នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សហភាពអឺរ៉ុប ជួយប្រទេសបារាំង និងអេស្ប៉ាញ ដោះស្រាយបញ្ហាចំហេះព្រៃ
ប្រធានាធិបតីអ៊ុយក្រែន៖ លោកPutin មានផែនការកេណ្ឌកងទ័ពថ្មីរហូតដល់កន្លះលាននាក់
បារាំង និងអេស្ប៉ាញ គ្រោងនឹងគាំទ្រផ្នែក​សេដ្ឋកិច្ច ខណៈចំហេះ​ព្រៃធំៗ នៅតែឆាប​ឆេះ
ប្រេស៊ីលស្វែងរកការពិគ្រោះយោបល់ជាមួយ WTO ជុំវិញ​អត្រា​ពន្ធ​របស់សហរដ្ឋអាមេរិក

ព័ត៌មានអន្តរជាតិ

មេបញ្ជាការកងទ័ពអ៊ីស្រាអែលសន្យាធ្វើសកម្មភាព «យ៉ាងម៉ឺងម៉ាត់» ប្រឆាំងនឹងក្រុមហេសបូឡា

2026/07/07 12:14:34 am        35
Facebook Telegram Linkin
មេបញ្ជាការយោធាអ៊ីស្រាអែល កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) បានទៅពិនិត្យមើល​កងកម្លាំងដែលដាក់ពង្រាយនៅជុំវិញប្រាសាទ Beaufort នៅភាគខាងត្បូងនៃ​ប្រទេសលីបង់ ដោយសន្យា​យ៉ាង​ម៉ឺងម៉ាត់​ជំរុញយុទ្ធនាការប្រឆាំងនឹងក្រុមហេសបូឡា។យោងតាមសេចក្តីថ្លែងការណ៍ដែលចេញផ្សាយ​ដោយយោធា បាន​ឱ្យ​ដឹង​ថា ឧត្តមសេនីយ៍ឯក លោក​ Eyal Zamir បានប្រាប់ទាហានក្នុងអំឡុងពេលនោះ​ថា៖ «កងកម្លាំង IDF (កងកម្លាំង​ការពារ​ជាតិ​អ៊ីស្រាអែល​) នឹងបន្តប្រតិបត្តិការយ៉ាងម៉ឺងម៉ាត់ ដើម្បីលុបបំបាត់ការគំរាមកំហែងចេញពីទឹកដីលីបង់ ហើយត្រៀមខ្លួនរួចជាស្រេច ដើម្បីផ្លាស់ប្តូរយ៉ាងឆាប់រហ័សទៅជាប្រតិបត្តិការវាយលុក ប្រសិនបើបទឈប់បាញ់ត្រូវបានរំលោភបំពាន»។កងកម្លាំងអ៊ីស្រាអែលបានរឹបអូសកាន់កាប់​ប្រាសាទសម័យសង្គ្រាមសាសនា និងតំបន់ជុំវិញប្រាសាទ​​ថ្មីៗនេះ ដោយផ្តល់ឱ្យយោធានូវមូលដ្ឋានយុទ្ធសាស្ត្រដែលខ្លួនធ្លាប់កាន់កាប់អស់រយៈពេលជិត ២ទសវត្សរ៍មកហើយ។អ៊ីស្រាអែលឱ្យដឹង​ថា ខ្លួនបានរកឃើញបណ្តាញផ្លូវរូងក្រោមដី នៅក្រោមប្រាសាទនេះ​ ដោយបញ្ជាក់​ថា វាត្រូវបានសាងសង់ឡើង ដើម្បី​ឱ្យយុទ្ធជនរបស់​ក្រុមសកម្មប្រយុទ្ធលីបង់ គឺហេសបូឡា​ មាន​នូវមជ្ឈមណ្ឌលវាយប្រហារដែលមានកំពែងរឹងមាំ ត្រឹមតែប៉ុន្មានគីឡូម៉ែត្រពីទឹកដីអ៊ីស្រាអែល។ដោយសំដៅទៅលើកិច្ចព្រមព្រៀងសម្របសម្រួលដោយសហរដ្ឋអាមេរិកថ្មីៗនេះ រវាងអ៊ីស្រាអែល និងលីបង់ ដែលមានបំណងបញ្ឈប់អរិភាពជាអចិន្ត្រៃយ៍ លោក Zamir បាននិយាយកាលពីថ្ងៃអាទិត្យថា៖ «សកម្មភាពកងទ័ពរបស់យើងនៅតំបន់​​ Beaufort Ridge និងទូទាំងភាគខាងត្បូងលីបង់ កំពុងត្រូវបានអនុវត្តស្របតាមក្របខ័ណ្ឌនៃកិច្ចព្រមព្រៀង និងយន្តការដែលបានបង្កើតឡើងក្រោមកិច្ចព្រមព្រៀងនេះ»៕

ក្រសួងសុខាភិបាលប៉ាឡេស្ទីននិយាយថា កងកម្លាំងអ៊ីស្រាអែលបានសម្លាប់ក្មេងជំទង់ម្នាក់ នៅតំបន់វេសបែង

2026/07/07 12:10:49 am        54
Facebook Telegram Linkin
ក្រសួងសុខាភិបាលប៉ាឡេស្ទីន បាននិយាយថា កងកម្លាំងអ៊ីស្រាអែលបានបាញ់សម្លាប់ក្មេងប្រុសអាយុ ១៦ ឆ្នាំម្នាក់ នៅតំបន់វេសបែង (West Bank) កាលពីថ្ងៃអាទិត្យ ដែលជាការសម្លាប់ក្មេងជំទង់ប៉ាឡេស្ទីនលើកទី២ ក្នុងរយៈពេលមួយសប្តាហ៍។ក្មេងប្រុសពីរនាក់ផ្សេងទៀត ដែលទាំងពីរមានអាយុ ១៤ ឆ្នាំ បានរងរបួស នៅក្នុងហេតុការណ៍នៅជំរំជនភៀសខ្លួន Qalandia ជិតទីក្រុងរ៉ាម៉ាឡា( Ramallah) នេះបើយោងតាមក្រសួង។ក្រសួងបាននិយាយថា៖«យុវជន Waleed Nidal Waleed Abu Sneineh អាយុ ១៦ឆ្នាំ ត្រូវបានប្រកាសថា បានស្លាប់ បន្ទាប់ពីត្រូវបានបាញ់ដោយកងកម្លាំងអ៊ីស្រាអែល»។«កុមារពីរនាក់ផ្សេងទៀតបានរងរបួសដោយគ្រាប់កាំភ្លើងនៅអវយវៈខាងក្រោម ក្នុងហេតុការណ៍ដូចគ្នានោះ»៕

របាយការណ៍៖ លោក Netanyahu កោះប្រជុំសន្តិសុខ​ ដើម្បីអនុម័តទីតាំង​ដកទ័ពអ៊ីស្រាអែល នៅលីបង់

2026/07/07 12:08:24 am        52
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានកោះប្រជុំសន្តិសុខកម្រិតខ្ពស់ កាលពី​ថ្ងៃអាទិត្យ (ទី៥ ខែកក្កដា ឆ្នាំ២០២៦) ដើម្បីអនុម័តទីតាំងដកទ័ពដែលបានគ្រោងទុក សម្រាប់កងកម្លាំងអ៊ីស្រាអែល នៅភាគខាងត្បូងនៃ​ប្រទេសលីបង់ ក្រោមកិច្ចព្រមព្រៀងក្របខ័ណ្ឌដសម្របសម្រួលដោយសហរដ្ឋអាមេរិក។​ នេះបើយោងតាមប្រព័ន្ធផ្សព្វផ្សាយក្នុងស្រុក។ប្រព័ន្ធ​ផ្សព្វផ្សាយ​ប៉ុស្តិ៍លេខ១៣ របស់អ៊ីស្រាអែល ដោយដកស្រង់ប្រភពព័ត៌មាន បានឱ្យដឹង​ថា មន្ត្រីយោធាជាន់ខ្ពស់ និងសន្តិសុខ បានចូលរួមកិច្ចប្រជុំនេះ​ ដោយ​ផ្តោតលើការកំណត់តំបន់ដែលរួមបញ្ចូលនៅក្នុងដំណាក់កាលដកទ័ពដំបូង និងយន្តការ សម្រាប់អនុវត្តចំណាត់ការ​នេះ ដោយសម្របសម្រួលជាមួយភាគីអន្តរជាតិ ជាពិសេសសហរដ្ឋអាមេរិក។កិច្ចប្រជុំនេះកើតឡើង ខណៈដែលអ៊ីស្រាអែល និងលីបង់ បន្តទំនាក់ទំនងសម្របសម្រួលដោយសហរដ្ឋអាមេរិក ជុំវិញ​ការរៀបចំទីតាំង​​ជាក់​ស្ដែង​ រួមទាំងការកំណត់អ្វីដែលមន្ត្រីអ៊ីស្រាអែលពិពណ៌នាថា ជា «តំបន់គ្មានក្រុម​ហេសបូឡា​» ដើម្បីការពារកុំ​ឱ្យ​កើត​ជម្លោះ​ ឬការគណនាខុសក្នុងអំឡុងពេលដំណើរការដកទ័ព។ អ៊ីស្រាអែលមិនទាន់បានចាប់ផ្តើមដកទ័ពចេញពីតំបន់ដែលបានកំណត់នៅឡើយទេ ដោយភ្ជាប់ចំណាត់​ការ​នេះទៅនឹងការធានាថា កងទ័ពលីបង់ត្រៀមខ្លួនរួចជាស្រេច ដើម្បីដាក់ពង្រាយ និងគ្រប់គ្រង រួមជាមួយនឹងការរៀបចំត្រួតពិនិត្យអន្តរជាតិ។គួរបញ្ជាក់​ថា ក្រោមកិច្ចព្រមព្រៀងក្របខ័ណ្ឌសម្រប​សម្រួល​ដោយ​​សហរដ្ឋអាមេរិក ដែលបានចុះហត្ថលេខាកាល​ពី​ថ្ងៃទី២៦ ខែមិថុនា អ៊ីស្រាអែលបានយល់ព្រមអនុវត្តដំណើរ​ការដក​ទ័ពបន្តិចម្តងៗចេញពីទឹកដីលីបង់ ដោយចាប់ផ្តើមជាមួយនឹងតំបន់សាកល្បងចំនួន​២។ កិច្ចព្រមព្រៀងនេះ មិនបានកំណត់ពេលវេលា ដើម្បី​ឲ្យ​មាន​ការដកទ័ពរបស់អ៊ីស្រាអែលពេញលេញនោះទេ ហើយភ្ជាប់ការដាក់ពង្រាយបន្ថែមទៀតទៅកងទ័ពលីបង់ ដែលទទួលខុសត្រូវទាំង​ស្រុង ចំពោះ​សន្តិសុខ នៅក្នុងតំបន់ដែលត្រូវបានជម្លៀសចេញ និងការរំសាយអាវុធក្រុមប្រដាប់អាវុធប្រតិបត្តិការនៅក្រៅការគ្រប់គ្រងរបស់រដ្ឋ ដែល​ជាក់ស្តែងសំដៅទៅលើក្រុម​ហេសបូឡា៕

នាយករដ្ឋមន្ត្រីអ៊ីស្រាអែល៖ គ្មានភាពប្រេះឆារវាងសហរដ្ឋអាមេរិក និងអ៊ីស្រាអែលទេ

2026/07/07 12:03:35 am        70
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu ក្នុងអំឡុងបទសម្ភាសន៍ជាមួយ Fox News Channel ដែលបានចេញផ្សាយកាលពីថ្ងៃអាទិត្យ ទី ៥ ខែកក្កដា បានបដិសេធការលើកឡើងអំពីភាពប្រេះឆាជាមួយប្រធានាធិបតីសហរដ្ឋអាមេរិក លោក Donald Trump ដោយនិយាយថា មេដឹកនាំទាំងពីរយល់ស្របគ្នា ៩៩% ហើយជាធម្មតាតែតែដោះស្រាយភាពខ្វែងគំនិតគ្នាណាមួយ។លោក Netanyahu បាននិយាយថា សកម្មភាពរួមគ្នារវាងសហរដ្ឋអាមេរិក និងអ៊ីស្រាអែល ប្រឆាំងអ៊ីរ៉ង់អាចជួយត្រួសត្រាយផ្លូវសម្រាប់កិច្ចព្រមព្រៀងសន្តិភាពក្នុងតំបន់បន្ថែមទៀត។ ការថ្លែងលើកឡើងរបស់លោក បានធ្វើឡើងបន្ទាប់ពីលោក Trump បានប្រាប់សារព័ត៌មាន Axios ថា លោក Netanyahu បានស្នើសុំជំនួបនៅសេតវិមានដែលអាចធ្វើឡើងនៅដើមសប្តាហ៍ក្រោយ។លោកប្រធានាធិបតីអាមេរិក បាននិយាយថា ជំនួបនៅសេតវិមានអាចធ្វើឡើងបន្ទាប់ពីលោកត្រឡប់ពីកិច្ចប្រជុំកំពូលប្រចាំឆ្នាំរបស់សម្ព័ន្ធយោធាណាតូដែលនឹងប្រព្រឹត្តទៅនៅឆ្នាំនេះក្នុងទីក្រុងអង់ការ៉ា ប្រទេសទួរគី ថ្ងៃទី ៧ និងទី ៨ ខែកក្កដា។ប៉ុន្តែកិច្ចប្រជុំនេះបានកើតឡើងខណៈភាពតានតឹងរវាងលោក Trump និងលោក Netanyahu បានលេចចេញជាសាធារណៈ។ អ៊ីស្រាអែលបានប្រឆាំងទៅនឹងកិច្ចខិតខំប្រឹងប្រែងក្រោមរដ្ឋបាលលោក Trump ក្នុងការចរចាបទឈប់បាញ់ជាមួយអ៊ីរ៉ង់ ហើយលោក Trump បានរិះគន់លោក Netanyahu ដោយបើកចំហចំពោះការវាយប្រហារជាបន្តបន្ទាប់របស់អ៊ីស្រាអែលលើប្រទេសលីបង់ ដែលគំរាមដល់កិច្ចព្រមព្រៀងណាមួយដែលបានចរចា។

កូវ៉ែត ចាប់ផ្តើមមូលនិធិសង្គ្រោះ១០០លានដុល្លារដើម្បីជួសជុលហេដ្ឋារចនាសម្ព័ន្ធដែលត្រូវបានបំផ្លាញដោយសង្គ្រាម

2026/07/07 12:01:53 am        57
Facebook Telegram Linkin
ប្រទេសកូវ៉ែត បានប្រកាសកាលពីថ្ងៃអាទិត្យអំពីការចាប់ផ្តើមដំណើរការមូលនិធិឆ្លើយតបបន្ទាន់ដែលមានធនធានដំបូងចំនួន១០០លានដុល្លារអាមេរិក ជាផ្នែកមួយនៃកិច្ចខិតខំប្រឹងប្រែងរបស់ប្រទេសដើម្បីជួសជុលអគារដែលខូចខាតក្នុងសង្គ្រាមអ៊ីរ៉ង់។លោក Sheikh Jarrah Jaber Al-Ahmad Al-Sabah រដ្ឋមន្ត្រីការបរទេសកូវ៉ែត បាននិយាយក្នុងសន្និសីទសារព័ត៌មានថា មូលនិធិឆ្លើយតបបន្ទាន់របស់ប្រទេសកូវ៉ែត ដែលបានដាក់ឱ្យដំណើរការដោយមូលនិធិកូវ៉ែតសម្រាប់ការអភិវឌ្ឍសេដ្ឋកិច្ចអារ៉ាប់ (KFAED) មានគោលបំណងបង្កើតក្របខ័ណ្ឌហិរញ្ញប្បទានសង្គ្រោះបន្ទាន់ និងជំរុញការឆ្លើយតបវិបត្តិរបស់ប្រទេស។លោករដ្ឋមន្ត្រីនិយាយថា មូលនិធិនេះនឹងគាំទ្រកិច្ចខិតខំប្រឹងប្រែងរបស់ប្រទេសកូវ៉ែតក្នុងការជួសជុលហេដ្ឋារចនាសម្ព័ន្ធដែលត្រូវបានបំផ្លាញជាអ្វីដែលលោកបានពិពណ៌នាថាជា «ការឈ្លានពានរបស់អ៊ីរ៉ង់»។ នៅថ្ងៃទី២៨ ខែកុម្ភៈ សហរដ្ឋអាមេរិក និងអ៊ីស្រាអែល បានបើកការវាយប្រហាររួមគ្នាលើអ៊ីរ៉ង់។ ទីក្រុងតេអេរ៉ង់ បានសងសឹកដោយការវាយប្រហារដោយមីស៊ីលនិងយានដ្រូនដាក់គោលដៅលើមូលដ្ឋានយោធាអ៊ីស្រាអែល និងសហរដ្ឋអាមេរិក នៅក្នុងប្រទេសនានាដែលនៅជិតខាង។

យោធាអ៊ីស្រាអែល ឃុំខ្លួនជនស៊ីវិលដែលព្យាយាមឆ្លងដែនចូលទៅក្នុងប្រទេសស៊ីរី

2026/07/06 11:59:49 pm        47
Facebook Telegram Linkin
យោធាអ៊ីស្រាអែលបាននិយាយថា ខ្លួនបានឃុំខ្លួនជនស៊ីវិលអ៊ីស្រាអែលរាប់សិបនាក់ដែលបានព្យាយាមឆ្លងកាត់ព្រំដែនចូលទៅក្នុងទឹកដីប្រទេសស៊ីរី កាលពីព្រឹកថ្ងៃអាទិត្យ។ យោងតាមកងកម្លាំងការពារអ៊ីស្រាអែល បានឲ្យដឹងថា កងទ័ពត្រូវបានដាក់ពង្រាយដោយបានឃុំខ្លួនជនសង្ស័យ និងប្រគល់ពួកគេទៅឱ្យនគរបាលដើម្បីសួរចម្លើយបន្ថែម។យោធាបានថ្កោលទោសការប៉ុនប៉ងឆ្លងកាត់ព្រំដែននេះ ដោយពណ៌នាថាវាជា «ឧបទ្ទវហេតុធ្ងន់ធ្ងរ» និង «បទល្មើសព្រហ្មទណ្ឌ»។ ប្រព័ន្ធផ្សព្វផ្សាយអ៊ីស្រាអែល បានកំណត់អត្តសញ្ញាណអ្នកដែលត្រូវបានឃុំខ្លួនថាជាសកម្មជនតាំងលំនៅឋានមកពីក្រុម «Bashan Pioneers»។ ក្រុមនេះបានព្យាយាមឆ្លងកាត់ចូលទៅក្នុងប្រទេសស៊ីរីម្តងហើយម្តងទៀតក្នុងរយៈពេលមួយឆ្នាំកន្លងទៅនេះដើម្បីសាងសង់ការតាំងលំនៅឋាន ដែលតាមសេចក្តីរាយការណ៍ថា មានការគាំទ្រពីសមាជិកសភាអ៊ីស្រាអែល។

UNICEF៖ កុមារជាង ៣០០នាក់ត្រូវបានសម្លាប់ នៅក្នុងសង្គ្រាមនៅស៊ូដង់ ក្នុងរយៈពេល ៦ខែ

2026/07/06 11:56:57 pm        64
Facebook Telegram Linkin
ទីភ្នាក់ងារកុមាររបស់អង្គការសហប្រជាជាតិ បាននិយាយនៅថ្ងៃចន្ទនេះថា កុមារជាង ៣០០នាក់ ត្រូវបានសម្លាប់ ក្នុងរយៈពេល ៦ខែចុងក្រោយនេះ នៅក្នុងសង្គ្រាមនៅស៊ូដង់ ភាគច្រើនគឺដោយសារការវាយប្រហារដោយយានដ្រូន។ ប្រទេសស៊ូដង់បានជាប់គាំងនៅក្នុងសង្គ្រាមរវាងយោធាស៊ូដង់ និងកងកម្លាំងគាំទ្ររហ័ស (RSF) ចាប់តាំងពីខែមេសា ឆ្នាំ ២០២៣។សង្គ្រាមឥឡូវនេះ ត្រូវបានបន្តនៅក្នុងរដ្ឋ Kordofan, Darfur និង Blue Niles ដោយសង្គ្រាមយានដ្រូន បានបណ្តាលឲ្យមានអ្នកស្លាប់ និងរបួសចំនួន ៦០ភាគរយ។ នេះបើយោងតាមអង្គការ UNICEF។អង្គការសហប្រជាជាតិ សហរដ្ឋអាមេរិក ចក្រភពអង់គ្លេស និងប្រទេសដទៃទៀត បានសម្តែងការព្រួយបារម្ភអំពីអំពើឃោរឃៅដែលអាចកើតមាន ខណៈដែលកងកម្លំា RSF និងយោធាប្រយុទ្ធគ្នា ដើម្បីគ្រប់គ្រងទីក្រុងយុទ្ធសាស្ត្រ el-Obeid នៅក្នុងរដ្ឋ Kordofan ខាងជើង។ ជម្លោះនេះបានសម្លាប់មនុស្សយ៉ាងហោចណាស់ ៥៩.០០០ នាក់ ធ្វើឲ្យមនុស្សប្រមាណ ១៣ លាននាក់ផ្លាស់ទីលំនៅ និងបានរុញច្រានតំបន់ជាច្រើននៃប្រទេសស៊ូដង់ឲ្យធ្លាក់ចូលទៅក្នុងទុរ្ភិក្ស។ មនុស្សជាង ៣០ លាននាក់ ត្រូវការជំនួយមនុស្សធម៌៕

លោក Trump ចំអកឲ្យនាយករដ្ឋមន្ត្រីអ៊ីតាលីជាមួយនឹងរូបភាពបង្កហេតុតាមអ៊ីនធឺណិត

2026/07/06 11:50:55 pm        55
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump កាលពីថ្ងៃអាទិត្យ បានបន្តជម្លោះជាសាធារណៈរបស់លោកជាមួយនាយករដ្ឋមន្ត្រីអ៊ីតាលី លោកស្រី Giorgia Meloni ដោយបង្ហោះរូបថតនៅលើបណ្តាញផ្សព្វផ្សាយសង្គមបញ្ជាក់ថាមេដឹកនាំអ៊ីតាលីអាយុ៤៩ឆ្នាំរូបនេះមានការចាប់អារម្មណ៍យ៉ាងខ្លាំងលើរូបលោក។ លោក Trump បានអះអាងកាលពីខែមុនថា មេដឹកនាំអ៊ីតាលីរូបនេះ បានស្វែងរកឱកាសថតរូបជាមួយលោកម្តងហើយម្តងទៀតក្នុងអំឡុងកិច្ចប្រជុំកំពូល G7 នៅប្រទេសបារាំង ហើយប្រជាប្រិយភាពក្នុងស្រុករបស់លោកស្រីបានធ្លាក់ចុះដោយសារតែជំហររបស់លោកស្រីចំពោះសហរដ្ឋអាមេរិក។ លោក Trump បានប្រាប់ប្រព័ន្ធផ្សព្វផ្សាយព័ត៌មានអ៊ីតាលី La7 កាលពីខែមុនថា «លោកស្រី ប្រហែលជាសប្បាយចិត្តដែលខ្ញុំបាននិយាយជាមួយ។ «លោកស្រី បានសុំអង្វរខ្ញុំឱ្យថតរូបជាមួយ។ លោកស្រីចង់បានរូបថតជាមួយខ្ញុំយ៉ាងខ្លាំង»។ក្នុងការឆ្លើយតប លោកស្រី Meloni បាននិយាយថា លោកស្រីមានការភ្ញាក់ផ្អើលយ៉ាងខ្លាំងចំពោះសេចក្តីថ្លែងការណ៍ដែលបាន «ប្រឌិតឡើងទាំងស្រុង» របស់លោក Trump។ «មានរឿងមួយដែលលោក Trump គួរចងចាំ ថា ទាំងខ្ញុំ និងប្រទេសអ៊ីតាលី មិនសុំអង្វរឡើយ»។ ចាប់តាំងពីសហរដ្ឋអាមេរិក និងអ៊ីស្រាអែល បានបើកការវាយប្រហារទ្រង់ទ្រាយធំលើអ៊ីរ៉ង់នៅថ្ងៃទី២៨ ខែកុម្ភៈ លោក Trump បានរិះគន់ដដែលៗចំពោះប្រទេសអ៊ីតាលី សម្រាប់ការបដិសេធមិនអនុញ្ញាតឱ្យប្រើប្រាស់អាកាសយានដ្ឋានរបស់ប្រទេសនេះក្នុងអំឡុងពេលប្រតិបត្តិការរបស់សហរដ្ឋអាមេរិកលើប្រទេសអ៊ីរ៉ង់។

ការរុលទៅមុខរបស់រុស្ស៊ីបរាជ័យនៅអ៊ុយក្រែន កងទ័ព៤ម៉ឺននាក់ត្រូវបានសម្លាប់នៅក្នុងខែមិថុនា

2026/07/06 11:49:04 pm        119
Facebook Telegram Linkin
កងកម្លាំងប្រដាប់អាវុធរបស់រុស្ស៊ី មានគោលបំណងដណ្តើមយកតំបន់ Donetsk ភាគខាងកើតរបស់អ៊ុយក្រែនដែលកាន់កាប់ដោយផ្នែកនៅសល់២០ភាគរយនៅចុងឆ្នាំនេះ ដោយយោងតាមទីក្រុងគីវថាបានបរាជ័យមិនបានបំពេញតាមកាលកំណត់មុនៗចំនួន ១៤ លើក ។ក្នុងអត្រានៃការរុលទៅមុខបច្ចុប្បន្នរបស់រុស្ស៊ី កងកម្លាំងរបស់ប្រធានាធិបតី លោក Vladimir Putin នឹងត្រូវការពេល ៥.១៥០ថ្ងៃ ឬ១៤ឆ្នាំ ដើម្បីបញ្ចប់ភារកិច្ចនេះ បន្ថែមលើរយៈពេល ១២ ឆ្នាំដែលកងកម្លាំងសម្ព័ន្ធមិត្តរបស់រុស្ស៊ីបានប្រយុទ្ធដើម្បីដណ្តើមយកតំបន់ Donetsk ពីការគ្រប់គ្រងរបស់ទីក្រុងគីវ។វិទ្យាស្ថានសម្រាប់ការសិក្សាសង្គ្រាមនិយាយថា នោះគឺដោយសារតែការដណ្តើមយកទឹកដីរបស់រុស្ស៊ីបានថយចុះនៅឆ្នាំនេះ ទោះបីជាមានអ្នកស្លាប់និងរងរបួសកើនឡើងក៏ដោយ នេះបើយោងតាមវិទ្យាស្ថានស្រាវជ្រាវមានមូលដ្ឋាននៅទីក្រុងវ៉ាស៊ីនតោន ដែលប្រើប្រាស់ព័ត៌មានប្រភពបើកចំហនិងទីតាំងភូមិសាស្ត្រ ដើម្បីប៉ាន់ប្រមាណការគ្រប់គ្រងទឹកដី។ កងកម្លាំងរុស្ស៊ីបានដណ្តើមយកទឹកដីចំនួន ២.១៩០ គីឡូម៉ែត្រក្រឡារបស់ប្រទេសអ៊ុយក្រែនក្នុងរយៈពេលប្រាំមួយខែដំបូងនៃឆ្នាំ ២០២៥ បើប្រៀបធៀបទៅនឹងឆ្នាំនេះដណ្តើមបានផ្ទៃដី ៦២២ គីឡូម៉ែត្រក្រឡា។

នាយករដ្ឋមន្ត្រីអ៊ីស្រាអែល៖ ក្រុមហាម៉ាសត្រូវតែរំសាយអាវុធមុនពេលកសាងតំបន់ហ្កាហ្សាឡើងវិញ

2026/07/06 11:46:31 pm        47
Facebook Telegram Linkin
យោងតាមរបាយការណ៍ប្រព័ន្ធផ្សព្វផ្សាយពីកាសែតប្រចាំថ្ងៃអ៊ីស្រាអែល Yedioth Ahronoth បានឲ្យដឹងថា នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃអាទិត្យថា ការកសាងឡើងវិញតំបន់ហ្កាហ្សាមិនអាចចាប់ផ្តើមបានទេ រហូតដល់ក្រុមហាម៉ាសរំសាយអាវុធ។ របាយការណ៍ប្រព័ន្ធផ្សព្វផ្សាយនិយាយថា លោក Netanyahu មិនបានបដិសេធដោយផ្ទាល់ចំពោះរបាយការណ៍ទាំងនេះទេ នៅពេលថ្លែងទៅកាន់របាយការណ៍ប្រព័ន្ធផ្សព្វផ្សាយកាលពីពេលមុន ដែលអះអាងថា រដ្ឋាភិបាលសហរដ្ឋអាមេរិកបានសម្រេចលុបចោលការរំសាយអាវុធរបស់ក្រុមហាម៉ាស ជាបុរ៉េលក្ខខណ្ឌសម្រាប់ការកសាងឡើងវិញតំបន់ហ្កាហ្សា។ ទោះជាយ៉ាងណា លោកបានសង្កត់ធ្ងន់យ៉ាងមុតមាំថា អ៊ីស្រាអែលនឹងមិនទទួលយកការកសាងឡើងវិញតំបន់ហ្កាហ្សាឡើយ បើដែនដីនោះមិនត្រូវបានដកហូតអាវុធជាមុនសិន នេះបើយោងតាមរបាយការណ៍។ បទឈប់បាញ់រវាងអ៊ីស្រាអែល និងក្រុមហាម៉ាស បានចូលជាធរមាននៅថ្ងៃទី១០ ខែតុលា ឆ្នាំ២០២៥។ ដំណាក់កាលដំបូងនៃកិច្ចព្រមព្រៀងរួមមាន ការដោះដូរឈ្លើយសឹក និងអ្នកជាប់ឃុំឃាំងរវាងភាគីទាំងពីរ ការអនុញ្ញាតឲ្យចូលជំនួយមនុស្សធម៌ទៅក្នុងតំបន់នោះ និងការដកកងកម្លាំងអ៊ីស្រាអែលចេញពីតំបន់មួយចំនួននៅហ្កាហ្សា។ សហរដ្ឋអាមេរិក បានប្រកាសនៅពាក់កណ្តាលខែមករា អំពីការចាប់ផ្តើមដំណាក់កាលទីពីរ ដែលផ្តោតលើការរំសាយកងទ័ពរបស់តំបន់ហ្កាហ្សា ការកសាងឡើងវិញ ការគ្រប់គ្រងអន្តរកាល និងការដកទ័ពរបស់អ៊ីស្រាអែលទាំងស្រុង។ ទាក់ទងនឹងស្ថានភាពនៅក្នុងប្រទេសលីបង់ របាយការណ៍នេះបាននិយាយថា លោក Netanyahu បានច្រានចោលយ៉ាងដាច់អហង្ការចំពោះពាក្យចចាមអារ៉ាមដែលថា ប្រធានាធិបតីសហរដ្ឋអាមេរិក លោក Donald Trump បានដាក់សម្ពាធលើអ៊ីស្រាអែលពីការបញ្ចៀសចំណាត់ការប្រឆាំងផ្លូវរូងក្រោមដីរបស់ក្រុមហេសបូឡា នៅក្នុងប្រទេសលីបង់។ លោកបានបញ្ជាក់ថា សហរដ្ឋអាមេរិកមិនបានធ្វើការស្នើសុំបែបនេះទេ ហើយប្រតិបត្តិការយោធារបស់អ៊ីស្រាអែលគឺផ្អែកលើការពិចារណារបស់ខ្លួនទាំងស្រុង។

បណ្ដាញសង្គម

ព័ត៌មានថ្មីៗ

ឯកឧត្តមបណ្ឌិត លី ធុជ ៖ ចម្ការមីនមួយដែលយើងបោសសម្អាតរួច នឹងចូលរួមដល់សន្តិសុខស្បៀង អភិវឌ្ឍសេដ្ឋកិច្ចសហគមន៍ និងកាត់បន្ថយភាពក្រីក្រ
07/28/2026 04:07 PM
Facebook Telegram Linkin
សហភាពអឺរ៉ុប ជួយប្រទេសបារាំង និងអេស្ប៉ាញ ដោះស្រាយបញ្ហាចំហេះព្រៃ
07/28/2026 04:07 PM
Facebook Telegram Linkin
កិច្ចសហប្រតិបត្តិការដ៏ល្អរវាងរដ្ឋសភាកម្ពុជា-វៀតណាម មានគុណតម្លៃនិងផ្តល់ផលប្រយោជន៍ជាច្រើនដល់ពលរដ្ឋទាំងសងខាង
07/28/2026 04:07 PM
Facebook Telegram Linkin
ប្រធានាធិបតីអ៊ុយក្រែន៖ លោកPutin មានផែនការកេណ្ឌកងទ័ពថ្មីរហូតដល់កន្លះលាននាក់
07/28/2026 04:07 PM
Facebook Telegram Linkin
បារាំង និងអេស្ប៉ាញ គ្រោងនឹងគាំទ្រផ្នែក​សេដ្ឋកិច្ច ខណៈចំហេះ​ព្រៃធំៗ នៅតែឆាប​ឆេះ
07/28/2026 04:07 PM
Facebook Telegram Linkin
ប្រេស៊ីលស្វែងរកការពិគ្រោះយោបល់ជាមួយ WTO ជុំវិញ​អត្រា​ពន្ធ​របស់សហរដ្ឋអាមេរិក
07/28/2026 04:07 PM
Facebook Telegram Linkin
ប្រទេសឆាដគ្រោងដកខ្លួនចេញពីតុលាការឧក្រិដ្ឋកម្មអន្តរជាតិ (ICC)
07/28/2026 04:07 PM
Facebook Telegram Linkin
ឯកឧត្តម ទេសរដ្ឋមន្រ្តី គន់ គីម អញ្ជើញដឹកនាំកិច្ចប្រជុំពិភាក្សាលើការងារគ្រប់គ្រងគ្រោះមហន្តរាយជាមួយអន្តរក្រសួង
07/28/2026 04:07 PM
Facebook Telegram Linkin
កោះ​តៃវ៉ាន់ ធ្វើ​​សមយុទ្ធ​ ដើម្បីសាកល្បងបម្លាស់ទី​ផលិតកម្ម​អាវុធ ក្រោមការវាយប្រហាររបស់ចិន
07/28/2026 04:07 PM
Facebook Telegram Linkin
ប្រភព៖ មន្ទីរបញ្ចកោណ ប្រាប់​ថា មូល​និធិ សម្រាប់​អ៊ុយក្រែន នឹង​មិន​បញ្ចប់​ ​រហូតដល់លោក Trump អស់អាណត្តិ​​
07/28/2026 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.