BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

រថយន្តដឹកជំនួយរបស់អង្គការសហប្រជាជាតិមួយចំនួនតូចត្រូវបានអនុញ្ញាតឲ្យចូលទៅតំបន់ហ្គាហ្សា

ហ្គាហ្សា៖ ក្បួនរថយន្តដឹកជំនួយបានត្រៀមចូលទៅក្នុងតំបន់ហ្គាហ្សា កាត់តាមតំបន់ចុងខាងត្បូងរបស់ខ្លួនជាប់ជាមួយប្រទេសអ៊ីស្រាអែល មុនពេលចូលទៅតំបន់នេះដែលត្រូវបានបិទកាលពីថ្ងៃអង្គារ ក្រោយមានឧបទ្ទវហេតុសន្តិសុខ។យោធាអ៊ីស្រាអែលបាននិយាយថា រថយន្តដែលផ្ទុកដោយឱសថសម្រាប់ផ្គត់ផ្គង និងជំនួយសម្រាប់អង្គការអន្តរជាតិនានាពុំបានឆ្លងចូលទេ បន្ទាប់ពីការបាញ់ផ្លោងគ្រាប់កាំភ្លើងត្បាល់ ពីក្រុមសកម្មប្រយុទ្ធប៉ាឡេស្ទីនក្នុងតំបន់ហ្គាហ្សា បង្ខំឲ្យបិទច្រកព្រំដែនឆ្លងកាត់។ រថយន្តចំនួន ៣គ្រឿងត្រូវបានផ្ទុកដោយប្រេងឥន្ធនៈ សម្រាប់ជំនួយដល់ក្រុមការងារអង្គការសហប្រជាជាតិ និងទីភ្នាក់ងារធ្វើការដើម្បីជនភៀសខ្លួនប៉ាឡេស្ទីននៅតំបន់ដើមបូព៌ា (Near East) និងរថយន្តដឹកសត្វពាហនៈចំនួន ២គ្រឿង។ រថយន្តដឹកសត្វពាហនៈមួយគ្រឿងត្រូវបានជាប់នៅព្រំដែនឆ្លងកាត់ ចាប់តាំងពីការវាយប្រយុទ្ធគ្នាបានផ្ទុះឡើងកាលពីសប្ដាហ៍មុន។យោងតាមការបង្ហាញទិន្នន័យចុងក្រោយ ដែលបានបង្ហាញដោយអ្នកនាំពាក្យរបស់អង្គការសហប្រជាជាតិ កាលពីថ្ងៃអង្គារឲ្យដឹងថា មនុស្សជាង ៥៨,០០០នាក់ត្រូវបានជម្លៀសចេញ ដោយសារការទម្លាក់គ្រាប់បែកពីសំណាក់អ៊ីស្រាអែលលើតំបន់ហ្គាហ្សា។ កាលពីថ្ងៃសុក្រសប្ដាហ៍មុន អង្គការសហប្រជាជាតិបានអំពាវនាវ ឲ្យមានបទឈប់បាញ់ភ្លាមៗនៅក្នុងតំបន់ហ្គាហ្សា និងអ៊ីស្រាអែល។ អ្នកនាំពាក្យអង្គការសហប្រជាជាតិ លោក Stephane Dujarric បាននិយាយថា ជម្លោះយោធាកាន់តែរីកធំ បានបណ្ដាលឲ្យមានការឈឺចាប់ និងការបំផ្លិចបំផ្លាញយ៉ាងធ្ងន់ធ្ងរ៕អត្ថបទ៖ សុខមាន

ចំនួនអ្នកស្លាប់កើនឡើងក្នុងជម្លោះអ៊ីស្រាអែល និងតំបន់ហ្គាហ្សា ខណៈមានភាពជាប់គាំងនៅអង្គការសហប្រជាជាតិ

អ៊ីស្រាអែល៖ ការវាយប្រហារតាមអាកាសយ៉ាងខ្លាំងក្លា និងការបាញ់គ្រាប់រ៉ូកែតនៅក្នុងជម្លោះរវាងអ៊ីស្រាអែល និងតំបន់ហ្គាហ្សា បានសម្លាប់មនុស្សកាន់តែច្រើនថែមទៀតពីភាគីទាំងសងខាងកាលពីថ្ងៃអង្គារ ខណៈដែលភាពតានតឹងបានផ្ទុះឡើងនៅប៉ាឡេស្ទីន ដែលជាថ្ងៃចងកំហឹងនៅក្នុងទីក្រុង Jerusalem និងតំបន់ West Bank។ការអំពាវនាវឱ្យមានបទឈប់បាញ់កាន់តែខ្លាំងឡើង ប៉ុន្តែនាយករដ្ឋមន្ត្រី Benjamin Netanyahu បានប្តេជ្ញាថា អ៊ីស្រាអែលនឹងបន្តវាយលុកលើតំបន់ព័ទ្ធជុំវិញឆ្នេរសមុទ្ររបស់ខ្លួន "ដរាបណានៅមានភាពចាំបាច់" មុនពេលកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិបានបរាជ័យ បន្ទាប់ពីរយៈពេលតិចជាងមួយម៉ោង ដោយមិនបានចេញសេចក្ដីថ្លែងការណ៍រួម។ នៅពេលជាមួយគ្នានោះ កម្លាំងអ៊ីស្រាអែល និងក្រុមអ្នកតវ៉ាបានប៉ះទង្គិចគ្នា នៅចំណុចតានតឹងជាច្រើននៅទូទាំងតំបន់ West Bank និងនៅទីក្រុង Jerusalem ខាងកើត ដោយ មនុស្សជាច្រើនបញ្ជូនទៅកាន់មន្ទីរពេទ្យ ខណៈប្រជាជនប៉ាឡេស្ទីនបានប្រមូលផ្ដុំគ្នា បង្ហាញសាមគ្គីភាពជាមួយសមភាគីហ្គាហ្សាដែលរងការឡោមព័ទ្ធ។ គ្រូពេទ្យបាននិយាយថា មនុស្សរាប់សិបនាក់ត្រូវបានព្យាបាលរបួស ដោយសារគ្រាប់កាំភ្លើងពិត។ យោងតាមក្រសួងសុខាភិបាលតំបន់ហ្គាហ្សាបានឱ្យដឹងថា យុទ្ធនាការទម្លាក់គ្រាប់បែកឥតឈប់ឈររបស់អ៊ីស្រាអែល បានសម្លាប់ប្រជាជនប៉ាឡេស្ទីនចំនួន ២១៧នាក់ក្នុងនោះមានកុមារចំនួន ៦៣នាក់ និងបានធ្វើឲ្យមនុស្សជាង ១.៤០០នាក់រងរបួសក្នុងរយៈពេលត្រឹមតែមួយសប្ដាហ៍ប៉ុណ្ណោះ នៅក្នុងតំបន់គ្រប់គ្រងដោយក្រុមសកម្មប្រយុទ្ធហាម៉ាស់។ នគរបាលបាននិយាយថា ចំនួនអ្នកស្លាប់នៅខាងអ៊ីស្រាអែលបានកើនឡើងដល់ ១២នាក់ ខណៈពេលដែលក្រុមហាម៉ាស់បានបាញ់គ្រាប់រ៉ូកែតទៅភាគខាងត្បូងតំបន់ Eshkol បានសម្លាប់ជនជាតិថៃ ២នាក់ដែលធ្វើការនៅក្នុងរោងចក្រមួយ និងបណ្ដាលឲ្យមនុស្សជាច្រើននាក់ទៀតរងរបួស៕ អត្ថបទ៖ សុខមាន

ប្រមុខរាជរដ្ឋាភិបាលកម្ពុជា អបអរសាទរចិនក្រោយយានអវកាសស៊ូរ៉ុងចុះចតលើភពព្រះអង្គារដោយជោគជ័យ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបង្ហាញនូវការអបអរសាទរទៅដល់រដ្ឋាភិបាល និងប្រជាជនចិន ក្រោយពីយានអវកាស«ស៊ូរ៉ុង»បានចុះចតដោយជោគជ័យលើភពព្រះអង្គារ។សម្ដេចតេជោ ហ៊ុន សែន បានបង្ហាញការអបអរសាទរបែបនេះនៅក្នុងលិខិតមួយច្បាប់ដែលសម្ដេចផ្ញើទៅកាន់ប្រធានាធិបតីចិន លោក ស៊ី ជីនពីង នៅថ្ងៃនេះ។យានអវកាស«ស៊ូរ៉ុង» បានចុះចតដោយជោគជ័យលើភពព្រះអង្គារកាលពីថ្ងៃទី១៥ ខែឧសភា ឆ្នាំ២០២១នេះ នៅក្នុងបេសកកម្ម«ធានវិន-១»។ក្នុងលិខិតនោះ សម្ដេចតេជោ ហ៊ុន សែន បានចាត់ទុកបេសកកម្មនេះថាជា «សមិទ្ធផលដ៏ធំធេងមួយទៀតដែលឆ្លុះបញ្ចាំងពីការរីកចម្រើនជាបន្តបន្ទាប់ក្នុងកម្មវិធីអវកាស និងការរុករកក្នុងលំហរអាកាសរបស់ចិន»។សម្ដេចតេជោ ហ៊ុន សែន មានប្រសាសន៍បន្ថែមថា៖ «ខ្ញុំជឿជាក់យ៉ាងមុតមាំថា សមិទ្ធផលដ៏ធំធេងនេះ នឹងចូលរួមចំណែកដ៏ធំធេងដល់ការស្រាវជ្រាវវិទ្យាសាស្ត្រ នៃបេសកកម្មក្នុងលំហអាកាសរបស់ចិន ដែលនឹងផ្ដល់ប្រយោជន៍ដល់ការអភិវឌ្ឍ និងការរុករកវិទ្យាសាស្ត្ររបស់មនុស្សជាតិទាំងមូល»៕

លេខរៀងបក្សនយោបាយដែលចូលរួមបោះឆ្នោតក្រុមប្រឹក្សាក្រុងបូកគោ ត្រូវបានចាប់ឆ្នោតរួចរាល់

ភ្នំពេញ៖ គណៈកម្មាធិការជាតិរៀបចំការបោះឆ្នោត(គ.ជ.ប ) បានចេញសេចក្តីប្រកាសព័ត៌មានស្តីពីការរៀបចំការចាប់ឆ្នោតលេខរៀងរបស់គណបក្សនយោបាយចំនួន ៤ដែលចូលរួមការបោះឆ្នោតក្រុមប្រឹក្សាក្រុងបូកគោ។សេចក្តីប្រកាសព័ត៌មានរបស់ គ.ជ.ប ចេញនៅថ្ងៃទី១៨ ខែឧសភា ឆ្នាំ២០២១ បានឲ្យដឹងថា បន្ទាប់ពីបានសម្រេចទទួលស្គាល់ជាផ្លូវការនូវការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះរបស់គណបក្សនយោបាយចំនួន៤ គណៈកម្មការរៀបចំការបោះឆ្នោតខេត្តកំពត បានរៀបចំពិធីចាប់ឆ្នោតដោយព្រះសង្ឃ ដើម្បីកំណត់លំដាប់លេខរៀងគណបក្សនយោបាយនៅលើសន្លឹកឆ្នោត នៅទីស្នាក់ការលេខាធិការដ្ឋាននៃគណៈកម្មការរៀបចំការបោះឆ្នោតខេត្តកំពត។ សេចក្តីប្រកាសព័ត៌មាន បានបញ្ជាក់ថា លទ្ធផលនៃការចាប់ឆ្នោតលំដាប់លេខរៀងដែលគណបក្សនយោបាយនីមួយៗទទួលបានបង្ហាញថា គណបក្សហ្វ៊ុនស៊ិនប៉ិច ទទួលបានលេខរៀងទី១, គណបក្សយុវជនកម្ពុជា ទទួលបានលេខរៀងទី២, គណបក្សប្រជាជនកម្ពុជា ទទួលបានលេខរៀងទី៣ និងគណបក្សសញ្ជាតិកម្ពុជា ទទួលបានលេខរៀងទី៤។ សេចក្តីប្រកាសព័ត៌មានដដែល បានឲ្យដឹងទៀត ថា ការកំណត់លំដាប់លេខរៀងគណបក្សនយោ បាយនៅលើសន្លឹកឆ្នោត នឹងជួយបង្កលក្ខណៈងាយស្រួលដល់គណបក្សនយោបាយពាក់ព័ន្ធក្នុងការឃោសនាបោះឆ្នោត ហើយជួយឱ្យអ្នកបោះឆ្នោតអាចស្គាល់បានដោយងាយនូវលេខរៀង និងឈ្មោះគណបក្សនយោបាយដែលគាត់ស្រលាញ់ពេញចិត្ត។គណៈកម្មការរៀបចំការបោះឆ្នោតខេត្តកំពត ត្រូវបិទផ្សាយបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ ដែលបានចាប់ឆ្នោតរួចហើយ ក្នុងរយៈពេលយ៉ាងតិច ៤៥ថ្ងៃមុនថ្ងៃបោះឆ្នោត ដោយយោងតាមមាត្រា២៦ នៃច្បាប់បោះឆ្នោតជ្រើសរើសក្រុមប្រឹក្សា៕ អត្ថបទ៖សេក ឧត្តម

វិបត្តិជំងឺ COVID-19 នៅឥណ្ឌាធ្វើឲ្យប៉ះពាល់ដល់គម្រោងចែកចាយវ៉ាក់សាំង Covax

ឥណ្ឌា៖ គម្រោងចែកចាយវ៉ាក់សាំងសកល នឹងធានាឲ្យទទួលបានវ៉ាក់សាំងបង្ការជំងឺ COVID-19 ស្មើភាពគ្នាចំនួន ១៤០លានដូសដោយសារវិបត្តិជំងឺ Covid-19 នៅតែបន្តក្នុងប្រទេសឥណ្ឌា។ វិទ្យាស្ថានសេរាំរបស់ឥណ្ឌា ដែលជាក្រុមហ៊ុនផ្គត់ផ្គង់ធំបំផុតតែមួយគត់ សម្រាប់គម្រោង Covax ពុំបានផលិតគ្រប់តម្រូវការតាមផែនការរបស់ខ្លួនទេ ចាប់តាំងពីការនាំចេញត្រូវបានផ្អាកកាលពីខែមីនា។ទីភ្នាក់ងារកុមាររបស់អង្គការសហប្រជាជាតិហៅកាត់ថា UNICEF បានទិញ និងចែកចាយវ៉ាក់សាំងសម្រាប់គម្រោង Covax។ អង្គការនេះកំពុងជំរុញដល់បណ្ដាប្រទេស G7 និងរដ្ឋនានានៅអឺរ៉ុបចែករំលែកដូសវ៉ាក់សាំងរបស់ខ្លួន។ បណ្ដាប្រទេសទាំងនោះគ្រោងនឹងជួបគ្នានៅក្នុងចក្រភពអង់គ្លេសនៅខែក្រោយ។ អង្គការនេះកំពុងអំពាវនាវដល់ប្រទេសជាសមាជិក G7 ដូចជា កាណាដា អាល្លឺម៉ង់ អ៊ីតាលី ជប៉ុន អង់គ្លេស និងអាមេរិក ព្រមទាំងសហភាពអឺរ៉ុប បរិច្ចាគវ៉ាក់សាំងបន្ទាន់សេសសល់ពីការផ្គត់ផ្គង់របស់ខ្លួន៕អត្ថបទ៖ សុខមាន

ថៃរាយការណ៍ករណីឆ្លងថ្មីនៃជំងឺ COVID-19 ប្រចាំថ្ងៃខ្ពស់បំផុតមិនធ្លាប់មាន រួមទាំងករណីឆ្លងជាក្រុមនៅពន្ធនាគារ

ថៃ៖ នៅថ្ងៃចន្ទនេះ ប្រទេសថៃរាយការណ៍ករណីឆ្លងថ្មីនៃជំងឺ COVID-19 ប្រចាំថ្ងៃខ្ពស់បំផុតពុំធ្លាប់មានទាល់តែសោះរហូតដល់ចំនួន ៩,៦៣៥នាក់រួមទាំងការឆ្លងចំនួន ៦,៨៥៣នាក់ក្នុងចំណោមអ្នកទោសពីការឆ្លងជាក្រុមនៅពន្ធនាគារ ខណៈប្រទេសនេះព្យាយាមទប់ទល់នឹងរលកឆ្លងទី៣។ករណីឆ្លងទាំងនេះ នាំឲ្យចំនួនអ្នកឆ្លងសរុបទូទាំងប្រទេសនេះកើនឡើងដល់ ១១១,០៨២នាក់។ ក្រុមទទួលបន្ទុកវិបត្តិជំងឺ COVID-19 របស់ថៃក៏បានកត់ត្រាករណីស្លាប់ថ្មីចំនួន ២៥នាក់បន្ថែមទៀតផងដែរ ដែលនាំឲ្យអ្នកស្លាប់សរុបទូទាំងប្រទេសនេះបានឡើងដល់ ៦១៤នាក់ចាប់តាំងពីជំងឺរាតត្បាតសកលចាប់ផ្ដើមផ្ទុះកាលពីឆ្នាំមុន។ ប្រទេសថៃបានចាក់វ៉ាក់សាំងបង្ការជំងឺ COVID-19 ជាង ២លាន ២សែនដូសដល់ក្រុមបុគ្គលិកជួរមុខ និងក្រុមមនុស្សដែលប្រឈមហានិភ័យខ្ពស់ដោយប្រើវ៉ាក់សាំងនាំចូល Sinovac Biotech របស់ប្រទេសចិន និង Astra Zeneca របស់ចក្រភពអង់គ្លេស៕អត្ថបទ៖ សុខមាន

មនុស្ស៤នាក់ស្លាប់ដោយសារជំងឺកូវីដ-១៩ ខណៈមនុស្ស៣៦០នាក់ផ្សេងទៀតបានឆ្លងមេរោគនេះ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៤នាក់ទៀត បានស្លាប់បាត់បង់ជីវិតដោយសារជំងឺកូវីដ-១៩ ខណៈមនុស្ស ៣៦០នាក់ផ្សេងទៀត ត្រូវបានរកឃើញឆ្លងមេរោគផ្លូវដង្ហើមនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា តួលេខអ្នកស្លាប់សរុបបានកើនឡើងដល់ ១៥៤នាក់ហើយ ក្នុងនោះមានទាំងតួលេខអ្នកស្លាប់ថ្មី ៤នាក់ដែលក្រសួងប្រកាសនៅថ្ងៃនេះផងដែរ។បើតាមក្រសួងសុខាភិបាល មនុស្ស ៣៦០នាក់ទៀត ត្រូវបានរកឃើញឆ្លងមេរោគកូវីដ-១៩ ដែលក្នុងនោះករណីឆ្លងថ្មីដល់ទៅ ៣៥៦នាក់ សុទ្ធតែពាក់ព័ន្ធនឹងព្រឹត្តិការន៍សហគមន៍ ២០កុម្ភៈ ហើយ ៤ករណីទៀត គឺជាករណីនាំចូលពីក្រៅប្រទេស។គិតត្រឹមថ្ងៃនេះ កម្ពុជារកឃើញមនុស្ស ២២ ៥៤៤នាក់ហើយបានឆ្លងមេរោគកូវីដ-១៩នៅទូទាំងប្រទេសគិតចាប់តាំងពីកម្ពុជារកឃើញករណីឆ្លងមេរោគនេះជាលើកដំបូងកាលពីចុងខែមករា ឆ្នាំ២០២០មក។ក្រសួងសុខាភិបាលក៏បានឱ្យដឹងផងដែរថា អ្នកជំងឺកូវីដ-១៩សរុប ១៣ ០០៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៨៨៦នាក់ដែលក្រសួងប្រកាសនៅថ្ងៃនេះផងដែរ៕

ការវាយប្រហារតាមអាកាសរបស់អ៊ីស្រាអែលសម្លាប់មនុស្ស ៤២នាក់នៅតំបន់ហ្គាហ្សា ខណៈប្រមុខ UN ជំរុញឲ្យបញ្ឈប់ជម្លោះនេះ

ហ្គាហ្សា៖ ការវាយប្រហារតាមអាកាសរបស់អ៊ីស្រាអែល បានសម្លាប់ពលរដ្ឋប៉ាឡេស្ទីនចំនួន ៤២នាក់នៅក្នុងតំបន់ហ្គាហ្សាកាលពីថ្ងៃអាទិត្យ ជាចំនួនអ្នកស្លាប់ច្រើនបំផុតប្រចាំថ្ងៃក្នុងរយៈពេលជិត ១សប្ដាហ៍នៃការប៉ះទង្គិចដ៏ខ្លាំងក្លា ខណៈដែលជំនួបពិភាក្សារបស់ក្រមប្រឹក្សាសន្តិសុខអង្គការសហប្រជាជាតិបានបរាជ័យ ទោះបីជាសកលលោកបង្ហាញក្ដីបារម្ភពីជម្លោះដែលចេះតែរីកធំក៏ដោយ។ក្រុមអ្នកសារព័ត៌មាន AFP បាននិយាយថា យន្តហោះចម្បាំងរបស់អ៊ីស្រាអែលនៅតែបន្តវាយសន្ធាប់ លើតំបន់ព័ទ្ធជុំវិញប៉ាឡេស្ទីនទាំងយប់អធ្រាត្រថ្ងៃអាទិត្យឈានចូលថ្ងៃចន្ទនេះ ដោយបើកការវាយប្រហារតាមអាកាសរាប់សិបលើក នៅទូទាំងដែនដីមានដង់ស៊ីតេប្រជាជនដ៏ច្រើនក្នុងពេលប៉ុន្មាននាទី និងបណ្ដាលឲ្យដាច់ចរន្តអគ្គិសនី។ ទាហានអ៊ីស្រាអែលបាននិយាយថា នៅព្រឹកព្រលឹមថ្ងៃចន្ទនេះយន្តហោះចម្បាំងរបស់ខ្លួន បានវាយប្រហារយ៉ាងខ្លាំងដាក់គោលដៅលើតំបន់ហ្គាហ្សា។ អគ្គលេខាធិការអង្គការសហប្រជាជាតិ លោក Antonio Guterres បានអំពាវនាវឲ្យបញ្ចប់ភ្លាមៗនូវអំពើហិង្សា និងបានព្រមានពីសន្តិសុខដ៏ធ្ងន់ធ្ងរ និងវិបត្តិមនុស្សធម៌។ ទាហានអ៊ីស្រាអែលនិយាយថា រ៉ូកែតប្រមាណ ៣.០០០គ្រាប់ត្រូវបានបាញ់ផ្លោង ចាប់តាំងពីល្ងាចថ្ងៃចន្ទសប្ដាហ៍មុនចេញពីតំបន់ហ្គាហ្សាចូលទៅទឹកដីអ៊ីស្រាអែល ជាអត្រាខ្ពស់បំផុតដែលមិនធ្លាប់បានកត់ត្រា។ យោងតាមទាហានខាងលើឲ្យដឹងថា រ៉ូកែតប្រហែល ៣៥០គ្រាប់បានធ្លាក់ក្នុងតំបន់ឆ្នេរ ខណៈដែលប្រព័ន្ធស្ទាក់ចាប់មីស៊ីល Iron Dome ចាប់បានជាង ១.០០០គ្រាប់៕អត្ថបទ៖ សុខមាន

ក្រុមប្រឹក្សាសន្តិសុខ UN នឹងជួបប្រជុំគ្នាជាថ្មីទៀតស្ដីពីអំពើហិង្សារវាងអ៊ីស្រាអែល និងប៉ាឡេស្ទីន បន្ទាប់ពីអាមេរិករារាំង

UN៖ ក្រុមអ្នកការទូតបាននិយាយកាលពីថ្ងៃព្រហស្បតិ៍ថា ក្រុមប្រឹក្សាសន្តិសុខអង្គការសហប្រជាជាតិនឹងរៀបចំជំនួបតាម Video នៅថ្ងៃអាទិត្យចុងសប្ដាហ៍នេះ ដើម្បីដោះស្រាយអំពើហិង្សាដែលកំពុងឡើងកម្ដៅរវាងអ៊ីស្រាអែល និងពលរដ្ឋប៉ាឡេស្ទីន។ប្រភពដដែលបាននិយាយថា សហរដ្ឋអាមេរិកដែលបានរារាំងជំនួប ដែលដើមឡើយគ្រោងនឹងប្រព្រឹត្តទៅនៅថ្ងៃសុក្រនេះ និងបានស្នើឲ្យមានជំនួបនៅដើមសប្ដាហ៍ក្រោយ បានព្រមព្រៀងឲ្យមានសម័យប្រជុំដែលស្នើដោយប្រទេសទុយនីស៊ី, ន័រវែស និងចិននៅថ្ងៃអាទិត្យចុងសប្ដាហ៍នេះវិញ។ កាលពីព្រឹកថ្ងៃព្រហស្បតិ៍ សហរដ្ឋអាមេរិកបានលើកឡើងថា ខ្លួនចង់បានការផ្ដល់ពេលវេលាសម្រាប់ផ្នែកការទូត។ រដ្ឋមន្ត្រីក្រសួងការបរទេសអាមេរិក លោក Antony Blinken ដែលត្រូវបានសួរពីការលុបចោលសម័យប្រជុំនៅថ្ងៃសុក្រនេះ បាននិយាយថា សហរដ្ឋអាមេរិកមិនបានរារាំងជំនួបទេ តែចង់ឲ្យលើកទៅធ្វើនៅពេលក្រោយ។ លោក Blinken បានប្រាប់ក្រុមអ្នកយកសារព័ត៌មាននៅក្នុងទីក្រុង Washington ថា យើងមិនចង្អៀតចង្អល់ ហើយក៏គាំទ្រឲ្យបើកកិច្ចពិភាក្សាដោយចំហ នៅឯអង្គការសហប្រជាជាតិដែរ។ប៉ុន្តែរដ្ឋបាលរបស់លោកប្រធានាធិបតី Joe Biden ក៏បានបង្ហាញក្ដីបារម្ភផងដែរជុំវិញការស្លាប់ និងរបួសជនស៊ីវិល ហើយកាលពីពេលថ្មីៗនេះបានជំរុញឲ្យអ៊ីស្រាអែល បញ្ឈប់ការបណ្ដេញពលរដ្ឋប៉ាឡេស្ទីននៅក្នុងទីក្រុង Jerusalem ជាមូលហេតុជំរុញឲ្យមានជម្លោះផ្ទុះឡើងភ្លាមៗ។ យោធាអ៊ីស្រាអែលបាននិយាយនៅក្នុងសេចក្ដីថ្លែងការណ៍មួយ នៅព្រឹកថ្ងៃសុក្រនេះថា ការវាយប្រហារពីលើអាកាស និងលើដីគោកកំពុងសម្រុកខ្លាំង លើតំបន់ព័ទ្ធជុំវិញដែលគ្រប់គ្រងដោយក្រុមហាម៉ាស់។ ជាការឆ្លើយតប គ្រាប់រ៉ូកែតជាច្រើនក៏ត្រូវបានបាញ់ចេញពីតំបន់ហ្គាហ្សាផងដែរ៕អត្ថបទ៖ សុខមាន

ក្រុមហាម៉ាស់បន្តបាញ់រ៉ូកែតសន្ធាប់ពីតំបន់ហ្គាហ្សាលើអ៊ីស្រាអែល ខណៈអ្នកស្លាប់កើនឡើងជាង ១០០នាក់

អ៊ីស្រាអែល៖ ក្រុមហាម៉ាស់បានបាញ់រ៉ូកែតធុនធ្ងន់ជាច្រើនគ្រាប់ ចូលជ្រៅទៅក្នុងប្រទេសអ៊ីស្រាអែលកាលពីថ្ងៃព្រហស្បតិ៍ ខណៈដែលអ៊ីស្រាអែលបានវាយកម្ទេចតំបន់ហ្គាហ្សា ដោយការវាយប្រហារតាមអាកាសកាន់តែច្រើន និងបានកោះហៅទាហានបម្រុងចំនួន ៩០០០នាក់បន្ថែមទៀត។ក្រុមហាម៉ាស់បាននិយាយថា ខ្លួនបានបាញ់រ៉ូកែតដ៏មានឥទ្ធិពលបំផុតឈ្មោះ Ayyash ចូលទៅមូលដ្ឋានទ័ពអាកាស Ramon ចម្ងាយ ១៨០គីឡូម៉ែត្រពីតំបន់ហ្គាហ្សា ជាទីដែលជើងហោះហើរមួយចំនួនត្រូវបានបង្វែរទិសដៅ ចេញពីអាកាសយានដ្ឋានអន្តរជាតិ Ben Gurion។ មនុស្សជាង ១០៣នាក់បានស្លាប់នៅតំបន់ហ្គាហ្សា និង ៧នាក់បានស្លាប់នៅអ៊ីស្រាអែល។ ចំនួនអ្នកស្លាប់កើនឡើងរួមទាំងកុមារ ២៧នាក់ និងស្ត្រី ១១នាក់ ខណៈដែលមនុស្ស ៥៨០នាក់ត្រូវបានរបួសដោយការវាយប្រហារតាមអាកាស និងការបាញ់ផ្លោងគ្រាប់កាំភ្លើងត្បាល់របស់អ៊ីស្រាអែល ទៅលើតំបន់ព័ទ្ធជុំវិញឆ្នេរសមុទ្រប៉ាឡេស្ទីនចាប់តាំងពីថ្ងៃចន្ទ។ ភាពតានតឹងដែលចេះតែកើនឡើងឥតឈប់ឈរបានកើតឡើង ស្របពេលដែលក្រុមអ្នកចរចាអេហ្ស៊ីបបានជួបពិភាក្សាដោយផ្ទាល់ជាមួយភាគីទាំងពីរ ដោយបានបង្កើនកិច្ចប្រឹងប្រែងក្នុងការសម្របសម្រួល។ទោះបីជាមានការអំពាវនាវពីក្រុមអ្នកសម្របសម្រួលក៏ដោយ ក៏ពួកសកម្មប្រយុទ្ធនៅតំបន់ហ្គាហ្សាបានបាញ់រ៉ូកែតប្រមាណ ១០០គ្រាប់ស្ទើរតែដំណាលគ្នា ដែលបង្កើនការវាយឆ្មក់តាមអាកាសនៅជុំវិញភាគខាងត្បូង និងកណ្ដាលអ៊ីស្រាអែល។ មិនមានសេចក្ដីរាយការណ៍អំពីការខូចខាត ឬគ្រោះថ្នាក់ភ្លាមៗទេ ប៉ុន្តែការវាយឆ្មក់តាមអាកាសបានកើតឡើង ក្នុងគោលបំណងបង្ហាញថា ឃ្លាំងអាវុធរបស់ក្រុមហាម៉ាសនៅតែពេញ សូម្បីតែបន្ទាប់ពីការវាយប្រហារតាមអាកាស ៣យប់ និងការស្លាប់មេដឹកនាំហាម៉ាស់ជាច្រើននាក់ ដែលពាក់ព័ន្ធនឹងកម្មវិធីរ៉ូកែតនេះក៏ដោយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រថយន្តដឹកជំនួយរបស់អង្គការសហប្រជាជាតិមួយចំនួនតូចត្រូវបានអនុញ្ញាតឲ្យចូលទៅតំបន់ហ្គាហ្សា

ចំនួនអ្នកស្លាប់កើនឡើងក្នុងជម្លោះអ៊ីស្រាអែល និងតំបន់ហ្គាហ្សា ខណៈមានភាពជាប់គាំងនៅអង្គការសហប្រជាជាតិ

ប្រមុខរាជរដ្ឋាភិបាលកម្ពុជា អបអរសាទរចិនក្រោយយានអវកាសស៊ូរ៉ុងចុះចតលើភពព្រះអង្គារដោយជោគជ័យ

លេខរៀងបក្សនយោបាយដែលចូលរួមបោះឆ្នោតក្រុមប្រឹក្សាក្រុងបូកគោ ត្រូវបានចាប់ឆ្នោតរួចរាល់

វិបត្តិជំងឺ COVID-19 នៅឥណ្ឌាធ្វើឲ្យប៉ះពាល់ដល់គម្រោងចែកចាយវ៉ាក់សាំង Covax

ថៃរាយការណ៍ករណីឆ្លងថ្មីនៃជំងឺ COVID-19 ប្រចាំថ្ងៃខ្ពស់បំផុតមិនធ្លាប់មាន រួមទាំងករណីឆ្លងជាក្រុមនៅពន្ធនាគារ

មនុស្ស៤នាក់ស្លាប់ដោយសារជំងឺកូវីដ-១៩ ខណៈមនុស្ស៣៦០នាក់ផ្សេងទៀតបានឆ្លងមេរោគនេះ

ក្រុមហាម៉ាស់បន្តបាញ់រ៉ូកែតសន្ធាប់ពីតំបន់ហ្គាហ្សាលើអ៊ីស្រាអែល ខណៈអ្នកស្លាប់កើនឡើងជាង ១០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លេខ​រៀង​បក្សនយោបាយ​ដែល​ចូលរួម​បោះឆ្នោតក្រុមប្រឹក្សា​ក្រុង​បូកគោ ត្រូវបាន​ចាប់ឆ្នោត​រួចរាល់​

វិបត្តិ​ជំងឺ​ COVID-19 នៅ​ឥណ្ឌា​ធ្វើ​ឲ្យ​ប៉ះពាល់​ដល់​គម្រោង​ចែក​ចាយ​វ៉ាក់សាំង Covax

មនុស្ស​៤​នាក់​ស្លាប់​ដោយសារ​ជំងឺ​កូវីដ-១៩ ខណៈ​មនុស្ស​៣៦០​នាក់​ផ្សេង​ទៀត​បាន​ឆ្លង​មេរោគ​​នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លេខរៀងបក្សនយោបាយដែលចូលរួមបោះឆ្នោតក្រុមប្រឹក្សាក្រុងបូកគោ ត្រូវបានចាប់ឆ្នោតរួចរាល់

វិបត្តិជំងឺ COVID-19 នៅឥណ្ឌាធ្វើឲ្យប៉ះពាល់ដល់គម្រោងចែកចាយវ៉ាក់សាំង Covax

មនុស្ស៤នាក់ស្លាប់ដោយសារជំងឺកូវីដ-១៩ ខណៈមនុស្ស៣៦០នាក់ផ្សេងទៀតបានឆ្លងមេរោគនេះ