BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

G20៖ កាលពីថ្ងៃអង្គារ ទី១២ ខែតុលា មេដឹកនាំប្រទេសមានឧស្សាហកម្មលូតលាស់ទាំង២០ ឬហៅថាប្រទេស G20 បានព្រមព្រៀងធ្វើការរួមគ្នាដើម្បីចៀសវាងគ្រោះមហន្តរាយមនុស្សធម៌នៅអាហ្វហ្គានីស្ថាន ខណៈដែលសហភាពអឺរ៉ុបបានសន្យាផ្តល់កញ្ចប់ថវិកាចំនួន ១ពាន់លានអឺរ៉ូ ហើយប្រទេសអ៊ីតាលីជាម្ចាស់ផ្ទះនៃកិច្ចប្រជុំនេះបានសង្កត់ធ្ងន់ លើភាពចាំបាច់ក្នុងការរក្សាទំនាក់ទំនងជាមួយក្រុមតាលីបង់។ស្របពេលក្រុមសកម្មប្រយុទ្ធនេះបានរៀបចំកិច្ចចរចាទល់មុខគ្នា ជាលើកដំបូងជាមួយគណៈប្រតិភូអាមេរិក និងសហភាពអឺរ៉ុបនៅប្រទេសកាតា ប្រធានាធិបតីអាមេរិកលោក Joe Biden, ប្រធានាធិបតីទួរគីលោក Recep Tayyip Erdogan និងលោក Narendra Modi នាយករដ្ឋមន្ត្រីឥណ្ឌាបានចូលរួមកិច្ចប្រជុំកំពូល G20 តាមរយៈវីដេអូស្តីពីវិបត្តិសេដ្ឋកិច្ច និងមនុស្សធម៌ដែលចេះតែរីកធំដោយសារការត្រឡប់មកកាន់អំណាចឡើងវិញរបស់ក្រុមតាលីបង់។ សហភាពអឺរ៉ុបបានបើកកិច្ចពិភាក្សានេះដោយសន្យាផ្តល់ប្រាក់ ១ពាន់លានអឺរ៉ូ ឬស្មើ ១,២ពាន់លានដុល្លារអាមេរិករួមទាំងប្រាក់សម្រាប់តម្រូវការមនុស្សធម៌បន្ទាន់ និងប្រទេសជិតខាងអាហ្វហ្គានីស្ថានដែលកំពុងទទួលយកជនជាតិអាហ្វហ្គានីស្ថានដែលរត់គេចចេញពីពួកតាលីបង់។នាយករដ្ឋមន្ត្រីអ៊ីតាលីលោក Mario Draghi បានជំរុញឱ្យកិច្ចប្រជុំក្រុមប្រទេស G20 ចាប់តាំងពីក្រុមតាលីបង់ចូលកាន់កាប់អាហ្វហ្គានីស្ថានកាលពីខែសីហា ដោយទទូចថា ការជជែកដេញដោលអំពីដំណោះស្រាយត្រូវតែហួសពីកម្រិតធម្មតា របស់សម្ព័ន្ធមិត្តលោកខាងលិច។ លោក Xi Jinping ប្រធានាធិបតីចិន និងប្រធានាធិបតីរុស្ស៊ី Vladimir Putin មិនបានចូលរួមដោយផ្ទាល់ទេ តែបានបញ្ជូនអ្នកតំណាងឲ្យចូលរួមជំនួស ប៉ុន្តែលោក Draghi បានទទូចថា ពួកលោកទាំងអស់គ្នាបានឯកភាពលើតម្រូវការផ្ដល់ជំនួយបន្ថែមទៀត ដល់ពលរដ្ឋអាហ្វហ្គានីស្ថាន៕អត្ថបទ៖ សុខមាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

នេប៉ាល់៖ នគរបាលនិយាយថា មនុស្សយ៉ាងហោចណាស់ ២៨នាក់បានស្លាប់ និងជាច្រើននាក់ទៀតបានរងរបួសនៅក្នុងគ្រោះថ្នាក់រថយន្តក្រុងមួយនៅភាគពាយ័ព្យប្រទេសនេប៉ាល់។ ប្រព័ន្ធផ្សព្វផ្សាយក្នុងស្រុកបានរាយការណ៍ថា រថយន្តនេះបានធ្វើដំណើរឆ្លងកាត់ស្រុក Mugu នៅពេលដែលរថយន្តនេះបានធ្លាក់ផ្លូវ ហើយបានធ្លាក់ចុះពីលើភ្នំភ្លាមៗនៅពាក់កណ្តាលអធ្រាត្រថ្ងៃអង្គារ។គេនៅមិនទាន់ដឹងច្បាស់នៅឡើយទេពីមូលហេតុដែលបណ្ដាលឲ្យរថយន្តនេះធ្លាក់ផ្លូវ ប៉ុន្តែរបាយការណ៍ខ្លះលើកឡើងថា រថយន្តក្រុងអាចមានបញ្ហាដោយសារហ្វ្រាំងមិនស៊ី។ បើនិយាយពីគ្រោះថ្នាក់ចរាចរណ៍មិនមែនជារឿងចម្លែកទេនៅក្នុងប្រទេសនេប៉ាល់ ហើយជាធម្មតាបណ្តាលមកពីផ្លូវថ្នល់មិនល្អ ឬការថែទាំគុណភាពយានយន្តមិនបានល្អ។ រូបភាពដែលត្រូវបានផ្សព្វផ្សាយដោយប្រព័ន្ធផ្សព្វផ្សាយក្នុងតំបន់ បានបង្ហាញពីបុគ្គលិកជួយសង្គ្រោះកំពុងដឹកជញ្ជូនមនុស្ស និងអ្វីដែលទំនងជារបស់ផ្ទាល់ខ្លួនដូចជាកាបូបធ្វើដំណើរជាដើម។ នគរបាលបាននិយាយថា ការស៊ើបអង្កេតកំពុងប្រព្រឹត្តិទៅហើយ។ពួកគេបានបន្ថែមថា មនុស្សជាច្រើននៅលើរថយន្តក្រុងប្រហែលជាបានធ្វើដំណើរទៅផ្ទះវិញ បន្ទាប់ពីបានចូលរួមប្រារព្ធពិធីបុណ្យ Dashain ដែលជាពិធីបុណ្យសាសនាដ៏សំខាន់មួយនៅក្នុងប្រទេសនេប៉ាល់ និងឥណ្ឌា។ មនុស្សជាង ១០នាក់កំពុងត្រូវបានព្យាបាលរបួស ដោយអ្នកខ្លះត្រូវបានបញ្ជូនទៅមន្ទីរពេទ្យក្បែរនោះតាមយន្តហោះ។ យ៉ាងណាក៏ដោយគេក៏នៅទាន់ដឹងមិនច្បាស់ទេថា តើមានមនុស្សប៉ុន្មាននាក់ធ្វើដំណើរតាមរថយន្តក្រុងនោះនៅពេលរេចង្កូតធ្លាក់ចេញពីផ្លូវ ប៉ុន្តែនគរបាលបាននិយាយថា ចំនួនអ្នកស្លាប់អាចកើនឡើងបន្ថែមទៀត៕អត្ថបទ៖ សុខមាន

ប្រមុខអង្គការសហប្រជាជាតិបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រី

UN៖ អគ្គលេខាធិការអង្គការសហប្រជាជាតិលោក Antonio Guterres កាលពីថ្ងៃចន្ទបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រីអាហ្វហ្គានីស្ថាន ហើយបានជំរុញឱ្យពិភពលោកបរិច្ចាគថវិកាបន្ថែមទៀតដល់អាហ្វហ្គានីស្ថាន ដើម្បីទប់ទល់នឹងការដួលរលំសេដ្ឋកិច្ចរបស់ខ្លួន។យោងតាមក្រសួងការបរទេសអាមេរិក ការអត្ថាធិប្បាយនេះមានឡើងបន្ទាប់ពីការពិភាក្សាទល់មុខគ្នាលើកដំបូងរវាងសហរដ្ឋអាមេរិក និងក្រុមតាលីបង់ ចាប់តាំងពីក្រុមអ៊ីស្លាមនិយមមួយនេះបានគ្រប់គ្រងប្រទេស ដែលបញ្ហារឹតត្បិតសិទ្ធិស្ត្រីត្រូវបានកើនឡើង។ លោក Guterres បានប្រាប់អ្នកយកព័ត៌មានថា ខ្ញុំមានការភ្ញាក់ផ្អើលយ៉ាងខ្លាំងដែលបានឃើញការសន្យាដែលបានធ្វើឡើងចំពោះស្ត្រី និងក្មេងស្រីអាហ្វហ្គានីស្ថានត្រូវពួកតាលីបង់រំលោភបំពាន។ ខ្ញុំសូមអំពាវនាវយ៉ាងម៉ឺងមាត់ដល់ពួកតាលីបង់ឱ្យរក្សាការសន្យារបស់ពួកគេចំពោះស្ត្រី និងក្មេងស្រី និងបំពេញកាតព្វកិច្ចរបស់ខ្លួនក្រោមច្បាប់សិទ្ធិមនុស្សអន្តរជាតិ និងច្បាប់មនុស្សធម៌។លោក Guterres បាននិយាយថា អង្គការសហប្រជាជាតិនឹងមិនបោះបង់ចោលបញ្ហានេះទេ ហើយបាននិយាយថា ស្ថាប័ននេះពិភាក្សាគ្នាជារៀងរាល់ថ្ងៃជាមួយក្រុមតាលីបង់ ដែលបានកាន់អំណាចតាំងពីពាក់កណ្ដាលខែសីហា ប៉ុន្តែភាពស្របច្បាប់របស់រដ្ឋាភិបាលនៅតែមិនត្រូវបានទទួលស្គាល់ជាអន្តរជាតិនៅឡើយរហូតមកដល់ពេលនេះ៕ អត្ថបទ៖ សុខមាន

មនុស្ស ១៥នាក់បានស្លាប់បន្ទាប់ពីមានភ្លៀងធ្លាក់ខ្លាំង និងទឹកជំនន់នៅតំបន់ធ្យូងថ្មប្រទេសចិន

ចិន៖ មន្ត្រីក្នុងតំបន់បាននិយាយនៅថ្ងៃអង្គារនេះថា មនុស្សយ៉ាងហោចណាស់ ១៥នាក់បានស្លាប់ដោយសារភ្លៀងធ្លាក់ខ្លាំងខុសពីធម្មតា និងទឹកជំនន់នៅខេត្តសានស៊ីភាគខាងជើងប្រទេសចិនកាលពីដើមខែនេះ បន្ទាប់ពីតំបន់ជាធម្មតាតែងតែស្ងួតទទួលបានទឹកភ្លៀងមួយសប្ដាហ៍ក្នុងពេល ៣ខែ។ ទឹកជំនន់បានវាយប្រហារតំបន់សំបូរដោយរ៉ែធ្យូងថ្មក្នុងកំឡុងពេលមានវិបត្តិថាមពលទូទាំងប្រទេស ហើយបន្ទាប់ពីគ្រោះទឹកជំនន់បានសម្លាប់មនុស្សជាង ៣០០នាក់នៅខេត្តហឺណានភាគកណ្តាលកាលពីខែកក្កដា។ មន្ត្រីគ្រប់គ្រងគ្រាអាសន្នក្នុងតំបន់ម្នាក់បាននិយាយនៅក្នុងសន្និសីទសារព័ត៌មានថា អណ្ដូងរ៉ែធ្យូងថ្មយ៉ាងហោចណាស់ចំនួន ៦០កន្លែងនៅក្នុងខេត្ត ដែលជាតំបន់ផលិតធ្យូងថ្មឈានមុខគេរបស់ប្រទេសចិនបានបិទជាបណ្តោះអាសន្នដោយសារទឹកជំនន់ ប៉ុន្តែបច្ចុប្បន្ននេះមានតែចំនួន ៤ប៉ុណ្ណោះដែលបានវិលត្រឡប់មកដំណើរការធម្មតាវិញ។ មន្ត្រីខាងលើបានបន្ថែមថា អគារប្រហែល ១៩,០០០ខ្នងត្រូវបានបំផ្លិចបំផ្លាញដោយសារអាកាសធាតុមិនល្អ ក្នុងនោះ ១៨,០០០អគារផ្សេងទៀតរងការខូចខាតធ្ងន់ធ្ងរ៕អត្ថបទ៖ សុខមាន

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

យេមែន៖ មន្ត្រីម្នាក់បាននិយាយថា មនុស្សយ៉ាងហោច ៦នាក់បានស្លាប់កាលពីថ្ងៃអាទិត្យនៅទីក្រុងកំពង់ផែអាដែន ប្រទេសយេមែន ដោយការបំផ្ទុះរថយន្តដាក់គោលដៅលើមន្ត្រីជាន់ខ្ពស់រដ្ឋាភិបាល ២រូបដែលបានរួចជីវិត។ រដ្ឋមន្ត្រីក្រសួងព័ត៌មានលោក Moammar al-Iryani បាននិយាយថា ការផ្ទុះនេះមានគោលដៅលើក្បួនរបស់រដ្ឋមន្ត្រីក្រសួងកសិកម្មលោក Salem al-Socotrai និងអភិបាលក្រុងអាដែន លោក Ahmed Lamlas នៅក្នុងស្រុក Tawahi។លោក al-Iryani បាននិយាយថា ការផ្ទុះនេះបានសម្លាប់មនុស្ស ៦នាក់ក្នុងចំណោមអ្នកអមដំណើរលោក Lamlas និងបណ្ដាលឲ្យអ្នកឆ្លងកាត់ទីនោះចំនួន ៧នាក់រងរបួស។ លោកបន្តថា ជនរងគ្រោះត្រូវបានបញ្ជូនទៅមន្ទីរពេទ្យដើម្បីព្យាបាល។ យោងតាមមន្ត្រីសន្តិសុខដែលសូមមិនបញ្ចេញឈ្មោះបាននិយាយថា ការផ្ទុះនេះបានធ្វើឲ្យអគារមួយចំនួនរងការខូចខាត ក្នុងតំបន់ដែលត្រូវបានបិទដោយកម្លាំងសន្តិសុខយ៉ាងឆាប់រហ័ស។ លោកនាយករដ្ឋមន្ត្រី Maeen Abdulmalik Saeed បានហៅការផ្ទុះនេះថាជា “ការវាយប្រហារភេរវកម្ម” ហើយបានបញ្ជាឱ្យមានការស៊ើបអង្កេត។គ្មាននរណាម្នាក់ ឬក្រុមណាមួយអះអាងទទួលខុសត្រូវភ្លាមៗចំពោះការវាយប្រហារនេះទេ។ ទីក្រុងអាដែនត្រូវបានកក្រើកដោយការផ្ទុះជាច្រើននៅក្នុងប៉ុន្មានឆ្នាំចុងក្រោយនេះ ដែលត្រូវបានស្តីបន្ទោសទៅក្រុមសកម្មប្រយុទ្ធក្នុងស្រុកដែលមានទំនាក់ទំនងជាមួយក្រុមភេរវកម្មអាល់កៃដា និងក្រុមរដ្ឋអ៊ីស្លាម៕អត្ថបទ៖ សុខមាន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

បាល់ទាត់៖ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបង្ហោះសារអបអរសាទរក្រុមជម្រើសជាតិកម្ពុជា ក្រោយយកឈ្នះក្រុមកោះហ្គាំរបស់សហរដ្ឋអាមេរិកដោយលទ្ធផល ១-០ ក្នុងវគ្គជម្រុះពានរង្វាន់ AFC Asian Cup China 2023 នៅកីឡដ្ឋាន Khalifa Sport City ប្រទេសបារ៉ែន។ការអបអរសាទរសម្ដេចតេជោនាយករដ្ឋមន្ដ្រី ក្រោយក្រុមគោព្រៃកម្ពុជាធ្វើបានយ៉ាងល្អក្នុងការប្រកួតជម្រុះពានរង្វាន់បាល់ទាត់ជើងឯកទ្វីបអាស៊ីជើងទី១ ជាមួយកោះហ្គាំកាលពីយប់រំលងអធ្រាត្រឈានចូលថ្ងៃទី១០ ខែតុលា ឆ្នាំ២០២១ ដោយក្រុមជម្រើសជាតិកម្ពុជាដណ្ដើមបានជ័យជម្នះ ១-០។ ជំនួបដ៏ជក់ចិត្តដែលមានអ្នកទស្សនាតាមរយៈការផ្សាយផ្ទាល់ជាង ១០ម៉ឺននាក់នេះ កម្ពុជាធ្វើបានយ៉ាងល្អពិសេសនៅវគ្គទី១ ដោយបានដាក់សម្ពាធលើកោះហ្គាំរហូតធ្វើសម្រេចគ្រាប់បាល់នាំមុខ ១គ្រាប់នៅនាទី២៦ ដោយខ្សែប្រយុទ្ធ ចាន់ វឌ្ឍនាកា ក្រោយទទួលបាល់បញ្ជូនពីសិស្សប្អូន លឹម ពិសុទ្ធ ហើយលទ្ធផលនេះក៏បានរក្សារហូតដល់ចប់ការប្រកួត។ ក្រៅពីការអបអរសាទរជ័យជម្នះក្នុងជើងទី១ នេះ សម្ដេចតេជោ ហ៊ុន សែន ក៏នឹងឧបត្ថម្ភថវិកាផ្ទាល់របស់សម្ដេចចំនួន ១០ម៉ឺនដុល្លារដល់ក្រុមជម្រើសជាតិកម្ពុជា ប្រសិនបើក្រុមគោព្រៃកម្ពុជាអាចទម្លាក់កោះហ្គាំឡើងវគ្គបន្ដ នៃពានរង្វាន់បាល់ទាត់ជើងឯកទ្វីបអាស៊ីនេះទៀតផង។ រីឯឯកឧត្ដមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជាក៏បានប្រកាសឧបត្ថម្ភចំនួន ៥ពាន់ដុល្លារសម្រាប់ការទាត់បញ្ចូលទីកោះហ្គាំក្នុង ១គ្រាប់ផងដែរ។គួរដឹងថា ជំនួបកាត់សេចក្ដីជើងទី២ ដើម្បីស្វែងរកក្រុមខ្លាំងឡើងទៅវគ្គចែកពូលជុំទី៣ នៃពានរង្វាន់ AFC Asian Cup China 2023 រវាងកម្ពុជា និងកោះហ្គាំនឹងធ្វើឡើងនាវេលាម៉ោង ១១យប់ថ្ងៃទី១២ ខែតុលាស្អែកនេះនៅទឹកដីកណ្ដាលនាកីឡដ្ឋាន Khalifa Sport City ប្រទេសបារ៉ែនដដែល។ ការប្រកួតនេះកម្ពុជាត្រូវការត្រឹមលទ្ធផលស្មើគ្នាប៉ុណ្ណោះ នឹងបានឡើងវគ្គបន្ដដោយស្វ័យប្រវត្តិតែម្ដង៕អត្ថបទ៖ លី ឈុនឡា

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន

ប៉ាគីស្ថាន៖ មន្ត្រីក្នុងតំបន់និយាយថា មនុស្សយ៉ាងហោចណាស់ ២០នាក់បានស្លាប់ និងជាង ២០០នាក់រងរបួសបន្ទាប់ពីគ្រោះរញ្ជួយដីវាយប្រហារខេត្ត Balochistan ភាគនិរតីប្រទេសប៉ាគីស្ថានដោយក្រុមជួយសង្គ្រោះព្យាយាមសម្អាតកំទេចកំទី និងចូលទៅដល់តំបន់នោះ។យោងតាមទិន្នន័យភូគព្ភសាស្ត្រសហរដ្ឋអាមេរិកគ្រោះរញ្ជួយដីកម្រិត ៥.៩រ៉ិចទ័របានអង្រួន ខណៈប្រជាពលរដ្ឋភាគច្រើននៅក្នុងស្រុក Harnai ចម្ងាយប្រហែល ១០០គីឡូម៉ែត្រនៃរដ្ឋធានី Quetta របស់ខេត្តនេះកំពុងលង់លក់នៅម៉ោងជាង ៣ព្រឹកម៉ោងក្នុងស្រុកកាលពីថ្ងៃព្រហស្បតិ៍។ ការរញ្ជួយនេះបានកើតឡើងនៅជម្រៅប្រហែល ២០គីឡូម៉ែត្រ។ អាជ្ញាធរគ្រប់គ្រងគ្រោះមហន្តរាយខេត្តបាននិយាយថា មនុស្សយ៉ាងហោចណាស់ ២០០នាក់បានរងរបួស។ លោក Osama bin Ijaz មន្ត្រីគ្រប់គ្រងគ្រោះមហន្តរាយខេត្តបានប្រាប់សារព័ត៌មាន Al Jazeera ថា មន្ត្រីជួយសង្គ្រោះបានទៅដល់កន្លែងកើតហេតុហើយកំពុងធ្វើការ។ នាយករដ្ឋមន្ត្រីប៉ាគីស្ថានលោក Imran Khan បានបញ្ជាឱ្យផ្ដល់ជំនួយជាបន្ទាន់លើមូលដ្ឋានគ្រាអាសន្នដល់ប្រជាជននៅតំបន់នោះ បន្ទាប់ពីការរញ្ជួយដី៕អត្ថបទ៖ សុខមាន

លោក Fumio Kishida បានឡើងកាន់តំណែងជានាយករដ្ឋមន្ត្រីថ្មីជាផ្លូវការរបស់ជប៉ុន

ជប៉ុន៖ លោក Fumio Kishida បានឡើងកាន់តំណែងជានាយករដ្ឋមន្ត្រីថ្មីរបស់ប្រទេសជប៉ុនជាផ្លូវការ បន្ទាប់ពីលោក Yoshihide Suga ដែលបានលាលែងពីតំណែងបន្ទាប់ពីកាន់តំណែងបានតែមួយឆ្នាំប៉ុណ្ណោះ។ លោក Kishida វ័យ ៦៤ឆ្នាំបានឈ្នះការប្រណាំងប្រជែងដើម្បីដឹកនាំគណបក្សប្រជាធិបតេយ្យសេរីនិយម (LDP) ដែលកំពុងកាន់អំណាចរបស់ជប៉ុនកាលពីសប្តាហ៍មុន។លោកនឹងប្រឈមនឹងបញ្ហាលំបាកជាច្រើន រួមទាំងការងើបឡើងវិញនៃសេដ្ឋកិច្ចក្រោយការរាតត្បាតនៃវីរុស covid-19 និងការគំរាមកំហែងពីប្រទេសកូរ៉េខាងជើង។ រូបលោកក៏នឹងសង្ឃឹមផងដែរថា នឹងជួយឱ្យគណបក្សរបស់លោកទទួលបានប្រជាប្រិយភាពឡើងវិញ បន្ទាប់ពីការជំរុញមិនសូវមានការគាំទ្រក្នុងការធ្វើជាម្ចាស់ផ្ទះព្រឹត្តិការណ៍អូឡាំពិកតូក្យូ។ ដំណើរឆ្ពោះទៅមុខជាមួយព្រឹត្តិការណ៍នេះបានកើតឡើង បើទោះបីជាមានការប្រឆាំងជាសាធារណៈយ៉ាងខ្លាំង ដោយសារតែការព្រួយបារម្ភអំពីការកើនឡើងនៃករណីឆ្លងជំងឺ Covid-19 យ៉ាងណាក្ដី។នៅក្រោមការដឹកនាំរបស់លោកនាយករដ្ឋមន្ត្រី Suga ប្រជាប្រិយភាពក្នុងការស្ទង់មតិបានស្រុតចុះខ្លាំង។ លោក Suga បានសម្រេចចិត្តលាលែងពីតំណែងជានាយករដ្ឋមន្ត្រីបន្ទាប់ពីកាន់តំណែងបានរយៈពេលតែមួយឆ្នាំ បញ្ហាសំខាន់ដោយសារតែចំណាត់ការទប់ស្កាត់ការឆ្លងរាលដាលជំងឺ COVID-19 មិនបានល្អ និងការសម្រេចចិត្តរៀបចំកីឡាអូឡាំពិកដែលមិនសូវមានការគាំទ្រ៕អត្ថបទ៖ សុខមាន

អ្នកស្លាប់ដោយសារ COVID-19 ទូទាំងពិភពលោកឡើងដល់ ៥លាននាក់ ខណៈវីរុសបម្លែងខ្លួន Delta រាតត្បាតពេញសកលលោក

ពិភពលោក៖ យោងតាមទីភ្នាក់ងារសារព័ត៌មាន Reuters បានឱ្យដឹងថា មនុស្សស្លាប់ដោយសារជំងឺ COVID-19 នៅទូទាំងពិភពលោកបានកើនឡើងដល់ជាង ៥លាននាក់កាលពីចុងសប្ដាហ៍នេះ ដោយមនុស្សដែលមិនបានចាក់វ៉ាក់សាំងភាគច្រើនត្រូវបានឆ្លងវីរុសបម្លែងខ្លួន Delta។ វីរុសបម្លែងខ្លួននេះបានបង្ហាញពីភាពខុសគ្នាយ៉ាងខ្លាំង នៃអត្រាចាក់វ៉ាក់សាំងរវាងប្រទេសអ្នកមាន និងប្រទេសក្រីក្រ និងលទ្ធផលនៃការស្ទាក់ស្ទើរក្នុងការចាក់វ៉ាក់សាំងនៅប្រទេសលោកខាងលិចមួយចំនួន។ជាងពាក់កណ្តាលនៃការស្លាប់ទូទាំងពិភពលោកដែលបានរាយការណ៍ជាមធ្យក្នុងពេល ៧ថ្ងៃគឺនៅសហរដ្ឋអាមេរិក រុស្ស៊ី ប្រេស៊ីល ម៉ិកស៊ិក និងឥណ្ឌា។ យោងតាមការវិភាគរបស់ទីភ្នាក់ងារសារព័ត៌មាន Reuters ខណៈដែលមានរយៈពេលត្រឹមតែមួយឆ្នាំប៉ុណ្ណោះ ចំនួនអ្នកស្លាប់ដោយសារជំងឺ COVID-19 កើនឡើងដល់ជាង ២លាន ៥សែននាក់ ចំណែកមនុស្សស្លាប់ចំនួន ២លាន ៥សែននាក់ទៀតត្រូវបានកត់ត្រាក្នុងរយៈពេលត្រឹមតែ ៨ខែប៉ុណ្ណោះ។ ជាមធ្យមមនុស្ស ៨.០០០នាក់បានស្លាប់ជារៀងរាល់ថ្ងៃនៅទូទាំងពិភពលោកក្នុងរយៈពេលមួយសប្តាហ៍ចុងក្រោយនេះ ឬប្រហែល ៥នាក់ស្លាប់រៀងរាល់នាទី។ ទោះយ៉ាងណាអត្រាស្លាប់ទូទាំងពិភពលោកបានធ្លាក់ចុះក្នុងរយៈពេលប៉ុន្មានសប្តាហ៍ថ្មីៗនេះ។ប៉ុន្មានថ្ងៃចុងក្រោយនេះមានការយកចិត្តទុកដាក់កាន់តែខ្លាំងឡើង លើការចាក់វ៉ាក់សាំងដល់ប្រទេសក្រីក្រដែលមនុស្សជាច្រើន មិនទាន់បានទទួលវ៉ាក់សាំងបង្ការដូសដំបូងផងទេ ទោះបីជាសមភាគីជាប្រទេសអ្នកមានរបស់ពួកគេកាន់តែច្រើន បានចាប់ផ្តើមចាក់វ៉ាក់សាំងដូសជំរុញដល់ពលរដ្ឋរបស់ខ្លួនក៏ដោយ។ ជាងពាក់កណ្តាលនៃពិភពលោកមិនទាន់បានទទួលវ៉ាក់សាំងបង្ការជំងឺ COVID-19 យ៉ាងហោចណាស់មួយដូសនៅឡើយទេ នេះបើយោងតាមប្រភពពី Our World in Data៕អត្ថបទ៖ សុខមាន

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន

កូរ៉េខាងជើង៖ ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃសុក្រនេះថា កូរ៉េខាងជើងបានបាញ់មីស៊ីលប្រឆាំងយន្តហោះថ្មី ឬមីស៊ីលប្រឆាំងអាកាសយានថ្មីដែលទើបតែអភិវឌ្ឍកាលពីថ្ងៃព្រហស្បតិ៍ (៣០ កញ្ញា) ជាការសាកល្បងអាវុធចុងក្រោយបំផុតរបស់ខ្លួន ស្របពេលកិច្ចចរចាស្តីពីការរំសាយអាវុធនុយក្លេអ៊ែរ ជាមួយសហរដ្ឋអាមេរិកបានកំពុងជាប់គាំង។នេះគឺជាការសាកល្បងអាវុធដែលគេឃើញជាលើកទី២ របស់កូរ៉េខាងជើងនៅសប្តាហ៍នេះ បន្ទាប់ពីបានបាញ់សាកល្បងមីស៊ីលល្បឿនលឿនជាងសំឡេង ដែលគេមិនធ្លាប់បានមើលឃើញពីមុនកាលពីថ្ងៃអង្គារ។ មិនតែប៉ុណ្ណោះប្រទេសនេះបានបាញ់មីស៊ីលអន្តរទ្វីបបាលីស្ទីក និងមីស៊ីលនាំផ្លូវដែលមានសមត្ថភាពដូចជាអាវុធនុយក្លេអ៊ែរ ក្នុងរយៈពេលប៉ុន្មានសប្តាហ៍ចុងក្រោយនេះ។ ការសាកល្បងនេះបានបញ្ជាក់ពីរបៀប ដែលកូរ៉េខាងជើងកំពុងអភិវឌ្ឍន៍អាវុធទំនើបៗឥតឈប់ឈរ ដោយបង្កើនការខិតខំប្រឹងប្រែងដើម្បីដាក់សម្ពាធ លើការបោះបង់កម្មវិធីនុយក្លេអ៊ែរ និងមីស៊ីលរបស់ខ្លួន ជាថ្នូរនឹងការបន្ធូរបន្ថយទណ្ឌកម្មរបស់សហរដ្ឋអាមេរិក។បណ្ឌិត្យសភាវិទ្យាសាស្ត្រការពារជាតិដែលជាអ្នកអភិវឌ្ឍអាវុធយោធាបាននិយាយថា ការសាកល្បងនេះមានគោលបំណងបញ្ជាក់ពីមុខងារពិតប្រាកដរបស់ជើងទម្របាញ់មីស៊ីល រ៉ាដា យានបញ្ជាប្រយុទ្ធគ្រប់ជ្រុងជ្រោយ និងប្រតិបត្តិការប្រយុទ្ធ នេះបើយោងតាមទីភ្នាក់ងារសាព័ត៌មានផ្លូវការ KCNA៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

ប្រមុខអង្គការសហប្រជាជាតិបានរិះគន់ពួកតាលីបង់ដែលមិនគោរពពាក្យសន្យាចំពោះស្ត្រី និងក្មេងស្រី

មនុស្ស ១៥នាក់បានស្លាប់បន្ទាប់ពីមានភ្លៀងធ្លាក់ខ្លាំង និងទឹកជំនន់នៅតំបន់ធ្យូងថ្មប្រទេសចិន

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន

លោក Fumio Kishida បានឡើងកាន់តំណែងជានាយករដ្ឋមន្ត្រីថ្មីជាផ្លូវការរបស់ជប៉ុន

អ្នកស្លាប់ដោយសារ COVID-19 ទូទាំងពិភពលោកឡើងដល់ ៥លាននាក់ ខណៈវីរុសបម្លែងខ្លួន Delta រាតត្បាតពេញសកលលោក

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មេដឹកនាំ G20 យល់ព្រម​បង្កើន​កិច្ច​ខិតខំ​ប្រឹងប្រែង​មនុស្សធម៌​ជួយ​ពលរដ្ឋ​អា​ហ្វ​ហ្គា​នី​ស្ថាន​

មនុស្ស​ ២៨​នាក់​ស្លាប់​ក្នុង​គ្រោះថ្នាក់​ចរាចរណ៍​រថយន្ត​ក្រុង​នៅ​ប្រទេស​នេ​ប៉ាល់​

មនុស្ស​ ៦​នាក់​ស្លាប់​ក្នុង​ការ​បំផ្ទុះ​រថយន្ត​ដាក់​គោលដៅ​លើ​ក្រុម​មន្ត្រី​នៅ​យេ​មែន​

សម្ដេច​តេ​ជោ ហ៊ុន សែន អបអរសាទរ​គោព្រៃ​កម្ពុជា​ឈ្នះ​កោះ​ហ្គាំ ១-០ ខណៈ​ជើង​ទី​២ ប្រកួត​ស្អែក​នេះ​

មនុស្ស​ ២០​នាក់​ស្លាប់ ខណៈ​លំនៅឋាន​ដួល​រលំ​ក្នុង​គ្រោះ​រញ្ជួយ​ដី​នៅ​ប៉ា​គី​ស្ថាន​

លោក Fumio Kishida បាន​ឡើង​កាន់​តំណែង​ជា​នាយករដ្ឋមន្ត្រី​ថ្មី​ជា​ផ្លូវការ​របស់​ជប៉ុន​

កូរ៉េខាងជើង​បាន​បាញ់​មី​ស៊ី​ល​ប្រឆាំង​អាកាស​យាន​ថ្មី​ក្នុង​ការ​សាកល្បង​ចុងក្រោយ​របស់​ខ្លួន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេដឹកនាំ G20 យល់ព្រមបង្កើនកិច្ចខិតខំប្រឹងប្រែងមនុស្សធម៌ជួយពលរដ្ឋអាហ្វហ្គានីស្ថាន

មនុស្ស ២៨នាក់ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅប្រទេសនេប៉ាល់

មនុស្ស ៦នាក់ស្លាប់ក្នុងការបំផ្ទុះរថយន្តដាក់គោលដៅលើក្រុមមន្ត្រីនៅយេមែន

សម្ដេចតេជោ ហ៊ុន សែន អបអរសាទរគោព្រៃកម្ពុជាឈ្នះកោះហ្គាំ ១-០ ខណៈជើងទី២ ប្រកួតស្អែកនេះ

មនុស្ស ២០នាក់ស្លាប់ ខណៈលំនៅឋានដួលរលំក្នុងគ្រោះរញ្ជួយដីនៅប៉ាគីស្ថាន

លោក Fumio Kishida បានឡើងកាន់តំណែងជានាយករដ្ឋមន្ត្រីថ្មីជាផ្លូវការរបស់ជប៉ុន

កូរ៉េខាងជើងបានបាញ់មីស៊ីលប្រឆាំងអាកាសយានថ្មីក្នុងការសាកល្បងចុងក្រោយរបស់ខ្លួន