្រង់ណា? កម្ពុជាធ្វើដើម្បីសុខុដុមនីយកម្មអាស៊ាន ស្របនឹងធម្មនុញ្ញអាស៊ាន តើខុសត្រង់ណា?….»- សម្តេចតេជោ ប្រកាសអំពាវនាវដល់គ្រឹះស្ថានហិរញ្ញវត្ថុ ធនាគារក្នុងស្រុក ទិញសញ្ញាបណ្ណភាគហ៊ុន ក្រុមហ៊ុនសាងសង់ព្រលានយន្តហោះអន្តរជាតិតេជោក្រុងតាខ្មៅ ដើម្បីពង្រីកវិសាលភាពទុន ឲ្យកើតចេញពីកញ្ចប់ថវិកាខ្មែរ ដើម្បីស្នាដៃកូនខ្មែរ។- សម្តេចតេជោ ពន្យល់ថា ការដាក់ឈ្មោះ «អាកាសយានដ្ឋានអន្តរជាតិតេជោក្រុងតាខ្មៅ» គឺ មិនសំដៅលើឈ្មោះសម្តេចទេ នៅមិនឆ្ងាយពីអាកាសយានដ្ឋានអន្តរជាតិនេះទេ គឺជាតំបន់ប្រវត្តិសាស្ត្រ ដែលពាក់ព័ន្ធនឹងពាក្យតេជោ(ស្អាង)។- សម្តេចតេជោ បញ្ជាក់ថា ពាក្យតេជោ គឺជាគោរមងារ ដែលព្រះករុណា ព្រះមហាក្សត្រ ប្រោសព្រះរាជទាន មិនត្រឹមតែសម្តេចនោះទេ។ ពាក្យ«តេជោ» គឺជាសក្ខីភាពបញ្ជាក់ថា កម្ពុជាជាប្រទេសរាជានិយម។ - សម្តេចតេជោ ប្រកាសថា គណបក្សប្រជាជនកម្ពុជានឹងរៀបចំមហាសន្និបាតនៅថ្ងៃទី២៤ ខែធ្នូ ខាងមុខនេះ ហើយបញ្ជីគណៈរដ្ឋមន្ត្រីថ្មី(បម្រុង) ក៏បានកើតឡើងផងដែរ។- សម្តេចតេជោ បញ្ជាឲ្យអភិបាលរាជធានីភ្នំពេញ បន្តការខិតខំពិនិត្យលើការរៀបចំមណ្ឌលព្យាបាលកូវីដ១៩ថ្មី ដើម្បីដាក់អ្នកជំងឺកូវីដ១៩ ពង្រឹងសមត្ថភាពព្យាបាល បើទោះបីស្ថានភាពឆ្លងថ្មី មានការធ្លាក់ចុះក៏ដោយ។- សម្តេចតេជោ អំពាវនាវសូមកុំមានការជ្រួលច្របល់ពីបញ្ហាមេរោគកូវីដ-១៩បំប្លែងថ្មី «អូមីក្រុង» ព្រោះមេរោគប្រភេទថ្មីនេះ មិនទាន់មានករណីឆ្លងចូលកម្ពុជា និងបានសម្លាប់នរណាម្នាក់នៅឡើយទេ។ សូមបន្តប្រកាប់ខ្ជាប់វិធានការ ៣ការពារ និង៣កុំ ព្រមទាំងវិធានការនានារបស់ក្រសួងសុខាភិបាល។- សម្ដេចតេជោ បានប្ដេជ្ញារក្សាកំណើនម៉ាក្រូសេដ្ឋកិច្ចរបស់កម្ពុជា ដោយថា ដើម្បីទប់ស្កាត់ការផ្ទុះនៃ«គ្រាប់បែកសេដ្ឋកិច្ច» ដែលអាចប៉ះពាល់ទៅដល់សូម្បីតែទារកនៅក្នុងផ្ទៃម្ដាយ។- សម្តេចតេជោ បញ្ជាក់ថា កូវីដអាចសម្លាប់មនុស្ស ប៉ុន្តែមិនអាចសម្លាប់មនុស្សទាំងអស់លើពិភពលោកទេ ខណៈកម្ពុជាកូវីដបានសម្លាប់អស់ជាង ២០០០នាក់ដែរ , វាជារឿងគួរអោយសោកស្តាយ ប៉ុន្តែវានឹងគ្រោះថ្នាក់ បើសេដ្ឋកិច្ចយើងផ្ទុះឡើង ដែលនេះទាមទារអោយរក្សាអោយបាននូវតុល្យភាពរវាងសុខភាពសាធារណៈ និងការអភិវឌ្ឍវិស័យសេដ្ឋកិច្ចសង្គម។ **ប្រសាសន៍សម្ដេចតេជោ ចប់នៅម៉ោង ១០ និង០០នាទី

សម្តេចតេជោ៖ អាកាសយានដ្ឋានអន្តរជាតិថ្មីមានឈ្មោះថា «អាកាសយានដ្ឋានអន្តរជាតិតេជោក្រុងតាខ្មៅ»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសដាក់ឈ្មោះ ឱ្យអាកាសយានដ្ឋានអន្តរជាតិដែលទើបសាងសង់ថ្មី នៅទឹកដីខេត្តកណ្តាល ដែលសាងសង់បានជាង២០%ហើយនោះ ជាអាកាសយានដ្ឋានអន្តរជាតិតេជោក្រុងតាខ្មៅ។ថ្លែងក្នុងឱកាសអញ្ជើញទៅពិនិត្យការដ្ឋានសាងសង់អាកាសយានដ្ឋានអន្តរជាតិថ្មីជាលើកទី២ គឺអាកាសយានដ្ឋានអន្តរជាតិតេជោក្រុងតាខ្មៅ នាព្រឹកថ្ងៃទី៩ ខែធ្នូនេះ ជាមួយនឹងការថ្លែងសរសើរដល់ការខិតខំទាំងអស់របស់មន្ត្រី អាជ្ញាធរពាក់ព័ន្ធ ជាពិសេសបានសរសើរចំពោះក្រុមហ៊ុនផ្ទាល់តែម្តង សម្តេចបានមានប្រសាសន៍ថា «ខ្មែរធ្វើបាន» ដែលភាសានេះជាភាសាមួយបានគ្របដណ្តប់ សម្រាប់ការអភិវឌ្ឍជាតិយើងទាំងមូល តតាំងពីរបុព្វបុរសយើងពីដើមរៀងមក ហើយបានបន្សល់ទុកនូវមរតកសមិទ្ធផលជាច្រើនមកដល់ពេលនេះ បើទោះបីជាមួយចំនួនត្រូវបានបំផ្លិចបំផ្លាញដោយសារសង្គ្រាម និងរបបប្រល័យពូជសាសន៍ ប៉ុន្តែយើងបានធ្វើការស្តារ និង កសាងឡើងវិញ ដែលមានការចូលរួមទាំងពីវិស័យរដ្ឋ និងឯកជន ដូចជាផ្នែកហេដ្ឋារចនាសម្ព័ន្ធ ផ្លូវ ស្ពាន និងអាកាសយានដ្ឋានអន្តរជាតិធំៗ នៅខេត្តសៀបរាប និងនៅភ្នំពេញ ហើយសម្តេចក៏បានចោទជាសំណួរថា តើមូលហេតុអ្វីបានជានៅខេត្តសៀបរាប និងនៅទីក្រុងភ្នំពេញមានអាកាសយានដ្ឋានអន្តរជាតិហើយ ចាំបាច់ត្រូវធ្វើការសាងសង់ថ្មីធ្វើអ្វីទៀត? សម្តេចបានឆ្លើយថា មូលហេតុងាយយល់បំផុត គឺដោយសារមានតម្រូវការនៃការទទួលសេវាភ្លៀងទេសចរណ៍បរទេសដែលកាន់តែមានកំណើនឡើងជាលំដាប់តាមគោលនយោបាយបើកចំហជើងមេឃ។សូមបញ្ជាក់ថា ព្រលានយន្តហោះភ្នំពេញថ្មីនេះ សម្រេចការសាងសង់បាន២៧ភាគរយ នៃគម្រោងទាំងមូល ហើយដោយមកដល់បច្ចុប្បន្នបាន ចំណាយអស់ទឹកប្រាក់ជិត ៤០០លានដុល្លារអាមេរិក បើទោះបីជាមានការរាំងស្ទះ ដោយសារការរីករាលដាល នៃជំងឺកូវីដ-១៩ ក៏ដោយ។ គម្រោងដែលប្រើទុនវិនិយោគទាំងស្រុង ដោយក្រុមហ៊ុន CAIC នេះ មកដល់ពេលនេះ បានចំណាយទឹកប្រាក់សរុបចំនួន ៣៧៥លានដុល្លារអាមេរិក ហើយក្នុងឆ្នាំ២០២២ ខាងមុខ គ្រោងនឹងចំណាយថវិកា ៤៦៧លានដុល្លារអាមេរិក។បើតាមអ្នកឧកញ៉ា ពុង ឃាវសែ គម្រោងទាំងមូលនឹងចំណាយទឹកប្រាក់សរុប ១ពាន់៥០០លានដុល្លារអាមេរិក។ ការដ្ឋានសាងសង់ព្រលានយន្តហោះថ្មីនេះ ប្រើប្រាស់កម្លាំងបុគ្គលិក កម្មករចំនួនសរុប ៣៧៤០នាក់។ ទោះបីជាវិបត្តិកូវីដ-១៩ បានធ្វើឲ្យរាំងស្ទះដល់ដំណើរការបុគ្គលិក កម្មករជំនាញបរទេសដែលត្រូវមកពីក្រៅប្រទេស និងចរាចរទំនិញមកពីប្រទេសចិន គួបផ្សំនឹងការអូសបន្លាយរដូវវស្សា និងជំនន់ទឹកភ្លៀង រួមទាំងការលំបាកផ្នែកបច្ចេកទេស នៃសណ្ឋានដីក្នុងតំបន់សាងសង់យ៉ាងណាក្តី ក៏ក្រុមហ៊ុនព្យាយាមក្នុងការសាងសង់ឲ្យសម្រេចបានតាមផែនការ និងដាក់ឲ្យដំណើរការឲ្យបានឆាប់តាមផែនការគ្រោងទុក៕ អត្ថបទ៖ មុត សុទ្ធ

ព្រះមហាក្សត្រ យាងព្រះរាជាធិបតីថ្វាយព្រះភ្លើងបូជាព្រះសពសម្តេចក្រុមព្រះ ដែលជាព្រះរាមរបស់ព្រះអង្គ

ភ្នំពេញ៖ ព្រះករុណាជាអង្គម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ នៅព្រឹកថ្ងៃទី០៨ ខែធ្នូ ឆ្នាំ២០២១នេះ ព្រះអង្គបានយាងជាព្រះរាជាធិបតីថ្វាយព្រះភ្លើងបូជាព្រះសព សម្តេចក្រុមព្រះនរោត្តម រណឫទ្ធិ ដែលជាព្រះរាម និងបុត្រារបស់ព្រះអង្គទាំងទ្វេ នៅមេរុ ស្ថិតនៅមុខវត្តបទុមវតី។នៅក្នុងពិធីបូជាព្រះសពរបស់សម្តេចក្រុមព្រះរោត្តម រណឫទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ និងជាអតីតព្រះប្រធានគណបក្សហ៊្វុនស៊ិនប៉ិច អតីតនាយករដ្ឋមន្រ្តីទី១ និងជាអតីតប្រធានរដ្ឋសភានៃព្រះរាជាណាចក្រកម្ពុជានេះ ក៏មានការយាង និងអញ្ជើញចូលរួម ពីខ្សែរាជវង្សានុវង្ស, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចពញាចក្រី ហេង សំរិន ប្រធានរដ្ឋសភា, សម្តេចតេជោ ហ៊ុន សែន នាយករដ្ឋមន្រ្តី, ថ្នាក់ដឹកនាំ តំណាងក្រសួង ស្ថាប័ននានា ឯកឧត្តម លោកជំទាវ អស់លោក លោកស្រី មន្រ្តីរាជការ កងកម្លាំងប្រដាប់អាវុធគ្រប់ប្រភេទផងដែរ។ព្រះសពរបស់សម្តេចក្រុមព្រះ នរោត្តម រណឫទ្ធិ បានធ្វើការរំកិលចាកចេញពីអតីតព្រះដំណាក់ព្រះអង្គនៅផ្លូវសម្តេចប៉ាន តាមរយៈទីនាំងរថយន្តបុស្បុក ហើយដង្ហែរតាមមហាវិថីព្រះនរោត្តម ឆ្ពោះមកកាន់មេរុ នៅមុខវត្តបទុមវតី ដើម្បីធ្វើការបូជាព្រះសព តាមបែបសាសនា និងប្រពៃណីរាជវង្សានុវង្ស នៅព្រឹកថ្ងៃទី៨ ខែធ្នូ ឆ្នាំ២០២១នេះ ក្រោយពីតម្កល់ក្នុងមជ្ជូសា ធ្វើបុណ្យតាមបែបព្រះពុទ្ធសាសនាអស់រយៈពេលបួនថ្ងៃមកនេះ។សម្តេចក្រុមព្រះ នរោត្តម រណឫទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ និងជាអតីតព្រះប្រធានគណបក្សហ៊្វុនស៊ិនប៉ិច អតីតនាយករដ្ឋមន្រ្តីទី១ និងជាអតីតប្រធានរដ្ឋសភានៃព្រះរាជាណាចក្រកម្ពុជា ព្រះអង្គបានយាងសោយព្រះទិវង្គត នៅថ្ងៃទី២៨ ខែវិច្ឆិកា ឆ្នាំ២០២១កន្លងទៅនេះ នៅប្រទេសបារាំង ក្នុងព្រះជន្មាយុ ៧៧ព្រះវស្សា ដោយព្រះរោគាពាធ។ក្រោយពីព្រះអង្គបានទ្រង់សោយទិវង្គតអស់រយៈពេលមួយសប្តាហ៍នៅប្រទេសបារាំង ព្រះសពរបស់ព្រះអង្គ បានយាងដង្ហែតាមរយៈយន្តហោះពិសេសពីប្រទេសបារាំង មកដល់ព្រះរាជាណាចក្រកម្ពុជា នាថ្ងៃអាទិត្យ ទី៥ ខែធ្នូ ឆ្នាំ២០២១កន្លងទៅនេះ។សូមបញ្ជាក់ថា ការសោយទិវង្គតរបស់សម្តេចក្រុមព្រះនរោត្តម រណឫទ្ធិនេះដែរ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសារាចរណែនាំ ប្រកាសកាន់ទុក្ខចំពោះព្រះសពរបស់ព្រះអង្គ ដោយកំណត់យកថ្ងៃទី៨ ខែធ្នូ ឆ្នាំ២០២១ដដែលនេះ ជាថ្ងៃកាន់ទុក្ខផ្លូវការ ព្រមទាំងណែនាំឲ្យគ្រប់ក្រសួង ស្ថាប័ន សាលារៀន មន្ទីរពេទ្យរបស់រដ្ឋ ឯកជនទាំងអស់ និងមន្រ្តីរាជការ កងកម្លាំងប្រដាប់អាវុធគ្រប់ប្រភេទ គ្រប់ទីវត្តអារាម ព្រមទាំងប្រជាជននៅទូទាំងប្រទេស ត្រូវមានការបង្ហូតទង់ជាតិត្រឹមពាក់កណ្តាល នៃដងទង់ជាតិ និងផ្អាកការសម្តែង និងចាក់ផ្សាយទស្សនីយភាពផ្សេងៗ ដែលមានលក្ខណៈសប្បាយគគ្រឹកគគ្រេងផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

អនុប្រធានទី១អាជ្ញាធរមីន៖ ការគាំទ្រ និងបទពិសោធន៍របស់កម្ពុជា និងតួកគីយ៉េក្នុងសកម្មភាពមីនសកល នឹងបន្តជំរុញឆ្ពោះទៅរកពិភពលោកមួយដែលគ្មានមីន

CNN៖ ទីក្រុងវ៉ាស៊ីនតោនកំពុងពិចារណាកាត់បន្ថយបុគ្គលិកស្ថានទូតអាមេរិកនៅមជ្ឈិមបូព៌ា

PSG ឈ្នះ UEFA Super Cup ជាថ្មី ក្រោយយកឈ្នះ Aston Villa ២-១

មូស្គូ៖ តម្លៃស្បៀងអាហារពិភពលោកកើនឡើងខ្លាំង ខណៈរុស្ស៊ី-អ៊ុយក្រែនបន្តវាយប្រហារកំពង់ផែគ្រាប់ធញ្ញជាតិ

នាយករដ្ឋមន្ត្រីអ៊ីរ៉ាក់៖ កងកម្លាំងចម្រុះដឹកនាំដោយអាមេរិក ត្រូវដកចេញទាំងស្រុង ត្រឹមថ្ងៃទី ៣០ ខែកញ្ញា

អាល្លឺម៉ង់ពង្រឹងសមត្ថភាពចារកម្មរបស់ខ្លួន ខណៈការគំរាមកំហែងពី «មហាអំណាចបរទេស» កំពុងកើនឡើង

NGO៖ អ្នកសារព័ត៌មានប៉ាឡេស្ទីន ៤០នាក់ កំពុងជាប់ឃុំក្នុងពន្ធនាគារអ៊ីស្រាអែល ក្រោមលក្ខខណ្ឌ «ធ្ងន់ធ្ងរ»

គិតត្រឹមខែកក្កដា កម្ពុជាមានរោងចក្រដំណើរការចំនួន ៣.៣៥៧ មានទុនវិនិយោគ ២៨ ប៊ីលានដុល្លារ

ប្រធាន IMO ថ្កោលទោសការវាយប្រហារដ៏សាហាវលើនាវាដឹកទំនិញនៅសមុទ្រក្រហម

Messi មិនប្រាកដថាបន្តអាជីពបាល់ទាត់បានយូរប៉ុណ្ណាបន្ទាប់ពីមរណភាពឪពុក ខណៈ Ronaldo និង Beckham ផ្ញើសាររំលែងទុក្ខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីវីរុស COVID-19 ថ្មីនៅអាហ្វ្រិកខាងត្បូងបន្តកើនឡើង

ជនអន្តោប្រវេសន៍ ៥៣នាក់ស្លាប់ និង ៥៤នាក់រងរបួសក្នុងគ្រោះថ្នាក់ចរាចរណ៍នៅម៉ិកស៊ិក

ប្រមុខយោធាមីយ៉ាន់ម៉ាលោក Min Aung Hlaing ត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ

WHO ព្រមានទល់នឹងការស្តុកទុកវ៉ាក់សាំងបង្ការវីរុស Covid-19 ខណៈប្រទេសក្រីក្រកំពុងត្រូវការ

អង្គការសុខភាពពិភពលោកនិយាយថា វីរុស Omicron ត្រូវបានរាយការណ៍ក្នុង ៥៧ប្រទេស

អាហ្វ្រិកខាងត្បូងរាយការណ៍ករណីឆ្លងថ្មីនៃវីរុស COVID-19 ជិត ២០.០០០នាក់

WHO ប្រាប់ពិភពលោកឲ្យចាត់វិធានការពីពេលនេះ ដើម្បីទប់ស្កាត់ការឆ្លងរាលដាលវីរុសបម្លែងថ្មី Omicron

សម្តេចតេជោ៖ អាកាសយានដ្ឋានអន្តរជាតិថ្មីមានឈ្មោះថា «អាកាសយានដ្ឋានអន្តរជាតិតេជោក្រុងតាខ្មៅ»

ព្រះមហាក្សត្រ យាងព្រះរាជាធិបតីថ្វាយព្រះភ្លើងបូជាព្រះសពសម្តេចក្រុមព្រះ ដែលជាព្រះរាមរបស់ព្រះអង្គ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណី​វីរុស COVID-19 ថ្មី​នៅ​អាហ្វ្រិក​ខាងត្បូង​បន្ត​កើន​ឡើង

ជនអន្តោប្រវេសន៍​ ៥៣​នាក់​ស្លាប់ និង ​៥៤​នាក់​រង​របួស​ក្នុង​គ្រោះថ្នាក់​ចរាចរណ៍​នៅ​ម៉ិ​ក​ស៊ិ​ក

ប្រមុខ​យោធា​មី​យ៉ាន់​ម៉ាលោក Min Aung Hlaing ត្រូវ​បាន​ចោទប្រកាន់​ពី​បទ​ឧក្រិដ្ឋកម្ម​ប្រឆាំង​មនុស្សជាតិ​

WHO ព្រមាន​ទល់នឹង​ការ​ស្តុក​ទុក​វ៉ាក់សាំង​បង្ការ​វីរុស Covid-19 ខណៈ​ប្រទេស​ក្រីក្រ​កំពុង​ត្រូវការ

អង្គការ​សុខភាព​ពិភពលោក​និយាយ​ថា ​វីរុស​ Omicron ត្រូវ​បាន​រាយការណ៍​ក្នុង ៥៧​ប្រទេស​

អាហ្វ្រិក​ខាងត្បូង​រាយការណ៍​ករណី​ឆ្លង​ថ្មី​នៃ​វីរុស COVID-19 ជិត ២០.០០០​នាក់

សម្តេចតេជោ៖ អាកាសយានដ្ឋាន​អន្តរជាតិថ្មី​មាន​ឈ្មោះថា​ «អាកាសយានដ្ឋានអន្តរជាតិតេជោក្រុងតាខ្មៅ»

ព្រះមហាក្សត្រ យាងព្រះរាជាធិបតីថ្វាយព្រះភ្លើងបូជាព្រះសពសម្តេចក្រុមព្រះ ដែលជាព្រះរាមរបស់ព្រះអង្គ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីវីរុស COVID-19 ថ្មីនៅអាហ្វ្រិកខាងត្បូងបន្តកើនឡើង

ជនអន្តោប្រវេសន៍ ៥៣នាក់ស្លាប់ និង ៥៤នាក់រងរបួសក្នុងគ្រោះថ្នាក់ចរាចរណ៍នៅម៉ិកស៊ិក

ប្រមុខយោធាមីយ៉ាន់ម៉ាលោក Min Aung Hlaing ត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ

WHO ព្រមានទល់នឹងការស្តុកទុកវ៉ាក់សាំងបង្ការវីរុស Covid-19 ខណៈប្រទេសក្រីក្រកំពុងត្រូវការ

អង្គការសុខភាពពិភពលោកនិយាយថា វីរុស Omicron ត្រូវបានរាយការណ៍ក្នុង ៥៧ប្រទេស

អាហ្វ្រិកខាងត្បូងរាយការណ៍ករណីឆ្លងថ្មីនៃវីរុស COVID-19 ជិត ២០.០០០នាក់

សម្តេចតេជោ៖ អាកាសយានដ្ឋានអន្តរជាតិថ្មីមានឈ្មោះថា «អាកាសយានដ្ឋានអន្តរជាតិតេជោក្រុងតាខ្មៅ»